News @ M-Media

Tag: masjid

  • တရုတ်နိုင်ငံ ဗလီကျောင်းတော်များတွင် ကျန်းမာရေးဟောပြောပွဲပြုလုပ်

    စက်တင်ဘာ ၁၅
    M-Media
    China Mosques Promote Reproductive Health
    ဗလီကျောင်းတော်၏သမိုင်းပေးအစဉ်အလာအရ လူမှုရေးရာပြဋ္ဌာန်းမှုများအား ထိန်းသိမ်းရန် တရုတ်နိုင်ငံ ဗဟိုမြို့တော် ၀ူဇောင်(Wuzhong) တွင် မျိုးဆက်ပြန့်ပွားမှုဆိုင်ရာ ကျန်းမာရေးပညာပေးဟောပြောချက်အား ပြုလုပ်ခဲ့ရာ ဒေသအတွင်း မကြုံဖူးလောက်အောင် အောင်မြင်မှုရရှိခဲ့သည်။

    “ အစ္စလာမ်ဘာသာဝင်များသည် ယခုအခါတွင် ကျန်းမာရေးအသိပညာ နှင့် ၀န်ဆောင်မှုများကဲ့သို့ အခြားသောကဏ္ဍများအတွက်ပါ ဗလီကျောင်းတော်များအား မျှော်လင့် အားကိုးလာကြသည်  ” ဟု ကျင်းကိုင် (Qinqiao) ဗလီကျောင်းတော်၏ အီမာမ်ဖြစ်သူ နှင့် ၀ူဇောင် မိသားစုစီမံကိန်းဆိုင်ရာအဖွဲ့အစည်း(Wuzhong Family Planning Association) မှ လက်ထောက် ဒါရိုက်တာ ၀ူရွှယ်ရှင်း (Wu Xuexing)  က စက်တင်ဘာလ ၁၂ ရက်၊  ကြာသပတေးနေ့တွင် China Daily သို့ပြောကြားခဲ့သည်။

    လွန်ခဲ့သောဆယ်ငါးနှစ်ခန့် ၁၉၉၉ ခုနှစ်က တရုတ်နိုင်ငံ မိသားစုစီမံကိန်းဆိုင်ရာအဖွဲ့အစည်း (China Family Planning Association) အား  စတင်ထူထောင်ခဲ့ပြီး၊ မွတ်စ်လင်မ်များအား မျိုးဆက်ပြန့်ပွားမှုဆိုင်ရာ ကျန်းမာရေးအသိပညာများ ပေးအပ်ရန် နင်းရှားဟွေ (Ningxia Hui) ကိုယ်ပိုင်အုပ်ချုပ်ရေးဒေသအတွင်းရှိ ၀ူဇောင် မှ အီမာမ်များ နှင့် ဗလီကျောင်းတော်များကိုလည်း ပါဝင်ထည့်သွင်းဆောင်ရွက်ခဲ့သည်။

    “ မွတ်စ်လင်မ်တို့သည် အီမာမ်များအား လေးစားကြပြီး၊ သူတို့၏ပြောဆိုချက်များကို အရေးပေးလေ့ရှိကြသည်။ ထိုကဲ့သို့ ဘာသာရေးဆိုင်ရာခေါင်းဆောင်များထံမှ အကူအညီရရှိခြင်းကြောင့် ကျန်းမာရေးစီမံချက် နှင့် မျိုးဆက်ပြန့်ပွားမှုဆိုင်ရာပညာပေးဟောပြောခြင်းများ၌ အတိုင်းထက်အလွန် ထိရောက်ခဲ့ပါသည်” ဟု  အဖွဲ့အစည်း၏လက်ထောက်ဒါရိုက်တာ ကောင်ချင်းမင် (Gou Qingming) က China Daily သို့ပြောကြားခဲ့သည်။

    မွတ်စ်လင်မ်တစ်သန်းလောက်အား အကျိုးဖြစ်ထွန်းစေသည့် ၄င်းစီမံချက်က ဗလီကျောင်းတော် ၅၀၀ ကျော်တွင် မျိုးဆက်ပြန့်ပွားရေးဆိုင်ရာ ၀န်ဆောင်မှုအခန်းများ နှင့် လူဦးရေယဉ်ကျေးမှုသမိုင်းဆိုင်ရာစာကြည့်တိုက်များအပါအ၀င် လိုအပ်ချက်တို့ကို ထားရှိဖြည့်ဆည်းပေးထားသည်။

    ဗလီကျောင်းတော်များမှ ကျန်းမာရေးအသိပေးခြင်း၏ရလဒ်သည် အလွန် အားရဖွယ်ကောင်းလျက်ရှိသည်။
    မကြာသေးမှီကပြုလုပ်ခဲ့သော ဒေသတွင်းလေ့လာချက်အရ ၀ူဇောင်တွင် မျိုးဆက်ပြန့်ပွားမှုဆိုင်ရာ ကျန်းမာရေးအသိရရှိမှုသည် ၁၉၉၉ ခုနှစ်တွင်  ၄၆% ရာခိုင်နှုန်းရှိခဲ့ရာမှ ယခု ၂၀၁၁ ခုနှစ်၌် ၉၇% ရာခိုင်နှုန်းအထိ တိုးပွားခဲ့ကြောင်း သိရသည်။

    ကျန်းမာရေးပညာပေးသင်တန်းများသည်လည်း အမျိုးသမီးများတွင် ဖြစ်လေ့ရှိသော မျိုးဆက်ပြန့်ပွားခြင်းမှ ရောဂါပိုး ကူးစက်မှုကိုလည်း ၁၉၉၉ ခုနှစ်တွင် ၇၇% ရာခိုင်နှုန်းမှ ၂၀၁၁ ခုနှစ်တွင် ၄၃% ရာခိုင်နှုန်းအထိ လျှော့ချပေးနိုင်ခဲ့သည်။

    မြို့တော်ရှိ ဗလီကျောင်းတောင်များတွင် မွတ်စ်လင်မ်အမျိုးသမီးများအတွက် ရင်သားကင်ဆာ ရှိမရှိ အပါအ၀င် အခမဲ့ ကျန်းမာရေးစစ်ဆေးမှုများကို ဆောင်ရွက်ပေးနေသည်။
    “ မွတ်စ်လင်မ်များ အထူးသဖြင့် အမျိုးသမီးများသည် လက်ရှိစီမံချက်မှ ကောင်းကျိုး အမြောက်အများရရှိခဲ့ကြသည် ” ဟု ၀ူ က ဆိုသည်။

    “ ကြိုးစားမှုများကြောင့် ယခုဆိုလျှင် မလိုလားအပ်သော ပဋိသန္ဓေဆိုင်ရာပြဿနာများ၊ ကျန်းမာသော ရင်သွေးးငယ်အား မွေးဖွားပျိုးထောင်နည်းတွေကို ကျွန်မတို့ သိနားလည်လာခဲ့ကြပါသည် ” ဟု ဗလီကျောင်းတော်တွင် ခန္ဓာဗေဒကျန်းမာရေးစစ်ဆေးမှုကို လာရောက်ပြုလုပ်သည့် မာကောင်ဝ်မေ (Ma Qiomei) က ပြောပြသည်။

    အစ္စလာမ်ဘာသာသည် မိမိ၏နောက်လိုက်များအား လက်ထပ်ထိမ်းမြားရန်၊ မျိုးဆက်ပွားရန် နှင့် ကမ္ဘာမြေတွင် လူသားမျိုးဆက်ထိန်းသိမ်းစေရန် အားပေးထား၏။ သို့သော်လည်း အခြေအနေအချိန်အခါအရ လိုအပ်လာပါလျှင် သားဆက်ခြားခြင်းကိုလည်း ခွင့်ပြုထားပါသည်။ ထိုလုပ်ဆောင်ချက်များသည် အစ္စလာမ်၏ ပြဌာန်းချက်များ အတွင်း လုပ်ဆောင်ပါက ပိုင်နိုင်စွာလုပ်ဆောင်နိုင်လေသည်။ ဥပမာ vasectomy – လင်ယောက်ျား၏သားကြောဖြတ်ပစ်ခြင်း ကဲ့သို့ ပြန်လည်အစားထိုးမရသည့်နည်းလမ်းမျိုး မဟုတ်ပါက မိသားစုစီမံကိန်းဆောင်ရွက်ခွင့်ရှိကြောင်း သိရသည်။

    အမျိုးသမီး အီမာမ်များ

    အစ္စလာမ့်လူ့ဘောင်ရှိ အမျိုးသမီးများအခန်းကဏ္ဍအား ဦးစားပေးသောအားဖြင့်  ၀ူဇောင် ပလီကျောင်းတော်များ၌ ပြုလုပ်သည့် မျိုးဆက်ပြန့်ပွားခြင်းဆိုင်ရာ ကျန်းမာရေးပညာပေးမှုများတွင် အမျိုးသမီး အီမာမ်များလည်း ပါဝင်ဆောင်ရွက်ရန် ထည့်သွင်းထားသည်။

