News @ M-Media

Tag: Luminhan

  • မငြင်းပါနဲ့၊ အလုပ်နဲ့ သက်သေပြပါ။

    မငြင်းပါနဲ့၊ အလုပ်နဲ့ သက်သေပြပါ။

    ဇွန် ၂၂ ၊ ၂၀၁၆
    M-Media
    လူမင်းဟန်ရေးသည်။
    13266069_10208727398289802_8739638258099576130_n
    ဘီစီ ၁၃၁ မှာ ရောမဗိုလ်ချုပ် ပျူးဗလီးရက်စ် (Publius) ဟာ ပါဂမတ် (Pergemus) မြို့တိုက်ပွဲမှာ မြို့တံခါးများကို ဖျက်ဖို့ တိုင်လုံးတွေလိုအပ်လာပါတယ်။ တိုက်ပွဲမစခင်ရက်အနည်းငယ်က အေသင် သဘောင်္ဆိပ်မှာ သဘောင်္ရွက်တိုင်ကြီးတွေ ကို တွေ့ထားပြီးသားဆိုတော့ အဲ့ဒီ ရွက်တိုင်တွေထဲက အကြီးဆုံးရွက်တိုင်ကို ပို့ပေးဖို့ အမိန့်ပေးလိုက်ပါတယ်။ဒီအမိန့်ကို လက်ခံရရှိတဲ့ အေသင် ကစစ်တပ်အင်ဂျင်နီယာ က ဗိုလ်ချုပ်ရဲ့အမိန့်ဟာလွဲနေတယ်ဆိုတာ ကောင်းကောင်းသိလိုက်ပါတယ်။ တကယ်တမ်း တိုက်ပွဲမှာလိုတာက အကြီးဆုံးရွက်တိုင်မဟုတ်ပါဘူး။ ပိုပြီးသေးတဲ့ အနေတော် တိုင်လုံးပဲလိုတာပါ။ အင်ဂျင်နီယာဟာ အဲဒီအမိန့်ကိုယူဆောင်လာတဲ့ စစ်သားတွေနဲ့ အပြင်းအထန်ငြင်းခုန်ပါတော့တယ်။ ပိုပြီးသေးတဲ့ တိုင်လုံးတွေဟာ တိုက်ပွဲအတွက် ပိုပြီးသင့်လျော်ကြောင်း၊ သယ်ရပိုးရတာလည်း လွယ်ကူမည်ဖြစ်ကြောင်း ၊ ပိုပြီး သေးတဲ့တိုင်လုံးတွေဟာ မြို့တံခါးကို ဖျက်တဲ့အခါမှာ ပိုပြီး သက်ရောက်မှု့ရှိကြောင်း အခိုင်အမာရှင်းပြပါတယ်။ စစ်သားတွေကတော့ သူတို့ရဲ့ဗိုလ်ချုပ်ဟာ ငြင်းလို့ခုန်လို့ရတဲ့ သူမျိုးမဟုတ်ကြောင်းပြန်ပြောပါတယ်။ ဒါပေမယ့် အင်ဂျင်နီယာက ပြောမရပါဘူး။ ပိုပြီးသေးတဲ့တိုင်လုံးကသာ အသင့်လျော်ဆုံးဖြစ်ကြောင်းကို ပုံတွေဆွဲပြီး အကြောက်အကန် ငြင်းခုန်ပါတော့တယ်။ နောက်ပြီး ဒီလိုနေရာမျိုးမှာ သူက ပိုပြီးကျွမ်းကျင်ကြောင်း၊ ဒါကြောင့်မို့ သူ့အကြံဥာဏ်ကိုသာ လက်ခံသင့်ကြောင်းပြောပြန်ပါတယ်။ စစ်သားတွေက သူတို့ဗိုလ်ချုပ် အကြောင်းသူတို့ အသိဆုံးဖြစ်ကြောင်း ပြန်ရှင်းပြပြီး နောက်ဆုံးမှာ အင်ဂျင်နီယာကို အကြီးဆုံးတိုင်လုံး ကိုသာ ပို့ဖို့အကြောင်း၊ ကိုယ့်ရဲ့ ပညာမာန ကို ခဏ သိမ်းထားဖို့အကြောင်း အသေအချာပြောပြီးပြန်ခဲ့ကြပါတယ်။

    သူတို့ပြန်သွားပြီးနောက်မှ အင်ဂျင်နီယာဟာ သေချာပြန်စဉ်းစားပါတယ်။ အလုပ်မဖြစ်မယ့်အမိန့်ကြီးကိုနာခံနေလို့ဘာလုပ်မှာတုန်း။ ဒါကြောင့် နောက်ဆုံးမှာ ပိုပြီးသင့်လျော်မယ်လို့သူယုံကြည်တဲ့ သေးတဲ့တိုင်လုံးတွေကိုသာပို့လိုက်ပါတော့တယ်။ သူပို့လိုက်တဲ့တိုင်လုံးတွေဟာ စစ်ပွဲမှာ ပိုပြီးအသုံးဝင်လိမ့်မယ်၊ ဗိုလ်ချုပ်ဟာလည်း သူ့ရဲ့လုပ်ဆောင်မှု့ကို သဘောကျလိမ့်မယ်၊ သူ့ကိုလည်း ဆုလဘ်တွေပေးလိမ့်မယ်လို့ ယုံကြည်နေတာပေါ့။ တိုင်လုံးတွေ စစ်မြေပြင်ကိုရောက်သွားတဲ့အခါမှာ ဗိုလ်ချုပ်ဟာ ဘယ်နှယ့်ကြောင့် သူမှာတဲ့ တိုင်လုံးအကြီးတွေရောက်မလာပဲ တိုင်လုံးအသေးတွေသာရောက်လာကြောင်း သူ့စစ်သားတွေကို အကြောင်းစုံမေးမြန်းပါတော့တယ်။ စစ်သားတွေကလည်း အင်ဂျင်နီယာက တိုင်လုံးအသေးတွေကသာ ပိုပြီး သင့်လျော်ကြောင်းငြင်းခုန်ပုံ နောက်ဆုံးမှာ တိုင်လုံးအကြီးတွေကိုသာပို့ဖို့ အသေအချာမှာခဲ့ ပုံတွေကို ရှင်းပြကြပါတယ်။ စစ်သူကြီးဟာ အလွန်အမင်းဒေါသထွက်ပြီးတော့ တိုက်ပွဲကို မစဉ်းစားနိုင်တော့ပါဘူး။ မြို့တံခါးကို ဖျက်ဖို့ကိစ္စလည်း မစဉ်းစားနိုင်တော့ပဲ အင်ဂျင်နီယာ ကို ချက်ချင်းဆင့်ခေါ်လိုက်ပါတယ်။

    အင်ဂျင်နီယာကလည်း ဗိုလ်ချုပ်ရှေ့ရောက်တဲ့အခါကျ အကြောင်းစုံကို တစ်ခါထပ်ပြီး ရှင်းပြပြန်ပါတယ်။ ဒီလိုကိစ္စမျိုးမှာ ကျွမ်းကျင်သူတွေရဲ့အကြံဥာဏ်ကိုသာ လက်ခံဖို့အကြောင်း၊ သူပို့လိုက်တဲ့တိုင်လုံးတွေကိုသာ အသုံးပြုခဲ့ပါက စစ်သူကြီးအနေနှင့် နောင်တရဖို့ မရှိ ကြောင်းရှင်းပြပါတယ်။ စစ်သူကြီးဟာ သူ့စကားကို အစအဆုံးနားထောင်ပါတယ်။ ပြီးတာနဲ့ အင်ဂျင်နီယာကို ကိုယ်တုံးလုံးချွတ်ပြီး မသေမချင်း တုတ်နဲ့ရိုက်သက်လိုက်ပါတော့တယ်။
    ************************************************

    13239960_10208727399809840_7443774863862112871_nအီတလီနိုင်ငံ၊ ဖလော်ရင့်စ် မြို့က ဘုရားကျောင်းမှာ အလွန်ကြီးမားသော စကျင်ကျောက်တုံးကြီးတစ်တုံးရှိပါတယ်။ ဒီကျောက်တုံးကြီးဟာ တချိန်တုန်းက ပန်းပုထုဖို့ အလွန်ကောင်းတဲ့ ကျောက်တုံးကြီးပါ။ ဒါပေမယ့် မကျွမ်းကျင်တဲ့ ပန်းပု ဆရာတစ်ယောက်က ထုမဲ့ ပန်းပုရုပ်ရဲ့ခြေထောက်နေရာလောက်မှာ အပေါက်ကြီး တစ်ပေါက်မှားပြီး ဖောက်လိုက်မိပါတယ်။ ဒီအပေါက်ကြီးကြောင့် ပန်းပုထုလို့ အလွန်ကောင်းမဲ့ကျောက်တုံးကြီးဟာ ဘာမှလုပ်လို့မရတော့ပဲ ပျက်စီးသွားပါရော ။ ဖလော်ရင့်စ်မြို့တော်ဝန်ဟာ ဒီကျောက်တုံးကြီးကို အသုံးဝင်အောင် ဘယ်လိုလုပ်ရမယ်ဆိုတာ အကြိမ်ကြိမ်စဉ်းစားပါတယ်။ ပန်းပုအကျော်ဒါ ဗင်ချီကိုတောင်ခေါ်ပြီး အကြံဥာဏ်တောင်းပါသေးတယ်။ ဒါပေမယ့် အားလုံးက ဘာမှလုပ်လို့မရ တော့တဲ့အကြောင်းတညီတညွတ်တည်း ပြောကြပါတယ်။

    နောက်ဆုံးမှာ ဖလော်ရင့်စ်မြို့က လူတွေဟာ ရောမမှာနေတဲ့ မိုက်ကယ်အိန်ဂျလို (Michelangelo) ကိုကျောက်တုံးကြီးအား လာကြည့်ဖို့အကြောင်း လှမ်းပြီး စာရေးလိုက်ပါတယ်။ မိုက်ကယ်အိန်ဂျလိုဟာ ကျောက်တုံးကြီးကို အသေအချာလေ့လာပြီး နောက်ဆုံးမှာ ပန်းပုရုပ်တစ်ခုထုနိုင်ကြောင်း ဆုံးဖြတ်လိုက်ပါတယ်။ မြို့တော်ဝန် က တော့ အယုံအကြည်မရှိပါဘူး။ သက်သက် အချိန်ဖြုန်းတာလို့ပဲထင်ပါတယ်။ ဒါပေမယ့် ပန်းပုထု ဖို့ကိုတော့ သဘောတူလိုက်ပါတယ်။ မိုက်ကယ်အိန်ဂျလိုဟာ ကျောက်တုံးကြီးကို လောက်လွဲကိုင်ထားတဲ့ ဒေးဗစ် ပုံထုဖို့ ဆုံးဖြတ်လိုက်ပါတယ်။

    ပန်းပုရုပ်ကြီးပြီးခါနီးမှာ မြို့တော်ဝန်ဟာ တစ်ခေါက်လာကြည့်ပါတယ်။ ပြီးတော့ ပန်းပုရုပ်ကြီးဟာ အလွန်လက်ရာမြောက်ကြောင်း ဒါပေမယ့် နှာခေါင်းမှာ ကြီးလွန်းနေကြောင်း ဝေဖန်ပါတယ်။ တကယ်တော့ မြို့တော်ဝန်ဟာ ပန်းပုရုပ်ကြီးရဲ့ အောက်တည့်တည့်မှာ ရပ်နေတာဖြစ်တဲ့အတွက် ပန်းပုရုပ်ဟာ နှာခေါင်းကြီးနေတာလို့ ထင်တာဖြစ်ပါတယ်။ ဒါပေမယ့် မိုက်ကယ်အိန်ဂျလို က ဘာမှ မပြောပဲ တူနဲ့ဆောက်ကို ယူပြီးတော့ ငြမ်းပေါ်တက်သွားပါတယ်။ ပြီးတော့ အရုပ်နှာခေါင်းကို ပြင်ဟန်ဆောင်ပါတယ်။ ကျောက်မှုန်တွေကိုလည်း နည်းနည်းချင်း အောက်ကိုချပြလိုက်ပါတယ်။ တကယ်က သူ အရုပ်နှာခေါင်းကို ဘာမှမလုပ်ပါဘူး။ ပြီးတော့ မြို့တော်ဝန်ရဲ့ အမြင်ကို ထပ်မေးပါတယ်။ ဒီတစ်ခါတော့ မြို့တော်ဝန်က ဘာမှ ပြောစရာမလိုလောက်အောင် အသက်ဝင်ကြောင်း ပြောပြီး ကျေနပ် သွားပါတော့တယ်။

    ပထမအဖြစ်အပျက်ထဲက အင်ဂျင်နီယာဟာ သူ့ခေတ်သူ့အခါက အင်မတန်တော်တဲ့ ပညာရှင်တစ်ယောက်ဖြစ်မှာပါ။ တကယ်တမ်းလည်း သူရှင်းပြတာက မှန်ပါတယ်။ သေးတဲ့ တိုင်လုံးဟာ သယ်ရပိုးရတာလွယ်သလို မြို့တံခါးကိုဖျက်တဲ့ အခါမှာလည်း အား ပိုပြီးပါပါတယ်။ ဒီလိုနေရာမျိုးမှာ ကြီးတိုင်းကောင်းတာ မဟုတ်ပါဘူး။ ဒါပေမယ့် အင်ဂျင်နီယာဟာ လောက မှာ အများဆုံးတွေ့ရတဲ့ ငြင်းခုန်သူ အမျိုးအစားထဲမှာပါ ပါတယ်။ စကားလုံးတွေနဲ့ငြင်းခုန်နေတာဟာ တကယ်တမ်းတော့ အလုပ်မဖြစ်ပါဘူး။ ဒီလိုငြင်းခုန်နေတာဟာ ကိုယ့်အထက်လူကြီးရဲ့ အသိပညာကို စိန်ခေါ်ရာလည်း ရောက်သွားတတ်ပါတယ်။

    ဒုတိယအဖြစ်အပျက်ထဲက မိုက်ကယ်အိန်ဂျလိုက တော့ လုံးဝမငြင်းခုန်ပါဘူး။ သူထုထားတဲ့ ပန်းပုရုပ်ရဲ့နှာခေါင်းဟာ ကြီးနေတာ မဟုတ်ဘူး၊ မြို့တော်ဝန်ရပ် ကြည့်တဲ့နေရာကသာ မှားနေတာဖြစ်ကြောင်းသူကောင်းကောင်းသိပါတယ်။ ဒါပေမယ့် သူက “ခင်ဗျားရပ်ကြည့်တဲ့နေရာ မှားနေလို့” လို့မပြောပါဘူး။ မြို့တော်ဝန်လည်း စိတ်ကျေနပ်သွားအောင်၊ သူ့ပန်းပုရုပ်လည်း မပျက်စီးရအောင် သူလုပ်နိုင်ခဲ့ပါတယ်။

    ဘ၀မှာ ကျတော်တို့လုပ်တဲ့ အလုပ်တွေဟာ ကျတော်တို့ ပတ်ဝန်းကျင်က လူတွေကို ဘယ်အတိုင်းအတာအထိ သက်ရောက်သွားတယ် ဆိုတာ ကြည့်ဖို့လိုပါတယ်။ ငြင်းခုန်ခြင်းဟာ တခြားသူတွေအပေါ်မှာ ဘယ်လိုသက်ရောက်မယ်ဆိုတာ ကျတော်တို့ မသေချာပါဘူး။ အပြင်ပန်းမှာ ကျတော်တို့ ပြောတာကို လက်ခံပြီး ခေါင်းငြိမ့်ပေမယ့်သူတို့စိတ်ထဲမှာ ဘယ်လောက်နာကျည်းသွားမယ်၊ မုန်းသွားမယ်ဆိုတာ ခန့်မှန်းဖို့မလွယ်ပါဘူး။ နောက်ပြီး စကားလုံးတွေဆိုတာ နားထောင်သူရဲ့ စိတ်အခြေအနေပေါ်မူတည်ပြီး အမျိုးမျိုး အဓိပ္ပာယ်ဖွင့်လို့ရပါသေးတယ်။ တစ်ယောက်နဲ့ တစ်ယောက် ငြင်းကြပြီဆိုရင် ကိုယ့်စကားမှန်ဖို့အတွက် ဘယ်သူမဆို မပြောသင့်တဲ့စကားလား ပြောသင့်တဲ့စကားလားဆိုတာ မဝေခွဲနိုင်တော့ပဲ စိတ်ထဲပေါ်တာတွေ အကုန်လျှောက်ပြော တတ်ကြပါတယ်။ ငြင်းခုန်လို့ ကိုယ့်အယူအဆကိုလက်ခံလာတဲ့လူရယ်လို့ လည်းအင်မတန်ရှားပါတယ်။

