News @ M-Media

Tag: MaungMaungTar

  • မေ့မရနိုင်သော မင်းသားကြီးမောင်မောင်တာ

    မေ့မရနိုင်သော မင်းသားကြီးမောင်မောင်တာ

    KayMone 20151227

    အိုးဝေခင်မောင်ကွန့်

    ဒပ်ဗလင်တက္ကသိုလ်မှ SPHD ဂုဏ်ထူးဆောင် ဒေါက်တာဘွဲ့ကို ဆွတ်ခူးရရှိ ခဲ့သော နိုင်ငံကျော်ရုပ်ရှင်မင်းသားကြီး၊ ဒါရိုက်တာ ဒေါက်တာမောင်မောင်တာ ၏ ဖခင်ဘက်မှ အဘိုး ခန်ဆွာဟိဗ်-ခန်ဗဟာဒူရ်အာဂါအလီ အက္ကဗရ်ရှီ ရာဇီမှာ မြန်မာနိုင်ငံဆိုင်ရာ ပါရှားနိုင်ငံ(အီရန်)ကောင်စစ်ဝန်(၁၉၂ဝ-၁၉၂၉) မြေပိုင်ရှင်၊ မီးတိုင်အုပ်၊ ကုန်သည်ကြီး၊ အစိုးရကန်ထရိုက်တာဖြစ်ပြီး မန္တလေး ရွှေမြို့တော်၏ ပထမတန်းစားဂုဏ်ထူးဆောင် သမာဓိမြို့ဝန်မင်း၊ တရားသူကြီး လည်းဖြစ်သည်။ သူသည် ၁၉၂၉ ခုနှစ် (၆၃)နှစ်တွင် ရန်ကုန်မြို့၌ ကင်ဆာ ရောဂါဖြင့် ကွယ်လွန်ခဲ့သည်။

    မိခင်ဘက်မှ မြန်မာဗုဒ္ဓဘာသာအဘိုးမှာ စစ်ကိုင်းတောင်ရိုးတွင် တည် ဆောက်လှူဒါန်းထားသော ရွှေကျောင်းကြီး၏ ဒါယကာ၊ မန္တလေးမြို့မလွန်ဆန်လှူ အသင်းကြီးကို ထူထောင်ခဲ့သူ ရွှေကျောင်းဒါယကာ-ဦးကျားဖြစ်သည်။ ဤဆန်လှူအသင်းကြီးကား ယနေ့တိုင်တည်ရှိလျက်ပင်။ ဦးကျားမှာ မန္တလေး မြို့တော် စည်ပင်မြူနီစီပါယ်ကောင်စီဝင်အဖြစ် (၃၅)နှစ်လုံးလုံးမဲဆန္ဒဖြင့် နှစ်စဉ် ရွေးချယ်တင်မြှောက်ခြင်းမပြုရဘဲ ဆက်တိုက်ယှဉ်ပြိုင်ဘက်မဲ့အရွေးခံတာဝန်ယူရ သူဖြစ်သည်။ သူသည် ၁၉၄၄ ခုနှစ်တွင် စစ်ကိုင်းတောင်ရိုးရွှေကျောင်းတွင် ကွယ်လွန်၍ စစ်ကိုင်းတောင်ရိုးရွှေကျောင်းကြီးမှာပင် ဂူသွင်းမြှုပ်နှံခဲ့ သည်။

    ၁၉၅၄ ခုနှစ်တွင် ဗိုလ်ကြီးမောင်မောင်တာမှာ တောင်ငူမြို့တွင် စခန်းချ နေသော အမှတ်(၂)တပ်မဟာအောက်တွင် အမှုထမ်းခဲ့စဉ် လုပ်သက်ခွင့် သုံးလ ရရှိခဲ့သည်။ ထိုသို့ခွင့်နှင့်နေစဉ် အမေရိကန်နိုင်ငံ ဟောလိဝုဒ်ရုပ်ရှင် မြို့တော်မှ စာရေးဆရာအသင်းဥက္ကဋ္ဌ ပေါလ်ဂန်ဂလင်၊ရုပ်ရှင်ထုတ်လုပ်သူ အိုဝိလ်ဖော့စ်၊ရုပ်ရှင်ဒါရိုက်တာ ဂျော့ဆိုက်ဇ်တို့မှ စနေနေ့ညတစ်ညတွင် ရန်ကုန်မြို့ရှိ (၉၉)ကလပ်တွင် ဗိုလ်ကြီးမောင်မောင်တာနှင့် ရတနာနတ်မယ်(ခ) ဂျွန်ရိုဇ်ဘလမီတို့ အနောက်တိုင်း’တန်ကို’အက ကနေစဉ် တွေ့ရှိကာ ဗိုလ်ကြီး မောင်မောင်တာအား မင်းသားအဖြစ် ရွေးချယ်ရန် မျက်စိကျခဲ့သည်။

    ထိုဟောလိဝုဒ်အဖွဲ့မှာ ထိုအချိန်ကနိုင်ငံတော်ဝန်ကြီးချုပ်ဦးနု၏ ကွန်မြူ နစ်ဆန့်ကျင်ထားသော ‘လူထုအောင်သံ’ ပြဇာတ်ကို ရုပ်ရှင်ရိုက်ရန် ရောက်ရှိ နေသည့်အဖွဲ့ဖြစ်သည်။ ရတနာနတ်မယ် ဂျွန်ရိုဇ်သည် နောင်တစ်ချိန်တွင် တော်လှန်ရေးကောင်စီဥက္ကဋ္ဌဗိုလ်ချုပ်ကြီးနေဝင်း၏ ဇနီး(First Lady) ဖြစ်ခဲ့ သည်။

    ‘လူထုအောင်သံ’ဇာတ်ကားကို မြန်မာပြည်အနှံ့အပြား အောင်မြင်စွာ ပြသခဲ့ရာ ရန်ကုန်မြို့၌ ပြုလုပ်ခဲ့သော ဖွင့်ပွဲအတွက် ဗမာ့လေတပ်မတော်က ကောင်းကင်မှနေပြီး ကွန်မြူနစ်ဆန့်ကျင်ရေး ‘လူထုအောင်သံ’ဇာတ်ကား ကြော်ငြာများကို လေယာဉ်ဖြင့် ရန်ကုန်၊ ပြည်၊ ပဲခူးမြို့များပေါ် ဖြန့်ကြဲပြီး ကြော်ငြာခဲ့သည်။

