News @ M-Media

Tag: Historical Mosque

  • ရုရှားနိုင်ငံမှ ထူးခြားသည့် ဗလီဝတ်ကျောင်းတော် ၁၀ လုံး

    ရုရှားနိုင်ငံမှ ထူးခြားသည့် ဗလီဝတ်ကျောင်းတော် ၁၀ လုံး

    သြဂုတ် ၂၊ ၂၀၁၇
    M-Media

    – အစ္စလာမ်သာသနာဟာ ရုရှးအော်သိုဒေ့ါစ်ပြီးရင် ရုရှားနိုင်ငံမှာ ဒုတိယကိုးကွယ်သူအများဆုံး ဘာသာတရားတစ်ခုဖြစ်ပြီး ရုရှားရဲ့ သမိုင်းအမွေအနှစ်တွေနဲ့ ဆက်စပ်နေတဲ့ ရိုးရာဘာသာတရားတွေထဲက တစ်ခုအဖြစ် မှတ်ယူခံထားရပါတယ်။

    ၂၀၀၇ ခုနှစ်က Russian Public Opinion Research Center က ကောက်ယူတဲ့ စစ်တမ်းမှာ ရုရှားပြည်သူတွေရဲ့ ၆ ရာခိုင်နှုန်းက သူတို့ဟာ အစ္စလာမ်ဘာသာကို သက်ဝင်ယုံကြည်ကြတယ်လို့ ဖြေကြားခဲ့ပါတယ်။ Pew Research Center က ၂၀၁၇ ခုနှစ်မှာ ကောက်ယူခဲ့တဲ့ စစ်တမ်းမှာတော့ ရုရှားမှာ အစ္စလာမ်ဘာသာဝင်အရေအတွက်ဟာ ၁၀ ရာခိုင်နှုန်းလောက်ရှိတယ်လို့ ဆိုပါတယ်။

    Russia Today မှာ ဖော်ပြခဲ့တဲ့ ဆောင်းပါးတစ်ခုမှာ ၁၅ ရာခိုင်နှုန်းလို့ ရေးသားထားပါတယ်။

    ရုရှားနိုင်ငံမှာ ဗလီဝတ်ကျောင်းတော် တော်တော်များများလည်းရှိနေပြီး အဲဒီအထဲကမှ ထူးခြားတဲ့ ဗလီဝတ်ကျောင်းတော် ၁၀ လုံးအကြောင်းကို အကျဉ်းချုပ် ဖော်ပြလိုက်ပါတယ်။

    ၁။ နူရ်ဒါ ကမာလ် ဗလီ (Nurda Kamal Mosque)

    ကမ္ဘာ့ မြောက်ဖက်အစွန်းကျဆုံး ဗလီအဖြစ် ဂင်းနစ်မှတ်တမ်းဝင်ထားတဲ့ နူရ်ဒါ ကမာလ် ဗလီဝတ်ကျောင်းတော်ဟာ ဆိုက်ဘေးရီးယားဒေသက စက်မှုမြို့ဖြစ်တဲ့ Norilsk မှာ တည်ရှိပါတယ်။ ဒီဗလီဝတ်ကျောင်းတော်ကို ၁၉၉၈ ခုနှစ်မှာ ဖွင့်လှစ်ခဲ့တာဖြစ်ပါတယ်။

    ၂။ မော်စကိုဂျာမေဗလီ (Moscow Cathedral Mosque)

    ၁၉၀၄ ခုနှစ်မှာ တည်ဆောက်ခဲ့တဲ့ ဒီဗလီဝတ်ကျောင်းတော်ကြီးဟာ ၂၀၁၁ ခုနှစ်မှာ ဖြိုချတဲ့အထဲ ပါသွားခဲ့ပါတယ်။ နောက်ပိုင်းမှာ အဆောက်အဦးအဟောင်းက ကျောက်တုန်းတွေကို ပြန်လည်စုစည်းကာ တည်ဆောက်ခဲ့ပြီး ၂၀၁၅ ခုနှစ်မှာတော့ ပြန်လည်ဖွင့်လှစ်နိုင်ခဲ့ပါတယ်။ ဥရောပရဲ့ အကြီးဆုံးဗလီဝတ်ကျောင်းတော်ကြီးဖြစ်သလို ၇၉ မီတာရှိတဲ့ မင်နာရတ်မျှော်စင်ကလည်း ဥရောပမှာ အမြင့်ဆုံး မင်နာရတ်အဖြစ် မှတ်တမ်းဝင်ပါတယ်။

