News @ M-Media

Tag: india_muslim

  • မွတ်စ်လင်မ်တို့ကို အဓမ္မဘာသာ ပြောင်းစေလိုကြသော ဟိန္ဒူ အမျိုးသားရေး ၀ါဒီများ

    မွတ်စ်လင်မ်တို့ကို အဓမ္မဘာသာ ပြောင်းစေလိုကြသော ဟိန္ဒူ အမျိုးသားရေး ၀ါဒီများ

    စက်တင်ဘာ ၈ ၊ ၂၀၁၄
    M-Media
    -မြင့်မိုရ်မောင်မောင် ဘာသာပြန်သည်။

    RSS-BJP
    BJP နှင့် RSS ခေါင်းဆောင်များ

    “ဟိန္ဒူ ဂယက် စတင်ရိုက်ခတ်နေပါပြီ။ ဆယ်နှစ်အတွင်း  ခရစ်ယာန်နဲ့ မွတ်စ်လင်မ် အားလုံးကို ကျွန်တော်တို့ ဘာသာ ကူးပြောင်းသွားစေမယ်” ဟု ဟိန္ဒူတက်ကြွလှုပ်ရှားသူနှင့် Rashtriya Swayamsevak Sangh (RSS) အဖွဲ့သား ရာဂျက်ရ်ှဝါဆင်းမှ ပြောကြားသည်။

    ဟိန္ဒူတက်ကြွလှုပ်ရှားသူ ရာဂျက်ရ်ှဝါဆင်းသည် အိန္ဒိယရှိ နှစ်ရာချီသော မတူကွဲပြားသည့်ဘာသာရေးကို အဆုံးသတ်ရန် ဘာသာတစ်ခုတည်းသို့ အကုန်အစင် ကူးပြောင်းလာရေးအတွက် ပြင်းပြင်းထန်ထန် မုန်းမာန်အပြည့်နှင့် ဆောင်ရွက်နေသည်။

    သူ့အသံက လမ်းကျဉ်းတစ်ဖက်ရှိ ပရိုတက်စတင့် ဘုရားကျောင်းနံရံများကိုပင် ပဲ့တင်ရိုက်ခတ်သွားပါ၏။ ဆင်းသည် လွန်ခဲ့သည့်ရက်သတ္တပတ်က အခြားဘာသာ တရားများကို အမုန်းတရားဖြင့် ဆန့်ကျင်သောလုပ်ရပ် တစ်ခု ပြုလုပ်ခဲ့၏။ ၎င်းမှာ ဒေလီမြို့တောင်ဖက် ၁၄၀ ကီလိုမီတာ(၈၇ မိုင်)ရှိ ဟာဆာယန်မြို့ငယ်မှ ခရစ်ယာန်မိသားစု တစ်ခုကို ဟိန္ဒူဘာသာသို့ ကူးပြောင်းရန် အဓမ္မလုပ်ဆောင်ခြင်းဖြစ်သည်။

    သူသည် ထိုမိသားစု၏ အိမ်ရှေ့ခြံဝင်းထဲရပ်လျက် ဇာတ်နိမ့်ကူးပြောင်းသူများအား သန့်စင်ရာ ရိုးရာမီးဒုတ်ကိုကိုင်ပြီး “ငါတို့ ဟိန္ဒူလူ့အဖွဲ့အစည်း သန့်စင်ရေးပြု ရတော့မယ်။ ဘာရသ်(အိန္ဒိယ)ထဲမှာ ချာ့ခ်ျဘုရားကျောင်း သို့မဟုတ် ဗလီဝတ်ကျောင်းရဲ့ လျှို့ဝှက်အကြံအစည်တွေကို အထမြောက်အောင် ခွင့်မပြုနိုင်တော့ဘူး” ဟု ပြောဆိုခဲ့သည်။

