News @ M-Media

Tag: human trafficked

  • “၁၂နှစ်ရွယ် အရှေ့တောင်အာရှသူလေးကို ကိုယ်ဝန်ရစေခဲ့တဲ့ တရုတ်က လူကုန်ကူးမှု”

    “၁၂နှစ်ရွယ် အရှေ့တောင်အာရှသူလေးကို ကိုယ်ဝန်ရစေခဲ့တဲ့ တရုတ်က လူကုန်ကူးမှု”

    အာဏာပိုင်များအား သတိပြုမိသွားစေချင်သည့် လူကုန်ကူးသတင်းတစ်ပုဒ်

    အောက်တိုဘာ ၈ ၊ ၂၀၁၆
    ထင်ကျော် ရေးသည်။
    14494841_536255613240042_2796114310204571007_n

    တရုတ်နိုင်ငံ အရှေ့ပိုင်း ကျန်းစု ပြည်နယ်ထဲ ကျုချော့ ဆိုတဲ့မြို့ကလေးရှိ ဗဟိုဆေးရုံကို ၂၀၁၆ ခုနှစ်အောက်တိုဘာလ ၇ ရက်နေ့က လူသုံးဦးရောက်လာပြီး ကိုယ်ဝန်လာအပ်ပါတယ်။ တစ်ဦးက အသက် ၄၀ အရွယ် ခင်ပွန်းသည်လို့ သူ့ကိုယ်သူ မိတ်ဆက်တယ်။ နောက်တစ်ဦးက ဇနီးသည်ပေါ့လေ။ ဇနီးသည်ကိုတော့ အသက် ၂၀ အရွယ်လို့ သူတို့က ပြောတယ်။ တတိယ တစ်ဦးကတော့ တရုတ်ရဲ့ မိခင်၊ ကိုယ်ဝန်ဆောင်သည်ရဲ့ ယောက္ခမ လို့ ခင်ပွန်းသည်ဆိုသူ တရုတ် အမျိူးသားက မိတ်ဆက်တယ်။ဇနီးသည် ဆိုသူ မိန်းကလေးမှာ ကိုယ်ဝန်လည်း သုံးလ ရှိလို့ လာအပ်တာလို့ သူတို့ကဆိုတယ်။

    ဆေးရုံတာဝန်ရှိသူများ က အသေအချာ ကြည့်လိုက်တော့ ကိုယ်ဝန်ဆောင် မိန်းကလေးဟာ အသက် ၂၀ မဖြစ်နိုင်ဘဲ အသက် ၁၂ ၀န်းကျင်တောင် မရှိတတ်သေးတဲ့ ကလေးငယ် တစ်ဦးသာ ဖြစ်ကြောင်း ခန့်မှန်းတယ်။ ကလေးရုပ်တောင် မပျောက်သေးဘူး။ ကိုယ်ဝန်သည် ကလေးငယ်ကို မေးမြန်းကြည့်လိုက်တော့ တရုတ်ပြည်မကြီးသုံး မင်ဒရင်တရုတ်စကားကို လုံးဝကို မတတ်ကြောင်း ပေါ်လွင်လာတယ်။

    ပြီးတော့ တရုတ်နိုင်ငံသား မှတ်ပုံတင်ကိုလည်း လုံးဝမပြနိုင်ဘူး။ ကိုယ်ဝန်ဆောင်သည်ကို ဆရာဝန်တွေက မေးခွန်းတွေ အများကြီး မေးနေတာကိုလည်းခင်ပွန်း ဆိုသူက ဒေါသထွက်ပြီး ၊ ကိုယ်ဝန်ကိုလာပြတာသာဖြစ်ကြောင်း၊ မလိုအပ်တဲ့ မေးခွန်းတွေ အများကြီး မေးစရာမလိုကြောင်း စိတ်တိုပြတယ်။

    ဒီမှာပဲ ဒီကလေးငယ်ကို ကိုယ်ဝန်ရစေခဲ့တဲ့ ခင်ပွန်းဆိုသူ တရုတ်အမျိူးသားကို ရဲလက်အပ်ပြီး ဖမ်းဆီးစေခဲ့တယ်။ ကိုယ်ဝန်သုံးလကို ဆောင်ထားရတဲ့ မိန်းကလေးငယ်လေးဟာတရုတ်နိုင်ငံသား မဟုတ်ကြောင်း ပေါ်ပေါက်လာတယ်။ တရုတ်ပြည်ရဲ့ တောင်ဖက် အရှေ့တောင် အာရှနိုင်ငံတစ်နိုင်ငံက ဖြစ်နိုင်ကြောင်းသာ ခန့်မှန်းနိုင်သေးပြီး ဘယ်နိုင်ငံက ဆိုတာ အခုထိတော့ သဲသဲကွဲကွဲ မသိရသေးဘဲ ဆက်လက် စစ်ဆေးနေဆဲပဲလို့ ဒီသတင်းအရသိရတယ်။

    သတင်းကတော့ ၂၀၁၆ခုနှစ်၊ အောက်တိုဘာလ ၇ရက်နေ့( ဒီနေ့) နေ့စွဲ နဲ့ ဗြိတိန်နိုင်ငံ ထုတ် Mirror သတင်းစာမှာ ပါတဲ့ သတင်းဖြစ်ပါတယ်။ ပြောချင်တာက တရုတ်ပြည်ရဲ့ တောင်ဖက်ပိုင်း အရှေ့တောင်အာရှ နိုင်ငံတစ်နိုင်ငံဆိုတာ မြန်မာနိုင်ငံလည်း ဖြစ်ချင်ဖြစ်နေနိုင်ပါတယ်။

