Tag: MH370

မတ် ၂၆၊ ၂၀၁၄
M-Media

– မတ်လ ၈ ရက်နေ့က ပျောက်ဆုံးသွားခဲ့သည့် မလေးရှားလေကြောင်းလိုင်းတွင် လိုက်ပါသွားသည့် တရုတ်နိုင်ငံသားများ၏ ဆွေးမျိုးများက ဘေဂျင်းရှိ မလေးရှားသံရုံးရှေ့တွင် မန်နေ့က ဆန္ဒပြခဲ့ကြသည်ဟု သိရသည်။

ပျောက်ဆုံးသွားသည့် MH 370 လေယာဉ်မှာ အိန္ဒိယသမုဒ္ဒရာထဲသို့ ပျက်ကျခဲ့သည်ဟု မတ်လ ၂၄ ရက်နေ့က မလေးရှားအစိုးရက သတင်းထုတ်ပြန်ခဲ့ပြီးနောက် ထိုလေယာဉ်ပေါ်လိုက်ပါသွားကြသည့် တရုတ်နိုင်ငံသားများ၏ မိသားစုနှင့် ဆွေမျိုး ၂၀၀ ခန့်က မလေးရှားသံရုံးရှေ့တွင် ဆန္ဒပြခဲ့ကြခြင်းဖြစ်သည်။

၎င်းတို့မှာ မလေးရှားလေယာဉ်ပျက်ကျသွားခဲ့သည့် အကြောင်းအရင်းကို ဖြေကြားပေးရန် တောင်းဆိုခဲ့ကြပြီး သံရုံအားစောင့်ကြပ်နေသည့် လုံခြုံရေးတပ်ဖွဲ့ဝင်များနှင့်လည်း အချိန်အနည်းငယ်ကြာ ရုန်းရင်းဆန်ခတ်မှုများ ဖြစ်ပွားခဲ့ကြသည်။

လေယာဉ်မှာပျက်ကျခဲ့ပြီး လေယာဉ်ပေါ် လိုက်ပါသွားသည့် ခရီးသည်နှင့် လေယာဉ်အမှုထမ်း ၂၃၉ ဦးမှာ သေဆုံးခဲ့ပြီဟု မလေးရှားဝန်ကြီးချုပ် နာဂျစ်ကပြောကြားခဲ့သော်လည်း လေယာဉ်ပျက်ကြရသည့် ခိုင်လုံသော သက်သေအထောက်အထား မပြနိုင်သောကြောင့် မလေးရှားအစိုးရမှာ ဝေဖန်ပြစ်တင်မှုကို ခံနေရသည်။

ကျန်ရစ်သူမိသားစုများကမူ မလေးရှားအစိုးရမှာ သတင်းအချက်အလက်များ ဖုံးကွယ်ထားကာ၊ ခရီးသည်များ၏ မိသားစုများအား လိမ်လည်ခဲ့ပြီး ရှာဖွေရေးလုပ်ငန်းများတွင် အချိန်များ ဖြုန်းတီးခဲ့သည်ဟု စွပ်စွဲပြောဆိုခဲ့သည်။

မလေးရှားလေကြောင်းလိုင်းကမူ သေဆုံးသွားပြီဟု ယူဆရသည့် ခရီးသည်များအားလုံးအတွက် ထိုက်တန်သည့် ထောက်ပံ့မှုများကို ဆောင်ရွက်ပေးသွားမည်ဟု ပြောဆိုထားသည်။

Photo-(Reuters / Kim Kyung Hoon)
Ref: Agencies

မတ် ၂၄၊ ၂၀၁၄
M-Media

မတ်လ ၈ ရက်နေ့ ကတည်းက ကွာလာလမ်ပူမှ ဘေဂျင်းသို့ ပျံသန်းစဉ် ပျောက်ဆုံးခဲ့သော မလေးရှားလေယာဉ်မှာ အိန္ဒိယသမုဒ္ဒရာ တောင်ပိုင်းမှာ အဆုံးသတ်ပြီး ပျက်ကျသွားခဲ့တယ်လို့ နောက်ဆုံး ရရှိတဲ့ သတင်းအချက်အလက် အထောက်အထားများကို ကိုးကားပြီး မလေးရှားဝန်ကြီးချူပ် နာဂျစ်မှ ယနေ့ ည ပြုလုပ်တဲ့ သတင်းစာရှင်းလင်းပွဲမှာ ပြောကြားလိုက်ပါတယ်။

