News @ M-Media

Tag: Islam in Kenya

  • ခရစ်ယာန်များကို အကြမ်းဖက်များလက်မှ ကယ်တင်ခဲ့သည့် ကင်ညာမွတ်စလင်များအကြောင်း ရုပ်ရှင် မကြာမီထွက်မည်

    ခရစ်ယာန်များကို အကြမ်းဖက်များလက်မှ ကယ်တင်ခဲ့သည့် ကင်ညာမွတ်စလင်များအကြောင်း ရုပ်ရှင် မကြာမီထွက်မည်

    မတ် ၂၁၊ ၂၀၁၇
    M-Media

    – ကင်ညာနိုင်ငံမှာ အကြမ်းဖက်သမားတွေရဲ့ လက်ထဲကနေ ခရစ်ယာန်ညီနောင်တွေကို မွတ်စလင်တွေက ကယ်တင်ခဲ့တဲ့ အဖြစ်အပျက်တစ်ခုကို အခြေခံကာ ရိုက်ကူးထားတဲ့ ဇာတ်ကားတစ်ကား မကြာခင် ထွက်လာတော့မယ်လို့ သိရပါတယ်။

    ဆွာဟီလီ ဘာသာစကားနဲ့ Watu Wote လို့အမည်ပေးထားပြီး “ငါတို့အားလုံး” လို့အဓိပ္ပါယ်ရတဲ့ ဒီဇာတ်ကားဟာ ၂၀၁၅ ခုနှစ် ဒီဇင်ဘာက ကင်ညာနိုင်ငံ မန်ဒီရာမှာ ဖြစ်ပွားခဲ့တဲ့ အကြမ်းဖက်စီးနင်းမှုတစ်ခုကို ဇာတ်အိမ်တည် ရိုက်ကူးထားတာ ဖြစ်ပါတယ်။

    ခရီးသွားနေတဲ့ ဘတ်စ်ကားတစ်ခုကို အလ်ရှာဘတ်စစ်သွေးကြွတွေက ၀င်ရောက်စီးနင်းကာ ကားပေါ်မှာ ပါလာတဲ့သူတွေထဲက မွတ်စလင်တွေနဲ့ ခရစ်ယာန်တွေကို ခွဲထိုင်ဖို့ အမိန့်ပေးခဲ့ပြီး ခရစ်ယာန်တွေကို ရွေးချယ်ပစ်သတ်ဖို့ လုပ်ခဲ့တာပါ။

    ဒါပေမယ့် ဒီဘတ်စ်ကားပေါ်မှာပါလာတဲ့ မွတ်စလင် ၆၂ ဦးက ဒီပြောကြားမှုကို မလိုက်နာခဲ့ဘဲ ခရစ်ယာန်တွေကို ထုတ်မပေးနိုင်ကြောင်း၊ သတ်ချင်ရင် အားလုံးသတ်နိုင်ကြောင်း ပြန်လည်တုန့်ပြန်ခဲ့ပါတယ်။ ဒီအဖြစ်အပျက်မှာ အကြမ်းဖက်သမားတွေရဲ့ လက်ချက်ကြောင့် မွတ်စလင် ၂ ဦး အသက်ဆုံးရှုံးခဲ့ရပါတယ်။

    ခရစ်ယာန်တွေကို ကာကွယ်ပေးဖို့ အကြမ်းဖက်သမားတွေနဲ့ အခြေအတင်ပြောဆိုပြီး သေနတ်နဲ့ပစ်ခံရကာ သီတင်းပတ်အနည်းငယ်အကြာမှာ သေဆုံးခဲ့တဲ့ ကျောင်းဆရာ ဆာလာဟ် ဖာရာဟ်ဟာ တိုင်းပြည်ရဲ့ စည်းလုံးမှု အမှတ်သညာ ဖြစ်ခဲ့ပါတယ်။

