News @ M-Media

Tag: IUMS

  • အီရတ်မှ ISIL အဖွဲ့၏ ဌာနေ ခရစ်ယာန်များအား နေရပ် စွန့်ခွာစေသည့် လုပ်ရပ် ကမ္ဘာ့ မွတ်စလင် ပညာရှင်အဖွဲ့ ပြင်းထန်စွာ ရှုံချ

    ဇူလိုင် ၂၃ ၊ ၂၀၁၄
    M-Media
    ScholarsCondemn-Iraq-Christians-Deportation
    – မူဆိုးလ်မြို့ကို သိမ်းပိုက်ထားသည့် ISIL ၏ ကြေညာချက်ကြောင့် ခရစ်ယာန်ဘာသာဝင်များ နေရပ်စွန့်ခွာရခြင်းအား ကမ္ဘာ့လုံးဆိုင်ရာ ထိပ်တန်း အစ္စလာမ့်သာသနာ့ပညာရှင်များ အဖွဲ့ဖြစ်သော နိုင်ငံတကာ မွတ်စလင်ပညာရှင်များအစည်းအရုံး IUMS က ပြင်းပြင်းထန်းထန် ရှုတ်ချခဲ့ပြီး ISIL ၏ ထိုလုပ်ရပ်မှာ ရှရီအာနှင့် အစ္စလာမ့်ရေသောက်မြစ်ဖြစ်သော တရားမျှတမှု၊ သည်းခံမှု စသည့် သွန်သင်ချက်များနှင့် ဆန့်ကျင်နေသည်ဟု ပြောကြားလိုက်သည်။

    “အီရတ်မှာရှိတဲ့ ကျွန်တော်တို့ရဲ့ ခရစ်ယာန်ညီနောင်တွေကို နေရပ်ကနေ အတင်းအဓမ္မ စွန့်ခွာခိုင်းတဲ့ ဒီလုပ်ရပ်ကို နိုင်ငံတကာ မွတ်စလင်ပညာရှင်များ အစည်းအရုံးက ရှုတ်ချပါတယ်။ ဒါဟာ အစ္စလာမ့်ဥပဒေ၊ အစ္စလာမ့်အရှိတရားနဲ့ သွေဖည်နေပြီး အစ္စလာမ်နဲ့ မွတ်စလင်တွေရဲ့ ပုံရိပ်ကို ညှိုးနွမ်းစေပါတယ်” ဟု အဆိုပါ အစည်းရုံးမှ ဇူလိုင် ၂၂ ရက်နေ့တွင် ထုတ်ပြန်ခဲ့သည့် ကြေညာချက်၌ ဖော်ပြထားသည်။

    ထို့ပြင် ISIL အနေဖြင့် ခရစ်ယာန်ညီအကိုများအား မူဆိုးလ်ရှိ ၎င်းတို့၏ နေအိမ်များသို့ ပြန်လည်သွားရောက် နေထိုင်ခွင့်ပြုရန်အတွက်လည်း အဆိုပါ ကြေညာချက်တွင် တိုက်တွန်းခဲ့သည်။

    ISIL အဖွဲ့မှာ ၎င်းတို့သိမ်းပိုက်ထားသည့် ဒေသများအား “အစ္စလာမ့်မစ်နိုင်ငံတော်” ထူထောင်သည်ဟု ကြေညာထားပြီး ခရစ်ယာန်များ အနေဖြင့်၊ အစ္စလာမ်သို့ပြောင်းလဲခြင်း သို့မဟုတ် ဂျစ်ဇယာ အခွန်ပေးဆောင်ခြင်းမပြုပါက အသတ်ခံရမည်ဟု ပြီးခဲ့သည့် စနေနေ့တွင် မူဆိုးလ်မြို့တစ်ဝှမ်း အသံချဲ့စက်များဖြင့် လိုက်လံကြေညာခဲ့သည်။

    အစ္စလာမ့်မစ်နိုင်ငံတော် အကြီးအကဲဟု ကြေညာထားသည့် အဘူ ဘာကာ အလ်-ဘဂ်ဒါဒီမှ ထုတ်ပြန်သော အဆိုပါ ကြေညာချက်တွင် ထိုကဲ့သို့ အခွန်ပေးဆောင်၍ နေထိုင်ခြင်းမပြုလိုပါက ခရစ်ယာန်ဘာသာဝင်များမှာ ၎င်းတို့ နယ်နမိတ်အတွင်းမှ ထွက်ခွာသွားရမည်ဟု ပါဝင်ခဲ့ပြီး၊ ထိုကြေညာချက်ထုတ်ပြန်ပြီးနောက်ပိုင်း ခရစ်ယာန်များမှာ ၎င်းတို့၏နေအိမ်များကို စွန့်ခွာခဲ့သည်။

    ခရစ်ယာန်များအား ၎င်းတို့၏ အမိမြေမှ အတင်းအဓမ္မ ထွက်ခွာသွားရအောင် ဆောင်ရွက်ခြင်းထက် IUMS နှင့်ပူးပေါင်းကာ ကမ္ဘာ့တစ်ဝှမ်းရှိ မွတ်စလင်များ အထူးသဖြင့် ပါလက်စတိုင်း၊ သိရိလင်္ကာ၊ အိန္ဒိယနှင့် ဗဟိုအာဖရိကရှိ မွတ်စလင်များ၏ အရေးကို ကမ္ဘာ့ကြီးက အာရုံစိုက်လာစေရေး ဆောင်ရွက်ရန် IUMS က တိုက်တွန်းခဲ့သည်။

    အီရတ်ရှိ မွတ်စလင်ပညာရှင်များအသင်း MSA ကလည်း ISIL ၏ အဆိုပါလုပ်ရပ်ကို ရှုတ်ချခဲ့ပြီး ခရစ်ယာန်များအား နေရပ် စွန့်ခွာအောင် ဆောင်ရွက်ခြင်းမှာ အပြစ်မဲ့များအပေါ် ကျူးလွန်ခြင်းသာဖြစ်သည်ဟု ပြောကြားခဲ့သည်။ ထိုရာဇသံကြောင့် ခရစ်ယာန်များ မူဆိုးလ်မြို့မှ ထွက်ခွာသွားခြင်းကြောင့် အစ္စလာမ်သမိုင်းတွင် ပထမဆုံးအကြိမ်ူခရစ်ယာန်မရှိသော မွတ်စလင် အုပ်ချုပ်သည့်မြို့ ဖြစ်လာ ခဲ့သည်ဟုလည် MSA က ထည့်သွင်း ပြောကြားခဲ့သည်။

