News @ M-Media

Tag: muslim scientist

  • လေကြောင်းပျံသန်းမှု – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၆၂)

    လေကြောင်းပျံသန်းမှု – ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၆၂)

    ဒီဇင်ဘာ ၂၉၊ ၂၀၁၇
    M-Media

    ရာဇာ တင်ဆက်သည်

    (အပတ်စဉ် သောကြာနေ့တိုင်း ဖော်ပြသွားပါမည်)

    မွတ်စလင်ပညာရှင်ကြီး အစ်ဗနေ့ ဖီရ်နက်စ်၏ ပျံသန်းမှု

    ကောင်းကင်ပေါ်မှာ ပျံဝဲဖို့ဆိုတဲ့ စိတ်ကူးဟာ လူသားတွေအပေါ် နှစ်ထောင်းပေါင်းများစွာ စိုးမိုးခဲ့ပြီး စိန်ခေါ်မှုတစ်ခုလည်း ဖြစ်ခဲ့ပါတယ်။ ရှေးဟောင်းအီဂျစ်လူမျိုးတွေဟာ ဖာရိုဘုရင်တွေ အတောင်နဲ့ ပျံသန်းတဲ့ပုံတွေကို ရေးဆွဲပြီး ပျံသန်းချင်တဲ့ သူတို့ရဲ့ စိတ်ဆန္ဒကို နံရံဆေးရေးပန်းချီတွေနဲ့ ဖော်ပြခဲ့ကြပါတယ်။ တရုတ်တွေ၊ ဂရိတွေနဲ့ ပါရှန်တွေမှာလည်း ပျံသန်းမှုနဲ့ ပတ်သက်တဲ့ ရာဇ၀င်တွေ၊ ဒဏ္ဍာရီတွေ ရှိကြပါတယ်။

    အဲဒီအထဲက အကျော်ကြားဆုံး ပုံပြင်တစ်ခုကတော့ သက္ကရာဇ် ၁၀၀၀ လောက်မှာ ရေးသားခဲ့တဲ့ အလ်-ဖီရ်ဒေါင်စီ (Al-Firdawsi) ရဲ့ Book of Kings (ရှင်ဘုရင်များအကြောင်း) စာအုပ်မှာ ဖော်ပြထားပါတယ်။ အဲဒါကတော့ ပါရှန်ဘုရင် ကိုင်ကောင်ဝက်စ် (Kai Kawus) ဟာ နတ်ဘုံနတ်နန်းကို သွားရောက်ဖို့ အကြံရလာတာကြောင့် သူ့ရဲ့ ပလ္လင်ကို ပျံသန်းမယ့်ယာဉ်အဖြစ် အသွင်ပြောင်းခဲ့တယ်ဆိုတာပါ။ ပလ္လင်ရဲ့ လေးဘက်လေးလံမှာ တိုင်လေးခုကို ထောင်ပြီး အသားတုန်းတွေတင်ကာ အလွန်ဆာလောင်နေတဲ့ သိန်းငှက်တွေကို တိုင်ရဲ့အောက်ခြေမှာ သံကြိုးနဲ့ချည်ထားပါတယ်။ သိန်းငှက်တွေက အသားတုံးကိုရဖို့ ပျံတက်ရင် ပလ္လင်ပါ လေပေါ်ပျံအောင် ရည်ရွယ်တာဖြစ်ပြီး ငှက်တွေ မောပန်းလာရင်တော့ ပလ္လင်ပျံကြီးလည်း ပျက်ကျမှာ အသေအချာပါပဲ။

    အစ္စလာမ်မတိုင်ခင် အာရပ်တွေရဲ့ဒဏ္ဍာရီမှာလည်း မိုးပေါ်ပျံတဲ့ မှော်ဆရာတွေအကြောင်း၊ ငှက်တွေအကြောင်း၊ တန်ခိုးရှင်တွေအကြောင်း၊ နတ်သားတွေအကြောင်း ပုံပြင်တွေ တော်တော်များများ ရှိခဲ့ပါတယ်။ မွတ်စလင်တွေအတွက် ပျံသန်းခြင်းဆိုတာ နာမ်ပိုင်းဆိုင်ရာ အဆင့်အတန်းတစ်ခုပါ။ အကျင့်သီလ စင်ကြယ်စွာနေထိုင်ကာ အချိန်အတိုင်းအတာတစ်ခုအထိ တရားအားထုတ် ကျင့်ကြံပြီးတဲ့နောက် ဒီအဆင့်အတန်းကို ရရှိကာ မိုးပေါ်ပျံတက်နိုင်တာ ဖြစ်ပါတယ်။

    တကယ် လေပေါ်မှာပျံနိုင်တဲ့ စက်တစ်ခုကို စတင်တည်ဆောက်ကာ ပျံသန်းပြခဲ့တဲ့ ပထမဆုံး မွတ်စလင်က ၉ ရာစု ကော်ဒိုဘာက အဘတ်စ် အစ်ဗနေ့ ဖီရ်နက်စ် (Abbas ibn Firnas) ဖြစ်ပါတယ်။ သူဟာ ပျံသန်းမှုကို ပထမဆုံးလုပ်တဲ့ လူသားလည်း ဖြစ်ပါတယ်။ ဖီရ်နက်စ်ဟာ သူ့ခေတ် သူ့အခါက စွယ်စုံရ ပညာရှင်တစ်ဦး ဖြစ်ပြီး၊ ထင်ရှားတဲ့ ကဗျာဆရာ၊ နက္ခတ္တဗေဒပညာရှင်၊ ဂီတပညာရှင်နဲ့ အင်ဂျင်နီယာတစ်ယောက်ပါ။ ဒါပေမယ့် သူ့ရဲ့ အကြီးမားဆုံး ဂုဏ်သတင်းက လူသားကို လေထဲမှာ ပျံသန်းစေတဲ့ ကိရိယာတစ်ခု ပထမဆုံး တီထွင်နိုင်မှု ဖြစ်ပါတယ်။ သဲထူတဲ့နေရာတွေမှာ အကြိမ်ပေါင်းများစွာ ပျံသန်းကာ သူ့ရဲ့ ကိရိယာကို ပိုမိုကောင်းမွန်အောင် ဖီရ်နက်စ်က ပြင်ဆင်ခဲ့ပြီး ကော်ဒိုဘာမှာ ပြုလုပ်ခဲ့တဲ့ သရုပ်ပြပျံသန်းမှု နှစ်ကြိမ်ကတော့ တော်တော်လေး ထင်ရှားပါတယ်။

    ပထမဆုံးပျံသန်းမှုကို သက္ကရာဇ် ၈၅၂ ခုနှစ်မှာ ပြုလုပ်ခဲ့ပြီး သစ်သားဖရိန်နဲ့ လုပ်ထားတဲ့ ပိုးဝတ်ရုံကို ခန္ဓာကိုယ်မှာချည်ကာ ကော်ဒိုဘာ ဂျာမေဗလီကြီးရဲ့ မင်နာရတ်မျှော်စင်ကနေ ပျံသန်းပြခဲ့တာ ဖြစ်ပါတယ်။ ဒီပျံသန်းမှုဟာ မအောင်မြင်ခဲ့ဘဲ အကျတော်တာကြောင့် ဖီရ်နက်စ်ဟာ အသက်ဘေးက လွတ်ခဲ့ပြီး ဒဏ်ရာအနည်းသာ ရခဲ့ပါတယ်။ ဒါဟာ အစောဆုံး လေထီးခုန်မှုတွေထဲက တစ်ခုအဖြစ် မှတ်ယူခံခဲ့ရပါတယ်။ အနောက်တိုင်းရင်းမြစ်တွေက ဖီရ်နက်စ်ကို လက်တင်နာမည်မှားနဲ့ အာရ်မင် ဖီရ်မန်လို့ ဖော်ပြခဲ့ပါတယ်။

    အစ်ဗ်နေ့ ဖီရ်နက်စ်ဟာ အတွေ့အကြုံကနေ ကောင်းမွန်စွာ သင်ယူနိုင်သူတစ်ယောက်ပါ။ သူ့ရဲ့ နောက်ထပ်ဒီဇိုင်းကို ပိုကောင်းအောင် ကြိုးစားခဲ့ပါတယ်။ သူ့ရဲ့တီထွင်မှုကို ကိုယ်တွေ့ကြုံသူတွေရဲ့ ဖောက်သည်ချမှု၊ အလယ်ခေတ်မှတ်တမ်းတွေမှာ ဖော်ပြထားမှုတွေအရ ဖီရ်နက်စ်ရဲ့ လေပေါ်ဝဲ ကိရိယာမှာ တောင်ပံကြီးနှစ်ခု ပါဝင်တယ်လို့ သိရပါတယ်။ ဒါ့ကြောင့် နှစ်ပေါင်း ၁၂၀၀ အရင်က အသက် ၇၀ နီးပါးရှိနေပြီဖြစ်တဲ့ အဘိုးအို ဖီရ်နက်စ်ဟာ ပျံသန်းတဲ့ အစီအနင်းတစ်ခုကို ပိုးထည်၊ သိန်းငှက်အမွှေးတွေနဲ့ ပြုလုပ်ခဲ့တယ်ဆိုတာ သိရှိရပါတယ်။

    ဒုတိယအကြိမ် သရုပ်ပြပျံသန်းမှုကို ဖီရ်နက်စ်ဟာ ကော်ဒိုဘာဆင်ခြေဖုံး ရူဆာဖာဒေသက တောင်တစ်ခုပေါ်ကနေ ပြုလုပ်ခဲ့တာ ဖြစ်ပါတယ်။ ပိုးပိတ်စပေါ်မှာ သိန်းငှက်အမွှေးတွေနဲ့ စီရင်ထားတဲ့ ငှက်တောင်ပံဝတ်စုံကို ခန္ဓာကိုယ်မှာ ပိုးကြိုးတွေနဲ့ ခိုင်ခံ့အောင်ချည်ထားပြီး တောင်ပေါ်တက်သွားတဲ့ ဖီရ်နက်စ်ကို လူအုပ်ကြီးက မျှော်တလင့်လင့်နဲ့ စောင့်ကြည့်ခဲ့ကြပါတယ်။ ပထမဆုံး သူ့ရဲ့ လက်နှစ်ဖက်မှာ တပ်ဆင်ထားတဲ့ တောင်ပံတွေနဲ့ ဘယ်လို ပျံသန်းမလဲဆိုတဲ့ အစီအစဉ်ကို ဖီရ်နက်စ်က လူထုကို ရှင်းခဲ့ပါတယ်။

    “မကြာခင်မှာ ကျွန်တော်ဟာ ခင်ဗျားတို့ကို အံ့သြမှင်သက်စေမှာပါ။ ဒီတောင်ပံတွေကို တစ်ဖျတ်ဖျတ်ခတ်ပြီး ငှက်တစ်ကောင်လို ပျံဝဲဆင်းသက်မှာ ဖြစ်ပါတယ်။ အားလုံးအဆင်ပြေမယ်ဆိုရင်တာ့ အချိန်အတိုင်းအတာတစ်ခုအထိ လေပေါ်မှာ ၀ဲပျံကာ အန္တရာယ်ကင်းကင်းနဲ့ ခင်ဗျားတို့ဆီကို ပြန်လာနိုင်မှာ ဖြစ်ပါတယ်”

    ဖီရ်နက်စ်ဟာ တော်တော်မြင့်မြင့်မှာ ၁၀ မိနစ်လောက် ပျံသန်းနိုင်ခဲ့ပေမယ့် မြေပြင်ပေါ်အဆင်းမှာ တစ်ရှိန်ထိုးကျခဲ့ပြီး တောင်ပံတွေ ပျက်ဆီးကာ ခါးရိုးနုတစ်ခုလည်း ကျိုးသွားခဲ့ပါတယ်။ ဒီအဖြစ်အပျက် နောက်ပိုင်းမှာ ဖီရ်နက်စ်က အမြီးရဲ့ အခန်းကဏ္ဍကို နားလည်သွားပြီး ငှက်တွေ မြေပြင်ကိုဆင်းတဲ့အခါ အမြီးအားပြု ဆင်းတာဖြစ်ကာ သူ့မှာ ဒီလို အမြီးမပါတဲ့အတွက် ပျက်ကျခဲ့တာလို့ မိတ်ဆွေတွေကို ပြောပြခဲ့ပါတယ်။

    ခေတ်သစ် လေယာဉ်တွေအားလုံးဟာ မြေပြင်ပေါ်ဆင်းတဲ့အခါမှာ နောက်ဘီးကို အရင်ချပြီး ဒါဟာ ဖီရ်နက်စ်ရဲ့မှတ်ချက်ကို သက်သေပြနေတာလည်း ဖြစ်ပါတယ်။ ဒီအဖြစ်အပျက်ကို ကြုံတွေ့လိုက်ရတဲ့တစ်ယောက်က “သူဟာ ငှက်တစ်ကောင်လို တော်တော်ဝေးဝေး ပျံသန်းနိုင်ခဲ့ပေမယ့် စပျံတဲ့နေရာကို တစ်ရှိန်ထိုးပြန်ကျခဲ့ပြီး ခါးလည်း တော်တော်ထိသွားပါတယ်။ ငှက်တွေဟာ မြေပေါ်ကို အမြီးအားပြုပြီး သာသာလေးဆင်းတယ်ဆိုတာ သူ မသိခဲ့တာကြောင့် အမြီးထည့်ဖို့လည်း မေ့သွားခဲ့ပါတယ်” လို့ ရေးသား မှတ်တမ်းတင်ခဲ့ပါတယ်။

    ဖီရ်နက်စ်ရဲ့ ဒီကြိုးပမ်းဟာ လီယိုနာဒို ဒါဗင်ချီက ပျံသန်းနိုင်တဲ့စက်တစ်ခုကို ပုံဖော်ရေးဆွဲမှု၊ ရိုက်ညီနောင်ရဲ့ ပထမဆုံး လေယာဉ်တီထွင်မှု မတိုင်ခင် ရာစုနှစ်ချီအရင်က ပေါ်ပေါက်ခဲ့တာဖြစ်ပါတယ်။

