Tag: Islam in Singapore

ဧပြီ ၁၇၊ ၂၀၁၇
M-Media

– စင်ကာပူနိုင်ငံကို တည်ထောင်သူများထဲမှ တစ်ဦးဖြစ်ပြီး၊ နိုင်ငံအတွက် အရေးပါသည့်အခန်းကဏ္ဍများတွင် ပါဝင်ခဲ့သူ မလေးလူမျိုး မစ္စတာ အွတ်စမန် ဝေါ့က်မှာ ယနေ့ နေ့လည်ပိုင်းတွင် ကွယ်လွန်သွားခဲ့ပြီဟု သိရသည်။

အသက် ၉၂ နှစ်အရွယ်ရှိ မစ္စတာ အွတ်စမန်မှာ ဂျာနယ်လစ်၊ နိုင်ငံ့ခေါင်းဆောင်၊ နိုင်ငံရေးသမားနှင့် သံတမန်တစ်ဦးလည်းဖြစ်ပြီး စင်ကာပူအထွေထွေဆေးရုံကြီးတွင် ဆေးကုသမှုခံယူနေစဉ် ကွယ်လွန်ခဲ့ခြင်းဖြစ်သည်။

ဝန်ကြီးချုပ်ရုံးမှ ထုတ်ပြန်သည့် ကြေငြာချက်တွင် “မစ္စတာ အွတ်စမန်မှာ မလေးရှားနှင့်တွဲနေသည့် စင်ကာပူ၏ အကြပ်အတည်းကာလ၊ မလေးရှားမှခွဲထွက်ပြီး လွတ်လပ်သော နိုင်ငံအဖြစ် ထူထောင်ခဲ့သည့် အချိန်တို့တွင် မစ္စတာ လီကွမ်ယုဦးဆောင်သည့် ကတ်ဘိနတ်တွင် အရေးပါသူတစ်ဦးဖြစ်သည်” ဟု ဖော်ပြထားသ
ည်။

“သူဟာ လူမျိုးစုံ၊ ဘာသာစုံရှိတဲ့ စင်ကာပူနိုင်ငံဖြစ်ဖို့ တိုက်ပွဲဝင်ရာမှာ မစ္စတာလီကို ကူညီပံ့ပို့ပေးခဲ့ပြီး၊ မစ္စတာလီရဲ့ အနီးကပ်ဆုံး ရဲဘော်ရဲဘက်တွေထဲက တစ်ယောက်လည်းဖြစ်ပါတယ်” ဟု ကြေငြာချက်တွင် ဖော်ပြထားသည်။

မစ္စတာ အွတ်စမန်းမှာ ၁၉၆၅ ခုနှစ် သြဂုတ်လ ၉ ရက်နေ့တွင် မလေးရှားမှခွဲထွက်ရေး စင်ကာပူ၏ လွတ်လပ်ရေးသဘောတူညီချက်အား လက်မှတ်ရေးထိုးခဲ့သည့် ခေါင်းဆောင်များထဲမှ တစ်ဦးဖြစ်ပြီး၊ နိုင်ငံ၏ ပထမဆုံး လူမှုရေးရာဝန်ကြီးအဖြစ် ၁၉၆၃ ခုနှစ်မှ ၁၉၇၇ ခုနှစ်အထိ တာဝန်ထမ်းဆာင်ခဲ့သည်။

မစ္စတာအွတ်စမန် ကွယ်လွန်သွားခြင်းကြောင့် နိုင်ငံ၏ ပထမဆုံး ကတ်ဘိနတ်အဖွဲ့မှာ အသက်ရှင်ကျန်ရစ်သူမှာ ၂ ဦးသာ ရှိတော့သည်။

မစ္စတာ အွတ်စမန်၏ ကူညီမှုများတွင် နိုင်ငံ၏ အစ္စလာမ့်ရေးရာကောင်စီ (Muis)နှင့် ဗလီဝတ်ကျောင်းတော် ဆောက်လုပ်ရေး ရန်ပုံငွေအဖွဲ့ တည်ထောင်ရန် ပံ့ပိုးမှုလည်း ပါဝင်သည်။

