Tag: MSF

BBC: အစိုးရရဲ့ ပိတ်ပင်မှုကို MSF ထိတ်လန့်အံ့သြ

ဖေဖော်ဝါရီ ၂၈၊ ၂၀၁၄
BBC (မြန်မာပိုင်း)

နိုင်ငံတကာ ကျန်းမာရေး စောင့်ရှောက်မှု ပရဟိတ အဖွဲ့တစ်ဖွဲ့ ဖြစ်တဲ့ နယ်စည်းမခြား ဆရာဝန်များအဖွဲ့ MSF က မြန်မာပြည်ထဲက သူတို့ရဲ့ လုပ်ငန်းတွေ ဆက်လုပ်ကိုင်ခွင့် ရပ်နားထားဖို့ အစိုးရက ညွှန်ကြားခဲ့တာနဲ့ ပတ်သက်ပြီး အံ့အားသင့် တုန်လှုပ်မိတယ်လို့ ပြောလိုက်ပါတယ်။

သူတို့ လုပ်ငန်းတွေ ရပ်လိုက်ဖို့ ရခိုင်ပြည်နယ် အစိုးရက ဗုဒ္ဓဟူးနေ့က အကြောင်းကြားခဲ့ပါတယ်။

MSF ရဲ့ ရခိုင်ပြည်နယ်ထဲမှာ ပေးနေတဲ့ အကူအညီတွေဟာ ဘက်လိုက်မှု ရှိတယ်၊ ပွင့်လင်း မြင်သာမှု မရှိဘူးလို့ သမ္မတရဲ့ ပြောခွင့်ရ ဦးရဲထွဋ်က ဘီဘီစီကို ပြောပါတယ်။

မကြာခင်သေးခင် လပိုင်းတွေက စလို့ စစ်တွေနဲ့ တချို့ မြို့တွေမှာ ဒေသခံတွေက MSF နဲ့ နိုင်ငံတကာ အန်ဂျီအိုတွေ ရခိုင်ပြည်နယ်ထဲက ထွက်သွားဖို့ ဆန္ဒပြ တောင်းဆိုမှုတွေ လုပ်လာခဲ့ပါတယ်။

MSF ကတော့ သူတို့ ပေးနေတဲ့ အကူအညီတွေဟာ နိုင်ငံတကာ စံနှုန်းတွေ၊ ဆေးကုသမှု ဆိုင်ရာ ကျင့်ဝတ်တွေ အတိုင်းပဲ လူမျိုး၊ ဘာသာ၊ ကျားမ ခွဲခြားမှု မရှိဘဲ ပေးနေတာ ဖြစ်ပြီး ရခိုင်ပြည်နယ်ထဲမှာ ဆိုရင် ငှက်ဖျားရောဂါ ခံစားနေရသူပေါင်း တစ်သန်းကျော်ကို ဆေးဝါး ကုသပေးခဲ့ပြီးပြီလို့ ဆိုပါတယ်။

အစိုးရရဲ့ အမိန့်ကြောင့် သူတို့လုပ်ငန်းတွေ ရပ်ထားလိုက်ရတဲ့အတွက် MSF ဆေးခန်းတွေက ဆေးဝါး ရယူနေသူတွေ၊ ဆေးကုသမှု ခံယူနေသူတွေ သောင်းချီပြီး ကျန်းမာရေး စောင့်ရှောက်မှု မရတော့မှာ ကိုလည်း စိုးရိမ်ပါတယ်လို့ MSF ရဲ့ ထုတ်ပြန်ကြေညာချက်ထဲမှာ ဖော်ပြထားပါတယ်။

အခုလောလောဆယ်တော့ သူတို့ လုပ်ငန်းတွေ ပြန်လုပ်ခွင့်ပြုဖို့ MSF က အစိုးရနဲ့ ဆွေးနွေးမှုတွေ ဆက်လုပ်နေပါတယ်။

အခုလို နိုင်ငံတကာ အန်ဂျီအို တစ်ခုကို အရေးယူလိုက်တာနဲ့ ပတ်သက်ပြီး နိုင်ငံရေးအရ ဖိအားပေးချင်တဲ့ လုပ်ရပ်အဖြစ် ဝေဖန်ခံရနိုင်ကြောင်း ဗဟုဖွံ့ဖြိုးတိုးတက်ရေးအဖွဲ့ရဲ့ သုတေသီ ဦးအောင်သူငြိမ်းက ပြောပါတယ်။ တဖက်မှာလည်း အန်ဂျီအိုတွေ အနေနဲ့ ပွင့်လင်းမြင်သာမှုရှိရှိ တာဝန်ယူ တာဝန်ခံမှုနဲ့ အလုပ်လုပ်ကိုင်သင့်ပါတယ်လို့ သူက ပြောသွားပါတယ်။

ဓါတ်ပုံအညွှန်း – ရခိုင်ပြည်နယ်ထဲက MSF ဆေးခန်းတခု (ဓာတ်ပုံ MSF Myanmar)

Link =>http://www.bbc.co.uk/burmese/burma/2014/02/140228_msf_suspension.shtml

February 28, 2014
ရိုဟင်ဂျာနှင့် လဝကများ ဧပြီ-၂၆ ကဖြစ်တဲ့ ပြဿနာ ရှေ့နေ ဦးကျော်လှအောင်အား ကြိုးကိုင်သူဟု စွပ်စွဲ ဖမ်းဆီး

ဇူလိုင် ၁၉၊ ၂၀၁၃
M-Media
သတင်း – ငွေသော်တာ (S.S.H)

၂၀၁၂ ခုနှစ်က အလ်ကိုင်ဒါနဲ့ ဆက်သွယ်သည့်ဟု မီဒီယာများတွင် ဝါဒဖြန့်ခံရပြီး ဖမ်းဆီးခံရ ရာမှ ပြန်လွတ်လာစဉ် ဓါတ်ပုံ- မဇ္ဈိမ

