News @ M-Media

Tag: Islam in Japan

  • ဂျပန်နိုင်ငံမှ အစ္စလာမ်သာသနာ – ၁ (အေဒီ ၁၉၀၀ မတိုင်မီ)

    ဂျပန်နိုင်ငံမှ အစ္စလာမ်သာသနာ – ၁ (အေဒီ ၁၉၀၀ မတိုင်မီ)

    စက်တင်ဘာ ၃၀၊ ၂၀၁၆
    M-Media

    japan-1
    – ဂျပန်ရဲ့ ပညာတန်ဆောင်ခေတ်လို့ဆိုရမယ့် မေဂျီအုပ်ချုပ်ရေးကာလကို ၁၈၆၈ ခုနှစ်မှာ စတင်တယ်။ အဲ့ဒီခေတ်ကာလအတွင်း အာရှတိုက်ထဲမှာ လွတ်လပ်ရေးအရသာ အပြည့်အ၀ခံစားရတဲ့ နိုင်ငံနှစ်ခုတည်း ရှိပါတယ်။ အော်တိုမန်အင်ပါယာနဲ့ ဂျပန်ပါ။

    အဲ့ဒီ နှစ်နိုင်ငံစလုံးက အနောက်နိုင်ငံများရဲ့ဖိအားတွေ ခံလာရတဲ့အတွက် သူတို့နှစ်နိုင်ငံဟာ အချင်းချင်း ရင်းနှီးတဲ့ဆက်ဆံရေးကို ထူထောင်ဖို့ ဆုံးဖြတ်လိုက်ကြပြီး ချစ်ကြည်ရေးဖလှယ်ခရီးစဉ်တွေကို စတင်ပြုလုပ်လာကြတယ်။ ဒီခရီးစဉ်များအနက် ခရီးစဉ်တစ်ခုဟာ အလွန်ကို အရေးပါတဲ့ အခန်းကဏ္ဍတစ်ခု ဖြစ်လာတယ်။ တူရကီဘုရင် အဗ်ဒုလ်ဟာမစ်(၁၈၇၆-၁၉၀၉)က ၁၈၉၀ ခုနှစ်မှာ ရေတပ်ဗိုလ်ချုပ် အုဆ်မာန်းပါးရှား ဦးဆောင်တဲ့ အရာရှိနဲ့စစ်သည် ၆၀၀ ကို Ertugrul သင်္ဘောပေါ်တင်ဆောင်ပြီး ဂျပန်ကို စေလွှတ်ခဲ့တယ်။

    japan-2
    မေဂျီ ဧကရာဇ် (၁၈၅၂ – ၁၉၁၂)

     

    ဂျပန်ကိုသွားရောက်တဲ့ ဒီမစ်ရှင်ကို အောင်မြင်အောင်ဆောင်ရွက်ပြီး ဋ္ဌာနီပြန်ခရီးလမ်းမှာ ဂျပန်ရေပိုက်နက်ထဲရှိနေစဉ် ဟာရီကိန်းမုန်တိုင်းကြီးတစ်ခုနဲ့ ကြုံရတယ်။ စုလ်တာန်ဘုရင်ရဲ့ ညီတော်အပါအ၀င် သင်္ဘောမှာပါလာတဲ့ လူပေါင်း ၅၅၀ ကျော် သေဆုံးခဲ့တယ်။

    ဒီဖြစ်ရပ်အပေါ် နှစ်ဖက်စလုံးက ထိခိုက်ကြေကွဲကြတယ်။ ရှင်သန်ကျန်ရစ်သူများကိုတော့ ဂျပန်သင်္ဘောနှစ်စီးက အစ္စတန်ဘူလ်ဆီ ပို့ဆောင်ပေးခဲ့တယ်။ ကွယ်လွန်သွားသူများကို ဒီဖြစ်ရပ်ဆိုး ကြုံတွေ့ရတဲ့ အရပ်ဒေသမှာ မြှုပ်နှံလိုက်ကြပြီး မနီးမဝေးနေရာမှာ ပြတိုက်တစ်ခု တည်ဆောက်ခဲ့တယ်။ အုပ်ချုပ်သူအစိုးရ အစဉ်အဆက် ပြောင်းလဲလာသော်လည်း ဂျပန်နဲ့ တူရကီ နှစ်ဖက်စလုံးက ယနေ့ထိ ဒီဖြစ်ရပ်ဆိုးအထိမ်းအမှတ်ကို ငါးနှစ်တစ်ကြိမ် ကျင်းပပြုလုပ်လေ့ရှိတယ်။

    အသက်ဘေးကလွတ်မြောက်လာသူတို့ရဲ့ ဋ္ဌာနီပြန်ခရီးလမ်းအတွင်း တိုရာဂျီရို နိုဒါ အမည်ရှိ ဂျပန်လူငယ်လေးတစ်ဦးလည်း သင်္ဘောပေါ် လိုက်ပါလာခဲ့တယ်။ သူဟာ ကွယ်လွန်သူများရဲ့မိသားစုတွေအတွက် ဂျပန်မှာ အလှူငွေ/၀တ္ထုပစ္စည်းကို ကမကထပြု ကောက်ခံခဲ့သူတစ်ဦးဖြစ်တယ်။ အစ္စတန်ဘူလ်ရောက်တဲ့အခါ သူက ဒီလှူဖွယ်ပစ္စည်းအစုစုကို တူရကီအာဏာပိုင်တွေဆီ လွှဲပြောင်းပေးခဲ့တဲ့အပြင် စုလ်တာန် အဗ်ဒုလ် ဟာမစ်(၂) နဲ့လည်း တွေ့ဆုံခွင့် ရခဲ့တယ်။ စုလ်တာန်ဘုရင်က သူ့ကို တူရကီမှာနေထိုင်ပြီး အော်တိုမန်အရာရှိတွေကို ဂျပန်ဘာသာစကားသင်ကြားပေးဖို့ တောင်းဆိုခဲ့တယ်။ နိုဒါ အစ္စတန်ဘူလ်မှာ နေထိုင်နေစဉ် Abdullah Guillaume ဆိုသူနဲ့ ဆုံခဲ့တယ်။ Guillaume ဟာ အင်္ဂလန်နိုင်ငံ၊ လီဗာပူးလ်က ရောက်လာတဲ့ အင်္ဂလိပ်လူမျိုးမွတ်စ်လင်မ်တစ်ဦးဖြစ်ပြီး နိုဒါကို အစ္စလာမ်အကြောင်း ထိတွေ့သိရှိစေခဲ့သူဖြစ်တယ်။ သူတို့နှစ်ဦးရဲ့ ကာလရှည်တွေ့ဆုံဆွေးနွေးမှုနောက်ပိုင်း နိုဒါက အစ္စလာမ်သာသနာကို လက်ခံလိုက်ပြီး အဗ်ဒုလ် ဟလင်းမ် ဆိုတဲ့ ဘွဲ့အမည်ကို ရွေးချယ်ရယူခဲ့ပါတယ်။

