News @ M-Media

Tag: Islam in Singapore

  • အစ္စလာမ့်ရေးရာကောလိပ်တစ်ခုကို စင်ကာပူအစိုးရက တည်ထောင်ပေးမည်

    အစ္စလာမ့်ရေးရာကောလိပ်တစ်ခုကို စင်ကာပူအစိုးရက တည်ထောင်ပေးမည်

    သြဂုတ် ၁၉၊ ၂၀၂၄
    M-Media

    (ဓာတ်ပုံ – စင်ကာပူ၀န်ကြီးချုပ် လောရင့် ၀ွန်)

    -အနာဂတ် အစ္စလာမ့်ခေါင်းဆောင်တွေ ပေါ်ထွက်လာဖို့အတွက် ‘အစ္စလာမ့်ရေးရာကောလိပ်တစ်ခု’ တည်ဆောက် ထူထောင်ပေးမယ်လို့ စင်ကာပူ၀န်ကြီးချုပ် လောရင့် ၀ွန်က ပြောပါတယ်။

    သြဂုတ်လ ၁၈ ရက်နေ့က ပြုလုပ်တဲ့ အမျိုးသားနေ့ ချီတက်ပွဲမှာ လောရင့်က ကြေငြာတာပါ။ ၀န်ကြီးချုပ်ဖြစ်ပြီးနောက် ချီတက်ပွဲကို ပထမဆုံးအကြိမ် တက်ရောက်တာလည်း ဖြစ်ပါတယ်။

    အစ္စလာမ့်ရေးရာ ကောလိပ်တစ်ခု စင်ကာပူမှာ ပေါ်ပေါက်လာဖို့အတွက် ၂၀၁၆ ခုနှစ်မှာ အဲဒီတုန်းက မွတ်စလင်ရေးရာ ၀န်ကြီးအဖြစ် တာ၀န်ထမ်းဆောင်ခဲ့တဲ့ ယာကွဘ် အီဘရာဟင်က အဆိုပြုခဲ့တာပါ။

    လောရင့်က နိုင်ငံအတွင်းက မလေးမွတ်စလင် လူ့အဖွဲ့အစည်းနဲ့ ခေါင်းဆောင်တွေဟာ နိုင်ငံ တိုးတက်အောင်မြင်ဖို့အတွက် ဘက်ပေါင်းစုံကနေ ကူညီပံ့ပိုးပေးခဲ့ပြီး ဒီလုပ်ဆောင်ချက်တွေကို သူ့အနေနဲ့ အသိအမှတ်ပြုတယ်လို့ ပြောကြားခဲ့ပါတယ်။

    မွတ်စလင်လူ့အဖွဲ့အစည်းက ပေါ်ထွက်လာတဲ့ မှတ်ချက်တွေ၊ အတွေးအမြင်တွေကို မိမိတို့အစိုးရအနေနဲ့ တလေးတစား နားထောင်နေပြီး ခိုင်ခိုင်မာမာ ပူးပေါင်းဆောင်ရွက်သွားမယ်လို့လည်း ၀န်ကြီးချုပ်က ပြောပါတယ်။


  • မွတ်စလင်များကို အကြမ်းဖက်ရန် လူငယ်တစ်ဦး၏ ကြံစည်မှုအား စင်ကာပူ ခရစ်ယာန်ခေါင်းဆောင်များ ရှုတ်ချ

    ဇန်နဝါရီ ၂၈၊ ၂၀၂၁
    M-Media

    -ဗလီနှစ်လုံးမှာ အစ္စလာမ်ဘာသာဝင်တွေကို အကြမ်းဖက်တိုက်ခိုက်ဖို့ ကြံစည်ထားတဲ့ ခရစ်ယာန်လူငယ်ရဲ့ လုပ်ရပ်ကို စင်ကာပူက ခရစ်ယာန်နဲ့ အစ္စလာမ်ဘာသာရေးခေါင်းဆောင်တွေက ရှုတ်ချလိုက်ပါတယ်။

    အိန္ဒိယလူမျိုး အသက် ၁၆ နှစ်အရွယ် လူငယ်ဟာ မတ်လရောက်ရင် ဓားကောက်နဲ့ အစ္စလာမ်ဘာသာဝင်တွေကို သတ်ဖြတ်ဖို့ အသေးစိတ် စီစဉ်ထားတာ ဖြစ်ပါတယ်။ စင်ကာပူရဲတပ်ဖွဲ့က နိုဝင်ဘာလမှာ ဒီကိစ္စကို ခြေရာခံ ဖမ်းဆီးစစ်ဆေးခဲ့ပြီး ဒီဇင်ဘာမှာတော့ တရားစွဲဆိုခဲ့ပါတယ်။

    ဒီကိစ္စအသေးစိတ်ကို ပြည်ထဲရေးဝန်ကြီးဌာနက မနေ့မှာ ထုတ်ပြန်ခဲ့တာပါ။ ဒီလူငယ်ဟာ နယူးဇီလန်နိုင်ငံ ခရိုက်ချက်မြို့က ဗလီနှစ်လုံးကို အကြမ်းဖက်တိုက်ခိုက်ခဲ့တဲ့ လူဖြူအစွန်းရောက် ဘရန်ဒန် တားရန့်ကို အားကျကာ ဒီလိုအကြမ်းဖက်ဖို့ ကြံစည်တာကို စစ်ဆေးမှုမှာ တွေ့ရကြောင်း ထုတ်ပြန်ချက်မှာဖော်ပြထားပါတယ်။

