News @ M-Media

Tag: Human Rights in Myanmar

  • ကုလအထူးကိုယ်စားလှယ် ယန်ဟီးလီကို မြန်မာက ထပ်မံစုံစမ်းခွင့် မပေးတော့

    ကုလအထူးကိုယ်စားလှယ် ယန်ဟီးလီကို မြန်မာက ထပ်မံစုံစမ်းခွင့် မပေးတော့

    ဒီဇင်ဘာ ၂၀၊ ၂၀၁၇
    M-Media

    – မြန်မာနိုင်ငံရဲ့ လူ့အခွင့်အရေးဆိုင်ရာ ကုလ အထူးကိုယ်စားလှယ် ယန်းဟီးလီကို မြန်မာနိုင်ငံက လူ့အခွင့်အရေးဆိုင်ရာ စုံစမ်းမှုတွေ လုပ်ခွင့်မပေးတော့ဘူးလို့ သိရပါတယ်။

    ယန်ဟီးလီဟာ ဇန်န၀ါရီလအတွင်း မြန်မာနိုင်ငံကို လာရောက်ကာ ရခိုင်ပြည်နယ်အပါအ၀င် တိုင်းရင်းသား ဒေသတွေမှာ ဖြစ်ပွားနေတဲ့ လူ့အခွင့်အရေးချိုးဖောက်မှုတွေကို စုံစမ်းဖို့ ရှိနေတာဖြစ်ပေမယ့် မြန်မာအစိုးရက ပူးပေါင်းဆောင်ရွက်တော့မှာ မဟုတ်ဘူးလို့ အသိပေးခဲ့ကြောင်း သူမက ဒီကနေ့မှာ ပြောကြားလိုက်တာပါ။

    “ကျွန်မရဲ့ လုပ်ငန်းတာဝန်မှာ ပူးပေါင်းဆောင်ရွက်မှု မလုပ်တော့ဘူးလို့ ကြေငြာလိုက်ခြင်းက ရခိုင်ပြည်နယ်နဲ့ တိုင်းပြည်ရဲ့ အခြားနေရာတွေမှာ ဆိုးဆိုးဝါးဝါးတွေ ဖြစ်ပျက်နေတာမျိုး ရှိနေတယ်ဆိုတဲ့ ခိုင်မာတဲ့ ညွှန်ပြမှု တစ်ခုပါပဲ။ မြန်မာနိုင်ငံအနေနဲ့ ဒီလမ်းကြောင်းမျိုးလျှောက်ဖို့ ဆုံးဖြတ်လိုက်တာဟာ ရှက်စရာကောင်းပါတယ်”

    မြန်မာအစိုးရဟာ နိုင်ငံအတွင်းမှာ လူ့အခွင့်အရေးချိုးဖောက်မှုတွေ မရှိဘူးလို့ ငြင်းဆိုထားပြီး၊ ဖုံးကွယ်စရာ ဘာမှမရှိဘူးလို့ ပြောကြားထားပေမယ့် သူနဲ့ ပူးပေါင်းဆောင်ရွက်မှု မရှိတာ၊ အချက်အလက်ရှာဖွေရေးအဖွဲ့ကို ပေးမ၀င်တာတွေက အဓိပ္ပါယ်တစ်မျိုး ထွက်နေတယ်လို့ ယန်ဟီးလီက ဆိုပါတယ်။

    “ကျွန်မနဲ့ ပူးပေါင်းဆောင်ရွက်မှာ မဟုတ်ဘူးလို့ ဆုံးဖြတ်လိုက်တာဟာ ဇူလိုင်လအတွင်း မြန်မာနိုင်ငံကို ကျွန်မ သွားရောက်ပြီးတဲ့နောက် ကျွန်မရဲ့ ပြောကြားမှုကြောင့် ဖြစ်တယ်ဆိုပြီး ပြောတာတွေရှိပါတယ်”

    ကုလလုံခြုံရေးကောင်စီမှာ မြန်မာသံအမတ် ဦးထင်လင်းက အစိုးရအနေနဲ့ ဆက်လက်ပူးပေါင်းဆောင်ရွက်သွားမယ်လို့ ပြောကြားခဲ့ပြီးတဲ့နောက် ဒီလိုတုန့်ပြန်မှုမျိုး ထွက်လာတဲ့အတွက် စဉ်းစားမရဖြစ်ရပြီး စိတ်ပျက်မိကြောင်း၊ မြန်မာအစိုးရဟာ စိတ်ပြောင်းမယ်လို့ မျှော်လင့်ကြောင်း သူမက ထည့်သွင်းပြောကြားခဲ့ပါတယ်။

    ယန်းဟီးလီရဲ့ အခုကိစ္စနဲ့ပတ်သက်ပြီး မြန်မာအစိုးရဖက်က ထုတ်ပြန်တာမျိုး မရှိသေးပါဘူး။

    သူမရဲ့ တာဝန်ဟာ မြန်မာနိုင်ငံကို တစ်နှစ် နှစ်ကြိမ် လာရောက်ကာ လူ့အခွင့်အရေး အခြေအနေတွေကို စုံစမ်းစစ်ဆးရတာဖြစ်ပြီး ၂၀၁၄ ခုနှစ် ဇွန်လ တာဝန်ယူစဉ်အချိန်ကတည်းက မြန်မာနိုင်ငံကို ၆ ကြိမ် လာရောက်ခဲ့ပြီး ဖြစ်ပါတယ်။

    မြန်မာအစိုးရကတော့ လုံခြုံရေးအကြောင်းပြချက်နဲ့ သူမ သွားလိုတဲ့ နေရာတစ်ချို့ကို သွားခွင့်မပေးဘူးလို့ ယန်းဟီးလီက ဆိုပါတယ်။

    Ref: Reuters

  • ဘာသာရေးအကြမ်းဖက်မှုများကို နှိမ်နှင်းရန် ကုလအထူးကိုယ်စားလှယ်က မြန်မာအစိုးရကို တိုက်တွန်း

    ဘာသာရေးအကြမ်းဖက်မှုများကို နှိမ်နှင်းရန် ကုလအထူးကိုယ်စားလှယ်က မြန်မာအစိုးရကို တိုက်တွန်း