စစ်တွေ ။ ။ ရခိုင်ပြည်နယ်၊ စစ်တွေမြို့၊ သက်ကယ်ပြင်ကုန်း ကျေးရွာတွင် လက်ရှိနေထိုင်သူ ဦးကျော်လှအောင် အသက် (၇၄)နှစ်အား ၂၀၁၃-ခုနှစ် ဇူလိုင်လ (၁၅)ရက်၊ နေ့လည် ၁၂နာရီအချိန်တွင် စစ်တွေ အမှတ်(၁) ရဲစခန်း၊ စခန်းမှူး အရပ်သား နှစ်ယောက်မှ ၉ဃ/ ၁၅၅၉ SURF အပြာရောင်ကားဖြင့် လာရောက် ဖမ်းဆီးခဲ့ကြောင်း သတင်းရရှိသည်။

၂၀၁၃-ခုနှစ် ဧပြီ ၂၆-ရက်နေ့တွင် ဖြစ်ပွားခဲ့သော ရိုဟင်ဂျာ ဒုက္ခသည်များကို လ၀ကမှ သန်းခေါင်းစာရင်း ကောက်ယူရာတွင် ဘင်္ဂါလီဟု သုံးနှုန်းခဲ့မှုကြောင့် ရိုဟင်ဂျာများနှင့် လ၀က ၀န်ထမ်းများ ပဋိပက္ခ ဖြစ်ပွားခဲ့ကြောင်း သိရသည်။ ၎င်းကိစ္စတွင် ဦးကျော်အောင်လှအား နောက်ကွယ်မှ ကြိုးကိုင်သူ အဖြစ် စွပ်စွဲကာ ဖမ်းဆီးရန် ကြိုးပမ်းလျှက်ရှိကြောင်း သိရသည်။ ဦးကျော်လှအောင်အား လာရောက် ဖမ်းဆီးသည့် အချိန်၌ ကျန်းမာရေး ချို့တဲ့မှုကြောင့် ကောင်းမွန်စွာ လမ်းမလျှောက်နိုင်ကြောင်းကို သူ၏ မိသားစုဝင် တစ်ဦးက ပြောကြားခဲ့သည်။

“နိုင်ငံခြားက ဧည်သည် ရောက်နေတယ်။ ဦးကျော်လှအောင်နဲ့ တွေ့ချင်တယ်” လို့လိမ်လည် ပြောနေချိန်မှာ စခန်းမှူး ၀င်ရောက်လာပြီး “စစ်ဆေးမေးမြန်းစရာ ရှိတယ်” ဆိုကာ ခေါ်ဆောင်သွားပါတယ်။ ဦးကျော်လှအောင်က အသက်ကြီးပြီ ဖြစ်သဖြင့် လမ်းကောင်းကောင်း မလျှောက်နိုင်ဘူး။ ဒါကြောင့် အရင်တုန်းက နိုင်ငံတကာ သံအမတ်တွေ၊ အရာရှိတွေ လာရောက် တွေ့ဆုံလေ့ ရှိပါတယ်။ နိုင်ငံတကာ NGO အရာရှိများနှင့် ဒုက္ခသည် အရေးကိစ္စများကို ဦးကျော်လှအောင်မှ ဆွေးနွေး အကြံပြုချက်များ ပြုလုပ်လေ့ ရှိပါသည်ဟု မိသားစုဝင် တစ်ဦးက ပြောဆိုခဲ့ပါသည်။ အဆိုပါ ကိစ္စနှင့် ပတ်သက်၍ ဒေသခံများအား ဆက်သွယ်မေးမြန်းခဲ့ရာ –

” မနက် ၁၀-နာရီမှာ ကားတစ်စီးရောက်လာပြီးတော့ ဦးကျော်လှအောင် နေအိမ်ကို ၀င်သွားခဲ့ပါတယ်။ သူအရင်တုန်းက မြို့ထဲမှာ နေတယ်။ ဘာသာရေး အထိကရုဏ်း ဖြစ်ပြီးတဲ့နောက်မှ သက်ကယ်ပြင်ကုန်း ကျေးရွာကို ပြောင်းရွှေ့နေထိုင်ခဲ့တာပါ။ သူ့ကိုအရင်တစ်ခါလည်း လာရှာတာကို သိရပါတယ်။ လ၀က ကိစ္စမှာ နောက်ကွယ်က ကြိုးကိုင်သူလို့ ထင်မြင်ပြီး လာဖမ်းသွားတာ ဖြစ်ပါတယ်။ နိုင်ငံခြား ဧည့်သည် တစ်ဦးရောက်နေတယ်။ ရှေ့နေ ဦးကျော်လှအောင်ကို တွေ့ချင်တယ်” လို့ဖုန်းဝင်လာပြီး စောင့်နေတုန်းမှာ ၀င်ရောက် ဖမ်းဆီးခဲ့တာပါ။ သူတို့ စီးလာတဲ့ ကားအမျိုးအစားကလည်း နိုင်ငံခြား ဧည်သည့်ကား ဖြစ်နေတယ်လို့ သူနှင့် အနီးကပ် နေထိုင်သူ တစ်ဦးက M-Media သို့ရင်ဖွင့်ပြောကြားခဲ့သည်။

ဦးကျော်မြင့်ကို ဖမ်းဆီးထားတဲ့ အမှုထဲ ရောထည့်ပြီး ဖမ်းတာ ဖြစ်သည်ဟု သိရသည်။

စစ်တွေမြို့တွင် နိုင်ငံတကာမှ အဖွဲ့အစည်းများ၊ သံတမန်များ ရောက်ရှိလာလျှင် မွတ်စလင်မ် ဒုက္ခသည်များ၏ အခြေအနေမှန်ကို ရှေ့နေ ဦးကျော်လှအောင်မှ တစ်ဆင့် မေးမြန်း စုံစမ်းလေ့ရှိသည်ဟု သိရှိရသည်။ အမေရိကန် သံအမတ်ကြီး ဒီရစ်မစ်ချယ်က ရောက်ရှိစဉ်ကလဲ ရှေ့နေ ဦးကျော်လှအောင်အား ဖိတ်ခေါ်၍ ဆွေးနွေးခဲ့ကြောင်း သိရသည်။

