News @ M-Media

Tag: Isalam in japan

  • အစ္စလာမ်ဘာသာဝင်များ အလွယ်တကူဝတ်ပြုနိုင်မည့် ဂျပန်က ရွေ့လျားဗလီ 

    အစ္စလာမ်ဘာသာဝင်များ အလွယ်တကူဝတ်ပြုနိုင်မည့် ဂျပန်က ရွေ့လျားဗလီ 

    ဇူလိုင် ၂၆၊ ၂၀၁၈
    M-Media

    – ဂျပန်နိုင်ငံအလယ်ပိုင်းက အားကစားကွင်းတစ်ခု အပြင်ဘက်မှာ ရပ်ထားပြီး အဖြူရောင်နဲ့ အပြာရောင် စပ်ထားတဲ့ ထရပ်ကားကြီးတစ်စီးဟာ တစ်ဖြည်းဖြည်းနဲ့ ၀တ်ပြုရာနေရာတစ်ခု ဖြစ်လာပါတယ်။

    ဒါဟာ ရွေ့လျား ဗလီဝတ်ကျောင်းတော်တစ်လုံး ဖြစ်ပါတယ်။

    ၂၀၂၀ အိုလံပစ် အားကစားပြိုင်ပွဲအတွက် ကမ္ဘာတစ်ဝှမ်းက ဧည့်သည်တွေကို ကြိုဆိုဖို့ ပြင်ဆင်နေတဲ့အချိန် တိုကျိုအခြေစိုက် အားကစားနဲ့ ယဉ်ကျေးမှုအခမ်းအနား ကျင်းပပေးတဲ့ ကုမ္ပဏီတစ်ခုဟာ မွတ်စလင် ခရီးသွားတွေ အဆင်ပြေစေဖို့အတွက် ထရပ်ကားနဲ့ ရွေ့လျားဗလီကို ဖန်တီးပေးခဲ့ပါတယ်။

    အဲဒီစီမံကိန်းကို Yasu Project လို့ခေါ်ပြီး စီမံကိန်းစီအီးအို ယာဆူဟာရူ အီနိုယူက ၂၀၂၀ မှာ ဧည့်သည်တွေလာတဲ့အချိန် ဗလီတွေမလောက်မယ့်ကိစ္စဟာ နိုင်ငံတကာအသိုင်းအ၀ိုင်းရဲ့ အစိတ်အပိုင်းတစ်ခုဖြစ်ရေး နိုင်ငံအတွက် စိုးရိမ်စရာဖြစ်နေတယ်လို့ ပြောကြားခဲ့ပါတယ်။ သူ့ရဲ့ ရွေ့လျားဗလီတွေဟာ လိုအပ်ရင်လိုအပ်သလို တခြား အိုလံပစ်ကွင်းတွေဆီ သွားရောက်နိုင်မယ်လို့လည်း ဆိုပါတယ်။

    “ပွင့်လင်းပြီး ဖော်ရွေတဲ့ ကျွန်တော်တို့နိုင်ငံဟာ ကျွန်တော်တို့ရဲ့ ဖော်ရွေပျူငှာမှုကို မွတ်စလင်တွေကိုလည်း မျှဝေခံစားချင်ပါတယ်” လို့ အီနိုယူက ပြောကြားခဲ့ပါတယ်။

    ရွေ့လျားဗလီတွင် ၀တ်ပြုနေကြစဉ်

    ပထမဆုံးရွေ့လျားဗလီကို အခုတစ်ပတ်အစောပိုင်းက တိုယိုတာမြို့ ‘တိုကျိုအားကစားကွင်း’ ရှေ့မှာ စတင်အသုံးပြုခဲ့ပါတယ်။ တိုယာတာမြို့ဟာ နာမည်ကျော် တိုယိုတာကားကုမ္ပဏီ ဌာနချုပ်တည်ရှိရာမြို့လည်း ဖြစ်ပါတယ်။

    ၂၅ တန် ထရပ်ကားကို အသွင်ပြောင်းထားတဲ့ အဲဒီ ရွေ့လျားဗလီက ကားတံးခါးကိုဖွင့်ပြီး ဘေးအကာတွေကို ဖြန့်ချလိုက်တဲ့အခါမှာ လူ ၅၀ လောက် ၀တ်ပြုနိုင်တဲ့ ၄၈ စကွဲယားမီတာအကျယ် အခန်းတစ်ခု ဖြစ်သွားပါတယ်။

    ၀တ်ပြုဆုတောင်းမှုကို ကားထဲမှာ ပြုလုပ်ရမှာဖြစ်ပြီး ၀တ်မပြုခင် ကိုယ်လက် ဆေးကြောသန့်စင်မှုကို ကားရဲ့အပြင်ဘက်မှာ စီစဉ်ပေးထားပါတယ်။

