News @ M-Media

Tag: Meiktila

  • အာဇာနည်နေ့ အခမ်းအနားနှင့် တက္ကသိုလ်ဝင်တန်းအောင် မွတ်စလင်မ် ကျောင်းသား/သူများအား ဂုဏ်ပြုပွဲပြုလုပ်

    အာဇာနည်နေ့ အခမ်းအနားနှင့် တက္ကသိုလ်ဝင်တန်းအောင် မွတ်စလင်မ် ကျောင်းသား/သူများအား ဂုဏ်ပြုပွဲပြုလုပ်

    ဇူလိုင် ၂၀ ၊ ၂၀၁၆
    M-Media
    သတင်း- သူရိန်
    13782194_1755742898014980_3879071277145352368_n
    ၂၀၁၅-၂၀၁၆ ပညာသင်နှစ်တွင် တက္ကသိုလ်ဝင်တန်းအောင်မြင်သည့် မိထ္ထီလာမြို့မှ မွတ်စလင်မ် ကျောင်းသား/ကျောင်းသူများ အတွက် ဂုဏ်ပြုပွဲ တစ်ရပ်ကို ဇူလိုင်လ ၁၉ရက်နေ့က ကျင်းပခဲ့ပါတယ်။

    ဂုဏ်ပြုဆု ချီးမြှင့်ရခြင်းနှင့် ပတ်သက်၍ ပွဲစီစဉ်သူ ဦးမင်းအောင်က ” မိတ္ထီလာမြို့မှာ နေတဲ့ ဂုဏ်ထူးရရှိတဲ့ ကလေးတွေကိုပဲ ဒီကနေစုပြီးပေးလိုက်တယ်။ စာရင်းရရှိတာတော့ ၄၃ဦး။ ဆုပေးတဲ့နေရာမှာ တစ်ယောက်ကို သုံးသောင်းနှုန်းပေးပြီး ဆုချီးမြှင့်လိုက်ပါတယ်။ ဂုဏ်ထူးရတဲ့ သူရော ရိုးရိုးအောင်တဲ့သူရော အားလုံးကိုလည်း တပြေးညီပဲပေးလိုက်ပါတယ်” ဟု M-Media သို့ပြောကြားပါတယ်။

    ဂုဏ်ပြုချီးမြှင့်ခံရသူများတွင် ၂၀၁၅-၂၀၁၆ ပညာသင်နှစ်တွင် တက္ကသိုလ်ဝင်တန်းကိုအောင်မြင်ခဲ့ကြသော မိတ္ထီလာမြို့နယ်မှ ငါးဘာသာဂုဏ်ထူးရှင် ၂ဦး၊ လေးဘာသာဂုဏ်ထူးရှင် ၅ဦး၊ သုံးဘာသာဂုဏ်ထူးရှင် ၂ဦး ၊ တစ်ဘာသာဂုဏ်ထူးရှင် ၁၁ဦး နှင့်  ရိုးရိုးအောင်မြင်သူများ ပါဝင်ကြောင်း သိရပါတယ်။

    ယခုနှစ် တက္ကသိုလ်ဝင်တန်း အောင်မြင်သူများ၏ ဂုဏ်ပြုပွဲအခမ်းအနားကို ၆၉နှစ်မြောက် အာဇာနည်နေ့ ဂါရဝပြဲ အခမ်းအနားနှင့် တွဲ၍ ပြုလုပ်ခဲ့ခြင်း ဖြစ်သည်။ ဆက်လက်၍လည်း မိတ္ထီလာမြို့နယ် ကိုယ်စားပြု သဘောဆောင်သော ပညာရေး ကွန်ယက် တစ်ခုကို ပညာသင်အရွယ် ကလေးများဖြင့် စုစည်း ဖွဲ့စည်းကာ ပညာရေး ကဏ္ဍတိုးတက်အောင် ဆောင်ရွက်ရန်လည်း ရှိကြောင်း သိရပါတယ်။

  • အတူပြန်လည် ယှဉ်တွဲနေထိုင်ရေးကို စောင့်မျှော်ကြည့် မိတ္ထီလာမှ ပြည်သူများ

    အတူပြန်လည် ယှဉ်တွဲနေထိုင်ရေးကို စောင့်မျှော်ကြည့် မိတ္ထီလာမှ ပြည်သူများ

    မတ် ၃ ၊ ၂၀၁၅
    M-Media
    notb4
    – ၂၀၁၃ ခုနှစ်က အကြမ်းဖျင်းအားဖြင့် အိမ်ပေါင်း ၈၀၀ နီးပါး ပျက်ဆီးခဲ့သည့် ဘာသာရေး ပဋိပက္ခ ဖြစ်ပွားပြီးနောက် မြန်မာနိုင်ငံ အလယ်ပိုင်း မိတ္ထီလာရှိ ဗုဒ္ဓဘာသာဝင်များနှင့် မွတ်စလင်များမှာ ဘာသာရေး စည်းများခြားကာ သီးခြားစီ ဖြစ်ခဲ့ကြရသည်။ ယခုအချိန်တွင် အဆိုပါ ပြည်သူများက ၎င်းတို့ လူ့အဖွဲ့အစည်း ပြန်လည်ပေါင်းစည်းမှုကို ခွင့်ပြုရန်အတွက် အစိုးရထံ အသနားခံစာတင်ထားသည်။ သို့သော်လည်း အိမ်နီးချင်းများ၏ ငြိမ်းချမ်းရေး အခန်းကဏ္ဍနှင့် ပတ်သက်၍ သံသယရှိနေဆဲပင်ဖြစ်သည်။

    ပဋိပက္ခအတွင်း ထိခိုက် ခံစားခဲ့ရသူများက သမ္မတဦးသိန်းစိန်၊ နိုဘယ်ဆုရှင် ဒေါ်အောင်ဆန်းစုကြည်နှင့် လွှတ်တော်ဥက္ကဌ သူရဦးရွှေမန်း တို့ထံ ၎င်းတို့၏ မေတ္တာရပ်ခံချက်များကို ဖော်ပြထားသောစာကို ပေးပို့ခဲ့သော်လည်း ၎င်းတို့အနေဖြင့် တုံ့ပြန်မှုကို စောင့်မျှော်နေ သည်ဟု ပြောကြားခဲ့သည်။

    နောက်ဆုံးဖြစ်ပွားခဲ့သည့် ပြဿနာက လွန်ခဲ့သည့် ၂ နှစ်ခန့် မိတ္ထီလာရှိ မွတ်စလင်နှင့် ဗုဒ္ဓဘာသာဝင်များအကြား ပဋိပက္ခများဖြစ်ပွားစဉ်က အစပြုခဲ့သည်။ အနည်းဆုံး လူပေါင်း ၄၀ သေဆုံးခဲ့ပြီး ၆၀ ကျော်ဒဏ်ရာရခဲ့ကာ လူထောင်ပေါင်းများစွာ အိုးအိမ်စွန့်ခွာ ထွက်ပြေးခဲ့ရသည်။ ထိုအချိန်က ပြည်သူများမှာ အသက်ဘေးအန္တရာယ်မှလွတ်ရန် အနီးအနားရှိ တောထဲတွင် သွားရောက်နေထိုင်ရသည်။

    “တောထဲမှာ ကျွန်မတို့ အတူတူနေခဲ့ရပြီး ၂ ညလောက် အိပ်ခဲ့ရပါတယ်။ ပြီးတော့ မီးလောင်နေတဲ့ ကျွန်မတို့ အိမ်တွေကိုကြည့်ပြီး အတူတူငိုကြွေးခဲ့ရပါတယ်” ဟု ဗုဒ္ဓဘာသာဝင်အမျိုးသမီး မလှမေက ပြောကြားခဲ့သည်။ သူမမှာ ယခုအချိန်တွင် မိတ္ထီလာရှိ ဒုက္ခသည်စခန်းတွင် နေထိုင်နေရသည်။

    အစိုးရက အိုးအိမ်စွန့်ခွာထွက်ပြေးရသူများဟု သတ်မှတ်ထားသည့် အဆိုပါ မွတ်စလင်နှင့် ဗုဒ္ဓဘာသာဝင်ပြည်သူများမှာ ပဋိပက္ခများဖြစ်ပွားပြီး ကနဦးပိုင်းက ယာယီတဲများတွင် စုပေါင်းနေထိုင်ခဲ့ရသည်။ နောက်ပိုင်းတွင် အစိုးရက နေအိမ်ဆုံးရှုံးသွားသော ပြည်သူများကို ဘာသာတရားကိုလိုက်၍ ခွဲထုတ်ခဲ့ပြီး မတူညီသော ဒုက္ခသည်စခန်းများသို့ ၎င်းတို့အား ပို့ဆောင်ခဲ့သည်။

    မိတ္ထီလာရှိ မွတ်စလင်ပြည်သူများနေထိုင်ရာ ဒုက္ခသည်စခန်းတာဝန်ခံ ကိုအောင်ဌေးက အယူဝါဒ ၂ ခုစလုံးမှ ပြည်သူများ အတူတကွတွဲ၍ နေထိုင်ပါက ပြဿနာဖြစ်မည်ကို စိုးရိမ်ရကြောင်း ဒေသအုပ်ချုပ်ရေးဌာနမှ အရာရှိတစ်ဦးက ပြောခဲ့သည်ဟု ၎င်းက ဆိုသည်။ ပြဿနာများကို ရှောင်ရှားရန်အတွက် ၎င်းတို့အား သီးခြားစီ ခွဲထားသော အဆိုပါဆောင်ရွက်မှုကို ပြည်သူများက မနှစ်မြို့ဘဲ မလိုအပ်ဟုလည်း ပြောခဲ့သည်။

