News @ M-Media

Tag: Islam in Europe

  • ကွန်မြူနစ်ဖိနှိပ်မှုအလွန် ပြန်လည်ရှင်သန်လာတဲ့ အဇာဘိုင်ဂျန်က အစ္စလာမ်သာသနာ

    ကွန်မြူနစ်ဖိနှိပ်မှုအလွန် ပြန်လည်ရှင်သန်လာတဲ့ အဇာဘိုင်ဂျန်က အစ္စလာမ်သာသနာ

    ဇန်န၀ါရီ ၈၊ ၂၀၁၇
    M-Media

    အဇာဘိုင်ဂျန် ကျေးလက်ဂီတ အဆိုတော်ဖြစ်တဲ့ ဂါဆီမိုဗာဟာ ဂီတနယ်ပယ်မှာ နာမည်ကျော်တဲ့ အလမ် ဂါဆီမော့ဗ်ရဲ့ သမီးဖြစ်ပါတယ်။

    – ဖာရ်ဂနာ ဂါဆီမိုဗာတစ်ယောက် ဆိုဗီယက်ခေတ်မှာ အစ္စလာမ်ဘာသာနဲ့ပတ်သက်ပြီး မှတ်မှတ်သားသားရှိတာက သာသနာကို လူမသိ၊ သူမသိ ကျင့်သုံးခဲ့ရတာ ဖြစ်ပါတယ်။

    သူ့ရဲ့ ဘိုးဘွားတွေဟာ ဆိုဗီယက်အာဏာပိုင်တွေရဲ့ အမျိုးစုံသော စောင့်ကြည့်မှုတွေကို ရှောင်ကွင်းပြီး ၀တ်ပြုတာ၊ ဥပုသ်သီလဆောက်တည်တာတွေကို ပြုလုပ်ကာ ဟန်မပျက်အောင် ဂရုတစိုက် နေထိုင်ခဲ့ကြရပါတယ်။

    “ဆိုဗီယက်လက်ထက်တုန်းက အဇာဘိုင်ဂျန်မှာ ၀တ်ပြုဆုတောင်းတာတွေ၊ ပုဝါဆောင်းတာတွေကို လုပ်လို့မရပါဘူး။ အဇာဘိုင်ဂျန်အပါအ၀င် ဆိုဗီယက်ယူနီယံတစ်ဝှမ်းလုံးမှာ ဘုရားမဲ့ဝါဒကိုပဲ ၀ါဒဖြန့်ခဲ့ကြတာပါ” လို့ သူမက ပြောကြားခဲ့ပါတယ်။

    အစ္စလာမ်သာသနာဟာ အဇာဘိုင်ဂျန်မှာ ၇ ရာစုကတည်းက အခြေကျခဲ့ပေမယ့် ဆိုဗီယက်အုပ်စိုးမှုအတွင်းမှာ ဆိုးဆိုးဝါးဝါး ဖိနှိပ်ချုပ်ချယ်ခြင်း ခံခဲ့ရပါတယ်။

    ဆိုဗီယက်ပြည်ထောင်စုပြိုကွဲပြီး လွတ်လပ်တဲ့ သမ္မတနိုင်ငံအဖြစ် ပြန်လည်ပေါ်ထွက်လာတဲ့ နောက်ပိုင်းမှာ ဘာသာရေး ကန့်သတ်ချုပ်ချယ်မှုတွေ တော်တော်များများ လျော့ပါးသွားခဲ့ပြီး၊ အစ္စလာမ့် ဘ၀တည်ဆောက်မှုလမ်းစဉ်ကို နေ့စဉ်ဘ၀မှာ ပြန်လည်မြင်လာခဲ့ကြပါတယ်။

    “၁၉၉၁ ခုနှစ် လွတ်လပ်ရေးရပြီးတဲ့နောက် (ဘာသာတရားကို ကျင့်သုံးဖို့) ကျွန်မတို့ အခွင့်အရေး တော်တော်များများ ရခဲ့ပါတယ်။ ဘာသာရေးလွတ်လပ်ခွင့်လည်း ရလာပါတယ်။ တီဗီအစီအစဉ်တွေနဲ့ အခမ်းအနားပွဲတွေမှာ ပုဝါကို လွတ်လွတ်လပ်လပ် ဆောင်းလို့ရခဲ့ပါတယ်” လို့ ဂါစီမိုဗာက ဆိုပါတယ်။

    အဇာဘိုင်ဂျန် ကျေးလက်ဂီတ အဆိုတော်ဖြစ်တဲ့ ဂါဆီမိုဗာဟာ ဂီတနယ်ပယ်မှာ နာမည်ကျော်တဲ့ အလမ် ဂါဆီမော့ဗ်ရဲ့ သမီးဖြစ်ပါတယ်။

    အသက် ၂၀ အရွယ်ရောက်မှ အစ္စလာမ်သာသနာကို လိုက်နာကျင့်သုံးခွင့်ရခဲ့ပြီး ၄ နှစ်အကြာမှာ ပုဝါဆောင်းခဲ့ပါတယ်။

