News @ M-Media

Tag: minhla

  • မင်းလှမြို့နယ်တွင် တတိယအကြိမ် အကြမ်းဖက်မှု ဖြစ်သွားချင်လားဟု ခြိမ်းခြောက်ခံရ

    ဧပြီ ၂၂၊ ၂၀၁၃
    M-Media
    သုတ

    မတ်လအတွင်း အကြမ်းဖက်ဖျက်ဆီးခံရသည့် မင်းလှမြို့မှ မွတ်စလင်များ၏ နေအိမ်နှင့် ဆိုင်များ
    မတ်လအတွင်း အကြမ်းဖက်ဖျက်ဆီးခံရသည့် မင်းလှမြို့မှ မွတ်စလင်များ၏ နေအိမ်နှင့် ဆိုင်များ

    မင်းလှ ။      ။    မတ်လအတွင်းက မိတ္ထီလာမြို့ အကြမ်းဖက်သတ်ဖြတ်မှုများအပြီးတွင် ဆက်တိုက်ဆိုသလို အကြမ်းဖက်ဖျက်ဆီးခံခဲ့ရသော ပဲခူးတိုင်းအနောက်ခြမ်း မြို့များမှ တစ်မြို့အပါအ၀င်ဖြစ်သည့် မင်းလှမြို့နယ်တွင် တတိယအကြိမ် အကြမ်းဖက်မှုဖြစ်စေရန် ယနေ့ ညနေပိုင်းက ခြိမ်းခြောက်ခံရမှုကြောင့် မြို့ခံ မွတ်စလင်မ်တချို့ စိုးရိမ်ထိတ်လန့်ခဲ့ကြကြောင်း သတင်းရရှိသည်။

    ဖြစ်စဉ်အား ဆက်သွယ်စုံစမ်းရာ အကြမ်းဖက် ဖျက်ဆီးခံရသော မွတ်စလင်မ်ပိုင် လ္ဘက်ရည်ဆိုင်အား ပြန်လည်ပြင်ဆင်ရာ ယင်းဆိုင်ရှေ့တွင် ဖွင့်လှစ်ထားသော ဗုဒ္ဓဘာသာ ကွမ်းယာဆိုင်မှ တတိယအကြိမ် အကြမ်းဖက်မှုဖြစ်သွားမည်ဟု ခြိမ်းခြောက်ခဲ့သည်။

    “အဲ့ဒီလ္ဘက်ရည်ဆိုင်ရှေ့မှာရှိတဲ့ ကွမ်းယာဆိုင်ပါ။ အဲ့ဒီ ကွမ်းယာဆိုင်ကလည်း လ္ဘက်ရည်ဆိုင်ရဲ့ ရှေ့မှာ ဖွင့်ထားတာပါ။ ဗုဒ္ဓဘာသာပိုင်တဲ့ ကွမ်းယာဆိုင်ပါ။ လ္ဘက်ရည်ဆိုင်က ဖွင့်ဖို့ ခွင့်ပြုခဲ့တာ တော်တော်ကြာပါပြီ။ အခုဖြစ်တာက ဟိုတလောက အကြမ်းဖက် ဖျက်ဆီးခံလိုက်ရတာကြောင့် လ္ဘက်ရည်ဆိုင်ကို ပြန်ပြင်ပါတယ်။ ပြန်ပြင်တော့ အရှေ့မှာ sun shade ထည့်တယ်။ အဲဒါ ဒေါက်တိုင်ထောင်ဖို့ မြေတူးရတယ်။ ၄-လက်မလောက် မလွတ်ဘူးဖြစ်နေတယ်။ ကွမ်းယာဆိုင်ရဲ့နောက်မှာထားတဲ့ ပုံးတစ်ခုနဲ့ မလွတ်လို့ ခဏဖယ်ပေးဖို့ပြောတာ။ မြေနေရာက စည်ပင်ပိုင်မြေပါ။ လ္ဘက်ရည်ဆိုင်ပိုင်ရှင်က ခွင့်ပြုထားခဲ့တာပါ။ လ္ဘက်ရည်ဆိုင်ရဲ့ မျက်နှာစာမှာပါ။

    မဖယ်ပေးဘူး။ အဲဒါနဲ့ ရပ်ကွက်လူကြီးခေါ်ပြီးပြောတော့ သူတို့ဘက်က လုံးဝ မဖယ်နိုင်ဘူးတဲ့။ အဲဒါဆိုလည်းရတယ်ဆိုပြီး အဲဒီနောက်နားမှာ ကပ်ပြီးတူးလိုက်တယ်။