    ခရစ်ယာန်နဲ့ မွတ်စလင်ခေါင်းဆောင်တွေက ဒီနေ့ Yusof Ishak ဗလီမှာတွေ့ဆုံကာ အပြန်အလှန်နားလည်မှုနဲ့ ယုံကြည်မှု တည်ဆောက်ခဲ့ကြပြီး အကြမ်းဖက်တိုက်ခိုက်မယ့်လုပ်ရပ်ကိုလည်း ရှုတ်ချခဲ့ပါတယ်။ Yusof Ishak ဗလီဟာ ခရစ်ယာန်လူငယ် တိုက်ခိုက်ဖို့ ရွေးချယ်ထားတဲ့ ဗလီနှစ်ခုထဲက တစ်လုံးဖြစ်ပါတယ်။ နောက် ဗလီတစ်ခုကတော့ Assyafaah ဗလီပါ။

    စင်ကာပူ ခရစ်ယာန်ဘုရားကျောင်းများကောင်စီ NCCS က ခေါင်းတွေနဲ့ စင်ကာပူ အစ္စလာမ့်ဓမ္မသတ်မှူးချုပ် မွဖ်သီ နဇီရွတ်ဒင်း မိုဟာမက် နာဆီရ်၊ စင်ကာပူအစ္စလာမ် သာသနာရေးကောင်စီ Muis အကြီးအကဲ မစ္စတာ အီဆာ မာဆွဒ်တို့ တွေ့ဆုံခဲ့ကြပါတယ်။ Muis ဟာ စင်ကာပူက အစ္စလာမ်ဘာသာရေးကိစ္စ အ၀၀ကို စီမံခန့်ခွဲနေတဲ့အဖွဲ့ ဖြစ်ပါတယ်။

    Yusof Ishak ဗလီနဲ့ Assyafaah ဗလီဥက္ကဌတွေ၊ ပြည်ထဲရေးဝန်ကြီး ​ကေ ရှမ်မူဂမ်၊ အိုးအိမ်နှင့် အမျိုးသား ဖွံ့ဖြိုးတိုးတက်ရေးဝန်ကြီး ဖိုက်ဆယ် အီဘရာဟင်တို့လည်း ဆွေးနွေးပွဲကို တက်ရောက်ခဲ့ကြပါတယ်။

    NCCS ဥက္က​ဌ သိက္ခာတော်ရဆရာတော် ကိသ်လိုင်က ကြောက်စရာကောင်းတဲ့ ဒီအစီအစဉ်အတွက် ခရစ်ယာန်လူ့အဖွဲ့အစည်းတစ်ခုလုံး နာကျင်ဝမ်းနည်းရတယ်လို့ ပြောကြားခဲ့ပါတယ်။

    “ကျွန်တော်တို့ တုန်လှုပ်မိသလို ဒါမျိုးဖြစ်လာမယ်ဆိုတာ ယုံတောင်မယုံနိုင်ပါဘူး။ အထူးသဖြင့် အသက် ၁၆ နှစ်အရွယ်က ဒါမျိုးလုပ်တာကိုပါ။ ဒီလူငယ်ရဲ့ အစီအစဉ်ဟာ မေတ္တာထားဖို့၊ သည်းခံဖို့ဆိုတဲ့ သမ္မာကျမ်းစာရဲ့ သွန်သင်မှုနဲ့ ဆန့်ကျင်နေပါတယ်”

    လူငယ်တွေကို ကူညီဖေးမပြီး လမ်းကြောင်းမှန်ပေါ်​ရောက်အောင် မိမိတို့က ဆောင်ရွက်ပေးရမယ်ဆိုတာ ခရစ်ယာန်လူ့အဖွဲ့အစည်းအတွက်သာမကဘဲ တစ်နိုင်ငံလုံးကို ဒီအဖြစ်အပျက်က မီးမောင်းထိုးပြလိုက်တာ ဖြစ်တယ်လို့လည်း ဆရာတော်က ထည့်သွင်းပြောဆိုခဲ့ပါတယ်။

    ဘယ်ခရစ်ယာန်ကမှ မွတ်စလင်တွေအပေါ် ထိခိုက်နစ်နာစေလိုတဲ့စိတ်ဓာတ်မျိုး၊ မုန်းတီးတဲ့စိတ်ဓာတ်မျိုး မထားဘူးဆိုတဲ့ ခရစ်ယာန်ခေါင်းဆောင်တွေရဲ့ ပြောကြားမှုအတွက် ကျေးဇူးတင်တယ်လို့ ဒေါက်တာ နဇီရွတ်ဒင်းက ပြောပါတယ်။

    “အစ္စလာမ်သာသနာရဲ့ သွန်သင်မှုအစစ်အမှန်က ဘာလဲဆိုတာ ကျွန်​တော်တို့ မွတ်စလင်လူ့အဖွဲ့အစည်းကလည်း မကြာမကြာ ရှင်းပြဖို့လိုပါတယ်။ ခရစ်ယာန်ဘာသာဝင်တစ်ယောက်က ဘာသာတရားထိခိုက်စေမယ့် ကိစ္စတွေ လုပ်ဆောင်ဖို့ ဆောင်ရွက်မှုကြောင့် ဆရာတော်တို့ တုန်လှုပ်၊ ဝမ်းနည်းမှုကို ကျွန်တော်တို့ စာနာနားလည်ပါတယ်”

    ခရစ်ယာန်နဲ့ အစ္စလာမ်ဘာသာဝင် လူ့အဖွဲ့အစည်းအကြား နားလည်မှု ပိုမိုနက်ရှိုင်းရေး ဆောင်ရွက်ရမယ့် အချက်တွေကို ခေါင်းဆောင်တွေက ဆွေးနွေးခဲ့ကြတယ်လို့ ဒေါက်တာ နဇီရွဒ်ဒင်းက ထည့်သွင်းပြောဆိုခဲ့ပါတယ်။

