ဒီဇင်ဘာ ၃၁၊ ၂၀၁၄
M-Media
– နိုင်ငံအတွင်းရှိ လစ်လျူရှု ခံထားရသော မသန်စွမ်းကလေးငယ်များ၏ ပညာရေးပြဿနာကို ဖြေရှင်းနိုင်ရန် အတွက် မာလာဝီ မွတ်စလင်များက ဦးဆောင်ကာ ကူညီဆောင်ရွက်ပေးနေသည်ဟု သိရသည်။
`မာလာဝီနိုင်ငံရဲ့ ကျေးလက်ဒေသ အများစုမှာ၊ အချို့မိသားစုတွေဟာ မသန်စွမ်း ကလေးငယ်တွေအတွက် ပညာရေးရဲ့တန်ဖိုးကို မသိကြပါဘူး။ အဲဒီကလေးတွေဟာ အိမ်တွင်းမှာပဲ ပိတ်လှောင်ခံထားရပြီး လူ့အသိုင်းအ၀ိုင်းနဲ့ ကင်းကွာနေကြပါတယ်။ ဒီအခြေအနေဟာ ၀မ်းနည်းစရာကောင်းတဲ့ အခြေအနေပါ။ ဘာ့ကြောင့်လည်းဆိုတော့ ဒီကလေးတွေဟာ ပညာသင်ကြားခွင့်ရဖို့ အခွင့်အရေးတွေ ဆုံးရှုံးစေလို့ပါပဲ´ ဟု အစ္စလာမ့်သတင်းအချက်အလက်ဗျူရို IIB မှ စီမံခန့်ခွဲရေးမှူး ရှိလ် ဒီနာလာ ချာဘူလီကာက ပြောကြားခဲ့သည်။
အာဖရိကတောင်ဘက်ရှိ မာလာဝီနိုင်ငံမှာ ဒေသတွင်း၌ စာမတတ်သူ အရေအတွက် အမြင့်ဆုံးနိုင်ငံလည်း ဖြစ်သည်။ ထို့ပြင် မသန်စွမ်း ကလေးငယ်များမှာ မိသားစုအတွက် ကျိန်စာဖြစ်သည်ဟုသော အယူအဆများလည်းရှိနေပြီး၊ မသန်စွမ်းကလေးများအား ၀ိုင်းကျဉ်ထားသည့် ဓလေ့ထုံးတမ်းလည်း ရှိနေသည်။
ချာဘူလီကာကမူ IIB ၏ လုပ်ဆောင်မှုများအတွင်း မွတ်စလင်ကျောင်းဆရာများ အသင်း MUTA ၏ ပါဝင်မှုမှ တစ်ဆင့် ခရစ်ယာန်နှင့် မွတ်စလင်အသိုင်းအ၀ိုင်းများရှိ မသန်စွမ်းကလေးများ၏ ပညာရေးလိုအပ်ချက်ကို ဖြည့်ဆည်းပေးသွားမည်ဟု ဆိုသည်။
`ကလေးငယ်တွေကို ပညာသင်ကြားရေးကနေ ဖယ်ထုတ်ဖို့ `မသန်စွမ်းခြင်း´ ဆိုတဲ့ အကြောင်းပြချက် ပေးလို့မရဘူးလို့ မွတ်စလင်နဲ့ ခရစ်ယာန်အသိုင်းအ၀ိုင်းတွေကို ကျွန်တော်တို့ ပြောနေပါတယ်။ ပညာရေးဆိုတာ လူ့အခွင့်အရေးတစ်ခုပါ။ ဒါ့ကြောင့် မသန်စွမ်းမှုဆိုတဲ့အပေါ်မှာ ခွဲခြားတာမျိုးမရှိဘဲနဲ့ လူတိုင်းဟာ အဲဒီအခွင့်အရေးကို အပြည့်အ၀ ရသင့်ပါတယ်´ ဟု ချာဘူလီကာက ထပ်လောင်းပြောကြားခဲ့သည်။
မွတ်စလင်အများစုရှိရာ နိုင်ငံတောင်ဘက်မှ အကြီးအကဲတစ်ဦးဖြစ်သူ ကာဒီဝဲကလည်း မသန်စွမ်းကလေးငယ်များ၏ ပညာရေးနှင့် ပတ်သက်၍ မွတ်စလင်နှင့် ခရစ်ယာန် အသိုင်းအ၀ိုင်း နှစ်ခုစလုံးမှာ လုံလောက်အောင် ဆောင်ရွက်ခြင်းမရှိဟု ၀န်ခံခဲ့သည်
ကာဒီဝဲမှာ ၎င်းနေထိုင်ရာဒေသတွင်း မသန်စွမ်းသူများ၏ ပညာရေး တိုးတက်စေရန်အတွက် ကြိုးပမ်းဆောင်ရွက်နေသူဖြစ်ပြီး၊ မာလာဝီလူ့အဖွဲ့အစည်း အတွင်းရှိ ကျိုးကြောင်းခိုင်လုံမှု မရှိသည့် အယူအဆများကိုလည်း တိုက်ဖျက်နေသူဖြစ်သည်။