    “ဒီအဖြစ်အပျက်က ကျွန်မတို့ရင်ကို ထိမှန်စေခဲ့ပါတယ်။ ဒီလိုအခြေအနေမျိုးမှာ လူသားဆန်မှုက အနိုင်ရရှိတာပါပဲ။ ဒီလို အသက်ကို ဖက်နဲ့ထုတ်ထားရတဲ့အချိန်မှာ ဘာသာတရားတွေဘာတွေကို ဂရုစိုက်မနေဘဲ လူတွေဟာ တစ်ယောက်ကိုတစ်ယောက် ရပ်တည်ပေးကြတယ်။ ဘာ့ကြောင့်လည်း သူတို့ဟာ လူသားတွေကို ကယ်တင်ချင်တာ၊ ကာကွယ်ပေးချင်တာကြောင့်ပါပဲ” လို့ Watu Wote ကို ရိုက်ကူးတဲ့ ဒါရိုက်တာ ကတ်ဂျာ ဘန်ရက်သ်က ပြောကြားခဲ့ပါတယ်။

    ဘန်ရက်သ်ဟာ ဂျာမနီနိုင်ငံ ဟမ်းဘတ်မီဒီယာကျောင်းက ကျောင်းသူတစ်ဦးလည်းဖြစ်ပြီး မွတ်စလင်တွေကို သံသယဖြစ်စရာ၊ ကြောက်ရွံ့စရာလို့ ရှုမြင်ခံနေရတဲ့ အခုလိုအချိန်မျိုးမှာ ဒီရုပ်ရှင်ကပေးချင်တဲ့ သတင်းစကားဟာ သိပ်ကို အရေးကြီးတယ်လို့လည်း ထည့်သွင်းပြောကြားခဲ့ပါတယ်။

    မိနစ် ၂၀ ကြာမြင့်တဲ့ ဒီဇာတ်လမ်းတိုလေးကို ဘန်ရက်သ်နဲ့ ဟမ်းဘတ်မီဒီယာကျောင်းက အခြားကျောင်းသား ၂ ဦးက ပုံဖော်ခဲ့တာဖြစ်ပြီး အခင်းဖြစ်ပွားခဲ့တဲ့ မန်ဒီရာဒေသမှာ သွားရောက်လေ့လာကာ အဲဒီနေရာနဲ့တူတဲ့ အခြားဒေသတစ်ခုမှာ ရိုက်ကူးခဲ့တာဖြစ်ပါတယ်။

    “မန်ဒီရာကို ကျွန်မတို့သွားပြီး လူတွေနဲ့စကားပြောတဲ့အခါ သူတို့ဟာ တစ်ယောက်နဲ့တစ်ယောက် လေးစားကြတာကို တွေ့ရပါတယ်။ ခိုင်မာတဲ့ လူ့အဖွဲ့အစည်းတစ်ခုတည်ဆောက်ဖို့ သူတို့တွေဟာ တစ်ယောက်နဲ့တစ်ယောက် လိုအပ်တယ်ဆိုတာ ကျွန်မတို့ သိခဲ့ရပါတယ်” လို့ ဘန်ရက်သ်က ဆိုပါတယ်။

    ဂါရစ်စာခရိုင် ကင်ညာမွတ်စလင် ဗဟိုကောင်စီဥက္ကဌ ရှိခ် အဘ်ဒူလာ ဆာလတ်က ဒီရုပ်ရှင်ကို ကြိုဆိုခဲ့ပါတယ်။

    “သိပ်ပြီး ပေါင်းလက္ခဏာဆောင်တဲ့ ရိုက်ကူးမှုပါ။ ဒီဇာတ်ကား ထွက်လာတဲ့အခါ နိုင်ငံအတွင်းက ခရစ်ယာန်-မွတ်စလင် ဆက်ဆံရေးကို အားကောင်းစေဖို့ တစ်နိုင်ငံလုံးမှာ ပြသင့်ပါတယ်” လို့ ဆာလတ်က ပြောကြားခဲ့ပါတယ်။

    မန်ဒီရာက ရိုမန်ကက်သလစ်ဘုန်းတော်ကြီး ဖာသာ ဂျွန် မူဆိုကာက မွတ်စလင်တွေကို အကြမ်းဖက်သမားတွေအဖြစ် ရှုမြင်နေတာတွေကို ဒီ ရုပ်ရှင်က ပြောင်းလဲပေးလိမ့်မယ်လို့ ဆိုပါတယ်။

