News @ M-Media

Tag: Hindu in Myanmar

  • ရိုဟင်ဂျာလက်နက်ကိုင်အဖွဲ့က ဟိန္ဒူများအား သတ်ဖြတ်မှုကို လူ့အခွင့်အရေးအဖွဲ့ ဖော်ထုတ်

    ရိုဟင်ဂျာလက်နက်ကိုင်အဖွဲ့က ဟိန္ဒူများအား သတ်ဖြတ်မှုကို လူ့အခွင့်အရေးအဖွဲ့ ဖော်ထုတ်

    မေ ၂၃၊ ၂၀၁၈
    M-Media

    ရခိုင်မြောက်ပိုင်းရှိ ဟိန္ဒူဘာသာဝင်များ

    – ပြီးခဲ့တဲ့နှစ် ရခိုင်ပြည်နယ်မြောက်ပိုင်းမှာ ရဲကင်းစခန်းတွေကို တိုက်ခိုက်ခဲ့တဲ့ ရိုဟင်ဂျာလက်နက်ကိုင်အဖွဲ့ ARSA ဟာ ဟိန္ဒူဘာသာဝင်တွေကို အစုလိုက်အပြုံလိုက် သတ်ဖြတ်ခဲ့တယ်ဆိုတဲ့ သက်သေအထောက်အထား ရရှိခဲ့တယ်လို့ နိုင်ငံတကာ လူ့အခွင့်အရေးအဖွဲ့ Amnesty International က မနေ့မှာ ထုတ်ပြန်လိုက်ပါတယ်။

    ရဲကင်းစခန်းတွေကို တိုက်ခိုက်ခဲ့တဲ့ ၂၀၁၇ ခုနှစ် သြဂုတ်လ ၂၅ ရက်နေ့မှာပဲ ARSA ဟာ မောင်တောမှာ ဟိန္ဒူ ၉၉ ယောက်လောက်ကို သတ်ဖြတ်ခဲ့တာဖြစ်တယ်လို့ AI ရဲ့ အစီရင်ခံစာမှာ ဖော်ပြထားတာပါ။

    ဒါဟာ ARSA ရဲ့ ကျူးလွန်မှုတွေနဲ့ပတ်သက်ပြီး ပထမဆုံး သုတေသနပြုထုတ်ပြန်ချက်ဖြစ်ပါတယ်။

    AI က တာဝန်ရှိသူ တီရာနာ ဟာဆန်က သတ်ဖြတ်မှု ကျူးလွန်သူတွေကို အရေးယူရမယ်လို့ ပြောကြားခဲ့ပါတယ်။

    “ကျွန်မတို့ တွေ့ဆုံမေးမြန်းခဲ့သူတွေမှာ အထင်းသားပေါ်လွင်နေတဲ့ ARSA ရဲ ကြမ်းကြုတ်မှုတွေကို လစ်လျူရှုလို့ မရပါဘူး။ ရခိုင်ပြည်နယ်မြောက်ပိုင်းမှာ မြန်မာလုံခြုံရေးတပ်ဖွဲ့ရဲ့ လူသားထုအပေါ် ကျူးလွန်တဲ့ ရာဇ၀တ်မှုတွေကို အရေးယူဖို့ အရေးကြီးသလိုပဲ ARSA ရဲ့ ဒီရက်စက်မှုတွေကို အရေးယူရပါမယ်”

    ဟိန္ဒူအရပ်သားတွေကို ရိုဟင်ဂျာလက်နက်ကိုင်တွေက သတ်ဖြတ်ခဲ့တယ်ဆိုပြီး အရင်က မြန်မာစစ်တပ်ရဲ့ ပြောကြားမှုတွေကို ARSA အဖွဲ့က ငြင်းဆိုထားတာပါ။

    မောင်တောသတ်ဖြတ်မှု

    အနောက်ခမောင်းဆိပ်ကျေးရွာမှာ ARSA ဟာ ဟိန္ဒူအမျိုးသား၊ အမျိုးသမီးနဲ့ ကလေးငယ် ၆၉ ဦးကို ဖမ်းဆီးကာ အဲဒီအထဲက ၅၃ ဦးကို သတ်ဖြတ်ခဲ့တယ်လို့ မျက်မြင်သက်သေတွေ၊ အသက်ရှင်ကျန်ရစ်သူတွေရဲ့ ပြောကြားမှုကို ကိုးကားပြီး Anmesty က ဖော်ပြထားပါတယ်။

    သေဆုံးသူတွေထဲမှာ အသက် ၁၄ နှစ်အောက် ၈ ဦး အပါအ၀င် ကလေးငယ် ၂၃ ဦး၊ အမျိုးသမီး ၁၀ ဦးနဲ့ အမျိုးသား ၂၀ ပါဝင်ပါတယ်။ အမျိုးသမီး ၈ ဦးနဲ့ ကလေး ၈ ဦးတို့ကတော့ လွတ်မြောက်ခဲ့ပါတယ်။