    ကံမကောင်းတာက ဒီပျံသန်းမှုမှာ ဒဏ်ရာရသွားတာကြောင့် ဖီရ်နက်စ်ဟာ နောက်ပိုင်းမှာ စမ်းသပ်မှုတွေ ထပ်မလုပ်နိုင်တော့တာပါ။ ဒါပေမယ့် သူဟာ အရည်အချင်းရှိသူတစ်ယောက်ဖြစ်ပြီး သူ့အလုပ်သင်တွေထဲက တစ်ယောက်ယောက်ကို ပိုကောင်းတဲ့တစ်ခု ဖန်တီးဖို့ လမ်းညွှန်ခဲ့ပါတယ်။

    ဖီရ်နက်စ်ရဲ့ ဒီပျံသန်းတဲ့ကိရိယာကို ရော်ဂျာ ဘေကွန် (Roger Bacon) က သူ့ရဲ့စာအုပ်မှာ အော်နီသိုပတာ (Ornithopter) လို့ ခေါ်ဝေါ်သုံးစွဲခဲ့ပါတယ်။ ၁၂၆၀ ခုနှစ်မှာ ဘေကွန်ဟာ On the Marvelous Powers of Art and Nature (အနုပညာနှင့် သဘာဝ၏ အံ့ချီးဖွယ် စွမ်းအားများဖြင့်) ဆိုတဲ့ စာအုပ်ကို ရေးသားခဲ့ပြီး လူသားတွေ ပျံသန်းနိုင်မယ့် နည်းလမ်း ၂ မျိုးကို ဖော်ပြခဲ့ပါတယ်။ တစ်မျိုးကတော့ နောက်ပိုင်းမှာ အော်နီသိုပတာလို့ သိကြတဲ့ ကိရိယာအကြောင်း အကြမ်းဖျင်းဖြစ်ပါတယ်။ နောက်တစ်မျိုးက ပုံမှန်မဟုတ်တဲ့လေ ဖြည့်ထားတဲ့ ဘောလုံးအကြောင်းဖြစ်ပြီး တော်တော်အသေးစိတ် ရေးထားတာပါ။ ဘေကွန်ဟာ ဖီရ်နက်စ်ရဲ့ဇာတိ ကော်ဒိုဘာမှာ ပညာသင်ယူခဲ့တယ်လို့လည်း သိရပါတယ်။ ဒါ့ကြောင့် အော်နီသိုပတာနဲ့ပတ်သက်ပြီး ခေတ်ပြိုင် မွတ်စလင်သိပ္ပံကျမ်းတွေကို မှီညမ်းရေးထားတာမျိုး ဖြစ်ဖွယ်ရှိပါတယ်။ အော်နီသိုပတာနဲ့ပတ်သက်ပြီး မွတ်စလင်သိပ္ပံကျမ်းတွေကတော့ အဲဒီကတည်းက ပျောက်ပျက်သွားခဲ့ပါတယ်။

    အစ်ဗနေ့ ဖီရ်နက်စ်ဟာ သက္ကရာဇ် ၈၈၇ ခုနှစ်မှာ ကွယ်လွန်ခဲ့ပြီး သူ့ရဲ့ ရေးသားမှုတွေ တစ်ခုမှ ဒီနေ့အချိန်မှာ မရှိတော့ပါဘူး။ သူ့ခေတ်တုန်းက အသက်ရှင်သူတစ်ချို့ရဲ့ ရေးသားမှတ်တမ်းတင်မှုတွေ၊ ရာဇ၀င်ဆရာတွေရဲ့ ဖော်ပြမှုတွေကနေတစ်ဆင့် သူ့ရဲ့အကြောင်းကို ပြန်လည် စုစည်းရတာ ဖြစ်ပါတယ်။

    အစ်ဗနေ့ ဖီရ်နက်စ်နောက်ပိုင်းမှာ မွတ်စလင်ရော၊ မွတ်စလင်မဟုတ်သူတွေပါ လေပေါ်ပျံသန်းနိုင်ရေး ကြိုးပမ်းအားထုတ်ခဲ့ကြပြီး၊ စမ်းသပ်ပျံသန်းမှု တော်တော်များများကိုလည်း ပြုလုပ်ခဲ့ကြပါတယ်။ ၁၀၀၂ ခုနှစ်မှာ တူရကီ ကျောင်းဆရာတစ်ဦးဖြစ်တဲ့ အလ်-ဂျူဟာရီ (Al-Juhari) ဟာ သစ်သားနဲ့ ကြိုးတွေအသုံးပြုပြီး ဖန်တီးထားတဲ့ တောင်ပံကိုသုံးကာ အူလူဗလီ (Ulu Mosque) ရဲ့ မင်နာရတ်မျှော်စင်ပေါ်ကနေ ခုန်ချပျံသန်းပြခဲ့ပါတယ်။ ဒါပေမယ့် မအောင်မြင်ခဲ့ဘဲ မြေပြင်ပေါ်ပျက်ကျ သေဆုံးခဲ့ပါတယ်။ သက္ကရာက် ၁၁ ရာစု အင်္ဂလိပ် ခရစ်ယာန်ဘုန်းတော်ကြီး အီလ်မာ အော့ဖ် မာလ်မက်စ်ဘူရီ (Eilmer of Malmesbury) ဟာ ၁၀၁၀ ခုနှစ်မှာ တာဝါတစ်ခုပေါ်ကနေ ပျံသန်းပြကာ ပေ ၆၀၀ လောက် အကွာအဝေးကို ရောက်ခဲ့ပေမယ့် အမြီးမပါတဲ့အတွက် တစ်ရှိန်ထိုးပြုတ်ကျကာ ခြေထောက်နှစ်ဖက်စလုံး ကျိုးသွားခဲ့ပါတယ်။

    အဲဒီကြိုးပမ်းမှုတွေနောက်ပိုင်းမှာ လူသားရဲ့ လေကြောင်းသမိုင်းဟာ ခေတ္တငြိမ်သက်ခဲ့ပြီး နာမည်ကျော် ဖလော့ရင့် အနုပညာရှင်နဲ့ သိပ္ပံပညာရှင် လီယိုနာဒိုဒါဗင်ချီရဲ့ လက်ထက်ရောက်မှ ပြန်လည်တစ်ခေတ်ဆန်းခဲ့ပါတယ်။

    လီယိုနာဒို ဒါဗင်ချီဟာ လူသားတွေ ပျံသန်းနိုင်ဖို့ ကြိုးစားမှုမှာ လက်တွေ့ကျတဲ့ သိပ္ပံဆိုင်ရာ အယူဆကို သွတ်သွင်းပေးခဲ့ပါတယ်။ ကိုယ်တိုင် မပျံသန်းခဲ့ပေမယ့် သူဟာ လူတွေရဲ့ ကျောကုန်းမှာ တပ်ဆင်ပျံသန်းရတဲ့ အော်နီသိုပတာလို့ခေါ်တဲ့ ငှက်အတောင်ပံ အပါအ၀င် လေယာဉ်ပျံ၊ ပျံသန်းမှုဆိုင်ရာနဲ့ ဆက်စပ်တဲ့ အကြောင်းတွေကို ပုံတွေ၊ စာတွေနဲ့တကွ တော်တော်များများ ရေးသားခဲ့ပါတယ်။ ဂလိုက်ဒါလို ယာဉ်မျိုး ရေးဆွဲထားတာတွေလည်းရှိပြီး တစ်ချို့က ဒါကို ဟယ်လီကော်ပတာလို့တောင် ခေါ်ဆိုကြပါတယ်။

    ၁၆၆၃ ခုနှစ်မှာ လာဂါရီ ဟာဆန် ဆီလီဗီ (Lagari Hasan Celebi) ဆို့တဲ့ တာ့ခ်လူမျိုးတစ်ယောက်ဟာ လောင်စာအဖြစ် ယမ်းမှုန့် ပေါင် ၃၀၀ ကို အသုံးပြုပြီး လူစီးတဲ့ ဒုံးပျံကို ပထမဆုံး တီထွင်ပစ်လွှတ်နိုင်ခဲ့ပါတယ်။ ဒီဖြစ်ရပ်ကို ပန်းချီဆရာတစ်ယောက်က ရေးဆွဲ မှတ်တမ်းတင်ထားခဲ့ပါတယ်။ ၀ီလီယံ အီး ဘာရိုး (William E.Burrows) က သူ့ရဲ့ The New Ocean: The Story of the First Space Age (သမုဒ္ဒရာသစ် – အာကာသခေတ်သစ်အကြောင်း) စာအုပ်မှာ အောက်ပါအတိုင်း ရေးသားခဲ့ပါတယ်။

    “လာဂါရီ ဟာဆန် ဆီလီဘီ ဆိုတဲ့ တာ့ခ်လူမျိုးတစ်ယောက်ဟာ ဆူလ်တန် မူရဒ် ၄ (Sultan Murad IV) ရဲ့ သမီး ကာယာ ဆူလ်တန် (Kaya Sultan) မွေးဖွားတဲ့အထိမ်းအမှတ်အဖြစ် ယမ်းမှုန့် ၅၄ ပေါင်ကို အသုံးပြုပြီး ကောင်းကင်ပေါ်ကို ပစ်ဖောက်ခဲ့ပါတယ်။ ဒီဒုံးပျံက ဆီလီဘီကို လေထဲ ခေါ်ဆောင်သွာပြီး ခပ်မြင့်မြင့်ရောက်တဲ့အခါ သူဟာ တောင်ပံတွေကိုဖြန့်ကာ နန်းတော်ရဲ့အရှေ့မှာ အန္တရာယ်ကင်းစွာ ဆင်းပြနိုင်ခဲ့ပါတယ်။ ဆီလီဘီဟာ ရွှေတုံးတစ်အိတ် ဆုလာဘ်အဖြစ် ရခဲ့ပြီး မြင်းတပ်အရာရှိလည်း ဖြစ်ခဲ့ပါတယ်။ သူဟာ ခရိုင်းမီးယားတိုက်ပွဲမှာ ကျဆုံးသွားတယ်လို့ ပြောစမတ်ရှိပါတယ်”

    ၁၇ ရာစုမှာ နောက်ထပ် တာ့ခ်လူမျိုးတစ်ဦးဖြစ်တဲ့ ဟာဇာဖန် အဟ်မဒ် ဆီလီဘီ (Hazaren Ahmed Celebi) ဟာ တောင်ပံမှာ သိမ်းငှက်အမွှေးတွေကိုချည်ကာ ပျံသန်းဖို့ ကြိုးစားခဲ့ပါတယ်။ စမ်းသပ်မှု ၉ ကြိမ်ပြုလုပ်ပြီးနောက်ပိုင်းမှာ တောင်ပံနောက်ဆုံးဒီဇိုင်းကို ဟာဇာဖန်က ဖန်တီးခဲ့ပါတယ်။ သူ့ရဲ့ အကျော်ကြားဆုံး ပျံသန်းမှုက ၁၆၃၈ ခုနှစ် အစ္စတန်ဘူလ်မြို့က ဘော့စ်ပိုရက်စ်ရေလက်ကြားအနီး ဂါလာတာတာဝါက  ပျံသန်းမှုဖြစ်ပြီး ရေလက်ကြားရဲ့တစ်ဖက်ကို အောင်မြင်စွာ ဆင်းပြနိုင်ခဲ့ပါတယ်။ ဒီအဖြစ်အပျက်ကို ကိုယ့်တွေ့ကြုံခဲ့တဲ့ တူရကီသမိုင်းပညာရှင် အီဗ်လီယာ ဆီလီဘီက ‘နာမည်ကျော် တူရကီ ပျံသန်းရေးသမားဟာ သိန်းငှက်တွေရဲ့ ပျံသန်းမှုကို လေ့လာမှုကနေ ထွက်လာတဲ့ အလ်-ဂျူဟာရီ (Al-Juhari) ရဲ့ တွက်ချက်မှုကို ပြင်ဆင်၊ ချိန်ညှိကာ အသုံးပြုခဲ့ပါတယ်။ ဟာဇာဖန်ဟာ သူ့ရဲ့အောင်မြင်မှုအတွက် လာဘ်လာဘအဖြစ် ရွှေတုံးတော်တော်များများ ရရှိခဲ့ပြီး သူ့ရဲ့ သမိုင်းဝင်ပျံသန်းမှုကို ဂုဏ်ပြုတဲ့အနေနဲ့ တူရကီ စာတိုက်တံဆိပ်ခေါင်းမှာလည်း သူ့ပုံကို ရိုက်နှိပ်ခဲ့ပါတယ်’ လို့ သူ့ရဲ့ A Book of Travel (ခရီးသွားမှတ်တမ်း) မှာ ဖော်ပြထားပါတယ်။

    ဘော့စ်ပိုရက်စ် ရေလက်ကြားကို ဖြတ်ပြီး ပျံသန်းခဲ့ပြီးတဲ့နောက်ပိုင်း မီးပုံးပျံနဲ့ လေပေါ်ပျံမယ့် အစီအစဉ်ကို လူသိရှင်ကြား ဆောင်ရွက်ခဲ့သူကတော့ မွန့်ဂိုလ်ဖိုင်ယာ (Montgolfier) ညီအစ်ကို ဖြစ်ပါတယ်။ သူတို့ရဲ့ ဒီပျံသန်းမှုမှာ သိုးတစ်ကောင်၊ ဘဲတစ်ကောင်နဲ့ ကြက်ဖတစ်ကောင်တို့ကို တင်ဆောင်ခဲ့ပါတယ်။ နောက်ထပ် သီတင်းပတ်အနည်းငယ်အကြာမှာတော့ သိပ္ပံဆရာတစ်ဦးဖြစ်တဲ့ ဂျန် ဖရန်ကိုအစ် ပီလဲထရီ ဒီ ရိုဇီယာ (Jean Francois Pilatre de Rozier) နဲ့ စစ်တပ်အရာရှိ မားကွစ် ဒီ အာလန်ဒက်စ် (Mrquis d’rlandes) တို့ဟာ မီးပုံပျံနဲ့ ပဲရစ်မြို့ပေါ်မှာ ၉ ကီလိုမီတာ (၅.၆ မိုင်) လောက် ပျံသန်းပြခဲ့ပြီး ကမ္ဘာ့ ပထမဆုံး လေကြောင်းခရီးသွားတွေ ဖြစ်ခဲ့ပါတယ်။

