ဖေဖော်ဝါရီ ၃၊ ၂၀၁၅
M-Media
– ဇန်န၀ါရီ ၃၁ ရက်နေ့က ကရင်အမျိုးသားအစည်းအရုံး KNU မှ ထိန်းချုပ်ထားရာ မြန်မာ-ထိုင်း နယ်စပ်တွင် ပြုလုပ်သည့် ကရင်တော်လှန်ရေးနေ့ အခမ်းအနားသို့ သြစတေးလျမှ လွှတ်တော်အမတ်ဖြစ်သူ လုကေး ဆင်မ်ကင်က တရားမ၀င်နယ်စပ်ဖြတ်ကျော်ကာ တက်ရောက်ခဲ့သည်ဟု သိရသည်။
မြန်မာနိုင်ငံတွင် လူ့အခွင့်အရေးချိုးဖောက်မှုများနှင့်ပတ်သက်၍ မကြာခဏ ဝေဖန်လေ့ရှိသည့် သြစတေးလျ စစ်မှုထမ်းဟောင်းဖြစ်သူ ဆင်မ်ကင်မှာ ကရင်တော်လှန်ရေးနေ့အခမ်းအနားသို့ တက်ရောက်ခဲ့ပြီနောက် သြစတေးလျအလံကို ကိုင်ဆောင်ကာ ကရင်တပ်ဖွဲ့ဝင်များနှင့်အတူ ဓာတ်ပုံရိုက်ခဲ့သည်။ ၎င်းမှာ KNU စစ်စခန်းတွင် တစ်ညတာကုန်ဆုံးခဲ့ပြီး နောက်နေ့တွင်မှ ထိုင်းနိုင်ငံမဲဆောက်မြို့သို့ ပြန်လည်ဝင်ရောက်လာခဲ့သည်။
မစ္စတာ ဆင်မ်ကင်မှာ မြန်မာနိုင်ငံသို့ ၀င်ရောက်ရာတွင် ထိုင်း-မြန်မာ တရားဝင် နယ်စပ်ဖြတ်ကျော်ဂိတ်ကို အသုံးမပြုခဲ့ဘဲ ၂ နိုင်ငံစလုံး၏ လူဝင်မှုကြီးကြပ်ရေးဥပဒေကို ချိုးဖောက်ခဲ့သည်။ သို့သော်လည်း ဆင်မ်ကင်ကမူ ၎င်း၏ ခရီးစဉ်အတွက် ကာကွယ်ပြောဆိုခဲ့ပြီး ကရင်လူမျိုးများ ထိန်းချုပ်ရာ ပိုင်နက်တွင် မည်သည့်အရာများ ဖြစ်ပျက်နေသည်ဆိုသည်ကို အပြင်ဘက်မှ လူများက လေ့လာရန် အရေးကြီးသည်ဟု ပြောကြားခဲ့သည်။
KNU မှ ထိန်းချုပ်ထားသော ဒေသအတွင်းသို့ ထိုင်းနိုင်ငံမှ တရားမ၀င် ၀င်ရောက်လေ့ရှိသည့် ဧည်သည့်များကို ထိုင်းစစ်တပ်က မကြာခဏ လစ်လျူရှုလေ့ရှိသည်။
ကရင်တော်လှန်ရေးနေ့အခမ်းအနားမှာ လွတ်လပ်ရေးရပြီး တစ်နှစ်အကြာ ၁၉၄၉ ခုနှစ် ဇန်န၀ါရီ ၃၁ ရက်နေ့တွင် မြန်မာစစ်တပ်အား ကရင်တပ်ဖွဲ့များက စတင်တော်လှန်မှုကို အစွဲပြု၍ နှစ်စဉ်ကျင်းပခြင်းဖြစ်သည်။
မြန်မာအစိုးရအား သြစတေးလျနှင့် အနောက်နိုင်ငံများက ပိတ်ဆို့မှုများ ဖယ်ရှားပေးခြင်းမှာ အလွန်စောလွန်းသည်ဟု ဆင်မ်ကင်က ၂၀၁၃ ခုနှစ်တွင် ဝေဖန်ခဲ့ဖူးသည်။
Ref: smh.com