    အွန်လိုင်းမှာ ပြန့်နှံ့နေတဲ့ အစွန်းရောက်အတွေးအခေါ်အယူအဆတွေ လူငယ်တွေအပေါ် လွှမ်းမိုးမှု တိုက်ဖျက်ရေးကိစ္စတွေကို ခေါင်းဆောင်တွေက ဆွေးနွေးခဲ့ကြပါတယ်။

    “ဒီလူငယ်က ပရိုတက်စတင့်ခရစ်ယာန် ဖြစ်ကောင်းဖြစ်မယ်။ ဒါပေမယ့် အစ္စလာမ်ဘာသာနဲ့ အစ္စလာမ်ဘာသာဝင်တွေအပေါ် သူ့ရဲ့ မုန်းတီးမှု၊ အွန်လိုင်းမှာ ပြန့်နေတဲ့ လက်ယာစွန်းရောက် အတွေးအခေါ်ကနေ ရလာတဲ့ ဒေါသတွေ၊ အကြမ်းဖက်လိုတဲ့စိတ်၊ ဘာသာရေးနားလည်မှုလွဲတာတွေပေါင်းပြီး ဒါမျိုးဖြစ်သွားတာပါ” လို့ ဒေါက်တာ နဇီရွတ်ဒင်းက ပြောပါတယ်။

    ဘာသာစုံလူမျိုးစုံရှိတဲ့ စင်ကာပူမှာ လူ့အဖွဲ့အစည်းတွေအကြား မတူကွဲပြားမှုကို လေးစားရေး၊ သဟဇာတရှိတဲ့ ဆက်ဆံရေးကို ထိန်းသိမ်းရေး စတာတွေအတွက် ခေါင်းဆောင်တွေ ပိုမိုဆောင်ရွက်ဖို့ လိုအပ်လာပြီဆိုတာ ဒီအဖြစ်အပျက်က မီးမောင်းထိုးပြနေတယ်ဆိုတာကို ခရစ်ယာန်နဲ့ အစ္စလာမ်ခေါင်းဆောင်တွေက ဆွေးနွေးပွဲမှာ သဘောတူ လက်ခံခဲ့ကြပါတယ်။

    ဒေါက်တာ နဇီရွတ်ဒင်းက ကြောက်ရွံ့မှု၊ စိုးရိမ်စိတ်နဲ့ အွန်လိုင်းမှာ ပြန့်နေတဲ့ သတင်းအချက်အလက် အမှားတွေကနေ အစွန်းရောက်အတွေးအခေါ်တွေ ပေါ်ပေါက်လာပြီး၊ လူငယ်တွေအပါအဝင် လူရည်မလည်သေးတဲ့သူတွေက ဒီအတွေးအခေါ်တွေရဲ့သားကောင် ဖြစ်လာကြောင်း၊ မြင့်တက်လာတဲ့ ဒီခြိမ်းခြောက်မှုကို တိုက်ဖျက်ဖို့ လိုအပ်ကြောင်း မှတ်ချက်ပြုခဲ့ပါတယ်။

    သိက္ခာတော်ရဆရာတော် ကိသ်လိုင်က သားသမီးတွေ၊ လူငယ်တွေရဲ့ စိတ်ခံစားမှု ရင်ဆိုင်နေရတဲ့ ပြဿနာတွေကို နားလည်ဖို့၊ အစွန်းရောက်တွေရဲ့ အွန်လိုင်းက သိမ်းသွင်းမှုကို တိုက်ဖျက်ဟာ မိဘတွေနဲ့ လူ့အဖွဲ့အစည်းရဲ့တာဝန် ဖြစ်တယ်လို့ ပြောကြားခဲ့ပါတယ်။

    “ဒါတွေက ကျွန်တော်တို့နဲ့ မဆိုင်သလိုနေပြီး အစိုးရကို လွှဲချလို့မရတဲ့ ကိစ္စတွေပါ။ ကျွန်တော်တို့ ကိုယ်တိုင် တာဝန်ယူဆောင်ရွက်ရမှာ ဖြစ်ပါတယ်။ ဘလူ့အဖွဲ့အစည်းမှာ
    ဘာသာရေးအဖွဲ့အစည်းတွေက အလွန်ရေးပါပြီး လူငယ်တွေကို လမ်းမှန်ပြဖို့လည်း သေသေချာချာ ဆောင်ရွက်ပေးရပါမယ်”

    အကြမ်းဖက်တိုက်ခိုက်ဖို့ ကြံစည်မှုဟာ လူငယ်ရဲ့ သီးသန့် အတွေးအခေါ်ဖြစ်ပြီး ခရစ်ယာန်သာသနာ၊ ခရစ်ယာန်ဘာသာဝင်တွေနဲ့ ဘာမှ မသက်ဆိုင်၊ မပတ်သက်ဘူးဆိုတာ မိမိတို့ နားလည်လက်ခံတယ်လို့ မွတ်စလင်ခေါင်းတွေက ခရစ်ယာန်ခေါင်းဆောင်တွေကို ပြောကြားခဲ့ပါတယ်။

    ခရစ်ယာန်နဲ့ အစ္စလာမ်ဘာသာဝင်တွေအကြား မလိုမုန်းထားမှုတွေ မပေါ်ပေါက်ရေး ပူးပေါင်းဆောင်ရွက်ဖို့ နှစ်ဖက်ဘာသာရေးခေါင်းဆောင်တွေက ဒီနေ့ဆွေးနွေးပွဲမှာ သဘောတူခဲ့ပါတယ်။

    အကြမ်းဖက်တိုက်ခိုက်မှုကို ကြိုတင်တားဆီးဟန့်တားနိုင်ခဲ့တဲ့ စင်ကာပူရဲတပ်ဖွဲ့ကို ကျေးဇူးတင်ကြောင်း ဒေါက်တာ နဇီရွတ်ဒင်းက ပြောကြားခဲ့ပြီး၊ ဒီလိုပြဿနာတွေကို စည်းစည်းလုံးလုံးနဲ့ ပူးပေါင်းဖြေရှင်းဖို့လည်း တိုက်တွန်းခဲ့ပါတယ်။

