News @ M-Media

Tag: Libya

  • တနင်္လာနေ့မနက် နိုင်ငံတကာသတင်းများ

    တနင်္လာနေ့မနက် နိုင်ငံတကာသတင်းများ

    သြဂုတ် ၃၊ ၂၀၁၈
    M-Media

    ရိုက်တာသတင်းထောက်နှစ်ယောက်ဖြစ်သည့် ၀လုံးနှင့် ကျော်စိုးဦး

    ရိုက်တာသတင်းထောက်ကိစ္စ အမေရိကန်နှင့် ဗြိတိန်တို့ ရှုတ်ချ
    ===============
    ရိုက်တာသတင်းထောက်နှစ်ဦးကို ဒီကနေ့ ထောင် ၇ နှစ်စီ ချမှတ်လိုက်တာဟာ တိုင်းပြည်အတွင်း လွတ်လပ်စွာ ထုတ်ဖော်ခွင့်ရဖို့ ရုန်းကန်နေရသူတွေအတွက် စိုးရိမ်စရာကောင်းတယ်လို့ မြန်မာနိုင်ငံဆိုင်ရာ အမေရိကန်သံအမတ်ကြီးက စကော့မာရှယ်က ပြောကြားလိုက်ပါတယ်။

    ဗြိတိန်သံအမတ်ကြီး ဒန်ချက်ဂ်ကလည်း ဗြိတိန်နဲ့ ဥရောပနိုင်ငံတွေကိုယ်စား ဒီ အမိန့်ချမှတ်မှုကို စိတ်ပျက်ကြောင်း၊ ဒီမိုကရေစီမှာ လွတ်လပ်စွာ ထုတ်ဖော်ခွင့်နဲ့ တရားဥပဒေစိုးမိုးရေးတို့ဟာ အခြေခံကျပြီး အခုကိစ္စက ဒီနှစ်ခုစလုံး ယိုယွင်းနေတယ်ဆိုတာကို ပြသနေတာဖြစ်ကြောင်း ပြောကြားခဲ့ပါတယ်။

    မလေးရှားဘဏ္ဍာရေးဝန်ကြီး ခြစားမှုစွဲချက်အတွက် တရားသေလွတ်
    =============
    ပီနန်မှာ ဘန်ဂလိုဝယ်ယူမှုကိစ္စအတွက် ခြစားမှုနဲ့ စွဲချက်တင်ခံထားရတဲ့ မလေးရှား ဘဏ္ဍာရေးဝန်ကြီး လင်ဂွမ်အန်နဲ့ အခြားတစ်ဦးကို ပီနန်တရားရုံးချုပ်က ဒီကနေ့မှာ တရားသေ လွှတ်ပေးလိုက်ပါတယ်။ ပီနန်ဝန်ကြီးချုပ်အဖြစ် တာဝန်ထမ်းဆောင်စဉ်က မြေယာသဘောတူညီချက် ကိစ္စတစ်ခုမှာ အာဏာအလွဲသုံးစားလုပ်ခဲ့တယ်၊ ဘန်ဂလိုတစ်ခုကို ဈေးကွက်ပေါက်ဈေးထက် လျော့ပြီး ၀ယ်ခဲ့တယ်ဆိုတဲ့ စွဲချက်တွေနဲ့ လင်ဂွမ်အန်ဟာ ၂၀၁၆ ခုနှစ်မှာ မလေးရှား ခြစားမှုတိုက်ဖျက်ရေးကော်မရှင်ရဲ့ ဖမ်းဆီးမှုကို ခံခဲ့ရပါတယ်။ ကော်မရှင်ကတော့ သူတို့နှစ်ယောက်ကို တရားသေလွှတ်ပေးမှုအတွက် အလွန် အံ့အားသင့်ရတယ်လို့ ပြောကြားခဲ့ပါတယ်။