    “ကျွန်တော်တို့ဟာ ဘာပြဿနာမှမဖြစ်ဘဲ နှစ်ပေါင်းများစွာ အတူတကွ နေထိုင်ခဲ့ကြပါတယ်” ဟု ဒေသတွင်း ပို့ဆောင်ရေးဆိုင်ရာ လေ့ကျင့်ရေး စင်တာ တစ်ခုကို တာဝန်ယူကြီးကြပ်နေသော ဦးမြင့်လွင်က ဆိုသည်။

    n-MYANMAR-MUSLIM-large570

    အင်းကုန်း သာသနာရက္ခိတ ဘုန်းတော်ကြီးကျောင်းတွင် ဗုဒ္ဓဘာသာဝင်များ၏ ဒုက္ခသည်စခန်း တာဝန်ခံဖြစ်သူ အေးမောင်ဝင်းကလည်း ယခုအချိန်အထိ ပြဿနာမရှိသေးသော်လည်း ဒုက္ခသည်စခန်းများကို ပြန်ပေါင်းလိုက်ပါက ပြသနာများ ပေါ်ထွက်လာနိုင်သည်ဟု ဆိုသည်။ သို့သော်မိတ္ထီလာရှိ ဘာသာပေါင်းစုံမှာ ယခုအချိန်အထိ ရောနှောနေထိုင်ကြတုန်းပင်ရှိသည်ဟု ထည့်သွင်းပြောကြားခဲ့သည်။

    “ပေ ၃၀ ဆယ်လောက်ရှိတဲ့ လျှောက်လမ်းခြားထားပြီး မတူညီတဲ့ဒေသတွေမှာ နေထိုင်နေရပေမယ့် ကျွန်တော်တို့ လက်ဖက်ရည်ဆိုင်တွေမှာ အတူတကွ အချိန်တွေကို ကုန်ဆုံးလေ့ရှိကြပါတယ်” ဟု ၎င်းက ဆိုသည်။

    မိတ္ထီလာ ပြန်လည်ဖွံ့ဖြိုးတိုးတက်ရေးကော်မတီကို ကြီးကြပ်နေသည့် ကိုခင်နန်က ပြန်လည်တည်ဆောက်ရေးလုပ်ငန်းအတွက် အစိုးရက ကျပ် သန်း ၁၀၀ ပေးပြီး တောင်ကြီးနှင့် ရန်ကုန်တို့မှ မွတ်စလင်အလှူရှင်များကလည်း အဆိုပါ ဒုက္ခသည်များအတွက် အိမ်များ ပြန်လည်တည်ဆောက်ပေးကြသည်ဟု ပြောကြားခဲ့သည်။

    ပဋိပက္ခတွင် အိုးအိမ်ဆုံးရှုံးသွားခဲ့ကြသူများမှ ပိုင်ဆိုင်ကြောင်း အထောက်အထားပြနိုင်ခဲ့ကြသည့် အိမ်ထောင်စု ၃၀ မှာ ယခုအချိန်တွင် အိမ်အသစ်များ၌ နေထိုင်နေကြရသည်။ လူပေါင်း ၃၀၀၀၀ ခန့်ကတော့ ဒုက္ခသည်စခန်းများတွင်ပင် ရှိနေသေး၏။ မြေကွက်များကို မျှဝေပိုင်ဆိုင်ကြသူများအတွက် တိုက်ခန်းများကို ထပ်မံဆောက်လုပ်နေသည်ဟု ဦးမြင့်လွင်က ဆိုသည်။

    ယခုအချိန်တွင်တော့ မိတ္ထီလာပြည်သူများက ယခင်ကဲ့သို့ အတူယှဉ်တွဲနေထိုင်ရေး မေတ္တာရပ်ခံချက်အတွက် တုံ့ပြန်မှုကို စောင့်ဆိုင်းနေလျက်ပင် ရှိနေလေ၏။

    ref:huffingtonpost
    လေးမောင် ဘာသာပြန်ဆိုသည်။

  • တိုင်းမှနှုတ်မိန့်ဖြင့် ခွင့်ပြုထားသော မိတ္ထီလာမြို့မှ အကြမ်းဖက် ဖျက်ဆီးခံ ဗလီ(၂) လုံး မြို့နယ် စည်ပင်မှ ပြုပြင်ခွင့် ပိတ်ပင်

    တိုင်းမှနှုတ်မိန့်ဖြင့် ခွင့်ပြုထားသော မိတ္ထီလာမြို့မှ အကြမ်းဖက် ဖျက်ဆီးခံ ဗလီ(၂) လုံး မြို့နယ် စည်ပင်မှ ပြုပြင်ခွင့် ပိတ်ပင်

    နိုဝင်ဘာ-၂၆ ၂၀၁၃
    M-Media
    burn-masjid
    ပြီးခဲ့သည့် မတ်လ ၂၀ ရက်နေ့က မိထ္ထီလာမြို့တွင် ဖြစ်ပွားခဲ့သော အကြမ်းဖက်သမား လူအုပ်စုကြီးက အစ္စလာမ်ဘာသာဝင်များကို အကြမ်းဖက် တိုက်ခိုက်မှုဖြစ်ရပ်များအတွင်း ဗလီဝတ်ကျောင်းများလည်း မီးရှို့ဖျက်ဆီးမှုများကြောင့် ပျက်ဆီးခဲ့ရသည်။

    အဆိုပါ ပျက်ဆီးသွားသော ဗလီဝတ်ကျောင်းများ အနက်မှ အချို့ကို အစ္စလာမ်ဘာသာဝင်များ ဥပုတ်လ စတင်သည့် ဇူလိုင်လအတွင်း မန္တလေးတိုင်းဒေသကြီး အစိုးရမှ နှုတ်မိန့်ဖြင့် ပြင်ဆင် ခွင့်ပေးခဲ့ပါသည်။ နိုဝင်ဘာ ၂၃ ရက်နေ့က မိတ္ထီလာမြို့ပေါ်ရှိ တူရကီဗလီကြီးနှင့် နန်းတော်ကုန်းရပ်ကွက်ရှိ နန်းတော်ကုန်း ဗလီတို့အား ခွင့်ပြုချက်မရဘဲ ပြင်ဆင်သည်ဟုဆိုကာ မြို့နယ် စည်ပင်သာယာရေး အဖွဲ့မှ စာထုတ်ကာ ပိတ်ပင်ခဲ့ကြောင်း သိရှိရပါသည်။

    ထိုကိစ္စအား M-Media မှ ဆက်သွယ်မေးမြန်းခဲ့ရာ အကြမ်းဖက်မှုဖြစ်ပွားပြီး နောက်ပိုင်း ထိုဗလီနှစ်လုံး အပါအ၀င် အဖျက်အဆီးခံ ဗလီများတွင် ၀တ်ပြုရန်နှင့် ပြုပြင်ရန်တို့အား တိုင်းအစိုးရအဖွဲ့မှ နှုတ်မိန့်ဖြင့် ခွင့်ပြုပေးခဲ့ကြောင်း၊ မိမိတို့ဘက်မှ စာဖြင့် ခွင့်ပြုမိန့်ပေးရန် တောင်းဆိုခဲ့သော်လည်း ခွင့်ပြုပေး၍ မရဟု ပြောဆိုခဲ့ကြောင်း မိတ္ထီလာမြို့ခံ မွတ်စလင်များက ပြောကြားခဲ့သည်။ ယခုအခါ ထို ဗလီဝတ်ကျောင်းတော်များ ပြုပြင်ရေး ကိစ္စရပ်များကို ရပ်နားထားရပြီး ၀တ်ပြုမှုများကို ပုံမှန်အတိုင်း ဆောင်ရွက်လျက်ရှိသည်။

    မတ်လ ၂၀ ရက်နေ့မှ ၂၂ ရက်နေ့အထိ ၃ ရက်ကြာဖြစ်ပွားခဲ့သည့် အကြမ်းဖက်မှုအတွင်း လူ ၄၀နီးပါသေဆုံးခဲ့သည်ဟု အစိုးရက သတင်းထုတ်ပြန်ခဲ့ပြီး အစ္စလာမ်ဘာသာဝင်များ နေထိုင်ရာ ရပ်ကွက်များနှင့် ဗလီ ၁၃ လုံး၊ ဘာသာရေးစာသင်ကျောင်း ၃ ကျောင်းတို့ မီးရှို့ဖျက်ဆီးခံခဲ့ရသည်။ အစ္စလာမ်ဘာသာဝင် ၂ သောင်းကျော်မှာလည်း အကြမ်းဖက် သတ်ဖြတ်မှုများကြောင့် ထွက်ပြေးခဲ့ရပြီး ယခုအချိန်အထိ ဒုက္ခသည် စခန်းများတွင် နေထိုင်ရသည်။

    အကြမ်းဖက်တိုက်ခိုက်မှုဖြစ်ရပ်များနှင့် ပတ်သက်ပြီး ထွက်ပေါ်လာသော ဗီဒီယို မှတ်တမ်းများနှင့် ဓါတ်ပုံမှတ်တမ်းများအရ အစိုးရ တာဝန်ရှိသူ အာဏာပိုင်များနှင့် လုံခြုံရေးရဲတပ်ဖွဲ့ဝင်များ အကြမ်းဖက်မှုဖြစ်ပွားနေစဉ် အတွင်း ကာကွယ်ပေးမှုများ မပြုလုပ်ဘဲ အကြမ်းဖက်သမားများကို ဟန့်တားခြင်းပင် ပြုခဲ့သည်ကို မတွေ့ခဲ့ရပေ။ အကြမ်းဖက်မှုများ ဖြစ်ပွားပြိးနောက်ပိုင်း ပြစ်မှုကျူးလွန်သူများကို ထိရောက်သော အရေးယူဆောင်ရွက်မှုများကို မှန်မှန်ကန်ကန်ပြုလုပ်ဆောင်ရွက်ခြင်းများ လုပ်ဆောင်ပေးခဲ့ခြင်း မရှိဟု ပြည်တွင်း၊ပြည်ပ ဝေဖန်မှုများ ကျယ်ပြန့်စွာ ထွက်ပေါ်ခဲ့သည်။