    “လက်ရှိ ကပ်ရောဂါကာလမှာ ကမ္ဘာတစ်ဝှမ်း အခက်အခဲတွေ၊ စိန်ခေါ်မှုတွေကို ကျွန်တော်တို့ ကြုံတွေ့နေရတယ်။ လူသားဝါဒ၊ ဂုဏ်ပေးလေးစားမှု၊ လူ့အသက်တွေက ဒီလိုအချိန်မှာ အရေးအကြီးဆုံးပါ။ မတူကွဲပြားမှုတွေကို ဘေးဖယ်ထားပြီး စည်းစည်းလုံးလုံးနဲ့ တစ်ဦးကိုတစ်ဦး ဖေးမကူညီဖို့ ကျွန်တော်တို့ လုပ်ဆောင်ရမှာဖြစ်ပါတယ်”

    Ref: The Starits Times

  • မွတ်စလင်များကို အကြမ်းဖက်ရန်ကြံစည်သည့် နိုင်ငံသားတစ်ဦးကို စင်ကာပူ ဖမ်းဆီး

    မွတ်စလင်များကို အကြမ်းဖက်ရန်ကြံစည်သည့် နိုင်ငံသားတစ်ဦးကို စင်ကာပူ ဖမ်းဆီး

    ဇန်နဝါရီ ၂၇၊ ၂၀၂၀
    M-Media

    အကြမ်းဖက်တိုက်ခိုက်ရန် ရွေးထားသည့် ဗလီနှစ်လုံး

    -အထင်ကရ ဗလီနှစ်လုံးမှာ မွတ်စလင်တွေကို အကြမ်းဖက်တိုက်ခိုက်ဖို့ ကြံစည်နေတဲ့ အသက် ၁၆ နှစ်အရွယ် အမျိုးသားတစ်ဦးကို အကြမ်းဖက်ဥပဒေနဲ့ ဖမ်းဆီးထားတယ်လို့ စင်ကာပူက ဒီနေ့ ထုတ်ပြန်ပါတယ်။

    အိန္ဒိယလူမျို ပရိုတက်စတင့် ခရစ်ယာန်ဘာသာဝင်တစ်ယောက်ဖြစ်တဲ့ အဲဒီလူငယ်ဟာ နယူးဇီလန်နိုင်ငံ ခရိုက်ချက်မြို့က ဗလီနှစ်လုံး တိုက်ခိုက်ခံရတဲ့ နှစ်ပတ်လည် မတ်လ ၁၅ ရက်နေ့ စင်ကာပူက Assyafaah ဗလီနဲ့ Yusof Ishak ဗလီတွေမှာ မွတ်စလင်တွေကို ဓားကောက်နဲ့ လိုက်ခုတ်ဖို့ စီစဉ်ထားတာပါ။

    ကျောင်းသားတစ်ဦးဖြစ်တဲ့ ဒီလူငယ်ကို ဒီဇင်ဘာလမှာ ဖမ်းဆီးထိန်းသိမ်းခဲ့တာဖြစ်တယ်လို့ စင်ကာပူ ပြည်တွင်းလုံခြုံရေးဌာန (ISD) ရဲ့ ဒီကနေ့ ထုတ်ပြန်ချက်မှာ ဖော်ပြထားပါတယ်။ ဒါဟာ စင်ကာပူမှာ လက်ယာအစွန်းရောက် အယူဝါဒကြောင့် ပထမဆုံး ဖမ်းဆီးထိန်းသိမ်းမှု ဖြစ်ပါတယ်။ ဖမ်းဆီးခံထားရတဲ့ လူငယ်ရဲ့အမည်ကို ISD က ထုတ်မပြောပါဘူး။

    ၂၀၁၉ ခုနှစ်က လူ ၅၀ သေဆုံးခဲ့တဲ့ ခရိုက်ချက်ဗလီ အကြမ်းဖက်မှုကို ဒီလူငယ်က အလွန်အားကျခဲ့တယ်လို့လည်း ISD က ဆိုပါတယ်။

    “အစ္စလာမ်ကို မုန်းတီးမှု၊ တိုက်ခိုက်သတ်ဖြတ်မှုကို ပျော်မွေ့တဲ့စိတ်တွေကြောင့် အစွန်းရောက်သွားတာပါ။ ၂၀၁၉ ခုနှစ် မတ်လ ၁၅ ရက်နေ့ နယူးဇီလန်နိုင်ငံ ခရိုက်ချက်မြို့က အကြမ်းဖက်တိုက်ခိုက်မှု တိုက်ရိုက်လွှင့်တဲ့ ဗီဒီယိုကို သူကြည့်ခဲ့တယ်။ အကြမ်းဖက်သမား ဘရန်ဒန် တားရန့်ရဲ့ ကြေငြာချက်ကိုလည်း သူက ဖတ်ရှုခဲ့ပါတယ်။ IS အကြမ်းဖက်အဖွဲ့ရဲ့ ဝါဒဖြန့်ဗီဒီယိုကို ဒီလူငယ်က ကြည့်ခဲ့ပြီး အစ္စလာမ်က ဘာသာမတူသူတွေကို သတ်ခိုင်းလို့ IS က လိုက်သတ်နေတာလို့ သူက မှားယွင်းစွာ ကောက်ချက်ချခဲ့ပါတယ်”

    ဗလီနှစ်လုံးမှာ တိုက်ခိုက်မှုလုပ်ဖို့ အသေးစိတ်အစီအစဉ်ကိုလည်း ဒီလူငယ်က ရေးဆွဲထားပြီး တားရန့်ရဲ့လုပ်ရပ်နဲ့ ခံဝန်ချက်တွေက သူ့အပေါ် လွှမ်းမိုးတယ်ဆိုတာ ထင်ရှားတယ်လို့ ISD က ဆိုပါတယ်။

