နိုဝင်ဘာ ၁၅၊ ၂၀၁၇
M-Media
Tag: Islam in Britain
-
မွတ်စလင်များနှင့် ထိတွေ့မှုမရှိဘဲ အစ္စလာမ်ဘာသာဝင်ဖြစ်ခဲ့သူ စကော့တစ်ရှ် လူဖြူတစ်ဦး
နိုဝင်ဘာ ၅၊ ၂၀၁၆
M-Media
– စတော့တလန် တောင်ပေါ်ဒေသက သက်လက်ပိုင်း အမျိုးသားတစ်ဦး ဘ၀တစ်လျှောက်လုံးမှာ မွတ်စလင်တစ်ဦးတစ်ယောက်ကိုမှ မတွေ့ဆုံဖူးဘဲ၊ အစ္စလာမ့်အသိုင်းအ၀ိုင်းနဲ့ ထိတွေ့ဖူးခြင်းမရှိဘဲ အစ္စလာမ်ဘာသာဝင်တစ်ယောက်ဖြစ်လာတယ်ဆိုရင် ယုံကြည်နိုင်ပါ့မလား။
ကျွန်တော့်အတွက်ကတော့ ဒီအဖြစ်အပျက်ဟာ တူရကီမှာ အားလပ်ရပ်ခရီးထွက်နေချိန် အနားက ဗလီတစ်လုံးက ၀တ်ပြုရန်နှိုးဆော်သံကို ကြားတဲ့အချိန်မှာ စတင်ခဲ့ပါတယ်။ ဒီအသံက ကျွန်တော့်နှလုံးသားကို လှုပ်နှိုးလိုက်သလိုဖြစ်ခဲ့ပြီး နာမ်ပိုင်းဆိုင်ရာ စူးစမ်းရှာဖွေမှုလုပ်ဖို့ တွန်းအားလည်း ဖြစ်စေခဲ့ပါတယ်။
ကျွန်တော့်ဇာတိ အင်ဗားရ်နက်စ်ကို ပြန်ရောက်တဲ့အခါ စာအုပ်ဆိုင်သွားပြီး ကုရ်အာန်တစ်အုပ်ဝယ်ကာ စတင် ဖတ်ရှုခဲ့ပါတယ်။ အဲဒီလို ဖတ်ရှုနေရင်းမှာပဲ ကျွန်တော် စတင်ခဲ့တဲ့ ခရီးတစ်ခုအတွက် လမ်းညွှန်းပေးဖို့ ဘုရားသခင်ထံမှာ တောင်းဆိုခဲ့တယ်။
ဝတ်ပြုဆုတောင်းမှုတွေ အများကြီး ပြုလုပ်ခဲ့သလို၊ ဒူထောက်ပြီး အချိန်အတော်ကြာ အာရုံပြုမှုတွလည်း လုပ်ခဲ့ပါတယ်။
ကုရ်အာန်ကျမ်းတော်မြတ်က ကျွန်တော့်ကို တကယ် တုန်လှုပ်စေခဲ့ပါတယ်။ ကိုယ့်ရဲ့ အတွင်းစိတ်အကြောင်းကို ပြောပြထားတဲ့ စာအုပ်တစ်အုပ်ကို ဖတ်ရတာဟာ တော်တော်လေး တုန်လှုပ်စရာ ကောင်းပါတယ်။ ကိုယ့်ကိုယ်ကို စိတ်တိုင်းမကျတာမျိုးတွေ တွေ့တယ်။ ဒါ့ကြောင့် ပြောင်းလဲမှုအချို့လုပ်ဖို့ ဆုံးဖြတ်ခဲ့ပါတယ်။
ကုရ်အာန်ဖတ်နေတာကို ရပ်ပြီး၊ ပြုပြင်ပြောင်းလဲရေးလုပ်ငန်းစဉ်ကို အချိန်မရွေး ရပ်ပစ်လိုက်လို့ရတယ်ဆိုတာ ကျွန်တော်သိတယ်။ ဒါပေမယ့် ဒီလိုလုပ်မယ်ဆိုရင် တကယ်အရေးပါတဲ့အရာတစ်ခုကို စွန့်လွှတ်လိုက်သလို ဖြစ်သွားမယ်ဆိုတာလည်း ကျွန်တော် သိပါတယ်။