    အသက်ရှင်ကျန်ရစ်သူတွေက သူတို့ဟာ အစ္စလာမ်ဘာသာကို ကူးပြောင်းမယ်လို့ ကတိပေးတဲ့အတွက် အသက်ဘေးက လွတ်မြောက်လာတာဖြစ်ပြီး ဘင်္ဂလားဒေ့ရ်ှဖက်ကို ပြန်ပေးဆွဲခံခဲ့ရတယ်လို့ Amnesty ကို ပြောကြားခဲ့ ပါတယ်။

    Amnesty ကို ထွက်ဆိုခဲ့ကြသူတွေထဲမှာ အမျိုးသမီးအချို့က သူတို့ကိုသတ်ဖြတ်တာ ရခိုင်ဗုဒ္ဓဘာသာဝင်တွေလို့ စောစောပိုင်းက ပြောကြားခဲ့ပေမယ့် နောက်ပိုင်းမှာ ဒီပြောကြားချက်ကို ရုပ်သိမ်းကာ ရိုဟင်ဂျာလက်နက်ကိုင်တွေ သတ်ဖြတ်တာလို့ ပြန်လည် ထွက်ဆိုခဲ့ပါတယ်။

    ခမောင်းဆိပ်နားက ရဲဘောကျကျေးရွာမှာလည်း သြဂုတ် ၂၅ ရက်နေ့က ဟိန္ဒူ အမျိုးသား၊ အမျိုးသမီးနဲ့ ကလေးငယ် ၄၆ ယောက် ပျောက်ဆုံးသွားခဲ့ပြီး သူတို့ရဲ့အလောင်းတွေကို မတွေ့ပေမယ့် ရိုဟင်ဂျာလက်နက်ကိုင်တွေရဲ့ သတ်ဖြတ်မှုကို ခံခဲ့ရပြီလို့ ကောက်ချက်ချခဲ့ပါတယ်။

    သြဂုတ်လ ၂၆ ရက်နေ့ မြို့သူကြီးရွာမှာ ဟိန္ဒူ ၆ ယောက် သတ်ဖြတ်ခံရမှုမှာလည်း ARSA အဖွဲ့ ပါဝင်တယ်လို့ Amnesty အဖွဲ့က ပြောကြားခဲ့ပါတယ်။

    ရခိုင်မြောက်ပိုင်းမှာ ဖြစ်ပွားခဲ့တဲ့ လူ့အခွင့်အရေးချိုးဖောက်မှုပမာဏကို အတိအကျသိရှိနိုင်ဖို့အတွက် ကုလ အချက်အလက်ရှာဖွေရေးအဖွဲ့ အပါအ၀င် လွတ်လပ်တဲ့ စုံစမ်းစစ်ဆေးသူတွေကို မြန်မာအစိုးရက ၀င်ခွင့်ပြုရမှာဖြစ်ကြောင်း၊ တစ်ဖက်ကကျူးလွန်မှုတွေကို လက်ညှိုးထိုးကာ နောက်တစ်ဖက်ကလည်း အဲဒီလိုကျူးလွန်မှုတွေ ထပ်လုပ်မယ်ဆိုရင် နှစ်ဖက်စလုံးကို ရှုတ်ချရမှာဖြစ်ကြောင်း Amnesty က ထည့်သွင်းဖော်ပြခဲ့ပါတယ်။

    Ref: Aljazeera

  • ဟိန္ဒူဘာသာဝင်များကို သတ်ဖြတ်မြှုပ်နှံထားသည့်နေရာများ ရခိုင်မြောက်ပိုင်းတွင် တွေ့ရှိ

    ဟိန္ဒူဘာသာဝင်များကို သတ်ဖြတ်မြှုပ်နှံထားသည့်နေရာများ ရခိုင်မြောက်ပိုင်းတွင် တွေ့ရှိ

    စက်တင်ဘာ ၂၆၊ ၂၀၁၇
    M-Media

    သတ်ဖြတ် မြှုပ်နှံထားသည့်နေရာအား တူးဖော်နေစဉ် (Photo Credit – Facebook page of Information Committee)

    – ရခိုင်ပြည်နယ်မြောက်ပိုင်းမှာ ဟိန္ဒူဘာသာဝင်တွေ အစုလိုက်အပြုံလိုက် သတ်ဖြတ်မြှုပ်နှံခဲ့ထားရတဲ့ နေရာတွေကို တွေ့ရှိခဲ့တယ်လို့ မြန်မာအစိုးရ အာဏာပိုင်တွေက ပြောကြားလိုက်ပါတယ်။

    တနင်္ဂနွေနေ့က မြေကျင်းနှစ်ခုမှာ အလောင်း ၂၅ လောင်း တွေ့ရှိခဲ့ပြီးတဲ့နောက် တနင်္လာနေ့မှာ နောက်ထပ် ၁၇ လောင်းကို ထပ်မံတွေ့ရှိခဲ့တာပါ။

