News @ M-Media

Tag: iPhone

  • တရုတ်ပြည်မှ စုံတွဲ iPhone ဝယ်ရန် သမီးမိန်းကလေးငယ်ကိုရောင်းချ

    M-Media
    အောက်တိုဘာလ ၁၉ ရက်၊ ၂၀၁၃

    0f5b3fb4ebde9a6b9a69d4945449a437cb783ea8-196259aတရုတ်အမျိုးသားစုံတွဲငယ်တို့ဟာ Apple ကုမ္ပဏီထုတ် iPhone ကိုဝယ်ယူရန် အတွက် သူတို့ရဲ့ သမီးငယ်ကလေးကို ရောင်းချခဲ့တာကြောင့် ရာဇဝတ်မှုနဲ့ရင် ဆိုင်နေရတယ်လို့ နိုင်ငံပိုင် မီဒီယာက သောကြာနေ့ကပြောဆိုခဲ့ပါတယ်။

    ရှန်ဟိုင်းကရှေ့နေ့အဖွဲ့တစ်ခုဟာ ဒီစုံတွဲငယ်တို့ သူတို့သမီးမိန်းကလေးကို အွန်လိုင်း မှာ တရားမဝင်မွေးစားဖို့ ကမ်းလှမ်းခဲ့ပြီး ဒီအတွက်ငွေကြေး လက်ခံခဲ့ တဲ့အတွက် လူကုန်ကူးမှုနဲ့စွဲချက်တင်ခဲ့ပါတယ်လို့ လွတ်လပ်တဲ့နေ့စဉ်သတင်း (Liberation Daily) ကဖော်ပြခဲ့ပါတယ်။

    အမည်နာမည်အပြည်အစုံမဖော်ပြထားတဲ့ ကလေးအမေဖြစ်သူဟာ ရရှိတဲ့ငွေကြေးနဲ့ Apple iPhone၊ တန်ဖိုးကြီး အားကစားရှုးဖိနပ်နဲ့ အခြားအသုံး အဆောင်ပစ္စည်းတွေဝယ်ယူခဲ့တယ်လို့ စုံစမ်းစစ်ဆေးသူတွေတွေ့ရှိခဲ့ကြပါတယ်။

    တရုတ်ပြည်မှာ Apple ကုန်ပစ္စည်းတွေဟာ အလွန်အမင်းကျော်ကြားလှပြီး ယမန်နှစ်က တရုတ် ဆယ်ကျော်သက်လူငယ်တစ်ဦးဟာ သူ့ရဲ့ကျောက်ကပ် ကို ထုတ်ရောင်းခဲ့ပြီး ရရှိတဲ့ပိုက်ဆံနဲ့ iPhone နဲ့ iPad တွေဝယ်ယူဖို့အသုံးပြုခဲ့ပါသေးတယ်။

    ဒါပေမယ့် စုံတွဲငယ်ဟာ သူတို့မှာ ကလေးနှစ်ယောက်ရှိပြီးဖြစ်တာကြောင့် အခုကလေးငယ်ကို သူတို့တတ်နိုင်တာထက် ပိုကောင်းမွန်တဲ့ ကြီးပြင်းတဲ့ အနေအထား ကို ရရှိစေချင်လို့ဖြစ်ကြောင်း ရဲဌာနကိုပြောကြားခဲ့ပါတယ်။

    ” ကလေးကို ပေးပစ်တာဟာ ကိုယ့်အကျိုးအတွက်ပဲမဟုတ်ပါဘူး၊ သူကို့ပိုကောင်းတဲ့ အာမခံချက်ရစေချင်လို့ပါ။” လို့ တစ်ယောက်ပြောပါတယ်။

    ကျေးလက်ဒေသက အချို့တရုတ်လူမျိုးတွေဟာ သမီးမိန်းကလေးထက် သားယောက်ျားလေးကို ပိုမိုနှစ်သက်တဲ့ အစဉ်အလာရှိပေမယ့် ယခုကိစ္စ မှာတော့ ကလေးငယ်ရဲ့ မိန်းကလေးဖြစ်မှု(လိင်)ဟာ အကြောင်းအရင်းဖြစ်တယ်လို့တော့ သတင်းကမဖော်ပြထားပါဘူး။

