စက်တင်ဘာ ၁၄၊ ၂၀၁၇
M-Media
– ဘင်္ဂလားဒေ့ရ်ှနယ်စပ်က ဒုက္ခသည်စခန်းတွေမှာ နေထိုင်နေရတဲ့ ရိုဟင်ဂျာတွေကို နေ့စဉ် ချက်ပြုကျွေးမွေးမယ့် အစီအစဉ်တစ်ခုကို အိန္ဒိယအခြေစိုက် ဆစ်ခ် ပရဟိတအဖွဲ့ Khalsa Aid က ဒီကနေ့မှာ စတင်လိုက်ပါတယ်။
Guru ka langar (လဟာပြင်မီးဖိုကြီး) လို့ အမည်ပေးထားတဲ့ ဒီအစီအစဉ်အတွက် ဘင်္ဂလားဒေ့ရှ် အစိုးရထံကနေ ခွင့်ပြုချက် တောင်းခံခဲ့ရပြီး တစ်နေ့ကို လူပေါင်း ၃၅၀၀၀ လောက်အတွက် အစားအသောက်တွေကို ချက်ပြုတ်ကျွေးမွေးမှာဖြစ်ပါတယ်။
Khalsa Aid အဖွဲ့ဟာ မြန်မာနိုင်ငံကနေ ထွက်ပြေးလာရတဲ့ ရိုဟင်ဂျာဒုက္ခသည်တွေကို အကူအညီပေးဖို့အတွက် လွန်ခဲ့တဲ့ ၃ ရက်လောက်ကတည်းက ဘင်္ဂလားဒေ့ရ်ှနယ်စပ်ကို ရောက်ရှိလာခဲ့တာပါ။
Guru ka langar အစီအစဉ်ကို ရိုဟင်ဂျာဒုက္ခသည်တွေရှိရာ ရှာပူရီကျွန်းမှာ ဆောင်ရွက်မှာဖြစ်ပါတယ်။
“ဒီနေ့စပြီး ကျွန်တော်တို့ ချက်ပြုတ်မှာပါ။ ဘင်္ဂလားဒေ့ရ်ှအစိုးရဆီကနေ ခွင့်ပြုချက်ရပြီးတဲ့နောက်မှာ ဆန်၊ အသီးအနှံနဲ့ အိုးခွက်ပန်းကန်တွေလို လိုအပ်တာတွေကို ဗုဒ္ဓဟူးနေ့မှာ ၀ယ်ယူခဲ့ပါတယ်။ ကနဦးအစီအစဉ်က တစ်နေ့ကို လူ ၃၅၀၀၀ လောက် ကျွေးမွေးနိုင်ဖို့ ဖြစ်ပါတယ်။ ဒုက္ခသည်အရေအတွက် မြင့်တက်လာတာကို ကျွန်တော်တို့ မြင်နေရပြီး အားလုံးကို ကျွေးမွေးဖို့ဆိုတာ မဖြစ်နိုင်ပေမယ့် လုပ်နိုင်သလောက် စလုပ်ရမှာပါ” လို့ အဖွဲ့ရဲ့ မန်းနေးဂျင်းဒါရိုက်တာ အေမာရ်ပရစ်တ် ဆင်းက ပြောကြားခဲ့ပါတယ်။
ဒုက္ခသည်တွေရဲ့ သနားစရာကောင်းတဲ့အခြေအနေတွေ၊ အထူးသဖြင့် ကလေးတွေဟာ ရက်တော်တော်ကြာ မစားရ မသောက်ရ ဖြစ်နေတာက သူတို့ရဲ့ ဒီအစီအစဉ်ကို ဘယ်မှာစတင်မယ်ဆိုတာ ဆုံးဖြတ်ဖို့ အခက်တွေ့ခဲ့တယ်လို့လည်း သူက ဆိုပါတယ်။
“ဒီမှာ ထမင်းကျွေးတယ်ဆိုတာကိုသိရင် လူတိုးမလားဆိုတဲ့ စိုးရိမ်မှုတွေလည်း ကျွန်တော်တို့မှာ ရှိပါတယ်။ ဒီမှာ ဒုက္ခသည်က ၃ သိန်းလောက်ရှိတယ်။ လူတိုင်းကို ကျွန်တော်တို့ မကျွေးနိုင်ပေမယ့် စတော့ စရမှာပါ။ ဒီမှာ လူတွေဟာ အစားအသောက် ချို့တဲ့ကြတယ်။ ကလေးငယ်တွေဟာ လမ်းတွေပေါ်မှာထွက်ပြီး တောင်းတာမျိုးတွေ ဖြစ်နေတယ်။ အခြေအနေတွေက ဆိုးရွားနေဆဲပါ”
ပထမဆုံးနေ့မှာ သူတို့အဖွဲ့ဟာ ထမင်းနဲ့ သီးစုံပဲဟင်း ကျွေးမှာဖြစ်ပြီး၊ လိုအပ်တဲ့ပစ္စည်းတွေကို ၀ယ်ယူတဲ့အခါ ဒေသခံတော်တော်များများက ကူညီကြကြောင်း၊ ရိုဟင်ဂျာဒုက္ခသည်တွေကို ကူညီချင်တဲ့သူတွေရှိသလို၊ မကူညီချင်တဲ့သူတွေလည်း ဒေသခံတွေထဲမှာ ရှိကြောင်း ဆင်းက ထည့်သွင်း ပြောကြားခဲ့ပါတယ်။
ထမင်းကျွေးမွေးမှုမလုပ်ခင် ဆစ်ခ်ဘာသာအရ ၀တ်ပြုဆုတောင်းမှုလည်း လုပ်မှာဖြစ်ပါတယ်။
Khalsa Aid အဖွဲ့ဟာ ရိုဟင်ဂျာ ဒုက္ခသည်တွေကို စောစောပိုင်းကလည်း အစေားအသောက်တွေ၊ သောက်ရေတွေ ဝေငှပေးထားပါတယ်။
Ref : Indiaexpress