    မြန်မာနိုင်ငံရဲ့ အဓိက နဲ့ အကြီးဆုံး မြို့ကြီးထဲမှာ ကမ္ဘာ့ဒုတိယအများဆုံး စံချိန်တင် မူးယစ်ဆေးဝါး ဖမ်းဆီးမှုကြီး ရှိခဲ့တာတောင် ယနေ့ထိ လက်သည်ပိုင်ရှင် တရားခံများဟာ ဘယ်သူဘယ်ဝါဆိုတာ မဖော်ထုတ်နိုင်သေးတဲ့ Law Enforcement ကိုတာဝန်ယူထားတဲ့ ရဲတပ်ဖွဲ့ဟာ ဒီလို လူကုန်ကူးခံ ကိစ္စမျိူးတွေကို လက်နဲ့မတို့မထိလောက်အောင်ပဲ လျစ်လျူရှုထားသလို ဖြစ်နေရတဲ့ အဖြစ်ကိုတော့ သိမှတ်ရှုမြင်နိုင်ကြပါစေခင်ဗျာ။

    မြန်မာနိုင်ငံက မသိဉာဏ်မကြွယ်ကြသူ မိန်းကလေးငယ်တွေရော မိန်းကလေးကြီးတွေကိုပါ တရုတ်နိုင်ငံ အမျိူးသားတွေရဲ့ဇနီမယားပြတ်လပ်မှု လိုအပ်ချက်ဈေးကွက်အတွက် ပေါ်တင်တစ်မျိူး ၊ လျှို့ဝှက်တစ်သွယ် နယ်စပ်ကနေ လူမှောင်ခိုကူး ရောင်းစားတာကို အကြီးအကျယ် ခံနေကြရရှာတယ် ဆိုတာ တစ်နိုင်ငံလုံးသိကြပါတယ်။

    ဒီကြားထဲ ကလေးငယ်လေးတွေဟာ မြန်မာတစ်နိုင်ငံလုံးမှာ လက်သည်မပေါ်ဘဲ ဟိုနေရာမှာ ပျောက်သွားလိုက်၊ သည်နေရာမှာ ပျောက်သွားလိုက် နဲ့ ပျောက်သာပျောက်သွားပြီး ဘယ်ကိုရောက်သွားကြတယ်။ ဘယ်သူတွေက ခိုးယူခေါ်ဆောင်သွားတယ် ဆိုတာကိုတော့ ဘယ်သူမှ အတိအကျမသိကြရဘူး။

    ဟော ခုတော့ ဒါမျိူးသတင်းမျိူးတွေကို ကြားလာရတယ်။ မြန်မာပြည်က ကလေးငယ်လေးတွေ ဘယ်လောက်များများများ ဒီလိုပုံဒီလိုနည်းနဲ့ မိဘရင်ခွင်ထဲက ရက်ရက်စက်စက် ယူဆောင်သွားခြင်းကို ခံလိုက်ကြရပြီး မိမိတို့လည်း အလိုမတူပါပဲလျက် တစ်ပြည်ရပ်ခြားမှာ ကူသူကယ်သူမရှိ၊ စကားတောင် မပြောတတ်ရှာကြပဲ အတင်းအကြပ် လူကျွန်၊ လိင်ကျွန် အပြုခံနေကြရသလဲဆိုတာကိုတော့ မေတ္တာမခေါင်းပါးကြသူများ အလေးအနက်ထား စဉ်းစားပေးကြပါ။

    တာဝန်ရှိကြသူ အာဏာပိုင်များ အနေနဲ့လည်း အခုဒီသတင်းထဲပါတဲ့ ကလေးမငယ်လေးဟာ မြန်မာနိုင်ငံသား ဟုတ်မဟုတ် ဆိုတာကို နိုင်ငံအစိုးရချင်း ဆက်သွယ်စိစစ်ပြီး မေးမြန်းစုံစမ်းပေးပြီး ဟုတ်ရင် ကယ်တင်ပေးကြပါ။ နောက်ထပ် အလားတူကိစ္စမျိူးတွေလည်း ရှိနေနိုင်ပြီး အပြစ်မဲ့ကြရှာသူလေးတွေကို ကယ်တင်ပြီး နောင်မှာလည်း ဒါမျိူးတွေ မဖြစ်ပေါ်အောင် တားဆီးပေးကြစေလိုကြောင်း မေတ္တာရပ်ခံအပ်ပါတယ် ။ ဒီကလေးငယ်ကို မိမိသမီးလေးသာ ဖြစ်ခဲ့ရင်ဆိုတဲ့ မိဘမေတ္တာစိတ် လေးနဲ့ စာနာနိုင်ကြပါစေခင်ဗျာ။

    ထင်ကျော်
    ၂၀၁၆ ခုနှစ်၊ အောက်တိုဘာလ ၇ ရက်။

    (မူရင်းသတင်းကို လေ့လာလိုသူများ ယခုလင့်တွင် သွားရောက် လေ့လာနိုင်ကြပါသည်။
    http://www.mirror.co.uk/news/world-news/pregnant-12-year-old-girl-9001329?ICID=FB_mirror_main

