News @ M-Media

Tag: jihad

  • ဒလိုင်းလားမား ပြောတဲ့ အစ္စလာမ်သာသနာက သင်ကြားထားသော ဂျီဟဒ်၏ အဓိပ္ပါယ်

    ဒလိုင်းလားမား ပြောတဲ့ အစ္စလာမ်သာသနာက သင်ကြားထားသော ဂျီဟဒ်၏ အဓိပ္ပါယ်

    စက်တင်ဘာ ၂၂၊ ၂၀၁၄
    M-Media
    DalaiLama-Defends-Islams-True-Jihad
    – အစ္စလာမ်ဘာသာတရား၏ အမည်အား အလွဲသုံးစားလုပ်မှုကို ဘာသာပေါင်းစုံ အခမ်းအနားတစ်ခုတွင် နိုဘယ်ဆုရ တိဘက်ဘုန်းတော်ကြီး ဒလိုင်းလားမားက ရှုတ်ချလိုက်ပြီး အစ္စလာမ်ကသင်ကြားထားသည့် ဂျီဟဒ် စကားလုံး၏ အဓိပ္ပါယ်ကိုလည်း ရှင်လင်းခဲ့သည်ဟု သိရသည်။

    “ဘာသာတရား အမည်တပ်ပြီး သတ်ဖြတ်မှုတွေဟာ လက်မခံနိုင်စရာပါပဲ။ ဂျီဟဒ် ဒါမှမဟုတ် မြင့်မြတ်သော စစ်ပွဲဆိုတာ မိမိတို့စိတ်ထဲက မကောင်းတဲ့ အတွေးတွေကို တိုက်ထုတ်တာပါ။ အခြားသူတွေကို နာကျင်စေဖို့ ရည်ရွယ်တာ မဟုတ်ပါဘူး” ဟု အိန္ဒိယတွင် ယခုသီတင်းပတ် အတွင်း ပြုလုပ်ခဲ့သည့် ဘာသာပေါင်းစုံ ညီလာခံတစ်ခုတွင် ဒလိုင်းလားမားက ပြောကြားခဲ့သည်။

    ဆီးရီးယားနှင့် အီရတ်ရှိ နယ်မြေများကို သိမ်းပိုက်ပြီး အကြမ်းဖက် သတ်ဖြတ်မှုများကို ရည်ညွှန်း၍ ဒလိုင်းလားမားက ထိုကဲ့သို့ ပြောကြားခဲ့ခြင်းဖြစ်သည်။

    အဆိုပါညီလာခံသို့ အစ္စလာမ်၊ ခရစ်ယာန်၊ ဟိန္ဒူနှင့် ဂျူးတို့ အပါအ၀င် ဘာသာ ၉ ခုမှ ဘာသာရေးခေါင်းဆောင်များ တက်ရောက်ခဲ့ကြသည်။ အစပိုင်းတွင် ညီလာခံကို ၃ ရက်တာ ကျင်းပရန် လျာထားခဲ့သော်လည်း တရုတ် သမ္မတ ရောက်ရှိလာသည့်အတွက် အိန္ဒိယအာဏာပိုင်များက မေတ္တာရပ်ခံမှုကြောင့် ၂ ရက်သာ ကျင်းပခဲ့သည်။

    “ဘုန်းကြီးတို့ ပတ်ဝန်းကျင်မှာ ဖြစ်ပွားနေတဲ့ အရာတွေကို မသိသလိုနေမယ်ဆိုရင် ဒါဟာ မှားယွင်းပါတယ်။ ယုံကြည်မှုတွေ မတူညီကြပမယ့် ဒီကမ္ဘာကြီးကို ပျော်ရွှင်စရာ မိသားစုဖြစ်လာနိုင်တယ်ဆိုတာ ဘာသာရေးဆိုင်ရာ ပုဂ္ဂိုလ်တွေက ပြသနိုင်ပါတယ်” ဟု ဒလိုင်းလားမားက  ၎င်း၏ အမြင်ကို ထည့်သွင်းပြောကြားခဲ့သည်။

    ဂျီဟဒ်ဟူသော စကားလုံးအား အနောက်တိုင်း မီဒီယာများ ဘာသာရေး စစ်ပွဲဟု မှားယွင်းစွာ အဓိပ္ပါယ်ဖွင့်ဆိုကြပြီး အစ္စလာမ့် ဓမ္မပညာရှင်များကမူ ကုရ်အာန် ကျမ်းတော်မြတ်တွင် ဖော်ပြထားသည့် ဂျီဟဒ်၏ အဓိပ္ပါယ်မှာ ကောင်းမွန်သော အရာများအတွက် ရုန်းကန်ကြိုးစားခြင်း၊ လူ့အဖွဲ့အစည်းအတွင်း ရှိနေသည့် မတရားမှုများ၊ ဖိနှိပ်မှုများနှင့် မကောင်းမှုများကို ဖယ်ရှားခြင်းသာဖြစ်သည်ဟု အကြိမ်ပေါင်းများစွာ ရှင်းပြခဲ့ကြသည်။

    တမန်တော်မုဟမ္မဒ်သခင်(ငြိမ်းချမ်းသာယာမှုအပေါင်း သက်ရောက်ပါစေ) ၏ သြ၀ါဒတော် တစ်ရပ်တွင်လည်း စစ်မှန်သော ဂျီဟဒ်ဆိုသည်မှာ မိမိစိတ်ကို ချုပ်တည်းနိုင်ခြင်းသာဖြစ်သည်ဟု မိန့်ကြားထားသည်။

    OnIslam & News Agencies

  • မမေးလည်းဖြေ(၁၄)- ဂျိဟာ့ဒ် ဆိုင်ရာ ကုရ်အာန့်ရှုထောင့်

    ဇန်နဝါရီ ၇ ၊၂၀၁၂

    ဂျူလိုင်ရဲရင့်

    (ဂျိဟာ့ဒ် ဆိုတဲ့စကားကို အစ္စလာမ့်အတွင်းအပြင် နှစ်ဖက်လုံး စတင်ပြောဆိုနေတာ ကြားလာရလို့တဲ့  ဒီဘာသာပြန် ဆောင်းပါးကို  M-Media ကို ပေးပို့လိုက်ခြင်းဖြစ်ပါသည်။ )

    ဂျိဟာ့ဒ် ဆိုင်ရာ ကုရ်အာန့်ရှုထောင့် ဂျိဟာ့ဒ် ( ဖန်ဆင်းရှင်၏နှစ်မြို့မှုအလို့ငှါ မကောင်းမှုအား ဆန့်ကျင်ရာ၌ ရုန်းကန်အားထုတ်ခြင်း )

                     QURAN-DUMMIES  လက်ဦးပထမဆုံးဆိုရမည်မှာ ဂျိဟာ့ဒ် ဟူသည် မြင့်မြတ်သောစစ်ပွဲ – Holy  War  မဟုတ်ပါ။ ဂျိဟာ့ဒ်၏ဆိုလိုရင်းအနှစ်သားမှာ – ဖန်ဆင်းရှင်၏နှစ်မြို့မှုအတွက် မကောင်းမှုအားဆန့်ကျင်ရာ၌ (ရေကုန် ရေခမ်း) ရုန်းကန်အားထုတ်ကြိုးပမ်းခြင်း ဖြစ်သည်။ ၄င်းသည် ကုရ်အာန့်သတင်းစကားများအနက် အရေးပါသော အစိတ်အပိုင်းတစ်ရပ်ဖြစ်သည်။

    ဂျိဟာ့ဒ်၌ မူဟန်သွင်ပြင် များစွာရှိ၏။ တမန်တော် မုဟမ္မဒ်(ဆွ)က မိမိ၏ဆွေသဟာများအား ဤသို့ မိန့်တော်မူခဲ့သည်။

    ” အကြီးမားဆုံးသော ဂျိဟာ့ဒ် ဟူသည် မတရားသည့်အုပ်ချုပ်သူရှေ့မှောက်၌ မှန်ရာကိုပြောဆိုခြင်း ဖြစ်၏  ”

    တစ်ဖန် သူပျိုတစ်ဦးသည် တမန်တော်မြတ်(ဆွ)ထံသို့ လာရောက်ပြီး မုစ်လင်မ်ထုအား ကာကွယ်ရေးအတွက် ကိုယ်တော်နှင့်အတူ စစ်မြေပြင်သို့လိုက်ပါလိုကြောင်း ခွင့်ပန်လျှောက်ထားခဲ့၏။ တမန်တော်မြတ်(ဆွ)က သူ့အား မိဘနှစ်ပါးရှိပါသေးသလောဟု မေးမြန်းတော်မူရာ ၄င်းက မိမိထံ၌ (အိုမင်းမစွမ်းသော) မိဘနှစ်ပါး သက်ရှိထင်ရှား ရှိသေးကြောင်း လျှောက်တင်၏။ ထိုအခါ ကိုယ်တော်မြတ်က ယင်းသူပျိုအား မိဘနှစ်ပါးကို ပြုစုစောင့်ရှောက်ခြင်းသည် ဂျိဟာ့ဒ်ပင်ဖြစ်ကြောင်း မိန့်တော်မူခဲ့သည်။ အစ္စလာမ့်ဥပဒေ ကျမ်းဂန်များ၌ စစ်ရေးနှင့်မသက်ဆိုင်သည့် ကြိုပမ်းအားထုတ်မှုများကိုပါ ခြုံငုံဖော်ပြထား၏။ ဥပမာ – မိမိ သို့မဟုတ် တစ်ပါးသူ၏ပိုင်ဆိုင်မှုအပေါ်ကာကွယ်ပေးခြင်း၊ မိမိ သို့မဟုတ် တစ်ပါးသူ၏ မိသားစုအား အကာအကွယ်ပေးခြင်း စသည်များ ဖြစ်ကြသည်။

    ဤကဏ္ဍတွင် လက်နက်စွဲကိုင်ကြိုးပမ်းရသည့် ဂျိဟာ့ဒ်အမျိုးအစားတစ်ခုကို တင်ပြဆွေးနွေးသွားပါမည်။ ၄င်းကို ကိသာ့လ် ဟုခေါ်ဆိုသည်။ ပထမဦးစွာ ဂျိဟာ့ဒ်နှင့်စပ်လျဉ်းသော ကုရ်အာန်၏အဆိုများကိုလည်းကောင်း၊ ၄င်းနောက် အစ္စလာမ့်ဥပဒေရှိ လက်နက်စွဲကိုင်ကြိုးပမ်းမှု (ကိသာ့လ်) ၏ကျင့်ဝတ်စည်းမျဉ်းများကိုလည်းကောင်း၊ ၄င်းနောက် ဂျိဟာ့ဒ်နှင့်အစ္စလာမ့်ဥပဒေကြားရှိဆက်နွယ်မှုဖြစ်သော ဂျိဟာ့ဒ်၏ရည်ရွယ်ချက်သရုပ်မှန်ကိုလည်းကောင်း၊ ၄င်းနောက် အစ္စလာမ့်ထုံးဓလေ့မှပြဆိုထားသော သာသနာ့ အာဇာနည် အကြောင်းသာမက ဂျိဟာ့ဒ်နှင့်ခေတ်သစ် ကမ္ဘာအကြောင်းကို တစ်ဆင့်ချင်း တင်ပြသွားပါမည်။

     ဂျိဟာ့ဒ်၏ အဓိပ္ပါယ်အမှန် နှင့် သဘောတရားများ

                       အစ္စလာမ်သည် မတရားမှုကိုအားမပေးသည့် သာသနာဖြစ်သည်။ မုစ်လင်မ်တို့သည် ဂျိဟာ့ဒ် အားဖြင့် အသက်ဘဝ၊ လူ့အခွင့်အရေး နှင့် လွတ်လပ်စွာယုံကြည်ကိုးကွယ်ခွင့်များကို တန်ဖိုးထား ကာကွယ်နိုင်ပါသည်။ ဂျိဟာ့ဒ်၏အကိုင်းအခက်တစ်ခုမျှသာဖြစ်သော လက်နက်စွဲကိုင်ကြိုးပမ်းမှု – ကိသာ့လ် နှင့်စပ်လျဉ်း၍ ကုရ်အာန်မှ မည်သို့ဆိုထားပုံကို လေ့လာကြည့်ပါလေ။

    အသက်ဘဝ နှင့် သာသနာအပေါ် ကာကွယ်ခြင်း

    ကုရ်အာန်၏ ပထမဆုံး ကိသာ့လ်ဆိုင်ရာ အာယသ်တော်မှာ အောက်ပါအတိုင်းဖြစ်၏။

    ထို့ပြင် အသင်တို့သည် အသင်တို့အား (စတင်)တိုက်ခိုက်သူတို့နှင့် အလ္လာဟ့်လမ်းတော်၌ ယှဉ်ပြိုင် တိုက်ခိုက်ကြကုန်။ သို့ရာတွင် စည်းကမ်းများကို ကျူးလွန်ချိုးဖောက်ခြင်း မပြုကြကုန်နှင့်။ မုချဧကန် အလ္လာဟ်အရှင်မြတ်သည် စည်းကမ်းချိုးဖောက်သူများကို နှစ်သက်တော်မူသည် မဟုတ်ချေ။  ( ကုန်အာန် ကျမ်း၂း ၁၉ဝ )

    ကိသာ့လ်နှင့်စပ်လျဉ်း၍ ကုရ်အာန်က စလျှင်စချင်း လက်နက်ကိုင်စွဲအားထုတ်မှုမှာ မိမိ ကိုယ်ကိုခုခံကာကွယ်ရေးအဖြစ်သာ ဖော်ပြလျက် အလွန်အကျူးလွန်ကဲမှုများကို ပွင့်လင်းပြတ်သားစွာ တားမြစ် ထားပါသည်။ ဆက်လက်၍ ဤသို့လည်း ဆိုထားပြန်၏။