    မနေ့က တူးဖော်ခဲ့တဲ့ အလောင်းတွေကို ကိုယ်တိုင်သွားရောက် ကြည့်ရှုခဲ့တဲ့ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီး ဒေါက်တာဝင်းမြတ်အေးက အသတ်ခံရသူ အများစုဟာ အမျိုးသမီးတွေနဲ့ ကလေးတွေဖြစ်ပြီး လက်တွေကို ကြိုတုပ်ထားကာ တစ်ချို့ကို ခေါင်းဖြတ်ထားတယ်လို့ ဆိုပါတယ်။

    ၀န်ကြီးနဲ့ ရဲတပ်ဖွဲ့အကြီးအကဲတစ်ဦးက ဒီသေဆုံးသူတွေဟာ လွန်ခဲ့တဲ့ တစ်လလောက်က ပျောက်ဆုံးနေတဲ့ ဟိန္ဒူဘာသာဝင် ၁၀၀ ကျော်ထဲက ဖြစ်မယ်လို့ ယုံကြည်ကြောင်း VOA မြန်မာပိုင်းအစီအစဉ်ကို ပြေကြားခဲ့ပါတယ်။

    ရခိုင်ပြည်နယ်မြောက်ပိုင်း ရဲဘောာ်ကျကျေးရွာ အပြင်ဘက်မှာ ဟိန္ဒူ ၂၈ ဦးရဲ့ အလောင်းကို တွင်း ၂ ခုမှာတွေ့ရှိခဲ့တဲ့ မြန်မာစစ်တပ်ကတော့ ဒီလူတွေကို ရိုဟင်ဂျာ ‘အစွန်းရောက်အကြမ်းဖက်သမား’ တွေက သတ်ဖြတ်တာဖြစ်တယ်လို့ ပြောကြားခဲ့ပါတယ်။

    စစ်သားတွေ၊ ရဲတပ်ဖွဲ့ဝင်တွေနဲ့အတူ အလောင်းတူးဖော်မှုမှာ ပါဝင်ခဲ့တဲ့ ဟိန္ဒူခေါင်းဆောင် Ni Maul က အလောင်းတွေဟာ အသက် ၃၀ ကနေ ၅၀ ကြား ဟိန္ဒူအမျိုးသားတွေရဲ့ အလောင်းတွေဖြစ်ပြီး ကျင်း ၂ ကျင်းမှာ မြှုပ်နှံထားတာဖြစ်တယ်လို့ ဆိုပါတယ်။

    “လူ ၁၀၀ ကျော်စလုံး အဲဒီအချိန်တုန်းက အသတ်ခံရတယ်လို့ ကျွန်တော်တို့ ယုံကြည်ပြီး စစ်သားတွေ၊ ရဲတွေနဲ့ ကျွန်တော်တို့ ဆက်လက် ရှာဖွေနေတယ်” လို့ ဆိုပါတယ်။

    ခမောင်းဆိပ်ရွာက အိုးအိမ်စွန့်ခွာ ထွက်ပြေးရတဲ့ ဟိန္ဒူတွေက သြဂုတ်လ ၂၅ က်နေ့မှာ ရိုဟင်ဂျာတိုက်ခိုက်ရေးသမားတွေဟာ သူတို့ရွာထဲ ၀င်လာပြီး လူအများအပြားကို သတ်ဖြတ်ကာ၊ အခြားသူတွေကို တောထဲ ခေါ်ဆောင်သွားတယ်လို့ ပြောကြားခဲ့ပါတယ်။

    သြဂုတ်လ ၂၅ ရက်နေ့မှာ ရိုဟင်ဂျာလက်နက်ကိုင်အဖွဲ့ ARSA က ရခိုင်ပြည်နယ်မြောက်ပိုင်းမှာရှိတဲ့ ရဲကင်းစခန်း ၃၀ လောက်ကို စီးနင်းတိုက်ခိုက်ခဲ့ပြီးနောက်ပိုင်း စစ်တပ်က နယ်မြေရှင်းလင်းရေး လုပ်ဆောင်ခဲ့ပြီး လုံခြုံရေးတပ်ဖွဲ့ဝင်တွေအပါအ၀င် လူပေါင်း ၄၀၀ ကျော်လောက် သေဆုံးခဲ့ပါတယ်။

    သေဆုံးသူအများစုဟာ အကြမ်းဖက်သမားတွေဖြစ်တယ်လို့ အစိုးရက ထုတ်ပြန်ထားပြီး အိုးအိမ်စွန့်ခွာ ထွက်ပြေးရတဲ့ ရခိုင်နဲ့ အခြားလူမျိုးစုတွေကို အစိုးရက ကယ်ဆယ်စောင့်ရှောက်ထားပါတယ်။

    ရိုဟင်ဂျာတွေဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး လတ်တလော မတည်ငြိမ်မှုအတွင်း ၄ သိန်းကျော်လောက် ဘင်္ဂလားဒေ့ရ်ှကို ရောက်ရှိလာတယ်လို့ ကုလက သတင်းထုတ်ပြန်ထားပါတယ်။

    Ref : Hindustantimes,VOA