  • လူကုန်ကူးမှုဖြင့် ၀ရမ်းထုတ်ခံထားရသူ ထိုင်းစစ်တပ်အကြီးအကဲတစ်ဦး လာရောက်အဖမ်းခံ

    လူကုန်ကူးမှုဖြင့် ၀ရမ်းထုတ်ခံထားရသူ ထိုင်းစစ်တပ်အကြီးအကဲတစ်ဦး လာရောက်အဖမ်းခံ

    ဇွန် ၃၊ ၂၀၁၅
    M-Media

    thai

    – လူကုန်ကူးမှုတွင် ပါဝင်သည်ဟု စွပ်စွဲခံခဲ့ရပြီး ၀ရမ်းထုတ်ခြင်း ခံထားရသည့် ထိုင်းစစ်တပ်အကြီးအကဲမှာ တရားရင်ဆိုင်ရန်အတွက် ယနေ့တွင် အဖမ်းခံခဲ့ပြီး ထိုင်း၊ မြန်မာနှင့် မလေးရှားနိုင်ငံမှ နိုင်ငံသားများပါဝင်သော အဆိုပါ လူကုန်ကူးမှုပြဿနာအတွက် စုံစမ်းစစ်ဆေးမှုများ စတင်ကတည်းက ပထမဆုံး ဖမ်းဆီးမိခဲ့သည့် စစ်တပ်အရာရှိတစ်ဦး ဖြစ်လာခဲ့သည်။

    ထိုင်း-မလေးရှား နယ်စပ်အနီးရှိ စွန့်ပစ်လူကုန်ကူးစခန်းတစ်ခုတွင် မြန်မာနိုင်ငံမှ ရိုဟင်ဂျာများဟု ယူဆရသော အလောင်း ၃၆ လောင်းကို တွေ့ရှိခဲ့ရပြီးနောက် ထိုင်းရဲတပ်ဖွဲ့မှာ ဒေသတွင်း နိုင်ငံရေးသမားများ၊ တာဝန်ရှိသူ အမြောက်အများအပါအ၀င် လူပေါင်း ၅၀ ကျော်ကို ဖမ်းဆီးခဲ့သည်။ ထို့ပြင် လူကုန်ကူးကွန်ယက်တွင် ပါဝင်သည်ဟု သံသယရှိသူ အခြား ၃၀ ကျော်ကိုလည်း ရဲတပ်ဖွဲ့က ရှာဖွေမှုများ ပြုလုပ်နေသည်။

    လာရောက်အဖမ်းခံသူမှာ ထိုင်းတော်ဝင်စစ်တပ်မှ အကြီးတန်းအကြံပေး ဒုတိယဗိုလ်ချုပ်ကြီး မာနက်စ် ကွန်ပါအန်ဖြစ်ပြီး ၎င်းမှာ တစ်ချိန်က ကမ်းရိုးတန်းဒေသတွင် လူကုန်ကူးမှု ပြဿနာကို ကြီးကြပ်သူဖြစ်ကာ ယခုလက်ရှိတွင် လူကုန်ကူးမှု စွဲချက်များ၊ နိုင်ငံခြားသားများ နိုင်ငံအတွင်းသို့ တရားမ၀င် ၀င်ရောက်ရန် ကူညီမှု၊ လူများအား တရားမ၀င်ထိန်းသိမ်းမှုနှင့် ပြန်ပေးငွေတောင်းမှု စသည့် စွဲချက်များဖြင့် တရားစွဲဆိုခြင်း ခံထားရသည်။

    ၎င်းအား ဖမ်ဆီးရန် ၀ရမ်းကို ယခုသီတင်းပတ်အစောပိုင်းက ထုတ်ပြန်ခဲ့ခြင်းဖြစ်ပြီး ၎င်းက စွဲချက်များကို ကြားနာရန် ရဲတပ်ဖွဲ့ဌာနချုပ်ကို ရောက်ရှိလာခဲ့ကာ နောက်ပိုင်းတွင် မေးခွန်းများ မေးမြန်းရန်အတွက် တောင်ပိုင်းသို့ ပို့ဆောင်ခြင်း ခံခဲ့ရသည်။

    “သူက ဒီပြဿနာမှာ မပါဝင်ဘူးလို့ဆိုပြီး စွဲချက်တွေကိုလည်း ငြင်းခဲ့ပါတယ်” ဟု ရဲတပ်ဖွဲ့အကြီးအကဲ ဗိုလ်ချုပ်ကြီး ဆွမ်ယွန် ပွန်ပန်မောင်က သတင်းထောက်များအား ပြောကြားခဲ့သည်။ ထိုင်းစစ်တပ်ကလည်း လူကုန်ကူမှုလုပ်ရပ်များတွင် ပါဝင်ခြင်းမရှိဟု ငြင်းဆိုထားသည်။

    Ref: AP

  • လူကုန်ကူးမှုအတွက် ရဲအရာရှိ ၂ ဦးကို မလေးရှားဖမ်းဆီး

    လူကုန်ကူးမှုအတွက် ရဲအရာရှိ ၂ ဦးကို မလေးရှားဖမ်းဆီး

    မေ ၂၈၊ ၂၀၁၅
    M-Media

    malay

    – နိုင်ငံမြောက်ပိုင်း တောထဲတွင် လူကုန်ကူးစခန်းများကို တွေ့ရှိခဲ့ပြီးနောက် လူကုန်ကူးမှုအတွင်း ပါဝင်ပတ်သက်သည့် ရဲအရာရှိ ၂ ဦးကို ဖမ်းဆီးလိုက်ပြီး ကြံရာပါ ၀န်ထမ်းများအတွက် ဆက်လက်စုံစမ်းမှုများ ပြုလုပ်နေသည်ဟု မလေးရှားအာဏာပိုင်များက ယနေ့တွင်
    ပြောကြားလိုက်သည်။

