News @ M-Media

Tag: Malala Yousafzai

  • Malala Fund ၏ လက်တင်အမေရိက အကူအညီပေးရေးလုပ်ငန်းတွင် Apple ပူးပေါင်း

    Malala Fund ၏ လက်တင်အမေရိက အကူအညီပေးရေးလုပ်ငန်းတွင် Apple ပူးပေါင်း

    ဇူလိုင် ၁၄၊ ၂၀၁၈
    M-Media

    Apple ရုံးခန်းတွင် တွေ့ရသည့် မာလာလာ

    – ငြိမ်းချမ်းရေး နိုဘယ်ဆုရှင် မာလာလာ တည်ထောင်ထားတဲ့ Malala Fund ရဲ့ တောင်အမေရိက အကူအညီပေးရေးလုပ်ငန်းမှာ ပူးပေါင်းဆောင်ရွက်သွားမယ်လို့ Apple ကုမ္ပဏီက ဒီကနေ့မှာ ကြေငြာလိုက်ပါတယ်။

    Malala Fund ဟာ ကမ္ဘာတစ်ဝှမ်းက အမျိုးသမီးငယ်တွေ ဘေးအန္တရာယ်ကင်းရေး ၊ အဆင့်မြင့် အလယ်တန်းပညာ သင်ယူနိုင်ရေး၊ အခွင့်အလမ်းတွေ ဖန်တီးပေးနိုင်ရေး ဆောင်ရွက်နေတာဖြစ်ပြီး တောင်အမေရိက အကူအညီပေးရေးလုပ်ငန်းကို ဘရာဇီးလ်မှာ စတင်မှာ ဖြစ်ပါတယ်။

    Apple နဲ့ Malala Fund တို့ဟာ ဘရာဇီးလ်က အမျိုးသမီးငယ်တွေ၊ ဆရာတွေ၊ ပေါ်လစီချမှတ်သူတွေကို ကျွမ်းကျင်မှုဆိုင်ရာ သင်တန်းတွေ၊ ပညာရေး အသိပညာပေးမှုတွေကနေတစ်ဆင့် စွမ်းဆောင်ရည် မြှင့်တင်ပေးသွားမှာ ဖြစ်ပါတယ်။

    Apple Developer Academy က ဆော့ဖ်ဝဲကျောင်းသားတွေလည်း ဒီအကူအညီပေးရေးလုပ်ငန်းမှာ ပါဝင်မှာဖြစ်ပြီး အမျိုးသမီးငယ်တွေ ပညာရေးအခွင့်အလမ်း ပိုမိုရရှိရေး အထောက်အကူဖြစ်စေမယ့် အက်ပလီကေးရှင်းတွေ ရေးဆွဲပေးသွားမှာ ဖြစ်ပါတယ်။

    ရီယိုဒီဂျနေရိုးက Apple Developer Academy မှာရှိတဲ့ လူငယ် ကျောင်းသားတွေဟာ မနေ့က မာလာလာ ယူဆွဖ်ဇိုင်နဲ့ တွေ့ဆုံခဲ့ပါတယ်။ မာလာက ကမ္ဘာတစ်ဝှမ်းမှာရှိတဲ့ အမျိုးသမီးငယ်တွေရဲ့ ပညာရေးအခွင့်အလမ်း တိုးတက်မြင့်မားစေရေး Malala Fund အဖွဲ့ရဲ့ ရည်မှန်းချက်တွေအကို အကောင်အ
    ထည်ဖော်ရာမှာ လူငယ် ဆော့ဖ်ဝဲပညာရှင်တွေရဲ့ အခန်းကဏ္ဍ အရေးပါမှုကို ပြောကြားခဲ့ပါတယ်။

    “ကျွန်မရဲ့ မျှော်မှန်းချက်က ရီယို ဒီဂျနေရိုးကနေ ရီယာ့ဒ်အထိ မိန်းကလေးငယ်တိုင်းဟာ သူတို့ရဲ့ ကိုယ်ပိုင်အနာဂတ်ကို ကိုယ်တိုင် လွတ်လပ်စွာ ရွေးချယ်နိုင်ဖို့ ဖြစ်ပါတယ်” လို့ မာလာလာက ထည့်သွင်းပြောဆိုခဲ့ပါတယ်။

