News @ M-Media

Tag: Islamophobia

  • အသက်ကြီးသော်လည်း အချိန်မစီးသော အယ်ဒီတာချုပ်တစ်ဦး (သို့မဟုတ်) မောင်သွေးချွန်

    ဇူလိုင် ၁၃ ၊ ၂၀၁၄
    M-Media
    .ပေးပို့သူ- ပဲပေါက်စီ Dh.P (Satire)

    (၂၀၁၄) ဇူလိုင် (၁၁) ရက် သောကြာနေ့ထုတ် အောင်ဇေယျတုဂျာနယ် အမှတ်(၃၀) မျက်နှာဖုံးမှာ “မန္တလေး အဓိကရုဏ်း အတွက် ဆက်ရန်ရှိသေးသော ငြိမ်းချမ်းရေး စာမျက်နှာများ” စာတန်းကြီးတပ်ဆောင်းပါးကို “ဂျိဟဒ်စစ်ပွဲ ချက်ခြင်းရပ်” ဗီနိုင်းကိုင် သင်္ကန်းခြုံတစ်စု ဓာတ်ပုံနဲ့ တစ်ကွ ဖော်ပြလာပါတယ်။ ဆောင်းပါးရှင်ကတော့ ဂျာနယ်ရဲ့အယ်ဒီတာချုပ် ဆရာကြီး မောင်တွန်းချွန် (အဲ့လေ) မောင်သွေးချွန်ပါခင်ဗျ။

    ဘုရားသားတော်လို့ အမည်ခံပြီး ကုလားကုလားအော်နေတဲ့ ဦးပြည်းတုံးသင်္ကန်းခြုံတွေရဲ့ လမ်းပေါ်ထွက် ဗီနိုင်းကိုင် တောင်စဉ်ရေမရ ဆန္ဒပြမှုမြင်ကွင်းတွေကတော့ ဒီနှစ်များအတွင်း ပြည်သူတွေအဖို့ ရိုးအီနေပါပြီ။ သိပ်တော့မထူးဆန်းတော့ပါဘူး။ သို့သော်လည်း လတ်တစ်လော ပူပူနွေးနွေး မန္တလေး အရေးကို ခေါင်းစဉ် တပ်ထားတာကြောင့် ကျွန်တော် မောင်ပေါက်စီ အနေနဲ့ ကောက်ကိုင် ဖတ်ရှုလိုက်မိတယ်လေ။

    Aung Zay Ya Tu3

    မန္တလေးက ဗုဒ္ဓဘာသာဝင် ကိုထွန်းထွန်းဈာပနပို့ဆောင်နေသူတစ်ဦးရဲ့ အချိန်နဲ့တပြေးညီ ဖုန်းဆက်ပြောကြားချက်ဆိုပြီး ခပ်တည်တည်နဲ့ နိဒါန်းပျိုးထားတယ်။ စိတ်ဝင်စားစရာပေါ့။ အရေးအသားက ရိုမန်းတစ်ဘော့တ် ထက်တောင် သာသေးသဗျ။ စာ (၁၄)သို့ ဆိုလို့ အဲ့ဒီစာမျက်နှာကို ဒရောသောပါး ဆက်လက်လှန်ကြည့်လိုက်ပါတယ်။ လံကြုပ်ချွန်တွန်းတွေ လာတော့မယ်ဆိုတာ သိသိကြီးနဲ့ပေါ့ဗျာ။

    လူ့စိတ်ကလည်း ခက်သား – ပေါက်လွှတ်ပဲစားတွေကိုပဲ ပိုဖတ်ချင်တာမဟုတ်လားကွယ့်။

    အဲ့ – လာပါပြီဗျ။ စလျှင်စချင်း ကိုထွန်းထွန်း သေဆုံးရခြင်းဟာ မွတ်ဆလင်တွေ ခုတ်သတ်တဲ့ပုံစံမျိုး ဒဲ့ကြီးလွှတ်ထားပါလား ဟရို့။  နိုင်ငံတော်ကပင်လျှင် လူသတ်တရားခံကို လက်ပူးလက်ကြပ် ဖော်ထုတ်နိုင်စွမ်းမရှိသေးတာ သူက တပ်အပ်ဆိုနိုင်တယ်ဆိုတော့ ထူးထွေရာတည့်အံ့ရာသော်လို့ အော်ဟစ်ချင်ပါရဲ့။ (တစ်ခုခုတော့ တစ်ခုခုပါပဲနော့)။ ဈာပနအကြောင်းနဲ့ ဆက်စပ်ပြီး ဇာတ်နာအောင် ရေးသားပေမဲ့လို့ တိုင်းသိပြည်သိ အချက်နှစ်ခုကို လုံးဝရှောင်ထားပါတယ်။ ပထမတစ်ခုကတော့ အစ္စလာမ်ဘာသာဝင် ဦးစိုးမင်းလည်း သတ်ဖြတ်ခံရတဲ့ အကြောင်းပါ။ ဦးစိုးမင်းကို အစ္စလာမ်ဘာသာ ထုံးစံအရ နေ့ချင်းတွင်း သင်္ဂြိုလ်ခဲ့တယ်။ ဘာသံမှကိုမထွက် ပကတိအေးဆေးစွာ ပြီးဆုံးခဲ့ကြောင်း မန္တလေးတစ်မြို့လုံး အသိပါ။ ဒုတိယတစ်ခုကတော့ ကိုထွန်းထွန်းရဲ့ဈာပနလိုက်ပို့သူတွေဟာ ဒုတ်ရမ်းဓားကိုင်လို့ မြို့ပတ်သောင်းကျန်းပြီး ပျက်လို ဖျက်ဆီးလုပ်ခဲ့တဲ့ကိစ္စပါ။

    ဒါတင်ဘယ်ကမလဲ၊ သေဆုံးကွယ်လွန်သူရဲ့ နောက်ဆုံးခရီးကို ကောင်းမွန်စွာ မပို့တဲ့အပြင် အသုဘယာဉ်ပေါ် လှုံ့ဆော် စာတန်းကြီးလည်း ပြူးပြူးပြဲပြဲ၊ မသာဗန်းပြပြီး ဝေးလေးဝါးလားနဲ့ အောင်သေအောင်သားစား အောင်ပွဲခံနေကြပုံနဲ့တူသေးတော့။ ဒါလည်း တစ်မြို့လုံး မျက်စေ့ရှေ့တင်ဖြစ်ယုံမက အွန်လိုင်း၊ အော့ဖ်လိုင်း မီဒီယာစာမျက်နှာတွေပေါ် ဓာတ်ပုံမှတ်တမ်းတွေ မမြင်ချင့်အဆုံး ငြင်း မရနိုင်တဲ့သက်သေ အထောက်အထားအဖြစ် ပလူပျံနေခဲ့တယ် မဟုတ်လား။ မျက်စေ့နှစ်လုံးရှိပါလျက် တစ်လုံးပဲ အသုံးပြုတတ်သူမို့လည်း အောင်ဇေယျတု ဂျာနယ် အယ်ဒီတာချုပ်အဖြစ် ယုံပုံခန့်အပ်ခံရတာပေါ့လေ။ (တော်ရုံအရည်အချင်းကြီး မဟုတ်ဘူးဆိုတာ … ပေါက် !)

    ဆက်ဖတ်ကြည့်တော့ လားလား။ သူတို့မုန်းနေတဲ့ ကုလား(အိန္ဒိယ)နိုင်ငံက နိုင်ငံရေးကို သွားရည် တမြားမြားနဲ့ ဖော်ပြ ထားတာ တွေ့ရပြန်ရော။ ဘာတဲ့ … အမျိုးသားရေးဝါဒီ မိုဒီတို့ အပြတ်အသတ် အောင်ပွဲခံခဲ့ခြင်းဟာ ကမ္ဘာကြီးကိုမျက်လှည့်ပြလိုက်တာ မဟုတ်ပါ။ အမျိုးသားရေးကို မေ့လျော့နေသူတွေ အတွက် နားရွက်ကို တံတွေးဆွတ်ပြလိုက်တာ တဲ့လေ။ ပြီးတော့ မိုဒီဟာ မွတ်ဆလင် ရာနဲ့ချီ  အသတ်ခံရတဲ့ကိစ္စမှာ တာဝန်ရှိပါတယ်လို့ စွပ်စွဲခဲ့ကြပေမယ့်လည်း အမေရိကန်သမ္မတ အိုဘားမား ကိုယ်တိုင် အိမ်ဖြူတော်ကို ဖိတ်ခေါ်ရတဲ့ အမျိုးသားရေးခေါင်းဆောင် ဖြစ်နေပါပြီ တဲ့လေ။ မိုက်ပါ့ မောင်တွန်းချွန်ရယ်။ အမျိုးသားရေးဝါဒီမို့လို့၊ မွတ်ဆလင်ရာချီသတ်လို့ အိုဘားမားက လေးစားစွာနဲ့ ဂုဏ်ပြုပြီးဖိတ်ခေါ်သလိုမျိုး အများပြည်သူကို ယုန်ထင်ကြောင်ထင်ဖြစ်အောင် ရေးတတ် လိုက်တဲ့လက်။ အမေရိကန်ရဲ့ ပြည်ပ ဆက်ဆံရေးမူဝါဒတွေကို နကန်းတစ်လုံးမှ မသိကြောင်း ကိုယ့်ပေါင်ကိုယ်လှန် ထောင်းတတ်လေခြင်း။ အတွင်းခံမပါပဲ မဏ္ဍပ်တိုင်တက်ပြတဲ့အခါ ခွေးတစီစီဖြစ်ပါလေရော။ (ပေါက်စီ မကြည့်ရက်ပါ၊ ဘဘတွန်းချွန်ရယ်)။

    ပုဆိုးလေဟပ် (အဲ့လေ) ထင်တစ်လုံးနဲ့ဘ၀င်လေဟပ်ပြီး ထပ်ရေးလိုက်ပုံလေး – ကောင်းချက်ကတော့ ၉ ပဲဗျာ။ “ကျွန်တော်တို့ မွတ်ဆလင်တွေကို ရာတောင်ချီပြီး ဘယ်တုန်းကမှ မသတ်ဖြတ်ခဲ့ပါဘူး”တဲ့။ ရာဂဏန်းတောင် မသတ်ဘူးဆိုတော့ ဆယ်ဂဏန်းလောက် သတ်ပြီးကြောင်း ရိုက်မစစ်ဘဲ ဖြောင့်ချက်ပေးလိုက်တာပေါ့နော်။ “မွတ်ဆလင်တွေကသာ ဗုဒ္ဓဘာသာဝင် သုံးသောင်းခန့်ကို ရခိုင်မှာ ၁၉၄၂ က သတ်ဖြတ်ပစ်ခဲ့တာ ဖြစ်ပါတယ် ” တဲ့။ အောင်မလေးဗျာ။ ကြည့်လဲလုပ်ဦး ဘဘတွန်းချွန်ရဲ့။ ဘယ်သမိုင်းမှတ်တမ်းမှာမှ မရှိခဲ့တဲ့ အချက်တွေကို ဘယ်ဂျောင်ဂလောင်က ဆွဲထုတ်ရေးပြနေပါလိမ့်။ အဲ့ – ပေါက်စီ မှတ်မိသမျှတော့ အဲ့ဒီခုနှစ်သက္ကရာဇ်ကြီးက ဖက်ဆစ်ဂျပန်တွေ ၀င်ရောက် စိုးမိုးနေတဲ့ ခေတ်ကြီးလေဗျာ။ ခင်ဗျားကလောင်နဲ့ ဂျပန်တွေကို မွတ်ဆလင်ဇာတ်သွင်းပေးလိုက်တာ တယ်ပိရိသကိုး။ ဘဘ တွန်းချွန်တစ်ယောက် ထောက်လှမ်းရေး အကြီးအကဲသာဖြစ်ခဲ့ရင်ဖြင့် ကျုပ်တို့ရဲ့ အမိမြန်မာနိုင်ငံကြီး တွေးရဲစရာ မရှိအောင် ဗြောင်းဆန်ကုန်တာ ကြာလှပေါ့လေ။