    japna-4
    ပထမဆုံး ဂျပန်မွတ်စ်လင်မ်အဖြစ် ထင်ရှားသူ အဗ်ဒုလ် ဟလင်းမ် တိုရာဂျီရို နိုဒါ

    အဗ်ဒုလ် ဟလင်းမ် နိုဒါကို ပထမဆုံး ဂျပန်လူမျိုး မွတ်စ်လင်မ်အဖြစ် သတ်မှတ်ကြပါတယ်။ အဲ့ဒီနောက်ပိုင်း များမကြာမီ နောက်ထပ်ဂျပန်လူမျိုးတစ်ဦးဖြစ်တဲ့ ယာမာဒါက ၁၈၉၃ ခုနှစ်မှာ အစ္စတန်ဘူလ်ကို ရောက်ရှိလာပြန်တယ်။ အထက်ပါဖြစ်ရပ်ကွယ်လွန်သူများရဲ့ တူရကီမိသားစုတွေအတွက် အလှူဒါန သွားရောက်ပေးအပ်တာပါ။ သူလည်းပဲ အစ္စလာမ်သာသနာကို ပြောင်းလဲသက်ဝင်လာတဲ့အတွက် ဒုတိယမြောက် ဂျပန်မွတ်စ်လင်မ်တစ်ဦး ဖြစ်ခဲ့ပါတယ်။ သူရဲ့အမည်ကို ခလီးလ်(အဗ်ဒုလ် ခလီးလ်)လို့ ပြောင်းလဲခဲ့တယ်။ စီးပွားရေးလုပ်ငန်းနဲ့ အစ္စတန်ဘူလ်မှာ နှစ်အတန်ကြာနေထိုင်ခဲ့တယ်။ ဂျပန်ပြန်လာပြီးနောက် ကွယ်လွန်ချိန်အထိ တူရကီတွေနဲ့ အလွန်နွေးထွေးရင်းနှီးတဲ့ ဆက်ဆံရေး ရှိခဲ့တယ်။

    အစ္စလာမ်ကို တတိယမြောက်လက်ခံခဲ့တဲ့ ပုဂ္ဂိုလ်ကတော့ အဟ်မဒ် အရီဂါ အမည်ရှိ ခရစ်ယာန်ဘာသာဝင် ဂျပန်ကုန်သည်တစ်ဦးဖြစ်ပါတယ်။ ၁၉၀၀ ခုနှစ်မှာ အိန္ဒိယနိုင်ငံ၊ ဘုံဘေမြို့ကို ရောက်သွားတဲ့အခါ ဗလီဝတ်ကျောင်းတစ်ခုရဲ့ လှပတင့်တယ်မှုက သူ့ကို ညှို့ယူဆွဲဆောင်သွားခဲ့တယ်လို့ ဆိုပါတယ်။ အဲ့ဒီနောက် သူဟာ အစ္စလာမ်ကို ပြောင်းလဲသက်ဝင်ကြောင်း အဲ့ဒီမှာ သွားရောက်ကြေညာထွက်ဆိုခဲ့တယ်။ အဲ့ဒီအချိန်ကာလအတွင်း တိုကျို၊ ယိုကိုဟားမားနဲ့ ကိုဘေးမှာ အိန္ဒိယမွတ်စ်လင်မ်ကုန်သည်တွေ အထိုက်အလျောက် နေထိုင်မှု ရှိနေကြပါပြီ။ သူတို့ကို ဂျပန်နိုင်ငံရဲ့ ပထမဆုံး မွတ်စ်လင်မ်လူ့အစုအဝေးအဖြစ် သုံးသပ်ဖော်ပြထားပါတယ်။

    ++++++++++++++++++++++

    ဂျပန်အစ္စလာမ်စင်တာဥက္ကဋ္ဌ ပါမောက္ခ ဒေါက်တာ Salih Mahdi S. Al Samarrai ၏ Islam in Japan Before 1900 ကို မင်းထွဋ်ခေါင်မှ ပြန်ဆိုသည်။

    japn-3
    ကွန်စတန်တီနိုပယ်၌ ကျောက်ချထားသော Ertugrul သင်္ဘောကို တွေ့ရစဉ်

    ဂျပန်နိုင်ငံမှ အစ္စလာမ်သာသနာ

    အပိုင်း-၁ ဖတ်ရန် Link

    အပိုင်း၂  ဖတ်ရန်  Link,

    အပိုင်း ၃ ဖတ်ရန် Link

    အပိုင်း ၄ ဖတ်ရန် Link

  • အစ္စလာမ့်သတင်းစကား ဖြန့်ဝေမည့် တိုကျိုမှ ဗလီဝတ်ကျောင်းတော်သစ်

    အစ္စလာမ့်သတင်းစကား ဖြန့်ဝေမည့် တိုကျိုမှ ဗလီဝတ်ကျောင်းတော်သစ်

    စက်တင်ဘာ ၁၆၊ ၂၀၁၆
    M-Media

    japan-4

    – ဂျပန်နိုင်ငံ မြို့တော်တိုကျိုတွင် မကြာသေးမီက ဗလီဝတ်ကျောင်းတော်သစ်တစ်လုံး ပေါ်ထွက်လာခဲ့ပြီး အစ္စလာမ်ဘာသာတရားအကြောင်း၊ ယဉ်ကျေးမှုအကြောင်းနှင့် အစ္စလာမ်ဘာသာကိုးကွယ်သော မွတ်စလင်များ၏ ဘာသာစကားများအကြောင်းကို လေ့လာသင်ယူလိုကြသော ဂျပန်ပြည်သူများအတွက် အလေးထားဆောင်ရွက်ရန် ရည်ရွယ်ထားသည်ဟု ဗလီဝတ်ကျောင်းတော်၏ တာဝန်ရှိသူများက ဆိုသည်။

