News @ M-Media

Tag: Humanright

  • ယူကေရောက် သမ္မတဦးသိန်းစိန်နဲ့ အစိုးရကိုယ်စားလှယ်အဖွဲ့ ဆန္ဒပြခံရ

    ဇူလိုင် ၁၅၊ ၂၀၁၃
    M-Media

    ဗြိတိန်နိုင်ငံသို့ ရောက်ရှိ နေသော မြန်မာနိုင်ငံ သမ္မတ ဦးသိန်းစိန်နဲ့ အစိုးရ ကိုယ်စားလှယ်အဖွဲအား ကန့်ကွက် ဆန္ဒထုတ်ဖော်

    UK Trip

    ပညာရေး၊ စီးပွားရေး၊ ရင်းနှီးမြှုပ်နှံမှုတွေနဲ့ လူ့အခွင့်အရေးဆိုင်ရာတွေ ဆွေးနွေးဖို့ ရှိနေတဲ့ မြန်မာသမ္မတနဲ့ ဗြိတိန်ဝန်ကြီးချုပ်တို့ တွေ့ဆုံကြမယ့်အချိန်မှာပဲ အင်္ဂလန်နိုင်ငံရောက် မြန်မာ့အရေး လှုပ်ရှားသူများ၊ တရားမျှတမှုကို လိုလားသူ ဗြိတိန်နိုင်ငံသားများမှနေ၍ ပါလီမန် အဆောက်အအုံရှေ့ ဇူလိုင် ၁၅ ရက် နေ့ ၌ လက်ရှိ မြန်မာနိုင်ငံတွင်း လူ့အခွင့်အရေး ချိုးဖောက်နေဆဲ အခြေအနေတွေကို ဆန့်ကျင်ကန့်ကွက် ဆန္ဒထုတ်ဖော် ခဲ့ကြပါတယ်။

    ဓါတ်ပုံများ ကြည့်ရန်။ => Click Here

  • မွတ်စ်လင်မ်တွေပေါ် အကြမ်းဖက်မှုရပ်ဖို့ ကုလတိုက်တွန်း (VOA)

    ဇွန်-၁၈၊၂၀၁၃

    VOA မှ  ကူးယူဖော်ပြပါသည်။

    CA051E84-79CD-4D9F-9693-371E14129CCC_mw1024_n_s
    Internally displaced Rohingya boys shiver in rain in a makeshift camp for Rohingya people in Sittwe, Burma, May 14, 2013.

    မြန်မာနိုင်ငံ ရခိုင်ပြည်နယ်အတွင်းက ရိုဟင်ဂျာမွတ်ဆလင်တွေအပါအ၀င် မွတ်ဆလင်လူနည်းစုတွေအပေါ် လူ့အခွင့်အရေးချိုးဖောက်မှုတွေနဲ့ပတ်သက်လို့ အတော်လေး စိုးရိမ်မကင်းဖြစ်ရတယ်ဆိုတာကို ကုလသမဂ္ဂ လူ့အခွင့်အရေးကောင်စီမှာ အဖွဲ့ဝင်နိုင်ငံတွေ ဆွေးနွေးခဲ့ကြပါတယ်။ အကြမ်းဖက်မှုတွေကို ရပ်တန့်စေဖို့နဲ့ မတူကွဲပြားမှုတွေကို ငြိမ်းချမ်းစွာအဖြေရှာကြဖို့ကိုလည်း မြန်မာနိုင်ငံရေးခေါင်းဆောင်တွေနဲ့ ဘာသာရေး ခေါင်းဆောင်တွေကို တိုက်တွန်းသွားပါတယ်။ ပြီးခဲ့တဲ့ သောကြာနေ့တုန်းက ကုလသမဂ္ဂလူ့အခွင့်အရေး ကောင်စီမှာ ဒီအကြောင်း ဆွေးနွေးခဲ့တာကိုတော့ ကိုသားညွန့်ဦးက တင်ပြပေးထားပါတယ်။

