News @ M-Media

Tag: ISIS

  • အီရတ်ရှိ အိုးအိမ်စွန့်ခွာ  ခရစ်ယာန်များကို မွတ်စလင် ကယ်ဆယ်ရေးအဖွဲ့ အကူအညီများပေးနေ

    အီရတ်ရှိ အိုးအိမ်စွန့်ခွာ ခရစ်ယာန်များကို မွတ်စလင် ကယ်ဆယ်ရေးအဖွဲ့ အကူအညီများပေးနေ

    သြဂုတ် ၁၀ ၊ ၂၀၁၄
    M-Media
    IslamicRelief-Eases--raq-Christians-Life
    – အီရတ်နိုင်ငံ မြောက်ပိုင်း ဒေသအချို့အား သိမ်းပိုက်ထားသည့် ISIS ၏ ရန်ကြောင့် အိုးအိမ်စွန့်ခွာ ထွက်ပြေးခဲ့ရသည့် ခရစ်ယာန်ဘာသာဝင်များအား အီရတ်ရှိ မွတ်စလင် အကူအညီပေးရေးအဖွဲ့ Islamic Relief က ထောက်ပံ့မှုများ ပြုလုပ်နေသည်ဟု သိရသည်။

    “နိုင်နီဝါခရိုင် အလ်-ဟာမာဒန်ယာမြို့နဲ့ ဘာရှီကာက မိသားစုဝင်တွေကို ထောက်ပံ့ရေးပစ္စည်းတွေ ဖြန့်ဖြူးခဲ့ပါတယ်။ ပြီးတော့ အဲဒီမှာရှိတဲ့ ခရစ်ယာန်ဘုရားကျောင်းနဲ့ ကျွန်တော်တို့ ပူးပေါင်းဆောင်ရွက်မှုတွေ လုပ်နေပါတယ်” ဟု  Islamic Relief အဖွဲ့၏ ၀ဘ် စာမျက်နှာတွင် ဖော်ပြထားသည်။

    ISIS အဖွဲ့မှာ ပြီးခဲ့သည့် နှစ်လအတွင်း အီရတ်မြောက်ပိုင်း မူဆိုးလ်မြို့နှင့် ဒေသအချို့ကို သိမ်းပိုက်ကာ အစ္စလာမ့်မစ်နိုင်ငံတော် တည်ထောင်သည်ဟု ကြေညာ ခဲ့သည်။ ISIS အဖွဲ့ ခေါင်းဆောင် အဘူဘာကာ အလ်-ဘဂ္ဂဒါဒီမှာ ခလီဖာအဖြစ်ကြေညာခဲ့ပြီး အစ္စလာမ့်မစ်နိုင်ငံတော်အတွင်း ရှိနေသည့် ခရစ်ယာန်များ အနေဖြင့် ဂျစ်ဇယာ အခွန် ပေးဆောင်ခြင်းမပြုပါက နယ်နမိတ်အတွင်းမှ ထွက်သွားရန် အမိန့်ပေးခဲ့သည်။

    ထို့ကြောင့် ထိုဒေသအတွင်းရှိ ခရစ်ယာန်ဘာသာဝင်များမှာ ကာဒ့်လူမျိုးများအုပ်ချုပ်ရာ ကာ့ဒ်ဒစ္စတန်ပြည်နယ်နှင့် နိုင်နီဝါ ခရိုင်အရှေ့ပိုင်းသို့ ထွက်ပြေးခဲ့ကြရသည်။

    Islamic Relief အဖွဲ့မှာ ထိုပြဿနာများ စတင်ဖြစ်ပွားသည့်အချိန်ကပင် အိုးအိမ်စွန့်ခွာ ထွက်ပြေးခဲ့ရသူများအတွက် လူသားချင်း စာနာထောက်ထားမှုဆိုင်ရာ အကူအညီများကို ပေးအပ်ခဲ့သည်။

