News @ M-Media

Tag: Jesus in Islam

  • အစ္စလာမ်တွင် ခရစ်တော်၏ အရေးပါမှုနှင့်ပတ်သက်၍ သင်မသိသေးသော အချက် ၆ ချက်

    အစ္စလာမ်တွင် ခရစ်တော်၏ အရေးပါမှုနှင့်ပတ်သက်၍ သင်မသိသေးသော အချက် ၆ ချက်

    ဒီဇင်ဘာ ၂၇ ၂၀၁၆
    M-Media

    christ

    – ခရစ္စမတ်လို့ လူတိုင်းသိကြတဲ့ပွဲတော်ဟာ ယေရှုခရစ်တော် ဖွားမြင်မှုကို အထိမ်းအမှတ်ပြုကာ ဆင်နွှဲကြတာဖြစ်ပြီး ကမ္ဘာတစ်ဝှမ်းက ခရစ်ယာန်တွေအတွက် အဓိက ဘာသာရေးပွဲတော်လည်း ဖြစ်ပါတယ်။

    ဒါပေမယ့် လူတော်တော်များများကတော့ ခရစ်တော်ဟာ အစ္စလာမ်သာနသာမှာ အရေးပါတဲ့ ပုဂ္ဂိုလ်တစ်ဦးဖြစ်တယ်ဆိုတာ မသိကြပါဘူး။

    ဒ့ါကြောင့် အစ္စလာမ်သာသနာမှာ ခရစ်တော်နဲ့ မယ်တော်မေရီတို့ရဲ့ အရေးပါမှုနဲ့ပတ်သက်တဲ့ အချက် ၆ ချက်ကို ဖော်ပြလိုက်ပါတယ်။

    ၁။ ခရစ်တော်၊ မယ်တော်မေရီနဲ့ ကောင်းကင်တမန် ဂါဘရီယဲလ်တို့ကို ကုရ်အာန်ကျမ်းတော်မြတ်မှာ ဖော်ပြထားပါတယ်။ (အာဒံ၊ နောဧ၊ အာဗြဟံ၊ မောရှေနဲ့ သမ္မာကျမ်းစာထဲမှာ ပါဝင်တဲ့ ပုဂ္ဂိုလ်မွန်တွေရဲ့ အမည်တွေလည်း ကုရ်အာန်ထဲမှာ ပါဝင်ပါတယ်)

    ၂။ မွတ်စလင်တွေဟာ ခရစ်တော်ကို ဘုရားသခင်ရဲ့ တမန်တော်တစ်ပါး (တမန်တော် အီဆာဟု ခေါ်သည်) အဖြစ် ယုံကြည်ကြပြီး၊ တရားမျှတမှုကို ဆောင်ကျဉ်းပေးဖို့နဲ့ ခရစ်ယာန်တွေက Antichrist လို့သိကြပြီး မွတ်စလင်တွေက အလ်-မစီ အဒ်-ဒက်ဂျာလ်လို့ ခေါ်သူကို နှိမ်နှင်းဖို့အတွက် နောက်ဆုံး ကမ္ဘာ့တရားစီရင်မယ့်နေ့မတိုင်မီ ခရစ်တော် ပြန်ကြွလာမယ်လို့လည်း ယုံကြည်ကြပါတယ်။

    ၃။ မယ်တော်မေရီ (မရ်ယမ်သခင်မ) ရဲ့ အမည်နဲ့ ကုရ်အာန်ကျမ်းတော်မြတ်ထဲမှာ ကဏ္ဍတစ်ခု ပါဝင်ပြီး၊ ကုန်အာန်ထဲမှာ အမျိုးသမီးအမည်နဲ့ဖော်ပြတဲ့ တစ်ခုတည်းသောကဏ္ဍ ဖြစ်ပါတယ်။ ပြီးတော့ မရ်ယမ်သခင်ဟာ ကုန်အာန်ထဲမှာ တစ်ဦးတည်းသီးသန့် အမည်နာမတပ်ပြီး ဖော်ပြခံရတဲ့ အမျိုးသမီးလည်း ဖြစ်ပါတယ်။ အခြားအမျိုးသမီးတွေကိုတော့ တမန်တော်တွေနဲ့ ဆက်နွယ်မှု၊ ရာထူးအဆင့်အတန်းနဲ့ ဆက်နွယ်မှုတို့ကနေတစ်ဆင့် ဖော်ပြတာမျိုးပါ။

