News @ M-Media

Tag: Islam in Australia

  • သြဇီရှိ မိုးခေါင်ရေရှားဒေသများတွင် ပြည်တွင်းမွတ်စလင်အဖွဲ့များက အကူအညီပေးနေ

    သြဇီရှိ မိုးခေါင်ရေရှားဒေသများတွင် ပြည်တွင်းမွတ်စလင်အဖွဲ့များက အကူအညီပေးနေ

    စက်တင်ဘာ ၁၈၊ ၂၀၁၈
    M-Media

    MCF မှ ပေးပို့သည့် မြတ်ခြောက်များ

    – သြစတေးလျနိုင်ငံ ဘရစ္စဘိန်းမြို့အခြေစိုက် ‘မွတ်စလင်ပရဟိတ ဖောင်ဒေးရှင်း(MCF)’ ဟာ နိုင်ငံအတွင်းက မိုးခေါင်ရေရှားဒေသတွေမှာ ကူညီရေးလုပ်ငန်းတွေကို အင်တိုက်အားတိုက် လုပ်ဆောင်နေတယ်လို့ သိရပါတယ်။

    ကွင်းစလန်းပြည်နယ် မြောက်ပိုင်း မိုးခေါင်မှုကြောင့် အတိဒုက္ခရောက်နေကြတဲ့ လယ်သမားတွေကို MCF က မြက်ခြောက် တန်ပေါင်း ၃၃ တန်ကို ထရပ်ကားတွေနဲ့ တင်ဆောင်ကာ ပို့ဆောင်ပေးထားပြီး နောက်ထပ် ရန်ပုံငွေ ပိုမိုရရှိရေးလည်း ဆောင်ရွက်ဖို့ ရှိနေပါတယ်။

    “ဒီလိုကူညီမှုဟာ သူတို့ကို စိတ်ဓာတ်မြှင့်တင်ပေးတာမျိုးပါ။ ဒါပေမယ့် ဆင့်ပါးစပ် နှမ်းပက်အဆင့်လောက်သာ ရှိပါသေးတယ်” လို့ ဖောင်ဒေးရှင်းရဲ့ ဒုတိယဥက္ကဌ အိုစမန် ရိန်းက ပြောကြားခဲ့ပါတယ်။

    MCF ဖောင်ဒေးရှင်းကို ဘရစ္စဘိန်းမြို့က စီးပွားရေးသမားတွေ စုပေါင်းကာ ၂၀၀၉ ခုနှစ်မှာ စတင်တည်ထောင်ခဲ့တာဖြစ်ပြီး လိုအပ်နေသူတွေကို ကူညီဖေးမဖို့ ဖြစ်ပါတယ်။

    မိုးခေါင်ရေရှားဒေသတွေမှာ အခုလို ကူညီမှုကို ‘ကွင်းစ်လန်း အစ္စလာမ့်ရေးရာကောင်စီ’၊ Muslim Aid Australia စတဲ့ အဖွဲ့တွေနဲ့ MCF က ပူးပေါင်းဆောင်ရွက်နေတာ ဖြစ်ပါတယ်။

    ပို့ဆောင်ခဲ့တဲ့ မြက်ခြောက်တွေကိုလည်း MCF က လယ်သမားတွေကို အညီအမျှ ခွဲဝေပေးခဲ့ပါတယ်။

    “ကျွန်တော်တို့လှူတာက သိပ်အများကြီးတော့ မဟုတ်ဘူးပေါ့ဗျာ။ ဒါပေမယ့် လယ်သမားတွေအတွက် ရေတိုမှာတော့ အထောက်အကူဖြစ်ပါလိမ့်မယ်” လို့ မစ္စတာရိန်းက ထည့်သွင်းပြောဆိုခဲ့ပါတယ်။

    မြက်ခြောက်တွေ ၀ယ်ယူဖို့အတွက် အလှူငွေတွေကို ဘရစ္စဘိန်းမြို့က ဗလီတွေနဲ့ ပြီးခဲ့တဲ့လ အီးဒ်နေ့တွေမှာ အလှူခံခဲ့တာ ဖြစ်ပါတယ်။