    “ သူတို့သည် သူတို့၏ အတွင်းရေးပြသနာများကို ကျွန်မတို့အား ပြောရန်လိုလားကြပါသည် ” ဟု အမျိုးသမီး အီမာမ်တစ်ဦးဖြစ်သူ ၀မ်ရှို့ယန် (Wang Xiuyan) က China Daily သို့ ပြောကြားခဲ့သည်။
    “ ဗလီကျောင်းတော်အတွင်း အမျိုးသမီးများသည် ယခုကဲ့သို့ ကွန်ဒုံးများ နှင့် ပဋိသန္ဓေတား ဆေးဝါးများကိုလက်ခံရန် တစ်ချိန်တုန်းကဆိုလျှင် စိတ်ပင်မကူးရဲကြပါ ”ဟု ဗလီကျောင်းတော်သို့လာရောက်သူ အမျိုးသမီး ၆၀ နီးပါးအား နေ့စဉ်တာဝန်ယူရသူ ၀မ်က ထည့်သွင်းပြောကြားခဲ့သည်။

    အောင်မြင်မှုကြီးမားလှသည့်အတွက် ဤသို့စီမံကိန်းအား ရှန်းစီးး (Shaanxi), ကျန်စု(Gansu) နှင့် ကျင်းဟိုင် (Qinghai) ၊ အလားတူ ကိုယ်ပိုင်အုပ်ချုပ်ခွင့်ရဒေသဖြစ်သော ရှင်းကျန်း ဥဂါးရ် (Xinjiang Uighur) ထံသို့လည်း ဖြန့်ကျက်လုပ်ဆောင်နိုင်ရန် စီစဉ်ထားကြောင်း ကောင်ဝ် က ဆိုသည်။

    သို့သာမက ဟုတုဘီ (Hutubi) ကောင်တီမှ အီမာမ်များသည်လည်း ဥဂါးရ်နယ်များရှိ မွတ်စ်လင်မ်တို့အား မျိုးဆက်ပြန့်ပွားခြင်းဆိုင်ရာ ကျန်းမာရေးအသိပညာပေးဟောပြောမှုများ စတင်ပြုလုပ်နေပြီဖြစ်သည်။
    “ ကျွန်တော်တို့၏ တွန်းအားပေးမှုသည် လူအများအဖို့ တစ်ကိုယ်ရည်သန့်ရှင်းမှုအပြင် ကျန်းမာသောဘ၀များကိုလည်း ရရှိစေလိမ့်မည် ဟုထင်ပါသည် ” ဟု ဟုတုဘီရှိ အီမာမ် ယန်ဂျီ (Yang Jie) က ဆိုသည်။

    အစ္စလာမ့်ယဉ်ကျေးမှု၌ ဆေးရုံများမပေါ်ပေါက်မှီ လွန်ခဲ့သောနှစ်ပေါင်းနှစ်ရာကျော်ကပင် တမန်တော်မြတ် (SAW) ၏ ဗလီကျောင်းတော်သည် စစ်ပွဲ၌ ဒဏ်ရာရရှိသူများ ကုသစောင့်ရှောက်ရေး နှင့် အခြားသော ကဏ္ဍများအတွက်ပါ တံခါးဖွင့်ပေးခဲ့သောဌာနတစ်ခု ဖြစ်ခဲ့သည်။ စာမတတ်သူများသည် တမန်တော်မြတ်၏ ဗလီကျောင်းတော်အတွင်း အရေး၊ အဖတ် သင်ကြားခဲ့ကြသည်။ မွတ်စ်လင်မ်များသည် ထိုဗလီကျောင်းတော်မှရရှိခဲ့သော ပညာများကို အခြေခံ၍ မိမိတို့၏ အစ္စလာမ့်ယဉ်ကျေးမှု တစ်ခုလုံးကို တိုးတက်ဖွံ့ဖြိုးအောင် တည်ဆောက်ခဲ့ကြခြင်းဖြစ်သည်။ ဗလီကျောင်းတော်အတွင်း တားမြစ်ထားသောအရာမှာ အကျင့်ပျက်ကိစ္စများ၊ ရောင်းဝယ်ဖောက်ကားခြင်း စသည့် လုပ်ရပ်မျိုးသာဖြစ်သည်။

    တရားဝင်အချက်အလက်များအရ တရုတ်နိုင်ငံတွင် မွတ်စ်လင်မ် ၂၂ သန်းရှိပြီး ရှင်းကျန်း (Xinjiang) ၊ နင်းရှ (Ningxia) ၊ ကျန်စု (Gansu) ၊ ကျင်းဟိုင် (Qinghai) ဒေသ နှင့် ပြည်နယ်များတွင် အများဆုံးနေထိုင်ကြသည်။
    တရုတ်နိုင်ငံအတွင်းပိုင်းဒေသများတွင်လည်း မွတ်စ်လင်မ်လူ့အဖွဲ့အစည်းများအား  လူနည်းစုဝင်များအဖြစ် တွေ့ကြရသည်။

    အတည်မပြုနိုင်သေးသောအချက်အလက်များအရ  မွတ်စ်လင်မ်လူဦးရေမှာ ၄င်းထက်ပိုမိုများပြားနိုင်ပြီး ၆၅ မှ သန်း ၁၀၀ ကြားတွင် ရှိနိုင်ကြောင်း၊ တရုတ်နိုင်ငံလူဦးရေပမာဏ၏ ၇.၅ ရာခိုင်နှုန်းအထက်ရှိကြောင်း သိရသည်။

  • ဘာသာရေးဓလေ့ စရိုက်များ လေ့လာရေးနှင့် ငြိမ်းချမ်းရေးနှီးနှော ဖလှယ်ပွဲ ကို အစ္စလာမ် ဗလီဝတ်ကျောင်းမှာ စတင်ပြုလုပ်

    ဇွန်လ ၁၆၊ ၂၀၁၃
    M-Media
    သတင်း – ဆူးထက်

    Pray for Myanmar ဦးစီးသော ”ဘာသာရေးဓလေ့ စရိုက်များ လေ့လာရေးနှင့်ငြိမ်းချမ်းရေးနှီးနှော ဖလှယ်ပွဲ” ကို ဗိုလ်အောင်ကျော်လမ်းရှိ အစ္စလာမ် ဗလီဝတ်ကျောင်းတော် ၌ပြုလုပ်

    Pray For Myanmar မှ စီစဉ် ပြုလုပ်သည့် “ပွင့်လင်းမြင်သာမှု အတွက် ဘာသာရေး ဓလေ့စရိုက်များ လေ့လာခြင်း အစီအစဉ်နှင့် ငြိမ်းချမ်းရေး နှီးနှောဖလှယ်ပွဲ” အခမ်းအနားကို ရန်ကုန်မြို့ ၊ ဗိုလ်အောင်ကျော်လမ်းရှိ C.S အာရ်ကာတိဗလီတွင် ယခုလ ၁၆ရက်နေ့က နံနက် ၉နာရီမှ နေ့လည် ၁၁နာရီခွဲထိ ကျင်းပပြုလုပ်ခဲ့ကြောင်း သတင်းရရှိသည်။

    P6160029

    အဆိုပါ အခမ်းအနားသို့  ရဟန်းသံဃာတော်များ၊ အစ္စလာမ်ဘာသာရေး ခေါင်းဆောင်များ၊ အရပ်ဖက်လူမှုအသင်း အဖွဲ့အများ၊ မီဒီယာများနှင့် ဖိတ်ကြားထားသော ဧည်သည်တော်များ စုံညီစွာ တက်ရောက်ခဲ့ကြကြောင်း သိရှိရသည်။

    အခမ်းအနား အစီအစဉ် အရ တက်ရောက်လာကြသော ဧည်သည်တော်များ၊ မီဒီယာများမှ ရှေးဦးစွာ ဗလီဝတ်ကျောင်းတော်များ အတွင်း လှည့်လည် ကြည့်ရှူ လေ့လာခဲ့သည်။ ယင်းနောက် Pray For Myanmar မှ တာဝန်ရှိသူ တစ်ဦးက အခမ်းအနားကျင်းပရခြင်းနှင့် ပတ်သပ်၍ တင်ပြပြီးနောက် ဘာသာအသီးသီးမှ ဆရာတော်များနှင့် ဧည်သည်တော်များအား မိတ်ဆက် ပေးကြောင်း သိရသည်။

    ရွှေဝါရောင် ဆရာတော် အရှင်ပဏ္ဍ၀ံသမှ အမှာစကားပြောကြားရာတွင် ” ဦးဇင်းတို့ ဘုရားပေါ်တက်တော့မယ်ဆိုရင် မုဒ်ဦးဝထဲက ဖိနပ်ချွတ်ပြီးတက်ရတယ်။ အဲလိုပဲ ဗလီဝတ်ကျောင်းတော်ကို လာတဲ့အခါမှာ ဟိုးဘက်မှာ သန့်စင်ခန်းတွေရှိတယ်။ သူတို့ရဲ့ ဘာသာရေး ထုံတမ်းစဉ်လာအရ ခန္ဓာကိုယ်ကို သန့်ရှင်းစင်ကြယ်အောင် လုပ်ရမယ်။ စိတ်ထားတွေကို သန့်ရှင်း စင်ကြယ်အောင် လုပ်ရမယ်။ အဲလိုလုပ်ပြီးတဲ့ အခါကြတော့မှ ဗလီဝတ်ပြုတဲ့နေရာကို ၀င်ရတာ ဖြစ်တယ်။ မြန်မာနိုင်ငံမှာ တစ်ဦးနဲ့ တစ်ဦး တည့်ဖို့ လိုအပ်တယ်။ ချစ်ခင်ဖို့ လိုအပ်တယ်။ စိတ်ထဲကနေ ချစ်ခင်နေလို့၊ နှုတ်ထဲကနေ ချစ်ခင်နေလို့ပဲ မရဘူး။ ကိုယ်အမှုအရာ၊ နှုတ်အမူအရာတွေက အစ ကမ္ဘာကသိအောင်၊ ပတ်ဝန်းကျင်က သိအောင် နေထိုင်ပြရမယ်။ ရှည်ရှည်ဝေးဝေးကျရောက်လာမယ့် အန္တရာယ်တွေကို ဦးဇင်းတို့ အနေနဲ့ တွေ့မြင်နေရပါတယ်။

