News @ M-Media

Tag: human traffic

  • လူကုန်ကူးခံရသည့် ရခိုင်ပြည်နယ်မှ မွတ်စလင် (၁၇) ဦး ရွှေပေါက္ကံတွင် ရဲတပ်ဖွဲ့မှ ဖမ်းဆီး

    လူကုန်ကူးခံရသည့် ရခိုင်ပြည်နယ်မှ မွတ်စလင် (၁၇) ဦး ရွှေပေါက္ကံတွင် ရဲတပ်ဖွဲ့မှ ဖမ်းဆီး

    အောက်တိုဘာ ၂၃၊ ၂၀၁၆
    M-Media
    14718587_962138607248740_1735810863115675664_n
    – လူကုန်ကူးသူတွေကနေ တစ်ဆင့် မြောက်ဥက္ကလာပမြို့နယ်ကို ရောက်ရှိနေထိုင်နေတဲ့ ရခိုင်ပြည်နယ်က မွတ်စလင် ၁၇  ဦးကို ရဲတပ်ဖွဲ့က အထောက်အထားမဲ့ ခိုးဝင်သူများအဖြစ် သတ်မှတ်ကာ ဖမ်းဆီးလိုက်တယ်လို့ သိရပါတယ်။

    အောက်တိုဘာ ၂၂ ရက်နေ့ ညပိုင်းက ရွှေပေါက္ကံမြို့၊ အလောင်းဘုရားလမ်းက နေအိမ်တစ်အိမ်ရဲ့ ခြံစည်းရိုးကို မသင်္ကာ ဖွယ် အမျိုးသားတစ်ဦးက ကျော်နင်းဝင်ရောက်နေတယ်လို့ သတင်းရရှိပြီးတဲ့နောက် ၀င်ရောက် ရှာဖွေရာမှာ တွေ့ရှိခဲ့တာ
    ဖြစ်တယ်လို့ ရဲတပ်ဖွဲ့က သတင်းထုတ်ပြန်ထားပါတယ်။

    “ကျွန်တော်တို့ ရခိုင်က ဘင်္ဂါလီ ၁၇ ဦးကို ဖမ်းဆီးလိုက်ပါတယ်” တို့ ရန်ကုန်က ရဲတပ်ဖွဲ့ဝင်တစ်ဦးက ပြောကြားခဲ့ပါတယ်။

    အဲဒီ ၁၇ ဦးဟာ ရခိုင်ပြည်နယ် မြောက်ဦး၊ မင်းပြားနဲ့ ကျောက်တော်မြို့နယ်တွေကဖြစ်ပြီး လူကုန်ကူးသူတွေဖြစ်တဲ့ ၀င်းကျော်၊ အေးသိန်းတို့က မကွေးသို့လည်းကောင်း၊ မောင်ကျော်က ရန်ကုန်မြို့သို့လည်းကောင်း အသီးသီး ပို့ပေးခဲ့တာဖြစ်ပါတယ်။

    မလေးရှားကို အောက်လမ်းကနေ သွားရောက်ဖို့အတွက် မြောက်ဥက္ကလာပက အဲဒီနေအိမ်ကို ရောက်ရှိနေတာ တစ်ပတ် ကျော်ရှိနေပြီး လူကုန်ကူးသူတွေကို ရန်ကုန်အရောက် ငွေကျပ် ၁၁ သိန်းပေးရကြောင်း၊ မလေးရှားသွားရောက်ဖို့ ငွေကျပ်
    ၁၂ သိန်းခွဲ ထပ်ပေးရမှာ ဖြစ်ကြောင်း ရဲတပ်ဖွဲ့က သတင်းထုတ်ပြန်ခဲ့ပါတယ်။

    သူတို့ကိုသူတို့ ရိုဟင်ဂျာလို့ခေါ်ဆိုပြီး အစိုးရက ဘင်္ဂဂါလီလို့ သတ်မှတ်ထားတဲ့ ရခိုင်ပြည်နယ်က မွတ်စလင်တွေဟာ ကမ္ဘာ့ ဖိနှိပ်ချုပ်ချယ်မှုအခံရဆုံး လူ့အဖွဲ့အစည်းဖြစ်တယ်လို့ ကုလသမဂ္ဂက သတ်မှတ်ထားပါ။ သူတို့တွေက အဲဒီဖိနှိပ်ချုပ်မှုဒဏ်က လွတ်မြောက်ဖို့  လူကုန်ကူးသူတွေကတစ်ဆင့် နိုင်ငံရပ်ခြား အထူးသဖြင့် မလေးရှားကို ထိုင်းနိုင်ငံကနေ လွန်ခဲ့တဲ့ နှစ်အနည်းငယ်ကတည်းက တရားမ၀င် သွားရောက်နေကြတာဖြစ်ပြီး ၂၀၁၂ ခုနှစ်က မွတ်စလင်တွေကို ပစ်မှတ်ထားတဲ့ အကြမ်းဖက်တိုက်ခိုက်မှုတွေ ဖြစ်ပြီးကတည်းက ဒီလိုရွှေ့ပြောင်းထွက်ခွာမှုဟာ မြင့်တက်လာခဲ့ပါတယ်။

    ရဲတပ်ဖွဲ့ကတော့ အခု ဖမ်းဆီးရမိသူတွေကို ရွှေပေါက္ကံနယ်မြေရဲစခန်း(ပ) ၅၁၈/၂၀၁၆၊ ရာဇသတ်ကြီးပုဒ်မ ၃၆၇/၃၇၀နဲ့ လည်းကောင်း၊ ၁၉၄၉ ခုနှစ် မြန်မာနိုင်ငံအတွင်းနေထိုင်သူများ မှတ်ပုံတင်ရေးအက်ဥပဒေ ၆(၂)/၆(၃)ဖြင့်လ ည်းကောင်း အမှုဖွင့်ကာ လူကုန်ကူးသူတွေဖြစ်တဲ့ ၀င်းကျော်၊ အေးသိန်းနဲ့ မောင်ကျော်တို့ (၃)ဦးကို ဖမ်းဆီးရမိရေး စုံစမ်းစစ်ဆေးနေတယ်လို့ ဆိုပါတယ်။

    ၂၀၁၄ သန်းခေါင်းစာရင်းအရ ရခိုင်ပြည်နယ်မှာ တိုင်းရင်းသားအဖြစ် အသိအမှတ်ပြုခံထားရတဲ့ ကမန်တိုင်းရင်းသားတွေ အပါအ၀င် အစ္စလာမ်ဘာသာဝင်ပေါင်း ၁ သန်းကျော်ရှိနေပြီး ခရီးသွားလာခွင့်၊ ဆေးကုသခွင့်၊ ပညာသင်ကြားခွင့်၊ ရွှေ့ပြောင်းနေထိုင်ခွင့်တွေကို
    နှစ်ပေါင်းများစွာ ကြာအောင် ကန့်သတ်ခံထားရတာဖြစ်ပါတယ်။ တစ်နေရာကနေ တစ်နေရာသွားဖို့ လ၀ကရဲ့ ခွင့် ပြုချက်ကို ရယူရပြီး ဒါကိုလည်း အလွယ်တစ်ကူ ထုတ်ပေးမှု မရှိဘူးလို့ ဒေသခံတွေက ဆိုပါတယ်။

    ရခိုင်ပြည်နယ်က မွတ်စလင်တွေရဲ့ ယခင်ရရှိခဲ့တဲ့ နိုင်ငံသားဖြစ်ကြောင်း အထောက်အထားတွေ၊ အိမ်ထောင်စုစာရင်း တွေကို လ၀က က ပြန်သိမ်းကာ အထောက်အထားမဲ့ဖြစ်အောင် လုပ်ပစ်တာမျိုးတွေလည်း ရှိတယ်လို့ သတင်းတွေ ထွက်ပေါ်ထားပါတယ်။

    အဲဒီလူတွေကို အခုအချိန်အထိ အစိုးရက နိုင်ငံသားစီစစ်ရေးကို ကြပ်ကြပ်မတ်မတ် ဆောင်ရွက်မှု မရှိသေးဘဲ၊ ဘင်္ဂလားဒေ့ရ်ှက တရားမ၀င်ရောက်လာသူတွေလို့ ပြောဆိုထားပေမယ့် ဘင်္ဂလားဒေ့ရ်ှအစိုးရနဲ့လည်း ဒီကိစ္စကို တရားဝင် ဆက်သွယ်ဆောင်ရွက်တာမျိုး မရှိသေးပါဘူး။ ရခိုင်ပြည်နယ်ကိုကျော်ကာ ခရီးသွားသူတွေကိုတော့ ခိုးဝင် ခေါင်းစဉ်တပ်ပြီး ဖမ်းဆီးနေတာ ဖြစ်ပါတယ်။

    ref:
    Anadolu Agency
    Yangon Police FB

  • အာရှ လူကုန်ကူးမှုပြသာနာ ဦကျိုးပြီလား ?