    မျက်မှောက်ကမ္ဘာ့ရေးရာနဲ့လည်း ကျွမ်းဝင်တဲ့ဗဟုသုတဟင်းလေးအိုးယောင်ယောင်လုပ်ပြီး မဆီမဆိုင် ပါလက်စတိုင်း-အစ္စရေးကိစ္စကိုလည်း ဆွဲခင်းပြလိုက်သေး။ သူတို့ဖာသာ ဟိုဖက်မှာဖြစ်ပျက်တဲ့ကိစ္စက မြန်မာ့ပြည်တွင်းရေးနဲ့ ဘယ်လိုပတ်သက်လို့ ဆွဲချိတ်နေရ ပါလိမ့်လို့ တွေးမိပါရဲ့။ ပလေးဘွိုင်း မဂ္ဂဇင်းကို ကြည့်ရင်း ပုတီးစိပ်ပြနေသလိုမျိုး ဖြစ်မနေဘူးလား ဘဘအယ်ဒီတာကြီးခင်ဗျား။ ဘဘရဲ့ပထွေးအစ္စရေးက ပါလက်စတိုင်းကို နင်းနေတဲ့ ဥပမာယူပြချင်လို့ အဓမ္မဆွဲခေါ်နေတာကို ဆက်ရေးလိုက်တာက “ဗုဒ္ဓဘာသာဝင်တွေရဲ့ တုံ့ပြန်မှုဟာ အစ္စရေးလောက် မပြင်းထန်သေးပါဘူး” ဆိုတော့ကာ “အစ္စရေးနီးပါးလောက် အနည်းငယ်လျှော့ပြီးပြင်းထန်မယ်” လို့ ဆိုလိုလိုက်တာပေါ့နော်။ ဘယ်သူဟာ “စစ်သွေးကြွ” ဆိုတာ စကားထဲက ဇာတိပြနေပါပြီ။

    အဆုံးသတ်မှာတော့ သူခိုးလူဟစ်လိုက်ပုံများ ရိုးရိုးမဟစ်ဘူး၊ လော်စပီကာကြီး တပ်လိုက်သေးရဲ့။ “ဗုဒ္ဓဘာသာနဲ့ မွတ်ဆလင်တွေ အတူယှဉ်တွဲပြီး ငြိမ်းချမ်းစွာနေနိုင်ဖို့ ကျွန်တော်တို့ အမျိုးဘာသာ သာသနာကို ဘယ်တော့မှ မထိပါး မစော်ကားပါနဲ့” တဲ့လေ။ ဘဘတွန်းချွန်(သေကာနီး အရွယ်မို့လို့ ဘဘလို့ ခေါ်တာ စိတ်မဆိုးပါနဲ့ခင်ဗျာ) ပုဆိုးကွင်းသိုင်းအရွယ်တုန်းကတည်းက ခုထက်ထိ မြန်မာပြည်မှာ ဘာသာစုံလူမျိုးစုံ အတူယှဉ်တွဲ ငြိမ်းချမ်းစွာ နေတဲ့မြင်ကွင်းမျိုး မမြင်ခဲ့ဖူးလို့လား၊ ဒီလိုမြင်ကွင်းမျိုး ခုချိန်မှာရော မရှိလို့လား၊ ဒါမှမဟုတ် ခင်ဗျားတို့ လက်တစ်ဆုပ်စာလူစုက မမြင်တွေ့ချင်တာနဲ့ ကျန်သူတွေအားလုံးကို ကန်းခိုင်းနေတာလား လို့ မေးမြန်းလိုက်ပါရစေ။ တစ်ခါ – ထိပါးခြင်း၊ စော်ကားခြင်း ဆိုတဲ့ဝေါဟာရရဲ့ အဓိပ္ပာယ်ကို အယ်ဒီတာကြီး သိရောသိရှိပါသလား။ ဘာကြောင့်လဲဆိုတော့ ကျွန်ုပ် ပဲပေါက်စီဟာ ဒီနေ့ ဒီအရွယ်အထိ မူဆလင်ထဲကဖြစ်စေ၊ ခရစ်ယာန်ထဲကဖြစ်စေ၊ ဟိန္ဒူထဲကဖြစ်စေ (ခင်ဗျားတို့စကားအရ အခြားဘာသာဝင် တစ်ခုခုကဖြစ်စေ) ဗုဒ္ဓဘာသာကို မိုက်ရိုင်း ရုန့်ရင်းကြမ်းတမ်းသော အသုံးအနှုန်းစာသားတွေနဲ့ အများပြည်သူရှေ့မှောက်မှာ ဆိုင်းဘုတ်ထောင်ပြ၊ ဟစ်အော်ပြတာမျုိုး တစ်သက်တစ်ကိုယ် မကြုံဖူးသေးလို့ပါ။

    ဗုဒ္ဓဘုရား သားတော် အမည်ခံထားတဲ့ လူစုလူဖွဲ့များကသာလျှင် “သားဖောက်နှုန်းမြန် အစ္စလာမ်၊ တိရစ္ဆာန်ဝါဒ ဆန့်ကျင်ကြ” ဆိုတဲ့ စာသားကို မျောက် အုန်းသီးရသလို ဗီနိုင်းတကိုင်ကိုင်နဲ့ မြိန်ရည်ယှက်ရည် စားသုံးမှီဝဲပြလိုက်တာကတော့ ၂၁ ရာစုအတွင်း ကမ္ဘာအကျော်ဆုံး လုပ်ရပ်တစ်ခုထဲ အပါအ၀င် ဖြစ်သွားခဲ့ပါတယ်။ အဲ့ဒါ ဘဘတွန်းချွန် ရည်ညွှန်းရေးသားတဲ့ ထိပါး၊ စော်ကားမှုပဲ မဟုတ်ပေဘူးလား။ သို့မဟုတ် ခင်ဗျားတို့ ခံယူထားတဲ့ ယဉ်ကျေးမှုပဲလားဆိုတာ ဖြေကြားလိုက်ပါဦးလေ။

    မသာတစ်ခုအရင်းပြုပြီး အမုန်းတရားအခြေတည်သွေးထိုးလှုံ့ဆော်စာတွေရေးရင်း အသက်ကြီးသော်လည်း အချိန်မစီးစွာနဲ့ ဘုံဘ၀ မပြောင်းသွားပါစေနဲ့လို့သာ ပြောကြားလိုက်ပါရစေတော့။

    အလင်္ကာ အကြော်ဆရာ ပဲပေါက်စီ  Dh.P ( Satire )

    မှတ်ချက်။   ။ M-Media သို့ စာရေးသူမှ ပေးပို့လာသောဆောင်းပါးဖြစ်ပါသည်။

  • “ မြန်မာ့ သူခိုးလူဟစ် အန္တရာယ် (သို့) အနှိပ်ခန်းမှ အော်သံများ ”

    မေ ၃၁ ၊ ၂၀၁၄
    M-Media
    ပေးပို့သူ- ပဲပေါက်စီ Dh.P (Satire)

    အောင်ဇေယျတု ဂျာနယ်တွင် ဓမ္မ၀ီရ အရှင်တေဇနိယ Ph.D (Thesis) ရေးသားသည့်  “မြန်မာအမျိုးသမီးများနှင့် ဘာသာခြားအန္တရာယ် (သို့) မိအေးလေးများ” ဆောင်းပါးကို ကမ္ဘာကျော် ကလောင်ရှင် “ ပဲပေါက်စီ Dh.P (Satire) ” မှ တုန့်ပြန် သရော်ချက် ဖြစ်သည်။

    cartoon wai yan
    ကွင်းခတ်စာသားများမှာ မူလရေးသားဖော်ပြချက်ဖြစ်ပြီး၊ ကြယ်ပွင့်ပြစာသားများမှာ သရုပ်မှန်အဖြစ်မှန်အချက်အလက်များ ဖြစ်သည်ကို သတိပြုနိုးကြားကြပါကုန်။
    +++++++++++++++++++++

    (( မိအေးနှစ်ခါနာ ဆိုသော မြန်မာ စကားပုံကို မြန်မာတိုင်းကြားဖူးကြပေလိမ့်မည်။ ပုံပြင်ထဲက မိအေးသည်နှစ်ကြိမ်၊နှစ်ခါပဲ နာရသည်။ သို့သော် အမိမြန်မာပြည် မိအေးသည်ကား အကြိမ်ကြိမ်နာခဲ့ရပြီး ယခုမူ ပို၍ပင်နာနေရပေသည်။ ဘာသာရေးကို အကာအကွယ်ယူ၍ စီးပွားရေး၊ အိမ်ထောင်ရေး၊ လူမှုရေးတို့ကို အောက်လမ်းနည်းဖြင့် ဝါးမျိုတတ်သော မူစလင်မျိုးနွယ်၊ အစ္စလာမ်ဘာသာဝင် ကုလားတို့သည် ခေတ်အဆက်ဆက် အိမ်ရှင်ကျေးဇူးရှင်ရွှေမြန်မာတို့အား နည်း အမျိုးမျိုးဖြင့် စော်ကားဝါးမျိုဗိုလ်ကျ အနိုင်ကျင့်ခဲ့ကြပါသည်။ နအဖ၊ န၀တလက်ထက်တွင် စစ်အစိုးရ အာဏာပိုင်များနှင့် အပိုင်ပေါင်းကာ မြန်မာ တိုင်းရင်းသားတို့အား စော်ကားအနိုင်ကျင့်ခဲ့ကြသည်။ ))

    **  မိအေးနှစ်ခါနာ ဟူသော စကားပုံကို မြန်မာပြည်တွင်းမွေးဖွားကြီးပြင်းလာ သူတိုင်း ကြားဖူးကြပါသည်။ အမိမြန်မာပြည် မိအေးသည် အကြိမ်ကြိမ်နာခဲ့ရပြီး ယခုမူ ပို၍ပင် နာနေရခြင်းကလည်း မှန်ပေသည်။ နောင်သောအခါ ယခုထက် အပြန် တစ်ရာပင် နာပေဦးမည်။ ပုံပြင်ထဲက မိအေး ဘာကြောင့် နာရသနည်း ဟူသည်ကို ဦးစွာ ပြန်လည် ဆန်းစစ်သင့်သည်။