    “အန်ဘာရ်နဲ့ ဆာလာဟက်ဒင်မှာ မိသားစု သုံးထောင်အတွက် အစားသောက်တွေ၊ တစ်ကိုယ်ရေသန့်ရှင်းမှု ပစ္စည်းတွေနဲ့ အ၀တ်အစားတွေကို ဝေငှခဲ့ပါတယ်” ဟု Islamic Relief ၏ ၀ဘ်ဆိုက်တွင် ဖော်ပြထားသည်။

    ထို့ပြင် Islamic Relief မှာ အိုးအိမ်စွန့်ခွာ ထွက်ပြေးရသူများအတွက် လိုအပ်သည်များကို ပိုမိုပေးအပ်နိုင်ရန် ကုလသမဂ္ဂနှင့် ပူးတွဲလုပ်ဆောင်လျက်ရှိနေသည်။

    “Islamic Relief ဟာ ဆင်ဂျာဒေသမှာ သောက်သုံးရေရရှိရေး၊ ရေးဆိုးနဲ့ တစ်ကိုရေသန့်ရှင်းမှုပြဿနာ ဖြေရှင်းရေးတို့အတွက် သဘောတူညီချက်တစ်ခုကို ယူနီဆက်ဖ်နဲ့ လက်မှတ်ရေးထိုးထားပါတယ်။ ပြီးတော့ လူရှစ်ထောင်လောက်ကို ထောက်ပံ့ရေးပစ္စည်းတွေ ပေးအပ်ရာမှာ စီမံခန့်ခွဲဖို့ တာဝန်ကိုလည်း ရယူထားပါတယ်။

    ကယ်ဆယ်ရေးစခန်းကို ရောက်လာတဲ့သူတွေ နေထိုင်ဖို့အတွက် ယာယီတဲ ၁၀၀၀ လောက်ကိုလည်း Islamic Relief က ဆောက်လုပ်နေပါတယ်” ဟု Islamic Relief က ရေးသားဖော်ပြခဲ့သည်။

    အီရတ်ရှိ နယ်မြေအချို့ကို သိမ်းပိုက်ပြီး အစ္စလာမ့်မစ် နိုင်ငံတော်ကြေညာက အီရတ်အစိုးရတပ်များအား တိုက်ခိုက်ခြင်း၊ အများပြည်သူနှင့်သက်ဆိုင်သော အဆောက်အဦးများအား ဖျက်ဆီးခြင်း ဘာသာရေးလူနည်းစုများအား နှိပ်ကွပ်ခြင်းတို့ကို ပြုလုပ်နေသည့် ISIS ၏ လုပ်ရပ်များကို ထင်ရှားသည့် အစ္စလာမ်ဘာသာရေးအဖွဲ့များနှင့် ကမ္ဘာ့မွတ်စလင်ထုတစ်ရပ်လုံးက ကန့်ကွက်ရှုတ်ချမှုများ ပြုလုပ်နေသည်။

    ထို့ပြင် ၎င်းတို့၏ လုပ်ရပ်များမှာ အစ္စလာမ်ကို ကိုယ်စားမပြုဘဲ၊ အစ္စလာမ်သာသနာ၏ သွန်သင်မှုများနှင့် လွဲချော်ဆန့်ကျင်နေသောလုပ်ရပ်များဖြစ်သည်ဟု ကမ္ဘာတစ်ဝှမ်းရှိ အစ္စလာမ်ဘာသာရေးအဖွဲ့များက ကြေညာချက်ထုတ်ပြန်ခဲ့သည်။

    အီရတ်လူငယ်များကလည်း ISIS အဖွဲ့အားတွန်းလှန်ရန်အတွက် အစိုးရတပ်များတွင် ၀င်ရောက်အမှုထမ်းနေကြသည်။