    ၂၀၀၄ ခုနှစ် အိန္ဒိယသမုဒ္ဒရာက ဆူနာမီဒဏ် ခံစားခဲ့ရတဲ့ အင်ဒိုနီးရှားကျောင်းသားတွေဟာ ဒီ ရွေ့လျားဗလီဖွင့်ပွဲမှာ ပါဝင်ခဲ့ကြပါတယ်။

    “ဒီရွေ့လျားဗလီဟာ ဂျပန်မွတ်စလင်တွေအတွက်ပဲဖြစ်ဖြစ်၊ ခရီးသွားတွေအတွက်ပဲဖြစ်ဖြစ် အင်မတန်မှ အရေးပါပါတယ်။ ကျွန်မရဲ့သူငယ်ချင်းတွေကို မြင်စေချင်ပါတယ်” လို့ အသက် ၁၄ နှစ်အရွယ် နူရ်အဇီဇာက ပြောကြားခဲ့ပါတယ်။

    ဂျပန်မှာ အစ္စလာမ်ဘာသာဝင်ဦးရေဟာ ၁ သိန်းကနေ ၂ သိန်းလောက်အထိ ရှိမယ်လို့ ခန့်မှန်းရပါတယ်။

    ဂျပန်ဧည့်သည်တစ်ယောက်ဖြစ်တဲ့ တာဆူယာ ဆာကာဂူချီက ရွေ့လျားဗလီဟာ ကမ္ဘာ့တစ်ဝှမ်းက လူတွေရဲ့အမြင်ကို ဖွင့်ပေးရာမှာ အကူအညီဖြစ်လိမ့်မယ်လို့ မျှော်လင့်နေပါတယ်။

    “ဗလီထဲကလူတွေကို အပြင်ကနေကြည့်လိုက်ရင် သူတို့ တော်တော်ပျော်ရွှင်နေတယ်ဆိုတာ တွေ့ရမှာပါ” လို့ အိုဆာကာအခြေစိုက် လက်ကားကုမ္ပဏီတစ်ခုက ကိုယ်စားလှယ် ဆာကာဂူချီက ပြောပါတယ်။

    အီနိုယူဟာ လွန်ခဲ့တဲ့ ၄ နှစ် ကာတာကို သွားရောက်စဉ်မှာ ဒီစီမံကိန်းအတွက် စိတ်ကူးရခဲ့တယ်လို့ ပြောကြားခဲ့ပါတယ်။

    အစပိုင်းမှာ သူဟာ ဂျပန်နဲ့ နိုင်ငံခြားက အားကစားပွဲတွအတွက် ဒီစီမံကိန်းကို ရည်ရွယ်ဖန်တီးခဲ့တာပါ။ ဒါပေမယ့် အခုတော့ ဒီရွေ့လျားဗလီတွေဟာ ဘာသာရေးအဆောက်အဦး လစ်ဟာမှုကို ဖြည့်ဆည်းပေးထာထက် ပိုပြီး အဓိပ္ပါယ်ရှိလိမ့်မယ်လို့ မျှော်လင့်နေပါတယ်။

    “အင်ဒိုနီးရှား၊ မလေးရှား၊ အာဖရိက၊ အရှေ့အလယ်ပိုင်းကလူတွေ၊ ဆီးရီးယားက ဒုက္ခသည်တွေဟာ ဒီလို ရွေ့လျားဗလီတွေကို ကမ္ဘာကြီးငြိမ်းချမ်းမှုကို မြှင့်တင်ဖို့အတွက် အသုံးပြုနိုင်မယ်ဆိုရင် ကျွန်တော် တော်တော်လေး ပျော်ရွှင်မိမှာပါ”

    Ref: Aljazeera

  • ဂျပန်နိုင်ငံမှာ ခိုင်မာ တိုးတက်လာတဲ့ အစ္စလာမ်သာသနာ

    ဂျပန်နိုင်ငံမှာ ခိုင်မာ တိုးတက်လာတဲ့ အစ္စလာမ်သာသနာ

    နိုဝင်ဘာ ၂၈ ၊ ၂၀၁၄
    M-Media

    516px-Tokyo_Camii_2009
    တိုကျိုမြို့မှ ဗလီဝတ်ကျောင်းတော်

    – ကမ္ဘာ့အရှေ့ဖျားရှိ ဂျပန်နိုင်ငံသို့ လွန်ခဲ့သည့် နှစ်ပေါင်း ၄၀ ကျော်က ရောက်ရှိလာခဲ့သည့် အီဂျစ်ရှေ့ဆောင် ဆရာတော်တစ်ပါးက စစ်မှန်သည့် အစ္စလာမ့်ပုံရိပ်များ၏ အကျိုးကျေးဇူးကြောင့် အစ္စလာမ်သာသနာမှာ ဂျပန်နိုင်ငံတွင် အမြစ်တွယ်လာခဲ့သည်ဟု ပြေကြားလိုက်သည်။