    မြန်မာနိုင်ငံတွင်း လူနည်းစုမွတ်ဆလင်တွေအပေါ် အကြမ်းဖက်မှုတွေ ရပ်တန့်သွားစေဖို့ မြန်မာအစိုးရအနေနဲ့ အရေးယူကိုင်တွယ်မှုတွေ ချက်ခြင်းဆောင်ရွက်ဖို့ လူ့အခွင့်အရေးကောင်စီ ဥက္ကဋ္ဌရဲ့ကြေညာချက်ကို လူ့အခွင့်အရေးကောင်စီကနေ ပြီးခဲ့တဲ့ ဇွန်လ ၁၄ ရက်နေ့ကနေ အတည်ပြုပေးလိုက်တာပါ။ မြန်မာနိုင်ငံတွင်းက လူ့အခွင့်အရေးအခြေအနေတွေနဲ့ပတ်သက်လို့ လူ့အခွင့်အရေးကောင်စီမှာ သုံးသပ်ဆွေးနွေးကြရာမှာ လူနည်းစု မွတ်ဆလင်တွေအပေါ် အကြမ်းဖက်မှုတွေနဲ့ပတ်သက်လို့ အဖွဲ့ဝင်နိုင်ငံတွေက အလေးပေး ဆွေးနွေးခဲ့ကြပါတယ်။ ဒီ မူကြမ်းနဲ့ အဆိုတင်သွင်းတဲ့ OIC ကမ္ဘာမွတ်ဆလင်ပူးပေါင်းဆောင်ရွက်အဖွဲ့ကိုယ်စား ပါကစ္စတန်ကိုယ်စားလှယ်ကတော့ မြန်မာနိုင်ငံ ရင်ဆိုင်နေရတဲ့ အကြပ်အတည်းကို သဘောပေါက် နားလည်ပေမယ့် မွတ်ဆလင်တွေရဲ့ အခက်အခဲ အခြေအနေကိုတော့ လျစ်လျူမပြုထားလိုဘူးလို့ ပြောပါတယ်။ တချိန်တည်းမှာ ဒီပြဿနာကိုင်တွယ်ဖြေရှင်းရေးအတွက် မြန်မာဖက်ကနေ ပူးပေါင်းဆောင်ရွက်မှုကိုလည်း ကျေးဇူးတင်ကြောင်း OIC က ပြောပါတယ်။ မြန်မာအစိုးရကိုယ်စားလှယ် ဦးမောင်ဝေကတော့ ကြေညာချက်ပါ စာသားအချို့ကို လက်မခံကြောင်း ပြောပါတယ်။ အထူးသဖြင့်တော့ ရိုဟင်ဂျာဆိုတဲ့ အသုံးအနှုန်းကို မြန်မာပြည်သူတွေ အနေနဲ့ သဘောမတူနိုင်ဘူးလို့ ပြောသွားပါတယ်။

    “ဒီရိုဟင်ဂျာဆိုတဲ့ အသုံးအနှုန်းကို မြန်မာပြည်သူတွေအနေနဲ့ သဘောမတူနိုင်ပါဘူး။ ဒါပေမယ့်လည်း နိုင်ငံသား ဖြစ်ပိုင်ခွင့်ကို ကျနော်တို့ရဲ့ နိုင်ငံသားဥပဒေနဲ့အညီ သုံးသပ် ဆောင်ရွက်သွားမှာဖြစ်ပါတယ်။ မြန်မာနိုင်ငံအနေနဲ့ ဒီပြဿနာကို အတော်လေးကို လေးလေးနက်နက်ကိုင်တွယ်ဆောင်ရွက်နေပါတယ်။ ရခိုင်ပြည်နယ်အတွင်းမှာ ရှိသူတိုင်းအတွက် ငြိမ်းချမ်းပြီး သဟာဇာတရှိတဲ့ လူ့အဖွဲ့အစည်းဖြစ်လာဖို့ ကိုင်တွယ်ဆောင်ရွက်နေပါတယ်။”