    ၄င်းနောက် ထို (ကျူးကျော်စော်ကား) သူတို့အား လက်ရဖမ်းဆီး၍ မိရာအရပ်၌ သုတ်သင်လိုက်ကြကုန်။ ၄င်းပြင် ၄င်းတို့အား အသင်တို့ကို (ဇာတိနေရပ်မှ) မောင်းထုတ်ခဲ့သကဲ့သို့ အသင်တို့ကလည်း ၄င်းတို့ကို (ယင်းဇာတိနေရပ်မှ) နှင်ထုတ်ကြကုန်။ အကြောင်းသော် ညှင်းပန်းနှိပ်စက်ခြင်းသည် အသက်ကိုသတ်ဖြတ်ခြင်းထက်ပင် ပိုမိုဆိုးရွား၍ဖြစ်သည်။ သို့ငြား ၄င်းတို့က မတ်စ်ဂျိဒိလ်ဟရာမ် (မက္ကဟ်ရှိဝတ်ကျောင်းတော်) အတွင်း အသင်တို့အား စတင်တိုက်ခိုက်ခြင်းမပြုသမျှ အသင်တို့သည် ၄င်းတို့ကို မတိုက်ခိုက်ကြကုန်နှင့်။ သို့သော် ၄င်းတို့က အသင်တို့အား စတင်တိုက်ခိုက်ပါက အသင်တို့သည် ၄င်းတို့အား တုန့်ပြန်တိုက်ခိုက်ကြကုန်။ ဤသည်မှာ သစ္စာတရားကို ဆန့်ကျင်ပယ်လှန်သူတို့ ၏ အကျိုးရလဒ်ပင်တည်း။         ( ကုန်အာန် ကျမ်း၂း ၁၉၁ )

    အထက်ပါအာယသ်တော်မှ ” ၄င်းတို့ ” ဟူသည်ကို ” မုစ်လင်မ် မဟုတ်သူများ ” ဟု အချို့က ဝေဖန်စောကြောမှုပြုကြ၏။ စင်စစ်၌မူ ဖော်ပြပြီးသောပါဒတော် (၂း၁၉ဝ)မှ လူတို့အား ဆိုလိုခြင်းဖြစ်ပြီး ” စတင် ညှင်းပန်းနှိပ်စက်တိုက်ခိုက်သူများ ” ကို ရည်ညွှန်းထားခြင်းဖြစ်ပေသည်။ တဖန် ” လက်ရဖမ်းဆီးမိရာအရပ်၌ သုတ်သင်လိုက်ကြကုန် ” ဟုဆိုထားခြင်းမှာ စစ်တလင်းဟူသည် ကစားကွင်း မဟုတ်ပေ။ အသက်လုပွဲသာဖြစ်ကြောင်း အသိပေးထားချက်ဖြစ်သည် (၄င်းမှာ စစ်မြေပြင်၏ဓမ္မတာသာဖြစ်၏)။ သို့သာမက ခုခံကာကွယ်စစ်ဖြစ်ပြီဆိုလျှင် ပျော့ညံ့မှု မရှိဘဲ စိတ်ခွန်အားအပြည့်ဖြင့်ရင်ဆိုင်မှသာ နှိပ်စက် ညှင်းပန်းမှုများရပ်တန့်မည်ဖြစ်ကြောင်း၊ ဝတ်ပြုကျောင်းတော်၌ပင်မရှောင် ရန်သူများဖက်မှ စတင်တိုက်ခိုက် ပါက ပြန်လည်တိုက်ခိုက်နိုင်ကြောင်း၊ ၄င်းတို့၏ရန်မူချက် မရှိပါက စတင်တိုက်ခိုက်ခွင့်မရှိကြောင်း ရှင်းလင်းစွာ တွေ့နိုင်ပေသည်။ ၄င်းနောက် ဤသို့ရှေ့ဆက်ဖော်ပြထားပါသည်။

    သို့သော် အကယ်၍ ၄င်းတို့မှရပ်စဲပါလျှင် မုချဧကန် အလ္လာဟ်အရှင်မြတ်သည် အဖန်တလဲလဲ လွတ်ငြိမ်းချမ်းသာခွင့်ပေးသနားတော်မူသော – အလွန်တရာညှာတာထောက်ထားတော်မူသော အရှင်သခင် ဖြစ်သတည်း။                                                  (ကုန်အာန် ကျမ်း ၂း ၁၉၂ )

    အကယ်၍ ရန်သူများသည် ကျူးကျော်စစ်ကိုရပ်တန့်ပါလျှင် မုစ်လင်မ်တို့သည် ဖန်ဆင်းရှင်၏ ချမ်းသာခွင့် နှင့် ကရုဏာတော်အရ ရန်သူတို့အား ခွင့်လွှတ်ကြရမည့် အကြောင်း နောက်ထပ် ကျင့်ဝတ်တစ်ရပ်ကို ပြက်ပြက်ထင်ထင် ပြသထားပေသည်။ နောက်ထပ်လာသောပါဒတော်မှ ဆိုထား ပြန်သည်မှာ –

    ထို့ပြင် အသင်တို့သည် ဖိနှိပ်ညှင်းပန်းမှု ပပျောက်၍ သာသနာသည် အလ္လာဟ် အရှင်မြတ်တစ်ပါးတည်းအတွက် ဖြစ်သည့်တိုင်အောင် (လွတ်လပ်စွာယုံကြည်ကိုးကွယ်ခွင့် ရရှိလာ သည့်တိုင်အောင်) ၄င်းတို့အား ရင်ဆိုင်တိုက်ခိုက်ကြကုန်။ သို့ရာတွင် အကယ်၍ ၄င်းတို့မှ (စစ်မက်ကို) ရပ်တန့်လိုက်ကြပါမူ ကျူးကျော်စော်ကားတတ်သူတို့အပေါ်မှတစ်ပါး မည်သည့်ရန်လိုခြင်း မရှိစေရ။                    ( ကုန်အာန် ကျမ်း၂း ၁၉၃ )

    ဤပါဒတော်က ကိသာ့လ်၏ဦးတည်ချက်ကိုထုတ်ပြထားသည်။ ကျူးကျော်စစ်ဆင်နွှဲလာသူများကို ဆန့်ကျင်ရင်ဆိုင်ရန်၊ ဖိနှိပ်ညှင်းပန်းမှုများ အဆုံးသတ်၍ လွတ်လပ်စွာ ယုံကြည် ကိုးကွယ်ခွင့်ရရှိသည်အထိ ယှဉ်ပြိုင်တိုက်ခိုက်ရန်ဖြစ်သည်။ အာယသ်တော် (၂း၁၉၂)ရှိ ကျင့်ဝတ်စည်းမျဉ်းကဲ့သို့ ဤပါဒတော်၌ – ရန်သူဖက်မှရပ်စဲပါက မည်သည့်ရန်လိုမှုများ မပြုကြရန်အတွက် နှိုးဆော်ထားပေသည်။ သို့ရာတွင် ဆက်လက်ဖိနှိပ်နေသူများအပေါ် ဆက်လက် စစ်ဆင်ရမည်ဖြစ်သည်။

    ပါဒတော် (၂း၁၉၄)တွင် ကိသာ့လ်နှင့်ပတ်သက်သော အဆုံးသတ်စည်းမျဉ်းကို တင်ဆက်ထား၏။ အစ္စလာမ်မတိုင်မီ အာရေဗျ၏ထုံးတမ်းစဉ်လာ (နှင့်) ကုရ်အာန်ကလည်း ငြိမ်းချမ်းရေး အတွက် တိုက်တွန်းရာဖြစ်သည့် တားမြစ်ထားသောလများ (နှစ်တစ်နှစ်၏နောက်ဆုံးလေးလတာ) အတွင်း မည်သည့်တိုက်ခိုက်မှုမျှ မပြုကြရ ဟူသည်ကို တွေ့ရပေမည်။ သို့ဖြစ်ရာ မုစ်လင်မ်တို့အနေဖြင့် စတင်ကျူးကျော်စော်ကားခံရမှသာလျှင် (ထိုလများအတွင်း) ပြန်လည် တုန့်ပြန်ရင်ဆိုင်ခွင့်ရှိကြောင်း သိနိုင်ပါသည်။

    ဂျိဟာ့ဒ်၏ကျင့်ဝတ်စည်းမျဉ်းများက ငြိမ်းချမ်းရေးမှ ပဋိပက္ခအသွင်သို့ ကူးပြောင်းစေမည့် သို့မဟုတ် အပြန်အလှန်လက်စားချေစစ်ပွဲများသို့ဦးတည်စေမည့် အကြောင်းရပ် နှင့် ဓလေ့ထုံးတမ်းများကို လက်သင်မခံကြောင်း ဤဥပဒေမှ ပြသထားပါသည်။

    တိုက်ခိုက်ခြင်းဟုဆိုရာဝယ် …

    မတရားမှုကိုဆန့်ကျင်တိုက်ခိုက်ြခင်းအယူအဆအား အစ္စလာမ်၊ ခရစ်ယာန် နှင့် ဂျူးဝါဒ၌ မုချ တွေ့ကြရပေမည်။ ဥပမာ ဤဘာသာတရားသုံးရပ်စလုံးမှလက်ခံထားသည့် တမန်တော် ဒါဝူးဒ် David (အလိုင်)၏ ထေရုပ္ပတ္ထိတော်၌ အားနည်းသူများအပေါ်အနိုင်ကျင့်တတ်သည့် Goliath အား တမန်တော်မှ တိုက်ခိုက်အောင်နိုင်ခြင်းကို ဂုဏ်ပြုဖော်ပြထားပေသည်။ တမန်တော် အိဗ်ရာဟီမ် (အလိုင်)နှင့် မဆက်နွယ်သည့် အခြားဘာသာတရားများ၌လည်း ဂျိဟာ့ဒ်ကို တစ်နည်းမဟုတ်တစ်နည်းဖြင့် တွေ့နိုင်၏။ ဥပမာ အလင်းနှင့်အမှောင်အင်အားစုများအကြား၌သော်လည်းကောင်း၊ သုစရိုက်နှင့်ဒုစရိုက်ဘက်တော်သားတို့ အကြားသော်လည်းကောင်း စစ်ပွဲများသည် ထာဝစဉ် ရှိနေရသည်ဟု ဇိုရိုအက်စ်တာ ဘာသာဝင်များမှ ယုံကြည်ထားကြ၏။

    ဂျိဟာ့ဒ်ဟူသည် တမန်တော် မုဟမ္မဒ်(ဆွ) ပွင့်ပေါ်လာမှ ခါတော်မှီထွက်ရှိလာသော အယူအဆအသစ်တစ်ရပ် မဟုတ်ပါ။ ကမ္ဘာ့ဘာသာတရားအားလုံးနီးပါး၌ မကောင်းမှုကိုဆန့်ကျင်သည့် လုပ်ရပ်ကောင်းအဖြစ် ပါဝင်လျက် ရှိနေကြပါသတည်း။

    လူ့အခွင့်အရေးများ နှင့် လွတ်လပ်စွာယုံကြည်ကိုးကွယ်ခွင့်ကို ကာကွယ်ခြင်း

    ကုရ်အာန်၏ပါဒတော် (၂၂း၃၉)ကိုကြည့်လျှင် မုစ်လင်မ်တို့သည် မိမိတို့အပေါ် စစ်ဆင်လာသူများကိုသာ မိမိကိုယ်ကို ခုခံကာကွယ်ရေးအတွက် တိုက်ခိုက်ခွင့်ရှိသည်ဟု ပြသထား၏။           ပါဒတော် (၂၂း၎ဝ)က လက်နက်စွဲကိုင်ရသည့်အဆင့်အထိဖြစ်သွားစေသောအကြောင်းရင်းကို ပြတ်ပြတ်သားသား ဖော်ပြနေ၏။

    ထိုသူတို့မှာကား ‘ မိမိတို့၏ဖန်ဆင်းရှင်သည် အလ္လာဟ်အရှင်မြတ် ဖြစ်ပါသည် ‘ ဟု ပြောဆိုကြယုံမျှဖြင့် (အခြား) မည်သည့်အကြောင်းမျှမရှိဘဲ မိမိတို့နေအိမ်များမှ မတရားနှင်ထုတ်ခြင်း ခံခဲ့ကြရရှာသည်။                       ( ကုန်အာန် ကျမ်း၂၂း ၄ဝ )

    လူ့အခွင့်အရေး နှင့် လွတ်လပ်စွာယုံကြည်ကိုးကွယ်ခွင့်အား ကာကွယ်ရေးရည်ရွယ်ချက် အတွက် ကိသာ့လ် ပြုခွင့်ရှိသည်ကို တွေ့ရပေမည်။ ဤပါဒတော်၏ထပ်မံဖော်ပြချက်များက မုစ်လင်မ်များ အတွက်သာမဟုတ်ဘဲ အခြားဘာသာတရားများအတွက်ပါ ပါဝင်လျက်ရှိသည်မှာ ထူးခြားလှ၏။ ရှုပါလေ။

    စင်စစ်သော်ကား အကယ်၍ အလ္လာဟ်အရှင်မြတ်သည် လူတို့အား တစ်ဦးကိုတစ်ဦး/ တစ်ဖွဲ့ကိုတစ်ဖွဲ့အားဖြင့်ကာကွယ်တော်မူခြင်း မရှိပါလျှင် ဘုန်းတော်ကြီးကျောင်းများသည်လည်းကောင်း၊ ခရစ်ယာန်ဝတ်ပြုကျောင်းများသည်လည်းကောင်း၊ ယဟူဒီတို့၏ဝတ်ကျောင်းများသည်လည်းကောင်း၊ အလ္လာဟ် အရှင်မြတ်၏နာမံတော်များကို များမြောင်စွာရွတ်ဆိုလျက်ရှိသော ဗလီဝတ်ကျောင်းတော်များသည် လည်းကောင်း ဖြိုဖျက်ခြင်းခံကြရမည်မှာ အမှန်ပင်။                                        ( ကုန်အာန် ကျမ်း- ၂၂း ၄၁ )

    တဖန် အကယ်၍များ မုစ်လင်မ်တို့သည် ဂျိဟာ့ဒ်၌ ရန်သူများအပေါ်အောင်နိုင်သွားခဲ့လျှင်ပင် ရန်သူဖြစ်ခဲ့ကြသူတို့အား နှိပ်စက်ကလူပြုခြင်း၊ မဆင်မခြင် မောက်မာခြင်းအမှုမျိုးမှ ကင်းစွာရှောင်ကြဉ်ကြ၍ ဘာသာရေးလွတ်လပ်ခွင့်ထူထောင်ကြရန်၊ သူဆင်းရဲနှင့်အကြပ်အတည်းကြုံရသူများ၏ စီးပွားရေး အခြေအနေကို မြှင့်တင်ပေးရန်၊ အန္တရာယ်များကို ပယ်လှန်အားထုတ်ပြီး လူထုကောင်းကျိုးကို ဆောင်ရွက် ကြရန် ပါဒတော် (၂၂း၄၁) နှင့်တစ်ကွ အခြား မုက္ခပါဌ်တော်အများအပြား၌ ညွှန်းဆိုထားပေသည်။