    ၁၉ ရာစု လေကြောင်းနယ်ပယ်မှာ ထင်ရှားသူက ဂျာမန်နိုင်ငံသား အိုတို လီလီယန်သဲလ် (Oto Lilienthal) ဆိုသူဖြစ်ပြီး မြေပြင်က ပင့်တက်အား၊ အသုံးအ၀င်ဆုံး တောင်ပံအကွေးပုံစံ၊ တောင်ပံရဲ့ မတူညီတဲ့ ထောင့်ချိုးတွေကြောင့် ဖိအားပြောင်းလဲပြီး ရွေ့လျားမှု စတာတွေကို လေ့လာခဲ့ပြီး ဒါတွေဟာ လေယာဉ်တစ်ခု တည်ငြိမ်ဖို့အတွက် အရေးကြီးတဲ့ အကြောင်းအရင်းတွေ ဖြစ်ပါတယ်။ သူ့မှာ လက်နဲ့ ချိတ်လိုက်ရတဲ့ ဂလိုက်ဒါကောင်းကောင်းတစ်ခု ရှိခဲ့ပေမယ့် ၁၈၉၆ ခုနှစ် ဘာလင်က တောင်းကုန်းတွေပေါ်မှာ ပျံသန်းစဉ် လေတစ်ချက်အဝှေ့မှာ ဂလိုက်ဒါက တစ်ရှိန်ထိုး ကျဆင်းပြီး ပြန်မထိန်းချုပ်နိုင်တာကြောင့် ပျက်ကျသေဆုံးခဲ့ပါတယ်။

    ၁၉၀၃ ခုနှစ် ဒီဇင်ဘာ ၁ ရက်နေ့မှာ ရိုက်ညီနောင် လုပ်ခဲ့တဲ့ ပျံသန်းမှုဟာ လူတွေသိထားတဲ့ လေကြောင်းသမိုင်းမှာ အကျော်ကြားဆုံး ဖြစ်ပါတယ်။ ၀ီလ်ဘာ ရိုက် (Wilbur Wright) ဟာ အစ်ဗနေ့ ဖီရ်နက်စ်လို ငှက်တွေကို အာရုံစိုက် လေ့လာခဲ့ပါတယ်။ ငှက်တွေဟာ ဘေးဟန်ချက် ထိန်းတဲ့အခါမျိုး၊ ဘေးလှည့်တဲ့အခါမျိုးမှာ တောင်ပံကို ကွေးပြီး လှည့်တယ်ဆိုတာ ၀ီလ်ဘာ ရိုက်က သတိထားမိခဲ့ပြီး ဒီလို ရွေ့လျားမှုစနစ် ပါဝင်တဲ့ စွန်တစ်ခုကို တီထွင်ကာ စမ်းသပ်ခဲ့ပါတယ်။

    စက်အားနဲ့သွားတဲ့ လေယာဉ်ကို မတီထွင်ခင်မှာ ရိုက်ညီနောင်ဟာ ဂလိုက်ဒါတွေကို အသုံးပြု ပျံသန်းခဲ့ပြီး ‘မတော်တဆဖြစ်ရပ်မျိုးကို ရှောင်ရှားဖို့၊ လိုအပ်တဲ့ ကျွမ်းကျင်မှုတွေရဖို့’ ရည်ရွယ်တာဖြစ်ပါတယ်။ လေယာဉ်ကို ကွေ့တဲ့အခါမှာ ပိုမိုညင်သာဖို့အတွက် သူတို့နှစ်ယောက်ဟာ အမြီးပိုင်းနဲ့ တောင်ပံတွေမှာ တက်မတွေ တပ်ဆင်ကာ ပေါင်းစပ်အသုံးပြုတဲ့ အရေးပါတဲ့ နည်းလမ်းတစ်ခုကိုလည်း ဖော်ထုတ် အသုံးပြုနိုင်ခဲ့ပါတယ်။ ၁၉၀၈ ခုနှစ်မှာ ၀ီလ်ဘာ ရိုက်ဟာ ပြင်သစ်မှာ သူတို့ရဲ့လေယာဉ်ပျံကို ပထမဆုံး ပျံသန်းပြခဲ့ပြီး တစ်နှစ်အတွင်း ဟင်နရီ ဖာမန် (Henri Farman) နဲ့ လူးဝစ် ဘလီရီယော့တ် (Bleriot) တို့ကလည်း ပျံသန်းမှုတွေကို တိုးချဲ လုပ်ဆောင်ခဲ့ပါတယ်။

    ဒီလို လေကြောင်းသမိုင်း၊ အာကာသအထိ ခရီးပေါက်မှုတွေဟာ လေပေါ်ပျံတက်ဖို့ဆိုတဲ့ စိတ်ကူးကို သိန်းငှက်အမွှေး၊ ပိုးပိတ်စတွေနဲ့ အကောင်အထည်ဖော်ခဲ့တဲ့ အစ်ဗနေ့ ဖီရ်နက်စ်ဆိုတဲ့ လူတစ်ယောက်ကနေ စတင်ခဲ့တာပဲ ဖြစ်ပါတယ်။

    (ကိုးကား- National Geographic ၏ 1001 Inventions – The Enduring Legacy of Muslim Civilization)

    (ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်

  •  နက္ခတ္တဗေဒ ကိရိယာများ-ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၅၇)

     နက္ခတ္တဗေဒ ကိရိယာများ-ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ (၅၇)

    စက်တင်ဘာ ၁၅၊ ၂၀၁၇
    M-Media

    ရာဇာ တင်ဆက်သည်

    (အပတ်စဉ် သောကြာနေ့တိုင်း ဖော်ပြသွားပါမည်)

    – နက္ခတ္တဗေဒနယ်ပယ်မှာ မွတ်စလင်တွေရဲ့ ရှေ့ဆောင်လမ်းပြ တီထွင်မှုနောက်တစ်ခုက ကြယ်တာယာ လေ့လာရေး ကိရိယာကြီးတွေဖြစ်ပါတယ်။ ဒီလို ကြီးမားတဲ့ ကိရိယာကြီးတွေကို အသုံးပြုခြင်းအားဖြင့် တိုင်းတာမှုတွေမှာ အမှားအယွင်း ပမာဏကို လျှော့ချနိုင်ခဲ့ပါတယ်။ ဒမတ်စကတ်က သုတေသနစင်တာမှာ ထောင့်တိုင်း ကိရိယာတွေဖြစ်တဲ့ Quadrant (စက်ဝန်းလေးပုံတစ်ပုံ) ဟာ ပေ ၂၀ လောက်ရှိပြီး၊ Sextant (စက်ဝန်းခြောက်ပုံတစ်ပုံ) က ၃၆ ပေလောက် ရှိပါတယ်။ ‘မာရဂ်ဟာစင်တာ’ (Maragha) မှာဆိုရင် Quadrant တွေ၊ Armillary တွေ.နဲ့ နက္ခတ္တကြည့်အိမ်မြှောင်တွေ အပါအ၀င် ဧရာမ ကိရိယာတွေ တော်တော်များများ ရှိနေပါတယ်။

    အခြားကိရိယာတွေထဲမှာ ကြယ်တာယာပြ ကမ္ဘာလုံးပုံစံငယ်၊ Quadrant ၊ Sextant တွေ ပါဝင်ပြီး စူစမ်းလေ့လာရေး စင်တာတွေရဲ့ နာမည်ကျော်ကြားမှုဟာ သူတို့ထုတ်ပြန်တဲ့ ရလဒ်တွေအပေါ်မှာ မူတည်တာကြောင့် အသုံးပြုတဲ့ ဒီကိရိယာအားလုံးဟာ တိကျမှုရှိရပါတယ်။

    ၁၄ ရာစု ပညာရှင် အစ်ဗနေ့ အဟ်မဒ် အလ်-မစ်ဇီ၏ Quadrant

    သက္ကရာဇ် ၁၁၄၅ ခုနှစ် စပိန်မှာ ကွယ်လွန်ခဲ့တဲ့ မွတ်စလင်ပညာရှင်ကြီး ‘ဂျာဘီရ် အစ်ဗနေ့ အဖ်လာ’ (Jabir Ibn Aflah) ဟာ ကြယ်တွေရဲ့ ကိုသြဒိနိတ်တွေကို တိုင်းတာဖို့အတွက် ကြယ်တာယာပြ ကမ္ဘာလုံး ပုံစံငယ်ကို ပထမဆုံး ဖန်တီးခဲ့သူပါ။ ၁၀ ရာစု အီရတ်က နက္ခတ္တဗေဒပညာရှင် ‘အလ်-ဘတ္တာနီ’ (Al-Battani) ကတော့ ကမ္ဘာနဲ့ ကြယ်တွေအကြောင်း ရေးသားဖော်ထုတ်ခဲ့သူတစ်ယောက် ဖြစ်ပါတယ်။ သူဟာ ကြယ်တာယာပြ ကမ္ဘာပုံစံငယ်တွေကို စူးစမ်းလေ့လာရေး ကိရိယာတွေအဖြစ် အသုံးမပြုခဲ့ဘဲ ကြယ်တွေရဲ့ အချက်အလက်အတိအကျကို မှတ်တမ်းတင်နိုင်ဖို့ အားထုတ်ခဲ့ပါတယ်။ သူ့ရဲ့ ကျမ်းကြီးဟာ ဒီနယ်ပယ်မှာ တော်တော်လေး လွှမ်းမိုးမှု ရှိခဲ့ပြီး ကမ္ဘာလုံးပုံစံငယ်မှာ ကြယ်တွေကို ဘယ်လို မှတ်သားထားရမလဲဆိုတဲ့ အသေးစိတ် အချက်အလက်ကိုလည်း ဖော်ပြထားပါတယ်။ အဲဒီအချိန်က နက္ခတ္တတိုင်းတာရေး ကိရိယာတွေကို တီထွင်သူတွေဟာ ဒီစံကိုအသုံးပြုပြီး ကြယ်တာယာပြ ကမ္ဘာလုံးပုံစံငယ်လေးတွေကို ထုတ်လုပ်လာနိုင်ကြပါတယ်။

    တော်လမီလက်ထက်က ကြယ်တာယာပြ ကမ္ဘာလုံးကို ပုံဖော်ရေးဆွဲမှုမှာ အီကွေတာလိုင်းနဲ့ constellation outline ၅ ခုကို အသုံးပြုခဲ့ပြီး အလ်-ဘတ္တာနီရဲ့ ကျမ်းမှာတော့ အဲဒီ ပုံစံနဲ့ ခြားနားတဲ့ နည်းလမ်းမျိုးကို အသုံးပြုထားပါတယ်။ နေလှည့်လမ်းကြောင်း (ecliptic) နဲ့ အီကွေတာကို အသုံးပြုပြီး အပိုင်းသေးသေးလေးတွေလုပ်ကာ ကြယ်တွေရဲ့ တည်နေရာကို ပိုမို တိတိကျကျ ဖော်ပြနိုင်တဲ့နည်းလမ်းကို သူက ဖော်ထုတ်ခဲ့ပါတယ်။ ဒီနည်းလမ်းကြောင့် ကြယ်တွေကို တိကျတဲ့ ကိုသြဒိနိတ်တွေ သတ်မှတ်ပေးနိုင်ခဲ့ပါတယ်။

    မွတ်လင်ပညာရှင်ကြီးတွေဟာ နက္ခတ္တ ကိရိယာတန်ဆာပလာတွေကို တီထွင်ဖော်ထုတ်ရာမှာ ကျွမ်းကျင်သူတွေပါ။ ကြယ်တာယာပြ ကမ္ဘာလုံးပုံစံငယ်လေးတွေကို ရေးဆွဲဖန်တီးမှုနဲ့ပတ်သက်ပြီး နောက်ထပ် ကျော်ကြားထင်ရှားသူတစ်ယာက်က သက္ကရာဇ် ၉၀၃ ခုနှစ်မှာ မွေးဖွားခဲ့တဲ့ ‘အဘ်ဒဲလ်-ရဟ်မန် အလ်-ဆူဖီ’ (Abd al-Rahman Al-Sufi) ဆိုသူ ဖြစ်ပါတယ်။ အဲဒီလို ကမ္ဘာလုံးပုံစံတွေကို ရေးဆွဲဖန်တီးချင်သူတွေအတွက် နက္ခတ်တာရာပုံရိပ်တွေနဲ့ ပတ်သက်တဲ့ ကျမ်းတစ်စောင်ကို သူက ရေးသားပြုစုခဲ့ပြီး မွတ်စလင်ကမ္ဘာနဲ့ ဥရောပမှာပါ ဒီကျမ်းကြီးဟာ တော်တော် လွှမ်းမိုးမှုရှိခဲ့ပါတယ်။ သူရေးခဲ့တဲ့ အခြားကျမ်းတွေထဲမှာ နက္ခတ္တအိမ်မြှောင်အကြောင်း၊ ကြယ်တာရာပြ ကမ္ဘာပုံစံငယ်တွေကို ဘယ်လိုအသုံးပြုရမလဲဆိုတဲ့ အကြောင်းတွေလည်း ပါဝင်ပါတယ်။

    တာကီ အလ်-ဒင်၏ Sextant

    ကြယ်တာရာပြ ကမ္ဘာလုံးတွေကို ၁၆ ရာစုနှစ်အထိ ဖန်တီးတည်ဆောက်ခဲ့ကြပြီး အများစုဟာ ဒီနေ့အထိ တည်ရှိနေပေမယ့် ၁၁ ရာစုအရင်က လက်ရာတွေကတော့ ပျောက်ကွယ်သွားခဲ့ပါပြီ။