    အခုနှစ်အတွင်း သြစတေးလျနိုင်ငံ ဒေသတော်တော်များများမှာ ဖြစ်ပွားနေတဲ့ မိုးခေါင်ရေရှားမှုဟာ သမိုင်းတစ်လျှောက် အဆိုးဝါးဆုံးဖြစ်ပြီး လယ်သမားတွေကို ဒီဒဏ်ကို အဓိက ခံစားနေရပါတယ်။

    Ref: SBS News

  • သြစတေးလျမှ ထင်ရှားသည့် မွတ်စလင်ပရဟိတသမား ကင်ဆာဖြင့် ကွယ်လွန်

    သြစတေးလျမှ ထင်ရှားသည့် မွတ်စလင်ပရဟိတသမား ကင်ဆာဖြင့် ကွယ်လွန်

    မေ ၃၀၊ ၂၀၁၈
    M-Media

    သြစတေးလျက ထင်ရှားတဲ့ မွတ်စလင် ပရဟိတသမား သန်းကြွယ်သူဌေး အလီ ဘာနတ်ဟာ မနေ့က ကင်ဆာရောဂါနဲ့ ကွယ်လွန်သွားခဲ့ပါတယ်။

    – သြစတေးလျက ထင်ရှားတဲ့ မွတ်စလင် ပရဟိတသမား သန်းကြွယ်သူဌေး အလီ ဘာနတ်ဟာ မနေ့က ကင်ဆာရောဂါနဲ့ ကွယ်လွန်သွားခဲ့ပါတယ်။

    ဆစ်ဒနီမှာ မွေးဖွားကြီးပြင်းခဲ့တဲ အလီဟာ အောင်မြင်တဲ့ စီးပွားရေးသမား လူချမ်းသာတစ်ယောက်ဖြစ်ပြီး စည်းစိမ်ဥစ္စာတွေကို အပြည့်အ၀ စံစားခဲ့သူလည်း ဖြစ်ပါတယ်။

    ဒါပေမယ့် လွန်ခဲ့တဲ့ ၃ နှစ်မှာ ကင်ဆာရောဂါခံစားနေရတာကို သိရှိပြီးခဲ့တဲ့နောက် သူ့ရဲ့ ကြွယ်ဝမှုတွေကို လှူဒါန်းဖို့ ဆုံးဖြတ်ခဲ့တာပါ။ ဆရာဝန်တွေက ကင်ဆာအဆင့် ၄ ဖြစ်နေတဲ့ အလီဟာ ၇ လသာ နေရတော့မယ်လို့ ပြောကြားခဲ့ပေမယ့် သူဟာ ၃ နှစ်အထိ အသက်ရှင်နေထိုင်သွားခဲ့ပါတယ်။

    ကင်ဆာရောဂါဟာ သူ့ရဲ့ဘ၀နေထိုင်မှုကို ပြောင်းလဲဖို့အတွက် ‘ဘုရားသခင်ကပေးတဲ့ လက်ဆောင်’ ဖြစ်တယ်လို့ အလီပြောကြားခဲ့တဲ့ ဗီဒီယိုဟာ နိုင်ငံတစ်ဝှမ်းမှာ ရေပန်းစားခဲ့ပါတယ်။ အဲဒီဗီဒီယိုမှာ သူရဲ့ တန်ဖိုးကြီးအသုံးအဆောင်ပစ္စည်းတွေကိုလည်း ပြသခဲ့ပါတယ်။

    “ကျန်းမာရေးကြောင့် လောကမှာ သိပ်ကြာကြာမနေရတော့ဘူးလို့ သိလိုက်ရတဲ့အချိန်မှာ နောက်ဆုံး ရွေးချယ်စရာက အလှူဒါနပဲဖြစ်ပါတယ်။ ကျွန်တော်တို့ဟာ နေ့စဉ်ဘ၀ကို အလှူရေစက် လက်နဲ့မကွာ နေထိုင်သွားရမှာပါ”

    အလီဟာ Muslims Around the World (MATW) ဖောင်ဒေးရှင်းကို တည်ထောင်ခဲ့ပြီး တိုဂို၊ ဂါနာ၊ ဘာကီနာဖာဆို စတဲ့ အာဖရိကက ဆင်းရဲချို့တဲ့ ထောင်ပေါင်းများစွာသော ပြည်သူတွေကို ကူညီပေးခဲ့ပါတယ်။