    နောက်ဆုံးတော့ ရပ်ကွက်လူကြီးက ဒီနေ့ညတော့ နေလိုက်ပါလို့ပြောတယ်။ ဆိုင်ပြင်ဖို့စပြောတာက ဒီနေ့ နေ့လည်ပိုင်းကပါ။ ခုနကလို ခြိမ်းခြောက်တာက ညနေ ၆-နာရီခွဲလောက်ကပါ။ နေ့လည်ပိုင်းကတော့ ရပ်ကွက်လူကြီးနဲ့ခေါ်ပြီး ၄-လက်မလောက် ဆုတ်ပေးဖို့ပြောတာ။ သူတို့ဆိုင်ရွေှ့စရာမလိုပါဘူး။ ဆိုင်နောက်မှာထားတဲ့ သေတ္တာပုံးတစ်ခုကို ဘေးနည်းနည်းတိုးလိုက်ရင်ရပြီ။ အဲဒါကို တိုးမပေးဘူး။ ညနေ ၆-နာရီခွဲလောက်မှာ ကွမ်းယာဆိုင် ပိုင်ရှင်ရဲ့ မိန်းမနဲ့ သမီး ၂-ယောက် ရောက်လာပြီး ‘နင်တို့ အခုချက်ချင်း ဖျက်မှာလား မဖျက်ဘူးလား။ ငါက ပြဿနာရှာမှာ။ ဒါက မြန်မာနိုင်ငံ၊ နင်တို့နေဖို့နေရာမဟုတ်ဘူး။ အခု ထပ်ပြီး တတိယအကြိမ် အကြမ်းဖက် ခံရချင်လား’ဆိုပြီး ပြောတယ်။ ကွမ်းယာဆိုင်ပိုင်ရှင်က ဦးအောင်စန်းမြင့်။ ဆိုင်နာမည်က အောင် လို့ ပေးထားတယ်။ ဒါပေမယ့် အများစုက ဆိုင်နာမည်ကို မသိကြဘူး။ ဦးအောင်စန်းမြင့်ဆိုရင် တော်တော်များများသိတယ်။

    ဟုတ်ကဲ့ ကျွန်တော်တို့ စတူးတဲ့အချိန်က ဆိုင်ဖွင့်ထားတယ်။ နောက် နာရီဝက်လောက်ကြာတော့ ဆိုင်ပိတ်သွားတယ်။ ညနေကျ ပြန်လာပြီး ဦးအောင်စန်းမြင့်ဘေးမှာနဲ့ သူ့သမီး ၂-ယောက်က ပြဿနာရှာတယ်။ အဲ့ဒီ ကောင်မလေးရဲ့ အမျိုးသားက အဲ့ကောင်မလေးကို တုတ်ယူပေးတယ်။ ကျွန်တော်တို့ကတော့ ရပ်ကွက်လူကြီးနဲ့ ပြောလိုက်တာပဲ။ မနက်ဖြန်ကို ၀န်ကြီးချုပ် လာမယ်လို့လည်း ပြောနေတယ် သေချာတော့မသိဘူး။ ဘယ်လိုပဲဖြစ်ဖြစ် ကျွန်တော်တို့ကို ခြိမ်းခြောက်သွားပြီး တတိယအကြိမ် အကြမ်းဖက်မှုဖြစ်အောင် လှုံ့ဆော်တာကို ကျွန်တော်တို့ စိုးရိမ်ပါတယ်”လုိ့ ယင်းအကြောင်းအရာအား မျက်မြင်တွေ့ရသူ မင်းလှမြို့ခံမှ M-Media ကို ပြောပြလာပါတယ်။

  • အကြမ်းဖက်မှုကြောင့် မင်းလှမြို့တွင် ပိတ်မိနေသော အစ္စလာမ် ဘာသာဝင်များကို သံဃာ(၄)ပါး နှင့် ဗုဒ္ဓဘာသာဝင်အချို့ မှ ကယ်ထုတ်ပေးခဲ့

    အကြမ်းဖက်မှုကြောင့် မင်းလှမြို့တွင် ပိတ်မိနေသော အစ္စလာမ် ဘာသာဝင်များကို သံဃာ(၄)ပါး နှင့် ဗုဒ္ဓဘာသာဝင်အချို့ မှ ကယ်ထုတ်ပေးခဲ့