    အလ်-ခူဂျန်ဒီ

    နက္ခတ္တဗေဒဆိုင်ရာ ကိရိယာတွေအကြောင်း ရေးသားခဲ့တဲ့ မွတ်စလင်ပညာရှင်တွေ တော်တော်များများ ရှိခဲ့ပြီး အဲဒီထဲက တစ်ယောက်က ‘အဘူ ဘာကာရ် အစ်ဗနေ့ အလ်-ဆာရက်ဂ်ျ အလ်-ဟာမာဝီ’ (Abu Bakr ibn al-Sarraj al-Hamawi) ဖြစ်ပါတယ်။ သူဟာ ၁၃၂၉ ခုနှစ် ဆီးရီးယားမှာ ကွယ်လွန်ခဲ့ပါတယ်။ သိပ္ပံဆိုင်ရာ ကိရိယာ တန်ဆာပလာတွေနဲ့ ဂျီသြမေတြီ ပြဿနာတွေအကြောင်း စာအုပ်များစွာကို သူက ရေးသားခဲ့ပြီး ‘အလ်-မူကန်တာရန် အလ်-ယူဆရာ’ (al-muqantarat al-yusra) ဆိုတဲ့ Quadrant တစ်ခုကိုလည်း သူက တီထွင်ခဲ့ပါတယ်။ သူ့ရဲ့ စာအုပ်တွေထဲမှာ Treatise on Operations with the Hidden Quadrant (ပျောက်ကွယ်နေသည့် စက်ဝိုင်းစိတ်ဖြင့် လေ့လာဖော်ထုတ်ခြင်း) ဆိုတဲ့ စာအုပ်၊ အချက်အလက် တော်တော်လေးပြည့်စုံတဲ့ Operations with the Circle for Finding Sines (စက်ဝိုင်းဖြင့် Sine ရှာခြင်း) ဆိုတဲ့ စာအုပ်တွေ ပါဝင်ပါတယ်။ သိပ္ပံ ကိရိယာတန်ဆာပလာတွေ ဖန်တီးမှုနယ်ပယ်မှာ အောင်မြင်ခဲ့ပေမယ့် အလ်-ဟာမာဝီနဲ့ သူ့ရဲ့ တီထွင်ဖော်ထုတ်မှုတွေအကြောင်း ရေးသားထားတာမျိုး မတွေ့ရပါဘူး။

    နောက်ထပ် နာမည်ကျော်တဲ့ မွတ်စလင်ပညာရှင်တစ်ယောက်က ‘အဟ်မဒ် အလ်-ဟာလာဘီ’ (Ahmad al-Halabi) ဆိုသူဖြစ်ပါတယ်။ ဆီးရီးယားနိုင်ငံ အလက်ပိုမှာ အခြေစိုက်တဲ့ သူဟာ သက္ကရာဇ် ၁၄၅၅ ခုနှစ်မှာ ကွယ်လွန်ခဲ့တာပါ။ သူ့ရဲ့ Aims of Pupils on Operations with the Astrolabe Quadrant ဆိုတဲ့စာအုပ်ဟာ ကိရိယာတန်ဆာပလာတွေနဲ့ ပတ်သက်တဲ့အကြောင်းပါ။

    သူနဲ့ ခေတ်ပြိုင်ပညာရှင်တစ်ဦးက ‘အစ်ဇဲလ်-ဒင် အလ်-၀ါဖိုင်’ (Izz l-Din al-Wafai) ဖြစ်ပြီး အစပိုင်းက ကိုင်ရို ‘အူမိုင်ယဒ်ဗလီ’ မှာ နိဗာန်ဆော်လုပ်တဲ့ သင်္ချာပညာရှင်တစ်ဦး ဖြစ်ပါတယ်။ အရစ်မသစ်၊ sexagesimal ratio အသုံးပြုမှု အပါအ၀င် သင်္ချာဆိုင်ရာ ကျမ်းပေါင်း ၄၀ လောက်နဲ့ သိပ္ပံ ကိရိယာတွေနဲ့ပတ်သက်တဲ့ ကျမ်းတွေ တော်တော်များများ ရေးသားခဲ့ပါတယ်။

    Sextant နဲ့ Quadrant တွေကို မိုးကုပ်စက်ဝိုင်းရဲ့အထက်က ကြယ်တွေရဲ့ ထောင့်၊ အမြင့်ကို တိုင်းတာရာမှာ အသုံးပြုတာပါ။ မွတ်စလင်ပညာရှင်ကြီးတွေက Quadrant ကို အဓိကထားကာ တွင်တွင်ကျယ်ကျယ် အသုံးပြုကြပြီး ဒီကိရိယာကို တိုးတက်ကောင်းမွန်အောင်လည်း အဆင့်မြှင့်တင်ခဲ့ကြပါတယ်။

    မွတ်စလင်ပညာရှင်တွေဟာ တော်တော်ကောင်းမွန်တဲ့ Quadrant တစ်ချို့ကိုလည်း တီထွင်ခဲ့ပါတယ်။ တြီဂိုနော်မေတြီ ပြဿနာတွေကို ဖြေရှင်းဖို့အတွက် Sine Quadrant ကို ၉ ရာစု ဘဂ္ဂဒတ်မှာ တီထွင်ခဲ့ပြီး၊ ၁၄ ရာစု ဆီးရီးယားမှာ တီထွင်ခဲ့တဲ့ Universal Quadrant ကတော့ နက္ခတ္တဗေဒဆိုင်ရာ ပြဿနာတွေကို ဖြေရှင်းဖို့ ဖြစ်ပါတယ်။ နေကိုအခြေပြုပြီး အချိန်ကိုတွက်ချက်ဖို့အတွက် Horary Quadrant ကို  တီထွင်ခဲ့သလို၊ Astrolabe (Almucantar) Quadrant က နက္ခတ်ကြည့်အိမ်မြှောင်ကို အခြေပြုထားတာ ဖြစ်ပါတယ်။ ဒီ Quadrant အများစုကို နက္ခတ္တအိမ်မြှောင်နဲ့တွဲပြီး အသုံးပြုရတာ ဖြစ်ပါတယ်။

    ကမ္ဘာကြီးရဲ့ အီကွေတာနဲ့ နေသွားလမ်းကြောင်းကြားကထောင့် (obiliquity) ကို တိုင်းတာဖို့အတွက် သက္ကရာဇ် ၉၉၄ ခုနှစ်မှာ ‘အလ်-ခူဂျန်ဒီ’ (Al-Khujandi) ဆိုတဲ့ မွတ်စလင်ပညာရှင်ကြီးဟာ Sextant တစ်ခုကို တီထွင်ခဲ့ပါတယ်။ Fakhri sextant လို့ခေါ်ပြီး သူ့ကို ကူညီပံ့ပိုးပေးတဲ့ အစ္စဖာဟန်ပြည့်ရှင် ဘူဝေဟစ်မင်းဆက် ‘ဖာခါရ် အလ်-ဒေါင်လာ’ (Fakhr al-Dawla) ကို အစွဲပြုပြီး မှည့်ခေါ်ထားတာ ဖြစ်ပါတယ်။ အရင်က အဲဒီ Sextant ဟာ ဒီဂရီနဲ့ မိနစ်တွေကိုပဲ ဖတ်လို့ရတာဖြစ်ပြီး အလ်-ခူဂျန်ဒီက စက္ကန့်တွေအထိ ဖတ်လို့ရအောင် အဆင့်မြှင်တင်ပေးခဲ့ပါတယ်။ အလ်-ခူဂျန်ဒီရဲ့ sextant ဟာ အရင်က ရှိခဲ့တဲ့ အရာတွေထက် ပိုကြီးပြီး ၆၅.၆ ပေ ရှိပါတယ်။

    ၁၃ ရာစု အီရန်မှ မိုဟာမက် အစ်ဗနေ့ ဟီလာလ်၏ ကြယ်တာယာပြ ကမ္ဘာလုံး

    ‘တာကီ အလ်-ဒင်’ (Taqi al-Din) ဆိုတဲ့ မွတ်စလင်ပညာရှင်ကြီးဟာ အလ်-ခူဂျန်ဒီရဲ့ Fakhri sextant ထက်  Mural Quadrant လို့ခေါ်တဲ့ ပဉ္စမ Quadrant အမျိုးအစား အသုံးပြုရတာကို ပိုပြီး နှစ်သက်သူပါ။ အဲဒီ Mural Quadrant မှာ ကြေးဝါ စက်ဝိုင်းခြမ်းနှစ်ခု ပါဝင်ပြီး တစ်ခုကို အချင်း ၁၉.၇ ပေလောက် ရှိကာ အလ်-ခူဂျန်ဒီရဲ့ စက်ဝိုင်းစိတ်ထက် ပိုသေးပါတယ်။ အဲဒီ Quadrant တွေ Sextant တွေကို ဒေါင်လိုက်မျဉ်းအတိုင်း ရှိနေတဲ့ နံရံတွေမှာ တောင်မြောက်တန်းပြီး တပ်ဆင်အသုံးပြုကြတာ ဖြစ်ပါတယ်။

    ဒီလို ကြီးမားတဲ့ နက္ခတ္တဆိုင်ရာ ကိရိယာတွေဟာ ဒီနေ့ခေတ်မှာ တော်တော်လေး ကျုံ့သွားခဲ့ပေမယ့် အခြေခံအယူအဆတွေက မပြောင်းလဲပါဘူး။ Global Positioning Systems (GPS) စနစ် မပေါ်ခင်တုန်းကဆိုရင် ဒီ ကိရိယာတွေကိုပဲ အဓိကထား အားပြုသွားလာခဲ့ကြရတာ ဖြစ်ပါတယ်။

    ဆန်းပြားသည့် ကိရိယာများ

    တာကီ အလ်-ဒင်

    ၁၆ ရာစုက အကျော်ကြားဆုံး နက္ခတ္တဗေဒ ပညာရှင်တွေထဲက နှစ်ဦးဟာ အစ္စတန်ဘူလ်က တာကီ အလ်-ဒင် (Taqi al-Din) နဲ့ ၁၅၇၆ ခုနှစ်မှာ ဒိန်းမတ်ဘုရင် ဖရက်ဒရစ် ၂ (Frederic II) လက်ထက် စူးစမ်းလေ့လာရေးစင်တာတစ်ခု တည်ဆောက်ပေးခဲ့တဲ့ တိုင်ချို ဘရာဟီ (Tycho Brahe) တို့ ဖြစ်ပါတယ်။ အဲဒီ စူးစမ်းလေ့လာရေးစင်တာမှာ သူ့ခေတ် သူ့အခါက အကောင်းဆုံးနဲ့ စွမ်းအားအမြင့်ဆုံး ကိရိယာတွေကို တပ်ဆင်ထားပြီး နက္ခတ္တဗေဒနဲ့ပတ်သက်လို့ တိတိကျကျ တွက်ချက်မှုတွေ လုပ်နိုင်ခဲ့ပါတယ်။ ဂျိုဟန်းနက်စ် ကက်ပလာ (Johannes Kepler) ဟာ တိုင်ချိုဘရာဟီရဲ့ လက်ထောက်ဖြစ်ပြီး ဒီ စူးစမ်းလေ့လာရေးစင်တာကြောင့်ပဲ  ကက်ပလာတစ်ယောက် နက္ခတ္တဗေဒနဲ့ပတ်သက်လို့ တော်တော်များများ ရှာဖွေတွေ့ရှိခဲ့ပါတယ်။

    တိုင်ချိုဘရာဟီနဲ့ တာကီ အလ်-ဒင်တို့ရဲ့ စူးစမ်းလေ့လာရေးစင်တာတွေမှာ အသုံးပြုခဲ့ကြတဲ့ ကိရိယာ တော်တော်များများဟာ အပြန်အလှန် ဆက်နွယ်မှုတွေရှိကြတယ်လို့ မကြာသေးခင်က ပြုလုပ်တဲ့ စူစမ်းလေ့လာမှုမှာ ဖော်ပြနေပါတယ်။ ဒါပေမယ့် ဒီပုဂ္ဂိုလ်နှစ်ဦးစလုံးဟာ သူတို့အရင်က နက္ခတ္တဗေဒ ပညာရှင်တွေရဲ့ ကိရိယာတွေကို ကျေနပ်ခြင်း မရှိပါဘူး။ သူတို့ဟာ Sextant၊ သစ်သားနဲ့လုပ်ထားတဲ့ Quadrant၊ နက္ခတ္တနာရီတွေလို ကိရိယာအသစ်တွေကို တီထွင် အသုံးပြုခဲ့ကြပါတယ်။

    တာကီ အလ်-ဒင်ဟာ ‘မူရှဘ်ဘာဟာ ဘီလ်-မာနာတစ်’ (mushabbahah bil-manatiq) လို့ခေါ်တဲ့ Sextant တစ်ခုကို တီထွင်ခဲ့ပါတယ်။ သူတို့နှစ်ဦး တီထွင်ခဲ့တဲ့ Sextant တွေဟာ ၁၆ ရာစုမှာ အကောင်းဆုံးသော နက္ခတ္တဗေဒ ကိရိယာတွေထဲက တစ်ခုလို့ သတ်မှတ်ခြင်း ခံခဲ့ရပါတယ်။

    တာကီ အလ်-ဒင်၏ စူးစမ်းလေ့လာရေးစင်တာတွင် အလုပ်လုပ်မှုကို ရေးဆွဲဖော်ကျူးထားပုံ

    (ကိုးကား- National Geographic ၏ 1001 Inventions – The Enduring Legacy of Muslim Civilization)

    (ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်

  • အိန္ဒိယမှ မွတ်စလင် သိပ္ပံပညာရှင် တစ်ဦး ဂျာမနီ၏ အမြင့်ဆုံး ဂုဏ်ထူးဆောင်ဆု ရရှိခဲ့

    အိန္ဒိယမှ မွတ်စလင် သိပ္ပံပညာရှင် တစ်ဦး ဂျာမနီ၏ အမြင့်ဆုံး ဂုဏ်ထူးဆောင်ဆု ရရှိခဲ့

    ဒီဇင်ဘာ ၁၃၊ ၂၀၁၄
    M-Media
    convo.33272641_std
    – ဇီဝသိပ္ပံဘာသာရပ် တိုးတက်ရေးအတွက် စွမ်းစွမ်းတမံ ကူညီပေးနိုင်ခဲ့သည့် အိန္ဒိယမှ မွတ်စလင် သိပ္ပံပညာရှင် တစ်ဦးမှာ ဂျာမနီနိုင်ငံက အရပ်သားများအား ပေးအပ်သည့် အမြင့်ဆုံး ဆုတံဆိပ် The Order of Merit of the Federal Republic of Germany ၂၀၁၄ ခုနှစ် မတ်လအတွင်း ချီးမြှင့်ခြင်းခံခဲ့ရသည်ဟု သိရသည်။

