Tag: Italy Muslims

မေ ၂၀၊ ၂၀၁၅
M-Media

– အီတလီနိုင်ငံရောမမြို့ မြို့လယ်ကောင်ရှိ တံတားမှ ညစ်ညမ်းနေသည့် တိုင်ဘာမြစ်ထဲသို့ ခုန်ချသွားသော အမျိုးသမီးတစ်ဦးအား ကယ်တင်ခဲ့သည့် မွတ်စလင် အိမ်ယာမဲ့တစ်ဦးအား အီတလီပြည်သူများ ချီးကျူးခဲ့ကြသည်။

“ကျွန်တော် သူရဲကောင်းမဟုတ်ပါဘူး။ ဘုရားသခင်က ကျွန်တော်တို့ကို လူတိုင်းကို ကူညီစေချင်တာပါ” ဟု အသက် ၃၂ နှစ်အရွယ် ဘင်္ဂလားဒေ့ရ်ှနွယ်ဖွား ဆိုဘော့ဂ်ျ ခါလီဖာက ပြောကြားခဲ့သည်။

ပြီးခဲ့သည့်အင်္ဂါနေ့တွင် ခါလီဖာမှာ အမျိုးသမီးတစ်ဦး တိုင်ဘာမြစ်ထဲသို့ တံတားပေါ်မှ မြစ်ထဲသို့ ခုန်ချသွားသည်ကို တွေ့မြင်ခဲ့ရပြီးနောက် ချက်ချင်းဆိုသလိုပင် တံတားပေါ်မှဒိုင်ဗင်ထိုးကာ ကယ်တင်ခဲ့ခြင်းဖြစ်သည်။

အဆိုပါတိုင်ဘာဖြစ်မှာ သမိုင်းဝင်ရောမမြို့၏ မြို့လယ်ကောင်ကို ဖြတ်သန်းစီးဆင်းနေသာ မြစ်ဖြစ်ပြီး ရေမှာ အလွန်ညစ်ညမ်းနေသည်။

ခါလီဖာမှာ အဆိုပါအမျိုးသမီးကို လက်တစ်ဖက်ဖြင့်ကိုင်ထား၍ အခြားလက်တစ်ဖက်ဖြင့် ကမ်းခြေသို့ ကူးခတ်လာခဲ့သည်ကို လမ်းသွားလမ်းလာများက မှတ်တမ်းတင်ခဲ့သော ဗီဒီယိုတွင် တွေ့ရှိရသည်။ မြစ်ကမ်းနဖူးသို့ ရောက်သောအခါ ထိုအဖြစ်အပျက်ကို ကြည့်နေသော လူအုပ်စုကြီးက လက်ခုပ်တီးကာ သြဘာပေးခဲ့ကြပြီး bravo ဟုလည်း ဟစ်အော်ခဲ့ကြသည်။

“ဒီအမျိုးသမီး တံတားပေါ်က ပြုတ်ကျသွားတာကို ကျွန်တော်မြင်လိုက်ပါတယ်။ ကျွန်တော်က သူသေပြီလို့ထင်တာပါ။ ဒါပေမယ့် သူ့နားရောက်သွားတော့ မျက်လုံးက လှုပ်ရှားနေတာ ကျွန်တော်မြင်ရပါတယ်။ ကျွန်တော်လည်း သူ အသက်ရှင်နိုင်တယ်လို့ တွေးခဲ့ပါတယ်” ဟု ခါလီဖာက ထည့်သွင်းပြောကြားခဲ့သည်။

အီတလီအာဏာပိုင်များက အဆိုပါအမျိုးသမီးမှာ အသက် ၅၅ နှစ်အရွယ်ရှိ အစ္စရေးအမျိုးသမီးတစ်ဦဖြစ်ပြီး အချစ်နာကျ၍ မိမိကိုယ်ကို သေကြောင်းကြံစည်ခြင်းဖြစ်သည်ဟု ပြောကြားခဲ့သည်။

မြစ်ထဲမှ ခါလီဖာ ဆယ်တင်ပြီးနောက်ပိုင်း ထိုအမျိုးသမီးကို ဆေးရုံသို့ ပို့ဆောင် ကုသပေးခဲ့ပြီး ကောင်းမွန်သောအခြေအနေတွင် ရှိနေပြီဟု ရောမရဲတပ်ဖွဲ့မှ ပြောရေးဆိုခွင့်ရှိသူက ပြောကြားခဲ့သည်။