    ထို့ပြင် အခြားသော အစ္စလာမ့် သာသနာ့ပညာရှင်များကလည်း ထိုလုပ်ရပ်ကို ရှုတ်ချခဲ့ပြီး အပြစ်မဲ့များအပေါ် တရားမဲ့ခြင်း၊ မွတ်စလင်မဟုတ်သူများအပေါ် ဆက်ဆံခဲ့သည့် တမန်တော်မြတ်မုဟမ္မဒ်သခင်နှင့် မွတ်စလင်သာသနာ့ပညာရှင်ကြီးများ၏ မျှတစွာပြုမှုဆက်ဆံပုံနှင့် သွေဖည်နေသည်ဟုလည်း ပြောကြားခဲ့သည်။

    “မည်သည့်အဖွဲ့စည်းမှ ထိုကဲ့သို့သော လုပ်ရပ်များကို ဆောက်ရွက်ခွင့်မရှိ” ဟု IUMS က ထည့်သွင်းဖော်ပြထားသည်။

    OnIslam

  • မူဆိုးလ် ပြဿနာအား ဆွေးနွေးဖြေရှာရန် အီရတ်အစိုးရကို နိုင်ငံတကာ မွတ်စလင်ပညာရှင်များ အသင်း တောင်းဆို

    ဇွန်လ ၁၃ ရက်၊ ၂၀၁၄
    M-Media
    Egyptian-born cleric Sheikh Yussef al-Qaradawi talks during a news conference in Algiers
    – အီရတ်၏ ဒုတိယအကြီးဆုံးမြို့ မူဆိုးလ် တွင် ဖြစ်ပွားနေသော တိုက်ခိုက်မှုများအား အမြန်ဆုံး အဆုံးသတ်ရန်နှင့် ထိုပြဿနာအတွက် အီရတ်အစိုးရက ဆွေးနွေးမှုများပြုလုပ်ရန် နိုင်ငံတကာ မွတ်စလင် ပညာရှင်များ အစည်းအရုံး IUMS က တိုက်တွန်းလိုက်သည်။

    “အီရတ်အစိုးဟာ ပဋိပက္ခမှာ ပါဝင်တဲ့ အဖွဲ့တွေနဲ့ ဆွေးနွေး အဖြေရှာပြီး ဒီတိုက်ခိုက်မှုတွေကို ရပ်တန့်အောင် လုပ်ဖို့ ကျွန်တော်တို့ အလိုရှိပါတယ်။ စစ်ရေးနည်းလမ်းတွေဟာ ပြဿနာတွေအတွက် အဖြေ မဟုတ်ဘူးဆိုတာ သမိုင်းက သက်သေပြခဲ့ပါပြီ” ဟု IUMS အကြီးအကဲ ယူစွဖ် အလ်-ကွာဒါရာဝီ နှင့် အထွေထွေအတွင်းရေးမှူး အလီ အလ်-ကွာရာဒါဂီတို့ လက်မှတ်ရေးထိုးထားသော ကြေညာချက်တွင် ရေးသားဖော်ပြထားသည်။ ထို့ပြင် ထိုတိုက်ခိုက်မှုများတွင် အရပ်သားများ မထိခိုက်စေရဟုလည်း ထည့်သွင်းဖော်ပြထားသည်။

    မူဆိုလ်းမျိုးအား ISIL စစ်သွေးကြွအဖွဲ့က သောကြာနေ့တွင် ၀င်ရောက်စီးနင်းခဲ့ပြီးနောက် အီရတ် လုံခြုံရေးတပ်ဖွဲ့ဝင်များနှင့် တိုက်ခိုက်မှုများ ဖြစ်ပွားနေပြီး လူသေဆုံးမှုများလည်း ရှိနေကာ ပြည်သူ ထောင်ပေါင်းများစွာမှာလည်း နေရပ်စွန့်ခွာ ထွက်ပြေးနေကြရသည်။

    အီရတ်ဝန်ကြီးချုပ် မာလီကီကမူ မူဆိုးလ်မြို့အား “အမြင့်ဆုံး သတိထားရမည့်နေရာ”အဖြစ်  အင်္ဂါနေ့က သတ်မှတ်ခဲ့ပြီး အရေးပေါ်အခြေအနေကြေညာရန် ပါလီမန်အား တိုက်တွန်းထားသည်။

    ISIL အဖွဲ့မှာ အီရတ်စစ်ပွဲ စတင်ဖြစ်ပွားသည့် အချိန်က ဖွဲ့စည်းခဲ့ခြင်းဖြစ်ပြီး အလ်ကိုင်းဒါအား ထောက်ခံသည်ဟု ၂၀၀၄ ခုနှစ်က ကြေညာခဲ့သည်။ သို့သော်လည်း အလ်ကိုင်းဒါးကမူ ၂၀၁၄ ခုနှစ် ဖေဖော်ဝါရီလတွင် ISILအဖွဲ့နှင့် အဆက်အသွယ်ဖြတ်ခဲ့သည်။ ISIL မှာ ယခုလက်ရှိ ဆီးရီးယား

    စစ်ပွဲတွင်လည်း ပါဝင်တိုက်ခိုက်နေသည်။

    Ref: Worldbulletin News

  • နိုင်ငံတကာ မွတ်စလင်မ် ပညာရှင်များ သမဂ္ဂ (IUMS) က ဘိုကိုဟရမ် အဖွဲ့ လုပ်ရပ်ကို ရှုံချဝေဖန်သည့် ကြေညာချက်ထုတ်

    မေ ၁၀ ၊ ၂၀၁၄
    M-Media

    နိုင်ငံတကာ မွတ်စလင်မ် ပညာရှင်များ သမဂ္ဂ (IUMS) က ဘိုကိုဟရမ်အဖွဲ့  ကျောင်းသူ ၂၀၀ ကျော်ကို ပြန်ပေးဆွဲခြင်းအား လုပ်ရပ် ရှုံချဝေဖန်သည့် ကြေညာချက်ထုတ်

    iums_logo

    နိုင်ဂျီးရီးယား ဘိုကိုဟရမ်အဖွဲ့မှ ကျောင်းသူငယ် ၂၀၀ ကျော်ကို ပြန်ပေးဆွဲခဲ့ပြီး အတင်းအဓမ္မ လက်ထပ်ပေးရန် အတွက် ရောင်းစားရန် ခြိမ်းခြောက်ခဲ့မှုနှင့် ပတ်သက်ပြီး နိုင်ငံတကာ မွတ်စလင်မ် ပညာရှင်များ သမဂ္ဂက (IUMS) က အောက်ပါ ထုတ်ပြန်ချက်ကို ထုတ်ပြန်လိုက်သည်။