    အာရှ လူကုန်ကူးမှုပြသာနာ ဦကျိုးပြီလား ?

    ဇွန် ၉၊ ၂၀၁၅
    M-Media

    15MIGRANTS-WEB1-master675-v2
    မြန်မာနိုင်ငံအနောက်ပိုင်း လူထူထပ်ပြည့်ကျပ်နေတဲ့ ရိုဟင်ဂျာ မွတ်စ်လင်မ် ဒုက္ခသည် စခန်းများထဲ ယိုင်နဲ့နဲ့ တဲ တန်းလျားတွေမှာ တိတ်ဆိတ်ခြင်းက ကြီးစိုးနေပါပြီ။ ထိုင်းနဲ့မလေးရှားထဲက ဘယ်သူမှ ထပ်လာပြီး လူရွေးဖို့ အပေးအယူကိစ္စ မလုပ်ကြတော့ပါဘူး။

    “ဒီ့အလျင်က အနည်းဆုံး လူကုန်ကူးသူတွေနဲ့ စေ့စပ်ညှိနှိုင်းဖို့ လူ ၁၀ ဦးကနေ ၁၅ ဦးအထိ နေ့စဉ်နေ့တိုင်း ဒီကိုရောက်လာတတ်ပါတယ်။ ခုကျတော့ လုံးဝ မတွေ့ရတော့ပါဘူး” လို့ ထွန်းဝင်း အမည်ရှိ လူငယ်လေးက သက်ကယ်မိုးဝါးတဲ တစ်လုံးထဲကနေ ဗီဒီယို ဖုန်းလိုင်းသုံးပြီး ပြောပြပါတယ်။

    ဗီယက်နမ်စစ်ပွဲ အဆုံးသတ်ချိန်က လှေစီးပြေး ဒုက္ခသည်ဖြစ်စဉ်နောက်ပိုင်း မြန်မာ ရိုဟင်ဂျာတွေရဲ့အဖြစ်ဆိုးဟာ အာရှတလွှား အကြီးမားဆုံး ရွှေ့ပြောင်းမှုပြဿနာဖြစ်လာပါတယ်။ အဲ့ဒီအပေါ် နှစ်ပေါင်းများစွာ အမြတ်ထုတ်ခဲ့တဲ့ လူကုန်ကူးသူများဟာ စီးပွားပျက်ကိန်း ဆိုက်သွားပုံရပါတယ်။ အနိမ့်ဆုံးအားဖြင့် တပ်ခေါက်နေပြီလို့ ဆိုရမှာပါ။ ပြီးခဲ့တဲ့လအထိ သူတို့ရဲ့ ဆိုးဝါးတဲ့လုပ်ငန်းစဉ်ကြီးက နာရီရွေ့လျားမှုအလား မရပ်မနား လည်ပတ်နေခဲ့တယ်။

    ကျားရဲတွင်းနဲ့ ဆင်းရဲတွင်းကနေ လွတ်မြောက်နိုင်ရေးအိပ်မက်ကြောင့် ထောင်နဲ့ချီတဲ့ ရိုဟင်ဂျာတွေ၊ သူတို့အိမ်နီးချင်း ဘင်္ဂလားဒေ့ရ်ှက လူတွေဟာ မလေးရှားမှာ အလုပ်အကိုင်နဲ့ လုံခြုံရေး ရနိုင်စရာမျှော်လင့်ချက်ပေးလို့ ဘင်္ဂလားပင်လယ်အော် အရှေ့တောင်စွန်းကနေ တဆင့် လှေအိုလှေဟောင်းစီးပြီး အသက်စွန့် ခရီးနှင်ဖို့ သွေးဆောင်ခံခဲ့ကြရတယ်။

    သို့တစေလည်း လူအများအပြားကတော့ သူတို့ရဲ့ခရီးစဉ်ကို လျှို့ဝှက်စခန်းတွေထဲမှာ အရက်စက်ခံကျွန်ဘ၀အဖြစ် စခန်းသိမ်းခဲ့ရတယ်။ အဲ့ဒီစခန်းများက ထိုင်းနဲ့ မလေးရှားကြား နယ်စပ်မျဉ်း တစ်ကြောမှာ တည်ရှိနေပါတယ်။ လူကုန်ကူးသူများဟာ အကျဉ်းသားပြန်လွှတ်ရေး အတွက် အဲ့ဒီနေရာကနေတဆင့် ငွေညှစ်တောင်းခံလေ့ ရှိကြတယ်။ လက်ရှိ အခွံသာကျန်ရှိတဲ့ တဲတန်းလျားတွေထဲမှာ သက်ဆိုင်ရာဆွေမျိုးသားချင်းတွေနဲ့ ဈေးညှိဈေးဖြတ်လေ့ရှိကြတယ်။

    ပြီးခဲ့တဲ့လဆန်းပိုင်းမှာ နယ်စပ်ဒေသအနီး သေဆုံးသူ ၃၃ ဦး တွင်းတူးမြုပ်နှံထားမှုကို ရှာဖွေတွေ့ရှိပြီးတဲ့နောက် ထိုင်းနိုင်ငံဖက်က လူကုန်ကူးချေမှုန်းဖို့ အမိန့်ထုတ်လိုက်တော့ ဒီကွင်းဆက် ပြတ်တောက်သွားပါတယ်။
    “ရှိသမျှလူတွေ ထွက်ပြေးကုန်ကြတယ်”  လို့ ထိုင်းနိုင်ငံ လူကုန်ကူးမှုစုံစမ်းဖော်ထုတ်ရေး ရဲမင်းကြီး Thatchai Pitaneelaboot က ဆိုပါတယ်။

    အဲ့ဒီဖြိုခွင်းမှုက ပင်လယ်ထဲ လူသားချင်းစာနာ ကယ်ဆယ်ရေးပြဿနာ ဖြစ်သွားစေခဲ့တယ်။

    ထိုင်းနဲ့မလေးရှားဖက်က ကျယ်ကျယ်ပြန့်ပြန့် စုံစမ်းဖော်ထုတ်မှုကွန်ရက်များထဲ ဖမ်းမိတာထက်စာရင် အလွတ်ရုန်းအန္တရာယ်က ပိုသက်သာနိုင်လို့ လူကုန်ကူးသူများက သင်္ဘောနဲ့ထွက်ပြေးသွားကြတယ်။ ထောင်ချီတဲ့ ဦးတည်ရာမဲ့ရွှေ့ပြောင်း ဒုက္ခသည်တွေကို လှေမျောဘ၀နဲ့  ချန်ရစ်သွားခဲ့ကြတယ်။

    ပြီးခဲ့တဲ့လက ထိုင်း၊ မလေးနဲ့ အင်ဒိုနီးရှားကို လှေမျောခရီးသည် သုံးထောင်ကျော် ကမ်းကပ်ဆိုက်ရောက်လာတယ်။ ရာပေါင်း များစွာကို မြန်မာနဲ့ ဘင်္ဂလားဒေ့ရ်ှဆီ ပြန်ပို့ခဲ့ကြပေမယ့် လူ ၂၀၀၀ ၀န်းကျင်လောက်က ပင်လယ်ထဲမျောနေဆဲဖြစ်မယ်ဆိုပြီး ကုလသမဂ္ဂမှ ခန့်မှန်းထားပါတယ်။