ခါလီဖာ၏ ထိုသို့ ကယ်တင်မှုအတွက် ဂုဏ်ပြုသည့်အနေဖြင့် အာဏာပိုင်များက ၎င်းအား အီတလီတွင် နေထိုင်ခွင့်နှင့် အလုပ်လုပ်ကိုင်ခွင့်ပါမစ်ကို ပေးအပ်ခဲ့သည်။ ရောမအုပ်ချုပ်ရေးမှူး အစ်ဂနာဇီယို မာရီနိုက မိမိအနေဖြင့် ရဲရင့်ပြီး လူသားဆန်သည့် လုပ်ရပ်အတွက် ခါလီဖာအား တွေ့ဆုံကာ ကျေးဇူးတင်ကြောင်း ပြောကြားခဲ့သည်ဟု ၎င်း၏ Facebook စာမျက်နှာတွင် ရေးသားခဲ့သည်။

ရောမရှိ ဂျူးအသိုင်းအ၀ိုင်းအကြီးအကဲ ရီကာဒို ပါစီဖီဆီကလည်း မိမိတို့မြို့မှ ဂျူးအသိုင်းအ၀ိုင်းအနေဖြင့် ခါလီဖာ၏ ရဲရင့်မှုအတွက် ကျေးဇူးတင်သည်ဟု ပြောကြားခဲ့သည်။

Ref: Onislam

ဧပြီ ၈၊ ၂၀၁၅
M-Media

– အီတလီစီးရီးအေကလပ် ဖီအိုရင်တီးနားအသင်း၏ တိုက်စစ်မှူး မိုဟာမက် ဆာလာဟ်မှာ ဖလော့ရင့်စ်ဒေသရှိ လီဝတ်ကျောင်းတော်များ ပြုပြင်နိုင်ရေးအတွက် ဖလော့ရင့်စ်မွတ်စလင်လူ့အဖွဲ့အစည်းအား ယူရို ၆၀၀၀၀ လှူဒါန်းခဲ့သည်ဟု သိရသည်။

အသင်း၏ ရုံးခန်းတွင် ပေးအပ်လှူဒါန်းခဲ့ခြင်းဖြစ်သည်ဟု Calico Mercato ၀ဘ်ဆိုက်က ဖော်ပြခဲ့ခြင်းဖြစ်ပြီး အဆိုပါ ငွေပမာဏကို ဒေသအတွင်းရှိ ဗလီဝတ်ကျောင်းတော်များနှင့် အစ္စလာမ့်စင်တာများ ဖွံ့ဖြိုးရေးအတွက် အသုံးပြုနိုင်မည်ဖြစ်သည်။

အီဂျစ်ကစားသမားဖြစ်သူ ဆာလာဟ်မှာ ပရီးမီးယားလိဂ်ကလပ် ချယ်ဆီးအသင်းမှ ဖီအိုရင်တီးနားသို့ ပြောင်းရွှေ့လာခဲ့ခြင်းဖြစ်ပြီး အသင်အတွက် ၁၂ ပွဲကစားပြီးချိန်တွင် ၉ ဂိုးသွင်းယူပေးထားကာ ၂ ဂိုး ဖန်တီးပေးနိုင်ခဲ့သည်။

ပြီးခဲ့သည့် ဖေဖော်ဝါရီက စတင်ရောက်ရှိလာသည့်အချိန်တွင် ဆာလာဟ်မှာ ဗလီဝတ်ကျောင်းတော် တည်ရှိရာနေရာကို ပထမဆုံး မေးမြန်းခဲ့သည်ဟု အစ္စလာမ့်လူ့အဖွဲ့အစည်းနှင့် အသင်းအဖွဲ့များ သမဂ္ဂ အကြီးအကဲက ပြောကြားခဲ့သည်။