    ၄။ တမန်တော်မုဟမ္မဒ်သခင်ရဲ့ အမည်နာမကိုကြားပြီဆိုရင် ‘ငြိမ်းချမ်းသာယာမှု သက်ရောက်ပါစေ’ လို့ မွတ်စလင်တွေက မေတ္တာပို့ ဂါရ၀ပြုကြသလို ခရစ်တော်နဲ့ အခြားသော တမန်တော်ကြီးတွေရဲ့ နာမတော်ကို ကြားရင်လည်း မွတ်စလင်တွေက မေတ္တာပို့ ဂါရ၀ပြုကြရပါတယ်။

    ၅။ ယေရှုခရစ်တော်ဟာ သက်တော်ထင်ရှားရှိနေစဉ်အတွင်းမှာ တန်ခိုး ပြာဋိဟာတွေ ပြသခဲ့တယ်လို့ ခရစ်ယာန်တွေက ယုံကြည်ကြသလို၊ မွတ်စလင်တွေကလည်း ယုံကြည်ကြပါတယ်။ ကုရ်အာန်ကျမ်းတော်မြတ်ထဲမှာလည်း ခရစ်တော်ဟာ မျက်စိအလင်းချို့တဲ့သူကို အလင်းပြန်ရအောင်လုပ်ပေးတာ၊ ကုဌနူနာစွဲ
    သူကို ပြန်ကောင်းစေတာ၊ သေဆုံးသွားသူကို ပြန်လည်ရှင်ပြန်ထမြောက်စေတာ၊ ရွှံ့ရုပ်ငှက်ကို အသက်သွင်းပေးတာ စတဲ့ တန်ခိုးတွေ ပြသခဲ့တယ်လို့ အတိအလင်း ဖော်ပြထားပါတယ်။

    ၆။ နောက်ထပ်တစ်ခုက ခရစ်တော်ဟာ မွေးကတည်းက တန်ခိုးပြဋိဟာ ပြသခဲ့တယ်လို့ ကုရ်အာန်က ဆိုပါတယ်။ ရက်သားလေးဖြစ်တဲ့ ခရစ်တော်ဟာ ပုခက်ထဲကနေ စကားပြောဆိုပြီး ဘုရားသခင်ရဲ့ တမန်တော်ဖြစ်ကြောင်း ကြေငြာခဲ့ပါသတဲ့။

    ခရစ်တော် ဖွားမြင်တော်မူခန်းနဲ့ ပုခက်အတွင်းက တန်ခိုးပြခန်းတို့နဲ့ပတ်သက်ပြီး ကုရ်အာန်ထဲက ကဏ္ဍ ၁၉ (မရ်ယမ်သခင်မကဏ္ဍ) မှာ အောက်ပါအတိုင်း ဖော်ပြထားပါတယ်။
    19|1၆| ၎င်းပြင် (အို-နဗီတမန်တော်) အသင်သည်(ဤကုရ်အာန်)ကျမ်းတော်မှ မရ်ယမ်(၏အတ္ထုပ္ပတိ) အကြောင်းကို ဖတ်ကြားပါလေ။ တစ်ရံရောအခါဝယ် ယင်းမရ်ယမ်သည်မိမိအိမ်သူအိမ်သားတို့ထံမှ ခွဲခွာ၍ အရှေ့ဖက်၌ရှိသောအခန်းတစ်ခန်းသို့ သွားခဲ့လေသည်။