    `ကျွန်တော့်ဆီမှာပဲ အစ္စလာမ်သာသနာကို သက်ဝင်ယုံကြည်လာသူ ၆၀၀ လောက်ရှိပါတယ်´ ဟု ဂျပန်နိုင်ငံ ကိုဘေးမြို့ရှိ ဗလီဝတ်ကျောင်းတော်တစ်လုံးမှ ရှေ့ဆောင်ဆရာတော် မိုဟ်ဆန် ဘာယူမီက ပြောကြားခဲ့သည်။

    ဘာယူမီမှာ ၁၉၆၄ ခုနှစ်တွင် ကိုင်ရိုမြို့ဆင်ခြေဖုံး၌ မွေးဖွားခဲ့ပြီး ဖခင်၏ သွန်သင်မှုအောက်တွင် အသက် ၉ နှစ်အရွယ်၌ ကုရ်အာန်ကျမ်းတော်မြတ်တစ်အုပ်လုံးကို အာဂုံဆောင်နိုင်သူ တစ်ဦး ဖြစ်လာခဲ့သည်။

    nn20101114f1a
    တိုကျိုမြို့မှ ဗလီဝတ်ကျောင်းတော်အတွင်း ဝတ်ပြုနေသည့်ဂျပန် မွတ်စလင်များ

    ၂၀၀၀ ခုနှစ်တွင် ဘာယူမီမှာ အစ္စလာမ့်ဓမ္မပညာဆိုင်ရာ အကြီးဆုံးကျောင်းတော်များမှ တစ်ခုဖြစ်သည့် အီဂျစ်ရှိ အလ်-အဇ်ဟရ်တက္ကသိုလ်မှ ဘွဲ့ရခဲ့ပြီး ကိုဘေးရှိ ဗလီဝတ်ကျောင်းတော်တစ်ခုတွင် ရှေ့ဆောင်ဆရာတော်အဖြစ် တာဝန်ထမ်းဆောင်ရန် ဂျပန်နိုင်ငံသို့ ရောက်ရှိလာခဲ့သည်။

    ထိုကဲ့သို့ ရောက်ရှိလာစဉ်အချိန်က ဂျပန်နိုင်ငံမှာ ဒုတိယကမ္ဘာစစ်ပြီးနောက် စီးပွားရေး လျှင်မြန်စွာ ဖွံ့ဖြိုးလာသည့် နိုင်ငံအဖြစ် သိရှိသည်မှလွဲ၍ ဂျပန်နိုင်ငံနှင့်ပတ်သက်သမျှ အနည်းငယ်သာ ဘာယူမီက သိရှိထားသည်။

    ကမ္ဘာစစ်ပြီးနောက်တိုင်း ဂျပန်နိုင်ငံတွင် ဗလီဝတ်ကျောင်းတော် အနည်းငယ်သာရှိပြီး ထိုဗလီဝတ်ကျောင်းများတွင် ၁၉၃၅ ခုနှစ် ကိုဘေးမြို့၌ တည်ဆောက်ခဲ့သော ဗလီဝတ်ကျောင်းတော်မှာ သက်တမ်းအရင့်ဆုံး ဗလီဝတ်ကျောင်းတော်ဖြစ်သည်။

    ဘာယူမီရောက်ရှိလာသောအချိန်တွင် အစ္စလာမ်ဘာသာဝင် အနည်ငယ်သာရှိသော်လည်း ၁၀ စုနှစ်တစ်ခုအတွင်း အစ္စလာမ်ဘာသာသို့ သက်ဝင်ယုံကြည်သူဦးရေမှာ တိုးတက်လာခဲ့ပြီး ဂျပန်နိုင်ငံတွင် အစ္စလာမ်သာသနာမှာ အမြစ်တွယ်လာကာ ယခုလက်ရှိတွင် စုစုပေါင်း အစ္စလာမ်ဘာသာဝင်ဦးရေ ၁ သိန်းကျော် ရှိလာခဲ့သည်။

    ထို့ပြင် ဗလီဝတ်ကျောင်းတော်များမှာလည်း နိုင်ငံတစ်ဝှမ်း ၆၀ ခန့်ရှိခဲ့သည်။

    352px-Kobe-mosque3
    ကိုဘေးမြို့မှ ဗလီဝတ်ကျောင်းတော်

    စိန်ခေါ်မှုများ

    လွန်ခဲ့သည့်နှစ်များ အထူးသဖြင့် ၉/၁၁ အဖြစ်အပျက်ပြီးနောက်ပိုင်း အခြေအနေများမှာ လွယ်ကူမှုမရှိဟု ဘာယူမီကဆိုသည်။