    လူကုန်ကူးလုပ်ငန်းကွင်းဆက်ကို (ရှောင်တခင်)ပိတ်ဆို့ တားဆီးလိုက်ခြင်းက လှေမျော ဒုက္ခသည်ပြဿနာ ပိုကြီးထွားစေခဲ့ကြောင်း ရခိုင်ပြည်နယ်နဲ့ ဘင်္ဂလားဒေ့ရ်ှတောင်ပိုင်းက လှေစီး ထွက်ခွာမှုအပေါ် ခြေရာခံ ပရောဂျက်လုပ်ဆောင်နေတဲ့ Chris Lewa က ပြောကြားလိုက်ပါတယ်။

    မေလမှာ ထွက်ခွာတဲ့လှေငယ် ၃၀၀ စီး၊ ဧပြီလမှာ အနိမ့်ဆုံး လူဦးရေ ၅၀၀၀၊ နိုဝင်ဘာ ကနေ မတ်လ အတွင်းမှာ လစဉ်ပျမ်းမျှ ၇၀၀၀-၈၀၀၀ လောက်ရှိတယ်လို့ သူမရဲ့ခန့်မှန်းချက် အရ သိရတယ်။

    လွန်ခဲ့တဲ့နှစ်လကတည်းက ရွှေ့ပြောင်းထွက်ခွာအံ့ဆဲဆဲ လူအများစုဟာ ဖြိုခွင်းရေးများကြောင့် ရေပြင်ကို ခြေမချခဲ့ရဘဲ သောင်ပြင်မှာ ပစ်ထားခံရပြီး ငွေပေးရွေးမှ ပြန်လည်ခေါ်ဆောင် ခံရသူတွေပါလို့ သူမက ဆိုပါတယ်။

    ထိုင်းအစိုးရအနေနဲ့ လူကုန်ကူးလုပ်ငန်းကို ချေမှုန်းလိုက်နိုင်လျှင်ပင် အရှေ့တောင်အာရှ ရွှေ့ပြောင်းသွားလာမှု ရပ်ဝန်းရဲ့ ဇာစ်မြစ် အကြောင်းရင်းတွေကို ရပ်တန့်အောင် လုပ်နိုင်မှာ မဟုတ်ဘူးလို့ လူအများအပြားက ယုံကြည်ကြပါတယ်။ ပြီးခဲ့တဲ့ ရက်သတ္တပတ်မှာ လူဦးရေ ၁.၁ သန်းရှိ ရိုဟင်ဂျာမွတ်စ်လင်မ်တွေအပေါ် ခွဲခြားချိုးနှိမ်ဆက်ဆံနေမှု ရပ်တန့်ဖို့ အမေရိကန်သမ္မတ ဘားရက် အိုဘားမားက မြန်မာနိုင်ငံကို လောဆော်ခဲ့ပါတယ်။ အဲ့ဒီလို လုပ်ဆောင်ချက်မျိုး မရှိဘူး ဆိုပြီး မြန်မာဖက်က ငြင်းဆန် ထားပါတယ်။

    မြန်မာအစိုးရဟာ မြန်မာနိုင်ငံထဲ မျိုးဆက်အလီလီ နေထိုင်လာခဲ့တဲ့ သူတို့ကို တိုင်းရင်းသားအဖြစ် လည်းကောင်း၊ နိုင်ငံသားအဖြစ် လည်းကောင်း အသိအမှတ် မပြုတဲ့အပြင်၊ ဘင်္ဂလားဒေ့ရ်ှက ခိုးဝင်လာသူ ဘင်္ဂလီများအဖြစ် သတ်မှတ်ထားပါတယ်။

    မုတ်သုန်ရာသီဝင်ရောက်လာပြီး အန္တရာယ် ပိုများနိုင်တာကြောင့် ဒီလိုကာလမှာ ရွှေ့ပြောင်း စွန့်ခွာမှုနှုန်း နိမ့်ကျသွားလေ့ရှိပါတယ်။ ဒါကြောင့် ဦးကျိုးသွားတဲ့ ဒီလုပ်ငန်းဟာ လပေါင်းများစွာအကြာမှာ ပြန်ပေါ်လာနိုင် မလားဆိုတာကို စောင့်ကြည့် သွားရမှာပါ။

    လက်ရှိသီတင်းပတ်အတွင်း ဖြစ်ရပ်များက ဒီတရားမဲ့လုပ်ငန်းကို အပြီးအပိုင်လှဲကျင်းပစ်နိုင်မလားဆိုတာ Lewa က သံသယဖြစ်နေပါတယ်။

    “အုပ်စုငယ်တချို့ ထိန်းသိမ်းခံထားရဆဲလို့ ကျွန်မ ထင်မြင်ပါတယ်။ တောနက်ထဲမှာတော့ ဟုတ်ချင်မှဟုတ်မှာပါ။ ဒုစရိုက်သမားတွေက ဓားစာခံတွေကို လုံခြုံတဲ့နေရာတွေမှာ ငွေနဲ့လာရွေးဖို့ ချုပ်ကိုင်ထားဆဲ ဖြစ်နေနိုင်ပါတယ်”။

    စစ်တွေမြို့အနီးက ရိုဟင်ဂျာဒုက္ခသည်စခန်းမှာ ငွေပေးရွေးဖို့ တောင်းဆိုမှုတွေ ရုတ်ခြည်း တိတ်ဆိတ်ခြောက် ကပ်သွားတယ်လို့ ဒေသခံများက ဆိုပါတယ်။

    ဒုက္ခသည်စခန်းတွေ ပိတ်သိမ်းနိုင်ချေရှိကြောင်း သောကရောက်သားချင်းတွေအတွက် လူမှုအကျိုးဆောင်လုပ်ပေးနေသူ ဦးကျော်လှက ပြောပါတယ်။ “လွန်ခဲ့တဲ့ ၂ လလောက်က ကျွန်တော်နဲ့ ချမ်းသာသူတစ်ချို့ဆီ လူအများအပြား ရောက်လာကြတယ်။  သူတို့ရဲ့သားချင်းတွေကို ပြန်ရွေးနိုင်ရေးအတွက် သူတို့ရဲ့အိမ်၊ မြေတွေ ရောင်းချဖို့အတွက်ပါ။ အဲ့ဒီကိစ္စတွေ ခုတော့ ရပ်တန့်သွားပြီဖြစ်ပါတယ်”။

    လှေစီးပြေးအောင် မြူဆွယ်သူ ပွဲစားများစွာက ရိုဟင်ဂျာတွေပဲ ပြန်ဖြစ်နေတာ တွေ့ရပါတယ်။

    အောက်ခြေအဆင့်လက်ပွား လူကုန်ကူးသူများသာ ဖမ်းဆီးခံရပြီး လုပ်ငန်းခေါင်းကိုင်များကတော့ ဘင်္ဂလားဒေ့ရ်ှဖက် ထွက်ပြေးကုန်ပြီ သို့တည်းမဟုတ် ခြေရာဖျောက်တွင်းအောင်းသွားပြီ လို့ ဦးကျော်လှက ယုံကြည်ထားပါတယ်။