    19|17| တစ်ဖန် ယင်းမရ်ယမ်သည် ထိုအိမ်သူအိမ်သားတို့ (မမြင်နိုင်ရန်)ကန့်လန့်ကာတစ်ခု ချခဲ့လေသည်။ ထို့နောက်ငါအရှင်မြတ်သည် ယင်းမရ်ယမ်၏ထံသို့ မိမိ၏ အထူးကောင်းကင်တမန်ကို စေလွှတ်တော်မူခဲ့လေသည်။ ထိုအခါ ယင်းကောင်းကင်တမန်သည် ထိုမရ်ယမ်၏အရှေ့ဝယ် ပကတိလူသားတစ်ယောက်၏အသွင်ဖြင့် ကိုယ်ထင်ပြခဲ့၏။

    19|18| ထိုအခါ ယင်းမရ်ယမ်က (ထိုကောင်းကင်တမန်အား အကယ်စင်စစ် လူထင်မှတ်၍ဤသို့)ပြောကြား ခဲ့သည်မှာအကယ်၍ အသင်သည် သူတော်စင်တစ်ဦး ဖြစ်ခဲ့မူ ကျွန်ုပ်သည်အသင်(၏ဘေးအန္တရယ်)မှ(လွတ်ကင်းအံ့သောငှာ)ရဟ်မာန်အနန္တကရုဏာတော်ရှင်ထံတော်၌ အကာအကွယ်ယူပါ၏။

    19|19| (ထိုအခါ) ယင်းကောင်းကင်တမန်က (အိုမရ်ယမ်) ကျွန်ုပ်သည် အသင့်အား ဖန်ဆင်းမွေးမြူတော်မူသောအရှင်မြတ်၏ စေတမန်သာလျှင်ဖြစ်ပေသည်။ ကျွန်ုပ်သည် အသင့်အား စင်ကြယ်သန့်ရှင်း အပြစ်ကင်းသော သားရတနာတစ်ပါးကိုပေးရန် သာလျှင် (လာရခြင်း)ဖြစ်သည်ဟုပြောကြားခဲ့လေသည်။

    19|20| ထိုအခါ ယင်းမရ်ယမ်က (အို-ကောင်းကင်တမန်)စင်စစ် ကျွန်ုပ်အား မည်သည့်လူသားတစ်ဦးတစ်ယောက်မျှပင် ထိတွေ့ခဲ့ဖူးသည်လည်း မရှိပါဘဲလျက်လည်းကောင်း၊ ကျွန်ုပ်သည် အကျင့်မကောင်းသူ တစ်ဦးလည်း မဖြစ်ပါဘဲလျက်လည်းကောင်း၊ အသို့လျှင် ကျွန်ုပ်မှာ သားရတနာထွန်းကားနိုင်အံ့နည်းဟု ပြန်ပြောခဲ့လေသည်။

    19|21| ကောင်းကင်တမန်က(အို-မရ်ယမ်) ဤအတိုင်းပင်ဖြစ်ပေမည်။ အသင့်အား ဖန်ဆင်းမွေးမြူတော်မူသောအရှင်မြတ်က ဤသည်ကား ငါအရှင်မြတ်၌ အလွန်လွယ်ကူလှကြောင်း၊ ထိုမှတစ်ပါး ငါအရှင်မြတ်သည် ယင်းသား ရတနာအား လူတို့အဖို့ သက်သေလက္ခဏာတစ်ရပ် အဖြစ်လည်းကောင်း၊ ငါအရှင်မြတ် အထံတော်မှ ကရုဏာတော်အဖြစ်လည်းကောင်း၊ ပြုလိုတော်မူကြောင်း၊ ဤသည်စီရင်ဆုံးဖြတ်ပြီးဖြစ်သောကိစ္စတစ်ရပ်ပင်ဖြစ်ကြောင်း၊ မိန့်ကြားတော်မူလေသတည်း။

    19|22| ထို့နောက် မရ်ယမ်သည် ထိုသားရတနာကို ကိုယ်ဝန်ဆောင်ခဲ့လေသည်။ ထိုအခါ ယင်းမရ်ယမ်သည် ထိုကိုယ်ဝန်နှင့်အတူ ဝေးလံသောနေရာတစ်ခုသို့ ရှောင်သွားခဲ့လေသည်။