    အာဖရိကကိုပေးသည့်အထောက်အပံ့ ပြစားရန်မဟုတ်ဟု တရုတ်ပြော
    ==============
    အာဖရိကိုပေးတဲ့ ဘဏ္ဍာရေးအထောက်အပံ့တွေဟာ ပြစားတဲ့နေရာတွေမှာ အသုံးပြုဖို့မဟုတ်ဘဲ တိုင်းပြည်ရဲ့ ဖွံ့ဖြိုးတိုးတက်မှုကို အထောက်အကူဖြစ်စေမယ့် အခြေခံအဆောက်အဦးတွေ ဆောက်လုပ်ဖို့ ဖြစ်တယ်လို့ တရုတ်သမ္မတ ရှီကျင့်ဖျင်က စီးပွားရေးဖိုရမ်တစ်ခုမှာ ပြောကြားလိုက်ပါတယ်။ တရုတ်ဟာ အာဖရိကကို ကန်ဒေါ်လာ ၁၂၆ ဘီလီယံ ထောက်ပံ့ဖို့ ကတိပြုထားတာပါ။ ၃ နှစ်တစ်ကြိမ် ကျင်းပမယ့် တရုတ်-အာဖရိက ထိပ်သီးအစည်းအဝေးကိုလည်း ဒီတစ်ပတ်အတွင်း ကျင်းပဖို့ ရှိနေပါတယ်။

    တိုက်ခိုက်မှုများကြောင့် လစ်ဗျားတွင် အရေးပေါ်အခြေအနေ ကြေငြာ
    ===========
    မြိုတော်ထရီပိုလီ ဆင်ခြေဖုံးမှာ လက်နက်ကိုင်အဖွဲ့တွေအကြား ပြီးခဲ့တဲ့တစ်ပတ်ကတည်းက တိုက်ခိုက်မှုတွေ ဖြစ်ပွားခဲ့ပြီးတဲ့နောက် ကုလ ကျောထောက်နောက်ခံပြု လစ်ဗျားအစိုးရဟာ မနေ့က အရေးပေါ်အခြေအနေ ကြေငြာလိုက်ပါတယ်။ တိုက်ခိုက်မှုတွေကြောင့် အနည်းဆုံး ၃၉ ဦး သေဆုံးခဲ့ပြီး ၁၀၀ နီးပါးလောက် ဒဏ်ရာရခဲ့ပါတယ်။ အာဏာရှင် မွမ်မာ ကဒါဖီကို ဖြုတ်ချနိုင်ခဲ့တဲ့ ၂၀၁၁ ခုနှစ် တော်လှန်ရေးနောင်ပိုင်းကတည်းက လစ်ဗျားမှာ မငြိမ်သက်မှုတွေ ဖြစ်ပေါ်နေတာ ဖြစ်ပါတယ်။

    Ref: CNA,Aljazeera

  • ပြင်သစ်သမ္မတဟောင်း ဆာကိုဇီ ခြစားမှု၊ ငွေကြေးမသမာမှုများဖြင့် တရားစွဲခံရ

    ပြင်သစ်သမ္မတဟောင်း ဆာကိုဇီ ခြစားမှု၊ ငွေကြေးမသမာမှုများဖြင့် တရားစွဲခံရ

    မတ် ၂၂၊ ၂၀၁၈
    M-Media

    ဆာကိုဇီ သမ္မတအဖြစ် ရွေးကောက်ခံရပြီးနောက် ပဲရစ်တွင် ကဒါဖီနှင့် တွေ့ဆုံမှု

    – ၂၀၀၇ ခုနှစ် မဲဆွယ်ရေးလုပ်ငန်းတွင် ထိုစဉ်က လစ်ဗျားခေါင်းဆောင် မွမ်မာ ကဒါဖီထံမှ ငွေကြေးများ ရယူခဲ့သည့်အတွက် ထိန်းသိမ်းခံထားရသည့် ပြင်သစ်သမ္မတဟောင်း ဆာကိုဇီမှာ ခြစားမှုနှင့် တရားမ၀င် ငွေကြေးရယူခဲ့မှုများဖြင် ယနေ့တွင် တရားစွဲဆိုခံခဲ့ရသည်။

    ထိုကိစ္စနှင့်ပတ်သက်၍ ၅ နှစ်တာ စုံစမ်းစစ်ဆေးမှုနှင့် ဆာကိုဇီအား ၂ ရက်ကြာ စစ်ဆေးခဲ့ပြီးနောက် တရားသူကြီးများက လုံလောက်သည့်အထောက်အထားများကို ရရှိခဲ့သည်ဟု ဆုံးဖြတ်ကာ ယခုကဲ့သို့ တရားစွဲဆိုခဲ့ခြင်းဖြစ်သည်။