    ဘင်္ဂလားဒေ့ရ်ှနယ်စပ် Pen Daw Pyin ရွာက ၅၅ နှစ်အရွယ် အမျိုးသမီး Se Tara က ဒီလိုပြောပြခဲ့ပါတယ်။ ဖေဖော်ဝါရီလက ပင်လယ်ခရီးလွှင့်သွားခဲ့တဲ့ သူမရဲ့ သားနဲ့သမီးကို ပြန်ရွေးဖို့ ငွေကြေးပြင်ဆင်ထားပါဆိုပြီး လွန်ခဲ့တဲ့ ၂ လက ဒေသခံပွဲစား လာပြောသွားတယ်။ ထိုင်းနိုင်ငံမှာ လူကုန်ကူးသူတွေ ဖမ်းဆီးခံရပြီး ပင်လယ်ထဲ လှေတွေ မျောပစ်တဲ့သတင်း ရောက်တဲ့အခါ သူမနဲ့သားငယ်ဖြစ်သူ ရဟ်မသ်က ပွဲစားအိမ်ဆီ မေးမြန်းစုံစမ်းဖို့ သွားခဲ့ကြတယ်။ ဒါပေမယ့် ပွဲစားက ပျောက်ခြင်းမလှပျောက်သွားခဲ့ပါပြီ။

    “သူ ဘယ်မှာလဲဆိုတာ မသိဘူးလို့ သူ့ရွာသားတွေက ပြောကြတယ်။ သူ တစ်နေရာရာမှာ ပုန်းနေပါတယ်။ ကျွန်တော့်အထင် သူတို့လိမ်နေတာပဲ ဖြစ်ပါမယ်” ဆိုပြီး ရဟ်မသ်က ပြောပါတယ်။

    xxxxxxxxxxxxxxxxxxxxxxxxxxxx

    ဘန်ကောက်အခြေစိုက် Simon Webb ရဲ့ သတင်းပေးပို့ချက်အပေါ် John Chalmers ရေးသားပြီး Ian Geoghegan တည်းဖြတ်တဲ့ Aubrey Belford ရဲ့ ရိုက်တာသတင်းဆောင်းပါး Closed for business: Asia’s human smugglers go to ground ကို မြင့်မိုရ်မောင်မောင်က ဆီလျော်အောင် ပြန်ဆိုမှု ဖြစ်ပါတယ်။

  • မလေးရှားနယ်စပ်တွင် လူကုန်ကူးစခန်းများနှင့် လူများ အစုလိုက်အပြုံလိုက် မြှုပ်နှံထားသော နေရာများကို တွေ့ရှိ

    မလေးရှားနယ်စပ်တွင် လူကုန်ကူးစခန်းများနှင့် လူများ အစုလိုက်အပြုံလိုက် မြှုပ်နှံထားသော နေရာများကို တွေ့ရှိ

    မေ ၂၄၊ ၂၀၁၅
    M-Media

    malay

    – မြန်မာနှင့် ဘင်္ဂလားဒေ့ရှ့်နိုင်ငံတို့မှ ပြောင်းရွှေ့လာသူများဟု ယူဆရသူများ၏ ရုပ်အလောင်း ရာနှင့်ချီ၍ ပါဝင်သော လူများ အစုလိုက်အပြုံလိုက် မြှုပ်နှံထားသည့် နေရာများကို မလေးရှားတွင် တွေ့ရှိခဲ့ရသည်ဟု ပြည်ထဲရေးဝန်ကြီးက ပြောကြားလိုက်သည်။

    ထိုင်းနိုင်ငံနှင့် ကပ်လျက်ရှိသော နိုင်ငံမြောက်ပိုင်း ပါရ်လစ်ပြည်နယ်ရှိ နေရာနှစ်ခုတွင် မြှုပ်နှံထားသောနေရာ ၃၀ ခန့်ကို ရဲတပ်ဖွဲ့က ရှာဖွေတွေ့ရှိခဲ့ခြင်းဟု သတင်းများက ယနေ့တွင် ဖော်ပြခဲ့သည်။

    ပြည်ထဲရေးဝန်ကြီး အဟ်မဒ် ဇာဟစ် ဟာမီဒီက ပါဒန်ဘဆားရ်မြို့ရှိ လူကုန်ကူးစခန်း ၁၇ ခုအနီးတွင် အစုလိုက်အပြုံလိုက် မြှုပ်နှံထားသည့် နေရာများအား ထူးဖော်နေသည်ကို အတည်ပြုခဲ့ပြီး တာဝန်ရှိသူများ ရောက်ရှိသည့်အခါ ထိုစခန်းများမှာ စွန့်ပစ်ခံထားရသည်ဟု ထည့်သွင်းပြောကြားခဲ့ကာ စုံစမ်းစစ်ဆေးမှုများကို ပြုလုပ်နေသည်ဟု ဆိုသည်။

    The Star သတင်းစာကမူ သောကြာနေ့က တူးဖော်ခဲ့သည့် နေရာတစ်ခုတွင် အလောင်းပေါင်း ၁၀၀ ခန့် တွေ့ရှိခဲ့ရသည်ဟု ဖော်ပြခဲ့သည်။ အဆိုပါ ရုပ်အလောင်းများမှာ လူကုန်ကူးမှုမှ ဖြစ်ပေါ်လာခြင်းဖြစ်သည်ဟု ယုံကြည်ရပြီး မြန်မာနိုင်ငံအနောက်ပိုင်းမှ လူနည်းစု ရိုဟင်ဂျာများ၏ ရုပ်အလောင်းများလား ဆိုသည်ကို ရှင်းရှင်းလင်းလင်း မသိရှိရသေးဟု တာဝန်ရှိသူတစ်ဦးက
    ပြောကြားခဲ့သည်။

    မလေးရှားနိုင်ငံမြောက်ပိုင်းမှာ မြန်မာနိုင်ငံတွင် ငြှင်းပန်းနှိပ်စက်ခံရသောကြောင့် ထွက်ပြေးလာသည်ဟုဆိုသော ရိုဟင်ဂျာများနှင့် ဘင်္ဂလားဒေ့ရ်ှမှ အလုပ်လုပ်ရန် လာသောသူများအား လှေဖြင့်ခေါ်ဆောင်လာသည့် လူကုန်ကူးသူများအတွက် အဓိကလမ်းကြောင်းလည်း ဖြစ်သည်။

    မေလဆန်းပိုင်းကလည်း ထိုင်းနိုင်ငံတောင်ပိုင်း မလေးရှားနယ်စပ်တွင် လူကုန်ကူးစခန်းများနှင့် ရွှေပြောင်းလာသူများကို အစုလိုက်အပြုံလိုက် မြှုပ်နှံထားသော နေရာများကို တွေ့ရှိခဲ့ရသည်။

    Ref: Reuters

  • အဓမ္မ လက်မည်းအောက်က အမိမြေမှ သတို့သမီးများ

    အဓမ္မ လက်မည်းအောက်က အမိမြေမှ သတို့သမီးများ

    သြဂုတ် ၁၂ ၊ ၂၀၁၄

    M-Media

    မြင့်မိုရ်မောင်မောင် ဘာသာပြန်သည်။
    အလုပ်အကိုင် အတွက် တရုတ်ပြည်သို့ စွန့်စားသွားလာကြသူ ကချင်အမျိုးသမီးများမှာ အဓမ္မထိမ်းမြား လိုသူများ၏ ထောင်ချောက်အတွက် အလွယ်ကူဆုံး သားကောင်များ ဖြစ်ကြသည်။

    20148711541987621_20

    လမွန်ဘောက်ဒင် Lamung Bawk Din(၂၆)နှစ်ဟာ သူမခင်ပွန်းရဲ့ နှစ်ထပ်တိုက်ပြူတင်း တံခါးက ခုန်ထွက်လာချိန်မှာ သူမခေါင်းထဲ အတွေးတစ်ခုသာ ရှိနေခဲ့တယ်။

