Tag: Microsoft

ဇွန် ၆၊ ၂၀၁၈

M-Media

– စွမ်းအင်သုံးစွဲမှု ချွေတာနိုင်မလားဆိုတာကို စမ်းသပ်ဖို့အတွက် မိုခရိုဆော့ဖ်ဟာ သူတို့ရဲ့ ဒေတာစင်တာတစ်ခုကို စကတော့တလန်က ပင်လယ်အောက်မှာ မြှုပ်ထားလိုက်ပါတယ်။

ကွန်ပျူတာဆာဗာအတွဲတွေကို ရေလုံတဲ့ သေတ္တာတစ်ခုထဲမှာထည့်ကာ အောရ်ကနီကျွန်းက ပင်လယ်အောက်မှာ ၅ နှစ်အထိ မြှုပ်ထားမှာ ဖြစ်ပါတယ်။ ဒေတာစင်တာအတွက် စွမ်းအင်ကို ကမ်းခြေက ပြည့်ဖြိုးမြဲရင်းမြစ်တွေကနေရယူမှာပါ။

ဒေတာစင်တာကို ရေအောက်မှာထားရှိရတဲ့ အဓိကရည်ရွယ်ချက်က ဆာဗာတွေ အအေးပေးရတဲ့ အခြေအနေကို လျှော့ချဖို့ ဖြစ်ပါတယ်။

“မြေပေါ်မှာထက် ရေအောက်မှာထားတာက အအေးပေးစနစ်ကို ပိုကောင်းမယ်လို့ ကျွန်တော်တို့ တွက်တာပါ။ နောက်တစ်ခုက စင်တာထဲမှာ လူမရှိတာကြောင့် လေထုထဲကနေ အောက်ဆီဂျင်တွေ၊ ရေငွေ့တွေအားလုံးကို ရရှိနိုင်ပြီး ဒါဟာ ဒေတာစင်တာတွေရဲ့ အဓိကပြသနာဖြစ်တဲ့ ဆွေးမြေ့မှုကို လျှော့ချပေးနိုင်မှာ ဖြစ်ပါတယ်” လို့ မိုက်ခရိုဆော့ဖ်ရဲ့ Project Natick လို့ခေါ်တဲ့ ဒီစီမံကိန်းကို ဦးဆောင်သူ ဘန် ကက်တလာက ပြောကြားခဲ့ပါတယ်။

ရေအောက်ထဲထည့်ထားတာကြောင့် ဆာဗာတွေ ပျက်ဆီးသွားရင် ပြင်ဖို့မလွယ်ပေမယ့် မြေပြင်ပေါ်မှာထက်စာရင် ပျက်တာနည်းမယ်လို့လည်း မျှော်လင့်ထားပါတယ်။

အခုရေအောက်ထဲနှစ်မြှုပ်ထားတဲ့ ဒေတာစင်တာဟာ ကမ္ဘာ့အချက်အလက် သိမ်းဆည်းမှုနဲ့ယှဉ်ရင် တော်တော်လေး သေးငယ်ပေမယ့် ရုပ်ရှင် ၅ သန်းလောက်ကို သိမ်းထားနိုင်တဲ့အထိ ဆံ့ပါတယ်။

ရေအောက်ဒေတာစင်တာအစီအစဉ်ကို ၂၀၁၅ ခုနှစ်မှာ မိုက်ခရိုဆော့ဖ်က ၅ လလောက် စမ်းသပ်ခဲ့ဖူးပါတယ်။

ဒေတာစင်တာကို ရေထဲနှစ်မြှုပ်ထားမယ့် မိုက်ခရိုဆော့ဖ်ရဲ့အစီအစဉ်ဟာ အကုန်အကျများပြီး ဆာဗာတွေ ထည့်မယ့် သေတ္တာကို ပြင်သစ်သင်္ဘောကုမ္ပဏီတစ်ခုထံကနေ မှာယူရသလို၊ ရေအောက် ဓာတ်အားပေးကြိုး သွယ်တန်းဖို့၊ ဒီဒေတာစင်တာကို စကော့တလန်ရောက်အောင် ပို့ဆောင်ဖို့အတွက် ငွေကြေးအမြောက်အများ သုံးစွဲခဲ့ရပါတယ်။