    ဇူလိုင် ၂၊ ၂၀၁၆
    M-Media

    – ပြီးခဲ့သည့် တစ်ပတ်က ပဲခူးတိုင်းဒေသကြီးတွင် ဗလီဝတ်ကျောင်းတော်အား လူအုပ်စုကြီးဖြင့် တိုက်ခိုက်မှုကို စုံစမ်းစစ်ဆေးရန်နှင့် နိုင်ငံအတွင်းရှိ ဘာသာရေးအကြမ်းဖက်မှုများကို နှိမ်နှင်းရန်အတွက် မြန်မာနိုင်ငံရှိ လူ့အခွင့်အရေးအခြေအနေဆိုင်ရာ ကုလသမဂ္ဂ အထူးကိုယ်စားလှယ် ယန်ဟီးလီက ဒေါ်အောင်ဆန်းစုကြည်ဦးဆောင်သည့် မြန်မာအစိုးရအား တိုက်တွန်း ပြောကြားလိုက်သည်။

    သူရဲသမိန် ကျေးရွာတွင် ဖြစ်ပွားခဲ့သည့် အဆိုပါအဖြစ်အပျက်တွင် လူလုပ်စုကြီးမှာ အဆောက်အဦးတစ်ခု ဆောက်လုပ်မှုအတွက် အငြင်းပွားရာမှ ဗလီဝတ်ကျောင်းတော်တစ်လုံးအား ဖျက်ဆီးခဲ့ခြင်းဖြစ်ပြီး မွတ်စလင်အမျိုးသားတစ်ဦးကိုလည်း ရိုက်နှက်ခဲ့သည်။

    သောကြာနေ့ကလည်း မြန်မာနိုင်ငံမြောက်ပိုင်းရှိ မွတ်စလင်ဝတ်ပြုဆောင်တစ်ခုကို လူအုပ်စုကြီးက မီးရှို့ဖျက်ဆီးခဲ့သည်။

    အဆိုပါ တိုက်ခိုက်မှုများက ဆယ်စုနှစ်များစွာကြာ အုပ်စိုးခဲ့သည့် စစ်အာဏာရှင်စနစ်၏ အမွေဆိုးဖြစ်သော ဘာသာရေးနှင့် လူမျိုးရေး စိတ်ဝမ်းကွဲမှုကို ဒေါ်အောင်ဆန်းစုကြည်က ရင်ဆိုင်နေရခြင်းလည်း ဖြစ်သည်။

    မြန်မာနိုင်ငံရှိ လူ့အခွင့်အရေးဆိုင်ရာ အထူးကိုယ်စားလှယ်ဖြစ်သူ ယန်ဟီးလီမူ သူရဲသမိန်ကျေးရွာတွင် ဖြစ်ပွားခဲ့သည့် တိုက်ခိုက်မှုကို အစိုးရက စုံစမ်းစစ်ဆေးမှု မပြုလုပ်ခြင်းအတွက် စိုးရိမ်မိသည်ဟု ပြောကြားခဲ့သည်။

    “ဒါမျိုး ငြိမ်နေတာဟာ မှားယွင်းတဲ့ခြေလှမ်းမျိုးပါ။ တိုင်းရင်းသား လူနည်းစုတွေနဲ့ ဘာသာရေးလူနည်းစုတွေအပေါ် ရန်တိုက်ပေးတာ၊ အကြမ်းဖက်တာတွေဟာ မြန်မာနိုင်ငံအတွင်းမှာ နေရာမရှိဘူးဆိုတာကို အစိုးရက လုပ်ပြရမှာပါ” ဟု ၎င်း၏ ၁၂ ရက်ကြာခရီးစဉ်၏ နောက်ဆုံးနေ့ဖြစ်သော ယမန်နေ့ သတင်းစာရှင်းလင်းပွဲတွင် ပြောကြားခဲ့သည်။

    ထို့ပြင် အမုန်းစကားဖြန့်ဖြူးမှု၊ ခွဲခြားဆက်ဆံမှု၊ မုန်းတီးမှု၊ အကြမ်းဖက်မှုနှင့် ဘာသာရေး သည်းမခံနိုင်မှုတို့မှာလည်း စိုးရိမ်စရာကောင်းသည့် အခြေအနေဖြစ်သည်ဟု သူမက ထပ်လောင်းပြောကြားခဲ့သည်။

    “ဒီဖြစ်ရပ်က အရင်ကရှိခဲ့တဲ့၊ လက်ရှိ ရှိနေတဲ့၊ နောင်လည်းရှိအုံးမယ့် လူ့အဖွဲ့အစည်းတစ်ခုအပေါ် တိုက်ခိုက်မှုလို့ ရှုမြင်နိုင်ပါတယ်။ ပြည့်ဝတဲ့ စုံစမ်းစစ်ဆေးမှုတွေပြုလုပ်တာ၊ ကြိုးကိုင်သူတွေကို တာဝန်ခံစေတာ အပါအ၀င် အစိုးရအနေနဲ့ အရေးယူဖို့ မဖြစ်မနေ လုပ်ရမှာပါ”

    ယမန်နေ့က ယန်ဟီးလီ သတင်းစာရှင်းလင်းပွဲပြုလုပ်နေသည့်အချိန်မှာပင် ကချင်ပြည်နယ် ဖားကန့်မြို့ရှိ ၀တ်ပြုဆောင်တစ်ခုမှာ မီးရှို့ဖျက်ဆီးခံခဲ့ရသည်။

    “ဆိုးရွားတဲ့ ပဋိပက္ခတွေမဖြစ်ဖို့ ကျွန်တော်တို့ ညှိနှိုင်းခဲ့ကြပါတယ်။ ဒါပေမယ့် ဘယ်သူမှ သူတို့ကို တားလုို့မရပါဘူး” ဟု ဒေသဆိုင်ရာ NLD လွှတ်တော်အမတ်ဖြစ်သူ ဦးတင်စိုးက ပြောကြားခဲ့သည်။

    လူအုပ်ကြီးမှာ ၀တ်ပြုဆောင်အား စောင့်ကြပ်ထားသည့် ရဲများကိုလည်း တိုက်ခိုက်ခဲ့ပြီး မီးသတ်ကားများ မလာနိုင်အောင်လည်း ပိတ်ဆို့ထားသည်ဟု ၎င်းက ထည့်သွင်းပြောကြားခဲ့သည်။

    ရဲတပ်ဖွဲ့ကမူ ထိုအဖြစ်အတွက် ပါဝင်သူများကို ဖမ်းဆီခြင်း မရှိသေးပေ။

    Human Rights Watch အဖွဲ့မှ တာဝန်ရှိသူတစ်ဦးဖြစ်သူ ဖီးလ် ရောဘတ်ဆန်ကမူ လက်ရှိအချိန်မှာ မြန်မာအစိုးရအတွက် နိုးထရန် အချိန်ရောက်ပြီဖြစ်ပြီး ဘာသာရေးအခြေခံသည့် အကြမ်းဖက်မှုဖြစ်အောင် လှုံ့ဆော်သူများအတွက် အမြင့်ဆုံးပြစ်ဒဏ်များ သတ်မှတ်ပြဌာန်းရမည်ဟု ပြောကြားခဲ့သည်။