    ဒီရုပ်ရှင်ကို နောက်လမှာ ဖြန့်ချီမှာဖြစ်ပါတယ်။

    Ref: Cruxnow

  • မွတ်စလင်ခရီးသွားများအတွက် ကင်ညာက ဟာလာလ်စံနှုန်းများကို အဆင့်မြှင့်မည်

    မွတ်စလင်ခရီးသွားများအတွက် ကင်ညာက ဟာလာလ်စံနှုန်းများကို အဆင့်မြှင့်မည်

    ဖေဖော်ဝါရီ ၈၊ ၂၀၁၇
    M-Media

    – နိုင်ငံ၏ ခရီးသွားလုပ်ငန်းတွင် မွတ်စလင်ခရီးသည်များ ပိုမိုလာရောက်နိုင်ရေးအတွက် ကင်ညာနိုင်ငံမှာ နိုင်ငံတကာ အသိအမှတ်ပြု ဟာလာလ်လက်မှတ်ရရှိရေး စံနှုန်းများကို မြှင့်တင်နေသည်ဟု ကင်ညာ ခရီးသွား စည်းမျဉ်းစည်းကမ်းဆိုင်ရာ အာဏာပိုင်အဖွဲ့ (TRA) က ပြောကြားလိုက်သည်။

    ကင်ညာနိုင်ငံသို့ မွတ်စလင်ခရီးသွားများ လာရောက်မှုမှာ မြင့်တက်လာနေပြီး ၂၀၁၅ ခုနှစ်တွင် ယူအေအီးနိုင်ငံမှ လာရောက်သူ ၄၀၈၇၅ ဦး ရှိခဲ့ကာ ၂၀၁၄ ခုနှစ်က ၂၄၈၂၈ ဦးထက် မြင့်တက်လာခြင်းဖြစ်သည်။

    TRA မှ ညွှန်ကြားရေးမှူးချုပ် လာဂတ် ကစ်ပ်ကိုရာက ဟာလာလ်စံနှုန်းများ ဖော်ဆောင်ရာတွင် စံသတ်မှတ်ရေးဗျူရိုနှင့် ပူးပေါင်းဆောင်ရွက်နေသည်ဟု ပြောကြားခဲ့သည်။

    “မူကြမ်းရေးဆွဲတာ၊ သက်ဆိုင်သူတွေ ပါဝင်စေတာ၊ အရည်အသွေးစိတ်ချရအောင် ပြင်ဆင်တာ၊ ပစ္စည်းအသစ် မထုတ်လုပ်ခင် လေ့ကျင်သင်ကြားပေးတာတွေနဲ့ပတ်သက်လို့ အသေးစိတ်ကို ကျွန်တော်တို့ စီစဉ်ပြီးပါပြီ” ဟု ကစ်ပ်ကိုရာက ဆိုသည်။

    ထို့ပြင် အသက်အရွယ်နှင့် နေရာဒေသကိုလိုက်၍ မွတ်စလင်များ၏ ၀ယ်လိုအားက ခြားနားကြောင်း၊ ထို့ကြောင့် ၀န်ဆောင်မှုပေးရေး၊ နေရာထိုင်ခင်းပေးရေးတို့တွင် ဟာလာလ်နည်းကျ ဆောင်ရွက်နိုင်ရန် သေချာအောင် ဆောင်ရွက်နေကြောင်း၊ ညွှန်ကြားချက်များ၊ စံနှုန်းများကို အကောင်အထည်ဖော်ရာတွင် ငွေကြေးထောက်ပံ့ရေး ကိစ္စများ ဆောင်ရွက်နိုင်ရန် အကြံအဉာဏ်ရယူမှုများကို လုပ်ဆောင်နေကြောင်း ၎င်းက ထည့်သွင်း ပြောဆိုခဲ့သည်။

    ကင်ညာမှာ ယခုနှစ်နှောင်းပိုင်းတွင် ‘နိုင်ငံတကာ ဟာလာလ်ညီလာခံ’ တစ်ခုကို လက်ခံကျင်းပရန် ရှိနေပြီး၊ ယခု ဟာလာလ်စံနှုန်းများ အပြီးသတ် သတ်မှတ်နိုင်ရေး ၆ လခန့်ကြာမြင့်မည်ဖြစ်သည်။

