ဒီဇင်ဘာ ၈ ၂၀၁၆
M-Media
– နိုဝင်ဘာလဆန်းက ရွေးကောက်ပွဲမှာ ဒေါ်နယ်ထရမ့် အနိုင်ရခဲ့ပြီးတဲ့နောက် မွတ်စလင်အပါအ၀င် အမေရိကန်က လူနည်းစုတွေ ပစ်မှတ်ထား တိုက်ခိုက်ခံနေရတဲ့အချိန်မှာ ဟူစတန်က အမေရိကန်ပြည်သူတွေကတော့ မွတ်စလင်တွေနဲ့ တစ်သားတဲ့ရှိနေကြောင်း ပြသခဲ့ပါတယ်။
ဒါဇင်နဲ့ချီတဲ့ ဒီအမေရိကန်ပြည်သူတွေဟာ သောကြာနေ့မှာ ဂရိတ်တားဟူစတန် ဗလီဝတ်ကျောင်းတော်အရှေ့ လာရောက် စုရုံးခဲ့ကြတာဖြစ်ပြီး ‘ခင်ဗျားတို့ရှိနေတာ ကျွန်တော်တို့ပျော်တယ်’ ‘ကျွန်တော်တို့အားလုံးဟာ အမေရိကန်တွေပဲ’ ဆိုတဲ့ ဆိုင်းဘုတ်တွေကိုလည်း ကိုင်ဆောင်ခဲ့ကြပါတယ်။
သောကြာဝတ်ပြုမှုအတွက် မွတ်စလင်တွေ ဗလီဝတ်ကျောင်းတော်ကို လာရောက်တဲ့အခါမှာ အဲဒီဆန္ဒထုတ်ဖော်သူတွေဟာ လက်ဆွဲနှုတ်ဆက်တာ၊ ဖက်လှဲတကင်းကြိုဆိုတာတွေ လုပ်ဆောင်ကြပြီး၊ ကလေးငယ်လေးတွေကလည်း ပန်းစည်းတွေ ကမ်းခဲ့ကြပါတယ်။
မွတ်စလင်တွေနဲ့ တစ်သားတည်းရှိကြောင်း ဒီဆန္ဒထုတ်ဖော်ပွဲကို တက်ရောက်လာသူ တော်တော်များများကတော့ သူတို့အနေနဲ့ ဒေါ်နယ်ထရမ့်အပါအ၀င် နိုင်ငံရေးသမားတွေက သွေးခွဲနေတဲ့အချိန် ချစ်ခြင်းမေတ္တာနဲ့ သွေးစည်းမှုကိုပြဖို့အတွက် ဆုံးဖြတ်ခဲ့တာဖြစ်တယ်လို့ Houston Press သတင်းစာကို ပြောကြားခဲ့ပါတယ်။
“ပြီးခဲ့တဲ့ ၂ နှစ်အတွင်း အမေရိကမှာ အမုန်းဝါဒီတွေ၊ အမုန်းတရား ၀ါဒဖြန့်တဲ့အခြေအနေတွေ ရှိခဲ့တယ်ရှင့်။ ဒီလို ကြောက်ရွံ့မှု၊ မုန်းတီးမှု အခြေအနေမျိုးကို ဖန်တီးပြီး ဘာလုပ်မှာလဲလို့ ကျွန်မတို့ ကိုယ့်ကိုယ်ကို ပြန်မေးခွန်းထုတ်ရမယ်” လို့ ဆန္ဒထုတ်ဖော်ပွဲကို စီစဉ်သူ စတီဖနီ ကိုအစ်သန်က ပြောကြားခဲ့ပါတယ်။
ကိုအစ်သန်ဟာ ဘယ်အဖွဲ့အစည်း ကိုယ်စားပြုမှမဟုတ်ဘဲ နိုင်ငံတစ်ဝှမ်း မွတ်စလင်မုန်းတီးရေးရာဇ၀တ်မှုတွေအကြောင်း သတင်းတွေ ဖတ်နေရတဲ့အချိန်မှာ သူလုပ်နိုင်တာတစ်ခုခု ထလုပ်ဖို့ စိတ်ကူးရတဲ့ သာမန်နိုင်ငံသားတစ်ဦး ဖြစ်ပါတယ်။
ဂရိတ်တားဟူစတန်ဒေသက မွတ်စလင်တွေကတော့ ဒီလို အားပေးမှုမျိုး မြင်ရတာဟာ သူတို့အတွက် အားတက်စေတယ်လို့ ပြောကြားခဲ့ပါတယ်။
ဒီဆန္ဒထုတ်ဖော်သူတွေကို မွတ်စလင်တွေက ဗလီထဲခေါ်ပြီး မုန့်တွေ၊ လက်ဖက်ရည်တွေနဲ့ ဧည့်ခံခဲ့သလို၊ ၀တ်ပြုခန်းမထဲဖိတ်ကာ ကျေးဇူးတင်စကားပြောခဲ့ပြီး ဘာသာရေးနဲ့ပတ်သက်လို့ မေးမြန်းတာတွေကိုလည်း ဖြေကြားခဲ့ပါတယ်။
ဒီလှုပ်ရှားမှုမှာ ပါဝင်တဲ့သူ တော်တော်များများကတော့ သူတို့ဟာ မွတ်စလင်တွေနဲ့ ရင်းနှီးကြပြီး မွတ်စလင်တွေ တွေ့ကြုံရတဲ့ အခြေအနေတွေ၊ စိုးရိမ်မှုတွေက ဒီလိုဆောင်ရွက်မှုတွေလုပ်ဖို့ တွန်းအားပေးတယ်လို့ ပြောကြားခဲ့ပါတယ်။
“မွတ်စလင်ခေါင်းဆောင်းတွေက လူ့အဖွဲ့အစည်းနဲ့ ရင်းရင်းနှီးနှီးနေထိုင်ဖို့၊ လူတိုင်းကို ကောင်းကောင်းမွန်မွန်ဆက်ဆံဖို့၊ အကြောက်မလွန်ဖို့ ကျွန်တော်တို့ကို တိုက်တွန်းနေပါတယ်။ ကျွန်တော်တို့က မွတ်စလင်မဟုတ်သူတွေကိုကြောက်ရင်၊ သူတို့ကလည်း ကျွန်တော်တို့ကို ပြန်ကြောက်မယ်။ ဒါဆိုရင် ကျွန်တော်တို့ကြားထဲမှာ တံတိုင်းကြီးခြားသွာမယ်။ ကျွန်တော်တို့ဟာ လူသားတွေပဲဆိုတာကို တစ်ဦးနဲ့တစ်ဦး မြင်ဖို့လိုပါတယ်” လို့ ဂရိတ်တားဟူစတန် ဗလီဝတ်ကျောင်းတော်ကို လာရောက်ဝတ်ပြုခဲ့သူ အက်စ်ဖဟန် မိုဟာမက်က ပြောကြားခဲ့ပါတယ်။
Ref: Huston Press
