News @ M-Media

Tag: Kenya Muslim

  • မီဒီယာများ၏ တရား မမျှတမှု ပြောင်းလဲပစ်ရန် ကင်ညာ မွတ်စလင်များ တောင်းဆို

    မီဒီယာများ၏ တရား မမျှတမှု ပြောင်းလဲပစ်ရန် ကင်ညာ မွတ်စလင်များ တောင်းဆို

    ဒီဇင်ဘာ ၁၂ ။ ၂၀၁၄
    M-Media
    10-12-14_Islamophobic-Media-Concerns-Kenya-Muslims
    – နိုင်ငံအတွင်း အဓိကမီဒီယာများက အကြမ်းဖက်သတင်းများအား ဖော်ပြသည့် နည်းလမ်းများကို လုံးဝပြောင်းလဲပစ်ရန်အတွက် ကင်ညာ မွတ်စလင်များက တောင်းဆို လိုက်ပြီး ယခုလက်ရှိ ပရော်ဖက်ရှင်နယ် မပီသည့် သီတင်းဖော်ပြမှုက နိုင်ငံအတွင်း အခြေအမြစ်မရှိသော အစွဲအလမ်း နှင့် အစ္စလာမ်ကြောက်ရောဂါတို့ကို မီးထိုးပေးနေသည်ဟု သတိပေးပြောကြားလိုက်သည်။

    `အခြားဘာသာ တရားတွေက လူတွေ ရာဇ၀တ်မှု ကျူးလွန်တဲ့အခါ သူတို့ရဲ့ ဘာသာတရား ရှေ့မှာထည့်တာကို ကျွန်တော်တို့  မမြင်ရတာ ဘာ့ကြောင့်လဲ? မကြာသေးမီကပဲ ကင်ညာ ခရစ်ယာန် ဘုရားကျောင်းက တရားဟောဆရာ တစ်ယောက် ဗုံးလုပ်တဲ့ ပစ္စည်းတွေနဲ့အတူ ဖမ်းမိတယ်။ ဒါပေမယ့် မီဒီယာက ခရစ်ယာန် အကြမ်းဖက်သံသယရှိသူလို့ မခေါ်ဘူး။ ဒါဟာ အဆုံးသတ်ဖို့ လိုအပ်နေတဲ့ မမျှတမှုပါပဲ´ ဟု ကင်ညာရှိ ပုဂ္ဂလိက ကျောင်းတစ်ကျောင်းတွင် ဆရာဖြစ်သူ ရှိခ် အဘ်ဒူလာ ခီရ်က ပြောကြားခဲ့သည်။

    ရှိခ်ခီရ်၏ ထိုသို့ပြောကြားမှုမှာ အကြမ်းဖက် ၀ါဒ ကိစ္စများကို ဖော်ပြမှုများမှာ မွတ်စလင်များအတွက် မမျှတဟုဆိုကာ ကင်ညာ မီဒီယာများအား ပြင်းပြင်း ထန်ထန် ဝေဖန်ထားသော အစီရင်ခံစာ တစ်စောင်ကို ကင်ညာရှိ သတင်းစာ ဂျာနယ်လောကအား ထိန်းချုပ်နေသာ တရားဝင် အေဂျင်ဂျင်စီ တစ်ခုဖြစ်သည့် ကင်ညာ မီဒီယာကောင်စီမှ မကြာသေးမီက ထုတ်ပြန်ခဲ့ပြီးနောက် ထွက်ပေါ်လာခြင်းလည်းဖြစ်သည်။

    ၅၂ မျက်နှာပါသည့် အဆိုပါ စီရင်ခံစာကို Deconstructing Terror: Assessing Media’s Role in Religious Intolerance and Radicalisation ဟု အမည်ပေးထားပြီး မီဒီယာများတွင် ဖော်ပြသော ဇာတ်လမ်းများက မွတ်စလင်များအား ကြမ်းဖက်သမားများ သို့မဟုတ် အကြမ်းဖက်သမား ဖြစ်နိုင်ချေ ရှိသူများအဖြစ် ဖော်ပြသကဲ့သို့ ဖြစ်နေကြောင်း ထည့်သွင်းဖော်ပြထားသည်။

