စက်တင်ဘာ ၉ ၊ ၂၀၁၇
M-Media
“Jayden K.Smith ဆိုတဲ့နာမည်နဲ့ လာအပ်ရင် လက်မခံမိစေနဲ့။” ဆိုပြီး လူမှုကွန်ရက် Facebook ရဲ့ Messenger က တစ်ဆင့်စာသားတွေရရှိနေကြပါသလား။ သူငယ်ချင်းမိတ်ဆွေတွေက အဲ့ဒီအကောင့်ကို လက်မခံဖို့ မိတ်ဆွေအဖြစ် (friend request) လက်ခံလိုက်တာနဲ့ သင့်ကိုယ်ပိုင်အကောင့်ကို ခိုးယူသွားလိမ့်မယ်လို့ ဖြန့်ဝေနေတဲ့ သတိပေးချက်တွေဟာ တကယ်တော့ အတုအယောင်သာဖြစ်ပါတယ်။
ဒီသတိပေးချက်ကို သင်ဖတ်ကြည့်နေတယ်ဆိုရင်တော့ သင်ဟာ အယုံလွယ်သူတစ်ယောက်မဟုတ်ဘဲ နည်းပညာနဲ့ပတ်သတ်လို့ တိုးတက်တဲ့အမြင်ရှိသူပါပဲ။
ဒါပေမယ့်လည်း ဒီရက်ပိုင်းအတွင်းမှာ ဒီလိမ်ညာထားတဲ့ လှိမ့်လုံး (hoax) က လူမှုကွန်ရက်သုံးစွဲသူတော်တော်များများဆီပျံ့နှံ့သွားခဲ့တယ်။
စိတ်ကောင်းရှိတဲ့သူငယ်ချင်းတွေက မြန်မြန်အသိပေးဦးမှဆိုပြီး သူတို့ဆီရောက်လာတာနဲ့ ထပ်ဆင့်ဖြန့်ဝေရာကနေ လူမှုကွန်ရက်တစ်ခုလုံးပျံ့နှံ့သွားတာလည်းဖြစ်ပါတယ်။
ဒီလို ဖြန့်ဝေချက်တွေဟာ ကျွန်တော်တို့ အရင်ရရှိခဲ့ဖူးတဲ့ chain letter တွေနဲ့ဆင်တူပါတယ်။ အဲ့ဒီမှာ ဒီစာကို ဘယ်နှစ်ရက်အတွင်း လူဘယ်နှစ်ယောက်ဆီကို မဖြန့်ဝေရင် သင့်ဆီကို ကံဆိုးမှုတွေရောက်လာမယ်စသဖြင့် ပြောဆိုထားတာမျိုးတွေပါဝင်ပါတယ်။
ဒါတွေကိုရှောင်ရှားနိုင်ဖို့ အကောင်းဆုံးနည်းလမ်းကတော့ မိမိမသိတဲ့လူတွေရဲ့ friend request တွေကို လက်မခံဖို့နဲ့ မိမိရဲ့ လုံခြုံရေး (privacy) တွေ ကိုကန့်သတ်ထားသင့်ပါတယ်။ ဒီလိုဆို မိမိနဲ့မသိကျွမ်းတဲ့လူတွေရဲ့ ထောက်လှမ်းစုံစမ်းမှုကို ရှောင်ရှားနိုင်ပြီး ရာဇဝတ်မှုတွေရဲ့ သားကောင်းအဖြစ်က ကင်းလွတ်နိုင်ပါတယ်။ ဒီလိုစာသားတွေလက်ခံရရှိတဲ့အခါမှာလဲ ပြန်မတုံပြန်ဖို့၊ ထပ်ဆင့်ဖြန့်ဝေတာတွေမလုပ်ဘဲ ဖျက်ပစ်တာမျိုးလုပ်တာဟာ အကောင်းဆုံးပါပဲ။
Ref: https://www.kaspersky.com
မြတ်ဇော် တင်ဆက်သည်။