    ရဂျဘ်လ ၉ ရက်၊ ဟိဂ်ျရီ ၁၄၃၅ ခုနှစ်
    မေလ ၈ ရက်၊ ၂၀၁၄

    နိုင်ငံတကာ မွတ်စလင်မ်ပညာရှင်များ သမဂ္ဂက ဘိုကိုဟရမ်အဖွဲ့၏ နိုင်ဂျီးရီယားတွင် မိန်းကလေးငယ် ၂၀၀ ကျော်ကို ပြန်ပေးဆွဲခြင်းနှင့် အတင်းအဓမ္မ လက်ထပ်ရန် ရောင်းစားခြင်းတို့ကို ရှုံ့ချသည်။ သမဂ္ဂက ၎င်းလုပ်ရပ်များကို အစ္စလာမ်သာသနာမှ မကျူးလွန်ရန် တားမြစ်ထားသော ရာဇဝတ်မှုများနှင့် တိုင်းပြည်အတွင်း ပျက်စီးရာ ပျက်စီးကြောင်းလုပ်ရပ်များအဖြစ်မှတ်ယူကာ မိန်းကလေးငယ်များကို ချက်ချင်းလွှတ်ပေးရန် တောင်းဆိုလိုက်သည်။

    အလ္လာဟ်အရှင်မြတ်၏ အမည်နာမတော်ဖြင့် အစပြုပါ၏။ ငြိမ်းချမ်းသာယာခြင်းနှင့် မင်္ဂလာအပေါင်းတို့ အလ္လာဟ်အရှင်မြတ်၏ တမန်တော်မြတ် အပေါ်သို့လည်းကောင်း၊ တမန်တော်မြတ်၏ အိမ်တော်သူ အိမ်တော်သားတို့ ထံသို့လည်းကောင်း၊ တပည့်သာဝကများထံသို့လည်းကောင်း၊ တမန်တော်မြတ်အား သစ္စာစောင့်သိသူတို့ထံသို့ လည်းကောင်း ကျရောက်တော်မူပါစေ။

    နိုင်ငံတကာ မွတ်စလင်မ်ပညာရှင်များ သမဂ္ဂမှ ဧပြီ ၁၄ရက်နေ့က နိုင်ဂျီးရီးယားတွင် ဘိုကိုဟရမ်အဖွဲ့မှ မိန်းကလေးငယ်များကို ပြန်ပေးဆွဲသွားခဲ့ပြီး ယနေ့အထိ မလွတ်ပေးသေးကြောင်း သတင်းကို အလွန်တရာမှ ဝမ်းနည်းစွာဖြင့် လက်ခံရရှိခဲ့ပါသည်။ အချို့သောမွတ်စလင်မ်များမှာ အစ္စလာမ်နှင့် လုံးဝဆန့်ကျင်သော ထိုလုပ်ရပ်များကို ကျူးလွန်နေသည်မှာ အမှန်တကယ်မှကို ဝမ်းနည်းစရာဖြစ်သည်။ အစ္စလာမ်သည် ဖန်ဆင်းခံသတ္တဝါအားလုံးအတွက် ကရုဏာတရားကို ဆောင်ယူလာသော ဘာသာ သာသနာဖြစ်ပြီး ထိုကဲ့သို့သော ရာဇဝတ်မှုများကို တားမြစ်ထားပါသည်။

    သမဂ္ဂက အစ္စလာမ်သည် ၎င်းလုပ်ရပ်များနှင့် လားလား မသက်ဆိုင်ဘဲ ဘိုကိုဟရမ်အဖွဲ့မှာ အစ္စလာမ်၏ သင်ကြားမှုများ၊ စည်းမျဉ်းစည်းကမ်းများနှင့် လုံးဝဆန့်ကျင်ဘက်ဖြစ်နေပါကြောင်း အလေးအနက်ပြောကြားပါသည်။ ထိုရာဇဝတ်မှုများမှာ အစ္စလာမ်၏ ပုံရိပ်စစ်ကို ပျက်စီးခြင်းသာလျှင်ဖြစ်စေပြီး မွတ်စလင်မ်များအပေါ် အမုန်းပွားမှုများကို တိုးပွားစေပါသည်။
    သမဂ္ဂမှ ၎င်းတုန်လှုပ်ဖွယ် ရာဇဝတ် မှုများကို ရှုံ့ချပြီး အောက်ပါ အချက်များကို ထုတ်ပြန်လိုက်ပါသည်။

    အစ္စလာမ်သည် လူသားအားလုံး အတွက် ကရုဏတရားကို ရှာဖွေဆောင်ယူလာသော ဘာသာတရားဖြစ်သည်။ အစ္စလာမ်သည် ယနေ့ ခေတ်ပေါ် အစဉ်အလာများနှင့် စည်းမျဉ်းစည်းကမ်းများ မတိုင်မှီ ကာလရှည်ကြာစွာကာပင် အမျိုးသမီးတို့၏ အခွင့်အရေးကို အလေးအနက်ထားခဲ့သည်။ ထို့ကြောင့် ကျောင်းသူလေးများကို ပြန်ပေးဆွဲခြင်းသည် အစ္စလာမ်က တားမြစ်ထားသော လုပ်ရပ်ဖြစ်ပြီး မကောင်းမှုပြစ်မှုကြီးများ အနက်တစ်ခုဖြစ်ကာ ဆိုးဝါးသော အပြစ်ဖြစ်သည်။ ထိုလုပ်ရပ်သည် ကမ္ဘာမြေပြင်ဝယ် ပျက်စီးရာ ပျက်စီးစေကြောင်းကို ပြန်နှံ့စေခြင်းဖြစ်ကာ အပြင်းထန်ဆုံး အပြစ်ပေးမှု ထိုက်သည်။ အလ္လာဟ်အရှင်မြတ်က မိန့်ကြားတော်မူသည်မှာ-

    “အကြင်သူတို့သည် အလ္လာဟ်အရှင်မြတ်နှင့် ထိုအရှင်မြတ်၏ ရစူလ်တမန်တော်မြတ်(၏အမိန့်တော်များ)ကို(သွေဖည်ငြင်းဆန်ပုန်ကန်) တိုက်ခိုက်ကြကုန်၏။ ၎င်းပြင်ကမ္ဘာမြေပြင်ဝယ် ပျက်စီးရာပျက်စီးကြောင်းကို ပြုလုပ်ကြကုန်၏။ ထိုသူတို့၏ အပြစ်ဒဏ်သည်ကား ၎င်းတို့သည် သတ်ဖြတ်ခြင်းခံကြရမည်၊ သို့မဟုတ် လက်ဝါးကပ်တိုင်တင်ခြင်း ခံကြရမည်၊ သို့မဟုတ် ၎င်းတို့၏ ခြေလက်တို့ကို လက်ျာလက်ဝဲဘက်လွှဲ၍ ဖြတ်တောက်ခြင်းခံကြရမည်၊ သို့မဟုတ် ပြည်နှင်ဒဏ်ပေးခြင်း ခံကြရမည်ဖြစ်၏။ ဤသည်ကား ၎င်းတို့အား မျက်မှောက်ဘ၀၌ ကျိုးယုတ်ရှက်ရဖြစ်စေခြင်းပင်ဖြစ်၏။ ၎င်းပြင်ထိုသူတို့၌ နောင်တမလွန်ဘ၀တွင်(လည်း) အလွန်ကြီးလေးသော ပြစ်ဒဏ်သည် ရှိပေမည်။”
    ( ကုရ်အာန်ကျမ်းတော်မြတ်၊ ကဏ္ဍ ၅၊ ပါဒတော် ၃၃)