ဒီပြုပြင်ပြောင်းလဲမှုရဲ့ နောက်ဆုံးရလဒ်က မွတ်စလင်တစ်ယောက် ဖြစ်သွားမယ်ဆိုတာကိုလည်း ကျွန်တော် သိပါတယ်။
ဒါ့ကြောင့် ကျွန်တော် ကုရ်အာန်ကိုဆက်ဖတ်တယ်။ ၃ ကြိမ်တိတိ ဖတ်ခဲ့ပြီး ချို့ယွင်းချက်ကိုရှာတယ်။ ဒါပေမယ့် ချို့ယွင်းချက်မတွေ့ရဘဲ အရာအားလုံးနဲ့ပတ်သက်ပြီး သက်တောင့်သက်သာ ဖြစ်ခဲ့ပါတယ်။
ဒါတွေအားလုံးရဲ့ အခက်ခဲဆုံးအပိုင်းက ကျွန်တော် ဘယ်လိုဖြစ်လာမလဲလို့ တွေးမိတာပါပဲ။ သူများတွေရဲ့ မျက်လုံးထဲမှာ လူစိမ်းတစ်ယောက်၊ အများနဲ့မတူအောင် ၀တ်ဆင်တဲ့သူတစ်ယောက်၊ စကားပြောဆိုသူတစ်ယောက် ကျွန်တော် ဖြစ်လာမှာလား။
ကျွန်တော့်မိသားစု၊ မိတ်ဆွေတွေ၊ လုပ်ဖောင်ကိုင်ဖက်တွေက ဘာထင်ကြမလဲ။
အရေးအကြီးဆုံးက ကျွန်တော်ကိုယ့်ကျွန်တော် ဘယ်လိုထင်မြင်လာမလဲ ဆိုတာပါပဲ။ ဖြစ်လာမယ့်ပုံစံကို ကျွန်တော် ကြိုက်နှစ်သက်ပါ့မလား – စသဖြင့်ပေါ့လေ။
ကျွန်တော်ဟာ အွန်လိုင်းမှာ အချိန်ပေးပြီး ဒီလိုအတွေ့အကြုံမျိုး ရှိသူတွေရဲ့ ဇာတ်လမ်းတွေကို ရှာဖွေခဲ့ပါတယ်။ ထပ်တူတော့ မကြပါဘူး။ တစ်ယောက်ချင်းဆီရဲ့ အစ္စလာမ့်အေးရိပ်ဆာယာအောက်ကို ရောက်ရှိတဲ့ပုံစံဟာ တကယ့်ကို ထူးခြားပါတယ်။ ကျွန်တော်လိုပဲ တစ်ခြားလူတွကလည်း ဒီလမ်းကို လျှောက်ခဲ့ဖူးတယ်ဆိုတာကို သိရတာ မဆိုးပါဘူး။ သူများနဲ့မတူ တစ်မူထူးတယ်လို့ မြင်ကြမှာ ကြောက်တဲ့အခါတိုင်း ဒီဇာတ်လမ်းတွေကို ကျွန်တော် ပြန်စဉ်းစားပါတယ်။
အာရဘီလို ၀တ်ပြုဆုတောင်းတတ်ဖို့၊ ကုရ်အာန်ကို သဲသဲကွဲကွဲနားထောင်ဖို့၊ အစ္စလာမ့်ဓမ္မတွေးတွေ နားထောင်ဖို့ အွန်လိုင်းက တော်တော်လေး အလုပ်ဖြစ်ပါတယ်။ ကျွန်တော့်အတွက်တော့ သုံးချင်တဲ့စကားလုံးတွေ ရဖို့အတွက် ဂီတဟာ အကြီးမားဆုံး အထောက်အကူ ဖြစ်ခဲ့ပါတယ်။