    အသက် ၆၃ နှစ်အရွယ် ဆာကိုဇီမှာ ၂၀၀၇ ခုနှစ်မှ ၂၀၁၂ ခုနှစ်အထိ သမ္မတာဝန်ကို ထမ်းဆောင်ခဲ့သူဖြစ်သည်။

    တရားစွဲဆိုမှုများကို ပြန်ရုပ်သိမ်းရေး အယူခံလျှောက်ထားရန် ဆာကိုဇီမှာ ၆ လ အချိန်ရမည်ဖြစ်ပြီး ထို့နောက် ကြားနာမှုများ ပြုလုပ်သင့်လားဆိုသည်ကို တရားသူကြီးများက ပြန်လည်ဆုံးဖြတ်မည်ဖြစ်သည်။

    ၂၀၀၇ ခုနှစ် ရွေးကောက်ပွဲ အောင်နိုင်ရေးအတွက် လစ်ဗျားခေါင်းဆောင်ဟောင်း ကဒါဖီထံမှ ငွေကြေးများ ရယူခဲ့သည်ဆိုသော စွပ်စွဲမှုများကို ဆာကိုဇီက ငြင်းဆိုထားသည်။

    တရားစွဲဆိုမှုတွင် ဆာကိုဇီမှာ အဆိုပါ မဲဆွယ်မှုအတွင်း သတ်မှတ်ထားသည့် ငွေပမာဏ ၂၄ သန်းထက် ၂ ဆ အသုံးပြုခဲ့ပြီး စာရင်းများကို လိမ်လည်ပြဆိုခဲ့သည်ဟု ဖော်ပြထားသည်။

    ပြင်သစ် စီးပွားရေးလုပ်ငန်းရှင်တစ်ဦးဖြစ်သူ ဇိုကဒ် တာကီဒင်းက ၎င်းအနေဖြင့် လစ်ဗျားမှ ငွေသား ကန်ဒေါ်လာ ၆ သန်းကို လစ်ဗျားမှ ဆာကိုဇီနှင့် ၎င်း၏ အရာရှိချုပ်ထံ လွှဲပြောင်းပေးခဲ့သည်ဟု ၂၀၁၆ ခုနှစ်တွင် စုံစမ်းဖော်မှု ၀ဘ်ဆိုက်တစ်ခုဖြစ်သည့် Mediapart သို့ ပြောကြားခဲ့သည်။

    Ref: Aljazeera

  • အာရပ်နွေဦးတော်လှန်ရေးကြောင့် အာဏာရှင် ဘယ်နှစ်ယောက် ဇာတ်သိမ်းသွားလဲ

    အာရပ်နွေဦးတော်လှန်ရေးကြောင့် အာဏာရှင် ဘယ်နှစ်ယောက် ဇာတ်သိမ်းသွားလဲ

    ဒီဇင်ဘာ ၆၊ ၂၀၁၇
    M-Media

     

    (၀ဲမှယာ) အာဆတ်၊ မူဘာရက်၊ ဆာလေဟ်၊ ဘင်အလီ ဂဒါဖီ

    – ယီမင်သမ္မတဟောင်း အလီ အဘ်ဒူလာ ဆာလေဟ်ကို ဟူသီသူပုန်တွေက တနင်္လာနေ့မှာ သတ်ဖြတ်လိုက်နိုင်တာဟာ ၂၀၁၁ ခုနှစ် အစောပိုင်းကတည်းက စတင်ခဲ့တဲ့ အာရပ်နွေဦး တော်လှန်ရေးကြောင့် နိဂုံးချုပ်သွားတဲ့ နောက်ထပ် အာရပ်ခေါင်းဆောင်တစ်ဦးအဖြစ် မှတ်တမ်းဝင်သွားခဲ့ပါတယ်။