    ရှိခ်ကမူ အကြမ်းဖက်လုပ်ရပ်များနှင့် အစ္စလာမ်၊ မွတ်စလင်တို့အကြား ဆက်နွယ်မှုဖြစ်စေသော စကားလုံးများနှင့် စကားစုများအား ကင်ညာမီဒီယာများတွင် အသုံးပြုနေမှုကိုလည်း မေးခွန်းထုတ်ခဲ့သည်။

    ထို့ပြင် `အစ္စလာမ့်မစ်အကြမ်းဖက်ဝါဒ´ `အစ္စလာမ်အစွန်းရောက်´ `အစ္စလာမ့်မစ်များ´ `မွတ်စလင်အစွန်းရောက်´ စသည့် စကားလုံးများက ရာဇ၀တ်မှုကို အစ္စလာမ်၊ မွတ်စလင်တို့နှင့် ဆက်စပ်ပေးခြင်းဖြစ်ပြီး အစ္စလာမ်ကြောက်ရောဂါကို မြှင့်တင်ရာ ရောက်နေသည်ဟုလည်း ထည့်သွင်းပြောကြားခဲ့သည်။

    ကင်ညာအစိုးရနှင့် အလ်ရှာဘတ်တို့အကြား စစ်ပွဲကို အချို့သော သတင်းဌာနများက ခရစ်ယာန်နှင့် မွတ်စလင်များအကြားတွင် ဖြစ်ပွားသည့် ဘာသာရေးစစ်ပွဲ အဖြစ် ဖော်ပြကြသည်ဟု ကင်ညာ မီဒီယာကောင်စီမှ ထုတ်ပြန်သော အဆိုပါ အစီရင်ခံစာတွင် ဖော်ပြထားပြီး ထိုသို့ရေးသားမှုကြောင့် ဘာသာတရားနှင့် လူ့အဖွဲ့အစည်းကြား တင်းမာမှုနှင့် ပဋိပက္ခများကို ပိုမိုဆိုးဝါးစေသည်ဟုလည်း သတိပေးထားသည်။

    `ထင်ရှားတဲ့ဇာတ်လမ်းကို မွတ်စလင်တွေဘက် တစ်ဖက်သက်တံဆိပ်ကပ်မှုနဲ့ အနားကွပ်ပြီး မီဒီယာတွေက ဖော်ပြနေကြပါတယ်။ လေ့လာစောင့်ကြည့်ခဲ့တဲ့ တစ်ချို့ဇာတ်လမ်းတွေမှာဆို မွတ်စလင်အားလုံးဟာ အကြမ်းဖက်သမား အဖြစ် ဖြစ်နိုင်ချေ ရှိသလိုမျိုး၊ နောက်ပြီး အကြမ်းဖက်ဝါဒကို တိုက်ဖျက်တဲ့စစ်ပွဲဟာ မွတ်စလင်နဲ့ ခရစ်ယာန်အကြား ဖြစ်တဲ့စစ်ပွဲလို ဖော်ပြတာမျိုးတွေ ပါပါတယ်´ ဟု ကင်ညာရှိ ပုံနှိပ်နှင့် အီလက်ထရောနစ် မီဒီယာများက အကြမ်းဖက်ဝါဒ ပြဿနာများအား ဖော်ပြမှု ကို လေ့လာ ဆန်းစစ်ပြီးနောက် ထုတ်ပြန်ခဲ့သော အဆိုပါ အစီရင်ခံစာ၏ နိဂုံးချုပ်တွင် ဖော်ပြခဲ့သည်။

    ထို့ပြင် ဘသာရေး တင်းမာမှုနှင့် သည်းမခံမှုများကို မြင့်တင်ပေးသည့် အမုန်းဘက်နွယ်သော၊ သွေးဆူစေသော အမြင်များကို ဖယ်ရှားရန် ဆိုရှယ်မီဒီယာများနှင့် အွန်လိုင်း စာမျက်နှာများ၌၎င်းတို့၏ ဇာတ်လမ်းများကို မီဒီယာများက မျှမျှတတ ဖော်ပြကြရန်လည်း အဆိုပါ အစီရင်ခံစာတွင် တိုက်တွန်းထားသည်။