    ထိုအချိန်တွင် အိုဆာကာ၌ ရှိနေသည့် ဘာယူမီမှာ အစ္စလာမ်သာသနာအား ရှုတ်ချသော ဖုန်းခေါ်ဆိုမှုများကို ရရှိခဲ့ပြီး မိမိတုန့်ပြန်သည့် စကားမှာ `ကျွန်တော်တို့မှာ ဘာမှဖုန်းကွယ်စရာ မရှိပါဘူး။ ဒီကိုလာပြီး ကျွန်တော်တို့နဲ့ စကားပြောကြည့်ပါ´ ဟူ၍သာ ဖြစ်သည်ဟု ၎င်းက ဆိုသည်။

    ထိုကဲ့သို့ တည်ငြိမ်စွာ တုန့်ပြန်မှုက မိသားစုများ၊ ပတ်ဝန်းကျင် အသိုင်းအ၀ိုင်းများကို ၎င်းတို့၏ အယူဝါဒများကို မကြည့်ဘဲ လေးစားရမည်ဟူသော အစ္စလာမ်၏ စစ်မှန်သော သင်ကြားမှုများကို လိုက်နာခြင်းလည်းဖြစ်သည်။

    ထို့နောက် ဂျပန်မိသားစုများက ၎င်းတို့၏ မိသားစု အောက်မေ့ဖွယ်အခမ်းအနားများ တက်ရောက်ရန် ဘာယူမီအား ဖိတ်ကြားခဲ့ပြီး ဘာယူမီကလည်း မိမိအနေဖြင့် ဗုဒ္ဓဘာသာ၏ ဆုတောင်းရွတ်ဖတ်မှုများတွင် ပါဝင်မည်မဟုတ်ဟူသော ချွင်းချက်ဖြင့် အဆိုပါ အခမ်းအနားသို့ သွားရောက်ခဲ့သည်။

    `မိသားစုတွေ၊ ပတ်ဝန်းကျင် အသိုင်းအ၀ိုင်းတွေနဲ့ ကောင်းမွန်တဲ့ ဆက်ဆံရေးတွေရှိဖို့ အလ္လာဟ်အရှင်မြတ်က အမိန့်ပေးထားပါတယ်´ ဟု ဘာယူမီက ပြောကြားခဲ့သည်။

    ဗလီဝတ်ကျောင်းတော်ရှိ ၀တ်ပြုဆုတောင်းမှုများကို ဦးဆောင်သည့်အပြင် ဘာယူမီမှာ ဂျပန်ဟာလာအသိအမှတ်ပြုအဖွဲ့၏ အကြီးအကဲအဖြစ်လည်း တာဝန်ထမ်းဆောင်ပြီး စားသောက်ကုန်များအား အစ္စလာမ်၏ အစားအသောက်ဆိုင်ရာ ဥပဒေများဖြင့် ညီညွတ်ခြင်း ရှိ၊ မရှိ စစ်ဆေးသော အလုပ်ကိုလည်း တစ်ဖက်တစ်လမ်းမှ ဆောင်ရွက်ပေးသည်။

    ဘာယူမီက ဂျပန်နှင့် အစ္စလာမ်သာသနာအကြား ပေါင်းကူးတံတားတစ်ခု ထိုးပေးရန် အမြဲတမ်းဆန္ဒထားသည်ဟုလည်း ဆိုသည်။

    `ညှာတာထောက်ထားမှုဟာ အပြန်အလှန်နားလည်ဖို့အတွက် အရေးကြီးတဲ့ အရာပါပဲ။ မိတ်ဆွေတွေလို လေးစားမှုမျိုးဟာ ငြိမ်းချမ်းတဲ့ လူ့အဖွဲ့အစည်းတစ်ခုကို ဖန်တီးပေးပါတယ်´ ဟု ၎င်းက ထပ်လောင်းပြောကြားခဲ့သည်။

    အစ္စလာမ်သာသနာမှာ ဂျပန်နိုင်ငံသို့ ရုရှားရှိ တာ့က်လူမျိုးများမှတစ်ဆင့် ၁၉၂၀ ပြည့်နှစ်များတွင် ရောက်ရှိလာခဲ့ခြင်းဖြစ်ပြီး လူဦးရေ ၁၂၇ သန်းရှိပြီး ကမ္ဘာ့ ဒဿမမြောက် လူဦးရေအများဆုံးဖြစ်သော ဂျပန်နိုင်ငံတွင် ယနေ့အချိန်၌ အစ္စလာမ်ဘာသာကို သက်ဝင်ယုံကြည်သူဦးရေမှာ ၁၂၀၀၀၀ ခန့်ရှိနေသည်။