    ဟူသီသူပုန်တွေကို တိုက်ခိုက်နေတဲ့ ဆော်ဒီဦးဆောင်တဲ့ မဟာမိတ်အဖွဲ့မှာ ပါဝင်တဲ့ ယူအေအီးရဲ့ စည်းရုံးမှုကြောင့် ဟူသီသူပုန်တွေနဲ့ ပူးပေါင်းဆောင်ရွက်မှုကို အဆုံးသတ်လိုက်တယ်လို့ ဆာလေဟ်က စနေနေ့မှာ ကြေငြာပြီးနောက်ပိုင်း ၂ ရက်အကြာမှာပဲ ဒီလို ဇီဝိန်ကြွေသွားတာ ဖြစ်ပါတယ်။

    တောင်နဲ့မြောက် ကွဲနေတဲ့ ယီမင်ဟာ ၁၉၉၀ ပြည့်နှစ်မှာ ပြန်လည်မပေါင်းစည်းခင်အရင် ၁၉၇၈ ခုနှစ်ကတည်းက ဆာလေဟ်ဟာ မြောက်ယီမင်ကို အုပ်စိုးခဲ့တာဖြစ်ပြီး နောက်ပိုင်းမှာ ညီညွတ်တဲ့ တစ်ပြည်ထောင်ယီမင်ရဲ့ သမ္မတဖြစ်လာပါတယ်။ ၂၀၁၂ ခုနှစ်အထိ အာဏာကို ဆုပ်ကိုင်ထားခဲ့ပြီးတဲ့နောက် ဆာလေဟ်ဟာ ဆော်ဒီကျောထောက်နောက်ခံပြု အဘ်-ရာဘူ မန်ဆူရ် ဟာဒီကို တရားဝင် အာဏာလွှဲပေးခဲ့ပါတယ်။

    ၂၀၁၁ ခုနှစ်မှာ တူနီးရှားက အစပြုခဲ့တဲ့ အာဏာရှင်ဖြုတ်ရေး လူထုအုံကြွမှုကြောင့် ယီမင်မှာလည်း ဆာလေဟ်ကို ပုန်ကန်မှု ပေါ်လာခဲ့ပြီး နောက်ဆုံး ရာထူးကနေ ဆင်းပေးရတဲ့အထိ ဖြစ်လာခဲ့တာပါ။

    ‘အာရပ်နွေဦး’ တော်လှန်ရေးကြောင့် အာရပ်ဒေသက အာဏာရှင်တွေ ဘယ်နှစ်ယောက် ပြုတ်သွားကြပြီလဲ

    ၁။ ဇိုင်နီ အလ် အဘီဒင် ဘင်အလီ – တူနီးရှား

    ဘင်အလီကို တူနီရှားပြည်သူတွေက ပြင်းပြင်းထန်ထန် ဆန္ဒပြခဲ့တဲ့ ၂၀၁၀ ခုနှစ် ဒီဇင်ဘာလမှာ အာရပ်နွေဦးတော်လှန်ရေး အစပြိုးလာတာ ဖြစ်ပါတယ်။

    ၁၉၈၇ ခုနှစ် စစ်အာဏာသိမ်းပြီး နောက်ပိုင်းကတည်းက ဘင်အလီဟာ ဆင်းမပေးတော့ဘဲ အာဏာရှင်တို့ရဲ့ ထုံးစံအတိုင်း ပြည်သူတွေအပေါ် ဖိနှိပ်ချုပ်ချယ်မှု၊ ငွေတန်ဖိုးကျလာမှု၊ အလုပ်လက်မဲ့များလာမှုတွေဟာ ပြည်သူတွေ အုံကြွလာဖို့အတွက် အကြောင်းအရင်းတွေ ဖြစ်ခဲ့ပါတယ်။

    အာရပ်နွေဦးစတင်တဲ့ လှုပ်ရှားမှုက မြို့တော်တူနစ်တောင်ပိုင်းမှာ နေထိုင်ပြီး အလုပ်တွေ မနေမနား ကြိုးစားနေပေမယ့် မိသားစုကို ၀မ်းဝ၊ ခါးလှအောင် မကျွေးမမွေးနိုင်တဲ့ မိုဟာမက် ဘော်ဇီဇီတစ်ယောက် တိုင်းပြည်ရဲ့ ဆင်းရဲတွင်းနက်မှုကို ဆန့်ကျင်တဲ့အနေနဲ့ မိမိကိုယ်ကို ဓာတ်ဆီလောင်း မီးရှို့မှုပါ။ ဘော်ဇီဇီဟာ ပညာတတတ်တစ်ယောက် ဖြစ်ပေမယ့် အစိုးရက အလုပ်မပေးနိုင်တာကြောင့် သစ်သီးရောင်းကာ အသက်မွေးရသူပါ။

