Tag: Malala

ကမ္ဘာတဝှမ်းမှ ကလေးအားလုံး အခမဲ့ ပညာသင်ကြားဖို့ စစ်အသုံးစ၇ိတ် ၈ ရက်စာ လျော့ချဖို့ မာလာလာ တိုက်တွန်း

ဇူလိုင် ၉၊ ၂၀၁၅
M-Media

– ကလေးငယ်များအား ၁၂ နှစ်ကြာ အခမဲ့ပညာရေး ပေးအပ်နိုင်ရန်အတွက် ၈ ရက်စာ စစ်အသုံးစားရိတ်ကို ဖယ်ထုတ်ပေးရန် ကမ္ဘာ့ငြိမ်းချမ်းရေးနိုဘယ်ဆုရှင် မာလာလာယူစွဖ်ဇိုင်က ကမ္ဘာ့ခေါင်းဆောင်များအား အင်္ဂါနေ့တွင် တိုက်တွန်းခဲ့သည်။

ကမ္ဘာတစ်ဝှမ်း ကလေးများ တစ်နှစ်စာ ပညာသင်ယူနိုင်ရေးအတွက် ရန်ပုံငွေမှာ ကန်ဒေါ်လာ ၃၉ ဘီလီယံရှိသည်ဟု မာလာလာတည်ထောင်ထားသည့် အကျိုးအမြတ်မယူသော အဖွဲ့အစည်း Malala Fund က ခန့်မှန်းတွက်ချက်ခဲ့သည်။

“ဒီပမာဏဟာ တော်တော်ကြီးမယ်လို့ ထင်ရပါတယ်။ ဒါပေမယ့် လက်တွေ့မှာတော့ အဲဒီလောက် မများပါဘူး။ တကယ်တော့ ကံမကောင်းအကြောင်းမလှစွာနဲ့ပဲ ဒီ ၃၉ ဘီလီယံကို စစ်ဘက်မှာ ၈ ရက်လောက်နဲ့ သုံးနေတာပါပဲ” ဟု နော်ဝေနိုင်ငံ အော်စလိုတွင် ကျင်းပပြုလုပ်ခဲ့သည့် ကုလ၏ ပညာရေးထိပ်သီးအစည်းအဝေးတွင် မာလာလာက ပြောကြားခဲ့သည်။

အိန္ဒိယရှိ ကလေးငယ်များအရေး လှုပ်ရှားသူ ကိုင်လက်ရှ် ဆက်ယာသီနှင့် ပြီးခဲ့သည့် ဒီဇင်ဘာက နိုဘယ်ဆု အတူယူခဲ့ပြီးနောက် မာလာလာမှာ နော်ဝေသို့ ပထမဆုံး ပြန်ရောက်လာခြင်းလည်း ဖြစ်သည်။

မာလာလာမှာ ဇွန်လအတွင်းကလည်း ကမ္ဘာ့ဘဏ်ဥက္ကဌ ဂျင်မ် ယုံ ကင်နှင့် တွေ့ဆုံခဲ့ပြီး ယခုနှစ်နှောင်းပိုင်းတွင် ထုတ်ပြန်ရန် ကုလက စီစဉ်ထားသည့် “ရေရှည်တည်တံ့သော ဖွံ့ဖြိုးရေး ရည်မှန်းချက်” အစီအစဉ်အတွက် ဆွေးနွေးခဲ့ကြသည်။

ထို့ပြင် အဆိုပါရည်မှန်းချက်များ ပြည့်မီရေးအတွက် ဘဏ္ဍာငွေရှာဖွေရန် နည်းလမ်းများနှင့် ပတ်သက်၍ လာမည့်သီတင်းပတ်၌ အီသီယိုးပီးယားတွင် အစည်းအဝေးပြုလုပ်ရန် စီစဉ်ထားသည်။

“ကျွန်မပေးချင်တဲ့ မက်ဆေ့ခ်ျက ဒီရည်ရွယ်တွေမှာ ပါရှိတဲ့ အလယ်တန်းပညာရေး ရည်မှန်းချက်ကို အသေအချာ ဆောင်ရွက်ရမယ် ဆိုတာပါပဲ။ ကလေးတစ်ယောက်ကို ၁၂ နှစ်လောက် မူလတန်းနဲ့ အလယ်တန်းပညာရေး သင်ပေးဖို့ ပိုက်ဆံတွေက အဲဒီမှာ (စစ်အသုံးစားရိတ်မှာ) ရှိနေပြီးပါပြီ” ဟု သူမက ထပ်လောင်းပြောကြားခဲ့သည်။