    Ref : Daily Nation

  • အရောင်ဖြင့် ဘာသာရေးစည်းလုံးမှုကိုပြသည့် ကင်ညာပြည်သူများ

    အရောင်ဖြင့် ဘာသာရေးစည်းလုံးမှုကိုပြသည့် ကင်ညာပြည်သူများ

    အောက်တိုဘာ ၂၈၊ ၂၀၁၆
    M-Media

    church-4

    – မြို့တော်နိုင်ရိုဘီရှိ ကီဘီရာခရိုင်မှ ကမ်းရိုးတမ်းမြို့ဖြစ်သော မွမ်ဘာဆာအထိ ကင်ညာနိုင်ငံတစ်ဝှမ်းတွင် လူစည်ကားသော လမ်းများတစ်လျှောက် ထူးခြားသည့် အရိပ်အရောင်များ တွေ့နေရသည်။

    ဗလီဝတ်ကျောင်းတော်များက အစိမ်းရောင်ဆေးသုတ်ထားသော ၎င်းတို့၏ မျက်နှာစာများကို ပြောင်းနေကြပြီး ခရစ်ယာန်ဘုရားကျောင်းများကလည်း ၎င်းတို့၏ တည်ကြည်ခန့်ညားသောအရောင်များကို ချွတ်နေသည်။ တောက်ပပြီး၊ အစွန်းအထင်းမခံသည့် အ၀ါရောင်များဖြင့် ပြောင်းလဲချယ်သနေကြခြင်း ဖြစ်သည်။ တစ်ချို့ကတော့ အ၀ါရောင်မှာ ဟိတ်ဟန်များလွန်းသည့်အရောင်ဖြစ်သည်ဟု ဆိုကြသည်။

    ‘ယုံကြည်မှုရောင်စဉ်’ (Color in Faith) ဟု အမည်ပေးထားသည့် အဆိုပါ လှုပ်ရှားမှုက ကင်ညာနိုင်ငံအတွင်းရှိ ဘာသာရေးလူ့အဖွဲ့အစည်းများကို ညီညွတ်စေရန်ဖြစ်ပြီး ကိုလံဘီယံ-အမေရိကန် အနုပညာရှင် ယက်ဇ်မာနီ အာဘိုလီဒါနှင့် ၎င်း၏ မိတ်ဖက် ကင်ညာနိုင်ငံသား အနုပညာရှင် နာဘီဘာ အလီဘိုင်တို့က ဦးဆောင်ခဲ့ခြင်းဖြစ်သည်။

    ဘာသာရေးခေါင်းဆောင်များကတော့ ထိုကဲ့သို့ အ၀ါရောင်များပြောင်းသုတ်ခြင်းမှာ အမှတ်သညာတစ်ခုအဖြစ် ပုံဖော်လိုခြင်းဖြစ်သည်ဟုဆိုသည်။

    “ကျွန်မအတွက်တော့ အ၀ါရောင်ဟာ နေရဲ့အရောင်ဖြစ်တယ်လို့မှတ်ယူတယ်။ နေက လူတိုင်းအပေါ်မှာ ယှက်ဖြာလွှမ်းခြုံပါတယ်” ဟု ခရစ်ယာန် သီလရှင် ရို့စ် မွန်ဂါဖူက ဆိုသည်။ မွမ်ဘာဆာရှိ သူမ၏ဘုရားကျောင်းကို ဒေသတွင်းမွတ်စလင်လူ့အဖွဲ့အစည်းနှင့် ပူးပေါင်းကာ မကြာသေးမီက အ၀ါရောင်သုတ်ခဲ့သည်။

    “ကျွန်မတို့ ဘာသာရေးခေါင်းဆောင်တွေဟာ ညီညီညွတ်ညွတ်ရှိကြတယ်ဆိုတာကို ကျွန်မတို့ ပြည်သူတွေကို ပြသဖို့အတွက် ဒီလို အရောင်တွေ ခြယ်သကြတာဖြစ်ပါတယ်။ ဒါမှသာ မွတ်စလင်တွေနဲ့ ခရစ်ယာန်တွေဟာ ညီရင်းအစ်ကိုအဖြစ် သိကြမှာပါ။ ဒီနေရာကို ဖြတ်သွားတဲ့သူတိုင်းက ကျွန်မတို့ဟာ ငြိမ်းချမ်းစွာနေထိုင်ကြတယ်ဆိုတာ သိမှာဖြစ်ပါတယ်” ဟု မွန်ဂါဖူက ထည့်သွင်းပြောကြားခဲ့သည်။