    ၃။ ဗလီပြာ (Blue Mosque)

    ဒီဗလီဝတ်ကျောင်းတော်ကြီးကို နီဗာမြစ်ဝကျွန်းပေါ်ဒေသရဲ့ တတိယအကြီးဆုံးကျွန်း Petrogradsky မှာ ၁၉၁၀ ခုနှစ်က တည်ဆောက်ခဲ့ပါတယ်။ ဗလီရဲ့အမိုးခုံးဟာ ဥဇဘက်ကစ္စတန်နိုင်ငံ ဆမာရ်ကန်ဒေသမှာရှိတဲ့ တူရကီဘုရင် တာမာလိန်းရဲ့ ဗိမာန်က အမိုခုံးကို ပုံတူယူပြီး တည်ဆောက်ထားတာ ဖြစ်ပါတယ်။ ဗလီပြာဟာ မြစ်ကမ်းနဖူးပေါ်မှာ တည်ဆောက်ထားတဲ့ ဥရောပက တစ်ခုတည်းသော ဗလီဖြစ်ပါတယ်။

    ၄။ ဆူလ်တန် ဒီလင်မ်ခါနော့ဗ် ဗလီ (Sultan Delimkhanov)

    ခြေချင်းညာဒေသက Dzhalka ဆိုတဲ့ ရွာလေးမှာ တည်ရှိပါတယ်။ ၁၉၉၀ ပြည့်နှစ်ပိုင်းက လုပ်ကြံသတ်ဖြတ်ခြင်း ခံလိုက်ရတဲ့ ကျေးရွာခေါင်းဆောင် ဒီလင်မ်ခါနော့ဗ်ကို အစွဲပြုပြီး သူ့နာမည် မှည့်ခေါ်ထားတာ ဖြစ်ပါတယ်။ ဒီဗလီဝတ်ကျောင်းတော်မှာ တစ်ကြိမ်တည်း လူ ၅၀၀၀ လောက် ၀တ်ပြုနိုင်ပါတယ်။

    ၅။ ဂျူမာ ဗလီဝတ်ကျောင်းတော် (Jumah Mosque)

    ဒါဂက်စတန်ဒေသက ဒါဘန့်မြို့မှာတည်ရှိတဲ့ ဒီဗလီဝတ်ကျောင်းတော်ကို သက္ကရာဇ် ၇၃၃ နဲ့ ၇၃၄ ကြားမှာ တည်ဆောက်ခဲ့တာဖြစ်ပြီး ရုရှားမှာ ရှေးအကျဆုံး ဗလီဝတ်ကျောင်းတော် ဖြစ်ပါတယ်။ ဒီဗလီဟာ ယူနက်စကိုက ကမ္ဘာ့သမိုင်းအမွေအနှစ်အဖြစ် သတ်မှတ်ခံထားရတဲ့ ဗလီလည်း ဖြစ်ပါတယ်။

    ၆။ ဂျမေဗလီကြီး ( Grand Mosque)

    ဒီဗလီဝတ်ကျောင်းတော်ကို ၁၉၉၇ ခုနှစ်မှာ တည်ဆောက်ခဲ့ပြီး တူရကီက အချမ်းသာဆုံး မိသားစုတွေထဲက တစ်စုက ငွေကြေးစိုက်ထုတ်ပေးခဲ့တာ ဖြစ်ပါတယ်။ ဒါဂက်စတန်ဒေသ Makhachkala မှာရှိတဲ့ ဒီဗလီဝတ်ကျောင်းတော်ကို နောက်ပိုင်းမှာ ပြင်ဆင်မှုတွေ ပြုလုပ်ခဲ့ပြီး လက်ရှိ လူပေါင်း ၁၇၀၀၀ လောက် တစ်ချိန်တည်း ၀တ်ပြုနိုင်ကာ ရုရှားမှာ လူအများဆုံး ၀တ်ပြုနိုင်တဲ့ ဗလီဖြစ်ပါတယ်။

    ၇။ ကူလ်ရှရစ်ဖ် ဗလီ (Kul Sharif)