    ပြီးခဲ့သည့် သီတင်းပတ်က ထိုင်းနယ်စပ်ရှိ တောထဲတွင် လူကုန်ကူးစခန်း ၂၈ ခုကို မလေးရှား အာဏာပိုင်များက တွေ့ရှိခဲ့ပြီး သေဆုံးသူများ မြှုပ်နှံထားမှုများကိုလည်း တွေ့ရှိခဲ့သည်။ ထို့ကြောင့် တူးဖော်မှုများ ပြုလုပ်ခဲ့ရာ အလောင်း ၁၃၉ လောင်းကို ရရှိခဲ့ပြီး ကျင်းတစ်ကျင်းတွင် လူတစ်ဦးသာ မြှုပ်နှံထားကာ အစုလိုက်အပြုံလိုက် မြှုပ်နှံထားခြင်းမရှိဟု ဆိုသည်။

    “မြန်မာနိုင်ငံကလူတွေကို ပို့ဆောင်မှုမှာ ပါဝင်တယ်လို့ သံသယရှိတဲ့ ရဲအရာရှိ ၂ ဦးကို ဖမ်းလိုက်ပါတယ်” ဟု လူကုန်းစခန်းများအနီးရှိ နယ်စပ်မြို့ ၀မ်ကီလီယန်၌ ယနေ့တွင်ပြုလုပ်သည့် သတင်းစာရှင်းလင်းပွဲတွင် မလေးရှား ဒုတိယပြည်ထဲရေးဝန်ကြီး ၀မ် ဂျူနိုက်ဒီ တူအန်ကူ ဂျာဖာရ်က ပြောကြားခဲ့သည်။

    သို့သော်လည်း ရဲတပ်ဖွဲ့ဝင်များ ပိုမိုပါဝင်နေလားဆိုသည့် အမေးအတွက် မှတ်ချက်ပေးရန် ငြင်းဆိုခဲ့ပြီး ထိုကိစ္စနှင့်ပတ်သက်၍ မည်သူ့ကိုမဆို စုံစမ်းစစ်ဆေးသွားမည်ဟု ပြောကြားခဲ့သည်။ ထို့ပြင် ပြောင်းရွှေ့လာသူများအား နိုင်ငံအတွင်းသို့ ၀င်ရောက်ရန် ကူညီမှုအတွက် မလေးရှာတွင် ရှိနေပြီးဖြစ်သည့် ရိုဟင်ဂျာအများအပြားကိုလည်း ဖမ်းဆီးထားသည်ဟု ဆိုသည်။

    အဆိုပါ လူကုန်ကူးစခန်းများကို တွေ့ရှိခဲ့ရပြီးနောက် မလေးရှားအာဏာပိုင်များမှာ ဝေဖန်မှုနှင့် ရင်ဆိုင်ခဲ့ရပြီး အဆိုပါ စခန်းများကို စောစောစီးစီး အဘယ့်ကြောင့် မတွေ့ခဲ့သနည်းဆိုသည်နှင့် ရဲတပ်ဖွဲ့ဝင်များ ပူးပေါင်းကြံစည်မှု ရှိနေသလားဆိုသည့် မေးခွန်းများလည်း ထွက်ပေါ်လာခဲ့သည်။

    ၀မ်ကီလီယန်တွင် နေထိုင်သူများက ရွှေ့ပြောင်းလာသူများ တောထဲမှ ထွက်လာခြင်းမှာ လွန်ခဲ့သည့် ၂ နှစ်ခန့်ကတည်းက ဖြစ်ပွားနေခြင်းဖြစ်သည်ဟု ပြောကြားခဲ့သည်။

    Ref: Guardian

  • ထိုင်းလူကုန်ကူးစခန်း ဖမ်းဆီးမှု အဆင့်မြင့် ဖုန်းနည်းပညာကို အသုံးပြုခဲ့

    ထိုင်းလူကုန်ကူးစခန်း ဖမ်းဆီးမှု အဆင့်မြင့် ဖုန်းနည်းပညာကို အသုံးပြုခဲ့

    မေ ၁၀၊ ၂၀၁၅
    M-Media

    thai

    – ထိုင်နိုင်ငံ ဆွန်ခ်လာပြည်နယ်တွင် ရိုဟင်ဂျာများအား အစုလိုက်အပြုံလိုက် မြှုပ်ထားသော နေရာများကို မကြာသေးမီက တွေ့ရှိခဲ့ရခြင်းမှာ မကြုံစဖူး ပူးပေါင်းဆောင်ရွက်မှုနှင့် နောက်ဆုံးပေါ် နည်းပညာကို အသုံးပြုခြင်းတို့ကြောင့်ဖြစ်ကြောင်း လူကုန်ကူးမှုတိုက်ဖျက်ရေးအဖွဲ့ Freeland ဖောင်ဒေးရှင်းက ပြောကြားလိုက်သည်။