၂၀၀၀ ခုနှစ်က စတင်ခဲ့သည့် ထောင်စုနှစ် ဖွံ့ဖြိုးရေးရည်မှန်းကို အစားထိုးမည့် အဆိုပါ ရည်မှန်းချက်အသစ်များကို ဦးတည်နိုင်ငံများအနေဖြင့် လာမည့် ၁၅ နှစ်အတွင်း အကောင်အထည်ဖော်နိုင်မည်လားဆိုသည်ကို စက်တင်ဘာလတွင် ကုလက ချိန်ဆ ဆန်းစစ်သွားမည်ဖြစ်သည်။

ထောင်စုနှစ်ရည်မှန်းချက်တွင် သန်းပေါင်းများစွာကို ဆင်းရဲတွင်းထဲမှ ကယ်ထုတ်နိုင်ခဲ့သည်ဟု တနင်္လာနေ့တွင် ထုတ်ပြန်သော ကုလ၏ အစီရင်ခံစာ၌ ဖော်ပြထားပြီး ၁၉၉၀ ခုနှစ်မှ ၂၀၁၅ ခုနှစ်အတွင်း အလွန်ဆင်းရဲမွဲတေသည့် အခြေအနေတွင် နေထိုင်နေရသော အရေအတွက်မှာ ၁.၉ ဘီလီယံမှ ၈၃၆ သန်းအထိ ကျင်ဆင်းခဲ့ကာ ထက်ဝက်ကျော် ကျဆင်းခဲ့ခြင်းလည်းဖြစ်သည်။

ထိုကာလအတွင်း အသက် ၅ နှစ်အောက်ကလေးငယ်များ သေဆုံးမှုမှာလည်း လူ ၁၀၀၀ တွင် ၉၀ မှ ၄၃ ဦးအထိ လျော့ကျခဲ့သည်။

“ဒါပေမယ့် တိုးတက်မှုက ဒေသတွေနဲ့ နိုင်ငံတွေကြားထဲမှာ အညီအမျှ မဖြစ်သေးဘဲ သိသာတဲ့ ကွာဟချက်တွေ ရှိနေပါတယ်။ လူသားတွေရဲ့ ဖွံ့ဖြိုးတိုးတက်ရေးအတွက် ပဋိပက္ခတွေဟာ အကြီးဆုံး ခြိမ်းခြောက်မှု ဖြစ်နေပြီး၊ ပြိုကွဲကာ ပဋိပက္ခဖြစ်ပွားနေတဲ့နိုင်ငံတွေဟာ ဆင်းရဲမွဲတေမှုနှုန်း အမြင့်ဆုံးကို ကြုံတွေ့ခံစားနေရပါတယ်” ဟု ကုလ၏ အစီရင်ခံစာတွင် ထည့်သွင်းဖော်ပြထားသည်။

Ref: Dawn

July 9, 2015
မာလာလာအား လုပ်ကြံသူများကို ပါကစ္စတန် ပြစ်ဒဏ်ချမှတ်

ဧပြီ ၃၀၊ ၂၀၁၅
M-Media

– နိုဘယ်ဆုရှင် မာလာလာယူစွဖ်ဇိုင်အား ၂၀၁၂ ခုနှစ်က သတ်ဖြတ်ရန် ကြံစည်ခဲ့သူ ၁၀ ဦးကို ပါကစ္စတန် အကြမ်းဖက်တိုက်ဖျက်ရေးတရာရုံးက ယနေ့တွင် ထောင်ဒဏ် တစ်သက်တစ်ကျွန်းစီ ချမှတ်ခဲ့သည်ဟု သိရသည်။