    ထူးခြားမှု အနေဖြင့် မိတ္တိလာ ဗလီ(၂)လုံး ပြုပြင်ခွင့် ရပ်ဆိုင်းသည့် အမိန်ကြေညာချက် ထုတ်ပြန်ပြီး ၂ ရက်အကြာ နိုဝင်ဘာ(၂၅) ရက်နေ့တွင် မိထ္ထီလာ အရေးအခင်းအတွင်းဖြစ်ပွားခဲ့သည့် အကြမ်းဖက်သတ်ဖြတ်မှု ရုပ်သံဗီဒီယိုမှတ်တမ်း အနည်းဆုံး(၃)ခုကို ဆိုရှယ်မီဒီယာများတွင် ထပ်မံပေါ်ထွက်လာခဲ့သည်ကို တွေ့ရှိရသည်။

    အကြမ်းဖက်မှု မှတ်တမ်း ဗီဒီယိုများ စတင်ဖြန့်ဝေသည့် ယူဆရသည့် Facebook အကောင့် https://www.facebook.com/win.htetko.16
    ယနေ့ အွန်လိုင်းတွင် ပြန့်နှံလျက်ရှိသော ယမန်နေ့က ၄င်းတင်ခဲ့သော ဗီဒီယိုမှတ်တမ်း ၂ ခုအားဖျက်လိုက်ကြောင်း တွေ့ရှိရပါသည်။

    nandaw khone masjidtrukey masjid

  • မြန်မာမွတ်စ်လင်မ် ဒုက္ခသည်များနဲ့တဒင်္ဂဆုံစည်းမှု (ဘာသာပြန် ဆောင်းပါး)

    စက်တင်ဘာ ၁၆- ၂၀၁၃
    M-Media
    မြင့်မိုရ် မောင်မောင် ဘာသာပြန်ဆိုသည်။

    1
    (ဓာတ်ပုံ- ခရိုင်အားကစားကွင်းရှိ ပြည်တွင်းဒုက္ခသည်ယာယီစခန်း IDP Camp ကို နေအိမ်သဖွယ်သဘောထားနေရသော ဒုက္ခသည်များ)

    ပြီးခဲ့တဲ့လအတွင်း ကုလသမဂ္ဂလူ့အခွင့်အရေးကိုယ်စားလှယ် သောမတ်စ်ကင်တားနားဟာ မိတ္ထီလာမြို့ထဲက မွတ်စ်လင်မ်ဒုက္ခသည်များ စခန်းကိုသွားရောက်နိုင်ဖို့ကြိုးစားစဉ်က လူရမ်းကားတစ်စုရဲ့ဝိုင်းရံမှုကို ခံခဲ့ရတယ်။
    “ လူ ၂၀၀ လောက် ရှိတဲ့ လူအုပ်ကြီးက ကျွန်တော့် ကားကို ၀ိုင်းပြီး ရပ်တန့်စေခဲ့တယ်။ သူတို့က ဆဲဆိုအော်ဟစ်ပြီး ကားရဲ့ပြူတင်းနဲ့တံခါးတွေကို ရိုက်ပုတ် ကန်ကျောက်ခဲ့ကြတယ် ” လို့ ကင်တားနားရဲ့ပြောဆိုချက်မှာ တွေ့ရတယ်။

    ဒါပေမယ့် မြန်မာအစိုးရကတော့ ဒါဟာ အနှောင့်အယှက်ပေးတာ မဟုတ်ပါဘူးတဲ့။ သမ္မတရဲ့ပြောရေးဆိုခွင့်ရှိသူ ဦးရဲထွဋ်က ကင်တားနားဟာ အဲ့ဒီအဖြစ်အပေါ် အမြင်မှားအထင်လွဲတာပါဆိုပြီး မီဒီယာအသိုင်းအ၀ိုင်းကို ပြောကြားခဲ့တယ်။ အဲ့ဒီလူအုပ်ဟာ လူရမ်းကားတွေ လုံးဝ မဟုတ်ပါဘူးတဲ့။ ငြိမ်းချမ်းစွာ ဆန္ဒပြယင်း ကြိုဆိုနေကြတဲ့ လူစုပါတဲ့။ သူတို့က ကင်တားနားကို စာတစ်စောင်ပေးနိုင်ဖို့ ကြိုးစားခဲ့ကြတာပါတဲ့။ အဲ့ဒီဖြစ်ရပ်မတိုင်ခင် ရက်ပိုင်းလောက်မှာ နိုင်ငံရေးကိစ္စ အလျဉ်းမပါဝင်ဘဲ ကျွန်တော် နဲ့ ဓာတ်ပုံဆရာ အင်ဒရူး စတင်းဘရစ်ဂ်ျ တို့က ကင်တားနားသွားချင်ခဲ့တဲ့နေရာနဲ့အနီးတစ်ဝိုက်ကလူတွေဆီ ရောက်ရှိခဲ့တယ်။ ကုလသမဂ္ဂရဲ့နာမည်ကြီးပုဂ္ဂိုလ်တွေမဟုတ်တော့ အဲ့ဒီလိုမျိုး မကြုံဆုံခဲ့ရပါဘူး။ ကားကိုရပ်တန့်စေပြီး ပြူတင်းပေါက်ကတဆင့် စာတွေကမ်းပေးဖို့ ရာဂဏန်းရှိ လူတစ်စုရဲ့နှုတ်ဆက်မှုမျိုး မဖြစ်ခဲ့ကြပါဘူး။

    ဒီနှစ်အတွင်း ဗုဒ္ဓဘာသာဝင်တွေရဲ့အကြမ်းဖက်တိုက်ခိုက်မှုကြောင့် အိုးအိမ်စွန့်ခွာခဲ့ကြတဲ့ မွတ်စ်လင်မ် ၁၆၀၀ လောက်က IDP စခန်းမှာ ဇဝေဇ၀ါနဲ့ နေနေရစဲပါ။ ရွှေဆိုင် ပိုင်ရှင် မွတ်စ်လင်မ်တစ်ဦး နဲ့ ရွှေရောင်းသူဗုဒ္ဓဘာသာဝင် တစ်ဦး အငြင်းပွားပြဿနာဖြစ်ရာကနေ လမ်းအပြင်ဖက်ရောက်လာပြီး မွတ်စ်လင်မ် ဆန့်ကျင်ရေး အကြမ်းဖက်မှု စတင်ခဲ့တာ ဖြစ်တယ်။ အခြေအနေ အလှည့်အပြောင်း မြန်ဆန်လှပါတယ်။ မော်တော်ဆိုင်ကယ်စီးလာတဲ့ ဘုန်းကြီးတစ်ပါးကို မွတ်စ်လင်မ်တွေက ဆွဲချပြီး မီးရှို့သတ်ဖြတ်တယ်ဆိုပြီးတဲ့နောက် ဗုဒ္ဓဘာသာဝင်တွေဟာ လက်စားချေသောအားဖြင့် မွတ်စ်လင်မ်တွေရဲ့ နေအိမ်၊ ဆိုင်ခန်းတွေကို မီးရှို့ဖျက်ဆီးခဲ့ကြကုန်တယ်။ လူတွေကို လိုက်လံဖမ်းဆီးပြီး မီးရှို့သတ်ဖြတ်တဲ့အထိ ဖြစ်ကုန်တယ်။ ရဲတွေကတော့ ကူညီခွင့်မရှိလို့လား ကူညီချင်စိတ်မရှိလို့လား မသိဘူး။ အနီးမှာ ရပ်ကြည့်လျက်သာ ရှိခဲ့ကြတယ်။

    နေရာအနှံ့က အိုးအိမ်စွန့်ခွာထွက်ပြေးရတဲ့သူတွေဟာ ၁၀၀၀၀ ကနေ ၁၈၀၀၀ ကြားမှာရှိပြီး အနည်းဆုံး ၄၃ ဦး သတ်ဖြတ်ခံခဲ့ရတယ်။ မိတ္ထီလာ အာဏာပိုင်များရဲ့အဆိုအရ လက်ရှိ ကယ်ဆယ်ရေး စခန်းတွေမှာ လူ ၄၀၀၀ လောက် ရှိနေကြောင်း၊ မွတ်စ်လင်မ်တွေအတွက် စခန်း ၃ ခု နဲ့ ဗုဒ္ဓဘာသာဝင်တွေအတွက် စခန်း ၁ ခု စီစဉ်ထားပေးထားကြောင်း သိရပါတယ်။

    2(ဓာတ်ပုံ  ဗုဒ္ဓဘာသာဝင်အကြမ်းဖက်အုပ်စုများ ဖျက်ဆီးသွားခဲ့သော မိတ္ထီလာရှိမွတ်စ်လင်မ်နေအိမ်အပျက်အစီးပုံအကြား ထိုင်နေသော လူတစ်ဦး)

    စစ်အုပ်ချုပ်ရေးအပေါ် အုံကြွပေါက်ကွဲခဲ့တဲ့ ရွှေဝါရောင်တော်လှန်ရေးပြီးတဲ့နောက် မြန်မာနိုင်ငံဟာ ဒီမိုကရေစီနဲ့လွတ်လပ်မှုဖက်ကို စတင်ကူးပြောင်းလာခဲ့တယ်။ ဒါပေမယ့် ၂၀၁၂ ခုနှစ်ကတည်းက ဗုဒ္ဓဘာသာဝင်တွေနဲ့ မွတ်စ်လင်မ်တွေအကြား ထိပ်တိုက်တွေ့စေမှုက ပြဿနာတက်လာစေခဲ့တယ်။