    “ ဒီမှာ ကြာကြာဆက်နေလို့ကတော့ ငါ ရူးသွပ်သွားလိမ့်မယ်”။

    ဒါက ဘောက်ဒင်အဖို့ အသက် (၁၉)နှစ်အရွယ် (၂၀၀၈)ခုနှစ်က ဖြစ်ပျက်ခဲ့တာပါ။ မြန်မာနိုင်ငံ ပဋိပက္ခဇုံများ အနက်တစ်ခုဖြစ်တဲ့ ရှမ်းပြည်မြောက်ပိုင်းက ဒေသခံ ကချင်တိုင်းရင်းသူ တစ်ဦးအနေနဲ့ စစ်ပွဲ၊ ပဋိပက္ခ၊ လူမျိုးရေး ချိုးနှိမ်နှိပ်ကွပ်မှုတွေကို ဖြတ်သန်း ရှင်သန်လာခဲ့သူဖြစ်တယ်။ မူလတန်းအဆင့် ပညာအခြေခံ၊ နာမကျန်းတဲ့မိခင်၊ ကြည့်ရှုစောင့်ရှောက်ရမဲ့ မောင်ငယ်နှမငယ်တွေကြောင့် သူမဟာလည်း အခြားသော ရှမ်းနဲ့ ကချင်အမျိုးသမီးတွေအတိုင်း အလုပ်အကိုင်ရှာဖွေရေး အတွက် တရုတ်ပြည်ထဲ တရားမ၀င်ဖြတ်ကျော် ၀င်ရောက်လာခဲ့တယ်။ ဒါဟာ သူမရဲ့ဘ၀ ဒုက္ခနွံဆိုးထဲ နစ်သွားစေမယ့် အလှည့်အပြောင်း စတင်တော့တာပါပဲ။

    တရုတ်မြန်မာ နယ်စပ်ပေါ်တည်ရှိတဲ့ ကျင်းဟုံ သကြားစက်ရုံမှာ နေ့စားခ (၈)ဒေါ်လာနဲ့ သုံးလတာမျှ လုပ်ကိုင်ခဲ့ပြီးနောက် ဘောက်ဒင်ဟာ လုပ်ငန်းကောင်းတစ်ခု အတွက် တရုတ်ပြည်မထဲ သွားရောက်ဖို့ မြူဆွယ် သိမ်းသွင်းခံရတယ်။ ချိတ်ပေါ်က ငါးစာကို ဟပ်မိသွားတယ်။ သူမဟာ “အဓမ္မလက်မည်းအောက်က သတို့သမီး”၊ တစ်ကြိမ်တစ်ခါမျှ မသိကျွမ်းဖူးတဲ့ အမျိုးသားတစ်ဦးရဲ့ အကျဉ်းသားဖြစ်လာမယ်လို့ သူမ မသိခဲ့ပေဘူး။

    ထိုင်းနိုင်ငံအခြေစိုက် ကချင်အမျိုးသမီးများအဖွဲ့ Kachin Women’s Association of Thailand (KWAT) ရဲ့အဆိုအရ မြန်မာတရုတ်နယ်စပ်မှာ အကျယ်ပြန့် အကြီးမားဆုံး လူကုန်ကူးမှုတွေမှာ တရုတ်ပြည်ထဲ တရားမ၀င်ဖြတ်ကျော်လာတဲ့ ရွှေ့ပြောင်း လုပ်သားတွေပါဝင်နေပါတယ်။ ဆိုးရွားသော ချို့တဲ့မှုတွေ၊ ပဋိပက္ခများဆီက ဝေးရာထွက်လာမှုတွေကြောင့်လို့ ဆိုပါတယ်။

    ကချင်နဲ့ ရှမ်းအမျိုးသမီးတွေက လူကုန်ကူးသူများရဲ့ အလွယ်ကူဆုံးပစ်မှတ်တွေ ဖြစ်နေကြတယ်။ ဘာကြောင့်လဲဆိုတော့ သူတို့ဟာ တရုတ်စကား မပြောတတ်ကြဘူး၊ နယ်စပ်ဖြတ်ကျော် အထောက်အထား/ နိုင်ငံကူး လက်မှတ်တွေ မရှိကြဘူး၊ သူတစ်ပါးကို အယုံလွယ်ကြလို့ပဲ ဖြစ်ပါတယ် လို့ KWAT က လူကုန်ကူးမှုဆန့်ကျင်ရေး အစီအစဉ်မှူး Awn Nang က ဆိုပါတယ်။

    ဘောက်ဒင်နဲ့ အခြား အမျိုးသမီးငါးဦးဟာ ဒီကြမ္မာဆိုးထဲ ကျရောက်ခဲ့ကြတယ်။ ဘေကျင်း(ပီကင်း)ကို သုံးရက်ကြာမှာ ရထားခရီးစဉ်နဲ့ ရောက် သွားတယ်။ ရောက်ရောက်ချင်းပဲ သူတို့ကို လူချင်း ခွဲလိုက်ကြတယ်။ သူတို့ အချင်းချင်း ဘယ်တော့မှ ထပ် မဆုံတွေ့ကြတော့ဘူး။ သူမရဲ့အဖော်က သူ့ကို မိသားစု တစ်စုဆီ ခေါ်ဆောင်သွားတယ်။ အဲ့ဒီကိုရောက်မှ ဘောက်ဒင်ဟာ ခေါ်ဆောင်လာသူရဲ့ ညီငယ်ဖြစ်သူနဲ့ လက်ထပ်ရမယ်ဆိုတာ သိခဲ့ရတယ်။

    “ကျွန်မ အိမ်ပြန်လိုကြောင်း အဲ့ဒီမိသားစုကို ပြောပါတယ်။ ဒါပေမယ့် – ပြန်လို့မရဘူး။ ငါတို့က မင်းကို ငွေပေးဝယ်ထားလိုက်ပြီးပြီလို့ သူတို့က ပြောကြတယ်” ဆိုပြီး ဘောက်ဒင်က အလ်ဂျဇီးရားသတင်းဌာနကို ပြောပြတယ်။ အဲ့ဒီမိသားစုဟာ ကျင်းဟုံမြို့က လူကုန်ကူးပွဲစားကို ဒေါ်လာ (၆၅၀၀)၀န်းကျင် ပေးချေခဲ့ပြီးဖြစ်သလို သူတို့ရဲ့အစီအမံထဲ သူမအနေနဲ့ ကလေးတွေ မွေးဖွားပေးရမယ်ဆိုတာလည်း ပါဝင်နေပါတယ်။

    20148711571588734_20
    ၂၀၀၈ ခုနှစ်က Forbidden City ရှေ့တွင် မိသားစု၊ ခင်ပွန်း(၀ဲအစွန်)တို့နှင့်အတူ အမှတ်တရဓာတ်ပုံ ရိုက်ခဲ့သည့် လမွန်ဘောက်ဒင်(၀ဲဖက်မှ ဒုတိယ) (ဓာတ်ပုံ – Taylor Weidman)

    တရုတ်ပြည်က ကျားမဦးရေ မမျှတမှုပြဿနာ
    ———————————————–
    ကလေးတစ်ဦးသာယူရေး မူဝါဒနဲ့ ယောက်ျားလေး ဦးစားပေးယဉ်ကျေးမှုကြောင့် ကျားမဦးရေ မမျှတမှုဖြစ်ပေါ်ရတဲ့ တရုတ်နိုင်ငံမှာ အလားတူ အဓမ္မ ထိမ်းမြားလိုမှု ဈေးကွက်ကြီးထွား လာနေတယ်။ ကျားမမွေးဖွားနှုန်း အချိုးက (၁၁၈း၁၀၀) ဖြစ်နေပါတယ်လို့ အမေရိကန်လူကုန်ကူးမှု ဆိုင်ရာ အစီရင်ခံစာ(၂၀၁၃)မှာ ဖော်ပြထား ပါတယ်။ (၂၀၂၀)ခုနှစ်ရောက်ရင် ထိမ်းမြားနိုင်တဲ့ အရွယ်ရောက် အမျိုးသားဦးရေဟာ အမျိုးသမီး ဦးရေထက် သာလွန်များပြားပြီး (၂၄)သန်းထိ ရှိလိမ့်မယ်လို့ တရုတ် လူမှုသိပ္ပံ အကယ်ဒမီက ခန့်မှန်းဖော်ပြထားပါတယ်။