    ချီးမြှင့်ခြင်းခံရသူမှာ ဒေလီရှိ အိန္ဒိယ နည်းပညာတက္ကသိုလ်မှ ဇီဝ သိပ္ပံပါမောက္ခ ဒေါက်တာ ဆရဒ် အသီရှမ် ဟက်စ်နာအင်ဖြစ်ပြီး အိန္ဒိယနိုင်ငံဆိုင်ရာ ဂျာမနီ သံအမတ်ကြီး၏ နေအိမ်တွင် ပြုလုပ်သော ဆုချီးမြှင့်ပွဲအခမ်းအနား၌ ဆုလက်ခံရယူခဲ့သည်။

    ဟက်စ်နာအင်မှာ ဂျာမနီဏီရှိ အဆိုပါ အမြင့်ဆုံး ဆုတံဆိပ်ကို ပထမဆုံးရရှိသည့် အိန္ဒိယ မွတ်စလင်တစ်ဦးဖြစ်ပြီး၊ လီယိုပိုလ်ဒီနာ ဂျာမန် အမျိုးသားသိပ္ပံ အကယ်ဒမီတွင် အဖွဲ့ဝင်အဖြစ် ရွေးချယ်ခံရသည့် ပထမဆုံး အိန္ဒိယ နိုင်ငံသားလည်း ဖြစ်သည်။

    ဟက်စ်နာအင်မှာ သူ၏ ရှာဖွေတွေ့ရှိမှုအသစ်များဖြင့်  ဇီဝသိပ္ပံဘာသာရပ်ကို တိုးတက်စေခဲ့ပြီး၊ ပီအိက်ခ်ျဒီ ရရှိထားသူ ၁၀၀ ခန့်၊ MD များ၊ ဒေါက်တာဘွဲ့ရယူရန် ကြိုးစားနေသည့် ကျောင်းသားများကိုလည်း လမ်းညွှန်သင်ကြားပေးနေသူဖြစ်သည်။ ၎င်း၏ တပည့်များထဲမှ ၄ ဦးမှာ အိန္ဒိယအမျိုးသားသိပ္ပံအကယ်ဒမီ INSA မှ ချီးမြှင့်သော လူငယ် သိပ္ပံပညာရှင်ဆုကို ရရှိထားသည်။

    ထို့ပြင် ၎င်းမှာ ထိပ်တန်းဂျာနယ်မျာတွင်လည်း သိပ္ပံဆိုင်ရာ ဆောင်းပါးများကို ရေးသားနေကာ တက္ကသိုလ်များနှင့် သိပ္ပံဆိုင်ရာ အသင်းအဖွဲ့ အများအပြားတွင်လည်း အဓိက တာဝန်များကို ထမ်းဆောင်နေသည်။

    အသက် ၆၀ အရွယ်ရှိ ဟက်စ်နာအင်မှာ အီတလီရှိ ကမ္ဘာ့သိပ္ပံအကယ်ဒမီ၏ အသက်အငယ်ဆုံး အဖွဲ့ဝင်များထဲမှ တစ်ဦးလည်းဖြစ်သည်။ ထို့ပြင် ၎င်း၏ သုတေသနပြုမှုများအတွက် ဂျာမနီရှိ  Alexander-von-Humboldt ဖောင်ဒေးရှင်းမှ ပေးအပ်သော Humboldt Research ဆုကို ရရှိခဲ့သည်။ ထို့ပြင် ဘာလင်ရှိ Robert Koch အသင်းမှ ပေးအပ်သော ဆုကိုလည်း ရရှိထားပြီး အိန္ဒိယရှိ သိပ္ပံဆိုင်ရာ ဆုအားလုံးနီးပါးကိုလည်း ရရှိထားသူဖြစ်သည်။

    ဟက်စ်နာအင်ကို အိန္ဒိယနိုင်ငံ ဘီဟာရ်ပြည်နယ် ဂါယာမြို့တွင် ၁၉၅၄ ခုနှစ်က မွေးဖွားခဲ့ပြီး ဂါယာရှိ အထက်တန်းကျောင်တွင် ၎င်း၏ အထက်တန်းပညာကို ပြီးဆုံးခဲ့သည်။ ထို့နောက် သိပ္ပံဘွဲ့ (ဂုဏ်ထူးတန်း) ကို မာဂါဒ် တက္ကသိုလ်မှ ရရှိခဲ့ပြီး ဂျဝါဟာလာလ်နေရူး တက္ကသိုလ်မှ ဒေါက်တာဘွဲ့ ရရှိခဲ့သည်။ ထို့နောက် အမေရိကန်နှင့် ကနေဒါတို့ရှိ တက္ကသိုလ်နှင့် အသင်းအဖွဲ့များတွင် နှစ်ပေါင်းများစွာ တာဝန်ထမ်းဆောင်ခဲ့ပြီးနောက် ၁၉၈၇ ခုနှစ်တွင် အိန္ဒိယနိုင်ငံသို့ ပြန်လာခဲ့သည်။

    ref_muslimmirror

  • အစ္စလာမ့် ဒဿနိကဗေဒ ပညာရပ်ရဲ့ ဖခင် (သို့) စွယ်စုံရ သိပ္ပံ-၀ိဇ္ဇာ ပညာရှင် အစ်ဗနေ့ အစ်ဟာက် အလ်-ကင်ဒီ

    ဇူလိုင် ၁၈ ၊ ၂၀၁၄
    M-Media
    လေးမောင် စုစည်းတင်ဆက်သည်။

    အစ္စလာမ့် ဒဿနိကဗေဒပညာရပ်ရဲ့ ဖခင် သို့မဟုတ် စွယ်စုံရ သိပ္ပံ-၀ိဇ္ဇာ ပညာရှင် အစ်ဗနေ့ အစ်ဟာက် အလ်-ကင်ဒီ

    တမန်တော်မုဟမ္မဒ်သခင် ကွယ်လွန်ပြီးနောက်ပိုင်း အစ္စလာမ့်အင်ပါယာကြီး ကျယ်ပြန့်လာတာနဲ့ အတူ အာရပ်တွေဟာ နယ်ပယ်စုံမှာ တိုးတက်ထွန်းကားလာခဲ့ကြပါတယ်။ အစ္စလာမ်သာသနာကို တင်းပြည့်ကျပ်ပြည့်လိုက်နာခဲ့ကြတဲ့ သူတို့တွေဟာ လေ့လာစူးစမ်းမှုတွေ သုတေသနတွေကိုလည်း ပြုလုပ်ခဲ့ကြပြီး ၀ိဇ္ဇာသိပ္ပံဘာသာရပ်တွေမှာ တွေ့ရှိချက်အသစ်တွေ၊ ဖော်မြူလာအသစ်တွေကိုလည်း တီထွင်ဖန်တီးနိုင်ခဲ့ကြပါတယ်။ အဲဒီပညာရှင်တွေထဲက အစောဆုံးလို့ပြောရမယ့် အေဒီ ၈ ရာစုအစပိုင်းမှာ ပေါ်ပေါက်ခဲ့တဲ့ စွယ်စုံရ တွေးခေါ်ပညာရှင် ကြီး အလ်-ကင်ဒီရဲ့အကြောင်းကို ဖော်ပြလိုက်ပါတယ်။

    ငယ်ဘ၀

    Al_Kindi2 အမည်အပြည့်အစုံ အဘူယူစွဖ် ယာကွဗ် အစ်ဗနေ့ အစ်ဟာက် အလ်-ကင်ဒီကို အီရတ်နိုင်ငံ ကူဖာမြို့မှာ အေဒီ ၈၀၁ ခုနှစ်မှာ မွေးဖွားခဲ့ပါတယ်။ တောင်ပိုင်း အာရေဗျမျိုးနွယ်ဖြစ်တဲ့ ကင်ဒဟ် မျိုးနွယ်မှဖြစ်ပြီး အဖိုးဖြစ်သူ အလ်-အရ်ှအသ်ဟ် အစ်ဗနေ့ ကာအစ်ကတော့ တမန်တော်မြတ် မုဟမ္မဒ်သခင်(ဆွ)ရဲ့ သာဝကကြီး တစ်ပါးဖြစ်ပါတယ်။ အဖေဖြစ်သူ အစ်ဟာက် အစ်ဗနေ့ အလ်-ဆာဘာဟ်ဟာ အဘာဆစ်ခလီဖာ သုံးဦးလက်ထက်မှာ ကူဖာမြို့ရဲ့ အုပ်ချုပ်ရေးမှူးအဖြစ် တာဝန်ထမ်းဆောင်ခဲ့သူပါ။

    ကူဖာဟာ အဲဒီခေတ်က မက္ကာဟ်၊ မဒီနာတို့လို အစ္စလာမ့်အခြေပြု ၀ိဇ္ဇာ၊ သိပ္ပံပညာဘာသာရပ်တွေ ထွန်းကားတဲ့နေရာတစ်ခုဖြစ်ပြီး ကင်ဒီဟာ ကူဖာမြို့ ကျောင်းမှာပဲ သူရဲ့ ပညာရေးကို စတင်ခဲ့ပါတယ်။ ကင်ဒီရဲ့ အစောပိုင်းနှစ်တွေမှာ အာရဗီ ဘာသာစကား၊ သဒ္ဒါ၊ ရသစာပေနဲ့ အစ္စလာမ့် သိပ္ပံ ပညာရပ်တွေကို လေ့လာခဲ့ပြီး နောက်ပိုင်းမှာတော့ အစ္စလာမ် ဘာသာတရား၊ သင်္ချာပညာ နက္ခတဗေဒပညာရပ်နဲ့ ဒဿနိကဗေဒ ပညာရပ်တွေကို အထူးပြု လေ့လာခဲ့ပါတယ်။ ပါရမီရှိပြီး ထူးချွန်တဲ့ ကင်ဒီဟာ သူလေ့လာတဲ့ ပညာရပ်တိုင်းကို လွယ်လွယ်ကူကူပဲ တတ်မြောက်ခဲ့ပါတယ်။

    ဘဂ္ဂဒတ်သို့

    Al-Kindiသာမန်ပညာရေး ပြီးဆုံးခဲ့ပြီးနောက် ကင်ဒီဟာ အဆင့်မြင့်ပညာတွေ ဆက်လေ့လာဖို့ အဂ္ဂဒတ်မြို့ကို ပြောင်းရွှေ့ခဲ့ပါတယ်။ အဲဒီအချိန်က အစ္စလာမ့်အင်ပါယာကို ဘုရင် ဟာရွန် အလ်-ရရှစ်ဒ်ရဲ့သား အလ်-မာမွန်က အုပ်ချုပ်နေတာဖြစ်ပြီး ဘဂ္ဂဒတ်ဟာလည်း နိုင်ငံရေးအရ အချက်အချာကြတဲ့ နေရာတစ်ခုပါ။ ဘုရင် အလ်-မာမွန်ဟာ ၀ိဇ္ဇာ သိပ္ပံပညာတွေကို အားပေးမြှင့်တင်ပေးသူ ဖြစ်ပါတယ်။

    ကင်ဒီကိုလည်း ဘုရင် အလ်-မာမွန်က ထောက်ခံအာပေးခဲ့ပြီး ဖခင်ဖြစ်သူတည်ဆောက်ခဲ့တဲ့ မွတ်စလင် သိပ္ပံပညာရှင်တွေ စုစည်းရာ ဘိုက် အလ်-ဟစ်ကမာ(House of Wisdom) စာကြည့်တိုက်နဲ့ သုသေတနစင်တာမှာ လေ့လာမှုတွေလုပ်ဖို့ ဖိတ်ခေါ်ခဲ့ပါတယ်။

    အဲဒီ အလ်-ဟစ်ကမာမှာ ကင်ဒီဟာ သူ့ဘ၀ရဲ့ အချိန်တွေနဲ့ စွမ်းအားတွေ အားလုံးကို နှစ်မြုပ် ခဲ့ပြီး သင်္ချာ၊ နက္ခတဗေဒ၊ ဓာတုဗေဒ၊ ဂီတသီအိုရီနဲ့ ဒဿနိကဗေဒ စတဲ့ပညာရပ်တွေကို လေ့လာ ခဲ့ကာ ထင်ရှားတဲ့ ပညာရှင်တွေထဲက တစ်ဦးဖြစ်လာ ခဲ့ပါတော့တယ်။ အဲဒီ အချိန်အတွင်းမှာ ကင်ဒီဟာ သူရဲ့ အသက်မွေးဝမ်းကြောင်းအတွက် ဘဂ္ဂဒတ်မှာရှိတဲ့ တရားရုံးမှာ လက်ရေးလှ ပညာရှင်အဖြစ် လုပ်ကိုင်ခဲ့ပါတယ်။

    သုတေသနအဖွဲ့ခေါင်းဆောင် ကင်ဒီ

    ဘုရင် အလ်-မာမွန်ဟာ ကင်ဒီကို အလွန်ချစ်ခင် အားကိုခဲ့ပြီး ဂရိ၊ ပါရှား၊ အိန္ဒိယ ဘာသာစကားတွေနဲ့ ရေးသားထားတဲ့ ဒသဿနိက၊ သင်္ချာပညာရပ်တွေနဲ့ သိပ္ပံဆိုင်ရာ စာအုပ်တွေကို အာရဗီဘာသာစကားသို့ ပြန်ဆိုဖို့ တာဝန်ပေးအပ်ခဲ့ပါတယ်။ နောက်ပိုင်းမှာတော့ ဂရိ၊ ပါရှန်နဲ့ အိန္ဒိယ ဒဿနိကပညာရပ်တွေမှာ ပါရဂူမြောက် ဖြစ်လာခဲ့တဲ့ ကင်ဒီဟာ ဒီအတွေးအခေါ်တွေနဲ့ နှိုင်းယှဉ်နိုင်တဲ့ အတွေးအခေါ်သစ်တွေကို ကျယ်ကျယ်ပြန့်ပြန့် လေ့လာဖို့ ပညာရှင်တွေ ပါဝင်ဖွဲ့စည်းထားတဲ့ သုတေသနအဖွဲ့ခေါင်းဆောင်အဖြစ် ခန့်အပ်ခြင်းခံခဲ့ရပါတယ်။ သူတို့အဖွဲ့ဟာ ရှေးဟောင်း ဒဿနိကဗေဒနဲ့ သိပ္ပံဆိုင်ရာ စာအုပ်စာပေအမြောက်အများကို အချိန်တိုတိုအတွင်းမှာ အာရဗီ ဘာသာသို့ ပြန်ဆိုနိုင် ခဲ့ပြီး တည်းဖြတ်မှုတွေကိုလည်း ပြုလုပ်ခဲ့ကြပါတယ်။ အဲဒီလို ဘာသာပြန်ဆိုနိုင်ခဲ့တာ မွတ်စလင်ကမ္ဘာ့မှာ ပထမဆုံးလည်းဖြစ်ခဲ့ပါတယ်။ သူတို့ရဲ့လေ့လာမှုတွေကထွက်ပေါ်လာတဲ့ အတွေးအခေါ်တွေဟာ စောစာပိုင်း မွတ်စလင် ဒဿနိကဗေဒနဲ့ သိပ္ပံပညာရှင်တွေအပေါ်မှာ လွှမ်းမိုးမှုအရှိဆုံး ဖြစ်လာခဲ့ပါတယ်။