    Apple ဟာ ဇန်န၀ါရီလမှာ Malala Fund ရဲ့ ပထမဆုံး မိတ်ဖက်အဖွဲ့အစည်းတစ်ခု ဖြစ်ခဲ့ပါတယ်။ Apple ပါဝင်လာတာကြောင့် Malala Fund ရဲ့ Gulmakai ကွန်ယက်ဟာ လက်တင်အမေရိကနဲ့ အိန္ဒိယတို့မှာ ပညာတော်သင်ဆု အရေအတွက်ကို နှစ်ဆအထိ တိုးမြှင့်လာနိုင်ပြီး၊ လှုပ်ရှားမှုတွေကိုလည်း တိုးချဲ့ ဆောင်ရွက်လာနိုင်ခဲ့ပါတယ်။

    Ref: Khaleej Times

  • ကလေးများအတွက်ရည်ရွယ်သည့် မာလာလာ၏ ရုပ်ပြစာအုပ် မကြာခင်ထွက်မည်

    ကလေးများအတွက်ရည်ရွယ်သည့် မာလာလာ၏ ရုပ်ပြစာအုပ် မကြာခင်ထွက်မည်

    သြဂုတ် ၅၊ ၂၀၁၇
    M-Media

    – ပါကစ္စတန်မှ နိုဘယ်ငြိမ်းချမ်းရေးဆုရှင် မာလာလာ ယူဆွစ်ဖ်ဇိုင်စီစဉ်သည့် ကလေးငယ်များအတွက် ရုပ်ပြစာအုပ်တစ်အုပ်မှာ မကြာမီ ထွက်လာတော့မည်ဟု သိရသည်။

    ထိုစာအုပ်၏ ပထမဆုံးကော်ပီကို ရရှိခဲ့သည်ဟု မာလာလာက သူမ၏ Twitter စာမျက်နှာတွင် ကြာသာပတေးနေ့ ညနေပိုင်းက ရေးသားခဲ့သည်။

    Malala’s Magic Pencil (မာလာလာ၏ မှော်ဝင်ခဲတံ) ဟု အမည်ပေးထားသည့် အဆိုပါ စာအုပ်မှာ မျှော်လင့်ချက်ကို ယှဉ်သန်စေသော၊ အလွန်အမင်း ခက်ခဲသည့် အခြေအနေမျိုးမှာပင် သူမ၏အသံကို လူအများ ကြားအောင် လုပ်နိုင်သော သူမ၏ ကမ္ဘာလုံးဆိုင်ရာ ရှုမြင်မှုအား လူငယ်ပရိတ်သတ်ကို ချပြရန် ရည်ရွယ်ခြင်းဖြစ်သည်။

    ထို့ပြင် မျိုးဆက်သစ်များအနေဖြင့် သူမ၏ခြေလှမ်းအတိုင်း လိုက်ကာ၊ ၎င်းတို့၏ အိပ်မက်များ အမှန်တကယ် ဖြစ်လာရန် နေ့စဉ် အားထုတ်ကြိုးစားသွားရေး တိုက်တွန်းအားပေးရန်လည်း ဖြစ်သည်။

    သူမ၏လက်ရာကို မိခင်က ပထမဆုံး ဖတ်ခွင့်ရသည့်အတွက် စိတ်လှုပ်ရှား ပျော်ရွှင်မိကြောင်း၊ မိခင်မှာ အင်္ဂလိပ်စာကို သင်ယူနေကြောင်း မာလာလာက Twitter စာမျက်နှာတွင် ထည့်သွင်းရေးသားခဲ့သည်။

    စာမျက်နှာ ၄၈ မျက်နှာ ပါဝင်သည့် အဆိုပါ ရုပ်ပြစာအုပ်မှာ ကလေးငယ်များအကြိုက် စိတ်ကူးယဉ်ဇာတ်လမ်းများ ဖြစ်ပြီး အောက်တိုဘာလတွင် အများပြည်သူသို့ ရောင်းချမည်ဖြစ်သည်။ ပါကစ္စတန်၌ အမျိုးသမီးငယ်များ ပညာသင်ကြားခွင့်ရရေး လှုပ်ရှားမှုကြောင့် တာလီဘန်၏ လုပ်ကြံသတ်ဖြတ်မှုမှ လွတ်မြောက်လာခဲ့ပြီးနောက် မာလာ လာမှာ အမျိုးသမီးအခွင့်အရေးအတွက် စွမ်းစွမ်တမံဆောင်ရွက်နေသည်။