    အမေရိကန်ပြည်ထောင်စုကိုယ်စားလှယ်ဖြစ်တဲ့ Ms.Elleen Chamberlain Donhoe ကတော့ မြန်မာနိုင်ငံအနေနဲ့ အခုလို အပြောင်းအလဲကာလမှာ ဗဟုသဘောဆောင်တဲ့ လူမှုအဖွဲ့အစည်းတရပ်ဖြစ်လာဖို့ မြန်မာအစိုးရအနေနဲ့ ကိုင်တွယ်ဆောင်ရွက်သွားရေးကို တိုက်တွန်းသွားပါတယ်။

    “မြန်မာနိုင်ငံမှာ ဗဟုသဘောဆောင်တဲ့ လူ့အဖွဲ့အစည်း သီးခံနားလည်မှုရှိတဲ့ လူအဖွဲ့အစည်းတရပ်ဖြစ်လာဖို့ ဆောင်ရွက်ရေးအတွက် မြန်မာအစိုးရကို အမေရိကန်ပြည်ထောင်စုအနေနဲ့ ဆက်ပြီး တိုက်တွန်းပါတယ်။ ဘာသာရေးလွတ်လပ်ခွင့်နဲ့ မြန်မာနိုင်ငံတွင်းက လူတိုင်းလူတိုင်း နိုင်ငံသားဖြစ်ပိုင်ခွင့်အပါအ၀င် လူ့အခွင့်အရေးတွေကို အကာအကွယ်ပေးဖို့ တောင်းဆိုပါတယ်။”

    မြန်မာနိုင်ငံတွင်းမှာ မွတ်ဆလင်လူနည်းစုတွေအပေါ်မှာ အခုလို အကြမ်းဖက်မှုတွေအပေါ်မှာ အလွန်အမင်းလည်း စိုးရိမ်ပူပင်တယ်လို့ အမေရိကန်ပြည်ထောင်စုက ပြောပါတယ်။ အီးယူ ဥရောပသမဂ္ဂ ကိုယ်စားလှယ်ဖြစ်တဲ့ အန်ယာလန်နိုင်ငံက Mr.Gerard Corr ကတော့ မြန်မာနိုင်ငံအခြေအနေကို အနီးကပ် စောင့်ကြည့်နိုင်ဖို့ ကုလသမဂ္ဂရဲ့ လူ့အခွင့်အရေးရုံးထားရှိဖို့ကို တိုက်တွန်းသွားပါတယ်။

    “မြန်မာနိုင်ငံတွင်းလူ့အခွင့်အရေးအခြေအနေတွေကို အပြည့်အ၀အကာအကွယ်ပေးနိုင်ဖို့ ကုလသမဂ္ဂ လူ့အခွင့်အရေးမဟာမင်းကြီးရုံး OHCHR ရုံးထားဖို့ အီးယူ ဥရောပသမဂ္ဂအနေနဲ့ မြန်မာအစိုးရကို ထပ်မံ တောင်းဆိုပါတယ်။ ရခိုင်ပြည်နယ်အပါအ၀င် တိုင်းပြည်အတွင်းက လူ့အခွင့်အရေးချိုးဖောက်မှုတွေကို စောင့်ကြည့်စုံစမ်းဖို့ OHCHR ရုံးထားရှိရေးက အခရာ ကျပါတယ်။ ”

    မြန်မာ့အိမ်နီးချင်းလည်းဖြစ် အာဆီယံအဖွဲ့ဝင်လည်းဖြစ်တဲ့ အင်ဒိုနီးရှားနိုင်ငံကတော့ မြန်မာနိုင်ငံအနေနဲ့ နိုင်ငံတကာရဲ့ စိုးရိမ်ချက်တွေကို အရေးတကြီးတုံ့ပြန်ဖို့လိုမယ်လို့ အင်ဒိုနီးရှားကိုယ်စားလှယ် Mr.Triyono Wibowo က ပြောပါတယ်။

