News @ M-Media

Tag: muslim-minority

  • မိထ္ထီလာတွင် မွတ်စလင်မ်ဥပုသ်လ ဝတ်ပြုခွင့်ရဖို့ တိုင်းအစိုးရကို တရားဝင် တင်ပြထားသော်လည်း အကြောင်းမထူးသေး

    မိထ္ထီလာတွင် မွတ်စလင်မ်ဥပုသ်လ ဝတ်ပြုခွင့်ရဖို့ တိုင်းအစိုးရကို တရားဝင် တင်ပြထားသော်လည်း အကြောင်းမထူးသေး

    ဇွန် ၁၆၊ ၂၀၁၇
    M-Media
    မိုးစက်

    အကြမ်းဖက်မီးရှို့ဖျက်ဆိးခံရပြီး ၄ နှစ်ကျော်တိုင် ပြန်ဖွင့်ခွင့်မရသေးတဲ့ မိထ္ထီလာမှ ဗလီ တစ်လုံး

    မိထ္ထီလာမှာ ရှိတဲ့ ဝတ်ပြုကျောင်းဆောင်များကို အစ္စလာမ်ဘာသာဝင်များရဲ့ ရမဇာန် ဥပုသ်လမှာ ပြန်လည်ဖွင့်ခွင့်ပေးရန် သက်ဆိုင်ရာကို ဇွန်လ (၁၂) ရက်နေ့က တရားဝင် တင်ပြအကြောင်းကြားထားသော်လည်း ယနေ့တိုင် တစ်စုံတစ်ရာ ထူးခြားမှု မရှိသေးကြောင်း သိရပါတယ်။

    ရမဇာန် ဥပုသ်လမှာ နီးစပ်ရာနေရာတွေမှာ အစ္စလာမ်ဘာသာဝင်တွေ စုပေါင်းဝတ်ပြုကြတယ်ဆိုပြီး ဇွန်လ ၃ ရက်နေ့က သက်ဆိုင်ရာ မြို့နယ်အုပ်ချုပ်ရေးမှူးက ဝတ်ပြုမှုကို ရပ်ဆိုင်းခိုင်းလိုက်ပါတယ်။

    ဗလီဂေါပက တာဝန်ရှိသူများကို ရပ်ကွက်အုပ်ချုပ်မှူးရုံးကို ခေါ်ပြီး အဆိုပါ စုပေါင်းဝတ်ပြုမှုကို ရပ်ဆိုင်းခိုင်းလိုက်တာ ဖြစ်ပါတယ်။

    ဥပုသ်ကာလ အတွင်း သက်ကြီးရွယ်အိုတွေ ဝတ်ပြုဖို့ အခက်အခဲ ရှိလို့ တခြား ရပ်ကွက်တွေ သွားဝတ်မပြုဘဲ ကိုယ့်ရပ်ကွက်ထဲမှာ ဝတ်ပြုတာကို ဒီလို တားမြစ်ခံရတာလို့လည်း ဆိုပါတယ်။

    ဗလီတွေ ပြန်ဖွင့်ပေးဖို့ တောင်းဆိုတာကိုတော့ တိုင်းအစိုးရ လုပ်ပိုင်ခွင့်မှာ မရှိလို့ ဆိုပြီး ငြင်းဆိုလာခဲ့တယ်လို့လည်း သိရပါတယ်။ ရပ်ကွက်ထဲ ဝတ်ပြုခွင့် မရှိလို့ ဝတ်မပြုရသူတွေ ရှိတယ်လို့လည်း ဆိုပါတယ်။

    ဇွန်လဆန်းပိုင်းက တိုင်းဒေသကြီး ညွှန်ကြားရေးမှူးဖြစ်သူ ဦးဇော်တင်မိုးက မန္တလေးတိုင်းဒေသကြီးအစိုးရအဖွဲ့မှ မိထ္ထီလာမြို့ရှိ အစ္စလာမ်ဘာသာဝင်များ ဥပုသ်လအတွင်း ဝတ်ပြုရန် အခက်အခဲတစ်စုံတစ်ရာရှိလာပါက စနစ်တကျ စစ်ဆေးပြီး ဆောင်ရွက်ပေးမည်ဖြစ်ကြောင်းကို Friday Times ဂျာနယ်​ ကို ပြောကြားခဲ့ပါတယ်။

    မိထ္ထီလာမြို့ ဗလီ(၆) လုံးနှင့် သီးခြားဝတ်ပြုဆောင် (၂) လုံး ပြန်လည်ဖွင့်ခွင့်ပေးရန် တင်ပြထားသော်လည်း ဗလီ(၆) လုံး ပြန်လည်ဖွင့်ခွင့်မရသေးခင် ရပ်ကွက်အတွင်း စုပေါင်းဝတ်ပြုရန် တင်ပြထားကြောင်း ဗလီတစ်ခုမှ ဂေါပကဖြစ်သူက M-Media ကိုပြောပါတယ်။

    “ကျွန်တော်တို့ မွတ်စလင်အများစုရှိတဲ့ ရပ်ကွက်ဖြစ်တဲ့ သီရိမင်္ဂလာရပ်ကွက်က ဗလီကိုဆို လုံးဝဖွင့်ခွင့်မပေးဘူး။ မိထ္ထီလာအရေးအခင်းတုန်းက ဆရာတော် ဦးသောဘိတကို အဲ့ဗလီထဲမှာ သတ်ခဲ့တယ်ဆိုပြီး ဦးဝီရသူက သတင်းအမှားလွှင့်ထားတယ်။ ဒါက တကယ်လည်း မဟုတ်ပါဘူး။ ဆရာတော်က ဗလီနဲ့ တော်တော်ဝေးတဲ့နေရာမှာ ဖြစ်ခဲ့တာ။ အဲ့ဒီသတင်းအမှားကို အုပ်ချုပ်ရေးပိုင်းကရော မီဒီယာတွေကရော ဒီနေ့အထိ ဖြေရှင်းတာမျိုးလည်း မရှိဘူး။ အဲ့တော့ အဲဗလီလည်း အခုချိန်ထိ ပြန်ဖွင့်ခွင့်မရသေးဘူး” လို့ ဆက်လက်ပြောဆိုခဲ့ပါတယ်။

    မိထ္ထီလာမြို့နယ်တွင် ဗလီ (၁၃) လုံးရှိပြီး ဘာသာရေးပဋိပက္ခများ ဖြစ်ပွားပြီးနောက်ပိုင်း ဗလီ (၇) လုံးကိုသာ ပြန်လည်ဖွင့်လှစ်ပေးခဲ့ပါတယ်။

    ဝတ်ပြုခွင့်ပေးထားသော ဗလီ (၇) လုံးအနက် တစ်ချို့ဗလီများမှာ အစ္စလာမ်ဘာသာဝင်အနည်းစုသာရှိပြီး တစ်ချို့ဗလီများမှာ သက်ကြီးရွယ်အိုနှင့် ဝတ်ပြုသူများ သွားရောက်ဝတ်ပြုရန် အလွန်ခက်ခဲသော နေရာဖြစ်နေကြောင်း ဒေသခံများပြောဆိုချက်အရ သိရပါတယ်။

  • အများပျော်လို့ လိုက်မပျော် နိုင်ကြသေးသူများ

    အများပျော်လို့ လိုက်မပျော် နိုင်ကြသေးသူများ

    ဆောင်းပါးရှင် -ဖိုးစမ်းချောင်း (GG)
    ဧရာဝတီမှာ ကူးယူဖော်ပြသည်။

    IMG_01191
    ၂၀၁၄ ခုနှစ် ဇူလိုင်လအတွင်းက ဖြစ်ပွားသည့် မန္တလေး အဓိကရုဏ်း ကာလတွင် လက်နက် ကိုင်ဆောင်ထားသော ဆူပူအုံကြွသူတချို့ (ဓာတ်ပုံ – ဧရာဝတီ)

    ကျင်းပပြီးစီးခဲ့သော ရွေးကောက်ပွဲတွင်  NLD ပါတီ အောင်ပွဲခံနိုင်သည့်အတွက် ပြည်သူအများ ပျော်ရွှင်နေကြသော်လည်း လွတ်လွတ်လပ်လပ် မပျော်ရွှင်နိုင်သူများ ရှိနေပါသည်။ ၎င်းတို့ကတော့ အစ္စလမ်ဘာသာဝင်များ ဖြစ်ကြသည်။