    19|23| ထို့နောက် သားဖွားခြင်း၏ဝေဒနာသည် ထိုမရ်ယမ်အား စွန်ပလွံပင်(တစ်ပင်)ရှိရာသို့ ဆောင်ကြဉ်း သွားခဲ့လေသည်။ ထိုအခါ ယင်းမရ်ယမ်ကဪ-ဖြစ်ရလေခြင်း၊ငါသည် ဤသို့(ဖမဲ့သားကို)မဖွားမီသေဆုံးခဲ့ပြီး လုံးဝမေ့ပျောက်စွန့်ပစ်ထားပြီးဖြစ်ခဲ့ပါလျှင် ကောင်းလေစွတကား ဟု ညည်းညူမြည်တမ်းခဲ့လေသည်။

    19|24| ထိုအခါ ယင်းမရ်ယမ်အား ၎င်းရှိရာ အောက်နားမှ (ထိုစွန်ပလွံပင်အောက်မှ) ကောင်းကင်တမန်က (ဤသို့)ပြောကြားခဲ့လေသည်။ (အို-မရ်ယမ်) အသင်မသည် စိတ်မပူလေနှင့်။ ဧကန်စင်စစ် အသင်မအား ဖန်ဆင်းမွေးမြူတော်မူသောအရှင်မြတ်သည် အသင်မ၏အောက်၌ပင် ချောင်းတစ်ခုကို ဖြစ်ပေါ်စေတော်မူလေပြီ။

    19|25| ထိုမှတစ်ပါး အသင်မသည် စွန်ပလွံပင်၏ ပင်မကို မိမိဖက်သို့(ဆွဲ၍)လှုပ်ပါလျှင် စိမ်းစိုလတ်ဆတ်သေစွန်ပလွံသီးများသည် အသင်မ၏ရှေ့ဝယ် ကေကျလာပါလိမ့်မည်။

    19|26| ထိုအခါ အသင်မသည် (ထိုစွန်ပလွံသီးများကို)စားသုံး၍(ထိုချောင်းမှရေကို)သောက်သုံးပါလေ။ ၎င်းပြင် မျက်စိကို ကြည်လင်စေပါလေ။ တစ်ဖန် အကယ်၍ အသင်သည်လူသားတစ်ဦးတစ်ယောက်ကို တွေ့ခဲ့ပါမူ ဧကန်အမှန် ကျွန်မသည် ရဟ်မာန်အနန္တကရုဏာတော်ရှင်အား ရည်စူး၍ ဥပုသ်သီလဆောက်တည်ရန် အဓိဋ္ဌာန်ပြုထားပြီးဖြစ်ရာ ကျွန်မသည်ယနေ့ မည်သည့် လူသားတစ်ဦးတစ်ယောက်နှင့်မျှ အလျှင်းစကားပြောဆိုမည် မဟုတ်ကြောင်း၊ ပြောကြားပါလေ။

    19|27| ၎င်းနောက် ထိုမရ်ယမ်သည် ယင်းသားရတနာကို(မိမိရင်ခွင်ဝယ်)ပွေ့ချီလျက် မိမိအမျိုးသားတို့ထံ လာခဲ့လေ၏။ (ထိုအခါ)ယင်းအမျိုးသားတို့က(ဤသို့) ပြောကြားခဲ့ကြကုန်၏။ အို-မရ်ယမ် အသင်မ သည် အလွန်ဆိုးဝါးလှသောပြစ်မှုကိုကျူးလွန်ခဲ့သည် တကား။

    19|28| အို-ဟာရူန်၏နှမ၊ အသင်မ၏ ဖခင်မှာလည်းအကျင့်မကောင်းသူ မဟုတ်ခဲ့ပေ။ အသင်မ၏ မိခင်မှာလည်းအကျင့်ပျက်သူတစ်ဦး မဟုတ်ခဲ့ချေတကား။