    မြန်မာပြည်ရဲ့အနောက်ပိုင်းကမ်းမြှောင်ဒေသတစ်ခုဖြစ်တဲ့ ရခိုင်ပြည်နယ်မှာ ၂၀၁၂ နှစ်လယ်ပိုင်းက ဒေသခံ ဗုဒ္ဓဘာသာဝင်တွေနဲ့ ရိုဟင်ဂျာမွတ်စ်လင်မ်တွေအကြား အကြမ်းဖက်မှု စတင်ဖြစ်ပွားတယ်။ ရိုဟင်ဂျာတွေက လူနည်းစုဝင် တစ်ရပ်ဖြစ်ပြီး ဗုဒ္ဓဘာသာဝင်မြန်မာများက သူတို့ကို နိုင်ငံသားအဖြစ် လက်မခံကြပါဘူး။ ရခိုင်ပြည်နယ်ထဲမှာ ဗုဒ္ဓ ဘာသာဝင်တွေ နဲ့ မွတ်စ်လင်မ်များအကြား ကာလအတန်ကြာအောင် တင်းမာမှုရှိနေခဲ့ကြတယ်။ မိတ္ထီလာကျတော့ လုံးဝကွဲပြားခြားနားနေပြီး မွတ်စ်လင်မ်တွေရဲ့ဆင်းသက်မှု၊ နိုင်ငံသားဖြစ်မှုနဲ့ ပတ်သက်လို့ အငြင်းပွားမှုမရှိသလို သာမန်အသေးအဖွဲလောက်နဲ့ ပဋိပက္ခဖြစ်ရတဲ့ရာဇ၀င်မျိုးလည်း မရှိခဲ့တာ အမှန်ပါ။ အခုလို ရက်စက်မှုတွေ ပွင့်ထွက်လာလိမ့်မယ်လို့ ဘယ်တုန်းကမျှ ထင်မထားဘဲ ဗုဒ္ဒဘာသာဝင်တွေနဲ့ သင့်တင့်မျှတညီညွတ်စွာ အတူနေထိုင်လာခဲ့ကြောင်း ဒေသတွင်း မွတ်စ်လင်မ်များစွာတို့က ဆိုပါတယ်။

    ဒီပြောဆိုချက်တွေအမှန်ဖြစ်ကြောင်း မွတ်စ်လင်မ်ခေါင်းဆောင်နဲ့ရှေ့နေတစ်ဦးဖြစ်တဲ့ ဦးအောင်သိန်းက အတည်ပြုခဲ့ပါတယ်။ သူ့ကို မိတ္ထီလာမြို့ဗလီတွေထဲက အဖျက်ဆီးမခံရပဲကျန်ရစ်နေတဲ့ တစ်ခုတည်းသောဗလီဝတ်ကျောင်းတော်မှာ ကျွန်တော်တို့တွေ့ဆုံခဲ့ကြပါတယ်။ အလားတူ အမည်မဖော်လိုတဲ့ အခြား မွတ်စ်လင်မ်များစွာကလည်း ပြောပြကြပါတယ်။ တိုက်ခိုက်မှုမဖြစ်ပွားခင်က မွတ်စ်လင်မ်နဲ့ဗုဒ္ဓဘာသာဝင်တွေဟာ တော်တော်လေး သင့်မြတ်ပြေလည်မှုရှိကြတယ်၊ အတူ သွားလာစားသောက်စီးပွားလုပ်နေခဲ့ကြတာပါတဲ့။ အာဃာတ တောက်လောင်လာအောင် ကျယ်ကျယ်ပြန့်ပြန့်အမုန်းတရား သွတ်သွင်းဟောပြောနေချက်တွေက ပြစ်တင် ရှုတ်ချစရာပါဘဲ။ ဒီလို အစ္စလာမ်ဆန့်ကျင်ရေး အမျက်သိုမုန်းတီးရေး တရားပွဲများစွာကို ဖန်တီးနေခဲ့သူကတော့ အစွန်းရောက်ဘုန်းကြီး အရှင်ဝီရသူ နဲ့ သူ့နောက်လိုက် ၉၆၉ အဖွဲ့သားတွေဖြစ်ကြတယ်။ ၉၆၉ ဆိုတာ များမကြာသေးတဲ့ကာလတစ်ခုကဖွဲ့စည်းခဲ့တဲ့ ဗုဒ္ဓဘာသာဝင်အမျုိုးသားရေးဝါဒီအုပ်စုပါ။

    3

    ( ဓာတ်ပုံ  –  မန္တလေးမြို့၊ ၉၆၉ အဖွဲ့ဌာနချုပ်ဖြစ်သော မစိုးရိမ်ကျောင်းတိုက်မှ ဦးဝီရသူ )

    သူ့ကျောင်းတိုက်ကို ရောက်ခဲ့စဉ်က မွတ်စ်လင်မ်တွေဟာ ဘာသာရေးအဓိကရုဏ်းတွေကို စတင်ဖန်တီးသူတွေဖြစ်ကြောင်း၊ သူ့နောက်လိုက်တွေကတော့ မိမိကိုယ်ကိုကာကွယ်သူတွေသာဖြစ်ကြောင်း “ မွတ်စ်လင်မ် အများစုဟာ သွေးကြွသူတွေဖြစ်ကြတယ်။ ဒီလူမျိုးရေးပဋိပက္ခရဲ့ အဓိက အကြောင်းရင်းဟာ သူတို့တွေပဲဖြစ်တယ်။ ဗုဒ္ဓဘာသာဝင်မြန်မာလူမျိုးတွေက သည်းညည်းမခံနိုင်တော့လို့ သူတို့ကို တန်ပြန်တိုက်ခိုက်ပြီး ကိုယ်ပိုင်ဥပဒေနဲ့စီရင်လိုက်တာပါဘဲ ” ဆိုပြီး ဦးဝီရသူက ကျွန်တော့်ကိုပြောပါတယ်။

    မွတ်စ်လင်မ်များက မြန်မာပြည်ကို ဒုက္ခရောက်အောင်လုပ်နေတယ်လို့ မကြာခဏဟောပြောနေပေမယ့် “ ဘာသာ အသီးသီးက လူတွေနဲ့ ညီညွတ်မျှတစွာနေထိုင်ဖို့ အားလုံးကိုတိုက်တွန်းနေပါတယ်။ ငြိမ်းချမ်းရေးနဲ့သင့်မြတ်ရေးထဲ နေထိုင်နိုင်မယ့်အစီအစဉ်ကို စတင်ချမှတ်နေပါပြီ ” ဆိုပြီး ပြဿနာ မှန်သမျှကနေ ရှောင်ကြဉ်ဖို့ကြိုးစားနေတယ်လို့ ဦးဝီရသူက ဆိုပါတယ်။

    မိတ္ထီလာမြို့ခံ တစ်ချို့က ဦးဝီရသူရဲ့စကားကို ပယ်ချခဲ့ကြတယ်။ ၉၆၉ ခေါင်းဆောင်ကြီးရဲ့တရားပွဲပြီးတဲ့နောက် မိတ္ထီလာတစ်ခွင်လုံးမှာ မွတ်စ်လင်မ်ဆန့်ကျင်ရေးအတွက် မှိုင်းတိုက်ဝါဒဖြန့်စာစောင်တွေ၊ ဒီဗီဒီတွေကို ပလူပျံအောင် ဖြန့်ဖြူးခဲ့တယ်လို့ ဆိုကြပါတယ်။ “ ရခိုင်ပြည်နယ်အကြမ်းဖက်မှုနောက်ပိုင်း ဒီဖက်မှာ အမုန်းမှိုင်းတိုက် တရားပွဲတွေကို ကျယ်ကျယ်ပြန့်ပြန့်လုပ်လာကြတယ်။ ဒေသတွင်း အာဏာပိုင်တွေကလည်း ဒါကိုရပ်ဆိုင်းစေဖို့ ဘာဆိုဘာမှ မလုပ်ခဲ့ကြပါဘူး ”။

    မြို့ခံရဲတပ်ဖွဲ့ကလည်း မွတ်စ်လင်မ်တွေကို စုရုံးခွင့်မပြုပါဘူး။ “ တကယ်လို့ သူတို့အမိန့်ကို မလိုက်နာယင် နောက်တစ်ကြိမ်ထပ်မံဖြစ်ပွားဦးမယ်လို့ အာဏာပိုင်တွေက ကျွန်တော်တို့ကို အမြဲတစေ ဖိအားပေးနေပါတယ် ” လို့ တွေ့ဆုံခဲ့သူတစ်ဦးက ဆက်လက်ရှင်းပြတယ်။ ဒေါသအုံကြွမှုတွေ ဆုံးခန်းတိုင်သွားပေမယ့် သူကတော့ လုံခြုံပြီလို့ မခံစားရသေးဘူး၊ ယာယီဒုက္ခသည်စခန်းတွေကနေ မိမိနေအိမ်များကို ပြန်ခွင့်မပြုဘဲ အာဏာပိုင်တွေက အကြောင်းပြချက်အမျိုးမျိုးပေးနေပါတယ် ဆိုပြီး ဆိုပါတယ်။

    မြို့ထဲမှာ တင်းမာမှုတွေ ကြွင်းကျန်နေဆဲဖြစ်ပြီး မွတ်စ်လင်မ်တွေအနေနဲ့ အကျဉ်းအကြပ်ထဲရှိနေဆဲဆိုတာတွေ့ရတယ်။ မိမိတို့ရဲ့မိတ်ဆွေတွေ၊ မိသားစုဝင်တွေကို သတ်ဖြတ်တဲ့ထဲမှာ အိမ်နီးချင်းတွေလည်း ပါဝင်တယ်လို့ လူများစွာက ပြောကြားကြတယ်။ “ အကြမ်းဖက်အုပ်စုထဲပါဝင်တဲ့လူတစ်ချို့ဟာ လှည့်ပတ်သွားလာနေဆဲပါဘဲ။ မိမိခင်ပွန်းကို သတ်ဖြတ်လိုက်သူကို သိခဲ့တဲ့ အမျိုးသမီးတစ်ဦးက သက်ဆိုင်ရာကို တိုင်ကြားပေမယ့် အာဏာပိုင်တွေက လုံးဝ အရေးတယူမလုပ်ကြပါဘူး ”။

    မြန်မာမွတ်စ်လင်မ်တွေအပေါ် ဖိနှိပ်ဆက်ဆံမှုတွေနဲ့ပတ်သက်လို့ လူ့အခွင့်အရေးသုံးသပ်ချက်အစီရင်ခံစာတစ်စောင်ကို ပြီးခဲ့တဲ့ လနှောင်းပိုင်းမှာ ထုတ်ပြန်ခဲ့တယ်။ အနာဂတ်ကာလမှာ လူ့အခွင့်အရေးချိုးဖောက်မှု၊ မျိုးတုန်းရှင်းလင်းမှုအပါအ၀င် အကြမ်းဖက်မယ့်လက္ခဏာအစွန်းအစတွေ တွေ့နေရဆဲဖြစ်တယ်လို့ ဖော်ပြထားတယ်။