    ကမ္ဘာ့ အထင်ကရ ဘာသာရေးခေါင်းဆောင်တွေဟာလည်း အယူဝါဒတွေကို ငြင်းခုန်ရန်ဖြစ်ပြီး သူတို့ကို ယုံကြည်လာအောင်လုပ်ခဲ့ကြတာ မဟုတ်ပါဘူး။ သူတို့ရဲ့ ကောင်းမွန်တဲ့ကိုယ်ကျင့်တရားတွေ၊ မှန်ကန်တဲ့စကားလုံးတွေကို သူတို့ကိုယ်တိုင် လက်တွေ့လုပ်ပြ ပြီးစည်းရုံးခဲ့ကြတာပါ။ ဒါကြောင့်လည်း သူတို့ရဲ့သြဇာအာဏာ ဟာ သူတို့မရှိတော့ တဲ့နောက် နှစ်ပေါင်းထောင်ချီတဲ့ အထိတောင် သက်ရောက်နေတုန်းပါပဲ။

    ကျတော်တို့ ဒီလိုငြင်းခုန်နေမယ့်အစား ကိုယ့်ရဲ့အယူအဆမှန်တယ်ဆိုတာကို သွယ်ဝိုက်ပြီးသက်သေပြလိုက်တာဟာ ပိုပြီးထိရောက်ပါတယ်။ “အမှန်တရားဆိုတာ အကြားနဲ့ ဆုံးဖြတ်ကြတာမဟုတ်ဘူး၊ များသောအားဖြင့် အမြင်နဲ့သာ ဆုံးဖြတ်ကြတာ” ဆိုတဲ့ စကားလည်းရှိပါတယ်။

    ၁၆၈၈ မှာ အင်္ဂလိပ်ဗိသုကာပညာရှင် ဆာခရစ်တိုဖာဝရမ်း ဟာ ၀က်မင်နစ်တာ မြို့တော်ခန်းမအတွက် ဒီဇိုင်း ထုတ်ပေးပါတယ်။ ဒါပေမယ့် မြို့တော်ဝန်က သဘောမကျပါဘူး။ ၀ရမ်းရဲ့ ဒီဇိုင်း ထဲက ဒုတိယထပ်ကြမ်းခင်းဟာ မခိုင်ဘူး။ ပြိုကျလိမ့်မယ်လို့ မြို့တော်ဝန်ကထင်ပါတယ်။ ဒါကြောင့် တိုင်လုံးနှစ်လုံး ထပ်ထောက် ဖို့ပြောပါတယ်။ တကယ်တမ်းတော့ မြို့တော်ဝန်ဟာ သက်သက် ကြောက်နေခြင်းသာဖြစ်ပါ တယ်။ တိုင်အပိုတွေ ထပ်ထည့်စရာမလိုပါဘူး။ ဒါပေမယ့် ၀ရမ်း ဟာ မြို့တော်ဝန်နဲ့ မငြင်းခုန်ပါဘူး။ သူပြောတဲ့အတိုင်း တိုင်အပိုနှစ်လုံးထပ်ထည့်ပေးလိုက်ပါတယ်။ နောင်နှစ်ပေါင်းအတော်ကြာမှ သူထည့်ထားတဲ့ တိုင်နှစ်လုံးဟာ အမိုး ကိုထိတောင်မထိပဲ လွတ်နေတယ်ဆိုတာ တွေ့ကြရပါတယ်။ ၀ရမ်း ဟာ သူ့ရဲ့မူလဒီဇိုင်းဟာ ခိုင်မာတယ် အပိုတိုင်နှစ်လုံး မလိုဘူးဆိုတာကို နောက်လာနောက်သားတွေသိအောင် ပြလိုက်တာပါပဲ။

    ဘုရားသခင်ဟာ တမန်တော် အေဗရာဟင်ကို သူကိုယ်တိုင် မတောင်းမဆိုမချင်း အသက်ကို မနုတ်သိမ်းဘူးလို့ ကတိ ပေးထားပါတယ်။ အီဗရာဟင်သခင် ရဲ့သတ်မှတ် သက်တမ်းကုန်ဆုံးခါနီးမှာ ဘုရားသခင်ဟာ ကောင်ကင်တမန်တစ်ပါးကို အဖိုးကြီးဟန်ဆောင်စေပြီး အီဗရာဟင်သခင့်ဆီ လွှတ်လိုက်ပါတယ်။ အဖိုးကြီးဟာ အီဗရာဟင်ရဲ့အိမ်ရှေ့မှာရပ်ပြီး “အို… အီဗရာဟင် ငါ့ကို အစားအစာ နည်းနည်းကျွေးပါ” လို့ တောင်းတယ်။ အီဗရာဟင်သခင်ဟာ ဧည့်သည်တွေအတွက် အမြဲတမ်း အစားအသောက်တွေ ဆောင်ထားလေ့ ရှိပါတယ်။ အဖိုးကြီးကို အစားအသောက်တွေချကျွေးပါတယ်။ အဖိုးကြီးဟာ အစားအသောက်တွေကို ယူလိုက်တိုင်း လက်က တုန်တုန်ချိချိဖြစ်နေတာကြောင့် ကြမ်းပေါ်ကို အကုန်ကျကုန်ပါတယ်။ ဒီတော့ အဖိုးကြီးက ထပ်ပြီး “အို… အီဗရာဟင် ငါ့ကို ခွံကျွေးပါဦး “လို့ဆိုပြန်ပါတယ်။ အဖိုးကြီးကို ခွံကျွေးပြန်တော့လည်း ခေါင်းက တုန်နေတဲ့အတွက် ပါးစပ်ထဲမ၀င်ပဲ အစားအသောက်တွေက ရင်ဘတ်ပေါ်ကျတဲ့ဟာကျ မုတ်ဆိတ်ပေါ်ကျတဲ့ဟာကျ နဲ့အကုန်ပွ ကုန်ပြန်ပါတယ်။ ပြီးတဲ့နောက်မှာ အီဗရာဟင်သခင်က အဖိုးကြီး “အသင့်ရဲ့အသက်ဘယ်လောက်ရှိပြီလဲ” လို့မေးလိုက်ပါတယ်။ ဒီအခါမှာ အဖိုးကြီးက အီဗရာဟင်သခင့် အသက်ထက် နည်းနည်းကြီးပြီးပြောလိုက်ပါတယ်။ ဒီအခါမှာ အီဗရာဟင်သခင်က ဘုရားသခင်ဆီ ဆုတောင်းလိုက်ပါတယ်။ “အို… ဘုရားသခင် ကျတော်မျိုးကို ဒီအဖိုးကြီးအရွယ်မရောက်ခင် အရှင့်ဆီခေါ်တော်မူပါ”။ ဒီလိုဆုတောင်းလိုက်တာ နဲ့တပြိုင်နက် ဘုရားသခင်ဟာ အီဗရာဟင်သခင့် အသက်ကို နုတ်သိမ်းတော်မူလိုက်တယ်။

    တကယ်ဆို ဘုရားသခင်ဆိုတာ ဘုန်းတော်အစုံ၊ ဂုဏ်တော်အနန္တ နှင့် ပြည့်စုံတော်မူပြီး အာဏာတန်ခိုးအမျိုးမျိုးကိုပိုင်စိုးတော်မူပါတယ်။ ဘုရားသခင်သာ အလိုရှိရင် မိမိ အဏာ၊ မိမိတန်ခိုးနဲ့ အီဗရာဟင်သခင်ကို သူကိုယ်တိုင်တောင်းဆိုလာအောင်လုပ်လို့ရတာပဲ။ ဒါပေမယ့် ဘုရားသခင်ဟာ ငါအာဏာရှိတယ်ဆိုပြီး လုပ်တော်မမူပါဘူး။ ကာယကံရှင်ကိုယ်တိုင် နားလည် သဘောပေါက်လာအောင် ဆောင်ရွက်တော်မူပါတယ်။ ကျတော်တို့လည်း ကိုယ်အာဏာရှိတယ်၊ ငါ အထက်လူကြီး ဆိုပြီး ကိုယ့်လက်အောက် ငယ်သားတွေကို ငြင်းခုန်မယ်၊ ငါ့စကားနွားရ ပြောမယ်ဆိုရင် နောက်ဆုံးမှာ ကိုယ်သာ ကျဆုံးရမယ်ဆိုတာ သင်ခန်းစာယူသင့်ပါတယ်။

    **Robert Greene ရဲ့48 Laws of Power စာအုပ်မှ Win through your actions, never through arguments ကို မှီငြမ်းပါသည်။

  • နားထောင်တတ်ပါစေ

    နားထောင်တတ်ပါစေ

    မေ ၄ ၊ ၂၀၁၅
    M-Media
    လူမင်းဟန် ရေးသည်။
    11185832_10205997551165330_765534379_n
    ဟိုတလောက ဒေါ်အောင်ဆန်းစုကြည်နဲ့ ဂျာနယ်တစ်စောင် အင်တာဗျူးကို ဖတ်လိုက်ရသည်။ အဲဒီထဲက အန်တီစု ပြောသွားတဲ့ စကားလေး တစ်ခွန်းကို မှတ်မှတ်ရရ မှတ်မိနေသည်။ အန်တီစုပြောသွားတာက တဖက်နဲ့ တဖက် ပြသနာတစ်ခု ကို ဖြေရှင်းတော့မယ်ဆိုရင် နှစ်ဘက်စလုံးက နားထောင်တတ်ဖို့လို တယ်ဆိုတဲ့ စကားလေးပါ။
    .
    သူပြောတဲ့ နားထောင်တတ်ဖို့လိုတယ်ဆိုတာ နားထောင်ရုံထောင်နေတာ မျိုးမဟုတ်ဘဲ တဖက် ကပြောတာကို နားလည်တတ်ဖို့၊ ကိုယ်ချင်းစာတတ်ဖို့ ပြော တာလို့ ထင်ပါသည်။ အန်တီစု က ဆက်ပြောသေးတယ်။ ဒီကလူတွေဟာ သိတ်နား မထောင်တတ်ကြဘူးတဲ့။ ဘာလို့လဲ ဆိုတော့ ပညာရေး စနစ်ကြောင့်တဲ့။ အစတုန်းက တော့ သူပြောတာကို သိတ်နားမလည်ဘူးဗျ။ နားမထောင်တတ်တာနဲ့ ပညာရေးစနစ် နဲ့ ဘာဆိုင်လို့လဲ ပေါ့။
    .
    ဒါပေမယ့် သေချာစဉ်းစားကြည့်လိုက်တော့ သူပြောတာ ဟုတ်တယ်ဗျ။ ဆရာ ဆရာမ တွေဟာ ကျတော်တို့ပြောတာတွေကို နားထောင်လေ့မရှိကြဘူး။ သူတို့ပြောတာကို ပဲ ကျတော်တို့က နားထောင် ခဲ့ကြရတာမို့လား။ ဥမမာ ဆိုပါတော့ ဗျာ။ ဘုရင့်နောင်အကြောင်း ကျတော်တို့ သမိုင်းမှာ သင်တယ်။ ဆရာမ က ကျတော်တို့ကို ဘုရင့်နောင်အကြောင်း ရှင်းပြတယ်ပေါ့။ ဒါပေမယ့် ကျတော်တို့ ဘုရင်နောင်ကို ဘယ်လိုမြင်လဲ၊ ဘုရင့်နောင်အကြောင်းကို သင်ရတဲ့ အတွက် ဘယ်လို သင်ခန်းစာတွေရလဲ။ ဒါတွေကို ကျတော်တို့ ပြောခွင့်မရသလို ဆရာ၊ ဆရာမ တွေကလည်း မမေးပါဘူး။ ကြာတော့ ကျတော်တို့ကလည်း ကိုယ့်အမြင်ကို ထုတ်ဖော်ပြော ရကောင်းမှန်းတောင်မသိတော့ဘူး။ ဆရာမ ရှေ့ က အော်ပေးတဲ့ မှတ်စုကိုလိုက်ရေးမယ်။ အိမ်ပြန်ရောက်ရင် အဲဒါကို အလွတ်ကျက်မယ်။ စာမေးပွဲမှာ ပါလာရင် ၏ သည် မလွဲ ပြန်ရေးလိုက်မယ်။ တကယ်လို့များ ၏ နဲ့ သည် နဲ့လွဲသွားရင်တောင် အမှတ်လျှော့တော့မှာပဲ ဆိုပြီးတွေးပူခဲ့ရတာ။ ဒီလို နားမထောင် ကြတဲ့ ပတ်ဝန်းကျင်မှာ အသားကျ လာတဲ့ ကျတော်တို့ဟာ နောင်တစ်ချိန်ကျတော်တို့ ကိုယ်တိုင် လူကြီးဖြစ်လာတဲ့အခါမှာလည်း သူများပြောတာကို နားမထောင်တတ်တော့ဘူး။ သူ့ရဲ့အမြင်ဟာ ဘယ်လိုလဲ။ သူနဲ့ကိုယ် နဲ့ ကြားထဲမှာ ဘာနားလည်မှု့လွဲနေလဲ ဆိုတာကို အဖြေရှာရမှန်းမသိတော့ဘူး။
    .

    ကျောင်းမှာ “ကျတော်၏ အကြောင်း” စာစီစာကုံးမှာတောင် ကိုယ့်နာမည်၊ ကိုယ့်မိဘနာမည်ကို ထည့်မရေးရဲလောက်အောင်ကို ဖြစ်ခဲ့ကြပါတယ်။ ဆရာမ က ရှေ့က ရေးပြတဲ့အတိုင်း ကျတော့်နာမည် မောင်မောင်ဆို တစ်တန်းလုံး မောင်မောင်ပဲ၊ အဖေ နာမည် ဦးဘ ဆို တစ်တန်းလုံး ဦးဘ ပဲ။ ဒါဟာ မဖြစ်သင့်တဲ့ကိစ္စလို့ထင်ပါတယ်။