၂၀၁၂ ခုနှစ် အောက်တိုဘာလတွင် ထိုစဉ်က ကျောင်းသူဖြစ်သူ မာလာလာမှာ ကျောင်းကားပေါ်တွင် သေနတ်သမားများ၏ ပစ်ခတ်ခြင်းကို ခံခဲ့ရခြင်းဖြစ်ပြီး ၎င်း၏ အတန်းဖော် ၂ ဦးမှာလည်း ဒဏ်ရာရခဲ့သည်။ ပါကစ္စတန်တာလီဘန်အဖွဲ့က အဆိုပါတိုက်ခိုက်မှုကို ၎င်းတို့လုပ်သည်ဟု ၀န်ခံခဲ့သည်။ ထိုတိုက်ခိုက်မှုတွင် ပါဝင်ခဲ့သူ ၁၀ ဦးကို ဆွက်တောင်ကြားဒေသ အကြမ်းဖက်တိုက်ဖျက်ရေး တရားရုံးမှ တရားသူကြီး အေမင် ကန်ဒီက ပြစ်ဒဏ်ချမှတ်ခဲ့ခြင်း ဖြစ်သည်။

ပါကစ္စတန်တွင် တစ်သက်တစ်ကျွန်းပြစ်ဒဏ်မှာ ထောင်ဒဏ် ၂၅ နှစ်ဖြစ်သည်။ ပြစ်ဒဏ်ချမှတ်ခံရသူများတွင် မာလာလာအား ပစ်ခတ်မှုတွင် ကိုယ်ထိလက်ရောက်ပါဝင်သူ ၄ ဦး သို့မဟုတ် ၅ ဦးပါဝင်ခဲ့ပြီး ကျန်သူများအား တိုက်ခိုက်မှုအား စီစဉ်ခဲ့သူများဖြစ်သည်။ ၎င်းတို့အားလုံးမှာ ဆွက်တောင်ကြားဒေသမှဖြစ်ပြီး တာလီဘန်အဖွဲ့ဝင်များဖြစ်ကြသည်။

ပြီးခဲ့သည့်နှစ် စက်တင်ဘာလအတွင်း ပါကစ္စတန်စစ်တပ်က မိမိတို့မှာ တိုက်ခိုက်မှုတွင် ပါဝင်ခဲ့သူများကို ဖမ်းဆီးခဲ့ပြီး ၎င်းတို့မှာ တိုက်ခိုက်မှုပြုလုပ်ရန်အတွက် ပါကစ္စတန်တာလီဘန်ခေါင်းဆောင် မွလ္လာ ဖက်ဇ်လူလာထံမှ တိုက်ရိုက် အမိန့်ရခဲ့ကြောင်း တိုက်ခိုက်မှုတွင် ၎င်းတို့သုံးစွဲခဲ့သည့် လက်နက်များကိုလည်း ရှာဖွေတွေ့ရှိခဲ့ကြောင်း ကြေညာခဲ့သည်။

စစ်တပ်မှာ ပထမဆုံး အစ္စရာ အူရ် ရဟ်မန်ဆိုသူကို ဖမ်းဆီးရမိခဲ့ခြင်ဖြစ်ပြီး ၎င်း၏ ဖော်ထုတ်မှုအရ ကျန်သူများကို ဖမ်းဆီးနိုင်ခဲ့ခြင်းဖြစ်သည်။

ထိုက်ခိုက်မှုကြောင့် ဒဏ်ရာရသူများတွင် မာလာလာမှာ အဆိုးဆုံးဖြစ်ပြီး ပါကစ္စတန်စစ်ဆေးရုံတွင် ကနဦးကုသမှုများ ပြုလုပ်ခဲ့ပြီးနောက် ယူကေသို ပို့ဆောင်ကုသခဲ့ရသည်။ နောက်ပိုင်းတွင် ဒဏ်ရာမှ ပြန်လည်သက်သာလာခဲ့ပြီး ကမ္ဘာတစ်ဝှမ်း ပညာရေးကဏ္ဍတွင် ကူညီထောက်ပံ့ပေးနေသည့် Malala Fund အဖွဲ့ကို တည်ထောင်ခဲ့သည်။ မာလာလာမှာ ပြီးခဲ့သည့်နှစ်တွင် အိန္ဒိယမှ ကလေးငယ်များအရေး ဆောင်ရွက်နေသူ ကိုင်လက်ရှ် ဆတ်ယာသီနှင့်အတူ ငြိမ်းချမ်းရေး နိုဘယ်ဆုကို ရရှိခဲ့သည်။