    Assyafaah ဗလီနဲ့ Yusof Ishak ဗလီတို့ကို ရွေးချယ်တာဟာ သူ့ရဲ့အိမ်နဲ့ နီးလို့ဖြစ်ပြီး တိုက်ခိုက်ဖို့အတွက် ဗလီအနေအအထားနဲ့ လမ်းကြောင်းကို Google Map အသုံးပြုကာ လေ့လာခဲ့ကြောင်း၊ အရင်က An-Nur ဗလီကို ရွေးခဲ့ပေမယ့် နောက်ပိုင်း Yusof Ishak ဗလီကို ပြောင်းလဲရွေးချယ်ခဲ့ကြောင်း၊ ဘယ်လိုသွားရမလဲ၊ အထဲကို ဘယ်လိုဝင်ရမလဲဆိုတာနဲ့၊ ကားဘယ်နေရာမှာ ရပ်ရမလဲဆိုတဲ့ အစီအစဉ်တွေကိုပါ ရေးဆွဲထားပြီးဖြစ်ကြောင်း ISD ရဲ့ ထုတ်ပြန်ချက်မှာ ဖော်ပြထားပါတယ်။

    အကြမ်းဖက်တိုက်ခိုက်ဖို့စီစဉ်ထားတဲ့ လူငယ်ဟာ မွတ်စလင်တွေရဲ့ ရင်ဘတ်နဲ့ လည်ပင်းကို ဓားနဲ့လှီးနိုင်ဖို့ YouTube က ဗီဒီယိုတွေကို ကြည့်ရှုလေ့လာခဲ့သလို၊ လက်နက်အတွက် စင်ကာပူဒေါ်လာ ၁၉၀ တန် Smith & Wesson တံဆိပ် ဓားကောက်ကို ဝယ်ဖို့ ရွေးထားပြီး ပိုက်ဆံဆုနေကာ တိုက်ခိုက်ဖို့ စီစဉ်ထားတဲ့ ရက်မတိုင်ခင် ဝယ်ယူနိုင်ဖို့ စီစဉ်ခဲ့ပါတယ်။

    တိုက်ခိုက်မယ့်အစီအစဉ်

    ဝယ်ယူရန် စီစဉ်ထားသည့် ဓားကောက်

    ဖခင်ဖြစ်သူရဲ့ အကြွေးဝယ်ကဒ်ကို ခိုးယူပြီး ကားအငှားဝန်ဆောင်မှုတစ်ခုဆီကနေ BlueSG ကားငှားဖို့ သူက စီစဉ်ထားသလို လိုင်စင်မရှိပေမယ့် လုပ်နိုင်မယ်လို့ သူက ယုံကြည်နေကြောင်း၊ တိုက်ခိုက်မှုကို မြန်မြန်ဆန်ဆန်လုပ်နိုင်ဖို့အတွက် ဗလီနှစ်လုံးအလယ်မှာ ကားရပ်နိုင်မယ့်နေရာကို ရွေးထားကြောင်း ISD က သတင်းစာရှင်းလင်းပွဲမှာ ပြောကြားခဲ့ပါတယ်။

    နယူးဇီလန်က လူဖြူအစွန်းရောက် ဘရန်ဒန်တားရန့် အသုံးပြုတဲ့ ချေမှုန်းရေးရိုင်ဖယ်သုံးဖို့ ဒီလူငယ်က အစပိုင်းမှာ စီစဉ်ခဲ့တာပါ။ Telegram မှာ သေနတ်ရောင်းသူတစ်ဦးနဲ့ အဆက်အသွယ်ရပေမယ့် Bitcoin နဲ့ ငွေလွှဲခိုင်းတာကြောင့် လိမ်ရောင်းတာလို့ သံသယရှိတဲ့အတွက် သေနတ်မဝယ်ဖြစ်ခဲ့ပါဘူး။

    လက်နက်ကိုင်ဆောင်ခွင့်လိုင်စင် သတ်မှတ်ချက်တွေကို သူက​ လေ့လာခဲ့သလို စင်ကာပူ ရိုင်ဖယ်အသင်းကို ဝင်ရောက်ဖို့လည်း စီစဉ်ခဲ့ပါတယ်။

    အွန်လိုင်းမှာ သေနတ်တွေရှာခဲ့ပေမယ့် စက်ကာပူရဲ့ တင်းကြပ်တဲ့ သေနတ်ကိုင်ဆောင်ခွင့်ဥပ​ဒေကြောင့် လူငယ်က ဒီအစီအစဉ်ကို စွန့်လွှတ်ခဲ့တယ်လို့ ISD ရဲ့ ထုတ်ပြန်ချက်မှာ ဖော်ပြထားပါတယ်။

    TATP ဗုံးလုပ်နည်းကို သူက အွန်လိုင်းမှာ ရှာဖွေခဲ့သလို၊ ဗလီတွေကို ဓာတ်ဆီဗုံးနဲ့ မီးရှို့ဖို့လည်း ဒီလူငယ်က စဉ်းစားခဲ့ပါတယ်။ ဒါဟာ တားရန့်ရဲ့ အကြံဉာဏ်တစ်ခုပါ။ ဗုံးရဖို့ခက်ခဲတာ၊ မိမိအန္တရာယ်ကင်းရေး စိုးရိမ်တာတွေကြောင့် ဒီအစီအစဉ်ကို စွန့်လွှတ်ခဲ့တယ်လို့ ISD က ပြောပါတယ်။