လေယာဉ်အမှုအထမ်းအများအပါဝင် လေယာဉ်ပေါ်တဲ့ လူ ၂၃၉ ဦးစလုံး အသက်ရှင်ဖွယ်မရှိဘူးလို့ ယူဆရကြောင်းကို MAS လေကြောင်းလိုင်း ရဲ့ သတင်းထုတ်ပြန်ချက်မှာ ဖော်ပြပါရှိပါတယ်။

မလေးဝန်ကြီးချုပ်ရုံးမှ ကြေညာချက်အပြည့်အစုံကို အောက်ပါလင့်မှ ဖတ်ရှုနိုင်ပါတယ်။

https://pbs.twimg.com/media/Bjf3noSCQAAHrx5.jpg

Ref: reuters

မတ် ၂၀ ၊ ၂၀၁၄
M-Media

– ပြီးခဲ့သည့် တစ်ပတ်ကျော်က ပျောက်ဆုံးသွားခဲ့သည့် မလေးရှားလေယာဉ်မှ ဖြစ်နိုင်သော အစိတ်အပိုင်းများအား အိန္ဒိယ သမုဒ္ဒရာထဲတွင် တွေ့ရှိခဲ့ ရသည်ဟု သြစတြေးလျမှ သတင်းထုတ်ပြန်ခဲ့သည်။

မြို့တော် ကန်ဘာရာ၌ ယနေ့တွင် ပြုလုပ်ခဲ့သော သတင်းစာရှင်းလင်းပွဲတွင် သြတေးလျ ရေတပ်လုံခြုံရေး တပ်ဖွဲ့ AMSA မှ သတင်း ထုတ်ပြန် ခဲ့ခြင်းဖြစ်သည်။ အိန္ဒိယ သမုဒ္ဒရာတောင်ဘက်တွင် ၂၃ မီတာနှင့် ၅ မီတာခန့် အရှည်ရှိသည့် အရာဝတ္တုနှစ်ခု မျောပါနေသည့် ဂြိုဟ်တုမှ ရိုက်ထားသော ဓာတ်ပုံ တစ်ပုံကိုလည်း ပြသခဲ့သည်။

ထို့နောက် ထိုအရာဝတ္ထုအား စုံစမ်းမှုများပြုလုပ်ရန် လေယာဉ်တစ်စင်းကို စေလွှတ်ခဲ့ကြောင်း သြစေတြးလျ ၀န်ကြီးချုပ် Tony Abbott က ယနေ့နံနက် ပါလီမန်မိန့်ခွန်းတွင် ပြောကြားခဲ့သည်။

အဆိုပါအရာဝတ္ထုတွေ့ရှိခဲ့ရာ ပတ်ဝန်းကျင်နေရာများတွင်လည်း အခြားသော အပျက်အစီးများ ရှိနိုင်ကြောင်း၊ အဆိုပါ ပင်လယ်ပြင်တွင် မြင်နိုင် စွမ်းအားနည်းမှုက အခြား အပျက်အစီးများကို ရှာရန် အခက်အခဲဖြစ်နိုင်ကြောင်း AMSA မှ တာဝန်ရှိသူ ဂျွန်ယန်းက ပြောကြားခဲ့သည်။

လေယာဉ်အမှုထမ်းနှင့် ခရီးသည် စုစုပေါင်း ၂၃၉ ဦးကို တင်ဆောင်ပြီး မတ်လ ၈ ရက်နေ့က မလေးရှားနိုင်ငံ ကွာလာလမ်ပူမြို့မှ တရုတ်နိုင်ငံ ဘေဂျင်းမြို့သို့ အသွား ဗီယက်နမ်နိုင်ငံ အနီးတွင် အဆက်အသွယ်ပြတ်တောက်သွားခဲ့သည့် MH370 လေယာဉ်မှာ ၁၀ ရက်ကျော်ကြာမြင့်ခဲ့သော်လည်း ယခုအချိန်အထိ ရှာဖွေတွေ့ရှိခြင်း မရှိသေးပေ။

Ref:Al Jazeera and agencies

မတ် ၁၈၊ ၂၀၁၄
M-Media

– မတ်လ ၈ ရက်နေ့ကတည်းက ပျောက်သွားခဲ့သည့် မလေးရှားလေယာဉ်မှာ ဆက်သွယ်မှု ပြတ်တောက်သွားပြီးနောက်ပိုင်း အနောက်ဘက် စူးစူးသို့ ပြန်လှည့်သွားသည်ဟု ယုံကြည်ရသည့် ရေဒါ လမ်းကြောင်းတစ်ခုကို ထိုင်းနိုင်ငံမှ ထုတ်ပြန်ခဲ့သည်ဟု သိရသည်။