စင်ကာပူကို တည်ထောင်ခဲ့သူ ၀န်ကြီးချုပ် လီကွမ်ယုကလည်း မစ္စတာအွတ်စမန်၏ သစ္စာရှိမှုနှင့် လူမျိုးရေးအရ အခြေအနေဆိုးရွားနေသောအချိန်တွင် ၎င်းအား ခိုင်ခိုင်မာမာ ထောက်ခံမှုအတွက် ချီးကျူးခဲ့သည်။ မစ္စတာ အွတ်စမန်မှာ လီကွမ်ယူဦးဆောင်သည့် PAP ပါတီအား စင်ကာပူရှိ မလေးလူမျိုးများ ထောက်ခံမှုရရှိရန်လည်း စွမ်းဆောင်ပေးခဲ့သည်။

မလေးလူမျိုး ဖခင် ကျောင်းအုပ်ကြီး ဝေါ့က်အဟ်မဒ်နှင့် မိခင် အမ်ဘွန် မိုဟာမက်တို့မှ မွေးဖွားလာသည့် မစ္စတာ အွတ်စမန်မှာ East Coast လမ်းတွင် ရေဒီယိုပညာရှင်အဖြစ် ဆောင်ရွက်ခဲ့ပြီး နောက်ပိုင်းတွင် မလေးသတင်းစာ Utusan Melayu တွင် ဂျာနယ်လစ်ဖြစ်လာခဲ့သည်။ ထို့နောက် နိုင်ငံရေးလောကထဲသို့ ၀င်ရောက်ခဲ့ပြီး လူမှုရေးရာဝန်ကြီး၊ သံအမတ် စသည့် ရာထူးများဖြင့် နိုင်ငံ့တာဝန်ကို ထမ်းဆောင်ခဲ့သည်။

Ref : Today Online

ဧပြီ ၁၆၊ ၂၀၁၇
M-Media

– စင်ကာပူနိုင်ငံ၏ ပထမဆုံးသမ္မတ ယူစွဖ် အစ္စဟက်၏ အမည်ဖြင့် ဗလီဝတ်ကျောင်းတော်တစ်လုံးကို ယမန်နေ့က ဖွင့်လှစ်ခဲ့ပြီး ၀န်ကြီးချုပ် လီရှန်လွန်းကိုယ်တိုင် တက်ရောက်ချီးမြှင့်ခဲ့သည်ဟု သိရသည်။

ဝုဒ်လန်းရှိ အဆိုပါ ဗလီဝတ်ကျောင်းတော် ဆောက်လုပ်ရေးစီမံကိန်းကို ၂၀၁၄ ခုနှစ် အမျိုးသားနေ့ ချီတက်လမ်းလျှောက်မှုတွင် ၀န်ကြီးချုပ် လီရှန်လွန်းက ကြေငြာခဲ့ခြင်းဖြစ်သည်။

ဗလီဝတ်ကျောင်းတော်ကို မစ္စတာ ယူစွဖ် အစ္စဟက်၏ ဇနီးဖြစ်သူ နူရ် အိုက်ရှာက ဖွင့်လှစ်ပေးခဲ့ပြီး စင်ကာပူ အစ္စလာမ့်ရေးရာဝန်ကြီး ဒေါက်တာ ယာကွဘ် အီဘရာဟင်၊ လွှတ်တော်အမတ်များ၊ ဘာသာပေါင်းစုံမှ ဘာသာရေးခေါင်းဆောင်များ၊ သမ္မတဟောင်း၏ ဆွေမျိုးများ၊ မိတ်ဆွေများလည်း တက်ရောက်ခဲ့ကြသည်။

‘ယူစွဖ် အစ္စဟက်’ ဗလီဝတ်ကျောင်းတော်မှာ ၀ုဒ်လန်းရှိ အစ္စလာမ်ဘာသာဝင်များ၏ ဘာသရေး လိုအပ်ချက်တစ်ခုကို ဖြည့်ဆည်းပေးရန်သာမက၊ သမ္မတဟောင်းက ခိုင်မြဲစွာရပ်တည်ခဲ့သည့် လူမျိုးစုံ၊ ဘာသာစုံတန်ဖိုးတစ်ခုကို ဆက်လက်မြှင့်တင်ပေးသွားရန် ရည်ရွယ်ခြင်းဖြစ်သည်။

