Tag: mandalay

Muslim Medical Family (မန္တလေး) မိတ်ဆုံစားပွဲ ပြုလုပ်

ဖေဖော်ဝါရီ ၁၆၊ ၂၀၁၄
M-Media
ချို

Muslim Medical Family (မန္တလေး) ရဲ့ မောင်မယ်သစ်လွင် ကြိုဆိုပွဲနှင့် မွတ်စလင် သက်ကြီး ဆရာဝန်ကြီးများအား ဂုဏ်ပြုပွဲနှင့် မိတ်ဆုံစားပွဲပြုလုပ်

Muslim Medical Family (မန္တလေး) ရဲ့ မောင်မယ်သစ်လွင် ကြိုဆိုပွဲနှင့် မွတ်စလင် သက်ကြီး ဆရာဝန်ကြီးများအား ဂုဏ်ပြုပွဲနှင့် မိတ်ဆုံစားပွဲကို ဖေဖော်ဝါရီလ ၁၅ ရက်နေ့ မနက် ၉ နာရီမှာ မန္တလေးမြို့ ပန်းသေးဗလီဝင်းများ ကျင်းပပြုလုပ်ခဲ့ပါတယ်။

အဆိုပါအခမ်းအနားမှာ ၂၀၁၄ ခုနှစ်အတွက် မန္တလေး ဆေးတက္ကသိုလ်၊ သွားဘက်ဆိုင်ရာ ဆေးတက္ကသိုလ်၊ ဆေးဝါးကျွမ်းကျင်မှု တက္ကသိုလ်၊ ဆေးဘက်ဆိုင်ရာ နည်းပညာတက္ကသိုလ် ၊ သူနာပြုတက္ကသိုလ် နှင် တိုင်းရင်းဆေးတက္ကသိုလ်များမှာ ပထမနှစ်တက်ရောက်ခွင့်ရရှိတဲ့ ပထမနှစ် မွတ်စလင် ကျောင်းသား/သူများကို မောင်မယ် သစ်လွင် ကြိုဆိုသည့်အစီအစဉ်အစဉ်နှင့် မန္တလေးမြို့မှ မွတ်စလင် သက်ကြီး ဆရာဝန်ကြီးများကို ဂုဏ်ပြုခြင်း နှင့် မိတ်ဆုံစားပွဲ အစီအစဉ်များပြုလုပ်ခဲ့ကြတယ်လို့ သိရပါတယ်။

Photo via- Ah Tuu FB

February 16, 2014
ခြိမ်းခြောက် ဖိအားပေးမှုကြောင့်ကိုမြအေး မပါဘဲ စာပေဟောပြောပွဲပြုလုပ်ခဲ့

ဖေဖော်ဝါရီ ၁၅၊ ၂၀၁၄
M-Media
ချမ်းငြိမ်းအေး

အမျိုးသားခေါင်းဆောင်ကြီး ဗိုလ်ချူပ်အောင်ဆန်း(၉၉) နှစ်မြောက် မွေးနေ့ အထိမ်းအမှတ်အဖြစ် မန္တလေးတွင် ကျင်းပပြုလုပ်ခဲ့သည့် စာပေဟောပြောပွဲတွင် ဟောပြောမည့် ၈၈ မျိုးဆက်ကျောင်းသား ခေါင်းဆောင် ကိုမြအေးအား လူမျိုး/ဘာသာ မတူညီမှု အပေါ်အခြေခံပြီး ဟောပြောခွင့် မပြုရန် သံဃာအချို့ ခြိမ်းခြောက် ဖိအားပေး လုပ်ဆောင်မှုကြောင့် ကိုမြအေးမပါဘဲ ကျန် စာရေးဆရာများဖြင့် ဟောပြောပွဲကို ပြုလုပ်ခဲ့ကြသည်ဟု သတင်းရရှိပါသည်။

ပွဲမစခင်မှာ စင်မြင့်ပွဲမှ ကိုမြအေး ဓါတ်ပုံဖြုတ်ပေးရန် ဖိအားပေးသဖြင့် ဖြုတ်ပေးလိုက်ရကြောင်းသိရသည်။