    သူ့ရဲ့လှူဒါန်းမှုတွေဟာ လိုအပ်နေတဲ့သူတွေထံ ရာနှုန်းပြည့်ရောက်ဖို့အတွက်လည်း အလီဟာ အဲဒီနိုင်ငံတွေကို တကူးတကသွားပြီး ကြီးကြပ်လေ့ရှိပါတယ်။

    MATW အဖွဲ့ဟာ အာဖရိကက မုဆိုးမ ၂၀၀ အတွက် ရွာတစ်ရွာ၊ ဗလီဝတ်ကျောင်းတော်တစ်လုံး၊ မိဘမဲ့ ၆၀၀ ပညာသင်ကြားနိုင်မယ့် စာသင်ကျောင်းတစ်ခု၊ ဆေးရုံအသေးစားတစ်ခု ဒေသခံတွေ အကျိုးဖြစ်ထွန်းမယ့် စီးပွားရေးလုပ်ငန်းတစ်ခု တည်ထောင်ဖို့အတွက်လည်း ရည်ရွယ်ထားပါတယ်။

    “၀မ်းနည်းကြေကွဲရပါတယ်။ အလီဘာနတ်ကို ဆရာဝန်တွေက ၇ လပဲ အသက်ရှင်မယ်ပြောတယ်။ အလ္လာဟ်အရှင်မြတ်က သူ့ကို ၃ နှစ်ရှင်စေခဲ့ပြီး ဂျဟန္နမ်အပါယ်တံခါးတွေပိတ်ထားတဲ့ မြင့်မြတ်တဲ့ ရမ်ဇာန်ဥပုသ်လမှာပဲ သူ့ကို ခေါ်ယူလိုက်တယ်။ ကြက်သီးမွေးညှင်းထရပါတယ်” လို့ Twitter အသုံးပြုသူတစ်ဦးက ရေးသားခဲ့ပါတယ်။

    YouTube မှာ နာမည်ကြီးနေတဲ့ အဒမ် ဆာလေဟ်ကလည်း အလီဟာ သူ့အတွက် အတုယူစရာဖြစ်တယ်လို့ Twitter ကနေ ချီးကျူးခဲ့ပါတယ်။

    “ကျွန်တော်အပါအ၀င် လူတော်တော်များများအတွက်ကတော့ ကင်ဆာရောဂါဆိုတာ ခြောက်ခြားစရာပါ။ ဒါပေမယ့် ကျွန်တော့်ညီအကို အလီ ဘာနတ်အတွက် ဒါဟာ အောင်မြင်စရာ ဖြစ်ခဲ့ပါတယ်။ လူတော်တော်များများက လေးစားအတုယူရမယ့် ကိစ္စပါ။ အလ္လာဟ်အရှင်မြတ်သခင်အနေနဲ့ သူ့ကို ဂျန္နသ်နိဗ္ဗာန်ရဲ့ အမြင့်ဆုံးအဆင့်ကို ချီးမြှင့်ပေးသနားတော် မူပါစေ”

    အလီကွယ်လွန်တဲ့သွားပြီးတဲ့နောက် မနေ့က တစ်နေ့တည်းမှာပဲ သူ့ရဲ့ MATW ဖောင်ဒေးရှင်းကို လှူဒါန်းလာတဲ့ ငွေပမာဏဟာ သြဇီဒေါ်လာ တစ်သန်းကျော် ရှိခဲ့ပါတယ်။

    သူ့ကိုချစ်ခင်သူတွေက အလီရဲ့ ပရဟိတအလုပ်တွေကို ဆက်လက်အကောင်အထည်ဖော်ဆောင်ရွက်ရေး ဆိုရှယ်မီဒီယာကနေတစ်ဆင့် တိုက်တွန်းမှုတွေ လုပ်နေပါတယ်။