    Ref: reuters

  • ချက်ခြင်းဖြေရှင်းရန် လိုအပ်သည့် နိုင်ငံအတွင်းမှ မေ့လျော့ခံ အိမ်တွင်းကလေးလုပ်သား ပြဿနာ

    ချက်ခြင်းဖြေရှင်းရန် လိုအပ်သည့် နိုင်ငံအတွင်းမှ မေ့လျော့ခံ အိမ်တွင်းကလေးလုပ်သား ပြဿနာ

    ဇွန် ၂၇၊ ၂၀၁၆
    M-Media

    child labour

    – လုပ်ငန်းခွင်များတွင် ကလေးအလုပ်သမားများအသုံးပြုမှုအပေါ် ချက်ခြင်းအရေးယူမည်ဟု အစိုးရက ပြီးခဲ့သည့်တစ်ပတ်တွင် ကတိပြုခဲ့သည့် သတင်းမှာ သတင်းကောင်းတစ်ခုဖြစ်သည်။

    အသက် ၁၄ နှစ်အောက်ကလေးငယ်များအား စီးပွားရေးလုပ်ငန်းများတွင် အမြတ်ထုတ်အသုံးချနေမှုအပေါ် ထိုကဲ့သို့ အာရုံစိုက်လာခြင်းက ကြိုဆိုစရာကိစ္စတစ်ခုဖြစ်သော်လည်း နေအိမ်များတွင် ကလေးအလုပ်သမားများအား အသုံးပြုနေမှုမှာ ထင်ထင်ပေါ်ပေါ်မရှိဘဲ လှိုက်စားနေသည့် ပြဿနာတစ်ခု ဖြစ်လေသည်။

    မြန်မာနိုင်ငံတွင် အိမ်ပြင်ထွက်အလုပ်လုပ်ရသည့် အမျိုးသားများနှင့် အိမ်တွင်နေရသည့် အမျိုးသမီးများအကြား လှုမှုရေးဆိုင်ရာ စည်းခြားမှုကို နိစ္စဓူဝ မြင်နေကြရသကဲ့သို့ ကလေးအလုပ်သမားများအကြားတွင်လည်း ထိုစည်းခြားမှုမှာ သိသိသာသာ ရှိနေလေသည်။

    လက်ဖက်ရည်ဆိုင်များ၊ ဘီယာဆိုင်များနှင့် နိုင်ငံတစ်ဝှမ်း အခြားသော အများပြည်သူနှင့်သက်ဆိုင်သည့်နေရာများတွင် အလုပ်လုပ်ကိုင်နေကြရသော ယောင်္ကျာလေးများကို အလွယ်တကူ တွေ့နိုင်၊ မြင်နိုင်ကြသည်။

    သို့ရာတွင် နေအိမ်များ၌ အိမ်အကူအဖြစ် အလုပ်လုပ်နေကြရသည့် မိန်းကလေးငယ်များစွာမှာ အိမ်တွင်း၌ လုပ်ကိုင်ရသော ၎င်းတို့၏ အလုပ်သဘာဝကြောင့် ခေါင်းပုံဖြတ်ခံရမှု၊ အနိုင်ကျင့်ခံရမှု အခွင့်အလမ်း ပိုများနေသည်ဆိုသည့် ပြဿနာကိုမူ သိသင့်သလောက် မသိကြ။

    မြန်မာနိုင်ငံတွင် လူကုန်ကူးမှုအပေါ် အာရုံစိုက်မှုမှာ အတော်လေးမြင့်တက်လာခဲ့သည်။ မကြာသေးမီကပင် နိုင်ငံခြား အထူးသဖြင့် စင်ကာပူနိုင်ငံတွင် အိမ်အကူအဖြစ် အလုပ်လုပ်နေသော မြန်မာအမျိုးသမီးများ အနိုင်ကျင့်ခံရမှုများကို တားဆီးရေး ကြိုးပမ်းမှုအဖြစ် ဥပေဒေကြောင်းအရ လှုပ်ရှားမှုများ ဆောင်ရွက်ခဲ့ပြီး ရလဒ်မှာ အကောင်းအဆိုး ၂ မျိုးစလုံး ရှိခဲ့သည်။

    သို့သော်လည်း အရေးတယူဆောင်ရွက်ခြင်းမခံရဘဲ၊ ယခုအချိန်အထိ ဆက်လက်ဖြစ်ပွားနေသော နိုင်ငံအတွင်းရှိ အိမ်အကူအမျိုးသမီးငယ်များ အနိုင်ကျင့်ခံရခြင်းနှင့် ခေါင်းပုံဖြတ်ခံရခြင်းပြဿနာအပေါ် ပိုမိုအာရုံစိုက်ဆောင်ရွက်ရန်၊ ဆွေးနွေးအဖြေရှာမှုများ ပြုလုပ်ရန် လိုအပ်နေပြီဖြစ်သည်။

    မြန်မာနိုင်အတွင်းရှိနေသည့် ကလေးအိမ်အကူလုပ်သားအရေအတွက်နှင့် ပတ်သက်သည့် တိကျသော ကိန်းဂဏန်း မှတ်တမ်းများမရှိ။ သို့သော်လည်း အသက် ၁၀ နှစ်မှ ၁၇ နှစ်အကြား ကလေး ၅ ဦးတွင် ၁ ဦးမှာ ကျောင်းမတက်ရဘဲ အလုပ်လုပ်နေရသည်ဟု သန်ခေါင်စာရင်းကောက်ယူမှုမှ အလုပ်အကိုင်နှင့် ပတ်သက်၍ မကြာသေးခင်က ထုတ်ပြန်ခဲ့သည့် အချက်အလက်များအရ သိရလေသည်။

    မိန်းကလေးငယ်များအား အိမ်အကူအဖြစ် အသုံးပြုမှုကို နိုင်ငံအတွင်း ကျယ်ကျယ်ပြန့်ပြန့် တွေ့ရယုံသာမက၊ အများစုကလည်း ထိုအခြေအနေကို လက်ခံထားကြသည်။ အချို့သောအခြေအနေများတွင် ဆင်းရဲနွမ်းပါးသည့် အသိုင်းအ၀ိုင်းမှ ဆင်းသက်လာသော ကလေးများကို နေရာထိုင်ခင်းနှင့် အလုပ်အကိုင်ပေးသည့် ထိုအခြေအနေမျိုးကို လူမှုဖူလုံရေး ပုံစံတစ်ခုအဖြစ်ပင် မှတ်ယူကြသည်။