ဆာလာဟ်မှ ဂိုးတစ်ကြိမ်သွင်းတိုင်း ဘုရားသခင်အား ကျေးဇူးတင်သည့်အနေဖြင့် စဂ်ျဒဟ်ဦးချမှုတစ်ကြိမ် ပြုလုပ်လေ့ရှိပြီး ဒေသတွင်းရှိ မွတ်စလင်လူ့အဖွဲ့အစည်းက ၎င်း၏လုပ်ရပ်အား ကြိုဆိုခဲ့ကာ မီဒီယာများက ဖြန့်ချီသည့် အကြမ်းဖက်ပုံရိပ်များမှ ဝေးကွာစေကာ အစ္စလာမ်၏ စစ်မှန်သော ပုံရိပ်ကို ကိုယ်စားပြုခြင်းဖြစ်သည်ဟု ပြောကြားခဲ့သည်။

အီတလီတွင် သစ်လွင်မွတ်စလင် ၂၀၀၀၀ အပါအ၀င် အစ္စလာမ်ကို သက်ဝင်ယုံကြည်သူအရေအတွက်မှာ ၁.၇ သန်း ရှိသည်ဟု အမျိုးသား စာရင်းအင်းအေဂျင်စီ Istat မှ ထုတ်ပြန်သော အချက်အလက်များအရ သိရသည်။

Ref: Onislam

ဖေဖော်ဝါရီ ၂၁၊ ၂၀၁၅
M-Media

– အီတလီပြည်သူများတွင် အစ္စလာမ်ကြောက်ရောဂါ မည်သည့်အတိုင်းအတာအထိ ရှိနေသည်ကို စမ်းသပ်သည့်အနေဖြင့် မီလန်ရှိ မွတ်စလင်တစ်ဦးမှာ ဗလီဝတ်ကျောင်းတော်မှ ရှေ့ဆောင်ဆရာတော်ပုံစံအတိုင်း ၀တ်ဆင်ကာ၊ ကုရ်အာန်ကျမ်းတော်မြတ်ကို ကိုင်၍ မီလန်မြို့ထဲ၌ လမ်းလျှောက်ခဲ့ပြီး တံဆိပ်ကပ်ခံရမှုများ ကြုံတွေ့ခံရသည်ဟု သိရသည်။

“လူကြားထဲက ဒီစမ်းသပ်မှုဟာ အစ္စလာမ်ဘာသာဝင်တွေ၊ ဒါမှမဟုတ် ရှေ့ဆောင်ဆရာတော်ပုံစံ ၀တ်ဆင်ထားတဲ့
သူတွေနဲ့ပတ်သက်လို့ မီလန်မြို့သားတွေရဲ့ သည်းခံနိုင်မှုကို စမ်းသပ်ခဲ့တာပါပဲ” ဟု အီဂျစ်ကျောင်းသားဖြစ်သူ ဟမ်ဒီ မာဟီဆန်က La Repulica သို့ ပြောကြားခဲ့သည်။

ထိုစမ်းသပ်မှု၏ အစိတ်အပိုင်းအဖြစ် အသက် ၃၀ အရွယ်ရှိသည့် မာဟီဆန်မှာ ဗလီဝတ်ကျောင်းတော်မှ ရှေ့ဆောင်ဆရာတော်များ ၀တ်သည့် အဖြူရောင်ဝတ်စုံနှင့် ဦးထုပ်ကိုဆောင်း၍ မီလန်မြို့အတွင်းတွင် ၅ နာရီကြာ လမ်းလျှောက်ခဲ့သည်။

၎င်းအား ပြည်သူများက စိုက်ကြည့်ခဲ့ကြကာ လမ်းသွားလမ်းလာများကလည်း မလိုမုန်းထားသော စကားများဖြင့် ပြောဆိုခဲ့ကြပြီး တာလီဘန်နှင့် IS အဖြစ် တံဆိပ်ကပ်ခံခဲ့ရသည်။

လျှို့ဝှက်ကင်မရာဖြင့် ပြည်သူများ၏ တုံ့ပြန်မှုများကို မှတ်တမ်းတင်ထားပြီး ပြည်သူတစ်ဦးက “သူက IS မဟုတ်လား” ဟုလည်းကောင်း၊ လျှပ်စစ်ရထားမှတ်တိုင်တွင် မာဟီဆန်ထိုင်နေစဉ် လူတစ်ဦးက “သူ့ကိုကြည့်စမ်း။ သူ့မှာ ကိုရန်ရှိနေတယ်။ သူ့အင်္ကျီအောက်မှာ သေနတ်ပါမယ်ထင်တယ်” ဟု ပြောဆိုခဲ့သည်။