    ‘အစ္စလာမ့်ယဉ်ကျေးမှုဖလှယ်ရေးစင်တာ’ ဟု အမည်ပေးထားသည့် အဆိုပါ ဗလီဝတ်ကျောင်းတော်မှာ ရှီနာဂါဝါရပ်ကွက် ဟီဂါရှိ ဂိုတန်ဒါဒေသတွင်တည်ရှိပြီး ဂျပန်နိုင်ငံရှိ အစ္စလာမ်ဘာသာဝင်လူ့အဖွဲ့အစည်းမှ အကြီးဆုံးအသင်းအဖွဲ့ဖြစ်သော ‘ဂျပန်မွတ်စလင်အသင်း’ က တည်ထောင်ခြင်းဖြစ်သည်။

    “ဒီစင်တာဟာ မွတ်စလင်နဲ့ မွတ်စလင်မဟုတ်သူတွေကြား တစ်ယောက်နဲ့တစ်ယောက် နားလည်မှု နက်ရှိုင်းစေမယ့် နေရာတစ်ခုဖြစ်လာဖို့ ကျွန်တော် မျှော်လင့်ပါတယ်” ဟု ၁၉၅၂ ခုနှစ်တွင် စတင်တည်ထောင်ခဲ့သည့် ဂျပန်မွတ်စလင်အသင်း၏ ဥက္ကဌဖြစ်သူ အသက် ၇၃ နှစ်အရွယ် ကီမီယာကီ တိုကူမာဆူက ပြောကြားခဲ့သည်။

    ဗလီဝတ်ကျောင်းတော်၏ ပထမဆုံး သောကြာဝတ်ပြုမှုအဖြစ် စက်တင်ဘာ ၉ ရက်နေ့တွင် စတင်ခဲ့ပြီး ဂျပန်လူမျိုး ရှေ့ဆောင်အီမာမ်က ၀တ်ပြုမှုကို ဦးဆောင်ခဲ့ကာ ၀တ်ပြုရန်လာရောက်သူ ၁၅ ဦး ရှိခဲ့သည်။ ဂျပန်မွတ်စလင်များကတော့ အဆိုပါ ဗလီဝတ်ကျောင်းတော်မှာ ငြိမ်းချမ်းရေးနှင့် သတ္တိတို့ကို ပေးအပ်ရန် ရည်ရွယ်ခြင်းဖြစ်သည်ဟု ဆိုသည်။

    ဂျပန်မွတ်စလင်အသင်းတွင် အဖွဲ့ဝင်ပေါင်း ၅၀၀ ခန့်ရှိပြီး ယခင်က တိုကျို ရှီဘူယာရပ်ကွက် ရိုရိုဂျီဒေသရှိ တိုက်ခန်းတစ်ခုကို ၀တ်ပြုဆုတောင်းရာနေရာအဖြစ် အသုံးပြုရသည်။ သို့သော်လည်း သေးငယ်ပြီး ပုံမှန်လာရောက်သူမဟုတ်လျှင် ရှာတွေ့ရန်မလွယ်။

    ထို့ကြောင့် ကိုယ်ပိုင်ဗလီဝတ်ကျောင်းတော်တစ်လုံး ရရှိရေးမှာ အဆိုပါအဖွဲ့၏ ၁၀ စုနှစ်တစ်ခု ကြာမြင့်ခဲ့သည့် အိပ်မက်ဖြစ်သည်။ ၂၀၀၃ ခုနှစ် အဖွဲ့၏ နှစ် ၅၀ မြောက် နှစ်ပတ်လည်နေ့တွင် ဗလီဝတ်ကျောင်းတော်ဖြစ်ပေါ်လာရေး ရန်ပုံငွေရှာဖွေမှုကို စတင်ခဲ့သည်။

    ယခု ဗလီဝတ်ကျောင်းတော်ပြုလုပ်သည့် ၃ ထပ်အဆောက်အဦးအား ၀ယ်ယူခြင်း၊ ပြင်ဆင်ခြင်းတို့အတွက် စုစုပေါင်း ယန်း သန်း ၂၄၀ (ကန်ဒေါ်လာ ၂.၃ သန်း) ကုန်ကျခဲ့ပြီး ဂျပန်၊ ဆော်ဒီ၊ တူရကီ၊ ယူအေအီးနှင့် အခြားသောနိုင်ငံများမှ ကောက်ခံရရှိသော အလှူငွေများဖြင့် သုံးစွဲခဲ့လေသည်။

    တတိယထပ် ၀တ်ပြုခန်း၏ အတွင်းပိုင်းကို တာ့က်လူမျိုးတစ်ဦးက ဒီဇိုင်း ရေးဆွဲပေးပြီး ရွှေပြားများဖြင့် ခတ်ထားသည့် ဆုတောင်းစာများ ချိတ်ဆွဲထားသည်။

    ကမ္ဘာတစ်ဝှမ်းတွင် အစ္စလာမ်ကို အလွဲသုံးစားပြုလုပ်သည့် အကြမ်းဖက်သမားများက တိုက်ခိုက်မှုများ ပြုလုပ်တိုင်း မိမိတို့အား ဖုန်းခေါ်ဆိုကာ နိုင်ငံအတွင်းမှထွက်သွားရန် ပြောကြားမှုများရှိသည်ဟု ဂျန်မွတ်စလင်အသင်းက ဖွင့်ဟခဲ့သည်။

    မွတ်စလင်နှင့် မွတ်စလင်မဟုတ်သူများအကြား နားလည်မှုကို မြှင့်တင်ရန် မိမိတို့ ဗလီဝတ်ကျောင်းတော်မှာ လူတိုင်းအတွက် တံခါးဖွင့်ထားသည်ဟုလည်း ၎င်းတို့က ဆိုသည်။