    ထိုကဲ့သို အိမ်အကူအဖြစ် ခိုင်းစေကြသူ အိမ်ရှင်အချို့မှာ ရည်ရွယ်ချက်ကောင်းများ ရှိသည်ဆိုသော်လည်း အနိုင်ကျင့်ခံရနိုင်ခြေ ရှိသည်ဆိုသည့် အခြေအနေကိုတော့ ငြင်း၍ မရ။ အိမ်အကူ မိန်းကလေးငယ်များအား အလွန်အမင်း ခိုင်းစေခြင်း၊ ရုပ်ပိုင်းဆိုင်ရာ၊ စိတ်ပိုင်းဆိုင်ရာနှင့် လိင်ပိုင်းဆိုင်ရာ အနိုင်ကျင့်မှု ပြဿနာများကိုလည်း မကြာခဏ တွေ့မြင်နေရသည်။ ထိုကဲ့သို့ အနိုင်ကျင့်မှု တော်တော်များများမှာ တိုင်ကြားမှုမရှိ၊ အရေးမှုမရှိ ဆိုသည်ကိုလည်း သိရှိရသည်။

    အစိုးရကတော့ အသက် ၁၄ နှစ်အောက် ကလေးငယ်များအား အလုပ်မခိုင်းရန်နှင့် မလိုက်နာပါက ဒဏ်ငွေ သိန်း ၅၀ မှ၊ သိန်း ၁၀၀ အထိဖြစ်စေ၊ ထောင်ဒဏ် ၆ လအထိဖြစ်စေ၊ ဒဏ်နှစ်ရပ်စလုံးဖြစ်စေ ချမှတ်ခံရမည်ဟု စီးပွားရေးလုပ်ငန်းရှင်များအား ပြီးခဲ့သည့်တစ်ပတ်တွင် သတိပေးခဲ့သည်။ ဟော်တယ်လုပ်ငန်း လုပ်ကိုင်သူများ၊ စားသောက်ဆိုင်ပိုင်ရှင်များ၊ အလတ်စားနှင့် အငယ်စား စက်ရုံပိုင်ရှင်များ၊ ဈေးဆိုင်ဖွင့်လှစ်ရောင်းချသူများနှင့် တွေ့ဆုံစဉ် တာဝန်ရှိသူများက ထိုကဲ့သို့ ပြောကြားခဲ့ခြင်းဖြစ်သည်။

    ထိုအကြောင်းအရာများကို မြန်မာနိုင်ငံရှိ အလယ်အလတ်အဆင့် အိမ်ရှင်မများအား ရှင်းပြပြောဆိုရန်နှင့် အိမ်အကူများအပေါ် ခေါင်းပုံဖြတ်၊ အမြတ်ထုတ်ခြင်းများကို ရှောင်ရှားရေး သတိပေးရန်မှာလည်း အရေးကြီးသည့် ကိစ္စတစ်ခုဖြစ်သည်။

    စီးပွားရေးလုပ်ငန်းဆိုင်ရာနှင့်ပတ်သက်၍ ရည်ရွယ်ပြဌာန်းထားသော ဥပေဒများတွင် မီးဖိုဆောင်အပါအ၀င် အန္တရာယ်ရှိသော နေရာများတွင် ကလေးငယ်များအား အလုပ်လုပ်ကိုင်စေခြင်းမှ တားဆီးရေး သတ်မှတ်ချက်လည်း ပါဝင်သည်။ သို့သော်လည်း ချက်ခြင်းပြုတ်ခြင်းက အိမ်အကူများ၏ အလုပ်တာဝန်များတွင် ပုံမှန်ပါဝင်နေသည့် အစိတ်အပိုင်းတစ်ခု ဖြစ်လေသည်။

    လက်တွေ့လိုက်နာကျင့်သုံးမှု နည်းပါးသော်လည်း ထိုဥပဒေတွင် အသက် ၁၄ နှစ်မှ ၁၆ နှစ်ရှိ ကလေးငယ်များအား တစ်နေ့လျှင် ၄ နာရီထက်ပို၍ အလုပ်ခိုင်းစေခြင်းကို တားမြစ်ထားသည်။ သို့ဆိုလျှင် အိမ်အကူ အမျိုးသမီးငယ်အများအပေါ် ထိုကဲ့သို့ အချိန်ပိုင်းအလုပ် စီစဉ်ပေးသူ၊ သို့မဟုတ် ခွင့်ပြုသူ အိမ်ရှင်မည်မျှ ရှိသနည်းဆိုသည်မှာလည်း မေးခွန်းထုတ်စရာပင်။

    လက်ရှိ မြန်မာနိုင်ငံ၏ စီးပွားရေးအခြေအနေအရ အသက် ၁၆ နှစ် သို့မဟုတ် ၁၈ နှစ်အောက် ကလေးများအား အလုပ်ခိုင်းစေမှုကို ချက်ခြင်းလက်ငင်း အရေးယူခြင်းမှာ လက်တွေ့မကျဆိုသည်က အမှန်တရားတစ်ခုဖြစ်ပြီး လူငယ်တော်တော်များများနှင့် ၎င်းတို့၏မိသာစုများ ၀င်ငွေပြတ်လပ်မှုအထိ ဦးတည်သွားနိုင်လေသည်။

    သို့သော်လည်း ထိုအချက်က ကလေးငယ်များအပေါ် ခေါင်းပုံဖြတ်အမြတ်ထုတ်မှုများကို ဖာထေးရန် ဆင်ခြေတစ်ခု ဖြစ်၍မရ။ ကလေးငယ်များ အလုပ်လုပ်နေရမှုအခြေအနေကို အဆုံးသတ်ရန် လိုအပ်သည့် ကြိုးပမ်းအားထုတ်မှုတိုင်းကို တတ်နိုင်သမျှမြန်မြန် ဆောင်ရွက်ရမည်ဖြစ်သည်။

    ကလေးများ အလုပ်ခန့်ထားမှုနှင့်ပတ်သက်၍ စီးပွားရေးလုပ်ငန်းရှင်များအား ရှင်းလင်းပြောကြားရာတွင် အလုပ်သမား၊ လူဝင်မှုနှင့် ပြည်သူ့အင်အားဝန်ကြီးဌာန၏ စက်ရုံနှင့် အထွေထွေအလုပ်သမားရေးရာ ဥပဒေများ လေ့လာဆန်းစစ်ရေးဌာနမှ လက်ထောက်ညွှန်ကြားရေးမှူးဖြစ်သူ ဦးအောင်နိုင်က ဥပဒေရေးရာ တာဝန်ဝတ္တရာများကို အဓိကထား ပြောကြားခဲ့သည်။