    လူဖြူအစွန်းရောက်တွေရဲ့စတိုင်ကို ပုံတူကူးနိုင်ဖို့အတွက် တိုက်ခိုက်ရေးဝတ်စုံတစ်ခုကို နိုဝင်ဘာလတုန်းက ဝယ်ခဲ့ပြီး တိုက်ခိုက်မှုကို တိုက်ရိုက် Live လွှင့်နိုင်ရေး ဖုန်းတပ်လို့ရအောင် ဝတ်စုံကို ပြင်ဆင်ခဲ့ပါသေးတယ်။

    အစွန်းရောက်အယူအဆ ပြန့်နှံစေချင်

    ဝယ်ထားသည့် တိုက်ခိုက်ရေးဝတ်စုံ

    တိုက်ခိုက်မှုမလုပ်ခင် အွန်လိုင်းမှာလွှင့်တင်ဖို့အတွက် စာရွက်နှစ်ရွက်ကို ဒီလူငယ်က ပြင်ဆင်ခဲ့တယ်လို ISD က ပြောပါတယ်။

    တစ်ရွက်က ပြင်သစ်ပြည်သူတွေကို ရည်ညွှန်းတဲ့စာဖြစ်ပြီး ပြီးခဲ့တဲ့အောက်တိုဘာလ နိုက်စ်မြို့မှာ ခရစ်ယာန်တစ်ချို့ အကြမ်းဖက်တိုက်ခိုက်ခံရပြီးနောက်ပိုင်း ရေးခဲ့တာပါ။ ပြင်သစ်ပြည်သူတွေအနေနဲ့ ‘ကိုယ်မှန်တယ်ထင်တဲ့ဖက်မှာ ရပ်တည်ကြဖို့’ နဲ့ ‘သူတို့ (မွတ်စလင်တွေ) ပုန်းအောင်းပြီး အချိန်ကောင်းစောင့် တိုက်ခိုက်တာမျိုးကို ခွင့်ပြုထားလို့ မရတော့ဘူး’ လို့ ဒီစာမှာ ရေးသားထားပါတယ်။

    ဖမ်းဆီးခဲ့ချိန်မှာ ဒုတိယစာကို ရေးနေဆဲဖြစ်ပြီး အဲဒီစာထဲမှာ အစ္စလာမ်ကို ဘယ်လောက်မုန်းတီးကြောင်းရေးသားထားကာ၊ နယူးဇီလန်က လူဖြူအစွန်းရောက် တားရန့်ကို ‘သူတော်စဉ်’ လို့ ရည်ညွှန်းထားကြောင်း၊ ဒါဟာ တားရန့်ရဲ့ ကြေငြာချက် လွှမ်းမိုးနေတယ်ဆိုတာ သိသာကြောင်း ISD က ထည့်သွင်း ပြောကြားခဲ့ပါတယ်။

    “ဒီအစီအစဉ်အတွက် ရလဒ်နှစ်ခုဖြစ်လာမယ်ဆိုတာကို သူက တွက်ဆထားကြောင်း စစ်ကြောရေးမှာ သူက ဝန်ခံပါတယ်။ တစ်ခုက တိုက်ခိုက်မှုမလုပ်ခင် ဖမ်းဆီးခံရနိုင်တာနဲ့ နောက်တစ်ခုက တိုက်ခိုက်မှုလုပ်ပြီးတဲ့နောက် ရဲတပ်ဖွဲ့ရဲ့ အသေပစ်ခံဖမ်းဆီးမှုကို ခံရနိုင်တာပါ”

    စင်ကာပူပြည်ထဲရေးဝန်ကြီး ကေရှန်မူဂမ်က ဒီလူငယ်ရဲ့ ထွက်ဆိုချက်တွေဟာ ‘သိပ်ကို တုန်လှုပ်စရာကောင်းတယ်’ လို့ ပြောကြားခဲ့ပါတယ်။

    တိုက်ခိုက်မှုကို သူတစ်ယောက်တည်းက ဆောင်ရွက်မှာဖြစ်ပြီး ဘယ်သူတစ်ဦးတစ်ယောက်ရဲ့ လွှမ်းမိုးခိုင်းစေမှုမှ မပါဝင်ဘူးဆိုတာကို စုံစမ်းစစ်ဆေးမှုမှာ တွေ့ခဲ့ရပါတယ်။

    “တိုက်ခိုက်ဖို့ စီစဉ်ထားမှုနဲ့ အစ္စလာမ်အပေါ် သူ့ရဲ့ မုန်းတီးမှုတွေကို သူ့ရဲ့မိသားစုနဲ့ ပတ်ဝန်းကျင်ကလူတွေ ဘယ်သူမှ သတိမထားမိပါဘူး” လို့ ISD ရဲ့ ထုတ်ပြန်ချက်မှာ ဖော်ပြထားပါတယ်။

    စင်ကာပူမှာ မွတ်စလင်တွေကို တိုက်ခိုက်ဖို့ အရင်က ကြံစည်ခဲ့သူတစ်ယောက်ထံကနေ ဒီလူငယ်ရဲ့သတင်းကို စင်ကပူရဲတပ်ဖွဲ့က ရရှိခဲ့ပြီး နိုဝင်ဘာ ၂၆ နေ့က ဖမ်းဆီးကာ ဒီဇင်ဘာ ၂၃ ရက်နေ့မှာ တရားစွဲခဲ့ပါတယ်။

    “သူ့ကို လုံခြုံရေးခြိမ်းခြောက်မှုအဖြစ် ကျွန်တော်တို့က ရှုမြင်ပါတယ်” လို့ ISD က ဆိုပါတယ်။