    ထိုကွန်မြူနစ်ဆန့်ကျင်ရေး ‘လူထုအောင်သံ’ဇာတ်ကား ဝဇီရာရုံ၌ အထူးပွဲ ပြသရာတွင် ထိုစဉ်က နိုင်ငံတော်သမ္မတကြီး မန်းဝင်းမောင်၊ နိုင်ငံတော် ဝန်ကြီးချုပ် ဦးနု၊ နိုင်ငံခြားရေးဝန်ကြီး စောခွန်ချိုနှင့် အခြားဝန်ကြီး ဧည့်သည် တော်များအပြင် နောင်တစ်ချိန်တွင် ကုလသမဂ္ဂ၌ အတွင်းရေးမှူးချုပ်ဖြစ်လာသူ ဦးသန့်နှင့် နိုင်ငံတော်ရှေ့နေချုပ် ဦးချန်ထွန်းတို့တက်ရောက် ချီးမြှင့်ခဲ့ကြရာ နိုင်ငံတော် ဝန်ကြီးချုပ် ဦးနုက ဗိုလ်ကြီးမောင်မောင်တာအား တပ်မတော်မှ နုတ်ထွက်ပြီး အမေရိကန်နိုင်ငံ ဝါရှင်တန်မြို့ရှိ အမေရိကန်နိုင်ငံဆိုင်ရာ မြန်မာ သံရုံး၌ ဒုတိယ အတွင်းဝန်အဖြစ်ခန့်အပ်ရန် သဘောတူခဲ့သည်။ သို့ရာတွင် ထိုရာထူးကိုလက်ခံရန် အခြေအနေမပေးခဲ့သဖြင့် ဗိုလ်ကြီးမောင်မောင်တာမှာ မသွားနိုင်ခဲ့ပေ။
    180223_1547297603189_7185289_n
    ၂၄-၅-၅၂ နေ့စွဲပါ တပ်မတော်မှ နုတ်ထွက်ခွင့်စာအရ ခွင့်ရက်များခံစား ပြီး တပ်မတော်ဗိုလ်ကြီးအဆင့်မှ မင်းသားဘဝသို့ ကူးပြောင်းလာခဲ့သည်။

    တပ်မတော်ပြန်တမ်းဝင်အရာရှိမှ ရုပ်ရှင်မင်းသားဘဝသို့ Army Service to Movie Star ဗြိတိသျှဘားမားရုပ်ရှင်ပိုင်ရှင် ဦးညွန့်၏သား ဦးချန်ထွန်းနှင့် ဒါရိုက်တာ ရွှေဒုံးဘီအောင်တို့၏ မေတ္တာရပ်ခံချက်အရ ဗိုလ်ကြီးဟောင်း မောင်မောင်တာ သည် ရုပ်ရှင်မင်းသားအဖြစ် ‘ဒေါက်တာ အောင်ကျော်ဦး’ ဇာတ်ကားကို မင်းသမီး မေသစ်၊ မေရီမြင့်တို့နှင့်တွဲဖက်လျက် ဇာတ်ကားရိုက်ကူးခဲ့ရာမှ အမေရိကန်နိုင်ငံတွင် သံတမန်လုပ်ငန်းကို မလုပ်နိုင်ခဲ့ဘဲ မြန်မာ့ရုပ်ရှင်လောက တွင် ၁၉၅၄ ခုနှစ်မှ ၁၉၈ဝ ပြည့်နှစ်အတွင်း ဇာတ်ကားပေါင်း ၄ဝ ကျော် ရိုက်ကူးကာ ‘ဒေါက်တာ အောင်ကျော်ဦး’ဇာတ်ကားမှ ဇာတ်ကားဆု၊ ဒါရိုက်တာ ဆု အကယ်ဒမီများရရှိခဲ့သည်။

    မင်သားမောင်မောင်တာက ကိုယ်တိုင်ဒါရိုက်တာ၊မင်းသားအဖြစ် ရိုက်ကူး ခဲ့သော ဇာတ်ကားများအနက် ‘မျှော်တလင့်လင့်’ ဇာတ်ကားမှာလည်း ၁၉၆၂ ခုနှစ်အတွက် ဝင်ငွေအကောင်းဆုံးဇာတ်ကားဟူ၍ ကြေညာနိုင်ခဲ့သည်။ ၎င်းရိုက်ကူးခဲ့သော ဇာတ်ကား ၄ဝ ကျော်တွင် တွဲဖက်သရုပ်ဆောင်ခဲ့သော မင်းသမီးများမှာ အကယ်ဒမီ ကြည်ကြည်ဌေး၊ အကယ်ဒမီ မြင့်မြင့်ခင်၊ မေသစ်၊ မေရီမြင့်၊ အကယ်ဒမီ တင်တင်မူ၊ အကယ်ဒမီ စံရှားတင်၊ ကသာမယ် မခင် မှီ၊ ပဲခူးမယ်မြင့်၊ အေဝမ်းမေလွင်၊ အကယ်ဒမီ ခင်ယုမေ၊ အကယ်ဒမီ ခင်သန်းနု၊ မေရီမြ၊ မသက်ပန်၊ အကယ်ဒမီ ဝါဝါဝင်းရွှေတို့ဖြစ်ကြသည်။ တွဲဖက်သရုပ်ဆောင် ခဲ့သော မင်းသားများမှာ အကယ်ဒမီ ထွန်းဝေ၊ အကယ်ဒမီ ကောလိပ်ဂျင်နေဝင်း၊ အကယ်ဒမီ ဗိုလ်ဗကို၊ အကယ်ဒမီ မောင်သင်၊ တင်ဖေ၊ ကျော်ဖေ၊ အကယ်ဒမီ ကျော်ဟိန်း၊ ဇော်ဝမ်းတို့ဖြစ်ကြသည်။

    မင်းသားမောင်မောင်တာ၏ အကြိုက်ဆုံးဇာတ်ကားများမှာ လူထုအောင် သံ၊ မျှော်တလင့်လင့်၊ ဒေါက်တာအောင်ကျော်ဦး၊ ဤလူ့ဘောင်တွင်၊ သစ္စာ မဏ္ဍိုင်နှင့် ဆုဇာတ်ကားတို့ ဖြစ်သည်။ ၎င်းအား ”မောင်မောင်တာ အကယ်ဒမီ ဘာကြောင့် မရသလဲ”ဟု မေးသည့်အခါ အမေရိကန်နိုင်ငံ ဗွီအိုအေအသံလွှင့် ဌာနမှတစ်ဆင့် ဖြေခဲ့သည်မှာ သူက ဒေါက်တာအောင်ကျော်ဦးဇာတ်ကားမှာ ဇာတ်ကားဆု၊ ဒါရိုက်တာဆု အကယ်ဒမီရခဲ့ပေမယ့် အောင်ကျော်ဦးအသွင် သရုပ်ဆောင်ခဲ့သူ ကျွန်တော် အကယ်ဒမီမရခဲ့သည်မှာ ထိုအချိန်က ပြန်ကြား ရေးဝန်ကြီး ဦးထွန်းဝင်း၏ ခင်မင်ရင်းနှီးစွာ ပြောဆိုချက်အရ ”မောင်မောင်တာ မင်းကမြင်း၊ မြင်းကို ချိုတပ်ပေးလိုက်မယ်ဆိုရင် ကန်လည်းကန်မယ်၊ ဝှေ့လည်း ဝှေ့မယ်” ဆိုပြီး ရယ်မောလျက် ဖြေခဲ့ပါသည်ဟူ၏။
    169034_1547299923247_53959_n
    အာရှရုပ်ရှင်ပွဲတော် မနီလာမြို့ Fifth Asian Film Festival- Manila ၁၉၅၇ ခုနှစ်တွင် မင်းသားမောင်မောင်တာသည် ဖိလစ်ပိုင်ကျွန်း မနီလာမြို့တော်၌ ကျင်းပခဲ့သော (၅)ကြိမ်မြောက် အာရှရုပ်ရှင်ပွဲတော်ကြီးသို့ မြန်မာနိုင်ငံကိုယ်စားလှယ်အဖြစ် တက်ရောက်ခဲ့သည်။

    မနီလာမြို့၌ ဖိလစ်ပိုင်သမ္မတကြီး ကာလိုဂါးရှား (President Carlo Garcia)၏ ဧည့်သည်တော်အဖြစ် မာလကာနီရွန်နန်းတွင်း ဧည့်သည်တော် ဖြစ်ခဲ့သည်။