    မတ်လ ၂၈၊ ၂၀၁၃
    M-Media
    သတင်း- ၀ါးပင်လေး

    ယနေ့ ည(၁၁)နာရီ ၁၀မိနစ် အချိန်တွင် ပဲခူးတိုင်း ၊ မင်းလှမြို့တွင် အကြမ်းဖက်တိုက်ခိုက်မှုကြောင် ပိတ်မိနေသော အစ္စလာမ် ဘာသာဝင်များကို ဒေသခံ သံဃာလေးပါး နှင့် ဗုဒ္ဓဘာသာဝင် တချို့တို့မှ ကယ်ထုတ်လာ၍ ရန်ကုန်မြို့ ရှိ ဗလီဝတ်ကျောင်းတော် တခုသို့ လာရောက် ပို့ဆောင် ပေးခဲ့ကြောင်း သတင်းရရှိသည်။

    အဆိုပါ ဖြစ်စဉ်နှင့် ပတ်သက်၍ မေးမြန်းစုံစမ်းရာ-“ အခုပဲ မင်းလှ ကနေ ကားနှစ်စီး ရှေ့ဆင့် နောက်ဆင့် ၀င်လာပါတယ်။ပထမ ကားမီနီဘက်စ် ကားအကြီးပေါ်မှာ ကလေးတွေရယ်၊ အမျိုးသမီးတွေရယ် အများစုပါလာတယ်။ဦးဇင်းတစ်ပါးက ဦဆောင် ခေါ်လာပေးတယ်။နောက် တစ်စီးမှာလည်း ကလေးတွေရယ် ၊မိန်းကလေးတွေရယ် က အများစုပဲ အဲဒီ့ ကားထဲမှာတော့ ဦးဇင်း သုံးပါးရယ်၊ ဗုဒ္ဒဘာသာဝင် အမျိုးသမီး တစ်ယောက်ရယ် က လိုက်ပို့ပေးကြတာပါ။ကားမောင်းတဲ့ ဒါရိုက်ဘာ ဦးလေးကြီးတွေကလည်း ဗုဒ္ဓဘာသာဝင်တွေပါ” ဟု ဒုက္ခသည်များကို လက်ခံရာ ဗလီဝတ်ကျောင်းတော် အနီး နေထိုင်သူ ပြည်သူ တစ်ဦးမှ M-Media သို့ပြောသည်။

    “ဟော ခုပဲ ဟိုင်းလက် ကားတစ်စီး ထပ်ဝင်လာပါတယ်။အယောက် (၃၀) နီးပါး ပါလာတယ်။ကားပေါ်မှာလည်း ထမင်းထုတ်လေးတွေ ချိတ်ထားတယ်”ဟု မျက်မြင်တွေ့ရှိသူ တစ်ဦးမှ M-Media သို့ပြောကြားသည်။

  • မင်းလှမြို့တွင် မွတ်စလင်မ်အိမ်များအား ထပ်မံဖျက်ဆီးနေ

    မတ်လ ၂၈၊ ၂၀၁၃ (၁၀း၀၀ နာရီ)
    M-Media

    Minhal Pago

    မင်းလှမြို့ တောင်ဘက်မြို့သစ် ၄-လမ်းထဲမှ မွတ်စလင်မ်ပိုင် ကွမ်းယာဆိုင်အား အကြမ်းဖက်သမားများက လွန်ခဲ့သော နာရီဝက်ခန့်က ဖျက်ဆီးခဲ့ကြပြီး ယခုအခါ အိမ်များအား ဆက်လက်အကြမ်းဖက်ဖျက်ဆီးရန်လုပ်ဆောင်နေကြကြောင်းသိရသည်။

    အကြမ်းဖက်သမားများသည် (၅)ယောက် (၆)ယောက် တစ်စုစီဖြင့် အစုများစွာ မြို့တွင်းတွင် ပတ်နေကြောင်း၊ ဆိုင်ကယ်များဖြင့်လည်း ပတ်နေကြကြောင်း၊ ယင်းလူစုများ တစ်စုတည်းဖြစ်သွားလျှင် မနေ့ကကဲ့သို့ ပြန်လည်အကြမ်းဖက်ကြမည်ကို မြို့ခံများက စိုးရိမ်လျက်ရှိပါသည်။