    ဒီလို နားမထောင်တတ်တာဟာ ဆရာနဲ့ တပည့်တင်မဟုတ်ပါဘူး။ မိဘနဲ့သားသမီးတွေမှာလည်း ဖြစ်တတ်ပါတယ်။ ကျတော်တို့ဆီမှာ သားသမီးက မိဘကို ပြန်ပြောတယ်ဆိုတာ အင်မတန်ရိုင်းတယ်လို့ သတ်မှတ်ထားကြတာမို့လား။ ကျတော်ကတော့ ဒီလိုသတ်မှတ်တာဟာ အခါခပ်သိမ်းမမှန်နိုင်ဘူးလို့ထင်တာပဲ။ မိဘကို ယဉ်ယဉ်ကျေးကျေး နှုတ်လှန်ထိုးတာမျိုး မဟုတ်ပဲ နဲ့ ကိုယ့်ခံစားချက်ကို ကိုယ့်အမြင်ကို ပြန်ပြောတာ ၊ ဖြေရှင်းတာ ဟာ မရိုင်းဘူး၊ ဒါဟာလုပ်သင့်တဲ့အလုပ်လို့ ကျတော်ကတော့ ယူဆတယ်။ လူကြီးတွေအနေနဲ့လည်း ကလေး တွေ ဘာခံစားနေရတာလဲ၊ သူ့ရဲ့အမြင်က ဘယ်လိုလဲ ဆိုတာကို သိအောင် လုပ်သင့်တယ် ဟု ထင်ပါသည်။ ငါပြောတဲ့အတိုင်းလုပ် မလုပ်ရင် ရိုက်လိုက်မယ်ဟဲ့၊ နှက်လိုက်မယ်ဟဲ့ ဆိုတာမျိုးကြီးမလုပ်သင့်ဘူးလို့ထင်တာပဲ။ လူကြီးတွေ ပြောလေ့ ရှိတဲ့ စကားလေး တစ်ခွန်းရှိပါတယ်။ “အိုးထိန်းသည်ဟာ သူ့အိုးလေးတွေကို နစ်နာစေလိုတဲ့ စိတ်နဲ့ ရိုက်တာ မဟုတ်ဘူး၊ လှတဲ့၊ ကောင်းတဲ့ အိုးလေးတွေဖြစ်အောင် ရိုက်တာ” ။ ဒါပေမယ့် ခက်တာက သားသမီးတွေက အိုးမှ မဟုတ်တာ။ အိုးက ဘာခံစားချက်မှ မရှိဘူးလေ။ ကလေးတွေက ခံစားချက်ရှိကြတယ်မို့လား။ လုံးဝ မရိုက်ရဘူးလို့ မဆိုလိုပါဘူး။ ဒါပေမယ့် ရိုက်တိုင်း ကောင်းတာမဟုတ်ဘူးဆိုတာ ပြောချင်တာပါ။
    .
    နောက်ပြီး အမြဲတမ်း ငါပြောသလိုလုပ် မလုပ်ရင်ရိုက်မယ်၊ အပြစ်ပေးမယ် ဆိုတဲ့ အယူအဆ ဟာ ကလေးတွေရဲ့ ကျိုးကြောင်းဆင်ခြင်တတ်တဲ့ အသိညဏ်ကို ဖျက်စီးရာရောက်တယ်လို့ထင်ပါတယ်။ reward and punishment ဆိုတဲ့ သဘောကို လက်ခံပါတယ်။ ဒါပေမယ့် reward and punishment မလုပ်ခင်မှာ ကိုယ်လုပ်စေချင်တဲ့ အရာရဲ့ အကောင်းအဆိုးကို အရင် နားလည်အောင် ရှင်းပြရင်မကောင်းဘူးလား။ ဥပမာဗျာ စာမကျက်တဲ့ကလေးကို စာကျက်လာအောင အရင်ဆုံး အကျိုးသင့် အကြောင်းသင့် ရှင်းပြသင့်တယ်လို့ထင်ပါတယ်။ နောက်ပြီး ပညာသင်ရခြင်းရဲ့ ရည်ရွယ်ချက်က အရိုက်ခံရမှာ ကြောက်လို့၊ စာမေးပွဲကျ မှာ ဆိုးလို့ ဆိုတဲ့ အသိမျိုးဟာ ငယ်ငယ်တုန်းကဘာမှ မဖြစ်ပေမယ့် အသက်ကြီးလာတာ နဲ့အမျှ ဒီအသိဟာ မှားတယ်ဆိုတာ နားလည်လာဖို့လိုပါတယ်။ ပညာသင်တာဟာ အရိုက်မခံရအောင်လည်း မဟုတ်သလို၊ စာမေးပွဲ မကျအောင်လည်း မဟုတ်ပါဘူး။ ပညာသင်ရခြင်းရဲ့အဓိက ရည်ရွယ်ချက်က တစ်ယောက်ချင်းစီ ရဲ့ အနာဂတ် ဘ၀ကို ရင်ဆိုင်တဲ့နေရာမှာ လိုအပ်တဲ့ အသိပညာတွေ အတတ်ပညာတွေကို အသုံးချတတ်အောင်သင်ယူတာ ဖြစ်ပါသည်။
    .
    ငါပြောသလိုလုပ်ရမယ်ဆိုတဲ့ အယူအဆ ဟာ ကလေးတွေရဲ့ ကိုယ်ပိုင်ခံစားချက်၊ ကိုယ်ပိုင်အမြင်ကိုလည်း ဖျက်စီးပစ်ရာ ရောက်ပါသေးတယ်။ ကျတော်တို့ ဘယ်လောက် ငါပြောသလိုလုပ် ဆိုတဲ့အယူအဆနဲ့ကျင့်သားရနေသလဲ ဆိုရင် ကျောင်းမှာ “ကျတော်၏ အကြောင်း” စာစီစာကုံးမှာတောင် ကိုယ့်နာမည်၊ ကိုယ့်မိဘနာမည်ကို ထည့်မရေးရဲလောက်အောင်ကို ဖြစ်ခဲ့ကြပါတယ်။ ဆရာမ က ရှေ့က ရေးပြတဲ့အတိုင်း ကျတော့်နာမည် မောင်မောင်ဆို တစ်တန်းလုံး မောင်မောင်ပဲ၊ အဖေ နာမည် ဦးဘ ဆို တစ်တန်းလုံး ဦးဘ ပဲ။ ဒါဟာ မဖြစ်သင့်တဲ့ကိစ္စလို့ထင်ပါတယ်။ ကလေးတွေဟာ “ကျတော်၏အကြောင်း” စာစီစာကုံးလိုမျိုးမှာ ကိုယ့်အကြောင်းကို ကိုယ် လွတ်လွတ်လပ်လပ်ရေး ခိုင်းသင့်တယ်လို့ထင်ပါတယ်။ ရေးတတ်အောင်လည်း လေ့ကျင့်ပေးသင့်တယ်လို့ထင်ပါတယ်။
    .
    ဒီအကျင့်ဟာ ကျတော်တို့ အထက်တန်းလို့ပြောတဲ့ ၁၀ တန်း အထိကို မပျောက်ပါဘူး။ ဥပမာ… ကျတော်တို့ ၁၀ တန်းမှာ မိဖုရားဖွားစောနဲ့ သိင်္ဃသူ့သမီး အကြောင်းသင်ရပါတယ်။ ကျတော်တွေ့ဘူးသမျှ စာအုပ်တွေရော၊ ဆရာတွေရောက မိဖုရားဖွားစော ကို မာနကြီးတဲ့ အမျက်စောင်မာန်ကြီးတဲ့ တရားမရှိတဲ့ မိန်းမကြီးလို့ သင်ကြရေးကြပြီး သိင်္ခသူ့သမီးကိုတော့ တရားသိတဲ့ ၊ လိမ္မာတဲ့ မိဖုရားတစ်ပါးလို့ ပြောကြတာပေါ့။ ကျောင်းသားတွေ အကုန်လုံးကလည်း ဒီလိုပဲ လိုက်ရေးကြတာပဲ။ စာအုပ်တွေရေးသလို ဆရာတွေသင်သလို မရေးပဲ မိဖုရားဖွားစောကို ထက်မြတ်တဲ့ မိဖုရားကြီးတစ်ပါးအနေနဲ့၊ သိင်္ဃသူ့သမီးကိုတော့ ပျော့ညံ့တဲ့ မိန်းမ တစ်ယောက်အနေနဲ့ ဘယ်သူမှ မရေးကြပါဘူး။ တကယ် ဆို ရေးလို့ပြောလို့ရတာပဲ။ မိဖုရား ဖွားစောဆိုတာ သမိုင်းမှာ အထင်ကရ မိဖုရားကြီးဖြစ်ပြီး သိင်္ဃသူ့သမိးဆိုတာ သမိုင်းမှာ သူ့နာမည်တောင် မကျန်ရစ်တော့ဘူးမို့လား။ ကျတော်ပြောချင်တာက သမိုင်းကြောင်းကိုပြောချင်တာ မဟုတ်ပါဘူး။ ကျတော်တို့ ကျောင်းသားတွေရဲ့ ကိုယ့်အမြင်ကို ကိုယ် ထုတ်ဖော် မပြ ရဲတာ ၊ ပြရကောင်းမှန်းမသိတာကိုပြောချင်တာပါ။
    .
    ဒီအကျင့်တွေဟာကိုယ့်နိုင်ငံထဲမှာ တင်နေလို့ ဘာမှ မဖြစ်ပေမယ့် သူများနိုင်ငံရောက်ပြီဆိုတာနဲ့ ဒုက္ခဖြစ်တော့တာပါပဲ။ ဆရာမ ရှေ့ အော်ပေးတဲ့ မှတ်စုကိုပဲ လိုက်ရေးတတ်တဲ့ ကျတော်တို့ဟာ သူများနိုင်ငံမှာလည်း ကျောင်းသွားတက်ရော ဘာရေးလို့ရေးရမှန်းမသိ၊ ဘာကျက်လို့ ကျက်ရမှန်းမသိနဲ့ ခြေမကိုင်မိ လက်မကိုင်မိဖြစ်ရတော့တာပါပဲ။ သူများနိုင်ငံတွေမှာ ကျောင်းသားတွေရဲ့ အမြင်၊ တွေးခေါ်မျော်မြင်တတ်မှု့ကို အရမ်း အလေးထားပါတယ်။ သူတို့ ပြောပြီးရင် What do you think? ဆိုတဲ့စကားကို အမြဲမေးလေ့ရှိပါတယ်။ ဒီမေးခွန်းဟာ အစပိုင်းမှာတော့ ကျတော်တို့ဗမာ ကျောင်းသားတွေအတွက် အရမ်းကို အဖြေခက်တဲ့ မေးခွန်းပါပဲ။ ကျတော်တို့က မနေ့က ပေးထားတဲ့ မှတ်စုကို အလွတ်ကျက်ပြီး ပြန်တာလောက်ပဲ အကျွမ်းတ၀င်ဖြစ်ခဲ့ကြတာမဟုတ်လား။ နောက်ပြီး ကျောင်းသားတွေ အချင်းချင်း အပြန်အလှန်အမြင်ချင်း ဖလှယ်ရတဲ့ အချိန်လည်း ရှိပါသေးတယ်။ အဲလိုအချိန်မျိုးဆိုရင် ကျတော့်မှာ သေချင်စော်ကို နံ ပါလေရော။ နောက်မှ တဖြည်းဖြည်း အသားကျသွားတာ။
    .
    အခုဆိုရင် ကျတော်တို့နိုင်ငံလည်း ပညာရေးတိုးတက်အောင် ပြုပြင်ပြောင်းလဲ ရေး လုပ်ဖို့တော့ ပြင်ဆင်နေတာ ပါပဲ။ ပြင်ပါမှလည်း ဖြစ်မည်။ မဟုတ်ရင်တော့ ကျတော်တို့နိုင်ငံဟာ ခေတ်မှီဖွံ့ဖြိုးတိုးတက်သော ဆိုတဲ့စကားနဲ့ အလှမ်းဝေးနေဦးမှာပါပဲ။

  • သူဌေးစိတ်ဓါတ် (Millionaire Mentality)

    သူဌေးစိတ်ဓါတ် (Millionaire Mentality)

    ဧပြီ ၂၅ ၊ ၂၀၁၅
    M-Media
    လူမင်းဟန် ရေးသည်။
    11164135_10205940509139315_2080486325_n
    သန်းကြွယ်သူဌေးတစ်ယောက်ဖြစ်ဖို့ ကံကောင်းမှု့၊ အလုပ်ကြိုးစားမှု့ ဒါတွေ အားလုံးလိုပါတယ်။ အထူးသဖြင့် အလုပ်ကြိုးစားမှု့ ပိုပြီးလိုပါတယ်။ ဒါပေမယ့် ဒါတွေအားလုံးထက်အရေးကြီးတဲ့ အရာတစ်ခု ရှိပါသေးတယ်။ အဲဒါကတော့ Millionaire Mentality လို့ခေါ်တဲ့ သူဌေး စိတ်ဓာတ် ပါပဲ။ မိမိစီးပွားရေး ရည်မှန်းချက်ကို ရောက်အောင် လူတစ်ဦး ချင်းစီရဲ့ ကျွမ်းကျင်မှု့တွေ၊ အရည်အသွေးတွေ အသိပညာတွေ အားလုံးကိုစုစည်း ကြိုးကိုင်နိုင်မောင်းနှင် နိုင်တဲ့ စိတ်ဓာတ်ကို ဆိုလိုပါတယ်။

    ကာလီဖိုးနီးယားက ကျတော့်ရဲ့ ရေနံလုပ်ကွက် တွေကို စီမံခန့်ခွဲဖို့ လူတစ်ယောက်ကိုငှားဖူးပါတယ်။ သူ့နာမည်ကို ဂျော့မီလာ လို့ပဲ ခေါ်ကြပါစို့။ သူက ရိုးသားတယ်၊ အလုပ်ကြိုးစားတယ်၊ ပြီးတော့ ရေနံလုပ်ငန်းကိုလည်း ကျွမ်းကျင်ပါတယ်။
    သူ့ကို ကျတော်ပေးတဲ့ လစာဟာလည်း သူတာဝန်ယူရတဲ့ အလုပ်နဲ့ မျှတပါတယ်။ သူကိုယ်တိုင်လည်း ကျေနပ်ပုံရပါတယ်။ ဒါပေမယ့် အဲဒီရေနံ လုပ်ကွက်တွေကိုသွားပြီး ရေနံတွင်းတွေ၊ စက်ပစ္စည်းတွေကို စစ်ဆေး တိုင်း ကျတော် အားမရပါဘူး။ ဂျော့မီလာ ရဲ့ စီမံခန့်ခွဲမှု့ဟာ ထင်သလောက်အရာမရောက်ဘူးလို့ ဆုံးဖြတ်မိပါတယ်။ မလိုအပ် ပဲ လူတွေ အများကြီးခန့်ထားတယ်။ ကုန်ကျစားရိတ်တွေ အရမ်းများနေတယ်။ တချို့အလုပ်တွေ နှောင့်နှေးနေတယ်။ တချို့အလုပ်တွေ ကျပြန်တော့ လည်း မြန်မြန် လုပ်ပြီး သေချာဂရုမစိုက်။ တချို့ပစ္စည်းကိရိယာတွေ လိုနေတယ်။ တချို့ဟာတွေကျ မလိုအပ် ပဲ ပုံနေတယ်။ ဂျော့မီလာ ကိုယ်တိုင်လည်း လုပ်ကွက် ထဲကို သေချာဆင်းပြီး မလေ့လာပဲ ရုံးခန်းမှာချည်းပဲ အချိန်ကုန်နေ တယ်လို့ ကျတော်ထင်ပါတယ်။ တကယ်တမ်းဆို ဒါတွေအားလုံးဟာ သူ့တာဝန်ပါ။ ဒါတွေကြောင့် အလုပ်ဟာ စားရိတ်တွေကြီး၊ ထုတ်လုပ်မှု့ကလည်း ကျ၊ အမြတ်လည်း လုံးဝအားရစရာမရှိဖြစ်နေပါတယ်။ ဒါပေမယ့် ကျတော် ဂျော့မီလာ ကိုသဘောကျ တယ်။ နောက်ပြီးသူ့မှာ ဒီအလုပ်အတွက် လိုအပ်တဲ့ အရည်အချင်းတွေ အားလုံးပြည့်စုံတယ်လို့ကျတော်ယုံကြည်တယ်။ ဒါကြောင့် တနေ့မှာတော့ ကျတော် ဂျော့မီလာနဲ့ နှစ်ယောက်တည်း စကားပြောပါတယ်။ သူ့ရဲ့ အားနည်းချက်တွေကို ပွင့်ပွင့်လင်းလင်း ပဲ သူ့ကိုပြောပြလိုက်ပါတယ်။

    “ငါ ဒီဆိုဒ်ထဲမှာ တစ်နာရီလောက် အချိန်ယူလိုက်တာနဲ့ ဘာတွေလိုနေတယ်၊ ဘယ်လို ပြုပြင်ရမယ်ဆိုတာ ငါသိတယ်။ အပွင့်လင်းဆုံးပြောရရင် မင်းဘာလို့ ဒါတွေ မမြင်တာလည်းဆိုတာ ငါနားမလည်ဘူး။ ” ကျတော်က သူ့ကိုပြောပြသည်။
    “ဟုတ်မှာပေါ့။ ခင်ဗျားက ဒါတွေ အကုန်လုံးပိုင်တယ်လေ။ ဒီကရတဲ့ အကျိုးအမြတ်တွေအကုန်လုံးလဲ ခင်ဗျားပဲရမှာလေ။ ဒီတော့ ခင်ဗျားမျက်စိက ဘာတွေလိုတယ်၊ ဘယ်လိုလုပ်ရမယ်ဆိုတာ ပိုမြင်တာပေါ့။” သူကလည်း ကျတော့်ကို ပွင့်ပွင့်လင်းလင်းပဲ သူ့အမြင်ကိုပြန်ပြောပါတယ်။

    အမှန်အတိုင်းပြောရရင် သူပြောတာကို ကျတော် အရင်က မစဉ်းစားမိပါဘူး။ ဒါနဲ့ကျတော်လည်း ရက်အနည်းငယ်လောက် စဉ်းစားပြီးတော့ စမ်းသပ်မှု့တစ်ခုလုပ်ဖို့ ဆုံးဖြတ်လိုက်ပါတယ်။ နောက်တကြိမ် ဂျော့မီလာ နဲ့ ကျတော်စကားပြောပါ တယ်။
    “ဒီမှာ ကြည့်စမ်း ဂျော့…. ဒီဆိုဒ် ကို မင်းကို ငါလွှဲပေးလိုက်မယ်။ မင်းကို ပုံမှန်လစာမပေးတော့ဘူး။ ဒီ ဆိုဒ် က ရတဲ့ အကျိုးအမြတ်ကို ရာခိုင်နှုန်းနဲ့ အချိုးကျ ခွဲပေးမယ်။ ဘယ်လိုလဲ။ မင်းလက်ခံမလား။”