    ပြည်ထဲရေးဝန်ကြီး ရှမ်မူဂမ်က ၂၀၁၅ ခုနှစ်နောက်ပိုင်း အကြမ်းဖက်ဥပဒေနဲ့ ဖမ်းဆီးခဲ့ရတဲ့ အသက် ၂၀ အောက်လူငယ် ၇ ဦးရှိပြီး အခုလူငယ်မတိုင်ခင် IS ကို ထောက်ခံမှုနဲ့ ဖမ်းဆီးခံထားရတဲ့ အသက် ၁၇ နှစ်အရွယ် လူငယ်က အငယ်ဆုံးဖြစ်တယ်လို့ ပြောကြားခဲ့ပါတယ်။

    Ref: CNA

  • စင်ကာပူတွင် အွန်လိုင်းဘိုကင်စနစ်ဖြင့် ဗလီများပြန်ဖွင့်မည်

    စင်ကာပူတွင် အွန်လိုင်းဘိုကင်စနစ်ဖြင့် ဗလီများပြန်ဖွင့်မည်

    ဇွန် ၂၁၊ ၂၀၂၀
    M-Media

    စင်ကာပူနိုင်ငံမှ ​​ဗလီဝတ်ကျောင်းတော်တစ်လုံး

    -Covid-19 ပြန်နှံ့မှုကြောင့် နိုင်ငံကို တံးခါးပိတ်ကာ ရွေ့လျားသွားလာမှု ကန့်သတ်မိန့် ထုတ်ပြန်ထားတဲ့ စင်ကာပူမှာ ကန့်သတ်ချက်တွေကို တစ်ဖြည်းဖြည်း လျော့ချနေပြီး ဇွန်လ ၂၆ ရက်နေ့ကစတင်ပြီး ဗလီဝတ်ကျောင်းတော်တွေမှာ လူစုလူဝေးနဲ့ ဝတ်ပြုခွင့်ကို ပြန်လည်စတင်တော့မှာ ဖြစ်ပါတယ်။

    လူစုလူဝေးနဲ့ ပြန်လည်ဝတ်ပြုခွင့်ပြုတဲ့နေရာမှာ လိုက်နာရမယ့် စည်းကမ်းချက်တွေကို စင်ကာပူ အစ္စလာမ်ဘာသာရေးအဖွဲ့ဖြစ်တဲ့ MUIS က ထုတ်ပြန်ထားပါတယ်။

    ဗလီတစ်ခုစီတိုင်းဟာ သောကြာနေ့ ဝတ်ပြုဆုတောင်းမှုကို ၂ ကြိမ်ခွဲ ပြုလုပ်မှာဖြစ်ပြီး တစ်ကြိမ်မှာ လူ ၅၀ သာ ခွင့်ပြုမှာပါ။ နေ့စဉ် ၅ ကြိမ်ဝတ်ပြုမှုမှာလည်း တစ်ကြိမ်ကို လူ ၅၀ သာ ဝတ်ပြုခွင့်ရမှာပါ။

    ဝတ်ပြုမယ့်သူတွေအနေနဲ့ အွန်လိုင်းက ကြိုတင်ဘိုကင်လုပ်နိုင်ဖို့း MUIS က စီစဉ်ထားပြီး ဗုဒ္ဓဟူးနေ့ မနက် ၉ နာရီကနေစတင်ကာ ဘိုကင်လုပ်နိုင်မှာ ဖြစ်ပါတယ်။ MUIS က ဘိုကင်လက်မှတ် ပြနိုင်သူကိုသာ ဗလီထဲဝင်ခွင့်ပေးသွားမယ်လို့ ဒီကနေ့ ထုတ်ပြန်ချက်မှာ ဖော်ပြထားပါတယ်။

    ဇွန်လ ၂၆ ရက်ကနေ ဇူလိုင် ၁၀ ရက်နေ့အထိ သောကြာနေ့ ဝတ်ပြုဆုတောင်းမှု ၃ ကြိမ်မှာ လူတစ်ဦးကို တစ်ကြိမ်သာ ဘိုကင်လုပ်ခွင့်ရမှာဖြစ်ပြီး လူ့အဖွဲ့အစည်းက လူအများအပြား ဝတ်ပြုနိုင်အောင် စီစဉ်တာဖြစ်တယ်လို့ MUIS က ပြောကြားခဲ့ပါတယ်။

    ဗလီတွေမှာ Covid-19 ကူးစက်နိုင်ချေ ရှိတာကြောင့် ဝတ်ပြုသူတွေ အန္တရာယ်ကင်းရေး အစီအစဉ်တွေကို ချမှတ်အကောင်အထည်ဖော်သွားမယ်လို့လည်း ကြေငြာချက်က ဆိုပါတယ်။

    ဝတ်ပြုသူတွေဟာ နှာခေါင်းစည်းတပ်တာ၊ ခပ်ခွာခွာ​နေတာ စတဲ့ စည်းကမ်းတွေကို လိုက်နာရမှာဖြစ်ပြီး ဝတ်ပြုဖို့ အခင်းတွေကိုလည်း အိမ်ကနေ ယူလာရမှာဖြစ်ပါတယ်။

    တရားဒေသနာဟောကြားရာမှာလည်း ဗလီဆရာဟာ ဝတ်ပြုသူတွေရဲ့ ပထမဆုံးလိုင်းနဲ့ ၆ ပေအကွာမှာ ရပ်မှာဖြစ်ပါတယ်။ ခပ်ခွာခွာနေထိုင်ရေး အဆင်ပြေစေဖို့အတွက် ဗလီတွေမှာ အမှတ်အသားတွေလည်း ပြုလုပ်ထားမှာဖြစ်ပြီး ဝတ်ပြုဆုတောင်းမှုအပြီးမှာ လူတွေအားလုံး ချက်ခြင်း ဗလီကနေ ပြန်ထွက်ရမှာ ဖြစ်ပါတယ်။