    “နိုင်ငံတကာသဘောတူညီချက်တွေအရ၊ အသက် ၁၈ နှစ်အောက်ဆိုရင် ကလေးလို့ပဲ သတ်မှတ်ပါတယ်။ ဒါပေမယ့် ဒီသတ်မှတ်ချက်က ကျွန်တော်တို့နိုင်ငံလို ဖွံဖြိုးဆဲနိုင်ငံနဲ့ အဆင်မပြေဘူးလေ။ တကယ်လို့ ကျွန်တော်တို့အနေနဲ့ ကလေးတွေကို အလုပ်မခိုင်းဘူးဆိုရင် သူတို့ဟာ အလုပ်အကိုင်အခွင့်အလမ်းတွေဆုံးရှုံးပြီး သူတို့နဲ့ သူတို့ရဲ့ မိသားစုတွေကလည်း ၀င်ငွေရဖို့ ခက်ခဲမှာပါ” ဟု ညွှန်ကြားရေးမှူးကဆိုသည်။

    သို့သော်လည်း ကလေးများအား ကျောင်းမထားဘဲ ကျွမ်းကျင်မှုမရှိသည့် အလုပ်များတွင် ခိုင်းစေခြင်းက ရေရှည်တွင် မိသားစု၏ ဆင်းရဲတွင်းကို ပို၍ နက်သထက် နက်လာစေမည်ဖြစ်သည်။ မိန်းကလေးငယ်များကို အိမ်အကူလုပ်ငန်းတွင်သာ ဘ၀တစ်သက်တာလုံး ထည့်သွင်းနှစ်မြှုပ်ထားခြင်းက နိုင်ငံအတွင်း ရှင်သန်ကြီးထွားရန် လိုအပ်နေသည့် ကျား၊ မ တန်းတူညီမျှရေးအတွက် တိုင်းပြည်ရှိ အခွင့်အလမ်းများကို ဓားမြတိုက်ယူလိုက်ခြင်းဖြစ်သည်။

    တိုင်းရင်းသားရေးရာ တန်းတူညီမျှမှုကို ဆောင်ရွက်သည့်အခါမျိုးတွင် အိမ်တွင်း ကလေးလုပ်သားပြဿနာကိုလည်း အရေးပါသည့် ကိစ္စတစ်ခုအဖြစ် မှတ်ယူသင့်သည်။ မည်သည့်တိုင်းရင်းသားလူမျိုး အသိုင်းအ၀ိုင်းတွင်မဆို ကလေးငယ်များအနေဖြင့် ၎င်းတို့အတွက် ကုန်ကျစားရိတ်ကို ပြန်လည်ရှာဖွေပေးရမည်ဆိုသည့် သဘောထားမျိုး အချို့မိသားစုများတွင် ရှိနေသည်မှာ ၀မ်းနည်းစရာကောင်းသည့် ကိစ္စဖြစ်သည်။

    သို့သော်လည်း အချို့သော အသိုင်းအ၀ိုင်းများတွင် ပိုကောင်းသည့်ဘ၀တစ်ခုကို အလိုအလျောက်ရရှိနိုင်လိမ့်မည်ဆိုသည့် ယုံကြည်ချက်များဖြင့် ကလေးများအား မြို့ကြီးများတွင် အလုပ်လုပ်ရန် စေလွှတ်မှုများမှာလည်း တွင်ကျယ်သည့်ကိစ္စ ဖြစ်နေပြီး ထိုပြဿနာမှာလည်း ဖြေရှင်းရမည့်ပြဿနာ ဖြစ်သည်။

    ကျေးလက်ဒေသများတွင် နေထိုင်သည့် ပြည်သူများအနေဖြင့် အလွန်အမင်း ဆင်းရဲမွဲတေမှုကို ခံစားရခြင်းကြောင့် မြို့သို့လွှတ်၍ အလုပ်ခိုင်းခြင်းကို နားလည်ပေး၍ရသည်။ အချို့သော မိသားစုများက ၎င်းတို့ထံတွင် အလုပ်လုပ်နေသည့် ကလေးများအား ကျောင်းတက်ရန် ခွင့်ပြုသည်။

    သို့သော်လည်း ကလေးငယ်များအား ၎င်းကျင်လည်ရာအသိုင်းအ၀ိုင်း၊ တတ်ကျွမ်းရာဘာသာစကားနှင့် ဝေးရာသို့ပို့ခြင်း၊ ကျောင်းမထားခြင်း၊ အမြတ်ထုတ်ခံရနိုင်ဖွယ်ရှိသည့် အခြေအနေများသို့ ပို့ဆောင်ခြင်း စသည်တို့ကြောင့် ရေရှည်တွင်ဖြစ်လာမည့် လူမှုရေးနှင့် ယဉ်ကျေးမှုဆိုင်ရာ နောက်ဆက်တွဲပြဿနာများကိုမူ တိုင်းပြည်ရှိ တိုင်းရင်းသားလူမျိုးများ၏ အခွင့်အရေးနှင့် အနာဂတ်တို့အား ကာကွယ်ရေးနှင့်ပတ်သက်၍ လုပ်ဆောင်ရန် အမှန်တစ်ကယ် စိတ်ဆန္ဒရှိသူများအနေဖြင့် ချက်ခြင်းဆောင်ရွက်ရမည့် အရေးကြီးကိစ္စတစ်ခုအဖြစ် မှတ်ယူသင့်သည်။

    အချုပ်ဆိုရလျှင် မည်သည့်တိုင်းရင်းသားမျိုးနွယ်မဆို၊ ယောက်ျားလေးဖြစ်စေ၊ မိန်းကလေးဖြစ်စေ ကလေးငယ်တိုင်းမှာ အထက်တွင်ဖော်ပြထားသည့် အခြေအအနေမျိုးတွင် ထိခိုက်ခံစားနေရသည်ကို မိမိတို့က သတိတရ ရှိရမည်ဖြစ်သည်။