    ခလီဖာ အလ်-မာမွန်ရဲ့ အနှစ်သက်ဆုံး ပညာရှင်တွေထဲက တစ်ဦးဖြစ်တဲ့ ကင်ဒီဟာ ရှေးခေတ် ဒဿနိကနဲ့ သိပ္ပံပညာရပ်ရပ်ဆိုင်ရာစာအုပ်တွေကို ဘာသာပြန်တာသာမက အဲဒီအချိန်ကာလက ပေါ်ထွန်းသိရှိခဲ့တဲ့ သိပ္ပံပညာရပ်အားလုံးနီးပါးနဲ့ ပတ်သက်ပြီး သုတေသနလုပ်ငန်းတွေလည်း လုပ်ခဲ့ပါသေးတယ်။ ဒါပေမယ့် နောက်ပိုင်း အသစ်တက်လာတဲ့ ခလီဖာ မူတက်စ်အင် ဘီလာဟ် လက်ထက်မှာ ကင်ဒီဟာ ခလီဖာရဲ့သားကို စာသင်ပေးဖို့ ရွေးချယ်ခံခဲ့ရပါတယ်။

    page_from_AlKindi_book
    First page of Al-Kindi’s Treatise on Deciphering Cryptographic Messages which was recently rediscovered in the Ottoman archives in Istanbul. This text is the first known recorded explanation of cryptanalysis based on the method of frequency analysis. Source: http://www.apprendre-en-ligne.net/crypto/ stat/index.html.
    theories_of_vision
    The well known book of David C. Lindberg on Al-Kindi’s optics: Theories of Vision from Al-Kindi to Kepler (University of Chicago Press, 1976).

    စွယ်စုံရကင်ဒီ

    နောက်ပိုင်းမှာတော့ ဘဂ္ဂဒတ် ဘုရင့်နန်းတော်က နက္ခတဗေဒအဖွဲ့ရဲ့အကြီးအကဲ အဖြစ် ခန့်အပ်ခြင်းခံခဲ့ရပါတယ်။ အဲဒီအချိန်မှာ ကင်ဒီရဲ့အသက်ဟာ ၃၂ နှစ်ပဲရှိပါသေးတယ်။ မှတ်ဥာဏ်အား အလွန်ကောင်းပြီး စွမ်းစုံကျမ်းတစ်ခုလို အစွမ်းထက်တဲ့ စိတ်စွမ်းအားမျိုးရှိတဲ့ ကင်ဒီဟာ သင်္ချာ၊ နက္ခတဗေဒ၊ ရူပဗေဒ၊ ဓာတုဗေဒ၊ ဂီတ၊ အလင်းပိုင်းဆိုင်ရာ၊ ပထ၀ီဝင်၊ ဘာသာရေး သိပ္ပံ၊ တွေးခေါ်မြော်မြင်မှုနဲ့ စာပေပညာရပ်တွေ အပါအ၀င် ဘာသာရပ်မျိုးစုံကို တစ်ဖက်ကမ်းခတ် တတ်မြောက်ခဲ့ပါတယ်။

    အလင်း၊ ဂီတနဲ့ ဒဿနိကဗေဒ နယ်ပယ်တွေမှာတော့ ကင်ဒီရဲ့ ကိုယ်ပိုင်တွေ့ရှိချက်တွေ အများဆုံးရှိခဲ့ပါတယ်။ အလင်းနဲ့ ပတ်သက်တဲ့ သမိုင်းမှာ ထိန်လင်းတဲ့ အရာဝတ္ထုက ထွက်လာတဲ့ မျဉ်းဖြောင့်တစ်ကြောင်းရဲ့ စည်းမျဉ်းဥပဒေသကို ကင်ဒီဟာ ပထမဆုံးအကြိမ် ရှင်းပြနိုင်ခဲ့ပါတယ်။ ဒီစည်းမျဉ်းဟာ ယနေ့ခေတ်အခါမှာ သာမန် ဗဟုသုတ တစ်ခုသာဖြစ်ပေမယ့် ၉ ရာစု ခေတ်ကာလဖြစ်တဲ့ အဲဒီအချိန်တုန်းကတော့ အလင်းနဲ့ ပတ်သက်တဲ့နယ်ပယ်မှာ ဒါဟာ ထင်ရှားတဲ့ တွေ့ရှိချက်တစ်ခု ဖြစ်ခဲ့ပါတယ်။ အထူးသဖြင့် ကင်ဒီဟာ သူရဲ့ တွေ့ရှိချက်အတွက် ဖယောင်းတိုင်ကိုသုံးပြီး လက်တွေ့စမ်းသပ်ပြခဲ့နိုင်ခဲ့ပြီး အဲဒီစမ်းသပ်မှုကို “ဖယောင်းတိုင် စမ်းသပ်မှု”လို့ အမည်တပ်ခဲ့ပါတယ်။

    စကားဝှက်တီထွင်သူ ကင်ဒီ

    သင်္ချာနယ်ပယ်မှာတော့ ကင်ဒီဟာ အိန္ဒိယ ကိန်းဂဏန်းတွေကို အစ္စလာမ်နဲ့ ခရစ်ယာန် ကမ္ဘာကို မိတ်ဆက်ပေးခဲ့ပါတယ်။ နောက်ပြီး စာလုံးဆက်ပညာနဲ့ စကားဝှက်ရေးသားနည်းကို တီထွင် ခဲ့သူလည်းဖြစ်ပါတယ်။ သင်္ချာနဲ့ ဆေးဘက်ဆိုင်ရာ ကျွမ်းကျင်မှုကို အသုံးချပြီး ကင်ဒီဟာ အချိုးချခြင်း နည်းလမ်းကို တီထွင်ခဲ့ကာ၊ ဒီနည်းလမ်းကြောင့် ဆရာဝန်တွေဟာ ဆေးရဲ့ ထိရောက်မှုကို တိုင်းတာနိုင်ခဲ့ပါတယ်။

    နောက်ပြီး ဂျီသြမေထရီပညာရပ်နဲ့ ဇီဝကမ္မပညာရပ်တွေမှာလည်း ကင်ဒီဟာ စားအုပ်အများအပြား ရေးသားခဲ့ပြီး ကမ္ဘာ့အရှေ့နဲ့ အနောက် နှစ်ခုစလုံးမှာ စံပြုစရာ စာအုပ်တွေဖြစ်လာခဲ့ပါတယ်။
    ဂီတပညာရှင် ကင်ဒီ

    ဂီတနယ်ပယ်မှာလည်း ကင်ဒီဟာ စာအုပ်နဲ့ ကျမ်း စုစုပေါင်း ၇ အုပ်ရေးသားခဲ့ပြီး သမိုင်းတစ်လျှောက် အကျော်ကြားဆုံး ဂီတသီအိုရီ ပညာရှင်အဖြစ် ကျယ်ကျယ်ပြန့်ပြန့် သတ်မှတ်ခြင်းခံခဲ့ရပါတယ်။ ဂီတနဲ့ သက်ဆိုင်တဲ့ စာအုပ်တွေကို ပထမဆုံးရေးသားခဲ့တဲ့ ကင်ဒီကို ဂီတဆိုင်ရာ သီအိုရီနယ်ပယ်ရဲ့ ဖခင်လို့ သမိုင်းပညာရှင်များက သတ် မှတ်ခဲ့ကြပါတယ်။ သူရဲ့ရေးသားမှုမှာ ကင်ဒီဟာ သံစဉ်(ရစ်သမ်)ရဲ့ အသေးစိတ် အဓိပ္ပါယ်နဲ့ အရေးပါမှုကို ရှင်းပြခဲ့ပြီး အထူးသဖြင့် အာရပ်ဂန္တ၀င်ဂီတဲ့မှာရှိတဲ့ ရစ်သမ်ရဲ့ အခန်းကဏ္ဍကို အထူးလေးပေးခဲ့တာပါ။ သူရဲ့ အဲဒီပညာရပ်ကို မွတ်စလင်တွေဟာ နောက်ပိုင်း အနောက်ကမ္ဘာကို လက်ဆင့်ကမ်းပေးခဲ့ပါတယ်။

    ကမ္ဘာကျော်ခဲ့ခြင်း

    ဒဿနိကဗေဒမှာ ကင်ဒီဟာ စာအုပ်ပေါင်း ၂၀ ကျော်ရေးသားခဲ့ပြီး သူရဲ့အဲဒီရေးသားမှုတွေက သူ့ကို ကမ္ဘာကျော်စေခဲ့တာပါ။ ဒီပညာရပ်မှာ ကင်ဒီဟာ မွတ်စလင်ကမ္ဘာနဲ့ အနောက်ကမ္ဘာမှာပါ ကျော်ကြားခဲ့ပါတယ်။ အနောက်ကမ္ဘာက ဒဿနိကဗေဒနဲ့ တွေးခေါ်ပညာရှင်တွေကိုပင် သူရဲ့ ရေးသားချက်တွေက လွှမ်းမိုးခဲ့ပြီး “အာရပ်တို့ရဲ့ တွေးခေါ်ပညာရှင်” အဖြစ် သတ်မှတ်ခြင်းခံခဲ့ရပါတယ်။ ဒဿနိကဗေဒနဲ့ ပတ်သက်ပြီး သူရဲ့အကျော်ကြားဆုံး ကျမ်းကတော့ “Fil Falsafah al-Ula” (ဒဿနိကဗေဒ မူလဘူတကျမ်း) ဖြစ်ပြီး အဲဒီစာအုပ်ထဲမှာ ကင်ဒီဟာ ဒဿနိကဗေဒဆိုတာ အရာဝတ္ထုတွေရဲ့ အရင်းမူလ အသိပညာဆိုပြီး အဓိပ္ပါယ်ဖွင့်ခဲ့ပါတယ်။ နောက်ပြီး ဒဿနိကဗေဒရဲ့ အသေးစိတ် အချက်အလက်တွေနဲ့ ဒီပညာရပ်အပေါ် သူ့ရဲ့မှတ်ယူထားပုံတွေကိုလည်း ရေးသားခဲ့ပါသေးတယ်။

    အစ္စလာမ့် ဒဿနိကဗေဒရဲ့ ဖခင်

    ဒဿနိကဗေဒနဲ့ပတ်သက်ပြီး သူရဲ့ဆောင်ရွက်ချက်တွေမှာ ဂရိတွေရဲ့ ရှေးဟောင်း ဒဿနိကဗေဒ ပညာရပ်တွေကို ကုရ်အာန်ရဲ့ အမြင်တွေနဲ့ အချိုးချဖို့ သူဟာ ဂရိဒဿနိကဗေဒဆိုင်ရာ အတွေးအခေါ်တွေကို အစ္စလာမ့်ရဲ့ ရှုထောင့်ကနေ စေ့စေ့စပ်စပ် ခွဲခြမ်းစိတ်ဖြာ လေ့လာခဲ့ပါတယ်။ သူရဲ့ ဒီကြိုးပမ်းချက်ဟာ အောင်မြင်ခဲ့ပြီး အစ္စလာမ့် အခြေပြု ဒဿနိကဗေဒဆိုင်ရာ အတွေအခေါ်ပညာရပ် သီးခြားပေါ်ထွက်လာဖို့ လမ်းခင်းပေးခဲ့ပါတယ်။

    ဒဿနိကဗေဒပညာရပ်နယ်ပယ်မှာ ကင်ဒီရဲ့ ဘာသာပြန်မှုတွေ၊ တွေ့ရှိချက်တွေနဲ့ ဂရိတွေရဲ့အမြင်ကို အစ္စလာမ့် အတွေးအခေါ်တွေနဲ့ ပေါင်းစပ် ဖွဲ့စည်းထားမှုတွေဟာ နောက်ပိုင်း ကျော်ကြားတဲ့ တွေးခေါ်ပညာရှင်တွေဖြစ်တဲ့ အလ်ဖာရာဘီ၊ အဘူ ဘာကာ အလ် ရာဇီ၊ အစ်ဗနေ့ဆီနာ၊ အလ် ဂါဇာလီ၊ အစ်ဗနေ့ ဘတ်ဂျာ၊ အစ်ဗနေ့ တူဖိုင်လ်နဲ့ အစ်ဗနေ့ ရွတ်ရ်ှဒ်တို့ရဲ့လက်ထက် မိုမိုပြီးပြည့်စုံတဲ့ အစ္စလာမ့်ဒဿနိကဗေဒဆိုင်ရာ အကျယ်တ၀င့်ရေးသားချက်တွေ ပေါ်ထွက်လာဖို့အတွက် လမ်းဖွင့်ပေးခဲ့ခြင်းလည်းဖြစ်ပါတယ်။