    အကြောင်းမဲ့ စိုးရိမ်မှုတော့ မဟုတ်ပါ။ ၂၀၁၂ ကြားဖြတ် ရွေးကောက်ပွဲတွင် NLDပါတီမှ နေရာအားလုံး အနိုင်ရပြီးနောက် မြန်မာနိုင်ငံ အနှံ့အပြားတွင် ရုတ်တရက် ဖြစ်ပေါ်လာခဲ့သော အဓိကရုဏ်းများနှင့် အမျိုးဘာသာ သာသနာဆိုသည့် အဖွဲ့အစည်းများ အားကောင်းလာကာ မွတ်စလင် မုန်းတီးစိတ်များ ပေါ်ပေါက်လာလာစေရန် ရည်ရွယ်ချက်ရှိရှိ လုပ်ဆောင်နေမှုများစသည့် အကြောင်းခြင်းရာများကို အခြေခံကာ စိုးရိမ်နေကြခြင်း ဖြစ်သည်။

    “ရွေးကောက်ပွဲ မတိုင်ခင်မှာ ကောလာဟလတွေကလည်း အများကြီးကြားရတော့ အရမ်းစိုးရိမ်မိတယ်” ဟု ချမ်းမြသာစည် မြို့နယ်၊ ချမ်းရှေ့ရပ်နေ အစ္စလမ် ဘာသာဝင်တဦးဖြစ်သူ ဦးခင်မောင်ထွေးက ပြောသည်။ “ရွေးကောက်ပွဲမတိုင်ခင် တရက် အလိုလောက်မှာ လူတွေ အမြဲစည်ကားနေတဲ့ လမ်းမကြီးတွေကို ခြောက်ကပ်ကုန်တယ်” ဟု သူကဆိုသည်။

    ဘာသာရေးကို ဇောင်းပေးသည့် ပါတီများ ၂၀၁၅ ရွေးကောက်ပွဲတွင် ပေါ်ပေါက်လာသကဲ့သို့ ဘာသာရေး၊ လူမျိုးရေး ထိုးနှက်ချက်များဖြင့် မဲဆွယ်စည်းရုံးမှုများ ရှိခဲ့သည့်အတွက် အစ္စလမ် ဘာသာဝင်များ အနေဖြင့် ရွေးကောက်ပွဲ ကာလတွင် အဓိကရုဏ်းများ ဖြစ်လာလေဦးမလားဆိုသည့် ပူပန်မှုများရှိခဲ့ကြောင်း နိုင်ငံရေး တက်ကြွလှုပ်ရှားသူ တဦးဖြစ်သည့် ဦးညီညီကျော်က ပြောသည်။

    “အခုမှပဲ စိတ်တော်တော် အေးသွားတယ်။ ရွေးကောက်ပွဲမှာ မဲသွားပေးဖို့ကို စိုးရိမ်ကြပေမယ့် သီးခြားခွဲထွက်နေခြင်းမရှိဘဲ တာဝန်သိ နိုင်ငံသား တယောက်အနေနဲ့  မဲရုံကို တန်းစီပြီး မဲသွားပေးခဲ့တဲ့ မွတ်စလင်တွေကိုလည်း ဂုဏ်ယူမိပါတယ်” ဟု ဦးညီညီကျော်က ရွေးကောက်ပွဲ ကျင်းပပြီးနောက် ငါးရက်အကြာတွင် ဧရာဝတီသို့ပြောသည်။

    ၂၀၁၀ ရွေးကောက်ပွဲကာလတွင်  ရွေးကောက်ပွဲ ခုံရုံးအနေဖြင့် နေပြည်တော်တခုတွင်သာ ရှိသော်လည်း ၂၀၁၅ ရွေး ကောက်ပွဲတွင် တိုင်းနှင့်ပြည်နယ် ၁၄ခုစလုံး၌ ရွေးကောက်ပွဲခုံရုံးများ ထားရှိသောကြောင့် ရွေးကောက်ပွဲလွန်ကာလတွင် အငြင်းပွားမှုများ ပိုမိုကြုံတွေ့ရနိုင်သည်ဆိုသော ခန့်မှန်းချက်များ ထွက်ပေါ်ခဲ့သည်။ ထို့အတူပင် ရွေးကောက်ပွဲနောက်ပိုင်း မဲရလဒ် အငြင်းပွားမှုများမှ မြစ်ဖျားခံကာ တခြားသောပြဿနာများ တက်လာလေမလားဆိုသည့် စိုးရိမ်မှုများလည်း အစ္စလမ် ဘာသာဝင်များတွင် ရှိနေပေသေးသည်။

    ရွေးကောက်ပွဲဆိုင်ရာ မဲရလဒ် အငြင်းပွားမှုများမှတဆင့် ပထမအနိုင်ရရှိသူ ကိုယ်စားလှယ်လောင်းအား အကြောင်း တစုံတခုရှာကာ ပယ်ချလိုက်ပြီး ဒုတိယလူကို တင်မြှောက်လိုက်သည့် ဖြစ်စဉ်မျိုး ဖြစ်လာခဲ့ပါက လူထုအနေဖြင့် လမ်းပေါ်ကို တက်လာနိုင်ကြောင်း၊ ထိုအချိန်တွင် မိမိတို့အစ္စလမ် ဘာသာဝင်များမှာ အဖွဲ့အစည်း တစုံတခု၏ နိုင်ငံရေးကစားကွက်ထဲ ကျရောက်သွားလေမလားဆိုသည့် စိုးရိမ်မှုများတော့ ကျန်ရှိနေဆဲဖြစ်ကြောင်း ဦးညီညီကျော်က ပြောသည်။

    ရွေးကောက်ပွဲ မကျင်းပခင်ကလည်း လူမျိုးရေး ဘာသာရေး အဓိကရုဏ်းများ ပေါ်ပေါက်လာမည်ကို  လွန်စွာစိုးရိမ်ခဲ့ပြီး ရွေးကောက်ပွဲလွန် ကာလကိုလည်း ပိုမို၍ စိတ်ပူမိကြောင်း မန္တလေးမြို့ စကြာနွယ်စင် ရပ်ကွက်နေ  အစ္စလမ်ဘာသာဝင်တဦးက ပြောသည်။

    စကြာနွယ်စင်ရပ်ကွက်မှာ အစ္စလမ်ဘာသာဝင် အများစုနေထိုင်သော ရပ်ကွက်ကြီးတခုဖြစ်ပြီး လွန်ခဲ့သော တနှစ်ကျော်က စကြာနွယ်စင်ရပ်ကွက်၊ ၇၅လမ်း၊ ၃၅လမ်းထောင့်၌ ယာဉ်မတော်တဆမှု အသေးစားတခုဖြစ်ပေါ်ပြီး ထိုမှတဆင့် လူစုလူဝေး ဖြစ်လာကာ ဘာသာရေး ပဋိပက္ခဖြစ်စေရန် လှုံ့ဆော်သူများ ပေါ်ပေါ်လာခဲ့သည်။ သို့သော်လည်း ထိုစဉ်အချိန်က သံဃာတော်များ၊ မြို့မိမြို့ဖများ၊ လုံခြုံရေးတာဝန်ရှိသူများမှ အချိန်မီ ဝိုင်းဝန်း ထိန်းသိမ်းနိုင်လိုက်သောကြောင့် ပြဿနာ ကြီးကြီးကျယ်ကျယ် မတက်ခဲ့ခြင်းဖြစ်သည်။

    ရွေးကောက်ပွဲဆိုင်ရာ အငြင်းပွားမှုအနေဖြင့် အမှုအသေးအဖွဲ အနည်းငယ်သာ ရှိသေးပြီး မဲရလဒ်နှင့်ပတ်သက်၍ ကိုယ်စားလှယ်လောင်း အချင်းချင်း ကန့်ကွက်သည့်အမှုမျိုး ယနေ့အထိ လုံးဝမရှိသေးကြောင်း မန္တလေးတိုင်းဒေသကြီး၊ ရွေးကောက်ပွဲ ကော်မရှင်အဖွဲ့ခွဲရုံး၊ ဒုညွှန်မှူး ဦးကျော်ကျော်စိုးက နိုဝင်ဘာ ၁၂ ရက်နေ့က ဧရာဝတီသို့ ပြောသည်။ ခရိုင်အစီရင်ခံစာ မိမိတို့ ထံတက်လာမှ အမှုအရေအတွက်ကို အတိအကျ ပြောနိုင်မည်ဖြစ်ကြောင်း ၎င်းက ဖြည့်စွက်ပြောကြားသည်။

    အမှန်တကယ်အားဖြင့်် မန္တလေးမြို့ခံ အစ္စလမ်ဘာသာဝင်များ စိုးရိမ်စိတ်ပေါ်လာသည်မှာ ရွေးကောက်ပွဲနီးမှ မဟုတ်ပါ။ မိထ္တီလာ အဓိကရုဏ်း နောက်ပိုင်းကတည်းက အစ္စလမ်ဘာသာဝင် အများစုနေထိုင်ရာ စကြာနွယ်စင်၊ ကုလားပျို၊ ဂျွန်းတန်း၊ ၄၁ ပန်းဆတ်၊ သိုးခြံအစရှိသည့် မန္တလေး ရပ်ကွက်ကြီးများတွင် ညစဉ်ညတိုင်း အစ္စလမ်လူငယ်များမှာ အလှည့်ကျ ကင်းစောင့် တာဝန်ယူခဲ့ရသည်ကို တွေ့မြင်နေရသည်။