    သို့ဖြစ်ပါ၍ သမဂ္ဂက ဘိုကိုဟရမ်အဖွဲ့ သို့မဟုတ် မည်သည့်အဖွဲ့မှ ဖြစ်စေ မိန်းကလေးငယ်များကို ပြန်ပေးဆွဲခြင်းကို ရှုံ့ချသည်။ လူသားထုတစ်ရပ်လုံးကို ဆန့်ကျင်ပြီး ကျူးလွန်သူများအဖို့ အပြင်းထန်ဆုံးသော အပြစ်ပေးမှု ထိုက်သော ခွင့်မလွှတ်နိုင်သည့် လုပ်ရပ်အဖြစ် ရှုံ့ချသည်။ သမဂ္ဂက မိန်းကလေးငယ်များကို ရောင်းစားခြင်း၊ သူမတို့၏ လွတ်လပ်ခွင့် အနိုင်ကျင့် အလွဲသုံးစားလုပ်ခြင်းနှင့် အတင်းအဓမ္မ လက်ထပ်ခိုင်းစေခြင်းတို့နှင့်ပတ်သက်ပြီး သတိပေးလိုက်သည်။ ထို့အပြင် မည်သူတစ်ဦး တစ်ယောက်မှ ဤဆိုးဝါးသော ချိုးဖောက်မှုဖြစ်သည့် မိန်းကလေးများအား ဝယ်ယူခြင်း၊ သူတို့၏ စိတ်ဆန္ဒနှင့်ဆန့်ကျင်ကာ လက်ထပ်ယူခြင်း သို့မဟုတ် သူတို့၏ လွတ်လပ်ခွင့်၊ ဂုဏ်သိက္ခာနှင့် ကာယအိနြေ္ဒကို ပျက်စီးစေသည့် စသည့် မည်သည့်အရာကို မဆို ပြုလုပ်ခြင်း မပိုင်ပေ။

    သမဂ္ဂမှ ဘိုကိုဟရမ်အဖွဲ့အား ၎င်းတို့၏ ဆင်ခြင်တုံ တရားဆီသို့ ပြန်လှည့်ရန်နှင့် ကုရ်အာန်(ကျမ်းတော်မြတ်)နှင့် စွန္နာဟ် (တမန်တော်မြတ်၏ ကျင့်သုံးနေထိုင်မှု)ပေါ်တွင် အခြေခံသော မှန်ကန်သော ရှရီအာဟ် (အစ္စလာမ့်ဥပဒေ) အား ကိုးကားရန် တောင်းဆိုလိုက်သည်။ မိန်းကလေးငယ်များကို အမြန်ဆုံး ပြန်လွှတ်ပေးရန်နှင့် ကုရ်အာန်နှင့် စွန္နာဟ်တွင် ပါရှိသည် စစ်မှန်တိကျသော ရှရီအာဟ် လမ်းစဉ်၏ သွန်သင်ချက်အတိုင်း မည်သည့် ပဋိပက္ခများ သို့မဟုတ် နိုင်ငံရေး အငြင်းပွားမှုများတွင် မပါဝင်သည့် အရပ်သားများ၊ အထူးသဖြင့် မိန်းကလေးငယ်များနှင့် အမျိုးသမီးများကို စောင့်ရှောက်ရန် လည်း တောင်းဆိုပါသည်။

    သမဂ္ဂမှ ရှရီအာဟ်၊ တရားဥပဒေ၊ သဘောတူညီချက် စာချုပ်များ၊ ယဉ်ကျေးမှု ထုံးတမ်းစဉ်လာများ၊ ကိုယ့်ကျင့်တရားပိုင်းနှင့် ကျင့်ဝတ်များနှင့် ဆန့်ကျင်သော ၎င်းလုပ်ရပ်များကို အစ္စလာမ်က လုံးဝ ဆန့်ကျင်ကြောင်း အလေးအနက် ပြောကြားပါသည်။

    သမဂ္ဂက မိန်းကလေးငယ်များ သူတို့မိသားစုများထံသို့ လုံခြုံဘေးကင်းစွာ ပြန်လည် ရောက်ရှိလာစေရေးအတွက် ရှာဖွေလုပ်ငန်းများကို အားမြှင့်ရန် ဂရုတစိုက်နှင့် အစွမ်းကုန် အလုပ်လုပ်ရန် နိုင်ဂျီးရီးယား အာဏာပိုင်များကို တောင်းဆိုပါသည်။ သမဂ္ဂက အာဏာပိုင်များအား နိုင်ဂျီးရီးယားတစ်နိုင်ငံလုံး လုံခြုံမှု ပြန်လည်ရရှိရန် ဥာဏ်နှင့် တရားမျှတမှု ယှဉ်ကပ်ပြီး လုပ်ဆောင်ရန် တောင်းဆိုပါသည်။

    သမဂ္ဂက (အခြေအနေတစ်ခုကို အတူတူ ရင်ဆိုင်နေရစဉ်) ခရစ်ယာန်များကို နိုင်ဂျီးယားအတွင်း မွတ်စလင်မ်တို့၏ ခံစားချက်များကို မကောင်းသည့်ပုံစံဖြင့် မထိုးဆွရန်နှင့် ဝါဒဖြန့်ချီရေးပုံစံအဖြစ် အသုံးချခြင်းကို ရှောင်ရန် ဆော်သြလိုက်သည်။ လူသားချင်း ညီအစ်ကိုရင်းဝါဒကို မြှင့်တင် လှုံ့ဆော်ရန်နှင့် နိုင်ဂျီးရီးယားနိုင်ငံသားများအားလုံးအတွက် ယုံကြည်သက်ဝင်ရာ ဘာသာတရား မခွဲခြားဘဲ တူညီမျှတသော အခွင့်အရေးပေးရန် လည်း ဆော်သြပါသည်။

    သမဂ္ဂက နိုင်ဂျီးရီးယားတွင် ပဋိပက္ခဖြစ်ပွားနေသော အဖွဲ့များ အုပ်စုများအကြား ပဋိပက္ခများကို ရပ်တန့်စေပြီး တိုင်းပြည်ဖွံ့ဖြိုးတိုးတက်မှုကို အရှိန်မြှင့်နိုင်ရန်အတွက် လုံလောက်သော အဖြေများ ရှာနိုင်ရန် အငြင်းပွားမှုများကို နက်နက်ရှိုင်းရှိုင်း လေ့လာရန်နှင့် နောက်ကြောင်းပြန်ခြင်းနှင့် ဖျက်စီးမှုများ မလုပ်ဆောင်ရန် တိုက်တွန်းပါသည်။