    ကျတော့် ကမ်းလှမ်းချက်ကို သူသေချာစဉ်းစားပြီးကျေကျေနပ်နပ်လက်ခံလိုက်ပါတယ်။

    ပြောင်းလဲမှု့ ကတော့ ချက်ချင်းဆိုသလိုပါပဲ။ ဒီဆိုဒ်က ရတဲ့ အကျိုးအမြတ်ဟာ သူနဲ့ ဆိုင်တယ်ဆိုတာလည်း သိရော၊ ဂျော့ ဟာ သူ့ရဲ့ အစွမ်းကို အကုန်ထုတ်သုံးတော့တာပါပဲ။ ကုန်ကျ စားရိတ်တွေကို လျှော့ချတယ်။ ထုတ်လုပ်မှု့တွေတိုး တက်အောင်လုပ်တယ်။ အရင်က သူမမြင်ခဲ့တဲ့ လုပ်ပုံကိုင်ပုံ အမှားတွေကို ချက်ချင်းပြင်ပါတယ်။ မလိုအပ်တဲ့ အလုပ်သမားတွေကိုလည်း ချက်ချင်းလျှော့ပစ်ပါတယ်။ အရင်တုန်းက တပတ်ကို သုံးရက်လောက် ရုံးခန်းမှာပဲ အချိန်ဖြုန်းနေတဲ့ ဂျော့ဟာ အခုတော့ ဆိုဒ်ထဲမှာပဲ အချိန်ကုန်ပါတယ်။ ရုံးခန်းကို တစ်လ လေးခေါက်လောက်ပဲ လာပါတော့တယ်။ နောက်နှစ်လ လောက်နေတော့ ကျတော် ဂျော့မီလာ ရဲ့ လုပ်ကွက်ကို ထပ်ပြီး စစ်ဆေးခဲ့ပါတယ်။ ဒီတစ်ခေါက်တော့ ဘာအမှား အယွင်းမှ မရှိပါဘူး။ ကျတော်ကိုယ်တိုင် သူ့နေရာဝင်ပြီးလုပ်ရင်တော့ သူ့လောက် အပေါက်အလမ်း တည့်အောင်လုပ်နိုင်မယ် မထင်ပါဘူး။ ကျတော်တို့ ရဲ့ အမြတ်ဟာလည်း ပြောစရာ မလိုအောင်ကို တောက်လျှောက် တိုးတက်လာခဲ့ပါတယ်။

    စီးပွားရေးရူ့ဒေါင့်က ကြည့်ရင် လူလေးမျိုးရှိပါတယ်။ ပထမတစ်မျိုးက ကိုယ်ပိုင်စီးပွားရေးသမားတွေပါ။ သူတို့ ဟာ ဘယ်သူ့ဆီမှာမှ လခစား မလုပ်လိုပဲ ကိုယ်ပိုင်စီးပွားရေး လုပ်ချင်သူတွေပါ။ လွတ်လွတ်လပ်လပ် နဲ့ကိုယ့် ဘ၀ရဲ့ အာမခံချက်အတွက် ကိုယ်တိုင်ကြိုးစားချင် သူတွေဖြစ်ပါတယ်။ ကိုယ်တိုင်စွန့်စားလုပ်ကိုင်မယ်။ ဖြစ်လာမည့် အကျိုးဆက်ကိုလည်း ကိုယ့်ဟာကို တာဝန်ယူရဲတဲ့သူတွေပါ။

    ဒုတိယတစ်မျိုးကတော့ အကြောင်းအမျိုးမျိုးကြောင့် ကိုယ်ပိုင် စီးပွားရေးတော့ မလုပ်ပါဘူး။ ဒါပေမယ့် အမြတ်ခွဲဝေမှု့ ပုံစံနဲ့ သူများဆီမှာ အလုပ်လုပ်တဲ့ပုံစံမျိုးပါ။ ဒီအမျိုးအစားထဲမှာ ကော်မရှင်နဲ့ လုပ်တဲ့အရောင်း ကိုယ်စားလှယ်ကနေ စီးပွားရေးလောက ရဲ့ ထိပ်တန်း မန်နေဂျာတွေ၊ စီအီးအိုတွေ အထိပါပါတယ်။ ဂျော့မီလာဟာ ဒီ ဒုတိယ အမျိုးအစားထဲမှာပါပါတယ်။

    တတိယတစ်မျိုးကတော့ ၀န်ထမ်းပဲ လုပ်ချင်သူတွေပါ။ သူတို့ဟာ ပုံမှန်လစာလိုချင်တယ်။ အလုပ်အာမခံချက်လိုချင်တယ်။ သူတို့ကိုခိုင်းတဲ့ အလုပ်ကိုလည်းကောင်းကောင်းမွန်မွန်လုပ်မယ်။ ဒီအုပ်စုမှာပါတဲ့သူတွေဟာ အလုပ်ကြိုးစားတဲ့၊ ယုံကြည်စိတ်ချရတဲ့ ၀န်ထမ်းကောင်းတွေပါ။ ဒါပေမယ့် သူတို့မှာ စွန့်စားလုပ်ကိုင်ချင်စိတ်၊ ဦးဆောင်ချင်စိတ် မရှိပါဘူး။ နောက်ပြီး ပထမအုပ်စုနဲ့ ဒုတိယအုပ်စုက လူတွေလို မဟုတ်ဘဲ ကိုယ့်ကိုကိုယ် ယုံကြည်စိတ်လည်းနည်းပါးကြပါတယ်။

    စတုထ္တတစ်မျိုးကလည်း ၀န်ထမ်းတွေပါပဲ။ ဒါပေမယ့် သူတို့ရဲ့ အလုပ်အပေါ်မှာထားတဲ့ စိတ်ထားဟာ ဘာနဲ့တူသလဲ ဆိုရင် စာတိုက်က စာရေးတွေ ဆက်သွယ်ရေးဝန်ကြီးဌာန အပေါ်မှာ ထားတဲ့သဘောထားမျိုးနဲ့တူပါတယ်။ စာတိုက်စာရေး တွေကိုစော်ကားတာ မဟုတ်ပါဘူး။ ဒါပေမယ့် စာတိုက်စာရေးတွေဟာ သူတို့ အလုပ်ရှင် မြတ်သလား ရူံးသလားဆိုတာ သိတဲ့သူ၊ မြတ်စေလိုတဲ့ စိတ်နဲ့ ကြိုးစား အလုပ်လုပ်သူ မရှိသလောက်ရှားပါတယ်။ စာတိုက်ဌာနရဲ့ အရူံးဟာ ဖြစ်ရိုးဖြစ်စဉ်ကိစ္စပါ။ ဒီအရှုံးတွကို ပြည်ထောင်စု အစိုးရက ကျခံပေးပါတယ်။ ကျတော့် အထင်တော့ စာတိုက်စာရေး ဆယ်ယောက်မှာ တစ်ယောက် တောင် စာတိုက်ဌာန ရှုံးသလား၊ မြတ်သလားဆိုတာ ဂရုစိုက်သူ မရှိဘူးလို့ထင်ပါတယ်။

    ဒီလိုစိတ်ထားမျိုးရှိသူတွေကို အလုပ်ခန့်တာဟာ စာတိုက်ဌာန အတွက် ဘာမှ မဖြစ်ပေမယ့် ဈေးကွက်စီးပွားရေးစနစ် မှာတော့ ဒီလိုစိတ်ထားရှိတဲ့ သူကို အလုပ်ခန့်မိတဲ့ စီးပွားရေးလုပ်ငန်းဟာ ကိုယ့်သေတွင်းကိုယ်တူးတာပါပဲ။

    ဒါပေမယ့် စီးပွားရေးလုပ်ငန်းတွေမှာ စာတိုက်စာရေး စိတ်ဓာတ်မျိုးရှိတဲ့ သူတွေ ရာထူးကြီးကြီးယူထားတာကို အများကြီးတွေ့ရပါတယ်။ သူတို့ဟာ လစာ ပုံမှန်ရနေသ၍ သူတို့ကို အလုပ်ခန့်ထားတဲ့ ကုမ္ပဏီ မြတ်သလား၊ ရူံးသလားဆိုတာကို သိပ်ပြီး ဂရုမစိုက်ကြပါဘူး။ ကျတော်ကိုယ်တိုင် ဒီလိုလူမျိုးတွေကို အများကြီးကြုံဘူးပါတယ်။ တချို့ဆိုရင် နာမည်ကြီး စီးပွားရေးကျောင်းတွေက ဘွဲ့ယူထားတဲ့သူတွေတောင်ပါ ပါသေးတယ်။ ဒါပေမယ့် သူတို့ဟာ Balance Sheet ကိုတောင် ကောင်းကောင်းမကြည့်တတ်ပါဘူး။ အမြတ်ဆိုတဲ့ စကားလုံးရဲ့ အဓိပ္ပာယ်ကိုတောင် နားလည်အောင် ရှင်းမပြနိုင်ကြပါဘူး။ ဒီလိုလူမျိုးတွေဟာ ဘယ်လောက်ပဲ ကြီးကျယ်တဲ့ ဘွဲ့တွေကို ရထားပါစေ။ သူတို့ရဲ့ စိတ်ဓာတ်ဟာ စာတိုက် စာရေးထက် မပိုပါဘူး။ သူတို့ဟာ ကိုယ့်အကျိုးအတွက် ကြည့်တတ်တာက လွဲရင် သူလုပ်နေတဲ့ အလုပ် အပေါ်မှာ တာဝန်ယူလိုစိတ်မရှိကြပါဘူး။ သူတို့ဟာ အပြင်ပန်းအားဖြင့်တော့ ရာထူးကြီးကြီး အတွက် ထိုက်တန်တဲ့ အရည်အချင်းတွေ အတွေ့အကြုံတွေ ရှိသလိုလိုထင်ရပါတယ်။ တကယ်တမ်းကျ သူတို့ရဲ့ ဆယ်နှစ် အတွေ့အကြုံဟာ တစ်နှစ်အတွေ့အကြုံကိုပဲ ဆယ်ခါ ထပ်တလဲလဲ ရှိနေသလိုပါပဲ။ ဆယ်နှစ်အတွေ့အကြုံရှိတယ်ဆိုတဲ့ စကားနဲ့တန်တဲ့ အရည်အချင်း၊ လုပ်ချင်ကိုင်ချင်စိတ် မရှိကြပါဘူး။ မြောက်များလှစွာသော စာတိုက်စာရေး စိတ်ဓာတ် နဲ့လူတွေဟာ နှစ်ပေါင်းများစွာ အလုပ်လုပ်ပေမယ့် ဘာလို့ မအောင်မြင်တာပါလိမ့်၊ ဘာလို့ မကြီးပွားတာပါလိမ့်လို့ မေးတတ်ကြပါတယ်။

    ဘာလို့လဲ ဆိုတော့ သူတို့ရဲ့ စိတ်ဓာတ်ကြောင့်ပါပဲ။

    ကြိုက်သည်ဖြစ်စေ၊ မကြိုက်သည်ဖြစ်စေ Millionaire Mentality လို့ခေါ်တဲ့ သူကြွယ်စိတ်ဓာတ် ဆိုတာ တကယ်ရှိပါတယ်။ ဒီစိတ်ဓာတ်ရှိသူဟာ ကိုယ်ပိုင်စီးပွားရေးလုပ်သူဖြစ်စေ၊ ၀န်ထမ်း ဖြစ်စေ အောင်မြင်မှု့လမ်းကြောင်းမှာ သူများထက် ရှေ့ကရောက် နိုင် ပါတယ်။ အချုပ်အားဖြင့် ဆိုရင်တော့ သူကြွယ် စိတ်ဓာတ်ရှိသူဟာ ကုန်ကျ စားရိတ်ကို တတ်နိုင်သမျှလျှော့ချ၊ အမြတ် ရရှိဖို့အတွက် ရှေ့ရှုပြီး လုပ်ကိုင်နိုင်တဲ့ အရည်အချင်းမျိုးရှိသူပါ။ ဒီလို သူကြွယ်စိတ်ဓာတ်မျိုးဟာ ကျတော် အပေါ်မှာပြောခဲ့တဲ့ လူလေးမျိုးထဲက ပထမတစ်မျိုးနဲ့ ဒုတိယ တစ်မျိုးမှာ များသောအားဖြင့် တွေ့ရတတ်ပါတယ်။ တတိယ အုပ်စုမှာ ဒီစိတ်ဓာတ်မျိုး သိတ်မတွေ့ရတတ်ပါဘူး။ ဒီအုပ်စုက လူတွေဟာ အလယ်အလတ်တန်းစားဘ၀ လောက် နဲ့တင်ကျေနပ် တတ်ကြတဲ့သူတွေပါ။ စတုထ္တအုပ်စုမှာတော့ ကျတော်ပြောတဲ့ သူကြွယ်စိတ်ဓာတ်မျိုး လုံးဝ မရှိနိုင်ပါဘူး။ ဒီလူမျိုးတွေဟာ နည်းနည်းလုပ်ပြီး များများပြန်လိုချင် သူတွေပါ။ သူတို့ဟာ အလုပ်ခန့်တဲ့ကုမ္ပဏီ ကို တိုးတက်အောင်၊ ကြီးပွားအောင် ၀ိုင်းဝန်းကြိုးပမ်းရမယ့် အရာလို့မမြင်ပဲ သူတို့လိုတာကိုပေးတဲ့ ပဒေသာပင် အဖြစ်မြင်ချင်ကြပါတယ်။

    ကျတော်အရင်တုန်းက တွေ့ဘူးပါတယ်။ သူတို့တွေ မအောင်မြင်ရတာဟာ ငါ့လောက် ကံမကောင်းကြလို့၊ ငါ ပညာတွေ သင်ခဲ့ရသလို သူတို့ မသင်ခဲ့ကြရလို့၊ ငါ့လောက် စီးပွားရေး အတွေ့အကြုံတွေ မရှိလို့ လို့ ဖေးဖေးမမ တွေးဘူးပါတယ်။

    ဒါပေမယ့် ကျတော် တဖြည်းဖြည်း နဲ့သိလာတာက ခုနက စီးပွားရေးအတွေ့အကြုံမရှိပါဘူး၊ ကံမကောင်းပါဘူး ဆိုတဲ့သူတွေဟာ သူတို့ အကျိုးအတွက်ဆိုပါက အတော်ဆုံး စီးပွားရေးသမားတွေ ထက်တောင် တွက်တက်ချက်တတ်တယ် ဆိုတာပါပဲ။ ကျတော်တစ်ခါ တုန်းက ကုမ္ပဏီတစ်ခုကို ၀ယ်လိုက်ပါတယ်။ ဒီကုမ္ပဏီဟာ အောင်မြင်နိုင်တဲ့ အခြေအနေတွေ ၊ အခွင့်အလမ်းတွေ အများကြီး ရှိပါလျက်နဲ့ မအောင်မမြင်ပါဘူး။ ဘာလို့လဲ ဆိုတာ ကျတော် အဖြေရှာကြည့်ပါတယ်။ မကြာပါဘူး ပြသနာရဲ့ အရင်းအမြစ်ကိုသိလိုက်ရပါတယ်။ ကုမ္ပဏီရဲ့ အဓိက တာဝန်ရှိသူ မန်နေဂျာ သုံးယောက်ဟာ စာတိုက်စားရေး တွေ ဖြစ်နေတာကိုး။ သူတို့ဟာ မလိုတဲ့ အသုံးစားရိတ်တွေကို လျှော့ချရမယ်၊ အမြတ်ရရှိဖို့ ရှေ့ ရှု့အလုပ်လုပ်ရမယ် ဆိုတာ မသိကြပါဘူး။

    သူတို့ရဲ့ တစ်လ လစာဟာ ထောင် ဂဏန်းရှိပါတယ်။ လကုန်ခါနီးတော့ သူတို့ လစာထဲက ငါးဒေါ်လာ နုတ်ထားဖို့ စာရင်းဌာန ကို ကျတော်ညွန်ကြားလိုက်ပါတယ်။ တကယ်လို့ သူတို့ဘက်က မေးလာရင် ကျတော့်ဆီကို တိုက်ရိုက်လွှတ်လိုက် ဖို့လည်း ထပ်ပြီး ညွန်ကြားထားလိုက်ပါတယ်။ ကျတော် ထင်ထားသလိုပါပဲ လစာချက် ရပြီး တစ်နာရီအတွင်းမှာ မန်နေဂျာကြီး သုံးယောက် ကျတော်ဆီရောက်လာပါတယ်။