    မနေ့က ဗလီများအား ဖျက်ဆီးရာတွင် ဘင်္ဂါလီဗလီအား စတင်ဖျက်ဆီးစဉ် အကြမ်းဖက်ဖျက်ဆီးသူများအား စစ်တပ်မှပြောကြားသည်မှာ ‘အခု ဗလီကိုဖျက်ဖိုိ့ နာရီဝက် အချိန်ပေးမယ်၊ နာရီဝက်ကျော်တာနဲ့ သေနတ်ဖောက်မယ်’လို့ ပြောတာကို ကြားသိလိုက်ရပါတယ်ဟု ဗုဒ္ဓဘာသာဝင်တစ်ဦးမှ M-Media ကို ပြောပြလာပါတယ်

  • မင်းလှမြို့ အကြမ်းဖက်ဖျက်ဆီးမှု နောက်ဆက်တွဲသတင်း။

    ၂၇.၃.၂၀၁၃ (၆း၃၀ နာရီ)
    M-Media
    ဇာဏီ

    Minhal Pago
    မင်းလှမြို့ရှိ ဗလီနှင့် မွတ်စလင်မ်အိမ်များအား အကြမ်းဖက်သမားများက ယနေ့ နေ့လည်ပိုင်းမှာ အကြမ်းဖက် ဖျက်ဆီးကြပြီးနောက် နောက်ဆက်တွဲ ရရှိသည့်သတင်းဖြစ်သည်။

    စဖြစ်ဖြစ်ချင်းတုန်းက တိုင်ရာကျော်လို့ခေါ်တဲ့ ကျူလီယာဗလီကို စဖျက်တယ်။ မင်းလှမှာ ရှိတဲ့ ဗလီ(၃)လုံးရှိတာ အကုန်လုံးကို ဖျက်ဆီးလိုက်ပြီ။ ဟင်ဒွန္နစတာနီဗလီရယ်၊ ဘင်္ဂါလီဗလီရယ်ရော ဖျက်ဆီးခံလိုက်ရပြီ။ မွတ်စလင်မ်ပိုင်တဲ့ ပွိုင့်ကဖေးဆိုရင်လည်း အကုန်လုံးကို ဖျက်ဆီးသွားတယ်။ ဆိုင်ထဲက ပစ္စည်းတွေရော၊ အိမ်ထဲက ပစ္စည်းတွေရောကို ဖျက်ပစ်တာ။ ပွိုင့်ကဖေးဆိုရင် ၂-ခါပြန်တောင် ပြန်ဖျက်တယ်။ အာရဗီစာသင်ကျောင်းတွေက ဗလီမှာပဲရှိတာဆိုတော့ စာသင်ကျောင်းတွေလည်း မရှိတော့ဘူးပေါ့။ ဗလီကိုဖျက်တော့ သေနတ်ဖောက်တယ်။ ဒါပေမယ့် အကြမ်းဖက်သမားတွေက ရပ်မသွားဘူး။ မင်းလှကို စဖျက်တဲ့အချိန်ကတည်းက ကျွန်တော် အိမ်မှာရှိနေတယ်။ ဒါပေမယ့် ကျွန်တော်အိမ်ကနေ ထွက်မသွားသေးဘူး။ ဒါပေမယ့် ၄-နာရီကျော်ကျော်လောက်မှာတော့ နေလို့မဖြစ်တော့လို့ ကျွန်တော်ထွက်သွားလိုက်တယ်။ ၄-နာရီခွဲလောက်မှာတော့ အိမ်ဖျက်လိုက်တယ်လို့ သိရတယ်။ ကျွန်တော်လည်း ဒီည နေစရာမရှိတော့ဘူး။

    ဦးဘသန်းရဲ့အိမ်ကိုလည်းဖျက်တယ်။ သူက စက်ဘီးတွေရောင်းတဲ့ဆိုင်ဆိုတော့ အကြမ်းဖက်သမားတွေက စက်ဘီးတွေယူဖို့လုပ်တယ်။ ဘေးဝန်းကျင် အိမ်ကလူတွေက လုံးဝ ပေးမယူတာကြောင့် မယူသွားကြဘူး။ ကျန်တဲ့ပစ္စည်းတွေတော့ ယူသွားလား မယူသွားဘူးလား မသိပါဘူး။