    အဲဒီတော့ မြန်မာလူမျိုးတွေက ဒို့နဲ့ မဆိုင်ဘူး။ စီးပွားရေး အဆင်ပြေတဲ့ ချမ်းသာတဲ့ သူတွေကလည်း ငါတို့နဲ့ မဆိုင်ဘူး၊ တခုခုဆို ဟပ်စကီးနဲ့ ဒို့သွားမယ်၊ အထူး လေယာဉ်နဲ့ ဒို့သွားမယ်၊ ကြိုက်တာနဲ့ သွား၊ ဟိုနိုင်ငံတွေကလည်း မြန်မာဆိုတာနဲ့ ထုမှာပဲ။ ဘာသာလေးမျိုးတွေ ဘာတွေ အဲမှာ သွားပြောလို့ မရဘူး။ အဲဒါကြောင့်မို့လို့ ကိုယ့်အလှည့်မကျခင် ကာကွယ်ပြင်ဆင်မှုတွေ ပေးရမယ်။ ဦးဇင်းတို့ အညာတွေမှာတော့ ရှိပါတယ် မိမိပိုင်တဲ့ မြေတစ်ကွက်ကို ကာထားတာက ခြံစည်းရိုး၊ မိမိနေထိုင်တဲ့ ရပ်ကွက် ဒါမှမဟုတ် ရွာကြီးတစ်ခုလုံးကို ကာထားတာက စည်းရိုး၊ စည်းရိုး ကာဖို့လိုပါပြီ။ စည်းရိုးကိုလည်း ကာပြီးရင် ဒီတိုင်းနေလို့ မရပါဘူး။ ဟိုဘက်ထိပ်၊ ဒီဘက်ထိပ် အလှည့်ကြ စောင့်ပေးဖို့ လိုပါတယ် အဲဒါလေး ပြောရင်းနဲ့ နိဂုံးချုပ်ပါတယ် ” ဟု ထည့်သွင်းပြောကြားခဲ့သည်။

    P6160021

    အရှင်ဆန္ဒသီရိ ( အင်းစိန်)မှ ” ကိုရင့်အနေနဲ့ မေတ္တာရပ်ခံချင်တာက သတင်းမီဒီယာတွေပါ။ ကိုရင့် အနေနဲ့ အရင်းအနှီးဆုံးနှင့် အားအကိုးဆုံးဟု ပြောလျှင် သတင်းမီဒီယာတွေပါပဲ။ ဒါပေမယ့် အစိုးရိမ်ဆုံးနှင့် အကြောက်ဆုံးကလည်း သတင်းမီဒီယာတွေပါပဲ။ သတင်းမီဒီယာတွေဟာ နိုင်ငံတော်က တရားဝင် ကြေညာထားတဲ့ အတိုင်း သတင်းမီဒီယာဆိုတာ စတုတ္ထမဏ္ဍိုင် ဖြစ်သလို၊ ကမ္ဘာကြီးတစ်ခုလုံးကို ကိုင်လှုပ်နိုင်တာကလည်း သတင်းမီဒီယာတွေပဲ ဖြစ်ပါတယ်။ ခုချိန်မှာ သတင်းမီဒီယာတွေ အနေနဲ့ သတိကြီးကြီး ဥာဏ်ကြီးကြီးထားပြီးတော့ ရေရှည်အကျိုးကို မျှော်တွေး ပြီးတော့ ဆောင်ရွက်ဖို့ လိုပါတယ်။ ကိစ္စရပ်တွေ တစ်ခုတစ်ခုကို ဖော်ပြ ဖြန့်ချီတော့မယ့် အခါမှာ မိမိတို့ လိုချင်တဲ့ သတင်းဦးရရေး၊ သတင်းထူး ရရေး၊ မိမိတို့ သတင်းဌါန တစ်ခုရဲ့အမည်နာမ ပေါ်လွင်ရေး ဆိုတာကို ဦးမတည်ဘဲနဲ့ ညီညွှတ်ရေး၊ ငြိမ်းချမ်းရေး၊ ကောင်းကျိုး တရားတွေ ဖြစ်ထွန်းရေးဆိုတဲ့ အကြောင်းတရားတွေ ဦးတည်ပြီေးတော့ မှန်မှန်ကန်ကန် ဖော်ပြကြဖို့လိုပါတယ်။ ဆွေးနွေးလိုက်တဲ့ အကြောင်းအရာတိုင်းမှာ မိမိတို့ လိုချင်တဲ့ အကြောင်းအချက်လေးကိုပဲ ကောက်နုတ်ပြီးတော့ ဖော်ပြကြမယ်ဆိုရင် စကားတွေဟာ တစ်ခါတစ်လေမှာ အရှေ့ အနောက် ချိပ်ဆက်ပြီးတော့မှ အဓိပ္ပယ်တစ်ခု ပြည့်စုံသွားတဲ့ အကြောင်းတရားတွေ ရှိပါတယ်။ အရှေ့မှာပြောခဲ့တဲ့ အကြောင်းတရားတစ်ခုကိုထဲ ရွေးချယ်ပြီးတော့၎င်း၊ အလယ် အနောက် စသဖြင့် အကြောင်းအရာ တစ်ခုကိုပဲ ရွေးချယ်ပြီးတော့ ဖော်ပြမယ်ဆိုရင် အရှေ့၊ အနောက် သုံးပါး စလုံး မချိတ်ဆက်မိဘူး ဆိုရင် အဲဒီ အဓိပ္ပာယ်တွေဟာ အယူလွဲသွားနိုင်ပါတယ်။ ကောက်ချက် လွဲသွားနိုင်ပါတယ်။ အမြင် လွဲသွားနိုင်ပါတယ်။ ယနေ့ ပြဿနာတိုင်းရဲ့အကြောင်းတရားသည် ကောလဟာလတွေက စတာပါ။ ကောလဟာလမီးတွေကို ချုပ်ငြိမ်းအောင် လုပ်နိုင်ရင် ပဋိပက္ခတွေ မဖြစ်နိုင်ပါဘူး။ ပဋိပက္ခတွေ မဖြစ်အောင် သတင်းမီဒီယာတွေ အနေနဲ့ အကျိုးဆောင်မှုက အများကြီး အရေးကြီးပါတယ်။ ဒါကြောင့် သတင်းမီဒီယာတွေ အနေနဲ့ မှန်မှန်ကန်ကန် ပြည့်ပြည့် စုံစုံ အကြောင်းတရားတွေ ဖော်ပြပေးကြပါ။ မိမိရဲ့ အတ္တ၊ အကျိုး စီးပွား တစ်ခုကိုပဲ ရှေ့ရှူ့ မထားဘဲနဲ့ နိုင်ငံနဲ့ လူမျိုး အကျိုး စီးပွား၊ နိုင်ငံသူ နိုင်ငံသားတွေရဲ့ အကျိုးစီးပွား၊ ငြိမ်းချမ်းရေးနှင့် ညီညွှတ်ရေး အကျိုးစီးပွားကို ရှေ့တန်းတင် ဦးထပ်ထားပြီး သတင်းမီဒီယာတွေရဲ့ ကျင့်ဝတ်နဲ့ အညီ ဆောင်ရွက်ပေးကြဖို့လည်း မေတ္တာရပ်ခံချင်ပါတယ် ” ဟုထည့်သွင်းပြောကြားခဲ့သည်။

    ဆရာ ဒေါက်တာ ဦးမြင့်သိန်းမှ ” ဒီကနေ့ ပြုလုပ်တဲ့ အစီအစဉ်ဟာ တရားဟောပြောပွဲ အစီအစဉ် မဟုတ်ပါဘူး။ မီဒီယာများ အနေနဲ့ ဖော်ပြပါ နှီးနှောဖလှယ်ပွဲ ဆိုတဲ့ ပြုလုပ်တဲ့ ခေါင်းစဉ်ရဲ့ နာမည်လေးကိုလည်း ပီပီပြင်ပြင် ဖော်ပြပေးဖို့ မေတ္တာရပ်ခံပါတယ်။ အခု ဒီအခမ်းအနားဟာ ဗလီဝတ်ကျောင်းတော်တွေမှာ ငြိမ်းချမ်းရေးနဲ့ ဆန့်ကျင့်တဲ့ အမုန်းတရား ဖြန့်ချီတယ်လို့ စွပ်စွဲထားသလို မဟုတ်ဘူးဆိုတာကို ပြခြင်းဖြစ်ပါတယ်။ ပြီးတော့ ဗလီဝတ်ကျောင်းတော်တွေဟာ ငြိမ်းချမ်းရေး စင်တာ ဖြစ်ကြောင်း ပြသခြင်း ဖြစ်တယ်” ဟု ထည့်သွင်းပြောကြားခဲ့သည်။