    ref_OnIslam

  • အီရတ်မှ ISIS ပြဿနာ  အမေရိကန် မြေပြင်တပ်များ စေလွှတ်မည် မဟုတ်ဟု အိုဘားမားဆို

    အီရတ်မှ ISIS ပြဿနာ အမေရိကန် မြေပြင်တပ်များ စေလွှတ်မည် မဟုတ်ဟု အိုဘားမားဆို

    သြဂုတ် ၉ ၊ ၂၀၁၄
    M-Media
    obamav2
    – အီရတ်နိုင်ငံမြောက်ပိုင်း ဒေသအချို့အား သိမ်းပိုက်ထားသော ISIS အဖွဲ့ကို လေကြောင်းမှ တိုက်ခိုက်ရန် ခွင့်ပြုခဲ့သော်လည်း မြေပြင်တပ်များကိုစေလွှတ်ကာ စစ်ပွဲဆင်နွှဲသွားမည် မဟုတ်ဟု အမေရိကန်သမ္မတ ဘာရက်အိုဘားမားက ပြောကြားလိုက်သည်။

    ယနေ့ပြုလုပ်သော အပတ်စဉ်မိန့်ခွန်းတွင် အိုဘားမားက ပြောကြားခဲ့ခြင်းဖြစ်ပြီး အမေရိကန် သံတမန်များနှင့် စစ်ဘက်ဆိုင်ရာ အကြံပေးများအား ကာကွယ်ရန် လေကြောင်းမှ တိုက်ခိုက်မှုများကို ထပ်မံပြုလုပ်သွားမည်ဟု ထည့်သွင်းပြောကြားခဲ့သည်။

    “အီရတ်က နောက်ထပ်စစ်ပွဲ အတွက် အမေရိကန်ဝင်ပါဖို့ ကျွန်တော်ခွင့်ပြုမှာ မဟုတ်ပါဘူး။ အမေရိက န်စစ်သားတွေဟာလည်း အီရတ်ကို ပြန်သွားမှာ မဟုတ်ပါဘူး။ ဘာ့ကြောင့်လဲဆိုတော့ အဲဒီမှာဖြစ်နေတဲ့ ပြဿနာကို အမေရိကန်က စစ်ရေးအရ ဖြေရှင်းမှာ မဟုတ်လို့ပါပဲ” ဟု အိုဘားမားကဆိုသည်။

    ISIS အဖွဲ့မှာ ယခုရက်ပိုင်းအတွင်း အီရတ်နိုင်ငံမြောက်ပိုင်း အဓိက ရေလှောင်တမံအား သိမ်းပိုက်ခဲ့ပြီး၊ ဘာသာရေးလူနည်းစုများအား အတင်း အဓမ္မ ထွက်ခွာရန် ဆောင်ရွက်လျက်ရှိနေကာ ကာ့ဒ် အစိုးရတပ်များကိုလည်း ၎င်းတို့က တိုက်ခိုက်နေသည်။ ထို့ကြောင့် ISIS အား လေကြောင်းမှ တိုက်ခိုက်ရန် အတွင်း အိုဘားမားက ယမန်နေ့တွင် ခွင့်ပြုခဲ့သည်။

    ထို့နောက် ကာ့ဒ်ဒေသ၏ မြို့တော် အာရ်ဘီလ်အနီးရှိ ISIS တပ်များအား အမေရိကန် တိုက်လေယာဉ်များက ဗုံးကြဲတိုက်ခိုက်ခဲ့ပြီး ISIS ရန်ကြောင့် တောင်တန်းဒေသ များတွင် ပုံးအောင်နေရသူများ အတွက် အမေရိကန် လေယာဉ်များက အစားအသောက်များ ချပေးခဲ့ပြီး ဗြိတိန်ကလည်း အကူအညီများနှင့် ဆေးဝါးများကို အီရတ်နိုင်ငံမြောက်ပိုင်းသို့ ပေးပို့လျက်ရှိနေသည်။

    အီရတ်အစိုးရတပ်များနှင် ISIS တို့အကြား ဖြစ်ပွားနေသည့် နှစ်လကြာ တိုက်ခိုက်မှုများတွင် ISIS မှာ အီရတ်မြောက်ပိုင်း ဒေသအများအပြားအား သိမ်းယူနိုင်ခဲ့သည်။

    Al Jazeera and agencies

  • Double Standard မလုပ်ကြပါနဲ့ (သူအမြင်)