    ရုပ်ရှင်သက်ကြီးပူဇော်ပွဲ Paying Respect to the Aged Movie Stars မြန်မာနိုင်ငံ ရုပ်ရှင်အစည်းအရုံးမှ နှစ်စဉ်ကျင်းပလျက်ရှိသော ရုပ်ရှင်သက်ကြီးပူဇော်ပွဲများသို့ နှစ်စဉ်မပျက်မကွက် တက်ရောက်အပူဇော်ခံနေသူဖြစ်သည်။ သူသည် ၂ဝ၁၄ ခုနှစ် ဇန်နဝါရီ ၉ ရက်က အသက် (၈၉)နှစ်ပြည့်ခဲ့ သည်။

    သူ၏ ဝါသနာမှာ ငယ်စဉ်ကပင် အနောက်တိုင်းအက (Ballroom Dancing) ကခြင်းပင်ဖြစ်သည်။ သူသည် အသက်(၁၂)နှစ်အရွယ်ကပင် အင်္ဂလန်နိုင်ငံ လန်ဒန်မြို့ရှိ ကမ္ဘာ့အနောက်တိုင်းအကချန်ပီယံ Victor Silverstor ကို ဆရာတင်ပြီး အကသင်ခဲ့သည်။ ဒေါက်တာမောင်မောင်တာသည် မြန်မာနိုင်ငံတွင် (၉)ကြိမ်တိုင်တိုင်Vinese waltz ‘ဝီယာနိဇ်ဝါလ်(စ)ချန်ပီယံဘွဲ့ ကို ဆွတ်ခူးခဲ့သည်။

    167645_1547312203554_3688038_n

    မွေးချင်းများ
    ————–
    ခန်ဗဟာဒူရ်ဟာဂျီဂိုလမ်ဟိုစိုင်န်ရှီရာဇီ(ခ) ဦးမောင်မောင်ကြီးနှင့် ဒေါ်သန်းတင်တို့မှ မွေးဖွားသော ဦးဗိုကြီး(မွေး -၁၉၂၄)(ဆုံး-၂ဝဝ၈)၊ဒေါက်တာ မောင်မောင်တာဟာဂ်ျ(မွေး-၁၉၂၆)၊ ဒေါ်ခင်စောမူ(မွေး-၁၉၂၇)၊ ဦးမောင် မောင်ပါ(မွေး-၁၉၃ဝ)စသည့် မွေးချင်းလေးဦးအနက် ဒေါက်တာမောင်မောင် တာသည် ဒုတိယသားဖြစ်သည်။ ကျန်ညီအစ်ကိုမောင်နှမများမှာ မန္တလေးမြို့၌ ယနေ့တိုင်သက်ရှိထင်ရှား ကျန်းမာစွာဖြင့် နေထိုင်လျက်ရှိကြသည်။

    သို့သော်လည်း ဒေါက်တာမောင်မောင်တာဟာဂ်ျသည် ရန်ကုန်မြို့ ဗိုလ်တထောင်မြို့နယ် သော်မဆင်ရိပ်သာ ၅၄လမ်း အမှတ်(၆၃)မြေညီထပ်တွင် လက်ရှိအိမ်ထောင်ဆိုဖီယာ (ခ) မစန်းယုမော်နှင့် သမီးမိုနာမောင်မောင်တာ(၁၁)နှစ်၊ သားနိုင်မင်းတာ(၉)နှစ်ခွဲတို့နှင့် နေထိုင်ပြီး အသက်အရွယ်ကြီးမြင့်လာ သည့်အတွက် ဘာသာသာသနာလုပ်ငန်းများကို အေးချမ်းစွာဖြင့် လုပ်ကိုင်ရင်း နေထိုင်လျက်ရှိစဉ် ၂ဝ၁၅ ခုနှစ် မတ် ၂၆ရက် အသက် (၉ဝ)အရွယ်တွင် နာမကျန်းဖြစ်ကာ ရန်ကုန်မြို့တွင် ကွယ်လွန်သွားရှာပြီဖြစ်ပါကြောင်း၊ ထို့ကြောင့်ပင် ကျန်ရစ်သူ မိသားစုမှ ၂ဝ၁၅ ခုနှစ်ကုန်တွင် ဒါရိုက်တာ၊ မင်းသားကြီး ဒေါက်တာမောင်မောင်တာ ဖောင်ဒေးရှင်းကို တည်ထောင်ကာ လှူဒါန်းတော့မည်ဟု သိရှိရသည်။ (ဒေါက်တာမောင်မောင်တာ ကိုယ်တိုင်ရေး သားထားခဲ့သော ကိုယ်တိုင်ရေးအတ္ထုပ္ပတ္တိမှ) ရုပ်ရှင်မင်းသားကြီးနှင့် ရုပ်ရှင် ဒါရိုက်တာ ဒေါက်တာမောင်မောင်တာသည် ငြိမ်းချမ်းရေးသံအမတ်ကြီးနှင့် ငြိမ်းချမ်းရေးအဖွဲ့ဥက္ကဋ္ဌကြီးအဖြစ်ပါ တာဝန်ထမ်းဆောင်ခဲ့သူဖြစ်ပါကြောင်း။

    ဒီဇင်ဘာ ၂၇ ၊ ၂၀၁၅ ထုတ် ကြေးမုံ သတင်းစာမှ ကူးယူဖော်ပြသည်။

    ဆက်စပ်အကြောင်း အရာ ဖတ်ရန်
    ——————————–
    မင်းသားကြီး မောင်မောင်တာ (သို့) ကြွေလွင့်သွားတဲ့ ကြယ်တပွင့်
    http://www.m-mediagroup.com/news/39336

  • မင်းသားကြီး မောင်မောင်တာ (သို့) ကြွေလွင့်သွားတဲ့ ကြယ်တပွင့်

    မင်းသားကြီး မောင်မောင်တာ (သို့) ကြွေလွင့်သွားတဲ့ ကြယ်တပွင့်

    မတ် ၃၀ ၊ ၂၀၁၅
    M-Media
    169034_1547299923247_53959_n
    ရုပ်ရှင်မင်းသား မောင်မောင်တာအဖြစ် ထင်ရှားကျော်ကြားခဲ့သူ ဒေါက်တာ ဦးမောင်မောင်တာ တစ်ယောက် အသက်(၉၀)အရွယ် ၂၀၁၅-ခု မတ်လ ၂၆-ရက် ညပိုင်းက ရန်ကုန်မြို့ နေအိမ်မှာ လူကြီးရောဂါဖြင့် ကွယ်လွန်သွားကြောင်း သိခဲ့ရသည်။

    မင်းသား မောင်မောင်တာလို့ လူသိများသည့် ဒေါက်တာမောင်မောင်တာသည် ရုပ်ရှင်မင်းသားဘ၀တွင်သာ ကျင်လည် ထွန်းပေါက်ခဲ့သည် မဟုတ်ပဲ စစ်သားဘ၀၊ ဘာသာပေါင်းစုံ ငြိမ်းချမ်းရေး သံတမန်ဘ၀၊ ဘာသာတွင်း စွန္နီ-ရှီအာ ငြိမ်းချမ်းရေး ဆောင်ရွက်သူဘ၀၊ ဘာသာရေးအဖွဲ့များတွင်လည်း သာသနာ့ဝန်ထမ်းဘ၀တွေကိုပါ ဆောင်ရွက်သွားခဲ့သည့် တာဝန်ကျေ လူသားတစ်ဦးဖြစ်ပေသည်။