    “နိုင်ငံတကာရဲ့စိုးရိမ်ချက်တွေအပေါ်မှာ အရေးတကြီးတုံ့ပြန်ကိုင်တွယ်ဖို့ မြန်မာအစိုးရကို အင်ဒိုနီးရှားက ပြောလိုပါတယ်။ နိုင်ငံတကာလူ့အခွင့်အရေးစံနှုန်းစံထားတွေနဲ့ လူသားချင်းစာနာမှုဆိုင်ရာ စံနှုန်းစံထားတွေ ကိုက်ညီအောင် တုန့်ပြန်ဖို့ တိုက်တွန်းပါတယ်။ ဒီ စိန်ခေါ်ချက်အပေါ်မှာ ကိုင်တွယ်ဖြေရှင်းဖို့ မြန်မာအစိုးရမှာ နိုင်ငံရေးအရ ပိုင်းဖြတ်ချက်ရှိမယ်လို့ ကျနော်တို့လည်း ယုံကြည်ပါတယ်။”

    မြန်မာအစိုးရကိုယ်စားလှယ် ဦးမောင်ဝေကတော့ အခုဖြစ်ခဲ့တဲ့ အဖြစ်အပျက်တွေနဲ့ ပတ်သက်ပြီး သမ္မတ ဦးသိန်းစိန်ကိုယ်တိုင်က တိတိကျကျ အရေးယူမယ်လို့ ဂတိပေးထားပြီးဖြစ်တဲ့အကြောင်း ပြောပါတယ်။ လက်တွေ့အားဖြင့်လည်း ရခိုင်အရေး စုံစမ်းရေးကော်မတီဖွဲ့စည်း ဆောင်ရွက်ခဲ့သလို အခြား အရေးယူမှုတွေကိုလည်း ပြုလုပ်နေတယ်လို့ ပြောပါတယ်။ ဒါပေမယ့်လည်း အခု နိုင်ငံတကာက ပြောနေသလို လူနည်းစု မွတ်ဆလင်တွေကို ဗုဒဘာသာဝင်တွေက တဖက်သက် တိုက်ခိုက်နေတဲ့ သဘောမျိုးတော့ မဟုတ်ဘဲ လက်တွေ့မှာ ဒီ ပဋိပက္ခကြောင့် လူမှုအဖွဲ့အစည်းနှစ်ဖက်လုံး နစ်နာခံစားရတယ်ဆိုတာကို သဘောပေါက်လိုမယ်လို့ ပြောသွားပါတယ်။

    “အကြမ်းဖက်မှုတွေ ဖြစ်ခဲ့တာကို ပြန်လည်သုံးသပ်တဲ့အခါမှာ အထောက်အထားတွေအရ ဒီ အကြမ်းဖက်မှုတွေဟာ အပြန်အလှန်ဖြစ်ကြတယ်ဆိုတာ တွေ့ရပါတယ်။ မျှမျှတတ ပြောရမယ်ဆိုရင် ဗုဒ္ဒဘာသာဝင်တွေက မွတ်ဆလင်တွေကို ဆန့်ကျင်တယ်ဆိုတာ မမှန်ကန်ပါဘူး။ ဒီအကြမ်းဖက်မှုတွေကြောင့် နှစ်ဖက်စလုံးမှာ လူ့အသက်တွေ ဆုံးရှုံးပြီး၊ အိုးအိမ်ပိုင်ဆိုင်မှုတွေ ဖျက်ဆီးခံရတာ အိုးအိမ်တွေကို စွန့်ခွာပြီး ထွက်ပြေးကြရတာဟာ ၀မ်းနည်းစရာပါ။ ဒီအကြမ်းဖက်မှုကို လူ့အဖွဲ့အစည်းနှစ်ဖက်မှာ တဖက်ကပဲ ခံစားကြရတာမဟုတ်ပါဘူး။ နှစ်ဖက်စလုံးက နစ်နာခံစားကြရပါတယ်။”