    ဘက်လိုက်မျက်နှာလွှဲထားမှုတွေ၊ ပြစ်မှုကျူးလွန်ပြီး တရားရုံးမရောက်သူတွေ၊ နှိပ်စက်မှုမှာ အားပေးအားမြှောက်လုပ်တဲ့ ရဲဝန်ထမ်းတွေရှိခဲ့ကြောင်း “ ရဲဝန်ထမ်းတွေဟာ တိုက်ခိုက်မှုတစ်ချို့အတွင်း တိုက်ရိုက်ပါဝင်ပတ်သက်မှု ရှိခဲ့ကြတယ်။ ကဏ္ဍတော်တော်များများမှာလည်း တားဆီးမှုမရှိဘဲ ရပ်ကြည့်နေခဲ့ကြတယ် ” လို့လည်း အစီရင်ခံစာထဲ ပါရှိနေတယ်။

    ဒီအစီရင်ခံစာကို  Bangkok Foreign Correspondents Club မှာထုတ်ပြန်တဲ့အခါ ရေးသားသူ ဘီလ် ဒေးဗစ် (Bill Davis) က “ ခုချိန်မှာ ပြဿနာ ရပ်ဆိုင်းသွားခဲ့ပြီဖြစ်ပေမယ့် အကြမ်းဖက်မှုကိုဖြစ်ပွားစေတဲ့ အခြေခံအချက်ကတော့ ကျန်ရှိနေတုန်းပါဘဲ။ အဲ့ဒါက အမုန်းတရားအစဉ်အလာကိုဖန်တီးပြီး ဆက်လက် မီးစိမ်းပြဦးမယ့် အမျိုးအစားဖြစ်နေပါတယ် ” လို့ ပြောကြားသွားခဲ့ပါတယ်။

    နောက်ဆုံးရ အချက်အလက်များက အဖမ်းခံရသူ ၈၇ ဦးမှာ ဗုဒ္ဓဘာသာဝင် ၃၈ ဦးသာ ပါဝင်နေကြောင်း ပြသနေပါတယ်။ “ ဒီစီမံမှုထဲ အမှန်တကယ် ပါဝင်နေသူ အများစုက လွတ်မြောက်နေဆဲဖြစ်ပါတယ်။ အဖမ်းခံထားရသူတွေက နောက်လိုက် သက်သက်ပါ။ ခေါင်းဆောင်တွေ မဟုတ်ကြပါဘူး ” လို့ ကျွန်တော်တို့ကို IDP က မွတ်စ်လင်မ်တစ်ဦး ပြောပြခဲ့တယ်။

    ဗုဒ္ဓဘာသာဝင်တွေ အုံကြွလာအောင် မှိုင်းတိုက်မှုအတွက် ကန့်လန့်ကာနောက်ကွယ်က တာဝန်အရှိဆုံးသူတွေဟာ ဦးဝီရသူနဲ့သူ့နောက်လိုက်တွေသာဖြစ်တယ်လို့ လက်ခံသူတွေ များစွာရှိနေကြတယ်။ တိုင်းပြည်ကို ဒီမိုကရေစီ လမ်းကြောင်းကနေဖယ်ခွာပြီး စစ်အုပ်ချုပ်ရေးဖက်ပြန်လည်တွန်းပို့လိုတဲ့ အာဏာပိုင်အချို့က ကြံဆောင်မှုဖြစ်တယ် လို့လည်း အမြင်ရှိသူတွေ မနည်းလှပါဘူး။ မိတ္ထီလာရဲ့ဈေးကွက်ဝင်ဧရိယာထဲက မွတ်စ်လင်မ်တွေကို ဖယ်ထုတ်ပြီး ပြန်လည် ဆုပ်ကိုင်ရယူအမြတ်ထုတ်တယ်လို့ သုံးသပ်သူတွေလည်း ရှိနေကြပါတယ်။

    အမြင်နှစ်ရပ်လုံးထဲမှာ စစ်အာဏာရှင်ဟောင်းတွေရဲ့လက်တွဲဖော် ခရိုနီအုပ်စုတွေဆိုတဲ့ စကားလုံးက ၀ိုင်းရံနေပါတယ်။ စစ်အာဏာရှင်အုပ်စုဟောင်းတွေက မိမိတို့ရဲ့အာဏာ ဆက်လက်တည်မြဲဖို့ (သို့တည်းမဟုတ်) စီးပွားရေးတံခါးဖွင့်ချိန်မှာ ပိုမိုကြွယ်ဝလာဖို့ ခုတုံးလုပ်တာ ဖြစ်နိုင်ပါတယ်။ “ ဒီခရိုနီတွေနဲ့အာဏာပိုင်တွေဟာ တိုင်ပြည်ကို နောက်ပြန်ဆုတ်စေချင်ကြတယ်။ ဒီမိတ္ထီလာအကြမ်းဖက်မှုကြီးကို သူတို့က စံနစ်တကျ ကြိုတင်ကြံစည် ဖန်တီးခဲ့ကြတာပါ ” ဆိုပြီး ကုန်သည်တစ်ဦးက ကျွန်တော်တို့ကို ဗလီထဲမှာ ပြောပြခဲ့ပါတယ်။

    5

    ( ဓာတ်ပုံ  – ဗုဒ္ဓဘာသာဝင်အကြမ်းဖက်သမားတို့မှ ဖျက်ဆီးခဲ့သော မိတ္ထီလာရှိ မွတ်စ်လင်မ်တို့၏နေရာတစ်ခု)

    ရွှေဝါရောင်တော်လှန်ရေးဦးဆောင်ဆရာတော်တစ်ဦးဖြစ်တဲ့ ဦးပုည၀ံသ ကလည်း ဒီအကြမ်းဖက်မှုနောက်ကွယ်မှာ ခရိုနီတွေရှိကြောင်း လက်ခံခဲ့တယ်။ ဒါပေမယ့် ငွေကြေးလောဘ ဆိုတာထက် လက်လွှတ်သွားတဲ့စစ်အုပ်ချုပ်ရေးကို ပြန်လည်အသက်သွင်းလိုတာကြောင့် ဒီလိုလုပ်တာလို့ သူက အမြင်ရှိတယ်။ ပြည်တွင်း မွတ်စ်လင်မ်တွေ ဘယ်ပုံဘယ်နည်း နှိပ်စက်ခံရတယ်ဆိုတာကို မပြောကြားမီ သူက “ မြေပိုင်ဆိုင်ရေး နဲ့ အကျင့်ပျက်ခြစားမှု ပြဿနာတွေ ရှိနေကြတယ် ” လို့ ဆိုပါတယ်။ အာဏာပိုင်တွေက မှန်ကန်တဲ့ အထောက်အထားမပြနိုင်ဘူးဆိုတဲ့ အကြောင်းပြချက်နဲ့ မွတ်စ်လင်မ်တွေကို ခုထိ မြေပြန်မပေးသေးတာကတော့ ထင်ထင်ရှားရှားတွေ့နေရတယ်။ နေရာတော်တော် များများအတွက် အထောက်အထားဆိုတာ မကျန်ရှိခဲ့ပါဘူး။ (မီးရှို့ဖျက်ဆီးမှုထဲ ပါသွားပြီလေ)။ မြေနေရာပြန်ပေးဖို့ငြင်းဆန်ခြင်းဟာ အကယ်၍ အဲ့ဒါတွေကို ပြန်လည်ပြုပြင် တည်ဆောက်ယင် မြန်မာအစိုးရဟောင်း အဖွဲ့ဝင်အများအပြားကို အကြီးအကျယ် ချမ်းသာကြွယ်ဝသွားစေမှာဖြစ်ပါတယ်။

    ဒီပြဿနာနဲ့စပ်လျဉ်းပြီး ဘီလ်ဒေးဗစ္စ က “ သူတို့ကို အိမ်ပြန်ခွင့်မပေးဖို့ အမိန့်တွေပေးထားကြတယ်။ သူတို့ဟာ ဒီမြေတွေကို တကယ်ပိုင်ဆိုင်ကြောင်း အထောက်အထားတွေပြရမယ်လို့ ဒီလူတွေက ပြောတယ်။ ဒီလိုပြောဆိုတဲ့ ပထမအကြောင်းက မြန်မာနိုင်ငံမှာ မြေပိုင်ဆိုင်မှုစံနစ်ဆိုတာ မရှိပါဘူး (အားလုံးက နိုင်ငံပိုင်မြေ ဖြစ်တယ်)။ ဒုတိယအချက်က အထောက်အထားပြသနိုင်ယင်တောင်မှ အိမ်တွေဖျက်ဆီးခံလိုက်ရပြီဖြစ်လို့ ဘယ်လိုမှ ရယူပြသလို့မရတော့တာကြောင့်ဖြစ်တယ် ” လို့ပြောတယ်။ သက်သေအချက်အလက်မရှိတဲ့အတွက် ဒီသီအိုရီအတိုင်း အသေအချာဖြစ်တယ်လို့ အတည်ပြုပြောကြားတာမျိုးတော့ မဟုတ်ပါဘူး။ ဒါပေမယ့် “ (အဖျက်ဆီးခံ) မြေနေရာအများစုဟာ စီးပွားရေး နဲ့ ကုန်ကူးသန်းမှုမှာ အရေးပါတဲ့ လမ်းမကြီး တစ်လျှောက်ပေါ် တည်ရှိနေတယ်။ အထူးသဖြင့် စီးပွားရေးလက်ဝါးကြီးအုပ်လိုသူတွေအဖို့ ဒီမြေတွေကို လိုချင်နေတာအမှန်ပါဘဲ။ ကချင်ပြည်နယ် နဲ့ ကရင်ပြည်နယ်လို မြန်မာပြည် အခြားဒေသများမှာလည်း အာဏာပိုင်တွေက အဓမ္မမြေသိမ်းတဲ့ အလားတူအခြေအနေမျိုး ရှိနေပါတယ် ” ဆိုပြီး ဖြည့်စွက်ပြောဆိုသွားခဲ့တယ်။