    Double Standard မလုပ်ကြပါနဲ့ (သူအမြင်)

    ဇူလိုင် ၂၃ ၊ ၂၀၁၄
    M-Media
    .ရေးသူ- ​ခေတ်​လူ
    June 18, 2014
    အီရတ်က အခုတလောနာမည်ထွက်လာတဲ့ ISIL ကို ရှုံ့ချတဲ့ ကိစ္စနဲ့ အမေရိကန်ရဲ့ Black Power ကိစ္စ နှစ်ခုကို ရောမချကြပါနဲ့ … မတူပါဘူး။

    ISILဆိုတာကတော့ ၂၀၀၄ လောက်က မြေထဲပင်လယ်ဒေသရဲ့ နယ်မြေအချို့ကနေစပြီး အားယူလာပြီး အစ္စလာမ်မစ်အမည်ခံထားတဲ့ တိုက်ခိုက်ရေးအဖွဲ့ငယ်၊ ဆီးရီးယားပြည်တွင်း စစ်အတွင်းမှာ ဝင်တိုက်ခိုက်ရင်း အဖွဲ့ရဲ့ ဒုတိယမြောက် ခေါင်းဆောင် ဘဂ်ဂဒက်မြို့သား သမိုင်းပညာရှင် အဘူဘကရ်ရဲ့ သက်တမ်းမှာ အင်အားကြီးလာပြီး ဆီးရီးယားမှ နယ်မြေအချို့သိမ်းထားနိုင်ခဲတယ်။

    အမေရိကန် အဆုတ်၊  စွန္နီ-ရှီအာကြားမမျှတမှု စတဲ့ ရှုပ်ထွေးမှု ရေခံမြေခံတွေရှိနေတဲ့ အီရတ်အတွင်း သူတို့ရဲ့ ထိုးစစ်တွေဟာ ၂၀၁၃မှာ အရှိန်ကောင်းလာကောင်းလာတယ်။

    ၂၀၁၄နှစ်ဦးပိုင်းမှာတော့ သူတို့နဲ့ မဟာမိတ်ကြီးအလ်ကိုင်ဒါအကြား ပါဝါအားပြိုင်ပွဲတောင်ဖြစ်လာခဲ့ပြီး အလ်ကိုင်ဒါက ISILရဲ့ ရက်စက်မှု အထိန်းအကွပ်မဲ့မှုအပေါ် လမ်းခွဲခဲ့တဲ့ အီရတ်က သူပုန်အဖွဲ့ပါ။ ပြဿနာ ပိုကြီးလာတာကတော့ ဒီနှစ် ဇွန်မှာ အီရတ်တွင်း နယ်မြေသိမ်းပွဲတွေမှာ အနုနည်း အကြမ်းနည်း နှစ်ခုစလုံးသုံးပြီး အောင်ပွဲဆက်နေတဲ့ ISILရဲ့ ခေါင်းဆောင်ဆိုသူက ထပြီး သူ့ကိုယ်သူ မွတ်စလင်မ်တွေရဲ့ ခေါင်းဆောင် ခေလာဖသ်ကြေငြာခဲ့တာပါပဲ။ အဲ့ဒီမှာ မွတ်စလင်မ်တွေအပါအဝင် ကမ္ဘာက ပညာရှင်တွေအကြား လေ့လာစောင့်ကြည့်သူတွေအကြား ကမ္ဘာ့မီဒီယာတွေအကြား ဆွေးနွေးငြင်းခုံစရာ အကြောင်းအရာတစ်ခုဖြစ်လို့လာတာပါပဲ။