    ထို့အတူပင် သင်္ကြန်၊ သီတင်းကျွတ် စသည့် မြန်မာ့ရိုးရာ ပွဲတော်ကြီးများတွင် ယခင်တုန်းက မန္တလေးမြို့ခံ မွတ်စလင် လူငယ်များ ဝင်ရောက် ဆင်နွှဲလေ့ရှိသော်လည်း ၂၀၁၂ နောက်ပိုင်းတွင်မူ မြင်တွေ့ရခြင်း မရှိတော့ပါ။

    မိမိတို့ဘက်မှလည်း မွတ်စလင် လူငယ်များအား လူအများအပြား ဆင်နွှဲသော ပွဲတော်များတွင် ဝင်ရောက် ဆင်နွှဲခြင်းမပြုရန် ပြောဆို ထိန်းသိမ်းထားကြောင်း အမျိုးသားညီညွှတ်ရေး ကွန်ဂရက်ပါတီမှ ဒုဥက္ကဌ (၄) ဦးခင်မောင်သိန်းက ပြောသည်။ ဦးခင်မောင်သိန်းသည် ချမ်းအေးသာစံ မဲဆန္ဒနယ်တွင် ပြည်သူ့လွှတ်တော် ကိုယ်စားလှယ်နေရာအတွက် ဝင်ရောက် ယှဉ်ပြိုင်ခဲ့သည့် အထက်မြန်မာပြည်၏ တဦးတည်းသော မွတ်စလင် ကိုယ်စားလှယ်လောင်း ဖြစ်သည်။

    “မြန်မာရိုးရာ ပွဲတော်တွေထဲမှာ ဆင်နွှဲရင်း လူငယ်သဘာဝ ရန်တွေဘာတွေဖြစ်ခဲ့ရင် မုတ်ဆိတ်တွေနဲ့ဆိုပြီး ပြဿနာက ပိုကြီးသွားနိုင်လို့ အတတ်နိုင်ဆုံး ထိန်းသိမ်းရတာပါ” ဟု ၎င်းက ရှင်းပြသည်။

    နိုင်ငံတော်သည်လည်း အသွင်ကူးပြောင်းကာလကို အေးအေးဆေးဆေးနှင့် သွားနေသည်ဟု ယုံကြည်ကြောင်း၊ ဒေါ်အောင်ဆန်းစုကြည် သည်လည်း လွန်စွာ အမျှော်အမြင်ကြီးသော ခေါင်းဆောင် တဦး ဖြစ်သကဲ့သို့ နိုင်ငံတကာမှလည်း စောင့်ကြည့်နေခြင်းကြောင့် ပြဿနာ အသေးအမွှားမှတပါး တခြားကိစ္စများ ဖြစ်လာနိုင်စရာမရှိဟု ဦးခင်မောင်သိန်းက ယူဆသည်။

    မိမိတို့ ရွေးကောက်ပွဲ ကော်မရှင်တွင် အားနည်းချက်၊ ချို့ယွင်းချက်များ ရှိသော်လည်း တတ်နိုင်သမျှ  အကောင်းဆုံး လုပ်ဆောင်ပေးခဲ့ကြောင်း၊ ထွက်ပေါ်လာသည့်ရလဒ်ကို ရှုံးတဲ့လူကလည်း ကျေနပ်ပါ။ နိုင်တဲ့သူကလည်း အေးအေးဆေးဆေး နေပါဟု အကြံပြုလိုကြောင်း မန္တလေးတိုင်းဒေသကြီး၊ ရွေးကောက်ပွဲကော်မရှင် အဖွဲ့ခွဲရုံး၊ ဒုညွှန်မှူး ဦးကျော်ကျော်စိုးက ဧရာဝတီသို့ ပြောသည်။

    ရွေးကောက်ပွဲလွန် ကာလတွင် စိုးရိမ်စိတ်များ လျှော့နည်းလာပြီ ဖြစ်သော်လည်း အစိုးရသစ် မဖွဲ့နိုင်မချင်း စိုးရိမ်မှုများတော့ ကျန်ရှိနေဦးမည်ဖြစ်ကြောင်း မန္တလေးမြို့ခံမွတ်စလင် တဦးဖြစ်သူ ဦးနေဝင်းက ပြောသည်။

    “အသိစိတ်ထဲမှာတော့ သိပ်မစိုးရိမ်တော့ဘူး။ မသိစိတ်ထဲတော့ စိုးရိမ်နေတုန်းပဲ” ဟု ၎င်းက မှတ်ချက်ပြုသည်။

    (ဖိုးစမ်းချောင်း (GG)သည် မန္တလေးအခြေစိုက် သတင်းစာဆရာတဦး ဖြစ်သည်)

    http://burma.irrawaddy.org/article/2015/11/17/101717.html

  • ရခိုင် အမျိုးသားရေးပါတီ နှင့် ရခိုင်က မွတ်စလင်မ်များအတွက်  အန္တရာယ်အရိပ်အယောင်

    ရခိုင် အမျိုးသားရေးပါတီ နှင့် ရခိုင်က မွတ်စလင်မ်များအတွက် အန္တရာယ်အရိပ်အယောင်

    အောက်တိုဘာ ၄ ၊ ၂၀၁၅
    M-Media

    စစ်တွေမြို့ရှိ Arakan National Party (ANP) ရုံးချုပ်
    စစ်တွေမြို့ရှိ Arakan National Party (ANP) ရုံးချုပ် (ဓာတ်ပုံ – စိုးဇေယျာထွန်း – ရိုက်တာသတင်းဋ္ဌာန)

    တစ်လတာမျှသာ အချိန် ကျန်တော့သည့် မြန်မာ့သမိုင်းဝင်ရွေးကောက်ပွဲနှင့် အတူ ကြောက်စရာကောင်းလောက်အောင် သဘောထားတင်းမာသည့်  ဗုဒ္ဓဘာသာဝင်တို့၏ ပါတီသည် မြန်မာနိုင်ငံမှ ဖိနှိပ်ခံ ရိုဟင်ဂျာ မွတ်စ်လင်မ် လူ့အဖွဲ့အစည်း၏ အခြေအနေ အတွက် ပိုမိုဆိုးရွားလာဖွယ် ရှိနေသည်။

    မြန်မာနိုင်ငံအနောက်ဖက်စွန်း ရခိုင်ပြည်နယ်ရှိ လူမျိုးစွဲ အမျိုးသားရေးဝါဒီတို့ထံ လုပ်ပိုင်ခွင့် အာဏာ လွှဲအပ်ပေးခြင်းမှာ လက်ရှိနှစ်များအတွင်း အိမ်နီးချင်းနိုင်ငံများသို့ ထောင်ချီ၍ ထွက်ပြေးနေကြရသည့် နိုင်ငံမဲ့ ရိုဟင်ဂျာများအပေါ် ခွဲခြားဆက်ဆံမှု ပိုမိုပြင်းထန်လာနိုင်၏။

    ရိုဟင်ဂျာအများစုကို အစိုးရက မဲပေးခွင့်နှင့် အမတ်လောင်းမှတ်ပုံတင်ခွင့်များမှ တားမြစ်ထားသည်။ ၎င်းအပေါ် ကုသမဂ္ဂမှ ပြတ်ပြတ်သားသား ဝေဖန်ထားသလို၊ ယင်းသို့ ပြုလုပ်လိုက်ခြင်းက နိုဝင်ဘာ ၈ ရက်ရွေးကောက်ပွဲသည် ၂၅ နှစ်အတွင်း ပထမဆုံးသော လွတ်လပ်မျှတသည့်ရွေးကောက်ပွဲအဖြစ် ဖော်ပြနိုင်ရန် ကြိုးပမ်းနေခြင်းအား အမြစ်လှန်ရာလည်း ရောက်သွားပေသည်။