    P6160090

    ” ဟိုတလောက ဗလီတွေကို တရားဝင်မရှိဘူးလို့ ညွှန်ကြားရေးမှူး ရဲ့ပြောကြားချက်ကို မြန်မာနိုင်ငံမှာ ရှိတဲ့ အစ္စလာမ် သာသနာ ဘာသာရေး အဖွဲ့ငါးဖွဲ့က သမ္မတဆီ စာပို့ပြိး ရာထူးက ဖြုတ်ချဖို့၊ တရားစွဲဖို့ လုပ်မယ်လို့ ကြားပါတယ် အဲဒါ ဟုတ်ပါသလား ” ဟု ELEVEN MEDIA သတင်းထောက်မှ မေးမြန်းချက်ကို ” ကျွန်တော်က အစ္စလာမ် သာသနာရေးရာ ကောင်စီ ဌါနချုပ်ရဲ့ ဓမ္မသတ်မှုး အုမရ်မြင့်နိုင်ပါ။ အဲလို ကြေညာ ပြီးတဲ့ နောက် သူက ချက်ချင်းပဲ လွဲမှားစွာ ပြောမိတယ် ဆိုတာကို ၀န်ခံပါတယ်။ ပြန်ပြီး ကြေညာ ပါတယ်။ အဲဒီ့ အတွက် ဒီဘက်က အဖွဲ့အစည်းတွေ အနေနဲ့ တရားစွဲစရာ မရှိပါဘူး။ သူလွဲမှားပြီး ပြောတာပါလို့ ပြောပြီးပါပြီ။ မြန်မာနိုင်ငံမှာ ခြံစည်းရိုးကာတာ၊ အိမ်သာဆောက်တာတောင် ခွင့်ပြုချက် ယူပြီးမှ လုပ်ရတာပါ။ မြန်မာနိုင်ငံအတွင်းမှာ ရှိတဲ့ ဗလီ ၀တ်ကျောင်းတော်တွေဟာ နိုင်ငံတော်ရဲ့ ခွင့်ပြုချက်နဲ့ တရားဝင် ရှိနေတဲ့ ဗလီတွေပါ။ ဒီအစိုးရ မတိုင်မှီ ဟိုးဘုရင်တွေ မင်းတုန်းမင်းတို့၊ သီပေါတို့ လကထက်ကတည်းက နန်းတော်တွင်းမှာပင် မင်းတုန်းမင်း ကိုယ်တိုင်က ရွှေအုပ်ချပြီး ဗလီဆောက်ပေးခဲ့တာပါ။ မန်းလေး မြို့တော်မှာ မင်းတုန်းမင်းကြီး လက်ထက်က ဗလီပေါင်း (၆၄)လုံး တရားဝင်ရှိခဲ့ပါတယ်။ အဲဒီတော့ ဒီအဖွဲ့အစည်းတွေက တိုင်မယ်လို့ တရားစွဲမယ်တို့ဆိုတာ လုပ်စရာတောင် မလိုပါဘူး။ သူကိုယ်တိုင်က မှားယွင်းစွာ ပြောဆိုမိတယ် ဆိုတာကို ဖြေကြားသွားတဲ့ အတွက် ဒီဘက်က အဖွဲ့ အစည်းတွေ အနေနဲ့ တိုင်ဖို့ တောဖို့ ဆိုတာကို စဉ်းတောင် မစဉ်းစားလိုက်ရပါဘူး ” ဟု ဆရာ အုမရ်မြင့်နိုင်မှ ထည့်သွင်းဖြေကြားခဲ့သည်။

    ဆရာတို့အနေနဲ့ ဟိုးအရင်ကာလတုန်းက ဗလီတွေမှာ အက်ဆစ်တွေ သိုလှောင်ထားတယ်။ လက်နက်တွေ သိုလှောင်ထားတယ် ဆိုတဲ့ သတင်းထွက်ပေါ် လာတော့ ဆရာတို့အနေနဲ့ အဲဒီ့ သတင်းတွေကို ပြန်ကြားတာမျိုး၊ ရှိလား။ အဲလို သတင်းထွက်တဲ့ ဗလီတွေကိုလည်း သွားရောက် စစ်ဆေးတာမျိုး၊ ဘာသာရေး ခေါင်းဆောင်တွေ အနေနဲ့ သက်ဆိုင်ရာ ဗလီတွေရဲ့ တာဝန်ခံတွေဆီ လှမ်းစုံစမ်းတာလို့ လုပ်ခဲ့တာမျိုး ရှိလား ” ဟု Pray For Myanmar မှ လူငယ်တစ်ဦးမှ မေးမြန်းချက်ကို ” ကျွန်တော်တို့က အခု ဗလီထဲကို ၀င်ရောက်လေ့လာပါ လို့အခုက ဖိတ်ခေါ်တာပါ။ သက်ဆိုင်ရာ အာဏာပိုင်မှ မော်လမြိုင်နဲ့အချို့နေရာတော်တော်များများမှာ ရန်ကုန်လည်း ပါပါတယ်။ ကျွန်တော်တိ်ု့ မင်္ဂလာတောင်ညွှန့် ဘက်တွေလည်း ပါပါတယ်။ ဘာမှ ကြိုတင် အကြောင်းကြားခြင်းမရှိဘဲ သက်ဆိုင်ရာ ရဲတွေရောက်လာပြီး

    အကုန်စစ်ဆေးသွားခဲ့ပြီးပါပြီ။ ကျွန်တော်တ်ို့က ဆက်ပြီးတော့ လူထုကို အရှိတိုင်းလေး သိစေချင်လို့ မြင်စေချင်လို့ အခုလို ခေါ်ဆောင်တာပါ။ ကျွန်တော်တို့ ဗလီထဲမှာ ဘာမှ မရှိတဲ့ အတွက် ဘာမှကို မလုပ်ပါဘူး။ ကျွန်တော်တို့က ဗလီဝတ်ကျောင်းတော်တွေမှာ ဘာမှ မရှိဘူး ဆိုတာကို သိတဲ့ အတွက် လုံးဝ သံသယ ရှိတာမျိုး မဖြစ်ဘူး။ ကြိုပြီး မေးမြန်းတာမျိုး မရှိပါဘူး ” ဟု ဆရာဒေါက်တာ မြင့်သိန်းမှ ပြန်လှန်ဖြေကြားခဲ့ကြောင်း သိရသည်။

    တစ်ယောက်နဲ့ တစ်ယောက် ရှိနေတဲ့ သံသယ တွေဖြေဖျောက်ဖို့ ဆိုတာ ပွင့်လင်း မြင်သာဖို့ လိုတဲ့ အတွက် ဒီပွဲလေး ကျင်းပတာဟာ အင်မတန်ကောင်းပါတယ်။ တစ်ဖက်နဲ့ တစ်ဖက် နားလည်မှုတွေ ရှိလာပြီ၊ ပွင့်လင်း မြင်သာမှုတွေ ရှိလာပြိ ဆိုရင် တစ်ဖြည်းဖြည်း အမြင်တွေ ရှင်းလာမယ်။ ဘာသာဝင်တွေ အားလုံး ညီညွှတ်ဖို့လိုတယ်။ ညီညွှတ်ဖို့ ဆိဲု့ စိတ်မှာ ကိုယ့်ရဲ့ အတ္တလွှာတွေကို ခွာဖို့လိုတယ်။ ကိုရင်တို့ အင်းစိန်မှာ ဗုဒ္ဓဘာသာ အချင်းချင်းလည်း ညီညွှတ်တယ်။ အစ္စလာမ်ဘာသာ အချင်းချင်းလည်း ညီညွှတ်တယ်။ အစ္စလာမ် ဘာသာနဲ့ ဗုဒ္ဓဘာသာလည်း ညီညွှတ်တယ်။ ကောလဟာလတွေ ဖြစ်တဲ့အချိန်မှာ အင်းစိန်မှာ ကောလာဟာလတွေ အများဆုံး ထွက်တယ်။ ကောလဟာလတစ်ခု ထွက်တိုင်း ဘယ်ဗလီကိုတော့ ၀ိုင်းနေတယ်လို့ ပြောရင် ဗလီကို ဖုန်းဆက်တယ်။ ဟုတ်သလား ။ မဟုတ်ဘူး လို့ ဖြေရှင်းတယ်။ ကိုရင်တို့ကလည်း သွားစောင့်ရှောက် ပေးတယ်။ ဗုဒ္ဓဘာသာ ဘုန်းကြီးကျောင်းကို ဘယ်သူကတော့ လာလုပ်တယ် ဆိုရင်လည်း ဆက်သွယ် မေးမြန်းတယ်။ ၀ိုင်းပြီး စောင့်ရှောက်ပေးတယ်။ ကောလဟာလတွေကို အချိန်နဲ့ တပြေးညီ ဖြေရှင်းနိုင်တဲ့ အခါမှာ ဒါက ညီညွှတ်မှု အားပေါ့။ ကိုယ့်အချင်းချင်းလည်း ညီညွှတ်တယ်။ တစ်ဖွဲ့နဲ့ တစ်ဖွဲ့လည်း အပြန်အလှန် ညီညွှတ်နေကြတယ် ဆိုတော့ အခြား အကြမ်းဖက်မှုတွေ၊ ဖျက်ဆီးလိုတဲ့ လူတွေ ၀င်မရောက်နိုင်တော့ဘူးပေါ့။ အဓိက ကတော့ သတင်းတွေ မှန်ကန်ဖို့ရယ်၊ ကောလဟာလတွေ ချေဖျက်နိုင်ဖို့ရယ်၊ ညီညွှတ်ဖို့ရယ် ပဲလိုပါတယ်’ ဟု ဆရာတော် အရှင်ဆန္ဒာသီရိ မှ M-Media သို့မိန့်ကြားပါသည်။