    လူမျိုး ၇ မျိုးသွေးစပ်၍ ကုလားခြောက်ထောင် အနက် အပါအ၀င်ဖြစ်သော ဗမာလူမျိုး(ယခု မြန်မာဟု အမည်ပြောင်းထား)တို့သည် (လက်ရှိမြန်မာနယ်နမိတ်၏ လက်ဦးပထမလူမျိုးစုများ ဖြစ်သော) အိမ်ရှင် ဗိဿနိုးခေတ် ပျူလူမျိုးတို့အား ခေတ် အဆက်ဆက် နည်းအမျိုးမျိုးဖြင့် စီးပွားရေး၊ အိမ်ထောင်ရေး၊ လူမှုရေးတို့ကို အထက် မရောက်အောက်မရောက်နည်းလမ်း သုံးဝါးမျိုကာ စော်ကားဗိုလ်ကျ အနိုင်ကျင့်ခဲ့ကြသောကြောင့် သမိုင်း၌ အမည်နာမသာကျန်၍ မျိုးပြုတ်သွားရှာပါသည်။ နအဖ၊န၀တလက်ထက်တွင် စစ်အစိုးရ အာဏာပိုင်များနှင့်အပိုင်ပေါင်းကာ မြန်မာ့ပိုင်နက်အတွင်းရှိ လူနည်းစုဝင် တိုင်းရင်းသားတို့အား စော်ကား အနိုင်ကျင့်ခဲ့ကြသည်။
    —————————————————–

    (( ထိုစစ်အစိုးရလက်ထက်တွင် ကုလားတို့၏မာယာပိုက်ကွန်ကို မသိနားမလည်ရှာသော ညီညွတ်မှုမရှိကြသည့်ရွှေမြန်မာတို့သည် မိအေးလေးများအဖြစ် ကုလားလက်တွင်း သက်ဆင်းခဲ့ကြရရှာပါသည်။ ထိုခေတ်အခါတွင် ကုလားတို့၏ တရားလက်မဲ့စော်ကားယုတ်မာမှုကို များစွာ ခံခဲ့ရသည့် မြန်မာ့မိအေးတို့၏ ရင့်နင့်ဖွယ် အဖြစ်အပျက်သာဓကများကား ပြောမပြနိုင်လောက်အောင်ပင် များခဲ့ပါသည်။
    နအဖ၊ န၀တ၊ စစ်အာဏာရှင်ခေတ်လွန်ဖြစ်သော ယခုလိုဒီမိုကရေစီခေတ်တွင်လည်း ဒီမိုကရေစီကို အကြောင်းပြ အကာအကွယ်ယူ၍ ၄င်းမူဆလင်တို့၏ မူဝါဒအတိုင်း အမိမြန်မာပြည်၏ စီပွားရေး၊လူမှုရေး၊ အိမ်ထောင်ရေး၊လူမျိုးရေး တို့ကိုစော်ကားဝါးမျိုလျှက်ရှိပါသည်။ ခေတ်ပျက်အခါတွင်လည်း စစ်အစိုးရ အာဏာပိုင်တို့ကို အကာအကွယ်ယူပြီး ထိုကုလားများကပဲ လူလည်ကျစော်ကားမှုလုပ်ခဲ့ကြပြီး၊ ခေတ်ကောင်း ရောက်သည့်ယခုအချိန်အခါတွင်လည်း ဒီမိုကရေစီကိုအကာအကွယ်ယူ၍ ယခုမျက်မှောက်၌ ကြုံတွေ့၊ သိ မြင်၊နေကြသည့်အတိုင်းပင် ရွှေမြန်မာတို့အား အစီအစဉ်တကျ ၀ါးမျိုစော်ကား၍နေပေ၏။))

    **  ထိုစစ်အစိုးရလက်ထက်တွင် အယောင်ဆောင် ရဟန်းနှင့် အရေခြုံမျိုးချစ်တို့၏မာယာပိုက်ကွန်ကို မသိနားမလည်ရှာသော ညီညွတ်မှု မရှိကြသည့် မြန်မာပြည် သူတို့သည် မိအေးလေးများ အဖြစ် သာသနာဖျက်ဒေ၀ဒတ် လက်သစ်များ၏လက်တွင်း သက်ဆင်းခဲ့ကြရရှာပါသည်။ ဤခေတ်အခါတွင် ၎င်းတို့၏ တရား လက်မဲ့စော်ကား ယုတ်မာမှုကို များစွာ ခံခဲ့ရသည့် မြန်မာ့လူနည်းစုတို့၏ ရင်နင့်ဖွယ် အဖြစ်အပျက် သာဓကများကား ပြောမပြနိုင်လောက်အောင်ပင် များခဲ့ပါသည်။ နအဖ၊ န၀တ၊ စစ်အာဏာရှင်ခေတ်လွန်ဖြစ်သော ယခုလို ဒီမိုကရေစီခေတ်တွင်လည်း အမျိုးဘာသာသာသနာကို အကြောင်းပြ အကာအကွယ်ယူ၍ ၎င်းမိစ္ဆာတို့၏ မူဝါဒအတိုင်း အမိမြန်မာပြည်၏ စီပွားရေး၊ လူမှုရေး၊ အိမ်ထောင်ရေး၊ လူမျိုးရေးတို့ကို စော်ကား ၀ါးမျိုလျက်ရှိပါသည်။ ခေတ်ပျက် အခါတွင်လည်း စစ်အစိုးရ အာဏာပိုင်တို့ကို အကာအကွယ်ယူပြီး ထိုမိစ္ဆာများကပဲ လူလည်ကျစော်ကားမှု လုပ်ခဲ့ကြပြီး၊ ခေတ်ကောင်း ရောက်သည့်ယခုအချိန်အခါတွင်လည်း အမျိုးဘာသာသာသနာကိုအကာအကွယ်ယူ၍ ယခုမျက်မှောက်၌ ကြုံတွေ့၊ သိမြင်နေကြသည့်အတိုင်းပင် လူနည်းစုဝင်မြန်မာပြည်သူတို့အား အစီအစဉ်တကျ ၀ါးမျိုစော်ကား၍နေပေ၏။
    ———————————————–

    ((  ယခုမူကား မူဆလင်တို့သည် မြန်မာနိုင်ငံတော်၏ အချုပ်အခြာအာဏာကို စော်ကားယုံမျှမကတော့ပဲ တိုင်းရင်းသားဖြစ်ခွင့်ကိုပင် တောင်းဆိုကာ နယ်မြေကိုအပိုင်သိမ်းပိုက်ရန်အထိ အစွမ်းကုန်စော်ကားနေ၍နေ၏။ ပြည်တွင်းနေမူဆလင်တို့သည်လည်း အမိပြည်၏ ဆပ်မကုန်သော ကျေးဇူးတရားကိုပင် မထောက် ပဲ ၄င်းတို့၏ မျိုးနွယ်ခိုးဝင် ဘင်္ဂါလီများဘက်မှနေကာ နောက်ကွယ်မှထောက်ပံ့ပေးခြင်း၊ သတင်းမှား သတင်းတုများဖြင့် ကမ္ဘာအား မြန်မာကို အထင်အမြင်လွဲမှားစေရန် လိမ်လည်လော်လီပေးခြင်း၊မြန်မာအချင်းချင်းစိတ်ဝမ်းခွဲခြင်းစသည်တို့ကို ကိုယ်စွမ်း၊ဉာဏ်စွမ်းအပြည့်ဖြင့် ပူးပေါင်းဆောင်ရွက်နေကြပါသည်။))

    **  ယခုမူကား ဒေ၀ဒတ် လက်သစ်များနှင့် ၎င်းတို့၏နောက်လိုက်များသည် မြန်မာနိုင်ငံတော်၏ အချုပ်အခြာ အာဏာကို စော်ကားယုံမျှမကတော့ပဲ အိမ်ရှင် ဟူသော ခေါင်းစဉ်ကိုပင် အရှက်မဲ့စွာ ကုန်းအော်ပြီး ဘာသာခြားတို့၏ ပိုင်ဆိုင်မှုနှင့် အခွင့်အရေးများကို အပိုင် သိမ်းပိုက်ရန်အထိ အစွမ်းကုန်စော်ကား၍နေ၏။ တရုတ်အားကိုး ပုဆိန်ရိုးတို့သည်လည်း အမိပြည်၏ ဆပ်မကုန်သော ကျေးဇူးတရားကိုပင် မထောက် ပဲ ၄င်းတို့၏ မျိုးနွယ် တာကောများ ဘက်မှနေကာ နောက်ကွယ်မှထောက်ပံ့ပေးခြင်း၊ သတင်းမှား သတင်းတုများဖြင့် ကမ္ဘာအား မြန်မာကို အထင်အမြင်လွဲမှားစေရန် လိမ်လည်လော်လီပေးခြင်း၊ ပြည်သူ အချင်းချင်း စိတ်ဝမ်းခွဲခြင်း စသည်တို့ကို ကိုယ်စွမ်း၊ ဉာဏ်စွမ်းအပြည့်ဖြင့် ပူးပေါင်းဆောင်ရွက်နေကြပါသည်။
    ———————————————————-

    ((  အာရတ်မူဆလင်တို့၏ ဒေါ်လာလောင်းရိပ်မိ ကမ္ဘာ့မီဒီယာများနှင့် လူ့အခွင့်အရေးတဖက်လတ်တို့သည် မူဆလင်တို့၏ စီမံကိန်းရေးဆွဲ နယ်မြေလု ယုတ်မာစော်ကားမှုကို ကျနသေခြာလေ့လာခြင်းမရှိပဲ ကုလားတို့၏အလိုတော်ကျအတိုင်း အမှန်တရားဖုံးကွယ်၍ အမှန်ကိုအမှား အမှားကိုအမှန် လုပ်ကြပါတော့တယ်။ ထိုသို့ ဒေါ်လာလောင်း ရိပ်မိ တဖက်လတ်၊ တဖက်သတ်အမြင်ရှိသည်တို့၏ လိမ်ညာလှည့်ဖြားမှုကြောင့် မြန်မာတို့မှာ မူဆလင်တို့၏ စော်ကား အနိုင်ကျင့်လည်းခံရ၊ ကမ္ဘာ၏အထင်လွဲမှုကိုလည်း ခံရရှာပြီး၊ မိအေးလေးဘ၀ရောက်သွားပြီး နှစ်ခါမက အကြိမ်ကြိမ်နာကြရပါတော့သည်။))

    **  ဒေ၀ဒတ်လက်သစ်များနှင့် ၎င်းတို့၏နောက်လိုက်များ၏ တဏှာပေမ လောင်းရိပ်မိ ပြည်တွင်းမီဒီယာများနှင့် မျိုးစောင့်အခွင့်အရေးတစ်ဖက်လပ်တို့သည် လူနည်းစုဝင်ဘာသာခြားတို့၏ စနစ်တကျစီမံကိန်းရေးဆွဲ နယ်မြေလုခံရခြင်း၊ ယုတ်မာစော်ကားခံနေရခြင်းကို ကျနသေချာစွာ လေ့လာခြင်းမရှိပဲ မိစ္ဆာတို့၏အလိုတော်ကျအတိုင်း အမှန်တရားဖုံးကွယ်၍ အမှန်ကိုအမှား အမှားကိုအမှန်လုပ်ကြပါတော့သည်။ ထိုသို့ တဏှာလောင်းရိပ်မိ တဖက်လတ်၊ တဖက်သတ်အမြင်ရှိသူတို့၏ လိမ်ညာလှည့်ဖြားမှုကြောင့် မြန်မာတို့မှာ မိစ္ဆာတို့၏ စော်ကားအနိုင်ကျင့်လည်းခံရ၊ ကမ္ဘာ၏အထင်လွဲမှုကိုလည်းခံရရှာပြီး၊ မိအေးလေးဘ၀ရောက်သွားပြီး နှစ်ခါမက အကြိမ်ကြိမ်နာကြရပါတော့သည်။
    ———————————————————-