    ဒါကြောင့် တရုတ်ပြည်တွင်းမှာ အထိမ်းမြားခံ အမျိုးသမီးလိုအပ်ချက်က အရှိန်အဟုန်နဲ့ ပေါက်ကွဲလာခြင်းဖြစ်တယ်လို့ ကုလသမဂ္ဂ၊ လူကုန်ကူးမှုဆန့်ကျင်ရေး ပူးပေါင်းဆောင်ရွက်မှု အဖွဲ့မှ ပေါလ် ဘာကလေ Paul Buckley က ဆိုပါတယ်။

    ဘာကလေက “လိင်ကွဲဦးရေ အချုိုးအစား မညီမျှချက် တစ်ခုတည်းကြောင့် မဟုတ်ဘူး၊ တရုတ်ပြည်ထဲရွှေ့ပြောင်း ၀င်ရောက်လာနှုန်း မြင့်မားလာတာနဲ့လည်း ဆက်နွှယ်နေပါတယ်။ မြောက် များစွာသော အမျိုးသမီးတို့ဟာ ကျေးရွာတွေကို စွန့်ခွာပြီး စက်မှု ထွန်းကားရာဒေသတွေဆီ သွားရောက် လုပ်ကိုင်နေကြတယ်လေ” ဆိုပြီး အလ်ဂျဇီးရားကို ပြောပြတယ်။ ကလေးရယူမှုဆိုင်ရာ ရိုးရာ အစွဲအလန်းကြီးမားလွန်းတဲ့ တိုင်းပြည်တစ်ခုက မဖွံ့ဖြိုးတဲ့ဒေသထဲ ကျန်ရစ်တဲ့ အမျိုးသားတွေအဖို့ မိမိတို့နဲ့ လိုက်ဖက်တဲ့ကြင်ဖက်တွေ နည်းပါးသထက် နည်းပါးလာတာကို ကြုံနေရတယ်။ ဒီအခါမှာ သက်ဆိုင်ရာမိသားစုတွေက ထိမ်းမြားရေးအတွက် နောက်ထပ် နည်းလမ်းသစ်တွေ ရှာဖွေကြတော့တာပါပဲ။

    KWAT ရဲ့ (၂၀၀၈)ခုနှစ်အစီရင်စာမှာ လူကုန်ကူးမှုပေါင်း (၁၆၃)မှုကို မှတ်တမ်းပြုဖော်ပြခဲ့တယ်။ အများစုက လယ်သမားတွေရဲ့ဇနီးမယားလုပ်ဖို့ အဓမ္မ တွန်းပို့ခံရကြောင်း တွေ့ရပါတယ်။ အချို့အမျိုးသမီးများကို ယောက်ျားအများအပြားထံမှာ ပြောင်ပြောင်တင်းတင်း ခေါ်ဆောင်ပြသခြင်းခံရတယ်။ ကြိုက်ရင် ရွေးချယ်ခေါ်ယူသွားကြတယ်။ တစ်ခါတစ်လေ ဈေးတွေထဲမှာတောင် ပြုလုပ်ကြတယ်။ ဒါပေမယ့် မဖွံ့ဖြိုးတဲ့နေရာဒေသကွက်ကွက်လောက်သာ ဒီလိုဖြစ်တယ်လို့ မထင်ပါနဲ့။ ဘောက်ဒင်လို အမျိုးသမီး အချို့ကတော့ ပေကျင်းလို မြို့ကြီးပြကြီးတွေအထိ ခေါ်ဆောင်သွားခံရပါတယ်။

    ပေကျင်းကအိမ်ကို ရောက်ပြီး ငါးရက်အကြာမှာ ဘောက်ဒင်ကို ထိမ်းမြားလက်ထပ်ပွဲတစ်ခုနဲ့ အဓမ္မ သတို့သမီး ဖြစ်စေခဲ့တယ်။ အဲ့ဒီအချိန်ကစပြီး သူမဟာ နေအိမ် အကျယ်ချုပ် အကျဉ်းစံဘ၀ ရောက်သွားပါတော့တယ်။

    “သူတို့က ကျွန်မကို ခြံဝင်းထဲ ပိတ်လှောင်ထားခဲ့တယ်။ ကျွန်မက မြန်မာနိုင်ငံကဆိုတာ သူတို့သိတယ်လေ။ ကျွန်မထွက်ပြေးမှာကို သူတို့ စိုးရိမ်ကြတယ်။ ပြင်ပ ထွက်ဖုိ့ တစ်ကြိမ် တစ်ခါမှ အခွင့်အရေး မရခဲ့ပါဘူး။ သူတို့ကျွေးတာကိုပဲ စားသောက်နေခဲ့ရတယ်” လို့ သူမက ပြောပြပါတယ်။

    ဒီလိုနဲ့ နောက်ဆုံးမှာတော့ သူမရဲ့မိခင်ကို ဖုန်းဆက် စကားပြောဆိုဖို့ ခွင့်ပြုလိုက်ကြတယ်။ တရုတ်ပြည်ထဲမှာ အကြပ်ကိုင်ခံရပြီး အမျိုးသားတစ်ဦးနဲ့ လက်ထပ် ထားတာကို သိရှိလိုက်ရတဲ့ သူမ မိခင်ဟာ တုန်လှုပ်သွားရှာပါတယ်။

    “ကျွန်မမေမေဟာ ကျွန်မကို ရှာဖွေတော့တာပါပဲ။ ဒါပေမယ့် တရုတ်ပြည်က ကြီးမားကျယ်ပြန့်လွန်းတယ်လေ။ ကျွန်မကို ရှာဖွေဖို့ သွားလာစားရိတ်ကို အမေ မတတ်စွမ်းနိုင်ခဲ့ပါဘူး”။

    နိုင့်ထက်စီးနင်းယဉ်ကျေးမှု
    —————————
    ပဋိပက္ခများအတွင်း အိုးအိမ်၊ စည်းစိမ်၊ မြေယာ၊ သက်မွေးလုပ်ငန်းတွေ အဖျက်ဆီးခံရတဲ့ ကချင်နဲ့ ရှမ်းလူမျိုးမိသားစုများ မဆိုစလောက်မျှသာ မိမိတို့ရဲ့ ပျောက်ဆုံး ကွဲကွာ မိသားစုဝင်တွေကို ပြန်လည် စုစည်းနိုင်ကြပါတယ်။ လူကုန်ကူးခံတွေဟာ အိမ်ကို အရောက်ပြန်နိုင်ခဲ့သည့်တိုင် နိုင့်ထက် စီးနင်းယဉ်ကျေးမှုရဲ့ သားကောင်ဘ၀ ရောက်ရတော့တာပါပဲ။ ဒါကို ဆန့်ကျင်ကယ်ဆယ်နိုင်တဲ့ လမ်းကြောင်းတွေကလည်း အလွန်နည်းပါးနေပါတယ်။

    “ပြန်လည်လွတ်မြောက်လာသူများဟာ သူတို့ အသိုင်းအ၀ိုင်းဆီ ပြန်ရောက်ပြီးနောက် မကြာခဏဆိုသလို ခွဲခြားချိုးနှိမ်ဆက်ဆံမှုကို ကြုံတွေ့ရင်ဆိုင်ကြရတယ်။ လူကုန်ကူးခံရသူများကို လက်ထပ် ထိမ်းမြားဖို့ အချို့မိဘတွေက ခွင့်မပြုတတ်ကြဘူး။ လွတ်မြောက်လာသူအများစုအနေနဲ့ သက်မွေးမှုဆိုင်ရာ တန်းတူ အခွင့်အလမ်းတွေ မရကြပါဘူး” လို့ Awn Nang က ဆိုပါတယ်။