ဖေဖော်ဝါရီလ ၁၅-၁၆ ရက်နေ့၊ မန္တလေးမြို့၊ မဟာအောင်မြေမြို့နယ် ဖျာတန်း ဓမ္မာရုံရှေ့၌ပြုလုပ်မည့် စာပေဟောပြောပွဲတွင် ကိုမြအေး ပါဝင်နေမှုအား ကန့်ကွက်ခြင်းကို ပစ်စာသဖွယ်ပေးပို့ခဲ့ခြင်း ဖြစ်သည်။

ယင်းကန့်ကွက်စာတွင် “ကိုမြအေးသည် ရန်ကုန်ဟောပြောပွဲ၌ ရန်ကုန်သံဃာထု၏ ကန့်ကွက်မှုကို ခံထားရခြင်း၊ သူ၏သမီးဖြစ်သူသည် တိုင်းတစ်ပါးမှနေ၍ မြန်မာပြည်၊ အစိုးရအဖွဲ့နှင့်တစ်ကွ သံဃာထုကို အမျိုးမျိုး ပုတ်ခတ်ဝေဖန်ခြင်းပြုခဲ့သောကြောင့် ပြဿနာ တစ်စုံတစ်ရာဖြစ်မည်ကို မန္တလေးသံဃာထုနှင့် ဗုဒ္ဓဘာသာဝင်များမှ စိုးရိမ်သဖြင့် အဆိုပါဟောပြောပွဲ၌ ကိုမြအေး ပါဝင်ခြင်းကို ကန့်ကွက်လိုက်သည် ”ဟုပါရှိသည်။

အဆိုပါ ဟောပြောပွဲတွင် ဆရာ ညီမင်းညို၊ ဦးမြအေး၊ ဆရာ မောင်သွေးသစ်၊ ဦးကျော်သူ၊ ဆရာဇော်ခိုင်ဦး၊ ဆရာ ဦးဘုန်း(ဓာတု) တို့မှ ဟောပြောရန် စီစဉ်ထားခြင်းဖြစ်သည်။

ဦးကိုနီနှင့် ကိုမြအေးပါဝင်မှုကြောင့် အလားတူ ဖိအားပေး ကန့်ကွက်မှုမျိုးအား မကြာသေးခင်ရက်ပိုင်းမှာပင် ရန်ကုန်မြို့၊မြောက်ဥက္ကလာပ စာပေဟောပြောပွဲတွင် ဖြစ်ပေါ်ခဲ့သဖြင့် စာပေဟောပြောပွဲ ပွဲစဉ်တစ်ခုလုံးကို စီစဉ်သူများက ဖျက်သိမ်းလိုက်ရသည်။ ဤသည်မှာ ယခု ရက်သတ္တပတ်အတွင်း ဒုတိယအကြိမ်မြောက် ဆက်တိုက်ဖြစ်ပွားခြင်းဖြစ်သည်။

အဆိုပါကိံစ္စနှင့် ပတ်သက်ပြီး ပြဿနာ မဖြစ်ပွားခင် ပွဲစီစဉ်သူ တာဝန်ရှိသူ ဦးဇော်ဝင်းကို မေးမြန်းခဲ့ရာ