    လူထုအုံကြွမှုတွေဖြစ်ပြီး ၃ ပတ်ကြာတဲ့အချိန်မှာ ဘင်အလီဟာ ရာထူးကနေ နှုတ်ထွက်သွားပြီး ခြာစားမှု၊ ပြည်သူပိုင်ပစ္စည်း ခိုးယူမှု၊ နိုင်ငံပိုင်ငွေနဲ့ ကျောက်မြတ်ရတနာတွကို တရားမ၀င် ပိုင်ဆိုင်ထားမှုတွေနဲ့ တရားစွဲဆိုမှုကို ရှောင်ရှားဖို့အတွက် သူနဲ့ သူ့ဇနီး လိုင်လာတို့ဟာ ဆော်ဒီကို ထွက်ပြေးသွားပါတယ်။ သူတို့နှစ်ယောက်ကို အပြစ်ရှိကြောင်း တွေ့ရှိတဲ့အတွက် ၂၀၁၁ ခုနှစ် ဇွန်လမှာ တူနီးရှားက ထောင်ဒဏ် ၃၅ နှစ် ချမှတ်ခဲ့ပါတယ်။

    ဘင်အလီနဲ့ သူ့ဇနီးကို လွှဲပြောင်းပေးဖို့ တူနီးရှားက ဆော်ဒီကို တောင်းဆိုထားပေမယ့် ဆော်ဒီက မသိကျိုးကျွန်ပြုနေပါတယ်။ သူတို့နှစ်ယောက်စလုံးဟာ အခုအချိန်အထိ ဆော်ဒီမှာ ရှိနေပါတယ်။

    ၂။ ဟိုစနီမူဘာရက် – အီဂျစ်

    တူနီးရှားက တော်လှန်ရေးဟာ အီဂျစ်ကို ကူးလာခဲ့ပြီး ၂၀၁၁ ခုနှစ် ဇန်န၀ါရီ ၂၅ ရက်နေ့ကစလို့ အီဂျစ်ပြည်သူတွေဟာ ဟိုစနီမူဘာရက်ကို ဆန့်ကျင်တဲ့ ဆန္ဒပြပွဲတွေ လုပ်လာခဲ့ပါတယ်။

    မူဘာရက်ဟာ ၁၉၈၁ ခုနှစ်ကနေ ၂၀၁၁ ခုနှစ် ဖေဖော်ဝါရီ တိုင်းပြည်ကို အုပ်စိုးခဲ့ပြီး ဆန္ဒပြမှုတွေကို နှိမ်နှင်းဖို့ စစ်တပ်ကို အမိန့်ပေးခဲ့တာကြောင့် လက်နက်မဲ့ ဆန္ဒပြသူ ၈၀၀ ကျော်လောက် သေဆုံးခဲ့ရပါတယ်။ ဒါပေမယ့် မူဘာရက်ဟာ သက်ဆိုးမရှည်ဘဲ ဆန္ဒပြပြီး သီတင်းပတ်အနည်းငယ်မှာ ရာထူးက ဆင်းပေးလိုက်ပါတယ်။

    နောက်ပိုင်းမှာ စွဲချက်ပေါင်းများစွာနဲ့ တရားစွဲဆိုခံခဲ့ရပြီး၊ တိုင်းပြည်ရဲ့စီးပွားရေးကို ပျက်ဆီးအောင် လုပ်ရာမှာ အပြစ်ရှိတယ်လို့ ၂၀၁၁ ခုနှစ် မေလ ၂၈ ရက်နေ့မှာ တွေ့ရှိခဲ့ပြီး ကန်ဒေါ်လာ ၃၃.၆ သန်း ဒဏ်ရိုက်ခံခဲ့ရပါတယ်။