    မွတ်စလင်အများစုအနေဖြင့် ဦးမောင်မောင်တာလို့ ကြားလိုက်ရသည်နှင့် သူ့အား ရှီအာမွတ်စလင်အဖွဲ့ချုပ်နှင့် တွဲဘက်မြင်ယောင် မိကြပေမည်။ ဟာဂျီ ဦးမောင်မောင်တာသည် မြန်မာနိုင်ငံ ရှီအာဟ်မွတ်စလင်အဖွဲ့ချုပ်၏ ဥက္ကဌအဖြစ် သေဆုံးသည်အထိ တာဝန်ယူသွားခဲ့သည်။

    မြန်မာနိုင်ငံဆိုင်ရာ ပါရှားနိုင်ငံ (အီရန်)ကောင်စစ်ဝန်၊ မြေပိုင်ရှင်၊ ကုန်သည်တော်ကြီး၊ မန္တလေးမြို့ အစိုးရ ကန်ထရိုက်တာနှင့် ဂုဏ်ထူးဆောင် သမာဓိမြို့ဝန်မင်း တစ်ဦးဖြစ်သည့် ဟာဂျီ ဂူလမ် ဟူစိန် ရှီရာဇီ ခေါ် မီးတိုင်အုပ် ဦးမောင်မောင်ကြီး နှင့် ဦးရာဇတ်၏ အမျိုးသားကျောင်းတွင် ပထမဦးဆုံးသောဆရာမ ဖြစ်သူ ဒေါ်သန်းတင် တို့က ၁၉၂၆-ခု ဇန်န၀ါရီလ ၉-ရက်၊ စနေနေ့၌ ဦးမောင်မောင်တာအား မန္တလေးမြို့တွင် မွေးဖွားခဲ့သည်။

    Father

    ဦးမောင်မောင်တာသည် မန္တလေးမြို့ စိန့်ဂျိုးဇက်ဖ် အမျိုးသမီး အထက်တန်းကျောင်းတွင် ၁၉၂၉-ခုနှစ် မှ ၁၉၃၂-ခုနှစ် အထိ ပညာသင်ကြားခဲ့ပြီး မန္တလေးမြို့ စိန့်ပီတာ အင်္ဂလိပ် အထက်တန်း ကျောင်းတွင် ပညာသင်ကြားနေစဉ်  ၁၉၄၁-ခုနှစ်တွင် ဒုတိယကမ္ဘာစစ်မီး မြန်မာပြည်သို့ ကူးစက်ရောက်ရှိလာသဖြင့် ၁၀-တန်း အထိသာ ပညာဆည်းပူးခဲ့ရသော်လည်း လန်ဒန်မြို့တော် မက်ထရိုပိုလီတန်တက္ကသိုလ်မှ Award Master Degree နှင့် ပါရဂူဘွဲ့ကို ရရှိခဲ့သူဖြစ်သည်။

    “တပ်မတော်သားဘ၀”
    ———————–
    11081463_661333593971629_519192251_n၁၉၄၂-ခုနှစ်တွင် ဦးမောင်မောင်တာသည် ဗမာ့လွတ်လပ်ရေးတပ်မတော် BIA သို့ ၀င်ရောက်ခဲ့သည်။ ဒုတိယကမ္ဘာစစ်အတွင်း ဂျပန်တပ်မတော်အား ခုခံတိုက်ခိုက်သည်တွင် BIA  တပ်မတော်သားများလည်း ပါဝင်ခဲ့ရာ BIA တပ်သား ဦးမောင်မောင်တာသည် ကျောက်ဆည်ခရိုင် မြစ်သားမြို့နယ်၊ လမ်းခွရွာမှ မန္တလေးအထိ လွတ်လပ်ရေးအတွက် စစ်မှုထမ်းခဲ့သည်။

    မြန်မာနိုင်ငံလွတ်လပ်ရေး  ဖခင်ကြီး ဗိုလ်ချုပ်အောင်ဆန်း၏ ရန်ကုန်မြို့ ဦးဝိဇာရလမ်းရှိ စစ်ဝန်ကြီး ရုံးတော်လက်နက်ဌာနတွင်လည်း Civilian   Attache အရပ်သား အဝယ်တော် အဖြစ် ၁၉၄၃-ခုနှစ်မှ ၁၉၄၅-ခုနှစ် မတ်လ (၂၇) တော်လှန်ရေးနေ့ အထိ အမှုထမ်းဆောင်ခဲ့သည်။

    မြန်မာနိုင်ငံ လွတ်လပ်ရေးရပြီးနောက် သူသည် သာမန် တပ်မတော် ရဲဘော်တစ်ဦးအနေဖြင့်  ၁၉၄၈-ခုနှစ် သြဂုတ်လမှစတင်ကာ ဗမာ့တပ်မတော်(ကြည်း)တွင် ဝင်ရောက် အမှုထမ်းဆောင်ခဲ့ပြန်သည်။

    အင်္ဂလန်နိုင်ငံ (ဆင်ဟာဆ်) စစ်တက္ကသိုလ် ဗိုလ်သင်တန်းသို့ တပ်ကြပ်ကြီး မောင်မောင်တာအား မြန်မာ့တပ်မတော် ဗိုလ်လောင်း ရွေးချယ်ရေးအဖွဲ့ ဥက္ကဌ ဗိုလ်ချုပ် Douglas  Blake ၏ စစ်တက္ကသိုလ် သင်တန်းသို့ သွားရောက် ပညာသင်ရန် ရွေးချယ်ခြင်းခံရချိန်တွင် အခြားသော နိုင်ငံရေး ကိစ္စရပ်များကြောင့် မသွားခဲ့ပေ။

    ၁၉၄၉-ခုနှစ်တွင် KNDO နှင့် ဖြစ်ပွားခဲ့သည့် အင်းစိန်တိုက်ပွဲ စစ်မြေပြင်တွင် တိုက်ပွဲဝင်နေစဉ်မှာပင် ဗမာ့တပ်မတော် ပြန်တမ်းဝင် အရာရှိ ဒု-ဗိုလ် ဖြစ်ခဲ့သည်။
    ၎င်းအင်းစိန် တိုက်ပွဲတွင် ဗိုလ်မောင်မောင်တာ သည် အင်းစိန် တိုက်ပွဲကို ဦးဆောင်နေသူ ဗိုလ်ချုပ် ကျော်ဇော၏ ကိုယ်ရေးအရာရှိ အဖြစ်လည်းကောင်း၊ နေ့ခင်း၌ဗိုလ်မှူးဗကို (G-2-Int)၊ ဗိုလ်ကြီးစိုးမင်း- ဗိုလ်ကြီးရှပ် (G-3-Int) တပ်မတော်ထောက်လှမ်းရေး တာဝန်များမှ အစ ညပိုင်းတွင် ရန်သူ၏ နယ်များအတွင်း ဝင်ရောက် တိုက်ခိုက်သည့် အချိန် အထိတာဝန်ယူထမ်းဆောင် ခဲ့သူဖြစ်သည်။