    ဆိုမာလီရှိ အလ်ရှာဘတ်များအား နှိမ်နင်းရန် ကင်ညာအစိုးရက စစ်တပ်များ စေလွှတ်ခြင်းကို မကျေနပ်သည့်အတွက် ကင်ညာနိုင်ငံအတွင်း အလ်ရှာဘတ်က အကြမ်းဖက် တိုက်ခိုက်မှုမျာ့း ပြုလုပ်ခဲ့ပြီးနောက် ကင်ညာနိုင်ငံအတွင်း အစ္စလာမ်ကြောက်ရောဂါမှာ မြင့်တက်လာခဲ့သည်။

    OnIslam

  • နိုင်ရိုဘီ တိုက်ခိုက်မှုအား ကင်ညာ မွတ်စလင်မ်များက ရှုတ်ချ

    စက်တင်ဘာ၊ ၂၄
    M-Media

    Muslims Condemn Kenya Terrorist Attack

    ကင်ညာနိုင်ငံ မြို့တော်နိုင်ရိုဘီရှိရှော့ပင်းမောလ် တစ်ခုအား ဆိုမာလီ အခြေစိုက် အလ်ရှာဘတ် အကြမ်းဖက်အဖွဲ့အစည်းက စီးနင်း တိုက်ခိုက်မှုအား ရှုတ်ချကြောင်း ကင်ညာရှိ မွတ်စလင်အဖွဲ့အစည်းက ကြေညာချက်ထုတ်ပြန်ခဲ့သည်။

    ထိုတိုက်ခိုက်မှုမှာ စနေနေ့ကစတင်ခဲ့ပြီး ယခုအချိန်အထိ လူပေါင်း ၆၉ ဦးသေဆုံးခဲ့ကာ ရာကျော်ဒဏ်ရာရခဲ့သည်။

    “ငြိမ်းချမ်းမှုကိုမြတ်နိုးတဲ့ ကင်ညာနိုင်ငံသားတွေနဲ့ ကျွန်တော်တို့နိုင်ငံမှာနေထိုင်ဖို့၊ အလုပ်လုပ်ဖို့ လာရောက်ကြတဲ့ နိုင်ငံတကာက ကျွန်တော်တို့ ဧည့်သည်တွေကို တိုက်ခိုက်တဲ့ဒီလိုလုပ်ရပ်မျိုးကို ပြင်းပြင်းထန်ထန်ရှုတ်ချဖို့ ကျွန်တော်တို့  မွတ်စလင်ခေါင်းဆောင်တွေ ဒီမှာစုဝေးကြတာပါ” ဟု ကင်ညာမွတ်စလင်ကောင်စီမှ တနင်္ဂနွေနေ့က ထုတ်ပြန်သော ကြေညာချက်တွင်ဖော်ပြထားသည်။

    ထို့ပြင် ယခုရင်ဆိုင်နေရသည့် အခက်အခဲများအား ဖြေရှင်းနေရသည့် လုံခြုံရေးတပ်ဖွဲ့ဝင်များနှင့် အစိုးရတာဝန်ရှိသူများ အားလုံးကိုထောက်ခံကြောင်း ထည့်သွင်းရေးသားခဲ့သည်။

    အဆိုပါတိုက်ခိုက်မှုမှာ နိုင်ရိုဘီမြို့ရှိ Westgate ရှော့ပင်းမောလ်တွင် စနေနေ့ ဒေသစံတော်ချိန် ၁၂နာရီခန့်တွင် ဖြစ်ပွားခဲ့ခြင်းဖြစ်ပြီး သေနတ်သမားများက ဗုံးများ၊ အော်တိုမက်တစ်လက်နက်များ ပစ်ဖောက်ကာ ၀င်ရောက်စီးနင်းခဲ့ကြသည်။ ထိုအချိန်တွင် ရှော့ပင်းမောလ်တွင် ကလေးများနေ့ကျင်းပနေချိန်လည်းဖြစ်သည်။