    အံ့ဖွယ်စာရေးဆရာ

    စာအုပ်စာပေနဲ့ ပတ်သက်တဲ့ နယ်ပယ်က ပညာရှင် အလ်-နဒီမ်းကတော့ အလ်-ကင်ဒီဟာ သူ့ခေတ်သူ့အခါရဲ့ သိပ္ပံကဏ္ဍမှာ စာအုပ်ပေါင်း ၂၄၂ အုပ် ရေးသားခဲ့တယ်လို့ ဖော်ပြခဲ့ပါတယ်။ အခြားသုတေသနပညာရှင်တွေကတော့ ကင်ဒီဟာ စာအုပ်ပေါင်း ၂၈၀ ရေးသားခဲ့တယ်လို့ဆိုပါတယ်။ ကင်ဒီရဲ့ ရေးသားချက်တော်တော်များများဟာ ဒီနေ့ခေတ်မှာ မကျန်ရှိတော့ပေမယ့် သမိုင်းပညာရှင်တွေကတော့ ကင်ဒီဟာ ကြီးကျယ်တဲ့ တွေးခေါ်ပညာရှင်၊ စွယ်စုံရပညာရှင်နဲ့ အရေးသွက်တဲ့ စာရေးဆရာတစ်ဦးအဖြစ် မှတ်ယူထားကြပါတယ်။

    ကင်ဒီရဲ့ အောင်မြင်မှုတွေဟာ ဥရောပက တွေးခေါ်ပညာရှင်တွေအပေါ်မှာ ကျယ်ကျယ်ပြန့်ပြန့် လွှမ်းမိုးခဲ့ပါတယ်။ ကင်ဒီရဲ့ စာအုပ်တွေကို လက်တင်ဘာသာသို့ ပြန်ဆိုပြီးနောက်ပိုင်းမှာတော့ ကင်ဒီဟာ အနောက်နိုင်ငံတွေမှာ တွေးခေါ်ပညာရှင်၊ အလင်းနဲ့ပတ်သက်တဲ့ ပညာရှင်အဖြစ် ထင်ရှားကျော်ကြားခဲ့ပါတယ်။ ကင်ဒီရဲ့ ပျောက်ဆုံးနေခဲ့တဲ့ စာအုပ် ၂၄ အုပ်ကို တူရကီစာကြည့်တိုက်တစ်ခုမှာ ၂၀ ရာစုအလယ်ပိုင်းက ပြန်တွေ့ခဲ့ပါတယ်။ အာရဗီဘာသာစကားနဲ့ ရေးထားတဲ့ ဒီစာအုပ်တွေဟာ အရေးပါဆုံးစာအုပ်တွေလည်းဖြစ်ပါတယ်။
    အဘူယူစွဖ် ယာကွဗ် အစ်ဗနေ့ အစ်ဟာက် အလ်-ကင်ဒီကို အနောက်နိုင်ငံတွေမှာတော့ အလ်ကင်ဒွတ်စ်လို့ သိကြပါတယ်။ မွတ်စလင်ကမ္ဘာမှာလည်း ကင်ဒီဟာ အစ္စလာမ့်ဒဿနိကဗေဒပညာရပ်ရဲ့ ဖခင်အဖြစ် ထင်ရှားခဲ့ပါတယ်။

    ၀မ်းနည်းဖွယ်နိဂုံး

    ဒဿနိကဗေဒနဲ့ သိပ္ပံနပညာရပ်တွေမှာ အပတ်တကုတ်ကြိုစားအားထုတ်ခဲ့တဲ့ ကင်ဒီဟာ အဘာစစ်ထီးနန်းကို ဆက်ခံခဲ့တဲ့ ရှေးရိုးစွဲဝါဒီ ခလီဖာ မူသာဝက်ကီလ်ရဲ့ လက်ထက်မှာတော့ နှိပ်စက်ငြှင်းပမ်းမှုကို ခံခဲ့ရပြီး ဘဂ္ဂဒတ်နန်းတော်ကနေ မောင်းထုတ်ခံခဲ့ရပါတယ်။ ဒါပေမယ့် ဒူပေဒါပေခံတဲ့ ကင်ဒီဟာ နောက်ထပ် ၁၀ စုနှစ်တစ်ခုလောက် အသက်ရှင်ခဲ့ပြီး အေဒီ ၈၇၃ အသက် ၇၂ နှစ်မှာ ဘဂ္ဂဒတ်မြို့မှာပဲ ကွယ်လွန်ခဲ့ပါတယ်။

  • အရစ္စတိုတယ်နှင့် အလ်-ဖာရာဘီပြီးနောက် ‘တတိယမြောက် ဂုရု’ “နီဆာရ် အလ်-ဒင် အလ်-တူဆီ”

    ဇန်နဝါရီ ၂၇၊ ၂၀၁၄
    M-Media
    ရှာဖွေတင်ဆက်သူ- ကိုလေး

    Al-Tusi_Nasirခါဝါဂျာ မုဟမ္မဒ် အစ်ဗနေ့ မုဟမ္မဒ် အစ်ဗနေ့ ဟာဆန် အလ်-တူဆီ (Khawaja Muhammad ibn Muhammad ibn Hasan Tusi) လို့ အမည်ရတဲ့ အလ်-တူဆီကို သက္ကရာဇ် ၁၂၇၄ ခုနှစ် ဖေဖော်ဝါရီလ ၁၇ ရက်နေ့မှာ တွစ်မြို့ (ယခု အီရန်အရှေ့မြောက်ပိုင်း) မှာ မွေးဖွားခဲ့တာပါ။ တူဆီကို နီဆာရ် အလ်-ဒင် အလ်-တူဆီ(Nasīr al-Dīn al-Tūsī)လို့ လူသိများပြီး ပါရှန်းလူမျိုး မွတ်စလင် ပညာရှင်တစ်ယောက် ဖြစ်ပါတယ်။ သိပ္ပံနဲ့ အတွေးအခေါ် နယ်ပယ်တွေမှာ စာအုပ်ပေါင်း များစွာရေးခဲ့တဲ့ တူဆီကို နက္ခတ္တဗေဒ ပညာရှင်၊ သင်္ချာပညာရှင်၊ ရူပဗေဒ ပညာရှင်၊ အတွေးခေါ်နဲ့ ဘာသာရေး ပညာရှင် တစ်ဦးလို့လည်း မှတ်ယူနိုင်ပါသေးတယ်။

    တူဆီဟာ သင်္ချာ၊ ဒဿနိကဗေဒနဲ့ ဘာသာရေး၊ သိပ္ပံနယ်ပယ်တွေ အတွက် အာရဗီ၊ ပါရှန်း စတဲ့ ဘာသာစကားတွေနဲ့ စာအုပ်ပေါင်း ၁၅၀ ကျော်ရေးသားခဲ့ပါတယ်။ သူရဲ့ ကလောင်စွမ်းထက်မှု၊ သူရေးသားတဲ့ စာအုပ်တွေရဲ့ အရေးပါမှုကြောင့် တူဆီကို ‘လူခပ်သိမ်းရဲ့ဆရာ’၊ ‘အောင်မြင်သော ပညာရှင်အာစရိ’၊ (အရစ္စတိုတယ်နှင့် အလ်-ဖာရာဘီပြီးနောက်) ‘တတိယမြောက် ဂုရု’ စသဖြင့် ခေတ်အဆက်ဆက် ပညာရှင်များက တင်စားခေါ်ဝေါ်ခဲ့ကြပါတယ်။ ဒါ့အပြင် တူဆီဟာ အီရန်မြောက်ပိုင်း မာရာဂါ (Maragha) ဒေသမှာရှိတဲ့ နက္ခတ္တဗေဒဆိုင်ရာမှာ ကျော်ကြားတဲ့ သုသေသနစင်တာရဲ့ အုပ်ချုပ်သူ တစ်ယောက်လည်းဖြစ်ပါသေးတယ်။

    တူဆီဟာ ပညာတတ် မိသားစုက မွေးဖွားလာတာဖြစ်ပြီး အဖေနဲ့ ဦးလေးဖြစ်သူတို့က အစ္စလာမ် ဘာသာရေး သိပ္ပံနဲ့၊  ရိုးရိုးသိပ္ပံ ပညာရပ်တွေကို တတ်မြောက်လာအောင် တူဆီကို တွန်းအား ပေးခဲ့ကြတာပါ။ တူဆီဟာ ဒဿနိကဗေဒနဲ့ သင်္ချာ ပညာရပ်တွေကိုလည်း မွေးရပ်မြေ တွစ်မြို့မှာ ဆည်ပူးခဲ့ပါတယ်။ ဒါပေမယ့် သက္ကရာဇ် ၁၂၁၃ နောက်ပိုင်း မှာတော့ တူဆီဟာ နီရှာပူးရ်မြို့ကို သွားရောက်ခဲ့ပြီး သိပ္ပံ၊ ဆေးပညာနဲ့ ဒဿနိကဗေဒ ပညာရပ်တွေကို ဆက်လက် ဆည်းပူးခဲ့ပါတယ်။ မွတ်စလင် သိပ္ပံပညာရှင်ကြီး တစ်ဦးဖြစ်တဲ့ အစ်ဗနေ့ ဆီနာရဲ့ ရေးသားချက်တွေကို လေ့လာခဲ့ပြီး ဆီနာရဲ့ အတွေးအခေါ်တွေက တူဆီကို လွှမ်းမိုးခဲ့တာပါ။

    တူဆီဟာ နောက်ပိုင်းမှာ အီရတ်နိုင်ငံကို သွားရောက်ခဲ့ပြီး မူဆိုးလ်မြို့က ဥပဒေ ပညာရှင် တစ်ဦးဖြစ်တဲ့ ကမာလ် အလ်-ဒင် အစ်ဗနေ့ ယူနွတ်စ်(Kamāl al-Dīn ibn Yūnus) ထံမှာ ဥပဒေပညာရပ်ကို လေ့လာခဲ့ပါတယ်။ အစ်ဗနေ့ ယူနွတ်စ်ဟာ ဥပဒေပညာအပြင် နက္ခတ္တဗေဒနဲ့ သင်္ချာနယ်ပယ်တွေမှာလည်း ကျော်ကြားတဲ့ ပါရဂူမြောက် ပညာရှင် တစ်ဦးဖြစ်ပါတယ်။

    တူဆီဟာ သူရဲ့လေ့လာမှုတွေပြီးဆုံးခဲ့ပြီးနောက် ၁၂၃၀ရဲ့ အစောပိုင်းခုနှစ်တွေမှာတော့ အီရန်အရှေ့ပိုင်းမှာရှိတဲ့ အစ္စမာအီလီ(Ismā’īlī) နန်းတော်မှာ သူ့ကို ကူညီထောက်ပံ့ပေးနိုင်တဲ့သူတွေနဲ့ တွေ့ခဲ့ပြီး အစ္စမာအီလီရုံးစိုက်ရာ အလာမွတ်(Alamūt) ကို ပြောင်းရွှေ့ခဲ့ပါတယ်။ အလာမွတ်မြို့ဟာ ၁၂၅၆ ခုနှစ်မှာ မွန်ဂိုတွေ အုပ်ချုပ်မှုကိုခံခဲ့ရပြီး တူဆီဟာလည်း မွန်ဂိုဘုရင် ဟူလာဂူ(Hūlāgū) ရဲ့ အကြံပေးတစ်ယောက်အဖြစ် တာဝန်ထမ်းဆောင်ခဲ့ပါတယ်။ အဲဒီနောက်မှာတော့ တူဆီဟာ နန်းတော်ရဲ့ နက္ခတဗေဒ ပညာရှင်နဲ့ အောင်ကဖ်(awqāf) လို့ခေါ်တဲ့ သာသနာရေးဝန်ကြီး ဖြစ်လာပါတော့တယ်။ ရာထူးအသစ်နဲ့ တူဆီဟာ နက္ခတဗေဒဆိုင်ရာ သုတေသနစင်တာ တစ်ခု တည်ဆောက်ဖို့ ဟူလာဂူဘုရင်ကို တောင်းဆိုခဲ့ပြီး၊ စင်တာဆောက်လုပ်ရေး လုပ်ငန်းတွေကိုလည်း ကိုယ်တိုင်ကိုယ်ကျ ကြီးကြပ်ခဲ့ပါတယ်။ အဲဒီစင်တာဟာ မွန်ဂိုအင်ပါယာရဲ့ အဓိကရုံးစိုက်ရာ အဇာဘိုင်ဂျန်နိုင်ငံ မာရာဂါ မြို့မှာ တည်ရှိပြီး ၁၂၇၄ ခုနှစ် ကွယ်လွန်ချိန်အထိ တူဆီဟာ ထိုစင်တာရဲ့ အုပ်ချုပ်သူအဖြစ် တာဝန်ထမ်းဆောင်ခဲ့ပါတယ်။

    မာရာဂါ သုတေသနစင်တာမှာ ကျောင်းဆောင်နဲ့ စာကြည့်တိုက်တို့ပါဝင်ပြီး ထိုခေတ်ကာလထိ ဆောက်လုပ်ခဲ့သမျှ စင်တာများထဲမှာ ရည်မှန်းချက်ကြီးမားသော စင်တာများထဲမှ တစ်ခုဖြစ်ကာ ကျွမ်းကျင်မှုပြည့်ဝတဲ့ သုတေသန စင်တာ လည်းဖြစ်ပါတယ်။ မာရာဂါစင်တာဟာ အစ္စလာမ်ကမ္ဘာက ကျော်ကြားသော၊ ပါရမီရှိသော ပညာရှင်များ ကျောင်းသားများကို ဆွဲဆောင်နိုင်ခဲ့သလို တရုတ်ပြည်ကဲ့သို့ ဝေးလံခေါင်ဖျားသောဒေသများမှ ပညာရှင်များကပင် မာရာဂါ စင်တာသို့ လာရောက်ပညာဆည်းပူးခဲ့ကြတာပါ။ ထိုမာရာဂါ သုတေသန စင်တာဟာ နှစ်ပေါင်း ၅၀ ခန့်တည်တံ့ခဲ့ပါတယ်။

    အဲဒီစင်တာရဲ့ စူးစမ်းလေ့လာမှုတွေ ရပ်တန့်သွားခဲ့ပေမယ့် မာရာဂါစင်တာက ထွက်ပေါ်လာခဲ့တဲ့ သိပ္ပံဆိုင်ရာ အမွေအနှစ်တွေကတော့ တရုတ်ပြည်နဲ့ ဥရောပမှာ ရာစုနှစ်ပေါင်းများစွာ ကျန်ရစ်ခဲ့ပါတော့တယ်။ အဲဒီ စင်တာကို လူငယ်ဘ၀က လာရောက်လည်ပတ်ခဲ့ဖူးပြီး အားကျခဲ့တဲ့ သိပ္ပံပညာရှင် Ulugh Beg ဟာ နောင်တစ်ချိန်မှာ စမာကန် သုတေသနစင်တာကို တည်ထောင်ခဲ့ပါတယ်။