    “ကျွန်မတိုင်းပြည်မှာ ဘယ်လိုကန့်သတ်မှုမျိုးမှ မကြုံတွေ့ရတော့ပါဘူး”

    အဇာဘိုင်ဂျန်ရဲ့ယဉ်ကျေးမှုကို ပုံဖော်ရာမှာ အစ္စလာမ်သာသနာဟာ ကြီးမားတဲ့ အခန်းကဏ္ဍကနေ ပါဝင်ပြီး လူဦးရေ ၉၃ ရာခိုင်နှုန်းကနေ ၉၉ ရာခိုင်နှုန်းက အစ္စလာမ်ဘာသာဝင်တွေ ဖြစ်ပါတယ်။ ရှီအာက လူများစုဖြစ်ပြီး ဆွန်နီက လူနည်းစုပါ။

    အဇာဘိုင်ဂျန်မှ ၀တ်ပြုဆုတောင်းနေကြသည့် မွတ်စလင်များ

    ကက်စပီယံပင်လယ်ရဲ့ အနောက်ဖက်အစွန်းမှာရှိတဲ့ အဇာဘိုင်ဂျန်ဟာ ၁၉၁၈ ခုနှစ်မှာ ရုရှားထံကနေ လွတ်လပ်ရေးရပြီး ဘာသာရေးလွတ်လပ်ခွင့်ကို အာမခံတဲ့ ဘာသာရေးမနွယ်တဲ့ နိုင်ငံတစ်ခုအဖြစ် ထူထောင်ခဲ့ပါတယ်။

    တိုင်းပြည်ရဲ့ ဖွဲ့စည်းပုံမှာ နိုင်ငံသားတိုင်းကို လူမျိုး၊ ဘာသာ၊ ကျား၊ မ၊ အဆင့်အတန်း၊ ရာထူးဂုဏ်ဒြပ် မခွဲခြားဘဲ နိုင်ငံသားအခွင့်အရေး၊ နိုင်ငံရေးအခွင့်အရေး အပြည့်ပေးထားပါတယ်။

    ဒါပေမယ့် တပ်နီတော်ဟာ ၁၉၂၀ ခုနှစ်မှာ အဇာဘိုင်ဂျန်ကို ကျူးကျော်ခဲ့ပြီး ဆိုဗီယက်ပြည်ထောင်စုအတွင်းသွတ်သွင်းကာ အဲဒီကာလက နှစ်ပေါင်း ၇၀ ကြာမြင့်ခဲ့ပါတယ်။

    ဆိုဗီယက်ပြည်ထောင်စုက ဂျူးတွေ၊ ခရစ်ယာန်တွေ၊ မွတ်စလင်တွေလို အဇာဘိုင်ဂျန်က မွတ်စလင်တွေကဟာလည်း ဘာသာရေး လိုက်နာကျင့်သုံးမှုကို ဆိုးဆိုးရွားရွား ပိတ်ပင်ခံခဲ့ရပါတယ်။

    “ဓမ္မသင်တန်းတွေကို သင်ကြားခွင့်မပြုဘူး။ ဆိုဗီယက်ပြည်ထောင်စု တစ်ခုလုံးမှာ မဒ်ရာဆာ ဓမ္မသင်တန်းကျောင်း ၂ ခုသာရှိပြီး အဲဒီနှစ်ခုစလုံးက ဥဇဘက်ကစ္စတန်မှာ ဖြစ်ပါတယ်” လို့ ကော့ကေးရှပ် မွတ်စလင်ရေးရာရုံး (CMO) ရဲ့ ဒုတိယဥက္ကဌ ဟာဂျီ ဆလ်မန် မူဆာယက်ဗ်က ပြောကြားခဲ့ပါတယ်။

    ဥဇဘက်ကစ္စတန် ဘူခါရာမြို့က မီရ်အာရပ် မဒ်ရာဆာမှာ သူသင်ကြားခဲ့ရတုန်းက ကျောင်းရဲ့ သင်ကြားမှုနဲ့ပတ်သက်ပြီး အစိုးရက တင်းတင်းကြပ်ကြပ် ထိန်းချုပ်ထားတယ်လို့ မူဆာယက်ဗ်က ဆိုပါတယ်။

    ဒီလိုထိန်းချုပ်မှုဟာ နိုင်ငံအတွင်း ဘာသာရေးတွေ လိုက်နာကျင့်သုံးမှုကို ဆိတ်သုဉ်းသွားစေဖို့ ရည်ရွယ်လုပ်ဆောင်မှုတွေထဲက တစ်စိတ်တစ်ပိုင်းဖြစ်ပါတယ်။

    ဆိုဗီယက်ရဲ့ ဘာသာတရားတွေအပေါ် နှိပ်ကွပ်မှုဟာ ဆယ်စုနှစ်နဲ့ချီ ကြာမြင့်ခဲ့ပေမယ့် အဇာဘိုင်ဂျန်ပြည်သူတွေရဲ့ ဘ၀အသက်တာမှာ ဘာသာတရားရဲ့ အခန်းကဏ္ဍကို မဖျောက်ဖျက်နိုင်ခဲ့ပါဘူး။