    “ဧကန်စင်စစ် ‘မုအ်မင်န်’သက်ဝင်ယုံကြည်သော သူတို့တွင် မဖွယ်မရာ ညစ်ညမ်းသောစကား ပျံ့ပွားခြင်းကိုနှစ်သက်လိုလားသောသူတို့၌ (ဤ) မျက်မှောက်လောကီဘ၀တွင် လည်းကောင်း၊ တမလွန်ဘ၀တွင်လည်းကောင်း၊ ပြင်းပြနာကျင် ဖွယ်ပြစ်ဒဏ်သည်ရှိပေမည်။ စင်စစ် အလ္လာဟ်အရှင်မြတ် သည် သိရှိတော်မူ၏။ အသင်တို့မူကား မသိနားမလည်ကြချေ။”
    (ကုရ်အာန်ကျမ်းတော်မြတ်၊ ကဏ္ဍ ၂၄၊ ပါဒတော် ၁၉)

    အထွေထွေ အတွင်းရေမှူး
    ပါမောက္ခ ဒေါက်တာ အလီ အလ် ကရ်ရာ ဒာဂီ

    ဥက္ကဌ
    ပါမောက္ခ ဒေါက်တာ ယူစွဖ် အလ် ကဒွာဝီ

    Ref: iumsonline.org & OnIslam

  • နိုင်ငံတကာ မွတ်စ်လင်မ် ပညာရှင်များ သမဂ္ဂ မှ ဆိုမားလီးယား၊ ဖိလစ်ပိုင် ဒုက္ခသည်များနှင့် ဝမ်းနည်းကြောင်း သဝဏ်လွှာပို့ ၊ အကူအညီပေးရန် လုပ်ဆောင်နေ

    နိုဝင်ဘာ- ၁၈ ၂၀၁၃
    M-Media

    typhoon-6

    ကိုင်ရို(CAIRO)။    ။ နိုင်ငံတကာ ထိပ်တန်း မွတ်စ်လင်မ် အဖွဲ့အစည်းတစ်ရပ်သည် ဆိုမားလီးယား(Somalia) နှင့် ဖိလစ်ပိုင်(Philippines) နှစ်နိုင်ငံအတွင်း တိုက်ခတ်သွားသော တိုင်ဖုန်း မုန်တိုင်း နှင့် ဆိုင်ကလုံး မုန်တိုင်းများကြောင့် ဒုက္ခခံစားခဲ့ရသူများနှင့် ထပ်တူထပ်မျှ ၀မ်းနည်းရပါကြောင်း သ၀ဏ်လွှာများကို ပေးပိုခဲ့ပြီး၊ ၄င်းတို့အတွက် လူမှုကယ်ဆယ်ရေး ၀န်ဆောင်မှုများကို စီစဉ်နေသည် ဟုသိရသည်။

    “ နိုင်ငံတကာ မွတ်စ်လင်မ် ပညာရှင်များ သမဂ္ဂ – International Union for Muslim Scholars (IUMS) ဟာ တိုင်ဖုန်း မုန်တိုင်းတိုက်ခတ်မှု နဲ့ ရေလွှမ်းမိုးမှုများကို ကြုံတွေ့ခဲ့ရတဲ့ ဖိလစ်ပိုင် နဲ့ ဆိုမားလီးယား က ဒုက္ခသည်များကို  ကိုယ်ချင်းစာနာပါကြောင်း၊ ထပ်တူထပ်မျှ ၀မ်းနည်းကြေကွဲရပါကြောင်း ပြောကြားခဲ့ပြီး၊ အလ္လာဟ်အရှင်မြတ်ထံသို့လည်း လက်ရှိဖြစ်ပေါ်နေသော ကြေကွဲခြင်းများ နဲ့ နာကျင်ခြင်းများကို ရုပ်သိမ်းပေးပါရန် ဆုပန်ခဲ့ပါတယ်။ သမဂ္ဂအဖွဲ့အနေနဲ့ ကမ္ဘာတ၀ှန်းရှိ လူမှုကယ်ဆယ်ရေးအဖွဲ့များ အထူးသဖြင့် အစ္စလာမ်အဖွဲ့များကိုလည်း အကြောင်းကြားခဲ့ပါတယ်။ အစ္စလာမ်ဟာ လူသားတို့အပေါ် အလေးထားတဲ့သာသနာဖြစ်လို့ သောကဝေနေသူများထံ ကယ်ဆယ်ရေး လုပ်ငန်းများကို မဆိုင်းမတွလုပ်ဆောင်ပေးပို့ရေးအတွက် နှိုးဆော်ခဲ့ပါတယ် ” ဟု IUMS ၏ ပြောကြားချက်ကို နိုဝင်ဘာလ ၁၂ ရက် အင်္ဂါနေ့ က OnIslam.net မှ တင်ပြခဲ့သည်။

    ပြီးခဲ့သည့်သောကြာနေ့က ဖိလစ်ပိုင်သို့တိုက်ခဲ့သော တိုက်ဖုန်းမုန်တိုင်းကြောင့်  ပြည်နယ် ၄၁ ခုရှိ လူ ၂ သန်းနီးပါး ဘေးအန္တရာယ်တွေ့ခဲ့ရပြီး၊ အိမ်ခြေ ၂၃,၀၀၀ နီးပါး ပျက်စီးခဲ့သည်။ ထိုသို့သတင်းဝင်ရောက်လာပြီးနောက်တွင် အဖွဲ့အစည်းသည် ယခုကဲ့သို့ ကယ်ဆယ်မှုများကို အလျင်အမြန်လုပ်ဆောင်ပေးရန်နှိုးဆော်ခဲ့ခြင်းဖြစ်သည်။

    ကျယ်ပြန့်သောကမ်းရိုးတန်းဒေသတစ်လျှောက်တွင် အကျိုးအပဲ့အပျက်အဆီးများဖြင့်ပုံနေပြီး၊ လမ်းများသည် ပိတ်ဆို့နေကာ ပျက်ဆီးမှုများအောက်တွင် လူသေအလောင်းများ ပိနေခဲ့သည်။ သင်္ဘောများသည် ကုန်းပေါ်တွင်သောင်တင်နေပြီး၊ ကားများ နှင့် ထရပ်ကားများသည် ပင်လယ်ထဲတွင် မျောပါနေခဲ့သည်။ တံတားများ နှင့် ဆိပ်ကမ်းများသည်လည်း ရေများတိုက်ခတ်ခံရ၍ ကျိုးပဲ့နေခဲ့သည်။