    Ref: Metro

  • သြစတေးလျ နိုင်ငံရေးသမိုင်းတွင် မွတ်စလင်အမျိုးသမီးတစ်ဦး မှတ်တမ်းသစ် ရေးထိုး

    သြစတေးလျ နိုင်ငံရေးသမိုင်းတွင် မွတ်စလင်အမျိုးသမီးတစ်ဦး မှတ်တမ်းသစ် ရေးထိုး

    စက်တင်ဘာ ၉၊ ၂၀၁၇
    M-Media

    လက်ဘနွန်နွယ်ဖွား နာဒီယာဆာလေဟ်

    – သြစတေးလျက လူနေအထူထပ်ဆုံး မြို့တစ်ခုရဲ့ မြို့တော်ကောင်စီအဖွဲ့ ရွေးချယ်ပွဲမှာ မွတ်စလင် ၄ ဦး ရွေးတောက်တင်မြှောက်ခံရပြီး မွတ်စလင်အမျိုးသမီးတစ်ဦးဟာ ပုဝါဆောင်းတဲ့ ပထမဆုံး သြဇီ မြို့တော်ကောင်စီဝင်အဖြစ် မှတ်တမ်းဝင်ခဲ့ပါတယ်။

    မြို့တော်ဆစ်ဒနီက ကန်တာဘူရီ ဘန့်စ်တောင်းမြို့ဖြစ်ပြီး သြဇီနိုင်ငံရေးသမိုင်းမှာ မှတ်တမ်းသစ် ရေးထိုးခဲ့သူကတော့ လက်ဘနွန်နွယ်ဖွား နာဒီယာဆာလေဟ်ဆိုတဲ့ အမျိုးသမီး ဖြစ်ပါတယ်။

    သူဟာ Riverwood Community Center ရဲ့ စီအီးအိုအဖြစ် ၁၈ နှစ်ကြာ တာဝန်ထမ်းဆောင်ခဲ့ပြီး မြို့တော်ကောင်စီ ရွေးကောက်ပွဲမှာ ၀င်ရောက်ယှဉ်ပြိုင် အနိုင်ရခဲ့တာပါ။

    ခင်ပွန်းဖြစ်သူ ခီဒါရ် ဆာလေဟ်ကလည်း ဘန့်စ်တောင်းမြို့ရဲ့ ဒုတိယ မြို့တော်ဝန်အဖြစ် ၃ ကြိမ်ဆက် ၁၃ နှစ်ကြာ တာဝန်ထမ်းဆာင်ခဲ့သူဖြစ်ပါတယ်။ မြို့အတွင်းမှာ အာရပ်နွယ်ဖွား ၁၅၀၀၀၀ လောက်ရှိပြီး အများစုဟာ လက်ဘနွန်က ဖြစ်ပါတယ်။

    ခီဒါရ်ဟာ ဘန့်စ်တောင်း မြို့တော်ကောင်စီဝင်အဖြစ် အရွေးခံရတဲ့ ပထမဆုံး အာရပ်လူမျိုး အစ္စလာမ်ဘာသာဝင်ဖြစ်ပါတယ်။

    နာဒီယာဆာလေဟ်ဟာ အဖွဲ့ဝင် ၁၅ ဦးပါအ၀င်တဲ့ မြို့တော်ကောင်စီမှာ အခြား မွတ်စလင် ၃ ဦးနဲ့အတူ အရွေးခံခဲ့ရတာပါ။

    ကျန်တဲ့ ၃ ဦးမှာ မိုဟာမက် ဟူဒါနဲ့ မိုဟာမက် ဇာမန်တို့ဟာ ဘင်္ဂလားဒေ့ရ်ှနွယ်ဖွားတွေ ဖြစ်ပါတယ်။ စတုတ္ထတစ်ဦးက လက်ဘနွန်နွယ်ဖွား ဘီလာလ် အလ် ဟာယက် ဖြစ်ပါတယ်။

    ခီဒါရ်က ဇနီးဖြစ်သူ အခုလို ရွေးကောက်တင်မြှောက်ခံရတာဟာ အရေးပါတဲ့ အောင်မြင်မှုဖြစ်ကြောင်း၊ နိုင်ငံရေး သြဇာရှိသူတွေ၊ ပါတီတွေနဲ့ယှဉ်ပြိုင်ခဲ့ရတာဖြစ်ပြီး၊ အစ္စလာမ်ကို ဆန့်ကျင်တိုက်ခိုက်သူတွေ၊ လူမျိုးရေးခွဲခြားသူတွေရဲ့ နှောက်ယှက်မှုတွေကိုလည်း ခံခဲ့ရကြောင်း ပြောကြားခဲ့ပါတယ်။