    ရဲတပ်ဖွဲ့နှင် အန်ဂျီအို အဖွဲ့အစည်းများအကြား ပူးပေါင်းဆောင်ရွက်ခြင်းနှင့် ဖုန်းဖြင့် စစ်ဆေးနိုင်သည့် မူခင်းဆိုင်ရာ နည်းပညာတို့က ရိုဟင်ဂျာများအား ပြန်ပေးဆွဲခြင်းနှင့် သတ်ဖြတ်မြှုပ်နှံသူများကို ရှာဖွေဖမ်းဆီး နိုင်ခဲ့ခြင်းဖြစ်သည်။

    လူကုန်ကူးသူဟု သံသယရှိသူများထံမှ သိမ်းဆည်းရမိသော ဖုန်းများကို ဆန်းစစ်ဖော်ထုတ်ရာတွင် နည်းပြပညာပိုင်းဆိုင်ရာ ကူညီရန် ဇန်န၀ါရီလတွင် အဆိုပါ ဖောင်းဒေးရှင်းက ထိုင်းရဲတပ်ဖွဲ့အား ဆွဲဆောင်ခဲ့သည်။ ထိုင်းရဲတပ်ဖွဲ့ကလည်း မြန်မာနိုင်ငံမှ ရိုဟင်ဂျာများအား ပစ်မှတ်ထားသည့် စနစ်တကျ လူကုန်ကူးမှုလုပ်ရပ်ကို ရှာဖွေတွေ့ရှိခဲ့ပြီးနောက် ထိုကဲ့သို့ ကူညီရန် မေတ္တာရပ်ခံခဲ့သည်။

    “ဒီအမှုနဲ့ပတ်သက်ပြီး ချီးကျူးစရာတစ်ခုက ဒေသခံရဲတွေနဲ့ စလုပ်ခဲ့တာပါပဲ။ ဖက်ဒရယ် အထူးတပ်ဖွဲ့တွေနဲ့ မဟုတ်ပါဘူး။ အဲဒီဒေသခံရဲတွေကို နည်းပညာဆိုင်ရာ ကူညီမှုနဲ့ ပူးပေါင်းဆောင်ရွက်မှုတွေကို ချက်ချင်းလုပ်ပေးခဲ့ပြီး မြန်မြန်ဆန်ဆန်ပဲ တိုးတက်မှု ရှိလာခဲ့ပါတယ်” ဟု Freeland ဖောင်းဒေးရှင်းမှ ဒါရိုက်တာဖြစ်သူ စတီဗင် ဂလက်စ်တာက ကြာသာပတေးနေ့တွင်
    ထုတ်ပြန်ခဲ့သော ကြေညာချက်၌ ပြောကြားခဲ့သည်။

    င်္Freeland အဖွဲ့မှာ လူကုန်ကူးသူများ၏ ဖုန်းမှ ရရှိသော နံပါတ်များကို ဆန်းစစ်ဖော်ထုတ်ရာတွင် ၃ လတိုင်တိုင် ကူညီပေးခဲ့သည်။ ဖုန်းများမှ ရရှိသော အချက်အလက်များကို အသုံးပြု၍ ရဲတပ်ဖွဲ့က ဖုန်းနံပါတ် ဇယားတစ်ခုကို တည်ဆောက်နိုင်ခဲ့ပြီး ထိုဇယားက စုံထောက်များ စုံစမ်းစစ်ဆေးမှု ပြုလုပ်ရာတွင် လွယ်ကူသွားစေခဲ့သည်။

    ထို့နောက် ထိုအချက်အလက်များကြောင့်ပင် မြန်မာနိုင်ငံသား စိုးနိုင်အန်ဝါရ်နှင့် ၎င်း၏ ထိုင်းဘက်မှ အဆက်အသွယ်များကို ရှာဖွေဖမ်းဆီးနိုင်ခဲ့သည်။

    အဆိုပါ လူကုန်ကူးသူများ၏ လုပ်ငန်းတွင် လစဉ် မြန်မာနိုင်ငံသို့ လှေကြီးတစ်စင်းကို လွှတ်ပေး၍ ရခိုင်ပြည်နယ်မှ ရိုဟင်ဂျာ ၃၀၀ မှ ၄၀၀ အကြားကို ထိုင်းနိုင်ငံတွင် အလုပ်ရမည်ဟုဆိုကာ ခေါ်ဆောင်လာခြင်းလည်း ပါဝင်သည်ဟု စုံးစမ်းစစ်ဆေးသူများက ပြောကြားခဲ့သည်။

    လှေများဖြင့် တင်ဆောင်လာသူများကို ထိုင်းနိုင်ငံ ယနောင်းမြို့တွင် ချပြီး ထိုမှတစ်ဆင့် ထရပ်ကားများဖြင့် ဆွန်ခ်လာပြည်နယ် ဆာဒါအိုခရိုင် မလေးရှားနယ်စပ်အနီး လူကုန်ကူးစခန်းများသို့ ခေါ်ဆောင်လာခြင်းဖြစ်သည်။

    တောနက်ထဲတွင်ရှိသည့် အဆိုပါ စခန်းများတွင် အကန့်များခွဲထားပြီး အကန့် ၁ တွင် ထိုင်းနိုင်ငံ၌ ဆွေမျိုးရှီသူများကို ထားရှိကာ အကန့် ၂ တွင်း မည်သည့်အဆက်အသွယ်မှ မရှိသောသူများကို ထားရှိသည်။