    အဲ ISIL နဲ့ အမေရိကန် ဆိုတဲ့ ကျွန်တော့်ရဲ့ အပေါ်က စကားလေး ပြန်ဆက်ပါရစေ။ အမေရိကန်နိုင်ငံရေးလောကရဲ့ အမှောင်ဘက်ခြမ်းမှာ Black Power ရှိတယ်။ အဲ့ဒီ Black Power ကို ဇီယွန်ဝါဒီ သူဌေးကြီးတွေက အတိုင်းအတာ တစ်ခု ချုပ်ကိုင်ထားတယ်။ အဲ့တော့… အမေရိကန်ရဲ့ ခေါင်းဆောင်ပိုင်း တော်တော်များများဟာ အဲ့ဒီချုပ်ကိုင်မှုအောက်ကို မငြင်းနိုင်ဘဲ အနည်းအများ ရောက်နေကြတယ်။

    အဲ့ဒါက ကမ္ဘာသိ လူသိ။ ဒါပေမယ့် အဲ့ဒါက ကိစ္စ တစ်ခု။ ISIL က အစ္စလာမ်သာသနာကို ကိုယ်စားပြုတယ် မွတ်စလင်မ်ကမ္ဘာကို ကိုယ်စားပြုတယ်ဆိုပြီး ခေလာဖသ်ကြေငြာထားပြိးတာ့ အစ္စလာမ်သင်ကြားမှုနဲ့ မညီတာတွေကိုလုပ်နေတာ။

    ဥပမာ-အရပ်ဖက်ပစ်မှတ်တွေကို ပစ်မှတ်ထားတာ က ကိစ္စတစ်ခုပါ။ ISILကို ရှုံ့ချတာနဲ့ပဲ အမေရိကန်ရဲ့ Black Power Side ကို မရှုံ့ချဘူးလို့ ကောက်ချက်ကြီးတွေကတော့ …။

    ဂါဇာမှာ အရပ်ဖက်ပစ်မှတ်တွေကို အစ္စရေးစစ်တပ်က ပစ်မှတ်ထားလို့ ကလေးတွေ အမျိုးသမီးတွေ သေကြေနေလို့ တစ်ကမ္ဘာလုံးက ခရစ်ယာန်ကမ္ဘာအပါအဝင် အားလုံးက မတ်တပ်ဝိုင်းရပ်ပေးနေတာကို အားပါးတရ ဝမ်းပမ်းတသာ လက်ခံ သြဘာပြု နေပြီးတော့…။

    စပိန်မှာ ခရစ်ယာန်ကသလစ်အစွန်းရောက် ဘုရင်မ အစ်ဘယ်လာ ၁ (၁၄၇၄-၁၅၀၄) တက်လာပြီး မွတ်စလင်မ်တွေကို ဘာသာပြောင်းရင်ပြောင်း မပြောင်းရင် တိုင်းပြည်ကနေထွက် (ဂျူးတွေဆို အသတ်တောင် ခံရသေးတယ်)ဆိုပြီး လုပ်ခဲ့တဲ့ ဖြစ်ရပ်အတွက် တောက် တစ်ခေါက်ခေါက် လုပ်နေ လုပ်ခဲ့ပြီးတော့…။ အခုလက်ရှိလည်း ဘာသာရေးကို နိုင်ငံရေးလုပ် ကစားတဲ့ Dirty Political Trick ရဲ့ ဓားစာခံဖြစ်နေရပြီး နှစ်ပေါင်း ထောင်ကျော်ကတည်းက အခြေချ တိုင်းပြည်အတွက် အသက်သွေးချွေးပေးခဲ့ပြီးကာမှ နိုင်ငံသား rights ပျောက်ဆုံးနေလို့ တိုက်ပွဲဝင်နေပြီးတော့…ခံရလို့ မချိတင်ကဲဖြစ်နေပြီးတော့…မှ။