    KNDO နှင့်ဖြစ်ပွားခဲ့သည့် အင်းစိန် တိုက်ပွဲ အောင်မြင်ခဲ့ပြီးနောက် ရန်ကုန်ပြင်ပ ကာကွယ်ရေး တိုက်ပွဲများတွင် ဗိုလ်မှူးကြီး ကြည်မောင် (ရန်ကုန်ပြင်ပကာကွယ်ရေးမှူး RODA) လက်အောက်၌ အမှုထမ်းခဲ့ပြီး မြစ်ဝကျွန်းပေါ် တိုက်ပွဲများအပြီးတွင် မြန်မာနိုင်ငံတောင်ပိုင်း စစ်ဌာနချုပ် ဗိုလ်မှူးချုပ် ကျော်ဇော၏ တာဝန်ပေးချက်အရ ဗမာ့ တပ်မတော်(ကြည်း)၏ ပထမဦးဆုံး စစ်အုပ်ချုပ်ရေးမှူးအဖြစ် အိုင်ကလောင်ကျွန်း၊ ဘောလယ်ကျွန်းဒေသများတွင် တာဝန်ထမ်းခဲ့သည်။

    အသက် (၂၄)နှစ်အရွယ် ၁၉၅၀-ခုနှစ်တွင် တပ်မတော် ဗိုလ်ကြီးအဆင့် တာဝန်များထမ်းဆောင်ခဲ့သည်။  အင်္ဂလန်နိုင်ငံမှ ဗိုလ်ချုပ်တန်ပယ်လ် မြန်မာနိုင်ငံမင်္ဂလာဒုံမြို့နယ်တွင် လာရောက်ဖွင့်လှစ်ခဲ့သော Burma Army Staff  College စစ်တက္ကသိုလ် စာမေးပွဲများ၌ ဗိုလ်ကြီး မောင်မောင်တာသည် နှစ်ကြိမ်တိတိ ပထမအဆင့်ဂုဏ်ထူး ရရှိခဲ့ခြင်းကြောင့် လျင်မြန်စွာ ရာထူးတိုးလာခဲ့ခြင်းဖြစ်သည်။

    ဦးမောင်မောင်တာသည် မြန်မာနိုင်ငံ စစ်မှုထမ်းဟောင်း အဖွဲ့ဝင်အဖြစ် အဖွဲ့ဝင်အမှတ် (၂၁၄၂၀) အရ ဗိုလ်တထောင် မြို့နယ် တွင်လည်းကောင်း၊ ပန်းပဲတန်းမြို့နယ် စစ်မှုထမ်းဟောင်းအဖွဲ့ဝင် အဖြစ်လည်းကောင်း ပါဝင်ပြီး စစ်မှုထမ်းဟောင်း တာဝန်များကို သေဆုံးသည့်တိုင် ထမ်းဆောင်သွားခဲ့သည်။ ဦးမောင်မောင်တာသည် နိုင်ငံတော် မော်ကွန်းဝင်အဆင့်တွင် ရှိသော်လည်း နိုင်ငံတော်ကို လျှောက်ထားခြင်းမပြုခဲ့ပေ။

    “ရုပ်ရှင်မင်းသားဘ၀”
    ———————
    ttတောင်ငူမြို့၌ စခန်းချနေသော အမှတ် (၂) တပ်မဟာ အောက်၌ အမှုထမ်းနေစဉ် ၁၉၅၄-ခုနှစ်တွင် လုပ်သက်ခွင့် (၃)လ ရရှိခဲ့ချိန် ညတစ်ညတွင် ရန်ကုန်မြို့ တိုန့်(က) လမ်းရှိ ‘၉၉’ကလပ်တွင်  ဗိုလ်ကြီး မောင်မောင်တာနှင့် နောင်တစ်ချိန်တွင် တော်လှန်ရေးကောင်စီ ဥက္ကဌ ဗိုလ်ချုပ်ကြီးနေ၀င်း၏ ဇနီးဖြစ်လာမည့် ရတနာနတ်မယ် (ခ) ဂျွန်ရိုဇ်ဘလမီ တို့ အနောက်တိုင်း ‘တန်ကို’အကကို ကနေစဉ် အမေရိကန်နိုင်ငံ ဟောလိဝုဒ် ရုပ်ရှင်မြို့တော်မှ စာရေးဆရာအသင်း ဥက္ကဌ ပေါလ်ဂန်ဂလင်၊ ရုပ်ရှင်ထုတ်လုပ်သူ အိုဝိလ်ဖော့စ်၊ ရုပ်ရှင်ဒါရိုက်တာ ဂျော့ဆိုက်ဇ်တို့အဖွဲ့မှ  ဗိုလ်ကြီး မောင်မောင်တာအား မင်းသားအဖြစ် ရွေးချယ်ရန် မျက်စိကျခဲ့သည်။

    ကွန်မြူနစ်ဆန့်ကျင်ရေးဖြစ်သည့် ‘လူထုအောင်သံ’ ဇာတ်ကားအား ဝဇီရာရုံ၌ အထူးပွဲ ပြသရာတွင် နိုင်ငံတော် သမ္မတကြီး မန်းဝင်းမောင်၊ နိုင်ငံတော် ဝန်ကြီးချုပ်ဦးနု၊  နိုင်ငံခြားရေး ဝန်ကြီးစောခွန်ချိုနှင့် အခြားဝန်ကြီး ဧည့်သည်တော်များအပြင် နောင်တစ်ချိန်တွင် ကုလသမဂ္ဂ၌ အတွင်းဝန်ချုပ် ဖြစ်လာသူ ဦးသန့်နှင့်နိုင်ငံတော် ရှေ့နေချုပ် ဦးချန်ထွန်းတို့ချီးမြှင့်တက်ရောက် ခဲ့ကြရာတွင် နိုင်ငံတော်ဝန်ကြီးချုပ် ဦးနုက ဗိုလ်ကြီး မောင်မောင်တာအား တပ်မတော်မှ နှုတ်ထွက်ပြီး အမေရိကန်နိုင်ငံ ဝါရှင်တန်မြို့ရှိ အမေရိကန်နိုင်ငံဆိုင်ရာ မြန်မာသံရုံး၌ ဒုတိယအတွင်းဝန် အဖြစ်ခန့်အပ်ရန် ဝန်ကြီးချုပ်မှ သဘောတူခဲ့သည်။ ဗိုလ်ကြီးဟောင်း မောင်မောင်တာသည် ရုပ်ရှင်မင်းသား အဖြစ်နှင့် ဇာတ်ကားကို မင်းသမီး မေသစ်၊ မေရီမြင့်တို့နှင့် ‘ဒေါက်တာ အောင်ကျော်ဦး’ ဇာတ်ကားရိုက်ခဲ့ရာ အမေရိကန်နိုင်ငံတွင် ထမ်းဆောင်ရမည့် သံတမန်ရာထူးကို လက်ခံရန် ဗိုလ်ကြီးမောင်မောင်တာ မသွားနိုင်ခဲ့ပေ။
    အမေရိကန် ဟောလီဝုဒ်နှင့် တွဲဖက် ရုပ်ရှင်ရိုက်ကူးသော လူထုအော်သံ ဇာတ်ကားတွင် သရုပ်ဆောင်ခွင့်ရရှိခဲ့သော မောင်မောင်တာ မှာ  မြန်မာနိုင်ငံမှ တစ်ဦးတည်းသော မင်းသားဖြစ်ပါတယ်။

    11113126_814770768578810_7749413151477402106_n
    တပ်မတော်မှနုတ်ထွက်ခွင့်စာကို (၂၄.၅.၅၂) တွင် ရခဲ့ရှိနောက်  တပ်မတော် ဗိုလ်ကြီးအဆင့်မှ မင်းသားဘဝသို့ ကူးပြောင်းခဲ့သည်။