    P6160098

    အခမ်းအနား ကျင်းပပြုလုပ်ရာဖြစ်သော ဗိုလ်အောင်ကျော်လမ်းရှိ C.S အာရ်ကာတိဗလီ ဥက္ကဌ ဦးဇော်ဝင်းမှလည်း ” အစ္စလာမ် ဘာသာဝင်တွေရဲ့ ၀တ်ပြုတဲ့ ဗလီတွေကို ကောလဟာလတွေ အမျိုးမျိုး ထွက်နေတယ်။ ကောလဟာလတွေ ပြေပျောက်သွားအောင်၊ လူတွေရဲ့ မှန်ကန်တဲ့ အသိ အမြင်တွေ ရအောင် ရည်ရွယ်ချက်နဲ့ လုပ်တာပါ။ နောက် ဘာသာပေါင်းစုံ လာတွေ့တယ် ဒီမှာ အမြင်မရှင်းတာ ရှိရင် ရှင်းအောင်၊ လူများများ သိသွားအောင်၊ အထင်အမြင် လွဲမှားနေတဲ့ သူတွေ အမှန်ကို သိသွားအောင် အခုလို ကျင်းပ ဖြစ်တာပါ။ မီဒီယာတွေ အနေနဲပလည်း အမှန်တရားကို အမှန်အတိုင်း ရေးပေးဖို့ ပြောကြားလိုပါတယ် ” ဟု M-Media သို့ပြောသည်။

    ယင်းနောက်  ရွှေဝါရောင် ဆရာတော် အရှင်ပဏ္ဍ၀ံသ၊ အရှင်ဆန္ဒသီရိ ( အင်းစိန်) ၊ တရာရုံးချုပ် ရှေ့နေ ဦးကိုနီ၊ ဆရာ ဒေါက်တာ  ဦးမြင့်သိန်း၊ဆရာ အုမရ်မြင့်နိုင်၊ ဆရာ ဦးမင်းနိုင် (၀ါးခယ်မ မောင်မင်းနိုင်)၊ အလ်ဟာဂ်ျ မောင်လာနာ ဖလ်လွလ်ဟက်၊ အလ်ဟာဂ်ျမောင်လာနာ အစ်ဒွရ်ကဒဲရ်၊ အလ်ဟာဂ်ျ မောင်လာနာ အဗ်ဒွရ်ခါလိန် တို့မှ သတင်းမီဒီယာများ၏ သိလိုသည်များကို မေးမြန်း ချက်များအား ပြန်လှန်ဖြေကြားခဲ့ကြောင်း သတင်းရရှိသည်။

    Pray For Myanmar Youth Network အဖွဲ့အစည်းတွင်ဘာသာပေါင်းစုံ၊ လူမှုအဖွဲ့အစည်း ပေါင်းစုံတို့မှ လူငယ်များပါဝင်ပြီး မတ်လ ၂၈ ရက်နေ့က YMCA တွင်ဘာသာပေါင်းစုံ ဆုတောင်းပွဲကို ငြိမ်းချမ်းရေး လှုပ်ရှားမှုအနေဖြင့် စတင်ပြုလုပ်ခဲ့၍ “ကျွန်ုပ်ကြောင့် ဘာသာရေး ပဋိပက္ခ မဖြစ်စေရ” စာတန်းပါတီရှပ်များ၊ စတေကာများ“ဘာသာလူမျိုးမခွဲခြားမြန်မာနိုင်ငံသား” ဟူသော လက်ကမ်း ပိုစတာများကို အခမဲ့ ဖြန့်ဝေသည့် လှုပ်ရှားမှုများကို ရန်ကုန်မြို့နှင့် နယ်မြို့များတွင်ပါ စတင်ဆောင်ရွက်ခဲ့သည့် အဖွဲဖြစ်သည်။

    အဆိုပါ အခမ်းအနားသို့ လူဦးရေ (၆၀)ကျော် တက်ရောက်ခဲ့ကြောင်း သိရသည်။

    More  Photo>>

  • မော်စကိုတွင် မွတ်စလင်များအတွက် ဗလီအသစ်များ ဆောက်ပေးရန်  ရုရှအစိုးရသဘောတူ

    မော်စကိုတွင် မွတ်စလင်များအတွက် ဗလီအသစ်များ ဆောက်ပေးရန် ရုရှအစိုးရသဘောတူ

    ဒီဇင်ဘာ ၁၈၊ ၂၀၁၂
    M-Media

    ဗလီဝတ်ကျောင်းမလုံလောက်သဖြင့် လမ်းမပေါ်တွင် ဝတ်ပြုနေရသော ရုရှ မွတ်စလင်မ်များ

    ရုရှားနိုင်ငံ မြို့တော် မော်စကိုတွင် အများပြည်သူ၏ မဲပေးမှု အပေါ် မွတ်စလင်များ ၀တ်ပြုရန် ဗလီဝတ်ကျောင်းတော် အသစ်များ တည်ဆောက်ပေးရန် အစိုးရ သဘောတူလိုက်သည်။

    ဒေသဆိုင်ရာ အာဏာပိုင်များက မွတ်စလင် လူ့အဖွဲ့အစည်း၏ ဘာသာရေးဆိုင်ရာ လိုအပ်ချက်ကို ကူညီပေးရန် ဗလီဝတ်ကျောင်းတော်သစ် ခြောက်လုံး တည်ဆောက်ပေးမည်ဟု ပွင့်လင်းစွာ ပြောကြားလိုက်သည်။

    မော်စကိုအစိုးရက နောက်ဆုံးအတည် မပြုရသေးသော်ငြားလည်း ရုရှားနိုင်ငံရဲ့ ဥရောပတိုက်ဘက် အခြမ်းမှာ ရှိတဲ့ တောင်ပိုင်း Butovo , Lyublino နဲ့ Shosse Entuziastov ဘူတာအနီး ထိုသုံးနေရာတွင် ဗလီများဆောက်ပေးရန် သဘောတူညီပြီး ဖြစ်သည်ဟု Interfax သတင်းဌာနသို့ အတည်ပြု ပြောကြားလိုက်ပါသည်။အစ္စလာမ့်အဖွဲ့အစည်များ၏ အခြားနေရာများတွင် ဗလီ တည်ဆောက်ရေး အတွက် တောင်းဆိုမှုများကိုလည်း ဆက်လက်စဉ်းစားသွားမည်ဟု မော်စကိုမြို့တော်ဝန်ရုံး က ပြောကြားခဲ့ပါသည်။

    “မော်စကို တမြို့တည်းမှာတင် မွတ်စလင် လူဦးရေ  အနည်းဆုံး (၁.၅) သန်း ရှိပါတယ် ။ ကျွန်တော်တို့ အဲ့လူဦးရေကို (၁၀) ပိုင်း ပိုင်းတယ်ဆိုရင် တောင် မွတ်စလင်ဦးရေ တစ်သိန်းခွဲမှာ လူဦးရေ (၁၅၀၀)ဆန့်တဲ့ ဗလီတစ်လုံး အနည်းဆုံးလိုပါတယ်” ဟု Russian Council of Muftis ၏ ဥက္ကဌဖြစ်သူ Sheikh Ravil Gainutdin က ထပ်လောင်းပြောကြားခဲ့ပါသည်။

    “မော်စကိုမှာ မွတ်စလင်ဦးရေများပြီးတော့ ဗလီနည်းနည်းပဲ ရှိပါတယ်။ ရုံးပိတ်ရက်များဆိုရင် မွတ်စလင်များအတွက် နေရာမလောက်ပါဘူး ။ အဲဒါကြောင့် ဗလီများများရှိဖို့ လိုအပ်ပါတယ်။ ဟုတ်ပါတယ် ။ ဗလီဆောက်မည့် နေရာများတွင်နေထိုင်နေတဲ့ ဒေသခံပြည်သူများရဲ့ သဘောထားကိုလည်း လက်ခံကောက်ယူသွားမှာပါ” ဟု ရုရှားလူ့အခွင့်အရေး အဖွဲ့အစည်းနှင့် မော်စကို Helsinki Group ၏ ဥက္ကဌဖြစ်သူ Lyudmila Alekseyeva က ပြောကြားခဲ့ပါသည်။