    ဆက်စပ် သတင်းနှင့် ဆောင်ပါးများ ဖတ်ရန်
    —————————————–
    ဂျပန်၊ ကိုးရီးယားနှင့် စင်္ကာပူတွင် မွတ်စလင်မ် များအား ထိန်းချုပ် ကွပ်မျက်ပုံ
    http://www.m-mediagroup.com/news/16312

    အစ္စလာမ့်ပြပွဲ တစ်ခုကို ဂျပန်နိုင်ငံတွင် ပထမဆုံး အကြိမ် ပြုလုပ်
    http://www.m-mediagroup.com/news/28684

    ဟလာလ် စားသောက်ဆိုင် ရှာဖွေရန် နှင့် အစားအသောက် ဝယ်ယူနိုင်သည့် Mobile App ဂျပန်တွင်ဖြန့်ချီ
    http://www.m-mediagroup.com/news/28087

    ဂျပန်တွင် မွတ်စလင် ကျောင်းသားများအတွက် ဟာလာလ် အစားအသောက် စီစဉ်ပေးသည့် တက္ကသိုလ် ၁၉ ခုရှိလာ
    http://www.m-mediagroup.com/news/23572

    မွတ်စ်လင် ခရီးသွားတို့အား နွေးထွေးမှုဖြင့် ကြိုဆိုနေသည့် ဂျပန်လေဆိပ်များ
    http://www.m-mediagroup.com/news/22259

    ” ဂျပန်နိုင်ငံခြားရေးဌာန ဝဘ်ဆိုဒ်မှာ ဖော်ပြသော အစ္စလာမ်သာသနာ အပေါ်အမြင် ဆောင်းပါး”
    http://www.m-mediagroup.com/news/16022

    ဂျပန်နိုင်ငံ နှင့် အစ္စလာမ် သာသနာ
    http://www.m-mediagroup.com/news/11818
    http://www.m-mediagroup.com/news/4167

  • ” ဂျပန်နိုင်ငံခြားရေးဌာန ဝဘ်ဆိုဒ်မှာ ဖော်ပြသော အစ္စလာမ်သာသနာ အပေါ်အမြင် ဆောင်းပါး”

    ဇူလိုင်-၁၆၊ ၂၀၁၃
    M-Media
    မြတ်ဇော် ဘာသာပြန်သည်။
    အစ္စလာမ်နှင့် ဆက်ဆံ ရင်းနှီးမှု တိုးတက်စေခြင်း

    f3_i94   လွန်ခဲ့တဲ့နှစ်ပေါင်း ၁၅ဝဝ ခန့်အရင်ကတည်းက အစ္စလာမ်ဟာ ကမ္ဘာအနှံ့ပျံ့နှံ့နေခဲ့တာပါ။အစ္စလာမ်သာသနာကို ကမ္ဘာ့တိုက်ကြီးအားလုံး(အာရှ၊ဥရောပ၊ အမေရိက၊ အာဖရိက၊ သြစတြေးလျှ စသဖြင့်) တို့မှာ တွေ့ရပြီးနုပျိုတဲ့ စွမ်းအားတွေရှိနေဆဲပါ။ အရှေ့အလယ်ပိုင်း အစ္စလာမ်သာသနာ စတင်ခဲ့တဲ့ နေရာထက်ပြင်ပမှာ အစ္စလာမ်သာသနာဝင် မွတ်စလင်တွေကို သာပြီးတော့ တွေ့ရပါတယ်။ ကမ္ဘာ့အစ္စလာမ် လူဦးရေအများဆုံးနေရာကတော့ အာရှတိုက်ပဲဖြစ်ပါတယ်။ ၂ဝ ရာစုသတင်းအချက်အလက်နဲ့ ပို့ဆောင်ဆက်သွယ်ရေးတွေ တိုးတက်လာတာနဲ့အတူ အစ္စလာမ့် သတင်းစကားဟာလည်း သိသိသာသာတိုးတက်ပျံ့နှံ့ခဲ့ပါတယ်။ ဒါတင်မကသေးပါဘူး အစ္စလာမ်ဟာ ခရိယာန်သာသနာကို ကျော်လွန်ပြီး ကမ္ဘာမှာအထင်ကရ အဖြစ်ဆုံး ဘာသာ တစ်ခုဖြစ်လာလိမ့်မယ်လို့ ခန့်မှန်းကြပါတယ်။