အဆိုပါ အကြောင်းအရာများနှင့် ပတ်သက်၍ ဒေသခံများကို စုံစမ်းမေးမြန်းရာ –

” ရိုဟင်ဂျာများကို နောက်ကွယ်မှ ကြိုးကိုင်သည်ဟု ယူဆပြီး ဖမ်းတာလို့ ထင်ပါတယ်။ မေလ ၂၆ ရက်နေ့က ပဋိပက္ခအပြီးနှင့် ပတ်သက်၍ ၁၉၈၂ ဥပဒေကို အကောင်အထည်ဖော်ရန် လူဦးရေ စာရင်းကောက်ခံရာ၌ ဒုက္ခသည် စခန်းရှိ ရိုဟင်ဂျာများအား ဘင်္ဂါလီ ဟုသတ်မှတ်ခြင်းအား ရိုဟင်ဂျာတို့က လက်မခံပေ။ လူမှု အဖွဲ့အစည်းတွေ၊ ဒေသခံတွေ၊ ဒုက္ခသည်တွေ အကုန်လုံးက လက်မခံတဲ့ အတွက် ပဋိပက္ခ ဖြစ်ခဲ့တာပါ။ မွတ်စလင် ပညာတတ် လူကြီး ဖြစ်သဖြင့် ကြိုးကိုင်သည်ဟု ဦးကျော်လှအောင်ကို သက်ဆိုင်ရာက ထင်တယ်။

ပထမ အရေးအခင်းတုန်းကလည်း အထောက်အထား ခိုင်လုံမှု မရှိဘဲ သူတို့ သဘောနဲ့ စွဲချက်တင်ခဲ့တယ်။ သူတို့ဟာ သူတို့ကြိုက်သလို ပြင်ဆင်ပြီး နယ်ထိန်း ခင်မောင်လှက ထွက်ဆိုပုံမှာ ” ဦးကျော်လှအောင်က အယ်လ်ကိုင်တာနဲ့ ဆက်သွယ်တယ်” ဟုပြောကြားခဲ့တယ်။ ကုလသမဂ္ဂမှ လူကြီးများ၏ တောင်းဆိုမှုကြောင့် သမ္မတကြီး အမိန့်ဖြင့် ပထမ အကြိမ်တွင် လွှတ်ပေးခဲ့ပါတယ်။ အဲဒီတုန်းကလည်း တရားသေ မဟုတ်ဘဲ တရားရှင် လွှတ်ပေးခဲ့တာပါ။ နောက်ပိုင်းတွင် အာဏာပိုင်များက ဦးကျော်လှအောင်အား လာရောက်ခြိမ်းခြောက်ခဲ့သည်။ အမေရိကန် သံအမတ်ကြီး ဒီရစ်မီချယ်တို့၊ အီရန် သံအမတ်ကြီး အပါအ၀င် လူ့အခွင့်အရေးဆိုင်ရာ အကြီးအကဲတွေ လာရောက် တွေ့ဆုံတဲ့အခါ ယခင်မြို့နယ်မှူး ဦးကံကြီးက လာရောက် ခြိမ်းခြောက် ခဲ့ပါတယ်။ နိုင်ငံခြား အဖွဲ့အစည်းများနှင့် တွေ့ဆုံခြင်းအား တားမြစ်ခဲ့တယ်။ RNDP လူကြီး ဦးမြအောင်က ” ဦးကျော်လှအောင် ခင်ဗျား အသက်လည်း ကြီးပြီ၊ ဆက်ပြီး နိုင်ငံရေး မလုပ်နဲ့” လို့ တားမြစ်ခဲ့ပါတယ်။

“အိမ်ယာမဲ့ ဒုက္ခသည်တွေဟာ မိုးတွင်းမှာ သူများအိမ်ကပ်ခိုလုံရာမှ ယခု လယ်ကွင်းတွေမှာ ကောက်ရိုး တည်ထိုးပြီးနေတယ်။ ဒါဟာ အစိုးရ သိက္ခာကျအောင် လုပ်တယ်။ ခင်ဗျားတို့ ဘာမှ မလုပ်ပေးဘူးလား” လို့မေးတယ်။ ရွာသားများကလည်း မိမိတို့ မထောက်ပံ့ နိုင်စွမ်းကြောင်း၊ ရွက်ဖျင်တဲ အလုံအလောက် မရကြောင်း စသည့်ဖြင့် ပြောကြားခဲ့သည်။ လ၀က နယ်စပ် လုံခြုံရေး ဗိုလ်မှူးကြီး ထိန်လင်း၊ ဥပဒေချုပ် ဦးလှသိန်း၊ ၀န်ကြီးချုပ် ဦးလှမောင်တင် တို့က အစိုးရ သိက္ခာ ကျစေသည်ဟု ပြောကြား ခဲ့သည်။ လူဦးရေ စာရင်း အတိအကျ ကောက်ရန် သူတို့ အဖွဲ့က ပြောသောအခါ ရိုဟင်ဂျာတွေဟာ ” သူတို့ကို လူမျိုး သတ်မှတ်ပေးပါ” ဟုတောင်းဆိုခဲ့တယ်။ လူမျိုး (——ကွက်လပ်———-) ထားမည်ဟု ၎င်းတို့ အဖွဲ့က ပြောသောအခါ ရွာသားများက လက်မခံကြပေ။

ဧပြီ ၂၆-ရက်က ဒေသခံ အာဏာပိုင်နဲ့ န.စ.က ပူးပေါင်းပြီးတော့ သန်းခေါင်းစာရင်း လာရောက် ကောက်ခံတဲ့အခါ လက်မခံသဖြင့် ရုန်းရင်းဆန်ခတ် ဖြစ်ပြီး သူတို့ အဖွဲ့မှ တစ်ယောက် ဒဏ်ရာရသဖြင့် သန်းခေါင်းစာရင်း ကောက်ခံခြင်း ခေတ္တ ရပ်စဲခဲ့သည်။ အဲဒီနောက် ဗိုလ်မှူးကြီး ထိန်လင်းရောက်လာပြီး ရွာသားများအား ဆဲဆို ကြိမ်းမောင်းခဲ့တယ်။ ” မင်းတို့ ကုလားတွေကို အကုန်မီးရှို့ သတ်မယ်” လို့ပြောဆိုခဲ့တယ်။ အဲဒီ့နောက် အစည်းအဝေး ခေါ်တယ်။ ဦးကျော်မြင့်၊ ဦးဘသာ အပါအ၀င် လူငါးယောက် တက်ရောက်ခဲ့ရာမှ ဦးကျော်မြင့်နှင့် ဦးဘသာတို့အား ဖမ်းဆီးထားခဲ့တယ်။ ပြီးတော့ UN ကုလသမဂ္ဂ ပါဝင်တဲ့ သတင်းစာ ရှင်းလင်းပွဲ တစ်ခုလုပ်ခဲ့ရာ ” ဒီပဋိပက္ခ ဇစ်မြစ်နဲ့ ရှောင်ရန် အချက်” ကိုမေးရာ သက်ဆိုင်ရာက တစ်စုံတစ်ရာ ဖြေကြားခြင်း မရှိခဲ့ပေ။ နောက်တစ်ရက်တွင် နောက်နှစ်ယောက်ကို ထပ်ပြီး ဖမ်းတယ်။ ဦးစံလင်းနှင့် ဦးကျော်ခင်တို့ကို ဖမ်းဆီး ခေါ်ဆောင်သွားခဲ့တယ်။