    ဗလီဝတ်ကျောင်းတော်တွင် တရားဒေသနာများ ဟောကြားရန်အတွက် ဂျပန်မွတ်စလင်အသင်း၏ အဖွဲ့ဝင်များက အလှည့်ကျ တာဝန်ယူသည်။

    အောက်တိုဘာလမှစတင်ကာ ထိုဗလီဝတ်ကျောင်းတော်တွင် အာရဘီနှင့် အင်ဒိုနီးရှား ဘာသာစကားများကို သင်ကြားမည်ဖြစ်ပြီး အစ္စလာမ်အကြောင်း မိတ်ဆက်ကိုလည်း အခမဲ့ သင်ပေးသွားရန် ရှိနေသည်။

    “သိပ်မကြာတော့တဲ့အနာဂတ်မှာ ဂျပန်ဟာ မွတ်စလင်တိုင်းပြည်တွေနဲ့ ဆက်ဆံရေးတိုးမြှင့်ဖို့ လိုအပ်လာမှာပါ။ အပြန်အလှန် နားလည်မှုနက်ရှိုင်းအောင် ဆောင်ရွက်တာဟာ ဂျပန်အတွက်လည်း ကောင်းမွန်မှာဖြစ်ပါတယ်” ဟု တိုကူမာဆုက ပြောကြားခဲ့သည်။

    Ref: Asahi

  • အစ္စလာမ့်သင်ကြားမှုအစစ်အမှန်ကို ရှာဖွေလာကြသည့် ဂျပန်ကျောင်းသားများ

    အစ္စလာမ့်သင်ကြားမှုအစစ်အမှန်ကို ရှာဖွေလာကြသည့် ဂျပန်ကျောင်းသားများ

    ဇွန် ၉၊ ၂၀၁၆
    M-Media

    japan student
    ဗလီဝတ်ကျောင်းတော်သို့ သွားရောက် လေ့လာကြသည့် ကျောင်းသားလူငယ် အုပ်စုတစ်ခု

    – ကမ္ဘာတစ်ဝှမ်း မကြာသေးမီက ဖြစ်ပွားခဲ့သည့် အကြမ်းဖက်တိုက်ခိုက်မှုလှိုင်းလုံးက မွတ်စလင်ဆန့်ကျင်ရေး ရန်လိုမှုများကို မီးထိုးပေးခဲ့ပြီး အစ္စလာမ်အပေါ် အထင်မှားအမြင်မှားဖြစ်မှုကို အားပေးရာ ရောက်ခဲ့လေသည်။ ဂျပန်နိုင်ငံတွင်တော့ ပြည်သူများက အစ္စလာမ်နှင့် မရင်းနှီးသေး။

    သို့သော်လည်း ဂျပန်လူငယ်များမှာ အစ္စလာမ်၏ သင်ကြားမှုအစစ်အမှန်က ဘာလဲဆိုသည်နှင့် အကြမ်းဖက်မှုများအတွက် အစ္စလာမ်က ဘာ့ကြောင့်အပြစ်တင်ခံရသလဲ ဆိုသည်တို့ အပါအ၀င် အစ္စလာမ်နှင့်ပတ်သက်သည့် မေးခွန်းများအတွက် အဖြေများကို ရှာဖွေလျက်ရှိနေလေသည်။

    ယဉ်ကျေးမှုဆိုင်ရာ နီးစပ်မှုက အစ္စလာမ်နှင့်ပတ်သက်၍ စစ်မှန်ပြီး ဘက်လိုက်မှုကင်းသည့် ထိတွေ့မှု ရရှိလိမ့်မည်ဆိုသည့် ယုံကြည်ချက်နှင့်အတူ ဂျပန်နိုင်ငံရှိ စာသင်ကျောင်းများက တိုကျိုမြို့ရှိ အကြီးဆုံးဗလီဝတ်ကျောင်းသို့ ကျောင်းသားများ သွားရောက်လည်ပတ်လေ့လာသည့် အစီအစဉ်များကို ဆောင်ရွက်လာကြသည်။ ထိုလေ့လာမှုများက ထိရောက်မှုရှိသည်ကိုလည်း တွေ့ရှိခဲ့ရလေသည်။

    အသက် ၁၇ နှစ်အရွယ် ကျောင်းသား ရှန်ယာ ဆီနာဂါက ထိုအစီအစဉ်ကြောင့် မွတ်စလင်များ၏ ၀တ်ပြုမှုကို ‘နဖူးတွေ့ဒူးတွေ့’ တွေ့ခဲ့ရပြီး မွတ်စလင်တို့၏ ယုံကြည်မှုတွင် အလ္လာဟ်အရှင်မြတ်က မည်မျှ အရေးပါကြောင်းကို နားလည်ခဲ့သည်ဟု ပြောကြားခဲ့သည်။

    ဆီနာဂါသိကျွမ်းသည့် မွတ်စလင်မှာ တစ်ဦးတည်းသာရှိပြီး ထိုသိကျွမ်းမှုမှာလည်း နှုတ်ဆက်သည့်အဆင့်သာ ရှိလေသည်။

    “အဲဒီလူက ဂျပန်ယဉ်ကျေးမှုကို တော်တော်လေးကြေညက်တာကြောင့် ကျွန်တော်တို့နှစ်ယောက်မှာ ခြားနားချက် ဘာမှ မတွေ့ရပါဘူး” ဟု ဆီနာဂါက ပြာကြားခဲ့သည်။

    ၎င်း၏ စာသင်ကျောင်းသင်ရိုးညွှန်းတမ်းတွင် အစ္စလာမ်အကြောင်း အခြေခံသင်ကြားမှု ပါဝင်သော်လည်း IS အကြမ်းဖက်အဖွဲ့၏ စိုးရိမ်စရာကောင်းသည့် သတင်းများနှင့် ၎င်းတို့၏ ရိုက်ခတ်မှုက မိမိတို့အနေဖြင့် ‘အစ္စလာမ့်ယဉ်ကျေးမှုအပေါ် အဆိုးမြင်မှု ဖြစ်စေသည်” ဟု ၎င်းက ထပ်လောင်းပြောကြားခဲ့သည်။