    ရခိုင်ဗုဒ္ဓဘာသာဝင်များ၏ အဖွဲ့အစည်းတစ်ခုဖြစ်သော Arakan National Party (ANP) ပါတီကို ယမန်နှစ်က ဖွဲ့စည်းခဲ့သည်။ ထိုအဖွဲ့သည် ရခိုင်ပြည်နယ်အတွင်း လူမျိုးရေးခွဲခြားမှုအခြေအနေ၌ ရှင်သန်နေကြသည့် ရိုဟင်ဂျာတစ်သန်းအပါအ၀င် မြန်မာနိုင်ငံ၏ ယာယီနိုင်ငံသားဆိုင်ရာ ကိစ္စများကို အပြင်းအထန် ဝေဖန်ကန့်ကွက်ခဲ့သည်။ ၎င်းအပြင် မြောက်များစွာသော ရိုဟင်ဂျာတို့သည် မြန်မာနိုင်ငံအတွင်း ဘိုးစဉ်ဘောင်ဆက် နေထိုင်လာခဲ့လင့်ကစား သူတို့မှာ ဘင်္ဂလားဒေ့ရ်ှနိုင်ငံမှ တရားမ၀င် ပြောင်းရွှေ့လာသူများ အဖြစ် ဆက်လက် သတ်မှတ်ကြရန် ဆွယ်တရားဟောခဲ့ကြ၏။

    ရခိုင်ပြည်နယ်မြို့တော် စစ်တွေရှိ ANP ပါတီဋ္ဌာနချုပ် သင်ပုန်းပေါ်တွင် ကိုယ်ရည်သွေး စိုးမိုးလိုသည့် စာသားများရေးသားထားပြီး၊ လက်ကမ်းစာစောင်များတွင်လည်း “မိမိလူမျိုးကို ချစ်ပါ၊ သွေးမနှောပါစေနှင့်၊ ရခိုင်ပီသပါ၊ ANP ကို မဲပေးပါ” စသဖြင့် ဖော်ပြထားသည်။

    ရခိုင်ပြည်နယ် လူဦးရေ၏ သုံးပုံတစ်ပုံခန့်သည် ရိုဟင်ဂျာများဖြစ်ကြသည်။ ၎င်းတို့အနက် လူများစွာမှာ အကျဉ်းသားဟု အမည်မတပ် ယုံတမယ် ဒုက္ခသည်စခန်းထဲ၌ လည်းကောင်း၊ သီးခြားခွဲ ကန့်ထားသည့် ရွာငယ်များ၌လည်းကောင်း နေထိုင်နေကြရသည်။ လွတ်လပ်စွာ ခရီးသွာလာခွင့် မရှိကြ၊ အချို့ဒေသများတွင် ကျန်းမာရေးစောင့်ရှောက်မှုနှင့် ပညာရေးခံစားခွင့် မရကြပေ။

    Aye Nu Sein (L), vice president of Arakan National Party (ANP), speaks during an interview with Reuters at her party's head office in Sittwe September 3, 2015. REUTERS/Soe Zeya Tun
    ၂၀၁၅ ခုနှစ် စက်တင်ဘာ ၃ ရက်က ANP ပါတီ ဒုဥက္ကဋ္ဌ ဒေါ်အေးနုစိန် (၀ဲဖက်)မှ စစ်တွေမြို့ပါတီဋ္ဌာနချုပ်ရုံးခန်းတွင် ရိုက်တာနှင့် အင်တာဗျူးပြုလုပ်နေစဉ်။ REUTERS/Soe Zeya Tun

    ယခင် စစ်အစိုးရလက်ထက်က ထုတ်ပေးခဲ့သော ယာယီနိုင်ငံသားလက်မှတ်များကို အသိအမှတ် မပြုတော့ဘဲ လက်ရှိဖျက်သိမ်းမှုအပေါ် မူတည်၍  “အခုဆိုရင် ၀ှိုက်ကဒ် ကိုင်ဆောင်သူများပြားတဲ့ မဲဆန္ဒနယ်တွေမှာ ကျွန်မတို့ အနိုင်ရဖို့ ပိုပြီး အခွင့်အလမ်းသာနေပါပြီ” ဟု ANP ပါတီ ဒုဥက္ကဋ္ဌ ဒေါ်အေးနုစိန်မှ ဆိုသည်။ “နိုင်ငံတကာအသိုင်းအ၀ိုင်းက အသုံးပြုနေတဲ့ နိုင်ငံမဲ့ ဆိုတဲ့ အသုံးအနှုန်းကို ကျွန်မတို့ လက်မခံပါဘူး။ ဘင်္ဂလားဒေ့ရ်ှကနေ သူတို့ လာခဲ့ကြတာပါ။ သူတို့ရဲ့ ဘာသာ၊ မျိုးနွယ်၊ ယဉ်ကျေးမှုနဲ့ အသိအမြင်တွေက ဘင်္ဂလားဒေ့ရ်ှနိုင်ငံသားတွေနဲ့ အတူတူပါပဲ” ဟူ၍လည်း ထပ်လောင်းပြောကြားထားသည်။ သူမ၏အဆိုအရ ANP သည် ရိုဟင်ဂျာအားလုံးကို ဒုက္ခသည်စခန်းများသို့ ပို့ရန် သို့တည်းမဟုတ် တိုင်းပြည်မှနှင်ထုတ်ရန် အလိုရှိနေကြောင်း သိရ၏။

    “ရိုဟင်ဂျာနဲ့ အခြားလူနည်းစုဝင်တွေအပေါ် ဒီလောက်အထိ ခွဲခြားချိုးနှိမ်ဆက်ဆံနေမှုအပေါ် ကျွန်တော် အလွန်စိတ်ပျက်မိပါတယ်။ အလားတူစွာဘဲ လက်ရှိရိုဟင်ဂျာပါလီမန်အမတ် ဖြစ်နေသူတွေကို  နောက်ရွေးကောက်ပွဲမ၀င်နိုင်အောင် တားမြစ်ခြင်းကလည်း အလွန်အင်မတန် အကျည်းတန်လှပါတယ်” ဟူ၍ ကုလအတွင်းရေးမှူးချုပ် ဘန်ကီမွန်းမှ ပြီးခဲ့သည့်လတွင် မနှစ်မြို့စွာ ပြောကြားသည်။

    ၂၀၁၀ ခုနှစ်က ရခိုင်ပြည်နယ်၏ အမျိုးသားလွှတ်တော်ကိုယ်စားလှယ် ၂၉ ဦးအနက် သုံးဦးမှာ ရိုဟင်ဂျာလူမျိုးဖြစ်သည်။ ထိုနှစ်အတွင်း ရခိုင်ပြည်နယ်လွှတ်တော်ကိုယ်စားလှယ်  ၃၅ ဦးအနက်၌လည်း ရိုဟင်ဂျာအမတ်နှစ်ဦး ပါဝင်ခဲ့သည်။

    သို့သော် ယခုနှစ်တွင်မူ ANP အဖို့ လူမျိုးခြားတစ်ဦးမျှ မပါဝင်အောင် ရှင်းလင်း ဖယ်ရှားတော့မည် ဖြစ်သည်။ ပါတီသည် ပြည်နယ်တွင်းသာမက ပြည်နယ်ပြင်ပရှိ အမတ်နေရာများ တွင်လည်း ပါဝင်ယှဉ်ပြိုင်သွားမည်ဖြစ်သည်။

    “တကယ်လို့ ANP က မျှော်မှန်းထားသလို အပြတ်အသတ်နိုင်ခဲ့ရင် ၀န်ကြီးချုပ်နေရာ အတွက် အပြင်းအထန် တောင်းဆိုလိမ့်မယ်။ မွတ်စ်လင်မ်တွေ အပေါ် ထပ်မံ ကန့်သတ်ထိန်းချုပ်နိုင်ချေရှိမှု အပါအ၀င် သူတို့ရဲ့နိုင်ငံရေး အစီအမံကို ပုံဖော်ကြလိမ့်မယ်။ အမျိုးသားနိုင်ငံရေးထဲ လက်ရှိ လုပ်ဆောင်နေတာထက် ပိုမိုကျယ်လောင်မယ့် အသံတစ်ရပ်ရပ် ထုတ်ဖော်ဖို့လည်း ရှိနေနိုင်ပါတယ်။ ပြီးတော့ ပါလီမန်သစ်ထဲမှာ ရှေးရိုးစွဲ ဗုဒ္ဓ၀ါဒီ အစုအဖွဲ့ တစ်ခုကို ပုံဖော်လာနိုင်ပါတယ်” ဟု ရန်ကုန် အခြေစိုက် အလွတ်တန်းနိုင်ငံရေး သုတေသီ ရစ်ချဒ် ဟော်စီ Richard Horsey က ပြောကြားသည်။

    မြန်မာနိုင်ငံမှ လူများစု ဗမာလူမျိုးတို့နှင့် ရခိုင်တို့သည် ဗျူဟာဆန်သော ဆက်ဆံရေး ရှိနေကြသည်။ ဗမာလူမျိုးအများစုမှာ ဗုဒ္ဓဘာသာဝင်များ ဖြစ်နေကြသော်လည်း ၎င်းတို့သည် မိမိတို့ဘာသာတရားကို ဆယ်စုနှစ်ပေါင်းများစွာ လျစ်လျူရှုထားကြသည်ဟု ရခိုင်များက ဆိုသည်။