    “အခုဆိုရင် မော်စကို မြို့ မှာဆို Butovo  ၊  မော်စကို အစ္စလာမ့်တက္ကသိုလ်ရှိတဲ့ Lyublino နဲ့ အစ္စလာမ့်ယဉ်ကျေးမှု ပြတိုက် တည်ဆောက်မည့် Shosse Entuziatov ဆိုတဲ့ ဒီနေရာသုံးခုမှာ ဗလီတစ်လုံးစီ ရှိလာတော့မှာပါ”ဟု Gainutdin က Izvestiya သတင်းသို့ ပြောကြားခဲ့ပါသည်။

    ရုရှားပြည်ထောင်စု တွင် အထူးသဖြင့် Caucasus ဒေသ မြောက်ပိုင်းတွင် မွတ်စလင်လူဦးရေ (၂၃)သန်းရှိပြီး ယေဘုယျအားဖြင့်ဆိုသော် နိုင်ငံ စုစုပေါင်းလူဦးရေ (၁၄၅) သန်း ၏ (၁၅) ရာခိုင်နှုန်းရှိပါသည်။

    ရုရှားနိုင်ငံတွင် Orthodoxy ခရစ်ယာန်ဘာသာပြီးလျှင် အစ္စလာမ်ဘာသာသည် နိုင်ငံ၏ ဒုတိယမြောက်ကိုးကွယ်မှု အများဆုံး ဘာသာဖြစ်သည်။                ။

    ကိုးကား။ ။ http://www.onislam.net

  • ဖို့ဝိန်းမြို့တွင် မြန်မာ မွတ်စလင်တို့၏ ဗလီဝတ်ကျောင်းတော် အုတ်မြစ်ချပွဲ ကျင်းပပြုလုပ်ခဲ့

    ဖို့ဝိန်းမြို့တွင် မြန်မာ မွတ်စလင်တို့၏ ဗလီဝတ်ကျောင်းတော် အုတ်မြစ်ချပွဲ ကျင်းပပြုလုပ်ခဲ့

    နိုဝင်ဘာ ၁၇ ၊၂၀၁၂
    M-Media
    နေစိုင်း

    အမေရိကန်နိုင်ငံတွင် မြန်မာမွတ်စလင်များ ဦးစီးကာတည်ဆောက်နေသည့် မစ္စဂျေဒေ့ နူရ်ွအစ္စလာမ် ခေါ် အစ္စလာမ့်ဂုဏ်ရောင် ဗလီဝတ်ကျောင်းတော်၏ အုတ်မြစ်ချပွဲအခမ်းအနားကို နိုဝင်ဘာလ ၁၇ ရက်နေ့တွင် ဖို့ဝိုန်းမြို့၌ စည်ကားသိုက်မြိုက်စွာ ကျင်းပခဲ့ကြောင်းသတင်းရရှိပါသည်။

    အမေရိကန်နိုင်ငံ ဖို့ဝိုန်းမြို့သို့ ပြောင်းရွေ့လာသည့် မြန်မာမွတ်စလင်ဦးရေး တိုးပွားလာမှုကြောင့် ဗလီဝတ်ကျောင်းတော် တည်ဆောက်ရန်အတွက် လုပ်ငန်းစီမံချက်များအား လွန်ခဲ့သည့် နှစ် နှစ်ခန့်မှ စတင်ရေးဆွဲခဲ့ကြပြီး ဗလီဝတ်ကျောင်းတော် အမြန်ဆုံးအကောင်အထည်ဖော်တည်ဆောက်နိုင်ရေးအတွက် အစဉ်တစိုက် ကြိုးပမ်းဆောင်ရွက်ခဲ့ကြသည်။

    အခမ်းအနားသို့ ကနေဒါနိုင်ငံနှင့် အမေရိကန်နိုင်ငံ တဝှမ်းတွင် နေထိုင်ကြသော မြန်မာမွတ်စလင်များအပြင် အမေရိကန်နိုင်ငံတွင် နေထိုင်ကြသည့် ပါကစ္စတန်၊ ဆိုမားလီးယား၊ ဂျော်ဒန်နှင့် အရှေ့အလယ်ပိုင်းမှ မွတ်စလင်များ အပါအဝင် ရပ်နီးရပ်ဝေးမှ ကလေးလူကြီး အမျိုးသားအမျိုးသမီးပေါင်း တစ်ထောင်ကျော် တက်ရောက်ခဲ့ပါသည်။

    အခမ်းအနားအား ကေရအသ်ဖြင့် စတင်ခဲ့ပြီး ဗလီဝတ်ကျောင်းတော် တည်ဆောက်ရေး လုပ်ငန်းစဉ်များနှင့် ပတ်သက်၍ ကိုခင်မောင်ချိုမှလည်းကောင်း၊ ဗလီဝတ်ကျောင်းတော် တည်ဆောက်ရေး အရေးကြီးပုံနှင့် ကောင်းမူ မင်္ဂလာအကျိုး ဆဝသ်များအကြောင်း အင်္ဂလိပ်ဘာသာဖြင့် မော်လဝီ ယာဆင်မှလည်းကောင်း၊ ဗမာဘာသာဖြင့် ဟာဂျီ အီမာန် ဟူစိန်မှလည်းကောင်း တရားဒေသနာတော်များဟောကြားခဲ့ပြီး ဗလီဝတ်ကျောင်းတော် အမြန်ဆုံးအောင်မြင်စွာ တည်ဆောက်ပြီးစီးနိုင်ရေးအတွက် စုပေါင်းဒိုအာတောင်းခံခဲ့ကြပါသည်။ ထို့နောက် တက်ရောက်လာသူများစုဝေးကာ ဗလီဝတ်ကျောင်းတော်နေရာတွင် အခြေခံအုတ်မြစ် အစိတ်အပိုင်းဖြစ်သော ကျောက်ခဲများအား အလှည့်ကျ ထည့်သွင်းခဲ့ကြပါသည်။

    ”ဗလီဝတ်ကျောင်းတော်ရဲ့ အုတ်မြစ်ချတဲ့ အဆင့်အထိရောက်လာပြီဆိုတာ တော်ရုံတန်ရုံ ကြိုးစားခဲ့ကြတာမျိုးမဟုတ်ဘူး ဆိုတာကို ခန့်မှန်းလို့ရပါတယ်။ တက်ညီလက်ညီလုပ်ကိုင်နေတာကို တွေ့ရတာ အားရစရာဘဲ။” ဟု အခမ်းအနားသို့ တက်ရောက်လာခဲ့သည့် ကနေဒါနိုင်ငံမှ ကိုသန်းထိုက် ကပြောပါသည်။

    မြန်မာမွတ်စလင်တို့၏ မွေးရပ်ဇာတိမြေဖြစ်သော အမိမြန်မာနိုင်ငံတွင် ယခုကဲ့ သို့ ဗလီဝတ်ကျောင်းတော် တည်ဆောက်ခွင့်အား နှစ်ပေါင်းများစွာ ကန့်သက်ပိတ်ပင်ထားသောကြောင့် မြန်မာမွတ်စလင်တို့အဖို့ ဗလီအုတ်မြစ်ချပွဲမှာ တစ်သက်တစ်ခါ ကြုံတောင့်ကြုံခဲ့ အခွင့်အလမ်းတစ်ခုဖြစ်သည်။ ထို့ကြောင့် အနယ်နယ်အရပ်ရပ်မှ မြန်မာမွတ်စလင်အများ ပါဝင်နိုင်ရန်အတွက် ကျယ်ကျယ်ပြန့်ပြန့် လုပ်ဆောင်ခဲ့ကြောင်း ယင်းဗလီဝတ်ကျောင်းတော် တည်ဆောက်ရေးအား တာဝန်ယူဆောင်ရွက်နေသည့် မြန်မာမွတ်စလင် ပညာရေးနှင့် ကော်မြူနတီစင်တာ ခေါ် ဘီအမ်အီးစီစီ ၏ ဒု ဥက္ကဌ ကိုတင်ဟိန်းလတ်မှပြောပါသည်။

    ” ဒီဗလီဝတ်ကျောင်းတော်ဟာလည်း မြန်မာမွတ်စလင်တွေ အားလုံးဝိုင်းဝန်း တည်ဆောက်ကြတဲ့ ဗလီ ဖြစ်တယ်။ ဒါကြောင့် ဗလီဆောက်ရာမှာ အုတ်တစ်ချပ် သဲတစ်ပွင့်ဆိုသလို လူတိုင်း ကိုယ်တိုင်ကိုယ်ကျ ပါဝင်ကြရအောင် စီစဉ်ခဲ့တာဖြစ်ပါတယ်။” ဟု ကိုတင်ဟိန်းလတ်မှ ဆက်လက်ရှင်းပြပါသည်။