    ပါဒတော် (၉း၅) နောက်ကွယ်မှ ဒဏ္ဍာရီများကို ရှင်းလင်းခြင်း

    ကိသာ့လ်ဆိုင်ရာ ကျမ်းဂန်စာသားနှင့် သမိုင်းကြောင်းတို့အား မဆိုစလောက်မျှ လေ့လာခြင်းသည် အစ္စလာမ်သာသနာရှိ လက်နက်စွဲကိုင်အားထုတ်ရမှု၏ ဦးတည်ရည်ရွယ်ချက် နှင့် ကျင့်ဝတ်စည်းမျဉ်းများကို နားလည်မှုလွဲချော်သွားစေသည်ချည်း ဖြစ်၏။ အားလုံးကိုဖော်ပြလျှင် ကျမ်းလေးမည် ကို စိုးသည့်အတွက် ၄င်းတို့အနက် အစွန်းရောက် မုစ်လင်မ်များ နှင့် မုစ်လင်မ်မဟုတ်သူဝေဖန်ရေးသမားများ – နှစ်မျိုးလုံးမှ ခံတွင်းတွေ့လှစွာသည့် မုက္ခပါဌ်တော်အား အဓိကထားရှင်းလင်းပါအံ့။

    သို့ဖြစ်ပေရာ ထူးမြတ်သောလများကုန်လွန်သွားသောအခါ အသင်တို့သည် ဖန်ဆင်းရှင်နှင့်အခြားအရာများကို ယှဉ်တွဲ ကိုးကွယ်ကြသူတို့အား တွေ့ရာအရပ်၌ သတ်ဖြတ်ကြကုန်။ ၄င်းပြင် ထိုသူတို့အား ချုပ်နှောင်ထားကြကုန်။ ၄င်းပြင် ၄င်းတို့ ပုန်းအောင်း တတ်ရာနေရာတိုင်းတွင် စောင့်ဖမ်းကြကုန် . . .                                    ( ကုန်အာန် ကျမ်း၉း ၅ )

    မုစ်လင်မ်အစွန်းရောက်ဝါဒီများက ဤမုက္ခပါဌ်တော်ကို တလွဲအသုံးချ၍ – မုစ်လင်မ်တို့သည် သွေဖည်ငြင်းဆန်သူတို့အား (အပြစ်မဲ့ မုစ်လင်မ်မဟုတ်သူများပါမကျန်) အကြမ်းဖက်တိုက်ခိုက်သတ်ဖြတ်ကြရ မည်ဟုဆိုကြ၏။ အစ္စလာမ့်ရေးရာဝေဖန်ရေးသမားတို့ကလည်း အစ္စလာမ်သာသနာသည် ကာဖိရ်တို့အား သတ်ဖြတ်ရန် တွန်းအားပေးထားသော ရုန်းရင်းကြမ်းတမ်းသည့် ဘာသာတရားအဖြစ် ဤပါဒတော်ကိုပင် ခုတုံးလုပ်ကာ ရုပ်လုံးဖော်ကြပြန်၏။

    ဤပါဒတော်အား တလွဲအသုံးချသူတို့ထံ မဟာအမှားအယွင်းကြီး ရှိနေပါသည်။ ဤအာယသ်တော်၌ ‘ သို့ဖြစ်ပေရာ ‘ ဟု စတင်ထား၏။ သဒ္ဒါရှုထောင့်မှကြည့်လျှင် အရေးပါသော ကနဦးစာသားများနှင့် အချိတ်အဆက်ရှိနေကြောင်း ထင်ရှားနေ၏။ ပါဒတော်(၉း၅)သို့ ပြန်လည်ခြေရာကောက်ကြည့်သော် ၄င်းနှင့်ဆက်စပ်နေသည့် ပါဒတော်လေးရပ် (၉း၁-၄)အား တွေ့ကြရ ပါမည်။ ယင်းအာယသ်တော်လေးရပ်အား လေ့လာကြည့်ပါက အသင်သည် အစ္စလာမ့် သမိုင်းကြောင်း စိုးစဉ်းမျှပင် မသိရှိစေကာမူ ၄င်းစူရဟ်/ကဏ္ဍတစ်ရပ်လုံး၏သဘောကို ရိပ်စားမိနိုင်ပေမည်။

    ပါဒတော်(၉း၁)သည် ဖန်ဆင်းရှင်နှင့်ထိုအရှင့်စေတမန်တော်တို့မှ ဘုရားအများ ကိုးကွယ်သူတို့နှင့်သက်ဆိုင်သော ပဋိညာဉ်ပျက်ပြယ်ကြောင်း ကြေငြာချက်ဖြစ်၏။ သမိုင်းကြောင်းအရ ယင်းပဋိညာဉ်ကို ဟုဒိုင်းဗီယဟ် စာချုပ်ဟုခေါ်ဆိုသည်။ ၄င်းစာချုပ်၌ ဆယ်နှစ်အထိ စစ်မဖြစ်ရေးငြိမ်းချမ်းရေး ရယူထားချက်ပါဝင်သည်။ ပါဒတော် (၉း၂-၃)သည် ယင်းမုရ်ှရစ်က်များကို တိုင်းပြည်အတွင်း လွတ်လပ်စွာ သွားလာခွင့်နှင့်အတူ (ပဋိညာဉ်ချိုးဖောက်မှုအပေါ် နောင်တရရန်) အချိန်ပေးထားခဲ့သည်။ အာယသ် တော်(၉း၎)၌ စစ်မက်ကြေငြာမှု၏အကြောင်းရင်းကို ဤသို့ ဖော်ပြထားသည်။

    အကြင် (ပဋိညာဉ်ချိုးဖောက်သော) မုရ်ှရစ်က်တို့မှတစ်ပါး အသင်တို့နှင့် ပဋိညာဉ်ဖွဲ့ခဲ့ကြကုန်သည့် (အခြား) မုရ်ှရစ်က်တို့သည် အသင်တို့နှင့်ပတ်သက်၍ တစ်စုံတစ်ရာ ဝတ္တရားပျက်ကွက်ယုတ်လျော့စေကြသည်မဟုတ်။ အသင်တို့အပေါ်ဆန့်ကျင်သည့် မည်သူ့ကိုမျှ ကူညီခဲ့ကြသည်မဟုတ် . . ( ကုန်အာန် ကျမ်း ၉း ၄ )

    အထက်ပါ (၉း၎)အရ (၉း၅)၌ ယင်းပဋိညာဉ်ကိုချိုးဖောက်သည့်၊ ၄င်းပြင် မုစ်လင်မ်အသိုင်းအဝိုင်းအား အန္တရာယ်ပြုနေသော ရန်သူ့ဘက်တော်သား မုရ်ှရစ်က်များကို စစ်ဆင်ရန် ဖော်ပြချက်ဖြစ်သည်။

    သို့ဖြစ်သဖြင့် ပါဒတော်(၉း၅) တစ်ခုတည်းကိုသာ ကွက်၍ ဖြတ်ယူဖော်ပြလိုက်ခြင်းက မုစ်လင်မ် တို့သည် မုရ်ှရစ်က်ဆိုသည်နှင့် ရန်သူမိတ်ဆွေ မခွဲခြားဘဲ ထာဝရစစ်ဆင်နေရမည်ကဲ့သို့ ဆိုးဆိုးဝါးဝါး အဓိပ္ပါယ် ထွက်သွားပါသည်။

    ရှေ့ဆက်လာသည့်ပါဒတော် (၉း၆-၁၆)များ၌ မုစ်လင်မ်များသည် ပဋိညာဉ်အပေါ်မှန်ကန်စွာ ရပ်တည်ကြသည့် မုရ်ှရစ်က်များကို လေးစားကြရမည့်အကြောင်း၊ ပဋိညာဉ်ချိုးဖောက်ခဲ့ကြကုန်သည့် မုရ်ှရစ်က်များကိုပင်လျှင် မိမိတို့၏ကတိကဝတ်များပြန်လည်စောင့်ထိန်းရန် လိုအပ်သည်ထက် အချိန်ပိုပေးထား ကြောင်း ငြင်း၍ မရအောင် တွေ့ကြရမည်တည်း။

    ပါဒတော် (၉း၂၉)၏ ဆိုလိုရင်း

    ယင်းအာယသ်တော်၌ ရှေးကျမ်းရသူများအနက် နိစ္စသစ္စာအားလက်မခံသူ၊ အလ္လာဟ်အရှင်မြတ်- နောက်ဆုံးနေ့တော် နှင့် ကျင့်ဝတ်ဥပဒေအား ငြင်းပယ်သူတို့သည် ဂျိဇ်ယဟ် မည်သော ကင်းလွတ်ခွင့်အခွန်ကို မထမ်းဆောင်သမျှကာလပတ်လုံး တိုက်ခိုက်ရန်ဖော်ပြထား၏။ အချို့သူတို့က မုစ်လင်မ်နယ်မြေအတွင်းနေထိုင်ကြသော ဂျူး နှင့် ခရစ်ယာန်များအပေါ် ဂျိဇ်ယဟ်အခွန်မဆောင်လျှင် မုစ်လင်မ်တို့မှ တိုက်ခိုက်ရမည်ဟု အဓိပ္ပါယ်ကောက်မှားနေကြ၏။ အမှန်မှာ ဤအခွန်အားဖြင့် မုစ်လင်မ် မဟုတ်သူများကို အစ္စလာမ့်စစ်တပ်၌ စစ်မှုထမ်းခွင့်မှ ကင်းလွတ်စေလိုက်ခြင်းဟု ဟဒီးဆ်တော်များတွင် ၄င်း၏ရည်ရွယ်ချက်အား ရှင်းလင်းစွာဆိုထားပေသည် (မုစ်လင်မ်မဟုတ်သူတို့မှာ မိမိ မယုံကြည်သော ဘာသာတရားအတွက် စစ်မှုထမ်းရန် မလိုအပ်ချေ)။

    အစ္စလာမ့်နယ်ပယ်အတွင်း မှီတင်းနေထိုင်ကြကုန်သော မုစ်လင်မ်မဟုတ်သူ လူ့အဖွဲ့အစည်း အားလုံးကိုပါ ကာကွယ်ပေးနေသည့် အစ္စလာမ့်တပ်မတော်အားထောက်ပံ့ရေး၌ ယင်းအခွန်ငွေကို အသုံးပြု ပါသည်။ သို့ပင်သို့ငြား မိမိ၏မိသားစုကိုပင် လုံလောက်စွာ မထောက်ပံ့နိုင်သည့် မုစ်လင်မ်မဟုတ်သူများမှာမူ ဂျိဇ်ယဟ်အခွန်ပေးဆောင်ရန် မလိုပါချေ။

    ဤပါဒတော်သည် တမန်တော်မြတ်(ဆွ) သက်တော်ထင်ရှားရှိဆဲ (ဝဟီခေတ်ကာလ) အတွင်း မုစ်လင်မ်ဆန့်ကျင်ရေး၌ ဂျူး နှင့် ခရစ်ယာန်တို့မှကူညီနေကြသော မုရ်ှရစ်က်များအပေါ် စစ်ဆင်ခြင်း အကြောင်းကို ဆွေးနွေးတင်ပြထားခြင်းဖြစ်သည်။ သို့ရာတွင် ဘာသာတရားအချင်းချင်း ငြိမ်းချမ်းစွာ အတူယှဉ်တွဲနေထိုင်ရေးအတွက် ဖိတ်ခေါ်ထားသော (၆ဝး၈)ကဲ့သို့ ပါဒတော်များအား ဤပါဒတော်က မထိခိုက်စေပါလေ။

    အစ္စလာမ့် စစ်စည်းကမ်းများ

    တမန်တော် မုဟမ္မဒ်(ဆွ)၏ အရင်းနှီးဆုံးဆွေသဟာတော်ကြီး နှင့် အစ္စလာမ်ကမ္ဘာ၏ပထမဆုံး ခလီဖဟ်ကြီး အဗူ ဗက်ရ် (ရဿွိ)သည် စစ်စည်းကမ်းနှင့် စပ်လျဉ်း၍ အောက်ပါကဲ့သို့ သွန်သင်ခဲ့သည်။

    ၁။  ဖြောင့်မတ်သောလမ်းမှသွေဖည်ခြင်း/သစ္စာဖောက်ခြင်း မပြုရ

    သက်ဝင်ယုံကြည်သူတို့သည် စစ်ရှိန်မြင့်စဉ်ကာလအတွင်း အစ္စလာမ့်တပ်မတော်မှ စွန့်လွှတ် ကျောခိုင်းထွက်ပြေးခြင်း မပြုကြရန်၊ စစ်မြေပြင်၌ သပ်က်ဝါတရားကိုလက်ကိုင်ပြု၍ တိုက်ခိုက်ကြရန်၊ မတရားမှုအား ရင်ဆိုင်တော်လှန်ရာတွင် မိမိကိုယ်တိုင်က မတရားညှင်းဆဲသူများ ပြန်လည်ဖြစ်မသွားကြစေရန် သွန်သင်ချက်ဖြစ်သည်။

    ၂။  ရုပ်အလောင်းများကို ပျက်လိုဖျက်ဆီး မပြုရ

    ဤသွန်သင်ချက်က ညှင်းပန်းနှိပ်စက်မှုကိုအဆုံးသတ်စေ၍ လွတ်လပ်မှုကို ဖော်ဆောင်ပေး သည်။ သေသူရော ရှင်သူများအပေါ် သိက္ခာချခြင်းလုပ်ရပ်မျိုး လုပ်ခွင့်မရှိပါ။