    “အကန့် ၁ က သူတွေက သူတို့ရဲ့ သူငယ်ချင်းတွေ၊ မိသားစုဝင်တွေရဲ့ ဖုန်းနံပါတ်တွေပြောရပြီး ကန်ဒေါ်လာ ၃၀၀၀ ခန့်ရှိတဲ့ ငွေပမာဏ ဒါမှမဟုတ် အဲဒီထက်များတဲ့ပမာဏနဲ့ ရွေးခိုင်းပါတယ်။ အကန့် ၂ က သူတွေကိုတော့ မလေးရှားနယ်စပ်ကို ရွှေ့လိုက်ပြီး မလေးရှားက လယ်သမားတွေဆီကို ကန်ဒေါ်လာ ၁၀၀၀ လောက်နဲ့ ရောင်းစားပါတယ်” ဟု Freeland က ပြောကြားခဲ့သည်။

    စုံးစမ်းစစ်ဆေးသူများက ရရှိသည့် ဘဏ်မှတ်တမ်းများအရ အဆိုပါ လူကုန်ကူးဂိုဏ်မှာ ဒေါ်လာသန်းနှင့်ချီ၍ ၀င်ငွေရှိသည်ဟု ဆိုသည်။

    “လူတွေဟာ အချိန်အတော်ကြာ ဖမ်းဆီးခံထားရတယ်။ နေမကောင်းဖြစ်တာတွေ၊ ရိုက်နှက်ခံရတာတွေရှိပြီး တစ်ချို့ဆို သေဆုံးကုန်ပါတယ်။ အဲဒီသူတွေကို ဆေးရုံ ဒါမှမဟုတ် အာဏာပိုင်တွေကို သတင်းပေးရမယ့်အစား မြှုပ်လိုက်ကြပါတယ်” ဟု ဖောင်ဒေးရှင်း၏ ကြေညာချက်တွင် ဖော်ပြထားသည်။

    ပြီးခဲ့သည့် သီတင်းပတ်က အဆိုပါ စခန်းများရှိ အစုလိုက်အပြုံလိုက် မြှုပ်နှံထားသည့် ကျင်းများကို ဖော်ရာတွင် အလောင်းပေါင်း ၃၀ ကျော် တွေ့ရှိခဲ့ရပြီး ဆိုးဆိုးဝါးဝါး ပျက်ဆီးနေသည်။

    Ref: The Star

  • ထိုင်းနယ်စပ်က လူကုန်ကူးစခန်းများမှ လူ့အသက်ပေါင်းများစွာ

    ထိုင်းနယ်စပ်က လူကုန်ကူးစခန်းများမှ လူ့အသက်ပေါင်းများစွာ

    မေ ၅ ၊ ၂၀၁၅
    M-Media
    thailand-myanmar-bangladesh-migration-minority_ch_49919419
    – ရွှေ့ပြောင်းအလုပ်သမားတစ်ဦးဖြစ်သူ ကူရာမီယာတစ်ယောက် နယ်စပ်ရှိ စခန်းတစ်ခုတွင် ဖမ်းဆီးခံထားရသည့် တူဖြစ်သူ ကာဇင်ကို ကယ်တင်ရန် အတွက် ဘတ် ၉၅၀၀၀(မြန်မာငွေ သိန်း ၃၀ ကျော်) ပေးခဲ့ရသည်။ သို့သော်လည်း တူဖြစ်သူအား ပြန်မတွေ့ရတော့။ ဆွန်ခ်လာပြည်နယ် ဆာဒါအိုခရိုင်ရှိ လူသေများ အစုလိုက်အပြုံလိုက် မြှုပ်နှံထားသော နေရာမှ မကြာသေးမီက ပြန်ဖော်ခဲ့သည့် အလောင်း ၂၆ လောင်းထဲတွင် ကာဇင်၏ အလောင်းလည်း ပါလာခဲ့သည်။

    ထိုကံကြမ္မာဆိုးက လွတ်မြောက်လာသည့် ရွှေ့ပြောင်းလုပ်သားတစ်ဦးက အာနူဝါဟုခေါ်သော လူကုန်ကူးသူတစ်ယောက်နှင့် ၎င်း၏ လူယုံတစ်ဦးတို့မှာ ကာဇင်အား သေသည်အထိ ရိုက်ခဲ့သည်ကို တွေ့ခဲ့ရသည်ဟု ပြောကြားခဲ့သည်။ အမည်မဖော်လိုသည့် အခြေအနေတွင် စကားပြန်မှတစ်ဆင့် ၎င်းက ပြောကြားရာတွင် လူကုန်ကူးခံရသူများ သို့မဟုတ် ပြန်ပေးဆွဲခံရသူများအား ဖမ်းဆီးထိန်းသိမ်းထားသော  ထိုင်း-မလေးရှား နယ်စပ်တစ်လျှောက်ရှိ စခန်းများတွင် လူပေါင်း ၅၀၀ ကျော် အသတ်ခံခဲ့ရကြောင်း ကြားခဲ့သည်ဟု ဆိုသည်။

    “အဲဒီစခန်းတွေမှာ ရိုဟင်ဂျာရွှေ့ပြောင်းသူတွေ ရှိနေပြီး ကတိပေးထားတဲ့အလုပ် ရဖို့ ဒါမှမဟုတ် ပြန်ပေးငွေ လာဖို့ စောင့်နေကြပါတယ်” ဟု သူက ပြောကြားခဲ့သည်။