    အစ္စလာမ်ဟာ အရှေ့အလယ်ပိုင်းမှာ ပေါ်ထွန်းခဲ့တဲ့ ဂျူးနဲ့ ခရိယာန်ဘာသာများနဲ့ အလွန်အမင်း နီးစပ် ဆက်စပ်လျှက်ရှိပါတယ်။ အခြားဘာသာတွေနဲ့ မိတ်ဆွေအသစ်တစ်ဦးဖြစ်တဲ့ အစ္စလာမ်ဘာသာမှာ ဗုဒ္ဓဘာသာအပါအဝင် အရင်ကိုးကွယ်ယုံကြည်မှုတွေရဲ့ အသိဉာဏ်ပညာတွေလည်း ပါဝင်နေပါတယ်။ ဒါပေမယ့် အစ္စလာမ်သာသနာဟာ ရိုးရှင်းတဲ့ ကျင့်စဉ်တွေသာပါဝင်ပြီး အထူးအဆန်း ပြာဋိဟာတွေ မပါသလောက်ပါပဲ။ ဒီအချက်တွေက လူငယ်မျိုးဆက်သစ်တွေကို ခေတ်မီနည်းပညာတွေမှာ စိတ်ဝင်စားတစားလုပ်ကိုင်လိုမှုတွေ  ဦးမော့လာစေပါတယ်။ ကျွန်မရဲ့ အင်္ဂလန်နဲ့ ဂျပန်အတွေ့အကြုံအရ ပညာတတ် လူငယ် အများအပြားဟာ အစ္စလာမ်သာသနာထဲ ကူးပြောင်းသက်ဝင်လာကြတာကိုတွေ့ရပါတယ်။

    အစ္စလာမ်မှာ ဘာသာရေးနဲ့ နိုင်ငံရေးမှာ ကူးလူးဆက်ဆံမှုတွေရှိပါတယ်။ နောက်တခြားဘာသာတွေလို လူ့သား ကယ်တင် လွတ်မြောက်မှုအတွက် ရှုပ်ထွေးတဲ့ နည်းစနစ်တွေ မထားရှိပါဘူး။ အစ္စလာမ်က လူကိုပဲဗဟိုပြုပါတယ်။ အဲ့ဒီနောက် ဘာသာရေးကို နေ့စဉ်ဘဝမှာ အသုံးချစေပါတယ်။ တစ်ခါတစ်လေမှာ အစ္စလာမ်ကို ဘာသာရေးထက် လူနေမှုပုံစံလို့ပြောရင်ရနိုင်ပါတယ်။ ဥပုသ်သီလဆောက်တည်ခြင်းကို ဂျူးဘာသာ၊ခရိယာန်ဘာသာနဲ့ ဗုဒ္ဓဘာသာတွေမှာ အရေးကြီးတဲ့အစိတ်အပိုင်းအနေနဲ့ရှိနေပေမယ့်လည်း ၂၁ ရာစုမှာ သာမန်လူတွေတက်ကြွလုံ့လရှိစွာနဲ့တစ်နှစ်မှာတစ်လ ဥပုသ်သတင်းဆောက်တည်ကြတဲ့ တစ်ခုတည်းသော သာသနာဟာ အစ္စလာမ်ပဲဖြစ်ပါတယ်။ ထုံးတမ်းစဉ်လာအပြုအမူတွေကပဲ ကျွန်မတို့အမြင်အပြုအမူတွေကို ဦးဆောင်နေတာထက် ကျွန်မတို့ဟာ သိမ်မွေ့စွာ စူးစမ်းသိရှိလိုမှုနဲ့ အစ္စလာမ်သာသနာဝင်တွေရဲ့ အဲ့ဒီလိုနေ့စဉ်ဘဝလုပ်ဆောင်မှုတွေကိုကြည့်ရှုကြရပါမယ်။

    ဂျပန်တွေဟာ အာဃာတရှိတယ်၊ အခြားယဉ်ကျေးမှုတွေကို စိတ်မဝင်စားဘူးလို့ပြောလို့ရပေမယ့် အခုအချိန်အထိ အစ္စလာမ်သာသနာရေးရာ ဆောင်ရွက်မှုတွေကို ဟန့်တားတာမျိုး၊ မွတ်စလင်တွေကို ပယ်ထုတ်တာမျိုး လုံးဝမရှိပါဘူး။ ဒါဟာ အနောက်တိုင်းနဲ့မတူတဲ့ ဂျပန်ရဲ့သဘောထားအမြင်ပဲဖြစ်ပါတယ်။ အနောက်နိုင်ငံ အချို့နေရာတွေမှာတော့ အစ္စလာမ့် ခေါင်းဆောင်း ပဝါဟာ နိုင်ငံရေးကိစ္စရပ် သဖွယ်ဖြစ်နေတယ်။ တစ်ချို့နိုင်ငံရေး သုတေသီတွေက ဂျပန်ဟာ စက်တင်ဘာ ၁၁ ရက်တိုက်ခိုက်မှုကို ခံစားရတဲ့အထဲမှာ ပါဝင်တယ်လို့ဆိုပေမယ့် အစ္စလာမ်ဆန့်ကျင်ရေး မကျေနပ်မှုလှုပ်ရှားတဲ့ လှိုင်းတွေ ဂျပန်မှာ မရှိခဲ့ပါဘူး။ ဂျပန်က ဘယ်သတင်းစာကမှ အစ္စလာမ်သာသနာကို နောက်ပြောင်စော်ကားတဲ့ ကာတွန်းတွေကိုလည်း ပုံနှိပ်ခဲ့ခြင်း မရှိပါဘူး။