    “အရင်က ဟဂ်ျဘုရားဖူးခရီးကို တစ်ယောက်၊ နှစ်ယောက်လောက်သွားရဖုို့ တော်တော်ခက်ပါတယ်။ အခုတော့ ကြိုက်သလောက်သွားနိုင်ပါပြီ” လို့ မူဆာယက်ဗ်က ပြောကြားခဲ့ပါတယ်။

    ထွန်းကားမှု

    ဆိုဗီယက်အုပ်စိုးမှုအတွင်း အဇာဘိုင်ဂျန်မှာ ၀တ်ပြုခွင့်ရတဲ့ ဗလီဝတ်ကျောင်းတော် အရေအတွက်ဟာ ၁၈ လုံးသာရှိပေမယ့် ဆိုဗီယက်ပြိုကွဲပြီးနောက်ပိုင်းမှာ ၂၀၀၀ အထိ မြင့်တက်လာခဲ့ပါတယ်။

    ၁၉၉၁ ခုနှစ် လွတ်လပ်ရေးရပြီးနောက်ပိုင်းမှာ အဇာဘိုင်ဂျန်အစိုးရဟာ ဘာသာရေးလွတ်လပ်ခွင့်ကို တိုင်းပြည်ရဲ့ အခြေခံဥပဒေမှာ အာမခံပေးထားပြီး၊ ဗလီဝတ်ကျောင်းတော် ရာပေါင်းများစွာကို ပြင်ဆင်ဖို့ စီမံကိန်း ဆွဲခဲ့ပါတယ်။

    “ဆိုဗီယက်ပြည်ထောင်စု ပြိုကွဲပြီးတဲ့နောက် တစ်ချို့ပြည်သူတွေဟာ ဗလာကျင်းနေတဲ့ စိတ်နှလုံးကို ဘာသာတရားနဲ့ဖြည့်ဆည်းဖို့ ကြိုးစားလာကြပါတယ်” လို့ Marmara တက္ကသိုလ်က ပါမောက္ခ အကွီလ် ရှီရီနော့ဗ်က ပြောကြားခဲ့ပါတယ်။

    လွတ်လပ်ရေးရပြီးနာက်ပိုင်း အဇာဘိုင်ဂျန်မှာ သာသနာ ပြန်ထွန်းကလာတာကို သူက ရှင်းပြတာ ဖြစ်ပါတယ်။

    ဒါပေမယ့် ကမ္ဘာနဲ့တော့ ရင်ဘောင်မတန်းနိုင်သေးပါဘူး။

    “ဘာသာရေးဖက်ကို တစ်ရှိန်ထိုး ပြန်လှည့်လာကြတော့ တစ်ချို့တွေက စိုးရိမ်ကြပါတယ်။ အစွန်းရောက်အုပ်စုတွေအထဲ သူတို့ကလေးတွေ ရောက်သွားမလားဆိုပြီး တစ်ချို့မိဘတွေက စိုးရိမ်ကြတယ်။ တစ်ချို့ကျတော့လည်း သားသမီးတွေကို ၀တ်ပြုခွင့်မပေးကြဘူး။ ဒီလူတွေက မွတ်စလင်လို့တော့ အမည်ခံထားတယ်။ လက်တွေ့မှာ ဘုရားဝတ်ပြုတာမျိုး မလုပ်ကြဘူး” လို့ ရှီရီနော့ဗ်က ပြောပါတယ်။

    ဆိုဗီယက်အလွန် ဆယ်စုနှစ်တွေမှာ အခြားမွတ်စလင်နိုင်ငံတွေနဲ့ယှဉ်ကြည့်ရင် အဇာဘိုင်ဂျန်မှာ သာသနာ ထွန်းကားမှုနှုန်းဟာ နိမ့်ပါးနေပါသေးတယ်။

    Caucasus Barometer ရဲ့ သုတေသနအရ အဇာဘိုင်ဂျန်ပြည်သူတွေရဲ့ ၂၀ ရာခိုင်နှုန်းကသာ ဘာသာရေးကို ပုံမှန်ဆောင်ရွက်ကြပြီး ၄၀ ရာခိုင်နှုန်းအောက်က ဘာသာရေးဆိုင်ရာ နေ့ထူးနေ့မြတ်တွေကို မလုပ်ကြဘူးလို့ သိရပါတယ်။

    ဒါပေမယ့် ဖာရ်ဂါနာ ဂါစီမိုဗာကတော့ အခြားသူတွေရဲ့ ဘာသာရေး ကိုင်းရှိုင်းမှု၊ မကိုင်းရှိုင်းမှုကို စိတ်ထဲမထည့်ဘဲ လွတ်လပ်စွာကိုးကွယ်ခွင့် ရနေသမျှတစ်လျှောက်လုံး ဘာသာတရားရဲ့ ဆိုဆုံးမမှုအတိုင်း လိုက်နာနေထိုင်သွားဖို့ ဆုံးဖြတ်ထားပါတယ်။