    အစ္စလာမ့်သွန်သင်ချက်နှင့် ဆန့်ကျင်သောလုပ်ရပ်

    ထိုတိုက်ခိုက်မှုဖြစ်ပွားပြီးလျှင်ပြီးချင်း ကင်ညာမွတ်စလင်များက ချက်ချင်းပင်ရှုတ်ချခဲ့ကြသည်။  “ဒီတိုက်ခိုက်မှုဟာရိုင်းစိုင်းပြီး မကောင်းဆိုးဝါးတွေရဲ့လုပ်ရပ်ပါ။ ဒါဟာ ကင်ညာစိုးရနဲ့ ကျွန်မတို့ကင်ညာနိုင်ငံသားအားလုံးအတွက် စိန်ခေါ်မှုပါပဲ” ဟု ကျား၊ မ တန်းတူညီမျှရေး တက်ကြွလှုပ်ရှားသူ ဟာမီဇာ ဆာဂျာက ကင်ညာသတင်းအေဂျင်စီတစ်ခုဖြစ်သည့် Anadolu Agency သို့ပြောကြားခဲ့သည်။ ထို့ပြင် မွတ်စလင်တစ်ယောက်အဖြစ် အစ္စလာမ်သာသနာက ထိုကဲ့သို့သောအကြမ်းဖက်လုပ်ရပ်များကို ဆန့်ကျင်ရှုတ်ချကြောင်းသိရှိထားပြီး တိုက်ခိုက်သူများကို ဘာသာတရားဖြင့်တွဲဖက်၍ မကြည့်ရှုသင့်ကြောင်း သူမက ထပ်လောင်းပြောကြားခဲ့သည်။

    “တိုက်ခိုက်သူတွေကို ဘာသာ လူမျိုးမရွေး ပြစ်ဒဏ်ပေးသင့်ပါတယ်။ ကျွန်မရဲ့ ဆွလာသ်(၀တ်ပြုမှုတွေ)ဟာ ဒဏ်ရာရသူတွေအတွက်ဖြစ်ပြီး အဆောက်အအုံထဲမှာ ပိတ်မိနေတဲ့ သူတွေကို အစိုးရက ကယ်တင်နိုင်လိမ့်မယ်လို့ ကျွန်မမျှော်လင့်နေပါတယ်” ဟု သူမက ဆိုသည်။

    ကင်ညာ မွတ်စလင်တစ်ဦးဖြစ်သူ ဘရှီးရ် မိုဟာမက်ကလည်း ထိုတိုက်ခိုက်မှုများအား ရှုတ်ချခဲ့ပြီး ယုတ်မာသော၊ သရဲဘောကြောင်သော အကြမ်းဖက်မှုအဖြစ်ပြောကြားခဲ့သည်။ ထို့ပြင် အမျိုးသမီးများနှင့် ကလေးငယ်များအား ပစ်မှတ်ထား တိုက်ခိုက်သည့် ထိုလုပ်ရပ်မှာ အစ္စလာမ်၏ ငြိမ်းချမ်းရေးသွန်သင်မှုများနှင့် ဆန့်ကျင်နေသည်ဟု ထည့်သွင်းပြောကြားခဲ့သည်။

    “ကင်ညာနိုင်ငံသားတွေအနေနဲ့ သည်းခံဖို့၊ ပြီးတော့ ညီအကိုမောင်နှမတွေလိုနေကြဖို့နဲ့ ဘာသာရေးပဋိပက္ခတွေဖြစ်ပွားနိုင်တဲ့ ဒီလိုလုပ်ရပ်တွေကို ရှုတ်ချဖို့ ကျွန်တော်တိုက်တွန်းပါတယ်” ဟု ဘရှီးရ်က ဆိုခဲ့သည်။

    အစ္စလာမ်က မိမိအား မတရားသဖြင့် ဖိနှိပ်စော်ကားသူကို ထိုမတရားမှုများချုပ်ငြိမ်းသွားသည်အထိ ခုခံပိုင်ခွင့်ပေးထားသော်လည်း အပြစ်မဲ့သူများအား သတ်ဖြတ်မှုကို ပြင်းပြင်းထန်ထန်တားမြစ်ထားသည်။ အပြစ်မဲ့သူတစ်ဦးအား သတ်ဖြတ်ခြင်းမှာ လူသားအားလုံးအား သတ်ဖြတ်သကဲ့သို့ အပြစ်ထိုက်ကြောင်း ကုန်အာန် ကျမ်းတော်မြတ်တွင် အတိအလင်းဖော်ပြထားသည်။

    Ref:OnIslam