    ၁၆ ရာစုနှောင်းပိုင်းက ဒိန်းမတ်ဘုရင် တိုင်ချိုဘရာဟီ (Tycho Brahe) တည်ဆောက်ခဲ့တဲ့ သုတေသနစင်တာ၊ ၁၈ ရာစုမှာ မဂိုဘုရင် ဂျိုင်စင်း(Jai Singh) တည်ဆောက်ခဲ့တဲ့ စင်တာတွေ အပါအ၀င် မဂိုအင်ပါယာ အိန္ဒိယကို အုပ်စိုးစဉ်အခါက ဆောက်လုပ်ခဲ့တဲ့ စူးစမ်းလေ့လာရေးစင်တာတွေအားလုံးဟာ စောစောပိုင်းရာစုနှစ်များက အစ္စလာမ်ကမ္ဘာမှာ ဆောက်လုပ်ခဲ့တဲ့ စင်တာတွေရဲ့ လွှမ်းမိုးမှုတွေ ရှိခဲ့ပါတယ်။

    ၁၂၇၄ ခုနှစ်မှာတော့ တူဆီဟာ သူရဲ့ ကျောင်းသားတစ်စုနဲ့အတူ မာရာဂါစင်တာကို စွန်ခွာခဲ့ပြီး ဘဂ္ဂဒတ်ကို ခရီးထွက်ခဲ့ပါတယ်။ တူဆီရဲ့ ရေးသားချက်တွေမှာ ကိုယ်ပိုင်ရေးသားမှုတွေ၊ ရှေးခတ် ဂရိနဲ့ အစောပိုင်း အစ္စလာမ့်သိပ္ပံဆိုင်ရာ ပညာရပ်တွေကို ပြန်ပြောင်းရေးသားခဲ့တာတွေ ပါဝင်ခဲ့ပါတယ်။ ရှေးကတွေ့ ရှိချက်တွေကို ပြန်ပြောင်းရေးသားတဲ့ အဲဒီစာအုပ်တွေမှာလည်း တူဆီဟာ သူရဲ့ ကိုယ်ပိုင်ရှင်းလင်းချက်တွေကို ထပ်ဖြည့်ခဲ့ပါတယ်။ သူရဲ့အမြင်တွေ ထပ်ဖြည့်ထားတဲ့ အဲဒီစာအုပ်တွေဟာ သိပ္ပံနဲ့ဆိုင်တဲ့ ဘာသာရပ်တော်တော် များများမှာ စံထားစရာ စာအုပ်တွေဖြစ်ခဲ့ပါတယ်။ အဲဒီစာအုပ်တွေထဲမှာ ယူကလစ်ရဲ့ Elements ဆိုတဲ့စာအုပ်နဲ့၊ တော်လမီ ရဲ့ Almagest စာအုပ်တွေ ပါဝင်ခဲ့ပြီး၊ အဲဒီစာအုပ်တွေနဲ့ ယူကလစ်ရဲ့ အခြားစာအုပ်တွေကို ဆက်စပ်လေ့လာဖို့အတွက် ကျမ်းတွေကိုလည်း ရေးသားခဲ့ပါသေးတယ်။

    A stamp issued in the republic of Azerbaijan in 2009 honoring Tusi
    ၂၀၀၉ ခုနှစ်တွင် အဇာဘိုင်ဂျန်နိုင်ငံမှ တူဆီအား ဂုဏ်ပြု ထုတ်ဝေခဲ့သည့် တံဆိပ်ခေါင်း

    သင်္ချာနယ်ပယ်မှာတော့ တူဆီဟာ ယူကလစ်ရဲ့ မျဉ်းပြိုင် အယူအဆကို ဆန်းပြားတဲ့ သက်သေပြချက်တစ်ခုနဲ့ မိတ်ဆက်ပေးခဲ့ပြီး အဲဒီ သက်သေပြချက်က ယူကလစ်ရဲ့ အဆိုနဲ့မတူတဲ့ ဂျီအိုမေထရီ ပညာရပ်အသစ် ဖွံ့ဖြိုးလာဖို့အတွက် အလွန်အရေးပါခဲ့ပြီး တရိုင်ဂိုနော် မက်ထရီ ပညာရပ်ကိုလည်း နက္ခတ္တဗေဒမှ ခွဲထွက်စေခဲ့ကာ သီးသန့်ဘာသာရပ်တစ်ခု ဖြစ်လာစေခဲ့ပါတယ်။ တူဆီဟာ လော့ဂျစ်စာအုပ်၊ လူ့ကျင့်ဝတ်စာအုပ်နဲ့ သိပ္ပံပညာရှင် အစ်ဗနေ့ဆီနာရဲ့အတွေးအခေါ်ပညာရပ်ကို ရှင်းလင်းပြတဲ့ ဒဿနိက စာအုပ်တွေကိုလည်း ရေးသားခဲ့ပြီး၊ အဲဒီစာအုပ်တွေဟာ လူ့ဖွဲ့အစည်းတွင်းမှာ  အရေးပါကာ၊ လွှမ်းမိုးမှုရှိတဲ့ စာအုပ်တွေ ဖြစ်လာခဲ့ပါတယ်။

    နက္ခတ္တဗေဒနဲ့ပက်သက်ပြီး ရေးခဲ့တဲ့စာအုပ်တွေမှာ အလ်-တဒ်ကီရာ ဖီ အီလ်မ် အလ် ဟာယာ (Al-Tadhkira fī ‘ilm al-hay’a) စာအုပ်ဟာ အဓိကကျခဲ့ပါတယ်။ တော်လမီရဲ့ နက္ခတ္တဗေဒအယူအဆကို ပြုပြင်ပြောင်းလဲပြီး ရေးသားခဲ့တဲ့ ဒီစာအုပ်ဟာ အလယ်ခေတ် အစ္စလာမ့် နက္ခတ္တဗေဒလောကနဲ့၊ ကော့ပါးနီးကပ်စ်လို ဥရောပရဲ့ အစောပိုင်း ခေတ်သစ် နက္ခတ္တဗေဒပညာရှင်တွေကိုပါ လွှမ်းမိုးခဲ့ပါတယ်။ ဒါတင်မကဘဲ တူဆီဟာ လက်တွေ့အသုံးချ နက္ခတ္တဗေဒကျမ်း၊ သီအိုရီဆိုင်ရာ နက္ခတ္တဗေဒကျမ်းနဲ့ စကြာဝဠာဗေဒကျမ်းတွေကိုလည်း ရေးသားခဲ့ပါသေးတယ်။ ဒါ့အပြင် ပါရှန်း ဘာသာစကားနဲ့လည်း နက္ခတ္တဗေဒနယ်ပယ်မှာ အရေးပါတဲ့ စာအုပ်တစ်အုပ်ကိုရေးသားခဲ့ပြီး ဇစ်-အီ အစ်ခ်ဟာနီ(Zīj-i Īlkhānī)လို့ အမည်ရပါတယ်။ များသောအားဖြင့် ဒီစာအုပ်တွေဟာ သူ့အရင် ထွက်ပေါ်ခဲ့တဲ့ စာအုပ်တွေရဲ့ ရှင်းလင်းချက်တွေ၊ ထပ်ဆင့်ရှင်းလင်းချက်တွေပါပဲ။ သူ့ရဲ့ ပါရှန်းဘာသာစကားနဲ့ရေးထားတဲ့ စာအုပ်တွေကို အာရဗီဘာသာသို့ ပြန်ဆိုခဲ့ပါတယ်။ အဲဒီလိုပြန်ဆိုခဲ့တဲ့အတွက်ကြောင့် နောက်ပိုင်း အစ္စလာမ့်သိပ္ပံလောကရဲ့ မျိုးဆက်တွေပေါ်မှာ အများကြီး လွှမ်းမိုးခဲ့ပြီး၊ အချို့စာအုပ်တွေဟာ ၂၀ ရာစုအထိ အသုံးဝင်လာခဲ့ပါတယ်။

    Iranian stamp for the 700th anniversary of his death
    တူဆီ ကွယ်လွန်ခြင်း နှစ် ၇၀၀ ပြည့်အထိမ်းအမှတ် အီရန်မှ ဂုဏ်ပြုထုတ်ဝေခဲ့သည့် တံဆိပ်ခေါင်း

    ကမ္ဘာဂြိုဟ်နဲ့ပက်သက်တဲ့ သီအိုရီတွေမှာဆိုရင်လည်း တူဆီဟာ အီဂျစ် သိပ္ပံပညာရှင် တော်လမီရဲ့ မဆီလျော်တဲ့ အချက်အလက်တွေကို ပြုပြင် ခဲ့ပါတယ်။ အထူးဖြင့် လေးလံတဲ့ဝတ္ထုပစ္စည်းတွေအတွက် စက်ဝိုင်းပုံရွှေ့လျားမှုနဲ့ ပက်သက်ပြီး အခြေခံစည်းမျဉ်း ချိုးဖောက်မှုတွေပါပဲ။ ဒါတွေကို ပြင်ချင်တဲ့ ရည်ရွယ်ချက်ကြောင့်ပဲ တူဆီဟာ စက်ဝိုင်းနှစ်ခုပါဝင်တဲ့ နက္ခတဗေဒဆိုင်ရာ ပုံစံတစ်ခုကို တီထွင်ခဲ့ပြီး သူထွင်ခဲ့တဲ့အဲဒီပစ္စည်းကို သမိုင်းပညာရှင်တွေက ‘တူဆီစုံတွဲ’ လို့ခေါ်ပါတယ်။ စက်ဝိုင်းအကြီး၊ အသေးနှစ်ခုပါပြီး သူတို့ရဲ့ tangent မျဉ်းတွေကို တစ်ထပ်တည်းကျနေတဲ့ အဲဒီပုံစံကိုအသုံပြုပြီး တော်လမီရဲ့ လက်တီကျုဆိုင်ရာသီအိုရီတွေ၊ လနဲ့ပက်သက်တဲ့ ပုံစံတွေကိုလည်း ပြင်နိုင်ခဲ့ပါတယ်။

    တူဆီဟာ ဒါနဲ့ ပက်သက်ပြီး သူရဲ့တွေ့ရှိချက် ပုံစံတော်တော်များများကို အာရဗီဘာသာ စကားနဲ့ ရေးသားထားတဲ့ အလ်-တက်ဒ်ကီရာ ဖီ အီလ်မ် အလ်-ဟာယာ (Al-Tadhkira fī ‘ilm al-hay’a) ကျမ်းမှာ ဖော်ထုတ်ထားပြီး အဲဒီတွေ့ရှိ ချက်တွေဟာနက္ခတ္တဗေဒ သမိုင်းမှာ အလွန် အရေးပါခဲ့ပါတယ်။ ဒါတင်မကသေးဘဲ သူရဲ့နောက်ပိုင်းမှာ ပေါ်ပေါက်ခဲ့တဲ့ နက္ခတဗေဒပညာရှင်တွေနဲ့ စကြ၀ဠာဗေဒ ပညာရှင်တွေအပေါ်မှာ တူဆီရဲ့ ကမ္ဘာကြီးရွှေ့လျားမှုဆိုင်ရာ တွေ့ရှိချက်တွေဟာ လွှမ်းမိုးခဲ့ပါတယ်။

    တူဆီရေးသားခဲ့တဲ့ ၁၅၀ ကျော်သောစာအုပ်တွေထဲမှာ ရူပဗေဒ၊ ဓာတုဗေဒနဲ့ ဇီဝဗေဒ စာအုပ်တွေလည်း ပါဝင်ခဲ့ပါသေးတယ်။ အစ္စလာမ့်သမိုင်းမှာ အကျော်ကြားဆုံး သိပ္ပံ ပညာရှင်တွေထဲက တစ်ဦးဖြစ်တဲ့ တူဆီဟာ သက္ကရာဇ် ၁၂၇၄ ခုနှစ်မှာ အလ်ကာဇီမီယာ (ယခု အီရတ်နိုင်ငံ ဘဂ္ဂဒတ်မြို့) မှာ ကွယ်လွန်ခဲ့ပါတယ်။ သူ့ကိုဂုဏ်ပြုတဲ့အနေနဲ့ လပေါ်က အချင်း ကီလိုမီတာ ၆၀ ရှိတဲ့ ချိုင့်ခွက်တစ်ခုကို သူ့ရဲ့နာမည်ဖြစ်တဲ့ နာဆီရက်ဒင်(Nasireddin)လို့ အမည်ပေးထားပြီး၊ ၁၉၇၉ ခုနှစ်က ဆိုဗီယက် နက္ခတ္တဗေဒပညာရှင် နီကိုလိုင်း စတီပန်နိုဗစ်ခ်ျ ချာရ်နိုက်(Nikolai Stepanovich Chernykh) တွေ့ရှိခဲ့တဲ့ ဂြိုဟ်ငယ်လေးတစ်ခုကိုလည်း တူဆီ ၁၀၂၆၉ (10269 Tusi) လို့အမည်ပေးခဲ့ပါတယ်။

    10418324_758280350873503_5737806535240894871_n

    အီရန်နိုင်ငံက နည်းပညာတက္ကသိုလ်တစ်ခုနဲ့ အဇာဘိုင်ဂျန်က စူးစမ်းလေ့လာရေးစင်တာတစ်ခုကိုလည်း တူဆီရဲ့အမည်ပေးထားပါသေးတယ်။ ဒါတင်မကေသေးဘဲ ဂူးလ်ဂဲလ်ကလည်း တူဆီရဲ့ ၈၁၂ နှစ်မြောက်မွေးနေ့ ကျရောက်တဲ့ ကာလမှာ Google ရဲ့ အဖွင့်စာမျက်နှာမှာ တူဆီရဲ့ပုံနဲ့ ဂုဏ်ပြုခဲ့ကြောင်းပါ……….

    Ref: Muslim Heritage