    ၃။  သက်ကြီးရွယ်အို၊ ကလေးသူငယ် နှင့် အမျိုးသမီးများကို မသတ်ဖြတ်ရ

    ဤအဆုံးအမ၌ ယှဉ်ပြိုင်နိုင်စွမ်း မရှိသည့်/မသန်စွမ်းသူ အမျိုးသားများလည်းပါဝင်နေသည်ဟု ပညာရှင်များကဆိုကြ၏။

    ၄။  စားပင်သောက်ပင်များအား မဖျက်ဆီးရ

    ဂျိဟာ့ဒ်သည် နှိပ်စက်ညှင်းပန်းခြင်းကို နိဌိတံစေခြင်းဖြစ်ရာ မုစ်လင်မ်တို့သည် သဘာဝ ပတ်ဝန်းကျင် နှင့်တစ်ကွ စားသောက်ကုန်ရိက္ခာများအား အကာအကွယ်ပေးကြရမည်။ သို့မှသာ နယ်ခံတို့သည် ရောဂါဘယ သို့ မဟုတ် ငတ်မွတ်ခေါင်းပါးမှုဒဏ်မှ ကင်းလွတ်မည်ဖြစ်၏။

    ၅။  ရန်သူတို့၏စားနပ်ရိက္ခာများကို မခိုးယူရ

    ခိုးဝှက်ခြင်းကို သိက္ခာမဲ့လုပ်ရပ်အဖြစ် သတ်မှတ်တားမြစ်ထားသည်။ စစ်မက်ဖြစ်ပွားခြင်းသည် ခိုးဝှက်မှုကို တရားဝင်ဖြစ်သွားစေသည် မဟုတ်ပါ။

    ၆။  ဘာသာပေါင်းစုံမှ သာသနာ့ခေါင်းဆောင်များကို ကာကွယ်ပေးရမည်

    ကိသာ့လ်၏ရည်ရွယ်ချက်၌ လွတ်လပ်စွာယုံကြည်ကိုးကွယ်ခွင့်ထူထောင်ရေးလည်း ပါဝင် သောကြောင့် မုစ်လင်မ်တို့သည်  ဘာသာရေးဆိုင်ရာပုဂ္ဂိုလ်များ နှင့် သာသနာရေးဆိုင်ရာ အထွဋ်အမြတ် ထားရာများကို ကာကွယ်စောင့်ရှောက်ပေးရပါမည်။

    တမန်တော် မုဟမ္မဒ်(ဆွ) နှင့် လက်မွန်မဆွ ရှေးဦးပထမမုစ်လင်မ်မျိုးဆက်ခေါင်းဆောင်တို့၏ ကျင့်ကြံမှုများမှ အခြားစစ်စည်းကမ်းများကိုလည်း အစ္စလာမ့်ဥပဒေပညာရှင်တို့က အောက်ပါ အတိုင်းပြဌာန်းထားသည်။

    ၁။  လက်စားချေစစ်ပွဲ မဆင်နွှဲရ

    မုစ်လင်မ်တို့သည် မိမိကိုယ်ကိုခုခံကာကွယ်ရေး၊ ဖိနှိပ်ညှင်းပန်းမှု ပပျောက်ရေး နှင့် သာသနာ့ လွတ်လပ်ခွင့်ရရှိရေးအတွက် မဟုတ်ပါက စတင်စစ်ဆင်တိုက်ခိုက်ခွင့် မရှိပါ။

    ၂။  နိုင်ငံ/ဒေသ၏ခေါင်းဆောင်သာလျှင် စစ်ကြေငြာခွင့်ရှိသည်

    အစ္စလာမ်နိုင်ငံ/ဒေသ၏ခေါင်းဆောင်မှ တရားဝင်စစ်ကြေငြာမှု မရှိဘဲနှင့် ထိုးစစ်ဆင်ခွင့် မရှိကြောင်း အစ္စလာမ့်ပညာရှင်များမှ အဆိုညီကြ၏။ လျှပ်တစ်ပြက်တိုက်ခိုက်ခြင်း နှင့် မကြေငြာဘဲ စစ်ဆင်ခြင်းတို့ကို အကြွင်းမဲ့ တားမြစ်သည်။ သို့ရာတွင်လည်း နယ်မြေဒေသ၏ တရားဝင်ခေါင်းဆောင် မရှိခဲ့လျှင် ဖိနှိပ်ညှင်းပန်းခြင်းနှင့်မတရားစော်ကားခြင်းတို့အား တုန့်ပြန်ခုခံရန်အတွက် ယေဘူယျအားဖြင့် ခွင့်ပြုထားပါသည်။

    ၃။  ရန်သူများကို အစ္စလာမ်ဖက်သို့ ဖိတ်ခေါ်ခြင်း

    စစ်ပွဲမစတင်မီ အစ္စလာမ့်တပ်မတော်သည် ရန်သူများကို အစ္စလာမ်သို့ဖိတ်ခေါ်ရမည်။ ၄င်းတို့မှ လက်ခံလျှင် ရန်ငြိုးရန်စအပေါင်းကို သင်္ဂြိုလ်ပစ်ရပါမည်။ ယခင်က ရန်သူများဖြစ်လင့်ကစား ယုံကြည်ချက်၌ ညီအစ်ကိုများ ဖြစ်သွားကြပေမည်။ အစ္စလာမ့်ဥပဒေပါရဂုအများအပြား၏အဆိုအရ စစ်မက်အဆုံးသတ်နိုင်ရေးအတွက် စစ်ပွဲတစ်လျှောက်လုံး ယင်းသို့ ဖိတ်ခေါ်ရန် ကြိုးပမ်းကြရမည်ဖြစ်၏။

    ၄။  ကောင်းမြတ်သောရည်ရွယ်ချက်နှင့်တွဲလျက် အားထုတ်ပါ

    ကိသာ့လ်ကို လူထူကောင်းကျိုးအတွက်သာ ဆောင်ရွက်ရ၏။ မည်သည့်စစ်အမျိုးအစား၌မဆို သဘာဝသယံဇာတအရင်းအမြစ်များကို လက်ဝါးကြီးအုပ်ခေါင်းပုံဖြတ် ရယူခြင်းကိစ္စမျိုးအား ပြင်းထန်စွာ တားမြစ် ထားပါသည်။ ရောင်းသူရောဝယ်သူပါ နှစ်ဦးနှစ်ဖက်စလုံး အကျိုးအမြတ်ဖြစ်ထွန်းစေမည့် ကုန်သွယ်စီးပွား အားဖြင့်သာ အရင်းအမြစ်များကို ပိုင်ဆိုင်ရောင်းဝယ်ခွင့်ရှိသည်။ ၄င်းပြင် ယင်းအရင်းအမြစ်သည် ကာလတို အတွက်သာ အကျိုးဖြစ်ထွန်းနိုင်လင့်ကစား ဖျက်ဆီးခြင်း၊ အသုံးပြုမရအောင် ဖန်တီးခြင်းတို့ကို မပြုရပါ။ ၄င်းတို့မှာ သိက္ခာမဲ့လုပ်ရပ်များသာဖြစ်ကြ၏ (၄း ၂၉ – ၃ဝ )။

    ၅။  နယ်မြေချဲ့ထွင်ခြင်း နှင့် ကျူးကျော်သိမ်းပိုက်ခြင်းအလို့ငှါ စစ်မဆင်ရ

    မုစ်လင်မ်တို့သည် တရားမျှတမှုတည်းဟူသော အကြောင်းခံအတွက်သာ ကိသာ့လ်ကို ဆောင်ရွက်ရ၏။ ယင်းရည်ရွယ်ချက်အတွက်မဟုတ်ဘဲ နယ်မြေချဲ့ထွင်သိမ်းပိုက်ခြင်းအတွက်မူ အလျဉ်း ခွင့်ပြုမထားချေ။

    ၆။  ရေတွင်းရေကန် နှင့် စားသောက်ကုန်များ၌ အဆိပ်မခပ်ရ လက်ရှိခေတ်၏အစ္စလာမ့်ဥပဒေပညာရှင်များစွာတို့က ဤစည်းမျဉ်းသည် ခေတ်ပေါ်စစ်ပွဲများမှ ဓာတုနှင့်ဇီဝ (အဆိပ်သင့်စေသော) လက်နက်များ အသုံးပြုခြင်းကိုလည်း တားမြစ်ထားကြောင်း လက်ခံထားကြသည်။

     

    ကိသာ့လ် နှင့် အစ္စလာမ့်ဥပဒေ

     

    အစ္စလာမ်သာသနာမှပြဆိုထားသော ကိသာ့လ်၏ ကျင့်ဝတ်စည်းမျဉ်းများ နှင့် ရည်ရွယ်ချက် အား ဆွေးနွေးရာတွင် ကိသာ့လ်မှာ လွတ်လပ်စွာကျင့်သုံးခွင့် မရှိကြောင်း၊ အစ္စလာမ့်ဥပဒေလမ်းကြောင်း (ယှရီအဟ်)၏ ဦးတည်ချက်ဘောင်အတွင်း၌သာရှိကြောင်း နားလည်ထားရမည်ဖြစ်သည်။

    ဂျိဟာ့ဒ်အကြောင်းကို သုံးသပ်စဉ်းစားသောအခါ အောက်ဖော်ပြပါဥပဒေအချက်အလက် များအား နှလုံးသွင်းထားရပေမည်။

    ၁။  ကျိုးကြောင်းဆီလျော်မှု ရှိရမည်

    အစ္စလာမ့် အချို့ဥပဒေများ၏နောက်ကွယ်၌ ထင်ရှားပြတ်သားသည့် အကြောင်းရင်း အကြောင်းခံ ရှိရသည်။ ဝက်သားစားခြင်းကိုတားမြစ်မှုကဲ့သို့သော အချို့ဥပဒေများမှာမူ အကြောင်းရင်းခံ မလိုချေ။ ကိသာ့လ် ဆိုင်ရာဥပဒေ၌ တရားမျှတမှုကိုဖော်ဆောင်ရေးဟူသည့် အကြောင်းခံ ရှိနေလေသည်။ ထို့ကြောင့် ပြတ်သားသည့် ဦးတည်ချက်များ နှင့် ကောင်းမြတ်သင့်လျော်သော အကြောင်းရင်းခံ မရှိပါလျှင် ကိသာ့လ်အားဖော်ဆောင်ရန် အကြောင်းမရှိချေ။

    ၂။  လူထုကောင်းစားရေးမူဝါဒကို မြှင့်တင်ပေးရမည်

    အစ္စလာမ့်ဥပဒေများက လူထုကောင်းကျိုးကို မြေတောင်မြှောက်ထားသည်။ ဥပမာ – သာသနာ၊ အသက်၊ မိသားစု၊ ပိုင်ဆိုင်မှု၊ ဂုဏ်သိက္ခာ နှင့် အသိတရားတို့အား တန်ဖိုးထားကာကွယ်ခြင်း တို့ဖြစ်သည်။ သို့ဖြစ်၍ ကိသာ့လ်သည် ဤရည်ရွယ်ချက်များအား အထမြောက်စေရန်ဖြစ်ရမည်၊ ယင်းအချက်များအပေါ် ထိခိုက်နစ်နာစေမှု အလျဉ်း မဖြစ်ရပါ။

    ၃။  ကောင်းကျိုး နှင့် ဆိုးကျိုးကို ချင့်ချိန်ရမည်

    ကောင်းကျိုးဖြစ်ထွန်းစေရေးအတွက် မကောင်းမှုတစ်ခုခုအား ရွေးချယ်ဖို့ကြုံဆုံရလျှင်ပင် ယင်းမကောင်းမှုကို ရှောင်ကြဉ်လိုက်ဖို့ကိုသာ အစ္စလာမ့်ဥပဒေက ညွှန်းပြထား၏။ ကိသာ့လ်၏ စည်းမျဉ်းသည်လည်း ထိုနည်းလည်းကောင်းပင်။ အန္တရာယ်ကိုကာကွယ်ခြင်းက အကျိုးအမြတ်ရယူခြင်းထက် သာမြတ်ပါသည်။

    ၄။  လူထုလုံခြုံရေးကို အကာအကွယ်ပေးရမည်

    အစ္စလာမ့်ဥပဒေက လူ့အဖွဲ့အစည်းကို စိုးရိမ်ပူပန်မှု၊ အဓမ္မမှု နှင့် ကယ်ကူရာမဲ့ အခြေအနေများမှ  အကာအကွယ်ပေးထားသည်။ လူထုလုံခြုံရေးအား ချိုးဖောက်ခြင်းသည် ကြီးလေးသော ပြစ်ဒဏ်သင့်၏။ လူထု၏ဘေးကင်းလုံခြုံရေးနှင့်တည်ငြိမ်ရေးကိုပျက်ပြားစေသည့် ပြန်ပေးဆွဲခြင်း၊ ပရမ်းပတာ သတ်ဖြတ်ခြင်း စသောလုပ်ရပ်မျိုးမှာ ကိသာ့လ်၌ လုံးဝမပါဝင်ချေ။

    ၅။  ကာလံဒေသံ၏အရှိတရားကို နားလည်လက်ခံရမည်

    ခေတ်နှင့်အညီဖြစ်တည်နေသော အရှိတရားများကို ထည့်သွင်းစဉ်းစားရသည့် စည်းစံနစ် ကျကျနည်းစဉ်အပေါ် အစ္စလာမ့်ဥပဒေအား တည်ဆောက်ကျင့်သုံးရလေရာ  – ကိသာ့လ်၌လည်း ခေတ်သစ် ကမ္ဘာ၏ လူမှုရေး၊ စီးပွားရေး နှင့် နိုင်ငံရေးဆိုင်ရာ အဖြစ်မှန်များအား ထည့်သွင်းစဉ်းစားရမည်ဖြစ်သည်။

     

