Tag: MMSY

MMSY မိသားစုဝင်များ၏ ပထမဆုံး ပရောဂျက် “အလ္လာ့ဟ်ဂုဏ်တော် ၉၉ပါး” Asma ul Husna Application(Android) ကို Google Play တွင် အခမဲ့ဖြန့်ချီ

ဇူလိုင် ၁၃ရက်၊ ၂၀၁၂၊

MMSY News

ရန်ကုန်။

MMSY မြန်မာမွတ်စလင် ကျောင်းသားလူငယ်များအဖွဲ့မှ ဝါသနာရှင်များ ဖွဲ့စည်းထားသော MMSY Android Group ၏ ပထမဆုံး ပရောဂျက်အဖြစ် “Asma Ul Husna” application ကို Google Play Store တွင် ၂၀၁၂ခုနှစ် ဇွန်လက အခမဲ့ ထုတ်ဝေလိုက်ပါသည်။ ၄င်း application သည် Android ဖုန်းအသုံးပြုသောမြန်မာမွတ်စလင်မ်များ အတွက် ရည်ရွယ်၍ ထုတ်လုပ်ထားခြင်းဖြစ်ကြောင်း၊မြန်မာဖောင့် ကို app အတွင်း ထည့်သွင်း (embed) လုပ်ထားသည့်အတွက် ဖုန်းထဲတွင်မြန်မာစာမသွင်းထားလျှင်လည်း application တွင်မြန်မာစာဖြင့် ဖတ်၍ရမည်ဖြစ်ကြောင်း သိရှိရသည်။

မုဖ်သီမုဟမ္မဒ် ဂျလာလုဒ္ဒိန်း(မော်လမြိုင် ) ရေးသားသည့် တောင်းဆုဒုအာ အဖြာဖြာစာအုပ်ကို မှီငြမ်းထားခြင်းဖြစ်ပြီး အလ္လာအရှင်မြတ်၏ ဂုဏ်တော် ကိုးဆယ့်ကိုးပါး၊ အဓိပ္ပါယ်နှင့်တကွ ထွတ်မြတ်မှုများကို အလွယ်တကူလေ့လာနိုင်သည်။မြန်မာမွတ်စလင်များ အစ္စလာမ့်ဗဟုသုတနှင့် စာပေများ အလွယ်တကူ လေ့လာနိုင်ရန်ရည်ရွယ်ပြီး MMSY မှ ဝါသနာရှင် လူငယ်များ ပူးပေါင်း၍ အခြား Android application များကို ဆက်လက်ထုတ်ဝေနိုင်ရန် ကြိုးစားလျက်ရှိကြောင်း၊ ယခုလက်ရှိတွင် တောင်းဆုဒိုအာများ (အာရဗီ+မြန်မာ နှစ်ဘာသာ)၊ ရမသွာန် (အစ္စလာမ် ဥပုတ်လ) လက်စွဲ စသည့် app များကို မကြာမှီအချိန်အတွင်း ဖြန့်ချီသွားမည်ကြောင်း သိရသည်။