Tag: MH17

MH 17 ကို ယူကရိန်း တိုက်လေယာဉ်က ပစ်ချခဲ့တာလား?

နိုဝင်ဘာ ၁၅ ၊ ၂၀၁၄
M-Media

– ပြီးခဲ့သည့် ဇူလိုင်လအတွင်းက ယူကရိန်းပိုင်နက်မှာ ပျက်ကျသွားခဲ့တဲ့ မလေးရှားခရီးသည်တင် လေယာဉ် MH 17 ဟာ ယူကရိန်း တိုက်လေယာဉ်တစ်စင်းရဲ့ ဒုံးကျည်နဲ့ ပစ်ခံမှုကို ခံခဲ့ရတယ်လို့ ယူဆရမယ့် ဂြိုဟ်တု ဓာတ်ပုံတစ်ခု ထွက်ပေါ်လာခဲ့ပါတယ်။

အဲဒီ ဂြိုဟ်တုဓာတ်ပုံကို ရုရှားနိုင်ငံပိုင် မီဒီယာက အောက်တိုဘာ ၁၄ ရက်နေ့မှာ ထုတ်ပြန်ခဲ့တာဖြစ်ပြီး ယူကရိန်းက သူပုန်တွေရဲ့ မြေပြင်က ဝေဟင်ပစ် ဒုံးကျည်ကြောင့် MH 17 ပျက်ကျသွားတာမဟုတ်ဘဲ ယူကရိန်း တိုက်လေယာဉ်ရဲ့ ဒုံးကျည်နဲ့ ပစ်ချခဲ့တာကြောင့် ပျက်ကျခဲ့တဲ့ အထောက်အထားအဖြစ် ဒီဓာတ်ပုံကို ဖော်ပြခဲ့တာပါ။

ဗြိတိန် ဒါမှမဟုတ် အမေရိကန်ဂြိုဟ်တုက ရိုက်ထားတယ်လို့ ယူဆရတဲ့ အဲဒီဓာတ်ပုံဟာ လျှို့ဝှက် ပေါက်ကြားလာတာဖြစ်ပြီး တိုက်လေယာဉ်တစ်စီးက MH 17 ရဲ့ ခါးလည်ကို ဒုံးကျည်နဲ့ ပစ်ခတ်နေတဲ့ ပုံဖြစ်ပါတယ်။

သတင်းကြေညာသူကတော့ ဒီဓာတ်ပုံကို အမည်မဖော်နိုင်တဲ့ သတင်းရင်းမြစ်တစ်ခုကနေ “Mig 29 တိုက်လေယာဉ်က ဘိုးအင်း ခရီးသည်တင်လေယာဉ်ကို ဖျက်ဆီးပုံ” ဆိုတဲ့ အမည်နဲ့ ရရှိခဲ့တာလို့ ပြောကြားခဲ့ပါတယ်။

ခရီးသည် ၂၉၈ ဦး သေဆုံးခဲ့တဲ့အဆိုပါ လေယာဉ်ပျက်ကျမှုဟာ ယူကရိန်းက ခွဲထွက်ရေးသမားတွေကို ရုရှားက ပေးထားတဲ့ မြေပြင်က ဝေဟင်ပစ် BUK ဒုံးကျည်ကြောင့်လို့ အမေရိကန်နဲ့ ဥရောပနိုင်ငံတွေက ပြောကြားထားပြီး ရုရှားကတော့ ပျက်ကျချိန်မှာ MH 17 လေယာဉ်အနီး အမည်မသိလေယာဉ်တစ်စင်းကို တွေ့ရှိခဲ့ရတယ်လို့ ယခင်ကတည်းက ပြောကြားခဲ့ပါတယ်။

အခုနောက်ဆုံး ရုရှားမီဒီယာတွေက ဖော်ပြခဲ့တဲ့ ဒီဂြိုဟ်တုဓာတ်ပုံနဲ့ ပတ်သက်လို့ ယူကရိန်းနဲ့ အနောက်နိုင်ငံတွေက ဘာမှတုန့်ပြန်တာမျိုးတော့ မရှိသေးပါဘူး။

ref_ Mirror

November 15, 2014
MH 17 ပျက်ကျရသည့် အကြောင်းအရင်း ကြားဖြတ်အစီရင်ခံစာ နယ်သာလန် ထုတ်ပြန်