    မြန်မာနိုင်ငံတွင်း ရခိုင်ပြည်နယ်အပါအ၀င် မြို့အချို့မှာဖြစ်ခဲ့တဲ့ ဘာသာရေးအကြမ်းဖက်မှုတွေနဲ့ပတ်သက်လို့ မြန်မာနိုင်ငံဆိုင်ရာကုလသမဂ္ဂလူ့အခွင့်အရေးကိုယ်စားလှယ် ကင်တာနားရဲ့ အစီရင်ခံစာမှာလည်း မြန်မာ အစိုးရရဲ့ ကိုင်တွယ်မှုအားနည်းတာတွေကို ဝေဖန်ထားပါတယ်။ အထူးသဖြင့်တော့ ဒီ အကြမ်းဖက်မှုတွေမှာ ပါဝင်ပတ်သက်တဲ့ အာဏာပိုင်တွေကို ထိထိရောက်ရောက် အရေးယူအပြစ်ပေးဖို့ မစ္စတာကင်တာနားက တိုက်တွန်းခဲ့ပါတယ်။

  • အီးယူက ရိုဟင်ဂျာများအပေါ် လူ့အခွင့်အရေး ချိုးဖောက်မှုများအား ပြင်းထန်စွာ ရှုံ့ချ၊ ဒေါ်စုကြည်အား ထောက်ခံ

    ဇွန်-၁၄၊ ၂၀၁၃
    M-Media

    အီးယူ(ဥရောပ သမဂ္ဂ) မှ ရိုဟင်ဂျာမွတ်စလင်များအပေါ် ကျူးလွန်ခဲ့သည့် အဓမ္မမှုများကို ပြစ်တင်ရှုံ့ချလိုက်သည်။ တဆက်တည်းမှာပင် မြန်မာအာဏာ ပိုင်များအား ရိုဟင်ဂျာများကို အကာအကွယ်ပေးဖို့ တိုက်တွန်းထားသည်။

    4561946-3x2-940x627
    Rohingya refugees are using boats to flee religious violence in Myanmar.
    AFP: Munir uz Zaman: file photo

    အီးယူပါလီမန်က ၄င်းတို့အနေဖြင့် ရိုဟင်ဂျာများအပေါ် ကျူးလွန်နေသည့် စနစ်ကျသော အဓမ္မမှုများကို မြန်မာအစိုးရက အကာအကွယ်ပေးရန် ပျက်ကွက်နေမှုအား ပြင်းထန်စွာ ရှုံ့ချကြောင်း ပြောဆိုခဲ့သည်ဟု သြစတေးလျအခြေဆိုက် abc.net.au က ယနေ့ ရက်စွဲဖြင့် သတင်းဖော်ပြထားသည်။

    အီးယူက ရိုဟင်ဂျာများအပေါ် ကျူးလွန်ခဲ့သည့် ဆိုးရွားလှသော လူ့အခွင့်အရေးချိုးဖောက်မှုများကို ကန့်ကွက်ရှု့ချပြီး မြန်မာ အာဏာပိုင်များအား မိမိတို့ စွမ်းအားအတွင်းမှ တတ်နိုင်သမျှကို လုပ်ဆောင်၍ အကာအကွယ်ပေးသွားဖို့ နှိုးဆော်ထားသည်။

    ရိုဟင်ဂျာများအပေါ် ကျူးလွန်ခဲ့သည့် မတရားမှုများတွင် အာဏာပိုင်တို့ကိုယ်တိုင် ပါဝင်နေသည်ဟူသော စွပ်စွဲချက်အပေါ်၌လည်း အီးယူက အထူးစိုးရိမ်မကင်းဖြစ်ကြောင်း ဖော်ပြထားသည်။

    တဆက်တည်းမှာပင် အီးယူအနေဖြင့် ဒေါ်အောင်ဆန်းစုကြည်၏ ကလေး ၂ ယောက်ပေါ်လစီ ကန့်ကွက်မှု့အား ထောက်ခံကြိုဆိုလိုက်သည်။ ထိုကလေး ၂ ယောက် ဥပဒေကို အာဏာရှင် စစ်အစိုးရ လက်ထက်က ပြဌာန်းခဲ့ပြီး ယခု အသွင်ပြောင်း အစိုးရလက်ထက်တွင်မှ အတည်ပြုခြင်းဖြစ်သည်။