    အွန်လိုင်းပေါ်မှာတော့ ဒီစုံတွဲကိုအပြစ်တင်ကြပြီး တစ်ချို့ကတော့ ခေတ်ပေါ်ပြောင်းလဲလာတဲ့ တရုတ်လူမှုဝန်းကျင်နဲ့ ဓနဥစ္စာနောက်အလွန်အမင်း လိုက် မှုပေါ်သရော်လှောင်ပြောင် မှုတွေပြုလုပ်ခဲ့ပါတယ်။

    ” အတော်သွေးအေးတာပဲ၊ ဒီလူတွေ မိဘမဖြစ်သင့်ဘူး !” လို့ ဘလော့ဂါ ဝန်ဇန်းဆိုသူက သူ့ရဲ့ဘလော့တစ်ခုမှာ ရေးသားထားပါတယ်။

    ” စီးပွားရေး နည်းလမ်းကောင်း တစ်ခု၊ အရင်းနှီးမလိုဘူး၊ အမြတ်အများကြီးရတယ်၊ ကျောက်ကပ်ရောင်းစရာမလိုဘူး ” စသဖြင့် နောက်ဘလော့ တစ်ခုရေးသားပါတယ်။

    တရားစွဲဆိုတဲ့ အဖွဲ့အစည်းကတော့ အဖြစ်အပျက်နဲ့ဆက်စပ်လို့ မလိုလားအပ်တာတွေဖြစ်မှာစိုးရိမ်တာကြောင့်တစ်စုံတစ်ရာပြောဆိုခြင်း မရှိသေးပါ ဘူး။

    စုံတွဲဟာ ကလေးငယ်အတွက် ငွေကြွေးဘယ်လောက်ရခဲ့တယ်ဆိုတာ သတင်းမှာ မဖော်ပြထားပေမယ့် အွန်လိုင်း ပိုစ့်တွေအရ ယွမ် သုံးသောင်း ( ဒေါ်လာ ၄၉၀၀ ) နဲ့ ယွမ် ငါးသောင်း (ဒေါ်လာ ၈၂၀၀) ဖော်ပြချက်တွေကို တွေ့ရပါတယ်။

    Apple ကုမ္ပဏီဟာ လွန်ခဲ့တဲ့လက iPhone 5S ကို ဖြန့်ချီခဲ့ပြီး အဲ့ဒီထဲမှာ ရွှေရောင် မော်ဒယ်အမျိုးအစားနဲ့ ပိုဈေးသက်သာတဲ့ iPhone 5C အမျိုးအစား တို့လည်းပါဝင်ခဲ့ပါတယ်။

    Source AFP

  • မွတ်စလင်များ လေယာဉ်ပေါ်တွင် ဝတ်ပြုရန် အကူအညီပေးမည့် iPhone App စင်္ကာပူကုမ္ပဏီမှ ဖြန့်ချီ

    သြဂုတ်-၁၄။ ၂၀၁၃

    M-Media

    စင်္ကာပူအခြေစိုက် လေကြောင်းခရီးသွားလာရေးကုမ္ပဏီတစ်ခုက ခရီးသွားလာတဲ့မွတ်စလင်တွေ လေယျာဉ်ပေါ်မှာ ဝတ်ပြုချိန်တွေ သိရှိဖို့နဲ့ ဝတ်ပြုရာမှာ မျက်နှာမူရာအရပ်သိရှိနိုင်ဖို့အတွက် iPhone Application တစ်ခုကိုဖြန့်ချီလိုက်ပါတယ်။ လေယျဉ်ဟာမြေပြင်ကနေအမြင့် ပေပေါင်း သုံးသောင်း ငါးထောင် အထက်မှာရှိနေတဲ့ အချိန်မှာလည်း ဒီ Application ကို  ဆက်လက်အသုံးပြုနေနိုင်မှာဖြစ်ပါတယ်။

    muslim-prayer-app

    ခရီးသွားသူဟာ လေယျာဉ်ခရီးစဉ်အသေးစိတ်ကို ထည့်သွင်းပြီးတဲ့အခါမှာ ဒီ Application က ခရီးစဉ်အတွင်း ဝတ်ပြုရမယ့် အချိန်တွေသာမက မွတ်စလင်တွေရဲ့ မြင့်မြတ်တဲ့မြို့တော်ဖြစ်တဲ့ မက္ကာမြို့တော်ရဲ့ ဦးတည်ရာဘက်ကိုလည်း တွက်ချက်ဖော်ပြပေးမှာဖြစ်ပါတယ်။