    စီးပွားရေးလုပ်ငန်းများတွင် ကလေးငယ်များ ခေါင်းပုံဖြတ် အမြတ်ထုတ်ခံနေရမှုများကို ဖြေရှင်းရန် အစိုးရက ဆောင်ရွက်နေသည်ကို မြင်ရခြင်းမှာ အပြုသဘောဆောင်သည့် အခြေအနေဖြစ်သည်။ သို့ရာတွင် နေအိမ်များအတွင်း ဖြစ်နေသည့် ကလေးငယ်များအပေါ် ခေါင်းပုံဖြတ် အမြတ်ထုတ်မှုများမှာလည်း မေ့လျော့ထား၍မရသည့် ကိစ္စပင် ဖြစ်ပေတော့သည်။

    Ref: mmtimes

    (Myanmar Times တွင် ဖော်ပြထားသည့် The fight against child labour begin at home ဆောင်းပါးအား လေးမောင်မှ
    ဆီလျော်အောင် ဘာသာပြန်ဆိုသည်)

  • ကုလသမဂ္ဂ လူ့အခွင့်အရေး သုံးသပ်ချက် အပေါ် မြန်မာအစိုးရ တုံ့ပြန်ပုံ အလွန် စိတ်ပျက်ဖွယ်ရာကောင်းဟု နိုင်ငံတကာ လူ့အခွင့်အရေး အဖွဲ့ချုပ် ထုတ်ပြန်

    ကုလသမဂ္ဂ လူ့အခွင့်အရေး သုံးသပ်ချက် အပေါ် မြန်မာအစိုးရ တုံ့ပြန်ပုံ အလွန် စိတ်ပျက်ဖွယ်ရာကောင်းဟု နိုင်ငံတကာ လူ့အခွင့်အရေး အဖွဲ့ချုပ် ထုတ်ပြန်

    Karim-Lahidji
     
    မတ်၊ ၁၇ ။ ။ ကုလသမဂ္ဂ၏ မြန်မာနိုင်ငံအပေါ် ဒုတိယမြောက် ကမ္ဘာလုံးဆိုင်ရာ လူ့အခွင့်အရေး အခြေအနေ သုံးသပ်ချက်ကို မကြာမီ အာဏာလွှဲပြောင်းပေးရတော့မည့် မြန်မာအစိုးရ၏တုံ့ပြန်ပုံမှာ အလွန်ပင် စိတ်ပျက်စရာကောင်းကြောင်း နိုင်ငံတကာ လူ့အခွင့်အရေးအဖွဲ့ချုပ် (FIDH) နှင့် ၎င်း၏ အဖွဲ့ဝင် အဖွဲ့အစည်းတစ်ခုဖြစ်သော ALTERSEAN -Burma တို့က ယနေ့ ထုတ်ပြန်လိုက်သော ပူးတွဲကြေညာချက်ထဲတွင် ဖော်ပြထားသည်။
    .
    ” လူ့အခွင့်အရေးဆိုင်ရာအကြံပြုထောက်ခံချက်တွေကို လိုက်လံလုပ်ဆောင်ခြင်းမပြုဘဲ ငြင်းပယ်ခဲ့တဲ့ ရာထူးက ထွက်ခွာတော့မယ့် မြန်မာအစိုးရရဲ့ လုပ်ဆောင်ချက်တွေဟာ အလွန်စိတ်ပျက်စရာပါပဲ ” ဟု FIDH ၏ ဥက္ကဌ ကာရင်မ်လာဟစ်ဂျီ က ပြောကြားသည်။
    .
    ထို့ပြင် မြန်မာအစိုးရသည် လူ့အခွင့်အရေးနှင့်ပတ်သတ်ပြီး ကုလသမဂ္ဂ၏ ကမ္ဘာလုံးဆိုင်ရာပုံမှန်သုံးသပ်ချက် (UPR) တွင် ညွှန်ကြားထားသည်များကို အပြောသာရှိပြီး အမှန်တကယ်လိုက်နာခဲ့ခြင်း မရှိကြောင်းနှင့် အစိုးရသစ်အနေဖြင့် ထိုအတိတ်ဖြစ်ရပ်များကို ချေဖျက်ကာ ထိရောက်သည့်လုပ်ဆောင်ချက်များ ဆောင်ရွက်ပြရန်လိုအပ်လိမ့်မည်ဟုလည်း ၎င်းက ပြောကြားသည်။
    .
    မြန်မာနိုင်ငံအပေါ် ဒုတိယအကြိမ်မြောက် UPR ကို ၂၀၁၅ ခုနှစ်၊ နိုဝင်ဘာလ၊ ၆ ရက်နေ့ကပြုလုပ်ခဲ့သည်။ ထိုသို့ပြုလုပ် ရာတွင် လူ့အခွင့်အရေးနှင့် ပတ်သတ်ပြီး အခြားနိုင်ငံများက အကြံပြုထောက်ပြ ခဲ့သည့် ၂၈၁ ချက် အနက်မှ ၁၆၆ ချက်ကိုသာလက်ခံကြောင်း ၂၀၁၆ ခုနှစ်၊ မတ်လ၊ ၁၀ ရက်နေ့က ထုတ်ပြန်သည့် ကြေညာချက် ထဲတွင် မြန်မာ အစိုးရက ဖော်ပြထားသည်။
    .
    တိုင်းပြည်အတွင်း လူမျိုးရေးနှင့်ဘာသာရေးကို အခြေခံ၍ ခွဲခြားဆက်ဆံမှုများမရှိကြောင်း မြန်မာအစိုးရကငြင်းဆိုခဲ့ကာ မူစလင်အပါအ၀င် လူနည်းစုများအပေါ်တွင် အမုန်းပွားစေသည့် လုပ်ဆောင်ချက် များကို တားဆီးရန်နှင့် ၎င်းတို့၏ ရပိုင်ခွင့် များကို ကာကွယ်ပေးရန်တောင်းဆိုမှုများကို ပယ်ချခဲ့သည်။
    .
    ထို့ပြင် မြန်မာအစိုးရက အမျိုးဘာသာကာကွယ်ရေးဥပဒေများကို ပြင်ဆင်ရန်၊ သို့မဟုတ်ဖျက်သိမ်းရန် အကြံပြုထောက်ပြမှု ၁၀ ခုကိုလည်း လက်မခံဘဲငြင်းပယ်ခဲ့သည်။
    .
    မူစလင်ရိုဟင်ဂျာများနှင့်ပတ်သတ်၍ ရည်ရွယ်အကြံပြုထောက်ပြချက် ၂၇ ချက်ကိုလည်း မြန်မာအစိုးရက ငြင်းပယ်ခဲ့ကာ လူနည်းစု တိုင်းရင်းသားများ နိုင်ငံသားဖြစ်ခွင့်နှင့်ပတ်သတ်ပြီးတိုက်တွန်းထားသည့် အကြံပြုချက် ၁၆ ချက်ကိုလည်း ပယ်ချခဲ့သည်။
    .
    မြန်မာအစိုးရသည် ငြိမ်းချမ်းစွာစီတန်းလှည့်လည်ခွင့်ဥပဒေ ကိုပြင်ဆင်ရန် တိုက်တွန်းထားသည့်အကြံပြုချက်များကိုလည်း ငြင်းပယ်ခဲ့ကာ ထိုဥပဒေဖြင့် တက်ကြွလှုပ်ရှားသများ၊ကျောင်းသားများကို ဆက်လက် ဖမ်းဆီး အရေးယူနေကြောင်းလည်း FIDH ၏ ကြေညာချက်ထဲတွင် ဖော်ပြထားသည်။
    .
    မြန်မာအစိုးရကလက်ခံခဲ့သော အကြံပြုတိုက်တွန်းချက် အများစုမှာ နိုင်ငံတကာ လူ့အခွင့်အရေးစံနှုန်းများနှင့် ဆက်နွယ်နေသည့် အချက်များဖြစ်ပြီး အမျိုးသမီးများကိုအကြမ်းဖက်ခြင်းနှင့်စပ်လျဉ်း၍ လုပ်ဆောင်ရန် အကြံပြုတိုက်တွန်းချက် ၅ ချက်ကိုလည်း လက်ခံခဲ့သည်ကိုတွေ့ရသည်။
    .
    မဇ္ဈိမ မှ ကူးယူဖော်ပြပါသည်။
     