    လက်ရှိအာဏာရ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ USDP နှင့် အတိုက်အခံ အမျိုးသားဒီမိုကရေစီအဖွဲ့ချုပ် NLD – ပါတီနှစ်ခုစလုံး၌ အဓိကအားဖြင့် ဗမာလူမျိုးများ ပါဝင်နေကြ၏။

    NLD ခေါင်းဆောင် နိုဗယ်ဆုရှင် ဒေါ်အောင်ဆန်းစုကြည်သည် အောက်တိုဘာ လလယ်ပိုင်းတွင် ရခိုင်ပြည်နယ်သို့ သွားရောက်ရန် စီစဉ်ထားသည်။ သို့သော် သူမသည် ရိုဟင်ဂျာ သို့မဟုတ် နိုင်ငံသားရေးရာတို့ကို ပြောဆိုဆွေးနွေးမည် မဟုတ်ကြောင်း၊ “ကျွန်တော်တို့ အဲ့ဒါတွေကို လုပ်ဆောင်ရင် သူတို့က ကျွန်တော်တို့ကို တိုက်ခိုက်လာနိုင်တယ်။ NLD ကို မဲပေးဖို့လောက်ပဲ ကျွန်တော်တို့ ပြောဆိုသွားမှာ ဖြစ်ပါတယ်” ဟု NLD ထိပ်တန်းခေါင်းဆောင် ဦးဝင်းထိန်မှ ရိုက်တာသို့ ပြောကြားသည်။ ရခိုင်လူထုသည် လွန်ကဲသောမျိုးချစ်များ ဖြစ်နေကြကြောင်း၊ NLD အား မွတ်စ်လင်မ်ထောက်ခံသူ – ရိုဟင်ဂျာတို့ကိုစာနာသူအဖြစ် ရှုမြင်ထားကြသည့်အတွက် NLD အဖို့ တောင်ကုန်းတိုက်ပွဲသဖွယ် ရခိုင်ပြည်မဲဆန္ဒနယ်များတွင် ANP နှင့်အပြိုင် ရင်ဆိုင်ရဖွယ်ရှိရာ အခြေမလှနိုင်ကြောင်းကိုလည်း ထည့်သွင်းပြောကြားသွားသည်။

    နိုင်ငံ့အဆင်းရဲဆုံးပြည်နယ်တစ်ခု၏ ဖွံ့ဖြိုးတိုးတက်ရေးကို အလျဉ်းအလေးမထားဟု အာဏာရ USDP အပေါ် ရခိုင်ပြည်နယ်၌ အမြင်ထားရှိကြသည်။ USDP သည်လည်း စစ်တပ်ကြီးစိုးသော ဒေသများမှအပ ကာလရှည်ပဋိပက္ခများ ကြုံဆုံနိုင်ကြောင်း ကျွမ်းကျင်သူများက သုံးသပ်ကြသည်။

    ၂၀၁၁ ခုနှစ်ကစတင်လာခဲ့သော မွတ်စ်လင်မ်ဆန့်ကျင်ရေးလှုပ်ရှားမှုလှိုင်းလုံးက ANP ကို ပို၍ ရေပန်းစားအောင် လုပ်ပေးထားသည်။ ၂၀၁၂ ခုနှစ် လူမျိုးရေးအကြမ်းဖက်မှုဖြစ်ပွားလာရာ အနည်းဆုံး လူ ၂၀၀ အသက်ဆုံးရှုံးပြီး ရိုဟင်ဂျာအများစုပါဝင်သော လူပေါင်း တစ်သိန်းလေးသောင်းကျော် အိုးမဲ့ အိမ်မဲ့ ဖြစ်သွားခဲ့ရသည်။

    ရခိုင်ဗုဒ္ဓဘာသာဝင်များ၏အဆိုအရ သူတို့သည် နောက်တက်လာမည့် အစိုးရအပေါ်၌လည်း သံသယရှိသင့်သလောက်ရှိနေကြကြောင်း သိရသည်။

    စစ်တွေမြို့ရှိ ဈေးဆိုင်ပိုင်ရှင်တစ်ဦးဖြစ်သူ ကိုကျော်လွင်က ဤသို့ဆိုပါသည်။

    “ရခိုင်ပြည်နယ်မှာ ANP ပါတီက အင်အားအကောင်းဆုံးပဲ။ သူတို့(တခြားပါတီ)တွေ ဘယ်လို ကြိုးစားကြပါစေ၊ ကျွန်တော်တို့ရခိုင်ပြည်သူတွေကတော့ ရခိုင်ပါတီကိုသာ မဲပေးမှာဖြစ်ပါတယ်”။

    Xxxxxxxxxxxxxxxxxx

    Timothy Mclaughlin ၏ Rising Rakhine Party looming threat to Myanmar Muslim minority ရိုက်တာဆောင်းပါးကို မြင့်မိုရ်မောင်မောင်မှ ဆီလျော်အောင်ပြန်ဆိုသည်။