    မေလအတွင်း ၀န်ကြီးချုပ် နာရင်ဒြာမိုဒီ အာဏာရလာခြင်းကြောင့် သူ၏ ဟိန္ဒူအမျိုးသားရေး ပါတီ(BJP) ခေါင်းဆောင်များ သွေးကြွလာကာ ဆင်းကဲ့သို့ လက်ျာစွန်းရောက် တက်ကြွလှုပ်သူတို့နှင့် ပူးပေါင်းခဲ့ကြသည်။ ၎င်းနောက် အိန္ဒိယ၏ ဗဟုဝါဒ အခြေခံ စည်းမျဉ်းဥပဒေအား စိန်ခေါ်သည့်အားဖြင့် အိန္ဒိယကို ဟိန္ဒူတိုင်းပြည် အဖြစ် ပြောင်တင်းစွာ ကြေငြာရန် တာစူလာကြသည်။

    အိန္ဒိယလူဦးရေ (၁.၂၇)ဘီလီယံ၏ ငါးပုံတစ်ပုံမှာ ဟိန္ဒူဘာသာဝင်များ မဟုတ်ကြ။

    နိုင်ငံတော်ကို အထွဋ်အထိပ်ရောက်စေရန် ဟိန္ဒူ များသွေးစည်းရေးကို ကျယ်ကျယ်ပြန့်ပြန့် ဆောင်ရွက်နေသည့် အမျိုးသားရေးဝါဒီ အဖွဲ့အစည်း RSS က ဆင်းအား သိမ်းသွင်းထား၏။

    RSS က မိုဒီအား နိုင်ငံရေးလောကထဲ ငယ်ရွယ်နုပျိုစဉ်ကပင် တွန်းပို့ခဲ့သည်။ ၎င်း၏အမာခံ အင်အားတို့က အိန္ဒိယ၏ အချက်အခြာနယ်ပယ်များ၌ သူ၏မေလရွေးကောက်ပွဲ အနိုင်ရရန် အခိုင်အမာ ရပ်တည်ပံ့ပိုးခဲ့သည်။ ယခု ဟာဆာယန်မြို့တည်ရှိသော လူဦးရေအများဆုံး ဥတားပရာတက်ရှ် ပြည်နယ်တွင် အကြီးအကျယ်အောင်ပွဲခံခဲ့သည်။

    အထွေထွေရွေးကောက်ပွဲကာလကတည်းက အဓိကကျသည့် ကက်ဘိနက် ရာထူးများနှင့် ပါတီ၏ ထိပ်တန်းခေါင်းဆောင်များတွင် အဖွဲ့ဝင်များ ခန့်အပ်ခံရခြင်းနှင့်အတူ RSS မှာ လျင်မြန်စွာအားကောင်းလာခဲ့သည်။

    မိုဒီ၏ ငယ်ပေါင်း RSS ခေါင်းဆောင် မိုဟန်ဘဂ၀ါ့သ်၏ တစ်ယူသန်စကားများ အရှိန်ပြင်းထန်လာရာ မိုဒီ အနိုင်ရမှုအပေါ် စိတ်လှုပ်ရှားနေသည့် သန်းချီရှိသော ဆင်းကဲ့သို့ လူစားများကို သွေးကြွသွားစေသည်။

    “အင်္ဂလန်မှာနေတဲ့သူဟာ အင်္ဂလိပ်၊ ဂျာမဏီမှာ နေတဲ့သူဟာ ဂျာမန်၊ ယူအက်စ်မှာနေတဲ့သူဟာ အမေရိကန် ဖြစ်ရသလိုပဲ ဟင်ဒူစတန်(အိန္ဒိယ)မှာနေတဲ့သူဟာလည်း ဟိန္ဒူတွေ ဖြစ်ရမယ်” ဟု ဘဂ၀ါ့သ်က အိန္ဒိယ မွတ်စ်လင်မ်များနှင့် ခရစ်ယာန် လူနည်းစုတို့အပေါ် အမျက်ချောင်းချောင်းထလျက် ပြောကြားခဲ့သည်။

    သို့ဖြင့် ဘာသာရေးကို အမျိုးသားရေး လက္ခဏာအဖြစ် ဖော်ကျူးနေသူများနှင့် ဘာသာစုံနိုင်ငံ တစ်ခုအသွင် ခံယူထားသည့် လစ်ဘရယ်သမားတို့အကြား အတွေးအမြင် အက်ကြောင်းထစေသည့် တုန့်ပြန်ချက်များဖြင့် အချေအတင် ဖြစ်လာကြတော့သည်။