    ကင်ညာမှာ သမိုင်းကြောင်းအရ ဘာသာပေါင်းစုံနေထိုင်သည့်တိုင်းပြည်ဖြစ်သော်လည်း အစွန်းရောက် အလ်ရှာဘတ်အဖွဲ့ ပေါ်ပေါက်လာခြင်းက နိုင်ငံအတွင်းရှိ ခရစ်ယာန်နှင့် မွတ်စလင်တို့အကြား သပ်လျှိုပေးသကဲ့သို့ ဖြစ်ခဲ့သည်။

    အဆိုပါ အကြမ်းဖက်အုပ်စုက ခရစ်ယာန်များကိုရွေး၍ တိုက်ခိုက်မှုများ ဆောင်ရွက်သည်။ ပြီးခဲ့သည့်နှစ်က Garissa တက္ကသိုလ်တိုက်ခိုက်မှုကဲ့သို့ဖြစ်ပြီး လူ ၁၄၈ ဦး သေဆုံးခဲ့သည့် အဆိုပါတိုက်ခိုက်မှုတွင် သေဆုံးသူအများစုမှာ မနက်ပိုင်း ဘုရားဝတ်တက်နေသူများ ဖြစ်လေသည်။

    အကြမ်းဖက်ခြိမ်းခြောက်မှုကို တုန့်ပြန်သည့်အနေဖြင့် ကင်ညာလုံခြုံရေးတပ်ဖွဲ့က အကြမ်းဖက်ဆန့်ကျင်ရေး လှုပ်ရှားမှုကို ဆောင်ရွက်ခဲ့သည်။ ကင်ညာအမျိုးသားလူ့အခွင့်အရေးကော်မရှင်နှင့် အခြားသောအဖွဲ့များက လုံခြုံရေးတပ်ဖွဲ့ဝင်များမှာ ဆိုမာလီပြည်သူများအပေါ် တရားလက်လွတ်သတ်ဖြတ်ခြင်း၊ အတင်းအဓမ္မ မောင်းထုတ်ခြင်းတို့ ပြုလုပ်သည်ဟု ပြောကြားခဲ့သည်။ ကင်ညာအစိုးရကတော့ အဆိုပါ စွပ်စွဲချက်များကို ငြင်းဆိုခဲ့သည်။

    “ဘုရားကျောင်းတစ်ခု ဒါမှမဟုတ် ခရစ်ယာန်တစ်ယောက်ကို တွေ့ပြီဆိုရင် သူတို့က ‘ဒါက အစိုးရလူဖြစ်တယ်။ သူတို့ဟာ ငါတို့ကို မတရားလုပ်ခဲ့တဲ့အဖွဲ့ဖြစ်တယ်လို့’ ပြောကြပါတယ်” ဟု ကီဘီရာရှိ ဂျစ်ဒါ ဗလီဝတ်ကျောင်းတော်မှ ရှေ့ဆောင်အီမာမ် ရှိခ် ယူစွဖ် နာဆူရ် အဘူဟမ်ဇာက ပြောကြားခဲ့သည်။

    church-3

    မူဆာ ဗလီဝတ်ကျောင်းတော်

    ရဲတပ်ဖွဲ့က မူဆာဗလီဝတ်ကျောင်းတော်မှာ အစွန်းရောက်များဖြစ်အောင် သိမ်းသွင်းသည့်အနေရာ၊ အလ်ရှာဘတ်များကို စုဆောင်းသည့်နေရာဖြစ်သည်ဟု နှစ်ပေါင်းများစွာ စွပ်စွဲခဲ့သည်။ လွန်ခဲ့သည့် ၂ နှစ်အရင်က ရဲတပ်ဖွဲ့မှာ ဗလီဝတ်ကျောင်းတော်ကို ၀င်ရောက်စီးနှင်းခဲ့ပြီး ၀တ်ပြုသူ ၃ ဦးကို သတ်ဖြတ်ခဲ့ကာ ၁၃၀ ကို ဖမ်းဆီးခဲ့သည်။ ထို့ပြင် လက်နက်များ အလ်ရှာဘတ်နှင့် သက်ဆိုင်သည့် ပစ္စည်းများ တွေ့ရှိခဲ့သည်ဟု ရဲတပ်ဖွဲ့က ပြောကြားခဲ့သည်။