    သာသနာ့အာဇာနည် (ယှဟီဒီ) ဟူသည်မှာ

                       ကိသာ့လ်၏ကျင့်ဝတ်စည်းမျဉ်းနှင့်အညီ တရားသောစစ်၌ တိုက်ခိုက်ယင်း ကျဆုံးသူများမှာ ယှဟီးဒ် ဟူသော ဂုဏ်ထူးဂုဏ်မြတ်ချီးမြှင့်ခံရ၏။ ၄င်းကို လျော့တိလျော့ရဲ ဘာသာပြန်ဆိုရပါလျှင် သာသနာ့ အာဇာနည် ဟူ၍ ဖြစ်၏။ အရဗီအသုံးအနှုန်းအရ ” သက်သေပြုထားပြီးသူ ” ဟူသည့် ၄င်း၏အဓိပ္ပါယ်မှာ ပိုမိုသင့်မြတ်နေပေသည်။ ယှဟီဒီ (အာဇာနည်)တစ်ဦးအဖို့ လူ့အဖွဲ့အစည်း၏အကောင်းဆုံးအကျိုးအလို့ငှါ သူ သို့မဟုတ် သူမ၏ ကိုယ်ပိုင်အသက်ဘဝအား စွန့်လွှတ်စတေးမှုဖြင့် သစ္စာတရားကို မျက်မှောက်ပြု ရပ်တည်လိုက်ရာရောက်သောကြောင့် ဖြစ်၏။

    ကိသာ့လ်၌သာမဟုတ်၊ စစ်မြေပြင်မှာသာမဟုတ်၊ အာဇာနည်ဘဝကို မည်သည့်နေရာမှာမဆို ရယူနိုင်၏။ မည်သည့်မုစ်လင်မ်ပင်ဖြစ်စေ လောကကောင်းကျိုးအတွက် ရိုးသားဖြောင့်မတ်စွာ အားထုတ် ဖော်ဆောင်ယင်း သေဆုံးကွယ်လွန်ပါက ယှဟီးဒ် အဆင့်သို့ရောက်၏။ အလားတူစွာ အသက်ဘဝ၊ ပိုင်ဆိုင်မှု၊ ဂုဏ်သိက္ခာကောင်း နှင့် အထွဋ်အမြတ်ထားရာများအား ကာကွယ်သောဖြစ်စဉ်အတွင်း ကွယ်လွန်ခဲ့သော် ယှဟီးဒုလ်အာခိရဟ် အဖြစ် ဂုဏ်ပြုခံရပေသည်။

    မည်သို့ပင်ဖြစ်စေကာမူ လောကီရေးရာအချီးမွမ်းခံရရေးအတွက် မဟုတ်ဘဲ အလ္လာဟ့်နှစ်မြို့မှုအတွက် သာ ဖြူစင်သန့်ရှင်းသောနှလုံးသားဖြင့် ယှဉ်ပြိုင်ရင်ဆိုင် အားထုတ်သူများသာလျှင် ယှဟီဒီအဖြစ် သတ်မှတ်ခံရသည်။ ဤအချက်ကို ဟဒီးဆ်တော်၌ ပြတ်သားစွာဖော်ပြထားပါသည်။

    အကောင်းဆုံးကိစ္စအပေါ် မိမိ၏အသက်အား စတေးခဲ့ကြသည့် အစစ်အမှန်အာဇာနည်တို့မှာ နောင်တမလွန်ဘဝဝယ် အမြင့်မားဆုံးအစားပေးဆုလာဘ်ကို ရရှိကြကုန်၏။ ဖန်ဆင်းရှင်သည် ယှဟီဒီတို့၏ အပြစ်များကို ခွင့်လွှတ်တော်မူ၏။ သုခဘုံ၏အမြင့်ဆုံးအဆင့်အား ချီးမြှင့်ပေးသနားတော်မူပြီး ကြားဝင် အသနားခံပေးနိုင်သည့် အခွင့်အရေးကိုလည်း ပေးသနားတော်မူမည်ဖြစ်သည်။

    တမန်တော် မုဟမ္မဒ်(ဆွ) နှင့် သာဝကတော်များသည် လက်နက်စွဲကိုင်အားထုတ်ရသည့် ဗဟိဒ္ဓ ဂျိဟာ့ဒ်ထက် အတ္တအားအနိုင်ယူရသည့် ဝိညာဉ်မြှင့်တင်ရေး အဇ္ဈတ္တဂျိဟာ့ဒ်ကို ပိုမို အလေးပေးခဲ့ကြကုန်သည်။ စစ်သည်တော်တစ်ဦးသည် ရဲရင့်ကြံ့ခိုင်ရမည့်အပြင် စည်းကမ်းလိုက်နာတတ်သည့်အကျင့်သီလလည်း ပိုင်ဆိုင်ရပေမည်။ သို့သာမက မိမိ၏ လုပ်ရပ်တိုင်းကို ဖန်ဆင်းရှင်က အခါမလပ်စောင့်ကြပ်ကြည့်ရှုနေတော်မူသည်ဟူသော အသိတရားလည်း အတူယှဉ်တွဲ ရှိနေရပေမည်။

    ကလဲ့စားကို တရားမျှတမှုဖြင့် အနိုင်ယူပါ

    တစ်ခါက ခလီဖဟ် အလီ (ရဿွိ)သည် စစ်ပွဲတစ်ခုတွင် မိမိ၏ရန်သူအား မြေပြင်ပေါ် ကိုင်ပေါက်လှဲသိပ်နိုင်ခဲ့၏။ ဓါးကိုမြှောက်၍ခုတ်သတ်မည်ပြုရာ ရန်သူက သူ၏မျက်နှာအား တံတွေးဖြင့် ထွေးလိုက်လေ၏။ အလီသည် ခေတ္တမျှတုန့်ဆိုင်းသွားပြီး ဓါးကိုပစ်ချကာ ၄င်းသူအား လွှတ်ပေးလိုက်လေ သည်။ အဘယ်ကြောင့်ဆိုသော် သူ၏နှလုံးသားမှာ တရားမျှတမှုမဟုတ်ဘဲ ဒေါသနှင့်ကလဲ့စား၏ အတုန့်အလှည့်ကြောင့် ညစ်ထေးသွားမည်ကို စိုးရိမ်၍ဖြစ်ပေသည်။ ဤသည်မှာ ကိသာ့လ်အတွင်းမှ မုစ်လင်မ် စစ်သည်တော်၏ အစစ်အမှန်အောင်မြင်မှုတည်း။

    ခေတ်သစ်ကမ္ဘာမှ ဂျိဟာ့ဒ်အမြင်များ

                       ခေတ်သစ်ကမ္ဘာ၌ ကြုံတွေ့နေရသော ပေါက်လွှတ်ပဲစား အပြင်းစားစစ်ပွဲအချို့နှင့်ပတ်သက်ပြီး မုစ်လင်မ်လောကနှင့်အနောက်တိုင်းအကြားရှိ ကွက်လပ်ကို တံတားခင်းနိုင်ရန် ပညာရှင်များနှင့် နိုင်ငံရေး သမားတို့မှ ကြိုးစားလျက်ရှိကြ၏။ ဤကိစ္စ၌ ဂျိဟာ့ဒ်သည် အရေးကြီးသော အခန်းကဏ္ဍမှပါဝင်နေပါသည်။

    ဤအကြောင်းအရာအား အပြည့်အဝနားလည်နိုင်ရန်မှာ အခြားကဏ္ဍများထက် ပိုမိုရှုပ်ထွေး နက်နဲပါသည်။ ဆက်လက်ဖော်ပြမည့် အခြေခံအယူအဆများက နားလည်မှုလမ်းကြောင်းထံ ဦးတည်ပေး ပါလိမ့်မည်။

    ကုရ်အာန်ကဖော်ပြထားသည့် ဂျိဟာ့ဒ်၏တရားမျှတမှုကို အစွန်းရောက်မျက်မှန် တပ်၍ဖတ်သောအခါ ကြောက်စရာအသွင်သို့ ပြောင်းလဲသွားပါသည်။ အချို့စစ်သွေးကြွအုပ်စုများသည် မိမိတို့၏တိုက်ပွဲများ အရှိန်မြင့်လာစေရန် ကုရ်အာန်မှပါဒတော်များကို လိုရာဆွဲ၍ (၄င်းတို့၏အယူအဆအား) အတည်ပြုနိုင်အောင် ကြိုးစားတတ်ကြ၏။ ယင်းသို့သောအုပ်စုများက ၄င်းတို့၏ယုံကြည်ချက်နှင့်လမ်းစဉ်ကို လူအများမှ အမှန်ဟု ထင်မြင်စေရန် ကုရ်အာန်ဋီကာဖွင့်အတတ်ပညာ အချက်အလက်အချို့အား အလွဲသုံးစားပြုလေ့ရှိကြ၏။ ၄င်းမှာ ရုပ်သိမ်းပယ်ဖျက်ပြီးသည့် အာယသ်တော်များဟု အသိများကြသော ပြန်လည်ပြင်ဆင်ခဲ့သည့် ကနဦးပြဌာန်းချက်ဆိုင်ရာအာယသ်တော်များကို အသုံးပြုခြင်း ဖြစ်ပေသည်။

    ကုရ်အာန်ရှိအစ္စလာမ့်ဥပဒေများမှာ အဆင့်လိုက်ပြဌာန်းချက်ဖြင့် သတ်မှတ်လာခြင်းဖြစ်သောကြောင့် မုစ်လင်မ်လူ့အဖွဲ့အစည်း အခိုင်အမာဖြစ်ပြီးနောက်ဝယ် နောက်ဆုံး အဆင့်ပြဌာန်းချက်သည် ကနဦး ပြဌာန်းချက်များအား လွှမ်းမိုးလေ့ရှိပေသည်။ နောက်ဆုံးပြဌာန်းချက်ကိုသာ အတည်ပြုဥပဒေအဖြစ် ကျင့်သုံးရ ပေသည်။ ဂန္ထဝင်ဋီကာရှင်များသည် မိမိတို့၏ကိုယ်ပိုင်ဆန္ဒနှင့်အမြင်ပေါ်မူတည်၍ ဖွင့်ဆိုခြင်း မရှိခဲ့ကြပါ။ အစွန်းရောက်ဋီကာရှင်များကမူ  (၉း၅)(၉း၂၉)ကဲ့သို့ ပါဒတော်များဖြင့် မုစ်လင်မ်တို့သည် မုစ်လင်မ် မဟုတ်သူတို့အား တိုက်ခိုက်ချေမှုန်းရမည်ဟု ဆိုလာသောအခါ  –  ၄င်းတို့နှင့် ဆက်စပ်နေသည့် အာယသ်တော်များ၊ အပြန်အလှန်ပူးပေါင်းဆောင်ရွက်ရေး နှင့် ကောင်းမွန်စွာဆက်ဆံမှုထူထောင်ရေး အခြားအာယသ်တော်အပေါင်းတို့ကို (၄င်းတို့သဘောဖြင့်) ပလပ်ပယ်ဖျက်ပစ်ရာရောက်နေပေသည်။ ထို့ကြောင့်လည်း ၄င်းတို့သည် ကိသာ့လ်ဆိုင်ရာကျင့်ဝတ်စည်းမျဉ်းများကို ကျောခိုင်းကြခြင်းဖြစ်သည်။ တဖန် ၄င်းတို့သည် ဂျိဟာ့ဒ်၏သမိုင်းဆိုင်ရာနောက်ခံအချို့ကို ခုတုံးလုပ်အမြတ်ထုတ်လိုက်ကြပြန်ရာ ယနေ့ခေတ် ကာလတွင် ဂျိဟာ့ဒ် အား နားလည်အောင်ရှင်းပြဖွင့်ဆိုရန် ခက်ခဲကုန်တော့သည်။

    တမန်တော်မြတ်(ဆွ)၏ခေတ်သမယ နှင့် နောက်ထပ်မျိုးဆက်တို့၏ခေတ်သမယအတွင်းရှိ မုစ်လင်မ်တို့သည် အန္တရာယ်ကြီးမားလှစွာသော အချိန်ကာလ နှင့် နေရာဒေသများ၌ နေထိုင်ခဲ့ကြရသည်။ ကမ္ဘာပေါ်တွင် ထိုစဉ်က သက်ဦးဆံပိုင်ပဒေသရာဇ်စံနစ်ကြီးစိုးနေပြီး နယ်မြေချဲ့ထွင်ရေးကိုသာ အဆက်မပြတ် ကြိုးပမ်းနေသောခေတ် ဖြစ်နေသည်။ မုစ်လင်မ်တို့သည်လည်း ” အနိုင်ရအောင်ယှဉ်ပြိုင်ရင်ဆိုင်မည်လော – ခေါင်းငုံ့သိမ်းပိုက်ခံမည်လော ” ဟူသည့် အနေအထား၌ ရောက်ရှိနေခဲ့ကြကုန်၏။ ယင်းသမိုင်းကြောင်း၏ အရှိတရားကို မုစ်လင်မ်တို့မှ ယဉ်ကျေးမှု ဖြန့်ဖြူးခြင်းဖြင့် တုန့်ပြန်ခဲ့ကြသည်။ ထိုသို့ပြုရာဝယ် မိမိကိုယ်ကိုကာကွယ်ရေး နှင့် အစ္စလာမ့်စည်းမျဉ်းရှိ ဘာသာရေးလွတ်လပ်ခွင့်အရ ထိရောက်စွာ ဆောင်ရွက်ခဲ့ ကြခြင်းသာဖြစ်လေသည်။

    ယင်းသို့သောအခြေအနေ၌ နေထိုင်ရှင်သန်ကြသော အစ္စလာမ့်ပညာရှင်အချို့ (အများစုမဟုတ်)သည် အစ္စလာမ့်ယဉ်ကျေးမှုထွန်းကားရာဒေသအားလုံးကို ဒါရုစ်စလာမ် (ငြိမ်းချမ်းရေးဘုံ)ဟု လည်းကောင်း၊ ထိုဒေသများမှအပ အခြားနယ်မြေတို့ကို ဒါရုလ်ဟရာမ် (စစ်မက်ဇုံ)ဟု လည်းကောင်း အယူအဆချဲ့ထွင်လိုက်ကြကုန်၏။ စင်စစ် ယင်းအယူအဆသည် တမန်တော်မြတ်(ဆွ)၏သွန်သင်မှု၌ မပါဝင်ပါ။ ခေတ်ပြိုင်အခြားပညာရှင်များကမူ ဤသတ်မှတ်ချက်ကို လက်သင့်မခံကြယုံမက အစ္စလာမ့်ယဉ်ကျေးမှု ထွန်းကားရာဒေသများကို ဒါရုလ်အိစ်သိဂျာဗဟ် (အစ္စလာမ့်ဖိတ်ခေါ်မှုကို လက်ခံထားသူတို့၏မှီတင်း နေထိုင်ရာ)ဟု လည်းကောင်း၊ ထိုဒေသများမှအပ အခြားနယ်မြေတို့ကို ဒါရုလ်ဒအ်ဝဟ် (အစ္စလာမ်ဖက်သို့ ဖိတ်ခေါ်သင့်သူတို့၏နယ်မြေဒေသ)ဟုလည်းကောင်း ဆိုခဲ့ကြကုန်၏။