    မောင်မောင်တာ ပါဝင် သရုပ်ဆောင်ခဲ့တဲ့ “ဤလူ့ဘောင်တွင်”  ရုပ်ရှင်ကားမှာ  အိန္ဒိယနိုင်ငံ အပါအဝင် အရှေ့တောင်အာရှနိုင်ငံများတွင် ပထမဆုံး မြင်ကွင်းကျယ်ဇာတ်ကား အဖြစ်မှတ်တမ်းဝင်ခဲ့ပါသည်။

    180223_1547297603189_7185289_n

    မင်းသားမောင်မောင်တာသည့် မြန်မာ့ရုပ်ရှင် လောကတွင် ၁၉၅၄-ခုနှစ်မှစတင်ကာ ၁၉၈၀-ပြည့်နှစ်ကာလအထိ ဇာတ်ကားပေါင်း ၄၀-ကျော် ရိုက်ကူးခဲ့ပြီး ‘ဒေါက်တာ အောင်ကျော်ဦး’ ဇာတ်ကားမှာ ဇာတ်ကားဆု၊ ဒါရိုက်တာဆု အကယ်ဒမီများ ရရှိခဲ့သည်။

    မင်းသားမောင်မောင်တာ ကိုယ်ပိုင်ဒါရိုက်တာ၊ မင်းသားအဖြစ် ရိုက်ကူးခဲ့သော ဇာတ်ကားများအနက် ‘မျှော်တလင့်လင့်’ ဇာတ်ကားမှာ ၁၉၆၂-ခုတွင် ၀င်ငွေအကောင်းဆုံး ဇာတ်ကားဖြစ်ခဲ့သည်။
    ဦးမောင်မောင်တာ ပါဝင်ခဲ့သော ဇာတ်ကား(၄၀)ကျော်တွင် အကယ်ဒမီ ကြည်ကြည်ဌေး၊ အကယ်ဒမီ မြင့်မြင့်ခင်၊ မေသစ်၊ မေရီမြင့်၊ တင်တင်မူ၊ အကယ်ဒမီ စံရှားတင်၊ ကသာမယ်မခင်မှီ၊ ပဲခူးမယ်မြင့်၊ အေဝမ်းမေလွင်၊ အကယ်ဒမီ ခင်ယုမေ၊ အကယ်ဒမီခင်သန်းနု၊ မေရီမြ၊ မသက်ပန်၊ အကယ်ဒမီ ဝါဝါဝင်းရွှေ၊ အကယ်ဒမီထွန်းဝေ၊ အကယ်ဒမီ ကော်လိပ်ဂျင် နေဝင်း၊ ဗိုလ်ဗကို၊ မောင်သင် ၊တင်ဖေ၊ကျော်ဖေ၊ အကယ်ဒမီ ကျော်ဟိန်း၊ဇော်ဝမ်း စသည့် မင်းသမီး မင်းသားများနှင့် အတူ တွဲဖက် သရုပ်ဆောင်ခဲ့သည်။

    မင်းသား မောင်မောင်တာ၏ အကြိုက်ဆုံး ဇာတ်ကားများမှာ  လူထုအောင်သံ၊ မျှော်တလင့်လင့်၊ ဒေါက်တာ အောင်ကျော်ဦး၊  ဤလူ့ဘောင်တွင်၊ သစ္စာမဏ္ဍိုင်နှင့် ဆုဇာတ်ကား များဖြစ်သည်။

    အာရှရုပ်ရှင်ပွဲတော်-မနီလာမြို့-
    ——————————
    င်္၁၉၅၇-ခုနှစ် တွင် ဖိလစ်ပိုင်ကျွန်း မနီလာမြို့တော်၌ ကျင်းပသည့် (၅)ကြိမ်မြောက် အာရှ ရုပ်ရှင်ပွဲတော်ကြီးသို့ မြန်မာနိုင်ငံ ကိုယ်စားလှယ်အဖြစ် မင်းသားမောင်မောင်တာ တက်ရောက်ခဲ့ပြီး ဖိလစ်ပိုင်နိုင်ငံ ရုပ်ရှင် မင်းသမီးချော လီတာဂူချာရပ်စ်နှင့် တွဲဖက်ကာ ‘တန်ဂို’ (Tango) အကဖြင့် မြန်မာ့အလံကို ဖိလစ်ပိုင်နိုင်ငံ ရုပ်မြင်သံကြား မှကမ္ဘာသို့လွှင့်ထူနိုင်ခဲ့သူဖြစ်သည်။
    11076290_660412574063731_7264776506282244900_n
    မြန်မာနိုင်ငံ ရုပ်ရှင်အစည်းအရုံးမှ နှစ်စဉ် ကျင်းပလျက်ရှိသည့် ရုပ်ရှင်သက်ကြီးပူဇော်ပွဲများသို့လည်း နှစ်စဉ် မပျက်မကွက် တက်ရောက် ပူဇော်ခံနေသူ တစ်ယောက်ဖြစ်ခဲ့သည်။
    179421_1547304323357_5286601_n
    ငယ်စဉ်ကတည်းက ၀ါသနာပါသည့် အနောက်တိုင်းအက (Ballroom  Dancing)ကို အသက်(၁၂)နှစ် အရွယ်က စတင်ပြီး အင်္ဂလန်နိုင်ငံ လန်ဒန်မြို့ရှိ ကမ္ဘာ့အနောက်တိုင်းအက ချန်ပီယံ HVictor Silvestor ထံမှ သင်ယူခဲ့သည်။ မောင်မောင်တာသည် မြန်မာနိုင်ငံတွင် (၉)ကြိမ်တိုင်တိုင်Vienese Waltz ဝီယာနိဇ်ဝါလ်(စ်) ချန်ပီယံဘွဲ့ ဆွတ်ခူးခဲ့သူဖြစ်ပြီး အကူအညီလိုသော လူမှုရေး အဖွဲ့အစည်းများကို သူတတ်မြောက်သည့် အကပညာဖြင့် ကူညီခဲ့သည်။

    အသက်ကြီးပိုင်းရောက်သော်လည်း သူ ၀ါသနာပါရာ အကပညာရပ်အား အမေရိကန် နိုင်ငံ၊ ကာလီဖိုးနီးယားပြည်နယ်ရှိ Arthur Murray’s School of Dancing ၌ အမေရိကန်နည်းဖြင့်  ထပ်မံသင်ယူလေ့ကျင့်ခဲ့ရာမှ အမေရိကန်နိုင်ငံ ကာလီဖိုးနီးယားပြည်နယ် အင်နာဟိုင်းတက္ကသိုလ်တွင် University of Anaheim Ca,USA အနောက်တိုင်း အကပညာကို ၁၉၉၅-ခုနှစ်တွင် စလယ်ဆုံး ထပ်မံဆည်းပူး သင်ယူခဲ့သူဖြစ်သည်။

    167645_1547312203554_3688038_n
    ဦးမောင်မောင်တာသည် အမေရိကန်နိုင်ငံတွင် အမြဲနေထိုင်ခွင့် Green Card  ရရှိထားသော်လည်း အသက်(၆၅) နှစ် ကျော်ဖြစ်သဖြင့် အမေရိကန် အစိုးရက တစ်လလျှင် ဒေါ်လာ(၉၀ဝ)ကျော် (မြန်မာကျပ်တစ်လကိုးသိန်း) လူမှုဖူလုံရေး ခံစားခွင့်ပေးထားသည်ကိုစွန့်၍ အမိနိုင်ငံမြန်မာပြည်တွင် ပြန်လည် လာရောက်နေထိုင်သူလည်း ဖြစ်သည်။