    လက်နက်မဲ့ အရပ်သားတွေကို လုံခြုံရေးတပ်ဖွဲ့တွေက သတ်ဖြတ်မှုကို မတားဆီးတဲ့အတွက် တရားရုံးက မူဘာရက်ကို အပြစ်ရှိကြောင်း ဆုံးဖြတ်ခဲ့ပြီး ၂၀၁၂ ခုနှစ် ဇန်န၀ါရီလမှာ ထောင်ဒဏ် တစ်သက်တစ်ကျွန်း ချမှတ်ခဲ့ပါတယ်။

    ဒါပမယ့် အဲဒီပြစ်ဒဏ်ကို ၂၀၁၃ ခုနှစ် ဇန်န၀ါရီမှာ ပယ်ဖျက်ပြီး ပြန်လည်စစ်ဆေးဖို့ အလ်စီစီဦးဆောင်တဲ့ အာဏာသိမ်း စစ်အစိုးရက အမိန့်ပေးခဲ့ပါတယ်။ နောက်ပိုင်းမှာတော့ အလွဲသုံးစားပြုတယ်ဆိုတဲ့ ပြစ်ဒဏ်အတွက် သူ့နဲ့ သူ့သားနှစ်ယောက်ကို ထောင်ဒဏ် ၃ နှစ်စီသာ ချမှတ်ခဲ့ပါတယ်။

    ၂၀၁၇ ခုနှစ် မတ်လ ၂ ရက်နေ့မှာ အီဂျစ်ရဲ့ ထိပ်တန်း အယူခံခုံရုံးက ၂၀၁၁ ခုနှစ် လူထုအုံကြွမှုအတွင်း ဆန္ဒပြသူတွေ သေဆုံးမှုနဲ့ ဆက်စပ်တဲ့ စွဲချက်အားလုံးကနေ မူဘာရက်ကို တရားသေလွှတ်ပေးခဲ့ပါတယ်။

    အသက် ၈၉ နှစ်အရွယ် မူဘာရ်ကဟာ အီဂျစ်မှာရှိနေပြီး ကျန်းမာရေးအခြေအနေ ဆိုးရွားမှုကို ရင်ဆိုင်နေရပါတယ်။

    ၃။ ဘာရှာ အလ်-အာဆတ် – ဆီးရီးယား

    ဆီးရီးယားအာဏာရှင် အာဆတ်ကို တော်လှန်မှုဟာ ၂၀၁၁ ခုနှစ် မတ်လမှာ စတင်ခဲ့တာပါ။ သူ့အဖေ သမ္မတဟောင်း ဟာဖိဇ် အလ်-အာဆတ် သေတဲ့ ၂၀၀၀ ခုနှစ်ကတည်းက အာဆတ်ဟာ တိုင်းပြည်ကို အုပ်စိုးလာခဲ့တာ ဖြစပါတယ်။

    ဆန္ဒပြမှုကို နှိမ်နှင်းဖို့ အာဆတ်က စစ်တပ်ကို လျင်လျင်မြန်မြန်ပဲ ချထားလိုက်တာကြောင့် ဆန္ဒပြမှုကနေ ပြည်တွင်းစစ်အထိ ဖြစ်လာပြီး သူပုန်တွေက တိုင်းပြည်ရဲ့ အစိတ်အပိုင်းတော်တော်များများကို ထိန်းချုပ်လိုက်တာကြောင့် ၂၀၁၅ ခုနှစ်မှာ အာဆတ်ဟာ စစ်ရှုံးလုနီးနီး ဖြစ်လာခဲ့ပါတယ်။

    ၂၀၁၅ ခုနှစ် စက်တင်ဘာမှာ ရုရှားက အာဆတ်ဘက်ကနေ ၀င်တိုက်ပေးခဲ့ပြီး အဲဒီအချိန်ကစလို့ အာဆတ်ရဲ့တပ်ဖွဲ့၊ အီရန်နဲ့နွယ်တဲ့ လက်နက်ကိုင်အဖွဲ့တွေ၊ ဟစ်ဇ်ဘိုလာနဲ့ ရုရှားတို့ ပေါင်းကာ သူပုန်တွေကို ချေမှုန်းခဲ့တာကြောင့် အာဏာာရှင်အာဆတ်လည်း အခုအချိန်အထိ သက်ဆိုးရှည်နေတာ ဖြစ်ပါတယ်။