    “လူတွေက တော်တော်ကြောက်သွားပြီး ဗလီဝတ်ကို ၀တ်ပြုဖို့ မသွားကြတော့ပါဘူး” ဟု မွမ်ဘာဆာတွင်နေထိုင်သူ ခါလီမာ မိုဟာမက်က ပြောကြားခဲ့သည်။ သူမက ၂၀၁၄ ခုနှစ် ရဲတပ်ဖွဲ့နှင့် ပြည်သူလူထုအကြား ထိပ်တိုက်တွေ့မှု၌ ရဲတပ်ဖွဲ့၏ မှားယွင်းပစ်ခတ်မှုကြောင့် တူဖြစ်သူ သေဆုံးခဲ့သည်ဟု ဆိုသည်။

    ထိုအချန်မှစ၍ မွမ်ဘာဆာတွင် မတည်ငြိမ်မှုမှာ ချုပ်ငြိမ်းသွားသည်။ မူဆာ ဗလီဝတ်ကျောင်းတော်ကတော့ မကြာသေးမီကပင် အ၀ါရောင်တောက်လာခဲ့သည်။

    “ကျွန်မတို့ ပဝေသဏီကတည်းက အတူတကွနေလာခဲ့ပြီးမှ ဘာ့ကြောင့် တိုက်ခိုက်တာတွေ ဖြစ်နေလဲဆိုပြီးတော့ ကျွန်မ ကိုယ့်ကိုယ်ကို ပြန်မေးမိပါတယ်။ ကျွန်မဟာ လူ့အဖွဲ့အစည်းရဲ့ တစ်စိတ်ပိုင်းဖြစ်တယ်ဆိုတာကို ပြသဖို့၊ ကျွန်မတို့ လုံးဝ သွေးကွဲမှုမရှိတော့ဘူးဆိုတာကို ပြသဖို့ ဗလီဝတ်ကျောင်းတော်ကို အ၀ါရောင် ချယ်သချင်ခဲ့ပါတယ်” ဟု ခါလီမာက ထည့်သွင်းပြောကြားခဲ့သည်။

    ကင်ညာနိုင်ငံတစ်ဝှမ်းရှိ ဗလီဝတ်ကျောင်းတော်နှင့် ခရစ်ယာန်ဘုရားကျောင်း ၉ ခုမှာ အ၀ါရောင်ချယ်သခဲ့ပြီးဖြစ်လေသည်။ အာဘိုလီဒါကတော့ နောက်ထပ် ၀တ်ပြုရာနေရာ ၄၀ မှာ ၎င်းတို့၏ ထိုလှုပ်ရှားမှုတွင် ပူးပေါင်းပါဝင်ချင်ကြောင်း ပြောကြားသည်ဟု ဆိုသည်။

    အနုပညာရှင် အာဘိုဒါက အဆိုပါ အ၀ါရောင်သုတ်ထားသည့် အဆောက်အဦးများကို “မြေပြန့်လွင်ပြင်မှ ကျောက်ဆစ်လက်ရာ” ဟု အမည်ပေးထားပြီး အဆိုပါ အဆောက်အဦးများက ပြုပြင်ပြောင်းလဲမှု ကြားခံများဖြစ်မည်ဟု မျှော်လင့်နေသည်။

    “ကျွန်တော်တို့ရဲ့ တူညီမှုတွေအပေါ်မှာ အာရုံစိုက်ခြင်းအားဖြင့် လူတွေဟာ သူတို့အတွက် ပိုကောင်းတဲ့အနာဂတ်ကို ဘယ်လို စိတ်ကူးဖော်ဆောင်နိုင်မလဲဆိုတာနဲ့ပတ်သက်ပြီး ကျွန်တော်တို့ ဥပမာတွေ ချပြနေတာ ဖြစ်ပါတယ်” ဟု အာဘိုလီဒါက ပြောကြားခဲ့သည်။

    ထို့ပြင် ၎င်း၏ အဓိကရည်ရွက်ချက်က အယူမတူသော ပြည်သူများအနေဖြင့် ၎င်းတို့၏ ၀တ်ပြုရာနေရာများအတွက် အတူတကွ ညီညီညွတ်ညွတ်ဆောင်ဆောက်ရွက်စေရန်ဖြစ်သည်ဟုလည်း ဆိုလေသည်။

    Ref: CNN