    Crescentrating အမည်ရှိတဲ့ဒီ ကုမ္ပဏီက အစ္စလာမ်ဘာသာဝင်တွေနဲ့ ကိုက်ညီတဲ့ (ဟာလာလ်) ဟိုတယ်တွေ၊ အခြား ခရီးသွားလာရင်း ရပ်နားစရာနေရာတွေရဲ့ အချက်အလက်ကိုဖော်ပြတဲ့ ဒီ iPhone Application – Crescent Trips (လခြမ်းခရီး) ကို Android ဖုန်းတွေမှာလည်း လအနည်းငယ်အတွင်း အခမဲ့ရယူနိုင်အောင် စီစဉ်သွားမယ်လို့ ကုမ္ပဏီရဲ့ အမှုဆောင်ချုပ် ဘဟာဒင်း ကပြောဆိုပါတယ်။

    ဒီ Crescent Trip application မှာ နေ့စဉ်ငါးကြိမ်ဝတ်ပြုလေ့ရှိတဲ့ မွတ်စလင်တွေအတွက် ဝတ်ပြုစဉ်အတွင်းရွတ်ဆိုရမယ့် ကျမ်းစာတွေရဲ့ အသံဖိုင်နဲ့ ခရီးသွားလာတဲ့အခါ ရွတ်ဆိုရမယ့် ဆုတောင်းစာတွေရဲ့ အသံဖိုင်တွေ၊ အဓိပ္ပာယ်တွေကိုလည်း ထည့်သွင်းထားပါတယ်။

    မွတ်စလင်ခရီးသွားတွေဟာ ယနေ့ခရီးသွားဈေးကွက်ထဲမှာ များပြားတဲ့အရေအတွက်ရှိနေပေမယ့် သူတို့ကို ဆွဲဆောင်မှုတွေသိပ်မရှိသေးဘူးလို့ Crescentrating ကုမ္ပဏီရဲ့ လည်ပတ်မှုဆိုင်ရာ အမှုဆောင်အရာရှိချုပ် ဒန်နီ ဘိုးလ်ဒက်ကဆိုပါတယ်။

    ” မွတ်စလင်တွေရဲ့ ခရီးသွားလာမှုကို အလားအလာကောင်းတဲ့ဈေးကွက်အဖြစ်နဲ့ ကြီးကျယ်တဲ့ဝေစုအနေနဲ့ ဂရုပြုထောက်ပံ့တာတွေနည်းနေသေးတယ်။ ”

    မွတ်စလင်ခရီးသွားတိုးရစ် တွေရဲ့ ကမ္ဘာလုံးဆိုင်ရာ ငွေကြေးသုံးစွဲမှုတွေက အလျှင်အမြန်တိုးတက်နေပြီး ၂ဝ၁၁ ခုနှစ်မှာ သန်းထောင်ပေါင်း ၁၂၆ ဒေါ်လာကနေ ၂ဝ၂ဝ ခုနှစ်မှာ သန်းထောင်ပေါင်း ၁၉၂ ဒေါ်လာဖြစ်လာလိမ့်မယ်လို့ စင်္ကာပူ အခြေစိုက် Crescenting ကုမ္ပဏီနဲ့ မွတ်စလင်တွေရဲ့ လူနေမှုဘဝတွေကို လေ့လာနေတဲ့ အမေရိကန်အခြေစိုက် ကုမ္ပဏီ Dinar Standard တို့ မနှစ်က ထုတ်ပြန်တဲ့ လေ့လာချက်တွေမှာဖော်ပြထားပါတယ်။