    “ကုမ္ပဏီ စာရင်းအင်းတွေကို ငါ အကုန်ကြည့်ပြီးပြီ။ ဒီထဲမှာ မလိုအပ်တဲ့ အသုံးစားရိတ်တွေ အများကြီးတက်နေတာတွေ့ရတယ်။ ဒါတွေကြောင့် မနှစ်တုန်းက ဒေါ်လာသောင်း ဂဏန်းလောက် နစ်နာခဲ့တယ်။ မင်းတို့ ဒါတွေကို ဂရုမစိုက်ခဲ့ဘူး။ ပြီးတော့ ဒီလို အသုံးစားရိတ်တွေ အများကြီး ဘာလို့ တက်နေတာလဲဆိုတဲ့ အကြောင်းရင်းကို ရှာလည်းမရှာဘူး။ ပြင်လည်း မပြင်ဘူး။ အခု မင်းတို့ လစာ ငါးဒေါ်လာလျှော့နေတာ ကျတော့ ချက်ချင်း သိပြီး complain လုပ်တယ်။” ကျတော်လည်းသူတို့ကို ဆုံးမရပါတယ်။ နှစ်ယောက် ကတော့ ကျတော့်စကားကို နားထောင်ပြီး ပြင်ကြပါတယ်။ နောက်တစ်ယောက်ကတော့ တခြားမှာအလုပ်ရှာဖို့ ထွက်သွားပါတယ်။ စီးပွားရေးလုပ်ငန်းတစ်ခုဟာ အမြတ်မရပဲ ဆက်လက် ရပ်တည်ဖို့ မဖြစ်နိုင်ဘူးဆိုတာ ပြောစရာကိုမလိုပါဘူး။ နောက်ပြီး စီးပွားရေးတစ်ခုမှာ ပိုင်ရှင်ရော အလုပ်သမားတွေရောဟာ ထုတ်လုပ်မှု့တိုးတက်ဖို့၊ အသုံးစားရိတ် တတ်နိုင်သလောက်လျှော့ချနိုင်ဖို့၊ ထုတ်လုပ်မှု့အရည်အသွေး တိုးတက်ဖို့ ဒါတွေကို သတိရှိရှိနဲ့ အမြဲကြိုးစားနေရမှာပါ။ ဒါမှလည်း စီးပွားရေးလုပ်ငန်းဟာ တိုးတက်လာ မှာပါ။ ဒါတွေဟာ စီးပွားရေး ပညာရဲ့ အခြေခံအကျဆုံး အပိုင်းတွေပါ။ ဒီသဘောတရားကို တချို့ စီးပွားရေးသမားတွေသိတ်နားမလည် ကြပါဘူး။ တချို့ဆိုလုံးဝ ကိုနားမလည်တာပါ။

    စီးပွားရေးလောကမှာ အားလုံးသိတဲ့ သဘောတရားတစ်ခု အကြောင်းကိုလည်းပြောချင်ပါသေးတယ်။ တခါတုန်းက လူငယ်မန်နေဂျာ တစ်ယောက်ဟာ သူ့ဌာန အသုံးစားရိတ်ခွင့်ပြုမှု့ကို ဒေါ်လာ ၂၀,၀၀၀ လျော့ချလိုက်တဲ့အကြောင်း ကျတော့ ကို မကျေမနပ် ပြောပြပါတယ်။

    “အဲလို လျှော့ချလိုက်တဲ့အတွက် မင်း ဌာနရဲ့ စွမ်းဆောင်ရည် ဒါမှမဟုတ် ထုတ်လုပ်မှု့ ကျသွားလို့လား။” ကျတော်သူ့ကို ပြန်မေး လိုက်ပါတယ်။

    သူက ခဏစဉ်းစားပြီး “အဲလိုတော့ မဟုတ်ပါဘူး။”

    “ဒါဖြင့် ဘယ်နှယ့်ကြောင့် မကျေမနပ်ဖြစ်နေတာတုန်း။”

    “ဒါပေမယ့် ကျတော်တို့ သုံးစရာတစ်ခုခုတွေ့လာမှာပေါ့။ နောက်ပြီး စီးပွားရေးမှာ အောင်မြင်ဖို့အတွက်ဆို အကြီးကြီးစဉ်းစားပြီး ပိုက်ဆံများများသုံးရမယ်မို့လား။” သူကလည်း သူ့သဘောထားကိုပြန်ပြောပါတယ်။

    ဒီကောင်လေးဟာ ကျတော့် ၀န်ထမ်း မဟုတ်တာတော်သေးတယ်လို့ အောက်မေ့မိပါတယ်။ နို့မဟုတ်ရင် အဲနေရာမှာတင် သူ့ကို အလုပ်ဖြုတ်ပစ်မှာ။

    “အောင်မြင်ဖို့အတွက် ကြီးကြီးစဉ်းစားပြီး များများသုံးရမယ်” ဆိုတဲ့သဘောတရားကို ကျတော်စီးပွားရေးလောက ထဲစ၀င်လာကတည်းက ကြားဘူးပါတယ်။ ဒီသဘောတရားလောက် နားလည်မှု့လွဲမှားခံရတဲ့ သဘောထား စီးပွားရေးလောက မှာ မရှိဘူးထင်ပါတယ်။
    စီးပွားရေးမှာ အောင်မြင်ဖို့အတွက် ဆိုရင် စဉ်းစားဥာဏ်ရှိရမယ်။ မျက်စိတစ်ဆုံးကို ကြိုတင်တွေးတောနိုင်ရမယ်ဆိုတာ ကျတော် နားလည်ပါတယ်။ နောက်ပြီး ငွေကြေးကိုလည်း လိုအပ်တဲ့နေရာမှာ သုံးစွဲရမယ်၊ လိုအပ်ရင် ဆုံးရူံးနိုင်ချေ ရှိတဲ့နေရာမှာတောင် ရင်းနှီးရမယ် ဆိုတာ လက်ခံပါတယ်။ ဒါပေမမယ့် သုံးတဲ့နေရာမှာ သေချာတွက်ချက်ရမယ်။ ဆုံးရူံးနိုင်ချေ ရှိတဲ့နေရာမှာလည်း ဆုံးရူံးနိုင်ချေ ကို သေချာတွက်ချက်ပြီး ပြန်ရမှာနဲ့ တန်တဲ့ နေရာတွေမှာပဲ ရင်းနှီးရမှာပါ။ ဆင်ကန်းတောတိုး သလိုလုပ်ဖို့ မဟုတ်ပါဘူး။
    ကျတော့် ကိုယ်ပိုင် အမြင်အရတော့ သူကြွယ်စိတ်ဓာတ်ရှိသူတစ်ယောက်ဟာ ကြီးကြီးမားမားတွေကိုစဉ်းစားဖို့ထက် အသေးစိတ် ကိစ္စတွေကို သတိထားဖို့ ပိုပြီးလိုတယ်လို့ထင်ပါတယ်။ မလိုအပ်တွေအသုံးစားရိတ်တွေကို လျှော့ချဖို့အတွက် အသေးစိတ် ကိစ္စတွေကို သေသေချာချာလေ့လာသင့်ပါတယ်။ ကျတော် ဒီသဘော ကိုပြောတဲ့အခါ တစ်ယောက်က စီးပွားရေးမှာအောင်မြင်ဖို့ ကပ်စီးနည်း ရမှာလားလို့ မေးဘူးပါတယ်။ တစ်နေရာမှာ ကပ်စီးနည်း တယ်လို့ ထင်ရတဲ့ကိစ္စလေး တွေဟာ တခြားတနေရာမှာ ကြီးမားတဲ့ကုန်ကျ စားရိတ်တွေကို သက်သာစေနိုင်တယ်လို့ ကျတော်သူ့ကို သေချာရှင်းပြရပါတယ်။ တစ်ခါတုန်းက အမေရိကန် ကော်ပိုရေးရှင်းကြီး တစ်ခု ဟာ သူ့ရုံးခန်းအမှိုက်ပုံးထဲက စွန့်ပစ်ပစ္စည်းတွေကို လေ့လာ ပါတယ်။ ဒီထဲက အသုံးဝင်မည့် ပစ္စည်းအသေးအမွှားလေးတွေကို ရွေးပြီး တန်ဖို့းဖြတ်ပါတယ်။ ဥပမာ- စက္ကူညှပ်တဲ့ကလစ်တို့၊ သားရေကွင်းတို့၊ ခဲတံတို့ပေါ့။ ဒါတွေအာလုံး ပေါင်းလိုက်တာ တစ်နှစ်ကို ဒေါ်လာ ၃၀,၀၀၀ လောက်ဟာ အမှိုက်ပုံးထဲရောက်နေတာကိုတွေ့ရပါတယ်။ ထရပ်ကား ကုမ္ပဏီတစ်ခု မှာလဲ အဲသလိုပါပဲ။ ကားသမားတွေဟာ ကားကို ဓာတ်ဆီဖြည့်တဲ့အခါ ပိုက်ထဲမှာ ကျန်ပြီး မြေကြီးပေါ်ကျ ကုန်တဲ့ ဓာတ်ဆီဟာ တစ်နှစ်ကို ဒေါ်လာ ၁၅,၀၀၀ လောက် ရှိပါသတဲ့။

    ကျတော်ပိုင်တဲ့ ကုမ္ပဏီတစ်ခုက အငယ်တန်းမန်နေဂျာ တစ်ယောက်ဟာ ထုတ်လုပ်မှု့ကို သေချာလေ့လာပြီး ပစ္စည်းတစ်ခုကို ဆင့်တ၀က် ထုတ်လုပ်မှု့ကုန်ကျစားရိတ်သက်သာအောင်လုပ်ပါတယ်။ ဒါပေမယ့် အဲဒီဆင့်တစ်ဝက် ဟာ တစ်နှစ်လုံးပေါင်းလိုက်တဲ့အခါ ဒေါ်လာ ၂၅,၀၀၀ ရှိပါတယ်။ ဒီပမာဏဟာ သူ့လစာ ထက်များပါတယ်။ နောက်တစ်နှစ်ကျတော့လည်း အဲဒီ မန်နေဂျာပဲ သူ့ဌာနမှာ ကုန်ကျစားရိတ် ၂၀ ရာနှုန်းလျော့ချပြီး၊ ထုတ်လုပ်မှု့ ၁၂ ရာနှုန်းတက်လာ အောင် လုပ်နိုင်ခဲ့ပါတယ်။ ဒီကောင်လေးမှာ ကျတော်ပြောတဲ့ သူကြွယ် စိတ်ဓာတ်အပြည့်အ၀ ရှိပါတယ်။ ကျတော် သေသေချာချာပြောရဲ ပါတယ်။ ဒီကောင်လေး ဟာ အငယ်တန်း မန်နေဂျာ အဖြစ်နဲ့ပဲမနေဘူးဆိုတာ။ မကြာခင်အချိန်အတွင်းမှာ သူ ကိုယ်တိုင် သန်းကြွယ်သူဌေးတစ်ဦး ဖြစ်မှာပါ။

    အခုလို ပြိုင်ဆိုမှု့တွေ အရမ်းများနေတဲ့ ခေတ်မှာ စီးပွားရေးလုပ်ငန်းတိုင်းဟာ ကုန်ကျစားရိတ်လျှော့ချဖို့နဲ့ ထုတ်လုပ်မှု့တိုးတက်ဖို့ကို အပြင်းအထန်ကြိုးစားနေကြရတာပါ။ ဒီလိုခေတ်ကြီးမှာ ကုမ္ပဏီတစ်ခု ရဲ့ အနိမ့်ဆုံးဝန်ထမ်းနေရာမှာ တောင် စာတိုက်စာရေးလို လူစားမျိုးတွေ အတွက် နေရာမရှိပါဘူး။ အဲသလိုပဲ Millionaire Mentality ရှိတဲ့ မန်နေဂျာတွေ ၀န်ထမ်းတွေ အလွန်လိုအပ်ပါတယ်။

    ကျတော်နောက်တစ်ခေါက် ထပ်ပြောပါရစေ။ သူကြွယ်စိတ်ဓာတ်ရှိတယ်ဆိုတာ ကပ်စီးနည်းတာ၊ တွန့်တိုတာကိုပြောတာမဟုတ်ပါဘူး။ မိမိပိုင်တဲ့ ဒါမှမဟုတ်လဲ မိမိ အလုပ်လုပ်တဲ့ ကုမ္ပဏီရဲ့ အကျိုးကို မျှော်မှန်းပြီး မလိုအပ်တဲ့ကုန်ကျစား ရိတ်တွေကို လျှော့ချဖို့၊ အမြတ်ရရှိဖို့ အတွက် ရှေ့ရူ့လုပ်ကိုင်ဖို့ပါ။ မန်နေဂျာတစ်ယောက်အနေနဲ့ဆိုရင် မိမိကို ကုမ္ပဏီရဲ့ အစုရှယ်ယာ ပိုင်ရှင်တွေဟာ ကိုယ့်ကို ယုံယုံကြည်ကြည်နဲ့ လွှဲအပ်ထားခြင်းဖြစ်ပါတယ်။ သူတို့ရဲ့ ယုံကြည်မှု့နဲ့တန်အောင် ကိုယ်က ကြိုးစားဖို့လိုပါတယ်။ စီးပွားရေးလုပ်ငန်း တစ်ခု ဆက်လက်ရပ်တည်နေဖို့ တစ်ခုတည်းမဟုတ်ပဲ အခွင့်အရေးရတိုင်း ဘယ်လို တိုးချဲ့လုပ်ကိုင်မယ်ဆိုတာကိုပါ ကြိုတင် စဉ်းစားထားဖို့လိုပါတယ်။ ။

    ************************************************************

    ရေနံသူဌေးကြီး J. Paul Getty ၏ How to be rich စာအုပ်မှ The Millionaire Mentality ကို ကျတော်နားလည်သလို ဘာသာပြန်ထားခြင်းဖြစ်ပါသည်။ Getty ဟာ တစ်ချိန်တုန်းက ကမ္ဘာပေါ်မှာ အချမ်းသာဆုံးလူ ဖြစ်ခဲ့ပါတယ်။ သူ့ရဲ့ Getty Interest ကုမ္ပဏီဟာ အရှေ့အလယ်ပိုင်းမှာ ရေနံစ တူး တဲ့ ကုမ္ပဏီတွေထဲမှာ တစ်ခု အပါအ၀င်ဖြစ်ပါတယ်။ အလှူအတန်းတွေလည်း အများကြီးလုပ်ခဲ့ပါတယ်။ သူဟာ အနုပညာပစ္စည်း စုဆောင်းရတာကိုလည်း ၀ါသနာပါပြီး သူစုဆောင်းခဲ့တဲ့ အနုပညာပစ္စည်းတွေကို အခုအခါမှာ Getty Museum မှာ ပြသထားပါတယ်။

  • Grand Strategy

    Grand Strategy

    စက်တင်ဘာ၊ ၁၃ ၊ ၂၀၁၂

    M-Media

    လူမင်းဟန်

     

    မက်စီဒိုးနီးယန်း နန်းတော်ထဲမှာ ကြီးပြင်းခဲ့တဲ့ အဲလက်ဇန်းဒါး(356-322 B.C.) ဟာ သူများနဲ့ မတူတဲ့ လူငယ်တစ်ဦးဖြစ်ခဲ့ပါတယ်။ သူဟာ သာမန် ယောကျာ်းလေးတစ်ယောက် ၀ါသနာပါလေ့ရှိတဲ့ မြင်းစီးတာတို့၊ စစ်ပညာတို့ကိုလည်း ၀ါသနာ ပါပါတယ်။ သူ့ဖခင်နဲ့လည်း စစ်ပွဲတွေမှာ တိုက်ခိုက်ဘူးပါတယ်။ သတ္တိလည်းကောင်းပါတယ်။ ဒါပေမယ့် သူဟာ အတွေးအခေါ်ပညာနဲ့ စာပေကိုလည်း ၀ါသနာပါပါသေးတယ်။ သူ့ဆရာဟာ နာမည်ကြီး တွေးခေါ်ပညာရှင်ကြီး အရစ်တိုတယ် ပါ။အရစ်တိုတယ် ရဲ့ သင်ကြားမှု့အောက်မှာ အဲလက်ဇန်းဒါး ဟာ လောက ကို စိတ်ခံစားချက်ကင်းကင်း ကြည့်တတ်ပြီး နိုင်ငံရေးပညာ၊ သိပ္ပံပညာ စတာတွေကို လည်း ဆွေးနွေးလေ့ရှိပါတယ်။ အဲလက်ဇန်းဒါးမွေးတဲ့ အချိန်မှာ သူ့အမေ အိုလမ်းပီးယက်စ် ဟာ အာရုံတစ်ခုရပါတယ်။ သူ့သားဟာ တနေ့ ကမ္ဘာကြီးကို အုပ်စိုး မယ်ဆိုတာပါ။ အိုလမ်းပီယက်စ် ဟာ အဲလက်ဇန်းဒါးကို ငယ်ငယ်ကတည်းက သူရဲကောင်း အာခီးလီး ရဲ့အကြောင်းတွေကို အမြဲပြောလေ့ရှိသည်။ အိုလမ်းပီးယက်စ် ဟာ အခီးလီး  ရဲ့ အဆက်အနွယ်ပါ။ အဲလက်ဇန်းဒါးဟာ သူ့အမေကိုသိပ်ချစ်ပါတယ်။ သူ့အမေရဲ့ နိမိတ်ဖတ်မှု့ကိုလည်း သူ့ရဲ့ ရည်းမှန်းချက်အဖြစ်လက်ခံထားပါတယ်။ သူ့ကိုယ်သူလည်း ဘုရင့်သားတော် တစ်ဦးထက်ပို တယ်လို့ယူဆထားပါတယ်။

