Tag: Islam in Germany

ဒီဇင်ဘာ ၂၁၊ ၂၀၁၆
M-Media

– ပြီးခဲ့သည့်ရက်အနည်းငယ်အလွန်တွင် “ကမ္ဘာကြီး တစ်စစီ ပြိုကွဲပျက်စီးနေပြီ” ဟူသော စကားလုံးကို လူများစွာတို့က အသုံးပြုလာကြသည်။ ဂျာမဏီတိုက်ခိုက်မှုနှင့် အလက်ပိုထိခိုက်ပျက်စီးမှုတို့မှာ ကျွန်ုပ်တို့ နေ့တစ်ဓူဝတွေ့မြင်နေရသည့် ဥပမာနှစ်ရပ်သာ ရှိသေး၏။

အမှောင်ထု၏၀န်းရံမှုအကြားမှ အသင်တို့အား အားပေးစကား ဆိုပါရစေ။ အသင်တို့၏အသိဥာဏ်၊ ရုပ်၊ နာမ်တို့အား ပူပန်သောက၊ အကြောက်တရားများဖြင့် တိုက်စားဖြိုလဲခွင့် မပေးကြလေနှင့်။ မျှော်လင့်ချက် ရှိပါသည်။ ကျွန်ုပ်တို့ သိရှိကြသော ကမ္ဘာလောကကြီးသည် ဇာတ်သိမ်းခန်း မရောက်သေးပါ။ လောကပျက်သုဉ်းချိန် အလျဉ်း မဆိုက်ရောက်သေးပါ။ လူသားတို့၏ဥာဏ်ပညာရင့်သန်ခြင်းအားဖြင့် ကျွန်ုပ်တို့၏မျှော်လင့်ချက် ရှင်သန်နေပါမည်။

အထက်ဖော်ပြပါဓာတ်ပုံတွင် ဘာသာပေါင်းစုံမှ ဘာသာရေးခေါင်းဆောင်များသည် ဘာလင်မြို့သို့ စုရုံးရောက်ရှိကာ “အစွန်းရောက်တို့သည် ဘာသာရေး၊ သဘောတရားရေးတို့ကို အခြေတည်ပြီး ကျွန်ုပ်တို့အား ခွဲခြားသွေးကွဲအောင် ပြုလုပ်နိုင်မည် မဟုတ်ကြောင်း” ပြသလိုက်ပါသည်။ ဤအစစ်အမှန်ခေါင်းဆောင်များက ကွဲပြားမှုဟူသော မိမိတို့၏ ကိုယ်ပိုင်ချဉ်ခြင်းအားလုံးကို စတေးစွန့်လွှတ်ထားကြပြီးဖြစ်ပေသည်။

ထရမ့် အဘယ်ကြောင့် အနိုင်ရခဲ့မှုနှင့်စပ်လျဉ်း၍ လူထုအတွင်း “ငါတို့” နှင့် “သူတို့” ဟူသော အစွဲတစ်ခု ကိန်းအောင်းလျက်ရှိကြောင်း Huffington Post ၏ ဆောင်းပါးတစ်ပုဒ်တွင် ကျွန်ုပ် ဖော်ပြခဲ့သည်။

၎င်း၌ အဆိုပါ “မီးခိုးရောင်ဇုံ” အကြောင်းကို ကျွန်ုပ် ဤသို့ ရေးသားပါသည်။

မီးခိုးရောင်ဇုံ ဟူသည် အချင်းချင်းဆက်ဆံရေး၊ လေ့လာမှု၊ ရင်းနှီးမှု၊ ပျူငှာမှု၊ အပြန်အလှန်နားလည်မှုတို့၏ ကွင်းပြင်တစ်ခု ဖြစ်သည်။ လူမျိုး၊ ဘာသာစုံလင်ခြင်းက တိုးသာဆုတ်သာသော အုပ်စုဆိုင်ရာနယ်နမိတ်များနှင့်အတူ ယဉ်ကျေးမှုကူးလူးပေါင်းစပ်ခြင်းကို ဖြစ်ထွန်းစေသည်။ ယင်းပေါင်းစည်းစုံလင်မှု၏ ကြားနေရာသည်ကား ၎င်းမီးခိုးရောင်ဇုံပင်ဖြစ်သည်။