ဒုက္ခသည် စခန်းရှိ ကလေးငယ် တစ်ဦးကောက်ရသော ဖုန်းကို ဦးလှမြင့် ဆိုသူအား သွားပေးခဲ့ရာ ဦးလှမြင့်က ခရိုင်မှူးကို ဆက်သွယ်၍ ပြန်ပေးခဲ့တယ်။ အဲဒီအခါ ဦးလှမြင့်ကို ဖုန်းခိုးမှုနဲ့ ဖမ်းဆီးခဲ့တယ်။ ဦးကျော်လှအောင်ဟာ နာမည်ကြီး ရှေ့နေ တစ်ယောက်၊ NGO ၀န်းထမ်းဟောင်း တစ်ယောက်၊ သမိုင်းသိ ပုဂ္ဂိုလ် တစ်ယောက်၊ နိုင်ငံရေး သမား လွှတ်တော် ကိုယ်စားလှယ်ဟောင်း တစ်ယောက် ဖြစ်ခဲ့တာကြောင့် သူ့ကို ပစ်မှတ်ထားပြီး ကြိုးကိုင်တယ်လို့ ထင်မြင်ကြတာပါ။ အာဏာပိုင် အဖွဲ့အစည်းတွေဟာ ဦးကျော်လှအောင်ကို ဖမ်းဆီးဖို့ ကြိုးစားနေတာ တစ်လကျော်ကြာခဲ့ပြီ ဖြစ်ကြောင်း ရွာသားများက သိခဲ့ကြသည်” ဟုဒေသခံ တစ်ဦးက ပြောကြားခဲ့သည်။

၁၉၉၀-ခုနှစ် စစ်တွေမြို့တွင် အမျိုးသား ဒီမိုကရက်တစ်နှင့် လူ့အခွင့်အရေးပါတီ ၌ ဦးကျော်လှအောင်မှာ ဒုဥက္ကဌ နေရာ၌ တာဝန်ယူ ပေးခဲ့ပြီး အမှတ်(၁) စစ်တွေ အမတ် မဲဆန္ဒနယ် အနေနဲ့ ယှဉ်ပြိုင်ခဲ့သည်။ ထိုရွေးကောက်ပွဲ တစ်ပတ်အလို မဲနိုင်မှာ သေချာသည့် အတွက် တခြားရခိုင် ပါတီများက တိုင်းမှူး ဗိုလ်ချုပ်မြသန်းကို ၀ိုင်းဝန်း တိုင်ကြားခဲ့သဖြင့် ဦးကျော်လှအောင်အား စစ်ခုံရုံး တင်၍ ပါတီ နိုင်ငံရေး အမှုအပါအ၀င် ၁၉၈၆-ခု စစ်တွေ တက္ကသိုလ် စီမံကိန်းကြောင့် မတရား မြေနေရာသိမ်းခံရသော လယ်သမားများဘက်မှ အမှုလိုက်ပေးခဲ့ခြင်းကိုပါ ပေါင်းပြီး ထောင်ဒဏ် (၁၂)နှစ် ချပေးခြင်း ခံခဲ့ရပါတယ်။

ရှေ့နေဦးကျော်လှအောင် ပိုင်ဆိုင်သည့် မဲများကိုလည်း ကမန် အမျိုးသား ပါတီမှ ဦးရွှေယကို ပေးလိုက်သောကြောင့် ဦးရွှေယသည် ၁၉၉၀- ပြည်နှစ်တွင် ရခိုင်ပြည်နယ် လွှတ်တော် အမတ် ဖြစ်လာခဲ့သည်။ ရှေ့နေ ဦးကျော်လှအောင်သည် ၁၉၉၈-ခုနှစ် သြဂုတ်လတွင် လွတ်ငြိမ်းချမ်းသာခွင့်ဖြင့် လွတ်လာခဲ့သော်လည်း ရှေကနေလိုင်စင်ကို အသိမ်းခံခဲ့ရသည်။ ထိုနောက် နယ်သာလန် နိုင်ငံ အခြေစိုက် M SR Holland (Doctor Without Borders ) နယ်စည်းမထား ဆရာဝန် အဖွဲ့ AZG တွင် အုပ်ချုပ်ရေး အရာရှိ အဖြစ် အလုပ်လုပ်ကိုင်လျှက် ရှိရာမှ ၂၀၁၂-ခုနှစ် ဇွန်လ ၁၁ရက် ရခိုင် အကြမ်းဖက်မှုများတွင် Freedom News အင်တာနက် ၀က်ဘ်ဆိုက်ဒ် အပါအ၀င် ရခိုင် ၀က်ဘ်ဆိုဒ်များမှ ည ၁၀နာရီ ၄၅ မိနစ် အချိန်တွင် အလ်ကိုင်ဒါနှင့် ပတ်သက်သည့် စာရွက် စာတမ်းများနှင့် လက်နက် သေတ္တာ နှစ်လုံး ဦးကျော်လှအောင် အိမ်မှာ တွေ့ရသည်ဟု မဟုတ်မမှန် သတင်းများ လွှင့်ခဲ့သည်။ ဇွန်လ- ၁၂ရက် ညနေ ၃နာရီ ၃၀ အချိန်ခန့်တွင် ရခိုင် အကြမ်းဖက် သမားများ ဦးကျော်လှအောင် နေအိမ်ကို ရောက်လာပြီး လုယက် ဖျက်ဆီး အကြမ်းဖက်ခြင်း ပြုလုပ်ကြသည်။ ညနေ ၅နာရီ အချိန်ခန့်တွင် ရဲနှစ်ယောက်နှင့် ဦးခင်မောင်လှက ဦးကျော်လှအောင်အား ဖမ်းဆီး ခေါ်ဆောင်သွားခဲ့သည်။