    အချစ် ဂျိဟာ့ဒ်
    —————-
    ကွဲလွဲငြင်းခုံမှုကို အရှိန်မြှင့်တင်၍ RSS ဆက်နွှယ်အုပ်စုများသည် “အချစ် ဂျိဟာ့ဒ်” ဆန့်ကျင်ရေး ကမ်ပိန်းတစ်ရပ်အား ထပ်ဆင့် တက်လှမ်းလာသည်။ အချစ်ဂျိဟာ့ဒ် ဟူသော အသုံးအနှုန်းသည် ဟိန္ဒူ အမျိုးသမီးများကို ထိမ်းမြားခြင်း နည်းလမ်းဖြင့် မွတ်စ်လင်မ် ဇာတ်သွင်းသော ဗျူဟာဟု ၎င်းတို့ဖာသာ သတ်မှတ်ခေါ်ဆိုမှုဖြစ်၏။

    ယခင်ရဲဌာနစစ်ဆေးချက်များ၌ ၎င်းအချစ် ဂျိဟာ့ဒ်နှင့်စပ်လျဉ်းသည့် မည်သည့် အထောက်အထားမျှ  မတွေ့ရှိကြ။ သို့သော် အဆိုပါ အယူအဆမှာ မကြာသေးမီ ရက်သတ္တပတ်များအတွင်း အိန္ဒိယ အလယ်ပိုင်းတခွင်၌ ယုံမှတ်ခြင်း များပြားလာကြသည်။ ၎င်းသည် လူများစု၏ အခြေအမြစ်မဲ့ ဖန်တီးသော ကြံစည်ချက် ဓာတ်ပြားဟောင်းဟု သုံးသပ်မှတ်ယူရမည့်အစား အလယ်အလတ် အိန္ဒိယများကိုပင် ရံဖန်ရံခါ အကြမ်းဖက်တုန့်ပြန်မှု ဖြစ်သွားစေသည်။

    “အချစ် ဂျိဟာ့ဒ်” ဟုအမည်ပေးထားသော လက်ကမ်းစာစောင်ကို နိုင်ငံအ၀ှမ်း ဟိန္ဒူမင်္ဂလာပွဲများ၊ ရိုးရာပွဲတော်များ၊ ကောလိပ်ကျောင်းပြင်ပများ၌ RSS အဖွဲ့ဝင်များမှ ကျယ်ကျယ်ပြန့်ပြန့် ရိုက်နှိပ်ဖြန့်ဝေလျက်ရှိသည်။

    “ကျွန်တော်တို့ အတွေ့များတာကတော့ ဟိန္ဒူအမျိုးသမီးနဲ့ မွတ်စ်လင်မ်အမျိုးသားတို့ မေတ္တာသက်ဝင်ကြတယ်။ မိဘတွေရဲ့ဆန္ဒကိုဆန့်ကျင်ပြီး လက်ထပ်ထိမ်းမြားကြတယ်။ ဒါတွေက မေတ္တာနှောင်ဖွဲ့မှုပါ၊ အချစ်ဂျိဟာ့ဒ် မဟုတ်ပါဘူး” ဟု ဥတားပရာဒက်ရှ် ပြည်နယ်ရဲမှူးကြီး A.L. Banerjee မှ ရိုက်တာသို့ ပြောကြားသည်။

    သို့တစေ ဆင်းကဲ့သို့ လှုပ်ရှားတက်ကြွသူများက ဟိန္ဒူဝါဒဖက်သို့ ပြန်လည်ဦးလှည့်ရေးအတွက် ကာကွယ်အရေးယူရန်လိုအပ်ကြောင်း အမြင်ထားရှိကာ တစ်ဆင့်တက်လာကြသည်။