သို့သော်လည်း လူငယ်များပါဝင်သည့်အုပ်စုတစ်ခုမှ လူငယ်တစ်ဦးကမူ “ဘော်ဒါတွေ။ မင်းတို့ ရှေ့ဆောင်ဆရာတော်တစ်ယောက်ကို မျက်စိမှားနေတာ” ဟု ပြောကြားခဲ့သည်။

ထိုကဲ့သို့သော စမ်းသပ်မှုကို ပဲရစ်ရှိ ဂျူးဂျာနယ်လစ် ဇာဗီကာ ကလင်က ယခုတစ်ပတ်အစောပိုင်းတွင် ပဲရစ်မြို့၌ ပြုလုပ်ခဲ့သည်။ ၎င်းမှာ အော်သိုဒေ့ါစ်ဂျူးများ ၀တ်ဆင်သည့် အနက်ရောင်ဝတ်ရုံရှည်နှင့် ဦးထုပ်ကိုဆောင်းကာ မျက်နှာကိုအုပ်၍ ပဲရစ်မြို့တစ်ဝှမ်း ၁၀ နာရီကြာ လမ်းလျှောက်ခဲ့ပြီး ၎င်းမှာလည်း စော်ကားမှုများကို ခံခဲ့ရသည်။

“တံတွေးအထွေးခံရတယ်။ အဆဲခံရတယ်၊ ခြိမ်းခြောက်ခံခဲ့ရပါတယ်” ဟု ကလင်က ၎င်း၏ Twitter စာမျက်နှာတွင် ရေးသားဖော်ပြခဲ့သည်။

အီတလီတွင် သစ်လွင်မွတ်စလင် ၂၀၀၀၀ အပါအ၀င် အစ္စလာမ်ဘာသာဝင် ၁.၇ သန်းရှိနေသည်ဟု နိုင်ငံတော် စာရင်းအင်းအေဂျင်စီ၏ ထုတ်ပြန်မှုတွင် ဖော်ပြထားသည်။ အိမ်နီးချင်း လစ်ဗျားနိုင်ငံတွင် IS အဖွဲ့က အီဂျစ်ခရစ်ယာန် ၂၁ ဦးကို သတ်ဖြတ်ခဲ့ပြီးနောက် အီတလီမှာ နိုင်ငံအတွင်း အကြမ်းဖက်မှုနှင့်ပတ်သက်၍ တပ်လှန့်ထားခဲ့သည်။

အီရတ်နှင့် ဆီးရီးယားတို့ရှိ စစ်ပွဲကို အခြေခံကာ IS အဖွဲ့ ပေါ်ပေါက်လာပြီး အကြမ်းဖက်လုပ်ရပ်များ လုပ်ဆောင်နေခြင်းကို ကမ္ဘာတစ်ဝှမ်းမှ အစ္စလာမ်ဘာသာရေးခေါင်းဆောင်များနှင့် မွတ်စလင်အဖွဲ့အစည်းများက ပြင်းပြင်းထန်ထန် ဆန့်ကျင် ရှုတ်ချခဲ့သော်လည်း အချို့နိုင်ငံများရှိ အဓိကမီဒီယာများက မဖော်ပြမှု၊ ဒေသခံ အစ္စလာမ်ဘာသာဝင်များမှာ IS အဖွဲ့ကို ဆန့်ကျင်သော ၎င်းတို့၏ ရပ်တည်ချက်များ၊ IS ၏ အယူအဆများ မွတ်စလင်လူငယ်များထံသို့ မကူးစက်စေရေး ကြိုးပမ်းမှုများကို မီဒီယာရှေ့မှောက်သို့ ထိရောက်စွာ မချပြနိုင်မှုတို့ကြောင့် အစ္စလာမ်ဘာသာဝင်များအပေါ် အထင်အမြင်လွဲမှုများ မြင့်တက်လျက်ရှိနေသည်။

Ref: onislam