    Ref: Alarabiya

  • မာလာလာကို ကနေဒါက ဂုဏ်ထူးဆောင်နိုင်ငံသား ချီးမြှင့်

    မာလာလာကို ကနေဒါက ဂုဏ်ထူးဆောင်နိုင်ငံသား ချီးမြှင့်

    ဧပြီ ၁၃၊ ၂၀၁၇
    M-Media

    – ပါကစ္စတန် လူ့အခွင့်အရေး တက်ကြွလှုပ်ရှားသူဖြစ်ပြီး ကမ္ဘာ့အသက်အငယ်ဆုံး ငြိမ်းချမ်းရေးနိုဘယ်ဆုရှင်လည်းဖြစ်သူ မာလာလာ ယူဆွဖ်ဇိုင်မှာ ကနေဒါနိုင်ငံ၏ ဂုဏ်ထူးဆာင်နိုင်ငံသားအဖြစ် ယမန်နေ့က အပ်နှင်းခံခဲ့ရသည်ဟု သိရသည်။

    “ရှင်တို့တိုင်းပြည်ရဲ့ ဂုဏ်ထူးဆောင်နိုင်ငံသားအဖြစ် ကျွန်မ ရိုးသားစွာ ခံယူပါတယ်” ဟု မာလာလာက အိုတာဝါတွင် ပြလုပ်ခဲ့သည့် သူမအား ဂုဏ်ပြုအခမ်းအနားတွင် ပြောကြားခဲ့သည်။

    ကနေဒါလွှတ်တော်အမတ်များ၊ နိုင်ငံအတွင်းမှ ထင်ရှားကျော်ကြားသူများက မာလာလာအား မတ်တတ်ရပ်၍ လက်ခုပ်တီး ဂုဏ်ပြုခဲ့ကြသည်။

    “ပထန်လူမျိုးဖြစ်ရတဲ့အတွက် ပါကစ္စတန်နိုင်ငံသား ဖြစ်ရတဲ့အတွက် ကျွန်မဟာ အမြဲတမ်း ဂုဏ်ယူပါတယ်။ သူရဲကောင်းတွေရှိတဲ့ ရှင်တို့ရဲ့တိုင်းပြည်က ဂုဏ်ထူးဆောင်နိုင်ငံသားတစ်ယောက် ဖြစ်ရတာကိုလည်း ကျွန်မ ကျေးဇူးတင်ပါတယ်။ ဗီဇာလိုနေသေးပေးမယ့် ဒါက သပ်သပ်ပေါ့လေ” ဟု မာလာလာက အရွှန်းေ
    ဖာက် ပြောကြားခဲ့သည်။

    အသက် ၁၇ နှစ်အရွယ် ၂၀၁၄ ခုနှစ်တွင် နိုဘယ်ငြိမ်းချမ်းရေးဆု ရရှိခဲ့သည့် မာလာလာမှာ ယခုတစ်ပတ် အစောပိုင်းတွင်လည်း ကုလ၏ ငြိမ်းချမ်းရေးသံတမန်အဖြစ် သတ်မှတ်ခံခဲ့ရသည်။

    ကနေဒါဝန်ကြီးချုပ် ဂျက်စတင် ထရူဒူက ယမန်နေ့အခမ်းအနားတွင် မာလာလာအား ဂုဏ်ထူးဆောင်နိုင်ငံသားလက်မှတ်နှင့် ကနေဒါအလံတို့ကို ပေးအပ်ခဲ့သည်။

    “မာလာလာရေ – ခင်ဗျားရဲ့ဇာတ်လမ်းက ကျွန်တော်တို့အားလုံးကို လေးစားအားကျမှု ဖြစ်စေပါတယ်။ ခင်ဗျားကို ကနေဒါနိုင်ငံသားတစ်ယောက်လို့ သတ်မှတ်ရတဲ့အတွက် ကျွန်တော်တို့အားလုံးလည်း ဂုဏ်ယူပါတယ်” ဟု ၀န်ကြီးချုပ်က ပြောကြားခဲ့သည်။

    မာလာလာမှာ ကနေဒါဝန်ကြီးချုပ်နှင့် သီးသန့်တွေ့ဆုံရန် ရှိနေပြီး ကနေဒါ လွှတ်တော်တွင်လည်း မိန့်ခွန်း ပြောကြားမည်ဖြစ်သည်။