  • မြန်မာ့လူနည်းစု လူ့အခွင့်အရေးဆိုင်ရာ ကုလဆုံးဖြတ်ချက်

    မြန်မာ့လူနည်းစု လူ့အခွင့်အရေးဆိုင်ရာ ကုလဆုံးဖြတ်ချက်

    ဇူလိုင် ၆ ၊ ၂၀၁၅
    VOA (မြန်မာပိုင်း) မှ ကူးယူဖော်ပြပါသည်။
    ._2015-07-06_10.08.33
    ကမ္ဘာပေါ်မှာ လူ့အခွင့်အရေးအခြေအနေ ဆိုးနေတဲ့နိုင်ငံတွေတောင်မှ လူ့အခွင့်အရေးနဲ့ပတ်သက်ရင် မြန်မာအစိုးရအပေါ် ထောက်ခံမှုမရှိဘူးဆိုတာကို မကြာသေးခင်ကချမှတ်ခဲ့တဲ့ ကုလသမဂ္ဂလူ့အခွင့်အရေးကောင်စီရဲ့ ဆုံးဖြတ်ချက်ကပြနေတယ်လို့ လူ့အခွင့်အရေး စောင့်ကြည့်လေ့လာရေးအဖွဲ့ HRW က ပြောလိုက်ပါတယ်။ ပြီးခဲ့တဲ့ရက်ပိုင်းက ကျင်းပခဲ့တဲ့ ၂၉ ကြိမ်မြောက် ကုလသမဂ္ဂလူ့အခွင့်အရေးကောင်စီ အစည်းအရေးအတွင်း မြန်မာ့ လူ့အခွင့်အရေး အခြေအနေနဲ့ပတ်သက်တဲ့ ဆုံးဖြတ်ချက်တခု ချမှတ်ခဲ့တဲ့ အပေါ် HRW က အခုလို တုံ့ပြန်ပြောဆိုတာပါ။ မအင်ကြင်းနိုင်က အပြည့်အစုံ တင်ပြပေးထားပါတယ်။
    .
    ဇွန်လ (၁၅) ရက်နေ့ကနေ ဇူလိုင်လ (၃) ရက်နေ့ထိ ဂျီနီဗာမြို့မှာကျင်းပခဲ့တဲ့ (၂၉) ကြိမ်မြောက်ကုလသမဂ္ဂလူ့အခွင့်အရေးကောင်စီရဲ့ အစည်း အဝေးမှာ မြန်မာနိုင်ငံက ရိုဟင်ဂျာမူဆလင်တွေနဲ့ အခြားလူနည်းစုတွေရဲ့ လူ့အခွင့်အရေးချိုးဖောက်ခံနေရတဲ့ အခြေအနေတွေနဲ့ ပတ်သက်တဲ့ မြန်မာ့အရေး ဆုံးဖြတ်ချက်ကို မဲခွဲဆုံးဖြတ်ခြင်းမရှိဘဲ ပြီးခဲ့တဲ့သောကြာနေ့က အတည်ပြုခဲ့ပါတယ်။
    .
    ဒီဆုံးဖြတ်ချက်မူကြမ်းအဆိုကို OIC အစ္စလာမ်မစ် နိုင်ငံများ ပူးပေါင်းဆောင်ရွက်ရေး အဖွဲ့ကိုယ်စား ပါကစ္စတန်နိုင်ငံရဲ့ ကုလသမဂ္ဂဆိုင်ရာ သံအမတ်ကြီးက တင်သွင်း ခဲ့တာဖြစ်ပါတယ်။ အခုလို လူ့အခွင့်အရေးချိုးဖောက်မှုတွေရှိနေတဲ့ ပါကစ္စတန်လိုနိုင်ငံမျိုး ကတောင် မြန်မာနိုင်ငံတွင်း လူမျိုးရေးခွဲခြားမှု အခြေအနေ ဆိုးရွားနေတာကို ထောက်ပြပြောဆိုလာတဲ့ အတွက် မြန်မာအစိုးရရဲ့ ပြုပြင်ပြောင်းလဲရေး အပေါ် နိုင်ငံတကာထောက်ခံမှုတွေ ဘယ်လောက် ကျဆင်းလာသလဲဆိုတာကို တွေ့မြင်နိုင်တယ်လို့ နယူးရောက်အခြေစိုက် HRW လူ့အခွင့်အရေးစောင့်ကြည့်ရေးအဖွဲ့ကြီးရဲ့ အာရှရေးရာတာဝန်ခံ Brad Adams က ဗွီအိုအေကိုပြောပါတယ်။
    .
    “တကယ့်ကိုအရေးကြီးတဲ့ဆုံးဖြတ်ချက်ပါ။ ဘာကြောင့်လဲဆိုတော့ အနောက်နိုင်ငံတွေကပဲ လူ့အခွင့်အရေး ချိုးဖောက်မှုတွေကို ပြစ်တင်ပြောဆိုနေတာသာ ဖြစ်ပြီး အခြားနိုင်ငံတွေက စိတ်မဝင်စားဘူးလို့ မြန်မာအစိုးရ အမြဲတမ်းပြောနေတာပါ။ အခုမြန်မာ့အရေးဆုံးဖြတ်ချက်ကို ပါကစ္စတန်နိုင်ငံက ဦးဆောင် တင်သွင်းခဲ့တာဖြစ်ပြီး ဖွံဖြိုးဆဲနိုင်ငံ အတော်များများက ထောက်ခံခဲ့ပါတယ်။ ဒါဟာ လူ့အခွင့်အရေးအခြေအနေတွေဆိုးရွားနေတဲ့ ပါကစ္စတန်လိုနိုင်ငံမျိုးဆီကတောင် ထောက်ခံမှုတွေ မရနိုင်ဘူးဆိုတာ မြန်မာအစိုးရကို သတိပေးလိုက်တာပါပဲ။”
    .
    ဇူလိုင်လ (၂) ရက်နေ့က လူ့အခွင့်အရေးကောင်စီ အစည်းအဝေးမှာ မြန်မာ့အရေး ဆုံးဖြတ်ချက် မူကြမ်းအဆိုတင်သွင်းခဲ့တဲ့ ပါကစ္စတန် သံအမတ်ကြီး ကလည်း မြန်မာနိုင်ငံမှာ မူဆလင်တွေဟာ အသက်ရှင်နေထိုင်လုပ်ကိုင်ခွင့်၊ လက်ထပ်ထိမ်းမြားခွင့် ၊ မဲပေးပိုင်ခွင့်နဲ့ နိုင်ငံသားဖြစ်ခွင့် စတာတွေ ချိုးဖောက်ခံနေရတာဟာ ခွဲခြားဆက်ဆံတဲ့ဥပဒေပြဌာန်းချက်တွေကြောင့်ဖြစ်တယ်လို့ အခုလိုပြောသွားပါတယ်။
    .
    “ဒီဆုံးဖြတ်ချက်မူကြမ်းအဆိုရဲ့အဓိကရည်ရွယ်ချက်ကတော့ ရခိုင်ပြည်နယ်မှာရှိတဲ့ ရိုဟင်ဂျာ မူဆလင်တွေနဲ့ အခြားမြန်မာပြည်တဝှမ်းမှာရှိနေတဲ့ လူနည်းစုတွေရဲ့ လူ့အခွင့်အရေးချိုးဖောက်ခံရမှုတွေကို အထူးထောက်ပြဖို့ ဖြစ်ပါတယ်။ မြန်မာနိုင်ငံမှာ ခွဲခြားဆက်ဆံမှုတွေမရှိဘဲ လူ့အခွင့်အရေးကို မြှင့်တင်ဖို့နဲ့ ကာကွယ်ဖို့ လိုအပ်တဲ့ ကိစ္စရပ်တွေကို သေချာအောင်ဆောင်ရွက်ပေးဖို့ မြန်မာအစိုးရကို တောင်းဆိုပါတယ်။”
    .
    ဒါ့အပြင် မြန်မာအစိုးရရဲ့ ခွဲခြားဖိနှိပ်ဆက်ဆံမှုတွေကြောင့် ရိုဟင်ဂျာတွေဟာ အလုံးအရင်းနဲ့ ပင်လယ်ပြင်ကိုဖြတ်ပြီး ဒေသတွင်းနိုင်ငံတွေဆီ ထွက်ပြေး ခဲ့ကြတာ ဖြစ်တယ်လို့လည်း ပါကစ္စတန်သံအမတ်ကြီးကပြောသွားပါတယ်။ ဒီမူကြမ်းရေးဆွဲစဉ်ကာလတလျောက်လုံး OIC အနေနဲ့ ဂျီနီဗာမှာရှိတဲ့ မြန်မာ့ကိုယ်စားလှယ်အဖွဲ့ကို ဆက်သွယ်ခဲ့တယ်လို့ ဆိုပါတယ်။
    .
    လူ့အခွင့်အရေးကောင်စီက OIC ကဦးဆောင်တင်သွင်းတဲ့မြန်မာ့ အရေးဆုံးဖြတ်ချက်မူကြမ်းကို အတည်ပြုလိုက်တဲ့အပေါ်မှာ မြန်မာ အစိုးရဘက်က ပြင်းပြင်းထန်ထန် ကန့်ကွက်ခဲ့ပါတယ်။ ဇူလိုင်လ (၃) ရက်နေ့အစည်းအဝေးအတွင်း ဂျီနီဗာအခြေစိုက် ကုလသမဂ္ဂဆိုင်ရာ မြန်မာအမြဲတမ်း ကိုယ်စားလှယ် အဖွဲ့ခေါင်းဆောင် ဦးမောင်ဝေကလည်း ဒီမူကြမ်းအဆိုဟာ အစကတည်းက တင်ကိုမတင်သင့်တဲ့ အဆိုဖြစ်ပြီး မဟုတ်မမှန်စွပ်စွဲချက်တွေ ပါဝင်နေတယ်လို့ ပြင်းပြင်းထန်ထန် တုံ့ပြန်သွားပါတယ်။
    .
    “ဒီဆုံးဖြတ်ကိုအတည်ပြုလိုက်တာဟာ ဘာကောင်းကျိုးမှာ ဖြစ်စေမှာမဟုတ်ပါဘူး။ ဆန့်ကျင်ဘက်သက်ရောက်မှုပဲဖြစ်ပါလိမ့်မယ်။ မြန်မာနိုင်ငံမှာ မူဆလင်တွေရဲ့လူ့အခွင့်အရေးချိုးဖောက်ခံနေရတယ်ဆိုတဲ့အယူအဆဟာ အတော်လည်းကို လွဲနေပါတယ်။ မှားယွင်းနေတဲ့အမြင်သာဖြစ်ပြီး အဖြစ်အပျက် အမှန်တွေမဟုတ်ပါဘူး။”
    .
    (၂၉) ကြိမ်မြောက် လူ့အခွင့်အရေးကောင်စီ အစည်းအဝေးရဲ့ မြန်မာ့အရေး ဆုံးဖြတ်ချက်မှာတော့ မြန်မာနိုင်ငံက ရိုဟင်ဂျာမူဆလင်တွေနဲ့ အခြား လူနည်းစုတွေအပေါ် လူ့အခွင့်အရေးချိုးဖောက်မှုတွေကို လာမယ့် လူ့အခွင့်အရေးကောင်စီအစည်းအဝေးတွေမှာ လူ့အခွင့်အရေးဆိုင်ရာ မဟာ မင်းကြီးအနေနဲ့ တင်ပြပေးဖို့ ပန်ကြားထားပါတယ်ရှင်။
    .
    http://burmese.voanews.com/content/un-dicides-on-myanmar-minority-human-rights-/2850176.html

  • လူနည်းစုဝင်တို့ကို အရာပေး အလေးထားရမည့် မြန်မာပြည် (ဘာသာပြန် ဆောင်းပါး)