    Ref: Alarabiya

  • ထူးခြားသည့် ဗိသုကာလက်ရာဖြင့် ဗလီသစ်တစ်လုံး သြစတေးလျတွင် ဖွင့်လှစ်တော့မည်

    ထူးခြားသည့် ဗိသုကာလက်ရာဖြင့် ဗလီသစ်တစ်လုံး သြစတေးလျတွင် ဖွင့်လှစ်တော့မည်

    သြဂုတ် ၂၈၊ ၂၀၁၇
    M-Media

    – သြစတေးလျနိုင်ငံ ဆစ်စဒနီမြို့မှာ ဆောက်လုပ်နေတဲ့ ဗလီဝတ်ကျောင်းတော်သစ်တစ်လုံးဟာ လာမယ့်လအတွင်း ဖွင့်လှစ်ဖို့ ရှိနေပြီး ၄ ရက်ကြာ ဗိသုကာဆိုင်ရာ ပြပွဲတစ်ခုကိုလည်း ဒီဗလီမှာ ကျင်းပမှာ ဖြစ်ပါတယ်။

    ကန်ဒေါ်လာ ၁၂ သန်း ကုန်ကျမယ့် အဲဒီ ဗလီဝတ်ကျောင်းတော်ကို နိုင်ငံကာ ဂုဏ်ပြုဆုတံဆိပ်တွေ ရရှိထားတဲ့ ဗိသုကာပညာရှင် မစ္စတာ ကန်ဒါလီပက်စ်က ဒီဇိုင်းဆွဲပေးခဲ့တာ ဖြစ်ပါတယ်။

    ဂရိအော်သိုဒေ့ါစ် ဘာသာဝင်တစ်ဦးဖြစ်တဲ့ ကန်ဒါလီပက်စ်ဟာ ဗလီဝတ်ကျောင်းတော် ဆောက်လုပ်ဖို့ အလုပ်လက်ခံတဲ့ သီတင်းပတ်အတွင်းမှာပဲ Antiochian ခရစ်ယာန် ဘုရားကျောင်းတစ်ခု၊ ဂျူးဘုရားကျောင်းတစ်ခုနဲ့ ဂရိအော်သိုဒေါ့စ် ခရစ်ယာန်ဘုရားကျောင်းအတွက် အဆောက်အဦးတစ်ခုအတွက် ဒီဇိုင်းဆွဲပေးဖို့ အလုပ်ရခဲ့ပါတယ်။

    ဗလီဝတ်ကျောင်းတော်ကို မင်္ဂလာဆောင်ကိတ်ပုံသဏ္ဍာန် လေးထောင့်စပ်စပ် ဆောက်လုပ်ထားတာဖြစ်ပြီး ရှည်လျားတဲ့ မင်နာရတ်မျှော်စင်တွေနဲ့ အလယ်မှာ အမိုးခုံးတစ်ခု ပါဝင်ပါတယ်။

    အတွင်းပိုင်း ခေါင်မိုးမှာ အမိုးခုံးပုံသဏ္ဍာန် ကွန်ကရစ်ခွက်ပေါင်း ၉၉ ခု ထွင်းထားပြီး ခွက်တစ်ခုချင်းစီမှာ အလှမီးတစ်ခုစီနဲ့ အလ္လာဟ်အရှင်မြတ်ရဲ့ ဂုဏ်တော် ၉၉ ခုကို ဖော်ညွှန်းတာဖြစ်ပါတယ်။ ကြယ်ပေါင်း ၁၀၂ ခုကိုလည်း ခေါင်မိုးမှာ အလှဆင်ထားပါတယ်။

    အတွင်းပိုင်း ခေါင်မိုးမှာ အမိုးခုံးပုံသဏ္ဍာန် ကွန်ကရစ်ခွက်ပေါင်း ၉၉ ခု ထွင်းထားပြီး ခွက်တစ်ခုချင်းစီမှာ အလှမီးတစ်ခုစီနဲ့ အလ္လာဟ်အရှင်မြတ်ရဲ့ ဂုဏ်တော် ၉၉ ခုကို ဖော်ညွှန်းတာဖြစ်ပါတယ်။