စက်တင်ဘာ ၁၀ ၊ ၂၀၁၄
M-Media

– ပဋိပက္ခများဖြစ်ပွားနေသည့် ယူကရိန်းနိုင်ငံအရှေ့ပိုင်းတွင် ပျက်ကျခဲ့သည့် မလေးရှား လေယာဉ် MH 17 မှာ အရှိန်မြင့်မားသည့် အရာဝတ္ထုများဖြင့် ထိခိုက်မိပြီး လေထဲတွင် ပေါက်ကွဲခဲ့ခြင်းဖြစ်သည်ဟု ဟော်လန်စုံစမ်းရေးအဖွဲ့မှ ထုတ်ပြန်သော ကြားဖြတ် အစီရင်ခံစာတွင် ဖော်ပြထားသည်။

အဆိုပါအစီရင်ခံစာကို ယမန်နေ့က ထုတ်ပြန်ခဲ့ခြင်းဖြစ်ပြီး၊ အရှိန်ပြင်းသည့် အရာဝတ္ထုအများစုမှာ MH 17 ၏ လေယာဉ်မှုအခန်းကို ထိခိုက်၍ အပေါက်များစွာဖြစ်ပေါ်ကာ လေယာဉ်အား ပျက်စီးစေခဲ့ခြင်းဟု ဖော်ပြခဲ့သည်။

ဟော်လန်နိုင်ငံသား ၁၉၃ ဦးအပါအ၀င် လူပေါင်း ၂၉၈ ဦး လိုက်ပါသွားခဲ့သည့် အဆိုပါ ဘိုးအင်း ၇၇၇ လေယာဉ်အား ရုရှားလိုလားသည့် ခွဲထွက်ရေးသမားများက ရုရှားမှ ပေးထားသော မြေပြင်မှဝေဟင်ပစ် ဒုံးကျည်ဖြင့် ပစ်ချခဲ့သည်ဟု အနောက်နိုင်ငံများက စွပ်စွဲခဲ့သည်။

လေယာဉ်အစိတ်အပိုင်းများကို နေရာအများအပြားတွင် တွေ့ရှိခဲ့ရသောကြောင့် လေယာဉ်မှာ လေထဲတွင် ပေါက်ကွဲခဲ့ခြင်းဖြစ်ပြီး၊ လေယာဉ် Black Box ကိုလည်း မည်သူမှ ကိုင်တွယ်ခဲ့ခြင်းမရှိကြောင်း၊ လေယာဉ်မှူးအခန်းတွင် မည်သည့်သတိပေးစနစ်မှ မကြားခဲ့ရဘဲ လေယာဉ်မှူးနှင့် လေယာဉ်အမှုထမ်းတို့၏ ဆက်သွယ်ရေးမှာလည်း ပျက်တောက်ခဲ့ခြင်း မရှိကြောင်း အဆိုပါအစီရင်ခံစာတွင် ထည့်သွင်းဖော်ပြထားသည်။

လေယာဉ်ပျက်ကြရသည့် အကြောင်းအရင်းကို သိရှိရန်အတွက် စုံစမ်းစစ်ဆေးမှုများကို ပြုလုပ်နေသော်လည်း ယူကရိန်းအစိုးရနှင့် ခွဲထွက်ရေးသမားများအကြား ဖြစ်ပွားနေသော တိုက်ပွဲများကြောင့် လေယာဉ်ပျက်ကျခဲ့သည့် နေရာသို့ ကျွမ်းကျင်သူများ ၀င်ရောက်ခွင့်ကြည့်ရှုခွင့် မရသေးပေ။