၂၀၁၂- သြဂုတ်လ ၁၂ရက်တွင်သောမတ်ကင်တားနား အပါအ၀င် လူ့အခွင့်အရေး လှုပ်ရှားမှုတို့၏ တောင်းဆိုမှုကြောင့် သမ္မတ၏ လွတ်ငြိမ်းချမ်းသာခွင့်ဖြင့် ပြန်လည် လွတ်မြောက်ခဲ့သည်ဟု လေ့လာတွေ့ရှိရသည်။

July 19, 2013
ရခိုင်ရောက် MSF ခြိမ်းခြောက်ခံရ

ဖေဖော်ဝါရီ ၇ ၊ ၂၀၁၃
VOA

ဟော်လန် နိုင်ငံ အခြေစိုက် INGO တစ်ခုဖြစ်သော နယ်စည်းမခြား ဆရာဝန်များအဖွဲ့
(AZG)က ရခိုင်ပြည်နယ် စစ်တွေမြို့ မိဇံရပ်ကွက်တွင် အသစ်ဖွင့်လှစ်မည့် ရှုခင်း သာ ဆေးခန်းကို ရခိုင်လူမျိုးများ ၂၀၁၂ ခုနှစ် အောက်တိုဘာလ ၁၈ ရက်နေ့ နံနက် ၉နာရီတွင် ကန့်ကွက်နေစဉ်။ (ဓါတ်ပုံ The Voice)

ရခိုင်ပြည်နယ်ထဲမှာရှိတဲ့ ဒုက္ခသည်တွေရဲ့ ကျန်းမာရေးစောင့်ရှောက်မှုကို အကူအညီပေးနေတဲ့ MSF လို့ခေါ်တဲ့ နယ်စည်းမထား ဆရာဝန်များ အဖွဲ့က လုပ်ငန်းဆောင်ရွက်တဲ့နေရာမှာ အခက်အခဲတွေနဲ့ ကြုံနေရတာကြောင့် အစိုးရကရော ပြည်သူလူထုကပါ ၀ိုင်းဝန်းကူညီကြပါရန် တိုက်တွန်းလိုက်ပါတယ်။ ရခိုင်ဒေသခံလူတချို့က MSF ၀န်ထမ်းတွေကို ခြိမ်းချောက်တာ၊ ရန်လိုတာ၊ ဘက်လိုက်တယ်လို့ စွပ်စွဲတာ စသဖြင့် နှောက်ယှက်ခံနေရတာကြောင့် အရေးပေါ် ကျန်းမာရေး စောင့်ရှောက်မှုလုပ်ငန်းတွေ အဆင်မပြေဖြစ်နေရတယ်လို့ MSF ရဲ့ မြန်မာပြည်ရုံးအကြီးအကဲ Peter Paul de Groote က ဒီကနေ့ပြောဆိုလိုက်ပါတယ်။ ဒေါ်ခင်စိုးဝင်းကပြောပြပေးမှာပါ။

MSF ခေါ်နယ်စည်းမထား ဆရာဝန်များအဖွဲ့ဟာ ရခိုင်ပြည်နယ်အတွင်း Mobile Clinic လို့ခေါ်တဲ့ နယ်လှည့်ဆေးခန်း ၂၀ကျော်နဲ့ ဒုက္ခသည်တွေရဲ့ ကျမ်းမာရေးကို ပံ့ပိုးပေးနေတာဖြစ်ပါတယ်။ အဲ့ဒီ့နယ်လှည့်ဆေးခန်းတွေနဲ့ မူစလင်ဒုက္ခသည်စခန်း ၁၅ခုနဲ့ ရခိုင်ဒုက္ခသည် စခန်း ၅ခုကို အကူအညီပေးနေတာပါ။ ဒီနယ်လှည့်ဆေးခန်းတွေမှာ တာဝန်ထမ်းဆောင်နေကြတဲ့ ဆရာဝန်တွေ၊ သူနာပြုတွေ၊ ကျမ်းမာရေးဝန်ထမ်းတွေရဲ့ လတ်တလောရင်ဆိုင်နေရတဲ့ အခြေအနေနဲ့ပတ်သက်လို့ MSF ရဲ့ မြန်မာနိုင်ငံရုံး အကြီးအကဲ Peter Paul de Groote က VOA ကို အခုလိုပြောပြပါတယ်။

“ကံမကောင်း အကြောင်းမလှဘူးလို့ဘဲ ပြောရမှာပါ။ လူနည်းနည်းဘဲပါပေမယ့်လည်း အသိုင်းအ၀ိုင်းမှာ သြဇာရှိတဲ့ လူတစ်ချို့ရဲ့ ခြိမ်းခြောက်အကျပ်ကိုင်တာတွေကို ကျနော်တို့ရဲ့ ၀န်ထမ်းတွေ ရင်ဆိုင်နေကြရပါတယ်။ ကျန်းမာရေးအကူအညီ လိုအပ်နေတဲ့ လူတွေဆီကို ကျွန်တော်တို့ ၀န်ထမ်းတွေ အရောက်သွားနိုင်ဖို့ အခက်အခဲတွေ အများကြီးနဲ့ ကြုံနေရပါတယ်။”

ဒီလိုအခက်အခဲတွေနဲ့ရင်ဆိုင်နေရတာတွေကို သက်ဆိုင်ရာ တာဝန်ရှိသူတွေကို အကြောင်းကြားပေမဲ့ ထိထိရောက်ရောက် အကူအညီတွေ မပေးနိုင်တာတွေကိုလည်း Mr Groote က အခုလိုရှင်းပြပါတယ်။