    အဲလက်ဇန်းဒါးဟာ မက်စီဒိုးနီးယားထီးနန်းရဲ့ အိမ်ရှေ့စံပါ။ သူ့ဖခင်ဖီလစ်ရဲ့ လက်ထက်မှာ မက်စီဒိုးနီးယားဟာ ပတ်ဝန်းကျင် ဒေသ တွေကို သြဇာလွှမ်းပါတယ်။ ဖီလစ်လက်ထက်မှာ မက်စီဒိုးနီးယား တပ်မတော်ဟာ ဂရိ တလွှားမှာ စွမ်းရည် အထက်မြတ် ဆုံး တပ်မတော် ပါ။ ဖီးလစ်ဟာ သီးဘ်စ်(Thebes) နဲ့ အေသင်(Athenes) ကို အနိုင်တိုက်ပြီး စပါတာ(Sparta)ကလွဲလို့ ကျန်တဲ့ ဂရိမြို့ပြ နိုင်ငံတွေ အားလုံးကို စုစည်းကာ ဟယ်လန်နစ်အဖွဲ့ အဖြစ် ဖွဲ့စည်းခဲ့ပါတယ်။ ဒါပေမယ့် 336B.C. မှာ ဖီလစ်လုပ်ကြံခံရပါတယ်။ ဖီးလစ် မရှိတော့တာနဲ့ အေသင် ဟာ ဟယ်လန်နစ်အဖွဲ့ကနေ ထွက်ပြီး မက်စီဒိုးနီးယားကို ပုန်ကန်ပါတယ်။ ကျန်တဲ့မြို့ပြနိုင်ငံတွေကလည်း မက်စီဒိုးနီးယားကို မလေးမစား လုပ်လာ ကြပါတယ်။ နိုင်ငံ မြောက် ဘက်က လူမျိုးစုတွေကလည်း ကျူးကျော်ဖို့ခြိမ်းခြောက်နေပါပြီ။ ဖီးလစ်တည်ဆောက်ခဲ့တဲ့ နိုင်ငံဟာ နေချင်းညချင်း ရန်သူတွေပတ်လည်ဝိုင်းတာ ခံနေရပါတယ်။ အခုမှ နန်းတက်လာတဲ့ အဲလက်ဇန်းဒါး ဟာလည်း အသက် ၂၀ ပဲ ရှိပါသေးတယ်။ လူအများစုက သူ့ကို ထီးနန်းအတွက် အဆင်သင့်မဖြစ်သေးဘူးလို့ ယူဆကြပါတယ်။ အလောတကြီး မလုပ်ဖို့၊ တပ်မတော်နဲ့ နိုင်ငံကိုဖြည်းဖြည်းချင်းပြန်လည်တည်ဆောက်ဖို့ အကြံပေးကြပါတယ်။ ဒါပေမယ့် အဲလက်ဇန်းဒါးကနားမထောင်ပါဘူး။  သူ့မှာ တခြားအကြံရှိပါတယ်။ အဲလက်ဇန်းဒါးဟာ ရန်သူတွေကို စည်းလုံးသွားဖို့အချိန်မပေးပဲ ချက်ချင်းပဲ တောင်ဘက်ကိုချီတက်ပြီး သီးဘ်စ် ကို ပြာပုံအတိဖြစ်အောင်ချေမှုန်းပစ်လေသည်။ ပြီးတာနဲ့ အေသင် ကိုချီတက်ပါတယ်။ အေသင်ဟာ ချက်ချင်းပဲ အညံ့ခံတဲ့အပြင် ဟယ်လန်နစ်အဖွဲ့ထဲကိုပါ ပြန်ဝင်ပါတယ်။

    အဲလက်ဇန်းဒါးဟာ ငယ်ပေမယ့် စွမ်းရည်အပြည့် ရှိကြောင်းကို ပြလိုက်တာပါပဲ။ သူ့ကိုလည်း လေးစားတဲ့သူတွေ ပိုများလာပါတယ်။ သူ့ကို သတ္တိရှိပြီး ခန့်မှန်းဖို့ ခက်တဲ့ ဘုရင်တစ်ပါး အဖြစ် အသိအမှတ်ပြုခဲ့ကြရပါသည်။ အဲလက်ဇန်းဒါးရဲ့ နောက်ရွှေ့တဲ့ အကွက်ဟာ ပိုပြီး ခန့်မှန်းရခက်ပါတယ်။ သူ့ရဲ့နိုင်ငံကို အင်အားတောင့်တင်းအောင် ပြင်ဆင်ရမယ့်အစား ဂရိတွေရဲ့ မဟာရန်သူဖြစ်တဲ့ ပါရှား အင်ပါယာကို ၀င်တိုက်ဖို့ပြန်ဆင်တာပါပဲ။ လွန်ခဲ့တဲ့ နှစ်၁၅၀ အရင်က ပါရှားတွေ ဟာ ဂရိကိုဝင်တိုက်ဘူးပါတယ်။ အခုလဲ ဂရိကိုအနိုင်ရရေးဟာ ပါရှားတွေရဲ့အိပ်မက် ပါ။ ဒီလို ပါရှားတွေရဲ့ ခြိမ်းခြောက်မှု့အောက်မှာ ဂရိတွေဟာ ဘယ်တော့မှ ငြိမ်းငြိမ်းချမ်းချမ်းမနေခဲ့ရပါဘူး။ နောက်တစ်ခုက ဂရိတွေရဲ့ ရေကြောင်းကုန်သွယ်ရေး ဟာ ပါရှား ရေတပ်ရဲ့အာဏာကြောင့် တိုးတက်သင့်သလောက်မတိုးတက်ပါဘူး။ 334B.C. မှာ အဲလက်ဇန်းဒါးခေါင်းဆောင်တဲ့ ဂရိစစ်သား ၃၅၀၀၀ဟာ နာဒါနယ်လာ ရေလက်ကြားကိုဖြတ်ပြီး ပါရှားအင်ပါယာရဲ့ အနောက်ဘက်ဆုံးအပိုင်းဖြစ်တဲ့ အာရှမိုင်းနား ကိုဝင်ရောက်ခဲ့ပါတယ်။ သူတို့ရဲ့ ပထမဆုံးစစ်ပွဲဖြစ်တဲ့ ဂရမ်းနီးကက်စ် တိုက်ပွဲမှာ ဂရိတွေ ပါရှားကို အနိုင်ရခဲ့ပါတယ်။ ဒါဟာ အိုလမ်းပီးယက်စ်ရဲ့ နိမိတ်ဖတ်မှု့ အတိုင်းဖြစ်လာတော့မယ်ဆိုတဲ့ ရှေ့ပြေးသင်္ကတပါပဲ။ အဲလက်ဇန်းဒါးရဲ့ စစ်သားတွေဟာ အရှေ့ဘက် ပါရှားအင်ပါယာ အတွင်းပိုင်းအထိ ထိုးဖောက်တိုက်ခိုက်ဖို့ မျှော်လင့်ကြပါတယ်။ ဒီတစ်ကြိမ်လည်း အဲလက်ဇန်းဒါးဟာ ဘယ်သူမှ မထင်ထားတဲ့အလုပ်ကိုလုပ်ပြန်ပါတယ်။ သူအရင်တုန်းက တစ်ခါမှ မလုပ်ဘူးတဲ့အလုပ်ပါ။ အဲဒါကတော့ အချိန်ယူတာပါပဲ။ ဒီလိုလုပ်တာဟာ သူပထမဆုံးအာဏာရလာတုန်းက လုပ်သင့်တဲ့အလုပ် လို့ထင် စရာပါ။ အခုတော့ ပါရှားတွေကို အင်အားပြန်လည်စုစည်းဖို့ အချိန်ပေးလိုက်သလိုဖြစ်သွားပါပြိ။

    ဒါပေမယ့် အဲလက်ဇန်းဒါးဟာ ဒီတစ်ကြိမ် အရှေ့ဘက်ကို မချီတက်ပဲ တောင်ဘက် အာရှမိုင်းနား ကမ်းရိုးတန်းတစ်လျှောက်မှာရှိတဲ့ ဆိပ်ကမ်းမြို့လေးတွေကို တစ်ခုပြီးတစ်ခုသိမ်းပါတယ်။ နောက်ဆုံးအီဂျစ်အထိချီတက်သိမ်းပိုက်ပါတယ်။ အီဂျစ်မှာ ရှိတဲ့ အင်အားနည်းနေတဲ့ ပါရှားတပ်ကို အလွယ်တကူပဲ အောင်မြင်ခဲ့ပါတယ်။ အီဂျစ်တွေဟာ ပါရှားတွေကိုမုန်းနေတဲ့အတွက် အဲလက်ဇန်းဒါးကို ကယ်တင်သူအဖြစ်နဲ့ ကြိုဆိုကြပါတယ်။ အခု အဲလက်ဇန်းဒါးဟာ အီဂျစ်ရဲ့ကြွယ်ဝလှတဲ့ သီးနှံတွေကို ဂရိစစ်သားတွေ အတွက် ရိက္ခာအဖြစ်အသုံးပြုနိုင်တဲ့အပြင် တစ်ချိန်တည်းမှာလဲ ပါရှားတွေအတွက် အဖိုးတန်တဲ့ ရိက္ခာတွေ ဆုံးရှုံးစေလိုက် တာပါပဲ။ ပါရှား ရေတပ်မတော်ဟာ အဲဒီအချိန်တုန်းက ကမ္ဘာပေါ်မှာ အင်အားအကြီးဆုံးနဲ့ တန်ခိုးအထက်မြတ် ဆုံး တပ်မ တော်ပါ။  ပါရှားစစ်ဆင်ရေး မစတင်မှီက အဲလက်ဇန်းဒါးကို ရေတပ်မတော်ထူထောင်ဖို့၊ ပါရှားတွေကို ရေကြောင်း ကြည်းကြောင်းကနေ ချီတက်တိုက်ခိုက်ဖို့ အကြံပေးခဲ့ ကြပါတယ်။ ဒါပေမယ့် အဲလက်ဇန်းဒါးက ဒီအကြံကိုလက်မခံပါဘူး။ အာရှမိုင်းနားကမ်းရိုးတန်းတစ်လျှောက်မှာရှိတဲ့ ဆိပ်ကမ်းမြို့လေးတွေကို  သိမ်းပိုက်လိုက်တဲ့အတွက် ကြီးမားလှတဲ့ပါရှား ရေတပ်မတော် ဟာအသုံးပြုစရာဆိပ်ကမ်းမရှိတော့ပဲ အသုံးမ၀င် ဖြစ်သွားပါတယ်။

    ပါရှားဘုရင် ဒေးရီးယက်စ် ဟာ တိုက်ဂရစ်မြစ်ရဲ့ အရှေ့ဘက်မှာ အင်အားအပြည့်အစုံနဲ့ အဲလက်ဇန်းဒါးအလာကိုစောင့်နေပါတယ်။ ဒါပေမယ့် အဲလက်ဇန်းဒါးက မသွားပါဘူး။ သူ့ အင်ပါယာကြီးကို စနစ်တကျ အုပ်ချုပ်ဖို့ပြင်ဆင်ပါတယ်။ သူဟာ သူ့အင်ပါယာကို ပါရှားတွေအုပ်ချုပ်ခဲ့တဲ့စနစ်အတိုင်း ဆက်လက်အုပ်ချုပ်ပါတယ်။ ရထူးအဆင့်တွေကိုလည်း ပါရှားစနစ်အတိုင်း ဆက်လက်ထားရှိပါတယ်။ သူ့ရဲ့ ကြင်နာမှု့နဲ့ ရက်ရော မှု့သတင်းတွေကို လက်အောက်ခံနယ်မြေတွေမှာ  ပျံနှံအောင်လုပ်ပါတယ်။ ဒီလိုနည်းနဲ့ တမြို့ပြီးတစ်မြို့ မတိုက်ခိုက်ရပဲ အဲလက်ဇန်းဒါးရဲ့လက်အောက်ကိုရောက်လာပါတယ်။ နောက်ဆုံး 331B.C. ရောက်မှ ပါရှားစစ်တပ် တပ်စွဲထားတဲ့ တိုက်ဂရစ်မြစ်ရဲ့ အရှေ့ဘက် အာဘယ်လာ ကို ၀င်ရောက်တိုက်ခိုက်ခဲ့ ပါတယ်။ တကယ်တမ်းတော့ အဖိုးတန်လှတဲ့အီဂျစ်ကိုစွန့်လွှတ်လိုက်ရတာတွေ၊ ရေတပ်မတော်ကြီး အသုံးမ၀င်တော့တာတွေ၊ လက်အောက်ခံတွေရဲ့ ထောက်ခံမှု့မရတော့တာတွေကြောင့် ပါရှား အင်ပါယာကြီးဟာ ချုံးချုံးကြနေပါပြီ။ အာဘယ်လာအောင်ပွဲဟာ အဲလက်ဇန်းဒါးရဲ့ နှစ်ပေါင်းများစွာ ပြင်ဆင်လာတဲ့ ဗျူဟာရဲ့အောင်မြင်မှု့ကို အတည်ပြုလိုက်တာပါပဲ။ ဒီအချိန်မှာ အဲလက်ဇန်းဒါးဟာ တချိန်တုန်းက ကမ္ဘာပေါ်မှာ အင်အားအကြီးဆုံး၊ တန်ခိုးအထွားဆုံးဖြစ် ခဲ့တဲ့ ပါရှားအင်ပါယာကြီးကို အောင်နိုင်သူဖြစ်သွားပါတယ်။ သူ့မယ်တော်ဖတ်ခဲ့တဲ့နိမိတ်အတိုင်း အဲလက်ဇန်းဒါးဟာ အဲဒီအချိန်တုန်းက သိခဲ့တဲ့ကမ္ဘာတစ်ခုလုံးနီးပါးကို ထိန်းချုပ်နိုင်ခဲ့ပါတယ်။

    မဟာအဲလက်ဇန်းဒါးရဲ့ မဟာဗျူဟာတွေဟာ သူ့ရဲ့ မင်းမှု့ထမ်းတွေကို အံသြစေခဲ့ပါတယ်။ အစပိုင်းမှာ ဒါတွေဟာ ကျိုးကြောင်းမဆီလျှော်ဘူးလို့ ထင်စရာပါ။ ဂရိတွေဟာ နောက်ပိုင်းရောက်မှ အဲလက်ဇန်းဒါးရဲ့ အစီအမံတွေဟာ ဘယ်လောက် ထိရောက်တယ်ဆိုတာတွေ့လာကြပါတယ်။ သူတို့ နားမလည်နိုင်တဲ့အချက်က အဲလက်ဇန်းဒါးဟာ တွေးခေါ်နည်းအသစ်တစ်ခုကိုတီထွင်လိုက်တာပါပဲ။ ဒါကတော့ Grand Strategy လို့ခေါ်တဲ့ မဟာဗျူဟာပါပဲ။ ကျတော်တို့ဟာ
    အခုလက်ရှိဖြစ်ပျက်နေတာကိုကျော်လွန်ပြီးကြည့်တတ်ဖို့လိုပါတယ်။ ကျတော်တို့ အနာဂတ်မှာဘာလိုချင်တာလဲ၊ ဘာဖြစ်ချင်တာလဲ၊ ဘယ်လိုနေရာကို ရောက်ချင်တာလဲ ဆိုတာကို သေသေချာချာသိဖို့လိုပါတယ်။ ကျတော်တို့ရဲ့ ရည်မှန်းချက်ကို အခြေခံပြီး ဖြစ်ပျက်လာတဲ့ ပြသနာတွေ အခြေအနေတွေကို ရင်ဆိုင်သင့်ပါတယ်။ အဖြစ်အပျက်တစ်ခုချင်းကို မကြည့်ပဲအားလုံးကို ခြုံငုံ ကြည့်တတ်ဖို့လိုပါတယ်။ ကိုယ်လုပ်လိုက်တဲ့ အရာတခုဟာ ကိုယ့်ရဲ့ ရည်မှန်းချက်ကို နီးကပ်စေမဲ့အလုပ်လား၊ ဝေးသွားစေမဲ့အလုပ်လားဆိုတာ ချိန်ထိုးပြီးကြည့်တတ်ဖို့ပါ။