    ကနဦးပိုင်းဖော်ပြချက်ဖြစ်သော သောကြာနေ့က ဘာသာကူးပြောင်းပွဲအပြီးတွင် ခေါင်းတုံးထားသော ဆင်းက “ “ဟိန္ဒူဂယက် စတင်ရိုက်ခတ်နေပါပြီ။ ဆယ်နှစ်အတွင်း  ခရစ်ယာန်နဲ့ မွတ်စ်လင်မ်အားလုံးကို ကျွန်တော်တို့ ဘာသာကူးပြောင်းသွားစေမယ်” ဟု အားပါးတရပြုံး၍ ပြောဆိုလိုက်သည်။

    စနေနေ့ဝတ်ပြုတော်အသင်း ဓမ္မဆရာဖြစ်ခဲ့ပြီး ဟိန္ဒူဘာသာသို့ ကူးပြောင်းလာသူ (ကမ္ဘာကျော် မွတ်စ်လင်မ် ဗိသုကာလက်ရာ တဂ်ျမဟာလ် တည်ရှိရာ)အဂ်ရာမြို့မှ လုပ်ငန်းရှင်တစ်ဦးလည်း ၎င်း၏အဖွဲ့သားများ၌ ပါဝင်သည်။

    “BJP က ဒို့ရဲ့နိုင်ငံရေးအဖွဲ့၊ ဒို့ရဲ့ညီနောင်တွေဖြစ်တယ်။ သူတို့ ရွေးကောက်ပွဲမှာ အနိုင်ရမယ်လို့ တပ်အပ်ဆိုခဲ့တယ်။ မိုဒီက ဟိန္ဒူခေါင်းဆောင်ဖြစ်တယ်။ ဒါဟာ ဒို့တွေရဲ့ ရွှေခေတ်ပဲ” ဟု ဆင်းက ပြောသည်။

    ဆင်း၏ ဆယ်နှစ်တာ တွက်ကိန်းသည် အိန္ဒိယလူဦးရေပမာဏ၏ (၁၅)ရာခိုင်နှုန်းဖြစ်သော  မွတ်စ်လင်မ်လူဦးရေ (၁၇၅)သန်းရှိပြီး ကမ္ဘာ့တတိယမြောက် မွတ်စ်လင်မ်အများဆုံး နိုင်ငံတစ်နိုင်ငံ၌၊ အလားတူစွာ အခြား ဘာသာတရားများလည်း တည်ရှိနေသည့် တိုင်းပြည်တစ်ခု၌ အဘယ်ကဲ့သို့ လက်တွေ့ကျနိုင်ပါမည်နည်း ?

    World Bulletin မှ India’s Hindu nationalists aim to ‘convert’ Muslims သတင်းဆောင်းပါးကို မြင့်မိုရ်မောင်မောင်မှ ဆီလျော်အောင်ပြန်ဆိုရေးသားသည်။

  • ဂူဂျာရဒ်ရှိ မွတ်စလင်များ ဟိန္ဒူမုဆိုးမတို့ကို ထောက်ပံ့ကူညီ

    ဇွန်-၂၆၊ ၂၀၁၃
    M-Media

    ကိုင်ရို။    ။ ဟိန္ဒူအိမ်နီးချင်းများ၏ အသက်အန္တရာယ်ပေးနိုင်မှုများကို ကျောခိုင်းကာ ဂူဂျာရဒ် မွတ်စ်လင်မ် ပရဟိတအဖွဲ့အစည်းမှ လိုအပ်ချို့တဲ့နေသည့် ဟိန္ဒူမုဆိုးမများအား  ထောက်ပံ့ကူညီပေးလျက်ရှိကြောင်းသိရသည်။

    Gujarat Muslims Support Hindus Widows
    “၂၀၀၂ ခုနှစ် က ဖြစ်ပေါ်ခဲ့သော မွတ်စလင် နှင့် ဟိန္ဒူများကြားရှိ အဓိကရုဏ်းကြောင့် ဂိုဒ်ဟ်ရာ(Godhra)တွင် မွတ်စလင်နှင့် ဟင်ဒူများ မသင့်မြတ်ကြဘူးလို့အားလုံးကထင်နေကြတယ်။ ဒါကြောင့် “အသိုင်းအ၀ိုင်းနှစ်ခုကြားမှာ စည်းလုံးညီညွှတ်မှုကို ပိုမိုအားကောင်းလာအောင် ဟိန္ဒူ မုဆိုးမများကို ထောက်ပံ့ဖို့ ရံပုံငွေအဖွဲ့က ဆုံးဖြတ်ခဲ့ကြပါတယ် ” ဟု Hamdard Charitable Trust (HCT) ၏ ဥက္ကဌ မုဖ်သီ ဟာရွန်စင်ဒီ (Mufti Haroon Sindhi) မှ ဇွန် ၂၄ ရက်၊ တနင်္လာနေ့တွင် The Times of India သို့ ပြောကြားခဲ့သည်။