    Ref: Aljazeera

  • နိုဘယ်ဆုရှင် မာလာလာကို ငြိမ်းချမ်းရေးသံတမန်အဖြစ် ကုလ ခန့်အပ်

    ဧပြီ ၁၁၊ ၂၀၁၇
    M-Media

    ကုလအတွင်းရေးမှူးချုပ်နှင့်အတူ တွေ့ရသည့် မာလာလာ ယူဆွဖ်ဇိုင်

    – ပါကစ္စတန်မှ ကမ္ဘာ့အသက်အငယ်ဆုံး ငြိမ်းချမ်းရေး နိုဘယ်ဆုရှင် မာလာလာ ယူဆွဖ်ဇိုင်ကို ကုလသမဂ္ဂ အတွင်းရေးမှူးချုပ် အန်တိုနီယို ဂူတာရက်ဇ်က ယမန်နေ့တွင် ‘ကုလ ငြိမ်းချမ်းရေး သံတမန်’ အဖြစ် ခန့်အပ်လိုက်သည်ဟု သိရသည်။

    “ခက်ခဲကြပ်တည်းဆုံး နေရာတွေကို ခင်ဗျား သွားဖူးပြီး၊ ဒုက္ခသည်စခန်း တော်တော်များများကိုလည်း လည်ပတ်ဖူးပါတယ်။ ခင်ဗျားရဲ့ ဖောင်ဒေးရှင်းကလည်း လက်ဘနွန်၊ ဘီကာ ချို့င့်ဝှမ်းဒေသတွေမှာ စာသင်ကျောင်းတွေ ဖွင့်ထားပါတယ်။ (ခင်ဗျားဟာ) ကမ္ဘာပေါ်မှာ အရေးပါဆုံးဖြစ်တဲ့ အားလုံအတွက် ပညာရေး အမှတ်သညာလည်းဖြစ်ပါတယ်” ဟု နယူးယောက်မြို့ရှိ ကုလဌာနချုပ်တွင် ပြုလုပ်ခဲ့သည့် Trusteeship Council အခမ်းအနားတွင် အတွင်းရေးမှူးချုပ်က ပြောကြားခဲ့သည်။

    ဂုဏ်ပြုခန့်အပ်မှုကို လက်ခံခဲ့သည့် မာလာလာက လူ့အဖွဲ့အစည်းများ၊ လူ့အသိုင်းအ၀ိုင်းများ တိုးတက်ရေးအတွက် ပညာရေး၏ အရေးကြီးပုံ၊ အထူးဖြင့် အမျိုးသမီးငယ်များအတွက် ပညာရေးအကြောင်းကို အလေးထား ပြောကြားခဲ့သည်။

    “(ပြောင်းလဲမှု ဆောင်ရွက်ဖို့ကို) ကျွန်မတို့နဲ့ စတင်ရမှာဖြစ်ပြီး၊ အခုပဲ စတင်သင့်ပါတယ်။ အနာဂတ်ကို တောက်ပစေချင်ရင်တော့ အခုပဲ စတင်ဆောင်ရွက်မှာပါ။ အခြားသူတွေကို စောင့်စရာ မလိုပါဘူး” ဟု မာလာလာက ဆိုသည်။

    “ကုလ၏ ငြိမ်းချမ်းရေးသံတမန်” အဖြစ် အရွေးခံရသူများမှာ ထူခြားသူများဖြစ်ပြီး အနုပညာ၊ စာပေ၊ သိပ္ပံ၊ ဖျော်ဖြေရေး၊ အားကစားနှင့် လူမှုဘ၀၏ အခြားသော နယ်ပယ်များမှ ဂရုတစ်စိုက် ရွေးချယ်ခြင်းဖြစ်သည်။ ရွေးချယ်ခံရသူများမှာ ကုလ၏ ကမ္ဘာလုံးဆိုင်ရာ လုပ်ငန်းများတွင် ပါဝင်ကူညီလုပ်ကိုင်ရန် သဘောတူရသည်။

    Ref: UN

  • နိုဘယ်ဆုရှင် မာလာလာ ကနေဒါသို့သွားရောက်ကာ လွှတ်တော်၌ မိန့်ခွန်းပြောမည်

    နိုဘယ်ဆုရှင် မာလာလာ ကနေဒါသို့သွားရောက်ကာ လွှတ်တော်၌ မိန့်ခွန်းပြောမည်

    ဧပြီ ၄၊ ၂၀၁၇
    M-Media

    – ကမ္ဘာ့အသက်အငယ်ဆုံး ငြိမ်းချမ်းရေးနိုဘယ်ဆုရှင် မာလာလာ ယူစွဖ်ဇိုင်မှာ ၂၀၁၇ ခုနှစ် ဧပြီလ ၁၂ ရက်နေ့တွင် ကနေဒါနိုင်ငံသို့ လာရောက်ကာ ဂုဏ်ထူးဆောင်နိုင်ငံသားဆုကို လက်ခံရယူမည်ဖြစ်ပြီး လွှတ်တော်တွင်လည်း မိန့်ခွန်းပြောမည်ဟု ကနေဒါဝန်ကြီးချုပ် ဂျက်စတင် ထရူဒူက ယမန်နေ့တွင် ကြေငြာခဲ့သည်။