ယခုထုတ်ပြန်သောအစီရင်ခံစာမှာ အဆိုပါလေယာဉ်၏ Black Box မှ ရရှိသော အချက်အလက်များ၊ ပျက်ကျသည့်နေရာအား ရိုက်ကူးထားသည့် ဓာတ်ပုံနှင့် ဗီဒီယိုများ၊ ယူကရိန်းလေကြောင်းထိန်းချုပ်ရေးစင်တာများမှ ရရှိသော အချက်အလက်များကို အခြေခံကာ ထုတ်ပြန်ခဲ့ခြင်းဖြစ်သည်။

ယခုအချိန်အထိ လေယာဉ်ပေါ်လိုက်ပါသွားသူ ၁၉၃ ဦး၏ ရုပ်အလောင်းများကို ဖော်ထုတ်နိုင်ခဲ့ပြီး လေယာဉ်ပျက်ကျရသည့်အကြောင်းအရင်းအတွက် အစီရင်ခံစာ အပြည့်အစုံကို ၂၀၁၅ ခုနှစ် နှစ်လယ်ပိုင်းအထိ ရရှိနိုင်မည် မဟုတ်ချေ။

ref_Al Jazeera and agencies

September 10, 2014
MH 17 လေယာဉ်ပျက်ကျမှုတွင် သေဆုံးသူများ ရုပ်ကြွင်း မလေးရှားသို့ ပထမအသုတ် ရောက်ရှိ

သြဂုတ် ၂၂ ၊ ၂၀၁၄
M-Media

– ယူကရိန်းအရှေ့ပိုင်းတွင် ပျက်ကျသွားခဲ့သည့် MH 17 လေယာဉ်တွင် လိုက်ပါသွားကြသူများ၏ အလောင်းများ ပထမအသုတ်အဖြစ် မလေးရှားနိုင်ငံသို့ ယနေ့တွင် ရောက်ရှိလာခဲ့သည်ဟု သိရသည်။

သေဆုံးသူ ၂၀ ၏ ရုပ်ကလပ်များကို မလေးရှား အထူးလေကြောင်းလိုင်းဖြင့် သယ်ဆောင်ကာ အမ်စတာဒမ်မြို့မှာ ကွာလာလမ်ပူသို့ ဒေသစံတော်ချိန် နံနက် ၁၀ နာရီတွင် ရောက်ရှိလာခဲ့ခြင်းဖြစ်ပြီး ဂုဏ်ပြုအခမ်းအနားဖြင့် ကြိုဆိုခဲ့သည်။

ထိုအခမ်းအနားသို့ မလေးရှားဘုရင်ကြီး အဘ်ဒူလ် ဟာလင်မ် မူအဒ်ဇမ်ရှားနှင့် မိဖုရား ဟာဂျာဟာမီနာ၊ မလေးရှားဝန်ကြီးချုပ် နာဂျစ် ရာဇတ်နှင် ဇနီးတို့အပါအ၀င် အစိုးရ တာဝန်ရှိသူများ တက်ရောက်ခဲ့ကြသည်။ သေဆုံးသူများအတွက် ၀မ်းနည်းခြင်း အထိမ်းအမှတ်ဖြင့် တစ်မိနစ်ခန့် ငြိမ်သက်ခဲ့ကြပြီး ယနေ့ကိုလည်း နိုင်ငံတော် ၀မ်းနည်းဖွယ်နေ့အဖြစ် မလေးအစိုးရက သတ်မှတ်ခဲ့သည်။

ရုပ်ကြွင်းများကို သယ်ဆောင်ရာ လမ်းတစ်လျှောက်တွင်လည်း ပြည်သူများက သေဆုံးသူများကို ဂုဏ်ပြုခဲ့ကြပြီး မလေးရှားရုပ်သံများကလည်း သေဆုံးသွားသူများ၏ ဓာတ်ပုံများနှင့်အတူ ကုရ်အာန်ကျမ်းတော်မြတ်မှ ပါဒတော်များကို ထုတ်လွှင့်ပြသခဲ့သည်။