    19|29| ထိုအခါ ထိုမရ်ယမ်သည် ထိုသားရတနာကို ညွှန်ပြခဲ့လေရာ၊ ယင်းအမျိုးသားတို့က (အို-မရ်ယမ်) အကျွန်ုပ်တို့သည် ပုခက်တွင်းဝယ် ကလေး(ဘဝ၌)ပင်ရှိနေသေးသောသူငယ်နှင့်အသို့လျှင် စကားပြောဆိုကြ ရအံ့နည်းဟု ပြောဆိုခဲ့ကြလေသည်။

    19|30| (ထိုအခါ)၊ ယင်း(ပုခက်တွင်းမှ)ကလေးသူငယ်(အီစာ)က (ဤသို့စကား)ပြောဆို(ဖြေကြား)ခဲ့လေ၏။ ဧကန်မလွဲ ကျွန်ုပ်သည် အလ္လာဟ်အရှင်မြတ်၏ ကျွန်သာလျှင် ဖြစ်ပေသည်။ ထိုအရှင်မြတ်သည် ကျွန်ုပ်အား [အင်(န်)ဂျီလ်)]ကျမ်းဂန်ကို ချီးမြှင့်ပေးသနားတော်မူခဲ့လေသည်။ ၎င်းပြင် ထိုအရှင်မြတ်သည် ကျွန်ုပ်အား နဗီတမန်တော်အဖြစ်လည်း ချီးမြှောက်တော်မူခဲ့ပေသည်။

    19|31| ၎င်းပြင် ထိုအရှင်မြတ်သည် ကျွန်ုပ်အား မည်သည့်နေရာ၌မဆကျွန်ုပ်ရှိနေစေကာမူ ဗရ်ကတ်မင်္ဂလာ နှင့်ပြည့်စုံသူ ပြုလုပ်တော်မူခဲ့ပေသည်။ ထိုမှတစ်ပါး ထိုအရှင်မြတ်သည် ကျွန်ုပ်အား အသက်ထင်ရှား ရှိနေသမျှကာလပတ်လုံးဆွလာတ်ဝတ်ပြုရန်လည်းကောင်း၊ ဇကာတ်ပေးဆောင်ရန်လည်းကောင်း၊ အမိန့်ပေးတော် မူခဲ့လေသည်။

    19|32| ထိုမှတစ်ပါး (ထိုအရှင်မြတ်သည် ကျွန်ုပ်အား)ကျွန်ုပ်၏မိခင်ကို ကောင်းစွာပြုစု ကျေးဇူးပြုတတ်သူလည်း(ဖြစ်စေတော်မူခဲ့၏၊) ၎င်းပြင် ထိုအရှင်မြတ်သည် ကျွန်ုပ်အားမာန်မာနထောင်လွှားသူ၊ အကြောင်းမလှသူအဖြစ်လည်း ပြုလုပ်တော်မမူခဲ့ချေ။

    19|33| ထို့ပြင် ကျွန်ုပ်၏အပေါ်၌ ကျွန်ုပ်မွေးဖွားခဲ့သည့်နေ့၌လည်းကောင်း၊ ကျွန်ုပ်သေဆုံးမည့်နေ့၌ လည်းကောင်း၊ကျွန်ုပ်ရှင်ပြန်ထစေခြင်း ခံရမည့်နေ့၌လည်းကောင်း၊ (အလ္လာဟ်အရှင်မြတ်အထံတော်မှ) ငြိမ်းချမ်းသာယာမှုသည် ကျရောက်ပါစေသတည်း။

    19|34| ဤသည်ကား မရ်ယမ်၏သားတော် အကြင်အီစာပင်။ ယင်းမှန်ကန်သောစကားကိုပြောဆိုခဲ့လေသည်။