    http://mizzimaburmese.com/article/12442
  • မြန်မာ့လူနည်းစု လူ့အခွင့်အရေးဆိုင်ရာ ကုလဆုံးဖြတ်ချက်

    မြန်မာ့လူနည်းစု လူ့အခွင့်အရေးဆိုင်ရာ ကုလဆုံးဖြတ်ချက်

    ဇူလိုင် ၆ ၊ ၂၀၁၅
    VOA (မြန်မာပိုင်း) မှ ကူးယူဖော်ပြပါသည်။
    ._2015-07-06_10.08.33
    ကမ္ဘာပေါ်မှာ လူ့အခွင့်အရေးအခြေအနေ ဆိုးနေတဲ့နိုင်ငံတွေတောင်မှ လူ့အခွင့်အရေးနဲ့ပတ်သက်ရင် မြန်မာအစိုးရအပေါ် ထောက်ခံမှုမရှိဘူးဆိုတာကို မကြာသေးခင်ကချမှတ်ခဲ့တဲ့ ကုလသမဂ္ဂလူ့အခွင့်အရေးကောင်စီရဲ့ ဆုံးဖြတ်ချက်ကပြနေတယ်လို့ လူ့အခွင့်အရေး စောင့်ကြည့်လေ့လာရေးအဖွဲ့ HRW က ပြောလိုက်ပါတယ်။ ပြီးခဲ့တဲ့ရက်ပိုင်းက ကျင်းပခဲ့တဲ့ ၂၉ ကြိမ်မြောက် ကုလသမဂ္ဂလူ့အခွင့်အရေးကောင်စီ အစည်းအရေးအတွင်း မြန်မာ့ လူ့အခွင့်အရေး အခြေအနေနဲ့ပတ်သက်တဲ့ ဆုံးဖြတ်ချက်တခု ချမှတ်ခဲ့တဲ့ အပေါ် HRW က အခုလို တုံ့ပြန်ပြောဆိုတာပါ။ မအင်ကြင်းနိုင်က အပြည့်အစုံ တင်ပြပေးထားပါတယ်။
    .
    ဇွန်လ (၁၅) ရက်နေ့ကနေ ဇူလိုင်လ (၃) ရက်နေ့ထိ ဂျီနီဗာမြို့မှာကျင်းပခဲ့တဲ့ (၂၉) ကြိမ်မြောက်ကုလသမဂ္ဂလူ့အခွင့်အရေးကောင်စီရဲ့ အစည်း အဝေးမှာ မြန်မာနိုင်ငံက ရိုဟင်ဂျာမူဆလင်တွေနဲ့ အခြားလူနည်းစုတွေရဲ့ လူ့အခွင့်အရေးချိုးဖောက်ခံနေရတဲ့ အခြေအနေတွေနဲ့ ပတ်သက်တဲ့ မြန်မာ့အရေး ဆုံးဖြတ်ချက်ကို မဲခွဲဆုံးဖြတ်ခြင်းမရှိဘဲ ပြီးခဲ့တဲ့သောကြာနေ့က အတည်ပြုခဲ့ပါတယ်။
    .
    ဒီဆုံးဖြတ်ချက်မူကြမ်းအဆိုကို OIC အစ္စလာမ်မစ် နိုင်ငံများ ပူးပေါင်းဆောင်ရွက်ရေး အဖွဲ့ကိုယ်စား ပါကစ္စတန်နိုင်ငံရဲ့ ကုလသမဂ္ဂဆိုင်ရာ သံအမတ်ကြီးက တင်သွင်း ခဲ့တာဖြစ်ပါတယ်။ အခုလို လူ့အခွင့်အရေးချိုးဖောက်မှုတွေရှိနေတဲ့ ပါကစ္စတန်လိုနိုင်ငံမျိုး ကတောင် မြန်မာနိုင်ငံတွင်း လူမျိုးရေးခွဲခြားမှု အခြေအနေ ဆိုးရွားနေတာကို ထောက်ပြပြောဆိုလာတဲ့ အတွက် မြန်မာအစိုးရရဲ့ ပြုပြင်ပြောင်းလဲရေး အပေါ် နိုင်ငံတကာထောက်ခံမှုတွေ ဘယ်လောက် ကျဆင်းလာသလဲဆိုတာကို တွေ့မြင်နိုင်တယ်လို့ နယူးရောက်အခြေစိုက် HRW လူ့အခွင့်အရေးစောင့်ကြည့်ရေးအဖွဲ့ကြီးရဲ့ အာရှရေးရာတာဝန်ခံ Brad Adams က ဗွီအိုအေကိုပြောပါတယ်။
    .
    “တကယ့်ကိုအရေးကြီးတဲ့ဆုံးဖြတ်ချက်ပါ။ ဘာကြောင့်လဲဆိုတော့ အနောက်နိုင်ငံတွေကပဲ လူ့အခွင့်အရေး ချိုးဖောက်မှုတွေကို ပြစ်တင်ပြောဆိုနေတာသာ ဖြစ်ပြီး အခြားနိုင်ငံတွေက စိတ်မဝင်စားဘူးလို့ မြန်မာအစိုးရ အမြဲတမ်းပြောနေတာပါ။ အခုမြန်မာ့အရေးဆုံးဖြတ်ချက်ကို ပါကစ္စတန်နိုင်ငံက ဦးဆောင် တင်သွင်းခဲ့တာဖြစ်ပြီး ဖွံဖြိုးဆဲနိုင်ငံ အတော်များများက ထောက်ခံခဲ့ပါတယ်။ ဒါဟာ လူ့အခွင့်အရေးအခြေအနေတွေဆိုးရွားနေတဲ့ ပါကစ္စတန်လိုနိုင်ငံမျိုးဆီကတောင် ထောက်ခံမှုတွေ မရနိုင်ဘူးဆိုတာ မြန်မာအစိုးရကို သတိပေးလိုက်တာပါပဲ။”
    .