    ဗလီဝတ်ကျောင်းတော်ကို လမယ့်လမှာ ဖွင့်လှစ်မှာဖြစ်ပြီး Meet the Aussie Mosque ဆိုတဲ့ ခေါင်းစဉ်နဲ့ ဗိသုကာ ပြပွဲတစ်ခုကို စက်တင်ဘာ ၂၉ ရက်ကနေ အောက်တိုဘာ ၂ ရက်နေ့အထိ ကျင်းပသွားဖို့လည်း စီစဉ်ထားပါတယ်။

    ပွဲတော်ဆိုင်ရာ ဒါရိုက်တာဖြစ်တဲ့ တင်မ် ဟော်တန်က ဗလီဝတ်ကျောင်းတော်ရဲ့ ဒီဇိုင်းဟာ ထူးခြားတဲ့ သြစတေးလျ အမှတ်သညာကို ဖော်ကျူးနေပြီး၊ ဗလီဝတ်ကျောင်းတော် ဖွင့်လှစ်တဲ့နေ့ဟာလည်း လူ့အဖွဲ့အစည်းအကြား ယဉ်ကျေးမှုဆိုင်ရာ ပေါင်းကူးနိုင်မယ့် အခွင့်အလမ်းတစ်ခုဖြစ်တယ်လို့ ဆိုပါတယ်။

    “ဒီဗလီဝတ်ကျောင်းတော်ဟာ သမရိုးကျ ဗလီဝတ်ကျောင်းတော်တွေလို မဟုတ်ပါဘူး။ ဒီဘေးနားကနေ ဖြတ်သွားတာနဲ့ ဗလီဝတ်ကျောင်းတော်ကို သတိပြုမိမှာပါ။ ဗလီဝတ်ကျောင်းတော်ရဲ့ ရည်ရွယ်ချက်ကိုသာ သိရင် ပို စိတ်ဝင်စားမှာ ဖြစ်ပါတယ်။ အထဲဝင်ပြီး ကြည့်မယ်ဆိုရင် ရှေးခေတ်က အမိုးခုံးတွေနဲ့ မုခ်ဦးတွေကို မိုက်ကယ်အိန်ဂျလိုရဲ့ နည်းလမ်းနဲ့ ဖန်တီးထားတာကို ရင်သပ်ရှုမောဖွယ်ရာ တွေ့မြင်ရမှာဖြစ်ပါတယ်” လို့ တင်မ်က ပြောကြားခဲ့ပါတယ်။

    ဒီဗလီဝတ်ကျောင်းတော်ဟာ မတူညီတဲ့ လူ့အဖွဲ့အစည်းတွေကြားထဲမှာ ပေါင်းကူးပေးနိုင်မယ့်အရာ ဖြစ်လာမယ်လို့လည်း သူက မျှော်လင့်နေပါတယ်။

    ဗလီဝတ်ကျောင်းတော်ရဲ့ ၄ ရက်တာကြာမြင့်မယ့် အခမ်းအနားမှာ ဆွေးနွေးမှုတွေ၊ ပြပွဲတွေ၊ ဟောပြောပွဲတွေလည်း ပါဝင်မှာပါ။

    ၀ူဇူပြုလုပ်ရန်နေရာ

    အမျိုးသမီး ၀တ်ပြုဆောင်လည်းပါဝင်မယ့် ဒီဗလီဝတ်ကျောင်းတော်ဟာ ဆစ်ဒနီမြို့မှာ အသစ်လွင်ဆုံးနဲ့ အသေးဆုံး ဗလီဝတ်ကျောင်းတော်လည်း ဖြစ်ပါတယ်။

    REf: smh.com

  • အစ္စလာမ်နဲ့ပတ်သက်၍ အထင်မှားမှု များနေသည်ဟု သြဇီအလှဘုရင်မ ပြော

    အစ္စလာမ်နဲ့ပတ်သက်၍ အထင်မှားမှု များနေသည်ဟု သြဇီအလှဘုရင်မ ပြော

    ဇူလိုင် ၁၉၊ ၂၀၁၇
    M-Media

    – သူနားလည်ထားတဲ့ အစ္စလာမ်သာသနာဟာ ငြိမ်းချမ်းရေးနဲ့ ညီညွတ်ရေးဖြစ်ပြီး ကမ္ဘာမှာ သာသနာနဲ့ပတ်သက်တဲ့ အထင်အမြင်မှားမှုတွေ တော်တော်များများရှိနေတယ်လို့ ၂၀၁၇ ခုနှစ် သြစလေးလျအလှမယ် သရဖူကို ပူပူနွေးနွေးရရှိထားသူ အလှမယ် အက်စ်မာ ဗိုလိုဒါက ပြောကြားလိုက်ပါတယ်။