    ၇ နှစ် အတွင်း ၀င်ရောက်နေပြီဖြစ်တဲ့ ဆီးရီးယားစစ်ပွဲအတွင်း လူ ၄ သိန်းကျော် သေဆုံးခဲ့ပြီး နိုင်ငံအတွင်းမှာရော၊ ပြင်ပကိုပါ အိုးအိမ်စွန့်ခွာ ထွက်ပြေးရတဲ့ လူပါင် ၁၀ သန်းကျော် ရှိပါတယ်။

    အာဆတ်က အာဏာကို ဆက်လက်ဆုပ်ကိုင်ထားနိုင်ဆဲဖြစ်ပေမယ့် တိုင်းပြည်ရဲ့ အနာဂတ်ကတော့ ပျောက်ဆုံးနေဆဲပါ။

    ၅။ မွမ်မာ ဂဒါဖီ – လစ်ဗျား

    ယီမင်က ဆာလေဟ်လိုပဲ သူပုန်တွေရဲ့လက်ထဲမှာ အသက်ဆုံးခဲ့ရတဲ့ နောက်ထပ် အာရပ်အာဏာရှင်တစ်ယောက်က ဂဒါဖီဖြစ်ပါတယ်။

    တိုင်းပြည်ကို ၄၂ နှစ်ကြာအုပ်စိုးခဲ့ပြီးတဲ့နောက် သူ့ရဲ့ဇာတိမြို့ ဆီရ်တီမှာ အမျိုးသား အသွင်ကူးပြောင်းရေးကောင်စီက တပ်ဖွဲ့တွေရဲ့ သတ်ဖြတ်မှုကို ခံခဲ့ရပါတယ်။

    နိုင်ငံအရှေ့ပိုင်း ဘန်ဂါဇီမြို့မှာ ဂဒါဖီကို ဆန့်ကျင်တဲ့ ဆန္ဒပြမှုဟာ ၂၀၁၁ ခုနှစ် ဖေဖော်ဝါရီမှာ စတင်ခဲ့ပြီး သူကလည်း စစ်တပ်ကိုအသုံးပြုကာ ပြင်းပြင်းထန်ထန် နှိမ်နှင်းခဲ့ပါတယ်။

    ဒီကနေတစ်ဆင့် တိုက်ပွဲတွေ ဖြစ်လာခဲ့ပြီး ပြင်သစ်တိုက်လေယာဉ်တွေ၊ အမေရိကန်ဒရုန်းတွေနဲ့အတူ နေတိုးအဖွဲ့လည်း တိုက်ခိုက်မှုမှာ ပါဝင်လာခဲ့ပါတယ်။

    ဂဒါဖီသေဆုံးသွားပေမယ့် လစ်ဗျားဟာ ၂၀၁၄ ခုနှစ် မှာ ပြည်တွင်းစစ်စခဲ့ပြီး မြို့တော် ထရီပိုလီနဲ့ နိုင်ငံအရှေ့ပိုင်းမှာ စင်ပြိုင်အစိုးရနှစ်ခု ပေါ်ပေါက်လာခဲ့ပါတယ်။ လက်နက်ကိုင်အဖွဲ့တွေ မှိုလိုပေါက်လာပြီး IS လိုအကြမ်းဖက်အဖွဲ့တွေက ဒေသတစ်ချို့ကို ထိန်းချုပ်နိုင်တဲ့အထိ အခြေအနေဆိုးခဲ့ပါတယ်။