    TokyoMosque
    တိုကျိုမြို့မှ ဗလီ ဝတ်ကျောင်းတော်တခု

    ဂျပန်မွတ်စလင် အရေအတွက်ဟာ သိသိသာသာတိုးတက်နေပေမယ့် အနီးအနားနေထိုင်သူတွေဟာ ဗလီလို သာသနိက အဆောက်အဦးတွေတည်ဆောက်မှုအတွက် ကန့်ကွက်တာမျိုးလည်းမရှိကြပါဘူး။ သာမန်စူးစမ်းလိုစိတ်တော့ရှိကြပါတယ်။ မူရင်းနေထိုင်သူတွေအနားမှာ လူတစ်ချို့တော့ အဆောက်အဦးတစ်ခု ဆောက်နေပြီ သူတို့ဘယ်လိုလူမျိုးတွေပါလိမ့် ဆိုတာမျိုးလောက်ပါပဲ။ ဒါပေမယ့် ဂျပန်တွေရဲ့ အိမ်နီးနားချင်းအသစ်တွေပြောင်းလာတဲ့အခါ ရှည်ကြာစွာချစ်ခင်သွားမယ့် အမှတ်လက္ခဏာအဖြစ် “ဆိုဗာခေါက်ဆွဲရှည်” နဲ့ အိမ်နီးချင်းအသစ်တွေကို တည်ခင်းကျွေးမွေးမှုကတစ်ဆင့်  ရင်းနှီးတဲ့မိတ်ဆွေတွေဖြစ်သွားကြတာပါပဲ။

    kurban-japan11

    pictures_4173581989_31b97cfc86_zဂျပန်စာသင်ကျောင်းတွေနဲ့ အလုပ်နေရာတွေဟာ မွတ်စလင် အမျိုးသမီးတွေရဲ့ခေါင်းစီး ပဝါနဲ့ပတ်သက်လို့ ပြဿနာလုပ် ငြိုငြင်ကြတာမျိုး မရှိပါဘူး။ ကျွန်မအလုပ်လုပ်ခဲ့တဲ့ ဂျပန်သင်ယူမှုဆိုင်ရာ နိုင်ငံတကာ သုတေသန စင်တာ မှာ အမျိုးသမီးတစ်ဦးဟာ သူမရဲ့ ဒေါက်တာဘွဲ့အပြီးမှာ မွတ်စလင်တစ်ဦး (အစ္စလာမ်ဘာသာဝင်) ဖြစ်လာပါတယ်။ အဲ့ဒီမတိုင်ခင်က သူမဟာ ကောလိပ်တစ်ခုမှာ ဆရာမလုပ်ပါတယ်။ အခုတော့ သူမဟာ ကျွန်မရဲ့ အတွင်းရေးမှုးဖြစ်ပါတယ်။ သူမဟာ သူမသွားချင်တဲ့နေရာကို ခေါင်းစီးပဝါနဲ့ ခန္ဓာကိုယ်အလှကို ဖုံးအုပ်ထားတဲ့အစ္စလာမ့်ခြုံလွှာကို ဝတ်ဆင်ထားပါတယ်။ သူမဟာ ဘယ်လိုခွဲခြားမှုမျိုးမှ မကြူံခဲ့ရသလို လမ်းနဲ့အလုပ်အကိုင်တွေမှာလည်း မနှစ်မြို့တဲ့ အမူအရာတွေပြတာမျိုး မခံစားခဲ့ရပါဘူး။

    ဆမ်မြူရယ် ဖီးလစ် ဟပ်တင်တန်က ယဉ်ကျေးမှုတွေဟာ တိုင်းနိုင်ငံတစ်ခုကိုကျော်ဖြတ်သွားတယ် ဆိုတာထက် တိုင်းနိုင်ငံတစ်ခုအပေါ်အခြေပြုတဲ့ “ယဉ်ကျေးမှုများ တိုးတိုက်မိခြင်း” လို့အမြင်တစ်ခုနဲ့အခိုင်အမာဆိုခဲ့ဖူးပါတယ်။ အရင် အီရန်ဝန်ကြီးချုပ်ဟောင်း မိုဟမ္မဒ် ခါတမီကတော့ “ယဉ်ကျေးမှုများအပြန်အလှန်ကူးလူးခြင်း” ဆိုတဲ့ဆွေးနွေးတဲ့ စကားရပ်တစ်ခုကို ပိုကောင်းမွန်တဲ့အမြင်နဲ့တင်ပြပြောဆိုခဲ့ပါတယ်။မိုဟမ္မဒ် ခါတာမီရဲ့အမြင်ကို ကုလသမဂ္ဂက နောက်ပိုင်းမှာ ၂ဝဝ၁ ခုနှစ်ရဲ့ “ယဉ်ကျေးမှုတွေအကြောင်း နှစ်တစ်နှစ်ရဲ့ ထူးခြားတဲ့ စကားရပ်အဖြစ်”  သတ်မှတ်ခဲ့ပါတယ်။

