ဒီဇင်ဘာ ၁၄၊ ၂၀၁၆
M-Media
– ယခုနှစ်အတွင်း ကမ္ဘာတစ်ဝှမ်း အစိုးရများ၏ ဖမ်းဆီးအကျဉ်းချခံရသည့် ဂျာနယ်လစ်အရေအတွက်မှာ ၂၅၉ ဦး ရှိခဲ့ပြီး နှစ်ပေါင်း ၃၀ အတွင်း အမြင့်ဆုံးဖြစ်သည်ဟု ဂျာနယ်လစ် ကာကွယ်ရေးကော်မတီ (CPJ) က ပြောကြားလိုက်သည်။
CPJ မှာ စာနယ်ဇင်းလွတ်လပ်ခွင့်အတွက် ဆောင်ရွက်နေသည့် အကျိုးအမြတ်မယူသော အဖွဲ့ဖြစ်ပြီး ပြီးခဲ့သည့်နှစ်တွင် ဖမ်းဆီးအကျဉ်းကျခံရသည့် ဂျာနယ်လစ်အရေအတွက်မှာ ၁၉၉ ဦး ရှိသော်လည်း ယခုနှစ်အရေအတွက်မှာ ၎င်းတို့ စတင် စစ်တမ်းကောက်ယူခဲ့သည့် ၁၉၉၀ နောက်ပိုင်း အမြင့်ဆုံးပမာဏဟု ဆိုသည်။
ယခု အရေအတွက်တွင် ပျောက်ဆုံးသွားသူများ၊ သို့မဟုတ် အစိုးရမဟုတ်သည့် အဖွဲ့များမှ ဖမ်းဆီးထားသူများ မပါဝင်ပေ။
ဂျာနယ်လစ်များကို ဖမ်းဆီးအကျဉ်းချမှုတွင် တူရကီနှင့် တရုတ်နိုင်ငံတို့က ဦးဆောင်နေပြီး အီဂျစ်နိုင်ငံက တတိယနေရာလိုက်နေသည်။ ယခုနှစ်တွင် ထူခြားချက်တစ်ခုမှာ ၂၀၀၈ ခုနှစ်ကတည်းက ဂျာနယ်လစ်များအား အကျဉ်းချသည့် ထိပ်တန်းနိုင်ငံများစာရင်းတွင် ပါဝင်ခဲ့သောအီရန် ပြုတ်သွားခြင်းဖြစ်သည်။
CPJ ကမူ ၂၀၀၉ ခုနှစ် ရွေးကောက်ပွဲအပြီးနောက်ပိုင်း ဖမ်းဆီးခံရသည့် ဂျာနယ်လစ်များမှာ အပြစ်ဒဏ်စေ့၍ ပြန်လည်လွတ်မြောက်သွားခြင်းကြောင့်ဖြစ်သည်ဟု ဆိုသည်။
တူရကီနိုင်ငံတွင် ဒီဇင်ဘာ ၁ ရက်နေ့အထိ ဖမ်းဆီးအကျဉ်းချခံခဲ့ရသည့် ဂျာနယ်လစ်အရေအတွက်မှာ ၈၁ ဦးရှိနေပြီး အားလုံးမှာ နိုင်ငံတော်ပုန်ကန်မှုစွဲချက်ကို ရင်ဆိုင်နေရသည်။ တရုတ်နိုင်ငံတွင်မူ ဂျာနယ်လစ်စုစုပေါင်း ၃၈ ဦး ဖမ်းဆီးခံထားရပြီး ၂ နှစ်အတွင်း ဂျာနယ်လစ်များကို အနှိပ်ကွပ်ဆုံး နိုင်ငံအဖြစ် ရပ်တည်နေသည်။
Ref: Aljazeera