News @ M-Media

Tag: MountEverest

  • ရေခဲ ပြိုဆင်းမှုကြောင့် ဧ၀ရတ်တောင်တက် လမ်းပြ အဖွဲ့မှ ၁၂ ဦးသေဆုံး

    ဧပြီ ၁၉၊ ၂၀၁၄
    M-Media

    – ကမ္ဘာ့အမြင့်ဆုံး ဧ၀ရတ်တောင်အား တက်ရန် ပြင်ဆင်နေသည့် နီပေါ တောင်တက် လမ်းပြအဖွဲ့မှ ၁၂ ဦးမှာ တောင်ပေါ်မှရေခဲများ ပြိုဆင်းလာမှုကြောင့် သေဆုံးသွားခဲ့သည်ဟု နီပေါ အာဏာပိုင်များနှင့် ကယ်ဆယ်ရေး လုပ်သားများက ပြောကြားခဲ့သည်။

    mount-everest-data

    ယခုလနှောင်းတွင် စတင်တော့မည့် တောင်တက်ရာသီ အကြို စူးစမ်းလေ့လာရန်အတွက် လမ်းပြအဖွဲ့မှာ တဲများ၊ အစားအသောက်များနှင့် ကြိုးများသယ်ဆောင်ကာ တက်ရောက်နေစဉ် အမြင့်ပေ ၅၈၀၀ အရောက် popcorn field ဟု ခေါ်သည့်နေရာတွင် ယနေနံနက် ဒေသစံတော်ချိန် ၆ နာရီ ၄၅ မိနစ်ခန့်က ရေခဲထုများပြိုဆင်း လာခြင်းကြောင့် သေဆုံးခဲ့ခြင်းဖြစ်ပြီး ၄ ဦးမှာ ပျောက်ဆုံးနေဆဲဖြစ်သည်ဟု ခရီးသွားလာရေး တာဝန်ရှိသူများက ပြောကြားခဲ့သည်။

    အဆိုပါ တောင်တက်အဖွဲ့မှ အနည်းဆုံး ၇ ဦးကို အသက်ရှင်လျက် ကယ်တင်နိုင်ခဲ့ပြီး ဒဏ်ရာရရှိသူများကို ရဟတ်ယာဉ်များဖြင့် ဆေးရုံသို့ ယနေ့နံနက်ပိုင်းက ပို့ဆောင်ပေးနိုင် ခဲ့ကြောင်း၊ ပျောက်ဆုံးနေသူများအား ရှာဖွေရေး လုပ်ငန်းစဉ်မှာ ရာသီဥတု အခြေအနေကြောင့် စနေနေ့ နံနက်အစောပိုင်း အထိ ကြန့်ကြာနေဦးမည်ဖြစ်ကြောင်း ၎င်းတို့က ထပ်လောင်းပြောကြားခဲ့သည်။

    ရေခဲများပြိုဆင်းမှုကြောင့် ယခုကဲ့သို့ သေဆုံးမှုမှာ ဧ၀ရတ်တောင်တက် သမိုင်းတွင် အဆိုးဝါးဆုံးဖြစ်ကြောင်း ခတ္တမန်ဒူမြို့မှ တောင်တက် ကျွမ်းကျင်သူ အဲလိဇဘသ် ဟော်လေးက ပြောကြားခဲ့သည်။ ၁၉၉၆ ခုနှစ်တွင် ထိုကဲ့သို့ ရေခဲများပြိုဆင်းမှု တစ်ခု ဖြစ်ပွားခဲ့ပြီး တောင်တက်သမား ၈ ဦးသေဆုံးခဲ့သည်။
    AFP/de

  • ဧ၀ရတ်တောင်သို့ မြန်မာတောင်တက် အဖွဲ့ ပထမဆုံး အကြိမ် တက်ရောက်မည်

    မတ် ၂၈၊၂၀၁၄
    M-Media

    o-MOUNT-EVEREST-MELTING-facebook

    – မြန်မာနိုင်ငံမှ တောင်တက်အဖွဲ့တစ်ခုမှာ ကမ္ဘာ့အမြင့်ဆုံးတောင်ဖြစ်သည့် ဧ၀ရတ်တောင်ကို တက်ရောက်ကာ မြန်မာနိုင်ငံ သမိုင်းတွင် စံချိန်သစ်ရေးထိုးတော့မည်ဟု ပြည်တွင်းမီဒီယာများက ယမန်နေ့တွင်ရေးသားဖော်ပြခဲ့သည်။

    နိုင်ငံခြားသား နှစ်ဦးပါဝင်သည့် အဆိုပါတောင်တက်အဖွဲ့ကို နီပေါနိုင်ငံတွင် လေ့ကျင့်ခဲ့ပြီး ခရီးစဉ်အား မတ်လ ၂၉ ရက် စနနေ့တွင် စတင်မည်ဖြစ်ကာ ၂ လ ကြာမြင့်မည်ဟု  Myanma Freedom Daily နေ့စဉ် သတင်းစာတွင် ဖော်ပြခဲ့သည်။

    ထိုအဖွဲ့မှာ မြန်မာနိုင်ငံသမ္မတ ဦးသိန်းစိန်နှင့် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် တို့ ပေးအပ်သည့် မြန်မာနိုင်ငံတော် အလံအား ယူဆောင်သွားမည်ဖြစ်သည်။ အဆိုပါအဖွဲ့အား မြန်မာနိုင်ငံတွင် အချမ်းသားဆုံးဟု ပြောဆိုကြသည့် စီးပွားရေးလုပ်ငန်းရှင် ဦးတေဇ ပိုင်ဆိုင်သော ထူးဖောင်ဒေးရှင်းမှ ငွေကြေးထောက်ပံ့ခြင်းဖြစ်သည်။

    အိန္ဒိယတိုက်ငယ်မှ တိဘက်ကုန်းပြင်မြင့်အထိ ကျယ်ပြန့်သည့် ဟိမ၀န္တာတောင်တန်းတွင် ပါဝင်သော ကမ္ဘာ့အမြင့်ဆုံး ဧ၀ရတ်တောင်မှာ နီပေါနိုင်ငံ အရှေ့မြောက်ပိုင်း မဟာလန်ဂါ ဟိမ၀န္တာဒေသတွင်တည်ရှိပြီး အမြင့်ပ ၂၉၀၂၉ ပေရှိသည်။ ဧ၀ရတ်တောင်သို့ ဗြိတိန်တောင်တက်အဖွဲ့မှ နယူးဇီလန်နိုင်ငံသား အက်ဒ်မဒ် ဟီလာရီနှင့် နီပေါနိုင်ငံသား တန်ဇင်း နော်ဂေးတို့က ၁၉၅၃ ခု မေလ ၂၉ ရက် နံနက် ၁၁ နာရီခွဲအချိန်တွင် ပထမဆုံး အောင်မြင်စွာတက်ရောက်နိုင်ခဲ့သည်။

    ဆင်ဟွာ

    Photo-Internet