ဒီကိစ္စတွေအားလုံးမှာ အရေးပါတာက ကြားရသမျှကို မေးခွန်းထုတ်တာပါပဲ။ ဒါဟာ ဘာသာရေးစကာစမြည်မှာ လုံးဝ အရေးပါတဲ့ကိစ္စ ဖြစ်ပါတယ်။ ကိုယ့်ကိုယ်ကို ပြန်မေးခွန်း ထုတ်တယ်။ ကြားသမျှ၊ ဖတ်သမျှကိုလည်း မေးခွန်းထုတ်ပါတယ်။
စိတ်ထဲမှာ စနိုးစနှောင့်ဖြစ်နေတယ်ဆိုရင် ဒါဟာ ခင်ဗျားအတွက်မဟုတ်ဘူးဆိုတာကို သိသိသာသာ ဖော်ပြနေတာပါပဲ။ ကိုယ့်ရဲ့မသိစိတ်နဲ့ နှလုံးသားကို သေချာချာနားထောင်ဖို့ လိုပါတယ်။
ဒီကိစ္စတွေအတွက် ကျွန်တော် ၁၈ လလောက် ကြာခဲ့ပါတယ်။ တစ်ချို့လူတွေက အချိန် ဒီထက်နည်းရင်နည်းမယ်၊ များရင်လည်း များမှာပါ။ ဒီကာလအတွင်းမှာ ကျွန်တော်ဟာ ကိုယ့်အားကိုယ်ကိုးပြီး ဘယ်သူ့အကူအညီမှ မယူခဲ့ပါဘူး။ ဘယ်မွတ်စလင်နဲ့မှလည်း မတွေ့ခဲ့ပါဘူး။
၁၈ လနောက်ပိုင်းမှာတော့ ကျွန်တော် အစ္စလာမ်ဘာသာဝင်တစ်ယောက် ဖြစ်နေပြီလို့ မှတ်ယူလာပါတယ်။ တစ်နေ့ကို ငါးကြိမ်ဝတ်ပြုတယ်။ ရမ်ဇာန်ဥပုသ်လမှာလည်း ဥပုသ်သီလစောင့်တယ်။ စားတာ၊ သောက်တာတွေအားလုံးကိုလည်း ကုရ်အာန်ရဲ့ သင်ကြားချက်အတိုင်း စားလို့ရတာတွေကိုသာ စားပါတယ်။
အဲဒီအချိန်မှာ ကျွန်တော်မြို့က ဗလီသေးသေးလေးတစ်လုံးကို ကျွန်တော် သွားတွေ့တယ်။ ဗလီကိုသွား၊ တံခါးခေါက်ပြီး ကိုယ့်ကိုယ်ကို မိတ်ဆက်ခဲ့ပါတယ်။
သူတို့ ကျွန်တော့်ကိုမြင်ပြီး အံ့သြနေတယ်။ ပထမတော့ ကျွန်တော့်နဲ့ပတ်သက်ပြီး ဘာလုပ်ရမလဲ သူတို့ မသိဘူး။ တံခါးဖွင့်ပေးတဲ့ မွတ်စလင်အသိုင်းအ၀ိုင်းနဲ့ မိတ်ဆက်ပေးတယ်။ သူတို့ နွေးထွေးစွာ ကြိုဆိုကြပြီး အခုတော့ ကျွန်တော်လည်း ဒီလူ့အဖွဲ့အစည်းမှာ နေသားကျသွားပါပြီ။
ကျွန်တော် သင်ယူစရာတွေ အများကြီး ရှိပါသေးတယ်။
အစ္စလာမ်ဆိုတာဘာလဲ။ အဲဒီဘာသာတရားကို တစ်ခြား ယဉ်ကျေးမှုကနေ ဘယ်လို ခွဲထုတ်ယူသလဲ။ တစ်ကယ်တော့ ကမ္ဘာပေါ်က ယဉ်ကျေးမှုမတူညီတာတွေကို ကြည့်တာထက် အစ္စလာမ်ကိုသာ ခင်ဗျားလက်ခံရမှာလို့ ကျွန်တော် ထောက်ပြချင်ပါတယ်။ ကုရ်အာန်က သင်ကြားပြသထားတဲ့ အမှန်တရားပေါ်မှာ ရပ်တည်နေသမျှကာလပတ်လုံး ခင်ဗျားရဲ့ ကိုယ်ပိုင်အမှတ်သညာကို ကိုယ်တိုင်သတ်မှတ်ဖို့အတွက် ခင်ဗျားမှာ အခွင့်အရေး ရှိပါတယ်။