“စာပေဟောပြောပွဲဆိုတာ တရားဝင်ခွင့်ပြုချက်နဲ့ ပြောခြင်းဖြစ်ပါတယ်။ ဒါကို ဘာကြောင့် ပိတ်ပင်ရတာလဲ။ အခုလည်း ဂဠုန်နီဆရာတော် ဦးကာဝိယကို ဦးဆောင်စောင့်ရှောက်ပေးဖို့ အကူအညီတောင်းပါတယ်။ မြန်မာနိုင်ငံလုံး ဆိုင်ရာ သံဃာသမဂ္ဂအဖွဲ့ချုပ်ကို အကူအညီတောင်းတော့ နာယက ဆရာတော် ဦးကာဝိယက ယခုပွဲပျက်မယ်ဆိုရင် – အစိုးရအမိန့်နဲ့ ခွင့်ပြုပါလျက် သံဃာတော်တွေက ဖျက်တယ်လို့ ဖြစ်လာပါလိမ့်မယ်။ အဲ့လိုတော့ အဖြစ်မခံနိုင်ဘူး ဆိုပြီး ဆရာတော်တွေကိုယ်တိုင် ညနေပိုင်းမှာ လာရောက်စောင့်ရှောက်ပေးပါမယ်။ ပွဲကို ကျွန်တော်တို့ ဆက်လုပ်ပါမယ်။ ဂဠုန်နီဆရာတော်၊ ၀ါခင်းကုန်းဆရာတော်၊ မြ၀တီဆရာတော်၊ ဘ၀အလင်း ဆရာတော်နဲ့ အနီးအနားကျောင်းတိုက်တွေက ဆရာတော် သံဃာတော်များက ၀ိုင်းဝန်းပြီး စောင့်ရှောက်ပေးမှာဖြစ်ပါတယ် ” လို့ပြောကြားခဲ့ပေမယ့် ကန့်ကွက်သူ သံဃာအချို့ရဲ့ ဖိအားပေးလုပ်ဆောင်မှုကြောင့် ကိုမြအေး ဟောပြောမှု မပြုလုပ်ဘဲ နောက်ဆုတ်ပေးလိုက်ရကြောင်း သိရှိရပါသည်။

February 15, 2014
ပြည်ထောင်စုနေ့ အထိမ်းအမှတ် တိုင်းရင်းသား လူမျိုးစုများ ဈေးရောင်းပွဲတော် ကျင်းပ

ဖေဖော်ဝါရီ ၁၀၊ ၂၀၁၄
M-Media
ချို

မန္တလေး ။ ။ (၆၇)နှစ်မြောက် ပြည်ထောင်စုနေ့ အထိမ်းအမှတ် အဖြစ် (တတိယအကြိမ်) တိုင်းရင်းသား လူမျိုးစုများ ဈေးရောင်းပွဲတော် တစ်ရပ်အား မန္တလေးမြို့၊ ၃၅လမ်းပေါ်ရှိ ရှမ်းတိုင်းရင်းသား သာမှုနာမှု ခန်းမကွင်းပြင်၌ ဖေဖော်ဝါရီ ၉-ရက်နေ့မှ ၁၁-ရက်နေ့အထိ (၃)ရက်တိုင် ညနေ ၆း၀၀-နာရီမှ ည ၁၁း၀၀ နာရီထိ ကျင်းပလျက်ရှိသည်။

ကချင်၊ ကယန်း၊ ကရင်၊ ကိုးကန့်၊ ချင်း၊ တအောင်း၊ ပအိုဝ်း၊ ဗမာ၊ မွန်၊ ရခိုင်၊ ရှမ်း၊ အင်းသား၊ ရှမ်းနီ၊ နာဂ၊ ၀ လူမျိုးတို့၏ ဒေသ ထွက်ကုန်များ၊ ရိုးရာ အသုံးအဆောင်များ ရောင်းချခဲ့ကြပြီး၊ တိုင်းရင်းသား ရိုးရာအကအလှများဖြင့် မြိုင်မြိုင်ဆိုင်ဆိုင် စည်ကားသိုက်မြိုက်စွာ ကျင်းပသွားမည် ဟုသိရပါသည်။

အဆိုပါပွဲအား တိုင်းရင်းသား လူမျိုးများအနေဖြင့် မိမိတို့ ချစ်ခင်မြတ်နိုးသည့် ရိုးရာယဉ်ကျေးမှု အမွေအနှစ်များ ဖော်ထုတ်ပြသပြီး မပျောက်မပျက် စေရန် အမြဲထိန်းသိမ်း စောင့်ရှောက်နိုင်ရန်၊ တိုင်းရင်းသားလူမျိုး အချင်းချင်း ပိုမိုနားလည်မှုရှိခြင်း၊ အပြန်အလှန်လေးစားခြင်း၊ ကူညီရိုင်းပင်းခြင်း အခြေခံသည့် ပြည်ထောင်စု စိတ်ဓာတ် အမြဲကိန်းအောင်းနေရန်၊ တိုင်းရင်းသားလူမျိုးများ ဥမကွဲ သိုက်မပျက် ငြိမ်းချမ်းစွာ အတူ ယှဉ်တွဲနေထိုင်နိုင်သည့် ပြည်ထောင်စုကြီး အမြဲ ရှင်သန်နေရန် ရည်ရွယ်၍ ကျင်းပခဲ့ခြင်းဖြစ်သည်။