    ဆီနာဂါမှာ ဆိုက်တာမာ ပြည်နယ် အိုမီယာမြို့ရှိ Omiya Kita အထက်တန်းကျောင်းမှ လွန်ခဲ့သည့် ဧပြီလနှောင်းပိုင်းတွင် ဂျပန်နိုင်ငံမှ အကြီးဆုံး ဗလီဝတ်ကျောင်းတော်ဖြစ်သော Tokyo Camii နှင့် Turkish Culture Center သို့ သွားရောက်လည်ပတ်ခဲ့သည့် ကျောင်းသူကျောင်းသား ၃၆၀ တွင် တစ်ဦးအပါအ၀င်ဖြစ်သည်။

    “IS နဲ့ ပတ်သက်တဲ့ သတင်းတွေအားလုံးက ခင်ဗျားရဲ့ အတွင်းစိတ်ကို လွှမ်းမိုးနေမှာပါ။ ဒါပေမယ့် တကယ်တော့ မွတ်စလင်တွေဟာ လူကောင်းတွေဗျ။ တစ်ချို့တွေသာ သူတို့မှာရှိရမယ့် တန်ဖိုးတွေနဲ့ သွေဖည်ပြီး လုပ်ဆောင်နေကြတာဖြစ်ပါတယ်” ဟု ဆီနာဂါ၏ အသက် ၁၆ နှစ်အရွယ် အတန်းဖော် နာအိုတို တာကာကူက ပြောကြားခဲ့သည်။

    Omiya Kita အထက်တန်းကျောင်းမှ ကျောင်းသားများမှာ တိုကျိုရှိ ဗလီဝတ်ကျောင်းတော်သို့ သွားရောက်လည်ပတ်ပြီးနောက် စင်ကာပူနှင့် မလေးရှားသို့ သွားရောက်ကာ မလေးရှား ကျေးလက်တောရွာရှိ မွတ်စလင်မိသားစုများအကြား တစ်နေ့တာကို ကုန်ဆုံးရန် အစီအစဉ်လည်း ရှိနေကြသည်။

    “ဒီလိုနေရာမျိုးမှာ သူတို့ဟာ အစ္စလာမ်ကမ္ဘာကို နဖူးတွေ့ဒူးတွေ့ ကြုံရမှာဖြစ်ပြီး အစ္စလာမ်ဆိုတာ ဘယ်လိုမျိုးလဲဆိုတာကို တွေ့မြင်ရမှာဖြစ်ပါတယ်” ဟု အဆိုပါ နိုင်ငံခြားခရီးစဉ်တွင် ကြီးကြပ်တာဝန်ယူရမည့် ကျောင်းဆရာ အာကီကို ကိုဘာယာရှီက ပြောကြားခဲ့သည်။

    “အစ္စလာမ်လူ့အဖွဲ့စည်းတွေက လူတွေဟာ ဘယ်လို အတူယှဉ်တွဲနေထိုင်ကြတယ်။ ဘယ်လို တစ်ဦးနဲ့တစ်ဦး ထောက်ပံ့ကူညီကြတယ်ဆိုတာ ကျောင်းသားတွေကို ကျွန်တော် မြင်စေချင်ပြီး၊ အဲဒီလူ့အဖွဲ့အစည်းက လူတွေရဲ့ နေ့စဉ်ဘ၀က သူတို့ရဲ့ သာသနာဟာ ငြိမ်းချမ်းရေးကို သွန်သင်ကြောင်း ပြသနေတယ်ဆိုတာကိုလည်း သူတို့ကို သိစေချင်ပါတယ်။ သူတို့စိတ်ထဲမှာရှိနေတဲ့ မမျှတမှုတွေကို ဖယ်ထုတ်ပစ်လိုက်ချင်ပါပြီ”

    အဆိုပါ လေ့လာရေးခရီးသွားသည့် ကျောင်းသားများမှ အားလုံးနီးပါးမှာ အစ္စလာမ်ကို ပထမဆုံး အနီးကပ်တွေ့ဆုံခြင်းဖြစ်သည်။

    ဗလီဝတ်ကျောင်းတော်ထဲသို့ မ၀င်ရောက်မီ တစ်ချို့က ၎င်းတို့၏ ဖိနပ်ကို စိတ်အားထက်သန်စွာဖြင့် ချွတ်ကြပြီး၊ ကျောင်းသူများ၏ မျက်နှာများတွင်တော့ စိတ်လှုပ်ရှားမှုများ ပေါ်လွင်နေကာ ခေါင်းဆောင်းပုဝါများဖြင့် ဓာတ်ပုံများလည်း အလုအယက် ရိုက်ကြလေသည်။

    “ဂျပန်ပြည်သူတွေ အစ္စလာမ်နဲ့ ရင်းနှီးဖို့ ကျောင်းပညာရေးဟာ အကောင်းဆုံးသော နည်းလမ်းတွေထဲက တစ်ခုလို့ ကျွန်တော် ယုံကြည်ပါတယ်။ ပြီးတော့ ကလေးတွေကို ဒီခေါ်လာတဲ့ ဆရာ၊ ဆရာမတွေကိုလည်း တကယ့်ကို ကြိုဆိုပါတယ်လို့ ပြောချင်ပါတယ်” ဟု ဗလီဝတ်ကျောင်းတော်၏ ပြောရေးဆိုခွင့်ရှိသူ ရှီဂီရူ ရှီမိုယာမာက ပြောကြားခဲ့သည်။

    ရှီမိုယာမာမှာ အစ္စလာမ်ဘာသာသို့ ပြောင်းလဲသက်ဝင်ထားသည့် ဂျပန်လူမျိုးတစ်ဦးဖြစ်ပြီး Tokyo Camii ဗလီဝတ်ကျောင်းတော်သို့ လာရောက်ခဲ့သည့် အဆိုပါလေ့လာရေးအဖွဲ့ကို ဧည့်လမ်းညွှန် လုပ်ပေးခဲ့လေသည်။ သူက လူငယ်များအနေဖြင့် ငယ်ရွယ်စဉ်အကခါကပင် ဘာသာတရားများနှင့် ပိုမိုထိတွေ့ရန် လိုအပ်ပြီး သို့မှသာ ဘာသာရေးဆိုင်ရာ အချက်အလက်များအား ၎င်းတို့ အလေးအနက် နားလည်နိုင်မည် ပြောကြားခဲ့သည်။