`မသန်းစွမ်းဖြစ်ခြင်းဟာ ကျိန်စာ မဟုတ်ဘူးဆိုတဲ့ သတင်းစကားကို လူ့အဖွဲ့အစည်းအတွင်းမှာ ကျွန်တော်တို့ ပေးအပ်နေပါတယ်။ ဒီလိုသတင်းစကားတွေက လူတွေရဲ့ အတွေးအခေါ်ကို ပြောင်းလဲရာမှာ အကူအညီဖြစ်စေပါတယ်´ ဟု ကာဒီဝဲက ပြောကြားခဲ့သည်။
ချီးကျူးခံရ
———-
မာလာဝီမွတ်စလင်များ၏ ထိုကဲ့သို့ ဆောင်ရွက်မှုကို အစိုးရအဖွဲ့နှင့် ပညာရေး တက်ကြွ လှုပ်ရှားသူများကလည်း ချီးကျူးပြောဆိုခဲ့သည်။
`နိုင်ငံအတွင်းမှာ ဒုတိယ အကြီးဆုံးဖြစ်တဲ့ အစ္စလာမ်သာသနာဟာ ယုံကြည်သက်ဝင်သူတွေ များတာကြောင့် ဒီလိုဆောင်ရွက်မှုကနေ တစ်ဆင့် နိုင်ငံအတွင်းက မသန်စွမ်း ကလေးငယ်တွေဟာ မသန်စွမ်းမှုဆိုတဲ့အပေါ် ခွဲခြားမခံရဘဲနဲ့ ပညာရေး အခွင့်အလမ်းတွေရဲ့ အကျိုးကို ခံစားရတော့မှာပါ´ ဟု မာလာဝီ ပညာရေးဝန်ကြီး ဒေါက်တာ အီမန်နျူယဲလ် ဖာဘီယာနိုက ပြောကြားခဲ့သည်။
ထို့ပြင် မွတ်စလင်များ၏ ထိုလုပ်ငန်းများ အောင်မြင်ရေးအတွက် အစိုးရက ကူညီပံ့ပိုးပေးသွားမည်ဖြစ်ကြောင်း ကတိပြုခဲ့ပြီး ပညာရေးကသာ မသန်စွမ်းသူများ အတွက် ကောင်းမွန်သောအနာဂတ်ကို အာမခံနိုင်မည်ဖြစ်ကြောင်း ထည့်သွင်းပြောကြားခဲ့သည်။
လူသိများသည့် ပညာရေးတက်ကြွလှုပ်ရှားသူ ဘန်နီဒစ်တို ကွန်ဒိုဝီကလည်း မိဘများအနေဖြင့် မသန်စွမ်းသူ ကလေးငယ်များအတွက် ပညာရေး၏ အရေးပါပုံကို ကောင်းမွန်စွာ မသိရှိခြင်းကြောင့် မိမိတို့၏ မသန်စွမ်း သားသမီးများကို ကျောင်းသို့ ပို့ရန် ဆန္ဒမရှိကြကြောင်း တွေ့ရှိခဲ့ရသည်ဟု ဆိုသည်။
`ဒီဆောင်ရွက်မှုတွေဟာ သိပ်ကို အားကျစရာပါပဲ။ ဒါမျိုးကို လွန်ခဲ့တဲ့ နှစ်တွေကတည်းက စနိုင်ခဲ့ရင် အခုလက်ရှိကြုံနေရတဲ့ အခြေအနေမျိုးနဲ့ တော်တော့်ကို ခြားနားသွားမှာပါ။
ပညာရေးဟာ ဆင်းရဲမွဲတေမှု အတားအဆီးတွေကို ချေဖျက်ဖို့ အကူအညီ ပေးပါတယ်။ ဒါ့ကြောင့် တကယ်လို့ ဒီကလေးတွေဟာ အခုအချိန်မှာ ပညာသင်ခွင့် မရဘူးဆိုရင်တော့ ကျွန်တော်တို့ဟာ ဆင်းရဲမွဲတေတဲ့ မျိုးဆက်ကို ဖန်းတီးနေတာပဲ ဖြစ်ပါလိမ့်မယ်´ ဟု ကွန်ဒိုဝီက ပြောကြားခဲ့သည်။
မာလာဝီပြည်သူများ၏ စာမတတ်မှုနှုန်းမှာ ၆၅ ရာခိုင်နှုန်းရှိပြီး အာဖရိကနိုင်ငံများ တွင် အမြင့်ဆုံးဖြစ်နေသည်။
နိုင်ငံ လူဦးရေ၏ ၃၆ ရာခိုင်နှုန်းရှိသော မွတ်စလင်လူအဖွဲ့အစည်းမှာမူ လွန်ခဲ့သည့် နှစ်အနည်းငယ် အတွင်းမှ စတင်ကာ နိုင်ငံ၏ ပညာရေးကဏ္ဍ တိုးတက်ရန်အတွက် ဇောက်ချ လုပ်ကိုင်လာကြသည်။
OnIslam