February 10, 2014
အဖျက်သမားများကို လက်တွဲချေမှုန်းရန် မန္တလေး တိုင်းဝန်ကြီး တမန်တော်နေ့ အခမ်းအနားတွင်ပြော

ဇန်န၀ါရီ ၂၇၊ ၂၀၁၄
M-Media
ချို(မန္တလေး)

ရှေးမင်းများ လက်ထက်ကတည်းက ဘာသာစုံ တပြေးညီ နေရာပေးခဲ့ကြောင်း နှင့် အဖျက်သမားများကို လက်တွဲချေမှုန်းရန် မန်းတိုင်းဝန်ကြီး တမန်တော်နေ့ အခမ်းအနားတွင်ပြော

မန္တလေး ။ ။ တမန်တော် မုဟမ္မဒ် သခင်(ဆွ) အား ချစ်ခင်ကြည်ညိုလေးစားခြင်း အထိမ်းအမှတ် ဘာသာပေါင်းစုံ ချစ်ကြည်ရေးနှင့် ညီနောင်များတွေ့ဆုံပွဲ တစ်ရပ်အား မန္တလေးမြို့ Oriental House ခန်းမတွင် ဇန်န၀ါရီလ ၂၆-ရက်နေ့ နေ့လည် ၁း၀၀-နာရီမှ ညနေ ၄း၀၀-နာရီအထိ ကျင်းပပြုလုပ်ခဲ့သည်။

အဆိုပါပွဲသို့ မန္တလေးတိုင်း သစ်တောနှင့် သတ္တုတွင်းဝန်ကြီး ဦးသန်းစိုးမြင့်၊ ဗုဒ္ဓသာသနာတော်မှ မြ၀တီမင်းကြီး စာသင်တိုက် ပဓာန နာယက ဆရာတော် ဘဒ္ဒန္တအရိယာဘိဝံသ၊ အာရှအလင်းရောင် ပရိယတ္တိစာသင်တိုက် ပဓာန နာယက ဆရာတော် ဘဒ္ဒန္တစိန္တိတ၊ ခရစ်ယာန် သာသနာတော်မှ သိက္ခာတော်ရ ဆရာတော် ဂျော့ဦးခင်မောင်ထွေး၊ ဟိန္ဒူသာသနာတော်မှ ကရိသျှန သာသနာအသင်း ဆရာတော် ရာမစန္ဒြာဒါတ်စ် နှင့် K.A.F.T.G ဃရာနာ အစ္စလာမ်သာသနာ ပရမတ္တ မိသားစုအဖွဲ့ ဦးစီးရှေ့ဆောင်ဆရာတော် ခလီဖွှဟ် ဦးသိန်းဝင်းအောင် အပါအ၀င် ဧည့်ပရိသတ်ပေါင်း ၁၀၀၀-ကျော် တက်ရောက်ခဲ့သည်။

အခမ်းအနားကို ပထမဦးစွာ ကုရ်အာန်ကျမ်းမြတ်မှ မုက္ခပါတ်တော်များ ဖတ်ကြား၍ အခမ်းအနား ဖွင့်လှစ်ခဲ့ပြီး ပြည်ထောင်စု သမ္မတ မြန်မာနိုင်ငံတော် ဘာသာပေါင်းစုံ ချစ်ကြည်ညီညွတ်ရေးအဖွဲ့ ဥက္ကဌကြီးထံမှ သ၀ဏ်လွှာ၊ မြန်မာမွတ်စလင် အမျိုးသားရေးရာ အဖွဲ့ချုပ် (မ.အ.ဖ)ဌာနချုပ်မှ ပေးပို့သည့် သ၀ဏ်လွှာ၊ မြန်မာ မွတ်စလင် သာသနာ့ ပညာရှင်များ ညှိနှိုင်းဆောင်ရွက်ရေးအဖွဲ့ ဆွလာဟီယသွလ် အိုလမာအဖွဲ့မှ ပေးပို့သည့် သ၀ဏ်လွှာတို့အား ဖတ်ကြားခဲ့သည်။