    လက်ရှိခေတ်၏လူသားမျိုးနွယ်တို့သည် အပြည်ပြည်ဆိုင်ရာ လူမှုရေးနှင့်နိုင်ငံရေးစံနစ်သစ် တစ်ရပ်၌ နေထိုင်ရှင်သန်နေကြပြီဖြစ်ကြောင်း ယနေ့မုစ်လင်မ်အများစုက နားလည်ကြ၏။ သို့သော် အစွန်းရောက်အုပ်စုများက ဖော်ပြပြီးသော သီအိုရီအား ဖက်တွယ်ထားဆဲဖြစ်၏။ ၄င်းတို့သည် လောကတစ်ခွင် လုံးကို စစ်ဆင်ရာဌာနအဖြစ် ရှုမြင်နေကြကုန်၏။ အဘယ်ကြောင့်ဆိုသော် အစ္စလာမ်သာသနာအပေါ် ၄င်းတို့၏ကိုယ်ပိုင်ဖွင့်ဆိုချက်များနှင့်ကိုက်ညီသော တိုင်းနိုင်ငံဟူ၍ ကမ္ဘာပေါ်၌ ရှိမနေခြင်းကြောင့်တည်း။ အနောက်တိုင်းမှ နိုင်ငံရေးတရားဟောပြောသူအချို့၏  ”  အသင် (မုစ်လင်မ်)တို့သည် ကျွန်ုပ်တို့နှင့် အတူရှိနေသူများ(ကျွန်ုပ်တို့၏ဘက်တော်သားများ) သို့တည်းမဟုတ် အကြမ်းဖက်သမားတို့၏ ဘက်တော်သားများသာ ဖြစ်ကြကုန်၏ ” ဟူသောပြောဆိုချက်က မီးလောင်ရာလေပင့် ဖြစ်သွားပါတော့သည်။

    မုစ်လင်မ်လောကတွင်နေထိုင်သူများစွာတို့သည် လောကီကိုမိမိတို့၏ဘဝနှင့်ယှဉ်ထိုး၍ ကမ္ဘာ လောကကြီးကို စိတ်ပျက်ဖွယ်ရာအတိပြီးသော၊ အနှစ်မဲ့သော၊ သေးသိမ်ယုတ်ညံ့သော နေရာဌာနအဖြစ် ခံစားချက် ရှိနေကြ၏။ ဆင်းရဲမွဲတေမှုသည်လည်း (အဓိကမဟုတ်သော်လည်း) အကြောင်းတစ်ရပ် ဖြစ်နေပေသည်။

    ရှေ့ဆက်ဆိုရလျှင် ဆင်းရဲသည်ဖြစ်စေ၊ ချမ်းသာသည်ဖြစ်စေ မုစ်လင်မ်များမှာ မိမိတို့၏ကိုယ်ပိုင် စံနစ်ဆုံးရှုံး၍ လွှမ်းမိုးအုပ်ချုပ်အနိုင်ကျင့်ခံရမည့်အဖြစ်ကို အလျဉ်းမလိုလားကြချေ။ မိမိတို့၏အစိုးရသည် နိုင်ငံပိုင်သယံဇာတများအား ကမ္ဘာ့အင်အားကြီးနိုင်ငံများ၏ ခေါင်းပုံဖြတ်ခြင်းကို ခွင့်ပြုလိုက်သည့်အတွက် မုစ်လင်မ်တို့မှာ အလုပ်လက်မဲ့ပြဿနာ နှင့် လူထုကောင်းကျိုးဆိုင်ရာ ဆုံးရှုံးမှုများ ကြုံဆုံနေရသည်ဟု (ယင်းသို့သောနိုင်ငံသားတို့မှ) အမြင်ရှိနေကြပေသည်။

    တဖန် ကမ္ဘာ့ခေါင်းဆောင်များက ဒီမိုကရေစီ နှင့် လွတ်လပ်မျှတမှုအကြောင်းကို ဟောပြောရာတွင် ရံဖန်ရံခါ၌ အစ္စလာမ့်လောကရှိ မှန်ကန်နေသည့်လှုပ်ရှားမှုများအား မှိုချိုးမျှစ်ချိုး ဝေဖန်လိုက်တတ်ကြ၏။ စင်စစ် မုစ်လင်မ် ကမ္ဘာရှိ (ဝေဖန်ခံရသည့် အချို့) လှုပ်ရှားမှုများမှာ ဒီမိုကရေစီ၊ လွတ်လပ်မှု နှင့် တရားမျှတခြင်း အပေါ်သာ အခြေခံထားသည်ဖြစ်သောကြောင့် များစွာသောမုစ်လင်မ်တို့အဖို့ အမျက်ထွက်စရာ ဖြစ်ခဲ့ကြကုန်၏။ ထို့ကြောင့်လည်း ကုရ်အာန်က အောက်ပါကဲ့သို့ သတိပေးထားပါသည်။

    အို – လူသားအပေါင်းတို့။ အသင်တို့၏စည်းဖောက်ကျူးလွန်မှုသည် အသင်တို့အပေါ်၌သာ ပြန်လည်သက်ရောက်မည် ဖြစ်ပါအံ့။  ( ကုန်အာန် ကျမ်း ၁ဝး ၂၃ )

    သို့ဖြစ်ရာ ဤအရေးအရာများကို (မုစ်လင်မ်ဟုတ်သော၊ မုစ်လင်မ်မဟုတ်သော) အစွန်းရောက်အုပ်စုများက တရားမျှတမှု မရှိသည့် – ကျင့်ဝတ်သိက္ခာမဲ့သည့် နည်းလမ်းတို့ဖြင့် မိမိတို့၏ နိုင်ငံရေးအစီအစဉ်များအတွက် တွင်တွင်ကြီး အသုံးချနေကြပေသည်။

    မည်သို့ပင်ဖြစ်စေ မုစ်လင်မ်တော်လှန်ရေးသမား နှင့် ပြုပြင်ပြောင်းလဲရေးသမားတို့ကို ဝါးလုံးရှည်ဖြင့် သိမ်းကျုံးရမ်းရိုက်နေခြင်းက မတရားလှပါလေ။ နိုင်ငံများစွာ၌ မုစ်လင်မ်တို့သည် တရားမျှတစွာအုပ်ချုပ်ခြင်းကို လိုလား၍ မိမိတို့၏ လွတ်လပ်မှု နှင့် အခွင့်အရေးအတွက် တိုက်ပွဲဝင် နေကြသည်။ မတရားမှုကိုတော်လှန်သည့် ကောင်းမြတ်သောအမှုကိစ္စများ၌ လူပေါင်းများစွာ ပါဝင်နေကြ၏။ ၄င်းမုစ်လင်မ်တို့ကိုလည်း အစွန်းရောက်သမားများ သို့မဟုတ် အကြမ်းဖက်ဝါဒီများဟု တလွဲတချော် ကင်ပွန်းတပ်လာကြ၏။ စင်စစ် ယင်းအခေါ်အဝေါ်တို့မှာ အတိုက်အခံများအား သိက္ခာချရန်၊ အတိုက်အခံတို့၏ ပြုပြင်ပြောင်းလဲရေး/မူဝါဒ နှင့် အယူအဆအတွေးအမြင်များအား ရှုတ်ချနိုင်ရန် ထွင်လုံးဆင်လိုက်သည့် နိုင်ငံရေးဝေါဟာရများသာ ဖြစ်ပါသည်။ သို့သော်လည်း သမ္မတ ကနေဒီမှ ဤသို့ပြောဖူး၏။

    ” ငြိမ်းချမ်းစွာတော်လှန်ပြောင်းလဲခွင့် မပြုစေခြင်းက သွေးချောင်းစီးတော်လှန်ရေး အဖြစ် သို့သာ မုချ  ဖြစ်ပေါ်သွားစေသည် ”

    ဂျိဟာ့ဒ် ဟု နိုင်ငံရေးသမားတို့မှ မှားယွင်းစွာ ဖွင့်ဆိုထားသော အစွန်းရောက်ဝါဒကို အမှန်တကယ် ပပျောက်စေလိုပါလျှင် – မုစ်လင်မ်တို့နှင့်လက်တွဲ၍ အစွန်းရောက်ဝါဒကို အားပေးနေသော နိုင်ငံရေး နှင့် လူမှုရေးဆိုင်ရာ အတွေးအခေါ်ဆိုးများအား ဖယ်ထုတ်ရှင်းလင်းရန် လိုအပ်ပါသည်။ ယင်းသို့ ပူးပေါင်းစစ်ဆင်ရေးဆောင်ရွက်နိုင်မှသာ အခြားလောကနှင့် မုစ်လင်မ်လောက နှစ်ရပ်လုံး၌ တရားမျှတခြင်း၏ ပုံရိပ်ပေါ်လွင်လာပါမည်။

    အဆုံးသတ်သော် ကိုယ်စီကိုယ်ငှ ပြုပြင်ပြောင်းလဲရန် လိုအပ်နေပါသည်။ ကျမ်းမြတ် ကုရ်အာန်က သက်ဝင်ယုံကြည်သူတို့အား နာမ်ပိုင်းသစ္စာတစ်ရပ်ကို ဤသို့ နှိုးဆော်ထားပေသည်။

    မုချဧကန် လူမျိုးတစ်မျိုးသည် ၄င်းတို့၏အခြေအနေကို ၄င်းတို့ကိုယ်တိုင် မပြောင်းလဲသမျှ ကာလပတ်လုံး အလ္လာဟ် အရှင်မြတ်က ပြောင်းလဲပေးတော်မူမည် မဟုတ်ချေ။                ( ကုန်အာန် ကျမ်း ၁၃း ၁၁ )

     

    ဂျူလိုင်ရဲရင့်
    (  USA  မှ  ၂၀၀၄ ခုနှစ်ထုတ်၊ မုစ်လင်မ်မဟုတ်သူများအကြား Best Selling ဖြစ်ခဲ့သော  Sohaib Nazeer Sultan ၏  The Koran (Quran) For Dummies စာအုပ်မှ ဂျိဟာ့ဒ်ဆိုင်ရာ ကဏ္ဍတစ်ခုလုံးကို ဘာသာပြန်ဆိုတင်ပြခြင်း ဖြစ်သည်  )

    ဆောင်းပါးတွင်ပါရှိသော ကုရ်အာန်ကျမ်းမြတ်ကို လေ့လာလိုလျင်

    • ကုရ်အာန်ဘာသာပြန် ၂ အုပ်တွဲ PDF Version
    • ကုရ်အာန်ကျမ်းတော်မြတ် အာရဗီနှင့် အင်္ဂလိပ်ဘာသာပြန် လေ့လာလို့လျှင် http://tanzil.net/
    • မြန်မာဘာသာပြန်လေ့လာလိုလျှင် http://quran.mmsy.info/
  • အမြင်မမှားသင့်သော ဂျီဟားဒ်

    အမြင်မမှားသင့်သော ဂျီဟားဒ်

    ဒီဇင်ဘာ ၃ ၊ ၂၀၁၂
    M-Media
    နတ်တော်သူရိန်


    ဂျီဟားဒ်ဆိုတာ အကြမ်းဖက်ဝါဒ မဟုတ်ပါ။

    ဂျီဟားဒ်ဆိုတာ အပြစ်မဲ့ ပြည်သူများကို သတ်ဖြတ်နေခြင်း မဟုတ်ပါ။

    ဂျီဟားဒ်ဆိုတာ အားကြီးသူက အားနည်းသူကို အနိုင်ကျင့်ခြင်း၊ ကြီးနိုင်ငယ်ညှင်းပြုခြင်း မဟုတ်ပါ။

    ဂျီဟားဒ်ဆိုတာ အချင်းချင်း ဖျက်စီးနေခြင်း မဟုတ်ပါ။

    ဂျီဟားဒ်ဆိုတာ တရားမဲ့ ပြုကျင့်မှုကို သည်းခံနေခြင်းမဟုတ်ပါ။

    ဂျီဟားဒ်ဆိုတာ တရားသော အမှုကို ဆန့်ကျင်ရန် နှုတ်ပိတ်နေခြင်း မဟုတ်ပါ။

    ဂျီဟားဒ်ဆိုတာ လူအများ လုပ်ကြံဖန်တီးထားတဲ့ ဖြစ်စဉ်တစ်ခု မဟုတ်ပါ။

    ဂျီဟားဒ်၏ အဓိပ္ပါယ်ဖွင့်ဆိုချက်

    အနောက်မီဒီယာများ၏ ဂျီဟားဒ်ဆိုသည့် ဝေါဟာရကို “ဘာသာရေးစစ်”ဟု တမင်တကာ ဖန်တီးကြသည်။ တစ်ချို့ကလည်း Holy War “မြင့်မြတ်သော ဘာသာရေး စစ်ပွဲ”ဟု တလွဲအဓိပ္ပါယ်ကောက် တမင်ပြောဆိုကြသည်။ သို့သော် ဤဘာသာပြန်ဆိုချက်များသည် ပြည့်စုံလုံလောက်သော ဘာသာပြန်ချက်တော့ မဟုတ်ပေ။

    “ဂျီဟားဒ်”ဟူသည် အာရဗီ ဘာသာစကား ဝေါဟာရ ဖြစ်ပြီး မူရင်းအဓိပ္ပါယ်မှာ “အလ္လာဟ်အသျှင်မြတ်၏ အလိုတော်နှင့်အညီ ဘ၀တည်ဆောက်နိုင်ရန် ရုန်းကန်ကြိုးစား အားထုတ်ခြင်း” ဟူ၍ ဖြစ်သည်။ အာရဗီ – အင်္ဂလိပ် အဘိဓာန်တွင် သွားကြည့်လျှင် ဂျီဟားဒ်ကို Struggle ဟု ဖော်ပြထားသည်။

    တဖန် ၀ီကီပီဒီယားတွင်လည်း အောက်ပါအတိုင်း တွေ့ရပြန်သည်။

    There are two commonly accepted meanings of jihad: an inner spiritual struggle and an outer physical struggle.[1] The “greater jihad” is the inner struggle by a believer to fulfill his religious duties.[1][5] This non-violent meaning is stressed by both Muslim[6] and non-Muslim[7] authors.