    အလ္လာဟ်ရှင်အမြတ်၏ ရှေ့တော်မှောက်တွက် လူသားအားလုံးမှာ တန်းတူဖြစ်သည်ဆိုသည့် အချက်ပါအ၀င် အစ္စလာမ်သာသနာ၏ တန်ဖိုးများအကြောင်းနှင့် အစ္စလာမ့်မစ်အသိုင်းအ၀ိုင်းမှ ပေါ်ထွက်လာသော အစွန်းရောက်များ၏ အကြမ်းဖက်လုပ်ရပ်များနှင့် ပတ်သက်၍ မီဒီယာများတွင် ဖော်ပြမှုများမှုများက ဖုံးလွှမ်းထားသည့် အစ္စလာမ့်လူ့အဖွဲ့အစည်းများ၏ အောင်မြင်မှုများ၊ ထိုအောင်မြင်မှု၏ ယနေ့တိုင်ရှင်သန်နေမှုများ စသည်တို့ကို သင်ယူလေ့လာရန်အတွက် ရှီမိုယာမာက ကျောင်းသားများကို ဖိတ်ကြားခဲ့သည်။

    tokyo camii
    ဂျပန်နိုင်ငံ၏ အကြီးဆုံး Tokyo Kamii ဗလီဝတ်ကျောင်းတော်

    Tokyo Camii ဗလီဝတ်ကျောင်းတော်မှာ ယခင်က သက်ကြီးရွယ်အိုများ၊ ဗလီဝတ်ကျောင်းတော်၏ ဗိသုကာလက်ရာကို လေ့လာရန် ပုံဆွဲစာအုပ်ဖြင့် လာရောက်ကြသည့် အနုပညာကျောင်းသားများ၏ စိတ်ဝင်စားမှုကိုသာ ခံခဲ့ရသော်လည်း ပြီးခဲ့သည့်နှစ်အနည်းငယ်အတွင်း အလယ်တန်းကျောင်းနှင့် အထက်ကျောင်းမှ ကျောင်းသားများ လာရောက်လေ့လာမှုမှာ သိသိသာသာ မြင့်တက်ခဲ့သည်ဟုလည်း ရှီမိုယာမာက ထည့်သွင်းပြောကြားခဲ့သည်။

    Omiya အထက်တန်းကျောင်းမှ ကျောင်းသားများမှာ ယနေ့အချိန်အထိ ဗလီဝတ်ကျောင်းတော်ကို လာရောက်လေ့လာသည့် မွတ်စလင်မဟုတ်သူများတွင် အကြီးဆုံး လူငယ်အုပ်စုလည်း ဖြစ်ခဲ့သည်။

    “မသိသေးတဲ့အကြောင်းအရာတွေ၊ ကျောင်းစာအုပ်တွေမှာ ရှာမတွေ့နိုင်တာတွေကို လူငယ်တွေက ဒီမှာ သင်ယူလေ့လာကြတာကို တွေ့ရတဲ့အတွက် ကျွန်တော် ပျော်ရွှင်မိပါတယ်” ဟု ရှီမိုယာမာက ဖွင့်ဟခဲ့သည်။

    ကျောင်းသားများအား ရှင်းလင်းတင်ပြမှုအတွင်း ရှီမိုယာမာက ဂျပန်နိုင်ငံရှိအစ္စလာမ့်လူ့အဖွဲ့အစည်းမှာ Tokyo Camii ဗလီဝတ်ကျောင်းတော် တည်ဆောက်ပြီးနောက်ပိုင်း မည်ကဲ့သို့ ကျယ်ပြန့်လာသည်နှင့်ပတ်သက်၍ ရှင်းပြခဲ့သည်။

    အဆိုပါဗလီဝတ်ကျောင်းတော်မှာ ၁၉၁၇ ရုရှားတော်လှန်ရေးကြောင့် အိုးအိမ်စွန့်ခွာ ထွက်ပြေးလာရသည့် တာတာ ပြောင်းရွှေ့အခြေချသူများအတွက် ပညာရေးနှင့် လူမှုရေးစင်တာတစ်ခုအဖြစ် အသုံးပြုခဲ့သော အဆောက်အအုံဖြစ်ပြီး ၁၉၃၀ ပြည့်နှစ်များက တည်ဆောက်ခဲ့ခြင်းဖြစ်သည်။ နောက်ပိုင်းတွင် ထိုအဆောက်အဦးအား ဖြိုချကာ အသစ်ပြန်လည်တည်ဆောက်ခဲ့ပြီး လက်ရှိဗလီဝတ်ကျောင်းတော်ပုံစံ အဆောက်အဦးမှာ ၂၀၀၀ ခုနှစ်တွင် ပြီးစီးခဲ့သည်။

    ဂျပန်နိုင်ငံတွင်ရှိနေသည့် အစ္စလာမ်ဘာသာဝင်အရေအတွက်မှာ ၁၀၀,၀၀၀ ခန့်ရှိပြီး ထိုအထဲမှ ၁၀၀၀ ခန့်မှာ ဂျပန်လူမျိုး အစ္စလာမ်ဘာသာဝင်များဖြစ်ကြသည့်ဟု ရှီမိုယာမာက ထည့်သွင်းရှင်းပြခဲ့သည်။

    ဗလီဝတ်ကျောင်းတော်သို့ ၀တ်ပြုသူများ ရောက်ရှိလာပြီး ၀တ်ပြုသည့်အခါတွင်တော့ ကျောင်းသားများမှာ စိတ်ဝင်တစား ကြည့်ရှုကြပြီး ရှီမိုယာမာက မွတ်စလင်တို့၏ ထိုဝတ်ပြုဆုတောင်းမှုကို အနီးကပ်လေ့လာနိုင်ရန် စီစဉ်ပေးခဲ့လေသည်။