အခုဆိုရင် ကျွန်တော်ဟာ လူဖြူစကော့တစ်ရ်ှမွတ်စလင် တစ်ယောက်ဖြစ်ပြီး အဲဒီအတွက်လည်း ကျေနပ်ပါတယ်။
Ref : independent
-
ဘီဘီစီ၏ အစီအစဉ် တင်ဆက်သူ ဖြစ်လာတော့မည့် ဗြိတိန် မွတ်စလင် အမျိုးသမီး နာဒီယာ ဟူစိန်
အောက်တိုဘာ ၁၅၊ ၂၀၁၆
M-Media
– ဗြိတိန်၏ နာမည်ကျော် မုန့်ဖုတ်ပြိုင်ပွဲဖြစ်သော Great British Bake Off တွင် အနိုင်ရရှိခဲ့သည့် မွတ်စလင်အမျိုးသမီး နာဒီယာ ဟူစိန်မှာ ဘီဘီစီသတင်းဌာနနှင့် အစီအစဉ်သစ်တစ်ခု တင်ဆက်ရန်အတွက် စာချုပ် ချုပ်ဆိုလိုက်သည်ဟု သိရသည်။
နာဒီယာမှာ ပြီးခဲ့သည့်နှစ်ပြိုင်ပွဲတွင် အနိုင်ရရှိခဲ့ခြင်းဖြစ်ပြီး ထိုမုန့်ဖုတ်ပြိုင်ပွဲကို BBC One မှ Channel 4 သို့ ပြောင်းလဲတင်ဆက်ရာတွင် သူမ ပါဝင်မည်ဟု ကောလာဟာလများ ထွက်ပေါ်လာပြီးနောက် ဘီဘီစီနှင့် ယခုကဲ့သို့ ပူးပေါင်းခဲ့ခြင်းဖြစ်သည်။
သူမကမူ မိမိအနေဖြင့် The One Show အတွက် ဆက်လက်ရိုက်ကူးသွားမည်ဖြစ်ပြီး မိမိတွင်ရှိနေသည့် အိုက်ဒီယာအသစ်များကိုလည်း ဖော်ဆောင်သွားမည်ဟု ပြောကြားခဲ့သည်။
ဘီဘီစီကမူ နာဒီယာပါဝင်မည့် အစီအစဉ်အသစ်များနှင့်ပတ်သက်၍ အသေးစိတ်အချက်အလက်များကို မကြာမီ ထုတ်ပြန်သွားမည်ဟု ပြောကြားခဲ့သည်။ ဘီဘီစီမှာ Bake Off အစီအစဉ်နှင့်အပြိုင် နောက်ထပ် မုန့်ဖုတ်ပြိုင်ပွဲ တစ်ခုကို ထုတ်လွှင့်ရန် စီစဉ်နေသည်ဟုလည်း သတင်းများ ထွက်ပေါ်နေသည်။
နာဒီယာဟူစိန်ပါဝင်သည့် Chronicles of Nadiya အစီအစဉ်ကို BBC One မှ စက်တင်ဘာလတွင် ထုတ်လွှင့်ခဲ့ပြီး သြဂုတ်လအတွင်းကလည်း CBBC တွင်ပြုလုပ်သည့် Bake Off အငယ်တန်းပြိုင်ပွဲတွင် ဒိုင်လုပ်ရန် တာဝန်ပေးခံခဲ့ရသည်။