Ref: Aljazeera

April 30, 2015
အာကာသရှိ ဂြိုဟ်ငယ်တစ်ခုကို မာလာလာ၏ အမည်ပေး

ဧပြီ ၁၃၊ ၂၀၁၅
M-Media

– ကမ္ဘာ့အသက်ငယ်ဆုံး နိုဘယ်ဆုရှင် မာလာယူစွဖ်ဇိုင်အား ဂုဏ်ပြုသည့်အနေဖြင့် လွန်ခဲ့သည့် ငါနှစ်ခန့်က တွေ့ရှိခဲ့သော ဂြိုဟ်ငယ်တစ်ခုကို နုာဆာက သူမ၏အမည် ပေးခဲ့သည်ဟု သိရသည်။

မာလာ၏ အမည်ပေးခဲ့သည့် ဂြိုဟ်မှာ ၂၀၁၀ ခုနှစ် ဇွန်လက နာဆာသိပ္ပံပညာရှင် ဒေါက်တာမိန်ဇာ တွေ့ရှိခဲ့သော Asteroid 316201 ဂြိုငယ်ဖြစ်ပြီး ယခုတွင် 316201 Malala ဟု အမည်ပြောင်းလဲ မှည့်ခေါ်ခဲ့သည်။

“ဒေါက်တာ ကာရီး နူးဂျန့်နဲ့ ကျွန်မဟာ မာလာလာရဲ့ အံသြဖွယ်ကောင်းတဲ့ ဇာတ်လမ်းကို ဖတ်ခဲ့ရပြီး တကယ်လို့များ ဂြိုငယ်တစ်ခုကို လူတစ်ယောက်ရဲ့ အမည်မှည့်ခေါ်ဖို့ ထိုက်တန်တဲ့သူဆိုရင် သူပဲဖြစ်မယ်လို့ ကျွန်မတို့ တွေးမိခဲ့ပါတယ်။ ဂြိုဟ်ငယ်တစ်ခုကို မာလာလာရဲ့အမည်ပေးခဲ့တာဟာ ဂုဏ်ယူစရာပါပဲ” ဟု နာဆာ၏ ဂျက်လေယာဉ်ပစ်လွှတ်ခြင်း ဓာတ်ခွဲခန်းမှ ဒေါက်တာ မိန်ဇာက Independent သတင်းစာသို့ ပြောကြားခဲ့သည်။

အာကာသအတွင်းရှိ အသစ်တွေ့ရှိသော ဂြိုဟ်ငယ်များအား လူများ၏ အမည်ပေးထားမှုကို ဒေါက်တာ နူးဂျန်က ပြသခဲ့ပြီး ထိုအထဲတွင် အမျိုးသမီးများအကျိုးအတွက် ဆောင်ရွက်နေသူများ၏ အမည်များမှာ နည်းပါးကာ လူနည်းစုလူမျိုးများထဲမှ အမည်များမှာလည်း ပို၍ပင် နည်းပါးသည်ဟု ဒေါက်တာ မိန်ဇာက ထည့်သွင်းပြောကြားခဲ့သည်။

ပါကစ္စတန်နိုင်ငံ တာလီဘန်များကြီးစိုးရာ ဒေသတွင် မွေးဖွားကြီးပြင်းခဲ့သည့် မာလာလာမှာ ယခုလက်ရှိတွင် အသက် ၁၇ နှစ်ရှီပြီဖြစ်သည်။ မာလာလာမှာ တာလီဘန်များ၏ လုပ်ရပ်ကို ဆန့်ကျင်သောကြောင့် တာလီဘန်တို့၏ လုပ်ကြံသတ်ဖြတ်ခြင်းကို ခံခဲ့ရပြီးနောက် အသက်ဘေးမှ လွတ်မြောက်ခဲ့သည်။

ပါကစ္စတန်ရှိ အမျိုးသမီးများ လွတ်မြောက်ရေးနှင့် ပညာသင်ကြားခွင့်ရရေး စွမ်းစွမ်းတမံ ဆောင်ရွက်နေသည့် မာလာလာမှာ ၂၀၁၄ ခုနှစ် နိုဘယ်ငြိမ်းချမ်းရေးဆုကို အိန္ဒိယမှ ကလေးငယ်များအခွင့်အရေး ဆောင်ရွက်နေသူ ကိုင်လာရှ် ဆက်ယာသီနှင်အတူ ပူးတွဲရရှိခဲ့သည်။