    သုံ့ပန်းဘ၀မှာ တစ်နှစ် နီးပါးနေထိုင်ခဲ့ရပြီးတဲ့နောက် ဘောက်ဒင်ဟာ (၁၆၂)ဒေါ်လာကို လျှို့လျှို့ဝှက်ဝှက် စုဆောင်းနိုင်ခဲ့တယ်။ မြန်မာပြည်ကို အရောက်ပြန်ဖို့ လုံလောက်တဲ့ ပမာဏပါပဲ။ တစ်နေ့နံနက်မှာ သူမရဲ့ဒုတိယထပ်ပြူတင်းအကာတွေကို ဖယ်ရှားပြီး ခြံစည်းရိုးကို ခုန်ကျော်ထွက်ခဲ့တယ်။ ဘူတာရုံဆီ ထွက်ပြေးခဲ့တယ်။ ဒါပေမယ့် ဘာအထောက်အထားမှ မရှိတဲ့အတွက် ရဲဌာနက သူမကို ထိန်းသိမ်းလိုက်တယ်။ တကယ်လို့ သူမဟာ အိမ်ထောင်ရှိသူပါလို့ ပြောမိရင် သူမကို အဲ့ဒီ Chang Saan ဆီ ပြန်ပို့မှာကြောက်တဲ့အတွက် တရုတ်ပြည်ထဲ အလုပ်လုပ်ဖို့ ရောက်လာခဲ့တာပါဆိုပြီး ပြောဆိုခဲ့တယ်။ ရဲဝန်ထမ်းများက သူမ မြန်မာနိုင်ငံကို ပြန်ဖို့အတွက် ထောက်ခံစာတစ်စောင် ရေးပေးခဲ့တယ်။

    ကချင်တွေ အလေးထားကြတဲ့ ခရစ္စမတ်နေ့အလွန် နောက်တစ်ရက်မှာ ဘောက်ဒင် အိမ်ပြန်ရောက်ခဲ့ပါတယ်။ ကချင်လူမျိုးအများစုက ခရစ်ယာန်ဘာသာဝင်တွေပါ။ အိမ်နီးချင်းတွေ၊ မိတ်ဆွေသူငယ်ချင်းတွေကတော့ အားလပ်ရက်ပြန်လာလည်ခြင်းလို့ ထင်မှတ်နေကြတယ်။ အဓမ္မထိမ်းမြားခံရမှုကနေ အလွတ်ရုန်းထွက်လာသူမှန်း မသိကြဘူး။ ချိုးနှိမ်ဖယ်ကြဉ်တာ ခံရမှာစိုးတဲ့အတွက် သူမကလည်း သူတို့ကို အမှန်အတိုင်း မပြောခဲ့ပါဘူး။

    တဖြည်းဖြည်းနဲ့ ဘောက်ဒင်ဟာ လူကုန်ကူးခံရတယ်ဆိုတဲ့ စကားသံတွေ ပျံ့နှံ့ကုန်တယ်။ ဒီအခါ ဘောက်ဒင်က သူမရဲ့အဖြစ်သနစ်ကို ဖွင့်ချဖို့ ဆုံးဖြတ်လိုက်ပါတယ်။ သူမ ကံကောင်းခဲ့ပါတယ်။ သူမရဲ့ အတိတ်ဒဏ်ရာကို ဗွေမယူဘဲ မေတ္တာသက်ဝင်ကြည်ဖြူတဲ့ ကချင်အမျိုးသားတစ်ဦးကို လက်ဆက်နိုင်ခဲ့တယ်။ ဒါပေမယ့် ယောက္ခမကတော့ သူမရဲ့အတိတ်ကို ပြည်ဖုံးကား မချနိုင်ခဲ့ပါဘူး။

    “ ကျွန်မတို့နှစ်ဦး ယောက္ခမဆီ သွားလည်တိုင်း သူမက ကျွန်မကို စကားမပြောဘူး။ ကျွန်မတို့ နှစ်ယောက် ဘယ်လို ကွာရှင်းလမ်းခွဲကြမလဲ ဆိုတဲ့စကားကိုသာ သူမက ပြောဆိုနေလေ့ရှိပါတယ် ” လို့ ဘောက်ဒင်က ပြောပြပါတယ်။

    ချိုးနှိမ်ဖယ်ကြဉ်မှုကို ကာကွယ်နိုင်ဖို့ မြောက်များစွာသော လူကုန်ကူးခံရသူများအတွက် တစ်ခုတည်းသောနည်းလမ်းဟာ အတိတ်ကို ဖုံးကွယ်ထားခြင်း ဖြစ်နေပါတယ်။ နောက်ဆုံးမှာတော့ လူကုန်ကူးခံရမှုအနည်းအကျဉ်းမျှသာ လူသိရှင်ကြားဖြစ်သွားရပါတယ်။

    ကချင်ပြည်နယ်ရဲ့အစိုးရ အဖြစ် ကြွေးကြော်ထားတဲ့ ကချင်လွတ်မြောက်ရေးအဖွဲ့ Kachin Independence Organisation (KIO) က လူကုန်ကူးမှုဆန့်ကျင်ရေး မူဝါဒကို အကောင်အထည်ဖော်နိုင်အောင် ရုန်းကန်အားထုတ်လျက်ရှိပါတယ်။

    “လူကုန်ကူးခံရသူတိုင်းကို သိနိုင်ရေး အတွက် ကျွန်တော်တို့ လက်လှမ်းမမီပါဘူး။ သူတို့ဖက်က အကူအညီပေး အဖွဲ့အစည်းတွေကို ဆက်သွယ်မှ ကျွန်တော်တို့ ဒီကိစ္စတွေကို သိရှိရတာပါ” လို့ ကေအိုင်အို၊ ဒုက္ခသည်များ ကူညီကယ်ဆယ်ရေးအဖွဲ့ဥက္ကဌ Labang Doi Pisa က ပြောကြားပါတယ်။

    ပြန်လည်ဖွင့်လှစ်နေသော ပဋိပက္ခဓာတ်ပြားဟောင်း
    ——————————————————-
    လတ်တလော ဖြစ်စဉ်တချို့ကလည်း အခြေအနေကို ပိုဆိုးသွားအောင် လှုပ်ရမ်းနေပါတယ်။ (၂၀၁၁)ခုနှစ်ကစလို့ မြန်မာစစ်တပ်နဲ့ ကချင်လွတ်မြောက်ရေး တပ်မတော်တို့အကြား ပြန်လည် ဖွင့်လှစ်လိုက်တဲ့ ပဋိပက္ခ ဓာတ်ပြားဟောင်းကြီးဟာ ကချင်ပြည်နယ်က ဒေသခံလူပေါင်း တစ်သိန်းကျော်ကို အိုးရွှေ့အိမ်ရွှေ့အိုးအိမ်မဲ့ ဒုက္ခသည်များ ဖြစ်သွားစေပါတယ်။ အိုးအိမ်နဲ့ လုပ်ငန်းတွေ ဖျက်ဆီးခံရလို့ လူအမြောက်အများက အလုပ်အကိုင်အတွက်၊ ဒုက္ခသည်အဖြစ်ခိုလှုံရေး အတွက် တရုတ်ပြည်ထဲ ဖြတ်ကျော် ၀င်ရောက်ဝင်ရောက်ကြပြီး အချို့ကျတော့ လုံးဝပြန်မလာကြတော့ဘူးလို့ Labang က ဆိုပါတယ်။

    ဘောက်ဒင်ရဲ့ဘ၀ကတော့ စိန်ခေါ်မှုတွေ အပြည့်ဖုံးလွှမ်းနေဆဲပါ။ တစ်ကျော့ပြန်ပဋိပက္ခရဲ့ မြေစာပင်တွေထဲ သူမလည်း ပါဝင်ခဲ့ပြန်ပါတယ်။ ယခုအခါ ရှမ်းပြည်နယ်ထဲက ဒုက္ခသည်စခန်းတစ်ခုမှာ နေထိုင်နေပါတယ်။ အတတ်ပညာနဲ့အရင်းအနှီး မရှိတာကြောင့် တောထွက်သီးနှံဟင်းရွက်တွေကို ခူးဆွတ်ပြီး ဈေးထဲမှာ ရောင်းချ စားသောက်နေရတယ်။ သို့ပေမယ့်လည်း သူမဟာ မိမိနှစ်သက်တဲ့ ခင်ပွန်းသည်နဲ့အတူ ပျော်ရွှင်ချမ်းမြေ့နေပါပြီ။