    ((  မြန်မာပြည်တွင်ဖြစ်ပေါ်သည့် မူဆလင်အဓိကရုန်းများကိုလေ့လာကြည့်ပါက ပြဿနာတိုင်းတွင် မူဆလင်များဘက်မှစတင်ရန်ပြုကြသည်ကိုတွေ့မြင်နိုင်ပါတယ်။ ထိုသို့ မူဆလင်များ၏ စော်ကားရန်ပြုသည့်အခါတွင်မူ နှားစေးနေကြပြီး မြန်မာတို့မှ ပြန်လည်ခုခံသည့်အခါမှ လူအခွင့်အရေးဟု တစာစာအော်နေကြခြင်းသည် မြန်မာတွေကို မိအေးဖြစ်စေခြင်း၏ အဓိကအချက်တခုဖြစ်ပါသည်။))

    **  မြန်မာပြည်တွင်ဖြစ်ပေါ်သည့် လူမျိုးရေး ဘာသာရေး အဓိကရုဏ်းများကိုလေ့လာကြည့်ပါက ပြဿနာတိုင်းတွင် ရဟန်းတုများနှင့် စစ်အစိုးရအလိုတော်ရိတို့ဘက်မှ စတင်ရန်ပြုကြသည်ကို တွေ့မြင်နိုင်ပါသည်။ ထိုသို့ တရုတ်အားကိုးပုဆိန်ရိုးများ စော်ကားရန်ပြုသည့်အခါတွင်မူ နှာစေးနေကြပြီး လူနည်းစုဝင်တို့မှ ပြန်လည် ခုခံသည့်အခါမှ လူ့အခွင့်အရေးဟု တစာစာအော်နေကြခြင်းသည် မြန်မာနိုင်ငံကို မိအေးဖြစ်စေခြင်း၏ အဓိကအချက်တခုဖြစ်ပါသည်။ “မိအေး” နာခြင်းသည် “မောင်ပူ” သမ,၍ ဖြစ်ပါသည်။
    ——————————————————————

    ((  ရွှေမြန်မာတို့အနေဖြင့်လည်း အကယ်၍ ကုလားတုိ့ပြဿနာရှာ၍ ပြဿနာတစုံတရာဖြစ်ခဲ့သော် ပြန်လည်တုန့်ပြန်တိုက်ခိုက်ခြင်း၊ ခုခံခြင်း၊ ဗလီများ အိမ်များ စသည့်အဆောက်အဦးတို့ကိုဖျက်ဆီးခြင်း(လုံးဝ)လုံးဝမပြုလုပ်ပဲ ဘာသာရေး၊ လူမှုရေး၊ နိုင်ငံရေး စသည့်အသင်းအဖွဲ့များနှင့် စည်းလုံးညီညာပူးပေါင်း၍ တရား ဥပဒေနှင့်အညီ ထိရောက်ပြင်းထန်စွာဆောင်ရွက်သင့်ပါသည်။))

    **  လူနည်းစုဝင်တို့အနေဖြင့်လည်း အကယ်၍ ဖော်ပြပါလူရမ်းကားတုိ့ပြဿနာရှာ၍ ပြဿနာတစုံတရာဖြစ်ခဲ့သော် ပြန်လည်တုန့်ပြန်တိုက်ခိုက်ခြင်း၊ ခုခံခြင်းကိုလည်း မပြုလုပ်၊ လူနည်းစုဝင်တို့၏၀တ်ပြုကျောင်းဂန်များ၊ အိမ်များ စသည့်အဆောက်အဦးတို့ကို ဖျက်ဆီးခြင်း(လုံးဝ)လုံးဝ ငြိမ်ခံနေပါက ဘာသာရေး၊ လူမှုရေး၊ နိုင်ငံရေး စသည့်အသင်းအဖွဲ့များကလည်း ရေငုံနှုတ်ပိတ်နေသွားမည် ဖြစ်ပါသည်။ ထို့ကြောင့် လူနည်းစုဝင်များ စည်းလုံးညီညာပူးပေါင်း၍ တရားဥပဒေနှင့်အညီ ထိရောက်ပြင်းထန်စွာဆောင်ရွက်သင့်ပါသည်။
    —————————————————————

    ((  ဗလီဖျက်ခြင်း၊ အိမ်ဖျက်ခြင်း၊ ပြန်လည်တုံ့ပြန်တိုက်ခိုက်ခြင်းတို့သည် ကုလားတို့အတွက်များစွာ အထောက်အကူဖြစ်စေပါတယ်။ ထိုသို့ မြန်မာတို့က ဖျက်ဆီးမှသာလျှင် အာရတ်မူဆင်များ၏ ထောက်ပံ့မှုကို ပိုမိုရရှိနိုင်သောကြောင့်ပင်ဖြစ်ပါသည်။ ထို့အပြင် ကမ္ဘာ့အလည်တွင်လည်း မြန်မာတို့အား အကြမ်းဖက် ရန်စသူများအဖြစ် ထင်ရောင်ထင်မှားဖြစ်စေကာ မြန်မာတို့အား မိအေးဘ၀ရောက်စေနိုင်ပါသည်။ ထို့ကြောင့် ပြဿနာတစ်စုံတရာဖြစ်ခဲ့သော် အသင်းအဖွဲ့ပေါင်းစုံပါဝင်ကာ တရားဥပဒေနှင့်အညီ ထိထိရောက်ရောက် ဆောင်ရွက်အရေးယူနိုင်ရန်ပြုလုပ်သင့်ပြီး၊ ထိုမူဆလင်တို့၏ ယုတ်မာကောက်ကျစ်စော်ကားမှုကို အမှန်အတိုင်း ကမ္ဘာကြီးသိလာအောင် ကမ္ဘာ့အရပ်ရပ်တွင် မူဆလင်များကို ဆန့်ကျင်နေသကဲ့သို့ ပြည်သူပြည်သား အားလုံးပါဝင်ကာ ဆန္ဒဖော်ထုတ်ပွဲများကို ငြိမ်းချမ်းစွာပြုလုပ်သင့်ပါသည်။))

    **  လူနည်းစုဝင်ဘာသာရေး အထိမ်းအမှတ်များ၊ ၀တ်ပြုကျောင်းများကို ဖျက်ဆီးမီးရှို့ခံပြီး မေတ္တာရှေ့ထား သည်းညည်းခံခြင်းတို့သည် ယင်းမိစ္ဆာတို့အတွက် များစွာ အထောက်အကူဖြစ်သွားစေပါသည်။ ထိုသို့ ငုံ့ခံနေသမျှ  ဒုက္ခသည်နှင့် ဒုက္ခသည်စခန်းများ ကမ္ဘာ့စံချိန်ကျိုးလောက်အောင်ထွက်ပေါ်လာပြီး နိုင်ငံတကာသို့ လှည့်ပတ်အလှူခံဖြတ်စား ခိုးစားနိုင်သောကြောင့်ပင် ဖြစ်ပါသည်။

    ထို့အပြင် ကမ္ဘာ့အလည်တွင်လည်း အကြမ်းဖက်သမားတို့အား လူမိုက်အားပေး အဆိပ်ပင်ရေလောင်းဖြစ်စေကာ မြန်မာပြည်သူတို့အား မိအေးဘ၀သာမကတော့ဘဲ “မိရေခဲချောင်း”ဘ၀အထိ ရောက်စေနိုင်ပါသည်။ ထို့ကြောင့် ပြဿနာတစ်စုံ တရာဖြစ်ခဲ့သော် အသင်း အဖွဲ့ပေါင်းစုံပါဝင်ကာ တရားဥပဒေနှင့်အညီ ထိထိရောက်ရောက် ဆောင်ရွက်အရေးယူနိုင်ရန်ပြုလုပ်သင့်ပြီး၊ ထိုမိစ္ဆာတို့၏ ယုတ်မာကောက်ကျစ်စော်ကားမှုကို အမှန်အတိုင်း ကမ္ဘာကြီးသိလာအောင် ကမ္ဘာ့အရပ်ရပ်တွင် အာဏာရှင်များကို ဆန့်ကျင်နေသကဲ့သို့ ပြည်သူပြည်သား အားလုံးပါဝင်ကာ ဆန္ဒဖော်ထုတ်ပွဲများကို ငြိမ်းချမ်းစွာပြုလုပ်သင့်ပါသည်။
    ————————————————————

    ((  ယခုအခါတွင်မူ ပြည်တွင်းနေမူဆလင်အချို့နှင့် ဘင်္ဂါလီနယ်ချဲ့မူဆလင်တို့၏ အကြမ်းဖက် လှုပ်ရှားမှုများသည် မြန်မာပြည်တွင်း၌ သာမကတော့ပဲ ပြည်ပရောက်အကြမ်းဖက် မူဆလင်များနှင့်ချိတ်ဆက်ကာ မလေးရှားနိုင်ငံတွင် အလုပ်လုပ်ကိုင်နေကြသည့် တိုင်းရင်းသားမြန်မာတို့အား အကြမ်းဖက်လျှက်ရှိပါသည်။ ထိုအကြမ်းဖက်မှုကို ဦးဆောင်ကြိုးကိုင်လှုပ်ရှားနေသူများမှာ မြန်မာပြည်နေ၊ မြန်မာ့ရေသောက်ခဲ့ကြသည့် ပြည်တွင်းထွက် မူဆလင်များသာဖြစ်ကြပါသည်။ ၄င်းမူဆလင်တို့၏ အကြမ်းဖက်လှုပ်ရှားမှုများမှာ ကွန်ယက်သဖွယ် အချိတ်အဆက်မိမိ လှုပ်ရှားနေပါတယ်။))

    **  ယခုအခါတွင်မူ ပြည်တွင်းနေ အခွံစွပ်မျိုးချစ်အချို့နှင့် တရုတ် နယ်ချဲ့ပေါက်ဖော်တို့၏ အကြမ်းဖက် လှုပ်ရှားမှုများသည် မြန်မာပြည်တွင်း၌ သာမကတော့ပဲ ပြည်ပရောက် အကြမ်းဖက် မိစ္ဆာများနှင့် ချိတ်ဆက်ကာ မလေးရှားနိုင်ငံတွင် အလုပ်လုပ်ကိုင်နေကြသည့် ၎င်းတို့၏ နောက်မြီးဆွဲများမှာ အကြမ်းဖက်ခံနေရသကဲ့သို့ ဇာတ်တိုက် တင်ပြလျက်ရှိပါသည်။ ထိုလိမ်ဆင် ထွင်လုံးများကို ဦးဆောင်ကြိုးကိုင် လှုပ်ရှားနေ သူများမှာ မြန်မာပြည်နေ၊ မြန်မာ့ရေသောက်နေကြသည့် ပြည် တွင်းထွက် မြန်မာ့ဒေ၀ဒတ်နှင့်ဘက်တော်သားများသာဖြစ်ကြပါသည်။ ၄င်းတို့၏ အကြမ်းဖက် လှုပ်ရှားမှုများမှာ ကွန်ယက်သဖွယ် အချိတ်အဆက်မိမိ လှုပ်ရှားနေပါသည်။
    ——————————————————————