    မြန်မာနိုင်ငံတွင် ၁၉၅၇-ခုနှစ်၌ ပထမဆုံး အကြိမ်ဖွင့်လှစ်ခဲ့သော စာပေဗိမာန် သတင်းစာသင်တန်း နိုင်ငံခြားသတင်းအဖွဲ့ နာယက ဦးစိန်ဝင်းတို့နှင့်အတူ တက်ရောက် ပညာဆည်းပူးခဲ့ပြီး ထိုသင်တန်း၏ နာယက နိုင်ငံတော် ဝန်ကြီးချုပ် ဦးနုမှ ပေးအပ်သော အောင်လက်မှတ်ကို ရရှိခဲ့သူလည်း ဖြစ်သည်။
    အစ္စလာမ်မစ်အီရန် နိုင်ငံ သတင်း ဖြန့်ချီရေးအတွက် မြန်မာနိုင်ငံဆိုင်ရာ ဌာနေကိုယ်စားလှယ် (IRNA  Resident  Representative) အဖြစ် ၁၉၉၁-ခုနှစ်တွင် ခန့်အပ်ခြင်းခံခဲ့ရသည်။

    ‘ဒီငြိမ်းပါလီမန်အမတ်အရွေးခံခြင်း’
    ————————————–

    423483_3589531217753_1790460045_n
    ၁၉၈၈-ခုနှစ်တွင် ဗိုလ်ချုပ်ကြီးနေဝင်းနှင့် (မဆလ)အစိုးရကို မကျေနပ်သဖြင့် မြန်မာနိုင်ငံတဝှမ်း ဆန္ဒပြတောင်းဆိုမှုများ ရန်ကုန်မြို့ နှင့်အခြားမြို့များတွင်ပေါ်ပေါက်ခဲ့ပြီး ဦးမောင်မောင်တာသည် နိုင်ငံတော်ဝန်ကြီးချုပ်ဟောင်း ဦးနုဦးဆောင်သော ဒီမိုကရေစီနှင့် ငြိမ်းချမ်းရေး အဖွဲ့တွင် (၅-၉-၈၈)နေ့တွင် ဝင်ခဲ့သည်။ ပါတီ၏ ဗဟိုအလုပ်အမှုဆောင် အဖွဲ့ဝင်အဖြစ် ချက်ချင်း ခန့်အပ်ခြင်းခံခဲ့ရပြီး အဖွဲ့၏ ပြန်ကြားရေးနှင့် ယဉ်ကျေးမှုဌာန တာဝန်ခံ ဖြစ်လာသည်။ ဝန်ကြီးချုပ် ဟောင်းဦးနု၏ စင်ပြိုင်အစိုးရ ကာကွယ်ရေး ဝန်ကြီးဗိုလ်မှူးအောင် (ရဲဘော်သုံးကျိပ်)၏ စစ်သေနာပတိချုပ် အဖြစ် ဗိုလ်မှူးကြီးရာထူးဖြင့် ဗိုလ်ကြီးမောင်မောင်တာအား ခန့်အပ်ခဲ့သည် မကြာမီသူသည် ဝန်ကြီးချုပ်ဟောင်း ဒီငြိမ်း နာယကကြီး ဦးနု၏ ပြောရေးဆိုခွင့်ရှိသူဖြစ် လာရာ နိုင်ငံခြားအသံလွှင့် ဌာနများဖြစ်သည့် VOA-BBC နှင့် All India Radio-AIR တွင် ဦးနုကိုယ်စား ပြောရေးဆိုခွင့် ရှိသူအနေဖြင့် သူ၏အသံကို ကြားကြရသည်။ နိုင်ငံတော်ငြိမ်ဝပ်ပိပြားရေး အစိုးရမှ(၂၇-၅-၉၀)နေ့တွင်ကျင်းပပေးခဲ့သောပါလီမန်အမတ် ရွေးကောက် ပွဲသို့ မန္တလေးအရှေ့တောင်မြို့နယ်တွင် ဦးမောင်မောင်တာ ပါဝင်ယှဉ်ပြိုင်ခဲ့သော်လည်း အနိုင်မရခဲ့ပေ။

    ‘သာ့သနာဝန်ထမ်းဘ၀’
    ———————–
    ၁၉၇၃-ခုနှစ်၊ ဇန်နဝါရီလ (၂၈)ရက်နေ့တွင် ကျင်းပသည့် မြန်မာနိုင်ငံလုံးဆိုင်ရာ ရှီအာဟ်အဖွဲ့ ပြည်လုံးကျွတ် ညီလာခံတွင် ဥက္ကဋ္ဌ အဖြစ် ရွေးချယ်တင်မြှောက်ခြင်း ခံခဲ့ရသည်။ ထိုညီလာခံ မှစပြီး (၅)နှစ် တစ်ကြိမ် ကျင်းပခဲ့သည့် ညီလာခံများ၌ လည်းကောင်း၊ ၁၉၉၉-ခုနှစ် ဇန်နဝါရီလ (၅)ရက်နေ့တွင် ရန်ကုန်မြို့ မဂိုခမ်းမ၌ ကျင်းပခဲ့သော ရှီအာဟ်မွတ်စလင် ပြည်လုံးကျွတ် ညီလာခံတွင်လည်း ဥက္ကဋ္ဌအဖြစ် ထပ်မံရွေးချယ် ခံရပြီး ဥက္ကဋ္ဌ အဖြစ် ဆက်လက် တာဝန်ထမ်းဆောင်ခဲ့သည်။
    392365_3589443215553_1810200898_n
    အစ္စလာမ်ဘာသာတွင် ငွေကြေးတတ်နိုင်သူများ မပြုမနေရ တာဝန်ဖြစ်သည့် ဟာဂ်ျ မဏ္ဍိုင်ကို ၁၉၈၃-ခုနှစ်တွင် ကျေပွန်ခဲ့သည်။

    ဟာဂျီ ဦးမောင်မောင်တာအား ရန်ကုန်မြို့နေ ရှီအာမုစ္စလင်တို့မှရွေးချယ်ပြီးသည့်နောက်  ၁၉၇၅-ခုနှစ်မှစတင်ကာ ရန်ကုန်မြို့ တိုင်းတရားရုံး၏ အထွေထွေအမှုတွဲ(၃၇) တရားသူကြီး ဥက္ကဌဦးပေါက်ဖော်နှင့် အဖွဲ့ဝင်များအမိန့် အရ မဂိုရှီအာ ဂျာမေမဇ်ဂျစ်ဒ်ဂေါပက အဖွဲ့ဝင် အဖြစ် တာဝန်ထမ်းဆောင်ခဲ့ပြန်သည်။
    98115d78a317a3631044dbd6b40a143c8c454acfc1e3136c77b639031ad68cea
    အစ္စလာမ်သာသနာရေးရာ ကောင်စီဌာနချုပ်၏ ၁၉၇၇-ခုနှစ် ၉-ကြိမ်မြောက် မြစ်ကြီးနား ညီလာခံမှ စပြီး ၁၉၉၅-ခုနှစ် သံလျင်ညီလာခံအထိ ဒုတိယဥက္ကဋ္ဌ၊ ဘဏ္ဍာရေးမှူး အဖြစ် အဆင့်ဆင့် အစ္စလာမ့်တာဝန်များကို ထမ်းဆောင်ခဲ့ပြီး အစ္စလာမ့်တက္ကသိုလ် တည်ဆောက်ရေးလုပ်ငန်းတွင် ဘဏ္ဍာရှာဖွေရေး ညွှန်ကြားရေးမှူးအဖြစ် တာဝန်ယူခဲ့သည်။