    ၀တ်ပြုဆုတောင်းခြင်းက အစ္စလာမ်သာသနာတွင် အဓိကမဏ္ဍိုင်ကြီးဖြစ်ပြီး မွတ်စလင်များမှာ တစ်နေ့လျှင် ၅ ကြိမ် ၀တ်ပြုကြသည်ဟု ပြောကြားသည့်အခါတွင်တော့ ကျောင်းသားလူငယ်များ၏ မျက်နှာတွင် အထင်ကြီးလေးစားမှုများ ပေါ်လွင်လာလေသည်။

    ကျောင်းသားများနှင့်အတူ လိုက်ပါလာသည့် အင်္ဂလိပ်စာဆရာ တိုမိုကို တာဂါက အရှေ့တောင်အာရှသို့ သွားရောက်မည့်ခရီးစဉ်မှာ အခြားနိုင်ငံများတွင် စီးပွားရေးဖွံ့ဖြိုးတိုးတက်မှုနှင့်ပတ်သက်၍ ကျောင်းသားများ လေ့လာစရာ အခွင့်အလမ်းတစ်ခုဖြစ်မည်ဖြစ်ပြီး၊ ၎င်းတို့၏ အသက်မွေးဝမ်းကြောင်းလုပ်ငန်းတွင် အထောက်အကူဖြစ်စေမည့် သင်ခန်းစာတစ်ခုလည်း ဖြစ်လိမ့်မည်ဟု မျှော်လင့်နေသည်။

    “ပတ်ဝန်းကျင်အသိုင်းအ၀ိုင်းကိုလိုက်ပြီး ယဉ်ကျေးမှုပိုင်းဆိုင်ရာမှာ ဘယ်လို ကွဲပြားခြားနားလဲဆိုတာ သူတို့လေးတွေကို ကျွန်တော် မြင်စေချင်ပါတယ်။ ယဉ်ကျေးမှုဆိုင်ရာ ပွတ်တိုက်မှုကို သူတို့ ကြုံတွေ့ခံစားရမယ်ဆိုတာကိုလည်း ကျွန်တော် သိပါတယ်။ ဒါပေမယ့် ဒီအတွေ့အကြုံကနေ အနာဂတ်မှာ သူတို့လေးတွေ အကျိုးဖြစ်ထွန်းနိုင်မယ်လို့ ကျွန်တော် မျှော်လင့်ပါတယ်”

    မွတ်စလင်အရေအတွက်မှာ ထပ်တိုးလာကာ နောက်ဆုံးတွင် ခရစ်ယာန်လူဦးရေကိုပါ ကျော်တက်သွားရန် ရှိနေသောကြောင့် ထိုကဲ့သို့ အစ္စလာမ့်အကြောင်း လေ့လာမှုမှာ မရှိမဖြစ်သည့် နည်းလမ်းတစ်ခုဖြစ်သည်ဟု ရှိုမိုယာမာက ယုံကြည်နေပြီး ဂျပန်နိုင်ငံမှာပင် အစ္စလာမ်သာသနာပြန့်ပွားမှုမှာ သိသာသည့်အခြအနေ ရှိနေသည်ဟု မှတ်ချက်ပြုခဲ့သည်။

    “ကမ္ဘာတစ်လွှား လိုက်နာကျင့်သုံးကြတဲ့ ဘာသာတရားတွေထဲမှာ ခရစ်ယာန်နဲ့ အစ္စလာမ်ဘာသာတွေဟာ ကမ္ဘာ့အကြီးဆုံး ဖြစ်လာပါတယ်။ ဒါပေမယ့် သက်ဝင်သူ ၁.၆ ဘီလီယံရှိနေပြီး ကမ္ဘာ့ ဒုတိယအကြီးဆုံး ဘာသာတရားဖြစ်တဲ့ အစ္စလာမ်သာသနာကို ဂျပန်နိုင်ငံမှာတော့ သိပ်မသိကြပါဘူး”

    ဂျပန်လုပ်ငန်းတော်တော်များများမှာ အစ္စလာမ်ဘာသာဝင် ၉၀ ရာခိုင်နှုန်းရှိသည့် အင်ဒိုနီးရှားကဲ့သို့ နိုင်ငံများရှိ ဈေးကွက်များကို ထိုးဖောက်နေကြပြီး၊ ဂျပန်နိုင်ငံသို့ လာရောက်လည်ပတ်ကြသူများနှင့် လာရောက်နေထိုင်ကြသူသည့် မွတ်စလင်များတွင် အင်ဒိုနီးရှားနိုင်ငံသားများမှာ အရေအတွက်အများဆုံးဖြစ်သည်ဟုလည်း ရှီမိုယာမာက ထည့်သွင်းပြောဆိုခဲ့သည်။

    ဂျပန်အလွတ်တန်းဂျာနယ်လစ် ကင်ဂျီ ဂိုတိုအား ဆီးရီးယာတွင် IS အဖွဲ့က သတ်ဖြတ်မှု၊ ပဲရစ်တွင်ဖြစ်ပွားခဲ့သည့် အကြမ်းဖက်တိုက်ခိုက်မှုများ အပါအ၀င် ပြီးခဲ့သည့်နှစ်အတွင်း ဖြစ်ပွားခဲ့သည့် စက်ဆုပ်စရာ အဖြစ်အပျက်များပြီးနောက် အစ္စလာမ်ကြောက်ရောဂါအခြေခံ၍ ဂျပန်နိုင်ငံရှိ မွတ်စလင်လူ့အဖွဲ့အစည်းအား တိုက်ခိုက်မှုတွင် Tokyo Camii ဗလီဝတ်ကျောင်းတော်လည်း မလွတ်ခဲ့။

    “မွတ်စလင်တွေ ဒီကထွက်သွားစမ်းကွာ” ဟု လူတစ်ဦးက ဗလီဝတ်ကျောင်းတော်သို့ ဖုန်းခေါ်ခဲ့သည်ဟု ရှီမိုယာမာက ပြောကြားခဲ့ပြီး မိမိအနေဖြင့် ၎င်း၏ ပြောကြားမှုများအား နားထောင်ကာ တုန့်ပြန်ရန် ကြိုးစားခဲ့သည်ဟု ဆိုသည်။