    “ကျွန်မတို့ မေတ္တာမျှခဲ့ကြတယ်။ ဒီကနေ့ ကျွန်မတို့ အဆင်ပြေနေပါပြီ။ ကျွန်မတို့ဟာ ဆင်းရဲနွမ်းပါးပေမယ့် ကျွန်မတို့ တစ်နေ့ချင်းတစ်ရက်ချင်းအတွက် ရှင်သန်သွားပါမယ်။ နေ့ရက်တိုင်း အတွက်ပါ၊ နေ့ရက်တိုင်း အတွက်ပါ …………..”။

    xxxxxxxxxxxxxxxxxxx

    Nina Wegner ရေးသားသော A forced bride: ‘We survive for each day’ ကို  မြင့်မိုရ်မောင်မောင် မှ ဆီလျော်အောင် ပြန်ဆိုသည်။

    Source: Al Jazeera

  • ဆင်းရဲမှု၊ လူကုန်ကူးမှုနဲ့ ပတ်သက်တဲ့ အသိပညာနည်းပါးမှု၊ အလုပ်အကိုင် ရှားပါးမှုတွေကြောင့် မြန်မာနိုင်ငံမှာ လူကုန်ကူးခံရမှု အများဆုံးဖြစ်ပွား

    စက်တင်ဘာ ၉၊ ၂၀၁၃
    M-Media
    ဆူးထက်

    ရန်ကုန်  ။       ။    လူကုန်ကူးမှု တိုက်ဖျက်ရေး အသိပညာပေးပွဲ အခမ်းအနားကို  ရန်ကုန်မြို့၊ ဗဟန်းမြို့နယ်ရှိ City Mart တွင် စက်တင်ဘာ ၇-ရက်နေ့ နံနက် ၁၁-နာရီမှ ၄-နာရီထိ ကျင်းပပြုလုပ်ခဲ့ကြောင်း သတင်းရရှိသည်။

    P9070027

    အဆိုပါ အခမ်းအနားတွင် ရဲမှူးချုပ် ဦးခင်မောင်စီ (ရဲဘက်အတွင်းရေးမှူး လူကုန်ကူးမှု တားဆီးကာကွယ်ရေး ဗဟိုအဖွဲ့) က “ဆင်းရဲမှု၊ လူကုန်ကူးမှုနဲ့ ပတ်သက်တဲ့ အသိပညာနည်းပါးမှု၊ အလုပ်အကိုင် ရှားပါးမှုတွေကြောင့် မြန်မာနိုင်ငံမှာ လူကုန်ကူးခံရမှု အများဆုံး ဖြစ်နေတယ် ” ထည့်သွင်းပြောကြားခဲ့သည်။

    ” ခုချိန်ခါမှာ လူသားတိုင်းဟာ ဖိနှိပ်ဆက်ဆံခံရမှု ကင်းဝေးပြီး မျှတတဲ့ အခွင့်အရေးကို ရရှိသင့်တယ်လို့ City Love & Hope Foundation အနေနဲ့ ယုံကြည်တယ်။ ရှေ့လျှောက် အခုလိုပဲ နိုင်ငံတော်အစိုးရနှင့် အခြားသော NGO အဖွဲ့အစည်းတွေနဲ့ လက်တွဲပူးပေါင်းပြီး လူကုန်ကူးမှု တိုင်ဖျက်ရေး လုပ်ငန်းစဉ်များကို အလေးထားပြီး စဉ်ဆက်မပြတ် ကြိုးစားဆောင်ရွက်သွားမှာ ဖြစ်ပါတယ်” ဟု City Mart Marketing Manager မမေဇင်စိုးထက် ကပြောကြားသည်။

    “လူကုန်ကူးမှုဟာ ကမ္ဘာမှာရော၊ ကျွန်တော်တို့ နိုင်ငံမှာပါ ဆက်တိုက် ဖြစ်ပေါ်နေတာ အားလုံးသိပြီး ဖြစ်ပါတယ်။ ကမ္ဘာပေါ်မှာရှိတဲ့ လူဦးရေ (၂၂)သန်းခန့်ဟာ လူကုန်ကူးမှုခံနေရပါတယ်။ ကျွန်တော်တို့ အပါအ၀င် နိုင်ငံတကာ အဖွဲ့အစည်းတွေအားလုံးက လူကုန်ကူးမှု တိုက်ဖျက်ရေးကို ၀ိုင်းဝန်းဆောင်ရွက်နေကြပါတယ်။ ဒါကြောင့်မို့ ကျွန်တော်တို့နဲ့အတူ အားလုံး ပါဝင် ပူးပေါင်းဆောင်ရွက်ကြပါလို့ ဖိတ်ခေါ်လိုက်ပါတယ် ” ဟုလူကုန်ကူးမှု တိုက်ဖျက်ရေး သံတမန် တစ်ဦးဖြစ်သော အဆိုတော် ဖြိုးကြီးမှ ပြောသည်။
    P9070069
    ယင်းအခမ်းအနားသည် စက်တင်ဘာ ၁၃ရက်နေ့တွင် ကျရောက်သည့် လူကုန်ကူးမှုတိုက်ဖျက်ရေး အထိမ်းအမှတ်အဖြစ် စက်တင်ဘာ ၇-၈ ရက်နေ့များက လူစည်းကားရာ Market place by City Mart ၊ မြေနီကုန်း  City Mart ၊ မန္တလေး City Mart ၊ နှင့် Ocean North Point Supercenter တို့မှာ အများပြည်သူ သိရှိစေရန်နှင့် လူကုန်ကူးမှု ပပျောက်ရေးတွင် တစ်တပ်တစ်အား ပါဝင်ကူညီနိုင်ရန် ဆေးသုတ်ထားသော လက်ဝါးရာလေးများကို Wall of pledge ပိတ်ကားပေါ်တွင် တင်ပေးရခြင်းဖြစ်သည်။ ၎င်းလက်ဝါးရာလေး တစ်ခုကို ကျပ် ၁၀၀၀ နှုန်း သတ်မှတ်၍ လူကုန်ကူးခံရသူများကို ကြည့်ရှူ့စောင့်ရှောက် ထောက်ပံ့ပေးနေသော၊ ကာကွယ် တားဆီးပေးသော လူမှု အဖွဲ့အစည်းများသို့  City Love & Hope Foundation မှ လှူဒါန်းသွားမည် ဖြစ်ကြောင်း သိရသည်။

    အဆိုပါ “လူကုန်ကူးမှု ပပျောက်ရေး တို့တွေပါဝင် ကူညီပေး” အစီအစဉ်ကို စက်တင်ဘာ (၁၃)ရက်နေ့တွင် နေပြည်တော်တွင် ကျင်းပပြုလုပ်မည်ဖြစ်ကြောင်း၊ စက်တင်ဘာ (၁၄)ရက်နေ့တွင် ရန်ကုန် အင်တာနေရှင်နယ် ဟိုတယ်၌ ဆက်လက် ကျင်းပပြုလုပ်သွားမည် ဖြစ်ကြောင်း သိရသည်။

    လူကုန်ကူးမှု တိုင်ကြားနိုင်သည့် ဖုန်းနံပါတ်များမှာ နေပြည်တော် ၀၆၇- ၄၁၂၅၅၅၊ ၀၆၇- ၄၁၂၆၆၆၊ မူဆယ် ၀၉- ၄၉၅၅၅၆၆၆၊ မန္တလေး ၀၉- ၄၉၅၅၅၇၇၇၊ ရန်ကုန် ၀၉-၄၉၅၅၅၈၈၈၊ ၀၉- ၄၉၅၅၅၉၉၉ သို့ဆက်သွယ် အကြောင်းကြားနိုင်ကြောင်း သတင်းရရှိသည်။

    ဓါတ်ပုံများ ကြည့်ရှုလိုလျှင် >>http://goo.gl/2lSWjv

    M01