    မဂိုရှီအာဟ် ဂျာမေမဇ်ဂျစ်ဒ်ဂေါပကအဖွဲ့ဝင်နှင့် ရန်ကုန်မြို့တော် မြို့တော်ဝန် ဝတ်လုံတော်ရ မစ္စတာအမ်-အမ်ရဖီမှ ၁၉၃၇ခုနှစ်တွင် ဖဲကြိုးဖြတ်ဖွင့်လှစ်ပေးခဲ့သော ရန်ကုန်မြို့ ဘားလမ်းရှိ မွတ်စလင် အခမဲ့ဆေးရုံကြီးအား ၁၉၇၄-ခုနှစ် မဆလခေတ်တွင် ပျက်စီးကျဆင်းနေစဉ် ယင်းဆေးရုံကို ပြန်လည်ထူထောင်မတည်ရန် နိုင်ငံတော်ဝန်ကြီးဟောင်း ဦးရာရှစ်၊ ဆေးရုံ ရာသက်ပန်ဂုဏ်ထူးဆောင် အတွင်းရေးမှူး မစ္စတာဝါးနီးယားနှင့်ဆေးရုံကော်မတီအဖွဲ့ဝင်များ ၏မေတ္တာရပ်ခံချက်အရ ဆေးရုံ၏သမိုင်း တပတ်ပြန်လည်ပတ်လာကာ ဦးမောင်မောင်တာအား ဆေးရုံအုပ်နှင့် စီမံခန့်ခွဲသူအဖြစ် ၁၉၇၄-မှ ၁၉၇၆-ခုနှစ်ထိ (၃)နှစ်တိုင် တာဝန်ထမ်းဆောင်ခဲ့ပြန်သည်။
    11103977_661368193968169_479208819_n
    မြန်မာမွတ်စလင်လောကတွင် မွတ်စလင် ယဉ်ကျေးမှု သရုပ်ဖော်ဇာတ်လမ်း ကက်ဆက်ခွေဖြစ်သည့် ပန်းကြာဝတ်မှုန် နေအရုဏ် ဇာတ်လမ်းတွင်လည်း အသံဖြင့် ပါဝင်သရုပ်ဆောင်ခဲ့သည်။

    ‘ငြိမ်းချမ်းရေးသံအမတ်’
    ———————–

    a9dcd048efa7f794db5b4b0dbd25105cc6520223d72090db4266f7302422d19e
    အမေရိကန်နိုင်ငံ နယူးယောက်မြို့ရှိ ကမ္ဘာ့ငြိမ်းချမ်း ရေးအဖွဲ့ဌာနချုပ် IIFWP International (USA)က ဘာသာပေါင်းစုံ အပြည်ပြည်ဆိုင်ရာ ကမ္ဘာ့ငြိမ်းချမ်းရေး အဖွဲ့ကြီးသည် ကမ္ဘာ့ငြိမ်းချမ်းရေးရရှိ တည်မြဲရေး အတွက် ကိုယ်ကျိုးစွန့်၍ အများအကျိုးအတွက် ဆောင်ရွက်သူတို့အား ‘ငြိမ်းချမ်းရေးသံအမတ်’ဟူ၍ သတ်မှတ်ဂုဏ်ပြုလျက်ရှိရာ ဘာသာပေါင်းစုံနှင့် အပြည်ပြည်ဆိုင်ရာ ကမ္ဘာ့ငြိမ်းချမ်းရေးအဖွဲ့၏ ရည်ရွယ်ချက်များ ဖြစ်မြောက် ပေါ်ထွန်းရေးအတွက် အားပေးဆောင်ရွက်သူများ၊ အပြည်ပြည်ဆိုင်ရာနှင့် ချစ်ကြည်သင့်မြတ်ငြိမ်းချမ်းရေး လိုလားကျင့်သုံးသူများ၊ ကုလသမဂ္ဂအဖွဲ့ကြီးတွင် ကောင်းမွန်သောမူဝါဒ လုပ်ငန်းများ တိုးတက်ရန် နှင့်ငြိမ်းချမ်း သောယဉ်ကျေးမှု  တည်မြဲရေး ဘာသာပေါင်းစုံ အပြည်ပြည်ဆိုင်ရာဘာသာရေး နယ်စပ်များဖယ်ရှားလျက်  ထိုငြိမ်းချမ်းရေးသံအမတ်များ သည်နှစ်ရှည်လများမှ ရည်ရွယ်ချက်ကြီးဖြစ်သည့် စည်းလုံး ညီညွတ်ကာ ရုပ်နှင့်နာမ်ပြည့်ဝသော လူ့ဘဝတည်ရှိလာ  ရေးအတွက် ဘာသာပေါင်းစုံအပြည်ပြည်ဆိုင်ရာ ကမ္ဘာ့ငြိမ်းချမ်းရေးအဖွဲ့ကြီးမှ ကမ္ဘာ့ ငြိမ်းချမ်းရေးသံအမတ် (Ambassador for Peace)အဖြစ် ဦးမောင်မောင်တာအား (၁၄-၇-၂၀ဝ၃) ရက်နေ့တွင် ခန့်အပ်ခြင်းခံခဲ့ရသည်။
    ဦးမောင်မောင်တာသည် နိုင်ငံတကာ ငြိမ်းချမ်းရေးညီလာခံများသို့လည်း တက်ရောက်ခဲ့သူလည်းဖြစ်ပေသည်။

    ယခုကဲ့သို့ စစ်သားဘ၀၊ မင်းသားဘ၀၊ ငြိမ်းချမ်းရေး သံတမန်ဘ၀၊ လူမှုရေး ဘာသာရေးအကျိုးပြုပြီး လူသားတစ်ယောက်တာဝန်ကျေပွန်ခဲ့သည့် ဒေါက်တာမောင်မောင်တာကို မတ်လ ၂၇-ရက်နေ့ (ဂျွမ္မာအ် ဆွလားသ်) အပြီး  နေ့လည် (၃း၀၀)နာရီတွင် ရေဝေး ရှီအာဟ်မွတ်စလင် သုသာန်တွင် မြှုပ်နှံသဂြိုဟ် (ဒါဖနာပြု) ခဲ့လေသည်။

    မင်းသားကြီး မောင်မောင်တာ၏ ဘဝမှတ်တမ်းအင်တာဗျုး (ဒါရိုက်တာ ကြည်စိုးထွန်းတွေ့ဆုံဆွေးနွေးသည်။) ရုပ်သံ
     https://www.youtube.com/watch?v=stU6zCNw4lE

    မင်းသားကြီး မောင်မောင်တာပါဝင် သရုပ်ဆောင်ခဲ့သည်။ – “ဤလူ့ဘောင်တွင်” ရုပ်ရှင်ဇာတ်ကား
     https://www.youtube.com/watch?v=lh87g4C5CR0

    ** ဓါတ်ပုံ အချို့ကိုဒေါက်တာ မောင်မောင်တာ၏ မိသားစုဝင်များ ထံမှ ရရှိခြင်းဖြစ်ပါသည်။