    လွတ်လပ်စွာကိုးကွယ်ခွင့်၊ နိုင်ငံသားအခွင့်အရေးနှင့် အသက်အိုးအိမ်စည်းစိမ်ကို သက်စွန့်ကာကွယ်ဖို့အတွက်ဆိုတဲ့ ရံပုံငွေ ဂျိဇယာဟ်ကို တလွဲလုပ် ၁၆ရာစုကတည်းက အတူယှဉ်တွဲနေထိုင်လာတဲ့ ခရစ်ယာန်တွေကို တစ်ရက်တည်း အချိန်ပေးပြီး အယူ ပြောင်းရင်ပြောင်း မပြောင်းရင် မိသားစုတစ်စု 550,000 အီရတ် ဒီနာငွေ ပေး မပေးနိုင်ရင် အဝတ်တစ်ထည် ကိုယ်တစ်ခုနဲ့ သဘက်ခါ နေရပ်က ထွက်ဆိုတာကိုကြ လက်ခံတယ်… အဲ့ဒီလို အဖွဲ့မျိုးကို ကယ်တင်ရှင်ထင်နေတယ်ဆိုရင်တော့ … ။ Double Standard လိုပဲ ဆိုချင်ပါတယ်။

    ISIL ရဲ့ မွတ်စလင် ကိုယ်စားပြုမှု ကြေငြာချက်ဟာ ပြည့်သူတော်လှန်ရေးကို ပြန်ပေးဆွဲတာဆိုပြီး ကမ္ဘာ့ မွတ်စလင်မ်ကမ္ဘာက မဇ်ဟဗ်စုံ ကျောင်းတော်ဝါဒစုံက ကမ္ဘာကျော် ပညာရှင်တွေ ဖွဲ့ထားတဲ့ နိုင်ငံတကာ မွတ်စလင်မ်ပညာရှင်များအဖွဲ့ IUMS ကိုက အသိအမှတ် မပြုကြောင်း ဇူလိုင် ၃ ရက်နေ့ထဲက ထုတ်ပြန်ထားပြီးသားပါ။ ဖေကာဟ်အစ္စလာမ့်ဥပဒေပညာရှင်ကြီးတွေကိုယ်တိုင် ကန့်ကွက်နေတာပါ။

    ISIL အကြောင်း ကျနော် personally သုံးသပ်မိတဲ့ အချက်တွေပါ မျှဝေလိုက်ပါတယ်။

    (၁) အီရတ်မှ ဆဒ်ဒန်အုပ်ချုပ်စဉ်က စွန္နီတွေ အသာစီးရခဲ့ပြီးနောက် မာလကီရဲ့ ရှီအာအစိုးရတက်လာတော့ စွန္နီတွေ ဒုတိယတန်းစားရောက်ပြီး မမျှတမှု gap ကြီးဖြစ်နေခဲ့ပါတယ်

    (၂) အီရန်ရဲ့ နျူအရေးကို အမေရိကန်က စစ်ရေးအရ အရေးယူမှုကနေ သံနည်းနဲ့ ဖြေရှင်းမယ်ဆိုပြီး ဗျူဟာပြောင်းခဲ့တယ်။ အီရန်ကို သံနည်းနဲ့ ဖြေရှင်းမယ်ဆိုတော့ အီရန်၊ အာဆဒ်ရဲ့ အလဝီယာဂိုဏ်းကို ရှီအာဇာတ်သွင်းထားတဲ့ ရှီအာအစိုးရနဲ့ လက်ဘနွန်က ရှီအာဟဇ်ဘိုလာ တို့ရဲ့ ရှီအာအင်အားစုကြီး (အဲ့ဒီအင်အားစုက ချိန်းချောက်မှုတွေကတော့ အမေရိကန်နဲ့ အနောက်ကမ္ဘာကိုယ်တိုင်ကိုရော၊ အစ္စရေးတွေကိုရော၊ စွန္နီအမာခံ ဆော်ဒီ ကာတာ အပါအဝင် အရှေ့အလယ်ပိုင်းက အာရပ်နိုင်ငံတွေအတွက်ရော) က ပြဿ နာတစ်ရပ်ဖြစ်လာတယ်၊ အဲ့ဒီဟာကို အင်အားချိနဲ့အောင်လုပ်ဖို့ တစ်ခုခုလုပ်ဖို့လိုလာတယ်

