News @ M-Media

Tag: IAEA

  • နျူကလီးယားဗုံး အများအပြား ထုတ်နိုင်သည့် ပလူတိုနီယံများ IAEA သို့ စာရင်းမပို့ဘဲ ဂျပန်ထိန်ချန်ခဲ့

    ဇွန် ၈ ၊ ၂၀၁၄
    M-Media
    13920621000209_PhotoI
    – ၂၀၁၂ နှင့် ၂၀၁၃ ခုနှစ်များတွင် နိုင်ငံတကာ အဏုမြူအေဂျင်စီ IAEA သို့ ဂျပန်နိုင်ငံမှ ပေးပို့သောအစီရင်ခံစာတွင် ပလူတိုနီယံပမာဏ ၆၄၀ ကီလိုဂရမ်ကို ထည့်သွင်းဖော်ပြခဲ့ခြင်းမရှိဘဲ ထိန်ချိန်ခဲ့သည်ဟု ကျိုဒိုသတင်းစာက ယမန်နေ့တွင် ဖော်ပြခဲ့သည်။

    အသုံးမပြုသည့် ပလူတိုနီယံပမာဏ ၄၅ တန်ရှိနေသ်ာလည်း IAEA အား ၄၄ တန်ရှိသည်ဟုသာ ဖော်ပြခဲ့ပြီး ထိန်ချန်ထားသည့် ၆၄၀ ကီလိုဂရမ်မှာ ပလူတိုနီယံ-ယူရေနီယံအောက်ဒိုက်အရော MOX ဖြစ်ကာ နိုင်ငံတောင်ပိုင်း ဆာဂါပြည်နယ်ရှိ လည်ပတ်ခြင်းမရှိသည့် နျူကလီးယား ဓာတ်ပေါင်းဖိုတွင် လောင်စာအဖြစ် ထားရှိခြင်းဖြစ်သည်။ ထိုပမာဏမှာ နျူကလီးဗုံး အလုံး ၈၀ ကို ထုတ်လုပ်နိုင်သည်။

    ဂျပန်နျူစွမ်းအင်အေဂျင်ဆီကမူ ထိုလောင်စာများမှာ အသုံးပြုရန်စီစဉ်ထားသည့် လောင်စားများဖြစ်ပြီး IAEA သို့ သတင်းပို့ရန်မလိုအပ်သော လောင်စာများဖြစ်သည်ဟု တုံ့ပြန်ခဲ့သည်။ သို့သော်လည်း ဂျပန်အစိုးအနေအဖြင့် ထိုပြဿနာ၏ အရေးပါမှုကို အသိအမှတ်မပြုသည့်အတွက် ပြည်တွင်း၊ ပြည်ပ ပညာရှင်များက ဝေဖန်ခဲ့သည်။

    နျူကလီးယား လက်နက်ပိုင်ဆိုင်မှု မရှိသည့်နိုင်ငံများတွင် ဂျပန်နိုင်ငံမှာ ပလူတိုနီယံ အများဆုံး ပိုင်ဆိုင်သောနိုင်ငံဖြစ်ပြီး ယခင်က ထိုပိုင်ဆိုင်မှုများကို စွမ်းအင်ထုတ်လုပ်ရာတွင် အသုံးပြုခဲ့သည်။ သို့သော်လည်း ၂၀၁၁ ဆူနာမီတွင် ဖူကူရှီးမား နျူကလီးယားဓာတ်အားပေးစက်ရုံ ပျက်စီးခဲ့ပြီးနောက် နိုင်ငံ အတွင်းရှိ နျူကလီးယား ဓာတ်အားပေး စက်ရုံအားလုံး၏ လည်ပတ်မှုကို ရပ်နားခဲ့သည်။