၂၀၁၃ ခုနှစ်ကလည်း နိုင်ငံတကာ ကလေးများအတွက် ငြိမ်းချမ်းရေးဆုကို ရရှိခဲ့သည်။ ယခုအချိန်တွင် မာလာလာမှာ အင်္ဂလန်နိုင်ငံ ဘာမင်ဂမ်၌ နေထိုင်ကာ ပညာသင်ကြားနေသည်။

ဒေါက်တာ မိန်ဇာကမူ ဂြိုဟ်ငယ်တစ်ခုအား မာလာလာ၏အမည် ပေးခဲ့ခြင်းက သိပ္ပံနှင့် အင်ဂျင်နီယာပညာရပ်မှာ လူတိုင်းအတွက်ဖြစ်သည်ကို လူငယ်များအား အသိပေးရာရောက်မည်ဟု မျှော်လင့်ကြောင်း ပြောကြားခဲ့သည်။

“လူသားထုရဲ့ အခက်ခဲဆုံး ပြဿနာအချို့ကို ဖြေရှင်းဖို့ ထက်မြတ်တဲ့သူတွေရဲ့ ဦးနှောက်ကို ကျွန်မတို့ တကယ်ကို လိုအပ်ပါတယ်”

အဆိုပါ ဂြိုဟ်ငယ်ကို ဒေါက်တာ မိန်ဇာမှာ NEOWISE တယ်လီစကုပ်ဖြင့် တွေ့ရှိခဲ့ခြင်းဖြစ်ပြီး အချင်း ၂.၅ မိုင်ရှိကာ မည်းနက်သည့် ဂြိုတစ်ခုဖြစ်သည်။ အင်္ဂါဂြိုဟ်နှင့် ကြာသာပတေးဂြိုဟ်အကြား လမ်းကြောင်းတွင် တည်ရှိနေကာ နေကို တစ်ပတ်ပတ်ရန် ၅ နှစ်ခွဲ ကြာမြင့်သည်။ နိုင်ငံတကာ အာကသ စည်းမည်စည်းကမ်းများအရ ဂြိုဟ်တစ်ခုအား ရှာဖွေတွေ့ရှိသူမှာ ထိုဂြိုဟ်အား အမည့်မှည့်ခေါ်ခွင့်ရှိသည်။

Ref: Onislam

April 13, 2015
မာလာလာနှင့် ဆက်ယာသီတို့ နိုဘယ်ဆု လက်ခံရယူ

ဒီဇင်ဘာ ၁၁ ။ ၂၀၁၄
M-Media

– ယခုနှစ် ငြိမ်ချမ်းရေး နိုဘယ်ဆုရရှိခဲ့သော ပါကစ္စတန်မှ မာလာလာ ယူစွဖ်ဇိုင်နှင့် အိန္ဒိယမှ ကိုင်လက်ရှ် ဆက်ယာသီတို့မှာ ယမန်နေ့က နိုဘယ်ဆုကို လက်ခံရယူခဲ့ကြသည်ဟု သိရသည်။

တာလီဘန်တို့၏ လုပ်ကြံမှုမှ လွတ်မြောက်လာခဲ့သည့် မာလာလာမှာ အမျိုးသမီးငယ်များ၏ ပညာရေးအတွက် ဦးဆောင်လှုပ်ရှားမှုကြောင့် အဆိုပါဆုကို ရရှိခဲ့ခြင်းဖြစ်ပြီး ဆက်ယာသီမှာ အိန္ဒိယရှိ ချို့တဲ့သော ကလေးငယ်များ၏ အခွင့်အရေး လှုပ်ရှားဆောင်ရွက်မှုအတွက် ထိုဆုကို ရရှိခဲ့ခြင်းဖြစ်သည်။