    အထူးသဖြင့် အစ္စလာမ်နှင့် မရင်းနှီးသေးသည့် လူ့အဖွဲ့အစည်းအကြားတွင် မီဒီယာများက အစ္စလာမ်အကြောင်း အပျက်သဘောဆောင်သည့် ဖော်ပြမှုများကို ရှီမိုယာမာက အပြစ်တင်ခဲ့သည်။

    ရှီမိုယာမာ အစ္စလာမ့်အေးရိပ်ဆာယာအောက်သို့ ရောက်ရှိခဲ့သည့် အကြောင်းအရင်းက ၎င်း ခရီးသွားစဉ်ကာလအတွင်း ကြုံတွေ့ခဲ့ရသသည့် မွတ်စလင်တို့၏ ဖော်ရွေကူညီမှုဖြစ်သည်။

    ဂျပန်နိုင်ငံတွင်မွေးဖွားသည့် ရှီမိုယာမာမှာ တက္ကသိုလ်တက်သည့်အချိန်တွင် အာဖရိကသို့ သွားရောက်ခဲ့ပြီး ထိုမတိုင်ခင်က အစ္စလာမ်အကြောင်း ကြားပင်မကြားဖူးခဲ့။ သို့သော်လည်း အာဖရိကရှိ မွတ်စလင်တို့၏ ဖော်ရွေကူညီမှုက အစ္စလာမ့်သွန်သင်မှုများအပေါ် လေ့လာလိုသည့် စိတ်ဆန္ဒကို ဖြစ်စေခဲ့ပြီး မွတ်စလင်များ၏ ကြင်နာတတ်မှုမှာ ထိုသွန်သင်မှုများမှ မြစ်ဖျားခံလာသည်ဟု ၎င်းက ယုံကြည်ခဲ့သည်။

    အာဖရိကမှ ပြန်ရောက်ပြီးကတည်းက ရှီမိုယာမာတစ်ယောက် ဂျပန်နိုင်ငံရှိ အစ္စလာမ့်လူ့အဖွဲ့အစည်းအတွက် အသိပညာပေး လုပ်ငန်းများကို လုပ်ဆောင်ခဲ့ပြီး၊ အစ္စလာမ်အကြောင်းသိရှိရေး၊ အစွန်းရောက်များ၏ လုပ်ရပ်များကြောင့် သာသနာအပေါ် အထင်မှားအမြင်မှားဖြစ်နေမှုများ ပပျောက်ရေး စသည့်လုပ်ငန်းများတွင် နှစ်မြှုပ်ဆောင်ရွက်ခဲ့လေသည်။

    နိုင်ငံရပ်ခြားတိုင်းပြည်များမှ ပြည်သူများမှာ မွတ်စလင်အရေအတွက် တိုးပွားမှုကို ခြိမ်းခြောက်မှုအဖြစ် မှတ်ယူနေကြသော်လည်း ဂျပန်ပြည်သူများကတော့ အစ္စလာမ်သာသနာအပေါ် ပိုမိုစိတ်ဝင်စားမှုကို ပြသနေပြီး မွတ်စလင်ဆန့်ကျင်ရေး သဘောထားများမရှိဟု ၎င်းက ပြောကြားခဲ့သည်။

    ရှီမိုယာမာမှာ တိုကျိုမြို့ ပတ်ဝန်းကျင်ရှိ စာသင်ကျောင်းများသို့ သွားရောက်လည်ပတ်ကာ အစ္စလာမ့်လူ့အဖွဲ့အစည်းကြောင်း ဟောပြောပို့ချမှုများကိုလည်း ပြုလုပ်နေသည်။

    ၎င်း၏ ဟောပြောပို့ချမှုကို တက်ရောက်နားထောင်ခဲ့သည့် ၆ တန်းကျောင်းသားတစ်ဦးက ရှီမိုယာမာသို့ ပေးပို့သော စာတွင် “လူပေါင်းများစွာရဲ့ အသက်တွေကို ဆုံးရှုံးစေတယ်ဆိုပြီး အစ္စလာမ်ကို ကြောက်စရာတစ်ခုအဖြစ် အရင်က ကျွန်တော် ထင်ခဲ့တယ်” ဟု ရေးသားထားသည်။

    ၎င်း၏ အတန်းဖော်များက ပေးပို့ခဲ့သည့် စာများတွင်လည်း မိမိတို့မှာ အစ္စလာမ်ကို အကြမ်းဖက်ဝါဒနှင့် ချိတ်ဆက်ရှုမြင်ခဲ့ကြသည်ဟု ၀န်ခံခဲ့ကြသော်လည်း အစ္စလာမ်အကြောင်း ပိုမိုနားလည်လာခြင်းက မွတ်စလင်အချို့ အဘယ့်ကြောင့် အကြမ်းဖက်သူများအဖြစ် ပြောင်းလဲသွားခဲ့သည်ကို စဉ်းစားလာနိုင်သည်ဟု ထည့်သွင်းရေးသားခဲ့သည်။

    ထို့ပြင် ပဋိပက္ခဖြစ်ပွားနေသည့် နိုင်ငံများမှာ ပြည်သူများအတွက်လည်း စာနာမိကြောင်း အဆိုပါကျောင်းသားများ၏ စာများတွင် တွေ့ရလေသည်။

    “ကြီးလာရင် သမီး ဆရာဝန်တစ်ယောက်ဖြစ်ချင်ပြီး ဆီးရီးယားလို စစ်ပွဲတွေဖြစ်နေတဲ့ဒေသက ထိခိုက်ခံစားရသူတွေကို ကူညီကယ်တင်ဖို့ နိုင်ငံရပ်ခြားကို သွားချင်ပါတယ်” ဟု ကျောင်းသူတစ်ဦးက ရေးသားခဲ့လေသည်။

    Ref: Japantimes

    (Japantimes တွင် ဖော်ပြထားသည့် Students visit Tokyo mosque to get unbiased glimpse of Islam ဆောင်းပါးကို လေးမောင်မှ ဆီလျော်အောင် ဘာသာပြန်ဆိုသည်။)