    အောက်တိုဘာ၊ ၁၆
    M-Media

    131002183345-myanmar-violence-burned-mosque---s027920270-story-top

    မြန်မာနိုင်ငံ၏အသွင်ကူးပြောင်းမှုသည် လက်ခံဖွယ်ရာရှိ၏။ သို့သော် မွတ်စ်လင်မ်လူ့အဖွဲ့အစည်းအပေါ် အကြမ်းဖက်မှုများက ၄င်းအား အရောင်စွန်းထင်းစေ၏။ ဤဆိုးဝါးသော တိုက်ခိုက်မှုတို့သည်ုမြန်မာပြည်၏ သွေးနုသားနု ဒီမိုကရေစီအတွက်သော်လည်းကောင်း၊ နိုင်ငံ၏ပုံရိပ်အတွက်သော် လည်းကောင်း ဒေသတွင်းနှင့်နိုင်ငံတကာ အသိုင်းအ၀ိုင်း အလယ်၌ ဧကန်ပင် အန္တရာယ်တစ်ရပ်ဖြစ်လာစေသည်။

    ယခုသီတင်းပတ်အတွင်း အကြမ်းဖက်မှုဖြစ်ပွားခဲ့သော ရခိုင်ပြည်နယ်သို့ သမ္မတဦးသိန်းစိန် ရောက်စဉ်က “ ပြီးခဲ့တဲ့ ပြဿနာတွေကြောင့် ဖြစ်ပေါ်လာတဲ့ ဆုံးရှုံး နစ်နာမှုများကို ပြန်လည် ထူထောင်ရေးကြိုးစားနေချိန်မှာ အဓိကရုဏ်းတွေ ထပ်မံ မဖြစ်ပွားဖို့ အရေးကြီးပါတယ်။ ရခိုင်ပြည်နယ် အစိုးရအနေနဲ့ ပြီးခဲ့တဲ့ အရေးအခင်းတွေ အပေါ် သင်ခန်းစာယူပြီး ပဋ်ိပက္ခရှောင်လွဲနိုင်ရေး အတွက် လူထုနဲ့ ပူးပေါင်းဆောင်ရွက်ဖို့ လိုအပ်ပါတယ် ” ဟု ပြောကြားခဲ့သည်။

    ဆောင်ရွက်ရမည့်လိုအပ်ချက် များစွာရှိနေသေး၏။ အကောင်းဆုံး လေ့ကျင့်မှုနှင့် အသုံးချကိရိယာများအသုံးပြု၍ ရဲဝန်ထမ်းတို့၏စွမ်းရည်မြှင့်တင်ရန်မှာလည်း အရေးပါသောကိစ္စ တစ်ခုဖြစ်သည်နှင့်အညီ လိုအပ်သည့် အပြောင်းအလဲတို့ကို ပြင်ပရှိ ကျွမ်းကျင်သူနှင့် ပူးပေါင်းကူညီချက် ပါဝင်မှ အရှိန်မြှင့်တင်နိုင်ပေမည်။

    သို့သော် ဤပြဿနာများအားဖြေရှင်းနိုင်သည့်နည်းလမ်းမှာ မြန်မာပြည်၏မြို့ရွာတိုင်း၌ တွေ့မြင်နိုင်ပေသည်။ ပြည်တွင်း မွတ်စ်လင်မ်လူ့အသိုင်းအ၀ိုင်းသည် မြို့အများစု နှင့် ရွာပေါင်းများစွာတွင် ပြန့်ကျဲလျက် ရှိနေကြ၏။ သို့သာမက မြန်မာမွတ်စ်လင်မ်တို့သည် နိုင်ငံ့စီးပွားရေးနှင့် အကျွမ်းဝင် အသားကျနေသည်မှာ ကြာညောင်းလှချေပြီ။ စီးပွားဖြစ်ထွန်းရာ မြို့တစ်မြို့ နယ် တစ်နယ် အကြမ်းဖက်မှုကြောင့် ဖျက်ဆီးခံရလျှင် ငွေကြေးလည်ပတ်မှုကဏ္ဍမှာ ထိခိုက်ချက်ကြီးမားကြာရှည် တတ်၏။ ဥပမာ – မိတ္ထီလာ မွတ်စ်လင်မ် လူ့အဖွဲ့အစည်းအပေါ် တိုက်ခိုက်မှုများက ဈေးကွက်များ ဆုတ်ယုတ် နိမ့်ကျသွားခြင်း၊ လာရောက်လည်ပတ်သူ မရှိတော့ခြင်း၊ ပုံမှန်ငွေးကြေး လည်ပတ်မှု စံနစ် ပြတ်တောက်သွားခြင်းတို့ ဖြစ်ရသည်။

    ဗုဒ္ဒဘာသာဗ မာလူမျိုးကြီး ၀ါဒထွက်ပေါ်ခြင်း နှင့် သံဃာဦးဆောင်သော ၉၆၉ အဖွဲ့၏သြဇာကြီးထွားလာခြင်း သည် ဘာသာပေါင်းစုံရောပြွမ်းရှိနေသည့်လူထုအတွက် အန္တရာယ်ဆိုး တစ်ရပ်ပင်ဖြစ်သည်။ ယင်း ၉၆၉ အဖွဲ့မှာ မွတ်စ်လင်မ်တို့၏စီးပွားရေးလုပ်ငန်းများကို သပိတ်မှောက်ရန်၊ ၄င်းတို့နှင့် မသင့်မြတ်ကြရန် တစိုက်မတ်မတ် လှုံ့ဆော်ဟောပြောနေကြသည်။ နိုင်ငံ၏ စစ်အုပ်ချုပ်ရေးနှ စ်များစွာအတွင်း အခြေခိုင်လာခဲ့သည့် ပရမ်းပတာဖြစ်မှု နှင့် အမျက်ဒေါသတို့အား ညစ်ညမ်းသော လှုပ်ရှားမှုတစ်ရပ်ကို သုံး၍ ပြည်တွင်း လူနည်းစုတစ်စု အပေါ် ဦးတည်နေခြင်း လမ်းကြောင်းမှ ဖယ်ခွာရန်၊ ဒီမိုကရေစီနည်းကျ သဟဇာတဖြစ်စွာ တိုင်းပြည် စီးပွားဖြစ်ထွန်းစေမည့် အကျိုးပြုအမြင် တစ်ရပ်ဖက်သို့ ရှေ့ရှုရန် လိုအပ်နေပေပြီ။

    မြန်မာအတွက် GPS မြင့်မားရေး ခြေလှမ်းများ
    ————————————————-
    မြန်မာနိုင်ငံအနေနှင့် အမျိုးသားစီးပွားရေးဝါဒ အဖြစ်ဟန်ဆောင်ထားသည့် အမုန်းတရား သွတ်သွင်းဟောပြောလှုံ့ဆော်နေခြင်းကို တရားဝင် ပယ်ဖျက်လိုက်ရန်လည်း လိုအပ်နေသည်။ ယင်းသို့ ဖော်ထုတ်ပြောဆိုနေချက်သည် ဒီမိုကရေစီစံနစ်နှင့်ဆန့်ကျင်သည်၊ အကြမ်းဖက်မှုကိုအားပေး၍ မတည်ငြိမ်မှုဖြစ်စေကာ စီးပွားရေးဖွံ့ဖြိုး တိုးတက်မှုအား ဖြိုလဲနေပေသည်။ ကျွမ်းကျင်မှု၊ ဘာသာစကားများ၊ အရင်းအနှီး၊ ပင်ကိုယ်တီထွင်စွမ်းရည်များတွင် လိုအပ်ချက်ကြီးမားနေသော အသာစီးရလူတို့အား အားပေးနေခြင်းထက် လူမျိုးဘာသာ ယဉ်ကျေးမှုစုံ သဟဇာတကျကျ ပါဝင်တည်ရှိသော ပွင့်လင်းမြင်သာလူ့အဖွဲ့အစည်းက  –  သီးသန့်စီရှိနေသည့် လူ့အရင်း အမြစ်စွမ်းအားများ တပေါင်းတစည်းတည်း ဖြစ်ပေါ်လာစေသည်။