    (၃) နှစ်ချီကြာပြီ မပြီးဆုံးနိုင်သေးတဲ့ ဆီးရီးယားပြည်တွင်းစစ်ကိစ္စမှာ အမေရိကန်နဲ့ အမာခံ မဟာမိတ် ရေနံသူဌေးနိုင်ငံတွေ မိတ်ပျက်ဖို့ ဖြစ်လာတဲ့အပေါ်နဲ့ တစ်ဖက်က အနောက်ကမ္ဘာက ဗျူဟာပြောင်းပြီး အာဆဒ်ကို သံနည်းနဲ့ပဲ အရေးယူဖို့ သံနည်းနဲ့ ချည်းကပ်ဖို့ ဖြစ်လာတဲ့အပေါ် အဲ့ဒီနှစ်ခုအကြား ကြားချဖို့

    (၄) ဆီးရီးယားစစ်မြေပြင်မှာ နှစ်ချီတိုက်ခိုက်ကာ စစ်ရေးဝလာတဲ့ ပြည်တွင်းပြည်ပ အစ္စလာမစ်အမည်ခံယူထားတဲ့ တိုက်ခိုက်ရေးကွန်ရက်တွေ ဆီးရီးယားကို ဖြတ်ကျော်ပြီး အစ္စရေး-ပါလက်စတိုင်းအရေးထဲမဝင်လာဖို့ ရှင်းရှင်းပြောရရင် အစ္စရေးဖက်ကို ချက်ချင်း လှည့်မလာနိုင်ဘဲ အားလျော့သွားစေဖို့

    (၅) တစ်ဖက်က အဲ့ဒီ့ ကရူးဆိတ်ဝါဒီနဲ့ ဇီယွန်နစ်တွေက အစ္စလာမ်နဲ့ ကမ္ဘာ့မွတ်စလင်မ်ထုရဲ့ စစ်မှန်တဲ့ ပုံရိပ်ကို ဖျက်ဆီးဖို့

    (၆) ကမ္ဘာမှာ လက်နက်ရောင်းပြီး စီးပွားဖြစ်နေတဲ့ အနောက်နိုင်ငံတွေနဲ့ လက်နက်ကုန်သည်ကြီးတွေအတွက် ဈေးကွက်နဲ့ လက်နက်အသစ်စမ်းဖို့အတွက်

    (၇) ရေနံဟာ နိုင်ငံလည်ပတ်ဖို့ အသက်သွေးကြောဖြစ်နေတဲ့ အမေရိကန်အတွက် အရှေ့အလယ်ပိုင်း ရေနံသူဌေးနိုင်ငံတွေ သူ့ကို အဖေအဖြစ်ဆက်ခေါ်ထားစေဖို့ (အဲ့ဒီအတွက် အဲ့ဒီနိုင်ငံတွေကို လုံခြုံရေးအရ ချိမ်းခြောက်မှု တစ်ခုလိုတယ်လို့မြင်ပါတယ်။)

    (၈) အရှေ့အလယ်ပိုင်း ရေနံသူဌေးတွေရဲ့ ပိုက်ဆံတွေ ဒေသတွင်း တည်ငြိမ်ဖွံ့ဖြိုးမှုနဲ့ ပါလက်စတိုင်းလွတ်မြောက်ရေးအတွက် ထိထိရောက်ရောက် မသုံးစွဲနိုင်ဘဲ ရှီအာအင်အားစုကို ပြပြပြီး ISIL နဲ့ ကွန်ရက်ထဲကို ပိုက်ဆံတွေ ထောက်ပံ့ရင်း ငွေနဲ့ resource ယိုပေါက်တစ်ခုဖြစ်သွားစေဖို့

    (၉) နံပါတ် ၁ က gap ကို သိနေတဲ့ အမေရိကန်နဲ့ အစ္စရေးက နံပါတ် ၂ ကနေ ၈ အထိ ကိစ္စတွေကို တစ်ချက် ခုတ်ရင်း ၆ ချက်ပြတ်ဖို့ အီရတ်ကနေ တပ်ဆုတ်ပေးလိုက်တယ်။