    ဗလီထဲမှာ တွေ့ဆုံပြောဆိုမှုပြီးစီးတဲ့နောက် ကျွန်တော်တို့ဟာ အကြမ်းဖက်အပျက်အစီးမြင်ကွင်းတွေကို ကြည့်ရှုဖို့ လမ်းသလားခဲ့ကြပါတယ်။ မြို့ရဲ့အချို့အစိပ်အပိုင်းဟာ လေကြောင်းစစ်ဆင်ရေးခံထားရသလိုမျိုးနဲ့ ခပ်ဆင်ဆင် တူနေပါတယ်။ လေလွင့်သူတွေကလည်း အပျက်အစီးပုံထဲက ပစ္စည်းကောင်းတွေကို ရှာဖွေတူးဆွနေကြတယ်။ မီးကျွမ်းပြိုလဲနေတဲ့ အိမ်ဝင်းတစ်ခုထဲမှာတော့ ဆိတ်ကျောင်းသားနဲ့ဆိတ်အုပ်တွေက သွားလာကျက်စားနေကြတယ်။ အဲ့ဒီနေရာဟာ တစ်ချိန်တုန်းက တောက်ပြောင်ခမ်းနားတဲ့ စားသောက်ခန်းတစ်ခု ဖြစ်ချင်ဖြစ်ခဲ့မှာပါဘဲ။ ခုချိန်မှာတော့ ……….။

    6

    ( ဓာတ်ပုံ  – အဖျက်ဆီးခံမွတ်စ်လင်မ်အိမ်များ၌ သွားလာကျက်စားနေသည့် ဆိတ်များ)

    နေ့လည်စာစားပြီးအခိုက်အတန့်မှာ ကျွန်တော်တို့အတွက်စီစဉ်သူက အရပ်သားအသွင်ဆောင်ထားတဲ့ ရဲထောက်လှမ်းရေးအရာရှိတစ်ယောက်ကို ညွှန်ပြပါတယ်။ အဲ့ဒီလူဟာ မြို့လယ်နဲ့အတန်ငယ် လှမ်းတဲ့နေရာတစ်ခုမှာ ကယ်ဆယ်ရေးစခန်းက လူတစ်ချို့နဲ့ကျွန်တော်တို့တွေ့ဆုံဆွေးနွေးမေးမြန်းတာကို နောက်ယောင်ခံ လိုက်ခဲ့တဲ့သူပါ။ အိမ်တစ်အိမ်မှာ IDP  ကလူတစ်ချို့ကို ကျွန်တော်တို့နဲ့တွေ့ဆုံစကားပြောဖို့ ခေါ်ထုတ်လာခဲ့တယ်။ ကျွန်တော်တို့ အင်တာဗျူးလုပ်ကြမယ့်အိမ်ထဲကို စီစဉ်သူက အဲ့ဒီသူကို ၀င်ရောက်စေခဲ့တယ်။ ကျွန်တော်လည်း အဲ့ဒီလူနဲ့အပေးအယူ တစ်ခုလုပ်ခဲ့တယ်။ သူက လက်နှစ်ဖက်လုံးသုံးပြီး အင်ဒရူးက လက်တစ်ဖက်ထဲနဲ့ လက်မောင်းလှဲအားပြိုင်လို့ သူနိုင်ယင် အထဲမှာစောင့်ကြည့်နိုင်တယ်။ တကယ်လို့ အင်ဒရူးကနိုင်သွားခဲ့ယင် သူက ထွက်ခွာသွားပေးရမယ်ဆိုပြီးတော့ပေါ့။ ဆယ်မိနစ်ကျော်ကျော်ကြာလွန် သွားတဲ့နောက် အဲ့ဒီလူက မအီမလည်အောင့်သက်သက်နဲ့ ထွက်ခွာသွားရတယ်လေ။

    သူက အနောက်တိုင်းဂျာနယ်လစ်နှစ်ဦးကို ကိုင်တွယ်ဖို့၊ ခြိမ်းခြောက်မှုလုပ်ဖို့အနေအထား မရှိခဲ့ပါဘူး။ ဒါပေမယ့် ကျွန်တော်တို့ရဲ့အင်တာဗျူးအကြောင်းအရာ နဲ့ စီစဉ်သူကိုတော့ ဒီလို သဘောထားချင်မှ ထားပါလိမ့်မယ်။ “မြန်မာ့နွေဦး” လို့ဆိုရမယ့်အပြောင်းအလဲဖြစ်နေသော်လည်း၊ သမ္မတဦးသိန်းစိန်က နိုင်ငံရေးအကျဉ်းသား အားလုံးကို လွှတ်ပေးမယ်လို့ တစိုက်မတ်မတ်ဆိုနေသော်လည်း မြန်မာနိုင်ငံရဲ့ မွတ်စ်လင်မ်တွေ၊ လူ့အခွင့်အရေးလှုပ်ရှားသူအပေါင်းက အနောက်တိုင်း ဂျာနယ်လစ်များနဲ့တွေ့ဆုံပြောဆိုမှုအပေါ် ရဲထောက်လှမ်းရေးနဲ့သတင်းပေးတွေဖက်က ရှေ့ဆက်ဒုက္ခပေးလာမှာကို စိုးရိမ်မှု ရှိနေတယ်လို့ ပြောပြကြပါတယ်။

    ဇူလိုင်လတုန်းက အာဏာပိုင်တွေကို ထောက်ပြပြောဆိုလေ့ရှိတဲ့ လှုပ်ရှားတက်ကြွသူ ရိုဟင်ဂျာအမျိုးသားကြီးတစ်ဦးကို အရေးယူပြီးထောင်ချခဲ့ကြတယ်။ အဲ့ဒီပုဂ္ဂိုလ်ဟာ ကျန်းမာရေးလည်း မကောင်းသလို ဆေးကုသမှုခံယူခွင့်လည်း ကောင်းကောင်းမရခဲ့ပါဘူး။ ရခိုင်ပြည်နယ်ကယ်ဆယ်ရေးစခန်းက ယာယီတဲတွေကို ဖြိုလှဲနေတဲ့ ရဲဝန်ထမ်းတစ်ယောက်ရဲ့ဓာတ်ပုံကို ဖေ့စ်ဘွတ်ပေါ်တင်လိုက်တဲ့ လူမှုလှုပ်ရှားသူတစ်ဦးဟာလည်း ရက်သတ္တပတ် အနည်းငယ်အတွင်း အဖမ်းခံခဲ့ရပါတယ်။

    7

    ( ဓာတ်ပုံ  – ကျွန်ုပ်တို့အား နောက်ယောင်ခံလိုက်ခဲ့သည့် ထောက်လှမ်းရေးရဲအရာရှိ )

    ကျွန်တော်တို့တွေ့ဆုံခဲ့တဲ့ IDP စခန်းထဲကလူအားလုံးဟာ အကြမ်းဖက်မှုစတင်စဉ်ကတည်းကြုံတွေ့ရမှုကို ပြောပြခဲ့တာ ထပ်တူထပ်မျှဖြစ်နေပါတယ်။ သူတို့ဟာ ဗုဒ္ဓဘာသာဝင်များနဲ့ ကာလရှည်ကြာစွာ ငြိမ်းငြိမ်းချမ်းချမ်း အတူနေထိုင်ခဲ့ကြတယ်။ ဒါပေမယ့် တင်းမာမှုတွေ တဖြည်းဖြည်းမြှင့်တက်လာမှုကိုလည်း သတိထားမိခဲ့ကြတယ်။ မိမိအိမ်ကို မီးတင်ရှို့ခံလိုက်ရတဲ့ အငြိမ်းစားရဲအရာရှိတစ်ဦးက “ ကျွန်တော်တို့ လူ့အဖွဲ့အစည်းက ဘာမှမကျူးလွန်ခဲ့ပဲနဲ့ ဘာကြောင့်ဒီလိုဖြစ်ပျက်ရတယ်ဆိုတာ မသိရပါဘူး ” လို့ ပြောပါတယ်။ မိမိရပ်ကွက်ထဲက ဗုဒ္ဓဘာသာဝင်တွေကို မိမိကိုယ်တိုင်ချက်ပြုတ်ကျွေးမွေးပေးတဲ့အထိ ရင်းနှီးကျွမ်းဝင်ခဲ့ကြတာပါလို့ နောက်တစ်ဦးကလည်း ဆိုပြန်တယ်။

    တိုက်ခိုက်မှုအတွက် သူတို့အားလုံး အပြစ်တင်တာကတော့ ဦးဝီရသူ ပါဘဲ။ စစ်တပ်နဲ့အာဏာပိုင်တွေ ပါဝင် ပတ်သက်မှုရှိတယ်လို့လည်း ပြောကြတယ်။ “ တစ်ချိန်တုန်းက ကျွန်တော်တို့ ငြိမ်းချမ်းသင့်မြတ်နေခဲ့ကြပါတယ်။ ဒါပေမယ့် စံနစ်တကျကြံစည်ထားတဲ့ အမုန်းမီးမွှေးမှု ပျံ့နှံ့လာခဲ့တယ်။ အဲ့ဒီနောက် လူတွေကြားထဲ ဖြည်းဖြည်းချင်း စိမ့်ဝင်သွားခဲ့တာပါဘဲ ” လို့ တစ်ဦးသောသူက ရှင်းပြခဲ့တယ်။

    လူ့အသိုင်းအ၀ိုင်းအချင်းချင်းအကြားမှာ အယုံအကြည်ကင်းမဲ့သွားခဲ့ပါပြီ။ မိမိတို့လုံခြုံမှုကိုအာမခံပေးတဲ့ မူဝါဒတစ်ခုကို အစိုးရဖက်က ပြုလုပ်ဖို့လိုအပ်ကြောင်း ပြောဆိုကြပါတယ်။ အခုလက်ရှိအချိန်မှာတော့ သူတို့အဖို့ IDP စခန်းထဲကနေ ထွက်ခွာနိုင်ဖို့က အရေးအကြီးဆုံးဖြစ်နေပါတယ်။

    8

    ( ဓာတ်ပုံ  – ခရိုင်အားကစားကွင်းထဲရှိ ကယ်ဆယ်ရေးစခန်းအဖြစ်ပြုလုပ်ထားသောအားကစားရုံ )