    အဲလက်ဇန်းဒါးဟာ ဒီလိုတွေးခေါ်တတ်မှု့ကို သူ့မယ်တော်နဲ့ သူ့ဆရာ အရစ်တိုတယ်ဆီက ရခဲ့တာပါ။ သူ့မယ်တော်ဟာ ငယ်ငယ်ကတည်းက သူ့အတွက် ရည်မှန်းချက်ကို ပေးလိုက်ပါတယ်။ ကမ္ဘာကြီးကို စိုးမိုးဖို့။ သူ့အသက် သုံးနှစ်ကတည်းက နောက်လာမယ့်နှစ်သုံးဆယ်မှာ သူသွားရမယ့်နေရာကို မြင်ထားပြီးသားပါ။ စိတ်ခံစားမှု့တွေကိုထိန်းချုပ်တတ်ဖို့၊ အခြေအနေတွေကို အရှိအတိုင်းမြင်တတ်ဖို့၊ လက်ရှိအခြေအနေထက်ကျော်လွန်ပြီး အနာဂတ်ကို ကြိုတင်ကြည့်တတ်ဖို့ဆိုတဲ့ပညာတွေကို သူ့ဆရာ အရစ်တိုတယ်ဆီက ရခဲ့ပါတယ်။ အဲလက်ဇန်းဒါးရဲ့ စစ်ဆင်ရေးတွေကို သေချာလေ့လာကြည့်ရင် ဒါတွေကိုသိနိုင်ပါတယ်။ သီးဘ်စ် နဲ့ ပါရှားကို အချိန်မဆိုင်းပဲတိုက်ခိုက်တာဟာ သူ့စစ်သားတွေရဲ့စိတ်ပိုင်းဆိုင်ရာကို မြှင့်တင်ပေးတာရော၊ သူ့ကို မယုံကြည်သူတွေကိုသူ့အစွမ်းအစ ပြလိုက်တာရော ခဲတစ်လုံးနဲ့ ငှက်နှစ်ကောင်ကိုပစ်လိုက်တာပါ။ ပါရှားကို စစ်ပွဲဆင်နွဲတာဟာ ဂရိတွေကို ပေါင်းစည်းညီညွတ်အောင် လုပ်ဖို့ အကောင်းဆုံးနည်းလမ်းပါ။ ပါရှားထဲကို ရောက်သွားချိန်မှာတော့ အဲသလို အလျှင်အမြန် မပြုသင့်တော့ပါဘူး။ တကယ်လို့ဆက်လက် ချီတက်ခဲ့မယ်ဆိုရင် သူဟာ အချိန်တိုတိုလေးအတွင်းမှာ နယ်မြေအများကြီးကိုသိမ်းပိုက်မိ ပါလိမ့်မယ်။ အဲလောက်နယ်မြေအများကြီးကို နိုင်နင်းအောင်အုပ်ချုပ်နိုင်ဖို့ဆိုတာ မလွယ်ပါဘူး။ ကသောင်းကနင်းတွေဖြစ်လာနိုင်ပါတယ်။ ပုန်ကန်မဲ့သူတွေလည်းပေါ်လာနိုင်ပါတယ်။ ဒါကြောင့် အဲလက်ဇန်းဒါးဟာ သူသိမ်းပိုက်ထားတဲ့ နယ်မြေကလူတွေရဲ့ ချစ်ခင်မှု့ရအောင်၊ အုပ်ချုပ်ရေးစနစ်ကို တနစ်တကျ ရှိလာအောင် အရင်လုပ်ခဲ့ပါတယ်။ ရေတပ်တည်ဆောက်ဖို့ အတွက် ငွေတွေကုန်မဲ့အစား ပါရှား ဆိပ်ကမ်းမြို့တွေကို သိမ်းပိုက်လိုက်ခြင်းဖြင့် ပါရှားရေတပ်ကို သုံးမရအောင်လုပ်လိုက်တာဟာလဲ အဲလက်ဇန်းဒါးရဲ့ ပါရမီမြောက်တွေးခေါ်မှု့ပါပဲ။ ရှေ့လာမဲ့ စစ်ဆင်ရေးတွေအတွက် ရိက္ခာလုံလောက်စေဖို့ ကောက်ပဲသီးနှံ ပေါတဲ့ အီဂျစ်ကို အရင်သိမ်းလိုက်တာကလဲ သူ့ရဲ့ ကြိုတင်တွေးတောတတ်မှု့ပါ ပဲ။

    ကျတော်တို့ဟာလဲ ဘ၀မှာ အဲလက်ဇန်းဒါးလို တွေးခေါ်တတ်ဖို့လိုပါတယ်။ ပထမဆုံးအနေနဲ့  ကိုယ့်အရည်အချင်း ကိုယ့်အားသာချက်ပေါ်မူတည်ပြီးတော့ ဘ၀မှာ ဘာဖြစ်ချင်တယ်ဆိုတာကို သိအောင်လုပ်ပါ။  အဲဒီရည်မှန်းချက်ကို ရောက်ဖို့ အသေးစိတ် ကြိုတင်အကွက်ရိုက်ပြင်ဆင်ထားပါ။ အရစ်တိုတယ် ပြောသလိုပဲ ကိုယ့်ရဲ့ စိတ်ခံစားမှု့တွေကို တတ်နိုင်သမျှထိန်းချုပ်နိုင်အောင်ကြိုးစားပါ။ အရာရာအတွက်ကြိုတင်ပြင်ဆင်ထားပါ။ အလုပ်တစ်ခုလုပ်တော့မယ်ဆိုရင် “ဒီအလုပ်ဟာ ငါရောက်ချင်တဲ့ နေရာကို ရောက်စေနိုင်မလား၊ မရောက်နိုင်ဘူးလား”  ဆိုတဲ့ မေးခွန်းကို ကိုယ့်ကို ကိုယ်အမြဲမေး ပြီးကိုယ်သွားမဲ့လမ်းကြောင်းပေါ်အမြဲရှိနေအောင်ကြိုးစားပါ။ လမ်းချော်မသွားပါစေနဲ့။ အစဉ်အဆက်လက်ခံထား တဲ့ ဒါလုပ်သင့်တယ်၊ ဒါမလုပ်သင့်ဘူးဆိုတာတွေကို နားမရောင်ပါနဲ့။ ကိုယ်လုပ်တာကို သူများတွေ နားမလည်နိုင်တာဖြစ်ကောင်း ဖြစ်နိုင်ပါတယ်။ ဒါပေမယ့် စိတ်ရှည်ရှည်ထားပြီး ကိုယ်ရောက်ချင်တဲ့နေရာအတွက် ပြင်ဆင်ပါ။

  • ရဲလျှင် မင်းဖြစ်

    ရဲလျှင် မင်းဖြစ်

    လူမင်းဟန်

    ၁၅၃၃ မှာ နတ်ရွာစံခါနီး မော်စကိုနယ်စားကြီး Vasily III ဟာ အသက်သုံးနှစ်သာရှိသေးတဲ့ သူ့သား အိုင်ဗင် ကို နန်းလျာအဖြစ်နဲ့ ကြေငြာလိုက်ပါသည်။ နောက်ပြီး အသက်ငယ်ငယ်ပဲ ရှိသေးတဲ့ သူ့မိဘုရား ဟဲလင်နာ ကို အိုင်ဗင်အရွယ် ရောက်တဲ့အထိ ရင်ခွင်ပိုက်ဘုရင်မ အဖြစ်အုပ်ချုပ်ဖို့ စီစဉ်ပါတယ်။ ဒီအစီအမံဟာ နန်းတော်ထဲက သူကောင်းမျိုးတွေ အတွက်တော့ ၀မ်းသာစရာကြီးပါ။ ရုရှားမှာ boyer လို့ခေါ်တဲ့ သူကောင်းမျိုးတွေရှိပါတယ်။ ရာထူးကြီးကြီးယူထားကြတဲ့ သူတွေပေါ့။ ကွယ်လွန်သွားတဲ့ မော်စကိုနယ်စားကြီးဟာသူ့ရဲ့အာဏာစက်ကို ပျံ့နှံ့ဖို့အထူးကြိုးစားခဲ့ပါတယ်။ အခုဆို နယ်စားကြီးလဲ ကွယ်လွန်သွားပြီ။ သူ့နန်းလျာကလည်း ဥမမည် စာမမြောက် သုံးနှစ်သားလေး၊ ရင်ခွင်ပိုက်အဖြစ်ထားခဲ့တဲ့ ဘုရင်မဆိုတာကလည်း အသက်ငယ်ငယ်၊ အတွေ့အကြုံလည်းမရှိ။ ဒါဟာ boyer တွေအတွက်တော့ တိုင်းပြည်အာဏာ လုဖို့အကယ့်ကို အခွင့်ကောင်းပါပဲ။ ဒါတွေကို မြင်တဲ့ မိဘုရားဟာ တိုင်းပြည်အုပ်ချုပ်ရေးအတွက် သူ့သူငယ်ချင်း မင်းသား Obolensky ကို အကူအညီတောင်းပါတယ်။ ဒါပေမယ့် ဒီလိုအုပ်ချုပ်ရင်း ငါးနှစ်လောက်နေတော့ ဟဲလင်နာ ရုတ်တရက် ကွယ်လွန်သွားပါတယ်။ ကွယ်လွန်ရတာကလဲ အဆိပ်ခပ်ခံရတာပါ။ အဆိပ်ခပ်တဲ့သူကတော့ boyer တွေထဲမှာ ကြောက်စ ရာအကောင်းဆုံး Shuisky မိသားစုထဲကတစ်ယောက်ပါ။

    အဲဒီနောက်မှာတော့ Shuisky တွေကပဲ တိုင်းပြည်အာဏာကိုထိန်းချုပ်လိုက်ပြီး Obolensky ကိုလည်း ထောင်ထဲမှာ အစာ ငတ်ထားပြီး သတ်လိုက်ပါတယ်။ ခုဆိုရင် အိုင်ဗင် ဟာ အသက် ရှစ်နှစ်ရှိပါပြီ။ သူ့ကို ဂရုစိုက်တဲ့၊ ခင်မင်တဲ့ လူမှန်သမျှကို Shuisky တွေက အပြတ်ရှင်းပစ်ပါတယ်။ အိုင်ဗင် ဟာ Shukisky တွေနဲ့မတွေ့အောင်ရှောင်ပုန်းရင်း နန်းတော်ထဲမှာ မ၀ရေစာစားပြီး နေခဲ့ရပါတယ်။ တခါတလေမှာ သူ့ကိုတွေ့တာနဲ့ ပလ္လင်ပေါ်တင်၊ သရဖူဆောင်းပေးပြီး နောက်ပြောင်ကြ ပါတယ်။

    ဒီလိုနေလာတဲ့တစ်လျှောက်လုံးမှာ အိုင်ဗင် ဟာ သူတို့လုပ်သမျှကို ဘာမှ ပြန်မပြောဘဲ ငြိမ်ခံနေပါတယ်။ boyer တွေက လည်း အိုင်ဗင်ကို အဖြစ်မရှိတဲ့သူ တစ်ယောက်အနေနဲ့ သိတ်ဂရုမစိုက်ကြတော့ပါဘူး။ စိတ်ကူးထဲတောင် ထည့်တွက်မ ထားဘူး ဆိုတဲ့ အခြေအနေကို ရောက်လာပါတယ်။ ဒါပေမယ့် သူတို့မသိတာက အိုင်ဗင် ဟာ နန်းတော်စောင့်တပ် ဖွဲ့ကို အသေအချာစည်းရုံးထားပြီးပါပြီ။ ရက်စက်ကြမ်းကြုပ်တဲ့ Shukisky တွေကိုမုန်းတီးနေတဲ့ နန်းတော်စောင့်တပ်တွေ ကလည်း အိုင်ဗင် ကို ကူညီဖို့သဘောတူပါတယ်။

    ၁၅၄၃ ဒီဇင်ဘာ ၂၉ ရက် ညနေပိုင်းမှာ အိုင်ဗင် က Shuisky ခေါင်းဆောင်မင်းသား ကို သူ့အခန်းကိုလာဖို့ ဖိတ်လိုက်ပါတယ်။ မင်းသားရောက်လာချိန်မှာတော့ အခန်းထဲမှာ နန်းတော်စောင့်တပ်သားတွေ ရှိနေပါတယ်။ အိုင်ဗင် က ဘာတစ်ခွန်းမှ မပြောပဲ မင်းသားကိုလက်ညှိုးထိုးပြီး ဖမ်းပြီး သတ် ဖို့ အမိန့်ပေး လိုက်ပါတယ်။ ပြီးတဲ့နောက် အလောင်းကို နန်းတော်ထဲက ခွေးလှောင်အိမ်ထဲ ပစ်ထည့်ပြီးခွေးစာကျွေးပစ် လိုက်ပါတယ်။ နောက်ရက်အနည်းငယ်အတွင်းမှာ Shuisky တွေအကုန်လုံးကို ဖမ်းပြီး သတ်ပစ်လိုက်ပါတယ်။ Shuisky တွေဟာ ဘာမှပြင် ဆင်ချိန်မရလိုက်ပဲ အငိုက်မိခံလိုက်ရပါတယ်။ အခုတော့သူတို့ နှိပ်စက်သမျှခံလာရတဲ့ အိုင်ဗင်ကို အသေအလဲ ကြောက်ရတဲ့ဘ၀ကို ရောက်သွားပါတော့တယ်။ အိုင်ဗင် ဟာ ပထမဆုံးဇာဘုရင် အနေနဲ့ ရှရှားနိုင်ငံကို အုပ် ချုပ်ခဲ့ပါတယ်။ သူ့ကို Ivan The Terrible လို့နောက်ပိုင်းမှာခေါ်ကြပါတယ်။

    ကျတော်တို့တော်တော်များများဟာ တုံ့ဆိုင်းတတ်ပါတယ်။ ပြတ်ပြတ်သားသား ရဲရဲရင့်ရင့်လုပ်ရမှာ ကြောက်ကြပါတယ်။ အတိုက်အခံလုပ်ရမှာ၊ အခြေအနေတင်းမာ မှာတွေကို ရှောင်ရှားလိုကြပါတယ်။ သူများတွေက ဘယ်လိုထင်မှာပါလိမ့်၊ ဘယ်နှယ့်ပြောမှာပါလိမ့်နဲ့စိုးရိမ်နေတာနဲ့ကို လုပ်သင့်လုပ်ထိုက်တာကို မလုပ်လိုက်ရတော့ပါဘူး။ ဒီလိုရဲရဲရင့်ရင့်လုပ်တတ် ဖို့ လေ့ကျင့်ယူလို့ရပါတယ်။ အစကတည်းက သတ္တိနဲ့မွေးလာတဲ့သူ ရှားပါတယ်။ နပိုလီယန် ကိုယ်တိုင်တောင် သတ္တိကို စစ်ပွဲအတွေ့ အကြုံတွေကနေ လေ့ကျင့်ယူခဲ့ရတယ်လို့ဆိုပါတယ်။ စစ်ပွဲအနိုင်အရှုံးဆိုတာ ဆုံးဖြတ်ချက်ရဲရင့်ပြတ်သား မှု့ ကအဓိက မဟုတ်လား။ ရဲရင့်မှု့မှာ ဘာနဲ့မှ အစားထိုးလို့မရတဲ့ တန်ခိုးတွေရှိပါတယ်။ အိုင်ဗင် ကိုပဲ ကြည့်ပါ။ တသက်လုံးက သူများ အနိုင်ကျင့်ခံလာရတဲ့ ခပ်တုံးတုံး ဘ၀ကနေ ရဲရင့်မှု့တစ်ခုကြောင့် ဘ၀တစ်ခုလုံးပြောင်းလဲခဲ့ရတာ ပါ။ နောက်တစ်ခုက ရဲရင့်ပြတ်သားသူတွေဟာ သူတို့ရဲ့ ပြောပုံဆိုပုံ၊ ကိုယ်နေဟန်ထားအမူအရာကအစ အများနဲ့ မတူပဲ ထူးခြားနေတတ်ပါတယ်။ အဲလိုလူမျိုးကို လူတိုင်းက လေးစားနေရာပေးခံရတတ်ပါတယ်။