    အမေရိကန်က သူ့နောက်ခံထားပေးခဲ့တဲ့ မာလကီအစိုးရကို အပြုတ်ဆော်နေတာတောင် တော်တော်ကြာ ထိုင်ကြည့်နေခဲ့ပြီး အီရန်က စစ်ရေးအကူအညီပေးမယ်ဆိုပြီး ထအော်တော့မှ လူ ၃၀၀ ပို့လိုက်တယ်တဲ့လေ။ ပို့လိုက်တာတွေက စစ်အင်အားမဟုတ်ဘူး အကြံပေးတွေတဲ့ ဘယ်လို အကြံတွေ ပေးတယ်တော့မသိ မာလကီတို့ ကွက်ကွက်လန်အောင် ဆက်ရှုံနေတယ်။

    အီရန်က ထအော်တော့ သူ့ရဲ့ အားပြိုင်ကြီး စွန္နီ အမာခံ အမေရိကန်ရဲ့ နောက်ဆွဲ ဆော်ဒီကြီးကလည်း အီရတ်အရေးကို ပြည်ပက စွက်ဖက်တာ ကန့်ကွက်တယ်လို့ ထအော်တယ်။

    အဲ့ဒီမှာ ဇာတ်ရှုပ်ပြီး…ရှီအာလောကမှ သြဇာကြီးတဲ့ အလ်စစ်တာနီလို ပညာရှင်ကြီးက ထပြီး မနေနိုင်ဘဲ ဖသဝါဓမ္မသတ်ပေးရော.. .ရှီအာလူငယ် volunteer တွေ လက်နက်စွဲ စစ်ထဲဝင်…အဲ့ဒီမှာ သုံးသပ်မိတာက အီရန်က indirect တော့ support လုပ်မှာပဲလေ (ပါလက်စတိုင်းကိုတောင် ကူညီပေးနေပြီး အစ္စရေးကို ပေါ်တင် ကြုံးဝါးမှုတွေ လုပ်ခဲ့တဲ့ အီရန်က သူနဲ့ လူမျိုးစုတူ ကျောင်းတော်ဝါဒတူ ရှီအာတွေ အသတ်ခံနေ အတိုက်ခံနေရတာကို ထိုင်ကြည့်နေမယ်ဆိုတာ ၁၀၀% မဖြစ်နိုင်လို့ပါ)။

    အစ္စရေးကို ချိမ်းခြောက်ကြုံးဝါးနေတဲ့၊ တစ်ဖက်ကလည်း အာဆဒ်ကို၊ ဟဇ်ဘိုလာကို၊ ဟားမတ်စ်ကို support လုပ်နေတဲ့ အီရန် အတွက် အီရတ်ကို ထောက်ပံ့ရတဲ့ ယိုပေါက်တစ်ခုဖြစ်သွားပြီ။ အဲ့ဒီလို ရှုပ်ထွေးနေတဲ့ အချိန်မှာ အစ္စရေးက ဟားမတ်စ်ကို ဝင်ပြီးကျူးကျော်တိုက်ခိုက်တယ်။

    ISIL သတင်းခေါင်းကြီးပိုင်းတွေကို မရောက်ခင် ဟားမတ်စ်နဲ့ ဖာတာ အဘတ်စ်တို့ ပူးပေါင်းပြီး ညွှန့်ပေါင်းဖွဲ့ ကုလမှာ အရေးတွေဆိုတဲ့ သတင်းတွေ ဖြစ်ရပ်တွေက နေရာယူခဲ့တာပါ။ တိုက်ဆိုင်တာပါကွာလို့ဆိုရင်တော့ ကျွန်တော် သုံးသပ်ပြခဲ့တဲ့ အချက်တွေက သြချလောက်အောင်ပဲ တော်တော် တိုက်ဆိုင်တာပါလားလို့ပဲ ပြောပါရစေတော့။ အဆုံးထိကြည့်ပါ။ Double Standard တော့ မလုပ်ကြပါနဲ့ဗျာ။

    **ဆောင်းပါးရှင်၏ အမြင်နှင့် အာဘော်သာဖြစ်ပါတယ်။