“ကျွန်တော်တို့ ဒီလိုအခက်အခဲတွေ့တိုင်းမှာ ဒေသခံ အာဏာပိုင်တွေကို အကူအညီတောင်းပါတယ်။ ပြည်နယ်အဆင့်၊ နေပြည်တော် အဆင့်ထိတောင် ကျွန်တော်တို့ ပန်ကြားနေပါတယ်။ သူတို့အားလုံးကလည်း ပူးပေါင်းပံ့ပိုး ပေးနေတာပါပဲ။ ဒါပေမဲ့ ကျွန်တော် မေတ္တာရပ်ခံချင်တာကတော့ ကျွန်တော်တို့ရဲ့ လုပ်ငန်းတွေ ထိရောက်အောင် လူသိရှင်ကြား အကူအညီပေးဖို့ပါ။ MSF တစ်ဖွဲ့တည်းအတွက် မဟုတ်ပါဘူး။ တခြားလူမှုရေးအကူအညီပေးနေတဲ့ အဖွဲ့ တွေအတွက်လည်း အကျိုးရှိမှာပါ။ အခုတွေ့နေရတာက တကယ့်လက်တွေ့မှာ လိုအပ်ချက်နဲ့ ကျွန်တော်တို့ ပံ့ပိုးပေးနိုင်တဲ့ အကူအညီက သိပ်ကိုကွာဟနေတာပါပဲ။ ဒါကို ပြေလည်အောင် အစိုးရက အကူအညီပေးဖို့ လိုပါတယ်။”

ရခိုင်ပြည်နယ်မှာ လူမျိုးရေးအကြမ်းဖက်မှုတွေဖြစ်ပွားပြီးနောက်ပိုင်း လက်ကမ်းစာစောင်တွေနဲ့တမျိုး၊ လူမှုကွန်ရက်တွေကတဆင့် ဘက်လိုက်တယ်လို့ စွတ်စွဲပြောဆိုနေ တာတွေကြောင့် နိုင်ငံတော် အစိုးရကရော၊ ပြည်သူလူထုကပါ ဝိုင်းဝန်း ကူညီပံ့ပိုးပေးဖို့လိုပါတယ်လို့ Mr Groote က ပြောပါတယ်။

“ကျနော်တို့ MSF ဆိုတာဟာ သီးခြားလွတ်လပ်တဲ့ အဖွဲ့အစည်းဖြစ်ပါတယ်။ ဘယ်လိုပဋိပက္ခမျိုးမှာ မဆို ဘယ်ဖက်ကမှ မလိုက်ဘဲ မျှမျှတတ ကြားနေ ရပ်တည်တဲ့အဖွဲ့ ဖြစ်ပါတယ်။ ဒါကြောင့် လူထုရဲ့ အကူအညီလည်း လိုအပ်ပါတယ်။ ရှင်းရှင်းပြောရ ရင်တော့ အကူအညီ အပူတပြင်း လိုအပ်နေတဲ့ လူတွေ ရှိနေတဲ့အတွက် သူတို့ဆီ အရောက်သွားပြီး အကူအညီပေးနိုင်ဖို့ အစိုးရကိုမေတ္တာ ရပ်ခံနေတာဖြစ်ပါတယ်။”

ရခိုင်ပြည်နယ်မှာ ၂၀၁၂ခုနှစ် ဇွန်လကဖြစ်ပွားခဲ့တဲ့ အကြမ်းဖက်မှုကြောင့် လူပေါင်း ခုနှစ်သောင်းခွဲ အိုးအိမ်စွန့်ခွာ ထွက်ပြေးတိမ်းရှောင်နေရသလို၊ အောက်တိုဘာလမှ ထပ်မံဖြစ်ပွားခဲ့တဲ့ အကြမ်းဖက်မှုကြောင့် လူလေးသောင်းခန့်ဟာလည်း ယာယီစခန်းတွေမှာ ခိုလှုံနေကြရတယ်လို့ MSFရဲ့ ကြေညာချက်မှာ ဖော်ပြထားပါတယ်။

February 8, 2013
နယ်စည်းမခြား ဆရာဝန်များ ရခိုင်တွင် ခြိမ်းခြောက်မှု့ခံနေရ

နိုဝင်ဘာ၊ ၅ ၊ ၂၀၁၂

M-Media

Source: http://www.trust.org

ဘန်ကောက် (AletNet) – ကျန်းမာရေး လူမှုဝန်ထမ်းအဖွဲ့ဖြစ်သည့် နယ်စည်းမခြား ဆေးပညာရှင်များအဖွဲ့ (MSF) က လူမျိုးရေး အစွန်းရောက်များသည် ၎င်းတို့၏ ဝန်ထမ်းများအား ခြိမ်းခြောက်ခြင်း၊ မြန်မာနိုင်ငံ အနောက်ပိုင်းတွင် နောက်ဆုံးဖြစ်ပွားခဲ့သည့် လူ ၈၉ သေပြီး (၃၅ ၀၀၀) အိုးမဲ့အိမ်မဲ့ဖြစ်စေသော အဓိကရုဏ်း၏ ဒုက္ခသည်များဆီသို့ မရောက်နိုင်အောင် တားဆီးခဲ့ကြသည် ဟုဆိုသည်။

ဟော်လန် နိုင်ငံ အခြေစိုက် INGO တစ်ခုဖြစ်သော နယ်စည်းမခြား ဆရာဝန်များအဖွဲ့
(AZG)က ရခိုင်ပြည်နယ် စစ်တွေမြို့ မိဇံရပ်ကွက်တွင် အသစ်ဖွင့်လှစ်မည့် ရှုခင်း သာ ဆေးခန်းကို ရခိုင်လူမျိုးများ အောက်တိုဘာလ ၁၈ ရက်နေ့ နံနက် ၉နာရီတွင် ကန့်ကွက်နေစဉ်။ (ဓါတ်ပုံ The Voice)