    မွတ်စ်လင်မ် ပရဟိတ ဒါနအဖွဲ့အစည်းမှ ဟိန္ဒူအမျိုးသမီး မုဆိုးမ ၅၄ ယောက်အတွက် နေ့စဉ်အစားသောက် ထောက်ပံ့ရေးကို တာဝန်ယူခဲ့သည်။

    အသက် ၄၀ အရွယ်ရှိ ဟိန္ဒူ အမျိုးသမီး ကလာပါတဲလ် (Kala Patel) သည် ထိုအထောက်ပံ့ခံမုဆိုးမများအနက် တစ်ဦးအပါဝင်ဖြစ်သည်။

    သူမ၏ ထမင်းချက်လစာသည် နည်းပါးလွန်းသဖြင့် သူမ၏ ကလေး ၃ ယောက်အတွက် မချိမဆန့်ရုန်းကန်လှုပ်ရှားနေခဲ့ရသည်။

    စာဒရ်နာဂါ ခန်းမ (Sardar Nagar Hall) ထဲတွင် သူမအား HCT ထံမှ ၃လစာ အထောက်အပံ့ နှင့် အစားသောက်များကို မမျှော်လင့်ဘဲ ရရှိခဲ့သဖြင့် အထူး အံသြသွားခဲ့သည်။

    လွန်ခဲ့သော ၁၅ နှစ်ခန့်က  မတော်တဆမှုတစ်ခုတွင် ခင်ပွန်းဖြစ်သူဆုံးပါးသွားခဲ့သော ရှာဒါဘွိုင် (Sharda Bhoi)- ၅၀ နှစ်သည် “ ဒီထောက်ပံ့မှုဟာ မွတ်စ်လင်မ်အဖွဲ့အစည်းရဲ့ အလွန်ကိုထိရောက်သော စေတနာဖြစ်ပြီး၊ ကျွန်မအနေနဲ့ ပြောမပြနိုင်လောက်အောင် ၀မ်းသာမိပါတယ်” ဟု ဆိုကာ မွတ်စ်လင်မ်များအား အထူးပင် ကျေးဇူးတင်ရှိကြောင်း
    ပြောကြားခဲ့သည်။

    မွတ်စ်လင်မ် ပရဟိတဒါနလုပ်ငန်း၏ ကြိုးပမ်းမှုများသည် မွတ်စ်လင်မ်များ နှင့် ဟိန္ဒူများအကြားရှိအတားအဆီးများကို ရိုက်ချိုးခဲ့ကာ၊ ဆက်ဆံရေးအသစ်တစ်ခုကို တည်ဆောက်ပေးနိုင်ခဲ့သည်။

    ၂၀၀၂ ခုနှစ်၊ ရထားတစ်စီးမီးလောင်မှုတွင် ဟိန္ဒူဘုရားဖူးသေဆုံးရခြင်းအပေါ် မွတ်စ်လင်မ်များကြောင့်ဟုဆိုကာ ဟိန္ဒူလူရမ်းကားတစ်စုမှ  မွတ်စ်လင်မ်ပေါင်း ၂၀၀၀ ကျော်ကို အပိုင်းပိုင်းခုတ်ကာ မီးရှို့သတ်ဖြတ်ခဲ့သည်။ သို့သော်လည်း နောင်သောအခါမှ ၄င်းသည် မတော်တဆ မီးလောင်ကျွမ်းမှုဟူ၍ စုံစမ်း သိရှိခဲ့ကြသည်။