    ((  ထိုကဲ့သို့ မလေးရှားတွင် မြန်မာတိုင်းရင်းသားတို့အား မြန်မာအမည်ခံမူဆလင်များနှင့် ဒေသခံမလေးမူဆလင်များမှ တရားဥပဒေမဲ့ သတ်ဖြတ်ညှင်းဆဲစော်ကားနေမှုကို မူဆလင်မလေးအစိုးရမှ အလေးမထား မျက်ကွယ်ပြုထားပါသည်။ ထို့ထက်စိတ်မကောင်း စရာကောင်းသည်မှာ မြန်မာအစိုးရ အနေဖြင့်လည်း ထိရောက်စွာ အလေးထားကာကွယ်မှု မပေးသလို ကုလားအရေးများတွင် တက်ကြွစွာ အာပေါင်အာရင်းသန်သန်ဖြင့် ကုလားရှေ့နေလိုက် တဖက်စောင်းနင်းပြောကြားလေ့ရှိသည့် လူထုခေါင်းဆောင်ဆိုသူ၊ နိုင်ငံရေးခေါင်းဆောင် ဆိုသူများသည်လည်း အံ့သြဖွယ်ရာ နှာစေးနေလေ့ရှိပါတယ်။))

    **  ထိုကဲ့သို့ မလေးရှားတွင် မြန်မာ တိုင်းရင်းသားတို့အား ဗုဒ္ဓဘာသာ အမည်ခံ မိစ္ဆာများနှင့် ပြည်ပရောက်ယောင်ခြောက်ဆယ်များမှ တရားဥပဒေမဲ့ သတ်ဖြတ်ညှင်းဆဲစော်ကားနေမှုကို မူဆလင် မလေးအစိုးရမှ အလေးထား၍ မျက်ကွယ်မပြုဘဲ တရားဥပဒေနှင့်အညီ ထိရောက်စွာဗျင်းခဲ့ပါသည်။ ထို့ထက် စိတ်မကောင်းစရာကောင်းသည်မှာ မြန်မာအစိုးရအနေဖြင့်လည်း ထိရောက်စွာ အလေးထားကာကွယ်မှု မပေးသလို မတရားအရေးများတွင် တက်ကြွစွာ အာပေါင်အာရင်းသန်သန်ဖြင့် မတရားရှေ့နေလိုက် တဖက်စောင်းနင်းပြောကြားလေ့ရှိသည့် မျိုးစောင့်ဆိုသူ၊ နိုင်ငံရေးခေါင်းဆောင်ဆိုသူများသည်လည်း အံ့သြဖွယ်ရာ နှာစေးနေလေ့ရှိပါသည်။
    ———————————————————-

    ((  ၄င်းတို့၏ တဖက်သတ်ရပ်တည်ချက်ဖြစ်သော လူ့အခွင့်အရေးဆိုသည်မှာ ကုလားများနှင့်သာသက်ဆိုင်ပြီး မြန်မာတို့နှင့် လားလားမှမဆိုင်သကဲ့သို့ ဖြစ်နေတော့၏။ ထိုသူတို့သည် ကုလားအရေးများတွင် အမှန်အတိုင်း လူထုဘက်မှရပ်တည်လေ့မရှိပဲ ကုလားဘက်ကသာ မားမားမတ်မတ်ရပ်တည်လေ့ရှိသည်မှာ တစ်ကြိမ်နှစ်ကြိမ်တွင် ခွင့်လွတ်နားလည်ပေးနိုင်တော့လည်း အကြိမ်ကြိမ်အခါခါဖြစ်နေသည်မှာ ခွင့်လွှတ်နားလည်၍မရတော့သလို လူထုနှင့်အမျိုးဘာသာ၊ သာသနာအတွက် များစွာအထိနာလှပြီး မြန်မာတိုင်းရင်းသားတို့အတွက် မိအေးဘ၀လုံးလုံး ရောက်စေပါတယ်။))

    **  ၄င်းတို့၏ တဖက်သတ်ရပ်တည်ချက်ဖြစ်သော လူ့အခွင့်အရေးဆိုသည်မှာ တရုတ်ပြည်နယ်ချဲ့များနှင့်သာသက်ဆိုင်ပြီး မြန်မာပြည်သူတို့နှင့် လားလားမှမဆိုင်သကဲ့သို့ ဖြစ်နေတော့၏။ ထိုသူတို့သည် ဂုတ်သွေးစုပ်အရေးများတွင် အမှန်အတိုင်း လူထုဘက်မှရပ်တည်လေ့မရှိပဲ ပြည်ကြီးတရုတ်ဘက်ကသာ မားမားမတ်မတ်ရပ်တည်လေ့ရှိသည်မှာ တစ်ကြိမ်နှစ်ကြိမ်တွင် ခွင့်လွတ်နားလည်ပေးနိုင်သော်လည်း အကြိမ်ကြိမ်အခါခါဖြစ်နေသည်မှာ ခွင့်လွှတ်နားလည်၍ မရတော့သလို လူထုနှင့်တိုင်းပြည်တိုးတက်ရေးအတွက် များစွာအထိနာလှပြီး မြန်မာပြည်သူတို့အတွက် မိအေးဘ၀လုံးလုံး ရောက်စေပါသည်။
    ——————————————————-

    ((  အာဏာရအစိုရနှင့် နိုင်ငံရေးပါတီအသီးသီးတို့အနေဖြင့်လည်း မူဆလင်နိုင်ငံများနှင့် အခြားနိုင်ငံတို့၌ ၄င်းတို့တိုင်းပြည်နှင့် ဘာသာ၊ လူမျိုးအားကာကွယ်ရန် ရေးဆွဲထားသည့် အမျိုးစောင့်ဥပဒေများအား လေ့လာကာ တိကျခိုင်မာသည့် မြန်မာ့အမျိုးစောင့် ကာကွယ်ရေးဥပဒေတစ်ရပ်ကို မဖြစ်မနေ ချမှတ်ပြဋ္ဌာန်းသင့်ပါသည်။ ထိုသို့မဟုတ်ပဲ အာဏာရရှိရေးတစ်ခုတည်းကိုသာဦးစားပေးဆောင်ရွက်နေမည်ဆိုပါက နိုင်ငံနှင့်လူမျိုးမြဲရေးဟာ များစွာနစ်နာသွားမည်ဖြစ်ပါသည်။))

    **  အာဏာရအစိုးရနှင့် နိုင်ငံရေးပါတီ အသီးသီးတို့အနေဖြင့်လည်း အခြားဗုဒ္ဓနိုင်ငံများနှင့် အခြားနိုင်ငံတို့၌ ၄င်းတို့ တိုင်းပြည်ရှိ ဘာသာ၊ လူမျိုး မခွဲခြားအောင် ရေးဆွဲထားသည့် ဖွဲ့စည်းပုံ ဥပဒေများအား လေ့လာကာ တိကျခိုင်မာသည့် မြန်မာ့ဖွဲ့စည်း အုပ်ချုပ်ပုံ အခြေခံဥပဒေတစ်ရပ်ကို မဖြစ်မနေ ချမှတ်ပြဋ္ဌာန်းသင့်ပါသည်။ ထိုသို့မဟုတ်ပဲ အာဏာရရှိရေး တစ်ခုတည်းကိုသာ ဦးစားပေးဆောင်ရွက်နေမည်ဆိုပါက နိုင်ငံနှင့် လူမျိုးမြဲရေးဟူသောအဆိုမှာ မိမိဖာသာ အသုံးမကျကြောင်း ကြေညာသလိုဖြစ်သွားမည်ဖြစ်ပါသည်။
    ————————————————————–

    ((  နိုင်ငံရေးအဖွဲ့အစည်းများအနေဖြင့်လည်း ထိုကဲ့သို့ မိမိတို့တိုင်းရင်းသားပြည်သူများ မတရားစော်ကားခံနေရမှုကို မဆိုင်သလို လျစ်လျူရှု မနေသင့်ပဲ ပြည်သူ့ဘက်မှ အမှန်အတိုင်းရပ်တည်ပေးဖို့လို့ပါတယ်။ “ပါတီနိုင်ငံရေးအရ မည်မျှပင်သဘောထားကွဲလွဲနေငြားသော်လည်း တစ်တိုင်းပြည်လုံးနှင့်သက်ဆိုင်သည့် အမျိုးသားရေးတွင်မူ ပုဂ္ဂလိကခံစားချက်ကိုရှေ့တန်းမတင်ပဲ ကမ္ဘာ့နိုင်ငံများကဲ့သို့ ပြည်သူ၊ အတိုင်းအခံ၊ အစိုးရ အားလုံးလက်တွဲကာ အတူတကွဖြေရှင်းသင့်ပါတယ်” ဒါမှသာ ပြည်သူ့အကျိုးအမှန်တကယ် လိုလားသော ပြည်သူ့ပါတီဖြစ်နိုင်မှာဖြစ်ပါသည်။))

    **   နိုင်ငံရေး အဖွဲ့အစည်းများအနေဖြင့်လည်း ထိုကဲ့သို့ မိမိတို့တိုင်းရင်းသားပြည်သူများ မတရားစော်ကားခံနေရမှုကို မဆိုင်သလို လျစ်လျူရှုမနေသင့်ပဲ ပြည်သူ့ဘက်မှ အမှန်အတိုင်းရပ်တည်ပေးဖို့လိုပါသည်။ “ပါတီနိုင်ငံရေးအရ မည်မျှပင် သဘောထားကွဲလွဲနေငြားသော်လည်း တစ်တိုင်းပြည်လုံးနှင့်သက်ဆိုင်သည့် အမျိုးသားရေးတွင်မူ ပုဂ္ဂလိက ခံစားချက်ကိုရှေ့တန်းမတင်ပဲ ကမ္ဘာ့နိုင်ငံများကဲ့သို့ ပြည်သူ၊ အတိုက်အခံ၊ အစိုးရ အားလုံးလက်တွဲကာ အတူတကွဖြေရှင်းသင့်ပါသည်။ သို့မှသာ ပြည်သူ့အကျိုး အမှန်တကယ် လိုလားသော ပြည်သူ့ပါတီဖြစ်နိုင်မှာဖြစ်ပါသည်။
    ——————————————————-

    ((  အစိုးရနှင့်ပါတီ အသီးသီးတို့သည် ပြည်ထောင်စုမြန်မာနိုင်ငံတော်ကြီးအတွက် နိုင်ငံရေး လုပ်နေကြသည်မှန်ပါက နိုင်ငံတော်နှင့် တိုင်းရင်းသားတို့အား ဥပဒေနှင့်အညီ စည်းလုံးညီညာစွာ ကာကွယ်စောင့်ရှောက်ကြပါ။မိမိ၏နိုင်ငံသားတို့အား မိအေးအဖြစ် မဖြစ်ရအောင် အဓိကနှင့် သာမညကိုခွဲခြား၍ ပုဂ္ဂလိကခံစားမှုကို ဦးစားမပေးပဲ တိုင်းပြည်နှင့် လူမျိုးကို အမှန်တကယ်ကာကွယ်နိုင်သော ပြည်သူ့အစိုးရ၊ ပြည်သူ့ ပါတီများဖြစ်အောင်ကြိုးစားကြပါဟု တိုက်တွန်းလိုပါသည်။))

    **   အစိုးရနှင့်ပါတီ အသီးသီးတို့သည် ပြည်ထောင်စုမြန်မာနိုင်ငံတော်ကြီး အတွက် နိုင်ငံရေး လုပ်နေကြသည်မှန်ပါက နိုင်ငံတော်နှင့် တိုင်းသူပြည်သားတို့အား ဥပဒေနှင့်အညီ စည်းလုံးညီညာစွာ ကာကွယ်စောင့်ရှောက်ကြပါ။ မိမိ၏ပြည်သူတို့အား တရုတ်ကျွန်ဘ၀ မရောက်ရအောင် အဓိကနှင့် သာမညကိုခွဲခြား၍ ပုဂ္ဂလိကခံစားမှုကို ဦးစားမပေးပဲ တိုင်းပြည်နှင့် လူမျိုးကို အမှန်တကယ်ကာကွယ်နိုင်သော ပြည်သူ့အစိုးရ၊ ပြည်သူ့ပါတီများဖြစ်အောင်ကြိုးစားကြပါဟု တိုက်တွန်းလိုပါသည်။
    ————————————————————