    သူက မိမိမှာ မလေးရှားတွင် အလုပ်ရှာပေးမည်ဟုသော ကမ်းလှမ်းမှုဖြင့် လွန်ခဲ့သည့် ၆ လက မြန်မာနိုင်ငံ ရခိုင်ပြည်နယ်မှ ထွက်လာခြင်းဖြစ်သည်ဟု ဆိုသည်။ ၎င်းမှာ လူ ၇၀၀၊ ၈၀၀ ခန့်ကို ဖမ်းဆီးထားသည့် ထိုစခန်းတွင် ကာဇင်ကဲ့သို့ပင် နေထိုင်ခဲ့ရသည်။

    “ကျွန်တော့်အတွက် ပြန်ပေးငွေပေးဖို့ အမေက ခြံရောင်းခဲ့ရပါတယ်။ ဒါ့ကြောင့် ကျွန်တော် အသက်ရှင်နေသေးတာပေါ့” ဟု သူက ဆိုသည်။

    အာနူဝါက ၎င်းအား ပထမဆုံး ဆက်သွယ်သည့်အချိန်တွင် ကာဇင်လွတ်မြောက်ရေးအတွက် ဘတ် ၉၅၀၀၀ ပြန်ပေးငွေပေးချေရန် သဘောတူခဲ့သည်ဟု ကူရာမီယာက ပြောသည်။
    c1_548439_150501171954_620x413
    “ဒါပေမယ့် ကျွန်တော် ပိုက်ဆံလွှဲပြီးတဲ့နောက်မှာ သူ့ဘက်က ဘာမှ အသံမကြားတော့ပါဘူး။ အဲဒီနောက် ၁၅ ရက်လောက်အကြာမှာ သူက ဘတ် ၁၂၀၀၀၀ (ကျပ် သိန်း ၄၀)  ထပ်တောင်းပါတယ်” ဟု ကူရာမီယာက ကြေကွဲဆို့နင့်စွာပြောသည်။

    သူက မိမိတွင် ပိုက်ဆံ ထပ်မရှိတော့ဟု ပြန်ပြောခဲ့ပြီး ထိုင်းနိုင်ငံ နာခွန် ဆီ သမ်မာရက်ပြည်နယ်ရှိ ရဲတပ်ဖွဲ့သို့ သွားရောက်တိုင်ကြားရန် ဆုံးဖြတ်ခဲ့သည်။ ထိုကဲ့သို့ တိုင်ကြားပြီးနောက်ပိုင်းတွင် ကာဇင်မှာ အာနူဝါနှင့် လူယုံတို့၏ ရိုက်နှက်သတ်ဖြတ်ခြင်းကို ခံခဲ့ရသည်ဟု ကြားခဲ့ရကြောင်း ကူရာမီယာက ပြောကြားခဲ့သည်။

    အသက်ရှင်ကျန်ရစ်သူက သက်သေအဖြစ် ထွက်ဆိုခဲ့သောကြောင့် ရဲတပ်ဖွဲ့က အာနူဝါအား ဖမ်းဝရမ်းထုတ်ခဲ့ပြီး ယခုအချိန်တွင် ဖမ်းဆီးရမိခဲ့ပြီ ဖြစ်သည်။

    ထိုကိစ္စအတွက် ဆက်လက်စုံစမ်းမှုများ ပြုလုပ်ရာတွင် ဆာဒါအိုရှိ စခန်များကို ထပ်တွေ့ခဲ့ရပြီး အလောင်းအများစု မဖော်ရသေးသည့် အစုလိုက်အပြုံလိုက် မြှုပ်နှံထားသောနေရာများကိုလည်း တွေ့ရှိခဲ့ရသည်။

    Thailand Bodies Discovered-1

    စခန်းမှ လွတ်မြောက်လာသူက ၎င်းရှိနေသည့်အချိန်တွင် ၁၇ ဦးမှ ၂၀ ကြား အသတ်ခံခဲ့ရသည်ဟု ဆိုသည်။

    “သူတို့တွေဟာ သေနတ်နဲ့ရော တုတ်နဲ့ပါ ပစ်သတ်၊ ရိုက်သတ် ခံခဲ့ရပါတယ်” ဟု ၎င်းက ဆိုသည်။

    ဆွေမျိုးများက ပြန်ပေးငွေ မပေးနိုင်သည့် သူများမှာ ဆိုးဆိုးဝါးဝါး တိုက်ခိုက်ခံရမည် သို့မဟုတ် အစာမကြွေး၊ ရေမတိုက်ဘဲ သေသည်အထိ စွန့်ပစ်ထားခံရမည်ဟု ဆိုသည်။

    အမျိုးသား လက်ထောက်ရဲမင်းကြီး ဗိုလ်ချုပ် ဂျာရမ်ပွန် ဆူရာမန်းနီးက အဆိုပါ စခန်းမှ တူးဖော်ရရှိသည့် အလောင်းအများစုမှာ အရိုးများကျနေပြီး၊ အလောင်း ၆ ခုသာ ပျက်ဆီးနေသော အလောင်းများဖြစ်သည်ဟု ယမန်နေ့ (မေ ၃ ရက်နေ့) တွင် ပြောကြားခဲ့သည်။