    ဆင်ဟွာ

  • ကုလသမဂ္ဂ နျူကလီးယား အေဂျင်စီ၏ လျို့ဝှက် အချက်အလက်များ ဟက်ကာများခိုးယူ

    ကုလသမဂ္ဂ နျူကလီးယား အေဂျင်စီ၏ လျို့ဝှက် အချက်အလက်များ ဟက်ကာများခိုးယူ

    နိုဝင်ဘာ ၂၈၊ ၂၀၁၂
    M-Media
    မောင်မှန်

    ကုလသမဂ္ဂ နျူကလီးယား အေဂျင်စီ (IAEA) မှ ၄င်းတို့၏ Server များအတွင်း ဟက်ကာများဝင်ရောက်ခဲ့ခြင်း နှင့် ၄င်းတို့၏ သတင်းအချက်အလက်များ ပေါက်ကြားသွား ခဲ့ခြင်းရှိကြောင်းကို ဝန်ခံပြောကြားလိုက်သည်။ အဆိုပါ ဟက်ကာ များမှ အဓိက တောင်းဆိုသည်မှာ အစ္စရေးလ် နိုင်ငံ၏ နျူကလီးယား ကိုင်ဆောင်ထားမှုအား စနစ်တကျ စုံစမ်းပေးရန်နှင့် အခွင့်မရှိဘဲ ကိုင်ဆောင်ထားသော အစ္စရေးလ် နိုင်ငံ၏ နျူကလီးယား လက်နက်များအပေါ် တာဝန်ယူပေးရန် အချက်များဖြစ်သည်။

    အဆိုပါ ဟက်ကာများသည် ၄င်းတို့ဘာသာ လမ်းကြောင်းတခုပေါ်မှနေ၍ ကုလသမဂ္ဂ IAEA ဆာဗာ တစ်လုံးအတွင်း ဝင်ရောက်လာခြင်းဖြစ်သည်။ သတင်းအချက်အလက်များ ရယူ သိမ်းပိုက်ခဲ့ကြောင်းလဲ IAEA မှ ဝန်ခံ ပြောကြား ထားသည်ဟု ရိုက်တာ သတင်းတရပ်တွင် ဖော်ပြထားသည်။

    IAEA တာဝန်ရှိသူများနှင့် နည်းပညာရှင်များမှ ယခုဖြစ်ရပ်အတွက် လေ့လာ သုံးသပ်လျက်ရှိပြီး အခြားသော နည်းပညာ ဟာကွက်များ အားနည်းချက်များကို သုံးသပ်ကာ အနာဂတ်တွင် ထိုသို့မဖြစ်ရန် ဆောင်ရွက်သွားရန် ကြိုးပမ်းလျက်ရှိသည်ဟု ပြောရေးဆိုခွင့်ရှိသူ ဂိလ်တူဒါ က ရိုက်တာသို့ အသိပေးပါသည်။ ယခုဖြစ်ရပ်တွင် IAEA မှ ဆာဗာများ ရပ်တန့်သွားသည် အထိ အဖျက်စွမ်းအား ရှိခဲ့ပြီး ထိပ်တန်း လျှို့ဝှက်ချက် အချို့ ပေါက်ကြား ခဲ့သည်ဟုလဲ ၄င်းက ပြောကြားသည်။

    မိမိတို့ကို မိမိတို့ Parastoo ဟု အမည် ကြေငြာလိုက်သော ဟက်ကာ များသည် IAEA မှ အရေးကြီး ထိပ်တန်း အီးမေးလ် လိပ်စာ (၁၀၀) ထက်မနည်း ရယူ သိမ်းပိုက်ခဲ့ပြီး အဆိုပါ အီးမေးလ်များသည် IAEA မှ Expert များပိုင်ဆိုင်သော လျှို့ဝှက် မေးလ်များဖြစ်သည်။
    ယခု ဖြစ်ရပ်အတွက် ဟက်ကာများမှ IAEA အား လုံးဝ လွတ်လပ်သော စုံစမ်းရေးအဖွဲ့အား Dimona စုံစမ်းမှု ပြုရန် တောင်းဆိုလိုက်ပြီး အစ္စရေးလ် ၏ လူသားမဆန်သော ဂါဇာ စစ်ပွဲ အတွက် လက်တုံ့ပြန်ခြင်း ဖြစ်ကြောင်း ကြေငြာလိုက်သည်။ Dimona သည် အစ္စရေးလ်က ဆောင်ရွက်လျက်ရှိသော နျူကလီးယား လက်နက် တပ်ဆင် စီမံကိန်း တရပ်ဖြစ်သော ဒေသတခုနာမည်ဖြစ်သည်။