ဒေါက်တာ ယာကွဘ် အီဗရာဟင်ကမူ အဆိုပါ ဗလီဝတ်ကျောင်းတော်မှာ မွတ်စလင်မဟုတ်သူများနှင့် ပိုမိုနီးကပ်စေရေးအတွက် အစီအစဉ်များကို တတ်နိုင်သမျှ ဆောင်ရွက်သွားရန်လည်း တိုက်တွန်းခဲ့သည်။

စင်ကာပူ အစ္စလာမ်သာသနာရေးရာကောင်စီ (MUIS) က ဗလီဝတ်ကျောင်းတော်ကို သမ္မတဟောင်း၏အမည် မှည့်ခေါ်ရခြင်းမှာ ၎င်း၏ တိုင်းပြည်အပေါ် ကူညီပံ့ပိုးပေးမှုများကို ဂုဏ်ပြုခြင်းဖြစ်သည်ဟု ပြောကြားခဲ့သည်။

ဗလီဝတ်ကျောင်းတော်မှာ ၀တ်ပြုသူပေါင်း ၄၅၀၀ ကို ၀န်ဆောင်မှုပေးနိုင်မည်ဖြစ်ပြီး ၀ုဒ်လန်းနှင့် အဒ်မီရလ်တီ ဒေသတွင် တစ်ခုတည်းသော ဗလီဝတ်ကျောင်းတော်ဖြစ်သည့် အန်နူရ် ဗလီဝတ်ကျောင်းတော်တွင် လူကြပ်မှုကိုလည်း လျှော့ချနိုင်မည်ဖြစ်သည်။

ပုံမှန်ဗလီဝတ်ကျောင်းတော်များထက် ထူးခြားသည်မှာ အမိုးခုံးမပါရှိခြင်းဖြစ်ပြီး၊ မလေးလူမျိုးများ၏ ရိုးရာနေထိုင်မှုကို ထင်ဟပ်စေသည့် ဗိသုကာလက်ရာများဖြင့် တည်ဆောက်ထားသည်။

ဗလီဝတ်ကျောင်းတော် တည်ဆောက်မှုအတွက် စင်ကာပူဒေါ်လာ ၁၈ သန်း ကုန်ကျခဲ့ပြီး စင်ကာပူနိုင်ငံ၏ ၇၁ လုံးမြောက် ဗလီဝတ်ကျောင်းတော်ဖြစ်သည်။ ထို့ပြင် နိုင်ငံတစ်ဝှမ်းရှိ အစ္စလာမ်ဘာသာဝင်အားလုံး ထည့်ဝင်လှူဒါန်းသည့် Mendaki Fund ရန်ပုံငွေအဖွဲ့၏ ငွေကြေးများဖြင့် ဆောက်လုပ်သော ၂၆ လုံးမြောက် ဗလီဝတ်ကျောင်းတော်ဖြစ်သည်။

စင်ကာပူဝန်ကြီးချုပ် လီရှန်လွန်းက ဗလီဝတ်ကျောင်းတော် ဖွင့်လှစ်သည့် ပုံများကို ၎င်း၏ Facebook စာမျက်နှာ၌ လွှင့်တင်ခဲ့ပြီး၊ ဗလီဝတ်ကျောင်းတော် ဂေါပကအဖွဲ့၊ MUIS၊ အလှူရှင်များနှင့် မွတ်စလင်လူ့အဖွဲ့အစည်း အပါအ၀င် စီမံကိန်းအတွက် ဆောင်ရွက်ပေးခဲ့သူများကို ကျေးဇူးတင်ကြောင်း၊ ဗလီဝတ်ကျောင်းတော် ဖွင့်လှစ်မှုမှာ Good Friday နှင့် တမီလ်လူမျိုးတို့၏ ပြက္ခဒိန် ပထမဆုံးနေ့ စသည်တို့နှင့် တိုက်ဆိုင်နေကြောင်း ရေးသားဖော်ပြခဲ့သည်။

“ဒါ့ကြောင့် စင်ကာပူနိုင်ငံသားတွေရဲ့ အုပ်စု ၃ ခုဖြစ်တဲ့ ခရစ်ယာန်၊ မွတ်စလင်နဲ့ တမီလ်တွေဟာ မတူညီတဲ့ အထူးအခမ်းအနား ၃ ခုကို တစ်ရက်တည်းမှာ ကျင်းပပြုလုပ်ကြတာပါ” ဟု ၀န်ကြီးချုပ်က ထည့်သွင်း ဖော်ပြခဲ့သည်။

Ref: CNA