    Ref: http://www.abc.net.au/news/2013-06-14/eu-condemns-myanmar-for-rohingya-violence/4753318

  • လူ့အခွင့်အရေး ကြေညာစာတမ်း မြန်မာတွေ မေ့နေတယ်ဟု ဒေါက်တာ အောင်ထွန်းသက် သတိပေး

    လူ့အခွင့်အရေး ကြေညာစာတမ်း မြန်မာတွေ မေ့နေတယ်ဟု ဒေါက်တာ အောင်ထွန်းသက် သတိပေး

    ဇွန် ၈ ၊၂၀၁၃

    Source: ကမာရွတ်မီဒီယာ

    လူ့အခွင့်အရေးကြေညာစာတမ်း မြန်မာတွေမေ့နေတယ်ဟု ဒေါက်တာအောင်ထွန်းသက် သတိပေး

    ရခိုင်ပြည်နယ်မှာ လူမျိုးရေးဘာသာရေး ပဋိပက္ခမှာ လူသားတွေအတွက် အရေးကြီးတဲ့ အပြည်ပြည်ဆိုင်ရာ လူ့အခွင့်အရေး ကြေညာ စာတမ်းကို မေ့ထားသလို ဖြစ်နေတယ်လို့ ပါမောက္ခ ဒေါက်တာအောင်ထွန်းသက်က ဇွန်လ ၈ရက်နေ့မှာ ပြောဆိုလိုက်ပါတယ်။

  • ကလေး ၂ ယောက် ဥပဒေသည် လူအခွင့်အရေးကို ချိုးဖောက်ခြင်းသာဖြစ်ဟု ဒေါ်စုကြည် ဝေဖန်

    M-Media
    မေလ ၂၇ ရက်၊ ၂၀၁၃

    သတင်းအရင်းအမြစ် – အင်တာနက်

    2013-05-27T113335Z_1_CBRE94Q0W4600_RTROPTP_2_MYANMAR-POLITICS
    သတင်းထောက်များနဲ့ တွေ့ဆုံနေတဲ့ ဒေါ်အောင်ဆန်းစုကြည်

    မွတ်စလင်များအရေးနဲ့ပတ်သတ်ပြီး မှတ်ချက်ပေးမှုနည်းပါးတဲ့ ဒေါ်အောင်ဆန်းစုကြည်က ရိုဟင်ဂျာတွေကို ကလေးနှစ်ယောက်သာ ယူခွင့်ရှိတဲ့ ဥပဒေပြဌာန်း ကန့်သတ်တာနဲ့ပတ်သတ်ပြီး ဒါဟာလူအခွင့်အရေးကို ဆန့်ကျင်တာဖြစ်တယ်လို့ ယနေ့ ဝေဖန်ပြောကြားလိုက်ပါတယ်။

    အတိုက်အခံခေါင်းဆောင် ဒေါ်အောင်ဆန်းစုကြည်က ယခင်အာဏာရှင်အစိုးရ အဆိုပြုခဲ့တဲ့ အဲဒီအငြင်းပွားဖွယ်ရာ ဥပဒေကို လက်ရှိအာဏာပိုင်တွေက အတည်ပြုပြဌာန်းလိုက်တဲ့အပေါ်မှာ သူမအနေနဲ့ ဆန့်ကျင်ကြောင်း ယနေ့သတင်းထောက်များကို ရန်ကုန်မြို့မှာ ပြောကြားခဲ့တာဖြစ်ကြောင်း ရိုက်တာက ဆိုပါတယ်။