    ပြည်နယ် ၀န်ကြီးချုပ် မိုဒီ(Modi) နှင့် သူ၏ ကယ်ဆယ်ရေးများ၏ ညွန်ကြားချက်များကို မလိုက်နာပဲ မွတ်စလင်များအား ကောင်းစွာ အကာအကွယ် မပေးခဲ့ကြသော ရဲတို့ကို နိုင်ငံတော်နှင့်ပြည်နယ်အဆင့် စုံစမ်းစစ်ဆေးမှုမှ ပြစ်တင်ရှုတ်ချခဲ့သည်။ အဆိုးဝါးဆုံး ချိုးနှိမ်အကြမ်းဖက်မှုတစ်ရပ် အိန္ဒိယတွင် ပေါ်ပေါက်စေခဲ့၍ ဖြစ်၏။

    ၂၀၁၂ ခုနှစ်၊ သြဂုတ်လတွင် အိန္ဒိယ တရားရုံးတော်သည် BJP ပါတီ၏ ပြည်နယ်ဝန်ကြီးချုပ်ဟောင်းအား ထောင်ဒဏ် ၂၈ နှစ်ကျခံစေခဲ့သည်။

    အပြန်အလှန်သဟဇာတဖြစ်ရေး

    ဂိုဒ်ဟ်ရာအခြေစိုက် မွတ်စ်လင်မ် ပရဟိတဒါနအဖွဲ့အစည်းသည် ၂၀၀၂ ခုနှစ် ဂူဂျာရဒ် အဓိကရုဏ်းပြီးနောက် ဒေသတွင်း၌ ပျောက်ဆုံးသွားသော အပြန်အလှန်သဟဇာတဖြစ်ရေးကို သိမ်မွေ့သောနည်းလမ်းဖြင့် ပြန်လည်တည်ဆောက်ကြိုးပမ်းလျက်ရှိသည်။

    “ဒီအပြန်အလှန်သဟဇာတဖြစ်မှု (Sadbhavna) က အသိုင်းအ၀ိုင်းနှစ်ခုကြားမှာ သံယောဇဉ်နှောင်ကြိုးမချည်နှောင်ခဲ့ယင် အလှမ်းဝေးနေဦးမယ်လို့ ကျွန်မ ပြောရဲတယ် ” ဟု စင်ဒ်ီက ဆိုသည်။

    “အမျိုးသမီးများ၊ အထူးသဖြင့် မုဆိုးမတွေဟာ ကျွန်တော်တို့လူ့အဖွဲ့အစည်းထဲမှာ လျစ်လျူရှုခံနေကြရတယ်။ သူတို့ကို ဂုဏ်ရှိတဲ့ဘ၀တစ်ခုကို ပေးအပ်နိုင်အောင် အကူအညီပေးဖို့လိုအပ်တယ်လေ။  ဟိန္ဒူ မုဆိုးမများကို ကျွန်တော်တို့ ဆက်လက်ထောက်ပံ့သွားဦးမှာပါ ” ဟု ကူညီပံ့ပိုးသူများက ဆိုသည်။

    ထောက်ပံ့ရေးပွဲသို့တက်ရောက်ခဲ့သော ဒါဟိုဒ် (Dahod) မှ လူ့အဖွဲ့အစည်းခေါင်းဆောင် နာလင်ဘတ် (Nalin Bhatt) မှ အလားတူအမြင်မျိုးဖြင့် “ ဒါဟာ မွတ်စ်လင်မ်တွေဖက်က ငြိမ်းချမ်းစွာအတူယှဉ်တွဲနေထိုင်လိုတဲ့ လက္ခဏာတစ်ရပ်ပါပဲ။  ဟိန္ဒူများအနေနဲ့လည်း အဲ့ဒီအတိုင်း ပြန်လည်သဘောထားကြမယ်လို့ ကျွန်တော်မျှော်လင့်ပါတယ်။ ဂိုဒ်ဟ်ရာမှာ လူ့အဖွဲ့အစည်းနှစ်ခုလုံး ထာဝစဉ်ယှဉ်တွဲနေထိုင်လာတာ ကြာခဲ့ပြီပဲ” ဟူ၍ ပြောကြားသွားခဲ့သည်။