Ref: BBC

ဖေဖော်ဝါရီ ၂၂၊ ၂၀၁၇
M-Media

– စက်မှုလက်မှုလုပ်ငန်းများတွင် အလိုအလျောက်စက်များ အစားထိုးမှုကြောင့် အခွန်ဆုံးရှုံးမှုကို ကာမိစေရန်အတွက် စက်ရုပ်များကို အခွန်ကောက်ရန် မိုက်ခရိုဆော့ဖ်လုပ်ငန်းကို ပူးတွဲတည်ထောင်သူ ဘီလ်ဂိတ်က တိုက်တွန်းပြောကြားလိုက်သည်။

“စက်ပစ္စည်းတွေနဲ့ပတ်သက်ပြီး လုံးဝ အခွန်အကောက်ရမယ်ဗျ။ အခု လူသား အလုပ်သမားတစ်ယောက်ဟာ စက်ရုံတစ်ခုမှာ ဒေါ်လာ ၅ သောင်း ရပြီ ဆိုကြပါစို့ဗျာ။ ဒီဝင်တွေအတွက် အခွန်ပေးရပါတယ်။ ၀င်ငွေခွန်၊ လူမှုဖူလှုံရေးခွန် ဒါမျိုးတွေပေါ့ဗျာ။ စက်ရုပ်တွေလည်း ဒီလိုအလုပ်မျိုးလုပ်ရင် ကျွန်တော်တို့ ဒီလို အခွန်ကောက်ရမယ်လို့ စဉ်းစားရမှာပဲ” ဟု သတင်းဝတ်ဆိုက်တစ်ခုဖြစ်သည့် Quartz နှင့် အင်တာဗျူးတွင် ဘီလျံနာသူဌေးကြီး ဘီလ်ဂိတ်က ပြောကြားခဲ့သည်။

စက်ပစ္စည်းများ အသုံးပြုမှုကို ယာယီအရှိန်တန့်သွားစေရန်နှင့် အခြားသော အလုပ်အကိုင်ပေးမှုပုံစံများကို ထောက်ပံ့နိုင်ရန်အတွက် လုပ်ငန်းများတွင် စက်ရုပ်အသုံးပြုမှုကို အစိုးရများက အခွန်ကောက်သင့်သည်ဟုလည်း ၎င်းက ထည့်သွင်းပြောဆိုခဲ့သည်။

ထိုကဲ့သို့ စက်ရုပ်များမှ ရရှိသည့် အခွန်များကို ပညာရေး၊ ကျန်းမာရေးဝန်ဆောင်မှုနှင့် သက်ကြီးရွယ်အို စောင့်ရှောက်ရေး၊ ကလေးငယ်များ စောင့်ရှောက်ရေးကဲ့သို့ လူသားများကို ဆက်လက်မှီခိုနေရမည့် ကဏ္ဍများတွင် ထောက်ပံ့နိုင်မည်ဟု ဘီလ်ဂိတ်က ဆိုသည်။

ပြီးခဲ့သည့်တစ်ပတ်ကလည်း ဥရောပပါလီမန်အမတ်များက စက်ရုပ်ပိုင်ဆိုင်သူများအပေါ် အခွန်ကောက်ရန် ဥပဒေမူကြမ်းတစ်ခု ရေးဆွဲရေး ဆွေးနွေးခဲ့ကြသည်။ အဆိုပါမူကြမ်းမှာ စက်ရုံများ အသုံးပြုမှုကြောင့် အလုပ်အကိုင် ဆုံးရှုံးခဲ့ရသည့် အလုပ်သမားလေ့ကျင်ရေးမှူးများ ၀င်ငွေရရှိစေရန်အတွက် အခွင့်အလမ်းရှာဖွေရေး ရည်ရွယ်ခဲ့သော်လည်း အဆိုပြုချက်မှာ ပယ်ချခံခဲ့ရသည်။

Ref: RT