`မိန်းကလေးငယ်တစ်ယောက်နဲ့ လူကြီးတစ်ယောက်၊ တစ်ယောက်က ပါကစ္စတန်က မွတ်စလင်၊ နောက်တစ်ယောက်က အိန္ဒိယ ဟိန္ဒူ၊ ဒီနှစ်ယောက်စလုံးဟာ ကမ္ဘာကြီးက လိုအပ်နေတဲ့ ညီညွတ်ရေး လက္ခဏာတွေပါပဲ။ နိုင်ငံတွေအကြား ညီရင်းအကိုလို ချစ်ကျည်ရင်းနှီးမှုပါပဲ´ ဟု ယမန်နေ့က နော်ဝေနိုင်ငံ အော်စလိုတွင် ကျင်းပပြုလုပ်ခဲ့သော နိုဘယ်ဆုချီးမြှင့်ခြင်း အခမ်းအနားတွင် နိုဘယ်ဆု ရွေးချယ်ရေး ကော်မတီမှ သော့ဘ်ဂျိုအာန်း ဂျာဂ်လန်က ပြောကြားခဲ့သည်။

အိန္ဒိယမှ အသက် ၆၀ အရွယ်ရှိ ဆက်ယာသီမှာ ကလေးငယ် ထောင်ပေါင်း များစွာကို ကျေးကျွန်ဆန်ဆန် အလုပ်သမားဘ၀မှ လွတ်မြောက်စေခဲ့သူဖြစ်သည်။

`ကမ္ဘာကြီးဟာ အရမ်းဆင်းရဲတယ်ဆိုတာ ကျွန်တော် လက်မခံပါဘူး။ ကမ္ဘာတစ်ဝှမ်းက တစ်ပတ်တာ စစ်အသုံးစားရိတ်ဟာ ကလေးတွေအားလုံးကို စာသင်းခန်းထဲရောက်ဖို့ အတွက် လုံလောက်ပါတယ်´ ဟု ဆက်ယာသီက ဆုလက်ခံရယူပြီနောက် ပြောကြားခဲ့သည်။

အသက် ၁၇ နှစ်အရွယ်ရှိပြီဖြစ်သည့် မာလာလာမှာ ကမ္ဘာ့အသက် အငယ်ဆုံး နိုဘယ်ဆုရှင်အဖြစ် မှတ်တမ်းဝင်ခဲ့ပြီး သူမ၏ စွမ်းစွမ်းတမံ ကြိုးပမ်းမှုများအတွက် ကုလနှင့် ဘက်ကင်မ်ဟမ် နန်းတော်တို့အပါအ၀င် ကမ္ဘာတစ်လွှားမှ ဂုဏ်ပြုဆုများကိုလည်း ရရှိခဲ့သူဖြစ်သည်။

နိုဘယ်ဆု လက်ခံမရယူခင်အလျင် မာလာလာမှာ အော်စလိုမြို့၌ ကလေးငယ်ပေါင်း ၇၀၀၀ နှင့်လည်း တွေ့ဆုံခဲ့ပြီး ထိုသို့တွေ့ဆုံခြင်းက မိမိအား ခွန်အားများရရှိစေသည့် ကျွဲရိုင်းဘူးထက်ပင် ပိုမိုသည်ဟု ပြောကြားခဲ့သည်။

Al Jazeera And Reuters

December 12, 2014
ဂါဇာမှ ဖျက်ဆီးခံ ကျောင်းများပြန်ဆောက်ဖို့ “ကမ္ဘာ့ကလေးများဆိုင်ရာ” ဆုကြေးငွေ ဒေါ်လာ ၅ သောင်းကို မာလာလာ လှူဒါန်း

နိုဝင်ဘာ ၂ ၊ ၂၀၁၄
M-Media

– အစ္စရေးတို့၏ သီတင်းပတ် ၆ ပတ်ကြာ ကျူးကျော် တိုက်ခိုက်မှုကြောင့် ပျက်ဆီး သွားခဲ့သည့် ဂါဇာဒေသရှိ စာသင်ကျောင်းများ ပြန်လည် တည်ဆောက်ရေးအတွက် ၂၀၁၄ ခုနှစ် ငြိမ်းချမ်းရေးနိုဘယ်ဆုရှင် ပါကစ္စတန် အမျိုးသမီးအခွင့်အရေး လှုပ်ရှားသူ မာလာလာက ယူစွဖ်ဇိုင်က ကန်ဒေါ်လာ ၅၀၀၀၀ လှူဒါန်းခဲ့သည်ဟု သိရသည်။