    ဟင်ဒူအများစုဖြစ်သော အိန္ဒိယနိုင်ငံတွင်  မွတ်စ်လင်မ်လူဦးရေ သန်း ၁၄၀ ရှိသည်။ မွတ်စ်လင်မ်များသည် သူတို့ဘ၀ တစ်လျှောက်လုံး ခွဲခြားဆက်ဆံခြင်းခံခဲ့ရသည် ဟု ငြီးတွားလျက်ရှိကြသည်။

    ဂူဂျာရဒ်၌ မွတ်စ်လင်မ်များသည် ၁၀ ရာခိုင်နှုန်းမျှသာရှိသော်လည်း၊ အချို့ဒေသများနှင့် ကခ်ျ (Kutch)၊ အာမဒ်ဒါဘဒ် (Ahmedabad) နှင့် ဘာရူခ်ျ(Bahruch) စသည့် ရှိ ပါလီမန် ဒေသသုံးခုတွင်မူ  မွတ်စ်လင်မ် ဦးရေ ၁၆ မှ ၁၇ ရာခိုင်နှုန်းထိ နေထိုင်ကြသည်။

    အိန္ဒိယရှိ မွတ်စ်လင်မ်များသည် မိမိတို့၏ ဘာသာရေးကို သတင်းဌာနများ နှင့် အာဏာပိုင်များက သွားပုပ်လေလွင့် ပြောဆိုတတ်ကြကြောင်း၊ မွတ်စ်လင်မ်တို့မှာ ရာဇ၀င်နှင့်ချီလျက် အလေးမထားခံရကြောင်း ဟု ပြစ်တင်ထားကြသည်။

    Ref: OnIslam

  • အိန္ဒိယနိုင်ငံတွင် ပထမဆုံး မှန်ဖြင့် တည်ဆောက်ထားသော ဗလီ  ဖွင့်လှစ်

    အိန္ဒိယနိုင်ငံတွင် ပထမဆုံး မှန်ဖြင့် တည်ဆောက်ထားသော ဗလီ ဖွင့်လှစ်

    အောက်တိုဘာ၊ ၂၀ ၊ ၂၀၁၂
    M-Media
    Source: OnIslam

    ဗလီကြီး၏ နေ့ဘက်အလှ

    အိန္ဒိယနိုင်ငံ Meghalaya မြောက်ပိုင်းဒေသမှာ မှန်နှင့် တည်ဆောက်ထားတဲ့ ဗလီ တစ်လုံးကို ဖွင့်လှစ်လိုက်ပါတယ်။ အဆိုပါဗလီဝတ်ကျောင်းတော်ဟာ မြောက်ပိုင်း မဟာလယာပြည်နယ်ရဲ့ အကြီးဆုံးဗလီ ဖြစ်သွားပါပြီ။  အဲဒီဗလီကို အံ့သြ ချီးမွမ်းဖွယ်ကောင်းလောက်တဲ့ စွဲဆောင်မှုရှိတဲ့ ဗလီဝတ်ကျောင်းတော်ဟာ ရာပေါင်း များစွာသော ကမ္ဘာလှည့်ခရီးသည်တွေကို စွဲဆောင်နိုင်လိမ့်မယ်လို့ မျှော်လင့်ရပါတယ်။

    ဒီဗလီကြီးပာာ ဘာသာပေါင်းစုံ စုစည်းညီညတ်မှု ရဲ့အမှတ်အသား ဖြစ်လာမယ်” လို့ လူနည်းစုရေးရာ ပြည်ထောင်စုဝန်ကြီး H Pala က Times of India သတင်းစာကိုပြောပါတယ်။ ဗလီကြီးရဲ့ ခမ်းနားမှုနှင့် စိတ်ငြိမ်းချမ်းမှုကို ပေးစေနိုင်မှုကိုလည်း Pala က မီးမောင်း ထိုးပြသွားပါတယ်။
    ဗလီကြီးက မဒီနာဗလီ လို့ အမည်ရပြီး Meghalaya ပြည်နယ်ရဲ့ မြို့တော် SHillong မြို့မှာ ဆောက်လုပ်ထားပါတယ်။