    “ဒဏ်ရာရတာမျိုး မတွေ့ရပါဘူး။ ဒါ့ကြောင့် အများစုဟာ ရောဂါ ဒါမှမဟုတ် အဟာရပြတ်လတ်ပြီး သေဆုံးသွားတယ်လို့ ကျွန်တော်တို့ ယူဆပါတယ်” ဟု သူက ပြောကြားခဲ့သည်။
    rohingya_dst02_49896755
    ဂျာရမ်ပွမ်က အဆိုပါ အလောင်းများကို ဦးခေါင်းများ မြောက်ဘက်သို့ထားကာ ဘာသာရေး ထုံးတမ်းစဉ်လာများဖြင့် သင်္ဂြိုဟ်ပြီးခဲ့ပြီဟု ပြောကြားခဲ့သည်။

    ရဲတပ်ဖွဲ့ ပြောခွင့်ရပုဂ္ဂိုလ် ဗိုလ်ချုပ် ပရာဝွတ် သာဗွန်ဆီရီက ယခုအဖြစ်အပျက်တွင် အပြစ်ရှိသူများကို တရားဥပဒေရှေ့မှောက်သို့ မဖြစ်မနေ ခေါ်ဆောင်လာရမည်ဟု ၀န်ကြီးချုပ် ပရာယွတ်ချန်အိုချာနှင့် ဒုတိယ၀န်ကြီးချုပ် ပရာဝစ် ၀ွန်ဆူဝန်တို့က ပြတ်ပြတ်သားသား ပြောကြားခဲ့သည်ဟု ဆိုသည်။

    အမျိုးသားရဲတပ်ဖွဲ့ မဟာမင်းကြီး ဗိုလ်ချုပ်ကြီး ဆွမ်ယွတ် ပွန်ပန်မောင်က အထူးစုံးစမ်းစစ်ဆေးရေး အဖွဲ့ကို ဦးဆောင်ရန် လက်ထောက်မဟာမင်းကြီး ဗိုလ်ချုပ်ကြီး ဂျက်သစ်ပ် ချိုင်ချင်ဒါကို တာဝန်ပေးခဲ့သည်။

    “ဒီအဖွဲ့ဟာ တောင်ပိုင်းကိုသွားပြီး ဒီပြဿနာကို ဖြေရှင်းမှာပါ” ဟု ပရာဝွတ်က ဆိုသည်။

    ကာဇင်၏ အမှုအတွက် သက်သေအဖြစ် ထွက်ဆိုထားသည့် လွတ်မြောက်လာသူက ထိုင်းလူမျိုး ဇနီးမောင်နှံဖြစ်ပြီး ဘန်ချီးနှင့် ဖရီဒါဟုသာ သိရသော ဇနီးမောင်နှံ ၂ ဦးမှ ၎င်းနှင့် ကာဇင်တို့ ထိန်းသိမ်းခံထားရသော စခန်းကို ပိုင်ဆိုင်သည်ဟု ပြောကြားခဲ့သည်။

    “သူတို့က စခန်းထဲကိုလာပြီး လူအရေအတွက်နဲ့ ပြန်ပေးငွေတွေကို စစ်ပါတယ်” ဟု ၎င်းက ပြောကြားခဲ့သည်။

    တာ့က်ပြည်နယ်မှ ရဲတပ်ဖွဲ့ကလည်း မြန်မာအမျိုးသမီး ၂ ဦး ထိုင်းနိုင်ငံသို့ သွားရောက်ရန် ဖျားယောင်းသွေးဆောင်ခြင်းခံခဲ့ရပြီး ဘန် ဟွေ နော့က် ဒေသရှိ စိုက်ပျိုးရေးခြံတစ်ခုတွင် ထိန်းသိမ်းခံထားရသည်ဟူသော သတင်းအား လိုက်နေကြသည်။

    အသက် ၁၃ နှစ်နှင့် ၁၅ နှစ်အရွယ်ရှိ အဆိုပါ အမျိုးသမီးငယ် ၂ ဦးမှာ နယ်စပ်ရှိရွာမှ အမျိုးသားတစ်ဦးနှင့် ထွက်သွားစဉ်ကတည်းက တစ်ကြိမ်သာ မိသားစုကို အဆက်အသွယ်လုပ်ခဲ့သည်။ ၎င်းတို့၏ မိသားစုကမူ အတူပါသွားသူ အမျိုးသားမှာ လူကုန်ကူးသူတစ်ယောက် ဖြစ်ပုံရသည်ဟု အာဏာပိုင်များအား ပြောကြားခဲ့သည်။

    ထိုင်းအစိုးရမှ ဒုတိယပြောရေးဆိုခွင့်ရှိသူ ဆန်ဆန် ကွဲကမ်နာ့ဒ်က ၀န်ကြီးချုပ် ပရာယွတ်မှာ ရိုဟင်ဂျာများအား လူကုန်ကူးမှုတွင် ပါဝင်ပတ်သက်သည့် အစိုးရ၀န်ထမ်းများကို ပြင်းပြင်းထန်ထန် အပြစ်ပေးရန် အမိန့်ပေးမည်ဟုဆိုပြီး ၀န်ကြီးချုပ်က လိုအပ်သည်ဟု ယူဆပါက ဖွဲ့စည်းပုံ အခြေခံဥပဒေ အပိုဒ် ၄၄ ကို ကျင့်သုံးကောင်း ကျင့်သုံးနိုင်သည်ဟု ပြောကြားခဲ့လေသည်။

    Ref: The Nation
    လေးမောင် ဆီလျော်အောင် ဘာသာပြန်ဆိုသည်။