၂၀၁၅ ခုနှစ် Bake Off ပြိုင်ပွဲတွင် နာဒီယာ ဆုရမှုကို ကမ္ဘာတစ်ဝှမ်းရှိ ပရိတ်သတ် ၁၅ သန်းကျော်က ကြည့်ရှုခဲ့ကြသည်။
Ref: BBC
-
ယူကေသံအမတ်တစ်ဦး အစ္စလာမ်ဘာသာသို့ ပြောင်းလဲသက်ဝင်
စက်တင်ဘာ ၁၅၊ ၂၀၁၆
M-Media
– ဆော်ဒီနိုင်ငံဆိုင်ရာ ယူကေသံအမတ်ကြီး ဆီမွန် ပေါလ် ကောလစ်မှာ အစ္စလာမ်ဘာသာသို့ သက်ဝင်ယုံကြည်ခဲ့ပြီးနောက် ၎င်း၏ဇနီးနှင့်အတူ ယခုနှစ်တွင် ဟဂ်ျပြုခဲ့သည်ဟု သိရသည်။
ကောလစ်အနေဖြင့် အစ္စလာမ်သို့ သက်ဝင်ကြောင်းသတင်းမှာ သံတမန်အသိုင်းအ၀ိုင်းအတွင်း ပြန့်နှံ့ခဲ့သော်လည်း လူသိရှင်ကြားထုတ်ပြန်ခဲ့ခြင်း မရှိပေ။
သို့သော် ယမန်နေ့က ဆော်ဒီ စာရေးဆရာနှင့် ပညာရှင်တစ်ဦးဖြစ်သူ ဖေါ်ဇီယာ အလ်-ဘာကာရ်က ကောလစ်နှင့် ၎င်း၏ ဇနီးဖြစ်သူ ဟူဒါ မူဂျာကက်ခ်ျတို့မှာ အီဟ်ရမ်ဝတ်ရုံ (ဟဂ်ျပြုရာတွင် ၀င်ဆင်ရသည့် ၀တ်ရုံ) ၀တ်ဆင်ထားသည့် ဓာတ်ပုံ ၂ ပုံကို သူမ၏ Twitter စာမျက်နှာတွင် လွှင့်တင်ခဲ့ပြီးနောက် ထိုသတင်းမှာ ပြည်သူများအကြား အလျင်အမြန် ပြန့်နှံ့သွားခဲ့သည်။
သံအမတ်ကြီး ကောလစ်ကလည်း အလ်-ဘာကာရ်၏ ပို့စ်အောက်တွင် ကျေးဇူးတင်ကြောင်း ရေးသားခဲ့ပြီး ၎င်း၏ ဇနီးဖြစ်သူ ဟူဒါမှာ အလ်-ဘာကာရ်၏ ပို့စ်ကို ထပ်ဆင့် မျှဝေခဲ့သည်။
“မွတ်စလင်လူ့အဖွဲ့အစည်းတွေမှာ နှစ်ပေါင်း ၃၀ လာက် ကျင်လည်လာခဲ့ပြီးတဲ့နောက်၊ ဟူဒါနဲ့ လက်မထင်ခင်လေးတင်မှာပဲ ကျွန်တော်ဟာ အစ္စလာမ်ကို သက်ဝင်ယုံကြည်ခဲ့တာ ဖြစ်ပါတယ်” ဟု ကောလစ်က ပြောကြားခဲ့သည်။
ကောလစ်မှာ ပြီးခဲ့သည့် ဇန်န၀ါရီမှစ၍ ဆော်ဒီနိုင်ငံဆိုင်ရာ ယူကေ သံအမတ်ကြီးအဖြစ် တာဝန်ထမ်းဆောင်ခဲ့သူဖြစ်ပြီး ဘာရိန်း၊ အီရတ်၊ ဆီးရီးယား၊ ကာတာ၊ ဒူဘိုင်း၊ ဘာဆရာ၊ နယူးဒေလီ စသည့်နိုင်ငံများ ဒေသများတွင် ဗြိတိန်နိုင်ငံအတွက် သံတမန်ရေးရာ တာဝန်များကို ဆောင်ရွက်ခဲ့သူဖြစ်သည်။
Ref: Arabnews
-
အောက်စဖို့ဒ်တွင် ၁၁ ကြိမ်မြောက် မွတ်စလင်လူငယ်ဖိုရမ် ကျင်းပ