    လာဖျက်တဲ့ အကြမ်းဖက်သမားတွေလက်ထဲမှာ သစ်သားဖြတ်တဲ့ လွှစက်တွေ၊ ရဲတင်းတွေ၊ ကပ်ကြေးတွေလည်း ပါတယ်။ လာဖျက်တဲ့သူတွေက ကုန်းစုလေးရပ်ကွက်၊ ကံဦးရပ်ကွက်၊ ဇီးကုန်းလေးရပ်ကွက်၊ မြို့သစ်က လူတွေရယ်၊ မင်းလှတ၀ိုက်ရွာတွေက လူတွေရယ် စုစုပေါင်း (၅၀၀)၀န်းကျင်လောက်ရှိတယ်။ အခုတော့ သူတို့ဖျက်လို့အားရလို့ ငြိမ်သွားပါပြီ။ ဒါပေမယ့် အခုည ကျွန်တော်တို့တွေ ဘယ်သွားနေရမလဲ။ နေစရာလည်း မရှိတော့ဘူး။ ကလေးတွေ၊ လူကြီးတွေနဲ့ အမျိုးသမီးတွေ ဘေးလွတ်ရာကို ပို့ထားဖို့လည်း ဘယ်လိုလုပ်ရမှန်းကို မသိတော့ပါဘူး”လို့ M-Media ကို ပြောပြလာပါတယ်။

  • ပဲခူးတိုင်း မင်းလှတွင် ဗလီနှင့် မွတ်စလင်မ်အိမ်များကို အကြမ်းဖက်သမားများ ဖျက်ဆီး

    မတ်လ ၂၇၊ ၂၀၁၃
    M-Media
    ဇာဏီ

    Minhal Pago

    မင်းလှမြို့ ။ ။ မင်းလှမြို့ရှိ မွတ်စလင်မ်အိမ်များအား အကြမ်းဖက်သမားများမှ ယနေ့ နေ့လည် ၂း၃၀ နာရီခွဲခန့်မှ စတင် ၀င်ရောက်ဖျက်ဆီးနေသည်ဟု သတင်းရရှိသည်။

    “စစ်ကွင်းမှာ ဒီနေ့ မနက်ကတည်းက တစ်ခါထပ်ပြီး ဖျက်ဆီးမှုတွေ လုပ်နေတယ်။ ဆိုင်ကယ် အစီး(၃၀)လောက်နဲ့ဝင်လာတယ်လို့ စစ်ကွင်းကပြောတယ်။ အဲဒီကနေ အခု မင်းလှကို ကူးလာနေပြီလို့ပြောတယ်။ မင်းလှမှာလည်း အားလုံးကို တပ်လှန့်နေတယ်။ စစ်တပ်နဲ့ ရဲကတော့ လှုံ့ဆော်နေတဲ့သူတွေနောက်ကို နောက်လိုက်တယ်။ အခုပြောနေတဲ့အချိန်မှာပဲ မြောက်ဘက်မြို့သစ်က အိမ်တစ်အိမ်ကို ဖျက်နေပြီ။”လို့ မင်းလှမြို့ခံမှ M-Media ကို ပြောပြလာပါတယ်။

    ယခုအချိန်တွင် မင်းလှမြို့ မြောက်ဘက်မြို့သစ်၊ ၄-လမ်းမှ မွတ်စလင်မ်အိမ်တစ်အိမ်နှင့်၊ ဇေယျဝတီရပ်ကွက်မှ မွတ်စလင်မ်အိမ်တစ်အိမ် စုစုပေါင်း (၂)အိမ် ဖျက်ခံလိုက်ရပြီဖြစ်ကြောင်း၊ မင်းလှမြို့၏ နာမည်ကြီးဗလီဖြစ်သည့် တိုင်ရာကျော်ဗလီကို ဖျက်ဆီးမည်ဆိုသည်ကြောင့် လုံခြုံရေးချလိုက်ရာ ဖျက်ဆီးမည့် လူစုလူဝေးမှာ ပြန်လည်ထွက်ခွာသွားကြောင်းသိရသည်။

    မင်းလှမြို့တွင် ရှေးယခင်ကတည်းမှ ဗလီ(၃)လုံးရှိပြီး မွတ်စလင်မ်အိမ်ခြေ (၁၀၀)နီးပါး ရှိသည်ဟု သိရသည်။

    နောက်ဆုံးရရှိတဲ့ သတင်းအရ အကြမ်းဖက်သမား(၃၀၀)ကျော်လာပြီ၊ ဗလီတံခါးဖွင့်ပြီး တိုင်ရာကျော်ဗလီကိုဖျက်ဆီးနေကြကြောင်း လုံခြုံရေးလည်း မထိန်းနိုင်တော့ကြောင်းသတင်းရရှိပါသည်။