    Umshyrpi မြစ်ကမ်းတစ်လျှောက်မှာဆောက်လုပ်ထားတဲ့ အဆိုပါ ဗလီကြီးဟာ ၄ထပ်ရှိပြီး အမြင့်ပေ ၁၂၀ ရှိတဲ့အပြင် အောက်ခြေအကျယ်အ၀န်းက ၆၁ ပေကျယ်ပါတယ်။ ဒီဗလီဟာ Meghalaya ပြည်နယ်ရဲ့ မြို့တော်ဖြစ်တော်ဖြစ်တဲ့ Shillong  မြို့မှာ တည်ဆောက်ထားခြင်းဖြစ်ပြီး အိန္ဒိယ နိုင်ငံမှာ ပထမဆုံးသော မှန်နဲ့ တည်ဆောက်ထားတဲ့ ဗလီပဲဖြစ်ပါတယ်။

    ညဘက်အချိန်တွေမှာ ဗလီကြီးရဲ့ ဖန်သားတွေက ဖိတ်ဖိတ်တောက် ၀င်းလက် တောက်ပလာတတ်တယ်။ အဲဒီနယ်တစ်ဝိုက်မှာ အကြီးဆုံးဗလီဖြစ်တဲ့ ပေ ၁၂၀ မြင့်တဲ့  မဒီနာ ဗလီကြီးမှာ အမျိုးသမီးတွေကို ၀တ်ပြုဖို့ ခွင့်ပြုထားသလို မိဘမဲ့ဂေဟာကိုလဲ ထားရှိပေးထားပါတယ်။

    ဗလီကြိး၏ ညဘက် မီးရောင်များတွင် လှပနေပုံ

    ဒီဗလီကြီးထဲမှာ ဘာသာရေးဋ္ဌာန(Institution)တစ်ခုလည်း ပါဝင်မှာဖြစ်ပြီး အစ္စလာမ်နည်းကျ သင်ကြားမှာ ဖြစ်ပါတယ်။ စာကြည့်တိုက်မှာတော့ ဘာသာပေါင်းစုံကို နှိုင်းယှဉ်လေ့လာ နိုင်မယ့် စာအုပ်မျိုးစုံ ထားရှိမှာပါ။

    ဖွင့်ပွဲ အခမ်းအနား တက်ရောက်ခဲ့တဲ့ Shillong Muslim Union ရဲ့ ဥက္ကဌ ဖြစ်သူ ဥပဒေပြုအမတ်တယောက်ဖြစ်တဲ့ Syeedullah Nongrong  က “ဗလီကြီးဟာ ကမ္ဘာ့ခရီးသွားတွေကို ဆွဲဆောင်နိုင်လိမ့်မယ်” လို့ ပြောကြားချီးမွမ်းသွားပါတယ်။

    အိန္ဒိယလူဦးရေ သန်း (၁၁၀၀) တွင် မွတ်စလင်မ်ဦးရေ သန်းပေါင်း ၁၆၀ ရှိတဲ့ အိန္ဒိယဟာ အင်ဒိုနီးရှားနဲ့ ပါကစ္စတန်ပြီးရင် ကမ္ဘာ့တတိယ မွတ်စလင်မ် အများဆုံးရှိတဲ့ နိုင်ငံဖြစ်ပါတယ်။

    အိန္ဒိယ မွတ်စလင်မ်တွေဟာ ဆယ်စုနှစ်ပေါင်းများစွာ လူမှုရေးနဲ့ စီးပွါးရေးဆိုင်ရာ ဖိနှိပ်ချုပ်ချယ်မှုတွေ၊ လျစ်လျူရှုမှုတွေနဲ့ အတော်လေး ခံစားခဲ့ရပါတယ်။ သူတို့ကို စီးပွါးရေးလုပ်ငန်းခွင်တွေမှာ နေရာမပေးဘဲဆက်ဆံခံရခြင်း၊ ပညာရေး အဆင့်နိမ့်ပါးစေခြင်းတို့ကြောင့် အလုပ်လက်မဲ့ဦးရေ မြင့်မားလာရခြင်းတို့ကို ရင်ဆိုင်နေရပါကြောင်း သိရပါတယ်။