    Ref: VOX

  • အစ္စလာမ် သာသနာ၌ ခရစ်တော်၏ အရေးပါမှုကို ဖော်ကျူးထားသည့် ဓမ္မတေး ထွက်ရှိ

    အစ္စလာမ် သာသနာ၌ ခရစ်တော်၏ အရေးပါမှုကို ဖော်ကျူးထားသည့် ဓမ္မတေး ထွက်ရှိ

    ဒီဇင်ဘာ ၂၄၊ ၂၀၁၆
    M-Media

    christ
    I believe in Jesus ဓမ္မတေးကိုဖန်တီးသည့် ဆော်ဒီမှ မွတ်စလင်တရားဟောဆရာ အေအီဒ် အလ် ကာရ်နီ

    – ယေရှုခရစ်တော်အပေါ် အစ္စလာမ်ဘာသာဝင်တွေရဲ့ ကြည်ညိုလေးစားမှုကို ဖော်ကျူးတဲ့ ဓမ္မတေးတစ်ပုဒ်ကို ဆော်ဒီက ထင်ရှားတဲ့ မွတ်စလင် တရားဟောဆရာတစ်ဦးက ခရစ္စမတ်အမီ ထုတ်ပြန်လိုက်ပါတယ်။

    I believe in Jesus လို့အမည်ပေးထားတဲ့ အဲဒီ ဓမ္မတေးကို မွတ်စလင်တရားဟောဆရာ အေအီဒ် အလ် ကာရ်နီက အဆိုတော် မူဆာ အိုမိုင်ရာနဲ့ ပူးပေါင်း ဖန်တီးထားတာဖြစ်ပြီး ၆ မိနစ်တာကြာမြင့်တဲ့ MTV ကို တူရကီမှာ ရိုက်ကူးထားတာဖြစ်ပါတယ်။ ဓမ္မတေးရဲ့ တစ်ချို့အပိုဒ်တွေကို အဆိုတော် အိုမိုင်ရာက သီဆိုပေးထားပါတယ်။

    သီချင်းရဲ့ ရည်ရွယ်ချက်က အစ္စလာမ်ဘာသာတရားမှာ ယေရှုခရစ် (မွတ်စလင်များက တမန်တော် အီဆာဟု ခေါ်ဝေါ်သည်) ရဲ့ အရေးပါမှုကို သိရှိစေပြီး၊ မတူညီတဲ့ဘာသာဝင်တွေကြားမှာ သည်းခံနိုင်မှုတွေ မြင့်တက်လာရေး ပညာပေးလိုတဲ့ ရည်ရွယ်ချက်ဖြစ်တယ်လို့ ၎င်းတို့ နှစ်ဦးစလုံးက ပြောကြားခဲ့ပါတယ်။

    ယေရှုခရစ်တော်ဟာ လူသားတွေကို တရားလမ်းမှန်ပြဖို့ ထာဝရဘုရားသခင်က ရွေးချယ်တဲ့ တမန်တော်တွေထဲက တစ်ပါးဖြစ်တယ်လို့ မွတ်စလင်တွေက ယုံကြည်ကြပါတယ်။

    ကုရ်အာန်ကျမ်းတော်မြတ်မှာလည်း ခရစ်တော်ရဲ့မိခင် မယ်တော် မေရီ (မရ်ယမ်သခင်မ) ရဲ့ အမည်နာမနဲ့ ကဏ္ဍတစ်ခုပါဝင်ပြီး၊ အစ္စလာမ်ဘာသာဝင်တစ်ဦးအနေနဲ့ ဒီပုဂ္ဂိုလ်မွန် နှစ်ဦးစလုံးကို ယုံကြည်လက်ခံမှု မရှိဘူးဆိုရင်တော့ စစ်မှန်တဲ့ ဘာသာဝင်မဟုတ်ဘူးလို့ အစ္စလာမ်က သတ်မှတ်ထားပါတယ်။

    Ref: Alarabiya

    (ဓမ္မတေးကို အောက်ပါလင့်တွင် နားထောင်နိုင်ပါသည် )

    https://www.youtube.com/watch?v=0yM8reUWdf