ခရီးသည်နှင့် လေယာဉ်အမှုထမ်း ၂၉၈ ဦး တင်ဆောင်လာသည့် အဆိုပါ MH 17 လေယာဉ်မှာ အမ်စတာဒမ်မှ ကွာလာလမ်ပူမြို့သို့ ပျံသန်းစဉ် ယူကရိန်း အရှေ့ပိုင်း လေပိုင်နက်အတွင်း ပစ်ချခြင်းခံခဲ့ရပြီး လေယာဉ်ပေါ်လိုက်ပါလာသူအားလုံး သေဆုံးခဲ့ရသည်။ အဆိုပါလေယာဉ်ပေါ်တွင် မလေးရှားနိုင်ငံသား ၃၀ ဦး ပါဝင်သည်။

သေဆုံးသူများ၏ ရုပ်ကလပ်များကို ၎င်းတို့နေထိုင်ရာ နေရပ်များသို့ ရဟတ်ယာဉ်များဖြင့် ပြန်လည်ပို့ဆောင်သွားမည်ဖြစ်ပြီး၊ သေဆုံးသူများ၏ အယူဝါဒအတိုင်း သင်္ဂြိုဟ်ခွင့်ရမည်ဖြစ်သည်။

Agencies

August 22, 2014
ပစ်ချခံရသည့် မလေးလေယာဉ်မှ အလောင်းများ ယူကရိန်းအစိုးရ ထိန်းချုပ်သည့်နေရာသို့ ရောက်ရှိ

ဇူလိုင် ၂၃ ၊ ၂၀၁၄
M-Media

– ယူကရိန်းသူပုန်များ ထိန်းချုပ်ရာဒေသတွင် ပစ်ချခံလိုက်ရသည့် မလေးရှား ခရီးသည်တင်လေယာဉ်မှ အလောင်းများမှာ ယူကရိန်းအစိုးရ ထိန်းချုပ်ရာ Kharkiv မြို့သို့ ယနေ့တွင် ရောက်ရှိလာခဲ့သည်ဟု သိရသည်။

အအေးပေးစနစ်ပါဝင်သော အလောင်းသေတ္တာများ ပါဝင်သည့် အဆိုပါ ရထားမှာ လက်နက်စက်ရုံတစ်ခု၏ ၀င်းအတွင်းသို့ ၀င်ရောက်လာခဲ့ခြင်းဖြစ်ပြီး အလောင်းများအား ဟော်လန်နိုင်ငံသို့ ပို့ဆောင်သွားမည်ဖြစ်ကာ ပထမအသုတ်မှာ မနက်ဖြန်တွင် ရောက်ရှိမည်ဖြစ်သည်။

ဟော်လန်မှ မလေးရှားသို့ ထွက်ခွာသွားခဲ့သည့် အဆိုပါလေယာဉ်တွင် ခရီးသည်နှင့် လေယာဉ် အမှုထမ်းစုစုပေါင်း ၂၉၈ ဦး လိုက်ပါသွားခဲ့ပြီး အများစုမှာ ဟော်လန်နိုင်ငံမှဖြစ်ကာ လိုက်ပါသွားသူအားလုံး သေဆုံးခဲ့ရသည်။

လေယာဉ်ပျက်မှရရှိသည့် Black box ၂ ခု ကို ခွဲထွက်ရေးသမားများက မလေးရှားမှ ကျွမ်းကျင်သူများသို့ လွှဲပြောင်းပေးအပ်ခဲ့ပြီးဖြစ်သည်။ မလေးရှားဝန်ကြီးချုပ် နာဂျစ်ကမူ အဆိုပါ Blck box မှာ အကောင်းအတိုင်းရှိမည်ဟု ယုံကြည်ရပြီး နိုင်ငံတကာ စုံစမ်းစစ်ဆေးရေးအဖွဲ့သို့ လွှဲပြောင်းပေးအပ်သွားမည်ဟု ပြောကြားခဲ့သည်။