ယခုတချိန် ထွက်ပြေးခဲ့ရသူများသည် ပြီးခဲ့တဲ့ ဇွန်လက ဖြစ်ပွားခဲ့သော ရခိုင် ဗုဒ္ဓဘာသာနှင့် မွတ်စလင်မ် ရိုဟင်ဂျာများ၏ နောက်ဆက်တွဲအဖြစ် ၎င်းတို့၏ အိမ်များကို စွန့်ခွာခဲ့ကြသော (၇၅ ၀၀၀) သော ဒုက္ခသည်များနှင့် အတူ ဒုက္ခသည်စခန်းများတွင် နေထိုင်လျက်ရှိကြသည်။

ယခု ရခိုင်ဒေသရှိ ထွက်ပြေးခဲ့ရသူများ၏ အများစုမှာ မြန်မာနိုင်ငံမှ နိုင်ငံသားအဖြစ် အသိအမှတ်မပြုနိုင်ဟု ငြင်းပယ်ခြင်း ခံထားရသော ရိုဟင်ဂျာများ ဖြစ်သည်ဟု ကုလသမဂ္ဂ ကဆိုသည်။

“လိုအပ်နေသူတွေဆီ ကျန်းမာရေးအကူအညီတွေ သွားတာကို တားဆီးတယ်၊ ခြိမ်းခြောက်တယ်ဆိုတာ တော်တော် အံ့သြဖို့ကောင်းတယ်။ အခုလူသောင်းပေါင်းများစွာဟာ သူတို့အရေးတကြီးလိုနေတဲ့ ကျန်းမာရေးစောင့်ရှောက်မှုတွေကို မရဘဲ ဖြစ်နေတယ်” ဟု MSF ၏ Operations Manager ဂျိုးဗယ်လီဗျူး (Joe Belliveau) က ဆိုသည်။

ရိုဟင်ဂျာများရော ရခိုင်များပါ ဒဏ်ရာအနာတရများ၊ အာဟာရချို့တဲ့မှုများ၊ ဝမ်းပျက်ဝမ်းလျောနှင့် ဖျားနာခြင်းများ အပါအဝင် အရေးတကြီး ကျန်းမာရေးစောင့်ရှောက်မှုများ လိုအပ်နေသည်ဟု Belliveau က ဆက်ပြောသည်။ ငှက်ဖျားရောဂါ၏ အဖြစ်အများဆုံး ရာသီသည်လည်း နီးကပ်လာပြီဖြစ်ကြောင်း သူက သတိလည်းပေးခဲ့သည်။

Belliveau က ဒုက္ခသည်များဆီသို့ ရောက်ရှိရန် အခက်အခဲများနှင့် အာဏာပိုင်များထံမှ ခွင့်ပြုမိန့်များရရန် ခက်ခဲမှုများ ရှိခဲ့သော်လည်း ယခုအခါ အခြေအနေမှာ တိုးတက်လာပြီ ဖြစ်ကြောင်းလည်း ပြောခဲ့သည်။

“ကျွန်တော်တို့ရဲ့ ပိုကြီးတဲ့ပြဿနာက တစ်ချို့နေရာတွေမှာ ခြိမ်းခြောက်တာတွေနဲ့ ရန်လိုတာတွေပါ။ ‘မင်းတို့ တခြားဖက်ကလူတွေကို ကုပေးလို့မရဘူး၊ ငါတို့ရန်သူကို ပေးမကုဘူး၊ ငါတို့ ဒီလိုလုပ်တာကို ခွင့်မပြုဘူး၊ ဒါဟာ မမှန်ဘူး’ လို့ တစ်ချို့တွေပြောကြတယ်” ဟု AlertNet နှင့် ဖုန်းအင်တာဗျူး တစ်ခုတွင် သူကပြောသည်။

Belliveau ၏ အဆိုအရ နိုင်ငံတကာ ကျန်းမာရေး ကျင့်ဝတ်များအရ လုပ်ဆောင်ရသော MSF ဒေါက်တာများနှင့် သူနာပြုများသည် ကြောက်ရွံ့မှုကြောင့် အလုပ်လုပ်ချင်စိတ် မရှိတော့ကြောင်းလည်း သိရှိရသည်။

သူက ခြိမ်းခြောက်ရန်လိုမှုတွေဟာ ရခိုင်များဘက်မှ အဓိကလာခြင်းဖြစ်ပြီး ပုံစံမျိုးစုံ ခြိမ်းခြောက်ရန်လိုမှုများဖြစ်သည် ဟုဆိုသည်။

“ကျွန်တော်တို့ဟာ ရိုဟင်ဂျာတွေကို ပိုပြီးထောက်ခံအားပေးနေတယ်ဆိုပြီး စွပ်စွဲခြင်းခံနေရတယ်။ တကယ်တော့ ကျွန်တော်တို့လုပ်တာက လိုအပ်ချက် အရှိဆုံးနေရာတွေကို ဒီတိုင်းသွားတာပဲ” ဟု Belliveau ကဆိုသည်။

MSF က လုပ်ငန်းတွေထဲက ကမ္ဘာပေါ်မှာ အကြီးဆုံးထဲက တစ်ခုဖြစ်တဲ့ ရခိုင်ဒေသမှ လုပ်ငန်းဆောင်တာတွေမှာ လူမျိုးပေါင်းစုံ၊ ဘာသာအားလုံးသော လူနာတွေကို ကုသပေးခဲ့ကြောင်း MSF က ပြောပါတယ်။

“ပြီးခဲ့တဲ့ ၁၈ နှစ်တာ ကာလမှာ ထောင်ပေါင်းများစွာသော ရခိုင်က လူမျိုးပေါင်းစုံကို ကျွန်တော်တို့ကုသပေးခဲ့တယ်။ အထူးသဖြင့် ငှက်ဖျားနဲ့ HIV/AIDS ရောဂါတွေကို ကုသပေးခဲ့တယ်။ အဲလိုကုသပေးတာ တောင်မှ ကျွန်တော်တို့ အုပ်စု တစ်ခုကို ပိုပြီးတော့ မျက်နှာသာပေးတယ်လို့ စွပ်စွဲနေတာတွေ ရှိနေတယ်” လို့ Belliveau က ထပ်ပြောသည်။