    အရာရှိနှစ်ဦးက သောကြာနေ့တွင် တိုက်ခတ်ခဲ့သော တိုက်ဖုန်းမုန်တိုင်းကြောင့် လူအယောက် ၁၀,၀၀၀ ကျော်ထိ အသက်ဆုံးရှုံးနိုင်မည်ဟု တနင်္ဂနွေနေ့က ကျေညာခဲ့သည်။ သို့သော်လည်း တဖြည်းဖြည်းရှင်းလင်းမှုများ အပြီးတွင် သေဆုံးသူဦးရေမှာ ကြေညာခဲ့သော ပမာဏထက် နည်းပါးမည်ဖြစ်ကြောင်း သိရသည်။

    ဖိလစ်ပိုင်တွင် ‘အကြီးစား တိုင်ဖုန်း(super typhoon)’ တိုက်ခတ်ခဲ့သလို ဆိုမားလီးယားအရှေ့မြောက်ဘက် ပန့်တ်လန်းဒ်(Puntland) ထံသို့ ဆိုင်ကလုံး မုန်တိုင်း ၀င်ရောက်လာခဲ့ပြီး လူအယောက် ၁၀၀ အား သေဆုံးစေခဲ့သည်။
    ကိုယ်ပိုင်အုပ်ချုပ်ခွင့်တွဲဖက်ရရှိထားသော ဒေသ၏သမ္မတ အဗ်ဒီရဟ်မာန် ဖာရိုလ် (Abdirahman Farole) က အိမ်မွေးတိရစ္ဆာန်များ ထောင်ချီသေဆုံးပြီး၊ အိမ်ခြေရာကျော် ပျက်စီးခဲ့သည် ဟု ဆိုသည်။

    03A ဟု လူသိများသော အပူပိုင်းဒေသတွင်ဖြစ်ပွားလေ့ရှိသည့်ဆိုင်ကလုံးမုန်တိုင်းသည် အရှေ့ကမ်းရိုးတန်းတစ်လျှောက်ရှိ အိုင်လ်(Eyl)၊ ဘေလ(Beyla)၊ ဒန်ဂိုရာယို(Dangorayo) နှင့် ဟာဖန်(Hafun) ဒေသများသို့ တိုက်ခတ်ကာ အာဖရိကအငူ Horn of Africa ၏ ထိပ်စွန်းပိုင်း အလူလာ(Alula)ထိ ဖြတ်သန်းသွားခဲ့သည်။

    ဖိလစ်ပိုင်နိုင်ငံမှ အပျက်အစီးနှင့်မျှော်လင့်ချက်မဲ့နေမှုပုံရိပ်များကို မြင်တွေ့ရသော Islamic Relief အစ္စလာမ်ကယ်ဆယ်ရေး အဖွဲ့သည် အရင်ပတ် သောကြာနေ့က တိုက်ဖုန်းတိုက်ခတ်သွားသောဒေသများသို့ အရေးပေါ်လှူဒါန်းမှုများပြုလုပ်ရန် လှုံ့ဆော်တိုက်တွန်းမှုများ ပြုလုပ်ခဲ့သည်။

    အမေရိကန် ဇကာ့သ် ဖောင်ဒေးရှင်းအသင်း(Zakat Foundation of America) နှင့် အမေရိကန် တွဲလက်များကယ်ဆယ်ရေး (Helping Hand USA)အဖွဲ့များအပါအ၀င် ထိပ်တန်းအမေရိကန်ကယ်ဆယ်ရေးအဖွဲ့များမှ ကူညီပံ့ပိုးရန်အတွက် ချက်ခြင်းတောင်းဆိုပန်ကြားခဲ့ကြသည်။

    Ref: OnIslam

    Photo-AFP

  • အကြမ်းဖက်မှုများ၊ ရန်မူတိုက်ခိုက်ခြင်းများနှင့် ပတ်သက်၍ အစ္စလာမ့် ရပ်တည်ချက် (Dr ယူစွဖ်အလ်ကဒွာဝီ)

    အကြမ်းဖက်မှုများ၊ ရန်မူတိုက်ခိုက်ခြင်းများနှင့် ပတ်သက်၍ အစ္စလာမ့် ရပ်တည်ချက် (Dr ယူစွဖ်အလ်ကဒွာဝီ)

    မေ-၂၃၊၂၀၁၃
    M-Media

    Woolwich တိုက်ခိုက်မှုနှင့်ပတ်သက်၍ အပြည်ပြည်ဆိုင်ရာ မွတ်စလင်ပညာရှင်များ သမဂ္ဂ(IUMS)၏ ဥက္ကဌ ကမ္ဘာကျော် အစ္စလာမ့် ဓမ္မသတ်ပညာရှင်ကြီး ဒေါက်တာ ယူစွဖ်အလ် ကဒွာဝီ ၏ ဓမ္မသတ် ဆုံးဖြတ်ချက်

    Qaradawi
    ကမ္ဘာကျော် အစ္စလာမ့် ဓမ္မသတ်ပညာရှင်ကြီး ဒေါက်တာ ယူစွဖ်အလ် ကဒွာဝီ

    အကြမ်းဖက်မှုများ၊ ရန်မူတိုက်ခိုက်ခြင်းများနှင့် ပတ်သက်၍ အစ္စလာမ့် ရပ်တည်ချက်

    သံသယဝင်စရာ အကြောင်းကို မရှိပါဘူး။ အပြစ်မဲ့သူတွေကို ရန်မူခြင်းဟာ အလိုဆိုးဝါးတဲ့ အပြစ်ဖြစ်ပြီး စက်ဆုတ် ရွံရှာဖွယ် ဒုစရိုက်မှုပါပဲ။ ကျူးလွန်ခံရသူတွေဟာ မည်သည့် ဘာသာဝင်ဖြစ်ပါစေ၊ မည်သည့်နိုင်ငံသားဖြစ်ပါစေ၊ ဒါမှမဟုတ် မည်သည့် လူမျိုးတွေပဲ ဖြစ်နေပါစေ။ မည်သူ့ကိုမှ ဒီလိုပြစ်မှုကျူးလွန်ဖို့ ခွင့်မပြုထားပါဘူး။ အမြင့်မြတ်ဆုံးဖြစ်တော်မူသော အလ္လာဟ်ရှင်မြတ်က ဒီရန်မူတိုက်ခိုက်ခြင်းတွေကို မုန်းတီးတော်မူပါတယ်။ ဂျူးဝါဒမှာလိုမျိုး လူအခွင့်အရေးများကို ကာကွယ်ဖို့အတွက် စံနှုန်းနှစ်ခွ ပေါ်လစီမျိုး အစ္စလာမ်က စွဲကိုင် မထားပါဘူး။
    ဆက်လက်ပြီး ကျွန်တော့်အနေနဲ့ ကုရ်အာန်ကျမ်းတော်မြတ်နဲ့ မုဟမ္မဒ်သခင်ရဲ့ ကျင့်သုံးပြသမှုတွေကို အခြေခံတဲ့ သင့်လျော်တဲ့ အစ္စလာမ့် သင်ကြားမှုများကို အဓိကထား ပြောသွားပါမယ်။