    “ဒီလိုမျိုး ခွဲခြားမှုမျိုးရှိနေတာ မကောင်းပါဘူး၊ ဒါက လူအခွင့်အရေးနဲ့လည်း လိုက်လျောညီထွေ မရှိလှပါဘူး” ဟု ဒီမိုကရေစီခေါင်းဆောင် ဒေါ်အောင် ဆန်းစုကြည်က သတင်းထောက်များကို ပြောကြားခဲ့ပါတယ်။

    ရခိုင်ပြည်နယ်အစိုးရကတော့ ဒီဥပဒေကို မွတ်စလင်အများစုရှိရာ ဒေသနှစ်ခုမှာ အတည်ပြုပြီးဖြစ်တယ်လို့ အေအက်ဖ်ပီကို ရခိုင်ပြည်နယ်အစိုး ရ ပြောခွင့် ရပုဂ္ဂိုလ် ဦးဝင်းမြိုင်က ပြောကြားခဲ့သလို ယခင်ကတော့ အုပ်စုအချင်းချင်း ပဋိပက္ခတွေကြောင့် အတည်ပြုဖို့ နှောင့်နှေးနေ တာ ဖြစ်တယ်လို့ လည်း သူက ဆိုပါတယ်။

    လူအခွင့်အရေး စောင့်ကြည့်မှုအဖွဲ့ကတော့ ဒီဥပဒေကို “စက်ဆုပ်ဖွယ် ဥပဒေ၊ လူသားမဆန်တဲ့ ဥပဒေ” စတဲ့ စကားလုံးတွေ သုံးပြီး ဝေဖန်ခဲ့သလို ဒီဥပဒေက လူ့အခွင့်အရေးနဲ့ လုံးဝဥဿုံဆန့်ကျင်နေတယ်လို့လည်း ဆိုပါတယ်။

    ဧပြီလ ၂၉ ရက်နေ့မှာ ထွက်ခဲ့တဲ့ ရခိုင်ပဋိပက္ခစုံစမ်းရေးကော်မတီအစီရင်ခံစာမှာတော့ တကယ်လို့ အစိုးရကသာ ဒီလိုမျိုး ကလေးယူခွင့် ကန့်သတ်တဲ့ ဥပဒေ ကို ကာယကံရှင်များရဲ့ သဘောဆန္ဒမပါဘဲ ပြဌာန်းခြင်းမျိုးကနေ ရှောင်ရှားသင့်ကြောင်း၊ အကယ်၍ အဲဒီလိုမျိုးသာ ပြဌာန်းခဲ့မယ်ဆိုရင် လူအခွင့်အရေး စံချိန်စံညွှန်းတွေနဲ့ ကိုက်ညီတော့မှာ မဟုတ်ဘူးလို့ ရေးသားဖော်ပြထားပါတယ်။ ဒါပေမယ့် အစိုးရကတော့ စုံစမ်းရေးကော်မတီရဲ့ အကြံပေးချက်ကို ထုံးစံအတိုင်း လျစ်လျူရှုခဲ့တာပါလို့ လေ့လာသူတွေက ဝေဖန်ကြပါတယ်။

    အဲန်အလ်ဒီရဲ့ ပြောခွင့်ရပုဂ္ဂိုလ် ဦးဥာဏ်ဝင်းကတော့ အစိုးရအနေနဲ့ ၁၉၈၂ ဥပဒေကို ပြင်ဆင်ပြီး ရိုဟင်ဂျာတွေကို ကန့်သတ်ချုပ်ခြယ် မှုတွေ ဖြေလျော့ပေး သင့်တယ်လို့ ဒီမေလ အတွင်းမှာပဲ ရိုက်တာကို ပြောကြားခဲ့ပါသေးတယ်။

    “ရခိုင်တွေမှာ အဖြေမရှိဘူး၊ သူတို့က ရိုဟင်ဂျာတွေကို မောင်းထုတ်ပစ်ချင်တယ်၊ ဒါက မဖြစ်နိုင်တဲ့ကိစ္စပဲ” လို့ ဦးဥာဏ်ဝင်းက ပြောကြားခဲ့ပါတယ်။