    ကနေဒါမှာ မာလာလာအား ဂုဏ်ထူးဆောင်နိုင်ငံသားဆုကို ၂၀၁၄ ခုနှစ်က ပေးအပ်ခဲ့ခြင်းဖြစ်သည်။

    “သူမရဲ့အသက်ကို ခြိမ်းခြောက်သူတွေအပေါ် ယူစွဖ်ဇိုင်ရဲ့ သတ္တိရှိရှိ တုန့်ပြန်မှု၊ အမျိုးသမီးတွေရဲ့ ပညာရေးအတွက် သူမရဲ့ အသိပညာပေးမှုတွေကို ကမ္ဘာတစ်ဝှမ်းက လူသန်းပေါင်းများစွာ လေးစားအားကျကြပါတယ်။ သူမရဲ့ ဇာတ်လမ်းက ဆုံးဖြတ်ချက်ပြတ်သားမှုနဲ့ ဂုဏ်သိက္ခာရှိမှုတို့ရဲ့ အကြောင်းအရင်းတစ်ခုဖြစ်ပြီး
    ဒီလိုကြီးကျယ်တဲ့ နိုင်ငံတစ်ခုရဲ့ ဂုဏ်ထူးဆောင် နိုင်ငံသားအဖြစ် ချီးမြှင့်ရတဲ့အတွက် ကနေဒါနိုင်ငံက ဂုဏ်ယူပါတယ်။ အဲဒီအခမ်းအနားကို တက်ဖို့၊ ကနေဒါလွှတ်တော်မှာ မိန့်ခွန်းပြောတဲ့ အသက်အငယ်ဆုံးသူဖြစ်လာမယ့် သမိုင်းဝင်အချိန်လေးကို တွေ့မြင်ရဖို့ ကျွန်တော် စိတ်လှုပ်ရှားနေပါပြီ” ဟု ၀န်ကြီးချုပ် ထရူဒူက ပြောကြားခဲ့သည်။

    ၀န်ကြီးချုပ်မှာ မာလာလာနှင့် တွေ့ဆုံကာ ပညာရေးမှတစ်ဆင့် အမျိုးသမီးများကို စွမ်းဆောင်ရည်မြှင့်တင်ပေးခြင်း၊ လူ့အဖွဲ့အစည်းများနှင့် နိုင်ငံများ၏ ရေရှည်တည်တံ့သော ဖွံ့ဖြိုးတိုးတက်မှုတွင် အမျိုးသမီးက မည်ကဲ့သို့ တက်ကြွစွာ ပါဝင်ဆောင်ရွက်နိုင်သည်ဆိုသည့် အကြောင်းများကိုလည်း ဆွေးနွေးသွားမည်ဖြစ်သည်။

    အာဖဂန်တွင် အမျိုးသမီးများ ပညာသင်ကြားခွင့်မရမှုအတွက် ပွင့်ပွင့်လင်းလင်း ဝေဖန်ခဲ့သည့် မာလာလာကို တာလီဘန်အဖွဲ့က လုပ်ကြံသတ်ဖြတ်ခဲ့သော်လည်း မာလာလာမှာ အသက်ဘေးမှ လွတ်မြောက်ခဲ့သည်။

    ထို့နောက်ပိုင်းတွင် ၂၀၁၄ ခုနှစ် ငြိမ်းချမ်းရေးနိုင်ဘယ်ဆုအပါအ၀င် ကမ္ဘာတစ်ဝှမ်းမှ ဂုဏ်ပြုဆုတံဆိပ်များစွာ ရရှိခဲ့သည်။ လက်ရှိတွင် မာလာလာမှာ အမျိုးသမီးငယ်များ ပညာသင်ကြားခွင့် ရရှိရေးအတွက် စွမ်းစွမ်းတမံ ဆောင်ရွက်နေသည်။

    Ref: Website of Canada Prime Minister