    Anonymous ဟက်ကာ ဂရုပ်မှလည်း အစ္စရေးလ် ၏ ဂါဇာ ကျူးကျော်မှုကို ရပ်ဆိုင်းရန် ကမ်ပိန်း တခုပြုလုပ်ခဲ့ပြီး OpsIsrael ဟု အမည်ပေးထားပြီး အစ္စရေးလ် ၏ လူသတ်ပွဲများ ကျူးကျော်မှုများ ကိုနောက်ကွယ်မှ ထောက်ပံ့နေသော အဖွဲ့များ ပုဂ္ဂိုလ်များ (၁၀၀၀) ကျော် စာရင်းကို ထုတ်ပြန်ခဲ့သည်။ အစ္စရေးပိုင် Website (၆၀၀) ကျော်ကိုလဲ ဖျက်ဆီးခဲ့ပြီးဖြစ်သည်။

    Parastoo ကလဲ ၄င်းတို့သည် Anonymous များနှင့် ပါတ်သက်ခြင်း မရှိဟု ငြင်းဆိုခဲ့ခြင်း မရှိပေ။ ၄င်းတို့က ရရှိထားသော အချက်များကို အွန်လိုင်းမှနေ၍ ဖွင့်ချမည်ဟု ထပ်မံ ခြိမ်းခြောက်ထားကြောင်း ရိုက်တာ သတင်းကို ကိုးကားဖော်ပြလိုက်ရပါသည်။

  • ဓာတ်အားလိုင်း ဖျက်ဆီးခံရကြောင်း အီရန်ပြောကြား

    ဓာတ်အားလိုင်း ဖျက်ဆီးခံရကြောင်း အီရန်ပြောကြား

    စက်တင်ဘာ၊ ၁၇၊ ၂၀၁၂

    M-Media

    Source:http://www.dw.de

    လွန်ခဲ့တဲ့လက ပေါက်ကွဲမှုကြောင့် အီရန်နျူကလီးယားစက်ရုံကိုပေးပို့တဲ့ ဓာတ်အားလိုင်းပျက်တောက်သွားတယ်လို့ အီရန်အနုမြူအေဂျင်စီအကြီးအကဲ အဗ္ဗာစီ (Fereydoun Abbasi)က အပြည်ပြည်ဆိုင်ရာ အနုမြူအေဂျင်စီမှာ ပြောကြားလိုက်ပါတယ်။ ဒီလို ဖျက်ဆီးခံရတာကို တီဟီရန်အနေနဲ သံသယ၀င်မိတယ်လို့ တနင်္လာနေ့မှာ သူကပြောလိုက်တာဖြစ်ပါတယ်။ ဒီလိုဖျက်ဆီးမှုရဲ့ နောက်ကွယ်က ဘယ်သူရှိတယ်ဆိုတာကိုတော့ အဗ္ဗာစီကပြောကြားသွားခြင်း မရှိပါဘူး။ မြေအောက်စက်ရုံကိုသွားတဲ့ ပါဝါဓာတ်အားလိုင်း ဖျက်ဆီးခံရပြီး ပြတ်တောက်သွားတာဖြစ်တယ်ဆိုတာ ကိုတော့ အသေအချာပြောလိုက်တာပါ။

    “၂၀၁၂ သြဂုတ်လ ၁၇ ရက်မှာ ကွမ်မြို့ကနေ ဖော်ဒို(Fordo complex)ကို သွားတဲ့ လျှပ်စစ်ဓာတ်အားလိုင်း မိုင်းထောင်ပြီး ဖျက်ဆီးခံလိုက်ရပါတယ်။ နောက်တစ်နေ့ မနက်စောစောမှာ အိုင်အေအီးအေရဲ့ စုံစမ်းစစ်ဆေးရေးမှူးက ကြေငြာခြင်းမပြုဘဲစစ်ဆေးမှုပြုလုပ်ဖို့ သွားရောက်ခွင့် တောင်းဆိုလာတယ် ဒီလိုသွားရတာဟာ မိုင်းထောင်တဲ့ကိစ္စနဲ့မှားဆက်စပ်မှုရှိမလား?”