    ထို့ကြောင့် ပို၍မြင့်မြတ်သော ဂျီဟားဒ်မှာ အတွင်းပိုင်း စိတ်ဓာတ်ရေးရာပြုပြင်ပြောင်းလဲရေးသာဖြစ်ချိမ့်သည်။

     

    ဂျီဟားဒ်ကို ပုံဖော်ခြင်း

    လူသားတစ်ဦးသည် အလ္လာဟ်အသျှင်မြတ်က တမန်တော်မြတ်ထံမှတစ်ဆင့် လူသားများထံ ထုတ်ပြန်ပို့ချသော ကုရ်အာန်ကျမ်းတော်မြတ်နှင့်အညီ ဘ၀တည်ဆောက်နိုင်ရန် မကောင်းမှု၊ ဒုစရိုက်၊ အကုသိုလ်၊ မတရားမှု စသည်တို့ကို တွန်းလှန်ချေမှုန်း တိုက်ခိုက်ရန် ကိုယ်စွမ်း၊ ဥာဏ်စွမ်း၊ စိတ်ဆန္ဒအား၊ ဥာဏအား၊ ဓနအား စသည့် စွမ်းအားအစုစုတို့ဖြင့် ရုန်းကန်ကြိုးစား အားထုတ်ခြင်းကို ဂျီဟားဒ်ဟု ကုရ်အာန်ကျမ်းတော်မြတ်က ရည်ညွှန်းသုံးစွဲပါသည်။ အာရဗီ ဝေါဟာရအရ “ဂျီဟားဒ်”ပြုသူများကို “မုဂျာဟိဒ်”ဟု ခေါ်ပါသည်။

    ဂျီဟားဒ်ကို စစ်ပွဲဟု ဆိုရာဝယ်

    “ဂျီဟားဒ်”ဆိုသည့် ဝေါဟာရသည် စစ်တိုက်ခြင်းဟူ၍ အဓိပ္ပါယ်ကို မရည်ညွှန်းသော်လည်း အစ္စလာမ်က သတ်မှတ်ပြဌာန်းထားသော တရားမျှတမှု အတွက်လည်းကောင်း၊ မကောင်းမှု အ၀၀ နိဂုံးချုပ် ပျက်သုဉ်းစေရန်အတွက် လည်းကောင်း၊ လူ့ဂုဏ်သိက္ခာနှင့် လူ့အဖွဲ့အစည်းတစ်ရပ်၏ အသက်အိုးအိမ် စည်းစိမ်ကို ခြိမ်းခြောက် တိုက်ခိုက် စော်ကားလာလျှင် စစ်မြေပြင်သို့ ထွက်ခြင်းကို “ဂျီဟားဒ်”ဟု မလွှဲမရှောင်သာ သုံးနှုန်းရခြင်းဖြစ်သည်။ သို့သော် ဂျီဟားဒ်ဟုဆိုတိုင်း စစ်ပွဲကိုချည်း ရည်ညွှန်းသည်ဟုဆိုလျှင် မှားသွားပါလိမ့်မည်။ အစ္စလာမ်သည် မတရားသော ကျူးကျော်တိုက်ခိုက်မှုများကို တရားသော၊ မျှတသော ခုခံကာကွယ်မှုဖြင့်သာ စစ်ပွဲကို ပြန်လည် ခုခံတွန်းလှန်ရန် ခွင့်ပြုပါသည်။

    အစ္စလာမ်က ခုခံကာကွယ်စစ်ကို ခွင့်ပြုထားသော်လည်း တင်ကြိုတိုက်ခိုက်ခြင်း (Pre- emptive Attack)၊ ကျူးကျော်စော်ကားခြင်းကို လုံးဝတားမြစ်ထားပါသည်။ ကုရ်အာန်ကျမ်းတော်မြတ်က ဤသို့ ပြဌာန်းထားပါည်။

    ထို့ပြင်တ၀ အသင်တို့သည် အလ္လာဟ်အရှင်မြတ် ၏ လမ်းတော်၌ အသင်တို့ကို (စတင်) စစ်မက်ပြိုင်ဆိုင် တိုက်ခိုက်သူတို့နှင့် ပြိုင်ဆိုင် တိုက်ခိုက် ကြကုန်လော့။ သို့ရာတွင် (ဤသို့ တိုက်ခိုက်ရာ၌) အသင်တို့သည် (မည်သည့်နည်းနှင့်မျှ) မကျူး လွန်ကြကုန်လင့်။ ဧကန်မုချ အလ္လာဟ်အရှင်မြတ် သည် ကျူးလွန်သူတို့ကို နှစ်သက်တော်မူသည် မဟုတ်ချေ။

    (ကုရ်အာန် ၂း ၁၉၀ )

    ထို့ပြင်တ၀ အသင်တို့သည် ထိုကာဖိရ်တို့အား တွေ့ဆုံဖမ်းဆီးမိရာ အရပ်၌ သုတ်သင် ရှင်းလင်း ကြကုန်လော့။ ထို့ပြင်တ၀ ထိုကာဖိရ်တို့က အသင်တို့အား(မက္ကာမြို့တော် မှ)  နှင်ထုတ်သကဲ့သို့ အသင်တို့သည်လည်း ထိုကာဖိရ်တို့အား (မက္ကာမြို့တော်မှ)နှင်ထုတ်ကြကုန်။ အမှန်သော်ကား (သာ သနာရေး၌) ညှဉ်းဆဲ နှိပ်စက် နှောင့်ယှက်ခြင်းသည် သတ်ဖြတ် ခြင်းထက်ပင် ပိုမို၍ ဆိုးရွားလှ၏။ သို့ဖြစ်ငြားလည်း မတ်စ်ဂျိဒ် ဟရာမ်ခေါ် ရိုသေ မြတ်နိုးအပ်သော(အလ္လာဟ်အရှင်မြတ်၏) ကျောင်းတော်ပါး၌ ထိုကာဖိရ်တို့က အသင်တို့အား စတင် မတိုက်ခိုက်သမျှ ကာလပတ်လုံး အသင်တို့သည် ၄င်းတို့အား မတိုက်ခိုက် ကြကုန်လင့်။ အကယ်၍ ထိုကာဖိရ်တို့သည် အသင် တို့အား စတင်တိုက်ခိုက် ကြပါမူ အသင်တို့သည် ထိုသူတို့အား တုံ့ပြန် တိုက်ခိုက်ကြ လေကုန်။ ဤသည်ပင် ကာဖိရ်တို့အား အပြစ်ဒဏ်ပေးခြင်းပင်ဖြစ်သည်။

    ( ကုရ်အာန် ၂း ၁၉၁ )

    (ယခုသော်) တိုက်ခိုက်ခြင်း ခံနေကြရသော (မွတ်စ်လင်မ်)တို့သည် (ခုခံတိုက်ခိုက်)ခွင့် ရရှိလေပြီ။ အကြောင်းမူကား၊ ၎င်းတို့သည် နှိပ်စက် ညှဉ်းပန်းခြင်းကို ခံခဲ့ကြရလေသည်။ ၎င်းပြင် ဧကန်မလွဲ အလ္လာဟ်အရှင်မြတ်သည် ၎င်းတို့အား ကူညီ စောင်မနိုင်စွမ်း ရှိတော်မူသော အရှင်မြတ်ပင် ဖြစ်တော်မူပေသည်

    ( ကုရ်အာန် ၂၂း ၃၉ )

     

            အထက်ပါ ကုရန်အာန် အာယသ်တော် ဖော်ပြချက်များကို ကြည့်ခြင်းအားဖြင့် အစ္စလာမ်တွင် ကျူးကျော် တိုက်ခိုက်ခြင်း၊ ကြိုတင်တိုက်ခိုက်ခြင်း (Pre – emptive Attack) အစရှိသည်တို့ကို ခွင့်မပြုကြောင်း ထင်ရှားသော သက်သေ အထောက်အထားများပင် ဖြစ်သည်။ အစ္စလာမ်က ငြိမ်းချမ်းရေး သာသနာဖြစ်သည့် အားလျော်စွာ ငြိမ်းချမ်းရေးကို ထူထောင်ထိန်းသိမ်းရန် မတရားသော ကျူးကျော်မှုကို ခုခံကာကွယ်ရန် မဖြစ်မနေ ဆောင်ရွက်ရသော အနေအထား တစ်ရပ်သာလျှင် စစ်ပွဲကို ခွင့်ပြုရခြင်းဖြစ်သည်။ သို့မှသာ ယင်းသို့သော စစ်ပွဲမျိုးကို ဂျီဟားဒ်ဟု သတ်မှတ် နိုင်မည်ဖြစ်သည်။

    စစ်ပွဲအတွက် ကျမ်းမြတ်ကုရ်အာန်၏  အောက်ဖော်ပြပါ စည်းကမ်းချက် (၉)ချက်နှင့် ကိုက်ညီမှုရှိရန် လိုအပ်ပါသည်။

    (၁)     စစ်ပွဲသည် နိုင်ငံရေး ခေါင်းဆောင်တစ်ဦးက ကြေငြာတိုက်ခိုက်ခြင်းမျိုး မဖြစ်ရဘဲ ဘာသာရေးဆိုင်ရာ ခေါင်းဆောင်တစ်ဦးက ကြေငြာတိုက်ခိုက်သည့် စစ်ပွဲဖြစ်ရမည်။ တစ်နည်းအားဖြင့် နိုင်ငံရေး၊ လူမှုရေး၊ စီးပွါးရေး၊ နယ်နိမိတ် ပိုင်ဆိုင်ရေးအပေါ် အခြေမခံရဘဲ ဘာသာရေးယုံကြည်ချက်အပေါ် အခြေခံသည့် စစ်ပွဲဖြစ်ရမည်။

    (၂)     ပုဂ္ဂိုလ်တစ်ဦးတစ်ယောက်၊ နိုင်ငံတစ်နိုင်ငံ၊ အဖွဲ့အစည်းတစ်ရပ်အပေါ် အခြေခံခြင်းမရှိစေရဘဲ မွတ်စလင်မ်ဟု တစ်ရပ်လုံးက ထောက်ခံသော စစ်ပွဲဖြစ်ရမည်။

    (၃)     တင်ကြိုတိုက်ခိုက်ခြင်း (Pre – emptive attack)၊ ကျူးကျော်တိုက်ခိုက်ခြင်းမျိုး မဖြစ်စေရပေ။

    (၄)     စစ်ဖြစ်ရခြင်း၏ ပြဿနာရပ်ကို တိုက်ခိုက်ခြင်းမပြုမီ အခြားငြိမ်းချမ်းသော နည်းလမ်းများဖြင့် ဦးစွာ ဆွေးနွေး ဖြေရှင်းပြီးနောက် ပြေလည်မှု မရရှိ၍ တိုက်ခိုက်ခြင်းမျိုးသာ ဖြစ်ရမည်။

    (၅)     အခြားသူများအား အစ္စလာမ်ဘာသာအတွင်းသို့ ကူးပြောင်းဝင်ရောက်ရန် ရည်ရွယ်ချက်ဖြင့် ဆင်နွှဲသော စစ်ပွဲမျိုး မဖြစ်စေရ။

    (၆)     စစ်ပွဲဆင်နွှဲရခြင်းသည် သြဇာအာဏာဖြန့်ကျက် ထူထောင်နိုင်ရန် အတွက်သော်လည်းကောင်း၊ နယ်မြေချဲ့ထွင် နိုင်ရန်သော်လည်းကောင်း မဖြစ်စေရပေ။

    (၇)     အပြစ်မဲ့သည့် အရပ်သားများ၊ အမျိုးသမီးများနှင့် ကလေးသူငယ်များအား ထိခိုက်ပျက်စီးခြင်း မရှိစေရပေ။

    (၈)     သစ်ပင်များ၊ ကောက်ပဲသီးနှံများ၊ တိရိစ္ဆာန်များနှင့် သဘာဝပတ်ဝန်းကျင်ကို အကြီးအကျယ် ထိခိုက်ပျက်စီး ဆုံးရှုံးမှုမျိုး မရှိစေရပေ။ တနည်းအားဖြင့် ဓါတုဗေဒလက်နက်၊ အဆိပ်ဓာတ်ငွေ့စသည်တို့ကို လုံးဝ မသုံးစွဲရပေ။

    (၉)     လူနေအိမ်များ၊ အဆောက်အဦးများနှင့် ဘုရားကျောင်းကန်၊ ဘာသာရေးဆိုင်ရာ အဆောက်အဦများ အစရှိသည့် အရပ်သား ပစ်မှတ်များကို တိုက်ခိုက်ခြင်း မပြုရပေ။

    ထို့ကြောင့် လွယ်လွယ်ကူကူ ဓားဆွဲ၊ သေနတ်ဆွဲ၊ ရရာလက်နက် ဆွဲကိုင်ရုံမျှဖြင့် “ဂျီဟားဒ်”ဟု ခေါ်ဆိုနိုင်မည် မဟုတ်ကြောင်း အထူးသိစေလိုပါသည်။

    အစ္စလာမ်ကို စစ်သွေးကြွဟု စွပ်စွဲခြင်း

    မိတ်ဆွေတစ်ဦးက ပြောဖူးပါတယ်။ ကမ္ဘာမှာ ပြဿနာဖြစ်တိုင်း မင်းတို့ မွတ်စလင်မ်တွေ ပါနေတယ်တဲ့။ အစ္စလာမ်မစ် စစ်သွေးကြွတွေက အကြမ်းဖက်လုပ်ရန်တွေ လုပ်နေတယ်။ စသဖြင့် ပြောပါတယ်။