သူက MSF ဟာ မြန်မာနိုင်ငံ အစိုးရရဲ့ ပြန့်ကျဲနေတဲ့ ဆေးခန်းတွေကို ထောက်ပံ့ဖို့ အများကြီးလုပ်နိုင်ပါတယ် ဒါပေမယ့် “ ပိုသည်းခံဖို့နဲ့ ပိုပြီး လွတ်လွတ်လပ်လပ် လုပ်ဆောင်နိုင်ဖို့ လိုပါတယ်” လို့ ဆိုပါတယ်။

ရေရှည် စောင့်ရှောက်မှု လုပ်ငန်းတွေလည်း ထိခိုက်ခဲ့

အာရှရဲ့ လူမျိုးကွဲ အများဆုံးရှိတဲ့ နိုင်ငံတွေထဲက တစ်ခုဖြစ်တဲ့ မြန်မာနိုင်ငံရဲ့ ဗုဒ္ဓဘာသာအများစု အစိုးရဟာ စုစည်းညီညွတ်ခြင်းအား ကတိကဝတ်ပြုထားပေမယ့် ခန့်မှန်း ၈၀၀ ၀၀၀ လောက်ရှိသော နိုင်ငံတွင်းရှိ ရိုဟင်ဂျာများအား အိမ်နီးနားချင်း ဘင်္ဂလာဒေ့ရ်ှနိုင်ငံမှ တရားမဝင် ခိုးဝင်လာသူများအဖြစ် သတ်မှတ်ထားပါသည်။

ဘင်္ဂလားနိုင်ငံကလည်း သူတို့ကို အသိအမှတ်မပြုပါ။ ၎င်းတို့ဟာ တရားဝင် နိုင်ငံမဲ့များဖြစ်ပြီး ကုလသမဂ္ဂက “အဖော်မဲ့သူများ” ဟု ခိုင်းနှိုင်းသုံးနှုန်းသည်။

တီဗွီနှင့် မွေးရာပါ ရောဂါများအား ရခိုင်ဒေသတွင်း ကုသပေးနေသော MSF သည် လူ ၈၀ သေဆုံးခဲ့သော ဇွန်လ အဓိကရုဏ်းအပြီး ပိတ်ပင်ထားသည့် ရခိုင်မြောက်ပိုင်းဒေသ၏ ရေရှည် ကျန်းမာရေး အစီအစဉ်များကိုလည်း စိတ်ဝင်စားမှုရှိကြောင်း ဆိုသည်။

Belliveau ၏အဆိုအရ ထွက်ပြေးခဲ့ရသူများ မဟုတ်သော်လည်း အဓိကရုဏ်းကြောင့် သွားလာခွင့်ပိတ်ပင်ခြင်း ခံထားရသူ ရာကျော် (သို့) ထောင်ကျော်ဟာလည်း ကျန်းမာရေးစောင့်ရှောက်မှုများကို လနှင့်ချီပြီး မရကြောင်းလည်း သိရသည်။

ကုလသမဂ္ဂ၏ အောက်တိုဘာ ၂၈ ရက်နေ့ထုတ် အခြေအနေ အစီအရင်ခံစာမှာ ကုလသမဂ္ဂနှင့် လူမှုရေးအသင်း အဖွဲ့များအား ဆန်ကျင်မုန်းတီးရေး များအား ရခိုင်ဒေသတွင်းရှိ အချို့သူတွေက အားပေးအားမြှောက်ပြုနေကြတယ် ဟုဖော်ပြထားသည်။

“လမ်းကမ်းစာစောင်များ ဝေပြီး လူသားချင်းစာနာသော အဖွဲ့အစည်းတစ်ခုလုံးအား ဆန့်ကျင်မုန်းတီးရေး ဝါဒဖြန့်နေကြသည်” ဟု အစီအရင်ခံစာက ဆိုပြီး တစ်ချို့သော အဖွဲ့အစည်းတွေအား ၎င်းတို့၏ လုပ်ငန်းဆောင်တာတွေဟာ ဘက်လိုက်တယ်လို့ ပြောခြင်းခံနေပါသည် ဟုလည်း ဆက်လက်ဖော်ပြထားသည်။

“ရလဒ်အားဖြင့် အချို့အခြေအနေလေ့လာရေး အဖွဲ့များအား ထွက်ပြေးခဲ့ရသူများရှိနေရာသို့ မရောက်နိုင်ရန်တားဆီးခြင်း၊ ဒုက္ခသည်ထောက်ပံ့ရေးများအား ငြင်းပယ်ခြင်းများကို အစိုးရဝန်ထမ်းများအပါအဝင် ပြုလုပ်ခဲ့ကြသည်” ဟု အစီအရင်ခံစာက ဆိုသည်။

ပြီးခဲ့သော အပတ်က ဆန္ဒပြမှုတွေကြောင့် MSF ၏ ရခိုင်ပြည်နယ်မြို့တော်ဖြစ်တဲ့ စစ်တွေ၌ ဆေးခန်းသစ် ဖွင့်လှစ်ခြင်း အစီအစဉ်အား ရွေ့ဆိုင်းခဲ့ရသည်။

“လူနည်းစု တစ်အုပ်စုက MSF ကဲ့သို့သော အဖွဲ့အစည်းတွေဟာ ရိုဟင်ဂျာတွေကို အထောက်အပံ့ တော်တော်များများ ပေးပြီးတော့ သူတို့ရဲ့ နိုင်ငံရေးရည်မှန်းချက်ကို တနည်းနည်းနဲ့ ဖြည့်ဆည်းပေးနေတယ်လို့ အခိုင်အမာပြောဆိုနေကြတယ်” လို့ Belliveau က ပြောသည်။

“ပြဿနာက ကျွန်တော်တို့ရဲ့ ရှေ့ပြေးဝန်ထမ်းတွေဟာ တစ်ခါတစ်လေ တိုက်ရိုက် ခြိမ်းခြောက် ရန်လိုမှုတွေနဲ့ တွေ့ကြုံနေရပြီး တော်တော်လေး ကြောက်လန့် တုန်လှုပ်နေကြပါတယ်” လို့ ဆိုပါသည်။

http://www.trust.org/alertnet/news/msf-says-staff-threatened-in-western-myanmar/ မှာ သတင်း ကို M-Media မှ ဆီလျော်အောင် မြန်မာလိုဘာသာပြန်ပါသည်။

November 7, 2012