    ((  အမျိုးသားရေးအရေးကို အာဏာရရေးမဟုတ်၍ ပေါ့ပေါ့လေးတွေးမိပါက အမှားကြီးမှားကြပေလိမ့်မည်။ ဗုဒ္ဓမြတ်စွာ၏ ဒေသနာဇာတ်တော်ထဲက မင်းညီမင်းသားတွေ သွားရောက် ပညာဆည်းပူခဲ့ရာ တက္ကသီလာပြည်သည် ယခု ပါကစ္စတန်အစ္စလာမ်မစ်နိုင်ငံဖြစ်နေပြီး အေးချမ်းသာယာ သာသနာတော်ထွန်းကားခဲ့ရာ ဂန္ဓာရတိုင်းသည်လည်း ယခု ကမ္ဘာမှာအဆိုးဆုံး မူဆလင် အကြမ်းဖက်များရှိရာ အီရတ်၊ အီရန်၊ အာဖဂန်နစ္စတန်ဖြစ်သွား၍ ၊ သုဝဏ္ဏဘူမိ နိုင်ငံတော်များထဲတွင် တခုအပါအ၀င်ဖြစ်သော အင်ဒိုနီးရှားနိုင်ငံ သည်လည်း ယခုမူကမ္ဘာ့မူဆလင်အများဆုံး တိုင်ပြည် တခုဖြစ်နေချေ၏။ ရွှေမြန်မာများ မူဆလင်တို့၏ တိုက်ခံနေရသည့် မလေးရှားနိုင်ငံသည်ပင် တချိန်တခါက ဗုဒ္ဓသာသနာတော်ထွန်းကားခဲ့သည်မှာ ယုံတမ်း စကားမဟုတ်သလို အိပ်ရာဝင်ပုံပြင် မဟုတ်ပေ။))

    **  တရားမျှတအမြင်ကျယ်မှုကို အာဏာရရေးမဟုတ်၍ ပေါ့ပေါ့လေးတွေးမိပါက အမှားကြီးမှားကြပေလိမ့်မည်။ ဗုဒ္ဓမြတ်စွာ၏ ဒေသနာဇာတ်တော်ထဲက မင်းညီမင်းသားတွေ သွားရောက် ပညာဆည်းပူခဲ့ရာ တက္ကသီလာပြည်သည် ယခု ပါကစ္စတန် အစ္စလာမ်မစ်နိုင်ငံဖြစ်နေပြီး၊ အေးချမ်းသာယာ သာသနာတော် ထွန်းကားခဲ့ရာ ဂန္ဓာရတိုင်းသည်လည်း ယခု  အီရတ်၊ အီရန်၊ အာဖဂန်နစ္စတန်ဖြစ်သွား၍ ၊ သုဝဏ္ဏဘူမိ နိုင်ငံတော်များထဲတွင် တစ်ခုအပါအ၀င်ဖြစ်သော အင်ဒိုနီးရှားနိုင်ငံသည်လည်း ယခုမူ ကမ္ဘာ့မူဆလင်အများဆုံး တိုင်ပြည် တခုဖြစ်နေချေ၏။ တချိန်တခါက ဗုဒ္ဓသာသနာတော် ထွန်းကားခဲ့သည့် မလေးရှားနိုင်ငံသည်ပင် ဗုဒ္ဓ တရားတော်အတိုင်း နေထိုင် ကျင့်သုံးခြင်း မရှိခဲ့၍ ကွယ်ပျောက်လု မတတ်ဖြစ်ခဲ့သည်မှာ ယုံတမ်း စကားမဟုတ်သလို အိပ်ရာဝင် ပုံပြင်မဟုတ်ပေ။
    ———————————————–

    ((  သတိမမူ ဂူမမြင်၊ သတိမူက မြူကိုမြင် ဆိုသည့်အတိုင်း မူဆလင်တို့၏ အန္တရာယ်ကို သတိမမူပဲ ကြောင့်ကြမဲ့နေကြမည်ဆိုက ပါရမီတော်များစွာတို့ကို ဆင်းရဲပင်ပန်းကြီးစွာဖြည့်ကျင့်တော်မူခဲ့သဖြင့် ရရှိတော်မုခဲ့သည့် သဗ္ဗညုတရွှေဉာဏ်ဖြင့်တည်ထောင်တော်မူခဲ့သည့် မှန်ကန်တန်ဖိုးရှိလှသည့် ဗုဒ္ဓသာသနာတော်နှင့် မိမိတို့၏ ဘိုး၊ဘေး၊ဘီ၊ဘင်၊မိဘဆွေမျိုးအဆက်ဆက် လက်ဆင့်ကမ်းထိန်းသိမ်း စောင့်ရှောက်လာသည့် အမျိုးဘာသာ၊ သာသနာတော်မှာ မိမိတို့၏ ညံ့ဖျင်းမှုကြောင့် ပျောက်ကွယ်သွားပါက ပြုပြုင်လို့မရသည့် အမှားဆိုးခြင်းနှင့် မလွဲမသွေ ကြုံတွေ့ရပေလိမ့်မည်။))

    **  သတိမမူ ဂူမမြင်၊ သတိမူက မြူကိုမြင် ဆိုသည့်အတိုင်း အလဇ္ဇီတို့၏ အန္တရာယ်ကို သတိမမူပဲ ကြောင့်ကြမဲ့နေကြမည်ဆိုက ပါရမီတော်များစွာတို့ကို ဆင်းရဲ ပင်ပန်းကြီးစွာဖြည့် ကျင့်တော်မူခဲ့သဖြင့် ရရှိတော်မုခဲ့သည့် သဗ္ဗညုတရွှေဉာဏ်ဖြင့်တည်ထောင်တော်မူခဲ့သည့် မှန်ကန်တန်ဖိုးရှိလှသည့် ဗုဒ္ဓသာသနာတော်နှင့် မိမိတို့၏ ဘိုး၊ဘေး၊ဘီ၊ဘင်၊မိဘဆွေမျိုး အဆက်ဆက် လက်ဆင့်ကမ်း ထိန်းသိမ်း စောင့်ရှောက်လာသည့် အမျိုးဘာသာ၊သာသနာတော်မှာ မိမိတို့၏ ညံ့ဖျင်းမှုကြောင့် ပျောက်ကွယ်သွားပါက ပြုပြုင်လို့ မရသည့် အမှားဆိုးခြင်းနှင့် မလွဲမသွေ ကြုံတွေ့ရပေလိမ့်မည်။
    ————————————————————————

    ((  ထို့ကြောင့် သံဃာတော်များ၊ အစိုးရများ၊ အာဏာရှိသူများ၊ ပါဝါရှိသူများ၊ ပြည်သူပြည်သားများ စသည့် အလွှာပေါင်းစုံမှ မြန်မာပြည်သူပြည်သားများအနေဖြင့် လက်တွဲညီညာ အောင်ကြောင်းဖြာ ဆိုသကဲ့သို့ ညီညာစွာဖြင့် တရားဥပဒေနှင့်အညီ မူဆလင်ရန်စွယ်ကို အေးချမ်းတည်ငြိမ်ကာကွယ်တွန်းလှန်ကြပါဟု တိုက်တွန်းနိုးဆော်လိုက်ရပါတော့သည်………..။))

    **  ထို့ကြောင့် သံဃာတော်များ၊ အစိုးရများ၊ အာဏာရှိသူများ၊ ပါဝါရှိသူများ၊ ပြည်သူပြည်သားများ စသည့် အလွှာပေါင်းစုံမှ မြန်မာပြည်သူပြည်သားများအနေဖြင့် လက်တွဲညီညာ အောင်ကြောင်းဖြာ ဆိုသကဲ့သို့ ညီညာစွာဖြင့် တရားဥပဒေနှင့်အညီ အတွင်းလှိုက် ဓမ္မန္တရာယ်နှင့် တရုတ်နယ်ချဲ့လက်ပါးစေရန်စွယ်ကို အေးချမ်းတည်ငြိမ်ကာကွယ်တွန်းလှန်ကြပါဟု တိုက်တွန်းနိုးဆော်လိုက်ရပါတော့သည်………..။

     

    မှတ်ချက်။   ။ M-Media သို့ စာရေးသူမှ ပေးပို့လာသောဆောင်းပါးဖြစ်ပါသည်။

  • သရဲတစ္ဆေ ကြောက်ကြသူများ

    ဇန်နဝါရီ ၃၊ ၂၀၁၄
    M-Media
    ဆောင်းပါးရှင်- သဲတစ်ပွင့်

    ghost_council_of_orzhova_by_velinov-d5moyq4
    တစ္ဆေသရဲ ဆိုတာကို ကြောက်တတ်ကြသူတွေ အတော်များတယ် ထင်ပါရဲ့။

    ကမ္ဘာတစ်ဝန်းလုံးမှာ ခေတ်အဆက်ဆက် ယုံတမ်းစကားတွေ၊ ပုံပြင်တွေ၊ စာအုပ်တွေ၊ သက်ကြီးစကားသက်ငယ်ကြားတွေ … အများကြီး ရှိခဲ့တာပဲကိုး။ နောက်ပိုင်းခေတ် ရုပ်ရှင်ခေတ်ရောက်တော့လည်း ခုချိန်ထိကိုပဲ ပေါများလိုက်တဲ့ သူရဲတစ္ဆေ ဇာတ်လမ်းတွေ။ ခုနောက်ဆုံး အင်တာနက် စာမျက်နှာပေါ်အထိလည်း တစ္ဆေသရဲ မင်းမူတုန်း … Smart Phone တွေTablet တွေ i-Devices တွေမှာတောင် သရဲတစ္ဆေ game တွေ ကစားကြတုန်း။ Facebook Page တွေ Group တွေလည်း ရှိပါ့။

    တစ္ဆေခြောက်ပြပြီး တစ်သက်စာ ဖူဖူလုံလုံ လုပ်စားနေကြသူတွေလည်း တစ်ပုံတစ်ပင်ပေါ့။

    ခုဒီစာဖတ်နေကြတဲ့မိတ်ဆွေတွေလည်း သရဲတစ္ဆေ ကြောက်ကြတဲ့သူတွေကို သေချာပေါက် တွေ့ဖူးကြပါမှာ။ ကိုယ်တိုင်တောင် အဲဒီထဲ ပါကောင်းပါနေမှာပဲ။ တစ်ချို့ဆို ဘယ်လောက် ကြောက်တတ်သလဲဆို ကိုယ့်မိသားစုဝင် ကိုယ်သိပ်ချစ်တဲ့ သွေးသားရင်းချာထဲက ကွယ်လွန်သွားရင်တောင် အဲဒီသူကို အစွဲပြု အကြောက်လွန်တော့တာပဲ။

    တစ္ဆေသရဲအကြောင်း ဒီလောက်တောင် ခေါင်းစဉ်စုံ ကဏ္ဍစုံမှာ တွေ့နေရတာ … ကိုယ်တွေ့ ကြုံဖူးပါတယ်ဆိုတဲ့သူ ဘယ်မှာ လက်ဆုပ်လက်ကိုင် ပြနိုင်ကြလို့တုန်း။