    ကျွန်တော်တို့ ပထမဆုံးသွားရောက်ခဲ့တဲ့စခန်းက ခရိုင်အားကစားကွင်းဖြစ်ပါတယ်။ သေးငယ်တဲ့အားကစားရုံထဲမှာ လူ ၆၀၀ ကျော် ပြွတ်သိပ်ပြီးနေနေတာကို တွေ့ခဲ့ရပါတယ်။ မတ်လ ၂၁ ရက်နေ့ကစပြီး ဒီပုံစံနဲ့ နေထိုင်လာခဲ့တာ ငါးလ ရှိပါပြီ။ သီးခြားအကန့်မရှိဘဲ ကြမ်းပြင်ပေါ်ဖြစ်သလို ဖျာတွေ၊ စောင်တွေခင်းပြီး အ၀တ်အိတ်နဲ့ပိုင်ဆိုင်မှုတွေ နံဘေးမှာကိုယ်စီချထားလို့ နေအိမ်သဖွယ် နေထိုင်နေရတာပါ။ လူနှစ်ယောက် ပခုံးချင်းယှဉ်ဖြတ်လျှောက်လို့မရတဲ့အထိ ကြမ်းပြင်တစ်ကြော လူတွေပြည့်ကျပ်နေပါတယ်။ မိမိရဲ့ဖျာတစ်ချပ်စာနေရာမှာ သူ့မိသားစု ၇ ဦးနေထိုင်နေရတယ်လို့ လူတစ်ဦးက ပြောပြတယ်။

    မိမိတို့ရဲ့အနာဂတ် ဘာဖြစ်လာမလဲ၊ ဘာကိုရွေးချယ်ရမလဲဆိုတာ ဘယ်သူမှ သေသေချာချာ မပြောနိုင်ပါဘူး။ ဒီမှာမလွတ်လပ်ဘူး၊ ကိုယ့်အိမ်ကိုယ်ပြန်မှဖြစ်မယ်၊ နောက်တစ်နေ့ပြန်ခွင့်ရတာနဲ့ထွက်ခွာမယ် စသဖြင့် ကိုယ်စီ ဆိုနေကြပါတယ်။

    အချို့ကျတော့ လမ်းပြင်ရောက်ယင် လုံခြုံမှု မရှိဘူးလို့ ဆိုကြပြန်တယ်။ “ ကျွန်မတို့ဆီမှာ အနာဂတ် မရှိတော့လို့ အိမ်ကိုလည်း မပြန်ချင်တော့ဘူး ” ဆိုပြီး နေအိမ်တစ်ခုလုံး မီးထဲပါသွားတဲ့ အမျိုးသမီးတစ်ဦးက ပြောဆိုပါတယ်။

    ကျွန်တော်တို့ရောက်ဖူးတဲ့ မြန်မာပြည်အခြားဒေသက IDP စခန်းတွေနဲ့မတူပဲ မိတ္ထီလာမှာ ကျွန်တော်တို့သွားတဲ့နေရာတိုင်း ရဲတစ်စုက လိုက်နေခဲ့ကြတယ်။ အချို့က ယူနီဖောင်းနဲ့၊ တစ်ချို့ကျတော့ အရပ်ဝတ်နဲ့ဖြစ်တယ်။ ရဲအရာရှိတစ်ဦးရှေ့မှာဖြစ်စေ၊ စကားဝိုင်းထဲ သူဝင်ပါတဲ့အခါဖြစ်စေ မေးမြန်းပြောဆိုမှုတွေကို ခက်ခဲသွားစေပါတယ်။ အဲ့လိုဝင်စွက်လိုက်ယင် ရှေ့ဆက်တိုးဖို့ မလွယ်တော့ပါဘူး။

    အားကစားရုံအပြင်ဖက်မှာ ၀ါးတဲထိုးပြီး နေထိုင်နေကြတဲ့ ဒုက္ခသည်တွေလည်းရှိကြတယ်။ တစ်ချို့က ချက်ပြုတ်နေကြတယ်။ တစ်ချို့က ဆိုင်ငယ်လေးတွေခင်းပြီး သွားရေစာနဲ့ဟင်းသီးဟင်းရွက်တွေကို ရောင်းချနေကြတယ်။ အဲ့ဒါက ဘောလုံးကွင်းထဲမှာပါ။ တစ်ချို့ကတော့ အမိုးမိုးဖို့ ကွန်ကရစ်တိုင်သုံးမယ့်အထိ စိတ်ကူးနေကြတယ်။

    9

    ( ဓာတ်ပုံ  – ကယ်ဆယ်ရေးစခန်းတစ်ခု၏ပြင်ပမှ ရဲအရာရှိများ )

    ခရိုင်အားကစားကွင်းကနေထွက်ခွာလာပြီးတဲ့နောက် မြို့ထဲနဲ့နီးတဲ့ ဗုဒ္ဓဘာသာဝင်ဒုက္ခသည်စခန်းတစ်ခုကို ၀င်ပါတယ်။ အဲ့ဒီကအခြေအနေတွေကလည်း သိပ်ပြီးမထူးခြားပါဘူး။ မှောင်ပိန်းညစ်ပတ်တဲ့တဲတွေထဲမှာ လူတွေ နေနေကြရတယ်။ အဲ့ဒီမှာတော့ အာဏာပိုင်တွေ သိပ်မရှိကြပါဘူး။

    ကင်တားနား သွားရောက်ဖို့ရည်ရွယ်ထားတဲ့ နောက်ထပ်စခန်းတစ်ခုကို ကျွန်တော်တို့ရောက်ပြန်တယ်။ ဒုက္ခသည်စခန်း လုပ်ထားတဲ့ ရေပေးဝေရေးစက်ရုံတစ်ခုပါ။ အပြင်ဖက်မှာ လူတစ်ချို့ ၀ိုင်းဖွဲ့ထိုင်နေကြတယ်။ ထင်းခွေသူတွေ ခွေကြ၊ ခြင်းလုံးခတ်သူတွေ ခတ်ကြနဲ့ပေါ့။ ၀ါးတဲများနဲ့ တစ်ထပ်တိုက်အဆောက်အဦထဲမှာ မိသားစုတစ်စုအတွက် ၁၀ ပေ ပတ်လည်ကန့်သတ်နေရာချထားပေးတယ်။ ဒီစခန်းက အခြေအနေတော်တော်ကောင်းပုံရပါတယ်။

    ဒီလိုစခန်းမျိုးထဲမှာတောင် ရဲနဲ့ထောက်လှမ်းရေးအရာရှိတွေက အချင်းချင်းရယ်မောစကားဆိုယင်း ကျွန်တော်တို့နောက်ကို ထပ်ကြပ်မကွာ လိုက်နေခဲ့ကြတယ်။ ဒါကြောင့် အင်တာဗျူးလုပ်ဖို့ကြိုးပမ်းချက်အများစုက သဲထဲရေသွန်ဖြစ်သွားရတယ်လေ။ ခြောက်သွေ့ပူပြင်းတဲ့ဒဏ်၊ ဖရိုဖရဲဝန်းကျင်အခြေအနေတွေ၊ စခန်းပတ်လည်က လုံခြုံရေးအစောင့်တွေကြောင့် ကျွန်တော့်မှာ ပျို့အန်ချင်သလို ခံစားလာခဲ့ရပါတယ်။ အကျဉ်းသဘောလောက်သာ လျှောက်ကြည့်ပြီး ရဲအစောင့်တွေကို ကောင်းမွန်စွာ နှုတ်ဆက်ထွက်ခွာလာကြပါတယ်။

    10

    ( ဓာတ်ပုံ – ရေပေးစက်ရုံစခန်းပတ်လည်မှ ကျွန်ုပ်တို့နောက်လိုက်နေသည့် လုံခြုံရေးအုပ်စုဝင်များ )

    ဒုက္ခသည်တွေကို ဘယ်နေ့ဘယ်ရက်မှာအိမ်ပြန်ခွင့်ပြုမယ်ဆိုတာ ကယ်ဆယ်ရေးစခန်းတွေက တပ်အပ်သေချာ မပြောကြပါဘူး။ လူ့အဖွဲ့အစည်းတွေအကြား ရင်ကြားစေ့ရေးအစီအစဉ်ပြုလုပ်ပေးမယ့်လမ်းလည်း မမြင်ရဘူး။ နောက်ထပ်အကြမ်းဖက်လာနိုင်ချေရှိတဲ့အရာကို ထိန်းချုပ်ထားတဲ့ မူဝါဒစံနစ်တစ်ရပ်ကိုပင် မချမှတ်ထားတာလည်း တွေ့ခဲ့ရတယ်။

    မိတ္ထီလာအကြမ်းဖက်တိုက်ခိုက်မှုနဲ့ပတ်သက်ပြီးတော့ ကင်တားနားက “ အနီးအနားမှာ ရဲတပ်ဖွဲ့ဝင်တွေရှိနေပါလျက် အကာအကွယ်မဲ့နေရတဲ့ ဒီအဖြစ်ကိုကြုံတွေ့လိုက်ရတဲ့အခါ စိုးရိမ်ထိတ်လန့်မှုကို ခံစားလိုက်ရတယ်။ လွန်ခဲ့တဲ့မတ်လ အကြမ်းဖက်မှုကြီးအတွင်း လူရမ်းကားအုပ်စုတွေက လူ ၄၃ ဦးကို သေတဲ့အထိ ရိုက်နှက်၊ ထိုးခုတ်၊ မီးရှို့နေပါလျက် ရဲတွေက စောင့်ဆိုင်းရပ်ကြည့်နေချိန်မှာ မြို့ခံလူတွေရဲ့သောကဝေဒနာကို ကျွန်တော့်ရဲ့ဒီအဖြစ်က ကိုယ်ချင်းစာနားလည်မှု ဖြစ်သွားစေပါတယ် ” လို့ ဖော်ထုတ်ပြောကြားခဲ့ပါပြီ။