    ”လူတွေက အရမ်းများတယ်ဆိုပေမယ့် အားလုံးက စည်းကမ်းရှိကြတယ်။ ဦးစီးတဲ့သူတွေကလည်း စနစ်တကျ လုပ်ကြတယ်။ အားလုံးဝိုင်းကူပေးကြတယ်။ အထူးသဖြင့်ဟာဂျီမရဟီမာနဲ့ အမျိုးသမီးထုကလည်း တက်တက်ကြွကြွ လုပ်ဆောင်ကြတယ်။ ယူနွတ်ဘိုင်နဲ့ လူငယ်တွေကလည်း မနားတတမ်း တက်ညီလက်ညီ လုပ်ကြတော့ အလ္လာ့အလိုတော်နဲ့ အားလုံး အဆင်ပြေသွားတယ်။ စည်းစည်းလုံးလုံးနဲ့ စနစ်တကျ လုပ်နေကြတာ ကိုတွေ့တော့ လာစောင့်ကြည့်နေတဲ့ ရဲတွေ တောင် ချီးကြူးသွားတယ်။” ဟု ဘီအမ်အီးစီစီ ၏ ဒါရိုက်တာ ဘုတ်အဖွဲ့ဝင် တစ်ဦးဖြစ်သူ မော်လဝီတွာဟေရ် မှပြောပါသည်။

    ဗလီဝတ်ကျောင်းတော်ပုံကြမ်း

    ”ဗလီရဲ့ အုတ်မြစ်ကတော့ ခိုင်မာသွားပြီ။ အမြန်ဆုံးအောင်အောင်မြင်မြင်နဲ့ တည်ဆောက်ပြီးစီးဖို့ဆိုတာ အလှူငွေကောက်ခံရရှိတဲ့ အပေါ်မှာ မူတည်ပါတယ်။ အလ္လာ့ဟ်အလိုတော်နဲ့ ဒီနေ့တစ်ရက်ထဲမှာဘဲ အမေရိကန်ဒေါ်လာ လေးသောင်း နီးပါးကောက်ခံရရှိခဲ့တယ်။ ကနေဒါဒေါ်လာနဲ့ ရွှေ တွေလည်း ပါတယ်။ ဒီလိုဘဲ တက်နိုင်သလောက် ဝိုင်းဝန်းလှူဒါန်းကြရင် မကြာပါဘူး၊ အင်ရှာအလ္လာ ခဏလေးနဲ့ ပြီးသွားမယ်။” ဟု ဘဏ္ဍာငွေရှာဖွေရေးတာဝန်ခံ ဟာဂျီဗေဒါမှ ပြောပါသည်။

    ဗလီဝတ်ကျောင်းတော်အား အပိုင်း လေးပိုင်း ပိုင်းခြားကာတည်ဆောက်သွားရန် စီစဉ်ထားပြီး ပထမအပိုင်း တည်ဆောက်မည့် ဆွလ္လာသ်ဝတ်ပြုဆောင်အတွက် စုစုပေါင်း အမေရိကန် ဒေါ်လာ လေးသိန်း ကျော်ကုန်ကျမည်ဖြစ်သည်။ တစ်ပေပတ်လည်အတွက် အမေရိကန်ဒေါ်လာ ၁၅၈ ဒေါ်လာနှုန်းကုန်ကျမည်ဖြစ်ပြီး ဆွလ္လာသ်ဝတ်ပြုရန် နေရာ တစ်နေရာအတွက် ဒေါ်လာ တစ်ထောင်ငါးရာ ရှစ်ဆယ် (၁၅၈၀)  နှုန်းကုန်မည်ဖြစ်သည်။ အလှူငွေများထည့်ဝင်လိုပါက ဘီအမ်အီးစီစီ၏ အင်တာနက် စာမျက်နှာမှလည်းကောင်း၊ စာတိုက်မှတဆင့်လည်းကောင်း၊ ဘဏ်ငွေလွှဲစနစ်ဖြင့်လည်းကောင်း၊ တဆင့်ခံငွေလွှဲစနစ်ဖြင့်လည်းကောင်း ထည့်ဝင် လှူဒါန်းနိုင်ကြောင်းသိရပါသည်။

    အသေးစိတ်အချက်အလက်များအား အဖွဲ့အစည်း၏ အင်တာနာစာမျက်နှာ www.bmeccfw.org နှင့် www.facebook.com/bmeccfw မှတဆင့်ကြည့်ရှုနိုင်ပါသည်။

  • ဗလီဝတ်ကျောင်းတော်၏  အရေးပါမှု ကဏ္ဍမြှင့်တင်ရန် အမေရိကန်မှ မွတ်စလင်မ် ရှေ့ဆောင်ဆရာ ကြိုးပမ်း

    ဗလီဝတ်ကျောင်းတော်၏ အရေးပါမှု ကဏ္ဍမြှင့်တင်ရန် အမေရိကန်မှ မွတ်စလင်မ် ရှေ့ဆောင်ဆရာ ကြိုးပမ်း

    ကိုင်ရို။ ဟူစတန်ရှိ အစ္စလာမ့်စင်တာတစ်ခုမှ ဗလီဝတ်ကျောင်းတော်များ၏ အရေးပါမှုကို ဆော်အော်ခြင်းဖြင့် အီမာမ်(ရှေ့ဆောင်ဆရာတော်)များ မေ့လျော့နေသော ရည်ရွယ်ချက်များကို ပြန်လည်အသက်သွင်းလိုက်သည်။ ၀တ်ပြုရန်လာသူတို့အား အချိန်ကို တန်ဖိုးထားလေးစားရန်၊ ကျန်းမာရေးသတိရှိရန်နှင့် စီးပွားရေးလုပ်ဆာင်မှု စသည်တို့နှင့်ဆိုင်သော တရားဒေသနာတော်များဟောကြားရန်ဖြစ်သည်။

    “ဗလီဝတ်ကျောင်းတော်တွေရဲ့ အဆင့်အတန်းကို ကျွန်တော်တို့အမြဲတမ်း မေ့လျော့နေပါတယ်။ တမန်တော်မြတ် မုဟမ္မဒ်သခင်(ဆွ) လက်ထက်ကဆိုရင် ဗလီဝတ်ကျောင်းတော်တွေဟာ ၀တ်ပြုရာနေရာသက်သက်ထက်ကို ပိုပါတယ်။” ဟု ဟူစတန် Third Ward ရှိ အီဗရာဟင် အစ္စလာမ့်စင်တာ (Ibrahim Islamic Center) ၏ ရှေ့ဆောင်ဆရာတော်  ခါလစ်ရရှတ်ဒ် (Khalis Rashaad) က Houston Chronicle (တက္ကဆက်ပြည်နယ်တွင် ထုတ်ဝေသောသတင်းစာ) သို့ ပြောကြားသည်။

    အဆိုပါစင်တာသည် အယ်မေဒါလမ်းမရှိ ရှော့ပင်းမောတခုတွင် တည်ရှိပြီး စင်တာ၏ဖေ့စ်ဘွက်မန်ဘာများ စုပေါင်းထည့်ဝင်လှူဒါန်းငွေဖြင့် ရပ်တည်နေခြင်းဖြစ်သည်။အခြားဗလီဝတ်ကျောင်းတော်များကဲ့သို့ မျက်နှာကျက်တွင် အလှဆင်ထားသော မီးဆိုင်းများ၊ ဗလီဝတ်ကျောင်းတော်များ၏ အမှတ်အသားဖြစ်သော အမိုးခုံး၊ မင်နာရာ(ဗလီမျှော်စင်) စသည်တို့ မပါရှိချေ။သုံးလသာရှိသေးသော ထိုစင်တာ၏ နံရံများတွင်လည်း ကုရ်အာန်ကျမ်းတော်မြတ်၏ ဒေသနာတော်များအား ရေးချယ်ထားသော ကမ္ဗလာသုံးထည်သာ ချိတ်ဆွဲထားသည်။

    “ဒေါ်လာသန်းချီတန်တဲ့(ဂုဏ်ရှိတဲ့) ဗလီဝတ်ကျောင်းတော်တစ်ခုဖြစ်ဖို့ပါ။ ဒါပေမယ့် ခပ်လျော်လျော် ပရောဂျက်တွေ၊ အတွေးအမြင် အယူအဆတွေ ရှိနေမယ်ဆိုရင်တော့ ကျွန်တော်တို့ရဲ့ရည်ရွယ်ချက် ဆုံးရှုံးတာပါပဲ။” ဟု အသက် ၃၉ နှစ်အရွယ်ရှိ ထို ဗလီဝတ်ကျောင်းတော်၏ ရှေ့ဆောင်ဆရာတော်တစ်ပါးက ပြောကြားသည်။

    ထိုမြို့အတွင်းရှိ ဗလီဝတ်ကျောင်းတော်များ၏ အဓိကလုပ်ဆောင်ချက်များမှာ တနေ့ ဆွလာသ် ငါးကြိမ်ဝတ်ပြုခြင်း၊ သောကြာနေ့ဝတ်ပြုခြင်းနှင့် ဘာသာရေးသင်တန်းများ သင်ကြားပို့ချခြင်းတို့သာ ဖြစ်ပြီး အီဗရာဟင် အစ္စလာမ့်စင်တာမှာ တမူထူးခြားသည်။Community center တခုကဲ့သို့ဖြစ်ပြီး စင်တာကို စီမံခန့်ခွဲသူများက မြို့၏ ကျင်ဆင်းနေသော စီးပွားရေးကဏ္ဍကို မြှင့်တင်နိုင်သော အစီအစဉ်များစွာကို အကောင်အထည်ဖေါ်ရန် လုပ်ဆောင်လျက်ရှိသည်။