    ကာဇန်မြို့က ဒီဗလီဟာ ၁၅၄၇ ခုနှစ်ကနေ ၁၅၅၂ ခုနှစ်အထိ အုပ်စိုးခဲ့တဲ့ အိုက်ဗန် ဂရော့ဇနီရဲ့ လက်ထက်မှာ ဖျက်ဆီးခံလိုက်ရတဲ့ သမိုင်းဝင် မင်နာရတ်ရှိရာ ဗလီဝတ်ကျောင်းတော်ဟောင်း နေရာမှာ ပြန်လည်ဆောက်လုပ်ထားတာ ဖြစ်ပါတယ်။ ၅၅ မီတာမြင့်တဲ့ မင်နာရတ်မျှော်စင် ၆ ခုဟာ ကာဇန်ရဲ့ ဗိသုကာဆိုင်ရာ သမိုင်းဝင် အဆောက်အဦးထဲမှာ ပါဝင်ပြီး ၂၀၀၀ ခုနှစ်မှာ ကမ္ဘာ့အမွေအနှစ်စာရင်း ၀င်ခဲ့ပါတယ်။

    ၈။ လာလာတူလစ် ဗလီကြီး ( Lala-Tulip Mosque)

    Bashkortostan ကိုယ်ပိုင်အုပ်ချုပ်ခွင့်ရဒေသမှာ ရှိနေတဲ့ ဒီဗလီကြီးကို ၁၉၉၀-၉၈ မှာ တည်ဆောက်ခဲ့တာဖြစ်ပြီး ထူးခြားဆန်းပြားတဲ့ ခေတ်သစ် ဗိသုကာလက်ရာ ဖြစ်ပါတယ်။ အဓိက ၀တ်ပြုဆောင်ရဲ့ တစ်ဖက်တစ်ချက်စီမှာ ရှိနေတဲ့ မင်နာရတ်နှစ်ခုဟာ ၅၃ မီတာစီ မြင့်ပါတယ်။ ဒီဗလီဟာ ဥရောပမှာ မော်ဒန်အကျဆုံး ဒီဇိုင်းလည်း ဖြစ်ပါတယ်။

    ၉။ ဘူလ်ဂါရ်ဗလီ (Bulgar Mosque)

    ကာဇန်မြို့မှာ တည်ရှိနေပြီး ရုရှားတစ်နိုင်ငံလုံးမှာ တစ်ခုတည်းသော အဖြူရောင်ဗလီကြီး ဖြစ်ပါတယ်။ မွတ်စလင်ထုံးစံအရ အဖြူရောင်ဟာ သန့်ရှင်းစင်ကြယ်မှုနဲ့ စိတ်နှလုံးငြိမ်းချမ်းခြင်းကို ကိုယ်စားပြုပါတယ်။ သောကြာနေ့ ၀တ်ပြုတာမျိုး မက္ကာကိုသွားပြီး ဟဂ်ျပြုတာမျိုးတွေမှာ မွတ်စလင်တွေဟာ အဖြူရောင်ဝတ်စုံတွေကို ၀တ်လေ့ရှိပါတယ်။

    ၁၀။ အဟ်မဒ် ကဒီရော့ဗ်ဗလီ (Akhmat Kadyrov Mosque)

    ခြေချင်းညာဒေသရဲ့ အသည်းနှလုံးဖြစ်တဲ့ ဒီဗလီကျောင်းတော်ကြီးကို အစ္စတန်ဘူလ်က နာမည်ကျော် ဗလီပြာ (Blue Mosque) နဲ့ တစ်ပုံစံတည်းတူအောင် တူရကီလက်ရာအတိုင်း တည်ဆောက်ထားတာဖြစ်ပါတယ်။ ခြေချင်းညာ ကိုယ်ပိုင်အုပ်ချုပ်ခွင့်ရဒေသရဲ့ ပထမဆုံးသမ္မတအမည်ကို ဂုဏ်ပြုမှည့်ခေါ်ထားတာဖြစ်ပြီး ဗလီဝတ်ကျောင်းတော်အပြင်ဘက်မှာ တပ်ဆင်ထားတဲ့ ကင်မရာတွေကနေ ၂၄ နာရီ ၇ ရက်ပတ်လုံး ဗလီရဲ့ လှုပ်ရှားမှုကို အွန်လိုင်းက Live လွှင်ပေးနေပါတယ်။