    ကျတော်တို့ အမြင်သာဆုံး ဥပမာအနေနဲ့ ဒေါ်အောင်ဆန်းစုကြည်ကိုပဲ လေ့လာကြည့်ရအောင်။ ဒေါ်စုကို တစ်ကမ္ဘာလုံးက ဘာလို့လေးစားကြတာလဲ။ ဗိုလ်ချုပ်အောင်ဆန်းရဲ့သမီးဖြစ်လို့လား။ ဒါတစ်ခုတည်းနဲ့တော့ မဖြစ်နိုင်ဘူးဗျ။ ဗိုလ်ချုပ်ရဲ့ သားကြီး အောင်ဆန်းဦး ကိုဘယ်သူမှ မလေးစားကြပါဘူး။ ရှိတယ်ဆိုတာတောင် မေ့နေတယ်။ နိုင်ငံရေးလုပ်လို့လား။ ဒါကြောင့်လည်း မဟုတ်ဘူးဆိုတာ သိသာပါတယ်။ တစ်ခြားနိုင်ငံရေးလုပ်တဲ့သူတွေလည်းအများကြီးပဲဟာ။ တကယ်ပြော စတမ်းဆို ဒေါ်စုကမှ ၁၅ နှစ်လောက် နေအိမ်အကျယ်ချုပ်နဲ့နေခဲ့ရတော့ သူ့ခမျာ နင်လားငါလား နိုင်ငံရေးလုပ်ရတဲ့ အချိန်က ဘယ်လောက်ရှိလို့လဲ။  သူ့ရဲ့ ရဲရင့်ပြတ်သားတဲ့ ပြောဆိုမှု့၊ ကိုယ်ရည်ကိုယ်သွေး ဟာ သူ့ကိုလူတွေလေးစားကြ တဲ့အကြောင်းထဲက အရေးကြီးတဲ့ အချက်တစ်ခုလို့ ကျတော်ကတော့ ထင်တာပဲ။ ဒေါ်အောင်ဆန်းစုကြည် ဆိုတာ တစ်ခါမှ မကြားဘူးတဲ့ လူ တစ်ယောက်ကို ခေါ်ပြရင်တောင် ဒေါ်စုကိုမြင်တာနဲ့ ကြောက်ကြောက်လန့်လန့်ဖြစ်နေမယ့် မိန်းမမဟုတ်ဘူး။ ရဲရင့်တဲ့၊ ပြတ်သားတဲ့၊ ပြောတဲ့အတိုင်းလုပ်မယ့် မိန်းမဆိုတာ တန်းပြောနိုင်လိမ့်မယ်လို့ထင်တာပဲ။ ကျတော့်အထင်တော့ ဒေါ်စုလည်း မွေးရပါ သတ္တိကောင်းသူ ဟုတ်ချင်မှဟုတ်ပါလိမ့်မယ်။ ဘာလို့လဲ ဆိုတော့ သူ့ရဲ့ freedom from fear ဆိုတဲ့မိန့်ခွန်းထဲမှာ “အကြောက်တရားမရှိခြင်းသည် ဆုလဒ် တစ်ခု ဖြစ်နိုင်ပါသည်။ သို့သော် ထို့ထက်ပို၍ တန်ဖိုးရှိသည်မှာ ကြိုးပမ်းမှု့မှ ရရှိလာသော သတ္တိ၊ အကြောက်တရားက လွှမ်းမိုးသော မိမိ၏ လုပ်ရပ်များကို ထိန်းချုပ်နိုင်သော သတ္တိ၊ များပြားလှသော ဖိနှိပ်မှု့များ ကို မကြောက်မရွံ့ အဖန်တလဲလဲ ရင်ဆိုင်ရဲသော သတ္တိ များ ဖြစ်ပါသည်။”  လို့သူကိုယ်တိုင် ပြောခဲ့တယ်ဗျ။

    ကျတော့်သူငယ်ချင်းတစ်ယောက်ရှိသည်။ သူက သူ့ကောင်မလေးကို အသေကြောက်ရတာ။ သူ့ကိုအဲလောက်မကြောက် ဖို့ပြောရင်တော့သူက ချစ်တာပါလို့ပြန်ပြောလေ့ရှိသည်။ ကျတော်က တော့ ချစ်တာနဲ့ ကြောက်တာ ဘာမှမဆိုင်လို့ထင် တာပဲ။ သူ့ဟာက ဘာမှမဟုတ်တဲ့ လက်ဘက်ရည်ဆိုင်ထိုင်တာမျိုး၊ ဖုန်းဆက်ဖို့ ၁၀မိနစ်လောက်နောက်ကျတာမျိုးကအစ ကြောက်နေရတယ်ဆိုတာတော့ မဟုတ်တော့ပါဘူး။ ကျတော်ကတော့ ကိုယ်ရည်ကိုယ်သွေးကိုညံ့ဖျင်းတာလို့ထင်တာပဲ။ အဲလိုလူမျိုးနဲ့ဆိုရင်တော့ ကျတော့်အမတွေ နှမတွေကို သဘောမတူပါဘူး။ အပေါ်ယံအားဖြင့်ကြည့်ရင် ငါ့နှမ၊ ငါ့အမကို ဂရုစိုက်မယ့်သူလို့ထင်စရာပါပဲ။ ဒါပေမယ့် အိမ်ထောင်ပြုတာ ဂရုစိုက်နေတာ တစ်ခုတည်းနဲ့မရပါဘူး။ နောက်ပြီး ဒီလို စိတ်ဓာတ်ပျော့ညံ့တဲ့သူဟာ အိမ်ထောင်ပြုပြီးတာနဲ့ အိမ်ထောင်ရေးပြသာနာတွေ ဖန်တီးဖို့ ရာခိုင်နှုန်းများတယ်လို့ ထင် ပါတယ်။ ကျတော်ကယောက်ျားလေး တစ်ယောက်ဟာအိမ်ထောင်ပြုရင် ကိုယ့်အိမ်ထောင်ကို ဦးဆောင်ဦးရွက်လုပ်ရမည့် သူ လို့ယုံကြည်ပါတယ်။ နောက်ပြီး ဖခင်တစ်ယောက်ဟာ မွေးလာမည့် သားသမီးတွေရဲ့ စံပြဖြစ်နေသင့်တယ်။ သူ့လိုလူမျိုးဟာ ဘယ်လိုလုပ်ပြီး မွေးလာတဲ့သားသမီးတွေအတွက် စံပြဖြစ်နိုင်မှာလဲ။ အိမ်ထောင်တစ်ခုကို ဘယ်လို ဦးဆောင်ဦးရွက် လုပ်မှာလဲ။

    ဒါဖြင့် မိန်းမတွေ၊ ကလေးတွေကို အနိုင်ကျင့်ရိုက်နှက်နေရမယ်လို့ဆိုလိုသလား။ လုံးဝမဟုတ်ပါဘူး။ တကယ် ရဲရင့်ပြတ် သားတဲ့ စိတ်ဓာတ်ကြံ့ခိုင်တဲ့သူတစ်ယောက်ဟာ ရိုက်နှက်အနိုင်ကျင့်နေစရာမလိုပါဘူး။ သူဟာခေါင်းဆောင် ပဲဆိုတာ သူ့ရဲ့ အပြောအဆို၊ အမူအရာကို ကအော်ပြောနေသလိုပါပဲ။ “ခေါင်းဆောင်မှု့ဆိုတာ လွှမ်းမိုးချုပ်ကိုင်တာမဟုတ်ဘူး။ တူ ညီတဲ့ပန်းတိုင်ကိုရောက်အောင်အလုပ်လုပ်ဖို့ လူတွေကို ဆွဲဆောင်စည်းရုံးနိုင်တာ” ဆိုတာ စကားကို ကျတော်သဘောကျ သည်။ ဒေါ်အောင်ဆန်းစုကြည် ဟာ ဘယ်တုန်းကမှ ကျမကို ခေါင်းဆောင်တင်ကြပါ လို့လဲ မပြောဘူးပါဘူး။ သေနတ်တွေနဲ့လည်း မခြိမ်းခြောက်ဘူးပါဘူး။ ဒါပေမယ့် တကမ္ဘာလုံးက သူ့ကိုလူထုခေါင်းဆောင်လို့ အသိအမှတ်ပြုထား ပါတယ်။

    ခေါင်းဆောင်တစ်ယောက်ဟာ ရဲရင့်ပြတ်သားရပါမယ်။ သတ္တိရှိရပါမယ်။ အဲလို ရဲရင့်ဖို့ သတ္တိရှိဖို့ဆိုရင် မှန်တာလုပ်သူဖြစ်ရ ပါမယ်။ အမှားတွေလုပ်နေသူဟာ မှန်ကန်တဲ့ သတ္တိရှိသူမဖြစ်နိုင်ပါဘူး။ အမှားတွေလုပ်နေသူဟာ မိုက်ရူးရဲလုပ်တာသာ လျှင်ဖြစ်နိုင်ပါတယ်။ အမှားတွေလုပ်နေသူတစ်ယောက်ရဲ့နောက်ကိုလဲ လူတွေ ရေရှည်မှာမလိုက်ကြပါဘူး။ အာဏာနဲ့ ခြိမ်း ခြောက်ထားလို့ ခဏသာ လိုက်ချင်လိုက်မယ်။ ရေရှည်မှာတော့ အဆုံးသတ် မလှကြပါဘူး။ နောက်တစ်ခုက Risk Analysis လဲလုပ်တတ်ဖို့လိုပါတယ်။ သတ္တိရှိတာပဲဟေ့ ဆိုပြီး မဖြစ်နိုင်တာတွေလျှောက်လုပ်လို့မရပါဘူး။ ဒါသတ္တိရှိတာ မဟုတ်ပဲ မိုက်ရူးရဲ လုပ်တာလို့ပဲပြောရပါမယ်။ ကိုယ်လုပ်တဲ့ အလုပ်ဟာ အကျိုးနဲ့ ဒုက္ခကာမိပါ့မလား ဆိုတာ သေချာ ဝေဖန်ခွဲခြားစိတ်ဖြာတတ်ဖို့လိုပါတယ်။ ဒီလို ချင့်ချိန်တတ်တာလဲ ခေါင်းဆောင်ကောင်းတစ်ဦးရဲ့ အရည်အသွေးထဲမှာပါ ၀င်ပါတယ်။

    ဒီနေရာမှာ ကျတော် လူတွေ အပေါ်မှာ လွှမ်းမိုးနိုင်တဲ့ အရာနှစ်ခုကိုပြောချင်ပါတယ်။ တစ်ခုက Personal Power ပါ။ နောက်တစ်ခုက Positional Power ပါ။ Personal Power ဆိုတာက ကိုယ့်ရဲ့ ကိုယ်ရည်ကိုယ်သွေးကြောင့် လူတွေကိုယ့်ကို ကြည်ညိုတာပါ။ သူဟာ ဘာရာထူး၊ ဘာနေရာမှ မလိုပါဘူး။ အထင်ရှားဆုံးဥပမာဆိုရင် ကျတော်တို့တမန်တော်မြတ်(ဆွ)၊ သခင်ယေရူ၊ ဗုဒ္ဓ စတဲ့ ဘာသာရေးခေါင်းဆောင်တွေပါ။ သူတို့မရှိတော့တဲ့နောက် နှစ်ပေါင်းထောင်ချီတာတောင် သန်းနဲ့ချီတဲ့လူတွေအပေါ်မှာ သြဇာလွှမ်းမိုးတုန်းပါပဲ။ ဒီခေါင်းဆောင်တွေမှာ ဘာရထူးမှမရှိပါဘူး။ ဘာမှလည်း ခြိမ်းခြောက်တာမျိုးမရှိပါဘူး။ သူတို့ရဲ့ ကိုယ်ရည်ကိုယ်သွေး၊ ဆွဲဆောင်စည်းရုံးနိုင်မှု့တွေကြောင့်သာ သူတို့သြဇာ သက်ရောက်ခဲ့တာ ဖြစ်ပါတယ်။ နောက် ဒေါ်အောင်ဆန်းစုကြည်၊ မဟတ္တမဂန္နီ၊ ဗိုလ်ချုပ်အောင်ဆန်း တို့လို နိုင်ငံခေါင်းဆောင် တွေပါ။ သူတို့မှာလည်း ဘာရာထူး ဘာခြိမ်းခြောက်မှု့မှမရှိပါဘူး။ ဒါပေမယ့် လူတွေအများကြီးသူတို့နောက်ကိုလိုက်ကြပါတယ်။

    Personal Power နဲ့လူတွေကို လွှမ်းမိုးနိုင်ဖို့ဆိုရင် ကိုယ်ရည်ကိုယ်သွေးဟာ အဓိကကျပါတယ်။ ကျတော်ပြောတဲ့ ကိုယ်ရည်ကိုယ်သွေးဆိုတာ မှန်တာကို ရဲရဲဝံ့ဝံ့ပြောရဲရမယ်၊ လုပ်ရဲရမယ်။ ကတိတွေအများကြီးမပေးသလို ပေးတဲ့ကတိကို လည်း စောင့်ထိမ်းနိုင်ရမယ်။ ကိုယ်ကျင့်တရားကောင်းရမယ်။ ဘာသာရေးခေါင်းဆောင်တွေဟာ မတူညီတဲ့ ၀ါဒတွေရှိပေ မယ့်လို့ တူညီတာတစ်ခုရှိပါတယ်။ အဲဒါက ကိုယ်ကျင့်တရား ဒေါင်ဒေါင်မြည်အောင်ကောင်းတယ်ဆိုတာပါပဲ။

    Positional Powerဆိုတာကရထူးကြောင့်၊ နေရာကြောင့် လူတွေကိုလွှမ်းမိုးတာဖြစ်ပါတယ်။ ဒီလိုလူမျိုးတွေရဲ့နောက်ကိုလူ တွေရေရှည်မလိုက်ကြပါဘူး။ ဒီလိုလူမျိုးတွေဟာ သူတို့ အာဏာတည်ဖို့အတွက် ရက်စက်ကြမ်းကြုပ်တဲ့နည်းတွေ၊ ခြိမ်း ခြောက်မှု့တွေနဲ့ အပြင်းအထန်နှိပ်ကွပ်ရပါတယ်။ ဒီလိုလူမျိုးတွေဟာ သူတို့ကို တော်လှန်တဲ့သူပေါ်လာလို့ပဲဖြစ်ဖြစ်၊ ဒါမှ မဟုတ်လဲ သေသွားရင်ပဲဖြစ်ဖြစ် လူတွေသူတို့ကို မေ့သွားကြပါတယ်။ စပ်ဆုတ်ရွံ့ရှာမှု့ နဲ့တော့ သတိရချင်ရမှာပေါ့။ သေချာတာကတော့ သူတို့ သြဇာ မတည်နိုင်တော့ပါဘူး။ သူတို့ရဲ့အာဏာဟာ သူတို့အသက်ရှိနေတုန်း ဒါမှမဟုတ်လဲ ရာထူးမှာ တည်မြဲနေတုန်းလောက်သာ သက်ရောက်နိုင်ပါတယ်။

    ခေါင်းဆောင်တစ်ယောက်မှာ ရှိသင့်တဲ့ အရည်အချင်းတွေကို Napoleon Hill က သူ့ရဲ့ Think and Grow Rich ဆိုတဲ့ စာအုပ်ထဲမှာ ဖော်ပြထားပါတယ်။ အဲဒါတွေက

    (၁) မယိမ်းမယိုင်တဲ့သတ္တိရှိခြင်း

    (၂) ကိုယ့်ကိုကိုယ် ထိမ်းချုပ်နိုင်ခြင်း

    (၃) တရားမျှတမှု့ရှိခြင်း

    (၄) ဆုံးဖြတ်ချက်တိကျသေချာခြင်း

    (၅) အလုပ်တစ်ခုလုပ်တဲ့အခါမှာ တိကျတဲ့ အစီအစဉ်ရှိခြင်း

    (၆) တာဝန်ရှိတာထက်ပိုအလုပ်လုပ်ခြင်း

    (၇) နှစ်လိုဖွယ် စရိုက်ရှိခြင်း

    (၈) ကိုယ်ချင်းစာတတ်မှု့၊ နားလည်တတ်မှု့ရှိခြင်း

    (၉) သက်ဆိုင်ရာအလုပ်ကို အသေးစိတ်ကျွမ်းကျင်ခြင်း

    (၁၀) အပြည့်အ၀ တာဝန်ယူတတ်ခြင်း

    (၁၁) ပူးပေါင်းဆောင်ရွက်တတ်ခြင်း