    အရှေ့တောင်အာရှနှင့်နိုင်ငံတကာအသိုင်းအ၀ိုင်း၌ အခြားသောအကြောင်းအရာများထက် မြန်မာမွတ်စ်လင်မ်တို့အပေါ် ထားရှိသည့်ဆက်ဆံရေးကို ပိုမိုစောင့်ကြည့်ခံနေရ၏။ အကြောင်းမှာ မြန်မာနိုင်ငံသည် အရှေ့တောင်အာရှ အားကစားပြိုင်ပွဲ၏အိမ်ရှင် နှင့် အာဆီယံအသင်း ဥက္ကဌနေရာကို ရယူဆောင်ရွက်ရတော့မည်။ ကမ္ဘာ့အာရုံသည် မြန်မာနိုင်ငံ၏ အားကစားသမားများ၊ အာဏာပိုင်များ၊ သံတမန်များအပေါ်၌သာမက လက်ရှိဖြစ်တည်ဆဲ အုပ်ချုပ်ရေးစံနစ်နှင့် နိုင်ငံရေး အခင်းအကျင်းများအပေါ်တွင်လည်း စူးစိုက်လာကြမည်ဖြစ်သည်။ နိုင်ငံတစ်နိုင်ငံမှ ၄င်း၏လူနည်းစုဝင်များ အပေါ်ထားရှိသည့် ဆက်ဆံရေးသည် ထိုတိုင်းပြည်၏ ဒီမိုကရေစီစံနှုန်းပင်ဖြစ်၏။ ၂၀၁၁ ခုနှစ်၊ မတ်လ အရပ်သားဦးဆောင် အစိုးရကိုဖန်တီးလိုက်ချိန်မှ စ၍ မြန်မာပြည်၏ ပွင့်လင်းနွေးထွေးမှုမှာ နိုင်ငံတကာ၏ အကဲခတ်မှုအနေအထားသစ်သို့ တအုံနွေးနွေးရောက်ရှိနေသည်။ အလားတူစွာပင်  ဒီမိုကရေစီစံနစ်၊ မူဝါဒများ၊ လူ့အခွင့်အရေး၊ တရားဥပဒေစိုးမိုးရေးတို့နှင့် ပတ်သက်၍ အပြည်ပြည်ဆိုင်ရာ အဆင့်အတန်းနှင့် သတ်မှတ်ချက်များအပေါ် စွဲမြဲ လိုက်နာလာရန်ကိုလည်း အကြီးအကျယ် မျှော်လင့်ထားကြ၏။

    ယမန်နှစ် ဇွန်လ မြောက်ပိုင်းရခိုင်ပြည်နယ်မှစတင်လိုက်သည့် ဘာသာရေးအကြမ်းဖက်မှု ပြန့်ပွားလာရာတွင် အာဏာပိုင်များသည် ကျူးလွန်ပါဝင်သူများကို ထိရောက်ပွင့်လင်းမြင်သာစွာ အရေးယူမှုမရှိသောကြောင့် ကမ္ဘာတစ်ဝှန်းကလည်း စိုးရိမ်ခဲ့ကြသည်။ ဒေသခံလုံခြုံရေးဝ န်ထမ်းတို့မှ ဒေါသထွက်နေသည့် လူအုပ်ကို လောက်လောက်လားလား ထိန်းသိမ်းနိုင်စွမ်း မရှိခဲ့။ သံဃာတစ်ပါးအား သတ်ဖြတ်မှုကို မဆိုထားနှင့် ဈေးဆိုင်အချင်းများမှုကိုပင် မကိုင်တွယ်နိုင်ကြပေ။ တရားဥပဒေစိုးမိုးမှုအပေါ် အယုံအကြည်ကင်းမဲ့လာခြင်းက မိမိတို့ဖာသာ စီရင်ခြင်းကို အလျဉ်မပြတ်သော အကျိုးဆက်ဆိုးများနှင့် အတူ  ပြည်သူတို့အကြား ဖြစ်ပေါ်စေခဲ့သည်။

    အာဏာပိုင်တို့သည် လူမျိုးဘာသာမခွဲခြားပဲ နိုင်ငံသားတိုင်းကိုကာကွယ်ပေးခြင်း၊ အကြမ်းဖက်ကျူးလွန်သူများအား ရပ်တန့်စေခြင်း စသည်တို့ဖြင့် ဥပဒေမဲ့လုပ်ရပ်များအပေါ် နိုင်နင်းစွာထိန်းသိမ်းရမည့်အစား ရာဇ၀တ်မှုဆိုင်ရာဥပဒေအားလျစ်လျူရှုလျက်  လိုအပ်သည့်နေရာတွင် အခွင့်အာဏာနှင့်အင်အားကို လုံးဝနီးပါးအသုံးမပြုခဲ့ခြင်းကလည်း အကျိုးဆက်ဆိုးရွားခြင်း၏ အကြောင်းတစ်ရပ်ဖြစ်သည်။

    ရဲဌာနများသည် အဆင့်များစွာ၌ ပေါ့လျော့ပျက်ကွက်သည်ကား မှန်၏။ သို့သော် ဤသို့ ဖြစ်ကတတ်ဆန်းတုန့်ပြန်မှုမှာ ထိပ်ပိုင်းဆိုင်ရာအဆင့်မှပင် အစပြုနေ၏။ သမ္မတဦးသိန်းစိန်အနေနှင့် အသိတရားမဲ့ရမ်းကားမှုများကို လုံးဝ သည်းခံတော့မည် မဟုတ်ဟု ကြေငြာ ထားခဲ့၏။ ကြေငြာချက်၏နောက်တွင် မြန်မာပြည်သူ အပေါင်း၏လုံခြုံရေးကို ဦးစားပေးသောအားဖြင့် ပြတ်သားသော အမိန့်များနှင့်တစ်ကွ အာဏာကိုတည်စေမည့် ဆောင်ရွက်ချက်များကို အလွန်အကျွံအင်အားသုံးဖြိုခွဲမှုမပြုပဲ လုပ်ဆောင်ရန် လိုအပ်နေသည်။

    မန္တလေး နှင့် စစ်ကိုင်းတိုင်းမှဖြစ်ရပ်အချို့မှာ ကြိုတင် သတင်းရရှိထားသော်လည်း ရဲဝန်ထမ်းများအပါအ၀င် အာဏာပိုင်များ၏ တုန့်ပြန်မှုသည် အချိန်နှင့်တစ်ပြေးညီ ဖြစ်မလာခဲ့။ ပုံစံတူစော်ကားမှု၊ ဖြစ်ရပ်၊ အရောင်းအ၀ယ် အငြင်းပွားမှုတို့ဖြင့် စတင်လိုက်သော လူထုအကြားပြဿနာများကို တပြုံတမ ပျက်စီးမှုများနှင့်လူသေဆုံးမှုများ မဖြစ်လာစေဘဲ တမဟုတ်ချင်း ကိုင်တွယ်ညွှန်ကြားလိုက်ရမည်ဖြစ်သည်။

    မြန်မာခေါင်းဆောင်တို့သည် ရှင်းလင်းပြတ်သားရန်၊ ရဲတပ်ဖွဲ့တို့ကို မလှုပ်သာအောင်ထိန်းချုပ်မထားရန် လိုအပ်သည်။ တစ်ချိန်တည်းမှာပင် ပြည်တွင်းရှိ နိုင်ငံရေးနှင့် ဘာသာရေးခေါင်းဆောင်တို့သည်လည်း မိမိ၏ပြောဆိုချက်များ အပေါ် အလေးထားဆင်ခြင်ရပါမည်။ အကယ်၍ မြန်မာနိုင်ငံသည် ဤအချက်များကို ဆက်လက် ကျူးလွန် မှားယွင်းနေပါက ပြည်သူပြည်သားတိုင်း နစ်နာဆုံးရှုံးပေတော့မည်။ အဘယ်ကြောင့်ဟူမူ အကြမ်းဖက်မှု၊ မတည်ငြိမ်မှု၊ တစ်ယူသန်မှုနှင့်ပြည့်နှက်နေသော တိုင်းပြည်တစ်ပြည်၌ (သဘောရိုးဖြင့်) လာရောက်လည်ပတ်လိုသူ၊ ရင်းနှီးမြှုပ်နှံလိုသူ မရှိ၍ဖြစ်၏။

    သို့တစေလည်း မြန်မာပြည်သည် ဤအပြောင်းအလဲများအား မှန်ကန်အောင်ပြုလုပ်နိုင်ပါလျှင် ရွှေတံဆိပ်များ၊ ချီးမွှမ်းမှုများ၊ ကမ္ဘာလှည့်ခရီးသွားများ၊ ရင်းနှီးမြှုပ်နှံမှုများကိုသာမက နိုင်ငံ၏နယ်နမိတ်အတွင်း ငြိမ်းချမ်းရေးနှင့်တည်ငြိမ်ရေးကိုပါ အောင်မြင်စွာရရှိခံစားနိုင်မည်မှာ မလွဲတည်း။

    **  Jim Della-Giacoma ရေးသားသော CNN ၏ အထူးဆောင်းပါး Myanmar must embrace minorities ကို “ မြင့်မိုရ်မောင်မောင် ” မှ ဆီလျော်အောင်ပြန်ဆိုရေးသားသည်။
    ဆောင်းပါးရှင်၏ အမြင်ဖော်ပြချက်သာ ဖြစ်ပါသည်။

    Jim Della-Giacoma သည် International Crisis Group ၏ အာရှအစီအစဉ် ဒါရိုက်တာ ဖြစ်သည်။ သူ၏ ‘The Dark Side of Transition: Violence against Muslims in Myanmar’ အမည်ရှိ ရေးသားချက်အား အောက်တိုဘာ ၁ ရက်နေ့က ဖော်ပြခဲ့သည်။