ကွာလာလမ်ပူမှ ဘေဂျင်းသို့ ပျံသန်းသွားပြီး ဗီယက်နမ်နယ်စပ်တွင် အဆက်အသွယ် ပြတ်တောက်သွားပြီးနောက် အဆိုပါလေယာဉ်၏ ပုံမှန်လမ်းကြောင်းအား ထိုင်းစစ်တပ်မှ လက်ခံရရှိခဲ့သည်။ ထို့နောက် ၆ မိနစ်အကြာတွင် ထိုင်းစစ်တပ်ရေဒါ၌ အမည်မသိ အရာတစ်ခု ပျံသန်းနေကြောင်း တွေ့ရှိခဲ့ရသည်ဟု ထိုင်းတော်ဝင်လေတပ်မှ အရာရှိတစ်ဦးက CNN သတင်းဌာနသို့ ပြောကြားခဲ့သည်။

ပျောက်ဆုံးသွားသော  မလေးလေယာဉ်ဖြစ်နိုင်သည့် အဆိုပါ လေယာဉ်မှာ မူလလမ်းကြောင်းနှင့် ဆန့်ကျင်ဘက် အနောက်စူးစူးသို့ ပျံသန်းသွားသည်ဟု ၎င်းကဆိုသည်။ ယခုအချိန်အထိ ရရှိထားသော အထောက်အထားများအရ ထိုလေယာဉ်မှာ ရည်ရွယ်ချက်ရှိရှိ ပျောက်ဆုံးသွားခဲ့ခြင်းဖြစ်ပြီး မလေး ကျွန်းဆွယ်ကိုဖြတ်ကာ အိန္ဒိယ သမုဒ္ဒရာသို့ ပျံသန်းသွားသည်ဟု မလေးရှားအစိုးရကဆိုသည်။ ထိုင်းစစ်တပ်ရေဒါ၏ ဖမ်းယူနိုင်စွမ်း အကန့်အသတ်ကြောင့် အတိအကျ ဖမ်းယူနိုင်ခြင်း မရှိကြောင်း လေတပ်မှ တာဝန်ရှိသူတစ်ဦးက ပြောကြားခဲ့သည်။

ထိုင်းစစ်တပ်ရေဒါမှ ရရှိသည့် အထောက်အထားမှာ လေယာဉ် လမ်းကြောင်းပြောင်းကာ ပျံသန်းသွားသည်ဟု ယူဆရသည့် ဒုတိယမြောက် အထောက်အထားဖြစ်ပြီး၊ မလေးရှားလေတပ်ကလည်း လေယာဉ်မှာ မာလကာကို ဦးတည်၍ Pulau Perak ကျွန်းစု သုိ့ ဖြတ်ပျံသွားသည့် ရေဒါလ မ်းအထောက်အထား တစ်ခုကိုယခင်က တွေ့ရှိထားသည်။

မတ်လ ၁၀ ရက်၊ ၂၀၁၄။ (မြန်မာစံတော်ချိန် ည ၇ နာရီခန့်)
M-Media
တင်ဆက်သူ- ရောဘတ်အယ်လ်ဟို့စ်

ပြီးခဲ့တဲ့ ၇၂ နာရီကျော်ကတည်းက ပျောက်ခြင်းမလှပျောက်နေပြီး ခရီးသည် ၂၂၇ ဦးနဲ့ လေယာဉ် အမှုထမ်း ၁၂ ဦးပါဝင်တဲ့ မလေးရှားလေကြောင်းလိုင်း ခရီးစဉ် အမှတ် ၃၇၀ ၊ ခရီး သည်တင်လေယာဉ် ပျောက်ဆုံးနေမှုနဲ့ ပတ်သက်ပြီး အခုလေးတင်ဘဲ ကွာလာလမ်ပူမြို့မှာ သ တင်းစာ ရှင်းလင်း ပွဲ လုပ်နေပါ တယ်။ CNN က တိုက်ရိုက်လွှင့်နေပါတယ်။

မလေးရှားမြို့ပြလေကြောင်းပျံသန်းရေး အာဏာပိုင် အဖွဲ့ရဲ့ ညွန်ကြားရေးမှုးချူပ် ဖြစ်သူ အဇာရွဒ်ဒင် အဗ္ဗဒူရ်ရဟ်မန် ဦးဆောင် ရှင်းပြနေပါတယ်။