    ကုလသမဂ္ဂသံတမန်တစ်ဦးကိုပင်လျှင် အာဏာပိုင်တွေက မကာကွယ်နိုင်ဘူး ဒါမှမဟုတ် ကာကွယ်ပေးလိုစိတ်မရှိဘူး ဖြစ်နေတဲ့အခါ မိတ္ထီလာက မွတ်စ်လင်မ်တွေအတွက် အနာဂတ်အလားအလာကောင်းဖို့ မမြင်တော့ပါဘူးဗျာ။

    ( International Centre For Journalists ထံသို့ Danny Gold ၏  Spending time with the displace muslims of Myanmar ခေါင်းစဉ်ဖြင့်တင်ပြချက်ကို မြင့်မိုရ်မောင်မောင် မှ ဆီလျော်အောင် ပြန်ဆိုရေးသားသည် )

    Photos Credit: Andrew Stanbridge

  • မိတ္ထီလာမြို့ရှိ အကြမ်းဖက် ဖျက်ဆီးခံ ဗလီတချို့ ရမဿွန်လ(ဥပုသ်လ)တွင် ပြန်လည် ၀တ်ပြုခွင့်ရ။

    ဇူလိုင် ၉၊ ၂၀၁၃
    M-Media
    KK

    မိတ္ထီလာ ။        ။     မန္တလေးတိုင်းဒေသကြီး၊ မိတ္ထီလာမြို့တွင် ၂၀၁၃-ခု မတ်လအတွင်းက အကြမ်းဖက်မှုများကြောင့် မီးရှို့ဖျက်ဆီးခံခဲ့ရသော ဗလီများကို ပိတ်ထားခဲ့ရာ ယခု မွတ်စလင်မ်များ၏ ဥပုသ်လ(ရမ်ဇာန်)လတွင် တချို့ ဗလီများတွင် ၀တ်ပြုရန် ယနေ့ နေ့လည်ပိုင်းက ပြန်လည်ခွင့်ပြုလိုက်ကြောင်း သိရသည်။

    burn masjid
    လွန်ခဲ့သော ရက်အနည်းငယ် အတွင်းက မိတ္ထီလာမြို့စွန်ရှိ တူရကီဗလီနှင့် ချမ်းအေးဗလီအား ၀တ်ပြုရန် ခွင့်ပြုကြောင်းနှုတ်မိန့်ကို ခရိုင်ရုံးမှ ဗလီဂေါပကများထံသို့ တိုက်ရိုက် အကြောင်းကြားခြင်း မရှိခဲ့သော်လည်း တဆင့်ကြားသိရသည့် ဗလီတာဝန်ရှိဂေါပကများနှင့် ကူညီဆောင်ရွက်နေသူများမှ မြို့ထဲရှိဗလီများတွင် ၀တ်ပြုခွင့်ရရန် တောင်းဆိုခဲ့မှုကြောင့် ယနေ့နေ့လည်ပိုင်းက မြို့ထဲရှိ ဘင်္ဂါလီဗလီအား ၀တ်ပြုခွင့်ပြုလိုက်ပြီဟု သိရသည်။

    “ပြီးခဲ့တဲ့ ရက်ပိုင်းက မိတ္ထီလာမြို့ အစွန်က တူရကီဗလီနဲ့ ချမ်းအေးရပ်ကွက် မီးလောင်ပြင်က ဗလီမှာ ၀တ်ပြုဖို့ ခွင့်ရရှိခဲ့တယ်။ အဲဒါကလည်း တရားဝင် ခွင့်ပြုတာမဟုတ်ပဲ ကြားလူကတဆင့် အကြောင်းကြားလာပါတယ်။ ဒါနဲ့ ဗလီဂေါပကတွေရယ် တစ်ခြား ကူညီပေးနေတဲ့သူတွေရယ် စုပေါင်းပြီး အဲဒီ ဗလီတွေကို သွားရောက်ဝတ်ပြုဖို့ ခက်ခဲတယ်။ ဒါကြောင့်မြို့ထဲ ဗလီကို ၀တ်ပြုခွင့်ရချင်ပါတယ်ဆိုပြီး ခရိုင်ကို အကြောင်းပြန်ခဲ့ပါတယ်။

    ဒါနဲ့ ဒီနေ့တော့ ဦးညွှန့်မောင်သျှိန်ရယ် ဒေါက်တာသာဥာဏ်ရယ်ပါတဲ့ ရန်ကုန် ဘာသာပေါင်းစုံအဖွဲ့၊ မန္တလေးက ဘာသာပေါင်းစုံအဖွဲ့တို့ပေါင်းပြီး တိုင်းဝန်ကြီးချုပ်ကို ညှိနှိုင်းလိုက်တယ်။ ညှိနှိုင်းလိုက်တော့ တိုင်းဝန်ကြီးချုပ်က ခရိုင်ကိုညွှန်ကြားတယ်။ ဒါနဲ့ အခုပဲ မြို့ထဲက ဗလီတစ်လုံးကို ခွင့်ပြုလိုက်ပါပြီ။ ရတနာမာန်အောင်ရပ်ကွက်က သုခ၀တီလို့လည်းခေါ်တဲ့ ဘင်္ဂါလီဗလီကြီးကို ခွင့်ပြုလိုက်တာကြောင့် အခုပဲ ကျွန်တော်တို့သန့်ရှင်းရေးလုပ်နေကြတာပါ။

    ရဲလုံခြုံရေးတွေလည်း လာချပေးထားပါတယ်။ မြို့နယ်မှူးအဆင့်ပါရှိပြီး လက်နက်ကိုင်အပြည့်အစုံ ၁၂-ယောက်လောက်၊ ရယက တွေလည်း ပါပါတယ်။ မနက်ဖြန်နေ့လည် ၀တ်ပြုချိန်ကနေစပြီး ၀တ်ပြုကြပါမယ်။

    ဟုတ်ကဲ့ ပထမဖွင့်ပေးထားတဲ့ ဗလီ ၂-လုံး လုံးမှာတော့ လောလောဆယ် ၀တ်ပြုဖို့ မရှိဘူးခင်ဗျ။ တူရကီဗလီကိုတော့ တချို့တ၀က်သွားရောက် ၀တ်ပြုကြပါမယ်။ ဒါပေမယ့် ချမ်းအေးဗလီကိုတော့ ဘယ်သူမှ မသွားပါဘူး။ အဲ့ဒီက ဝေးလည်းဝေးတယ်။ ပြီးတော့ မီးရှို့ခံထားရလို့ မွတ်စလင်မ်တွေကလည်း camp ထဲမှာပါ၊ ပြီးတော့ ရေလည်း အခက်အခဲရှိပါတယ်။ လုံခြုံရေးလည်း စိတ်မချရတာကြောင့် ချမ်းအေးမှာ မဖတ်ကြပါဘူး။

    တချို့က တူရကီဗလီမှာ ၀တ်ပြုကြမယ်။ အများစုက ဘင်္ဂါလီဗလီမှာ ၀တ်ပြုကြပါမယ်။ ဘယ်လိုပဲဖြစ်ဖြစ်ဗျာ ရမဿွန်အမီ မြို့ထဲကဗလီမှာ ၀တ်ပြုခွင့်ရလိုက်တာကိုပဲ အားလုံးကို ကျေးဇူးတင်တယ်ဗျာ။”လို့ M-Media ရဲ့ ဆက်သွယ်မေးမြန်းချက်ကို မိတ္ထီလာမြို့ခံတစ်ဦးက ဗလီအား သန့်ရှင်းရေးလုပ်နေစဉ်မှာပင် ဖြေကြားပေးခဲ့ပါတယ်။

    ချမ်းအေးဗလီက အဲ့ဒီမှာ လောလောဆယ်  ဗလီ နှစ်လုံးပြုပြင်ရန် မန္တလေး တိုင်းဒေသကြီး ၀န်ကြီးချုပ်ထံမှ နှုတ်ကတိ ရရှိတယ်လို့ ဘာသာပေါင်းစုံ ချစ်ကြည်ညီညွတ်ရေးအဖွဲ့ အတွင်းရေးမှု ဦးသာဥာဏ်ဖုန်းဖြင့်ပြောပါတယ်။ “အခု ကျွန်တော်တို့ ၀န်ကြီးချုပ်နဲ့တွေ့နေပါတယ် ၀မ်းသာလို့ ခင်ဗျား သိအောင်ပြောတာ ဘယ်ဗလီတွေ ဆိုတော ပြီးမှအသေအချာပြောတော့မယ် ဖြစ်နိုင်တာက ၀မ်းတွင်း က သဲတော့ဗလီ နဲ့ မိထ္ထီလာ မြို့ပေါ်ဗလီတစ်ခုပေါ့” လို့ သိရှိရပါတယ်။

    မိတ္ထီလာမြို့ အကြမ်းဖက်ခံရမှုတွင် သာယာကုန်းဗလီမှာ ဖျက်ဆီးခြင်းမခံရပဲ၊ ပြည်သာယာဗလီမှာ လုံးဝ ပုံကျသွားသည်အထိ ဖျက်ဆီးခံလိုက်ရပြီး ကျန်သည့် ပြည်သာယာမြောက်ဗလီ၊ သီရိမင်္ဂလာဗလီ၊ ပါကစ္စတန်အရှေ့ဗလီ၊ ဈေးဗလီ၊ မြို့မဗလီ၊ ဘင်္ဂါလီဗလီ၊ မြို့ဦးဗလီ၊ တူရကီဗလီ၊ နန်းတော်ကုန်းဗလီ၊ ချမ်းအေးဗလီ တို့မှာ မီးရှို့ခြင်း၊ ဖျက်ဆီးခြင်းများ ခံခဲ့ရပါသည်။

    ယခုအခါ မိတ္ထီလာမြို့သည် ပြန်လည်တည်ငြိမ်အေးချမ်းနေပြီဖြစ်ပြီး ပြည်သူများ အကြား ဆက်ဆံရေးမှာ ဟိုးရှေးယခင်ကကဲ့သို့ ပြန်လည် မရောက်ရှိသေးသော်လည်း အချင်းချင်း အပြန်အလှန်သွားလာဆက်ဆံမှု ပြန်လည်ရရှိနေပြီဖြစ်ကြောင်းလည်း သိရသည်။