    Ref: rbth.com

  • အာဖရိကမှ သမိုင်းဝင် လာရာဘန်ဂါ ဗလီဝတ်ကျောင်းတော်အကြောင်း တစေ့တစောင်း

    အာဖရိကမှ သမိုင်းဝင် လာရာဘန်ဂါ ဗလီဝတ်ကျောင်းတော်အကြောင်း တစေ့တစောင်း

    ဒီဇင်ဘာ ၁၊ ၂၀၁၆

    M-Media

    a-1
    ဂါနာနိုင်ငံ၏ သက်တမ်းအရင့်ဆုံး လာရာဘန်ဂါ ဗလီဝတ်ကျောင်းတော်

    – သက္ကရာဇ် ၁၄၀၀ ပြည့်နှစ်လောက်မှာ တည်ဆောက်ခဲ့တဲ့ ဒီဗလီဝတ်ကျောင်းတော်ကို လာရာဘန်ဂါ ဗလီဝတ်ကျောင်းတော်လို့ခေါ်ပြီး ဂါနာနိုင်ငံမှာ တည်ရှိတာဖြစ်ပါတယ်။

    ဒီဗလီဝတ်ကျောင်းတော်ဟာ ဂါနာနိုင်ငံရဲ့ သက်တမ်းအရင့်ဆုံး ဗလီဝတ်ကျောင်းတော်ဖြစ်ပြီး အနောက်အာဖရိမှာတော့ အရေးပါတဲ့ သမိုင်းဆိုင်ရာ နေရာတစ်ခု ဖြစ်ပါတယ်။ ဒီဗလီကို သက္ကရာဇ် ၁၄၀၀ ပြည့်နှစ်တွေက မဒီနာကနေ ရောက်ရှိလာတဲ့ အိုက်ယူဘာ အလ်-အန်ဆာရီက ဆောက်လုပ်ခဲ့တာပါ။

    ရွှံ့နဲ့ဆောက်လုပ်ထားတဲ့ ဒီဗလီဝတ်ကျောင်းတော်ဟာ ပူပြင်းလှတဲ့ အာဖရိက အပူန်ချိန်ကို အံ့တုကာ အေးမြမှုပေးနိုင်ပြီး၊ အဆောက်အဦးခိုင်ခံဖို့အတွက်တော့ ဒေသထွက် သစ်ပင်တွေရဲ့ပင်စည်ကို အသုံးပြုထားပါတယ်။ ဒီပင်စည်တွေဟာ အင်မတန်မာကျောပြီး ခေါက်ကြည့်လိုက်တဲ့အခါမှာ သတ္တုလိုအသံမျိုး ထွက်ပါတယ်။

    ဒီဗလီဝတ်ကျောင်းတော်မှာ ယနေ့အချိန်အထိ နေ့စဉ် ၅ ကြိမ်ဝတ်ပြုမှုနဲ့၊ တစ်ပတ်တစ်ခါ သောကြာဝတ်ပြုမှုတွေကို ပြုလုပ်နေဆဲဖြစ်ပြီး ဗလီဝတ်ကျောင်းတော် ပရ၀ုဏ်အတွင်းမှာတော့ ၀တ်ပြုသူ အမျိုးသား၊ အမျိုးသမီး ၁၀၀ ကျော်လောက်သာ ဆန့်ပါတယ်။ ကျန်တဲ့သူ အများစုကတော့ ဗလီဝတ်ကျောင်းတော်ဝန်းကျင်မှာ ၀တ်ပြုရတာပါ။

    ဗလီဝတ်ကျောင်းတော်ကိုဆောက်လုပ်တဲ့ အိုက်ယူဘာ အလ်-အန်ဆာရီကို ဒီဗလီဝတ်ကျောင်းတော်မှာပဲ မြှုပ်နှံခဲ့ပြီး သူ့ကို မြှုပ်နှံထားတဲ့နေရာမှာ သစ်ပင်ကြီးတစ်ပင်ကို ယခုထက်တိုင် တွေ့နိုင်ပါသေးတယ်။ အလ်-အန်ဆာရီဟာ တမန်တော် မုဟမ္မဒ်သခင် (ငြိမ်းချမ်းသာယာမှုအပေါင်း သက်ရောက်ပါစေ) ရဲ့ မိခင်အမျိုးအနွယ်ဖြစ်တဲ့ ဘနူ အလ်-နက်ဂျာရ် မျိုးနွယ်ကနေ ဆင်းသက်လာတယ်လို့ ပြောစမှတ် ရှိကြပါတယ်။