    (၁) အစ္စလာမ်သည် အပြစ်မဲ့သူများအား ရန်မူတိုက်ခိုက်ခြင်းကို တားမြစ်သည်။

    အစ္စလာမ်ဟာ အပြစ်မဲ့သူများကို ရန်မူတိုက်ခိုက်ခြင်းကို ခွင့်မပြုပါ။ အပြစ်မဲ့သူတို့ရဲ့ အသက်ကိုဖြစ်စေ ပိုင်ဆိုင်မှု ဥစ္စာပစ္စည်း သို့မဟုတ် ဂုဏ်သိက္ခာကိုပင် ဖြစ်စေ ရန်မူခြင်းကို လုံးဝခွင့်မပြုပါ။ ဒီစည်းကမ်းဟာ ရာထူး၊ အဆင့်အတန်းနဲ့ သြဇာကျော်ဇော်ခြင်းအပေါ်တွင် မမူတည်ပဲ လူတိုင်းအပေါ်မှာ သက်ရောက်ပါတယ်။ အစ္စလာမ်မှာ နိုင်ငံအုပ်ချုပ်ရေး နယ်ပယ်တွင်ပင် သတ်မှတ်ထားသော သွန်သင်ချက်များရှိရာ နိုင်ငံအုပ်ချုပ်သူ သို့မဟုတ် သမ္မတသည်ပင်လျှင် ပြည်သူတို့၏ အခွင့်အရေးများ၊ ဘဝနှင့် အသက်များ၊ ဂုဏ်သိက္ခာနှင့် ပိုင်ဆိုင်မှုစသည်တို့ကို မတရားလွန်ကျူးခွင့် မရှိပေ။

    နောက်ဆုံးဟဂ်ျဘုရားဖူးတွင် တမန်တော်မြတ် (ကိုယ့်တော့်အပေါ်သို့ ငြိမ်းချမ်းမှုကျရောက်ပါစေ) မှ တရားစီရင်ဆုံးဖြတ်တော်မူမည့် နောက်ဆုံးနေ့တော်ကြီးတိုင်အောင် လူသားတို့၏ အသက်၊ အိုးအိမ်စည်းစိမ်နှင့် ဂုဏ်သိက္ခာတို့ကို အန္တရာယ် မပြုရန် စည်းကမ်းကို ကြေငြာတော်မူခဲ့တယ်။ ဒီစည်းကမ်းဟာ မွတ်စလင်တွေအတွက်ပဲ သီးသန့် ကန့်သတ်ထားတာ မဟုတ်ဘူး။ မွတ်စလင်တွေကို ရန်ပြုတိုက်ခိုက်ခြင်း မရှိတဲ့ မွတ်စလင်မဟုတ်သူများအတွက်လည်းပဲ အကြုံးဝင်ပါတယ်။ စစ်ပွဲအတွင်းမှာတောင် အစ္စလာမ်က စစ်တိုက်ခိုက်မှုထဲမှာ မပါတဲ့ အမျိုးသမီးများ၊ ကလေးငယ်များ၊ သက်ကြီးရွယ်အိုများနှင့် ဝတ်ပြုကိုးကွယ်မှုတွေအတွက်သာသီးသန့် မိမိတို့ဘဝတွေကို နှစ်မြုပ်ထားတဲ့ ဘာသာခြား ရဟန်း ဘုန်းတော်ကြီးတွေလိုမျိုး သူတွေကို တိုက်ခိုက်သတ်ဖြတ်တာမျိုး လုံးဝခွင့်မပြုပါဘူး။

    ဒီသွန်သင်ချက်ဟာ အံ့သြစရာမကောင်းပါဘူး။ ဘာဖြစ်လို့လဲဆိုတော့ အစ္စလာမ်ဟာ တိရိစ္ဆာန်တွေကို ရန်ပြုခြင်းမျိုးကိုတောင် တားမြစ်ထားတဲ့ ဘာသာတရားဖြစ်လို့ပါပဲ။ တမန်တော်မြတ်ရဲ့ တပည့်သာဝကကြီး တစ်ဦးဖြစ်သူ အစ်ဗနေ့ အုမရ်(အရှင်မြတ်မှ ကျေနပ်တော်မူပါစေ)က တမန်တော်မြတ်(ကိုယ့်တော့်အပေါ်သို့ ငြိမ်းချမ်းမှုကျရောက်ပါစေ)ရဲ့ ဆုံးမစကားကို အခုလိုဆင့်ပြန်ခဲ့ပါတယ်။

    “အမျိုးသမီးတစ်ဦးဟာ ကြောင်လေးတစ်ကောင်ကို အစာလည်းမကြွေး သူ့ဖာသာ အစာရှာစားလို့ရအောင်လည်း လွှတ်မပေးဘဲ ဖမ်းချည်ထားတာကြောင့် ငရဲလားခဲ့ရတယ်” ( တမန်တော်မြတ် သြဝါဒတော် ဗုခါရီကျမ်း)

    တိရိစ္ဆာန်တွေကို ညှင်းပန်းခြင်းနှင့်ပတ်သက်လို့ အစ္စလာမ့်စည်းမျဉ်းက ဒါမျိုးဖြစ်သောကြောင့် ရန်ပြုခြင်း၊ နှိပ်စက်ညှင်းပန်းခြင်းနှင့် အကြမ်းဖက်ခြင်း ခံရသူဟာ လူသားဖြစ်ခဲ့မယ်ဆိုရင် အပြစ်ဒဏ်က ပိုပြီးပြင်းထန်မယ်ဆိုတာ ဆင်ခြင်သိနိုင်ပါတယ်။

    (၂) တစ်ဦးချင်းစီ၏ တာဝန်

    အစ္စလာမ်မှာ လူတိုင်းဟာ သူရဲ့ ကိုယ်ပိုင် ပြုမူဆောင်ရွက်ချက်တွေအတွက်ပဲ တာဝန်ရှိပါတယ်။ အခြားသူရဲ့ ဆောင်ရွက်ချက်ဟာ သူအပေါ်တာဝန်မရှိပါဘူး။ ဘယ်သူမှ အခြားသူတွေရဲ့ အမှားတွေကြောင့်ဖြစ်ပေါ်တဲ့ နောက်ဆက်တွဲအကျိုးဆက်တွေကို ခံစရာမလိုပါဘူး။ အဲ့ဒီသူတွေဟာ သူရဲ့ ဆွေမျိုးရင်းချာကြီးတွေဖြစ်နေစေကာမူ မဆိုင်ပါဘူး။ ဒါဟာ ကျမ်းတော်မြတ် ကုရ်အာန်မှာ ရှင်းရှင်းလင်းလင်း ပြဆိုထားတဲ့ တရားမျှတမှုရဲ့ ပကတိပုံစံပါပဲ။ အလ္လာဟ်အရှင်မြတ်က မိန့်တော်မူထားသည်မှာ-