    သရဲအခြောက်ခံရပါတယ်ဆိုသူ အများစုကို လေ့လာကြည့် … ကြောက်တတ်တဲ့စိတ်အခံကြောင့် အထင်မှား အမြင်မှား ကိုယ့်လိပ်ပြာကိုယ်မလုံရာကနေ ဖြစ်ကြတာ။

    ရွာတွေကလာတတ်တဲ့ ဇာတ်လမ်းတွေဆိုလည်း ကြည့်ကြည့် … သစ်ရွက်ထူထူ သစ်ပင်အောက်မှာ အရက်မူးမူးနဲ့ ညအိပ်မိရင် အောက်ဆီဂျင် အပြည့်အဝ မရလို့ သေလည်း အဲဒါ ညောင်ပင်တစ္ဆေ သရဲသဘက်က နတ်က သတ်တာပဲ။ ရေတွင်းရေကန်ပျက်ထဲ ဆင်းမိတဲ့သူ သေလည်း သရဲအပြစ်ပဲ။ အာဟာရချို့တဲ့လို့ … စိတ်ပိုင်းဆိုင်ရာ ထိခိုက်မှုကြီးကြီးဖြစ်လို့ … ငှက်ဖျားလိုရောဂါမျိုး ကူးစက်လို့ … ဘာကြောင့်ဖြစ်ဖြစ် hallucination ကယောင်ခြောက်ခြားဖြစ်လည်း ကျားကျား မီးယပ်ဆိုသလို သရဲတစ္ဆေ စုန်းကဝေပဲ ခေါင်းစဉ်တပ်ခံရတာပဲ။ ယုတ်စွအဆုံး လေတိုက်ရင်တောင် … သစ်ပင်က အသံမြည်ရင်တောင် … အရိပ်တစ်ခုခု မြင်ရင်တောင် … ဘာပဲဖြစ်ဖြစ် အကြောင်းရင်းမှန်ကိုမလေ့လာဘဲ ကြောက်ပစ်လိုက်ကြတာပဲ။ အမယ် … ထမင်းလုံးတစ္ဆေဆိုတာတောင် ရှိသေး။ ကယောက်ကယက် အိပ်မက်မက်တာတောင် သရဲကြောင့်တဲ့။

    ဒီလိုပြောလို့ နာနာဘာဝဆိုတာ မရှိဘူးလား မေးလာရင် ရုပ်တရားရဲ့အလွန် နာမ်လောက ပရလောက ဝိဥာဉ်လောက ဆိုတာကတော့ ဘာသာတရားတိုင်းက လက်ခံတာပဲလေ။ Parapsychology လိုမျိုး စိတ်တရားကိုလေ့လာတဲ့ ဘာသာရပ်တွေလည်း ရှိတာပဲ။ အာရုံငါးပါးနဲ့ ကျက်စားလို့မရတဲ့ Paranormal Phenomena ဖြစ်ရပ်တွေဆိုတာလည်း ရှိတာပဲ။ ဒါပေမယ့် သရဲတစ္ဆေပါလို့ အများပြောနေ၊ ကြားနေ ၊ ယုံနေတာတွေရဲ့ ၉၉%ကတော့ စိတ်ထင်ယောင်ထင်မှားဖြစ်တာ၊ ကောလဟလကို အခြေခံတာ၊ တစ်စုံတစ်ယောက်က အဖွဲ့တစ်ဖွဲ့က ရည်ရွယ်ချက်ရှိရှိနဲ့ လုပ်စားဖို့ ခြောက်တာ (ဆိုပါစို့ … သရဲအကြောင်း ရုပ်ရှင်တွေ၊ စာအုပ်တွေ စာတွေရော … ဒါမှမဟုတ် စုန်းပရောဂ ဆရာဆိုတာမျိုးတွေရော … နောက်ထပ် နည်းအမျိုးမျိုး ခေါင်းစဉ် သွယ်သွယ်နဲ့ လုပ်စားကြသူတွေပေါ့) ၊ စသည်စသည်တွေပဲ ဖြစ်နေတာကို တွေ့ရပါမယ်။

    islamophobia___political_cartoon_by_jasonsworld-d62h2kg

    အလားတူအကြောက်ရောဂါ phobia တစ်ခုလည်း ကျွန်တော်တို့လူ့ဘောင်မှာ တွေ့ရလေရဲ့ … ကျွန်တော်ဘာကိုပြောချင်သလဲ ခုလောက်ဆို သိလောက်ကြပါပြီ … Islamophobia ခေါ် အစ္စလာမ်သာသနာကို မွတ်စလင်မ်တွေကို စိုးကြောက်တဲ့ရောဂါပေါ့။ သရဲသဘက်ထက်တောင် ရွံမုန်း ကြောက်နေသူတွေ ရှိကြပါရဲ့။ မြန်မာပြည်မှာသာမက ကမ္ဘာမှာပါ ဒီအကြောက်တရားကြီး ရှိနေတာပါ။ ဒီနှစ်ပိုင်းတွေအတွင်းမှာကတော့ ဒီမြေဒီရေမှာ ပိုဆိုးမယ်ထင်ပါရဲ။

    ကမ္ဘာ့လူဦးရေရဲ့ လေးပုံတစ်ပုံလောက်ရှိတဲ့ သန်းပေါင်း၁၅၀၀ကျော် မွတ်စလင်မ်တွေထဲမှာ ဘာသာတရားရဲ့ သွန်သင်ချက်နဲ့ဆန့်ကျင်ပြီး မဟုတ်မဟတ်လုပ်သူ ကြောက်စရာကောင်းသူလည်း ရှိတာပေါ့ … သူတို့လည်း လူတွေပဲလေ။ လူပီပီ … ပုထုဇဉ်ပီပီ ကိုယ့်အတ္တကို ကိုယ် ရှေ့တန်းတင်ကြသူတွေ .. အာသာ ဆန္ဒနောက်လိုက်သူတွေ … လောဘဒေါသမောဟမာန်မာနကို အတောမသတ်နိုင်သူတွေ … သူများကြိုးစွဲရာ မှိုင်းတိုက်ရာ ကကြသူတွေ ရှိမှာပေါ့။ ဒါသဘာဝပါပဲ။ ကြိုက်တဲ့ဘာသာ၊ ကြိုက်တဲ့လူမျိုး၊ ကြိုက်တဲ့ဝါဒီ (ဝါဒတစ်ခုခုကိုကျင့်သုံးသူလူ့အစုအဝေး … ဆိုပါစို့ … ခုခေတ်စကားနဲ့ပြောရရင် ဒီမိုအုပ်စု၊ ကွန်မြုနစ်ဝါဒီ၊ လစ်ဘရယ်ဝါဒီ၊ ဘာသာမဲ့အုပ်စု) … ဘယ်လူ့အစုအဝေးကိုကြည့်ကြည့် သိုးမည်းတွေကတော့ ရှိစမြဲပဲ။

    ဒါပေမယ့် မွတ်စလင်မ်နဲ့ပတ်သက်လာရင်တော့ ခုချိန်မှာ သတင်းမှားနဲ့မှ ထမင်းစားရသူတို့ … အမုန်းစကားပြောမှ … အမုန်းတရားဟောမှ ရည်ရွယ်ချက်ရှိရှိ ပြဿနာဖန်မှ နေရာရ လူကြည်ညိုခံရပြီး စားဝင်အိပ်ပျော်ရမယ့်သူတို့က ခြောက်လုံးမြှောက်လုံးတွေနဲ့ ကြိမ်ဖန်များစွာ မှိုင်းတိုက် ကုလားတစ္ဆေ ခြောက်ခဲ့လေတော့ နှစ်ပေါင်းထောင်ချီ ပုဂံခေတ် အနော်ရထာမတိုင်မီကတည်းက တိုင်းပြည်မှာရှိနေတဲ့ လူ့အစုအဝေးကပဲ ဒီလေးငါးနှစ်အတွင်းမှာမှ တိုင်းပြည်ပျောက်အောင် သိမ်းတော့မလိုလို။ အမျိုး ဘာသာ သာသနာဆိုတဲ့ လူပြိန်းကြိုက်ခေါင်းစဉ်နဲ့ ဖြဲခြောက်တော့ နဂိုကတည်းက မဟုတ်တာတွေးကြောက်တတ်တဲ့ ကျွန်တော်တို့လူတွေ မွတ်စလင်မ်အပေါ် သရဲသဘက် ဘီလူးတစ္ဆေ စုန်းကဝေတို့ထက် အကြောက်လွန် ရွံမုန်းကြလေသတည်းပေါ့လေ။

    ဘယ်ကဘယ်လို လံကြုပ်တွေမှန်းမသိတဲ့ မွတ်စလင်မ်တွေ ကြားတောင်မကြားကြဖူးတဲ့ ပြည်သိမ်းစီမံကိန်းတို့ ဘာတို့တွေကလည်း ဖွဘုတ်ပေါ်ရောက်လာတော့ … ဟဲဟဲ … အဲဒါကို ယုံတဲ့သူတွေထဲမှာ ခေတ်ပညာတတ်ကြီးတွေတောင် ပါသဗျ။ ကုလသမဂ္ဂ အတွင်းရေးမှူးဟောင်း ကွယ်လွန်သူ ဦးသန့်ပြောခဲ့တဲ့ “မစဉ်းစားပဲ ယုံလွယ်သူပေါများသော တိုင်းပြည်” ဆိုတာ တယ်မှန်သကိုး။

    tumblr_kympvacny11qzulrs

    မိတ်ဆွေတို့ရေ …

    မိတ်ဆွေတို့ဝန်းကျင်မှာ သိကြွမ်းတဲ့ မွတ်စလင်မ်ဆိုသူတွေထဲမှာ

    မိတ်ဆွေတို့ ဖတ်ဖူးကြားဖူး အခြောက်ခံရဖူးတဲ့ မိစ္ဆာစိတ်ဝင် မွတ်စလင်မ်ဆိုသူ ဘယ်လောက်များများ တွေ့ဖူးပါသလဲခင်ဗျား။

    စာတွေ့တွေ ဘုန်းဘုန်းတစ်ချို့ဟောတာတွေ၊ ဟို website ဒီ website ကဟာတွေ …   သူများနိုင်ငံတစ်ချို့မှာ ဖြစ်နေတာတွေ မပါဘူးနော် … မိတ်ဆွေတို့ အမှန်တကယ် သိကြွမ်းသူတွေထဲကပဲ ဆိုလိုတာပါ။

    ဖြစ်နိုင်ရင် စာရင်းလေး ချရေးကြည့်ပေါ့ … ရာခိုင်နှုန်းလေးလည်း တွက်ကြည့်ပါဦး။

    သေချာပါတယ် … တစ္ဆေသရဲတုန်းကလိုပါပဲ … အနည်းငယ် မကောင်းဆိုးဝါးရှိနိုင်ပေမယ့် အများသူငှါကတော့ ထင်ထားသလို ခြောက်ခြားနေသလို မဟုတ်ဘဲ သူလိုငါလို ချစ်စရာ ခင်စရာ လူသားတွေပဲဆိုတာ မိတ်ဆွေ သေချာပေါက်တွေ့မှာပါ။

    နိဂုံးချုပ် ဥပမာအနေနဲ့ပြောရရင် … သစ်ပင်တွေကို လိုက်ကြည့်ရင်း သစ်တောကြီး မမြင်တာမျိုး မဖြစ်စေချင်ဘူးဗျာ …..။