ဂျော်နသန် ဖရီးဒ်လန်း၏ မှတ်ချက်အရ ၎င်း Grey Zone သည် အဖြူနှင့် အနက်ကြားရှိ နေရာတစ်ခုဖြစ်သည်။ ၎င်း၌ မည်သည့်အရာမျှ တစ်ဖက်ဆွဲခြင်း မရှိသည့်အပြင် အရာရာတိုင်းက နှစ်ဖက်မျှ ရောယှက်မှု ရှိသည်။ မွတ်စ်လင်မ်နှင့် မွတ်စ်လင်မ်မဟုတ်သူများ၏ အပြန်အလှန်လေးစားမှုနှင့် သဟဇာတဖြစ်မှု နယ်ပယ်ကို ရည်ညွှန်းထားသည်။ ၎င်းအပြင် “ငါတို့” နှင့် “သူတို့” အကြားမှ နယ်ပယ်လည်း ဖြစ်သည်။ ၎င်းသည် ကျွန်ုပ်တို့၏ (လိုအပ်နေသော) ကွင်းပြင်နေရာဖြစ်သည်။ ၎င်းသည် စုစည်းဖြစ်တည်မှု၊ ပေါင်းစပ်ခြင်းနှင့် ဘာသာတရားတို့၏ဆက်ဆံရေးဆိုင်ရာ နယ်ပယ်တစ်ခု ဖြစ်ပေသည်။

ဘာလင်မြို့ ခရစ္စမတ်တိုက်ခိုက်မှု၏ လက်သည်တရားခံ(များ)မှာ မီးခိုးရောင်ဇုံ၏ ရန်သူပင်ဖြစ်၏။ အစ္စလာမ်အပေါ် တစ်ဖက်သတ်ရွံကြောက်ခြင်းရောဂါ Islamophobia ဖြစ်အောင် မီးမွှေးမှိုင်းတိုက်နေသူများလည်း အလားတူပင်။ ISIS က တလွဲအတုယူတတ်သော၊ ပျက်လိုဖျက်ဆီးစိတ်ရှိသော မွတ်စ်လင်မ်များကို လောင်စာတိုက်ပေးသည်။ ထိုသို့သော မွတ်စ်လင်မ်အမျိုးအစားမှာကား အနောက်တိုင်း၌ မွတ်စ်လင်မ်ပီသစွာ နေထိုင်လေ့မရှိတတ်သူများ ဖြစ်ကြောင်း တွေ့ရ၏။ အလားတူ ချဉ်းကပ်လမ်းကြောင်းအတိုင်းပင် Islamophobia ရောဂါသွတ်သွင်းသူများကလည်း “မွတ်စ်လင်မ်တို့မှာ အနောက်တိုင်းယဉ်ကျေးမှုအား အမြစ်လှန်ဖျက်ဆီးမည့်သူများ ဖြစ်သည်” ဟူသည့် သွန်သင်ချက်ကို အသုံးပြုလေ့ရှိကြသည်။

အသိတရားရှိကြသူများအဖို့ ၎င်းအကျည်းတန် မှိုင်းတိုက်ချက်များကို မလွဲမသွေ ငြင်းဆိုပယ်ချရပေမည်။ ကျွန်ုပ်တို့၏ လူမှုအသိုင်းအ၀ိုင်းများအတွင်း စည်းလုံးညီညွတ်မှုကို ပြန်လည်ခိုင်မာအောင် စွမ်းဆောင်ပြုလုပ်ကြရပေမည်။ ကျွန်ုပ်တို့သည် ဖော်ပြပါဓာတ်ပုံထဲမှ ပုဂ္ဂိုလ်များအတိုင်း ဖြစ်တည်လိုက်ကြပါစို့။ ကျွန်ုပ်တို့သည် တစ်ဦးနှင့်တစ်ဦး အရိုးခံပြန်လှန်ဆွေးနွေးချက်များအတွင်း ပါဝင်လက်တွဲကြပါစို့။ ကျွန်ုပ်တို့အကြားမှ မလိုလားအပ်သော နံရံတံတိုင်းများကို ဖြိုလှဲလိုက်ကြပါစို့။

××××××××××××

(Dr. Craig Considi ၏ Faith Leaders in Berlin Protect the “Grey Zone” After Christmas Market Attack ကို သြရသ ရေချမ်းမှ ဆီလျော်အောင်ပြန်ဆိုသည်။)