    လက်ရှိအထိလည်း လစ်ဗျားတဲ့အခြေအနေဟာ ရုန်းကန်နေရဆဲပါ။

    Ref: Aljazeera

  • သေနတ်အတုဖြင့် လစ်ဗျားလေယာဉ်ပြန်ပေးဆွဲမှု ငြိမ်းချမ်းစွာ ပြီးဆုံး

    သေနတ်အတုဖြင့် လစ်ဗျားလေယာဉ်ပြန်ပေးဆွဲမှု ငြိမ်းချမ်းစွာ ပြီးဆုံး

    ဒီဇင်ဘာ ၂၄၊ ၂၀၁၆
    M-Media

    libya-2
    လေယာဉ်ပြန်ပေးဆွဲမှုမြင်ကွင်း

    – ယမန်နေ့က လစ်ဗျားနိုင်ငံပိုင်လေကြောင်းမှ ခရီးသည်တင် လေယာဉ်တစ်စီးကို ပြန်ပေးဆွဲသူ နှစ်ဦးမှာ မောလ်တာအာဏာပိုင်များထံ လက်နက်ချခဲ့ပြီး ပြန်ပေးဆွဲမှုမှာ ငြိမ်းချမ်းစွာ ပြီးဆုံးခဲ့သည်ဟု သိရသည်။

    Afriqiyah လေကြောင်းလိုင်းမှ ခရီးသည်နှင့် လေယာဉ်အမှုထမ်း စုစုပေါင်း ၁၁၈ ဦး လိုက်ပါသွားသည့် လေယာဉ်မှာ နိုင်ငံအနောက်တောင်ပိုင်း ဆဘ်ဟာမှ ထရီပိုလီသို့ ပျံသန်းစဉ် ထိုကဲ့သို့ ပြန်ပေးဆွဲခံရကာ  လေယာဉ်ကို လက်ပစ်ဗုံးဖြင့် ဖောက်ခွဲပစ်မည်ဟု ခြိမ်းခြောက်ပြီး မောလ်တာနိုင်ငံတွင် ဆင်းသက်ခိုင်းခဲ့သည်။

    ပြန်ပေးဆွဲသူများမှာ ၂၀၁၁ ခုနှစ် တော်လှန်ရေးတွင် သေဆုံးသွားခဲ့သည့် အာဏာရှင်ဟောင်း ကဒါဖီအား ထောက်ခံသူ အသက် ၂၀ ကျော်အရွယ်များဖြစ်ပြီး မောလ်တာအာဏာပိုင်များထံ လက်နက်ချကာ အဖမ်းခံခဲ့သည်။

    မောလ်တာဝန်ကြီးချုပ် ဂျိုးဆက်ပ် မူစကတ်ကမူ ပြန်ပေးဆွဲသူများထံမှ ပစ္စတိုတစ်လက်နှင့် လက်ပစ်ဗုံးတစ်လုံးကို သိမ်းဆည်းရမိခဲ့ပြီး နောက်ပိုင်းတွင် လေယာဉ်ပေါ်မှ ခြောက်လုံးပြူးတစ်လက်ကို တွေ့ရှိခဲ့သည်ဟု ပြောကြားခဲ့သည်။

    နောက်ပိုင်း မောလ်တာအစိုးရက ထုတ်ပြန်သည့် ကြေငြာချက်တွင် အဆိုပါလက်နက်များမှာ တကယ့်အစစ်နှင့် ခွဲမရအောင်တူသည့် လက်နက်အတုများဖြစ်ပြီး ပစ်ခတ်၍မရဟု ဖော်ပြခဲ့သည်။

    လစ်ဗျား နိုင်ငံခြားရေးဝန်ကြီး တာဟာရ် ဆီယာလာက ကဒါဖီကို ထောက်ခံသည့် အဆိုပါပြန်ပေးဆွဲသူနှစ်ဦးမှာ မောလ်တာနိုင်ငံတွင် နိုင်ငံရေးခိုလှုံခွင့် တောင်းခံခဲ့ပြီး၊ ကဒါဖီကိုထောက်ခံသည့် နိုင်ငံရေးပါတီကိုလည်း တည်ထောင်ချင်ကြောင်း ပြောကြားခဲ့သည်ဟု ဆိုသည်။

    အဆိုပါ ပြန်ပေးဆွဲမှုတွင် လေယာဉ်ပေါ်၌ လိုက်ပါသွားသည့် ခရီးသည်နှင့် လေယာဉ်အမှုထမ်း ၁၁၈ ဦးစလုံး မည်သည့် ထိခိုက်ဒဏ်ရာရမှုမှ မရှိခဲ့ပေ။

    Ref: Aljazeera