ဇန်န၀ါရီ ၂၀၊ ၂၀၁၇
M-Media
– မွတ်လင်အမျိုးသမီးများ ဗလီဝတ်ကျောင်းတော်သို့ သွားရောက်ဝတ်ပြုရာတွင် စောင့်ရှောက်ပေးရန်အတွက် ဟိုက်ဒရာဘတ် တရားရုံးချုပ်က အန်ဒါပရာဒက်ရ်ှပြည်နယ် ခရိုင်အချို့၏ ရဲတပ်ဖွဲ့နှင့် ခရိုင်အုပ်ချုပ်ရေးအဖွဲ့တို့အား ညွှန်ကြားခဲ့သည်ဟု သိရသည်။
ချစ်တူးရ်ခရိုင် ဂါရမ်ကွန်ဒါရွာမှ မွတ်စလင်အမျိုးသမီး အမ် ဆာဟီရာက မိမိအနေဖြင့် အဘူဘာကာ ဗလီဝတ်ကျောင်းတော်သို့ ၀တ်ပြုဆုတောင်းရန် သွားရောက်ရာတွင် ရွာသူကြီး နောင်စ်ဟဒ်နှင့် ၎င်း၏ အစ်ကို ပြန်ကြားရေးကော်မရှင် အင်မ်တီယက်ဇ် အဟ်မဒ်တို့က တားမြစ်ခဲ့ပြီး၊ ကဒါပါခရိုင်၊ ပါကာရှမ်ခရိုင်တို့တွင်လည်း မွတ်စလင်အမျိုးသမီးများကို ထိုကဲ့သို့ တားမြစ်မှုများ ရှိသည်ဟု တိုင်ကြားခဲ့ပြီးနောက် တရားရုံးက ကြားနာက ယခုကဲ့သို့ အမိန့်ချမှတ်ခဲ့ခြင်းဖြစ်သည်။
သူကြီးနှင့် ပြန်ကြာရေးကော်မရှင်နာ နှစ်ဦးစလုံးမှာ မွတ်စလင်များဖြစ်သည်။ ခရိုင်အုပ်ချုပ်ရေးအဖွဲ့ကမူ အဆိုပါ ၀တ်ပြုရာနေရာမှာ လူနေအိမ်ဖြစ်ပြီး တာဝန်ရှိသူများထံမှ ခွင့်ပြုချက်မရသောကြောင့် ၀တ်ပြု၍ မရဟု လျှောက်လဲခဲ့သည်။
သို့သော်လည်း တရားရုံးက အမျိုးသမီးများ အိမ်တွင် ၀တ်ပြုဆုတောင်းမှုကို တားမြစ်သည့် ဥပဒေ ရှိသလားဟု ပြန်လည် မေးခွန်ထုတ်ခဲ့ပြီး အမျိုးသမီးများ ၀တ်ပြုမှုတွင် ကာကွယ်စောင့်ရှောက်မှုပေးရန် အုပ်ချုပ်ရေးအဖွဲ့ကို ညွှန်ကြားခဲ့သည်။ ထို့ပြင် ထပ်မံ နှောက်ယှက်ပါက ရွာသူကြီးကိုလည်း ဥပဒေအရ ရေးယူသွားရန် အမိန့်ပေးခဲ့သည်။
ရွာသူကြီးကလည်း ထိုကိစ္စတွင် ၀င်ရောက်စွက်ဖက်မှု မပြုလုပ်တော့ဟု ရုံးတော်တွင် ထွက်ဆိုခဲ့ပြီး တရားရုံးက ထိုထွက်ဆိုချက်ကို မှတ်တမ်းတင်ခဲ့သည်။
Ref : The Hindu