    a-9
    ဗလီဝတ်ကျောင်းတော်ကို ဆောက်လုပ်ခဲ့သည့် အလ်-အန်ဆာရီ တရားထိုင်ရာ နေရာ

    အလ်-အန်ဆာရီကို မြှုပ်နှံထားတဲ့နေရာမှာ ပေါက်နေတဲ့ နှစ်ပေါင်း ၅၀၀ သက်တမ်းရှိ သစ်ပင်က သစ်ရွက်နဲ့ အသီးတွေကို နှစ်စဉ်နှစ်တိုင်း ဒေသခံတွေက ခူးဆွတ်ကာ မျှဝေယူငင်ကြပြီး ငြိမ်းချမ်းမှု၊ သဟာဇတဖြစ်မှု၊ ညီရင်းအစ်ကိုစိတ်ဓာတ်ရင့်သန်မှု စတာတွေ တိုးပွားစေလိုတဲ့ အထိမ်းအမှတ်နဲ့ ဆောင်ရွက်ကြတာပါ။

    မိုးရာသီရောက်တိုင်း လာရာဘန်ဂါက ဒေသခံတွေဟာ ဗလီတ်ဝကျောင်းတော်ကို ရွံ့တွေနဲ့ ပြန်ကျံရပြီး ဆေးပြန်သုတ်ကြရပါတယ်။

    ဗလီဝတ်ကျောင်းတော်မှာ ၀တ်ပြုမှုကို ဦးဆောင်ရတဲ့ ရှေ့ဆောင်အီမာမ်ရဲ့အမည်ဟာ အိုစမန် ဆူလိုင်မန်ဖြစ်ပြီး လာရာဘန်ဂါ ဒေသတစ်ခုလုံးမှာ ဘာသာရေးဆိုင်ရာ လမ်းညွှန်မှုပေးတဲ့ တစ်ဦးတည်းသော ပုဂ္ဂိုလ်လည်း ဖြစ်ပါတယ်။

    a-6
    ဗလီဝတ်ကျောင်းတော်ကို ဆောက်လုပ်ခဲ့သည့် အလ်-အန်ဆာရီကို မြှုပ်နှံထားရာနေရာတွင် ပေါက်နေသည့် သစ်ပင်

    ဗလီဝတ်ကျောင်းတော်က ရှေ့ဆောင်အီမာမ် ၀တ်ပြုရာနေရာရဲ့ အပေါ်မှာ အခန်းလေးတစ်ခု ရှိနေပြီး ဗလီဝတ်ကျောင်းတော်ကို တည်ဆောက်ခဲ့သူ အလ်-အန်ဆာရီ တစ်ယောက်တည်း ကုရ်အာန်ဖတ်ခြင်း၊ တရားထိုင်ခြင်းနဲ့ ၀တ်ပြုခြင်းတို့ ပြုလုပ်တဲ့ အခန်းလေး ဖြစ်ပါတယ်။

    a-3
    လာရာဘန်ဂါ ဗလီဝတ်ကျောင်းတော်၏ အတွင်းပိုင်း
    a-8
    လာရာဘန်ဂါ ဗလီဝတ်ကျောင်းတော်၏ ရှေ့ဆောင်အီမာမ် အိုစမန် ဆူလိုင်မန် (၀ဲဘက်မှ ဒုတိယမြောက်)
    a-4
    လာရာဘန်ဂါ ဗလီဝတ်ကျောင်းတော်၏ အတွင်းပိုင်း
    a-5
    လာရာဘန်ဂါ ဗလီဝတ်ကျောင်းတော်၏ အတွင်းပိုင်း
    a-2
    လာရာဘန်ဂါ ဗလီဝတ်ကျောင်းတော်၏ ၀င်ပေါက်
    a-7
    လာရာဘန်ဂါ ဗလီဝတ်ကျောင်းတော်၏ အပြင်ပိုင်း

    Ref: ilmfeed.com