သြဂုတ် ၃ ၊ ၂၀၁၄
M-Media
– ဂါဇာကမ်းမြှောင်ဒေသအား ကျူးကျော်ရာတွင် အရပ်ဖက်ပစ်မှတ်များကို ဦးတည်တိုက်ခိုက်နေသည့် အစ္စရေးမှာ ယနေ့တွင်လည်း ဒုက္ခသည်များခိုလှုံရာ ကုလ စာသင်ကျောင်းတစ်ခုကို တိုက်ခိုက်ခဲ့သည်ဟု သိရသည်။
ရာဖာရှိ စာသင်ကျောင်းတစ်ခုဖြစ်ပြီး လေကြောင်းမှ တိုက်ခိုက်ခဲ့ခြင်းဖြစ်ကာ ၁၀ ဦးသေဆုံး၍ အများအပြား ဒဏ်ရာရခဲ့သည်။ ထိုတိုက်ခိုက်မှာ ကုလ၏စာသင်ကျောင်းများသို့ အစ္စရေးမှ တစ်ပတ်အတွင်း ဒုတိယအကြိမ်မြောက် တိုက်ခိုက်ခဲ့ခြင်းဖြစ်သည်။
ကုလသမဂ္ဂ ပါလက်စတိုင်း ကူညီကယ်ဆယ်ရေး အေဂျင်ဆီ UNRW မှ ပြောရေးဆိုခွင့်ရှိသူ ခရစ်ဂန်းနက်ကလည်း အဆိုပါ တိုက်ခိုက်မှု ဖြစ်ပွားခဲ့ကြောင်း အတည်ပြုခဲ့သည်။
“ကျွန်တော်တို့ အတည်ပြုနိုင်ပါတယ်။ ၀မ်းနည်းစရာကောင်းတာတွေ ထပ်ဖြစ်ခဲ့ပါပြီ။ အများကြီးသေပြီး အများကြီး ဒဏ်ရာရပါတယ်။ တော်တော် စိတ်ပျက်စရာကောင်းတဲ့ အခြေအနေပါပဲ။ ကျွန်တော်တို့က လက်နက်မဲ့ အဖွဲ့စည်းပါ” ဟု ဂန်းနက်က ဆိုသည်။
ထို့ပြင် အဆိုပါကျောင်းအား ကယ်ဆယ်ရေးစခန်းအဖြစ် အသုံးပြုထားသည်ကို အစ္စရေးသို့ အသိပေထားပြီး တည်နေရာအား သိရှိစေရန်အတွက် ကိုသြဒိနိတ်မျဉ်များပင် ပေးအပ်ထားသည်ဟု ဂန်းနက်က ထပ်လောင်းပြောကြားခဲ့သည်။
အစ္စရေး ၀န်ကြီးချုပ် နေတန်ယာဟုကမူ ဟားမက်စ်တို့၏ လှိုင်ခေါင်းများအား ဖြိုဖျက်ပြီးမှ အခြေအနေများကို ပြန်လည်သုံးသပ်မည်ဟု ယမန်နေ့ ရုပ်မြင်သံကြားမိန့်ခွန်းတွင် ထည့်သွင်းပြောကြားခဲ့သည်။ ယခုလက်ရှိတွင် အစ္စရေးမှာ မြေပြင်တိုက်ခိုက်မှုများထက် လေကြောင်းမှ တိုက်ခိုက်မှုများကို ပိုမို လုပ်ဆောင်လျက် ရှိနေသည်။
့
ရာဖာရှိ အဆိုပါစာသင်ကျောင်းသို့ ဒုံးကျည်ကျရောက်ခဲ့သည့် ချိုင့်ခွက်မှာ ၁၀ မီတာခန့်ရှိပြီး ဒရုန်းလေယာဉ်ဖြင့် တိုက်ခိုက်ခဲ့ခြင်းဖြစ်နိုင်သည်ဟု ကျွမ်းကျင်သူများကဆိုသည်။ ဂါဇာမြောက်ပိုင်းရှိ မြေပြင်တပ်များကို အစ္စရေးက ယနေ့တွင် ပြန်လည်ရုပ်သိမ်းခဲ့သည်။ သို့သော်လည်း ဒေသခံများကမူ ပျက်ဆီးနေသော ၎င်းတို့၏ အိမ်နေရာများသို့ သွားရောက်ရန် တွန့်ဆုတ်နေကြသည်။