စက်တင်ဘာ ၁၁၊ ၂၀၁၆
M-Media
– အောက်စဖို့ဒ်တက္ကသိုလ်၏ အစ္စလာမ့်ရေးရာ လေ့လာရေးစင်တာ (OCIS) မှာ အောက်စဖို့ဒ်မြို့တွင် ၁၁ကြိမ်မြောက် ဗြိတိန် မွတ်စလင်လူငယ်ခေါင်းဆောင်မှုဆိုင်ရာ ဖိုရမ်ကို သြဂုတ်လ ၃၁ ရက်နေ့မှ စက်တင်ဘာ ၉ ရက်နေ့အထိ ကျင်းပခဲ့သည်ဟု သိရသည်။
အဆိုပါ ဖိုရမ်မှာ ဗြိတိန်မွတ်စလင်လူငယ်များ ၎င်းတို့၏ စွမ်းဆောင်ရည် တိုးတက်စေရန်၊ ၎င်းတို့ထိခိုက်ခံရသည့် ကိစ္စရပ်များအပေါ် ၎င်းတို့၏သဘောဆန္ဒများ ထုတ်ဖော်နိုင်ရန်နှင့် လူ့အဖွဲ့အစည်း ဖွံ့ဖြိုးရေးတွင် မိမိတို့၏ စွမ်းရည်များနှင့် အလားအလာကို ပြသခွင့်ရှိစေရန် ရည်ရွယ်ခြင်းဖြစ်ပြီး အစ္စလာမ့်ပညာရေး၊ သိပ္ပံနှင့် ယဉ်ကျေးမှုဆိုင်ရာ အဖွဲ့အစည်း (ISESCO) ၏ အထွေထွေညွှန်ကြာရေးမှူးဖြစ်သူ ဒေါက်တာ အဗ္ဗဒူလ် အဇစ် အွတ်စ်မန် အလ်တာဝေ့ဂ်ျရီ တက်ရောက်ခဲ့သည်။
ဒေါက်တာ အလ်တာဝေ့ဂ်ျရီက အမှာစကားပြောကြားရာတွင် လူ့အဖွဲ့အစည်းမှ ကိစ္စရပ်များကို ကိုင်တွယ်ဖြေရှင်းရေး၊ ယဉ်ကျေးမှုနှီးနှောဖလှယ်ရေးနှင့် အတူယှဉ်တွဲနေထိုင်ရေးတို့ကို မြှင့်တင်ရာတွင် လူငယ်များ၏ အခန်းဏ္ဍမှာ အလွန် အရေးကြီးကြောင်း၊ မိမိတို့၏ ISESCO အဖွဲ့မှာ လူငယ်များ၏ အရေးကိစ္စတွင် အာရုံစိုက်ထားပြီး သုံးနှစ်လုပ်ငန်းဆောင်ရွက်မှု စီမံကိန်း (၂၀၁၆-၂၀၁၈) တွင် လူငယ်များ၏ ပြဿနာများ အထူးသဖြင့် ပညာရေး၊ သိပ္ပံ၊ ယဉ်ကျေးမှုနှင့် ဆက်သွယ်ရေးဆိုင်ရာများကို တွန်းအားပေး ဆောင်ရွက်သွားမည်ဖြစ်ကြောင်း ပြောကြားခဲ့သည်။
တစ်ပတ်တာ ကြာမြင့်ခဲ့သည့် အဆိုပါဖိုရမ်ကို ၀န်ကြီးများ၊ နိုင်ငံရေးသမားများ၊ လွှတ်တော်အမတ်များ၊ ဥပဒေနှင့် စီးပွားရေးအထူးပြုများ၊ ကျွမ်းကျင်သူများ၊ ပညာရှင်များ၊ အင်န်ဂျီအိုကိုယ်စားပြုများနှင့် ဗြိတိန်မီဒီယာများ တက်ရောက်ခဲ့ကြသည်။
Ref : IINA