သစ်တောနှင့် သတ္ထုတွင်းဝန်ကြီး ဦးသန်းစိုးမြင့်မှ “ယုံကြည်ကိုးကွယ်ရာ ဘာသာကြီးလေးခုကို အခြေခံဥပဒေမှာ အတိအလင်း ပြဋ္ဌာန်း ပြီးသားဖြစ် ပါတယ်။ ရှေးအစဉ်အလာ မင်းအဆက်ဆက်တည်းက ချစ်ကြည် ရင်းနှီးစွာ နေထိုင်ပြီး ဘာသာ အားလုံးကို တပြေးညီ နေရာပေးထားခဲ့ပါတယ်။ ချစ်ကြည်စွာ ညီမျှစွာ တန်းတူ စည်းလုံးစွာနေခိုင်မှ အားလုံးသာယာနိုင်ပါမယ်။ ဒါကြောင့် အားလုံးလက်တွဲပြီး အဖျက်အမှောက် သမားများကို ချေမှုန်းကြပြီး မည်သူမျှ မနစ်နာအောင် ကာကွယ်စောင့်ရှောက်ကြပါစို့။”ဟု ပြောကြားခဲ့သည်။

ဘာသာပေါင်းစုံချစ်ကြည်ညီညွတ်ရေး ဥက္ကဌမှ ပေးပို့သည့် သဝဏ်လွှာတွင် “လေ့လာမိရသလောက် တမန်တော် မုဟမ္မဒ် ၏ လုပ်ရပ် လမ်းစဉ်များကို မည်သူမချီးမွမ်းပဲ ဂုဏ်မပြုဘဲ နေနိုင်ပါမည်လော။”ဟု တမန်တော်မုဟမ္မဒ် (ဆွ) ၏ လမ်းစဉ်ကို ချီးကျူးဂုဏ်ပြုသွားခဲ့သည်။

ထို့နောက် တက်ရောက်လာသော ဘာသာအသီးသီး၏ ဆရာတော်များမှ ငြိမ်းချမ်းရေး တရားတော်များ မြွက်ကြားခဲ့ကြပြီး ခလီဖွှဟ် ဦးသိန်းဝင်းအောင် က ကျေးဇူးတင်စကားပြောကြားခဲ့သည်။ ထို့နောက် ကြွရောက်လာသော ဆရာတော်များအား လှူဘွယ်ဝတ္တုများ ဆက်ကပ် လှူဒါန်းခဲ့ကြပြီး ကမ္ဘာကြီး နှင့် ပြည်ထောင်စု သမ္မတ မြန်မာနိုင်ငံတော်ကြီး ငြိမ်းချမ်း သာယာဝပြောစေရန်အတွက် ဆုမွန်တောင်း၍ အခမ်းအနားအား ရုတ်သိမ်းခဲ့ ပါသည်။

January 27, 2014
မန္တလေးမြို့ နိဗ္ဗာန်ဆော်အဖွဲ့ ၆၂-နှစ်ပြည့် အကြို စာပေဟောပြောပွဲ

ဇန်န၀ါရီ ၂၄၊ ၂၀၁၄
M-Media
ပြည့်ပြည့်

မန္တလေး ။ ။ မန္တလေးတိုင်းဒေသကြီး မန္တလေးမြို့တွင် လူမျိုးဘာသာမရွေး လူမှုကူညီရေး လုပ်ငန်းများကို လုပ်ဆောင်လာခဲ့သည် နိဗ္ဗာန်ဆော် အသင်းကြီး၏ ၆၂-နှစ်ပြည့်ကို ကြိုဆိုသောအားဖြင့် စာပေဟောပြောပွဲ တစ်ရပ်ကို ဇန်န၀ါရီ ၃၀-ရက် ညနေ ၆း၀၀-နာရီတွင် မန္တလေးမြို့ ချမ်းအေးသာဇံ မြို့နယ်၊ ၂၇-လမ်း၊ ၈၂x၈၃လမ်းကြားတွင် ပြုလုပ်မည်ဖြစ်ကြောင်း သိရသည်။