    အစ္စလာမ်က စစ်သွေးကြွဖို့ မပြောနဲ့၊ စစ်ဖြစ်စေလောက်တဲ့ အခြေခံအကြောင်းရင်း လေးတွေကိုတောင်မှ ရှောင်ရှားခိုင်းတဲ့ သာသနာဖြစ်ကြောင်း အထက်မှာ တင်ပြခဲ့ပြီးပါပြီ။ အစ္စလာမ်သည် အကြမ်းဖက်မှု၊ ဗုံးဖောက်ခွဲမှု၊ လူအစုလိုက် အပြုံလိုက် သတ်ဖြတ်မှု၊ သေစေလိုမှု၊ မတရားကျူးကျော်မှု၊ တရားမဲ့ပြုကျင့်မှု မှန်သမျှကို လုံးဝရှုတ်ချပါတယ်။ ပြင်းပြင်းထန်ထန် ကန့်ကွက်ပါတယ်။

    စစ်စစ်အားဖြင့် ယင်းကဲ့သို့ အဖက်အမှောင့် လုပ်ရပ်များကို အစ္စလာမ် သာသနာအပါအ၀င် မည်သည့်ဘာသာ သာသနာကမှ လက်သင့်မခံပါ။

    အစ္စလာမ်သည် ခုခံကာကွယ်ခွင့်ကို ပေးထားပါသည်။ ကျူးကျော်တိုက်ခိုက်မှုကို ခွင့်မပြုပါ။ ကျူးကျော်တိုက်ခိုက်မှုသည် မတရားသော အမှုသာဖြစ်သည်။ ခုခံကာကွယ်ခွင့်သည် တရားသဖြင့်သာ ဖြစ်သည်။ အစ္စလာမ်သည် မတရားသော ကျူးကျော်တိုက်ခိုက်မှုများကို တရားသော ခုခံကာကွယ်မှုဖြင့်သာ တုန့်ပြန်ရန်သာ ခွင့်ပြုပါသည်။ တရားသော ခုခံကာကွယ်ခွင့်ကို တလွဲအသုံးချသူ အချို့ကြောင့် မလိုလားအပ်သော ပြဿနာများ ပေါ်လာခြင်းဖြစ်ပါသည်။ အစ္စလာမ်သည် စစ်ပွဲများကို လုံးဝ (လုံးဝ) ဆန့်ကျင်ပါသည်။

    ဂျီဟားဒ်နှင့် ပတ်သက်ပြီး လိုရာဆွဲ အဓိပ္ပါယ် ဖွင့်ဆိုခြင်းများ ရှိသကဲ့သို့ အစ္စလာမ်၏ ပြင်ပမီဒီယာများမှ ဂျီဟားဒ်ကို ပုံပျက်ပန်းပျက် ဖြစ်စေရန် ရည်ရွယ်ချက်ရှိရှိဖြင့် တလွဲအဓိပ္ပါယ် ဖွင့်ဆိုခြင်းကိုလည်း တွေ့ရှိရပါသည်။ စင်စစ်အားဖြင့် ဂျီဟားဒ်ဆိုသည်မှာ ၄င်းတို့ ရည်ညွှန်းသကဲ့သို့ စစ်သွေးကြွခြင်း မဟုတ်သည်ကို နားလည်ထားသင့်ပေသည်။ ဂျီဟားဒ်နှင့် ပတ်သက်ပြီး လိုရင်းနှင့် အနှစ်ချုပ်ဆိုရလျှင် မွတ်စလင်မ်တစ်ဦးသည် မိမိ၏ စိတ်နှလုံးတွင် ကိန်းအောင်းနေသော အစ္စလာမ်နှင့် ဆန့်ကျင်သည့် မကောင်းမှုများဖြစ်သည့် ဒေါသ၊ မောဟ၊ မာန်မာန၊ မနာလိုဝန်တိုမှု အစရှိသည့် ဒုစရိုက်အပေါင်းကို ငြိမ်းသက်စေပြီး မိမိ၏ စိတ်နှလုံးအား အေးချမ်း၍ ရင့်ကျက်တည်ငြိမ်စေသည့် စိတ်ဝိဥာဉ်အဖြစ် မွတ်စလင်မ်တိုင်းအတွက်၊ လူပုဂ္ဂိုလ် တစ်ဦးချင်းစီအတွက် အကြီးကျယ်ဆုံးသော ဂျီဟားဒ် (ဂျီဟားဒေ အက္ကဗရ်)ပင် ဖြစ်ကြောင်း တမန်တော်မြတ်၏ သြ၀ါဒတော်ကို ထပ်ဆောင်း တင်ပြလိုက်ရပါသည်။

     

    မှီငြမ်း             –         အစ္စလာမ့်ဗဟုသုတ လေ့လာရန်အချက်များ၊ မမလဌာနချုပ်

    ကိုးကား                   –         ကျမ်းတော်မြတ်ကုရ်အာန် မြန်မာဘာသာပြန်

    –         အာရဗီ – အင်္ဂလိပ် အဘိဓာန်

    –         Invitation to Understanding Islam, Jihad ဆောင်းပါး

    –         www.islam.gov.my

     

  • ဗြိတိသျှ မွတ်စ်လင်မ် အမျိုးသမီးများ၏ “အကြမ်းဖက်မှုများအား ဆန့်ကျင်သည့် ဂျီဟာဒ်”

    ဂျီဟဒ်အပေါ်လွဲမှားသည့် ထင်မြင်ယူဆချက်များအား ရှင်းလင်းရန် ရည်ရွယ်ချက်ဖြင့် ဗြိတိသျှမွတ်စလင်မ်အမျိုးသမီး တဖွဲ့က အကြမ်းဖက်မှု နှင့် အိမ်တွင်းမတရားမှုမျိုးစုံအား တွန်းလှန်ရန် Campaign စည်းရုံးလှုံ့ဆော်မှုအသစ်တခုအား စတင်မည်ဟု သိရပါတယ်။

    “အကြမ်းဖက်မှုအား ဆန့်ကျင်သည့် ဂျီဟာဒ် အား လူတွေက ဝိရောဓိစကားလုံးအဖြစ် ထင်နေကြပါတယ်။ တကယ်တော့ ကျွန်မတို့ ဂျီဟာဒ်ဟာ ငြိမ်းချမ်းရေးအတွက်ပါ” ဟု Campaign စည်းရုံးလှုပ်ဆော်မှု ဒါရိုက်တာ Sara Khan က The Guardian သတင်းစာကို ဂျွန်လ ၆ ရက်နေ့က ပြောခဲ့ပါတယ်။

    အကြမ်းဖက်မှုများအား ဆန့်ကျင့်သည့် ဂျီဟာဒ်” ဟု အမည်ပေးထားသည့် Campaign ကို တနင်္ဂနွေနေ့က စတင်ခဲ့ပြီး အကြမ်းဖက်မှု မျိုးစုံကို တွန်းလှန်ရန် ရည်ရွယ်ကြောင်း သိရပါတယ်။

    အဲဒီ Campaign က Terrorism အကြမ်းဖက်မှု၊ အိမ်တွင်းမတရားဖိနှိပ်မှု၊ အစ္စလာမ့်တရားတော်အား လက်တလုံးခြား ခုတုံးလုပ်ကာ ပြစ်မှုကျူးလွန်မှုများ စတဲ့ ရာဇဝတ်မှုတွေ ချေမှုန်းဖို့ အဓိကထား ရည်ရွယ်ပါတယ်။

    အမျိုးသမီးများအား တန်ဖိုးထားသည့် အစ္စလာမ့်တရားတော်များအား အလေးထားကာ အမျိုးသမီးများအား နှိပ်စက်မှုများအား ရပ်တန်းကရပ်ရန်နှင့် မြင့်မြတ်တဲ့ အစ္စလာမ့်လမ်းညွှန်ချက်များအား ပြန်လည်ထိန်းသိမ်းရန် အမျိုးသားများအား လှုံ့ဆော်သွားခြင်းကို  ဒီ Campaign အသစ်က လုပ်ဆောင်သွားမည်ဖြစ်သည်။

    “အစ္စလာမ်ဟာ အကြမ်းဖက်မှုအားလုံးနှင့် အမျိုးသမီးများအား ဖိနှိပ်မှုများနှင့် ထပ်တူထပ်မျှဖြစ်လာနေပါပြီ” ဟု Khan ကပြောခဲ့သည်။

    “ကျွန်မတို့ သာသနာကို အကြမ်းဖက်မှုတွေလုပ်ဆောင်ဖို့ အသုံးချနေတာကို ကျွန်မတို့ ဘာမှမပြောပဲ ငြိမ်နေလို့ရတယ်လို့ ကျွန်မတို့ထင်ခဲ့ကြပါတယ်”

    အကြမ်းဖက်မှုများအား ဆန့်ကျင်သည့် ဂျီဟာဒ်” Campaign သည် ကမ္ဘာ့မွတ်စ်လင်မ်အမျိုးသမီးများရှုရာကောင်စီ၏ အစီအစဉ်တခုဖြစ်သည့် အမေရိကန်မွတ်စလင် မြှင့်မှုများ ကဏ္ဍမှ အခြေခံလာခြင်းဖြစ်ပါသည်။

    ဗြိသိသျှမွတ်စလင်အမျိုးသမီးများ၏ လုပ်ပိုင်ခွင့်များချပေးရန် လုပ်ဆောင်စဉ် ၎င်းတို့ “ယဉ်ကျေးမှု ရာဇဝတ်များ” ဟု ခေါ်တွင်သည့် မမှန်ကန်မှုများအား ပြင်ဆင်မည့် စည်းရုံးလှုံ့ဆော်ရေးအား ၂၀၀၉ ခုနှစ်မှာ စတင်ခဲ့တာ ဖြစ်ပါသည်။

    အကြမ်းဖက်မှု မရှိစေရ

    စည်းရုံးရေးလှုပ်ရှားသူများက သူတို့ရဲ့ ပထမဆုံးရည်မှန်းချက်ဟာ အကြမ်းဖက် terrorist များ ခိုးယူသုံးစွဲခဲ့သည့် “ဂျီဟာဒ်” ဆိုသည့် အသုံးအနှုံးအား ပြန်လည်ထိန်းသိမ်းရန် ဖြစ်သည်ဟု သိရပါသည်။

    “ဂျီဟာဒ် အား ကမ္ဘာပေါ်ရှိ အစွန်းရောက်ဝါဒီများက အကြမ်းဖက်မှုများ လုပ်ဆောင်ရန် ထင်ယောင်ထင်မှားပြုလုပ်မှုများအား ကျွန်တော်တို့ စိတ်ပျက်နေပါပြီ” ဟု သူတို့၏ အင်တာနက်ဝဘ်ဆိုဒ်ပေါ်တွင် အဖွဲ့ကဖော်ပြခဲ့ပါသည်။

    “အစွန်းရောက်တွေက အလေးအမြတ်ထားစရာ အစ္စလာမ့် တရားတော်များအား သူတို့ရဲ့ လူသားတွေအပေါ် ဆိုးယုတ်တဲ့အပြုအမှုတွေပြုလုပ်ဖို့ တလွဲအသုံးချနေတာတွေကို မွတ်စလင်မ် အဖွဲ့အစည်းတွေနဲ့ ခေါင်းဆောင်တွေက တိတ်ဆိတ်မနေဖို့ ကျွန်မတို့တိုက်တွန်းပါတယ်”

    အစ္စလာမ့်သာသနာ့ပညာရှင်များက ကုရ်အာန်ကဖော်ပြသည့် ဂျီဟာဒ်ဆိုသည်မှာ မတရားမှုများအား ဖယ်ရှားရန်နှင့် ကောင်းမှုလုပ်ရန် “ရုန်းကန်ခြင်း” ဟု အကြိမ်ကြိမ်တိကျစွာ ကြေငြာခဲ့ပါသည်။

    “ဂျီဟာဒ်” ဆိုသည့်စကားလုံးအား စက်တင်ဘာ ၁၁ အကြမ်းဖက်မှုနောက်ပိုင်းတွင် ဘာသာရေးစစ်ပွဲအဖြစ် အသုံးများလာကြသည်။

    တဆူတည်းဘုရားအားကိုးကွယ်သော ဘာသာရေးသုံးခုလုံး၏ နာမည်ကြီး ဗြိတိသျှ စာရေးဆရာ Karen Armstrong ကလည်း အာရဗီစကားလုံး “ဂျီဟာဒ်” အား ဘာသာရေးစစ်ပွဲဟု အဓိပ္ပါယ်ဖွင့်ဆိုခြင်းအား ဝေဖန်ခဲ့သည်။

    ဘိုင်ဇင်တိုင်းဧကရာဇ်တစ်ပါး ပြောကြားခဲ့သည့် “အစ္စလာမ် အားဓားမိုး၍ ဖြန့်ချီခဲ့သည်” ဟူသော အချက်ကို ကိုးကား၍ အစ္စလာမ့်ဂျိဟားဒ် သဘောတရားအပေါ် မေးခွန်းထုတ်ခဲ့ခြင်းအားဖြင့် ပုပ်ရဟန်းမင်းကြီး Benedict XVI သည် နိုင်ငံတကာဝေဖန်မှုတို့အားခံခဲ့ရလေသည်။

    ဗြိတိသျှနိုင်ငံသည် ၂ သန်းခန့်မျှသော မွတ်စလင်မ် လူနည်းစုနေထိုင်ရာဖြစ်ပြီး ဂျူလိုင် ၇ အကြမ်းဖက်မှုများနောက်ပိုင်း အကြမ်းဖက်မှုအားတုန့်ပြန်သည့် ဥပဒေများ၏ ဒဏ်ကိုအပြည့်အဝခံစားနေရသည်။

    မွတ်စလင်မ်ဖြစ်ခြင်းကလွဲလို့ မည့်သည့်အကြောင်းပြချက်မှ မရှိပဲ ရဲများ၏ မတရားမမျှတစွာ ပြုမူမှုများကို အကြိမ်ပေါင်းများစွာ ခံနေရကြောင်း တိုင်ကြားခဲ့ကြရသည်။

    Financial Times ပြည်သူ့အထင်အမြင် ခံယူပွဲတစ်ခုက ဗြိတိန်ဟာ မွတ်စလင်မ်များကို သံသယအဖြစ်ဆုံးနိုင်ငံတခုဖြစ်သည်ဟု ဖော်ပြခဲ့ပါသည်။

    MMSY အွန်လိုင်းက မွတ်စလင် သတင်းဘာသာပြန်ရအောင် ကဏ္ဍတွင် onislam မှ ယူဘာသာပြန်သည်။