    လို့ အဗ္ဗာစီက အိုင်အေအီးအေမှာမေးခွန်းထုတ်လိုက်ပါတယ်။

    “ဒါဟာဗဟိုခွာအားစက်တွေကို ဖျက်ဆီးဖို့နည်းလမ်းတွေထဲက တစ်ခုဖြစ်တယ်ဆိုတာ အမှတ်ရစရာရှိပါတယ်”

    လို့ယူရေနီယံသန့်စင်မှုမှာ အသုံးပြုတဲ့စက်တွေကို ညွှန်းဆိုပြီး အဗ္ဗာစီက ပြောကြားသွားပါသေးတယ်။

    ဖော်ဒို နျူကလီးယားစက်ရုံဟာလေကြောင်းရန် ကာကွယ်ဖို့အတွက် တောင်တွေကြားမှာ နက်နက်ရှိုင်းရှိုင်း တည်ဆောက် ထားတာဖြစ်ပါတယ်။ ယူရေနီယံ သန့်စင်မှုပမာဏ ၂၀ ရာခိုင်နှုန်းမှ နျူဗုံးထုတ်နိုင်တဲ့ ၉၀ ရာခိုင်နှုန်းကို အချိန်တိုအတွင်းမှာ ရနိုင်တယ်လို့လည်းယုံကြည်ရပါတယ်။

    အီရန်ကတော့ နျူကလီးယားအစီအစဉ်ကအနုမြူစွမ်းအင်အတွက်လို့ပြောနေပေမယ့် နိုင်ငံအများအပြား အထူးသဖြင့် အစ္စရေးကတော့ အီရန်ဟာနျူကလီးယား လက်နက်ထုတ်ဖို့ ကြိုးစားနေတာဖြစ်တယ်လို့ ယုံကြည်နေပါတယ်။
    အီရန်ဟာနောက်ခြောက်လခုနှစ်လအတွင်းမှာနျူကလီးယားဗုံး ထုတ်နိုင်တော့မယ်လို့ မိမိတို့အစိုးရအနေနဲ့ ထင်မြင်ကြောင်း အစ္စရေးဝန်ကြီးချုပ် ဘင်ဂျမင်နေတန်ဟာဟုက တနင်္ဂနွေနေ့ကပြောကြားလိုက်ပါတယ်။

    အီရန်ဟာ ဖျက်ဆီးခံရတဲ့သာဓကတွေနဲ့ အီရန်တို့ရဲ့နျူသိပ္ပံပညာရှင်တွေ ဇန်န၀ါရီလက လုပ်ကြံခံရတာကိုလည်း မကြာသေးမီက အိုင်အေအီးအေမှာ တင်ပြခဲ့ပါသေးတယ်။

    အဗ္ဗာစီကအိုင်အေအီးအေအကြီးအကဲ အာမာနို (Yukiya Amano)နဲ့လည်း တနင်္လာနေ့နောက်ပိုင်းမှာ တွေ့ဆုံခဲ့ပါသေးတယ်။ အိုင်အေအီးအေ၊ အီရန်နဲ့ အပြည်ပြည်ဆိုင်ရာအဖွဲ့အစည်းတွေဟာ ဒီပြသနာကိုနှစ်နဲ့ချီအောင် ပြောဆိုဆွေးနွေးခဲ့ပေမယ့် တိုးတက်မှု အနည်းငယ်သာရှိခဲ့ပါတယ်။ အာမာနိုက တီဟီရန်ကို  မေလမှာလာပြီးပြောဆိုဆွေးနွေးခဲ့ပါသေးတယ်။

    ရုရှားနိုင်ငံခြားရေးဒုဝန်ကြီး ဂါတီလော့ဗ် (Gennady Gatilov)က ရုရှား၊ ပြင်သစ်၊ အမေရိကန်၊ ဗြိတိန်၊ ဂျာမနီနဲ့ တရုတ်တို့ ပါဝင်တဲ့ဆွေးနွေးမှုအသစ်ကို အစီအစဉ်လုပ်ပြီးဖြစ်ပါတယ်။ နောက်ဆုံး ဆုံးဖြတ်ချက်တော့ မချရသေးပါဘူးလို့ Interfax သတင်းအေဂျင်စီကို ပြောကြားလိုက်ပါတယ်။

    electric

    http://www.dw.de/dw/article/0,,16246797,00.html မှ ကောက်နှုတ် ဘာသာပြန်ဆိုသည်။

  • အီရန် နူးအစီအစဉ်တွင် မည်သည့် သံသယဖြစ်စရာ အလှည့်အပြောင်းမှ မတွေ့ဟု အိုင်အေအီးအေဆို

    အီရန် နူးအစီအစဉ်တွင် မည်သည့် သံသယဖြစ်စရာ အလှည့်အပြောင်းမှ မတွေ့ဟု အိုင်အေအီးအေဆို