    အဇာဘိုင်ဂျန်မှာ လူသိများထင်ရှားသူ တစ်ယောက်အဖြစ် ဂါစီမိုဗာဟာ ဘာသာတရားအတွက် စံနမူနာ ယူစရာ ပုဂ္ဂိုလ်၊ လူငယ်တွေ လေးစားအားကျစရာ ပုဂ္ဂိုလ်တစ်ဦးအဖြစ် ရှိနေတာကို ဂုဏ်ယူမဆုံး ဖြစ်နေပါတယ်။

    “အစ္စလာမ်နာမည်ကို တစ်ချို့တွေက အလွဲသုံးစားလုပ် ဖျက်ဆီးနေကြပါတယ်။ အကြမ်းဖက်ဝါဒနဲ့တွဲပြီး အစ္စလာမ်ကို အရုပ်ဆိုး အကျည်းတန်အောင် လုပ်နေကြပါတယ်။ နိုင်ငံရပ်ခြားက ဖျော်ဖြေပွဲတွေမှာ ကျွန်မကိုမြင်တဲ့အခါ သူတို့ရဲ့ သဘောထားတွေ ပြောင်းလဲသွားတယ်လို့ ကျွန်မခံစားရပါတယ်။ သူတို့တွေဟာ ကျွန်မဆီကို ကလေးတွေခေါ်လာပြီး ‘ရှင့်ရဲ့ အနုပညာနဲ့ စစ်မှန်တဲ့အစ္စလာမ်ဟာ ဘာလဲဆိုတာကို ပြသဖို့အတွက် ကျွန်မတို့ ကလေးတွေကို ခေါ်လာတာပါ’ လို့ ပြောကြပါတယ်”

    Ref: Aljazeera

    (Aljazeera သတင်းဌာနတွင် ဖော်ပြထားသည့် Islam’s gradual resurgence in post-Soviet Azerbaijan ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)

  • ဗိုက်ကင်းခေတ်ဝတ်စုံတွင် ‘အလ္လာဟ်အရှင်မြတ်’ ဆိုသည့် နာမတော် ရေးသားထားမှုကို တွေ့ရှိ

    ဗိုက်ကင်းခေတ်ဝတ်စုံတွင် ‘အလ္လာဟ်အရှင်မြတ်’ ဆိုသည့် နာမတော် ရေးသားထားမှုကို တွေ့ရှိ

    အောက်တိုဘာ ၁၂၊ ၂၀၁၇
    M-Media

    ဗိုက်ကင်းခေတ်မှ အ၀တ်အပိုင်းအစတစ်ခု

    – ဆွီဒင်နိုင်ငံက သုတေသနပညရှင်တွေဟာ ဗိုက်ကင်းခေတ် သင်္ချီုင်းတွေက အသုဘ၀တ်စုံတွေမှာ အာရဘီစကားလုံးတွေကို ရှာဖွေတွေ့ရှိခဲ့ပြီး အဲဒီတွေ့ရှိမှုဟာ စကင်ဒီနေးဗီးယားဒေသမှာ အစ္စလာမ်သာသာနာရဲ့လွှမ်းမိုးမှု ဘယ်လောက်ရှိခဲ့လဲဆိုတဲ့ မေးခွန်းတွေကို မြင့်တက်လာစေတယ်လို့ ဂျာနယ်လစ် တာရစ် ဟူစိန်က ရေးသားခဲ့ပါတယ်။

    အဲဒီဝတ်စုံတွေဟာ ဗိုက်ကင်းခေတ်က သာမန် အသုဘ၀တ်စုံလို့ သတ်မှတ်ကာ နှစ်ပေါင်း ၁၀၀ ကျော်လောက် ဒီအတိုင်း သိမ်းထားခဲ့တာပါ။

    ဒါပေမယ့် ၉ ရာစု၊ ၁၀ ရာစုလောက်က သင်္ချီုင်းတွေမှာ တွေ့ရတဲ့ အဲဒီ အ၀တ်စတွေကို လေ့လာမှုအသစ်တွေအရ ဗိုက်ကင်းနဲ့ မွတ်စလင်ကမ္ဘာအကြား ထိတွေ့ဆက်ဆံမှုကို သဲလွန်စကို တစ်အံ့တစ်သြ မြင်လာခဲ့ရပါတယ်။

    ပိုး၊ ငွေချည်တွေနဲ့ ထိုးထားတဲ့ အကွက်တွေမှာ ‘အလ္လာဟ်အရှင်မြတ်’ ‘အလီ’ ဆိုတဲ့ အာရဘီစကားလုံးတွေကို တွေ့ခဲ့ရတာပါ။

    Uppsala တက္ကသိုလ်က ရှေးဟောင်း ချည်ထည်ဗေဒပညာရှင် အန်နီကာ လာဆန်က ဆွီဒင်နိုင်ငံ ဘီရ်ကာနဲ့ ဂမ်လာ အပ်ဆာလာဒေသမှာ ၁၉ ရာစုနဲ့ ၂၀ ရာစုအလယ်ပိုင်းလောက်မှာ တူးဖော်ခဲ့တဲ့ ဗိုက်ကင်း အမျိုးသားမြေပုံနဲ့ အမျိုးသမီးမြေပုံတွေမှာ တွေ့ရှိရတဲ့ အပိုင်းအစတွေကို ပြန်လည်လေ့လာရာကနေ ဒီလို တွေ့ရှိလာတာဖြစ်ပါတယ်။