ပြောသွားတဲ့ထဲက အနှစ်ကို ချူပ်လိုက်ရင်၊ လေယာဉ်ပျောက်တာကို အခုထိရှာမတွေ့ သေးပါဘူး။ ဘာ့ကြောင့် ပျောက်နေရတယ်( ပျက်ကျတာမျိူး၊ အပိုင်စီးံရတာမျိူး စသဖြင့် ) တစ်ခုခု အတည်ပြုလို့ မရေသေးပါဘူး။

တောင်တရုတ်ပင်လယ်ထဲမှာတွေ့တဲ့ လေယာဉ်ပျက်ကျတယ်လို့ အရင်က သံသယဖြစ်ခဲ့ တဲ့ နေရက တွေ့ရတဲ့ ဆီကွက်ကြီး က ဆီနမူနာတွေကို မလေးရှားအဏာပိုင်များက ရယူ ဓာတ်ခွဲကြည့်ရမှာ ပျောက်နေတဲ့ လေယာဉ်က လုံးဝ မဟုတ်ကြောင်း အတည်ပြုနိုင်ခဲ့ပါတယ်။

ဗီယက်နမ်နိုင်ငံ ဆိုင်ဂုံ မြို့( ဟိုချီမင်းမြို့) ရဲ့ ကမ်းလွန် မှာတွေရတဲ့ လေယာဉ်ပျက် အစိတ် အပိုင်းလို့ ယူဆရတဲ့ အရာတွေဟာလည်း ခုထိ ပျောက်ဆုံးလေယာဉ်က ဟုတ်သလား မဟုတ်သလား ဆိုတာကိုလည်း စစ်ဆေးနေဆဲပါ။ အတည်မပြုနိုင်သေးပါ။

အခုအချိန်အထိ အမေရိကန် အပါအ၀င် နိုင်ငံပေါင်း ၁၀ နိုင်ငံက ပင်လယ်ပြင်ရှာဖွေရေး အဖွဲ့တွေနဲ့ နေ့၊ည အပူအပြင်း ရှာဖွေနေဆဲပဲဖြစ်ပါတယ်။ ရှာဖွေနေတဲ့ နေရာကိုလည်းကို ရှာဖွေနေတဲ့ နေရာအကျယ်အ၀န်းထက် အဆပေါင်းများစွာ တိုးချဲ့ပြီး ဆက်လက် ရှာဖွေ နေ ပါတယ်။

ရှာဖွေနေတဲ့ နေရာကတော့ အင်ဒိုနီးရှားနိုင်ငံ ဆူမတြားကျွန်း မြောက်ပိုင်းနဲ့ ဗီယက်နမ် နိုင်ငံ ကမ်းရိုးတန်း ကမ်း လွန်ဒေသ အကြား ကျယ်ပြန့်တဲ့ ရေပြင်ကြီး တစ်ခုလုံးကို ဇုန် A ၊ B ၊ C ၊ D ဆိုပြီး ဇုန်ေ လးဇုံ ခွဲ ပြီး ရှာဖွေရေး အုပ်စုအသီးသီးနဲ့ ရှာဖွေနေကြပါတယ်။

လေယာဉ်ပေါ်ပါသွားတဲ့ သံသယ ဖြစ်ဖွယ်ရာ သူနှစ်ဦးဟာ တခြားသူများရဲ့ ပတ်စ်ပို့ကိုခိုး ယူပြီး ကြံစည်ခဲ့ဘွယ်ရှိတယ် ဆိုတဲ့ဟာလည်း သံသယ အဆင့်မှာသာ ရှိနေသေးတာမို့ ဘာမှမသေချာသေးတဲ့ အချက်ကို မူတည်ပြီး ခန့်မှန်းသတင်းတွေ မရေးသားကြဖို့ကိုလည်း တရားဝင် ပန်ကြားလိုပါတယ် ။ ခိုးယူခံခဲ့ရတဲ့ ပတ်စ်ပို့တွေဟာ လွန်ခဲ့တဲ့ နှစ်နှစ် ကတည်းက ထိုင်းနိုင်ငံ မှာ အခိုးယူခံခဲ့ရတာဖြစ်ပါတယ်။

လို့ မစ္စတာ အဇာရွဒ်ဒင် အဗ္ဗဒူရ်ရဟ်မန် က ပြောကြားသွားပါတယ်။

သူပြောသွားသမျှတွေ ကို နောက်ဆုံး ကောက်ချက်ချကြည့်ရရင် ဒီလေယာဉ် ပျောက်ဆုံးမှုမှာ အခုထိ ဘာသဲလွန်စ မှ မတွေ့သေး မရသေးပါဘူး၊ ဘာကောက်ချက်မှလည်း ချလို့ မရသေးပါဘူး ဘို့ တရားဝင်ပြော ကြားသွားတာပါ။

#MH370