    စကားပြောဆိုမှုတွေကတော့ ထိပ်တိုက်ရင်ဆိုင်ရတာမျိုးတွေ ရှိတတ်ပါတယ်။ ပြောဆိုမှုတွေကနေ နိုင်ငံနှစ်ခုကြားမှာ ရန်လိုမှုတွေ ပေါက်ပွားလာတတ်ပါတယ်။ ဒီပြောဆိုမှုတွေကနေအားလုံးလက်ခံနိုင်မယ့် ဘုံသဘောတရား တစ်ခုပေါ်ပေါက်လာဖို့ နိုင်ငံတွေ အများအပြား ဝင်ရောက်ဆွေးနွေးကြမယ်ဆိုရင် တကယ်ပဲအကျိုးရှိနိုင်ပါတယ်။

    ကျွန်မကတော့ စကားအချီအချပြောတယ်ဆိုတာထက် ဆွေးနွေးကြတယ်ဆိုတဲ့ စကားလုံးကိုပိုသုံးချင်ပါတယ်။ ဒီဆွေးနွေးမှုတွေဟာ သာမန်လူတွေအမြောက်အများဆီမှာ လ္ဘက်ရည်သောက်ရင်းဆွေးနွေးကြတာမျိုးလည်းဖြစ်နိုင်ပါတယ်။ ကျွန်မအနေနဲ့တော့ သာမန်လူတွေကြားမှာ လိုက်လျောညီထွေရှိပြီး လွတ်လွတ်လပ်လပ်ဖြစ်တဲ့ သတင်းအချက်အလက်ဖလှယ်မှုတွေတဆင့် ကမ္ဘာအနှံ့ကိုရောက်ရှိစေမယ့် အပြန်အလှန်နားလည်မှုနဲ့ချစ်ကြည်ရင်းနှီးမှု တည်ဆောက်တာမျိုးတွေဖြစ်လာဖို့ဆိုတဲ့အမြင်ပါပဲ။

    စာရေးသူအကြောင်း

    Motoko Katakura
    မူရင်း ဆောင်းပါးရှင် Motoko Katakura

    အကြောင်းအရာရေးသားသူ မစ္စ မိုတိုကို ကာတာကူရာ ဟာ ကျိုတိုမှာရှိတဲ့ ဂျပန်သင်ယူမှုဆိုင်ရာ နိုင်ငံတကာ သုတေသနစင်တာရဲ့ ဒါရိုက်တာဖြစ်ပါတယ်။ဒီတက္ကသိုလ်ဟာ လူသားချင်းစာနာမှုဆိုင်ရာ အမျိုးသားတက္ကသိုလ်လည်းဖြစ်ပြီး တက္ကသိုလ်များဆိုင်ရာ သုတေသနကော်ပိုရေးရှင်းလက်အောက်မှာရှိပါတယ်။ သူမဟာ မျိုးနွယ်စုများဆိုင်ရာ အမျိုးသားပြတိုက်နဲ့ ဘွဲ့ရများအဆင်ြ့မင့်လေ့လာမှုဆိုင်ရာ တက္ကသိုလ်တွေမှာလည်း ဂုဏ်ထူးဆောင်ပါမောက္ခဖြစ်ပါတယ်။

    သူမဟာ တိုကျိုမှာရှိတဲ့ ဆူဒါကောလိပ်ကဘွဲ့ရခဲ့ပြီး၊ တိုကျိုတက္ကသိုလ်ကနေ သိပ္ပံဆိုင်ရာ ဒေါက်တာဘွဲ့ရခဲ့ပါတယ်။

    ၁၉၈၅ ခုနှစ် တိုးတက်သည့်နိုင်ငံများ၏ ယဉ်ကျေးမှုသုတေသနမှာ သူမဟာ အကောင်းဆုံးဆုကိုရရှိခဲ့ပါတယ်။၁၉၈၆ ခုနှစ်ရဲ့ တိုကျို ကိုက်ဂျို ကာဂါမိ အမှတ်တရ ဖောင်ဒေးရှင်းရဲ့အကောင်းဆုံး စာရေးဆရာဆုကိုလည်းရရှိခဲ့ပါတယ်။

    Ref:http://www.mofa.go.jp/