အဆိုပါ လေယာဉ် ပစ်ချခံခဲ့ရမှုအတွက် ယူကရိန်းအစိုးရနှင့် သူပုန်များမှာ အပြန်အလှန် ပြစ်တင်ပြောဆိုနေကြပြီး၊ ရုရှားကမူ အဆိုပါလေယာဉ် မပျက်ကျမီ ယူကရိန်း တိုက်လေယာဉ်တစ်စီးမှာ ထိုလေယာဉ် အနားကပ်သွားခဲ့ကြောင်း ယူကရိန်းမှာ မြေပြင်မှ ဝေဟင်ပစ် Buk ဒုံးကျည်များကို ဇွန်လ ၁၇ ရက်နေ့က နေရာပြောင်း ခဲ့ကြောင်း ဖော်ပြထားသည့် ဂြိုဟ်တု ဓာတ်ပုံများကို ထုတ်ပြန်ခဲ့သည်။

Al Jazeera and agencies

July 23, 2014
လေယာဉ် ပျက်ကျသည့် ကိစ္စ မလေး နိုင်ငံခြားေ၇း ဝန်ကြီးနှင့် အဖွဲ့ ယူကရိန်းသွားမည်။

ဇူလိုင် ၂၀ ၊ ၂၀၁၄
M-Media

– စနေနေ့ နံနက်ပိုင်းက ယူကရိန်းပိုင်နက်အတွင်း ပျက်ကျသွားခဲ့သည့် မလေရှားခရီးသည်တင် လေယာဉ်ကိစ္စနှင့်ပတ်သက်၍ မလေးရှား နိုင်ငံခြားရေးဝန်ကြီး အန်နီဖာ အေမန် ဦးဆောင်သည့် အစိုးရအဖွဲ့မှာ ယူကရိန်းသို့ ယနေ့ညတွင် သွားရောက်မည်ဟု သိရသည်။

အဆိုပါ ဘိုးအင်း ၇၇၇ လေယာဉ်မှာ ယူကရိန်း-ရုရှားနယ်ကြား ကီလိုမီတာ ၅၀ အကွာတွင် မြေပစ်မှ ဝေဟစ်ပစ်ဒုံးကျည်ဖြင့် ပစ်ချခံခဲ့ရသည်ဟု ယုံကြည်ရပြီး လေယာဉ်အမှုထမ်းနှင့် ခရီးသည် စုစုပေါင်း ၂၉၈ ဦးစလုံးမှာ သေဆုံးခဲ့သည်။

အန်နီဖာမှာ ယူကရိန်းသမ္မတ၊ ဒုတိယသမ္မတနှင့် နိုင်ငံခြားရေးဝန်ကြီးတို့နှင့် တွေ့ဆုံကာ လေယာဉ်ပျက်ကျခဲ့ရသည့် အကြောင်းနှင့်ပတ်သက်၍ ဆွေးနွေးသွားမည်ဟု အစိုးရမှ ထုတ်ပြန်သော ကြေညာချက်တွင် ဖော်ပြထားသည်။

အဆိုပါ ပျက်ကျမှုအတွက် စုံစမ်းစစ်ဆေးမှုကို နိုင်ငံတကာ အရပ်ဘက်လေကြောင်း အဖွဲ့ ICAO မှ ဦးဆောင်ပြုလုပ်သွားရန် ရုရှားနှင့် အမေရိကန်တို့က စနေနေ့တွင် သဘောတူထားခဲ့ပြီး မလေးရှား ပို့ဆောင်ရေးဝန်ကြီး ဒါတွတ်စရီ လီယို တီယွန်လိုင်းမှာလည်း ယူကရိန်းသို့ စနေနေ့က ထွက်ခွာသွားခဲ့ပြီဖြစ်သည်။

ရုရှားလိုလားသူ ခွဲထွက်ရေးသမားများကမူ ၎င်းတို့မှာ လေယာဉ်ပျက်ကျခဲ့သည့်နေရာမှ အလောင်း ၁၉၆ လောင်းအား သယ်ယူကာ ရထားပေါ်သို့ ရွှေ့ပြောင်းထားပြီး ပျက်ကြသည့် နေရာတွင် မည်သည့်အလောင်းမှမရှိတော့ဟု ပြောကြားခဲ့သည်။

ဆင်ဟွာ

July 20, 2014