    (၎င်းသည် ‘မူစာ’၏ ကျမ်းများ၌ လာရှိသည်ကိုလည်းကောင်း၊(အမိန့်တော်များကို) ကျေပွန်စွာဆောင်ရွက်ခဲ့သော ‘အီဗ်ရာဟီမ်’၏ကျမ်းတော်များ၌ လာရှိသည်ကိုလည်းကောင်း၊ သတင်းပေးခြင်း မခံခဲ့ရလေသလော။ ဧကန်စင်စစ် မည်သည့်သယ်ပိုးသူ တစ်ဦး တစ်ယောက်မျှပင် သူတစ်ပါး၏၀န်ထုပ်ကို သယ်ပိုး ရွက်ဆောင်မည် မဟုတ်ဟူ၍လည်းကောင်း။) ( ကြယ်တာရာများကဏ္ဍ ၅၃၊ ပါဒတော် ၃၆-၃၈)

    ဒါကြောင့် အချို့ အမည်ခံမွတ်စလင်တွေကို မြင်ရတာ စိတ်ပျက်စရာ အလွန်ကောင်းလှပါတယ်။ သူတို့တွေက နိုင်ငံအာဏာပိုင်တွေနဲ့ ရှိတဲ့ သူတို့ရဲ့ မကြေလည်မှုတွေအတွက် အပြစ်မဲ့သူတွေကို ဓါးစာခံအဖြစ်လုပ်တာ၊ ရန်မူတိုက်ခိုက်တာတွေကို ကျူးလွန်နေကြတယ်!! အဲ့ဒီနောက် သာမန်သူတွေရဲ့ ပြစ်မှုတွေကရော?! လူသတ်ခြင်းဟာ အစ္စလာမ်က လုံးဝကို တားမြစ်ထားတဲ့ စက်စုပ်ရွံရှာဖွယ် ပြစ်မှုကြီးတွေထဲက တစ်ခုပါပဲ။ ဘယ်လောက်အတိုင်းအတာအထိ အပြစ်ကြီးလည်းဆိုလျှင် အချို့ မွတ်စလင်ပညာရှင်တွေက လူသတ်သမားရဲ့ ဝန်ချတောင်းပန်မှုကို အလ္လာဟ်အရှင်မြတ်က လက်ခံလိမ့်မှ မဟုတ်ဘူးလို့ကို လက်ခံထားကြပါတယ်။ ဒီကိစ္စရပ်နဲ့ပတ်သက်ပြီး ကျွန်တော်တို့ ကျမ်းတော်မြတ်ကုရ်အာန်ရဲ့ သွန်သင်ချက်ပါဒတော်ကို ကြည့်ကြရအောင်

    (မည်သူမဆို အကြင်သူတစ်ဦးတစ်ယောက်အား အသက်တစ်ချောင်း၏ အစားလည်းမဟုတ်ဘဲ၊တိုင်းပြည်၌ ဆူပူသောင်းကျန်း (မှုကို ပြုလုပ်)ခြင်းကြောင့်လည်း မဟုတ်ဘဲ (မတရားသက်သက်) သတ်ဖြတ်ခဲ့ပါလျှင်၊ ထိုသူသည်လူခပ်သိမ်းတို့ကို သတ်ဖြတ်ဘိသကဲ့သို့ပင်ဖြစ်၏။) (ခဲဘွယ်ဘောဇဉ် ကဏ္ဍ ၅၊ ပါဒတော် ၃၂)

    (၃) အဆုံးသတ်ရလဒ်များသည် နည်းလမ်းများကို ဖြောင့်မှန် မသွားစေနိုင်ပါ။

    အစ္စလာမ်မှာ အဆုံးသတ်ရလဒ်များသည် နည်းလမ်းများကို ဖြောင့်မှန်သွားစေသည်ဆိုတဲ့ အယူအဆအတွက် နေရာလုံးဝကို မရှိပါဘူး။ မကောင်းတဲ့ နည်းလမ်းတွေနဲ့ ရည်ရွယ်ချက်ကောင်းတွေ အောင်မြင်အောင်လုပ်တာမျိုးကို ခွင့်မပြုထားပါဘူး။ ဒါကြောင့်လည်း မတရားတဲ့ နည်းတွေနဲ့ ကောက်ယူထားတဲ့ အလှူတွေဟာ ဟလာလ် မဟုတ်ပါဘူး(တရားတော်နဲ့မညီပါဘူး)။ ဒါနဲ့ပတ်သက်ပြီးတော့ တမန်တော်မြတ်က မိန့်ကြားတော်မူခဲ့သည်မှာ “မုချ အလ္လာဟ်အရှင်မြတ်သည် ကောင်းမြတ်တော် မူပြီး ကောင်းမြတ်ခြင်းမှ လွဲ၍ ဘယ်သောအခါမှ လက်ခံတော်မမူပေ” ။

    ဒါကြောင့် အစ္စလာမ့် ရှရီအဟ်တရားတော်နဲ့ တရားတော်၏ ရင်းမြစ်များဖြစ်ကြတဲ့ ကုရ်အာန်ကျမ်းတော်မြတ်၊ မုဟမ္မဒ်သခင်၏ သွန်သင်ကျင့်သုံးပြမှုနှင့် မွတ်စလင်ဥပဒေ ပညာရှင်များ အားလုံး၏ တညီတညွတ်တည်း သဘော တူညီမှုများတွင် အပြစ်မဲ့သူများအား ရန်မူ တိုက်ခိုက်ခြင်းနှင့် လူအခွင့်အရေး ချိုးဖောက်ခြင်းများကို လုံးဝ တားမြစ်ထားပါတယ်။

    ဒါ့အပြင် တွေဝေရှုပ်ထွေးနေသော လူအများအား ဖြောင့်မတ်မှန်ကန်လာရန်နှင့် လမ်းမှန်ကို လမ်းညွှန်ရန်မှာ မွတ်စလင်ပညာရှင်များ အဆုံးစွန်ဆုံး ဆောင်ရွက်ရမည့် တာဝန် ဝတ္တရားဖြစ်ပါတယ်။

    Ref: “Woolwich Attack: Justified in Islam?” from OnIslam.net/english/ask-the-scholar/international-relations-and-jihad