    Ref: CNA

  • ၂ ႏွစ္အတြင္း ဟာလာလ္စီးပြားေရးလုပ္ငန္း အခ်က္အျခာေနရာ ျဖစ္လာရန္ စင္ကာပူ ရည္မွန္းထား

    ၂ ႏွစ္အတြင္း ဟာလာလ္စီးပြားေရးလုပ္ငန္း အခ်က္အျခာေနရာ ျဖစ္လာရန္ စင္ကာပူ ရည္မွန္းထား

    ေမ ၁၊ ၂၀၁၉
    M-Media

    – လာမယ့္ ၂ ႏွစ္အတြင္း အေရွ႕ေတာင္အာရွရဲ႕ ဟာလာလ္စီးပြားေရးလုပ္ငန္း အခ်က္အျခာေနရာတစ္ခု ျဖစ္လာေရးအတြက္ ႏုိင္ငံအေနာက္ပုိင္းမွာ ဟာလာလ္စင္တာတစ္ခု တည္ေဆာက္ဖုိ႔ စင္ကာပူက ေဆာင္ရြက္ေနပါတယ္။

    ေျမဧရိယာ စကြဲယားေပ ၆ သိန္းမွာ တည္ေဆာက္မယ့္ အဲဒီ ဟာလာလ္စင္တာဟာ ဟာလာလ္အစားအေသာက္ေတြကုိ သုိေလွာင္ဖုိ႔၊ ထုတ္လုပ္ဖုိ႔၊ ခ်က္ျပဳတ္ေရာင္းခ်ဖုိ႔ ေနရာေတြအျပင္ စားေသာက္ကုန္ေတြကုိ ျပသထားမယ့္ Halal Excellence Centre လည္း ပါ၀င္မွာ ျဖစ္ပါတယ္။

    စီမံကိန္းကုိ စင္ကာပူက မေလး စက္မႈလက္မႈနဲ႔ ကုန္သည္ႀကီးမ်ားအသင္း SMCCI နဲ႔  Elite Partners Capital ကုမၸဏီတုိ႔ ပူးေပါင္းေဆာင္ရြက္တာျဖစ္ၿပီး စင္ကာပူေဒၚလာ သန္း ၈၀ ကေန သန္း ၁၀၀ အထိ ကုန္က်မယ္လုိ႔ ခန္႔မွန္းထားပါတယ္။

    “ဟာလာလ္စီးပြားေရးလုပ္ငန္းမွာ အဓိက အခန္းက႑ကေန ပါ၀င္ႏုိင္ေရးအတြက္ စင္ကာပူဟာ ၿပီးခဲ့တဲ့ႏွစ္ေတြအတြင္း ရည္မွန္းေဆာင္ရြက္ခဲ့ပါတယ္။ ဟာလာလ္လုပ္ငန္း အခ်က္အျခာေနရာတစ္ခုျဖစ္ေအာင္ ေဆာင္ရြက္မယ့္ အခုအစီအစဥ္ကလည္း မွန္ကန္တဲ့ လားရာကုိသြားဖုိ႔ ေျခလွမ္းတစ္ခုျဖစ္ၿပီး ဟာလာလ္ စီးပြားေရးလုပ္ငန္း လြယ္ကူေခ်ာေမြ႕ေစေရး  အမွန္တကယ္ ကူညီေပးႏုိင္မွာ ျဖစ္ပါတယ္” လုိ႔ စီမံကိန္းအႀကံေပး ဇုိင္ႏူလ္ အဘီဒင္ ရာရွစ္က ေျပာၾကားခဲ့ပါတယ္။

    ဇုိင္ႏူလ္ဟာ ကူ၀ိတ္ႏုိင္ငံဆုိင္ရာ စင္ကာပူသံအမတ္၊ စင္ကာပူႏုိင္ငံျခားေရး၀န္ႀကီးဌာရဲ႕ အေရွ႕အလယ္ပုိင္းဆုိင္ရာ အထူးကုိယ္စားလွယ္ တာ၀န္ေတြကို ထမ္းေဆာင္ေနသူလည္း ျဖစ္ပါတယ္။

    အခု စီမံကိန္းဟာ SMCCI အသင္းအေနနဲ႔ ေဒသတြင္းကေနတစ္ဆင့္ ကမၻာ့ ဟာလာလ္ေစ်းကြက္ကို ၀င္ေရာက္ႏုိင္ေရး အေထာက္အကူျဖစ္ေစမွာ ျဖစ္ပါတယ္။

    “စင္ကာပူကုိ ဟာလာလ္စီးပြားေရးလုပ္ငန္း အခ်က္အျခာေနရာတစ္ခုျဖစ္လာေရး ေဆာင္ရြက္မႈမွာ တစ္စိတ္တစ္ပုိင္း ပါ၀င္ရတဲ့အတြက္ ကၽြန္ေတာ္တုိ႔အေနနဲ႔ ေက်နပ္ပီတိ ျဖစ္ရပါတယ္။ ဒီစင္တာဟာ ဟာလာလ္က႑မွာ တီထြင္ႀကံဆမႈေတြနဲ႔  ေရွ႕ေဆာင္ေရွ႕ရြက္ ျပဳႏုိင္လိမ့္မယ္လုိ႔ ယံုၾကည္သလုိ၊ ကုန္ၾကမ္းရွာေဖြမႈ၊ ထုတ္လုပ္မႈ၊ ျဖန္႔ျဖဴးမႈ၊ ႏုိင္ငံတကာကို ေစ်းကြက္ခ်ဲ႕ထြင္မႈေတြကိုလည္း လုပ္ေဆာင္ႏုိင္မယ္လုိ႔လည္း ယံုၾကည္ပါတယ္” လုိ႔ SMCCI ဥကၠဌ ရွာမီရ္ ရာဟင္က ေျပာၾကားခဲ့ပါတယ္။

    Ref: Malay Mail