    ဇူလိုင်လ (၂) ရက်နေ့က လူ့အခွင့်အရေးကောင်စီ အစည်းအဝေးမှာ မြန်မာ့အရေး ဆုံးဖြတ်ချက် မူကြမ်းအဆိုတင်သွင်းခဲ့တဲ့ ပါကစ္စတန် သံအမတ်ကြီး ကလည်း မြန်မာနိုင်ငံမှာ မူဆလင်တွေဟာ အသက်ရှင်နေထိုင်လုပ်ကိုင်ခွင့်၊ လက်ထပ်ထိမ်းမြားခွင့် ၊ မဲပေးပိုင်ခွင့်နဲ့ နိုင်ငံသားဖြစ်ခွင့် စတာတွေ ချိုးဖောက်ခံနေရတာဟာ ခွဲခြားဆက်ဆံတဲ့ဥပဒေပြဌာန်းချက်တွေကြောင့်ဖြစ်တယ်လို့ အခုလိုပြောသွားပါတယ်။
    .
    “ဒီဆုံးဖြတ်ချက်မူကြမ်းအဆိုရဲ့အဓိကရည်ရွယ်ချက်ကတော့ ရခိုင်ပြည်နယ်မှာရှိတဲ့ ရိုဟင်ဂျာ မူဆလင်တွေနဲ့ အခြားမြန်မာပြည်တဝှမ်းမှာရှိနေတဲ့ လူနည်းစုတွေရဲ့ လူ့အခွင့်အရေးချိုးဖောက်ခံရမှုတွေကို အထူးထောက်ပြဖို့ ဖြစ်ပါတယ်။ မြန်မာနိုင်ငံမှာ ခွဲခြားဆက်ဆံမှုတွေမရှိဘဲ လူ့အခွင့်အရေးကို မြှင့်တင်ဖို့နဲ့ ကာကွယ်ဖို့ လိုအပ်တဲ့ ကိစ္စရပ်တွေကို သေချာအောင်ဆောင်ရွက်ပေးဖို့ မြန်မာအစိုးရကို တောင်းဆိုပါတယ်။”
    .
    ဒါ့အပြင် မြန်မာအစိုးရရဲ့ ခွဲခြားဖိနှိပ်ဆက်ဆံမှုတွေကြောင့် ရိုဟင်ဂျာတွေဟာ အလုံးအရင်းနဲ့ ပင်လယ်ပြင်ကိုဖြတ်ပြီး ဒေသတွင်းနိုင်ငံတွေဆီ ထွက်ပြေး ခဲ့ကြတာ ဖြစ်တယ်လို့လည်း ပါကစ္စတန်သံအမတ်ကြီးကပြောသွားပါတယ်။ ဒီမူကြမ်းရေးဆွဲစဉ်ကာလတလျောက်လုံး OIC အနေနဲ့ ဂျီနီဗာမှာရှိတဲ့ မြန်မာ့ကိုယ်စားလှယ်အဖွဲ့ကို ဆက်သွယ်ခဲ့တယ်လို့ ဆိုပါတယ်။
    .
    လူ့အခွင့်အရေးကောင်စီက OIC ကဦးဆောင်တင်သွင်းတဲ့မြန်မာ့ အရေးဆုံးဖြတ်ချက်မူကြမ်းကို အတည်ပြုလိုက်တဲ့အပေါ်မှာ မြန်မာ အစိုးရဘက်က ပြင်းပြင်းထန်ထန် ကန့်ကွက်ခဲ့ပါတယ်။ ဇူလိုင်လ (၃) ရက်နေ့အစည်းအဝေးအတွင်း ဂျီနီဗာအခြေစိုက် ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် အဖွဲ့ခေါင်းဆောင် ဦးမောင်ဝေကလည်း ဒီမူကြမ်းအဆိုဟာ အစကတည်းက တင်ကိုမတင်သင့်တဲ့ အဆိုဖြစ်ပြီး မဟုတ်မမှန်စွပ်စွဲချက်တွေ ပါဝင်နေတယ်လို့ ပြင်းပြင်းထန်ထန် တုံ့ပြန်သွားပါတယ်။
    .
    “ဒီဆုံးဖြတ်ကိုအတည်ပြုလိုက်တာဟာ ဘာကောင်းကျိုးမှာ ဖြစ်စေမှာမဟုတ်ပါဘူး။ ဆန့်ကျင်ဘက်သက်ရောက်မှုပဲဖြစ်ပါလိမ့်မယ်။ မြန်မာနိုင်ငံမှာ မူဆလင်တွေရဲ့လူ့အခွင့်အရေးချိုးဖောက်ခံနေရတယ်ဆိုတဲ့အယူအဆဟာ အတော်လည်းကို လွဲနေပါတယ်။ မှားယွင်းနေတဲ့အမြင်သာဖြစ်ပြီး အဖြစ်အပျက် အမှန်တွေမဟုတ်ပါဘူး။”
    .
    (၂၉) ကြိမ်မြောက် လူ့အခွင့်အရေးကောင်စီ အစည်းအဝေးရဲ့ မြန်မာ့အရေး ဆုံးဖြတ်ချက်မှာတော့ မြန်မာနိုင်ငံက ရိုဟင်ဂျာမူဆလင်တွေနဲ့ အခြား လူနည်းစုတွေအပေါ် လူ့အခွင့်အရေးချိုးဖောက်မှုတွေကို လာမယ့် လူ့အခွင့်အရေးကောင်စီအစည်းအဝေးတွေမှာ လူ့အခွင့်အရေးဆိုင်ရာ မဟာ မင်းကြီးအနေနဲ့ တင်ပြပေးဖို့ ပန်ကြားထားပါတယ်ရှင်။
    .
    http://burmese.voanews.com/content/un-dicides-on-myanmar-minority-human-rights-/2850176.html