    အစားအသောက်များ ဖြန့်ဖြူးခြင်း၊ တရားဝင် အလုပ်အကိုင်ရရှိအောင် ဆောင်ရွက်ပေးခြင်း၊ အကျဉ်းသားများပြန်လည်ထူထောင်ရေးလုပ်ငန်းများ လုပ်ဆောင်ခြင်း၊ မူးရစ်ဆေးဝါးနှင့် အရက်စွဲနေသူများအား အဟာရထိန်းညှိပေးခြင်းနှင့် လေ့ကျင်ခန်းများလုပ်ဆောင်စေခြင်း စသည့် လမ်းညွှန်မှုများ လုပ်ဆောင်ခြင်း၊ အခမဲ့ဆေးကုသမှုအစီအစဉ်များ ဆောင်ရွက်ခြင်းနှင့် စီပွားစီမံပညာနှင့် ငွေးကြေးစီမံခန့်ခွဲမှုသင်တန်းများပေးခြင်း စသည်တို့ဖြစ်သည်။

    “ကျွန်တော်တို့ရဲ့အစီအစဉ်ကတော့ အဖွဲ့အစည်းတော်တော်များများ မလုပ်ကြတဲ့ ဒီလို ပရောဂျက်တွေကို တကယ်လိုအပ်နေတဲ့နေရာတွေမှာ လုပ်ဆောင်ပေးဖို့ပါပဲ။ ဗလီဆိုတာ အဆောက်အဦး တစ်ခုသက်သက်မဖြစ်ရပါဘူး။ ကျွန်တော်တို့ ပတ်ဝန်းကျင်ကို ထွက်ကြည့်ရမယ်။ ပြီးတော့ သူတို့ အခြေအနေအတွေအလိုက် အရေးတကြီးလိုအပ်နေတာတွေကို ဖြည့်ဆည်းပေးရပါမယ်။ ” ဟု ရရှတ်ဒ် က ဆိုသည်။

    သူက တမန်တော်မြတ် မုဟမ္မဒ်သခင်(ဆွ) အချိန်ကာလတွင်ရှိခဲ့သော ဗလီဝတ်ကျောင်းတော်များ၏ ပုံစံအတိုင်း ပြန်လည်ဆန်းသစ်ရန် မျှော်လင့်ထားသည်။ တမန်တော်မြတ်လက်ထက်တွင် မွတ်စလင်နှင့် မွတ်စလင်မဟုတ်သူများပါ ဗလီဝတ်ကျောင်းတော်များသို့ လာရောက်ကြကာ စီပွားရေးနှင့် ပက်သက်သည့် အကြံဉာဏ်များရယူခြင်း၊ လူမှုရေးဆိုင်ရာကိစ္စရပ်များအား ဆွေးနွေးအဖြေရှာခြင်း၊ ထိုဗလီဝတ်ကျောင်းတော်များမှ ကူညီထောက်ပံမှုများအား လက်ခံခြင်းများ ရှိခဲ့ကြသည်။

    ပတ်ဝန်းကျင်အား ကူညီထောက်ပံ့ခြင်း။

    ဗလီဝတ်ကျောင်းတော်၏ ရှေ့ဆောင်ဆရာတော်အဖြစ် အခမဲ့ တာဝန်ထမ်းဆောင်ခြင်းဖြင့် ရရှတ်ဒ်က ပတ်ဝန်းကျင်အား ပြန်လည်ပေးဆပ်ရန် မျှော်လင့်ထားသည်။

    “ဒါဟာ ကျွန်တော်အများကြီး(အကူအညီ) ရယူခဲ့တဲ့ ပတ်ဝန်းကျင်အတွက် ပြန်လည်ပေးဆပ်မှုတစိတ်တပိုင်းပါပဲ။” ဟု သူက ဆိုသည်။ ရရှတ်ဒ်သည် Third Ward တောင်ပိုင်းရှိ ခရစ်ယာန်ဘာသာဝင် အဘိုး၊ အဘွားတို့၏ နေအိမ်တွင် မွေးဖွားကြီးပြင်းခဲ့ပြီး ဆယ်ကျော်သက်ကာလများတွင် မူးယစ်ဆေးစွဲခဲ့ကာ ရာဇ၀တ်မှုများနှင့်လည်း ငြိစွန်းခဲ့သည်။ အထက်တန်းကျောင်းမှထွက်ပြီး၊ အိမ်မှထွက်ပြေးခဲ့သည်။

    ထိုသို့ အဆိုးဆုံးအခြေအနေ ကြုံတွေ့နေရချိန်တွင် ထိုဒေသရှိ မွတ်စလင်များက သူ၏ဘ၀အား ပြန်လည်တည့်မတ်လာစေရန် အတူတကွကူညီဖေးမခဲ့ကြသည်။ထို့နောက် သူသည် ကျောင်းပြန်တက်ခဲ့ပြီး၊ အစ္စလာမ်သာသနာကိုလည်း သက်ဝင်ယုံကြည်လာခဲ့သည်။ နောက်ပိုင်းတွင် စာရင်းအင်းနှင့် စီးပွားစီမံပညာ အဓိကဖြင့်ဘွဲ့ရခဲ့ပြီး စီးပွားရေးစီမံခန့်ခွဲမှုဖြင့် မဟာဘွဲ့ရခဲ့လေသည်။

    ယခုအခါ စာရင်းကိုင်အဖြစ် လုပ်ကိုင်နေပြီး၊ ရှေ့ဆောင်ဆရာတော်အဖြစ် တာဝန်ထမ်းဆောင်ကာ မိသားစုနှင့်အတူ ပျော်ရွှင်စွာနေထိုင်လျက်ရှိသည်။သားသမီးနှစ်ယောက်၏ ဖခင်ဖြစ်သော အီမာမ်ရရှတ်ဒ်သည် ဗလီဝတ်ကျောင်းတော်များတွင် ခေါင်းဆောင်အဖြစ် ဆောင်ရွက်နေသော အမေရိကန်မွတ်စလင်များထဲမှ တစ်ဦးဖြစ်လေသည်။

    သုံးနှစ်တာသင်ယူရသော အီမာမ်လေ့ကျင့်သင်ကြားရေးသင်တန်း(imam training course) ကိုလည်း ယမန်နှစ်က ပြီးဆုံးအောင်မြင်ခဲ့လေသည်။ ထိုသင်တန်းကို ပါဆိုမြို့ (El Paso-တက္ကဆက်ပြည်နည် အနောက်ပိုင်းရှိမြို့) ဘွား မွတ်စလင် အီမာမ် ၀ါဇီအလီ (Wazir Ali) က ဖွင့်လှစ်သင်ကြားခြင်းဖြစ်ပြီး သူသည်ဟူစတန်တောင်ပိုင်းရှိ ဗလီဝတ်ကျောင်းတော်တစ်ခုကို ဦးဆောင်နေသူလည်းဖြစ်သည်။

    “ကျွန်တော်ရဲ့ရည်ရွယ်ချက်ကတော့ အစ္စလာမ်ရဲ့ စစ်မှန်တဲ့ အနှစ်သာရနဲ့၊ အစ္စလာမ့်ရဲ့တန်ဖိုးကို နားလည်တဲ့ မွတ်စလင်ခေါင်းဆောင်တွေကို မွေးထုတ်ပေးဖို့ပါပဲ။ နောက်ပြီး လူ့ဘ၀ရဲ့ အခြေခံအကျဆုံးလိုအပ်ချက်ဖြစ်တဲ့ ဖွံ့ဖြိုးတိုးတက်မှုကို အားပေးမြှင့်တင်ပေးဖို့လည်းဖြစ်ပါတယ်။” ဟု အလီက ဆိုသည်။

    အီဗရာဟင် အစ္စလာမ့်စင်တာ၏ ပထမဆုံး ပရောဂျက်ဖြစ်သော “ရောင်းရင်းများအား ကူညီမှု အစီအစဉ်”ကို လာမည့် ဇွန်လတွင် စတင်ရန် စီစဉ်ထားရှိလေသည်။အိမ်နီးချင်းများအား လက်လှမ်းကူညီမှုအဖြစ် စင်တာအဖွဲ့ဝင်များက နေရာများသတ်မှတ်ကာ Third Ward ပတ်ဝန်းကျင်ရှိ လူများအား အခမဲ့ ကျန်းမာရေးစစ်ဆေးပေးခြင်း၊ အရက်နှင့်မူးယစ်ဆေးစွဲနေသူများနှင့် ဆွေးနွေးခြင်း၊ အစားအသောက်ဆိုင်ရာ အကြံဉာဏ်များပေးခြင်း၊ လတ်ဆတ်သော သစ်သီးဝလံများဝေငှခြင်းများကို ဆောင်ရွက်မည်ဖြစ်သည်။

    “တခြားဘာသာတရားတွေရဲ့ အဖွဲ့အစည်းတွေက အကူအညီပေးနေတာတွေကို ကျွန်တော်တို့က ဘေးကနေထိုင်ပြီး ကြည့်နေရတာမျိုး မလိုချင်တော့ပါဘူး။” ဟု ရရှတ်ဒ်က ပြောကြားခဲ့လေသည်။

    မူရင်းကိုးကားသတင်း >> Click here

    ဘာသာပြန်>> ဝေဇင်