    အဲဒီအ၀တ်တွေဟာ အာရှအလယ်ပိုင်း၊ ပါရှားနဲ့ တရုတ်နိုင်ငံကလာတဲ့ အ၀တ်တွေဖြစ်တယ်ဆိုတာကို သိရှိပြီးတဲ့နောက် ဒါတွေကို လေ့လာဖို့အတွက် သူမ စိတ်ဝင်စားလာခဲ့ပါတယ်။

    “မှန်ထောင်ပြီးကြည့်လိုက်တဲ့အခါ ‘အလ္လာဟ်အရှင်မြတ်’ ဆိုတဲ့စကားလုံးကို အမှတ်တမဲ့ တွေ့လိုက်ပါတယ်” လို့ သူမက ပြောကြားခဲ့ပါတယ်။

    အမြင့် ၀.၆ လက်မထက်မပိုတဲ့ ဂျီသြမေတြီဒီဇိုင်းသေးသေးလေးတွေဟာ စင်ဒီနေးဗီးယား ဒေသတစ်ဝှမ်းမှာ သူမ တွေ့ရှိခဲ့တဲ့ အရာတွေနဲ့ လုံးဝ မတူဘူးလို့လည်း လာဆန်က ဆိုပါတယ်။

    “ဒါကိုတွေ့တော့ ကျွန်မ သိပ်ပြီး မအံ့သြပါဘူး။ အဲဒီနောက်မှာ စပိန်က မူးရစ်ရ်ှတွေရဲ့ ချည်ထည်တွေမှာ ဒီလိုဒီဇိုင်းတွေ တွေ့တာကို သွားပြီး သတိရလာပါတယ်”

    ပဟေဠိကိုဖော်နိုင်

    အဲဒီနောက်မှာတော့ လာဆန်က သူမြင်တွေ့နေရတာဟာ ဗိုက်ကင်းဒီဇိုင်းမဟုတ်ဘဲ အာရဘီကူဖစ်ရေးဟန် ဒီဇိုင်း ဖြစ်တယ်ဆိုတာကို သိရှိလာခဲ့ပါတယ်။

    အ၀တ်စပေါ်က စာနှစ်လုံးမှာ တစ်လုံးကို အီရန်လုပ်ဖော်ကိုင်ဖက်တစ်ယောက်ရဲ့ အကူအညီနဲ့ ဖော်ထုတ်နိုင်ခဲ့ပါတယ်။ အဲဒါကတော့ ‘အလီ’ လို့ ရေးသားထားတာဖြစ်ပြီး အစ္စလာမ့်သမိုင်းမှာ စတုတ္ထမြောက် ခလီဖာရဲ့ နာမည်ဖြစ်ပါတယ်။

    ဒါပေမယ့် နောက်တစ်လုံးက သူ့ကို ခေါင်းရှုပ်စေခဲ့ပါတယ်။

    ဒီစာလုံးကိုဖော်ဖို့အတွက် လာဆန်ဟာ စကားလုံးကို ချဲ့ခဲ့ပြီး ပြောင်းပြန်အပါအ၀င် ရှုထောင့်ပေါင်းစုံကနေ ကြည့်ရှုခဲ့ပါတယ်။

    “မှန်ထောင်ပြီးကြည့်လိုက်တဲ့အခါ ‘အလ္လာဟ်အရှင်မြတ်’ ဆိုတဲ့စကားလုံးကို အမှတ်တမဲ့ တွေ့လိုက်ပါတယ်” လို့ သူမက ပြောကြားခဲ့ပါတယ်။

    သူမ လေ့လာစူးစမ်းနေတဲ့ အ၀တ်အပိုင်းအစ ၁၀၀ နီးပါးလောက်မှာ ဒီနာမည်တွေကို အနည်းဆုံး ၁၀ နေရာလောက်မှာ တွေ့ရှိခဲ့ရပြီး အမြဲတမ်း ဒီအမည်တွေဟာ ၂ လုံးတွဲလျက် ရှိနေတယ်လို့ ဆိုပါတယ်။

    ဒီလို တွေ့ရှိချက်သစ်တွေက သင်္ချီုင်းတွေနဲ့ သက်ဆိုင်သူတွေအကြောင်း မေးစရာတွေ၊ တွေးစရာတွေ ဖြစ်လာခဲ့ပါတယ်။