    အသက် ၂၅ နှစ်အရွယ် ရှိပြီဖြစ်တဲ့ အက်စ်မာရဲ့ မိသားစုဟာ လွန်ခဲ့တဲ့ နှစ်ပေါင်း ၂၀ ကျော် ဘောစနီးယားမှာ စစ်ပွဲအကြီးအကျယ်ဖြစ်နေချိန်က ထွက်ပြေးကာ ဒုက္ခသည်စခန်းမှာ နေထိုင်ခဲ့ရပြီးတဲ့နောက် သြစတေးလျကို ရောက်ရှိလာတာ ဖြစ်ပါတယ်။

    “ကုရ်အာန်ကနေတစ်ဆင့် ကျွန်မသိတဲ့ အစ္စလာမ်သာသနာဟာ လက်ရှိ ကမ္ဘာတစ်ဝှမ်း ဖြစ်ပွားနေတဲ့ ဘယ်လိုလုပ်ရပ်မျိုးနဲ့မှ မသက်ဆိုင်ပါဘူး။ လက်ရှိဖြစ်နေတဲ့ ရက်စက်ကြမ်းကြုတ်မှုတွေအတွက် လူတွေက ဘာသာတရားကို လက်ညှိုးထိုးချင်တယ်။ ဒါပေမယ့် အဲဒီလိုလုပ်မယ်ဆိုရင် လုပ်တဲ့သူတွေကို တာဝန်မယူခိုင်းတာမျိုး ဖြစ်နေပါတယ်။ ပြီးတော့ သူတို့ကိုကြည့်ပြီး ဘာသာတရားကို သုံးသပ်လို့မရသလို၊ သူတို့ကိုပဲ ထိထိရောက်ရောက် ရင်ဆိုင်သွားရမှာပါ။ ဘာ့ကြောင်လည်းဆိုတော့ ကျွန်မတို့ဟာ မဆိုင်တာတွေကို အပြစ်တင်နေတာကြောင့် ဖြစ်ပါတယ်” လို့ အက်စ်မာက ပြောပါတယ်။

    ၂၀၁၇ ခုနှစ် သြဇီအလှမယ်ဘွဲ့ ဆွတ်ခူးစဉ်

    အစ္စလာမ်သာသာနာကို ခြိမ်းခြောက်နေတဲ့ ဒီလို အထင်မှား၊ အမြင်မှား ဖြစ်နေမှုကို သူ့ရဲ့ ကျော်ကြားမှုကိုသုံးပြီး ပယ်ဖျက်နိုင်ဖို့ မျှော်လင့်တယ်လို့လည်း အလှဘုရင်မက ဆိုပါတယ်။

    “အစ္စလာမ်နဲ့ပတ်သက်ပြီး အထင်အမြင် လွဲမှားမှုတွေက တအားများတယ်။ ကုရ်အာန်က သွန်သင်ထားမှုမရှိတဲ့ ပုံစံတွေကို ဖန်တီးထားကြတယ်လို့ ကျွန်မ ခံစားရပါတယ်။ အစ္စလာမ်သာသနာဟာ ငြိမ်းချမ်းရေး၊ စည်းလုံးမှု၊ သာယာဝပြောမှု၊ ပူးပေါင်းပါဝင်မှုလို့ ကျွန်မ ယုံကြည်ပါတယ်”

    သြစတေးလျကို ရောက်ရှိချိန်မှာ အသက် ၅ လသာရှိသေးတဲ့ အက်စ်မာဟာ ၂၀၀၈ ခုနှစ်မှာ Miss Teen Australia သရဖူကို ရရှိခဲ့ပြီး၊ ပြီးခဲ့တဲ့ သောကြာနေ့မှာတော့ Miss World Australia 2017 ပြိုင်ပွဲမှာ အနိုင်ရကာ သြဇီအလှဘုရင်မဘွဲ့ကို ဆွတ်ခူးနိုင်ခဲ့တာ ဖြစ်ပါတယ်။

    Ref : Daily Mail