ထိုလှူဒန်းငွေမှာ မာလာလာ ချီးမြှင့်ခြင်း ခံခဲ့ရသည့် “ကမ္ဘာ့ကလေးများဆိုင်ရာဆု” မှ ဆုကြေးငွေများဖြစ်ပြီး အောက်တိုဘာ ၂၉ ရက်နေ့က ဆွီဒင်နိုင်ငံ၌ ပြုလုပ်ခဲ့သော ဆုချီးမြှင့်ပွဲ အခမ်အနားတွင်ပင် မာလာလာက ၎င်း၏ အလှူဒါနကို ကြေညာခဲ့ခြင်းဖြစ်သည်။

“ကျွန်မရရှိခဲ့တဲ့ “ကမ္ဘာ့ကလေးများဆိုင်ရာဆု” က ဆုငွေအားလုံးဟာ အလွန့် အလွန်ဒုက္ခရောက်နေတဲ့ ဂါဇာက စာသင်ကျောင်းတွေနဲ့ ကျောင်းသားတွေကို ကူညီဖို့ ပေးအပ်မယ်ဆိုပြီး ကြေညာရတာ အရမ်းကို ဂုဏ်ယူမိပါတယ်” ဟု နောက်ပိုင်း၌ ထုတ်ပြန်ခဲ့သော ကြေညာချက်တွင် မာလာလာက ပြောကြားခဲ့သည်။

မာလာလာ၏ အဆိုပါလှူဒါန်းငွေမှာ ပါလက်စတိုင်းတွင် ပြန်လည်ထူထောင်ရေး လုပ်ကိုင်နေသော ကုလသမဂ္ဂ အကူအညီပေးရေး အေဂျင်စီ UNRWA အဖွဲ့သို့ ရောက်ရှိမည် ဖြစ်သည်။ UNRWA အဖွဲ့မှာ အစ္စရေးတို့၏ ကျူးကျော်တိုက်ခိုက်မှုကြောင့် ပျက်ဆီးသွားခဲ့သည့် ဂါဇာရှိ စာသင်ကျောင်း ၈၃ ကျောင်း ပြန်လည်ဆောက်လုပ်ရေးလုပ်ငန်းကို ဦးဆောင် လုပ်ကိုင်နေသည်။

အစ္စရေး၏ ကျူးကျော်တိုက်ခိုက်မှုများတွင် ဂါဇာရှိ ကျောင်းပေါင်း ၂၅၀ ကျော် ပျက်ဆီးခဲ့ပြီး ၂၂ ကျောင်းမှာ လုံးဝပြိုကျပျက်ဆီးကာ ထပ်မံ၍ အသုံးပြုနိုင်တော့မည်မဟုတ်ဟု ယူနီဆက်ဖ်၏ ထုတ်ပြန်မှုများအရ သိရသည်။

“လိုအပ်ချက်တွေကတော့ တစ်ပုံတစ်ပင်ပါပဲ။ ဂါဇာလူဦးရေရဲ့ တစ်ဝက်ကျော်က အသက် ၁၈ နှစ်အောက်တွေပါ။ သူတို့ဟာ အနာဂတ်တစ်ခုကို ပုံဖော်ဖို့အတွက် အရည်အသွေးပြည့်ဝတဲ့ပညာရေး၊ မျှော်လင့်ချက်နဲ့ စစ်မှန်တဲ့ အခွင့်အလမ်းတွေကို ရရှိခံစားချင်ကြပါတယ်။ အပြစ်မဲ့ ပါလက်စတိုင်း ကလေးငယ်လေးတွေဟာ ဆိုးဆိုးရွားရွား ထိခိုက်ခံစားခဲ့နေရတာ သိပ်ကိုကြာပါပြီ။ ပါလက်စတိုင်းက ယောက်ျားလေးတွေ၊ မိန်းကလေးငယ်လေးတွေနဲ့ နေရာတိုင်းမှာရှိတဲ့ ကလေးတွေ လုံခြုံမှုရှိတဲ့ ပတ်ဝန်းကျင်တစ်ခုမှာ အရည်အသွေးရှိတဲ့ ပညာရေးစနစ်တစ်ခုရလာအောင် ကျွန်မတို့အားလုံးက မဖြစ်မနေ ဆောင်ရွက်ပေးရမှာပါ။ ဘာ့ကြောင့်လည်းဆိုတော့ ပညာရေးမရှိရင် ငြိမ်းချမ်းရေးဆိုတာ ဘယ်တော့မှ ရှိမှာမဟုတ်ပါဘူး။ ဒါ့ကြောင့် ငြိမ်းချမ်းရေးနဲ့ ပညာရေးအတွက် ကျွန်မတို့ အတူတကွ ရပ်တည်ကြပါစို့” ဟု မာလာလာက ၎င်း၏ ကြေညာချက်တွင် ထည့်သွင်းပြောကြားခဲ့သည်။