အဆိုပါ မန္တလေးရဲ့ ငြိမ်းချမ်းရေး အနှစ် စာပေဟောပြောပွဲကို ဆရာ ညီပုလေးက လူတွေထဲက ၀တ္ထုများ၊ ဦးမင်းကိုနိုင်က ဘာသာမခြား ညီညွတ်ရေးမှ ငြိမ်းချမ်းရေးဆီသို့ ခေါင်းစဉ်များဖြင့် ဟောပြောမည် ဖြစ်ပြီး ဦးကျော်သူမှ အနိစ္စတရားသို့ အလည်အပတ်သွားခြင်း ဖျော်ဖြေ တင်ဆက်မှု ပြုလုပ်မည်ဖြစ်ပြီး ၎င်းဟောပြောပွဲမှ ရရှိသော အလှူငွေများကို ကျန်းမာရေး စောင့်ရှောက်မှုအတွက် လှူဒါန်းသွားမည်ဟု သိရသည်။

မန္တလေး နိဗ္ဗာန်ဆော်အဖွဲ့ကြီးသည် စတင်ဖွဲ့စည်း တင်ထောင်စဉ်မှစ၍ ယခုအချိန်ထိ လူမှုကူညီရေး လုပ်ငန်းများ လုပ်ကိုင်လျက်ရှိပြီး လေဘေး၊ ရေဘေး၊ မီးဘေး ကယ်ဆယ်ရေး လုပ်ငန်းများကို လုပ်ကိုင်လျက် ရှိသည်။ ၎င်းပြင် အကျဉ်းထောင်တွင်း သေဆုံးသွားသော အကျဉ်းသားများ၏ နာရေးများကိုလည်း ယခုအချိန်ထိ ကူညီဆောင်ရွက်နေကြောင်းသိရသည်။

“ဟုတ်ကဲ့ အခုက ၆၂-နှစ်ပြည့်မှာပါ။ ၆၃-နှစ်မဟုတ်ပါဘူး။ အဲဒါ print လုပ်တာ နည်းနည်းလွဲသွားလို့ပါ။ ဘယ်လိုပဲဖြစ်ဖြစ် ကျွန်တော်တို့ အသင်းကြီးအနေနဲ့ စတင်ဖွဲ့စည်းချိန်မှစပြီး အခုအချိန်ထိ လူမှုကူညီရေးလုပ်ငန်းများစွာကို ဆောင်ရွက်နိုင်ခဲ့တာကို ဂုဏ်ယူပါတယ်။ နောင်လည်း ဆက်ပြီးလုပ်ဆောင်နေဦးမှာပါ။ အခု စာပေဟောပြောပွဲ ကျင်းပရတဲ့ ရည်ရွယ်ချက်က ဘာသာလူမျိုးပေါင်းစုံ ငြိမ်းချမ်းစွာ အတူယှဉ်တွဲနေထိုင်နိုင်ရေးအတွက်ကို ရည်ရွယ်ပါတယ်။ ဒါကြောင့် ဟောပြောမယ့် ဆရာတွေကလည်း ငြိမ်းချမ်းရေးနဲ့ပတ်သက်တာတွေ ဟောပြောမယ်။ နာရေး ကိုကျော်သူကလည်း ဖျော်ဖြေ တင်ဆက်မှုလုပ်မယ်။ ရတဲ့အလှူငွေတွေကိုလည်း ကျန်းမာရေးလုပ်ငန်းတွေအတွက် လှူဒါန်းသွားမှာပါ”ဟု နိဗ္ဗာန်ဆော်အဖွဲ့ကြီး၏ အတွင်းရေးမှူးမှ ပြောသည်။

မန္တလေးမြို့ နိဗ္ဗာန်ဆော်အဖွဲ့ နှစ် (၆၀) ပြည့် တိုင်ခဲ့ပြီ >> http://www.m-mediagroup.com/news/1922

January 24, 2014