    သစ်တောထဲမှာ ပေါက်နေတဲ့ သစ်ပင်တစ်ချို့ စိမ်းလန်းချင်မှ စိမ်းလန်းမယ်။ အဆိပ်ရှိရင် ရှိမယ်။ သစ်ဥသစ်ဖု ဝေဆာချင်မှ ဝေဆာမယ်။

    အကိုင်းအခက် သွေ့ခြောက်နေတဲ့ အပင်ကိုမှ ရွေးပြီး လက်ညှိုး မထိုးသင့်ပါ။ အင်းဆက်တွေ အကောင်ငယ်တွေကို ဖမ်းဆီးသေကြေစေတတ်တဲ့ အသားစားပင် တစ်ချို့ကို ညွှန်းဆိုရင်း မကောင်းဆိုးရွား သစ်ပင်များလို့ မသမုတ်သင့်ပါ။ ဆူးကြမ်း လွှမ်းတဲ့အပင်ကိုသာ ကွက်ကြည့်ပြီး ကြောက်စရာ့ သစ်ပင် မဆိုသင့်ပါ။ ရစ်နွယ်တတ်တဲ့ သစ်ပင်အချို့ကြောင့် ကျန်အပင်များကိုပါ တစ်တန်းတစ်စားတည်း မသတ်မှတ်သင့်ပါ။ အဆိပ်ပင်တစ်ချို့ကြောင့် အပင်အားလုံး အဆိပ်ရှိတယ် ကောက်ချက်မချစေလိုပါ။

    သစ်တောတစ်ခုလုံးကို လွှမ်းခြုံ မြင်တတ်ရင်တော့ စိမ်းလန်းစိုပြေ လှပတင့်တယ်မှုကို မုချ တွေ့ရမှာပါ ချစ်မိတ်ဆွေ။

    နှစ်သစ်ကာလမှာ စိတ်သစ်ကိုယ်သစ်နဲ့ အချင်းချင်း အမျက်အဤမရှိ … ချစ်သောမျက်စိဖြင့် ကြည့်နိုင်စွမ်း ရကြပါစေသား။ အဘိဇ္ဇာကင်းစွာ ကြည်ကြည်လင်လင် မြင်နိုင်ကြပါစေသား။

  • အစ္စလာမ် ဆန့်ကျင်ရေး လှုပ်ရှားမှုများအား သတင်းပေးပို့နိုင်သည့် ဖုန်းဆော့ဖ်ဝဲ ပြင်သစ်တွင် ဖြန့်ချီ

    နိုဝင်ဘာ-၇ ၂၀၁၃
    M-Media

    French smartphone app targets Islamophobia

    အစ္စလာမ်ဆန့်ကျင်ရေး အပြုအမူများနှင့် စကားများကို တိုင်ကြားနိုင်မည့် ဖုန်းဆော့ဖ်ဝဲတစ်ခုအား ပြင်သစ်ရှိ အစ္စလာမ်ကြောက်ရောဂါ တိုက်ဖျက်ရေး အဖွဲ့တစ်ခု ဖြစ်သည့် The Collectif Contre l’Islamophobie en France(CCIF) ပြင်သစ်နိုင်ငံတွင် တနင်္လာနေ့က စတင်ဖြန့်ချီခဲ့သည်ဟု သိရသည်။

    ထိုဆော့ဖ်ဝဲအား အိုင်ဖုန်း(Apple phones)၊ အိုင်ပက်(tablets) နှင့် အန်ဒရွိုက်( Android)  ဖုန်းများတွင်ပါအသုံးပြုနိုင်မည်ဖြစ်ပြီး၊ အသုံးပြုသူများအနေဖြင့် လူမျိုးရေးခွဲခြားသူများနှင့် အစ္စလာမ်ဆန့်ကျင်ရေး အပြုအမူများအား စီစစ်နိုင်မည်ဖြစ်သည်။ ထို့ပြင် မိမိ၏ပတ်ဝန်းကျင်တွင် ထိုကဲ့သို့သောလုပ်ရပ်များ ရှိ၊ မရှိကို စစ်ဆေးနိုင်ပြီး အဓိကအားအဖြင့် ထိုကဲ့သို့သော အဖြစ်အပျက်များဖြစ်ပွားလာပါက ကျူးလွန်ခံရသူများနှင့် မျက်မြင်သက်သေများက ထိုဆော့ဖ်ဝဲအား အသုံးပြုကာ သတင်းပေးပို့နိုင်မည်ဖြစ်သည်။

    “(ဆော့ဖ်ဝဲကိုထုပ်လုပ်ရခြင်းရဲ့) အဓိကရည်ရွယ်ချက်ကတော့ ဒီလိုခွဲခြားဆန့်ကျင်တဲ့ အပြုအမူတွေဖြစ်လာတဲ့အခါ ချက်ခြင်း သတင်းပေးပို့နိုင်ဖို့ပါ။ ပြီးတော့ အစ္စလာမ် ကြောက်ရောဂါရှိသူတွေရဲ့ အန္တရာယ်ပေးမှုကို ခံရတဲ့သူတွေကို ဥပဒေဆိုင်ရာ အကြံအဥာဏ်တွေပေးဖို့နဲ့၊ သူတို့ရဲ့ ရပိုင်ခွင့်တွေအကြောင်းကို သတင်းပေးဖို့လည်း ဖြစ်ပါတယ်” ဟု CCIF ၏ ပြောရေးဆိုခွင့်ရှိသူ Babacar Sene က The Local သတင်းစာသို့ တနင်္လာနေ့က ပြောကြားခဲ့သည်။

    Ref : The Local

    ————————————————-
    ** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
    စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
    ဆက်သွယ်ရန် [email protected]

  • OIC ယဉ်ကျေးမှုရေးရာ အကြီးအကဲမှ အစ္စလာမ်အပေါ် အမြင်မှားကြောက်ရွံ့မှုနှင့်စပ်လျဉ်း၍ပြောကြား

    နိုဝင်ဘာ ၆ ၂၀၁၃
    M-Media

    ki02_big

    ပြည်သူနှင့် နိုင်ငံရေးအခွင့်အရေးနှင့်စပ်လျဉ်းပြီး အပြည်ပြည်ဆိုင်ရာ ပဋိညာဉ် International Covenant on Civil and Political Rights (ICCPR) အပိုဒ် ၂၀ တွင် မည်သည့် ဘာသာတရား၏ ထူးမြတ်သောပုဂ္ဂိုလ် သို့မဟုတ် သင်္ကေတအား အဆိုးမြင်အောင်ပြုလုပ်ခြင်းသည် အပြည်ပြည်ဆိုင်ရာ ဥပဒေအရ ပြစ်မှုမြောက်ကြောင်း  ယဉ်ကျေးမှုရေးရာ OIC အကြီးအကဲ ရစ်ဇ၀ါန်း စအီးဒ် ရှိုင်းခ် က ပြောကြားလိုက်သည်။

    မကြာသေးမီက မရ်ဟဗာ စားမြိန်ရိပ်သာ၌ Pakistan Executive Group (PEG) အဖွဲ့ဝင်တို့အား သူက ဧည့်တော်တော်များ၏ပြောခွင့်ရ ပုဂ္ဂိုလ်အနေနှင့် ပြောကြားခဲ့ခြင်းဖြစ်သည်။

    အစ္စတန်ဘူလ် သဘောတူညီချက်မှ ထွက်ရှိလာသော ဤဥပဒေကို ကုလ လူ့အခွင့်အရေးကောင်စီ ထုတ်ပြန်ချက်အမှတ် ၁၆/၁၈ အရ ကမ္ဘာနှင့်အ၀ှန်း အကျိုးသက်ရောက်စေရန် OIC မှ ကြိုးပမ်းဆောင်ရွက်လျက်ရှိသည်။

    ကမ္ဘာ့ရွာဟု ခေါ်တွင်နေသော်လည်း ဘာသာတရားမှာ နိုင်ငံတကာဆက်ဆံရေးများတွင် အလေးထားနေရသည့် အခန်းကဏ္ဍ၌ ရှိနေဆဲဖြစ်ပြီး နိုင်ငံရေးအကြောင်းပြချက်များဖြင့် ဘာသာရေးကို ခုတုံးလုပ်သည့် Islamophobia ကိစ္စမှာလည်း ထင်ထင်ရှားရှား တွေ့နေရဆဲပင်။

    Islamophobia သည် OIC အတွက် နိုင်ငံရေးနှင့် လူမှုရေးဆိုင်ရာ ပြဿနာ အသွင်ဆောင်နေရသည်။ အိုအိုင်စီသည် ကုလသမဂ္ဂပြီးလျှင် မိမိအဖွဲ့ဝင်နိုင်ငံများနှင့်အတူ ရပ်တည်နိုင်သည့် အဖွဲ့အစည်းကြီး တစ်ခုဖြစ်သည်။

    ၄င်းအဖွဲ့အစည်းသည် အပြည်ပြည်ဆိုင်ရာသဘောတူညီချက်ဖြင့် ထိပ်တိုက်တွေ့ခြင်းမှန်သမျှရှောင်ရှားသည့် အပြုသဘောစေ့စပ်ရေးများကို အကောင်အထည်ဖော်ဆောင်ရွက်လျက်ရှိသည်။

    အစ္စလာမ်အပေါ် အမြင်မှားကြောက်ရွံ့မှုကို ရင်ဆိုင်ဖြေရှင်းမည့် အိုအိုင်စီ၏ အခန်းကဏ္ဍအား ကိုင်ရို ထိပ်သီးဆွေးနွေးပွဲမှ ကြိုဆိုထောက်ခံလိုက်ပြီး အထွေထွေ အတွင်းရေးမှူးချုပ်ကိုလည်း သက်ဝင်လှုပ်ရှားလာအောင်ဖော်ဆောင်ရန် တိုက်တွန်းခဲ့သည်။

    အိုအိုင်စီသည် ဘာသာရေးအဖွဲ့အစည်းတစ်ရပ် မဟုတ်၊ ဘာသာတရားမှာ နိုင်ငံရေးအရရပ်တည်နေသော အဖွဲ့အစည်းနောက်ကွယ်မှ မရှိမဖြစ်လိုအပ်သည့် ကျစ်လစ်ညီညွတ်ရေးအားအင်တစ်ရပ်သာဖြစ်ကြောင်း ရှိုင်းခ်မှ ရှင်းလင်းပြောဆိုခဲ့သည်။

    ပါကစ္စတန်သံအမတ် ဗိုလ်ချုပ် အဖ်သာ့ဗ် ခိုခါလည်း ဂုဏ်ထူးဆောင်ဧည့်သည်တော်အဖြစ် တက်ရောက်ခဲ့သည်။ အခြား တက်ရောက်ကြသူများအနက် ဟဂ်ျရေးရာအုပ်ချုပ်မှုဒါရိုက် အဗူ အကစ်ဖ်၊ သံတမန်ရေးရာဒုဝန်ကြီး အင်မရာန် ဆွစ်ဒီကီ တို့လည်း ပါဝင်သည်။ ယင်းအစည်းအဝေးကို PEG အထွေအထွေအတွင်းရေးမှူး ရှရစ်ဖ်မှ ကြီးမှူးကျင်းပခဲ့သည်။ ဥက္ကဌ ဖြစ်သူ စိုင်ယဒ် မုသွဟီရ် ရိဇ်ဝီ မှ PEG ၏ လုပ်ငန်းဆောင်ရွက်ချက်များကို ရှိုင်းခ်ထံသို့ တင်ပြခဲ့သည်။

    Source : Saudi Gazette /