    မေလ-၂၅ရက်။      ။သောကြာနေ့တွင် အိုင်အေအီးအေအကြီးအကဲ အမာနိုက အိုင်အေအီးအေဘုတ်အဖွဲ့သို့ အစီရင်ခံစာတစ်စောင် တင်သွင်းခဲ့ကြောင်း နိုင်ငံတကာ အစ္စလာမ်မစ် သတင်းအေဂျင်စီ (အိုင်အာရ်အင်အေ)က ဖော်ပြသည်။


    အိုင်အေအီးအေ အကြီးအကဲ ယူကီးရ အမာနို

    ထိုအစီရင်ခံစာတွင် စုံစမ်းစစ်ဆေးမှုများအရ အီရန်နူးအစီအစဉ်၌ တစ်စုံတစ်ရာ အလှည့်အပြောင်း မတွေ့ရကြောင်း တင်ပြထားသည်။ အစီရင်ခံစာ ထွက်ပေါ်လာပြီးနောက် အီရန်၏ အိုင်အေအီးအေ ကိုယ်စားလှယ် အလီအက်ဆ်ဂဲရ် စုလတားနီးယားက “အမာနိုရဲ့အစီရင်ခံစာအရ အီရန်အက်တမ်မစ် နည်းပညာ(နူးကလီးယား) ဆောင်ရွက်မှုတွေ၊ အထူးသဖြင့် ယူရေနီယံသန့်စင်မှုလုပ်ငန်းတွေဟာ ငြိမ်းငြိမ်းချမ်းချမ်း အနေအထားမှာ ရှိနေတယ်ဆိုတာ နောက်ထပ် သက်သေတစ်ရပ်ဖြစ်ပါတယ်။ ဒါ့ပြင်အီရန်ကလည်း အိုင်အေအီးအေနဲ့ အပြည့်အ၀ ပူးပေါင်းဆောင်ရွက်ခဲ့တယ်ဆိုတာ သက်သေပဲဖြစ်ပါတယ်။” ဟု ပြောကြားခဲ့သည်။

    ဗီယင်နာတွင် ဇွန်လ၌ကျင်းပမည့် အိုင်အေအီးအေ အုပ်ချုပ်ရေးဘုတ် အဖွဲ့အစည်းအဝေးတွင် အီရန်နူးအရေး နောက်ဆုံးအစီရင်ခံစာနှင့် ပတ်သက်ပြီး ဆွေးနွေးသွားမည်ဖြစ်ကြောင်း လည်း သိရသည်။အိုင်အေအီးအေ လက်ထောက်အထွေထွေ ဒါရိုက်တာနှင့် လုံခြုံရေးဌာန အကြီးအကဲ ဟာမန်းနက်ကာယက်စ်၊ ပေါ်လစီပိုင်းဆိုင်ရာ လက်ထောက်အထွေထွေဒါရိုက်တာ ရာဖာရဲလ် မာရီယာနို ဂရော့ဆီတို့နှင့်အတူ ကုလသမ္မဂ၊ နူးကလီးယားအေဂျင်စီ အကြီးအကဲပါဝင်သော အဖွဲ့နှင့် အီရန်၏ စီနီယာ ကိုယ်စားလှယ်များ တီဟီရန်တွင် တွေ့ဆုံခဲ့ကြသည်။ ပီ ၅+၁ အုပ်စုဟုအမည်ရသည့် ဗြိတိန်၊ တရုတ်၊ ပြင်သစ်၊ ရုရှ၊ အမေရိကန်နှင့် ဂျာမန်တို့ပါဝင်သောအဖွဲ့နှင့် အီရန်ကိုယ်စားလှယ်များ ဗုဒ္ဓဟူးနေ့နှင့် ကြာသပတေးနေ့များတွင် ဘက်ဂဒက်၌ ကဏ္ဍခွဲ နှစ်ကြိမ်ပါဝင်သော အစည်းအဝေးပြုလုပ်ခဲ့ကြောင်းလည်း PRESS TV သတင်းက ဖော်ပြထားသည်။နှစ်ဘက်စလုံးက လာမည့် ဇွန် ၁၈ နှင့် ၁၉ တို့တွင် ထပ်မံတွေ့ဆုံဆွေးနွေးဖို့ သဘောတူထားကြသည်။

    သတင်း – http://www.presstv.ir/detail/2012/05/25/243097/amano-no-diversion-iran-nprogram/