    “ဒီမြေပုံတွေထဲ မြှုပ်နှံခံထားရသူတွေဟာ မွတ်စလင်တွေဖြစ်နိုင်တယ်ဆိုတဲ့ အချက်ကို ငြင်းပယ်လို့ မရပါဘူး။ ဗိုက်ကင်းခေတ်က အခြားဂူတွေကိုဖော်ပြီး DNA စစ်ဆေးရာမှာ မြှုပ်နှံထားသူတစ်ချို့ဟာ အစ္စလာမ်သာသနာ ထွန်ကားတဲ့ ပါရှားလိုနေရာမျိုးက လာတယ်ဆိုတာ ကျွန်မတို့ သိရှိထားပါတယ်။ ဒါပေမယ့် ဒီတွေ့ရှိချက်အရ ဗိုက်ကင်းခေတ် လူသေမြှုပ်နှံမှုဓလေ့ဟာ သေပြီးနောက် ကောင်းကင်ဘုံမှာ ထာဝရအသက်ရမယ်ဆိုတဲ့ အစ္စလာမ့်အယူအဆတွေ လွှမ်းမိုးခဲ့တယ်ဆိုတာကို ပြသတာနေတာမျိုးလည်း ဖြစ်နိုင်ပါတယ်” လို့ လာဆန်က ပြောကြားခဲ့ပါတယ်။

    သူမနဲ့အဖွဲ့ဟာ လက်ရှိမှာ တက္ကသိုလ်ရဲ့ ရောဂါဗေဒ၊ မျိုးရိုဗီဇဗေဒ ဌာနတွေနဲ့အတူ ပူးပေါင်းပြီး အသုဘ၀တ်စုံတွေ ၀တ်ထားကြတဲ့သူတွေရဲ့ မူရင်းဇာတိတွေကို ဖော်ထုတ်ဖို့ ကြိုးစားနေကြပါတယ်။

    သမိုင်းကြာင်း

    ‘အလ္လာဟ်အရှင်မြတ်’ ဆိုသည့် စကားလုံး ရေးထိုထားသည့် ဗိုက်ကင်းခေတ် လက်စွပ်

    ဗိုက်ကင်းခေတ် လူ့အဖွဲ့အစည်းနဲ့ မွတ်စလင်ကမ္ဘာ ထိတွေဆက်ဆံမှုကို သမိုင်းဆိုင်ရာ အထောက်အထားတွေ၊ ကမ္ဘာ့မြောက်ခြမ်းမှာ အစ္စလာမ့်ငွေကြေးတွေကို တွေ့ရှိမှုတွေနဲ့အတူ အချိန်အတော်ကြာကတည်းက အတည်ပြုထားနိုင်ပါတယ်။

    လွန်ခဲ့တဲ့ ၂ နှစ်တုန်းကစပြီး သုတေသန ပညာရှင်တွေဟာ ဘီရ်ကာက အမျိုးသမီးအုတ်ဂူမှာ တွေ့ရတဲ့ ငွေလက်စွပ်ကို ပြန်လည် ဆန်းစစ်ခဲ့ပြီး၊ လက်စွပ်ကကျောက်မှာ ‘အလ္လာဟ်အရှင်မြတ်’ ဆိုတဲ့ အာရဘီစကားလုံး ထွင်းထုထားတာကို တွေ့ခဲ့ရပါတယ်။

    အဲဒီစာလုံးဟာ ၇ ရာစု အီရတ်နိုင်ငံ ကူဖာမြို့မှာ ထွန်းကားခဲ့တဲ့ ‘ကူဖစ်’ အရေးအသားနဲ့ ရေးထားတာဖြစ်ပါတယ်။

    လာဆန်ရဲ့ ဖော်ထုတ်တွေရှိမှုမှာ သိပ်ကို စိတ်ဝင်စားစရာကောင်းတဲ့အချက်က စကင်ဒီနေဗီးယားဒေသမှာ ဖော်ထုတ်တွေ့ရှိခဲ့တဲ့ သမိုင်းဆိုင်ရာ ပစ္စည်းတွေထဲမှာ အလီဆိုတဲ့အမည်ကို ပထမဆုံး တွေ့ရတာပါ။

    “အလ္လာဟ်အရှင်မြတ်ဆိုတဲ့ စာလုံးရဲ့ဘေးမှာ အလီဆိုတဲ့စာလုံးကို ထပ်တလဲလဲ ရေးထားပါတယ်။ အလီသခင်ကို မွတ်စလင်တွေထဲမှာ အကြီးဆုံး လူနည်းစုအုပ်စုဖြစ်တဲ့ ရှီအာတွေက အလွန် လေးစားကြည်ညိုတယ် ဆိုတာကိုလည်း ကျွန်မ သိထားပြီး ဆက်သွယ်မှုတစ်ခုများ ရှိလိမ့်မလားဆိုပြီး စဉ်းစားခဲ့ပါတယ်” လို့ လာဆန်က ပြောကြားခဲ့ပါတယ်။

    အလီသခင်ဟာ တမန်တော် မုဟမ္မဒ်သခင်ရဲ့ သမီးတော် ဖွာတီမာသခင်မနဲ့ လက်ထပ်ခဲ့သူဖြစ်ပြီး တမန်တော် ကွယ်လွန်သွားခဲ့ပြီးတဲ့နောက် မွတ်စလင်လူ့အဖွဲ့အစည်းရဲ့ စတုတ္ထမြောက် ခေါင်းဆောင် ဖြစ်လာသူပါ။