ချီးကျူး

ကမ္ဘာ့ကလေးများဆိုင်ရာဆုမှ ရရှိသည့် ဆုကြေးငွေအားလုံးကို လှူဒါန်းခဲ့သည့် မာလာလာ၏ ဆုံးဖြတ်ချက်က မိမိတို့နှလုံးသည်းပွတ်ကို လှုပ်ရှားစေခဲ့သည်ဟု UNRWA မှ တာဝန်ရှိသူများက ပြောကြားခဲ့သည်။

“ပြောင်မြောက်တဲ့ သတ္တိတွေပြခဲ့ပြီး ကလေးတစ်ယောက်အတွက် ပညာရေးစနစ်ကောင်းတစ်ခုရဖို့ အရေးပါတဲ့ အခွင့်အရေးအတွက် ရဲရဲတောက် လှုပ်ရှားပေးခဲ့တဲ့ နိုဘယ်ဆုရှင် အသင့်ရဲ့ ဒီလို အသိအမှတ်ပြုမှုက ဂါဇာမှာရှိတဲ့ ကျောင်းသား ၂ သိန်းခွဲလောက်နဲ့ ဆရာ ၉၀၀၀ ကျော်လောက်ရဲ့ စိတ်ဓာတ်တွေကို မြှင်တင်ပေးပါလိမ့်မယ်။ (အစ္စရေးရဲ့) တိုက်ခိုက်မှုအတွင်းမှာ သူတို့ရဲ့ နာကျင်ခံစားရမှုတွေက ဆိုးရွားပြင်းထန်ခဲ့ပါတယ်။ သင့်ရဲ့ ကြင်နာမှုကတော့ မကြာသေးခင်လတွေက ခံစားခဲ့ရတဲ့ သူတို့ရဲ့ နာကျင်မှုတွေကို လျော့ပါး သက်သာစေပါလိမ့်မယ်” ဟု UNRWA မှ ကော်မရှင်နာ ပီယာရီ ကရာဟန်ဘူးလ်က ပြောကြားခဲ့သည်။

ထို့ပြင် မာလာလာမှာ ပါလက်စတိုင်းနှင့် အခြားဒေသများရှိ နောက်ထပ်မျိုးဆက်တစ်ခုအတွက် အားကျဖွယ်ကောင်းသည့် ပုံရိပ်တစ်ခုဖြစ်ပြီး မိမိတို့အားလုံးအတွက်လည်း အားကျစရာ ပုဂ္ဂိုလ် တစ်ဦးဖြစ်ကြောင်း ၎င်းက ထည့်သွင်းပြောကြားခဲ့သည်။

ယခုလအစောပိုင်းတွင် ကြေညာခဲ့သော ၂၀၁၄ ခုနှစ် နိုဘယ်ငြိမ်းချမ်းရေးဆုကို အသက် ၁၇ နှစ်အရွယ် မာလာမှာ အိန္ဒိယမှ ကလေးငယ်များအခွင့်အရေးလှုပ်ရှားသူ ကိုင်လာရှ် ဆက်ယာသီနှင့်အတူ ပူးတွဲရရှိခဲ့သည်။

ထို့နောက် ဆွီဒင်နိုင်ငံက ချီးမြှင့်ခဲ့သော “ကမ္ဘာ့ကလေးများဆိုင်ရာဆု” ကိုလည်း မာလာလာက ရရှိခဲ့ပြီး သိက္ခာကြီးများသော ဆုနှစ်ခုကို ပထမဆုံး ရရှိခဲ့သူတစ်ဦးလည်း ဖြစ်လာခဲ့သည်။

source: OnIslam & News Agencies

November 2, 2014