    လာဆန်ကတော့ သူမရဲ့တွေ့ရှိချက်ဟာ အနာဂတ်အတွက် လုပ်ဆောင်ဆရာတွေ အများကြီးကို ဖြစ်စေတယ်လို့ ဆိုပါတယ်။

    “အခု ကျွန်မဟာ ဗိုက်ကင်းခေတ်က မတူညီတဲ့ပုံစံတွေကို တွေ့နေရပြီ။ တူးဖော်ထားတာတွေထဲက ကျန်ရှိနေတဲ့ အပိုင်းအစတွေနဲ့ ဗိုက်ကင်းခေတ်က ချည်ထည်တွေထဲမှာ အစ္စလာမ့်မစ် ရေးသားဖော်ပြချက်တွေကို ထပ်ပြီး ရှာတွေ့မယ်လို့ ကျွန်မ ယုံကြညပါတယ်။ ချည်ထည်မဟုတ်တဲ့ အခြား လက်ရာတွေမှာလည်း ဒါမျိုးရှိနို
    င်တယ်ဆိုတာ ဘယ်သူ သိနိုင်မလဲ”

    Ref: BBC

    (BBC သတင်းဌာနတွင် ဖော်ပြထားသည့် Why did Vikings have ‘Allah’ embroidered into funeral clothes? ကို လေးမောင်က ကောက်နှုတ်ကာ ဆီလျော်အောင် ဘာသာပြန်ဆိုသည်)

  • အကြမ်းဖက်ဝါဒကို ရှုတ်ချသည့် လှုပ်ရှားမှုတစ်ခု ဥရောပဗလီဆရာများ ပြုလုပ်

    အကြမ်းဖက်ဝါဒကို ရှုတ်ချသည့် လှုပ်ရှားမှုတစ်ခု ဥရောပဗလီဆရာများ ပြုလုပ်

    ဇူလိုင် ၁၆၊ ၂၀၁၇
    M-Media

    – အကြမ်းဖက်ဝါကို ဆန့်ကျင်ပြီး ထိခိုက်ခံစားရတဲ့သူတွေနဲ့ တစ်သားတည်းရှိကြောင်း ပြသတဲ့ လှုပ်ရှားမှုတစ်ခုကို ဥရောပတစ်ဝှမ်းက ရှေ့ဆောင်အီမာမ်တွေက ဆောင်ရွက်နေကြပါတယ်။

    သူတို့ဟာ ဒေသတွင်း အကြမ်းဖက်တိုက်ခိုက်ခံခဲ့ရတဲ့နေရာတွေကို သွားရောက်ပြီး သေဆုံးသွားသူတွေအတွက် အောက်မေ့ဖွယ် ၀တ်ပြုဆုတောင်းမှုကို ပြုလုပ်ခဲ့ကြတာပါ။

    ဒီလှုပ်ရှားမှုရည်ရွယ်ချက်ကဘာလဲ၊ ဘယ်လိုအခြေအနေမျိုးတွေကို ကြုံတွေ့ခဲ့ရလဲဆိုတာ ဒီဗီဒီယိုမှာ တွေ့မြင်ရမှာ ဖြစ်ပါတယ်။

     

  • အကြမ်းဖက်များမှာ အစ္စလာမ်သာသနာကို အသုံးချနေသည်ဟု ကမ္ဘာ့မွတ်စလင်လိဂ်အကြီးအကဲ ပြော

    အကြမ်းဖက်များမှာ အစ္စလာမ်သာသနာကို အသုံးချနေသည်ဟု ကမ္ဘာ့မွတ်စလင်လိဂ်အကြီးအကဲ ပြော

    မတ် ၁၁၊ ၂၀၁၇
    M-Media

    ကမ္ဘာ့မွတ်စလင်လိဂ် (MWL) ဥက္ကဌ ဒေါက်တာ မိုဟာမက် ဘင် အဘ်ဒူလ် ကရင် အလ်-အီဆာ မိန့်ခွန်းပြောနေစဉ်

    – IS နှင့် အလ်ကိုင်းဒါးတို့မှာ ၎င်းတို့၏ အကျိုးစီးပွားအတွက် အစ္စလာမ်သာသနာကို အသုံးချနေကြပြီး၊ အဆိုပါ အကြမ်းဖက်အဖွဲ့များ ကမ္ဘာကိုဖြန့်နေသော အယူအဆများကို အစ္စလာမ်သာသနာက လုံးဝ လက်ခံခြင်းမရှိဟု ကမ္ဘာ့မွတ်စလင်လိဂ် (MWL) ဥက္ကဌ ဒေါက်တာ မိုဟာမက် ဘင် အဘ်ဒူလ် ကရင် အလ်-အီဆာက ပြောကြားလိုက်သည်။

    မတ်လ ၆ ရက်နေ့က ဥရောပသမဂ္ဂ ပါလီမန်တွင် “The Future of Islam and Islamophobia” (အစ္စလာမ်သာသနာ၏ အနာဂတ်နှင့် အစ္စလာမ်ကြောက်ရောဂါ) ခေါင်းစဉ်ဖြင့် ပြုလုပ်သည့် ညီလာခံတွင် ထိုကဲ့သို့ ပြောကြားလိုက်ခြင်းဖြစ်ပြီး အစ္စလာမ်သာသနာမှာ အကြမ်းဖက်မှုကို ပြင်းပြင်းထန်ထန် ဆန့်ကျင်သော၊ အ
    လယ်အလတ်လမ်းစဉ်ကို အားပေးသော၊ လူသားဝါဒကို အခြေပြုသော၊ ငြိမ်းချမ်းမှုကို ရှေ့ရှုသော သာသနာဖြစ်သည်ဟုလည်း ဆိုသည်။

    “အစ္စလာမ်သာသနာရဲ့သက်တမ်းဟာ နှစ်ပေါင်း ၁၄၀၀ ရှိပါတယ်။ နိုင်ငံရေး ဒါမှမဟုတ် ပထ၀ီဗျူဟာ အကျိုးစီးပွားကြောင့် လုပ်နေကြတဲ့ အဖြစ်အပျက်တွေ၊ တိုက်ခိုက်မှုတွေ အနည်းငယ်နဲ့ အစ္စလာမ်ကို ညီမျှခြင်းချလို့၊ ဆုံးဖြတ်လို့ မရပါဘူး” ဟု အလ်-အီဆာက ပြောကြားခဲ့သည်။

    ထို့ပြင် အစ္စလာမ်ကြောက်ရောဂါမှာ အစ္စလာမ်သာသနာနှင့်ပတ်သက်၍ သိရှိမှုမရှိခြင်း၏ ရလဒ်ကြောင့် ဖြစ်သည်ဟုလည်း ၎င်းက ဆိုသည်။

    Geo ရုပ်သံ သတင်းဌာနက မေးမြန်းမှုတွင် နိုင်ငံတကာ သတင်းမီဒီယာများက ဆော်ဒီအာရေဗျမှာ အကြမ်းဖက်ဝါဒကို ငွေကြေးထောက်ပံ့ မြှင့်တင်ပေးနေသည်ဆိုသည့် ဖော်ပြချက်များကို ရှုတ်ချကြောင်း၊ မိမိတို့မှာ အလ် ကိုင်းဒါးနှင့် IS တို့ကဲ့သို့ အကြမ်းဖက်အဖွဲ့အစည်းများနှင့် အကြမ်းဖက်ဝါဒကို တိုက်ခိုက်နေကြောင်း၊ အကြမ်းဖက်သမားများမှာ မိမိတို့ဆော်ဒီကို အခြားနိုင်ငံများထက် ပို၍ ပစ်မှတ်ထားနေကြောင်း ၎င်းက ပြန်လည်ဖြေကြားခဲ့သည်။

    အကြမ်းဖက်သမားများက ဆိုရှယ်မီဒီယာများကို အသုံးပြုကာ ကမ္ဘာတစ်ဝှမ်းမှ လူငယ်များအား လမ်းမှားအောင် ဆောင်ရွက်မှုများကိုလည်း အလ်-အီဆာက သတိပေးခဲ့သည်။

    ဥရောပပါလီမန်အဖွဲ့ဝင် ရာဂျာ အဖ်ဇဲလ်ခန်းမှာ မွတ်စလင်၊ ခရစ်ယာန်နှင့် ဂျူးတို့အပါအ၀င် ဘာသာတရားအားလုံးမှ ဘာသာရေးနောက်လိုက်များမှာ လူသားများပင်ဖြစ်ကြောင်၊ ၎င်းတို့အနေဖြင့် စည်းလုံးညီညွတ်မှု၊ မတူကွဲပြားမှုတို့ကို ထိန်းသိမ်းကာ တစ်ဦးနှင့်တစ်ဦး လေစားသွားရမည်ဖြစ်ကြောင်း ပြောကြားခဲ့သည်။

    ကမ္ဘာ့မွတ်စလင်လိဂ်အဖွဲ့ (MWL) မှာ အစိုးရမဟုတ်သော နိုင်ငံတကာ အစ္စလာမ့်အသင်းအဖွဲ့တစ်ခုဖြစ်ပြီး ၁၉၆၂ ခုနှစ်တွင် မက္ကာဟ်မြို့၌ ဖွဲ့စည်းခဲ့သည်။ MWL မှာ ကုလ၏ ICOSOC တွင် လေ့လာသူဖြစ်ပြီး၊ ယူနီဆက်ဖ်၏ အဖွဲ့ဝင်ဖြစ်သည်။

    ထို့အဖွဲ့မှာ အစ္စလာမ်သာသနာ၏ စစ်မှန်သော သင်ကြားမှုများ ပြန့်ပွားရန်၊ မှားယွင်းသော စွပ်စွဲချက်များ ပပျောက်ရန်အတွက် ကမ္ဘာတစ်ဝှမ်း ဆောင်ရွက်လျက်ရှိနေသည်။

    Ref: Geo TV